آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-01-17, 05:45 PM
| #1 | ||||
| كاتبة في قسم قصص من وحي الأعضاء 
|  اسر القلب (2) *مميزة ومكتملة*.. سلسلة عناد الحب   مساء الخيرات أحبتي إن شاء الله هنكمل الجزء الثاني من جنوني وعنادك وهيكون النشر يوميا الساعة الخامسة مساءً بإذن الله.. ملخص الجزء الأول فريدة سليم الجسيني تلك الفتاة الجميلة التي تدير شركة أومجا نصر للهندسة وشريكها آسر سيف الدين الملقب بكازنوفا.. وقصة الحب التي إشتعلت بينهما ولكن بعد معرفتها برهانه عليها ليوقعها بشباكه قررت أن تبتعد عنه .. ولكن ليس قبل أن تنتقم منه في اطار مواقف كوميدية.. ولكن رغم ذلك تجدها جادة بعملها ومتفوقة به.. رغم ما حدث وظن آسر أنها كغيرها ممن عرفهن واللاتي يظهرن البراءة وهن في الحقيقة خائنات ولكنه عشقها وحاول أن يكذب ما عرفه ومع الاحداث التي تحدث معهم وتلك المشكلات التي تواجههم في عملهم و في الفصل الأخير محاولة أحدهم قتل فريدة سنعرف في الأحداث القادمة ماذا سيحدث معهم.. متابعة ممتعة.. ملحوظة جنوني وعنادك أول رواية قمت بكتابتها لذلك طريقة كتابتها بسيطة جدا وتعتمد علي الحوار كنت سأنشرها كاملة ولكن قمت بقطع نشرها لإنشغالي في الروايات التالية التي تم نشرها سابقا لذلك أعتذر عن تأخرها حتي ذلك الوقت.. قمت بكتابة جنوني وعنادك لأجل الترفيه عن القراء فقد مشاهد كوميدية ذات قالب إجتماعي.. المقدمة أحببتك أكثر من حياتي.. وددت لو أني أتنفس عطرك بدلا من الهواء.. أنام علي صوتك واحلم بك، وافتح عيوني علي صورتك.. وهبتك حياتي، وسعادتي.. أبكي لحزنك، وأطير لفرحك.. عندما أراك أشعر أني أحلق في السماء.. اتناسي كل شئ.. غضبك، غرورك، وحتي جراحك.. أنا كالسمكة في بحر حبك.. إن خرجت منه مت ولكن إحذرني إن مسست كبريائي بخيانتك.. فأنا أحتمل كل شئ إلا الخيانة قد أغفر لك مرة.. ولكن إن ظننت أني نسيت فأنت مخطئ فأنا في عشقي كالنار.. التي تحرق كل شئ وتحوله.. إلي رماد أحببتك فجرحت كبريائي.. غفرت لك.. ولكن مهلا عزيزي مرة واحدة تكفي والأن تحمل إنتقام من كان عشقه هو هواءه فتحول إلي لهيب حارق.. أحرقك أنت بعد أن كان دوائك.. والأن لو بكيت ماشئت لن أعود ولن أغفر ... وداعا يا من كنت حبيبي.. لا تعاتبي كثيرا ; العتاب للضعيفات! الانسحاب هو فن , فن لا تتقنه غير القويات! لينك الجزء الأول https://www.rewity.com/forum/t353273.html?highlight=%D3%E1%D3%E1%C9+%DA%E4%C7%C F+%C7%E1%CD%C8 فصول الروايه المقدمة ......... اعلاه الفصل الاول .... بالاسفل الفصل الثاني والثالث الفصل الرابع الفصل الخامس الفصل السادس الفصل السابع والفصل الثامن الفصل التاسع الفصل العاشر الفصل الحادي عشر الفصل الثاني عشر الفصل الثالث عشر الفصل الرابع عشر الفصل الخامس عشر الفصل السادس عشر والسابع عشر الفصول الثامن عشر والتاسع عشر والعشرون الفصل الحادي والعشرون الفصول الثاني والعشرون الثالث والعشرون الرابع والعشرون الخامس والعشرون الفصل السادس والعشرون والسابع والعشرون الفصل الثامن والعشرون والتاسع والعشرون الفصلان الثلاثون والحادي والثلاثون الفصلان الثاني والثلاثون والثالث والثلاثون الفصلان الرابع والثلاثون والخامس والثلاثون والسادس والثلاثون والسابع والثلاثون الفصول 38 الى 47 الفصول 48 ، 49 ، 50 ، الخاتمة التعديل الأخير تم بواسطة كاردينيا الغوازي ; 31-01-18 الساعة 09:14 PM | ||||
|  |
|
08-01-17, 06:18 PM
| #2 | ||||
| كاتبة في قسم قصص من وحي الأعضاء
| البارت الاول كانت فريده تعاين بعض المنازل القديمه الخاليه المتهالكة الآيلة للسقوط ولم تنتبه لذلك الشخص الذي كان يتتبعها ودلف خلفها وفجأه سمعت صوته.. شخص ما وهو ينظر لها نظرات متفحصة متسائلة بتهكم: انتي بقي فراوله... إلتفتت فريده تجاه الصوت ونظرت بتعجب متسائلة: هه... انت مين... وبتعمل ايه هنا؟؟.. كان ذلك الرجل يتحرك بخطوات بطيئة نحوها ويجيب بنبرة مرعبة: انا مين مش مهم... وبعمل ايه هنا... ده بقي فيه واحد حبيبي باعتلك السلام... وبيقولك البقيه في حياتك يا فراوله.. إتسعت عينا فريده برعب وتعلثمت في حديثها وهي تتراجع للخلف: انت.... انت... بتقول ايه عايز ايه تأفف الرجل بملل وقال بنفاذ صبر لم يعد يفصله إلا خطوتان منها: ماقولنا عايز روحك يا فراوله.. واقترب منها اكثر.. هزت فريده رأسها بذعر وهي تحاول الفرار ولكنه أمسك بها سريعا بعنف لتصرخ: لاااااااااا...ابعد عني... اااااااه حاول ذلك الشخص ان يقتل فريده وذلك بخنقها وكانت تقاومه بشده وشراسة ولكن كان بنيانه قوي لم تستطع فريده المقاومه اكثر.... وبدأت في الاختناق.. في تلك الاثناء اتي اسر وعلي وجهه الضيق و الغضب لانه امر فريده ألا تذهب الي المنزل بدونه ولكنها عصت اوامره فكان ذاهب لتوبيخها دلف اسر الي المنزل وهو يحدث نفسه بغيظ متوعدا: لما اشوفك يا فريده يومك مش فايت النهارده....ظل يبحث عنها ويجول في المكان بعينيه متسائلا... ديه راحت فين ديه؟؟؟ انتبه اسر الي بعض الاصوات وصوت فريده تستنجد باحدهم فاسرع تجاه الصوت فإتسعت عيناه صدمة مما يري.. احد ما يحاول قتل فريده انتابه الجنونليركض صارخا وينقض علي ذلك الشخص ويبعده عن فريده ويوسعه ضربا وسط نوبه من بكاء فريده وفزعها هدراسر بهستيريا ولا وعي: يابن ال.... انا هقتلك النهارده.... كان يكيل له اللكمات والركلات بعنف ويحاول ذلك الرجل الدفاع عن نفسه ولكنه لم يستطع أمام جنون آسر وحاول الفكاك منه ولكن آسر لم يدع له اي فرصة وهو يهزه بشراسة صادحا.. بقي انت عايز تموتها.... مش هرحمك انا هموتك... انطق كنت عايز تقتلها ليه.. كان الرجل قد تهالك من الضرب المبرح ليقول بنبرة متألمة: اااااااه...مش انا ده واحد قالي كده... انا عبد المأمور... ااااه هدر اسر بلهجة آمره غاضبة: انطق مين...قول والا هموتك... صرخ الرجل بإستنجاد: هنداوي....ياسر هنداوي قالي اروح اخلص عليها... علشان هيا مقبلتش بيه.. كانت عينا اسر حمراء بشدة من فرط غضبه وقال متوعدا وهو يضيق عينيه: ابن ال........انا هموتك وهموته... ظل اسر يضرب في ذلك الرجل الذي حاول قتل فريده حتي طرحه ارضا مغشيا عليه.. في تلك الاثناء اصاب فريده ضيق تنفس وكانت علي وشك الاختناق.. انتبه لها أسرع اليها.. وأمسك بها بإرتياع.. هتف اسر بخوف محاولا تهدئتها: اهدي يا فريده اتنفسي بالراحه... انا جمبك اهو متخافيش.. كانت فريده تبكي وتشهق طالبة للهواء وتقول بصعوبة: م... مش... قا.. قادرة اااا اخد نفسي... كان عايز....عايز يموتني... أمسك آسر وجهها بين يديه بلهفة وعيناه تضجان ألما لمنظرها قائلا بعذاب: متخافيش... انا معاكي اهو... هو مش هيقربلك خلاص.. بصي خدي نفسك شويه شويه... متخافيش حاول اسر ان يجعل فريده تتنفس ببطئ وبحث في حقيبتها عن بخاخها... ووجده.. مد يده إليها به وقال بهدوء.. خدي يلا ... هتعرفي تاخدي نفسك الوقتي.. فريده بعد ان استنشقت وانتظم تنفسها بعض الشئ وببكاء قائلة بنبرة مقهورة: كان عايز يموتني...اللي اسمه ياسر ده بعته علشان يقتلني... إحتقن وجه اسر بغضب وقال متوعدا بشراسة: ابن ال......... وربنا ماهسيبه... كل ده علشان الفلوس.. اردفت فريده بتلقائلة بنبرة خائفة: انا مكنتش فاكرة انه ممكن يعمل كده لما هددني.. إنتبه اسر لحديثها وهدر بعصبيه: هددك واشمعني انتي؟.. ...امته و انتي مقلتليش ليه؟؟.. إبتلعت فريده ريقها بصعوبة وقالت وارتباك: اصل..... يعني .... يوم اللي شفته معايا في المكتب... هو.. عنفها اسر بعصبيه آمرا اياها بالحديث: انتي هتهتهي ماتنطقي ايه اللي حصل.. زمت فريده شفتيها المرتعشة وقالت ببكاء: اصل هو كان ... حكت فريده لاسر عما فعله ياسر معها وحديثه الوقح... واكملت بتبرير.. وبعدين انا قلت لادم...احنا مرضيناش نقولك علشان.... ليقاطعها اسر صادحا بنبرة ارسلت الرعشة بجسدها وجعلتها تنتفض برعب من مظهره المخيف: انتي بتستهبلي.... مقلتليش ليه... ده انا كنت خلصت عليه يوميها... بس ملحوقة انا هطلع روحه بايدي... اتاري ادم يوميها كان متعصب... ثم نظر إليها ليعنفها.. وانتي ... قطع حديثه وجه فريده المرتعد منه وجسدها المنتفض من صوته جعله يأخذ نفسا عميقا ليحاول كبت غضبه و اكمل بنبره حانيه.. خلاص يا فريده اهدي ... ارتمت فريده بين ذراعي اسر وتشبثت بقميصه وظلت تبكي وكل ذرة في جسدها ترتعش.. فضمها اسر اليه ليبعث اليها الطمأنينه... ظلت هكذا فترة حتي هدأت واستكانت وهي تشعر بالامان بين يديه وهو يربت علي شعرها بحنان رغم ما يحدث بينهما ولكن فريدة تشعر انه ملاذها وهو رغم ما يظنه بها وعلاقتها بكامل ولكن عند رؤيته ذلك الشخص يحاول قتلها لم يعرف ذلك الشعور الذي إنتابه الرعب من فقدانها... تداركت فريده الموقف وابتعدت عن اسر ... ونظرت ناحيه الشخص الملقي علي الارض متسائلة: احنا هنعمل ايه دلوقتي.. تسائل اسر بنبرة جادة: انتي معاكي نمره حمزة ... فريده باستغراب: ايوة معايا.. بس ليه.. اسر:ملكيش دعوه هاتيها... اخذ اسر رقم حمزة وهاتفه واتي علي الفور وشرح له اسر الموقف كبل حمزة المجرم ولكن اسر طلب منه عدم اخبار احد في الحي وطلب منه احضار سيارته امام المنزل وذلك لاخذ فريده الي المنزل وعدم لفت الانتباه وبالفعل فعل حمزة ذلك واوصل فريده الي المنزل حمدت فريده الله انها لم تجد احد من والديها في المنزل والا كانا علما بما حدث واصرا علي سفرها رغم ما حدث ولكن شعرت فريده بالراحه النسبيه لما فعله اسر معها وخوفه عليها ذهبت فريده الي غرفتها وابدلت ملابسها وغطت في نوم عميق >>>>>>>>>>>>>>>>>>>>>>>>>> عند اسر كان قد جن جنونه وذهب الي ذلك المدعو ياسر.. اسر وهو يلكم ياسر: اااااااه يا ابن ال......باعت واحد.......يقتل فريده ورحمه امي منا عاتقك....انت كنت عايز تموتها ...انت اللي هتموت النهارده ياسر وهو يحاول تفادي الضربات: هيا اللي جنت علي نفسها مش حرمه هيا اللي تمد ايدها علي ياسر هنداوي اسر بغضب جارف:يا ابن ال.... بقي كنت عايز تبوسها وتسكتلك... كله الا فريده ....انا هطلع روحك ..انهال اسر علي ياسر بالضرب المبرح ولم يستطع احد ان يخلصه من يد اسر الغاضب ...حتي اتت الشرطه بقياده حمزة والقت القبض علي ياسر بتهمه الشروع في قتل فريده.. وتوعد اسر :انت فاكر انهم علشان قبضوا عليك هسيبك...ده انا هقتلك سامع حمزة:اهدي يا اسر مش كده...خلاص احنا هنظبطه... اخذ حمزة ياسر الي القسم وتم عمل محضر و في اليوم التالي حضرت فريده لاخذ اقوالها...ةاعترف المتهم الاول ان ياسر هو من ارسله لقتل فريده ....وتم حبس ياسر حتي يتم البث في القضيه... >>>>>>>>>>>>>>>>>>>>>>>>>>> في منزل سيف الدين نصر إندفع آسر تجاه آدم بغضب أعمي وهو يصدح متوعدا بنبرة جعلت آدم يركض محاولا الفرار منه.. اسر بغضب وهو يحاول ضرب ادم: انت يا حيوان ... مقلتليش ليه علي اللي حصل مع فريده من ابن ال..... ياسر ادم وهو يحاول تفادي اسر:منا مرضتش اقولك علشان اللي انت عامله ده...هوا ايه اللي حصل لده كله.... وبعدين عرفت منين... اسر بغضب: ابدا يابو الرجال....الواطي بعتلها واحد علشان يقتلها... يوسف: يانهااااااااار الوان....كانت هتموت...لا ده فاكركم ايه... ادم بصدمه: ايييييه...يقتلها...طب...وهيا عامله ايه الوقتي...طب وانت عملت ايه اسر بحنق: كويسه ياحيلتها.... انا ...انا هعمل لسه ورحمه امي لهخليهم ع الحديده...يبقوا يشوفوا هيشتغلوا ازاي...وانت يابن ال....مش سايبك علشان متقوليش علي اللي حصل.... ادم وهو يركض: وربنا ماكنت اعرف ان ده ممكن يحصل.. يوسف: لا غلط منك ده يا ادم....كان لازم تقوله... ادم: اخرس انت يا عم الحقنه ...هوا مش ناقص تسخين... اسر: وربنا منا عاتقك النهارده.... لم يكتفي اسر بحبس ياسر ولكنه قام عن طريق معارفه بتقييد حركه البيع و الشراء لعائله هنداوي و الكيل لهم في كل شئ واقسم انه لن يتركهم حتي يهز عليهم >>>>>>>>>>>>>>>>>>>>>>>> في منزل الحسيني غضب سليم بشدة مما حدث مع فريدة والتي لم تخبرهم بمحاولة قتلها ولكنه علم وعنفها محاولا إبعادها عن العمل.. سليم بغضب: بقي كل ده يحصل وانا معرفش...انا قولتلك متروحيش هناك...بس دماغك ديه عايزة تكسير...كنتي هتموتي فريده: يا بابي ...حصل خير ...انا كويسه...وبعدين هما قبضوا عليه ليلي: فريده كان ممكن تموتي لو كان اسر ملحقكيش...انتي اصلا ايه اللي يخليكي تتعاملي مع ناس من المستوي ده... فريده: يا جماعة انتو مكبرين الموضوع... سليم بغضب: انتي بتستهبلي...انا مش عارف دماغك متركبه ازاي...اسمعي من هنا ورايح مفيش شغل...انتي هتقعدي هنا لغايه ما تسافري ...وده قرار نهائي فريده بعصبيه: يعني ايه...تحديد اقامه يعني... انا مرضتش اقولكم علشان كده ليلي: فريده باباكي معاه حق...وانا معاه ..انتي لازم تسافري..بعد اللي حصل ده مش ممكن تقعدي هنا فريده: ايه يعني...هوا لو اي واحد حصلتله مشكله في شغله هيسيبه... سليم: انتي بتسمي ديه مشكله...واحد كان عايز يموتك ديه حاجة عاديه...بقولك ايه انتي خلاص ... فريده: يوووووووه...انا زهقت من المحاضره ديه...الزفت ده واتقبض عليه...وخلصنا...وشغلي مش هسيبه...مش هعيدها خمسين مره... ورحلت فريده سليم بغضب: انتي يا بنت...تعالي هنا... ماشي يا فريده ...ماشي... ليلي: رايح فين يا سليم... سليم وهو يتجه الي الخارج: مشوار مهم لازم اعمله... في الخارج تحدث سليم في الهاتف: الو...ايوة يا سيف...عايزك في موضوع مهم...قابلني في (.....).. ثم حدث نفسه.. مادام مش عايزة تسافري يا فريده ...يبقي مفيش غير الحل ده... >>>>>>>>>>>>>>>>>>>>>>> عادت فريده الي العمل في الحي رغم تذمر اسر من ذلك ولكن لايستطيع احد منع فريده من فعل ما تريده... وعادت فريده واسر الي مشاجراتهم التي لا تنتهي... >>>>>>>>>>>>>>>>>>>>>>>>>>>>>>> في يوم زفاف حامد وسميرة حضر اسر وانجي واثناء ذلك خبط في سيارته توكتوك وخدشها وايضا لم يعتذر ولكنه وبخ اسر مما جعله يستشيط غضبا ونزل من السيارة وقام بضربه وتجمع عدد من اهل الحي ولم يكن جميعهم يعرفون اسر فهو جديد نسيبا في المنطقه وهموا ان يفتكوا باسر فكما يعلم الجميع انه اذا اعتدي شخص غريب علي شخص من حي ما يتجمع اهل الحي ضد الشخص الغريب ويلقنوه درسا لا ينساه لمحت فريده ما يحدث وعرفت انه اسر من سيارته وذهبت سريعا لانهاء الموقف وانقاذ اسر فريده:ايه يا جماعة اللي بيحصل ده....فيه ايه يا اسر... احد الاشخاص: ايه ...انتي تعرفيه يا هندسه... فريده:ايوة... ده المهندس الجديد المسئول عن المشروع...ايه اللي حصل احد الاشخاص:البشمهندس...خبط توكتوك لطفي وكمان ضربه....وكمان مش عاجبه...وعمال يلبخ فريده:معلش يا جماعة ....اصل البشمهندس حمقي حبتين...وميعرفش النظام اسر بغضب:مين اللي حمقي ...انا مغلطش ...وبعدين ده انا لسه هروقه فريده :ياعم اهدي شويه...معلش يا جماعة مكنش يقصد اسر: لا اقصد... ادم بسرعه:خلاص يا جماعة حقكم عليا انا....امسحوها فيا ... فريده:معلش يا لطفي ...عندنا ديه...احنا هنعوضك...انا بعتذرلك مكانه ...ولو عايز ابوس دماغك ...موافقه..... اسر بعصبيه :انتي كمان بتعتزريله وعايزة تبوسي علي راسه ما كنتي خديه بالحضن احسن كيس جوافه انا واقف.... اسر في نفسه بسخريه(طبعا مانتي متعوده علي كده) ده بدل ما تبلغي البوليس فريدة :ياعم اسكت مفيش بوليس بيدخل هنا ده انت كنت هتتسفلت هنا لولا اني لحقتك اسر بعصبية: ايه تتسفلت ديه ليه شيفاني سوسن مش هعرف ادافع عن نفسي و اللي معايا فريدة:لا شيفاك اخوها اسر: نعم فريده: هنا كانوا هيتلموا عليك زي حرامي الغسيل كلهم بقبضة رجل واحد مش هتلاحق حد انجي: اوه ماي جود فريدة :وانتي يا كتكوته برضو كنتي هتتظبطي بس من انشراح اللي لا بتهدي ولا ترتاح متقولهم يا عم ادم وترسيهم علي الحوار ادم :ايوة يا اسر فريده بتتكلم صح انت هنا لسه جديد متعرفش النظام اسر بضيق :نظام ايه ان شاء الله ادم:بص يعني انت مينفعش تدخل منطقة وتتخانق مع حد فيها وهما يسيبوك لا هنا هتتفرم لان الواد اللي هتتخانق معاه الكل هيتحاموله اسر:امال ايه يعني اسيبه يهزئني و اسكتله ادم:لا بس هنا المنطقة ليها كبير تروح تقوله وهوا هياخدلك حقك اسر: والله عال ليه شايفني عيل قله مقدرش اخد حقي هخلي حد يجبهولي ابراهيم:الله بقي ماتشوف اخوك يا ادم بدا يلبخ في الكلام ادم:معلش يا بو خليل امسحها فيا المرادي اصل اسر اخويا حمقي شويتين انا هفهمه انت بس خد لطفي وانا هاجي اطيب بخاطره بعدين ابراهيم:ماشي يا ادم علشان خاطرك انت بس ....يلا يا لطفي معايا بعد ان ذهبوا ادم:ايه يا عم اسر داخل بصدرك ومنفوخ كده ليه...بص هنا مفيش بوليس بيدخل فلاش باك بعد ان ترك ادم الريس منصور وتوجه نحو المحتشدين في الموقع الرافضين للمشروع... ادم:سلام عليكم يا جماعه.... احد الاشخاص:خير ياحضرتك عايز ايه ادم بضيق:والله حضرتك...انا المهندس المسئول عن الموقع اللي انتو واقفين فيه ...وعايز انكم تمشوا من هنا علشان نعرف نشتغل شخص اخر بغضب:واحنا قولنا اننا مش هنمشي من هنا...انتو فاكرين اننا هنسبكم تبنوا في حتتنا وكمان تبيعوا وتشتروا فيها... ادم:والله مش مشكلتي...انا مسئول عن البنا ...وانتفضلوا بقي من هنا بدل ما اطلب البوليس يجي يلمكم شخص اخر بغضب وهو يمسك بادم:انت جاي تهددنا في منطقتنا...ده انت وقعتك سوده... ادم بغضب وهو ويبعد ذلك الشخص:انت اتجننت ..انت مش عارف انا مين ده انا هوديك في داهيه بدات الناس في الاحتشاد وتجمعوا ضد ادم ونزلت فريده من السيارة وتوجهت الي الحشود فريده بغضب:ايييه اللي بيحصل ده...انتو اتجننتوا ...ابعد عنه انت وهوا...انا هطلب البوليس... احد الاشخاص:لولا انك حرمه كنا عرفناكي مقامك... فريده بوحه احمر غاضب:انت ازاي تتكلم معايا بالشكل ده...انا هعرفك مقامك الشخص:لا انتي بقي عايزة.... ليقطع حديثهم صوت غاضب... عزيز ابراهيم:عزيز ....انت اتجننت ...هتمد ايدك علي واحده ست عزيز:ماهي يا عم ابراهيم لسانها طويل ...وبعدين دول المهندسين اللي هيبنوا ... ابراهيم:ولو ...انتو ايه ...هيا ديه اخلاق ولاد البلد...يلا كل واحد يروح لحاله احد الاشخاص:بس ياعم ابراهيم... ابراهيم بصرامه:قلت يلا...وانتو يا بسمهندسين ...اتفضلوا معايا اذعن الجميع لطلب ابراهيم حيث انه هو كبير الحي وكلمته لابد لها ان تمشي علي الجميع فريده بحنق:انا مش رايحه اي حته ...دول لازم يتعلموا الادب... ابراهيم:عيب كده يابنتي ...اتفضلي معايا ...علي بيتي ادم:بس احنا.. ابراهيم:متقلقوش...احنا هنروح بيتي ونتكلم... ذهب ادم وفريده الي منزل ابراهيم وقابلوا زوزو واخبرهم ابراهيم برفض اهل الحي بدخول اي اشخاص الي حيهم ورغبتهم في تجديد وبناء الحي علي حسابهم ... حاول ادم وفريده بعد ذلك ان يقوموا بالمشروع ولكن رفض اهل الحي وعدم تدخل الشرطه في الموضوع .....اجبرهم علي الاذعان لرغبه اهل الحي وايضا لما وجدوه من المتعاقدين من عدم مبالاه الا للنقود والارباح ...ومع الوقت اندمج ادم وفريده مع اهل الحي وترددوا علي منزل ابراهيم وزوزو ...ووجدوا هناك الدفئ وشعور الاسرة ..واعتادوا علي ذلك وطيبه زوزو وعرفوا ان المال ليس كل شئ والتواضع لابد منه ومرت السنتين وتحول ادم وفريده من هؤلاء المتعجرفين الي ما نراهم الان باك ادم :بس يا عم وهنا ..مفيش غير حمزة الظابط الوحيد اللي بيدخل ومش هيعملهم حاجة ...لان الحي له كبير هوا اللي بيخلص المواضيع ديه اسر بعصبيه:امال عايزني اعمل ايه عيل زي ده يخبطلي العربيه ويبجح فيا واسكتله فريده:لا طبعا تنزل تضربه وعايز اهله يجوا يسلموا عليك احمد ربنا اننا شفناك ولحقناك اسر بغضب:انتي تسكتي خالص بعدين انتي ايش دخلك ووقفك مع الرجاله في الموقف ده فريده:ايه ده انت متعصب عليا كده ليه .... ده بدل ماتشكرني اني لحقتك صحيح خير تعمل شرا تلقي انا... الحق عليا يا ريتني كنت سبتهم علموك الادب اسر بغضب:يعلموا مين الادب يا بت انتي..... بقولك ايه اخفي من وشي السعادي احسنلك بدل ما اروقك انتي كمان فريده:متقدرش ...... يابت اتهدي ده لسه مخلصك من القتل ايه نسيتي احم احم ...نرجع للقصه اسر:انتي شايفة نفسك علي ايه .....ده انا بس لو نفخت فيكي اطيرك... ولو اتعافيت عليكي الله يرحمك فريده:قولتلك انت بق ع الفاضي ولا تقدر تقربلي ولا تعملي حاجة اسر بغضب وهو يكور يديه من الغيظ :انا بق طب انا هوريكي ادم متدخلا لينهي الشجار:بس بس بس انتو كل ما تتقابلو تعملوا كدة يلا يا فريده روحي شوفي شغلك وانت يا اسر تعالي معايا وهو ينظر لانجي ....انتي ايه اللي جابك انتي كمان وايه لبسك ده ده انتي غريبة والله انجي وهي تفرغ فاهها من حديث ادم:هااا ....انت بتقول ايه ادم:ايوة ....يا امي ده فرح في منطقة شعبية... بلبسك ده هيفكروكي حاجة كده استغفر الله العظيم..... هيفتكروكي الرقاصة ......امشي ....امشي حضر الجميع الزفاف...وانتهي علي خير وبالطبع لم يخلو من دلع انجي مع اسر وغيظ فريده ..ولكنها سرعان ما انشغلت مع الفتيات في الزفاف >>>>>>>>>>>>>>>>>>>>>>>>>>>>>> | ||||
|
| |
|
08-01-17, 08:37 PM
| #4 | |||||
| كاتبة في قسم قصص من وحي الأعضاء
| اقتباس:
| |||||
|
| |
|
08-01-17, 09:36 PM
| #6 | |||||
| كاتبة في قسم قصص من وحي الأعضاء
| اقتباس:
| |||||
|
| |
|
08-01-17, 11:12 PM
| #7 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| مبروك يا ديدي الرواية الجديدة و كويس انك حطيتي ملخص الجزء الاول عشان مقرتوش بس كدهةفهمت الدنيا ماشية ازاي طيب هل هتخلي الجزء التاني بنفس الاسم و ﻻ تغيري اسم الرواية و نتكون سلسله جنوني و عنادك | ||||||||
|
| |
|
09-01-17, 12:06 AM
| #8 | |||||
| كاتبة في قسم قصص من وحي الأعضاء
| اقتباس:
| |||||
|
| |
|
09-01-17, 12:27 AM
| #9 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء 
| مساء الخير غاليتي مبروك تواجدك الجديد معنا حبيبتي لو سمحت بما الرواية صار لها جزء ثاني فمعناها صارت سلسلة فيا ريت تختاري لها اسم لاننا ننسق الروايات بهذه الطريقة اما رواية واحدة كاملة او عدة روايات تابعة لسلسلة واحدة بانتظار اختيارك للاسم حتى نعدل العنوان ربنا يوفقك  | ||||||||
|
| |
|
09-01-17, 12:53 AM
| #10 | |||||
| كاتبة في قسم قصص من وحي الأعضاء
| اقتباس:
مساء الورد كاري.. الله يبارك فيكي.. تمام مفيش اي مشكله نخلي الاسم آسر القلب | |||||
|
| |
|
| أدوات الموضوع | |
| انواع عرض الموضوع | |
|
|
50Likes
.png)
.png)
العرض العادي
