01-03-13, 06:06 PM | #1 | ||||||||||||
مشرفةمنتدى الأناقة والازياء ومنتدى الفن وأخبار الفنانين
| "ضميني من غير ما ألمسك "للشاعرمحمدحمدي غانم ضميني من غير ما ألمسك للشاعر المصري وضيف الشرف الاستاد محمد حمدي غانم تمنياتي بقراءة ممتعة ضميني من غير ما ألمسك خليني أشوفك مرة واحدة لو حتى كانت من بعيد أنا قلبي كان عصفور وحيد وف حزنه مسجون من زمان بيغنّي من خلف الإزاز من خلف قضبان الحديد عطشان لحبات المطر ولا يوم على بالك خطر إنك خطر.. متحبهوش! وتحطمي حلمه الوليد! آه بس لو أصعب عليكي وتطيّبي جرحي بإيديكي أنا كنت أصير إنسان جديد أيامه حلوه، حياته عيد ياه يا قمر دا أنا نفسي أطولك من زمان تشرق لي وتنور غيطان تهدم حواليا الحيطان وتبدد البرد الشديد يا حلوة يا سايقة الدلال هاتي براءة بسمتك دليني أمشي ف سكتك ولو اللقا أصبح محال خليني بس أتنسمك وأرسم جمالِك في الخيال ضميني من غير ما ألمسك عايزك بعيدة قريبة سامعاني من غير ما أهمسك صمتك أغاني جوه قلبي وضحكتك موال وإن خُفتي من كتر البعاد هابعت لليلك يحرسك قلبي اللي باح لك بالغرام من غير ما قال واستنى مطمن وخايف فجاوبتي من غير السؤال عن 100 سؤال الحلم في ليل الهوى بيبدأ هلال لو ليله ضاع من غير ما قلبك يسهره يصبح زوال والشوق نضال من قلب عايز يبتدي يقطف عناقيد الأمل طابت ف بستان الجمال أو يشرب الخمرة الحلال أنا شوفت من بين التلال أجمل غزال ماشي ومعاه النهر سال شلاله من فوق الجبال عذب وزلال وأنا نفسي أشرب من زمان عطشان وخايف أقترب ليفر من خوفه الغزال! يا خايفة من كل احتمال الهجر فاق الاحتمال بحلم أشوفك من زمان بستان حنان فدادين أمان أمنيّة دافية وابتهال يا اللي أنت خايفة من الهوى لأ ما تخافيش غيرك مفيش لو أنتي حابة، أنا بعشقك منتيش منيش! وَيّاكي لحظة أنا نفسي أعيش وأحرس جمالك م البشر زي الشاويش واياكي يوم سهمك يطيش أنا قلبي ملهوش حد غيرك مليان جنون مسجون ما بين حكمة وطيش خبيني حلم ف بسمتك خليني أطهر حاجة تسكن دنيتك وتشوف بنورك وإن كنت يوم غلطة ف ضميرك متحبنيش أنا كنت يوم بحلم أطير بجناح وريش بس الفضا ما استنانيش بعدت بعيد عني السما مستسلمة ولقيتني واقف وحدي فوق أرض العدم من غير ندم مستني إنك تيجي تاني يمامة ف عينيك السما متبسمة شفتيني ولا مشفتنيش؟ يا بعيدة وأنت قريبة شيلي الحواجز كلها خليني أبعِد لما أطير لكني مطمن مفيش ولا حاجة عنك تمنع القلب الرجوع أنا عايز أهرب من حدود الأسئلة وأعطش وأجوع.. للمستحيل محتاج أقول لك ألف مرة أنا بعشقك لكني متحنط قتيل ما أنتي اللي عارفه إن القدر بيوزع الحزن ف كاسات يسقيها لقلوب البشر ويا ريته كان قلبك حجر علشان عليّا ما تحزنيش لما أتوه عنك ف ليل سامحيني يا ضي القمر ف عينكي بركان الهوى لما انفجر ما قدرش يوم يستحمله قلبي العليل محمد حمدي غانم 11/2/2013 | ||||||||||||
01-03-13, 06:28 PM | #2 | |||||||
مراقبة عامة ومشرفة وكاتبة وقاصة في منتدى قصص من وحي الأعضاء
|
| |||||||
01-03-13, 06:30 PM | #3 | |||||||
نجم روايتي
| السلام عليكم استاد محمد الكلمات روعه والاسلوب بسيط وخفيف وسهل جدااااا تسلم الاسم وعنوانه معبر جداااااا احضنيني دون ان تلمسيني فكم من نظرات قد تعانقت ومارست احلى واجمع انواع وتعابير الحب لتحمل بين طياتها العشق والغرام الله الله الله على الكلام الي حاسته من القلب التعديل الأخير تم بواسطة سارة عادل ; 01-03-13 الساعة 06:53 PM | |||||||
01-03-13, 07:29 PM | #6 | ||||
نجم روايتي وشاعرة متألقة في المنتدى الأدبي
| ما اقسى الحب واعذبه إذا كان الحبيب قريب...بعيد يكون المحب مثل المقيد لايستطيع الفكاك منه يستحوذ على تفكيره واحاسيسه ومشاعره من بعد واي بعد بعد قاااااااسي مقطوعة رائعة بحق :::::::::::::::::::::::::::::::::::::::::::::::::: :::::: | ||||
01-03-13, 08:41 PM | #8 | ||||
نجم روايتي شاعرة متألقة في المنتدى الأدبي و كاتب في الموسم الأول من فلفل حار ومدققةبقسم قصرالكتابةالخياليةوبطلة اتقابلنا فين ؟
| السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين كلمات رقيقة ورائعة دام ابداعك أستاذ محمد | ||||
01-03-13, 10:07 PM | #10 | |||||||||||
نجم روايتي و أخصائية تغذية - و افضل طاهية في مسابقة المعجنات ومترجمة بقصر الكتابة الخيالية وفراشة متالقة في عالم الازياء والاناقة
| شكرا على الدعوة هموس وطبعا الكلمات جميلة جدااااااا قريبة من القلب كعادة الشاعر | |||||||||||
مواقع النشر (المفضلة) |
الكلمات الدلالية (Tags) |
فضاءات |
أدوات الموضوع | |
انواع عرض الموضوع | |
|
|