26-11-18, 10:27 PM
| #8293 | |||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
|  اقتباس:
قلوب كثيراااااااااااات لاحلى تصميم .. حبيته هواية  | |||||||||
|  |
|
27-11-18, 05:16 AM
| #8294 | ||||||||
| نجم روايتي 
| الفصل التاسع والعشرون <3 غيداء اتجننت .. خلاص انا مبقتش عارفه اقول عليها خلصت القاموس بتاعي الخاص بالشتائم .. اجيب من فين حاجه تليق بجنونها وقرفها وهوسها المريض ده الا انها بتودع وبتخسر ... يعني خطورتها هتزيد الاحداث الجايه بعد ما عرفت انها احتمال متحصلش على اللي عايزاه ممكن ترتكب جريمه اخرى .. ممكن ترتكب فضيحه وتهد الدنيا وتبقى عليها وعلى اعدائها ممكن تعمل اي شئ الا انها متخسرش لوحدها ربنا يهدك يا بنت المجانين عم سعدون ... ياعم بقى حرام عليك هتخليني اعيط الراجل ده صعب يكون وحيد يا كاري خاصه بعد معاشرته لرعد وتعوده عليه وعلى انه مبقاش وحيد واصبح ليه رفقه تهتم وتعتني بيه تأثره باخفاء رعد حقيقه كشفه لحركات سعدون في التجسس ومحاولات كشف اسراره .. تأثره ان رعد تقبل كل ده لانه عارف انه بيحب يعمل كده وعشان كده سمح ليه انه يتطفل عليه في المساحه اللي هو راغب فيها يعني منحه اللي هو عايزه وفي نفس الوقت متعداش على خصوصيه واسرار رعد الخاصه بس رعد هيكون في البيت المقابل لعد سعدون بما انه هيسكن في بيت العطار .. يعني مش هيتركه وحيد ابدا واخيرا انفك النحس يا جدعاااااااااااااااان لولولوولولي ... اخيرا مهند حصل على قله الادب الحلال طبعا مبسوطه جدا جدا بكل اللي وصل ليه .. مهند رجل يستحق السعاده والحب .. يستحق بعد كل اللي اتعرض ليه وعاشه من خلال التجارب اللي مر فيها في حياته لولا كل اللي مر بيه مكنش وصل للحال ده .. مكنش وصل للاستقرار ده .. مكنش وصل لسلامه النفسي .. مكنش حصل على سعادته واسرته الصغيره قدر ينجح في اخر فرصه حصل عليها .. قدر يثبت لجوري زوجته انه عاشق ليها .. انه مستعد انه يبدأ معاها حياته ويكون الرجل اللي يستحقها ويستحق انه يمنحها الحب والعشق اللي امرأه مميزة وفريده زيها تستحقه مفاجأته مبتخلصش .. قدر يقدم ليها كل حاجه عشان تسلم وتستسلم ليه بكل سهوله منحها نفسه .. منحها كيانه وجسده .. منحها احساس انها مع زوجها ورجلها الوحيد اينعم دي مش اول مرة تحس ان مهند معاها بقلبه وبجسده .... ان اللي معاه وفي احضانه زوجته وحبيبته لان ده حصل في اليوم المنشود ليها لما حققت انتقامها منه وتركته بعد ليله حب عاصفه جمعت بينهم هما الاتنين بس برضه الامر يختلف .. لان المرة دي الامر تم بدون انتقام .. بدون غصب .. الاتنين كانوا راغبين بشده في حدوثه .. الاتنين كانوا راغبين في انهم يرتاحوا ويستقروا مع بعض اخيرا اعتقد انهم اصبحوا على الطريق الصحيح اخيرا .. فقط خطوة واحده متبقيه الثقه التامه .. جوري محتاجه تثق في مهند وانه اصبح ليها هي لوحدها .. اصبح ملكها بدون اي اشباح وذنوب وده هيحصل لما تتقابل مع حبيبه او شذره .. اي حد فيهم ليه علاقه بالماضي وانا اعتقد انها لازم تتقابل مع شذره .. لانها ظهرت ودخلت حياه مهند وقت ما هي كانت زوجته وهي اللي سمعت زوجها راغب ومحتاج اليها وانه عايز يتزوج عليها لازم تقفل الصفحه ديه .. لازم تواجه عشان ترتاح وتحصل على الثقه وتمنحها في المقابل رقيه ورعد ايه الحلاوة والجمال ده ايه الثنائي الحلو والرائع ده كالعاده رقيه بتنفذ وعدها في حمايه رعد وانقاذه من العنكبوته السوداء المجنونه غيداء مش مجنونه .. هي مريضه .. مرضها تخطى كل الجنون والهوس اللي زي دي علاجها الموت عشان تريح نفسها مع ان مفيش راحه ليها ابدا عجبتني رقيه جدا جدا وهي بتدافع بشراسه عن ممتلكاتها .. عجبتني جدا وهي بتبعد رعد عن محيطها عجبتني جدا وهي بتنقذ رعد من الماضي وتأنيب الضمير وعقده الذنب اللي عايش بيها طول السنين الطويله دي كأنها بتسحب السم من جسده .. بتمنحه الترياق اللي يساعده على العلاج وعلى التأقلم مع الحياه الجديده اللي بدأ فيها كلامها عن انه مالوش اي ذنب في اللي حصل .. انه لازم ميحسش بالذنب ولا بالخيانه لانه طعن في شرف عمه وخانه هو كان شاب مراهق اتعرض للخداع وفي حاله صدمه وذهول كان ضعيف .. كان وحيد .. كان بشر وضعف في لحظه لحظه واحده استغلتها الحقيره الخبيره كويس جدا عشان تحصل على اللي هي عايزاه الحقيره دي خبيره في كل شئ مش بس قله الادب لا دي قدرت تسيطر على رعد وتخليه عايش بالذنب والخزى طول السنين دي كانت عايزاه يضعف عشان تكون في انتظاره وتحصل عليه اخيرا الا انه مش لوحده .. الا انه مش ضعيف .. الا انه مش هيضعف ويستسلم من جديد كفايه وجوده بجوار رقيه .. الدميه القصيره القادره على فعل المستحيل معاه كفايه انها قادره على استخراج الاسرار وكشف نقاط ضعفه ورميها في حضنها عشان تعالجها وتكون معاه هي كمان هتفعل المثل وترمي اسرارها ونقاط ضعفها اللي محدش يعرفها ابدا الاتنين محتاجين بعض .. الاتنين هيلاقوا بعض في الاخر كله كوم واعتراف رعد بالحب كوووووم تاني عشقت المشهد ده جدا .. عشقت اعتراف الحب من كل الاتجاهات عشقت استسلام رعد واعترافه بالعشق بكل حريه وسهوله عشقت ان دراكولا وقع في الغرام وقادر انه يعترف بيه بدون خوف ولا رعب ولا تردد ابدا رقيه القصيره رغم كل شئ تستحق ده واكتر خليل وحصوله على شذره اخيرا .. حصوله على حلمه اللي محلمش بغيره طول حياته اااااااه من خليل .. من افضل الابطال اللي في السلسله بحبه جدا جدا حديثه مع رضا هو الصح .. هو كان لازم يكون اناني ويضمن ان شذره ملكه وبين ايده اخيرا محتاج انه يعرفها حبه والعشق اللي جواه ليها هي فقط رضا عاشق مثله .. رضا بيثق فيه عشان كده هيمنح ما يريد حبيت جدا جدا المشهد الخاص بيهم بعد عقد القران مشهد رقيق .. مشهد يفرح كده ويخلي القلب سعيد جدا وده اللي حصل مع خليل اللي لحد الان غير مصدق ان شذره ملكه واصبحت في حضنه لحظه وكان هيأكد بالدليل القاطع انها في حضنه .. الا ان الست ابتهال والبطاطا بتاعتها بوظت بل ودمرت اللحظه بس مش مهم اللحظات جايه كتيييييير ان شاء الله .. اصل لازم تيجي الراجل محروم وبيعاني طول الروايه .. لازم نظبطه .. هاااااا نظبطه مش ننفخه .. كفايه نفخ فيه ليفرقع مننا الست اللي انجبت خلود وخليل .. الله ياخدك حرقتي دمي من جديد زي ما قولت سابقا .. هي عايزه ومحتاجه وتموت رغبه في انها تكون زوجه .. محتاجه رجل في حياتها .. محتاجه تحس انها مسئوله من رجل مهما كان انجبت خلود وخليل اه الا انهم مكنوش بأهميه انها تتمسك بيهم وتتخلى عن كل شئ لاجل خاطرهم مش هتكلم عليها اكتر لانها لا تستحق اشجان الحقيره ليه .. ليه .. ليييييييييييه ليه صعبت عليا ووجعت قلبي وهي بتنادي والدتها ؟!! ليه رجعت اتعاطف معاها واشفق عليها من جديد رغم اني مازالت بكرهها وبتمنى ليها الموت .. الا انها وجعت قلبي يا كاري تبا لها بجد .. ياترى هل هتفوق اخيرا وتكتفي باللي في ايدها وتترك خليل نهائيا ؟!! لا اعتقد ذلك .. زي ما قولت وبقول " ديل الكلب عمره ما يتعدل " الحقيرة دي مازالت تريد الاذيه وهدم كل شئ لاجل الحصول على اللي هي عايزاه .. مش مهم اي شئ اخر فقط هي ورغباتها الحقيره الانانيه خلود وكلامها عن الحلم اللي شافته ودعائها لرباب اللي زي دي مش تستحق الفرحه بقى يا كاري اللي زي دي وعندها طيبه قلب ونقاء .. عندها حب وحنان بلا حدود ... عندها تضحيه ووفاء يبقى ليه متسحش بالسعاده وتحقق اللي نفسها فيه انا وجمييييييييع القراء نفسنا ان خلود تحصل على زيد وتحقق حلمها اللي رغم كل شئ بيدل على صعوبه تحقيقه الا انها مازالت متمسكه بيه بكل براءه الا اني شفت استثناء .. اه وربنا يا جدعان تعليق ان خلود بتمتلك كل شئ وحياتها مستقره وانها مش لازم تحصل على الولد عشان تحصل على السعاده ؟!! الصراحه اتغاظت جدا من التعليق ده في وقتها خلود اه بتمتلك رجل عاشق ليها .. متفهم ليها ولكل جنونها وعفويتها وبرائتها بل ومحب ليها بجنون بتمتلك طفله اصبحت تعويض ليها عن الطفل اللي غير قادره على الحصول عليه في المقابل سعاد حصلت على ام حبيتها اكتر من والدها نفسه ويمكن اكتر خلود بتمتلك اسره وعائله بتحبها واصبح وجودها في وسطهم شئ اساسي لا بديل عنه بس هل معنى كده اننا نقول ان ده كفايه عليها وليه تطمع في الحصول على المزيد ؟!! خلود من حقها تصبح ام وانا طبعا مش بقول ده لازم ولا واجب .. لان الامر في بأمر ربنا وحده .. انا فقط بتمنى ليها الحمل لانه تستحقه .. من حقها تسعد زوجها وتمنحه الطفل اللي هو راغب فيه بكل قوته وده طبعا من وجهه نظرها الهبله البرئيه جدا الفصل الثلاثون خليل وشذره يالهوي ... يالهوي .. يالهوي خليل عاشق جميل جدا .. كلامه جميل .. اشعاره جميله .. غزله جميل المشهد رقيق .. رائع .. جميل .. حالم .. مش هتكلم عنه لان مفيش كلام يوصف اي حاجه في اي حاجه المشهد اللي بعده ما شاء الله لازم اتكلم فيه لانه المواجهه قد حانت اخييييييرا مواجهه جباره فعلا مهند .. جوري . .شذره شذره كلنا عارفيين انها نسمه .. طريه .. بسكوته .. لا قويه جباره .. لا بارده ولا اي شئ من هذا القبيل طبعا مش بقول انها ضعيفه وسلبيه .. لا شذره قويه بطريقتها .. شجاعه في الوقت اللي لازم تكون فيه شجاعه وقويه الا انها الموقف صعب .. من الواضح انها مازالا بتشعر بالذنب انها كانت بتتكلم مع مهند .. بتتكلم مع رجل متزوج رغم انها رفضت وقطعت الكلام معاه لفتره .. رفضت الاتصال بيه ورفضت انه يتصل بها ضعفت لحظه وارتكبت غلط .. زي ما ارتكبه مهند بالظبط وجودها امامه من جديد والاهم مع خليل .. خلاها ترتكب .. خلاها تحس بالخوف والرهبه عشان كده انهارت للحظه . ... الا ان رقيه كان بجوارها .. كانت معاها وقدرت تقدم ليها مساعدتها وجزء من قوتها منحتها شجاعه عشان تواجه الموقف ومتترجعش .. عشان متحسش بالذنب ويسيطر عليها قدرت تلم الوقف وتنقذ ما يمكن انقاذه الا انها للاسف منحت خليل سبب للغضب .. للغيره .. للافكار غير الجيده اللي هترك اثر سلبي جواه وناحيتها وده اللي حصل .. خليل قرر الابتعاد .. قرر الهجر ولو لفتره صغيره وده الصح على فكرة .. خليل غضبه ناري .. مؤذي .. والغضب لو تواجد مع الغيره هيحصل دمار شامل وانجفار نووي وقنابل ذريه خليل ابتعد عشان غضبه ميأذيش شذره ويجرحها .. اتخذ القرار السليم كالعاده .. الدور على شذره .. شذره لازم هي اللي تقرب وتحاول توضح سبب انهيارها وتأثرها برؤيه مهند من جديد رقيه وشذره هي دي العلاقه اللي كنت منتظراها بين الاتنين دول من قمه الحقد والغضب وعدم التفاهم .. الي قمه القرب والمساعده والاحتياج الاتنين كانوا مشغولين بحياتهم الخاصه وكل اللي بيحصل معاهم عشان كده مكنش في سبيل انهم يتلاقوا وياخدوا استراحه ويقربوا من بعض لما كل واحده فيهم حياتها استقرت الي حد ما .. عثروا على الطريق اللي يقربوا فيه من بعض وده هيحصل كتير في الاحداث القادمه اكييييييييد مهند وجوري وجون وجون وجوووووووووون اظن كده اقول نهايه اللعبه .. مش كده يا كاري القطعه الاخيره اللي كانت ناقصه علاقتهم تم العثور عليها الثقه .. جوري منحت مهند ثقتها انها تقف بجواره .. تساعده .. تعينه على مواجهه الماضي وذنوبه .. تقبلت كل شئ ورضيت انها تساعد في ازالته والتخلص منه تماما حبيت جدا موقفها وافعالها .. حبيت جدا دعمها واسنادها لمهند على تقبلها اللي حصل وتفهمها .. على عدم لومه ولا تحميله المسئوليه واتهامه انه هو السبب بعد كل اللي حصل بينهم خاصه لما اعترف ليها بكل شئ اصبحت على علم بمهند وبكل اللي عانى منه .. اصبحت تعرف مهند وتعرف تفكيره وتصرفاته ودوافعه فهمته عشان كده تفهمته .. عشان كده قدرت انها تتصرف بحكمه وتحصل على زوجها من جديد عشان كده اصبحت تحارب عشان تفوز بالرجل اللي عشقته زمان ومازالت بتعشقه لحد الان الاتنين وصلوا لبر الامان .. وانا مبسوطه جدا جدا جدا جدا بيهم عائله الكلاب المجنونه غيداء واخيها الحقير وبعدين في العائله اللي مش عايزو تنتهي دي بقى انا بقول الاتنين يخلصوا على بعضو الخادمه المسكينه ترث كل شئ .. حرام دي شافت بلاوي ياترى هل من الممكن ان غيداء تقتل اخوها لانه السبب في حرمانها من رعد بدل المرة مرتين وتلاته ؟!! ولا لديها شويه من العقل ومش هتخسر نفسها بس في نفس الوقت قادره على التخلص منه بطريقه اخرى وياترى ايه اللي اخبرته بيه الخادمه ؟!! هل باعت كل املاك زوجها ؟!! هل لعبت في الوصيه ؟!! هل من الممكن انها تحرمه من كل اللي حصل عليه طول السنين دي كلها ؟! اعتقد العقاب ده كافي انه يدمر وميض الحقير تدمير نهائي ظهور الدكتور سامان من جديد ما الراجل ظهر اهو ظهوره كان لطيف وبريء .. وانا اللي كنت فاكرة انتقام رهيب وضرب نار للصباح الباكر الا ان برضه انتقامه كان رهيب بسهوله وبكل وضوح اعلن حرمان رقيه من حلمها انها تصبح معيده سحب من تحت قدميها البساط وخلاها تخسر وتفشل انا بقى مزعلتش ابدا بسبب اللي حصل لان رقيه غلطت لما تلاعبت بالدكتور سامان ودخلته في خطتها في الوصول للي هي عايزاه ولازم توصل ليه مع عدم اهميه الطريقه ولا المشاعر ولا اي شئ اخر سامان نفسه غلط لما حط ده قصاد ده .. يعني هو اعتبر ان موافقه رقيه عليه كزوج هيتقدم ليها وتوافق مادام هيخليها تحصل على حلمها وتتعين معيده تحت اشرافه هو مكنش واثق من موافقتها رغم الاشارات اللي منحتها ليه بقصد او بدون قصد .. عشان كده اشترط انه يحصل عليها الاول ثم يمنحها كلمته وتوقعيه على الشهاده اللي فيها كل شئ في الاخر رقيه غلطت واتعلمت والاهم اعتذرت حارث الحقير .. تبا لك .. زي الطفل المدلل اللي عايز يطلع هو البريء الجميل رغم انه الفاسد الخبيث الا ان رقيه كالعاده علمت عليه ونفخت اللي جابوه عجبتني جدا وهي بتقاوم الضعف وبتتمسك بقوتها وبالسانها الحاد اللي قدر انه يسخر وينتقم من حارث لدرجه انه مقدرش يحط منطق ولا يرد الاهانه اخيرا رقيه ولجاؤها الي حضن رعد والانهيار فيه بكل قوتها لازم تنهار لانها مش خارقه ولا تمتلك قوه جباره لازم تظهر ضعفها .. لازم تبكي وتعلن انها حزينه وضعيفه ومفيش غير رعد اللي لازم يكون الرجل اللي يكون شاهد على انهيارها ده لانه الوحيد اللي هيساعدها ويقدر يمنحها القوه اللي محتاجاها ليا عوده ^_^ | ||||||||
|
| |
|
27-11-18, 05:19 AM
| #8295 | ||||||||
| نجم روايتي
| الفصل الثلاثون " الجزء الاول " تبا تبا تبا قلبي الصغير وجعني .. رقيه الحقيره وجعت قلبي جدا انفجارها .. انهيارها .. حديثها ,, اعتقد انها المرة الاولى اللي تتعرض فيها لكل ده تتعرض للانهيار .. للبكاء .. للبوح بالالم اللي جواها الالم اللي مازال موجود رغم مرور السنين .. الالم اللي مش قادره انها تتخطاها ولا تجد وسيله عشان تجعله يختفي لجأت انها تتجاهل .. تنكر .. ترفض الاعتراف بيه وبكل ما يصاحبه من ضعف وبكاء وانهيار الا ان مادام موجود يبقى لازم يظهر من وقت الي الاخر وده اللي حصل لما عرفت انها فقدت حلم كانت متمسكه بيه لاجل تحقيق حلم والدها .. محاوله انها تثبت انها قادره على فعل اي شئ كانت بيحلم بيه يونس العطار الا انها فشلت .. فشلت في تحقيق الحلم .. انهيارها كان مؤلم جدا يا كاري .. متأثرتش بالشكل ده مع اي من القوارير السابقه .. فقط رقيه تأثرت بيها وبوجعها جدا جدا الا انها اعترفت بالامر اللي بتهرب منه وبتتجاهله طول السنين اللي فاتت دي اعترفت ان والدها تزوج .. ان والدها خان زوجته وبناته .. الا انها لازم تعرف ان والدها مرتكبش جريمه عظيمه ولا اي شئ من هذا القبيل يونس العطار غلط في حق اسرته الا انه مأجرمش ابدا رقيه رغم كل اللي فيها الا انها كانت مراقبه كل اللي بيحصل .. عجبتني وهي بتذكر كل اللي مر بيه اخواتها .. كانت شاهده على كل واحده فيهم .. كانت شاهده على كل الم ووجع اتعرضت ليه اخواتها واتعاملت بيه ازاي لازم هي كمان تتعامل مع الالم ده .. لازم تواجهه وتتخلص منه .. خلص وقت التجاهل والكذب لازم تتخلص من الالم ده واظن انها في الطريق الصحيح والدليل اعترافها بالحب بكل صراحه وثقه يخربيتها ... لو كنت عشقت مشهد اعتراف رعد بالحب .. فأنا وقعت في غرام مشهد اعتراف رقيه العطار بالحب اعتراف مختلف ومجنون من الدميه .. اعتراف حركي وجنوني وكله رقص ودلع وشخلعه انا حبيت الاغنيه جدا وهتفضل تفكرني بالمشهد ده كل ما اسمعها وميض اللي شكله بدأ هو التخطيط في التخلص من اخته المجنونه قبل ما تبدأ هي وتقضي عليه ياترى ايه اللي عمله في المخفر ؟!! هل هيثبت ان اخته مجنونه ولازم تتحط تحت وصايه وتكون مسئوله من شخص اخر ؟!! ولا هيبلغ عنها ويتخلص منها بشكل نهائي ؟! بس مش عارفه ليه شكيت في الامر للحظه هل من الممكن ان غيداء تكون بتخطط لكل ده ؟!! يعني بتمثل امام الخادمه اللي عارفه انها جاسوسه لاخوها .. يعني بتخلي وميض يتحرك وياخد الخطوات اللي هي عايزاها عشان يقع في فخها ياترى ممكن ده يحصل ؟!! وميض فاكر انه بيوقعها في الفخ .. الا ان على رأي المثل " تجيي تصيده .. يصيدك " شذره حبيبتي زي ما توقعت هي اللي كان لازم تاخد الخطوة وتبارد بالذهاب لخليل اينعم خليل نفسه كان ذاهب اليها وكان مجهز نفسه على الاخر للقاء والارتواء اخيييرا الا ان شذره سابقته ودي خطوة كبيره جدا جدا الكلام اللي قالته صح جدا .. هي مكدبتش هي فقط قامت بتحوير الحقيقه عشان تنقذ ما يمكن انقاذه والاهم متجرحش خليل بأي طريقه مكنش ينفع تقوله اللي حصل بالتمام والكمال .. خليل مكنش هينسى .. غضبه كان هيزيد ويثور كل ما يفتكر .. غيرته هتكون نااااااااار كل ما يتفكر ان شذره ارادت اهتمام رجل اخر وفكرت فيه اللي حصل هو الصح .. واهو حصلت على النتيجه المطلوبه خليل رجع زي ما كان معاها واكتر كمان ... اعترفت بالحب والعشق .. اعترفت ان خليل هو الاول والاخير منحت خليل الداعم والدافع انه يكمل ويقاوم ويستمر عشان يفوز بيها الفوز الاخير اشجان الحقيره لحظه فقط .. هي لحظه وكل تعاطفي الفصل السابق ذهب ولم ولن يعد يلا يا واطيه يا حقيره يا اللي مطمرش فيكي اي شئ يلا اللي هتموتي وحيده مقطوعه من شجره .. يلا ياللي محصلتيش على الحب نهائي يلا ياللي ضيعتي التعاطف والاهتمام الحقيقي اللي حصلتي عليه في حياتك البائسه .. ضيعتيه في لحظه اذن تبا لك يا واطيه ام عادل الاوطى منها بقى مش قادره اتخيل الوضع .. حاسه بكركبه في معدتي وتقلصات .. بطني وجعتني من التخيل فقط اومال لما اقرأ الفصل هيحصل ايه يارب بس شذره متضعيش ولا تهد اللي عملته ومنحته لخليل الا اني واثقه في خليل ... وواثقه في شذره نفسها نيجي بقى للاهم .. للافضل .. للاجمل .. لاحلى شئ حدث في الروايه كلها انا حرفيا وقعت في غرام مشهد تحسين وحسناء .. انا حرفيا قرأت المشهد اكثر من مرة ... انا حرفيا اهتمت بالمشهد ده اكتر من اي مشهد وحدث في الفصل انا حرفيا بكيت وانا بقرأ المشهد .. من اول الروايه وانا ببكي مع ظهور الثنائي ده .. بكيت حزن .. بكيت قهر .. بكيت تعاطف وشفقه .. بكيت غضب وصدمه .. الا ان المرة دي بكيت ارتياح وراحه زي ما توقعت ان تحسين مش هيضعف من جديد .. مش هيسمح انه يخسر اخر فرصه في ايده وملكه رغم كل شئ الاغراءت كانت قويه .. اغراء انه يترك العمل المجهد والقاسي اللي غير متعود اليه وينسى كل ده في زجاجه خمر اغراء انه يتمرد ويثور ويطالب بزوجته بطريقته العنيفه الانانيه الا انه تعقل يمكن للمرة الاولى .. تعقل وهو بيفكر في حسناء زوجته .. تعقل وهو بيفكر وبيخطط انه ينفذ وعده ليها ويحقق طلبها .. طلبها اللي هيكون في ستر وحفظ لزوجته ولحسنها اللي بيجننه وده اللي اختار .. اختار طريق الحلال .. اختار المضي قدما في سبيل الفوز والحصول على حسناء بالطريقه الصحيحه للمرة الاولى في حياته تغلب على كل الاغراءت والشياطين اللي في انتظار سقوطه وضعفه عشان تسيطر عليه وتحتله من جديد الا انه قاوم وقاوم وقاوم لحد ما نجح واللي بينجح بيحصل على تعويض ومكافأه وايه اعظم مكأفاه .. وافضل تعويض .. غير ان حسناء تكون ملك لتحسين.. برضاها .. بموافقتها .. برغبتها فيه تحسين حصل على رد الفعل على اللي عمله استقبال حسناء ليه بكل حب وراحه .. استقبال اخبره انها كانت في انتظاره وعلى بالها عشان كده دعيت ليه وقت الاذان .. كأنها كانت بتناديه عشان يرجع ليها ويستمر في طريقهم الصحيح تحسين حصل على قرب وملامسه حسناء اليه .. قرب برضا واستسلام كامل .. ملامسه بموافقه منها واقتناع واعظم شئ حصل عليه تحسين هو موافقه حسناء ورؤيته الموافقه على قربه منها ... بدل والمبادره في التقرب منه ومنحه الضوء الاخضر عشان يحصل عليها ويمتلكها الا ان الحصول عليها المرة دي مش هيكون بالغصب .. مش هيكون بالاجبار .. مش هيكون فيه شهود على قسوته واخضاعه ليها بالعافيه حسناء اصبحت من بطلاتي المفضلين جدا جدا جدا حبيتها جدا جدا الفصل ده .. اصلا حبيتها طول الجزء ده جدا جدا بساطتها وتعليمها البسيط اللي كله اتعلمته من والدها قدرت تنفذه وتطبقه في حياتها اخيرا قدرت تمنح تحسين السلام النفسي .. قدرت تمنحه الدعم عشان يكمل في طريق الحلال ويكون الرجل اللي يستحقها تفكيرها البسيط ومكرها الانثوي في كل امراه قدرت انها تفوز وتحصل وتمنح على شئ بالطريقه الصحيحه اخيرا قدرت تمنح رجل مثل تحسين بكل عقده وتفكيره المعقد .. احساس انه رجل كامل .. رجل مرغوب .. رجل يستحق الحب والعطاء قدرت تمنح تحسين الترياق لكل مرض في حياته .. في جسده .. في تفكيره وده اللي عايزه تحسين ومحتاجه في حياته انا مبسوطه جدا جدا يا كاري ... بجد احسنتِ .. بجد برافو عليكي .. بجد شكرا ليكي الفصل جميل ... الفصل ممتع جدا انا مستمتعه بالكاااااااااااااامل ربنا ييسرلك امورك ويرزقك راحه البال في انتظارك على نار قبلاتي ليكي يا غاليه | ||||||||
|
| |
|
27-11-18, 10:46 AM
| #8297 | |||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء
| اقتباس:
لان موعده اليوم مساء ان شاء الله حبيبتي .. انا انزل كل يوم ثلاثاء ساعة 9 مساء بتوقيت السعودية | |||||||||
|
| |
|
27-11-18, 11:04 AM
| #8298 | |||||||||
| نجم روايتي 
| اقتباس:
| |||||||||
|
| |
|
27-11-18, 11:13 AM
| #8299 | ||||||
| مشرفة سابقة بمنتدى قلوب أحلام وافتح قلبك، نجم روايتي، حارسة وأسطورة سراديب الحكايات  
| السلام عليكم ورحمة الله وبركاته ..... صباح السعادة والمسرات.. تسجيل حضور... وفي انتظار الفصل بشوق كبير... تحياتي ومودتي... 🌼🌷🌼 | ||||||
|
| |
 |
| أدوات الموضوع | |
| انواع عرض الموضوع | |
|
|
1791Likes
.png)
.png)
.png)
العرض العادي
