22-02-17, 09:13 AM
| #141 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
|  ام حسام فكرتني بالعيال كبرت انت جيت شهقة يا رمضان ههههه خالتي ام حسام غهمت الليلة و الاكيد برغم حبها لخلود مش شايفه انها مناسبة لابنها و ده حقها منقدرش نقول عنها مفترية تااااااارك يغرق يغرق يغرق تحت الماء يا واد لم لسانك و بلاش شغل العربجية ده البت تربية برة و العميد لو سمع الفاظك هتتعلق ياسمين فكيها يا ختي الراجل هيموت عليكي و انتي مش معبرة | ||||||||
|  |
|
22-02-17, 11:27 PM
| #144 | ||||
| كاتبة في قصص من وحي الاعضاء
| (الفصل الخامس والعشرون) جلس طارق على الشيزلونج بأنتظار روجيدا ريثما تخرج من الحمام بعدما طلب منها أن تذهب للحمام لتعدل من ثيابها بل أنه أقترح عليها على أستحياء ان تبدلها بشئ آخر يكون أفضل لها والحقيقه أنه طلب ذلك لسلامة عقله أو بالأحرى الحفاظ على المتبقى منه بعدما أطاحته هذه الصغيره ببرائتها وعفويتها ... هو لا يعلم مايحدث معه ومع قوة تحكمه فى نفسه الذى دوماً يتبجج بها , فقد أطاحة هذه الصغيره بصوابه ولكن كل مامر بهم شئ وطلبها الغريب الذى طلبته منه منذ قليل شيئاً آخر ...لقد طلبت منه بصوتها الرقيق الناعم أن يحبها بلأ أنها جعلتها أقصى أمانيها أن يحبها فقط نصف ماتكنه له من مشاعر هو لا يعلم ماحدث بعد ذلك لقد قام من مكانه وأبتعد عن السرير وأولاها ظهره وان قصده أن يلمم شتات نفسه ولكنه تفاجئ عندما نظر لها أنها قامت من سريرها ومشت بخطوات مترنحه وعندما سألها إلى أين ؟ أجابته بأبتسامتها التى لا تفارق وجهها عندما يكون بجانبها وقالت أنها ستذهب لترتب نفسها وتغسل وجهها فوجد نفسه ينظر إلى ملابسها ألتى كانت عباره عن بيجامه صيفيه صقراء من قطعتين ..شورت قصير للغايه أصفر وبلوزه بدون أكمام وبأزرار من على الصدر وتحتها رسمه طفوليه على بطنها فوجد نفسه يطلب منها أن تبدل ملابسها لشئ آخر وبدون أن تسأله لما أومأت برأسها وفتحت دولابها سحبت منه ملابسها وتوجهت إلى الحمام وهاهو ينتظرها . خرجت روجيدا من الحمام بعدما بدلت ملابسها إلى ملابس أخرى جعلت عيون طارق تكاد تخرج من محجرهما فهو طلب منها أن تبدل بيجامتها ألتى كان يعتقد أنها مغريه لتبدلها لهوت شوت من الجينز وللعجب أقصر من شورت بيجامتها وعليه بلوزه ورديه بحملات رفيعه على الأكتاف ليجد نفسه يشتم مره أخرى ولكن هذه المره فى سره رفعت روجيدا يديها الممسكه بأحدى رابطات الشعر ورفعت شعرها الغجرى على شكل ذيل حصان لتبعد خصلاته عن وجهها لتظهر ملامحها الرقيقه وعيونها التى ظهر عليهم آثار التعب ذهبت أليه وجلست بجانبه وفركت يديها بتوتر ..هو أصبح حافظاً لهذه الحركه انها دوماً ملازمه لها عندما تتوتر وضع طارق كفه فوق يديها وسألها بأهتمام : روجيدا ..مالك ..حاسس أن الموضوع أكبر من مجرد شوية برد رفعت رأسها له ثم أطرقتهم مره اخرى وتنهدت أمسك طارق بذقنها ورفع رأسها وقال يسحثها : روجيدا قولى ....أنتىى كده قلقتينى فتنهدت وقالت : يوسف ( يوسف أخوكى ؟!) (أها) (ماله ؟) ( كلمنى وزعلان منى وعايزنى أسافر فى الأجازه لأمريكا ولما رفضت ..... قالى أنى لو ماجتش أنسى أن ليه اخ ) ( وأنت قلتى له أيه ) (هقوله أيه ياطارق ..أنت عارف أنى أستحاله اسافر هناك تانى ..أنا ماصدقت رجعت ) سكت طارق قليلاً وقال لها : طب ليه ماطلبتيش منه ينزل هو مصر ( يوسف مابيحبش مصر ياطارق ) ظهر الأمتعاض على وجه طارق فهو لايعلم لما هو لا يستسيغ هذا اليوسف ولا يصدق كيف هو ساذج لدرجة ان الماء كانت تسرى من تحت يده وهو لا يعلم شئ عن أخته وتحرشات زوج أمه بل كيف حدث ماحدث بعدها وهو حتى الآن لا يعلم وأكثر مايغيظه أن روجيدا مصره أن من الأفضل ألا يعرف خوفاً عليه ولكن لو تركوها لكان قالها له فى وجهه وليريه هذا المخنس ماذا سيفعل فهو بمعرفته القليله عنه من كلام روجيدا عنه أنه أكبر رد فعل سيصدر منه هو أنه سيخاصم مارك ليومين وبعدها سيمر الأمر كأن لم يكن . (ويوسف مابيحبش مصر ليه بئه أن شاء الله ..كانت عملته له أيه ) ( مش مصر إلى عملته له .... إلى فى مصر هما إلى عملوا له ) (مش فاهم ) سكتت قليلاً وقالت : طارق ..يوسف مش بيحب مصر عشان بابا .... يوسف واخد موقف من بابا وعشان كده مش عايز يجيى هنا ( موقف من باباكى ... برضو مش فاهم ..إلى فهمته أن والدك من سنين ما سافرش ليكم ولا كان فيه أى لينك بينه وبينكم ..يبقى أيه إلى زعله () (هو ده ياطارق ..... وأكملت بحزن : بابا لما سبنا ياطارق كنت أنا صغيره ومكنتش أوعى عليه ..... لكن جووو كان كبير ..كان فاهم ... هو كان متعلق أوى بيه ..كان شايفه الidol (المثل الأعلى ) بتاعه ولما سابنا يوسف أتأثر أوى وأتحول لحد تانى ودايماً بيلوم بابى ..رغم أن مامى هى إلى خدتنا ومشيت ... بس هو شايف أنه كان لازم يتمسك بينا أكتر ... كان لازم يجى على الأقل يزورنا ..بس هو كان بيجى الأول وبعدها بطل ) ضغط على يديها أكتر عندما لاحظ أن زيادة رعشتهم وقال : وأنتى ياروجيدا ؟ (أنا أيه ؟!) ( أنتى ماكنتيش بتلوميه عشان مكنش بيجى *) أجابته بصدق : مش هكدب عليك وأقولك مالومتوش .... بس لاقيت نفسى لما حاولت أبعد كان هو المكان الوحيد الى ممكن أروحه ... طارق أنا لما جيت هنا لبابى ماكنتش جايه عشان هو أبويه ..أنا كنت جايه عشان ده المكان الوحيد إلى ينفع أروحه وقتها .... بس لما جيت فهمت ) (فهمتى أيه ؟!) رفعت رأسها له ونظرت له بعينيها العسليتين وقالت : هو بيحبها ياطارق فقطب جبينه بعدم فهم وقال : مش فاهم (بابى ... لسه بيحب مامى .. هو ما اقدرش يكون مع واحده غيرها بعدها ولا قدر يشوفها مع حد تانى ... عشان كده بعد ومابقاش يجى ) نظر لها طارق وهو لا يصدق ... هو يحتار فى هذه الصغيره ذات العيون التى تشع منهم برائة العالم كله وفى نفس الوقت لديها قوة بصيره ترى بها دواخل الناس التى تحبهم كما لا يراها أحد مثلها نظرت له حائره وقالت : بتبصلى كده ليه فأبتسم وقال وهو يغمزلها : معجب بمراتى ... فيه حاجه فخجلت وأحمرت وجنتيها وأطرقت برأسها للأسفل وقال تؤنبه : تارك فتأوه بصوت عالى وأقترب منها وقال أمراً : بصيلى ياروجيدا فأنصاعت لأمره ورفعت عيونها أليها فقال : تحبى تسافرى أمريكا فهزت رأسها بشده نافيه , فرجع سألها : حتى لو معايه فنظرت له وأقرنت بين حاجبيها وقالت : معاك!!.... معاك أزاى ياطارق فترك يديها وأمسك بوجهها بين كفيه وقال : نتجوز ... ونسافر سوا ودون أن يجعل لها مجال للرد أقترب من شفتيها يقبلها ليحصل على الأجابه التى يريدها .................................................. .................................................. ................................... خرج حسام مع والدته من المطبخ وأسندها حتى غرفتها بعدما طلب من خلود أن تنتظره ريثما يوصل والدته لغرفتها ويعود ساعد حسام والدته لتستلقى على السرير وهو يلومها : أنت أيه بس أومك من سريرك ياست الكل نظرت له لائمه وقالت : ماهو انت جيت من بدرى ومع ذلك ما جيتش عليه خلل حسام شعره بيديه وقال بتوتر : ماهو أنا ..كنت فقاطعته قائله : كنت أيه ياحسام ...أحنا كنا لسه بنتكلم فى أيه من يومين ( يأمى ... أنا ...أنا مش هقدر ...أنا ... فقاطعته مره أخرى بشده وهى تقول : أنت أيه يا أبن بطنى ... ماينفعش .... ماينفعش ياحسام ) لاحظ أنها أنفعلت بشده فربت على يديها وقال بهدوء : طب ممكن تهدى يا أمى ..عشان خاطرى (عايز تريح قلبى ياحسام ) (أكيد يأمى ) سحبت نفساً وقالت : توافق أنى أخطبلك أميره بنت عمك فأنتفض وهب واقفاً وقال : أيه ..أميره ..أنا كنت فاكر أننا قفلا موضوعها من زمان (خلاص يبقى نقى غيرها ..شاور على أى بنت وأنا أخطبهالك ... بس دى ماتنفعش يابنى ) سكت حسام وقال بحزن : وأن ماكنش دى ياأمى ...يبقى أنا مكتفى ببنتى ومش عايز أتجوز كانت ستتحد\ث ولكنه أشار لها بيديه وقال : خلاص يا أمى ... الموضوع أنتهى والوقت أتأخر نامى دلوقتى والصباح رباح ) خرج حسام فوجد خلود تنتظره عند الباب فأشار لها أن تتقدمه سارت خلود بجانب حسام وعندما لاحظت وجومه فقالت : حسام باشا فيك حاجه أنتبه أنها تحدثه فرد بدون أن يلتفت لها : لأ مفيش ياخلود فسكتت لعلمها بأنه لايريد الحديث لكنه بعد قليل قال : أنت عارفه أننا بقالنا يومين بنحقق مع المتهمين فى المستشفى ألى كنتى بتشتغلى فيها فقالت بحزن : عارفه ..قريت فى الجرايد بس لما لقيتك ماقلت ليش أى حاجه ... عرفت أن مفيش أمل ( خلود أنا ماقلت لكيش عشان أنا قلت مش هفتح معاكى تانى الكلام إلا لما يكون فى خبر فرح ) تفاجئت أنه وقف فوقفت أيضاً ورفعت له رأسها وعيونها مبللتين بالدموع وقالت : تفتكرفى أمل خلل شعره بيده وقال : أكيد ياخلود ... بس قولى يارب فأجابته بحزن : هو أنا بقول غير يارب سكت حسام قليلاً وقال بتوتر : خلود مسحت خلود عيونها وقالت : نعم ( فى حاجات كتير بنحلم بيها ... بس بيبقى صعب نحققها ....بس مش كتير على ربنا أن بين لحظه والتانيه يتغير الحال وتلاقى المستحيل ممكن ) ( مش فاهمه ....أنت قصدك على قضيتى ) لايعلم بماذا يجيبها ..أيجيبها أنه يقصد أرتباطه بها أم يتركها لأعتقاده أم من الأفضل ألا يرد فأختار الخيار الأخير وهو أن يتجاهلها وأشار بيده لها لتتقدمه فسارت أمامه وهو بجانبها والصمت ثالثهما .. .................................................. .................................................. ......................... أستيقظ آدهم وهو يشعر بألانتعاش فاليوم يوم الجمعه وهو أجازه عن العمل فلتريه ياسمينته كيف ستختفى منه هى وأبنها طول اليوم فهو ينوى الا يتزحزح من البيت اليوم وتحدى خرج من غرفته فوجد ياسمين بالمطبخ فتوجه إلي المطبخ ووقف مستنداً على باب بكسل ويراقبها وهى تتنطلق فى مطبخه تحضر الفطور وأبنها ياسين جالس على الطاوله يتناول فطوره عندما ألتفتت ووجدته فشهقت ووضعت يديها على صدرها وقالت بعتب : آدهم ... خضتنى فأعتدل وهو ينظر لها ويرفض أن يترك أسر عينيها وقال : صباح الخير فرد عليه ياسين بحماس : صباح النور ياعمو نظرت ياسمين لأبنها وقالت بحزم : ياسو لو خلصت قوم أغسل سنانك فأمأ برأسه بعدما أمسك بكوب الحليب وأفرغه فى جوفه ووضعه على الطاوله وقال وهو يخرج من المطبخ لآدهم : عن أذنك ياعمو فأفسح له آدهم الطريق بعدما شعث له شعره وهو يقول بأبتسامه : روح ياحبيب عمو دخل آدهم وجلس على الطاوله فرفعت ياسمينه الأطباق الفارغه وبدأت تضع مكانها أطباق أخرى ممتلئه وتفاجئ بها تجلس أمامه ..أعتقد فى أول ألامر أنها ستشاركه فطوره ولكن سعادته لم تدوم عندما شعر أنها جلست للتحدث وعلم بحدثه أن القادم لن يعجبه بادرته قائله : آدهم (همممم ) ( أنا كنت عايزه يعنى ... كنت عايزه ) (عايزه أيه ياياسمينه ؟ّ!) (كنت عايز أشارك فى مصاريف البيت ..أحنا قاعدين هنا و... وقبل أن تكمل قاطعها بغضب قائلاً : عايزه تدفعى تمن أكلك وشربك أنتى وأبنك ياياسمين مادام قال ياسمين أذن فهو غاضب وهى كانت تتوقع ذلك فقالت : أسمعنى بس يا آدهم فرفع أصبعه محذراً وقال : أسمعينى أنتى ياياسمين .... الكلام ده مش عايزه يتفتح تانى ...لو أنتى مش شايفانى راجل يبقى ترجعى تلبسى نضارتك السيخفه تانى فقام واقفاً بعنف حتى أن الكرسى أصدر صوتاً على الأرض شديد وكان سيخرج الأ أنها أمسك بمرفقها وقالت بتوسل : آدهم نظر لها وإلى يديها التى على مرفقها وشعر أن غضبه تبخر فزفر ووضع كفه على يديها التى على مرفقه وقال بهدوء : أنت هتجننينى معاكى ياياسمينه حاولت سحب يديها ولكنه شد عليها بشده فرفعت عيونها إليه فتفاجئت أنها قريبه منه جداً وتفاجئت أيضاً أنها بخفها البيتى بالكاد يصل رأسها إلى أسفل كتفيه تشابكت نظراتهم للحظه فقال آدهم : هما لونهم أيه فقطبت جبينها وقالت بخفوت: هما أيه ( عنيكى الحلوين دول ... من يوم ماشفتهم وأنا بحتار فى لونهم ) سكتت قليلاً وسرحت مع نظراتها التى تكاد تلتهمها وعندما شعرت به يقترب منها فدق ناقوس الخطر فى عقلها وسحبت يديها بشده من يديه وتراجعت للخلف خطوتين ثم أولته ظهرها وشرعت فى غسل الأطباق فجلس مره أخرى آدهم على الطاوله وبدأ فى تناول طعامه وضعت ياسمين كوب القهوه أمام آدهم فوجدته يرفع رأسه وهو يقول لها : ياسمين ..ممكن أطلب منك طلب فأومأت برأسها فقال : ممكن تجهزى ياسين ينزل يصلى معايه صلاة الجمعه تفاجئت ياسمين من طلبه الغريب وسألته : ليه ؟ّ (من غير ليه ياياسمين ..أنا لاحظت من ساعة ماشفت ياسين وأنه ماشاء الله ملتزم بالصلاه وبيصلى كل فروضه ... بس أكيد مش بيصلى الجمعه عشان مفيش حد ينزل معاه وأكيد مش هتنزلى لوحده ) سكتت ياسمين قليلاً ثم قالت : وبعد ما نرجع بيتنا يا آدهم ...مين هيصلى معاه زفر آدهم بشده فهى مصره أنه ستخرج من حياته وهو سيكون ملعون لو تركها ولكنه لن يناقشها فأختار أن يسايرها فقال : ياستى أوعدك أعدى عليه كل جمعه وأخد نصلى سوا (مش هينفع يا آدهم ) (ليييه :؟) ( عشان مسيرك هتتجوز وتخلف وتنشغل وتنساه ) وهنا لم يستطيع أن يتحكم فى غضبه فقام من مكانه وأمسك بمرفقها بشده وهو يصيح بغضب : أفهمى بئه ياياسمين ..أفهمى ..أنا مش عايز أطلقك مش عايز أتجوز غيرك ... أمتى هتفهمى أنى بحبك وعايزك مراتى وأم عيالى ..مش عايز غيرك تشاركنى حياتى ..عايز أبنك يبقلى أبنى ..وصاح أكثر : أفهمى بئه ) أنتبه أنها كانت تنظر له ولأول مره بخوف فهى أول مره تراه غاضباً بهذه الطريقه ... ترك مرفقها بعدما لاحظ أنه بالتأكيد سبب لها الألم وقال بعجز : مفيش فايده ..... عمرك ماهتفهمى .................................................. .................................................. ...... | ||||
|
| |
|
22-02-17, 11:57 PM
| #145 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| تااااااارك فتحها علي الرابع و كل ما يتزنق يبوش و كبعا الحملات و الهوت شورت سهلو السكة حسام فعلا فيه حاجات نتمناها منقدرش نحققها ارتباطهم مش بس صعب عشان المجتمع لا كمان عشان وظيفته ادهم له خق ينفجر و يضربها علي دماغها يمكن تفوق | ||||||||
|
| |
|
24-02-17, 07:58 PM
| #148 | ||||
| كاتبة في قصص من وحي الاعضاء
| ( الفصل السادس والعشرون ) أبتعد طارق عن روجيدا قليلاً ثم هب واقفاً لأن الجلوس بجانب روجيدا أصبح خطر .... نادها برقه : روجيدا فتحت روجيدا عيونها ونظرت لطارق : نعم ( احم ..أنا هنزل بئه عشان كده أنا طولت هنا وكده اللواء نجيب هينفخنى ) (أزاى ؟!) (هو أيه إلى أزاى ) ( هينفخك أزاى ) نظر لها طارق مصدوماً ولا يعلم بما يرد عليها وبعدما استعاد نفسه قال : روجيدا دى كلمه بتتقال مجازاً كده ... مقصود بيها أنه ...وسكت قليلاُ ثم أمسك مؤخرة رأسه وهو يبتسم ويقول : مش عارف الصراحه مقصود بيها أيه ...أقولك ماتتكرريهاش أنتى وخلاص ...تمام فأومأت برأسها فقال لها : أنا هنزل عند سيادة اللواء أكلمه فى موضوع الفرح وأنتى غيرى هدومك وحصلينا قامت واقفه وهى تنظر لملابسها : ماهو أنا كده غيرت ..مش أنت من شويه قلت لى غيرى وأنا غيرت نظر إلى شورتها القصير الذى بالكاد يغطى شئ وقال من بينن أسنانه : دورى على حاجه فى دولابك تكون بتاعتك مش بتاعت أختك الصغيره ( أختى ؟ّ!) (يووه ياروجيدا ..أسمعى الكلام وغيرى وخلاص ) ( حاضر ..هغير وأضافت وهى تصفق بيديها : أيه رأيك أعملك حاجه حلوه من أيدى ) فهتف مسرعاً : لأ.... ثم استدرك نفسه عندما نظرت له وقال : أصل أنا كلت ..وشبعان ..أن كان ولابد ..أعملى ... وسكت قليلاً يفكر ثم هتف فجأه : أعملى شاى فردت مستنكره : شاى ( أها شاى ..حطى الفتله فى الكوبايه وأغلى ميه وخلاص ) (ماهو ياطارق ... فقاطعه وهو يتجه ألى مقبض الباب ويفتحه : خلاص بئه يا روجيدا أعملى إلى بقولك عليه ...................... نزل طارق إلى أسفل يبحث عن حماه عندما اخبره أحد الخدم أنه بمكتبه فطرق الباب وأنتظر حتى سمح له ودخل قائلاً برزانه : حضرتك فاضى شويه ياعمى رفع نجيب رأسه من على الأوراق التى كان يقرأها وخلع نظارته الطبيه وأشار لطارق ليجلس : تعالى ياطارق جلس طارق أمام اللواء وتحدثوا قليلاً عن أحداثيات العمل وبعد ذلك أخبره طارق عن رغبته فى تقديم موعد الزفاف تفاجئ نجيب من طلب طارق وقال : ممكن أعرف سبب الأستعجال ده توتر طارق قليلاً وبعدها قال : الصراحه يافندم أنا مش شايف سبب للتأجيل ..حضرتك أنا شقنى جاهزه يعنى بس نغير الفرش ونحجز للفرح وخلاص لف اللواء حول مكتبه وهو يقول : والله ياطارق أنا قلقان ...أنت لسه ما أخدتوش على بعض ... ماتنساش ياطارق أن أرتباطك بروجيدا من الأول كان بناء على أوامرى ..يعنى هى مش جوازه تقليديه ( أيوه ياعمى ... بس صدقنى ده مش هيفرق ..أنا بقيت مقتنع بروجيدا وأتأكدت أن هى دى البنت إلى عايز أكمل حياتى معاها وتبقى أم ولادى ) فوضع نجيب يده على كتف طارق وربت عليه وقال : إن كنت متأكد زى مابتقول يبقى على بركة الله ...نجهز الشقه ونحدد الميعاد قام طارق واقفاً وهو يقول بسعاده : متشكر ..متشكر يافندم ( أنا إلى بشكرك ياطارق ...أنا إلى بشكرك لأنك بجد راجل يعتمد عليه ) خرج طارق من عند اللواء وهو يشعر بسعاده شديده و عندما ألتفت وجد روجيدا جالسه على أحد الارائك وأمامها كوبين من الشاى على الطاوله .... قفز وجلس بجانبها وقرصها فى أحدى وجنتيها وهو يقول بشقاوه : أيه ياروجيدا ..مادخلتيش الشاى ليه ..ولا أنتى كنتى عايزه تعملى لنا أيس تى أنتبه أنها لم ترفع رأسها لتنظر له فقلق ووضع أحد أصبعيه تحت ذقنها ورفع رأسها فتفاجئ أنها كانت تبكى ( روجيدا ..حصل أيه ..بتعيطى ليه ..يوسف كلمك تانى ) شهقت بشده وقالت من بين دموعها : أنت ..أنت عايز تتحوزنى ... عشان بابى ..بابى هو إلى قالك تتجوزنى شحب طارق فهى بالتأكيد سمعت حديثه مع والدها وفسرته بطريقه خاطئه كان ف حيره ..فلأول مره هو مضطر يبرر نفسه وهو غير معتاد كده ... وضع يديه خلف رأسه ودلك مؤخرة رأسه بشده وقال : روجيدا أسمعينى فهزت رأسها بشده يميناً ويساراً بشده وقالت وهى تشهق : أنا ..حبي..تك ..كان عندى أستعاد ..أنسى خوفى من ال.رجاله عشان بس أكون معاك .. أنت خدعتنى .... خدعتنى ياطارق أقترب منها وأمسك بكفها بين يديه وأحتجزه عندما حاولت أن تسحبه وقال بحزم : أسمعينى يا روجيدا ...يمكن الموضوع أبتدى معايه بطلب من سيادة اللواء بس صدقينى كان طلب مش فرض ... أنا كنت ممكن أرفض بس لما قربت منك أرتحتلك ولو تفتكرى أنك أنتى إلى عرضتى عليه نتصاحب وأنا مفهوم الصحوبيه ده مش فى قاموسى عشان كده عرضت عليكى أننا نتخطب عشان نتعرف بشكل صح ... وبعدها لما حسيت أن الخطوبه برضو مش رابط صح ..قلت يبقى الافضل نبقى بنكتب الكتاب عشان وجودنا مع بعض يبقى حلال ..فهمتى ياروجيدا ) سحبت يديها بعنف ومسحت بهم دموعها بشده وهى تقول بغضب : عايز تقول أنك حبتنى ياطارق سكت طارق قليلاً ولا يعرف بما يرد عليها هو لا يعرف مسمى لما يشعر به تجاهها لأن شعوره بها مختلف عن ماشعر به تجاه رنا ..لا يعلم ذلك لأن حبه لرنا كان وهم أم مايشعر به تجاه روجيدا هو الوهم عندما أطال طارق التفكير قامت روجيدا من مكانها وقالت : ردك وصل يا تارك ..بس صدقنى أنا مش زعلانه منك أنت ماضحكتش عليه أنا إلى ضحكت على نفسى ............. ووقبل أن يفوق من زهوله ويعى أن التى تحدثه بهذه القوه هى روجيدا خاصته كانت ركضت بأتجاه السلم .................................................. .................................................. ................................... ظلت ياسمين تزرع الأرض ذهاباً وجيئه وكل دقيقه تنظر للساعه فبرغم أن آدهم جعل ياسين يحادثها بعد الصلاه ليستأذنها أن يذهب مع آدهم ليتمشوا قليلاً وأمام لهجته المتوسله رضخت لطلبه ليأخذ منه الهاتف آدهم وقال لها كلمتين فقط قبل أن يغلق الهاتف : ماتقلقيش عليه يآ ياسمينه كيف لا تقلق لقد مر حتى الآن ثلاث ساغات منذ أن حادثتهم وبدأت بالفعل تشعر بالقلق وكلما أمسكت هاتفها لتتصل بهم تتراجع فهى لا تريد أن يشعر آدهم أنها لا تستأمنه على ولدها أمسكت الهاتف بعدما أتخذت القرار أن تهاتفه وليحدث ما يحدث وقبل أن تتصل رن الجرس وأتبعه صوت مفاتيح باب الشقه فمنذ اليوم الذى جاءت فيه ياسمين مع آدهم إلى شقته وهو دائماً يدق الجرس قبل أن يفتح بمفتاحه الخاص دخل آدهم وكانت ستفتح فمها لتوبخهم عن التأخير عندما أشا لها آدهم بأصابعه على شفتيه لتصمت لتتفاجئ بأبنها نائم على كتف آدهم أشار أليها لتتبعه إلى غرفتهم ووضعه على السرير برفق وتركها لتدثره وعندما أنتهت سحبها من مرفقها وخرج من الغرفه وأغلق الباب خلفم سحبها طارق للصاله وأشار لها أن تجلس فجلست وجلس بجانبها , فأبتعد قليلاً عنه ووضعت يديها على وشاح أسدالها تتأكد من أحكامه وقالت : أتأخرتوا كده ليه ( رحنا الملاهى إلى هنا .. لعب شويه ) ( الملاهى !) ( أه ..مستغربه ليه ...هو قالى أنه بيحبها ومش بيروحها كتير وفيه جمبنا واحده قلت نروح شويه ولعب وخلص وأحنا راجعين بكلمه وأنا فى العربيه لقيته فى سابع نومه ..مارضتش أصحيه ) ردت بخجل : تعبناك معانا يا آدهم فقال لها بحنان وهو ينظر إلى عينيها لتتشابك نظراتهم للحظه : تعبك راحه يا ياسمينه . فكت أسر عينيها من عينه وقامت وهى تقول : طب أسيبك عشان ترتاج ظل آدهم جالساً عندما وقفت لذلك ألأقرب له كان كفه فأمسكه وو يشده برفق لتجلس وقال برجاء : أقعدى معايه ياياسمينه ... أنهارده الجمعه ومش معقول هتخشى تحبسى نفسك فى الأوضه من دلوقتى فأجابته بتوتر وأصابعه ترسم خطوطاً على كفيها : أنا بس عشان تاخد راحتك فتنهد وهو يضغط على كفه وقال : أمتى بس تفهمى أنى راحتى معاكى أنتى وبس ياياسمين شعرت ياسمين أنها تفقد سيطرتها على نفسيها فأستعادت رابطة جأشها وسحبت كفها من يده فلم يعارض سكتت قليلاً ثم قالت : هو أنت عندك أخوات غير رنا ( أها ..عندى رامى متجوز وعنده بنت ومراته حامل ...هو عايش فى اسكندريه مع أمى ..) ( أنت أسكندرانى ) فرفع حاجبيه بأبتسامه وقال : أنا أصلاً صعيدى من أسيوط ..والدى كان صعيدى أباً عن جد وأهلنا كلهم هناك بس والدتى من أسكندريه وأبويه أتجوزها وعاشوا هنا ك..ثم سألها : وأنتى عندك أخوات فهزت رأسها نافيه وسألته قبل أن يسألها مره أخرى : أنا شفت صور هنا فى الشقه ليك مع أخوك فيكم شبه من بعض ..غير رنا مش شبه حد فيكم ( عشان رنا مش أختنا شقيقتنا ) تفاجئت من هذه المعلومه وقالت : معقول ( أه ..ليه مش مصدقه ) ( مش قادره أصدق أن علاقتكم الجامده دى ومع ذلك مش اخوات شقايق ) ( طب أستنى لما تشوفى رامى ..رامى بالنسبه له رنا بنته مش أخته ) فهزت رأسها غير مصدقه وقالت : مش قادره أصدق أن ممكن حد يحب أخوه إلى مش من نفس أبوه وامه سكت آدهم قليلاً وبعدها قال : أقولك الصراحه عشان أنا متعودتش اكدب عليكى ( قول ) (جت عليه فتره مكنتش متقبل وجود رنا فى حياتنا ..كنت بزعلها كتير ودايماً بتخانق معاها ... بس كنت وقتها مجرد واحد يائس أتخرجت من الجامعه مش لاقى نفسى فى ولا وظيفه ومش عارف أحقق أى حاجه فعشان كده كنت بحول غضبى عليها دايماً ) ( اشمعنا هى ) ( مش عارف يمكن عشان هى إلى كانت دايماً فى سكتى ... أو يمكن عشان كنت عارف أنى مهمها أزعلها مش هتتكلم ..مش عارف ..المهم أنى لما سفرت وحققت نفسى رجعت تانى ومشاعرى كلها أتبدلت من ناحيتها وأدينى بقيتى زى ما أنتى شايفه ) تنهدت ياسمين تنهيده طويله فقال لها آدهم : التنهيده دى وراها حاجه يا ياسمينه نظرت له متفاجئه فكيف هو يفهمها دون أن يعرفها وقالت بتردد : عارف .... كلامك بيأكدلى أنى قرارى أنى أعيش لأبنى وبس وماتجوزش ده قرار سليم ..ماينفعش أجيبله أخوات يحسسوه أنه مش أخوهم وانه مش زيه زيهم ( أولاً أنتى متجوزه دلوقتى ..وثانياً ... أنتى مافهمتيش من كلامى غير أنى كنت على خلاف مع رنا ............ ياسمينه لازم تفهمى أن وضع رنا مختلف عن وضع ياسين . رنا كانت من زوجه تانيه أتجوزها والدى على مامتى وطبيعى أننا نكره بنت الست إلى أخدت مننا بابنا .... بس صدقينى أحنا مكناش بنكرهها بالعكس دانا بحس أن رامى بيحبها أكتر منى ) عندما لاحظ آدهم صمت ياسمين علم أنها تفكر فى كلامه فأستغل الفرصه وأطرق على الحديد وهو ساخن وأقترب منها قائلاٍ : ياسمينه .... صدقينى أنا حبيت ياسين جداً .. وحسيت أنه زى أبنى ولو وافقتى نكمل جوازنا عمرى ما هحسسه أنه مش ابنى هيكون زيه زى ولادى فهتفت نافيه بسرعه: لأ ..لأ ..أنا مخك راج فينا جواز أيه وولاد أيه ..أحنا هنخلص من وائل وبعدها .. وقبل ان تكمل كان واضعاً أصبعه على فمها وقال : هشششش... أسمعينى ياسمينه ....أسمعينى وفكرى فى كلامى ... مافكرتيش للحظه أن ربنا ممكن يكون عمل كده عشان عايز نكون مع بعض أنا وأنتى ..ربنا عارف أنك أتظلمتى كتير فى حياتك ويمكن أنا أكون التعويض عن كل الأيام الى شفتيها ..صدقينى ياياسمينه أنا عندى أستعداد أقدملك أى ضمان أنت عايزاه أكتبلك الشقه ونصيبى فى الشركه والعربيه وكل حاجه عشان بس تطمنى وتدينى فرصه أزاحت اصبعه من على شفتيها برفق وقالت : آدهم تفتكر أن الفلوس ضمان كافى عشان أطمن ( لأ طبعاً ياياسمينه ... بس أنا بحبك وبقدملك قلبى ومش طالب غير فرصه ..فرصه ..سيبى نفسك فيها من غير ماتفكرى فى بكره ....جايز ..يمكن تقتنعى بيه ( مش عارفه يا آدهم ..مش عارفه ..المره دى لو فشلت مش أنا بس إلى هنجرح ياين كمان وأنا مش هستحمل أوجعه ) ( ياسمينه أنتى معتقده أنى ممكن آذى أبنك ...ده حته منك يعنى غلاوته من غلاوتك ) ( المخاطره كبيره يا آدهم ) ( بس أنتى أدها ..وقويه كفايه أنك تخوضيها بدليل انهارده انك سبتى آدهم ينزل معايه للصلاه بعد ما كنتى رافضه ..ماتتخيليش سعادتى كانت أد أيه لما خرجت ولقيتك ملبسه وجهزاها عشان يجى معايه ... حسيت أنك بتثقى فيه وبتأمنينى على حته منك ) ( أكيد بثق فيك يأ آدهم وألا ماكنتش هبقى هنا ) ( يبقى تدينا فرصه ..ماتقفليش باب فتحه له ربنا ... أوعدك أنى مش هقرب لك ولا هعمل حاجه تزعجك بس أوعدينى تقابلينى فى نص السكه حته عشان أحس أنى مش بعافر لوحدى .. ماشى ) لم ترد عليها فأستحثها قائلاً : ماشى ؟ فأومأت برأسها فهب واقفاً على الأريكه وقال بفرح : عايزه أسمعها ياياسمينه رفعت رأسها لتنظر له وهو على الأريكه وقالت له بأبتسامه : أيه ألى بتعمله ده يامجنون ( مش هنزل ألا لما تقولى أنا موافقه أديلك فرصه ) سكتت ياسمينه قليلاً وأطرقت برأسها وقالت بخفوت : موافقه يا آدهم ليقفز آدهم من على ألاريكه ألى الارض وهو يقول بفرح : وأخيرررراً | ||||
|
| |
|
25-02-17, 12:04 PM
| #150 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| يا دي الوقعة البيضا روجي سمعت و هيالها شطح و طارق اتخرس و معرفش يقول كلمتين علي بعض ياسمين بدات تفكر و تضعف بركاتك يا ادهومي استمر يا كبيييييير | ||||||||
|
| |
 |
| أدوات الموضوع | |
| انواع عرض الموضوع | |
|
|
34Likes
.png)
.png)
العرض العادي
