آخر 10 مشاركات
جدران دافئة (2) .. سلسلة مشاعر صادقة (الكاتـب : كلبهار - )           »          عشق وكبرياء(6)-ج1 من سلسلة أسرار خلف أسوار القصور-بقلم:noor1984* (الكاتـب : noor1984 - )           »          247- حب رخيص-كيت ولكر (مدبولي) عدد جديد (الكاتـب : Gege86 - )           »          وريف الجوري (الكاتـب : Adella rose - )           »          💕💕 حكايا القلوب..بين الزحام والناس💕💕فعالية جديدة*قصص قصيرة*(الموسم الأول كامل) (الكاتـب : اسفة - )           »          أول شتاء من دونك -سلسلة قصص قصيرة- بأقلام نخبةكاتبات قلوب [حصرياً ]كاملة &الروابط* (الكاتـب : Märäĥ sämį - )           »          الدخيلة ... "مميزة & مكتملة" (الكاتـب : lossil - )           »          263 - بيني وبينك - لوسي غوردون (الكاتـب : PEPOO - )           »          انتقام النمر الأسود (13) للكاتبة: Jacqueline Baird *كاملة+روابط* (الكاتـب : * فوفو * - )           »          أنفاس أحمد *مميزة ومكتملة* (الكاتـب : سامراء النيل - )


العودة   شبكة روايتي الثقافية > قسم الروايات > منتدى قصص من وحي الاعضاء > الروايات الطويلة المكتملة ضمن سلاسل (وحي الاعضاء)

Like Tree50Likes
إضافة رد
 
LinkBack أدوات الموضوع انواع عرض الموضوع
قديم 21-02-17, 02:24 AM   #121

pretty dede

كاتبة في قسم قصص من وحي الأعضاء

 
الصورة الرمزية pretty dede

? العضوٌ??? » 371679
?  التسِجيلٌ » May 2016
? مشَارَ?اتْي » 4,532
?  نُقآطِيْ » pretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond repute
افتراضي




البارت الثامن و الأربعون

بعد يومان في فيلا الحسيني..
اسر بتزمر:يابني حرام عليك عايز انام شويه..
انت ايه مبتفصلش..قومي يا فريده شوفيه بقي..
فريده بتعب:لا قوم انت بقي..انا مش كل شويه اقوم..
اسر وهو ينهض ويتجه اليه:طب اتكلم قولي اعملك ايه..عايز ايه..
فريده:يووووه بقي..انا تعبت سكته بقي..
اسر:اعمله ايه..اكل واكل ..غيار وغيرناله..عايز ايه تاني..
اسر وهو يحمله ويعطيه لفريدة..خديه
انتي اتفاهمي معاه براحتكم..وسيبيني انام شويه..
فريده ببكاء:حرام عيلكم والله..يعني انا موعوده بيكم..
اخلص من ابوك واكله بالليل تطلعلي انت..
والنبي اسكت شويه..ليهدئ الطفل بين يدي فريده وينام..
اسر بهدوء:ايه..نام..
فريده بهمس:ايوة..
اسر:طب هاتيه ..انيمه علي سريره..
فريده وهي تعطيه جاسر:خد بس بالراحة ليصحي تاني..
لياخذه اسر الي فراشه ويضعه ويتجه الي سريره
وعندما يضع راسه علي الوساده ينفجر جاسر باكيا..
اسر بتعب وصوت باكي:لاااااا..حرام كده هو انا كل
ما احطه ع السرير يعيط..قومي بقي يا فريده دورك انتي..
لتنهض فريده في تزمر وتحمله وتظل معه..هي واسر..
في الصباح..
ليلي:مالكم يا ولاد.. انتو نايمين علي روحكم كده..
فريده:جاسر مخلاناش نعرف ننام يا مامي..
ليلي:هههه..امال فاكرين ايه..التربيه
بالساهل..انت رايح الشركه يا اسر..
اسر بتعب:ايوة يا طنط..عندي شغل..
ليلي:طب يا ديدة هاتي جاسر ونامي انتي شويه..
فريده بفرحة:بجد يا مامي...ربنا يخليكي..
وتسرع الي غرفتها ليلحقها اسر..
فريده بدهشه:ايييه انت مش رايح الشركه..
اسر وهو يرتمي علي الفراش وينام بملابسه:لا..هنام..ده انا ماصدقت..
لترتمي بجواره فريده وتغط في نوم عميق..
>>>>>>>>>>>>>>>>>>>>>>>>>
في الشركه..
سيرين:لك وينه مستر اسر..لساته ما اجي..
ادم بمكر:لا..ومش جاي..اصل فريده ولدت..
وهو قاعد معاها..عبالك مدام سيرين..
ليكفهر وجه سيرين:عن جد..مبروك..
يوسف مكملا لاغاظتها:ايوة ..وبصراحة اسر مش
قادر يسيبها هي و البيبي..اصل اسر بيحب فريده قوي..
البرت:معك حق..بس هوي عصبي شوي..
ادم:اه..بس ده من غيرته علي فريده..
سيرين بضيق:شو ما راح نكمل شغل..
ادم بخبث:اكيد يا مدام سيرين..اتفضلي..
بعد الاجتماع..
يوسف:ههههه..شفت الوليه وشها جاب الوان ازاي..
ادم:ايوة ..فعلا فريده عندها حق..شكلها ست ملعب..
يوسف:بس انت مقصرتش معاها..و قولتلها كلام خلاها هتفرقع..
ادم:وانت برضو يا جو..هههه..شفت وشها وهي
بتقول..ويقلد سيرين...شو ما راح نكمل شغل..
يوسف:ههههه..ايوه..سيبك انت ..اول ما فريده ترجع هتظبطتها..انا عارف..
ادم:هههه..فعلا..فريده الحمل كان هاددها..لكن الوقتي..اصبر علي رزقك..
يوسف:هههه..عودة هتلر من جديد..
ادم:هههههه..ومش اي هتلر..
>>>>>>>>>>>>>>>>>>>>>
حضرت عائله اسر الي فيلا الحسيني لرؤيه اسر وفريده وجاسر الصغير..
سيف:مبروك يا ولاد..ها اخبار الباشا الصغير ايه..
ادم بضحكة:هههههه..ماهو باين عليهم يا بابا..شكله مظبطهم
ع الاخر..وكنت بتعيب عليا لما اروح انام مع يوسف في الاوضه..
اسر بتعب:بقولك ايه يا ادم وحياه ابوك انا مش بنام..فمش ناقص رخامه..
يوسف:هههه..امال ابني راجل من يومه..ومش هيتعبنا..والكلام ده كله راح فين..
اسر:غلطان يا خويا..ابني عيل..وابن عيل كمان..ارتحتوا..
سيف:ههههه..من ناحيه انك عيل يا اسر..فانت
فعلا كده..بس جه اللي يربيك..وهيطلع عينك..
اسر:هوا لسه هيطلع..ما طلعها خلاص..ده البيه
نشيله يسكت..اول ما احطه علي سريره يعيط..
كانه بيستني لما اغمض عيني ويعيط..
ليلي:هههه..انتو مش بتشوفوهم الصبح وهما نايمين علي روحهم بيصعبوا عليا..
كاميليا:هههههه..معلش ..هي اول سنه بتكون متعبه شويه..اياد كان كده...
فريده:ايه ده هو انا هستحمل كل ده..مش ممكن..حرام انا مش بنام..
كاميليا:هههههه..مش قولتلك قبل كده..وقلتي عادي متعوده اسر بيصحيني..
فريده بتزمر:بس مش بالمنظر ده..
ليلي:ما قولنا تربيه العيال مش بالساهل..امال انتو فاكرين طلعتوا ازاي..
فريده:بس يا مامي انا استحاله كنت كده..
ليلي:لا يا قلبي كنتي اكتر من كده..ده انتي
كنتي هتخليني شويه واشد في شعري منك..
اسر:يعني يا فريده اللي عملتيه زمان هيطلع علينا..
سيف:لا العفو يا اسر بيه..انت اللي كنت ملاك..
ده انت مكنتش بتخلينا ننام من كتر زنك..
اسر:احم احم..ليه كده يا بابا..ليه التسييح ده..
يوسف بهمس:سيرين سالت عليك..
اسر:وعايزة ايه ديه..
يوسف:معرفش..بس كل اما تيجي
تسال..انا مش مرتاح للوليه ديه..
فريده:بتقول حاجة يا جو..
يوسف:هه..لا يا فريده..كنت بسال اسر هيرجع الشركه امته..
فريده:اهاااا....كل يوم يلبس ويقول هروح..
واول ما مامي تاخد جاسر الصبح ..يجري ينام..
سيف:ههههه..معلش..بكرة تتظبط..
انجي وهي تحمل الصغير:بس ما هو هادي اهو..
زي الملاك يا جماعة..شكلكم انتو اللي ظالمينه..
اسر:فعلا ملاك..ماهو مش بيتحول
لعفريت غير بعد نص الليل..ليبكي الصغير..
كاميليا:ههههههه..زعل منك يا اسر اهو..
فريده بعتاب:اخص عليك يا اسر..اديه عيط..
وبعدين متقولش علي ابني عفريت..ده عسل..
اسر:الله..انت زعلت يا جاسر..مش قصدي..انا اسف يا سيدي..
ليضحك الجميع ويقضون وقتا ممتعا ويرحلوا بعد ذلك..
>>>>>>>>>>>>>>>>>>>>>>>>>>>>
عاد اسر الي العمل وبدا في متابعة تصاميم مشروع
سيرين والبرت..كانت سيرين تتعمد التواجد
بالقرب من اسر والتودد له..ورغم عدم مجاراه اسر لها لم تيأس..
سيرين لنفسها:هيك ما بيصير..راح جرب شي تاني..ماراح اتركك اسر..
>>>>>>>>>>>>>>>>>>>>>
في منزل الحسيني كان صوت جاسر الصغير يعلو من البكاء..
فريده:لا بقي...انا مش هستحمل كفايه..
اسر:حرام..عندي شغل واجتماع الصبح..سكتيه..
فريده:هو ابني لوحدي..ارحمني شويه..
اسر بحده:يعني عايزة ايه الوقتي..
فريده بعصبيه:ايه مش مستحمل شويه..
وانا اللي قاعده معاه طول اليوم..
اسر بعصبيه مماثله:يعني انا اللي بلعب..ماهو بشتغل ..
وبعدين انتي امه..يعني المفروض تبقي عارفه عايز ايه..
فريده:لا بجد..هو انت فاكرني ايه..روح شوفه..
اسر:اووف ..دي بقت حاجة تقرف..
ذهب اسر وحمل الصغير وظلوا مستيقظين حتي الصباح..
نام جاسر ونام بعده اسر وفريده..ليبكي مجددا..
لتركل فريده اسر كالعاده وتوقعه من الفراش ..
فريده بنوم:قوم شوف ابنك..انا مش قادرة اتحرك..
اسر بنوم:ولا انا ...
بعد ساعاتان تاتي ليلي علي بكاء الصغير وتطرق الباب ولكن لا يجيبها احد..
ليلي:فريده..اسر..افتحوا يا ولاد..الولد بيعيط..ماله..
فاطمه:الولد بقاله ساعة بيعيط..
ليلي بقلق:مالهم دول مش بيردوا..وتطرق الباب..يا فريده..
فاطمه:مش معقوله يكونوا مش سامعين..
ليلي بقلق:انا هدخل..واشوف ايه اللي حاصل جوا..
لتدلف ليلي الي الغرفة وتجد فريده نائمه بعرض الفراش
واسر نائم علي الارض وقدمه علي الفراش ولا يشعرون بما حولهم..
ليلي: مش ممكن اللي عاملينه ده..
فاطمه:ههههه..من التعب مش حاسين باي حاجة..
ليلي وهي تحمل الصغير وتسكته:اه منهم..
وتوقظ فريده ..فريده قومي يا حبيبتي..
فريده بخضة:ايه يا مامي..انتي بتعملي ايه هنا..
ليلي:جاسر اديله ساعة بيعيط...
فريده:مانا قولت لاسر يشوفه..امال راح فين..
ليلي وهي تشير بيدها الي اسر النائم:ههههه..اهو نايم ع الارض يا حبيبتي..
لتلقي فريده بجسدها لناحيه اسر وتوقظه:ايه ده.
.اسر..انت لسه نايم عندك كده..اصحي يلا..
فاطمه:ايه اللي منيمك كده يابني..
اسر بتعب وهو يجلس علي الارض ويضع راسه علي الفراش وبصوت باكي:
منمناش من امبارح غير الصبح..كل شويه يعيط..وربنا انا شكلي
هسيب هنا وارجع بيت ابويا ..وعايزة تسافري يا فريده سافري..انا تعبت..
ليلي:ههههه..من اولها يا اسر عايز تمشي..انتو لسه
شفتوا حاجة..انا هغيرله وااكله..لتخرج من الغرفة هي و الطفل وفاطمه..
فريده:قوم من ع الارض..انت مين اللي عمل فيك كده..
اسر بتهكم:يعني مش عارفة..حضرتك كالعاده بس مقدرتش اقوم..
فريده:ههههه..معلش قوم يلا...
اسر وهو يجلس علي الفراش:ده ولا التعذيب يا فريده..حرام..
فريده وهي تربت علي كتفه:معلش يا حبيبي..
>>>>>>>>>>>>>>>>>>>>>>>>>>>
بعد فترة استقر نوم الصغير وعادوا الي فيلا سيف الدين
وذلك تزامننا مع سفر ليلي الي تركيا لبعض
الاعمال التي اجلتها بسبب ولاده فريده المبكرة..
في الشركه كان اسر منشغلا في عمله لتدلف اليه فريده والصغير..
فريده بابتسامه:ممكن ندخل يا بشمهندس ولا مشغول..
اسر:ايه المفاجأة الحلوة ديه..بتعملوا ايه هنا..
فريده وهي تعطي جاسر لاسر:ابدا..كنا قاعدين ولقيت
جاسر بيقولي يا مامي..بابي وحشني وكمان الشركه..
اسر بضحكه:جاسر برضو اللي واحشه بابي..
فريده بضحكه:يعني ومامي كمان شويه..وبعدين
الشركه وحشاني قوي..بقولك ايه ماتخلي
جاسر معاك شويه اروح المكتب وارجعلك..
اسر :اهااااا..قولي كده..طب مسبتيش جاسر مع داده ام علي ليه..
فريده:بصراحة:مقدرتش اسيبه يا اسر..مش
بقدر ابعد عنه..بيوحشني حتي لما بينام..
اسر:احم احم..انا هبتدي اغير يا هانم..
فريده وهي تقبله علي وجنته:لا يا حبيبي..كله الا جاسر.
.مش معقوله تغير منه..انا بحبه علشان ده نسخة منك..
اسر:ههههه..اتثبت انا كده..ماشي..يلا يا باشا
هنقعد انا وانت مع بعض من غير مامي..
لتذهب فريده الي مكتبها وتعود بعد قليل لتتفاجئ
باصوات ضحكات عاليه..فتدخل لتجد سيرين واسر معا في المكتب ..
فريده بغضب:ايه اللي بيحصل هنا..
اسر :تعالي يا فريده ..
فريده بعصبيه:اجي فين..انا عايزة اعرف ايه اللي بيحصل هنا..
وصوت الضحك اللي واصل لاخر الشركه ده ايه...
اسر :فيه ايه يا فريده مالك..
سيرين:شو فيكي مدام فريده..مضايقة هيك..
فريده:انا عايزة اعرف هي بتعمل ايه هنا..
لافي اجتماع ولا فيه زفت..بتهبب ايه هنا..
اسر بحدة:فريده..مش كده..مدام سيرين كانت
جايه علشان تعزمنا علي العشا في الفندق بعد بكرة..
فريدة بتهكم:لا والله..وده يستدعي كل
الضحك ده..وبعدين شايله جاسر ليه..
سيرين:عادي ..بس اللصغير اكتير مهضوم..طالع لابوه..
اسر:بجد شبهي..شكرا ..
فريده بسخريه:امال عايزاه يطلع لمين
يا مدام سيرين..لجوز خالته مثلا..عن اذنك الولد..
سيرين بحزن مصطنع:بعتذر اكتير ..ماكنت
مفكرة انك راح تضايقي اذا بحمله..
اسر بحرج:بعتذر مدام سيرين..بس فريده مش بتخلي حد يشيل جاسر..
فريده بعصبيه وهي تاخذ الصغير وتخرج من المكتب:
اسفين للازعاج يابشمهندس..انا رايحة علي البيت..
علشان اتخنقت من هنا..واهي فرصة يخلالكم الجو..عن اذنك..
اسر بحدة:فريده..
سيرين بحزن مصطنع:بعتذر مستر اسر اذا
كنت ساويتلك مشكله مع مرتك..مو كان قصدي..
اسر:ولا يهمك مدام سيرين..هي بس عصبيه شويه..
سيرين بدلع:طيب وشو مشان العشا..راح تجي ما هيك..
اسر:ان شاء الله..هاجي..
سيرين وهي تخرج من مكتبه وبرقه بالغة:ناطرتك اسر ..بشوفك..باي..
عاد اسر الي المنزل فريده وكانت غاضبه للغايه..وفي غرفة الصغير..
اسر بعصبيه:اقدر اعرف ايه اللي عملتيه ده..
فريده بغضب مكتوم:وطي صوتك جاسر نايم ومش عايزاه يصحي..
خرجت من غرفة جاسر واتجهوا الي غرفتهم..
اسر:كل مرة كده..كل مرة تشوفيها تعملي كده..ايه ..مالك..
فريده بعصبيه:لما الاقي واحده عماله تتدلع وتتمايص
معاك وانت عادي عايزني اعمل ايه..ها..اسيبكم يعني..
اسر بعصبيه:ليه ان شاء الله جيتي شفتيني في حضنها مثلا..
فريده بغضب:ده اللي ناقص يا بيه..علشان كنت قتلتك انت وهيا..
اسر بحده:يعني عايزاني اعمل ايه..
فريده:عايزاك ملكش دعوة بالست ديه..سيبها ماتتعملش معاها..
اسر :ازاي يعني ..عميله في الشعل..
اطردها مثلا..بطلي جنانك ده يا فريده..
فريده:مش هبطله..طول ما انا شايفة واحده عايزة
تاخد جوزي مني..ده انا اقتلها.. ابعد عنها
يا اسر احسنلك..واي حد يمسك مشروعها بدالك..
اسر بعصبيه:ايه بتهدديني يا فريده..طب انا هتولي
المشروع بتاعها بنفسي..والعشا بتاع بعد
بكرة رايحة..واعلي ما في خيلك اركبيه يا فريده..
فريده بغضب:بقي كده..ماشي يا اسر..
اعمل حسابك انا راجعة الشغل بكرة..
اسر:وجاسر هتسبيه لمين..
فريده:ليك يا حبيبي..زي ما انا امه ..انت ابوه..
اسر بترقب:ازاي يعني..
فريده وهي تذهب الي غرفة صغيرها:يعني انت يوم وانا يوم..
انت مش واخدني ست بيت تقعد تشتغل وتربي بس..زيي زيك..
اسر:فريده..تعالي هنا..
فريده:صوتك علشان جاسر ميصحاش..
اتفضل نام في الاوضه براحتك..علشان الازعاج..
>>>>>>>>>>>>>>>>>>>>>

noor elhuda likes this.

pretty dede غير متواجد حالياً   رد مع اقتباس
قديم 21-02-17, 02:25 AM   #122

pretty dede

كاتبة في قسم قصص من وحي الأعضاء

 
الصورة الرمزية pretty dede

? العضوٌ??? » 371679
?  التسِجيلٌ » May 2016
? مشَارَ?اتْي » 4,532
?  نُقآطِيْ » pretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond repute
افتراضي



البارت التاسع و الأربعون

فريده وهي تذهب الي غرفة صغيرها:يعني انت يوم وانا يوم..
انت مش واخدني ست بيت تقعد تشتغل وتربي بس..زيي زيك..

اسر:فريده..تعالي هنا..

فريده:صوتك علشان جاسر ميصحاش..
اتفضل نام في الاوضه براحتك..علشان الازعاج..
>>>>>>>>>>>>>>>>>>>>

ادم:فريده النهارده جت ولقت سيرين عنده في المكتب ..
كاميليا:فعلا فريده مش بتحب سيرين ديه..ربنا يستر..

ادم:يسترفعلا..انتي مش سامعة خناقتهم..

كاميليا:ما اسر مزودها برضو..وهو عارف
فريده بتغير عليه..وبعدين الست ديه ملزقه..

ادم:ههههههه..ملزقه يا كامي..ده انتو الستات
منفسنين..كل ده علشان الست حلوة شويه..

كاميليا بحده:حلوة..حلوة مين ياسي ادم..ده كله
صناعي يا حبيبي..وبعدين انت بتبص عليها ولا ايه..

ادم بضحكه:ههههه..ايه يا كامي انتي هتقلبي ولا ايه..
وربنا بهزر..هوا فيه في القلب غيرك يا جميل..

كاميليا بتحذير:بحسب..ايوة كده اتعدل..
عارف لو بصيت ليها تاني..هموتك..

ادم:ماشي يا حبيبتي..ومقلقيش انا عمري ما ابص غير ليكي..
>>>>>>>>>>>>>>>>>>>>>>>>>>>>

بعد يومان ذهب اسرالي العشاء بالفندق وسط غضب فريده العارم..

فريده بغضب:شفت البيه اخوك..راح يتعشي مع الهانم..

ادم:عشاء عمل يا فريده اهدي..
فريده بعصبيه:ومرحتش انت ويوسف معاه ليه..

يوسف بتلقائية:ماهي ماقالتش غير لاسر ع العشا ده..

فريده بغضب:نعم..انت بتقول ايه يا يوسف..يعني اسر والزفته
ديه هيكونوا لوحدهم..ده ليله اسر سودة..انا هطين عيشته..

ادم:يخربيتك يا يوسف..انت لسانك ده مسحوب منك..
يوسف:الله مش الحقيقة..هيا قالت لحد مننا يعني..

انجي:مكنش لازم يا جو تقول لفريده..
اهي راحت علي اوضتها متعصبه..

يوسف:يووووه بقي..اللي حصل حصل بقي..
انجي:ادم هيا كاميليا لسه ماجتش من عند باباها..

ادم:لا هي هتبات النهارده عنده..بس بتسالي ليه يا انجي..

انجي:ابدا..بس كانت تقدر تهدي فريده
شويه..بدل ماهي مشعلله كده..

ادم بتهكم:ماهي البركه في جو..ربنا يستر بقي..

يوسف بضيق:انتو هتقعدوا تبكتوني كده كتير..ماهو الحق
علي اسر برضو حد قاله يروح ليها..بقولكم ايه انا رايح انام احسن..
>>>>>>>>>>>>>>>>>>>

في الفندق دعت سيرين اسر الي غرفتها بحجة بعض الاوراق..

اسر وهو يدلف الي الغرفة:خير مدام سيرين..
احنا مش هننزل تحت ولا ايه..امال البرت فين..

سيرين: البرت ما راح يقدر يجي وانا حاسه بشي شويه
تعب لهيك بدنا نتعشي هون.. ما عندك مانع ماهيك اسر..

اسر بضيق: بس مينفعش مدام سيرين
اظن اننا ممكن نأجل العشا ليوم تاني بعد اذنك..

سيرين بحزن مصطنع: ليش هيك اسر.. عن جد راح
تكسر بخاطري بعدين انا طالبته للاكل من بكير ما بتلاقيه غير وصل..

اسر بحنق: مش هينفع يا مدام سيرين قولت
وبعدين انا مش عايز اتأخر علي فريدة..

ليشعل كلامه غضبها وتمسكها به لتكمل: اي معك
حق بس ما راح تستكتر علي شي مشروب معك..

اسر: انا مش بشرب..

سيرين بغيظ مكتوم وباصرار: ماشي بنشرب
عصير انا وياك لا تحرمني كرم الضيافة اسر..

اسر علي مضض: ماشي مدام سيرين..

لتحضر سيرين العصير ويبدأوا في تناوله وتسكب
سيرين العصير متعمدة علي ملابسها وجاكيت اسر..

سيرين: اوووه بعتذر اسر مو كان قصدي..
اسر بحنق وهو يمسح جاكيته: ابدا ولا يهمك حصل خير..

سيرين: عن جد مو قصدي ما بعرف كيف صار هيك...
بس لحظه واحدة انطرني بدل تيابي مابتأخر عليك..

اسر بضيق وابتسامه صفراء: اتفضلي..

بعد دقائق تخرج سيرين بفستان اقل ما يقال عليه فاضح
يظهر اكثر مما يخفي.. لينظر اليها اسر بعيون جاحظة..

اسر: ايه اللي انتي لابساه ده..
سيرين بدلع: شو مو عاجبتك..

اسر بحدة: وانا مالي يعجبني ولا لأ.. عايزة ايه مني بالظبط..

لتتقرب منه سيرين بدلال وتتلمس وجهه والرغبه تشع من عينيها..

سيرين: بدي ياك اسر من لما شفتك اول مرة وانا راح موت عليك..

اسر بعصبيه: انتي بتقولي ايه انتي اتجنيتي انا راجل متجوز و...

سيرين وهي تضع اصابعها علي فمه: ما بيهمني شو ما كنت..
وبعدين انا بسمع عنك اخبار اكتير كازنوفا..
وبدلال هامس قاتل اذاب اسر معه..
بدي شوف كازنوفا اللي سمعت عنه اساطير عم بتخليني ما بنام..

لتقبل اسر وينجرف هو معها متناسيا ما حوله..

في المنزل

فريدة بغضب: لا بقي انا مش هستحمل.. انا
هروح وهطربقها علي دماغ اللي خلفوهم..

لتذهب الي يوسف و انجي وادم وتعطي انجي جاسر ...

انجي: رايحة فين يا فريدة السعادي..

فريدة بغضب: رايحة للبيه اللي مقضيها
وفاكرها سايبه انا هوريه واوريها..

ادم: اعقلي يا فريدة مش كدة هو شويه و هتلاقيه جاي..
يوسف: ايوة هو مش هيتاخر اكتر من كدة..

فريدة باصرار وعصبيه: لأ.. انا رايحاله
اشوف بيهبب ايه وقعته سودا..

انجي بقلق: الحقها يا يوسف وروح معها
لحسن تعمل حاجة مجنونه وهي كدة..

يوسف وهو يطلب اسر علي هاتفه و لا يجيب: اسر مش بيرد
ربنا يستر انا رايح معاها لحسن فعلا يعملوا حاجة في بعض..

انجي بقلق: ربنا يستر يا جو..

ليسرع يوسف و ادم

ادم خلف فريدة: استني يا فريدة انا جاي معاكي..
فريدة: لأ انا رايحة لوحدي..

ادم باصرار: هتسوقي وتروحي لوحدك ازاي الوقتي انا جاي معاكي يلا..

ليتوجه يوسف وادم وفريدة الي الفندق ويسألوا موظف الاستقبال
عن اسر وسيرين ويخبرهم انهم بغرفتها لتستشيط فريدة غضبا..

فريدة بغضب: شوفتوا البيه مع الهانم في اوضتها..
واكيد انتوا عارفين بيعملوا ايه الوقتي وقعته سوده..

يوسف بهمس: اسر وسيرين في اوضتها.. يبقي الشيطان ثالثهما
وكازنوفا مش هيتوصي.. شكلها ليلة طين علي دماغك يا اسر..

ادم بهمس: انت بتقول فيها ديه ليله كوبيا ...

فريدة بعصبيه شديدة: انتوا بتبرطموا بتقول ايه..
هتفضلوا متنحلينلي كدة اتنيلوا قدامي نشوف البيه..

يوسف بقلق وخوف: طب ما نتصل بيهم الاول
يا فريدة.. ميصحش نروح كدة خبط لزق..

ادم: اسكت يا اهبل..

فريدة بغضب ووجه احمر: انت بتستهبل يا يوسف
وبسخريه خايف نخضهم ولا نقطع عليهم خلوتهم..

ادم بقلق: اهدي يا فريدة الناس بتتفرج علينا..
فريدة بعصبية: انتو هتيجوا معايا ولا اروح لوحدي..

ادم و يوسف في قلق: اتفضلي...

ذهب الجميع الي غرفة سيرين طرقت فريدة باب الغرفة
بعصبيه شديدة وعنف لتفتح سيرين وتتفاجئ فريدة بمنظرها..

فريدة بغضب: ايه ده.. فين اسر..
سيرين بدلع ومفاجأة: مدام فريدة.. شو عم بتساوي هون..

فريدة بغضب:شو عم بساوي هون..
فين اسر بقولك ابعدي عن سكتي..

سيرين وهي تحاول منع فريدة من الدخول:
ما بيصير هيك مدام فريدة مافيكي تدخلي هيك..

فريدة بعصبيه وهي تدفعها لتدخل: ابعدي من وشي..

لتتفاجئ بمنظر اسر النائم علي الفراش بدون
قميصه واحمر شفاه سيرين منتشر عليه..

فريدة بدموع: شايفين البيه عامل ايه..
ادم بصدمه: مش معقوله اسر..

يوسف: يامصيبتي السودة ايه ده..
روحنا بلاش.. دلوقتي فريدة هترتكب جنايه..

فريدة بغضب : اه يا واطيه يا حقيرة انا
هوريكي وانت ياواطي استني عليا..

يوسف:رايحة فين يا فريدة..

في الصباح يتململ اسر و يستيقظ وهو يشعر بصداع رهيب ...
اسر بالم: اه يا راسي.. ايه ده مش ممكن.. فريدة دماغي
هتفرتك والنبي اعمليلي فنجان قهوة بسرعة....

ليحرك يديه ويربت علي شعر من بجواره ظنا منه انها فريدة..
ولكنه يجد ملمس الشعر مختلف.. مجعد وغير املس ..

ليفتح عينيه ويديرهما في الغرفة
ليفاجئ انه لا زال بغرفة سيرين بالفندق..

ليأتيه صوت ناعم بدلع شو فيقت حبيبي
صباح الخير..بدك قهوي لك انت بتامر امر..

ليعود ويضع يديه علي شعر من بجواره بخوف وتوتر..
ليتأكد انه ليس لفريدة... يضع يديه علي وجهه في رعب مكملا..

اسر برعب: يامصيبتي السودة انا لسه هنا وفريدة
وبزعر عمرها ما هتسامحني علي كدة..
مش ممكن انا.. انا.. ليلتفت الي سيرين بغضب .. انتي ازاي..

ليبتر كلماته و ينظر بعيون جاحظة و ويكمل بمفاجأة فريدة..

لتنفجر فريدة في الضحك علي منظر
اسر الغاضب برعب ودموع في عينيه..

فريده: ههههههه مش قادرة ههههه منظرك هموت..

اسر بضيق وحنق: فريدة ايه اللي عملاه في روحك ده
(كانت فريده تضع علي راسها باروكه من الشعر المجعد
الذي يشبه شعر سيرين) وبعدين انتي جيتي هنا ازاي..

فريدة وهي لا زالت تضحك: بالعربيه يا حبيبي..
هههههه شوكنت مفكرني ما راح جيلك.. وبتركك الها..
مفكرني راح اتركك لوحدي مابعرف قرعة ابوها من وين..

اسر بضيق: اعدلي لسانك ورحمه ابوكي.. حرام عليكي يا شيخة...
كنتي هتجبيلي سكتة كنت هموت من الرعب لما افتكرتك سيرين..
بس ثانيه واحدة ديه مش اوضتها احنا ازاي هنا.. وهيا راحت فين..

فريدة بغضب: بتسال عليها ليه عايز تكمل
اللي كنت بتعمله امبارح ولا ايه..

اسر بتوتر: امبارح وهو حصل ايه انا مش فاكر حاجة..

فريدة بتنهيدة: ابدا..بس لحقناك علي اخر لحظه
قبل ما كنت هتقع في الغلط يا قلبي..

اسر: ازاي يعني انا عملت ايه..

فريدة برفعة حاجب: يعني مش فاكر
عملت معاها ايه يا اسر بيه..

اسر بتوتر: لا انا انا مش فاكر غير...

فريدة بغيظ: اقولك انا بدايه من البوسه نهايه
بالسرير يا بشمهندس.. افتكرت ولا لأ..

اسر بخوف: لا انا... انا معملتش حاجة يا فريدة..
والله صدقيني انا بحبك انتي..
انا بعدتها عني انا كنت ماشي بس..

فلاش باك

قبل اسر سيرين التي كانت تريده بشده حتي بدأت في فتح ازرار قميصه ..

ليبعدها اسر عنه في عنف مكملا: انتي فاكرة نفسك بتعملي ايه..

سيرين بانفاس لاهثه: شو فيك حبيبي انا بدي ياك متل ما انت بدك ياني..

اسر بضحكة سخريه: هههه.. انا ابصلك انتي انتي بتحلمي يا ماما...

سيرين: شو.. شو عم تقصد..

اسر مكملا: انتي فاكرة انك بشويه الدلع والسهوكه
واللبس ده هدلق عليكي واجري ليكي.. لأ يبقي
انتي متعرفنيش.. ده انا عدي عليا من اشكالك كتير..

ده انا اسر كازنوفا انا مبصش لوحدة زيك مع كل واحد شويه
انتي فاكراني مش عارفك تقعدي تجري ورا الراجل لحد ما تطوليه
وبعد كده ترميه اول ما تلاقي صنف جديد غيره.. لا يا مزة مش انا..
بعدين انا لا يمكن ابص لامثالك او لغيرك عارفة
ليه لاني بحب مراتي وعمري ما اخونها..

سيرين بغضب: شو فيها لهاي الدرجة لحتي تكون
بتحبا هيك.. شو المميز فيها شو بتفرق عني..

اسر: انتي هتجيبي نفسك ليها اش جاب لجاب..
فريدة ديه حياتي حبيبتي الوحيدة اللي خلتني اروحلها زاحف..
مقدرش استغني عنها ... عارفة لما تبقي مش قادرة تطولي
حاجة وتعمل المستحيل علشان تطولها اهي ديه فريدة..

سيرين: وطولتا شو بتفرق هلأ.. ليش
متمسك فيها هيك انت بترفضني مشانا..

اسر: وارفض اي واحدة مهما كانت.. كله الا فريدة انا مش هسمح
لواحدة انها تكون سبب في حزنها.. وخصوصا واحدة زيك..
وابعدي عن طريقي علشان ارجع لحبيبتي واعتبري المشروع
اللي بينا لاغي..
وهو ينظر اليها باشمئزاز امثالك هما اللي بيخلوني
اتمسك بفريدة واعرف قيمتها كويس.. علي الاقل هيا اقدر استئمنها
علي بيتي واسمي مهما حصل.. مش واحدة
ترمي نفسها في حضن اول راجل تقابله سلام يا مزة..

باك

اسر: بس هو ده اللي فاكره..
فريده: اكملك انا يا حبيبي..

فلاش باك

بعد ان اخبر اسر سيرين بذلك هم بالذهاب
ولكنه لم يستطع النهوض وشعر بثقل جسده

اسر بدوار: ايه اللي بيحصل ده انا مالي..
وبغضب انتي عملتي فيا ايه انطقي..

سيرين: ما ساويت شي اسر بس متل ما انت قلت
انا بضل ورا اللي انا بدي ياه لحتي اخده وانت راح تكون الي..

اسر بترنح: ابعدي عني انا همشي
من هنا انتي عملتي فيا ايه...

سيرين: ولا شي..لاتقلق..
اسر لاني حسيت انك راح تساوي هيك..

ليحاول اسر التحرك ناحية الباب
ولكنه لا يستطيع ويسقط ارضا..

لتأخذه سيرين الي الفراش وتنزع عنه
قميصه وتبدأ في تقبيله بشغف ورغبه..

اسر وهو يحاول ابعادها: ابعدي عني.. انا عايز فريدة..
سيرين: ما في فريدة مافي غيري انا.. انت إلي انا..

حتي تفاجئ بطرق الباب العنيف من فريدة
لتفتح سيرين وتتفاجئ فريدة بمنظرها..

فريدة بغضب: ايه ده.. فين اسر..
سيرين بدلع ومفاجأة: مدام فريدة.. شو عم بتساوي هون..

فريدة بغضب:شو عم بساوي هون..
فين اسر بقولك ابعدي عن سكتي..

سيرين وهي تحاول منع فريدة من الدخول:
ما بيصير هيك مدام فريدة مافيكي تدخلي هيك..

فريدة بعصبيه وهي تدفعها لتدخل: ابعدي من وشي..
لتتفاجئ بمنظر اسر النائم علي الفراش بدون
قميصه واحمر شفاه سيرين منتشر عليه..

فريدة بدموع: شايفين البيه عامل ايه..
ادم بصدمه: مش معقوله اسر..

يوسف: يامصيبتي السودة ايه ده.. روحنا بلاش..
دلوقتي فريدة هترتكب جنايه..

فريدة بغضب وهي تتجه الي سيرين: اه يا واطيه
يا حقيرة انا هوريكي وانت ياواطي استني عليا..
>>>>>>>>>>>>>>>>>>>>>>>>>>>>>>>

noor elhuda likes this.

pretty dede غير متواجد حالياً   رد مع اقتباس
قديم 21-02-17, 02:27 AM   #123

pretty dede

كاتبة في قسم قصص من وحي الأعضاء

 
الصورة الرمزية pretty dede

? العضوٌ??? » 371679
?  التسِجيلٌ » May 2016
? مشَارَ?اتْي » 4,532
?  نُقآطِيْ » pretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond repute
افتراضي



البارت الخمسون والأخير

فريدة بعصبيه وهي تدفعها لتدخل: ابعدي من وشي..
لتتفاجئ بمنظر اسر النائم علي الفراش بدون
قميصه واحمر شفاه سيرين منتشر عليه..

فريدة بدموع: شايفين البيه عامل ايه..
ادم بصدمه: مش معقوله اسر..

يوسف: يامصيبتي السودة ايه ده..
روحنا بلاش.. دلوقتي فريدة هترتكب جنايه..

فريدة بغضب وهي تتجه الي سيرين: اه يا واطيه يا
حقيرة انا هوريكي وانت ياواطي استني عليا..

لتدفعها فريدة وتتجه الي اسر النائم وبغضب:
قوم يا سعاده البيه قوم ..انت مش
بترد عليا ليه ده انا هسود عيشتك..

يوسف لادم: اسر نايم كدة ليه ده
حتي متحركش لما دخلنا...

ادم بغيظ: يا بجاحته ولا كأن شعره
منه اتهزت ولا كأنه متفاجئ بينا..

يوسف: فريدة هتقتله الوقتي..
ادم بغضب: يستاهل كل اللي هتعمله فيه..

فريدة وهي تضربه بعصبيه: قوم انت
مش سامعني... قوم طلقني يا واطي..

يوسف: اهدي يا فريده رد عليها يا اسر ..
ادم بحدة: اسر ...

سيرين: ما بيصير هيك ...

فريدة بغضب: انتي تخرسي خالص لسه دورك جاي يا زباله..
فريدة لاسر هي تهزه: قوم يا بيه.. مش بترد عليا ليه..

بدأت فريدة تضرب اسر بعنف وهو لا يبدي اي حركه..

ولكنه فتح عينيه وبصوت هامس وبابتسامه تمتم: فريدة..
فريدة بعصبيه: ايوة فريدة يا خاين يا غشاش ..

اسر: بحبك ..

واغمض عينيه مرة اخري لتهزه فريدة

بعنف ولكنها تلاحظ عدم حركته فينتابها القلق..
فريدة بقلق: اسر مالك قوم رد عليا انت
مبتتحركش ليه.. الحقني يا ادم اسر ماله..

ليتجه ادم ويوسف الي اسر ويجدونه غائب عن الوعي لا يتحرك..

ادم بقلق وهو يحاول افاقته: اسر مالك رد عليا ...

يوسف بخوف: مالك يا اسر ولادم ده مش هنا خالص.. جراله ايه..

فريدة بغضب لسيرين وهي تمسك شعرها:
عملتيله ايه يا واطيه وبحدة انطقي يا هدفنك هنا..

سيرين وهي تحاول ابعادها: بعدي عني ما ساويت شي..

ليتجه اليها ادم ويوسف بغضب ..

يوسف بصوت ارعبها: انطقي عملتي
فيه ايه يا اما هنرميكي من هنا انطقي..

سيرين بخوف: مخدر ..

ادم بغضب ودهشه: خدرتيه.. انتي ايه ..وليه عملتي كده..

سيرين بغضب :مشان فضل عليي هاي.. رفضني مشانا..

فريده بغضب وهي تصفعها: يا بنت ال... انا هوريكي..
انهالت فريدة عليها بالضرب ابعدها ادم عنها ..

ادم: اهدي يا فريدة هتموتيها..

فريدة بعصبيه: سيبني عليها انا هخلص عليها سيبني..

يوسف: اهدي يا فريدة لما نشوف اسر ..
ولسيرين بحدة.. مخدر ايه اللي اديتيهوله انطقي..

ادم وهو يمسكها من ذراعها بعنف: انطقي..
سيرين بخوف: مخدر بسيط راح يفيق الصبح..

ادم وهو ينظر اليها ويلفت انتباهه ضوء ما يتجه اليه ويجده كاميرا..

ادم بغضب: يا بنت ال... كنتي بتصوريه علشان تبعتي الفيديو لفريدة..

يوسف بغضب وهو يتجه اليها: كنت عايزة
تخلي فريدة تسيبه.. انا هقتلك الوقتي..

ليمسكه ادم: اهدي يا يوسف مش ناقصين مصايب..
وبغضب لسيرين الوقتي وتروحي تلمي زبالتك.. وتغوري من هنا ..
حالا والا قسما بالله ما هيحصلك طيب و العقد اللي بينا تنسيه فاهمه..

سيرين بخوف من منظرهم الغاضب: ماشي راح روح...
وتسرع وتلملم اغراضها وتسرع الي الخارج..

فريدة بغضب: انتو هتسيبوها تمشي من هنا كده..

ادم: امال عايزانا نعمل ايه..
فريدة بعصبيه: سيبوني عليها..

يوسف: اهدي بقي يا فريدة وخلينا نشوف بنت ال... ديه صورت ايه ..

لتفتحوا الكاميرا ويشاهدوا ما حدث منذ دخول اسر غرفة سيرين..

يوسف: بنت ال... ايه ده انا مشفتش كدة..
ادم: اسر طلع مظلوم ..

فريدة بابتسامه علي شفتيها من حديث اسر:
اهاااا.. وباقتضاب بس هو اللي جه هنا برجليه..

يوسف: خلاص بقي خلينا ناخد اسر ونمشي من هنا..

فريدة بابتسامه خبيثة: لا سيبوه للصبح مش هينفع ناخده كدة..

ادم بعدم ارتياح: ناويه علي ايه يا فريدة..

فريده ببراءة مصطنعة: ابدا مفيش بس
انا هفضل معاه للصبح ونيجي لما يفوق..

يوسف بقلق وعدم تصديق: فريدة.. اسر طلع مظلوم
وانتي شفتي بعينك بلاش والنبي تعملي حاجة ليه..

فريدة: الله هعمله ايه يعني... كل الحكايه اننا ممكن نعمل توتر في الفندق
بمنظره ده او حد يلقط صورة كدة ولا كدة ويخترعوا قصة وخلاص.. متقلقوش..

ادم بريبه: ماشي يا فريدة بس لما يصحي اتصلي بينا طمنينا..

فريدة: اوك متقلقوش ده في ايد امينه..

يوسف: يا خوفي من امينه ديه.. يلا بينا يا ادم..

ليتركوا فريدة مع اسر..

باك

فريدة: ادي يا حبيبي كل اللي حصل..

اسر بغضب: يعني بنت ال... عملت كدة
وصورتني كمان علشان تبعتلك الصور..

فريدة: اي يا روحي لك تقبرني ما اهضمك..

اسر بحنق: فريدة اتعدلي.. وبعدين ده انا هروقك
علي اللي عملتيه فيا من شويه بتشتغليني.. تعالي بقي..

فريدة: هههه اوعي..وبرفعة حاجب تحذيرية..
ده انا لسه هحاسبك علي انك بوستها وقعتك سوده...

اسر بغمزة: يعني هتعاقبيني.. وانا موافق..
فريدة: لااااا مش زي منتا فاكر انسي يا بابا ...

اسر وهو يمسك بها: لا انا عايز عقاب من بتوعي...
وبصراحة اهي فرصة احنا هنا بعيد عن مقاطعة جاسر بيه ليا..

فريدة بلهفة: فكرتني ده انا سبته من
امبارح مع انجي يلا بينا بسرعة نروحله..

اسر برفعة حاجب: نعم لا ده انا مصدقت لقيتك
لوحدك موضوع سيرين جه ليا بفايدة برضو تعالي بقي..

فريدة: ليش يا روحي النا بيت مو هون..
اسر: لا هون مليش دعوة..

نسبهم احنا ملناش دعوة بيهم... ..
>>>>>>>>>>>>>>>>>>>>>>>>>>>>>>>>>>>

بعد عامان كان اسر نائم ليستيقظ مفزوعا علي صراخ وبكاء فريدة..

اسر بسرعة وهو يتلفت حوله: ايه فيه ايه..
حد مات ولا ايه.. فريدة انتي فين..

فريدة ببكاء: انا هنا في الحمام..
ليدلف بسرعة: مالك فيه ايه ايه اللي حصل...

فريدة ببكاء شديد: مصيبه يا اسر كارثة..
اسر بقلق: ايه اللي حصل قولي..امك ماتت..

فريدة بحدة:بعد الشر.. ان شالله انت..
اسر :امال ايه اللي حصل..شفتي صرصار ولا فار..

فريده ببكاء:لا ..اهئ اهئ..
اسر بقلق:امال ايه..انطقي..

فريدة وبتقطع وشهقاتها تعلو: انا.. انا..

اسر بتوتر: انتي ايه مالك..
فريدة بانهيار: انا حامل اعاااااا..

اسر وقد جلس علي ارضيه الحمام: ياشيخة حرام عليكي..
فيه حد يعمل كدة... وقعتي قلبي انا قلت.. لحظة انتي بتقولي مالك..

فريدة ببكاء: حامل..حامل..اهئ اهئ...

اسر بفرحة: انتي بتتكلمي جد.. طب احلفي..
يعني انا هجيب بيبي تاني.. ياهووووووه..

فريدة بعصبيه: انت مبسوط قوي كده ليه.. انا بقولك حامل ديه مصيبة..

اسر وهو يرفع حاجبه: مصيبه ليه ان شاء الله علشان حامل..

فريدة ببكاء: طبعا انت مش متخيل اللي هيحصل..
اسر بتهكم: ليه خايفة اهلك يعرفوا يقتلوكي ولا حاجة ..

فريدة بحدة: انت بتتريق.. بعد اللي حصلي مع جاسر..
وعايزني اخلف تاني وابقي مبسوطه.. ده انا لغايه الوقتي
لما بفتكر اللي حصل بترعب.. عايزني اجربها مرة تاني..
اهئ اهئ انت السبب حرام عليك..

اسر:ههههه فريدة يا حبيبتي انتي عمرك ما هتعقلي..
بعدين فيه فرق جاسر ده اتولد قبل ميعاده.. متخافيش..

فريدة بغيظ: طبعا سهل عليك انت
بتتعب في حاجة وبعدين جاسر لسه صغير..

اسر: لا سنتين مش صغير.. وبعدين ما كاميليا اياد مكنش كمل سنه..
وكانت حامل تاني.. انتي اللي مكبرة الموضوع.. اهدي يا حبيبتي..

فريدة ببكاء: انا خايفة..

اسر وهو يخرجها من الحمام الي الغرفة ويجلسها علي المقعد..
اسر: لا ياقلبي متخافيش.. مفيش حاجة هتحصل انا معاكي.. اهو..

فريدة: يعني مش هتسيبني زي المرة اللي فاتت..
اسر: هههه ليكي عليا اضربلك الدكتور لو ضايقك المرادي خلاص..

فريدة وهي تمسح دموعها: وعد...

اسر بضحكة: وعد يا ديدة ...هههه وادي جاسر بيه صحي..
ربنا يقدرني ويقويني عليكم يا مجنني.. تعالي يابني..

وبعد اربع سنوات..

انجب كل من ادم وكاميليا..اياد ثمان سنوات واسيل سته.وكاميليا حامل في الثالث..

وانجب يوسف وانجي تؤام ياسين ويمني سته سنوات.. وياسمين سنتان ونصف..

واسر وفريده جاسر سبع سنوات وجومانه اربع سنوات ونصف..

في جناح اسر و فريدة تسمع اصوات عاليه ...

فريدة: جاااااسر تعالي هنا انا هعلقك..
جاسر: يووووه يامامي انا عملتلك ايه الوقتي..

فريدة: انت هتستهبل يالا.. بتعلق البنات في
المدرسه وتكلمهم في التليفون.. وعادي..

جاسر: الله وفيها ايه بقلب رزقي.. انتي ايه اللي مزعلك..

فريدة بدهشه: تقلب رزقك ولا.. انت بتجيب الكلام ده منين..

جاسر: من بابي واونكل يوسف..وبضيق بقولك ايه ما تروحي تشوفي
بابي وتسيبيني اكمل كلامي مع المزة اللي كانت معايا ع التليفون..

فريدة وهي تركض خلفه:مزة.. بص انا هروقك النهاردة تعالي هنا..

اسر وهو يحمل جومانه الصغيرة: ايه فيه ايه صوتكم عالي ليه..

جاسر:ياعم ماتحوش مراتك عني بقي..انا زهقت..

فريدة بعصبيه: تعالي هنا ايه الطريقة الزباله اللي بتتكلم بيها ديه..
جاسر :ماعادي بقي.. فكك مني..

اسر:يوووه..فيه ايه يا فريده ..كل شويه اجي علي صوتك..

فريده: شوف البيه ابنك.. بيكلم بنات
في التليفون... وقال ايه بيقلب رزقه..

اسر: وفيها ايه يا فريدة انتي مكبرة الموضوع عادي يعني..

فريدة بحدة: انت بتقول ايه..

اسر: احم احم.. عيب كدة يا جاسر..
غلط يا حبيبي.. متعملش كدة تاني..

جاسر برفعة حاجب: الله ايه يا بابي.. انت بتقول ايه..
وبعدين انت مش كنت عايزني اظبتك مع ام البت ريتاج
من يومين.. كنت بكلمها وبظبط المواعيد عشانك..

فريدة: نععععععم انت بتقول ايه..

اسر بخوف: الله يخرب بيت ابوك.. انت بتقول ايه
انت عايز امك تولع فيا.. ده كداب يا حبيبتي..

جومانه: لا يا بابي جاسر مش كداب.. انا سمعتك وانت بتقوله كدة..

اسر بغل: يا ولاد ال.... بتتفقوا عليا.. ماشي انتي
هتصدقي العيال يا ديدة دول بيهزروا مش كدة يا ولاد..

جاسر و جومانه وهم يحركون راسهم بالنفي وتأكيد كلامهم..

اسر: اه يا ولاد ال.... تعالوا هنا.. ليركض خلفهم..

فريدة بنبرة آمرة: اسر تعالي هنا..

جاسر: البس بابي هيتروق..
جومانه: اكيد يا برنس اصبر خناقة كالعادة ..

جاسر: طب نسيبكم احنا يا جماعة
تتخانقوا علي راحتكم ونخلع احنا..

اسر بتوسل: ليه كدة هتسبوني لوحدي معاها..

جاسر: معلش يا بابي بقي انت اللي مش مسيطر...
لو كنت حمش شويه مكنتش تعمل كدة..

جومانه: يلا يا بابي قلبي معاك.. شد حيلك.. يلا يا جاسر بينا...

اسر: استنوا انا جاي معاكم..

وهم يهبطون الي الاسفل..

جومانه: يلا بينا يا جسورة ..

جاسر: يلا بينا يا اوختشي.. بس
تفتكري الجوله ديه هتتحسم لصالح مين..

جومانه: اكيد كالعادة..لصالح بابي....

جاسر: هههه .. عندك حق واكيد
بابي هيضحك علي مامي بكلمتين..

جومانه: ومامي ياعيني هتصدق علي طول..
سيبك منهم ويلا تعالي اقولك انا ظبتلك البت ياسمين اللي معايا
في الكلاس بس زي ما وعدتني هتخلي بابي يجبلي الفون الجديد..

جاسر :قشطة عليكي..بس انتي مش تعملي حاجة لله ابدا..

جومانه: اكيد تلميذتك يا معلم..

سيف: ايه يا ولاد فيه ايه مالهم فريدة واسر..

جاسر: ابدا يا جدو خناقة كالعادة..
سيف: تاني مش هيبطلوا بقي..

جومانه: العادة يا جدو.. تعالي بس انت وسيبك منهم
وتعالي نحكيلك ايه اللي حصل في الschool امبارح..

جاسر: ايوة يا حجوج ده حصل بلاوي وخصوصا مع المزز..

جومانه: ايوه يا كبير ده فيه ميسات صواريخ هبطت علي المدرسه ..

سيف وبدهشه: انتو متأكدين انكم سبع سنين واربعة...
ايه اللي بتقولوه ده.. اكيد ولاد اسر و فريدة هيطلعوا ايه غير كدة..

جاسر: تعالي بس يا سوفة واحنا هنظبتك..
سيف:هههه..شكرا يا سيدي..بس عندي شغل ..بعدين..

ليجتمع الاولاد معا..

اياد:ايه يا جاسر..امك وابوك بيتخانقوا تاني..

جاسر:ايوة ..عادي سيبك منهم..
اسكت مش جومانه ظبطتلي ياسمين..

ياسين بحزن:اخص عليكي يا جومانه..
ده انا كان عيني منها..وقولتلك عليها..

جومانه:ايه يابني.. انت مش هطلع من وراك بمصلحة
انما جاسر هيخلي بابي يجبلي الفون..المرة الجايه مش تزعل..

اياد:وانا كمان ظبطت البت نورهان اللي معايا
في الكلاس ..وهنتقابل في النادي..

ياسين بحزن:طب وانا كده هبقي لوحدي..
جاسر:خلاص انا هبقي اشوفلك اي واحدة ..

جومانه:متزعلش يا ياسينو انا هبقي معاك ..
جاسر:ماتتلمي يا بت انتي..

جومانه:الله انا هكسب فيه ثواب..
اياد بحدة:نعم ياختي وتبقي معاه ليه..لا..انا لايمكن ارضي بكده..

جومانه بعصبيه:انت بتزعقلي ليه...انت مالك اصلا..انا حرة..
اياد بعصبيه:حرة في عينك..وبعدين انا قولت لا يعني لا..

يمني و اسيل:طب واحنا..
اياد :انتو تركنوا علي جمب وخدوا البت جومانه معاكم..

جومانه بغيظ:بقي كده طب ماشي..انا بقي
هبوظلكم كل التظبيط ..وذهبت من امامهم..

ياسين:ليه بس تزعلها..
اياد بتحذير:ملكش دعوة بيها يا ياسين..

جاسر:وانت كمان ياسي اياد ملكش دعوة بيها..
واوعي تزعقلها تاني...اخلع من هنا بقي..بدل ما اروقك..
جاسر لجومانه..خدي يا جومانه يا حبيبتي متزعليش..

عودة الي اسر و فريدة..

فريدة بنبرة امرة: تعالي هنا.. لتقترب منه وبصوت مخيف..
بقي انت بتعلم ابني قله الادب.. علشان يظبطك مع امهات البنات..

اسر بضحكة:وبهمس هو متعلم جاهز..
ولفريدة..هههههه.. انتي هتصدقي يا فريدة دول بيهزروا..

فريدة بثقة: لا عيالي مبيكدبوش.. اتاريك جاسر يقولك
عايز ده يا بابي حاضر هات ده حاضر.. اتاريك بترشيه علشان يظبطك..
عارف يا اسر لو مبطلتش حركاتك ديه هعمل فيك ايه..

اسر بخوف: ايه.. ايه يا ديدة انتي هتتحولي
ولا ايه..انتي هتعملي ايه..بلاش تهور..

فريدة وهي تمسكه من قميصه: هعمل زي المرأة و السطور يا اسر..

اسر بقلق: فريدة حبيبتي انتي ليه بقيتي عنيفة كدة ..
بطلي تشوفي حاجات عنيفة كتير ..
بعدين مالك فيه ايه انتي هتاخديني في
دوكه وتنسيني اللي عملتيه ولا ايه..

فريدة بقلق: عملت ايه..

اسر بنبرة مخيفة: ده انتي وقعتك سودة بقي تروحي
تتكلمي مع ابو الواد لؤي الملزق ده...
ومنشكحة معاه وكمان هتروحي معاهم حفلة النادي..

فريدة: وفيها ايه..
اسر بحدة: ده انا اقطع رقبتك فيها اني راجل بغير..

فريدة: يا سلام يا خويا منتا بتكلم
امهات العيال ده عادي يعني..

اسر: انا راجل..
فريدة بتهكم: نعم..وبحدة يعني ايه..

اسر: يعني انا مبحبش حد غيرك انتي ومقدرش ابص لغيرك..
فريدة بابتسامه:يعني ايه....

اسر: يعني تبطلي جنانك..
فريدة: مش قبل ما تبطل عندك..

اسر: عندي ده شئ من طبعي..
فريدة: وجناني ده جزء مني..

اسر: جنانك ده اللي خلاني اعشقك..
فريدة: وعندك ده اللي خلاني مقدرش ابعد عنك..

اسر: يعني..
فريدة بضحكة: يعني اسر وفريدة مينفعش
يكونوا من غير عند اسر وجنان فريدة..

ليقترب اسر منها: يعني ايه..

فريدة بابتسامه: يعني جنوني وعنادك يا حبيبي..

>>>>>>>>>>>>>>>>>>>>>>>

noor elhuda likes this.

pretty dede غير متواجد حالياً   رد مع اقتباس
قديم 21-02-17, 02:31 AM   #124

pretty dede

كاتبة في قسم قصص من وحي الأعضاء

 
الصورة الرمزية pretty dede

? العضوٌ??? » 371679
?  التسِجيلٌ » May 2016
? مشَارَ?اتْي » 4,532
?  نُقآطِيْ » pretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond repute
افتراضي


الخاتمة


في صباح عيد الأضحي المبارك كانت فريدة نائمة فإذا بجاسر يدلف إليها
ليوقظها بإلحاح جعلها تصرخ متذمرة..

فريدة وهي تصرخ بنفاذ صبر متململة بنعاس: يابني
حراااام عليك كفاية عايزة انام.. عايز مني ايه..

جاسر بتأفف ونبرة متذمرة وهو يهزها ليوقظها:
يووه يامامي اصحي بقي النهاردة عيد..

فريده وهي مغمضة عيناها وتزفر بعدم اهتمام:
عارفة انه عيد واعملك ايه.. لسه بدري اجري نام وسبني انام..

جاسر بإقتضاب وهو يزفر بحنق: بدري ايه يامامي..
قومي يلا حضريلي اللبس انا عايز الحق وانزل..

فريدة بوجه باكي ونبرة متذمرة: والله حرام عليكم
اللي بتعملوه فيا ده.. مش كفايا عليا ابوك امبارح..
تيجي انت وتكمل عليا.. وتزيح الغطاء وهي تضيق
عيناها بتوعد وعلي وجهها علامات ارتكاب جريمة..
وبعدين تعالي هنا انا مش محضرالك اللبس من امبارح ومعلقاه..

جاسر وهو يلوي شفتيه بتعوج مستنكرا: وانتي مسمية
اللبس اللي انتي محضراه ده لبس.. ده يادوبك البسه
اروح اخد العيدية من جدو وبابي واجي ارميه..

فريده بعيون متسعة وفاه مفرغ بذهول: ترميه..
وتزم شفتيها وهي تجذ علي اسنانها غضبا محذرة..
ولا امشي من هنا بدل ما اتغابي عليك..
وبلهجة آمرة حادة.. يلا من هنا..

ليرحل جاسر وهو يدب قدميه غيظا وهو يتمتم متذمرا
بعدم رضا: ايه الست ديه.. انا مش عارف بابي مستحملها
ازاي.. ياريته يطلقها ويجيب واحده جديدة ونرتاح منها..

فريده وقد ارتفع حاجبيها واتسعت عيناها بذهول وتهز رأسها
بعدم تصديق مرددة: يطلقني ويجيب غيري.. ايه العيال ديه
ياربي.. وتزم شفتيها بإمتعاض.. اسر وكلامه الزبالة خلي العيال local

اسر بضحكة وهو يدلف وبعد سماعه لجاسر يميل عليه
وبهمس: حبيب ابوك ياجاسورة بفكر في الموضوع ده..

جاسر بإمتعاض وهو يهز رأسه يأسا ويقلب شفتيه بتبرم:
محدش هيلومك يابابي.. مراتك لا تطاق..

اسر وهو ينظر الي فريده بطرف عينيه ولجاسر
وهو يومأ برأسه ايجابا: فعلا شايف شكلها كإنها
كانت بتحارب مش نايمة ده منظر واحدة يوم العيد
الصبح.. يلا يلا يابني روح غير علشان نشوف باقي العيلة..

جاسر غامزا: طيب يابوب.. وبعدها نروح نتفسح
وبعدها ع النادي والمزز النضيفة بعد حمومة العيد..

اسر ضاحكا ضاربا اياه علي رأسه بخفه وبنبرة مرحة:
يلا ياض من هنا بدل ما امك تولع فينا.. بالحق فين اختك..

جاسر وهو يلوي شفتيه: لبست ونزلت عند البنات..
وانا هروح البس واحصلها.. ويرحل ويتركه..

اسر وهو ينظر الي فريده الجالسه علي الفراش
وهو يلوي شفتيه بعدم رضا بمظهرها الناعس وشعرها
المنثور بإهمال ونظرات الحنق بادية عليها وبإبتسامة
متهكمة ساخرة: حبيبة قلبي.. ايه الاخبار خلصتي مباراه
المصارعة بتاعتك مع السرير ولا لسه..

فريدة وهي تنظر اليه بغل ووتزم شفتيها بغيظ وبنبرة حانقة حادة:
يارخامتك يااخي.. ليك نفس تهزر.. طبعا فايق ورايق..
مش هتبطل عادتك الزفت ديه..

اسر ضاحكا وهو يتحدث ببراءة: ايه ياديدة
حصل ايه.. كل ده علشان بجوع بالليل..

فريده بعصيبة: كل يوم.. وكمان نقلت العاده لابنك بقي
زي مايكون ظابط ميعاده لو انت مصحتش هو يصحيني..
وبوجه باكي وهي تحني كتفيها بإسي مشفقة علي حالها..
حرام عليكم اللي بتعملوه فيا.. انا بنت ناس محترمة..
بقي ده منظر فريده الحسيني..

اسر وهو يلوي شفتيه بتعوج هامسا: الصراحة مش منظر حتي مرات البواب..
فريدة بنبرة حادة وعيون مشتعلة: انت بتقول ايه..

اسر وهو يتنحنح ويبتلع ريقه بتوتر: احم.. بقول انك زي القمر..
وبضحكة.. يلا بقي ياديدة بلاش نكد النهارده يلا فوقي والبسي
علشان نلحق ننزل كل البيت اتجمع تحت.. ويقترب مقبلا اياها
علي وجنتها بإبتسامة مشرقة.. صباح الخير ياحبيبة اسر..

فريدة وهي تزم شفتيها ثم تبتسم: صباح الخير..
وتنهض من الفراش وتتجه الي الحمام لتبدل ملابسها
وفجأة تلتفت لاسر وبتوعد.. بس الواد جاسر عايز يتربي..

اسر ضاحكا وهو يهز رأسه بيأس: مش هينفع
ده هو اللي بيربينا.. يلا يلا خلينا نخلص..

بعد ان انتهت فريدة واسر من تبديل ملابسهم
هبطوا الي الاسفل حيث الجميع متواجد..

سيف ضاحكا: اخيرا نزلتوا انا فكرتكوا مش نازلين
النهاردة.. وبإبتسامة.. كل سنة وانتو طيبين..

فريدة بإبتسامة: وحضرتك طيب يااونكل.. اهلا
ياجو اهلا انجي كل سنة وانتو طيبين..

انجي بإبتسامة رقيقة: وانتي طيبة يافريدة..

ادم وهو يقرن حاجبيه بتبرم واستنكار: ايه مفيش
كل سنة وانت طيب يادومي وكامي..

فريدة ضاحكة: مانا معيدة عليكم امبارح وبعدين وشنا
في وش بعض علي طول.. وتنظر الي كاميليا بطرف
عينها متحدثة بسخرية.. اخبارك ايه يابطيخة هانم..

كاميليا بتثاقل: كويسة بس معرفتش انام كويس بسبب البيبي..

فريدة وهي تلوي شفتيها بإستنكار وعدم رضا: انتي عمرك
ماهتبطلي.. عماله تخلفي كفاية ياامي.. بتستحملي ازاي..

اسر بتعوج وهو يهمس: مش زي واحدة كل ماتبقي
حامل تعملي مصيبة وفي الاخر جيبالي عيلين..

فريدة برفعة حاجب ونبرة متوعدة: بتقول حاجة يااسر سمعني..
اسر بإبتسامة صفراء: ابدا بقول حبيبتي..

يوسف ضاحكا: الخوف حلو برضو..
انجي بتساؤل: جو انت قافل تليفونك ليه.. مامي عمالة ترن عليك..

يوسف بتنهيدة: ماهو انا قافل تليفوني مخصوص علشان
مكالمة امك.. ده انا ماصدقت خلعت من الموضوع ده..
عارفها هتتصل وتعزمني ع الغدا وانا معدتي مش ناقصة كفاية اكلك انتي..

انجي بإقتضاب ونبرة معاتبة: اخص عليك ده بدل ماتشجعني..

يوسف وهو يرفع يده وبنبرة متريثة: الاعتراف بالحق
فضيلة ياحبيبتي.. انا مش عايز اتعبك.. انا بحب اكل ام علي كفاية عليا..

ادم ضاحكا: ليك حق ياجو اكل خالتي يودي الاسعاف..
سيف بإبتسامة: امال الولاد فين..

كاميليا وهي تشير بيدها: هناك بيلعبوا..
سيف:طب اندهوهم علشان ياخدوا العيدية..

لينادي عليهم ادم ويأتوا ركضا.. ويعطي سيف الدين العيدية للاطفال..

اياد بإبتسامة: شكرا ياجدو..
ياسين بفرحة: شكرا ياجدو..

جاسر بضحكة: شكرا ياجدو.. ويلتفت الي اسر
وهو يمد يده.. يلا يابابي هات العيدية..

اسر وهو يلوي شفتيه متسائلا ببلاهة: عيدية ايه.. ما جدك اداك..

جاسر وهو يلوي شفتيه مثل اسر وبإستهجان: مليش فيه..
ديه عيدية جدو وانا عايز منك انك.. العيد لازم نلم من الكل..
لخص علشان نلحق ناخد من اونكل ادم واونكل يوسف..

اسر برفعة حاجب متعجب: الخص.. ولا انت بتكلم ابوك.. وبعدين ده عيد لحمة..
جاسر بحنق وتأفف: مليش فيه لحمة غير لحمة.. يلا هات..

فريدة بضحكة شامتة: اديله يا اسر مالك متنح ليه..
وترفع حاجبيها وهي تشير لباقي الاطفال.. والكل مستني..

ليفرغ آسر فاهه وتتسع عيناه وهو ينظر اليهم وهم يبتسمون
بأعين لامعة منتظرين ان يعطيهم العيدية.. ثم يزم شفتيه
ويقرن حاجبيه بتبرم متمتما: انا كان ايه اللي نزلني دلوقتي..

فريدة بإبتسامة متشفية وهي تحرك حاجبيها بتسلية
ونبرة شامتة: احسن ومن اعمالكم سلط عليكم..
علشان تبقي تصحيني تاني.. اشرب..

ليخرج آسر حافظة نقوده بتبرم وحنق ويعطي الاطفال العيدية
ويذهب الجميع لمشاهدة مراسم ذبح الاضحية في سعادة بالغة
وسط تحسر آسر علي خسارة امواله خاصة بعد ان أخذت
فريدة ايضا العيدية وليس اي عيدية جعلت آسر يتسمر في
مكانه بذهول فقد أخذت مبلغا كبيرا افرغت به حافظته
وهي تنظر له نظرات متحدية ان يفتح فمه بالإعتراض
عقابا له علي مايفعله بها كل ليلة..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,

تمت بحمد الله

noor elhuda likes this.

pretty dede غير متواجد حالياً   رد مع اقتباس
قديم 21-02-17, 10:25 PM   #125

sam2001
 
الصورة الرمزية sam2001

? العضوٌ??? » 165263
?  التسِجيلٌ » Mar 2011
? مشَارَ?اتْي » 2,479
?  نُقآطِيْ » sam2001 is on a distinguished road
افتراضي

شكررررررررررررررررررررررر ررررررااااااااااااااااااا اااااااااااااااااااااا

sam2001 غير متواجد حالياً   رد مع اقتباس
قديم 22-02-17, 10:26 AM   #126

سهام هاني

? العضوٌ??? » 154062
?  التسِجيلٌ » Jan 2011
? مشَارَ?اتْي » 1,187
?  نُقآطِيْ » سهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond reputeسهام هاني has a reputation beyond repute
افتراضي

بجز تحفه وجميله ههههههههههههههه ودمها خفيف والواحد بيحس ان اليوم مش بيعدي غير بيها تسلمي ياديدا وتسلم خفة دمك

سهام هاني غير متواجد حالياً   رد مع اقتباس
قديم 22-02-17, 02:54 PM   #127

pretty dede

كاتبة في قسم قصص من وحي الأعضاء

 
الصورة الرمزية pretty dede

? العضوٌ??? » 371679
?  التسِجيلٌ » May 2016
? مشَارَ?اتْي » 4,532
?  نُقآطِيْ » pretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond reputepretty dede has a reputation beyond repute
افتراضي

اقتباس:
المشاركة الأصلية كتبت بواسطة سهام هاني مشاهدة المشاركة
بجز تحفه وجميله ههههههههههههههه ودمها خفيف والواحد بيحس ان اليوم مش بيعدي غير بيها تسلمي ياديدا وتسلم خفة دمك
تسلمي ياقمر انتي اجمل.. سعيدة انها بتفرحك..


pretty dede غير متواجد حالياً   رد مع اقتباس
قديم 25-02-17, 04:57 AM   #128

جرجيرة

? العضوٌ??? » 308844
?  التسِجيلٌ » Dec 2013
? مشَارَ?اتْي » 287
?  نُقآطِيْ » جرجيرة is on a distinguished road
افتراضي

السلام عليكم ورحمة الله وبركاته

جرجيرة غير متواجد حالياً   رد مع اقتباس
قديم 25-02-17, 02:50 PM   #129

funy19

? العضوٌ??? » 36652
?  التسِجيلٌ » Aug 2008
? مشَارَ?اتْي » 3,009
?  نُقآطِيْ » funy19 is on a distinguished road
افتراضي

Thaaaaaaaaaaaaaaaaaaaanks

funy19 غير متواجد حالياً   رد مع اقتباس
قديم 01-03-17, 12:57 AM   #130

σεβα

? العضوٌ??? » 381480
?  التسِجيلٌ » Sep 2016
? مشَارَ?اتْي » 306
?  نُقآطِيْ » σεβα is on a distinguished road
افتراضي

السلام عليكم ورحمة الله وبركاته

σεβα غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:00 PM



Powered by vBulletin®
Copyright ©2000 - 2024, vBulletin Solutions, Inc.