اسر القلب (2) *مميزة ومكتملة*.. سلسلة عناد الحب

[pretty dede]

البارت الخامس و العشرين

لتدلف فريده في غضب وعيناها تشتعل غضبا وبصوت عالي وهي
تتجه الي يوسف وكريم :يوووسف.. اتشاهد علي روحك..انا هموتك النهارده..

يوسف برعب وهو يدور حول المكتب بعيدا عن فريده الغاضبه:
وربنا يا فريده معرف ازاي ده حصل..انا..

فريده بغضب وهو تحاول الوصول له:تعرف متعرفش..
انا هقتلك يا يوسف..كله الا ده..

اسر بعدم فهم ودهشه من غضب فريده:
فيه ايه مالك يا فريده ايه اللي حصل..

كريم بخوف:مفيش يا اسر..اهدي يا فريده..

فريده بغضب:وانت فاكر اني مش هخلص عليك انت التاني
يا كريم..انا النهارده هروح فيكم في داهية..

اسر بعصبيه:الكل يخرس ويقولي ايه اللي بيحصل هنا..
>>>>>>>>>>>>>>>>>

علي الجانب الاخر...

الرئيس:حسنا..هل احضروا ما طلب منهم..
مساعده:اجل سيدي..انها معهم الان..ماذا تريدنا ان نفعل بهم..

الرئيس:ساخبرك الان.....
مساعده:حسنا سيدي..ساجعلهم يفعلون ذلك فورا..

الرئيس بتعب: لنرهم ماذا سافعل بهم الان..

مساعده بقلق:سيدي هل انت علي ما يرام..
لما لا ترتاح قليلا..امرك الطبيب بالراحة..

الرئيس:سارتاح عندما انتقم من سليم واجعله يفعل ما اريده
منه..والا فليريني ماذا سيفعل لانقاذ ابنته مما ينتظرها..

مساعده:بالطبع سيفعل سيدي..والا ...
>>>>>>>>>>>>>>>>>>>>>>>>>>>

فريده بغضب وصوت عالي:البهوات..ضيعوا عقود الشركه
وعقد الملكيه والصكوك..يعني اتخرب بيتنا ..

اسر بعيون متسعة من المفاجأة وتتحول الي كتله من الشرار الغاضب:
نعم..يانهار ابوكم اسود..عملتوا ايه..وبنبرة مخيفة..
انا هولع فيكم الوقتي..ازاي ده حصل..

كريم بخوف:وربنا ما نعرف..كل اللي حصل اننا كنا بنحط
عقود في الخزنه بنفتحها لقيناها فاضيه من كل حاجة..

يوسف بخوف:ايوة يا اسر..معرفش ده حصل ازاي..انا قافلها بايدي وشايلها..
اسر بغضب:قافلها بايدك..وحياه امك يا يوسف..انت عارف معني ده ايه..

فريده بغضب:بيتنا اتخرب..لو الورق ده وقع في ايد منافسينا يبقي
عليه العوض..هيبيعوا الشركة ليهم والعقود و الشروط الجزائيه
هنروح في داهية..بس قبل ما نروح في داهية انا هقتلكم..
واهي داهية بداهية ..

يوسف بخوف:انا عارف ده كله بس...

اسر بغضب وهو يتجه نحوهم:لما انتو عارفين بده يا ولاد ال.....
بتضيعوها..اغيب شويه ارجع الاقيكم خاربين بيتي..والكلام ده حصل امته..

كريم ويوسف بتعلثم:.......

فريده بغضب:من يومين ..ضاعت من يومين..
وهما نايمين علي ودانهم..

اسر بغضب:فريده اطلعي برا الوقتي..
فريده بعصبيه:ايه..انت بتقول ايه....ديه مصيبه..

اسر بعصبيه:اطلعي برا..وادي الموظفين اجازة نص يوم الوقتي..
كريم بتساؤل:ليه يا اسر..هتعمل ايه..

اسر بنبرة مريبه:هتعرفوا الوقتي..يلا يا فريده..

فريده بنفس نبرة اسر:ماشي..بس حسك
عينك تبدا من غيري..وربنا يا اسر انت عارف..

اسر بنفس النبرة:امرك..بس متتاخريش..
>>>>>>>>>>>>>>>>>>>>>>>>>>>>

اتصل سليم بسيف واخبره بالاتصال..

سليم بتوتر:سفت يا سيف..مش ساكتين..سرقوا العقود...
سيف:عقود ايه يا سليم انا مش فاهم..

سليم:عقود شركه فريده واسر..هيخربوا بيتهم..
سيف بدهشه:ايه..طب ووصلوا للورق ده ازاي..

سليم:ايديهم طايله يا سيف..انا مش عارف
هنعمل ايه..هنساعد اسر وفريده ازاي..

سيف بتوتر:معرفش يا سليم..انا هكلم اسر
الاول..بس انت اوعي تقول لفريده حاجة..

سليم بخوف:مش هقولها..انا بس هعرفها اني
عرفت من برا واشوف لو محتاجة حاجة..
سيف:وانا كمان هشوف اسر..ربنا يستر..

سليم بقلق:انا مش عارف هنخلص من المصيبة ديه
امته يا سيف..العيال كده هتضيع مننا..

سيف بتوتر:ربك يسهل يا سليم..هشوف وهقولك..سلام الوقتي..
>>>>>>>>>>>>>>>>>>>>>>>>>>>>>>>>

في الحال اعطت فريده كل الموظفين اجازة لباقي اليوم وانصرف الجميع
واتجهت فريده الي المكتب المتواجد فيه الجميع واغلقت الباب خلفها بالمفتاح..

فريده واسر وهو يقتربون من يوسف وكريم المرتعبون..

اسر بصوت مخيف:اخرتكم النهارده..انا هكتب تصريح خرجتكم..

يوسف وهو يتراجع الي الخلف:اهدي يا اسر..وربنا هنلاقي حل..متتهورش..

فريده بنفس النبرة:حل..فعلا..احنا هنحل وسطكوا..هنوصلكم لجهنم بايدينا..

كريم برعب:مش انتي يا فريده..هتضيعوا نفسكم علشان اتنين
ما يستهلوش زينا..خسارة تودوا نفسكم في داهيه علشانا...

اسر :ما احنا كده كده رايحين في داهية..يعني بالشكل ده
هنتجوز في السجن..فاحنا هنخلص عليكم
وسجن بسجن بدل ما ناخد تابيدة..تبقي اعدام ونخلص...

ليشمر كل من اسر وفريده ساعديهم وبصوت واحد:
استعنا ع الشقا بالله..اقروا الفاتحة علي روحكم..

ليتعالي صوت يوسف وكريم في الصراخ..

ااااااه..حرام كفايه..ااااااه..

اااااي..هموت..كفايه..طب اااااي يا دماغي..
ايه ده دم..انا خلااااااص مت..
..عاااااااي ..دراعي اتكسر كفايه..

اااااااي..ضلوعي يا اسر حرام..

اخرس يابن ال....انت وهو ده انا ...خد..طراااخ ....بووووم...

يالهووووي..كله الا المسطرة الخشب..اااااه...
عااااي انا مت خلاص..كفايه يا فريده..

اخرس يا حيوان..ده انا لسه هروقك ..انتو اخرتكم
علي ايدي النهارده خد..طراااخ...بووووم..

وبعد مده تجد المكتب في فوضي عارمه وجميعه محطم ولكن علي
راس كريم ويوسف الذين قد طحنا من الضرب
ولم يعد بمقدورهم التحرك او حتي الصراخ من الالم..

جلس كل من اسر وفريده ..

فريدة بقلق: هنعمل ايه الوقتي يا اسر..

اسر بعصبيه: مش عارف.. مش عارف ديه مصيبة سودا..
انتي عافة لو حد شم خبر باللي حصل هيتخرب بيتنا..

فريدة بخوف: اسر احنا كدة هنروح في داهية... هنتسجن يا اسر..

اسر بغضب وهو يشير الي يوسف و كريم: كله من ولاد... دول الاغبيا..
اللي انا سلمتهم الشغل وكل واحد فيهم مش فالح غير
الحب و السرمحة ورا البنات... مش عارف هنتصرف ازاي..

فريدة بتوتر: طب صكوك الملكيه ممكن نجيبها من الشهر الxxxxي
طب و العقود و الاتفاقيات يا اسر انت عارف ان نصها لسه مش متسجله
بس الشرط الجزائي واجب الدفع.. ايه اللي بيحصلنا ده ياربي.. انا ....انا..

كانت فريدة تعاني من ضيق التنفس.. ليسرع اليها
اسر بخوف.. فريدة: اهدي هنلاقي حل متقلقيش..

فريدة بدموع: اسر انا مقدرش اخسر الشركه ديه ولا حتي اتحبس..

اسر بعصبيه: قولتلك قبل كدة انا مش هسمح لحاجة تأذيكي..انا هتصرف..

فريده بحزن:طب هنعمل ايه..والناس اللي هيجوا
علشان مشاريعهم ..هنقولهم ايه..

اسر بتوعد:مش هنعمل حاجة..الجوز دول زي ما بوظوا كل حاجة ..
..هما هيتصرفوا..والا هما عارفين هيحصلهم ايه..وبصوت جهوري سامعين..

ليومئ كريم ويوسف راسهم بالموافقة في رعب..

اسر:عارفين ياولاد ال...لو حد عرف باللي حصل هعمل فيكم ايه..

فريدة:اللي حصلكم الوقتي..مش هيجي حاجة في اللي هنعمله لو حد شم خبر..
>>>>>>>>>>>>>>>>

في فيلا سليم الحسيني..

سليم بقلق:فريده..
فريده:ايوة يا بابي..فيه حاجة..

سليم:فريده..فعلا فيه ورق ضاع منكم في الشركة..
فريده بدهشه:ها..وانت عرفت منين يا بابي..

سليم بتوتر:يعني فعلا العقود ضاعت..وفيه شروط جزائية هتدفعوها..
فريده:ايوة يا بابي..فعلا فيه ورق ضاع..بس فيه ايه مالك متوتر كده ليه..

سليم بقلق:طب هتعملوا ايه في المصيبة ديه
يا فريده..ده انتو كده هتتحبسوا..

فريده:اطمن يا بابي متقلقش..احنا هنتصرف..

سليم:ازاي يا فريده..هترجعوا الحاجة ازاي..
طب انا اقدر اعملك حاجة..اطلبي..

فريده:قولتلك يا بابي احنا هنتصرف..متقلقش..وبابتسامه حزينه...
لو فيه حاجة هقولك..معلش يا بابي انا محتاجة ارتاح الوقتي..

سليم:ماشي يا فريده..ولنفسه..سامحيني يا بنتي
انا السبب في كل اللي انتي فيه الوقتي..
>>>>>>>>>>>>>>>>>>>>>>>>>

في فيلا سيف الدين..

سيف بخضة:مالك يا يوسف..ايه اللي خرشمك كده..
يوسف وهو ينظر الي اسر بخوف:ابدا يا عمي..وقعت تحت ايد غوريلا..

سيف باستغراب:ليه انت كنت في جنينه الحيوانات..وازاي دخلت القفص..
يوسف بالم:لا دي هي اللي جاتلي لحد عندي..

اسر بتوعد:ايه يا جو ..انت هتفضل قاعد ترغي..ومش هتروح
تشوف صرفة في اللي وراك..ولا ناسي..وعايز الغوريلا تفكرك تاني..

يوسف وهو يسرع الي غرفته:هه..لا انا رايح اهو..ولنفسه
وبنبرة باكية.. وربنا انا اخرتي قربت..هعمل ايه بس يا ربي..
لما اتصل بكريم اشوفه عمل ايه..

كريم:ايوة يا جو..
يوسف:ها يا كريم..عرفت حاجة..

كريم:ولا الهوا..مفيش اثر..انا هتجنن حتي الكاميرات مش مبينه حاجة..

يوسف بقلق:انا مش عارف هنعمل ايه..واسر
شايط ع الاخر..ده شويه وهيفرمني..

كريم وهو يبتلع ريقه:مش بس اسر..ان كان علي اسر
ممكن تعدي..انما فريده..ديه هتولع فيا وفيك..

يوسف:بكرة يا كريم نشوف هنعمل ايه..اول اجتماع هيبقي اول
الاسبوع..والعملاء ممكن يستغلوا الوضع ويطالبوا
بالشرط الجزائي خصوصا هايتهمونا بالاهمال..

كريم:ربك يعدلها يا يوسف..سلام الوقتي..
يوسف:سلام يا كريم..
>>>>>>>>>>>>>>>>>>>>>>>>

سيف بقلق:اسر..سليم قالي انهم اتصلوا
وقالوا انهم هما اللي ورا السرقة..

اسر بدهشة:هما اللي وراها..وبغضب..ولاد ال...
عاملوا كده علشان يودونا في داهية..طب قال لفريده ايه..

سيف:مقلهاش حاجة..قالي هيقولها انه عرف من برا..اسر
انا قلقان..دول مصممين يأذوكم..وفريده بالخصوص..

اسر بعصبية شديدة:وعزة جلاله الله..اللي يفكر يمس فريده اخد روحه..
انا مش ممكن اخلي حد يقربلها..متقلقش يا بابا الموضوع ده انا هتصرف فيه..

سيف بقلق:ماشي يا اسر..بس لو عوزت حاجة..قولي..مش هتاخر عليك..
اسر:تسلم يا حاج..شايلك لعوزة..

سيف بضحكة:بالحق..انت الغوريلا اللي يوسف بيتكلم عليها..

اسر بغل:ماهو السبب في اللي احنا فيه..ده انا هسويه ع الجمبين..
بالحق يا بابا..متقولش لادم..انا عايزه يركز في
المشروع..وبعدين عريس جديد..مش عايز نزعله..

سيف بابتسامه:ماشي يا اسر..اسيبك الوقتي..
>>>>>>>>>>>>>>>>>>>>>>>>>>>>

في الشركه ظل الحال متوترا ولكن امر اسر من علم بالامر
الا يخبروا احدا ويتكتموا علي الموضوع..وسط توبيخ اسر وفريده
وتوعدهم ليوسف و كريم..ومحاوله الاخران للوصول
الي حل..مر اسبوعا وحان موعد اول اجتماع..

في غرفة الاجتماعات كان اسر ويوسف وكريم..
واسر الذي يعتلي وجهه الغضب والقلق..وصل العملاء..

يوسف بتوتر:استر..هنقولهم ايه..
كريم بتوتر:مش عارف..دول ما هيصدقوا ويطالبوا بالفلوس..

اسر بغضب:اتفضلوا شوفوا هتعملوا ايه..وروني..هتتصرفوا ازاي..

احد العملاء والذي قد وصل اليه الامر:
بشمهندس اسر فيه حاجة سمعناها كده..

اسر بترقب:خير يا فندم..سمعت ايه..
العميل:العقود اتسرقت..

اسر بغضب مكتوم وهو ينظر الي كريم ويوسف:
اتسرقت..مين اللي قال كده..

العميل:بشمهندس اسر..مفيش حاجة بتستخبي..وانت عارف..

كريم بخوف:يا سواد ليلي..اسر هيتعصب...
يوسف بتوتر وخوف:يا لهووي..انت شايف وشه قلب ازاي..

كريم متدخلا في الحوار:يا فندم احنا مكنش..
لينظر له اسر شزرا بتحذير ليصمت..

اسر بابتسامة صفراء:اشاعات..انت عارف السوق..
العميل بخبث:يعني العقود معاكم..طيب..اتفضل علشان نمضيها..

اسر بنفس الابتسامه:اكيد..بس هنستني فريده..
يوسف بتوتر:وفريده هتعمل ايه..ماخلاص هندفع الشرط الجزائي..

كريم بخوف:انت شايف وش اسر عامل ازاي..انا بقول نخلع الوقتي..

اسر وهو يجذ علي اسنانه وبهمس:ورحمه امي ياولاد ال...
لهطلع عين اهاليكو..بس يمشوا..انا تحطوني في الموقف ده..
يوسف برعب:ماهي طالعة طالعة...

[beera]

شـكــ وبارك الله فيك ـــرا لك ... لك مني أجمل تحية .

[مملكة الاوهام]

صباح الخير الحمد لله فريدة كويسة بس المصيبة الجديدة جت على دماغ جو هههههههه ياعينى عليه مطحون دايما لما نشوف هيصرفوا ازاى

[pretty dede]

المشاركة الأصلية كتبت بواسطة beera

شـكــ وبارك الله فيك ـــرا لك ... لك مني أجمل تحية .

الشكر لله وحده.. سعدت بمرورك..

المشاركة الأصلية كتبت بواسطة مملكة الاوهام

صباح الخير الحمد لله فريدة كويسة بس المصيبة الجديدة جت على دماغ جو هههههههه ياعينى عليه مطحون دايما لما نشوف هيصرفوا ازاى

مساء الخيرات.. اه كويسة.. هنشوف هيتصرفوا ازاي النهاردة.. جو الله يكون في عونه دايما تعبان معاهم..

[pretty dede]

البارت السادس و العشرين

اسر وهو يجذ علي اسنانه وبهمس:ورحمه امي ياولاد ال
لهطلع عين اهاليكو..بس يمشوا..انا تحطوني في الموقف ده..

يوسف برعب:ماهي طالعة طالعة..

...بعد دقائق تدلف فريده الي القاعة بابتسامه..
فريده:اسفة علي التاخير..نقدر نكمل الوقتي...

العميل بترقب:اها..بس فين العقود..

كريم باضطراب:جالك الموت يا تارك الصلاة..روحنا في داهية..

فريده بثقة:اتفضل يا فندم..ادي العقود..اتفضل نمضي...
ولو عايزين نراجع اي بند احنا تحت امركم..

العميل بخبيه امل:لا..احنا متفقين علي كل حاجة..اتفضلوا..

بعد ان وقع الجميع العقود وسط دهشه العملاء وذهول كريم
ويوسف الذين الجموا من المفاجأة وفرغوا افواههم..

اسر بثقة:بعد كده متبقوش تصدقوا اللي بيتقال..احنا برضو شركه ليها سمعتها..
احد العملاء بابتسامه صفراء:اكيد يا بشمهندس..الشركة غنيه عن التعريف..

انصرف العملاء ليكمل اسر بغيظ:ناس مستغله مابتصدق جنازة وتشبع فيها لطم..
فريده:كانوا فاكرين انهم هياخدوا الفلوس..ههههه..ميعرفوش اللي فيها..

لينظر اسر الي يوسف وكريم الصامتين في
ذهول وافواههم مفتوحة من المفاجأة..

اسر بسخريه:ايه يا حيلتها انت وهو اقفلوا
بقكم لحسن يدخل فيه دبان ولا حاجة..

يوسف بزهول:العقود ديه مش كانت ضاعت..جبتوها منين..

ليقهقه اسر بصوت عالي :هههه..انت فاكر اننا لقيناها..

كريم بعدم فهم:امال ايه..مش كانت ضايعة..

فريده بابتسامه سخريه:وانتو فاكرين انها نسخة واحدة..ليه شركة
طويله عريضة ..ونسيب نسخة واحدة وفي الشركه من غير ما نطلع عليها..

يوسف:طب واللي عملتوه فينا..يعني انتو كان معاكم الورق و..
كريم بضيق:وتسيبونا نلف حوالين نفسنا..ده احنا كانا خلاص..

اسر بغضب:امال ايه..تضيعوا الورق وعايزينا نسقفلكم..ده انا كنت
هسيبكم تتعاملوا مع العميل ده..بس هو استفذني بكلامه ..
..وخفت انهم يطلعوا علينا سمعة..

يوسف بضيق:يعني اشتغلتونا..
فريده بضحكة:طبعا..ومش اي اشتغاله..

فلاش باك..
تلقي اسر اتصالا من مني لتخبره عن ضياع العقود فغضب بشده..
اسر بغضب:مصيبة سودا ده انا هقتلهم ولاد ال... دول..

فريده بقلق:فيه ايه يا اسر مالك..
اسر بعصبية:اتخرب بيتنا يا فريده..روحنا في داهية..

فريدة بتوتر:ايه يا اسر..قولي مين اللي كلمك..

اسر بعصبية:مني اتصلت وقالت ان يوسف وكريم ضيعوا العقود والصكوك
بتاعة الشركة..وبيتنا اتخرب لو حد عرف كله هيطالب بالشرط الجزائي..

فريده بتنهيدة:اهااا..وده اللي مضايقك..عادي يعني..
اسر بغضب وحدة:انتي بتقولي ايه..احنا كده هنتحبس..

فريده ببرود:ولا حبس ولا حاجة..هما مش العقود اللي في الشركه اتسرقت..

اسر بعصبية:امال انا بقول ايه من الصبح..هنعمل ايه في المصيبة ديه..
ده انا هطلع عين ولاد ال....يوسف وكريم..بس اشوف المصيبة ديه..

فريده:هههه..ان كان علي يوسف وكريم..ليك حق تروقهم وانا معاك..
لازم يتعلموا درس مينسهوش ابدا علشان اهمالهم..اما الورق فمعايا متقلقش..

اسر بعدم فهم:معاكي ازاي..انتي اخدتيه امته..

فريده بضحكة:ههه..نسخة منه..معقوله يا قشاش..انا بصراحة
متفاجئة منك..يعني معقوله عقود وحاجات مهمة معملش منها نسخة..
وبصراحة خصوصا لما كنا متخانقين مع بعض..خفت لا تعمل فيا عمله

من عمايلك وتزنقني في شغلي ومشاريعي..عملت نسخ من كل حاجة
وشيلاها عندي في البيت..وبغمزة ده انا هتلر برضو ميفوتنيش حاجة..

اسر باندهاش:فريده..انتي عملتي كده..ده انا مجاش في بالي اعمل
كده..بجد اتفوقتي علي القشاش نفسه..
وبضحكة... انا كده اخاف من نفسي عليكي..

فريده:هههههه..عيب عليك يا اسورة..بس الوقتي
خلينا نشوف هنعمل ايه مع جوز الخيل اللي هناك..

اسر بضحكه:ههههه..لاااااااا..ده انتي تقولي هنعمل معاهم ايه..
انا مجيش حاجة في مقالبك يا روحي ده انا نفسي مجربها..

فريده بضحكه:ههههه..ماشي..بص يا سيدي..اتفقت
فريدة مع اسر ان يتفاجئوا باختفاء العقود وعدم وجود نسخة منها
ويلقنوا يوسف وكريم درسا حتي لا يتهاونوا في العمل ابدا..

باك

كريم بغل:يعني ده كله كان اشتغالة..والعلقة كانت من غير سبب..
يوسف بغيظ:اسبوع مش قادر انام وانتو بتضحكوا علينا,,

اسر وهو ياخذ فريدة ويخرج من القاعة وهو يقهقه بصوت عالي:
ديه اقل حاجة تستحقوها..سلام يا دغوف منك ليه..
ولفريده..يلا يا قلبي نروح نتغدي..

كريم بغيظ:شفت عملوا ايه..
يوسف بغل:ايوة بقي انا يضحكوا عليا ويروقوني..
وقال ايه..هيتحبسوا..ومعاهم الورق..

كريم:انا بفكر استقيل من ام الشركة ديه..ده احنا هنشوف ايام سوده..
يوسف:شكل رجوعهم لبعض هيجي علي دماغنا..

كريم:اتحاد القشاش وهتلر..
يوسف:قول علينا يا رحمن يا رحيم..
>>>>>>>>>>>>>>>>>>>>>

علي الجانب الاخر مرض ذلك الشخص الذي يريد ان يؤذي فريده واسر كثيرا و..
المساعد بحزن:السيد مريض والطبيب يقول عليه ان يجري تلك العمليه والا ..

الابن بحزن:اذا سنقنعه بعملها..لا يهم شئ اخر..
المساعد:ولكنه رافض لذلك..وماذا عن العمل..

الابن:سنقنعه والعمل سيسير كما هو..ولكن
سنترك سليم قليلا حتي يشفي ابي..
المساعد:حسنا كما تريد سيدي..

في داهية يا رب تموتوا كلكم..
>>>>>>>>>>>>>>>>>>>>>>>

فريده:هههه..شفت شكلهم..هيفرقعوا..
اسر:هههه..فعلا يا فريده حته مقلب طلع من عنيهم..

فريده بفخر:طبعا..علشان يتعلموا الادب..
اسر بضحكه:بس انتي ممثله درجة اولي..

فريده بضحكة:وانت يا حبيبي..ههههه..
بس انت موتهم من الرعب يا اسر..
اسر:طبعا ..كله الا الشغل..دول كانوا بيستهبلوا..

فريده:بس انا عايزة اعرف مين اللي اخد الورق وليه..

اسر بضيق:ماعرفش يا فريده..هعرف واقولك
سيبك انتي..ايه رايك..فاكرة المطعم ده..

فريده بابتسامه:طبعا..ده جبتني فيه..
بعد ما بقينا شركاء في الشركه علي طول..

اسر بغمزة:يعني فاكرة اهو..انا لا انسي..
فريده:لا يا بابا مش علشان كده..ده علشان انا
مقدرش انسي اي حاجة خاصة ببنتي..

اسر بخضة:بنتك..بنتك مين يا فريده ..انت مخلفة من ورايا..

فريده :ههههههه..الشركه هي بنتي..ديه جزء مني..
كانت معايا في بدايه مشواري..بنت قلبي..

اسر بغيظ:بقي كده..شكلي هغير منها..بقي
كل الكلام الحلو ده ليها..مفيش ليا..
فريده بضحكة:ههههه..طبعا..عندك شك..

وبعدين انت..ليرن هاتف فريده..
فريده:الو..ايوة يا زوزو..فريدة باسف..نسيت و الله يا زوزو..
لا حاضر هاجي..متقلقيش..حاضر.. خلاص والله..سلام...

اسر:فيه ايه يا فريده..
فريده:ابدا..زوزو بتقولي ان فرح انشراح بعد يومين..
وانا كنت نسيت خالص..

اسر:اها..طيب..نبقي نروح..ليرن هاتف اسر..ثواني يا فريده..

اسر:الو ايوة يا بابا..لا كله تمام..
سيف:يعني..اتصرفت يا اسر..
اسر بثقة:طبعا يا حاج..والبركه في فريده..

سيف بعدم فهم:ازاي يعني..فريده عملت ايه..
اسر بضحكة:بعدين اقولك..وبخضة سلام الوقتي يا بابا..
سيف:مالك يا اسر فيه ايه..
اسر:هروح الحق فريده بسرعة..سلام..

ليمسك اسر بيدها وعينيه تشتعلان غضبا:كلي منها معلقة كده..
وانا بنفسي اللي هوديكي المستشفي..بس بعد ما اروقك يا فريده..

فريده:ايه يا اسر سيب ايدي..
اسر بعصبيه:انتي ايه يا فريده..تاني..انتي مبتحرميش..

فريده:ايه وانا عملت ايه..
اسر بحدة:فريده..انتي بتستهبلي...ناسيه المرة اللي فاتت ايه اللي حصل
لما اكلتي الايس كريم ده..وكنتي هتموتي..ايس كريم بالمكسرات
مش كده..والحساسية اللي عندك من المكسرات..هاتي..

فريده بتزمر طفولي:يوووه..طب معلقة واحدة بس..
اسر:ولا حتي طرفها..واشار الي النادل لياخذ الايس كريم..

فريده بغضب:علي فكرة انت متسلط ورخم..
اسر:متسلط احسن من اني اسيبك تاكلي وترقدي يومين
في المستشفي مش كده..يلا ياختي قدامي..
>>>>>>>>>>>>>>>>>>

بعد يومان اتجة اسر وفريده الي الحي لحضور زفاف سعيد وانشراح..
والذين سعدوا كثيرا بحضورهم..وانتهي الزفاف علي خير..
وحكت فريده لزوزو ماحدث معها..وسعدت كثيرا بحال فريده مع اسر ..
>>>>>>>>>>>>>>>>>>>>>>>>

بعد فترة قصيرة في القرية عاد ادم من العمل ووجد كاميليا قد حضرت له الطعام..
بدل ملابسه وجلس علي المائدة..ولكنه اندهش من تصرف كاميليا..

ادم باستغراب: ايه يا كامي انتي عازمه حد النهاردة معانا...
كاميليا بابتسامه: ايوة يا دومي..

ادم بتساؤل: من ياحبيبتي.. ومقولتليش ليه الصبح..
كاميليا بضحكة: مكنتش متأكدة يا ادم..

ادم: اها.. علشان كدة مشيتي بدري النهاردة..
كاميليا: ايوة ياحبيبي علشانه مشيت بدري..

ادم بزعل مصطنع: يعني الاكل الحلو ده كله علشان الضيف
بقي مش علشاني.. وانا اللي فاكر ان حبيبتي عامله كل ده ليا..

كاميليا بضحكة: ايه يا دومي انت غيران منه من اولها..
ادم: طبعا انا محبش حد يشارك اهتمامك ليا.. وبعدين مين الضيف
ده وماله اتأخر.. ايه هو ناوي يقضي السهرة عندنا..

كاميليا بابتسامه: من ناحية هيقضي السهرة
معانا هيقضيها وكمان كل سهرة يا دومي..
ادم بتزمر: كمان.. واضح انه ضيف رزل.. مين ده..

كاميليا بزعل: متقولش عليه رزل يا دومي يزعل منك..
ادم برفعة حاجب: الله وانتي ان شاء الله زعلتي ليه..مين ده ..

كاميليا بابتسامه: الضيف يا حبيبي اللي
بقولك عليه هو مش جاي دلوقتي..
ادم بتعجب: الله امال جاي امته..

كاميليا بضحكة: جاي بعد كام شهر يا حبيبي..
ادم بعدم فهم: كام شهر امال حطاله اكل معانا ليه
ومين اللي يعزم نفسه من دلوقتي لكام شهر قدام..

كاميليا بضحكة: ايه يا ادم انت لسه مفهمتش
طب بص علي الاطباق اللي انا حطهاله..

لينظر ادم الي ادوات المائدة ليجدها تخص الاطفال..
ادم بعدم تصديق: كامي انتي تقصدي بالضيف ده انك..

كاميليا بابتسامه: ايوة يا دومي اقصد..
ادم بفرحة: لا.. مش ممكن انا.. انتي بجد حامل..

ليقفز ادم من الفرحة في ارجاء المنزل صارخا:
ايوة بقي انا مش مصدق نفسي انا هبقي بابا ياناس..
ويتجه الي كاميليا ويحتضنها.. انا بحبك اوي يا كامي ربنا
يخليكي ليا يا احلي هديه هتجبلي هديه تانيه..

كاميليا: يعني انت مبسوط يا ادم..
ادم بعيون لامعة من الفرحة: انتي بتسألي يا كامي ده احلي خبر
سمعته بصي من دلوقتي مش عايزك تعملي اي حاجة
ولا تتحركي لغايه البيه ما يشرف انا هعمل كل حاجة..

كاميليا: هههه مش للدرجة ديه يا دومي الدكتور قال عادي
وبعدين انت اصلا مش بتخليني اتعب ربنا يخليك ليا...

ادم بحب: ويخليكي ليا يا ام العيال..
كاميليا: ههههه ام العيال.. كفايه عيل واحد الاول يا دومي..

ادم: عيل اتنين تلاته برضو ام العيال بجد يا كامي انا فرحتي مش
سيعاني مش عارف اعمل ايه بصي ده انا من بكرة هدي
العمال مكافأة... انا عايز الدنيا كلها تشاركني في فرحتي..

كاميليا بحب: وانا مش عايزة غيرك يشاركني فيها..
ادم بضحكة: لااااا خفي الله يكرمك الواد معانا وانا مش حمل كلامك ده..
وبغمزة خصوصا مع فستانك ابو ربايط اللي لابساهولي..

كاميليا بابتسامة: فاكره ده اللي جبتهولي واحنا في روما..
ادم بضحكة: اهااااا... وده برضو اقدر انساه اقولك تعالي..
ليحملها ادم الي الغرفة...
كاميليا: فيه ايه يا ادم رايح فين..

ادم: هقولك كلمه كدة وبغمزة.. وافك الربايط بالمرة...

اتصل ادم بوالده واخبره بحمل كاميليا وسعد كثيرا.. واخبر اسر ويوسف..
اسر بضحكة: ايوة بقي يا عم هتبقي بابا..

ادم بضحكة: ايوة يا اسر عبالك..
اسر: هههه قول اتجوز الاول وبعدين ابقي اشوف...

ادم: هههههه يا عيني يا كازنوفا مكنش ده
حالك شكل هتلر مطلع عينك....

اسر بتزمر: اعمل ايه بقي ده حالي انت اتجوزت وهتخلف..
وانا قاعد وهخلل.. شكل فريدة مستنيه لما
اطلع معاش وبعدين تحن عليا وتتجوزني..

ادم: هههه امال اللي يشوفك وانت بتقول ده انا
تكه وهحصلك ايه.. شكلك اعتزلت الملاعب يا معلم..

اسر: ههههه الملاعب.. لا فريدة مش مخلياني عارف
حتي اقعد احتياطي.. شكلها عايزة تسجل رقم قياسي في اطول فترة خطوبه..

ادم: هههههه ربنا يسهلك يا عم.. اسيبك انا الوقتي سلام...
اسر: سلام ياادم.. وسلملي علي كاميليا وباركلها..
ادم: يوصل يا حبيبي..

>>>>>>>>>>>>>>>>>>>>>>>>>>>
في الشركه بعد اسبوعان يدخل اسر الي مكتب فريدة...
اسر بنفاذ صبر: لا بقي.. ده كتير حرام عليكي..

فريدة بخضة: مالك يا اسر فيه ايه..

اسر: يعني مش عارفة فيه ايه.. فريدة باندهاش
وحياة ربنا ماعرف.. ايه يا اسر ...

اسر بوجه باكي: يا فريدة حرام عليكي يعني عاجبك كدة الكل
اتجوز وانا قاعد زي البيت الوقف جمبك.. ادم اتجوز وقرب يخلف...
ده حتي انشراح اتجوزت.. انا حاسس ان يوسف هيتجوز قبلي..

فريدة: هههههه حرام عليك يا شيخ خضيتني انا قولت
ايه اللي حصل عامل ده كله علشان عايز تتجوز..
اسر: ايوة... انا تعبت يا فريدة..

فريدة: طب ما تتجوز حد حايشك..
اسر بفرحة: بجد يعني انتي موافقة نعمل الفرح..

فريدة: موافقة وانا مالي.. بص روح اتجوز وحل عني انا مش فاضيه..
اسر برفعة حاجب: نعم ياختي مش فاضيه وان مكنتش هتجوزك هتجوز مين..

فريدة: اديك قولت اختك.. ينفع تتجوز اختك.. يلا يلا.. بلاش لعب عيال..

اسر: نعععععم.. انتي بتستهبلي وكتب الكتاب اللي عملناه..
بت اتعدلي انا اصلا جبت اخري..

فريدة بغيظ: اهو ده كل ما افتكره بقي ببقي عايزة
اولع فيك.. يوم من اسوء الايام اللي مرت عليا..

اسر بضيق: فريدة بقولك ايه انا اتخنقت بصي بقي يابنت
الناس هو اخرك اخر الشهر والفرح هيتعمل..
فريدة بخضة: ايه اخر الشهر ايه يا اسر لا طبعا...

اسر باصرار: بصي انا قولتها.. انا اصلا بتكلم معاكي
انتي ليه.. انا رايح لابوكي وهحدد معاه كل حاجة..
فريدة: خد يا اسر تعالي.. انت بتقول ايه..

اسروهو يخرج من المكتب: بلا اسر بلا زفت انا لو قعدت استناكي
مش هتجوز في سنتي.. انتي مينفعش معاكي غير الامر الواقع..

يوسف: مالك يا اسر واخد في وشك كدة ليه..
اسر وهو يزفر بضيق: ابدا رايح لعمي سليم..

يوسف: ليه فيه حاجة.. اسر طبعا هروح يشوفله
صرفه مع فريدة هانم اللي مش ناويه تتجوز..
يوسف: هههههه قولتلي... ده انت حالك متدهور ع الاخر..

اسر بحزن: شفت اللي حصل لابن عمك.. بس لا وربنا ما يحصل
ده انا هتجوزها يعني هتجوزها وقريب اوي كمان..
وليوسف بضيق انت قاعد ترغي معايا ومعطلني عن
مشواري وسع يالا من سكتي.. وتركه ورحل..

ليضرب يوسف كفا علي كف ضاحكا: ههههه يا عيني
يا اسر فريدة جننتك من دلوقتي.. امال بعد الجواز هتعمل فيك ايه..

[pretty dede]

البارت السابع و العشرين

في شركة سليم وصل اسر ووجد هناك سيف والده..

اسر :وربنا حرام اللي بيحصلي ده..انا كده هتشل..
سيف بخضة:مالك يابني..فيه حاجة حصلت..

سليم بخوف:ايه يا اسر..فريده جرالها حاجة..

اسر بعتاب:عاجبك يا عمي اللي فريده عملاه فيا..بقي
انا كاتب كتابي من شهور..والكل اتجوز وانا مركون ع الرف كده..

سيف:يابني حرام عليك..افتكرت حاجة حصلك..

اسر:وهو فيه اكتر من كده..والنبي جوزهوالي..
انا كده هنحرف تاني..

سليم:ههههه..يابني وحد حايشك..ماتتجوزها..

اسر:وهي راضيه..بقولك ايه يا عمي..انا هتجوزها اخر
الشهر..وده قرار نهائي..وتعمل اللي هيا عايزاه..

سيف:كده خبط لزق يا اسر..وبعدين اخر الشهر
يعني تلت اسابيع..مش هتلحقوا..

اسر:لا..انا متكفل بكل حاجة..وبعدين الفرح هعمله عندنا في الفيلا..
سيف باستغراب:ليه يا اسر..ما القاعة احسن..

اسر:لا في البيت..انا مش ناقص اي مفاجأت من ولاد ال...
دول..البيت محدش هيقدر يدخل ويطلع براحته..

سليم:طب وفريده لا يمكن توافق علي كده..

اسر بغمزة:ماهي ديه بقي مهمتك يا عمي..
انت الخير و البركه..ولا عايزني اعملكم فضيحة بقي..

سيف:هههههه..مجنون وتعملها يا حبيبي..

سليم بضحكة:انا عن نفسي موافق..بس
مليش دعوة لو هي ماوفقتش..

اسر بصرامه:ايه..واحنا عندنا بنات تعترض..
لا طبعا هتوافق ورجليها فوق رقبتها..

سيف برفعة حاجب:طب تقدر تقول كده قدام فريده..
اسر:احم احم..ايه يا بابا..انت هتسيحلي ولا ايه..

سيف:ههههه..يلا يابني من هنا انا ربنا رزقني
بعيلين عاهات..واحد علشان يتجوز طلعلي
فوق التنده بتاعة الجنينه..والتاني بيهددني بفضيحة..

اسر:ههههه..ديه اقل حاجة..بس ثانيه واحدة..
انت بتعمل ايه هنا عند عمي سليم..

سيف:ابدا..عادي ..
اسر بشك:ايه فيه حاجة تانيه حصلت..

سليم:لا يا اسر..بس سكوتهم ده مخوفني..

اسر بتنهيدة:يا عمي.. يعني انت عايزهم يعملوا حاجة
علشان تتطمن..خليهم كده لغايه ما اتجوز البت وبعدين يعملوا اللي يعملوه..

سليم:ههه..ده انت واقع بقي..لاااا..ده فريده علمتك الادب..
سيف:واي ادب..كازنوفا تاب علي ايديها يا سليم..

اسر بغيظ:اتريقوا براحتكم..بس برضو هتجوزها اخر الشهر,,
>>>>>>>>>>>>>>>>>>>>>>>>>>>

فريده :لاااا..انتو بتقولوا ايه..انا لايمكن اوافق علي كده..و
كمان في الفيلا..بقي انا فريده اللي بعمل
حفلات الكل يحلف بيها..اتجوز كده..

ليلي:يا حبيبتي ومالها بس الفيلا..ماانتي
برضو هتزينيها بنفسك وهتطلع احلي كمان..

سيف:يافريدة الفيلا اكبر من اي قاعة..

سليم:يا ديدة..الواد خلاص علي اخرة..استوي
علي الجميبن..اتجوزيه واكسبي فيه ثواب..

فريده:لا..لا يمكن ارضي بده..
ليلي:ايه يا فريده انتي مش عايزة تتجوزيه يعني..

فريده:يا مامي مش كده بس مش بالسرعة ديه..

سيف:حرام عليكي يا فريده اديلكم شهور
وبتقولي سرعة..ده الواد قرب يخلل جمبك..

فريده:يا اونكل..انا ..

سيف:انتي ايه بس..بصي يا فريده اسر صبر كتير..
وانا بصراحة عازره..ده اخوه الصغير قرب يخلف..

سليم:عنده حق يا ديدة..كفايه بقي..
فريده:ايه ده الكل اتفق عليا معاه..

ليلي:بصراحة ايوة..وانا عايزة افرح بيكي يا ديده..ها قولتي ايه..
فريده بتذمر:لما اشوف هعمل ايه وابقي اقولكم..

>>>>>>>>>>>>>>>>>>>>>>>>>>>>>>>

اسر بتوسل:ايه ياديدي مش هتحنى عليا..جوزهاني بقي...

انا بتهكم:دلوقتي جاي تترجاني..مش انا اللي
كنت هتضربني..عايز ايه الوقتي..

اسر بتحسر:يعني مش شايفة الحال..ادم واتجوز وشويه
وهيخلف..ده حتي انشراح اتجوزت وانا لسه..وفريده مزرجنه...ليه كده ..

انا بتشفي:تستاهل كل اللي يجرالك..علشان تتشطرعليا تاني..

اسر:انا محقوقلك..اسف..بس حني عليا بقي..
انا مستعد اعمل اللي انتي عايزاه..

انا بتفكير:اهااا..طيب هشوف..
اسر بفرحة:ايوة كده يا ديدي ..متجيبي بوسه..

انا بحدة وعصبيه:اتلم يا حيوان..وربنا اعلقك يا اسر..انت فاكرني
واحدة من الزباله اللي تعرفها..تصدق انا ليا حق في اللي
بعمله فيك..وانا اللي كنت هجوزك فريده..امشي من هنا..

اسر:لااااا..والنبي انا اسف..انا مستعد اتجوزك
انتي كمان ..انا عارف انك حلوة برضو..

انا:اتوكس انت قادر تتجوز فريده ..علشان تقدر عليا
وتتجوزني انا كمان..بقولك ايه..بص علشان كرم اخلاقي..
انا هجوزك البت..وبتحذير بس عارف لو قليت
باصلك معايا تاني..هروقك يا اسر..وانت عارفني..

اسر:ايوة عارفك وعارف حركاتك..توبه من
دي النوبه..انا هحترم نفسي معاكي..خلاص..

انا :طيب..اتنيل ويلا نرجع للقصة ونشوف الاحداث..

اسر بهمس:الله يحرقك..لسانك طويل.
.اطول منك يا اوزعة ..بس مضطر استحملك..

انا:بتقول حاجة يا اسر..سمعني كده..

اسر بضحكه :هههه..انا ابدا..وانا اقدر..ده انتي
حبيبتي برضو يا ديدة..يلا نرجع للقصة..

>>>>>>>>>>>>>>>>>>>>>>>>>>

واقفت فريده علي مضض علي الزواج بعد محاولات كثيرة..
وخصوصا بعد تدخلي انا احم احم..علشان تعرفوا كرم اخلاقي بس..

قام اسر بتجهيز كل شئ ومع متابعة فريده لكل شئ
وبعض الخلافات بينهم كالعادة ولكن تم الامر علي خير..

حضر ادم وكاميليا من القريه لحضور الزفاف.. ومساعدة فريده
ايضا في التحضيرات..والاوضاع هادئة نسيبا..

>>>>>>>>>>>>>>>>>>>>>>>>>>

يوم الزفاف..في منزل فريده..

ليلي:يلا يا ديدة اصحي بقي..

فريده بنوم:يوووووه يا مامي سيبيني انام
شويه بقي..عايزة ايه ع الصبح..

كاميليا:يلا يا عروسه كل ده نوم..ورانا حاجات كتير..يلا..

فريده بخضة:عروسه..مين اللي عروسه..انتي بتتكلمي عن ايه..

كاميليا:لااااا..مش وقت توهانك يا ديدة..قومي
وفوقي يا حبيبتي..عايزين نلحق بقي..

ليلي بضحكة:انتي لسه هتتكلمي..يلا يلا ع الحمام..خدي شاور وفوقي..

فريده وهي تدلف الي الحمام:عروسه عروسه..زي مانتو عايزين..
>>>>>>>>>>>>>>>>>>>>>>>>>>

اما عند اسر فكان مستيقظ من الصباح..

ادم بضحكه:هههه..ياعيني ع الحلو لما يبهدله
الحب..ايه يا عم صاحي من بدري..

اسر:بقولك ايه..مش فاضي لهزارك..انا ورايا حاجات كتير..

يوسف:هههههه..ايه يا عريس ماكل حاجة
خلصانه..فيه ايه تاني..انت قلقان كده ليه..

ادم:ههههه..ده متوتر اكتر من فريده..ياعم ديه كاميليا
بتكلمني وبتقولي صحوها بالطبل البلدي..
وانت شكلك منمتش اصلا..

اسر:بصوا النهارده فرحي..وانا مش هرد عليكم..
وبضحكة عايز ابقي هادي ورايق علشان الليل..

يوسف:ايوة يا عم..اخيرا..هتلر هتبقي معاك..
اسر بضيق:وحياه ابوك بلاش قر من اولها..كفايه كريم..

كريم:انا سامع حد بيجيب في سيرتي..اكيد وحشتك..
اسر:استرررر..انت جيت من دلوقتي..

كريم:هههه..طبعا يا معلم..ده انت حبيبي..وبعدين
النهارده الله يسهلك..خلاص هتقابل الوحش..هنيالك ياعم..

ادم:هههههه..البس يا اسر..انا بقول تاجل الفرح بدل ما يولع..

اسر:كريم ياحبيبي..انا مش ناقص عينك النهارده..
كله كوم والليله كوم تاني..انا كده ممكن يحصلي حاجة..

كريم:هههههه..عيب عليك يا كازنوفا لما تقول
كده..ده الليله عايزينك ترفع راسنا..

يوسف:هههههه..ايوة يا معلم..انت لازم تدبح
القطة لفريده الليلة والا انت عارفها..

ادم بهمس:ياخوفي هي اللي تدبحه هو و القطة..انا عارفها
مجنونه..ولاسر..يلا ياعريس علشان تستعد ..

اسر:يلا بينا..وليوسف بحزم..يوسف نبه ع الكل محدش
يدخل الفيلا غير بالدعوة..اي حد من غيرها حذاري تدخلوه..

يوسف مطمئنا:يا اسر اطمن قولتلي الموضوع ده ميه مرة..
وقولتلك حاضر..يلا انت بس ومتشغلش بالك..ركز في فرحك..

اسر بقلق:ربنا يستر..ومتحصلش حاجة..

>>>>>>>>>>>>>>>>>>>>>>>>>>

في المساء تسطع الاضواء لتزين فيلا سيف الدين باجمل الزينه..

ليدخل الي الحديقة اقل ما يقال امير بوسامته الشديدة واناقته
وبيده اميرته الحسناء التي استطاع ان يحصل عليها بعد معاناه .
.يدخلان لتتعالي اصوات الموسيقي وسط غيرة البعض وفرحة البعض الاخر..

اسر بضحكة:شايفة الكل بيبص ازاي..عينيهم هتطلع عليا..

فريده بغيظ:عينيهم هتطلع عليك..ولاستفزازه..
قصدك عليا انا..انت مش شايف ولا ايه..

اسر بغيرة وغضب:بقولك ايه اتلمي..مش كفايه الفستان
العريان اللي لابساه ده..ده انا هربيكي عليه بعدين..

فريده بغيظ:انت بتهرج..مش كفايه فستان مقفل من كل
ناحية ..ده انا هطق منك..اسر بص انا علي اخري منك..

اسر:مقفل..والدرعات اللي باينه ديه ايه..وبسخريه.
.ايه لازمتها الحملات يعني بتداري ايه بالظبط..

كاميليا بفرحة:مبروك يا ديدة..انا مش مصدقة انك خلاص اتجوزتي..

فريده:هههه..خلاص بقي يا كامي..اديني اتجوزت..

كاميليا:ده اسر مش مصدق انك وافقتي..ادم
بيقولي انه منمش من امبارح من الفرحة..

فريده:هههههه..اهو ياختي هينام براحته الوقتي..
كاميليا بضحكه:هههههه..عيني عليه ميعرفش اللي فيها...

فريده:هههه..مسيره يتعود..

ادم بضحكة:مبروك يا عريس..كفارة يا اسر..ايه الشغل الجامد ده..

اسر:هههه..الله يبارك فيك يا دومي..ده اقل حاجة عندي..

يوسف وبحركه عسكريه:هاااا..كله تمام يافندم ..
الامن مستتب والوضع امن..

اسر:هههه..ايه يابني ده..هو احنا في حرب..

يوسف:امال ايه..ده كل الضيوف بيدخلوا بدعوة..ناقص نفتشهم..

كريم:امال يا جو..ده فرح اسر مش اي حد..
وبغمزة..خايف لحسن حد يدخل كدة ولا كدة..

يوسف:انا بس بدي افهم ليه التشديد ده كله..

اسر بتبرير:ايه يا جو..مانتا عارف رخامه الصحفيين.
.مش عايز حد منهم يجي ويلقط صور ...

معتز:متقلقش يا كبير محدش هيدخل الا باذن..ركز انت بس مع فريده..

فريده:انتو بتقولوا ايه..فيه ايه..وبشك..انتو بتتفقوا علي ايه من ورايا..

اسر:ههههه..ابدا يا روحي تعالي بس..سيبك من العيال ديه..
فريده بشك:مش عارفة..مش مريحني يا اسر..مخبي ايه..

اسر بضحكة:معقوله يا قلبي..اقدر اخبي عنك حاجة..
ولا انشغل عنك الليله ديه..تعالي بس نسلم علي المعازيم ونرقص...

ليلي:شايف يا سليم ديدة حلوة ازاي..انا مش مصدقة ان
الليله فرحها..وبدموع..معقوله الليلة مش هتبقي معانا..

سليم:وانا كمان مش مصدق..بس نعمل ايه..
ديدة الصغيرة كبرت خلاص ومع عريسها الليله..

ليلي:فادي كان نفسه يجي ..وحاول كتير ..بس مقدرش..
سليم:فريده كانت هتفرح قوي لما تشوفه..

ليلي:ايوة..هو كان حابب يعملهالها مفاجأة ..
بس هو هيعملها مفاجأة تاني..

سليم:هههه..طب ماشي..تعالي طيب نشوفها ونسلم ع الناس..

ليلي بدموع:مبروك يا ديدة يا روحي..خلاص هتسيبيني..

فريده بدموع:والنبي بلاش تعيطي يا مامي..انا خلاص
هعيط..اقولك انا هسيب اسر وارجع معاكي..

اسر:ايه..لااااااا..الله يكرمك يا لولا..انا ماصدقت توافق ونتجوز..
تروح فين..بصي افرحي الليله وعيطي بعدين..

سليم:هههههه..ايه يا اسر..خلاص متخافش مش هناخدها..
وبتحذير..بس زعلها كده وانا مش هخليك تشوفها..ديه حبيبة قلبي..

سيف:هههه..هو يقدر..ده انا كنت اوريه..كله الا ديده حبيبتي..
فريده:ميرسي يا اونكل..

اسر بغيظ:ايه يا عم الحاج..هو انا مش ابنك
برضو..طب لو هيا زعلتني..هتعملولها ايه..

سيف بضحكة:ههههه..عادي..وفيها ايه..ديدة تعمل
اللي هيا عايزاه..بقولك ايه يلا اوعي علشان ارقص معاها..

اسر بتهكم:مين..بص ياعم الحاج ديه عروستي والليله فرحي..
بص انا مش هخلي حد يجي جمبها من الليله..

>>>>>>>>>>>>>>>>>>>>>>>>>>>

يوسف وهو يرقص مع انجي:ايه الحلاوة ديه يا انجي..عبال ليلتنا..
انجي بابتسامه:بس بقي يا جو..بطل..

يوسف:ابطل هو انا بدات حتي..بصي انا شويه
وهخلي عمي يكلم ابوكي ونتخطب..علشان اعرف اكلمك براحتي..

انجي:كل ده ومش براحتك..ده انت مش بتفصل
التليفون 24 ساعة..لدرجة اني مبقتش اعرف انام..

يوسف:هههه..ديه اقل حاجة انا مقدرش
استغني عنك..انا معرفش حبيتك ازاي كده..

انجي بضحكة:هههه..بس بقي..ياجو..انا كده مش هقدر علي كلامك..
يوسف بضحكة:انا لسه قولت حاجة..ده انا لسه بسمي..اصبري بس..
>>>>>>>>>>>>>>>>>>>>>>>>>>>>>>>

اثناء ذلك حضر حسام النجار ووالده الي الفيلا وتقدموا من اسر وفريده..و..

[مملكة الاوهام]

لولولولولولولى مبروووووووووووك وربنا يعدى الليلة على خيرومبرووووك لدومى وكامى ع البيبي وعقبال جو وانجى المفروض اسر يبوس ايدك ورجلك يا ديدى انك اخيرا جوزتيهم

[pretty dede]

المشاركة الأصلية كتبت بواسطة مملكة الاوهام

لولولولولولولى مبروووووووووووك وربنا يعدى الليلة على خيرومبرووووك لدومى وكامى ع البيبي وعقبال جو وانجى المفروض اسر يبوس ايدك ورجلك يا ديدى انك اخيرا جوزتيهم

هههههه. الله يبارك فيكي.. ربنا يستر فعلا وتعدي علي خير..

[pretty dede]

البارت الثامن و العشرين

اثناء ذلك حضر حسام النجار ووالده الي الفيلا
وتقدموا من اسر وفريده..و..

عوني النجار:مبروك يا اسر..مبروك يا فريده..
اسر بغضب مكتوم:الله يبارك فيك عوني بيه..
فريده:ميرسي عوني بيه..الله يبارك فيك..

عوني:اسر انا مش عاوزك تكون مضايق من اللي
حصل في فرح ادم..حسام حكالي عن اللي حصل..
وانا وبخته علي اللي عمله وهو جاي يعتزرلك بنفسه..

اسر بغل وهو يجذ علي اسنانه:ولا يهمك يا عوني بيه..
انا كمان اتعصبت عليه يوميها..حصل خير..

حسام بغيظ وهو يمد يده لاسر:مبروك
بشمهندس اسر..اسف عاللي عملته..

اسر وهو يضغط علي يد حسام بشده يكاد يسحقها:
حصل خير يا حسام..الله يبارك فيك..عبالك..

عوني:شكرا اسر..نسيبك احنا الوقتي مع عروستك..
مبروك مره تانيه..لينظر الي ابنه نظرة ناريه ويسحبه خلفه..

فريده بعدم فهم:فيه ايه يا اسر..بيعتذر
عن ايه ده..ايه اللي حصل..

اسر:مفيش..سوء تفاهم حصل مابينا..سيبك انتي..
ايه يابت الحلاوة ديه..كل دقيقة بتحلي عن الاول..
وبغمزة..بقولك ايه ماتيجي نشطب الفرح ونخلع من هنا..

فريده بعيون خائفة وتعلثم:ايه..لا طبعا ده..ده الفرح لسه
في اوله..بعدين الناس تقول ايه..يلا يلا تعالي نرقص..

اسر بغيظ:وربنا كلها شكليات انا مالي ومال الناس..يلا الصبر
طيب والليل طويل..ليمسك يد فريده ليجدها باردة
مثل الثلج..ليكمل
اسر بقلق:مالك يا فريده ايدك بتترعش وتلج كده ليه..

فريده :هه..لا ابدا بس انت عارف الجو شويه بارد..متقلقش..
اسر بعدم تصديق:طيب..يلا بينا..
>>>>>>>>>>>>>>>>>>>>>>

عند ادم وكاميليا وهو يرقصون..
ادم بضحكة:فاكرة يا كامي يوم فرحنا..

كاميليا بضحكة:هو ده يوم يتنسي..كفايه اللي
عمله اسر ده لوحده يخلي الواحد يفتكر كل حاجة..

ادم:هههههه..ده انا خلصت الفرح بدري لحسن يعمل حاجة تانية..

كاميليا:شوفه الوقتي مبسوط ازاي..هيطير من الفرحة..مين
كان يصدق ان فريدة اخيرا توافق ع الفرح..
ده انا كنت خلاص قربت اقول انها مش هتتجوز..

ادم:فعلا بعد اللي حصل مابينهم ...الحمد الله اننا وصلنا
لليوم ده..وبضحكة..ههههه ربنا يستر ع اللي جاي بعد كده..
كاميليا:فعلا انا عارفة جنان فريده..واخوك التاني ميتوصاش..

ادم:ههههه..ايوة الاتنين مجانين..بس مينفعوش غير مع بعض..
وبغمزة..اايه ياكامي انت قمر النهاردة هو الحمل
بيخلي الست قمر كدة..شكل ليلتنا فل الليله..

كاميليا بخجل:بس بقي يا دومي الله..انت مش هتبطل الكلام ده..

ادم:ههههه..لااااا..ده الليله بالذات هقول وهقول
وهقول..اشمعنه اسر..خلينا بس نرقص الوقتي..
>>>>>>>>>>>>>>>>>>>

وصل زوزو وابراهيم..
زوزو:مبروك ياقلبي..زي القمر..مبروك يا اسر..
فريده بفرجة:زوزو..حبيبتي انا فرحانه انك جيتي..

زوزو بضحكة:معقوله يا بنت قلبي ماجيش
واشوفك بالفستان الابيض..ده كلام..

ابراهيم:مبروك يا ديدة... مبروك يا اسر..اخيرا يا سيدي اتجوزتوا

اسر:الله يبارك فيك يابو خليل..وبضحكة..كفارة ده
انا خلاص كنت هعنس بسببها..بس الحمد الله قدر ولطف..

زوزو بضحكة:خلاص يا اسر..بس خلي بالك
منها فريدة ديه عمرك ماتلاقي زيها..

اسر بضحكة:ايه يا جماعة كله بيشكر في فريدة..
وانا مفيش اي حاجة خالص ليه كده..

ابراهيم:ههههه...لا طبعا انت ابن حلال يا اسر وتستاهل
كل خير..بس انت متعرفش فريده ديه غاليه عندنا ازاي..

عمر:ههههه..بس يابو خليل لحسن البشمهندس بيغير..مبروك يا فريده..
فريده:الله يبارك فيك يا عمر..عبالك..

عمر بضحكة:ههههه...قولي عبال شاهدتك..
شغلك لكن فرحك ديه بعيدة شويه..

فريده بغمزة:عليا انا برضو..وبعدين اتجدعن انت بس وبطل
مقالبك في الدكاترة واتخرج والشغل مستنيك..

اسر:طبعا احنا نطول يكون معانا كوادر شابه ومتفوقة زيك..

عمر بضحكة:لا ياجماعة انا كده هتغر..وبغرور..وبعدين
انا هبقي اشوف اذا كنت هقبل اشتغل عندكم ولا لا..

فريده بتحذير:ولا..اتعدل ..ميغركش الفرح انا ممكن
اروقك..وشوف دراستك كويس..والا..

عمر:هههه..خلاص خلاص بهزر يا فريده..
ايه يا عم اسر ما تهديها عليا شويه..

زوزو:ههههه...خلاص يا فريده اهدي علي عمر..وبعدين احنا
هنتكلم في الشغل خليكي في فرحتك يا قلبي..خلي بالك منها يا اسر..

اسربحب:ديه في عينيا يا زوزو..

ادم:الله ايه يا جماعة ودومي اتركن ع الرف
ولا ايه..كده يا زوزو..متساليش عليا..

زوزو:ادم حبيبي عامل ايه..ازيك يا كاميليا عامله ايه..
كاميليا:الحمد الله يا زوزو ..انتي عامله ايه..
زوزو:زي الفل لما شفتكم..ربنا يسعدكم يا حبايبي..

ادم:احم احم..طب بما انك هنا يا زوزو..وانت يابو خليل..
احب ازف اليكم هذا النبأ السار..انا هبقي بابا..
ابراهيم بفرحة:بجد يا ادم..مبروك يا حبيبي..

زوزو بفرحة:مبروك يا ادم..مبروك يا كاميليا..
انا بجد النهاردة الدنيا مش سيعاني..

فريده وهي تحتضنها:الله انتي هتعيطي يا زوزو..
والنبي لا..وبعدين انتي مش مبسوطة..

زوزو:ديه دموع الفرحة يا ديدة..
ادم بضحكة:احم احم..لولا ابو خليل يعلقني كنت اخدتك بالحضن يا زوزو..
بس ليقبل يديها..وبقلق ديه كفايه ولو انا عارف ان فيها شدة ودن..

ابراهيم وهو يضحك:هههه..هعديها الليله علشان مراتك يا ادم..
ربنا يهنيكم يا حبايبي..نستاذن احنا الوقتي..مبروك مرة تانيه..
زوزو:اسر..تجيب فريده اوعي تبعدها عننا..

اسر:وانا اقدر برضو..متقلقيش.وبغمزة...وبعدي ن ده
انا احتمال اجي ااجر الاوضه اياها اللي فوق السطوح..
زوزو:هههههه..خلاص بقي يا اسر قلبك ابيض..
فريده:قوليله يا زوزو..
اسر:خلاص بهزر انتي صدقتي..
>>>>>>>>>>>>>>>>>>>>>>>>

يوسف:عمي..عايزك..
سيف:خير ياجو..فيه حاجة..

يوسف:بص ياعمي..انت مش قبل كده
قولتلي انك عايز تعمل فيا جميله..
سيف:هههه..ايوة يا جو..وانت ساعتها قولت لا..

يوسف:رجعت في كلامي ياعمي..بص انا عايز اخطب..
سيف:تخطب..مين..وامته ده يايوسف..
يوسف:عايز اخطب انجي..والوقتي يا عمي..

سيف باندهاش:ايه مين..انجي..والوقتي يا جو..

يوسف:ايوة ياعمي وفيها ايه..بص انا مجهز
كل حاجة..حتي الخاتم معايا..

سيف:لااااا..بجد انتم مجانين..انا مش عارف اعمل
معاكم ايه..اسكت الوقتي..ده اسر ممكن يقتلك..
يوسف :طيب ثانيه واحده..
سيف:رايح فين يايوسف خد يابني..

يوسف:اسر..تعالي عايزك..
اسر بضيق:ايه ياسئيل الدم..مش شايفني مع عروستي..عايز ايه..

يوسف:بص من الاخر انا عايز اخطب انجي والوقتي..

اسر بتهكم:نعم ياخويا...الوقتي وفي فرحي..ايه الحب هب عليك فجأه..
يوسف غور من وشي..والا اروقك..قال تخطبها قال...امشي ياض..

يوسف بحزن:ليه كده يا اسر ..انا بحبها..
فريده:ايه فيه ايه..مالك ياجو..انت هتعيط..
اسر :سيبك منك يا روحي ده عيل اهبل..
فريده:ايه اللي حصل..قولي بس..

يوسف بحزن:بقول لاسر عايز اخطب انجي الوقتي وهو مش راضي..
فريده بضحكة:طب وفيها ايه يا اسر..عادي يعني..

اسر بحدة:انتو هبل ولا ايه..لا طبعا..ده فرحي..
فريده بتهكم:وفرحي انا كمان..يلا ياجو اجري
خد المايك واعلن خطوبتك من انجي..
اسر بنظرة تحزيريه:طب اعمل كده ووريني..وربنا..

فريده بحزم:يلا يا يوسف ووريني يا اسر هتعمل ايه..
وبعدين انت ناسي انت عملت ايه في فرح ادم..اسكت بقي..

ليركض يوسف ويمسك المايك ويعلن خطبته
بانجي ويذهب اليها ويلبسها الخاتم..

خلود بدهشه:ايه اللي بيحصل ده..مش ممكن..
سيف بضحكة:ههههه..انا مش مصدق ..ايه ده..

فريده بضحكة:عادي يااونكل..لازم كل فرح ليه التاتش بتاعته..
اسر بغيظ:كده طب ماشي بس افوقلك يازفت..

يوسف وهو يمسك يد انجي وبفرحة:ولا يهمني...اشمعني انت ..
كريم:ايوة بقي هي ديه الافراح ولا بلاش..

ادم:ههههه..لا احنا كده نشوف الدور علي مين
بعدك يا جو..ياتري انت ياكيمو ولا معتز..
معتز:ههههه..متستبعدش يا ادم..ممكن احنا الاتنين..

اسر بغيظ:اسكت انت وهو..امال فريده راحت فين..
ادم:هناك مع كامي اهم..

كاميليا بضحكه:شفتي..جو بقي زي اسر ..ههه
فريدة:ايوة مش قرايب..

كاميليا:ايه ده الحقي شوفي مين جاي علينا..مش ده هيثم..
هيثم بحزن:ازيك يا فريده..مبروك..
فريده:الله يبارك فيك يا هيثم..

هيثم بعتاب:كده برضو يا فريده..ترجعي لاسر وتسيبيني..اهون عليكي..
فريده بدهشه وهي تحاول كتم ضحكاتها:معلش يا هيثم نصيب بقي..

هيثم بحزن:بس انتي وعدتيني يا فريده..كده تخلي بيا..
اسر بغضب:وعدتك بايه ان شاء الله ياسي هيثم..ماتنطقي يافريده..

فريده:هه..ابدا يا اسر..مفيش ده هيثم جاي يبارك..
لينظر هيثم الي اسر شزرا:لا..هي وعدتني بعد
ما سابتك انها ترتبط بيا..وكان قدام كامي..
اسر بعصبيه:نعم..انت بتقول ايه..يانهار ابوكو اسود..

كاميليا لتخفيف الموقف:ايه..لا..ده كنا بندردش يا اسر..
وبنهزر يا هيثم..انت بتقول ايه..

فريده وهي تحاول كبت ضحكاتها:هيثم..انا قولتلك هفكر..
وبعدين انا قولتلك انك زي اخويا..ونصيبي مع اسر متزعلش..

اسر بغضب:انتي بتقولي ايه انتي بتستهبلي..ولا ياهيثم غور من هنا
بدل مامش هتاخد في ايديغلوة..وربنا اديك قلم اعدلك بدل مانتا شبه
سوسو كده..وبعدين فريده تتجوزك انت..ده انت زي اختها..

ليذهب هيثم وهو يضرب بقدمه الارض..
وتنفجر فريده وكاميليا في الضحك..

كاميليا:ههه..نفس الكلام اللي قالته فريده..لما كلمها..
فريده:هههه..ده لسه فاكر..انا مش مصدقة..

اسر بغضب:انتو بتضحكوا علي ايه..ماشي يا فريده اصبري عليا..
فريده:الله وانت متعصب عليا ليه..وانا مالي..

اسر بعصبيه:ادم..
ادم بقلق:خير يا اسر فيه ايه..

اسر بحده:بقولك ايه ..لم ام الليله اللي مش فايته ديه وشطب الفرح..
فريده بتوتر:فرح ايه اللي يتشطب الوقتي لسه بدري..استني يا ادم..

اسر بحزم:قولتلك يلا..ولفريده..اسكتي والا وعزة جلاله الله ارتكب فيهم جنايه..
لينهي ادم الزفاف وتودع فريده والداها وياخذها اسر ويصعد الي جناحه..

بعد انتهاء الزفاف صعدوا الي منزلهم والذي كان طابق علوي كامل
مخصص لهم في فيلا سيف الدين منعزل قليلا عن باقي الفيلا كانت
فريده متوترة للغايه.. صعد بها الي الغرفة وقام باغلاق الباب..

اسر بتساؤل:مالك يافريدة انتي خايفة مني..
فريده بتوتر:ها ..لا ابدا انا بس..

اسر وقد اقترب منها: بس ايه..
فريده:وقد ابتعدت خطوات قليله: انا ....

اسر:انتي لسه خايفة مني علشان اللي
حصل ولا ايه... لسه مش مسمحاني..

فريده بسرعة: لا خالص انا سامحتك انت عارف انا بحبك قد ايه..
اسر وهو يخلع جاكيت بدلته:امال كنتي بتعملي فيا كده ليه..

فريده:علشان كنت تستاهل وكنت بتستفزني وعلشان بحبك..
اسر بنبرة جامدة:بس انا لا...انا مش بحبك...

الجمها رده نظرت له فريدة بصدمه :انت...انت بتقول ايه..

اسر ببرود :زي ماسمعتي انني فاكرة ان بعد اللي
انتي عملتيه فيا هفضل احبك زي الاول..

فريده بصدمه ودموع:ايييه... امال اتجوزتني ليه..
اسربتهكم: تفتكري ليه ..علشان اخلص تاري منك...

فريدة ببكاء :علشان كدة خليتنا نعمل الفرح بسرعه.. علشان تنتقم مني
مش كده انت ليه بتعمل فيا كده انا سامحتك ع اللي عملته ورجعت
حبيتك اكتر من الاول... وضعت يديها علي وجهها وبدأت بالبكاء..

اسر:وانا لا ... انا مبحبكيش..وبحده... فاكرة اني هنسي
اللي حصل واللي عملتيه فيا بسهوله...

وبغضب..بصيلي وانا بكلمك..عايزة تعرفي
انا اتجوزتك ليه وكنت مصر علي ده.. وابوكي وافق ليه..

[pretty dede]

البارت التاسع و العشرين

الجمها رده نظرت له فريدة بصدمه :انت...انت بتقول ايه..

اسر ببرود :زي ماسمعتي انني فاكرة ان بعد اللي
انتي عملتيه فيا هفضل احبك زي الاول..

فريده بصدمه ودموع:ايييه... امال اتجوزتني ليه..
اسربتهكم: تفتكري ليه ..علشان اخلص تاري منك...

فريدة ببكاء :علشان كدة خليتنا نعمل الفرح بسرعه..
علشان تنتقم مني مش كده انت ليه بتعمل فيا كده انا سامحتك
ع اللي عملته ورجعت حبيتك اكتر من الاول...
وضعت يديها علي وجهها وبدأت بالبكاء..

اسر:وانا لا ... انا مبحبكيش..وبحده... فاكرة اني
هنسي اللي حصل واللي عملتيه فيا بسهوله...

وبغضب..بصيلي وانا بكلمك..عايزة تعرفي انا اتجوزتك
ليه وكنت مصر علي ده..وابوكي وافق ليه..

لتنظرت له لتجده جاثي علي قدميه وينظر لها بعيون عاشقة..

نظرت له بعيون دامعه في مرارة من حديثه..

اسر بنبرة حانيه:انا فعلا .. مش بحبك زي الاول انا...انا بعشقك
انا حاولت اكرهك بس مقدرتش حبك كان بيزيد في قلبي
كل مرة اشوفك فيها انا مقدرش اعيش من غيرك انا اموت..

فريدة ببكاء: انت بتكدب عليا ليه بتعمل فيا كدة حرام عليك...

اسر و رفع وجهها بيده: والله بموت فيكي ده انا
مصدقت انك بقيتي ليا ورضيتي عني...

فريدة:امال قلت كدة ليه...

اسر بضحكه :هههههه...مرة من نفسي .. اردلك حاجة من
اللي عملتيه فيا..ده انتي عملتي فيا عمايل سوده كان هاين عليا اموتك..

فريده بعتاب:حرام عليك...فيه حد يهزر ببواخة كده مع عروسته ليله فرحهم..
فريدة وهي تمسح دموعها..طب عقابا ليك هتنام ع الكنبه....

اسر:نععععم ياختي.. امال انا عامل الليله ديه ليه...
لله و الوطن... لا طبعا ياحبيبتي..

فريده:حبيبتك.. بعد اللي قولته انسي يا حبيبي...
ده كويس اني هسيبك تنام في الاوضة.. من كرم اخلاقي
مخلتكش تنام بره علشان منظرك بس...

اسر بضيق :استهدي بالله يا حبيبتي... وعدي الليله انا اصلا
علي اخري... ده انا ممكن اعمل مصيبة وارتكب جنايه الليله...

فريده بسخريه:هاهاها الكلام ده... كنت فكرت فيه..
قبل ماكنت تقولي الكلام البايخ بتاعك...

اسر:معلش انا محقوقلك بس يلا ..انا عشمان في
كرم اخلاقك..خليكي انتي احسن مني..

فريده:تؤتؤ.... استحاله... انسي..

اسر بتهكم:انسي ايه... لاااااا.... ده انا اصلا كنت مستني
الليله ديه من زماان.. تيجي تقوليلي انسي... لا ده انتي اللي
تنسي... لا يمكن اتنازل عن الليله ديه.. وقد اقترب منها..

فريده وهي تبتلع ريقها بتوتر من اقتراب اسر منها :
طب بص.. بص غمض عينك..

اسر بنصف عين: وده من ايه ان شاء الله...
فريده بتوسل :معلش غمض عينك علشان خاطري...

اسر بضيق :اللهم طولك يا روح... اديني اتنيلت وغمضت..
قامت فريده بتقبيل وجنته..

اسر بفرحه:الله اكبر.. اهي ابتدت تندع اهو.. لوكنت اعرف انك
هتعملي كدة ...ده انا كنت قلعت عيني مش غمضتها...

فريدة بخبث: اصبر علي رزقك يا قلبي امشي معايا...
بس خليك مغمض..عملالك مفاجأه..

اسربفرحة: يا حبيبتي معاكي للمريخ.. بس انتي وخداني علي فين..
انتي سكتي ليه روحتي فين... الله انا حاسس بسقعة كده ليه...
>>>>>>>>>>>>>>>>>>>>>>>>

علي الجانب الاخر..
المساعد:السيد لا يزال تحت المراقبه بعد العمليه..واؤلئك قد تزوجوا..

الابن بضيق:هل تزوجت فريده ذلك الرجل..
المساعد:اجل سيدي كان زفافهم اليوم..

الابن بضيق:حسنا ..دعنا منهم الان ولنري
ماذا سيقول الطبيب عن حال ابي..

المساعد:امرك سيدي ..ولكن ماذا عن الشحنة الجديدة..
الابن:لتتم كما اتفقنا لن يتغير شئ..ليري الطبيب ويسرع اليه..
>>>>>>>>>>>>>>>>>>>>>>

فتح اسر عينيه ليجد نفسه خارج الغرفة والباب مغلق بالمفتاح امامه ...

اسر بغضب: بقي كده ..احنا فينا من شغل العيال ده.. افتحي يا فريده..

فريده من خلف الباب :تؤتؤ يا حبيبي...شغل العيال ده انت
اللي بدأته... ده علشان متلعبش معايا تاني هههههه...

اسر بحدة:افتحي يا اما هكسر الباب بقولك افتحي...

فريده باستفزاز:وطي صوتك يا قلبي... لحسن يسمعوك يقولو
عليك ايه.... يلا روح شفلك حته نام فيها بقي...
انا اصلا مش فاتحه الباب الليله ديه..
انا اصلا تعبانه وعايزة انام تصبح علي خير..

اسر بغضب: بقي كدة ماشي بس خدي بالك اني مش
هعدي اللي حصل ده علي خير وهتشوفي...

فريده بتريقة:الساعة كام...
اسر بغيظ:اتريقي براحتك وبعدين هتروحي مني فين..

اسر لنفسه :غبي يا اسر.... بس تستاهل كان لازم تهزر معاها
بالبواخه ديه... منتا عارف فريده وجنانها بس لا مش ممكن اسيبها..
اذا كانت هيا مجنونه انا اعند منها...

ظل اسر يفكر كيف يدخل الغرفة وتذكر ان هناك غرفة قريبة
يستطيع ان يدخل من شرفتها الي الشرفة في غرفة فريده..

فابتسم بخبث: استلقي وعدك بقي...

تسلق الي الشرفة واثناء ذلك كانت فريده تناولت الطعام..

فريده:امممممممم..الاكل تحفة..معلش بقي يا اسر..ملكش فيه
نصيب..بس تستاهل..انت اللي جبته لنفسك..ههههه..

وصل اسر الي الغرفة وقام بفتح النافذة ودلف الي الداخل ولكن
فريدة كانت قد نزعت فستانها وذهبت لاخذ حمام دافئ انتهت منه..
وارتدت ملابسها وخرجت وهي تدندن لتتفاجئ باسر الجالس علي الفراش..

اسر بغيظ:يعني كلتي وبتغني كمان...غني ياحبيبتي غني..
فريده بفزع: انت ...انت دخلت هنا ازاي انا قافلة الباب بالمفتاح..

اسر بكل ثقة :من الشباك يا قلبي..مش انا اللي
هيصعب عليا ادخل مكان ...وخصوصا اذا كانت اوضتي..

فريده بتعلثم :انت.... انت..

اسر وهو يقترب منها بتهكم: انت ايه.... مالك مكنتي عماله
ترغي وتضحكي من شويه.. مال لسانك دلوقتي اكلته القطه..

اقترب منها اكثر واكمل بتوعد... انا تعملي فيا كدة.. وتضحكي عليا..انا
تخليني اتشعبط علي البلكونه لحد هنا.. ده انتي الليله جنيتي علي نفسك...
بصي كل اللي عملتيه زمان كوم ..واللي عملتيه الليله ديه كوم تاني...

فريده بخوف: يعني ايه... بص انت...انت ناوي تعمل ايه..

اسر:ناوي اعمل ايه..كل خير يا حبيبتي... كل خير.. وبدا
بتشمير ساعده وفك ازرار قميصه العلويه وامسك بها..

فريده بخوف: انت ناوي علي ايه....بص انت اللي ابتديت الاول ورخمت عليا..

اسر وهو يتفحصها :اوعي تفكري ان جمالك ده بالقميص ده..
اللي هياكل منك حته.. هيشفعلك بالعكس ده زود عقابك اكتر...

حاولت فريده الركض الي الحمام ولكنه كان محكم قبضته عليها..

اسر:رايحة فين يا قطه..هوا دخول الحمام زي خروجه..
فريده:بص سيبني.. ياامه هصرخ.. والم البيت عليك..

اسر:صرخي من هنا للصبح.. محدش هيسمعك..
الجناح ده معزول عن باقي الفيلا وانتي عارفة...

بدأ اسر في الاقتراب من فريده حتي اصبح وجههما في مقابله بعضهما..

فريده بارتباك :انت بتعمل ايه..
اسر بابتسامه ماكرة:ابدا ..هبتدي العقاب..

فريده:انت تقصد ايه....وبارتباك.. ايه ده لااااااا..
احنا متفقناش علي كده استني.بس ..بس..

اسر:انتي لسه هتبسبسي اسكتي بقي ..
خليني اعرف اعاقبك كويس...

بدأ اسر في تقبيل فريده واستسلمت هي لعقابه
بعد محاولات منها للتملص من قبضته وبعد ذلك...

بعد ذلك ايه كلام قله ادب ملناش دعوة بيه واحد ومراته ناس
حشريه صحيح اقفل ياعم اسر الشباك اللي دخلت منه ونسيته
ده الله يكرمك في ناس قليله ادب هنا ولا اقولكم نمشي احنا احسن
ده اسر لو عرف ان احنا بنبص عليهم هيولع فينا وانتو عارفينه عصبي ومجنون....
>>>>>>>>>>>>>>>>>>>>>>>>>

في غرفه ادم..كانت كاميليا تضحك ...
ادم باندهاش:ايه يا كامي بتضحكي علي ايه..

كاميليا:ههههه..ابدا يا ادم..بس عارف
اسر هياخد خضه الصبح انما ايه..

ادم بعدم فهم:خضه..خضه ايه يا كامي..هيا فريده
قالتلك انها ناويه تعمل فيه حاجة ولا ايه..

كاميليا :هههههه..لا مش كده بس هتشوف
فريده لما تصحي من النوم هتعمل ايه..

ادم:انا مش فاهم حاجة..
كاميليا:هههههههه...انا افهمك....بص يا سيدي.......

ادم:ههههههه...بجد ..ياعيني عليك يا اسر.. بس خليها تربيه..
كاميليا:ههههههه..مواقف وطرائف فريده..

ادم بغمزة:طب بقولك ايه ..ماتيجي نكمل انا وانتي مواقف ادم وكاميليا..
كاميليا بخجل:بس بقي يا ادم عيب كده..

ادم: عيب كده..اشمعنه اسر يعني..لااااا..انا هعيد دخلتي وبغمزة..فاكرة الربايط..
كاميليا:يوووووه..انت كل شويه هتقولي كده..ماكنش كام رباط فكيته يا ادم..
ادم:واحلي رباط يأم العيال..ويلا بقي ..
>>>>>>>>>>>>>>>>>>>>>>>>>>>>>

في الصباح استيقظت فريده من نومها لتجد اسر بجوارها...

فريده باستغراب:اييييه ده..انا فين..وبعمل ايه هنا..ده..ده اسر ..
قامت فريده بركل اسر بقدمها واسقاطه من الفراش وسط صراخها..عاااااااي..

اسر مفزوعا متالما:اااااااي ....ايييه فيه ايه..ب
تصوتي ليه..وبعدين حد يعمل كده بتوقعيني علي الارض..

فريده بصراخ:انت بتعمل ايه هنا..ونايم جمبي كمان ..وبالمنظر ده..

اسر وقد نهض علي الفراش بتهكم:نعم ياختي..انتي
جالك فقدان ذاكرة ولا ايه..انتي ناسيه امبارح كان فرحنا..

فريده ببكاء:وبعدين تعمل كده انت قليل الادب وسافل..
وكمان قاعد من غير تي شيرت قدامي..

اسر :حبيبتي..مالك فيه ايه..حد يعمل كده يوم صباحيته..

فريده ببكاء:صباحيه سوده علي دماغك..انا عايزة اروح لمامي..
انت ازاي تسمح لنفسك تعمل فيا كده..وبعدين
فين باقي هدومي..وديتها فين انطق..

اسربضيق وهو يمسح وجهه بيده :اللهم ما طولك يا روح...
وبابتسامه صفراء..فريده..ده مقلب من
مقالبك صح..انا عارف...لمي الدور بقي..

فريده بعصبية:دور ايه اللي المه..انا عايزة مامي..
ابعد عن سكتي خليني البس ..

اسر وقد امسك يدها وبحده:فيه ايه يا فريده مالك..
انتي هتستهبلي..انا عارف مقالبك ديه كويس..

فريده ببكاء:انت عايز ايه مني ..انا عايزة امشي من هنا..
اسر وقد رأي معالم الخوف علي وجه فريده:طب نتفاهم ..

فريده بدموع:علي ايه..انا ايه اللي جابني هنا اصلا..

اسربنفاذ صبر ولكن يحاول التحكم في اعصابه:فريده يا حبيبتي..
انتي مش فاكرة ان امبارح كان فرحنا..انتي مش
حضرتيه..وهو يجذ علي اسنانه ولا كنتي مسطوله..

فريده :ايوة..حضرته...

اسر:طيب..يبقي المفروض لما تصحي
تلاقي نفسك فين ومين معاكي..

فريده :انت..بس..بس انت مش لابس تي شيرت..وقاعد كده..

اسر بغيظ وهو يرتدي قميصه:يادي ام التي شيرت
اللي مجننك..اهو يا ستي لبسته..ارتحتي كده..

فريده وهي تمسح دموعها:ايوة..متعملش كده تاني..وممكن
تطلع بقي برا علشان اغير هدومي..وتوديني عند مامي..

اسر بحده:نعم ياختي..فريده اتعدلي..انا لغايه دلوقتي هادي..متخلنيش
اتعصب عليكي..مامة مين اللي هوديكي عندها يوم الصباحيه..

فريده بدموع:انت بتزعقلي كده ليه...هوا مش
الفرح خلص..رجعني البيت بقي..

اسر وهو يتجه الي الحمام واغلق الباب في غضب:الفرح خلص وارجعك..
ليه مستلفك ايجار لليله وخلاص..صبرني يا رب..ايه الجوازة السوده ديه..
انا قولت من الاول حد باصصلي فيها ..منك لله يا كريم الزفت..قعدت تقر امبارح
وتقولي..الله يسهله وهنيالك..ادي البت جالها فقدان ذاكرة..
وشكلها هتبقي ايام مايعلم بيها الا ربنا..

فريده وقد بدأت تستعيد وعيها :ايييييه اللي حصل ده..اهاااااا..يلا اهي
جت في اسر..وبضحكه مش مشكله بقي مسيره يتعود..
ارتدت فريده روب القميص وجلست منتظرة اسر...

ليخرج الاخير في حاله ضيق..
اسر باقتضاب حاجبيه:خير يا مدام..بتضحكي علي ايه..

فريده بابتسامه:انت لسه زعلان يا اسر..خلاص يا حبيبي
متزعلش..وقامت بتقبيله علي وجنته..

اسر بدهشه:اييييه البت اللي عندها انفصام في الشخصيه ديه..
وبغضب يا بنت ال...بت يا فريده انتي ده كله كان مقلب صح..بتصيعي عليا..

فريده ببراءه:ابدا والله..بص هفهمك..اصل انا عاده لما بقوم من النوم
باخد وقت علشان افوق وافتكر ايه اللي حصل..ولما شفتك
جمبي اتخضيت..وعملت كده..بس دلوقتي فوقت خلاص..

اسر بدهشه:يا سلاااااااام..وان شاء الله ده هفضل فيه كتير..
كل ما تصحي من النوم هتعملي في اهلي كده..

فريده بابتسامه:لا يا حبيبي ده بس شويه
لحد ما اتعود علي وجودك معايا وبس..

اسر بغيظ:لا والنبي..بصي يابنت الناس انا ميمشيش
معايا الكلام ده ..وربنا لوعملتي كده تاني..لارزعك
قلم يفوقك ميخلكيش تنامي تاني..

فريده بضحكه وهي تتجه الي الحمام:ههههه..ولا تقدر
يا بيبي..وهي ترسل له قبله في الهواء..امواااااااه

اسر وهو يفرك راسه:انا نهايتي هتكون المرستان مع بنت المجانين ديه..

بعد مده هبط كل من اسر وفريده الي الاسفل وذلك لمقابله والديها ..

ليلي:ديده حبيبتي..مبروك يا قلبي..
فريده وهي تحتضن والدتها وبدموع:مامي..وحشتيني..

سليم:ايه يا ديده..وبابي موحشكيش ولا ايه..
فريده:وانت كمان يا بابي..انتو جايين تاخدوني معاكم صح..

سيف بضحكه:ههههه..ايه يا اسر عملت لفريده
ايه البت مش طيقاك من اولها..

اسر بغيظ وهو يمسك بجانبه:انا برضو اللي عملت..
ده انا صحيت باحلي طريقة رومانسيه ..

ادم وهو يميل علي اسر بضحكه:ههههههه..هيا روقتك..اتاريني
سمعت صوت هبده علي الارض..يعني انت اللي وقعت..هههههه

اسر بهمس:وانت عرفت منين..

ادم:هههههه..كاميليا قالتلي..فريده لما بتصحي من النوم بتبقي ازاي..

كاميليا بهمس :ههههه..معلش يا اسر تعيش
وتاخد غيرها..وخد من كده كتييير..هههههه..

اسر بغل:يعني كنتي عارفة يا كاميليا ومتقوليليش علشان اخد حذري..

يوسف متدخلا:انتو بتتودودا تقولوا ايه..
اسر:ملكش دعوة..
يوسف:بقي كده..الجواز غيرك قوي يا اسر..

اسر:من ناحيه التغيير..هتغير وبدل ما هبقي اسر كازنوفا
هبقي اسر الاعرج المجنون من عمايل فريده..

ليلي:انتو قررتوا هتسافروا امته يا اسر..
اسر:بعد بكرة يا طنط..انا حاجز التذاكر..

فريده:انا مش عارفه ليه مصمم علي هناك..
يوسف:اصلك متعرفيش اسر بيحب يسافر هناك كتير..

فريده:ما انا عايزة اعرف بقي ليه..
اسر بخبث:هتعرفي لما نوصل هناك..
>>>>>>>>>>>>>>>>>>>>