|
👊👈ترى وضعك حساس وزوجتك حساسه وحنا مو ناقصين مشاكل ! ترى خالك ابو الوليد ما يرضى على بناته ومثل ما قلت من قبل ما لنا فيهم انا ما عندي عيال اخ !👉👊 💔💔👀 وقفت عند هذا الجزء كثيرا كلام ابو راكان لعبدالله وضعك حساس ولما كان متزوج ساره كان وضعه إيه لما أخذها بذنب خلف وايضا زوجتك حساسه وطبعاً لما كانت زوجته ساره فالوضع مختلف بارده لا تحس الكيل بمكيالين أما ابو الوليد ما يرضى على بناته إنما ساره يتيمه ما لها أحد دوس عليها بزياده يطلقها يوم الزواج غير عابىء بكلام الناس ونفسيتها نسوا أن الله خير معين وسند وعليه جبر الخواطر وان الدنيا دواره يوم لك ويوم عليك وبالآخر ابو راكان يقطع صلة الرحم لأبناء أخيه اى قدوه هو لأولاده وأحفاده 😏 اما عزام شايف حاله على إيه وله عين كيف يجرأ هو مش فاهم ليه انه ليس له سلطه على ساره ولم يراعى وجود البنات انانيه وتكبر كالعاده وبعدين اى عمل شريف ليس عيبا لماذا الاهانه هى لم تمد يدها لأحد وده على أساس أنهم لم ينبذوها من حياتهم وعمار موقفه كان رائع وقوى ومحمد نعم الأخ ولو أنه تأخر وأمه ربنا قادر يهدها المشكله إن ساره فقدت الثقه بمن حولها منهم لله لازم ترجعى لها الثقه مره اخرى فالدنيا بخير واكيد هناك النقيض ممن دمروا حياتها لنرى كيف ستكون عودة ماجد وهل تغير وايضا هل سيتم الصلح بين ابو راكان ومحمد ام يبقى الوضع كما هو عليه وساره اذا حضرت الملكه كيف سيكون رد الفعل 😉 أحسنتى عزيزتى🌷 كعادتك بانتظار القادم بالتوفيق 👏👏 |
اااااااااااااااهئ وكالعادة كل بارت ينتهي احس اني بنجلط من جمال البارت بس احسن شيء اني بكون مرتاحة لأن نهاية البارت ماكانت زي البارتات اللي راحت وبالتوفيق |
البارت نااااررررر صراحه وحرام ينتهي كداا مع التشويق داا 🤧😭😭 |
السلام عليكم ورحمة الله وبركاته مرحبا لامار&ضاقت انفاسي،البارت جميل جداً عزام بدال مايحتويها يبي يكسر راسها للاسف ما يعرفون كلمة يتيم يستهزؤون بخلف وخوانه وهم مايفرقون عنهم ضيعوا البنت يشوفون ام محمد تتحكم فيها وتضيع مستقبلها وهم ساكتين طلقها ولدهم بغير حق وشوهوا سمعتها وهم راضيين ويبون الحين يربونها؟!!!! وينكم منها كل هالسنين؟!!!! ابو راكان مهتم في شروق واحساسها وماهمك بنت اخوك اليتيمة؟!! طبعا لان ماوراها سند تسوي له حساب مثل ماتسوي لابو وليد حساب رجوع ماجد بسبب رجعة سارة اتوقع لا مافي توافق بين الاثنين بالبداية طنيت ان عائشة راح تكون بطلة من ابطال الرواية بس للاسف دورها صار مهمش كنت اتمناها تكون عون لسارة بس شكلها بعد ماكبرت نست صديقة العمر تقبلن مروري لكن مني كل التقدير والاحترام |
بارت جميل مشكورين احس رجعت محمد خير لسارة نفسي اشوف الوقف لما يعرفو انها تدرس طب اول وحده ام محمد احسها حتجيها جلطه |
بارت روعة بانتظارج |
السلام عليكم ورحمة الله وبركاته روعة تسلم اناملك |
السلام عليكم ورحمة الله روعة الرواية صراحة اليوم لخلصت قرائت الاجزاء كلها تسلم اناملك واخيرا الدنيا قررت تنصف سارة من كتر الاسى يلي شافت يئست انو تنصفيها بس الحمدلله اقترب الفرج عليها دمتي بخير وبإنتظارك |
الرواية جميلة جداً واكثر من رائعة .. اختيار موفق وتسلم ايدك ع النقل .. |
السلام عليكم ممكن حد يساعدني عندي روايات متابعها ولا استطيع الوصول لها الان بالمنتدى يعطيني لايمكن معالجة طلبك حاليا صفحة روايتي لاتعمل بالرغم من انه باقي الروايات مفعلة وعادي اي صفحة بتفتح معي |
احب الروايات اللي تنكتب على رواااق وبدون عجله للاحداث ابدعتي فعلااً .. يعني فكل جزء اقول يارب ما انتهت معاناة هالبنت وما انكر اني بكيت معاها كثييير وواضح ان القادم اجمل لكن بلييييز لاتستعجلين بالنهايه نبغى نهايه سعيده وطويله بقد سنين العذاب والقهر اللي مرت عليها وبانتظار البارت القادم ^_^ |
السلام عليكم ورحمة الله وبركاته |
السلام عليكم انا من اشد المعجبين واسال عن موعد تنزيل الفصل الجديد |
السلام عليكم البا رت اللى فات كان يجنن الاولاد كبرو وبطلوا غلاسه وابتدو يحسوا باللى كانو بيعملو وهما صغيرين مع ساره ودى خاجه كويسه عجبتنى ساره انها متكسفتش وقالت انها كانت بتشتغل فى التنضيف عادى ما دام شغلانه حلال دخلت ودورت على الفتوى هو عزام صحيح محرم ليها ولقيت الفتوى ان فعلا حتى لو ام محمد مش مامتها بس اى حد رضعتو يبقى محرم لاولاد جوزها ودى كانت معلومه جديده متشوقه للبارت الجديد والاحداث ومش عارفاه ليه مش مطمنه لوليد ومش عايزاه تبقى اخرتها زوجه تانيه وسعود مبتجبيش سيرته خالص فياترى مين سعيد الحظ؟؟؟؟؟ مستنيينك حبيبتى |
السلام عليكم بصراحة كل مرة تخلينا متحمسين اكتر والله صرت اعد الايام من كثر ما انا متشوقة لقراءة روايتك مع انه عندي امتحانات البكالوريوس بس احاول انظم وقتي لليوم اللي ينزل فيه البارت بس عندي طلب بسيط وصغيرون ياريت لو ينزل البارت في وقت مو متأخر ممكن فرق التوقيت بين البلدان هو المشكلة بس ياريت لو تحطينه في بالك اكون شاكرة لك وانا من اشد معجبينك واحب رواياتك كثير ان شاء الله ربي يوفقك واقرأ لك رواية ثالثة |
سام للجميع : ) قبل ما انزل البارت بدي اوضح نقطة الرضاعه بما انه بعض المتابعات عندهم إشكال فيها هلا ام محمد ارضعت ام عزام وصارت ام عزام ابنة ام محمد بالرضاعه وابو محمد ابوها بالرضاعه اولاده إخوان لام عزام حتى لو كانوا من زوجه ثانيه وساره من زوجه ثانيه ومع ذلك اخت ام عزام بالرضاعه وانا قرأت بعض التعليقات وضحت المسأله وفما له داعي اعيد نفس الكلام بس حبيت تأكيد انه ساره خالة عزام *_^ ^^^^^ ^^^^^ ^^^^ يتبع بارت 20 ما ترك احد الا وعزمه بمناسبة رجوع ماجد ولده البكر ! عم الحديقه بشخصيات مرموقه ! اجواء المكان توحي بالراحه مع الاضاءة إلي زادت المكان جمال ! طالع المكان بإعجاب من حظ ابنته تعيش بهذا المكان وقف قريب من ابو ماجد و يشعر بالفخر بما انه نسيبه وقريب من ابو ماجد ! ما ينكر استفاد كثير من هالخطوبه ! ومستحيل يفرط بهذا الخير ! بغض النظر عن ماجد إلي ما يطيقه لا من باب ولا من طاقه بس مضطر يجامله مقابل مصلحته ! رفع نظره لما دخل ماجد نافش ريشه يسلم على المعازيم لما وصل عنده سلم عليه وبنبره اقرب للسخرية : هلا بعمي ابو سعود «يا كرهي لك » وبمجامله: الحمد لله على سلامتك ! ما بغيت ترجع انقلب وجه أبو سعود وهو يشعر بالاحراج لما شافه تركه يكمل السلام على باقي الرجاجيل بدون ما يعبره ! ~~ ~~ ~~ انقلب وجه ابو راكان لما شاف محمد وعياله يدخلون إلتفت لابو الوليد ومتأكد كله تخطيط من تحت راسه ! اشاح ابو الوليد وجهه ببراءه ولا كأنه عمل شيء ! اضطر ابو راكان يبلع غضبه ما يقدر يتكلم بحرف دام الرجال موجودين الحين ! واضطر يسلم مجامله على محمد وعياله ! محمد ينتظر ينتهي العشاء ويغادر الرجال ويتكلم مع عمه ! ويحط النقاط على الحروف بعد مرور وقت ما بقى بالمكان الا ابو راكان وعياله وابو الوليد وعياله ! ابو الوليد وقف بهدوء وتكلم بنبره واثقه : يا ابو راكان ! طالعه ابو راكان بغضب بس ما تكلم ! تابع حديثه ابو الوليد : صل على النبي قبل ما ابدأ كلامي ! عم المكان بأصوات متفرقه بالصلاه على النبي ! ابو الوليد يوزع نظره على الموجودين : قال تعالى : ( لا خَيْرَ فِي كَثِيرٍ مِنْ نَجْوَاهُمْ إِلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْرًا عَظِيمًا ) النساء/114 وبهذا الموقف نسعى للاصلاح عسى ربنا يكتب لنا اجر الاصلاح ! حدد نظره على ابو راكان : يا ابو راكان اسمع هالحديث إلي درسناه ايام المدارس واغلب الناس تحفظه بس قليل من يطبقه ! عن أبي هريرة رضي الله عنه قال : قال النبي صلى الله عليه وسلم : ( لا تَبَاغَضُوا ، وَلا تَحَاسَدُوا ، وَلا تَدَابَرُوا ، وَكُونُوا عِبَادَ اللَّهِ إِخْوَانًا ، وَلا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلاثَةِ أَيَّامٍ ) رواه البخاري (6065) ومسلم (2559) . ما يحل تهجر اخوك اكثر من ثلاث ايام فكيف إلي هجر والقطاعه استمرت سنوات ! ترى هالحال ما يرضي رب العباد وهذي خطوات شيطان زينها في قلوبنا بعد ما امتلئ القلب بالحقد والبغضاء ! ايام عدت وانتهت وأنهت الماضي إلي مستحيل يتغير ويعود وحنا بعدنا واقفين على نفس السالفه ! عيال اخوك من لحمك ودمك انت شيخهم وعزوتهم ! الظفر ما يطلع عن اللحم ! وعمر الدم ما صار مويه ! من الليلة اتمنى يندفن الماضي ونعيش الحاضر بدون عتابات وفتح صفحات الماضي ! وخلاص نرجع مثل ايام قبل لا حواجز ولا مشاكل ونكون بيت واحد ! هذا ابو خالد من الليله يبغى الصلح وينمحي الاسى بين العائلتين ! واتمنى ما تفشلنا يا ابو راكان ! ابو راكان بملامح جامده : بس خلف ما قصر فينا كيف نن قاطعه محمد بصوت قوي : يا عم لمتى هالقطاعه والسبب خلف ؟!! خلف الله يستر على عباده ما احد سلم من شره ! اغلب الموجودين وصلهم ضرر من خلف خالي ابو الوليد وعياله وعيال عمي وحتى ام عمار تضررت منه كثير وعلى راس القائمه بالضرر «أختي ساره» ابو راكان بتهكم : بس ساره مشتركه معه بالمشكلة الاخيره ولولا الاوراق إلي اعطتها لخلف كان ما صار إلي صار ! محمد هز راسه بتفهم : انا السالفه كلها ما كنت موجود عليها ولما اتصلت فيني يمكن اخطأت بالرد بس انا انفجرت من كثر الشكاوي إلي تصلني بسببه ! بس انا متأكد ساره قاطعه ابو الوليد : ما نبغى نفتح صفحات الماضي يا ابو خالد ! ترى ما صارت هالفتنه الا من هالنصاب خلف ! وبعدين يا ابو راكان سبحان الله يمكن السالفه إلي صارت خير ربنا فك ام عمار منه وتزوجت مهند انتفخ مو عاجبه كل هالموضوع : سبحان الله خير ام عمار انفكت منه وعمتي تطلقت بيوم زواجها بعد خير قاطعه محمد بحزم : مهند ! ابو الوليد يلم الموضوع : يا جماعه ما نبغى نفتح صفحات الماضي ! عبدالله طالع مهند بنظرات بارده وما علق على الموضوع ! ابو الوليد : والحين خلاص نبغى الصلح ! ابو ماجد بنبره جاده تحمس للصلح : وانا مع الصلح ! وما ننسى الحديث «وخيركم الذي يبدأ بالسلام » ابو عزام بتأييد : وانا مع ابو ماجد الصلح خير وحنا عيال عم ! عزام طالع ابوه باستغراب ما كان كلامه كذا ! ابو الوليد طالع ابو راكان يحثه على الصلح ! ابو راكان وقف بعد ما تنهد يحس حطوه بالامر الواقع : على خير بس خلف وساره ما ابغى اشوف رقعة قاطعه ابو الوليد : مالك لواء يا ابو راكان ! خلف كلنا معك ما أحد يبغى يشوف رقعة وجهه بس ساره لنفترض انها فعلا هي إلي اعطت الاوراق لخلف تراها بذاك الوقت صغيره جاهله ويمكن خلف استغفلها ما تدري وش الوضع كان بالضبط ! وكلنا نعرف طبع خلف غني عن الوصف !! البنت الحين كبرت وعندها عيال وانت عمها المفروض تكون جنبها حتى لو غلطت تعلمها الصح من الغلط ! ابغى الصلح يكون للكل ! وام الوليد تولت صلح الحريم ! وان شاء الله ترجع المياه لمجاريها ! ابو ماجد طالع محمد : المفروض ساره تيجي هنا وتصلح ابوي وتعتذر منه ! مهند عفس ملامحه بقرف وبنفسه «اقول تلايط من هنا ....تصلح ابوي وتعتذر منه» ابو الوليد بتأييد : وهذا إلي رح يصير تراه عمها وما ينقص قدرها بالاعتذار بالعكس عمها وله حق عليها ! ناظر عمار : ادخل للحريم وخلي ساره تيجي هنا ! عمار بتردد : ساره ما جاءت لهنا! ابو الوليد ناظر محمد بنظرات معناها مو هذا الاتفاق ! محمد بترقيع : وحده من البنات عليها حراره وما قدرت تيجي،! لكن الحين اروح اجيبها يمكن البنت تحسنت ! وقف عمار استأذن وطلع بعد محمد ! مهند همس لخالد : لو فيها خير ترفض هالصلح ! خالد بذات الهمس : انت لا تتدخل *** ** *** *** عند الحريم بعد ما تم الصلح ام محمد بانتقاد لحفيداتها : صدق ما تستحن مقاطعيني ام راكان مستانسه بالصلح : خلاص يا ام محمد جودي بتبربر : حنا ما قاطعناك يا جدتي بس انت إلي هجيتي وما رجعت الا قبل فتره ! ليان : الواحد عنده مشاغل ام الوليد بابتسامه : والله ما في اجمل من الصلح ! والقلوب تكون صافيه مو حقوده ! ام محمد وهي تؤشر على نفسها : الحمد لله ماني بحقوده وقلبي ابيض مو مثل سوير الناقه ! رفضت الصلح وما تبغى تشوف رقعة وجه احد فيكم ! جودي لوت بوزها : يقال ميتين عليها هالناقه ! ليان بترفع : حتى لو جاءت خاطر لخالتي ام الوليد اسلم عليها والا هي تستحق أتفل عليها ام عمار بهدوء : ليان ! ليان طالعت امها : اشوفك حنيتي على الناقه ؟!! مو كأنها هي إلي قاطعتها ام عمار : خلاص قفلي هالموضوع ! جودي بشماته : سبحان الله اخذت جزاها طلاق بيوم الزواج وتتزوج واحد مجنون ! ام عمار بتأنيب : ما نبغى الشماته يا جودي ! ام ماجد هزت راسها بتأييد : جودي صادقه ظلمتك بالاوراق ام راكان تكدر خاطرها : استغفر الله ! والله قلبي متقطع عليها ومشتاقه لها ! شروق طالعت عمتها وكتمت قهرها كل هالصلح ما تبغاه بس وش يطلع بيدها ؟!! ام الوليد : الله يصلح الوضع بينهم ! وباستغراب : اقول يا ام ماجد كنتك ما اشوفها جاءت تتحمد لخطيبها بالسلامه ؟!! ولا امها كلفت نفسها تيجي،! حتى الحريم يسألون عنها ما دريت وش ارقع عنها ! ام ماجد بترقيع : امها تعبانه وما تقدر تحضر بدون امها الناس تنقد عليها ! ام راكان هزت رأسها : صادقه الناس تنقد عليها جايه لبيت خطيبها لوحدها ! ام محمد بضربه : هذي الناس إلي تفهم بالاصول والعادات مو مثل ساره 24 ساعه كانت في بيت ابو راكان قاطعتها ام راكان بزعل وهي تشوف وجه شروق إلي انقلب وصار بالالوان : وش جهزتم لملكة عمار ؟!!! *** *** *** *** محمد ما توقع ردها : كيف يعني رافضه الصلح ؟! ساره اعتدلت بجلستها بهدوء وبداخلها نار متأججه : محمد الله يرضى عليك لا تحملني فوق طاقتي ! ما اقدر اقابلهم او اسلم عليهم ! ادري انه الصلح خير وما يجوز الهجران اكثر من 3 ايام بس انا حاليا ما اقدر ! يمكن مع الايام تتغير النفوس بس حاليا مستحيل ! محمد جلس مقابل لها وبمحاوله إقناع: انا الحين طالع من الرجال ومتكلم قدامهم ينتظروني راجع وانت معي ! كيف ارجع واقابلهم ؟! وانا إلي سعيت للصلح وكلمتي ما تمشي على اختي الصغيره ؟! تبغين تصغريني بينهم ؟! ويتشمتون فينا ؟! ليه نسمح لهم دوم يقولون عيال ابو محمد يفشلون وما في ترابط بينهم ؟! قاطعته ساره وهي تناظر الشيب غزى شعره زفرت بضيق ونزلت نظرها : قدرك كبير وعالي عندي واطلب أي شيء ورقبتي سداده الا هذا الطلب ! ما اقدر ! احس لو اشوفهم رح اذبحهم وما امسك لساني ! مستحيل ادخل بيت انطردت منه ! انت ما شفت كيف طلعت منه مذلوله بعد ما مسحوا بكرامتي الارض ! طردوني وكأني طراره عندهم ؟! وش ذنبي بخلف وافعاله ؟!! ما ابغى اشوفه ولا ابغى صلحه ! ضاق صدره محمد : كيف ارجع الحين ؟! ساره فقدت اعصابها تكلمت بغضب : ما ادري وش تبغى بهذا الصلح ! ناس حقوده ! محمد طالعها : اول شيء الصلح خير ثاني شيء عمار ! تدرين انه من اسباب رفضه الزواج هذي النقطه ! يقول كيف اخطب واهل ابوي ما في احد موجود منهم ! لمتى هالقطاعه ؟! خلاص انسي الماضي وافتحي صفحة جديده! خلي قلبك ابيض مثل زمان ! وبعدين انا ما ابرر تصرف عمي وعياله لكن تصرفهم رد فعل ! كانت تصرفاتهم بدون وعي وزاد الامر تفاقم لما وصلهم خبر انك اعطيت خلف الأوراق مطت شفتها بقرف وما علقت ! محمد رفع حاجب بتساؤل: وش سالفه الاوراق ؟! ساره بقلب ميت لاحداث الماضي : انسى سالفه صارت وإلي انكسر مستحيل ينجبر محمد قاطعها بتحدي : بينجبر يا ساره ! بس انت افتحي باب الفرص ! ساره طالعته بعيون لامعه : قلبي كان زجاج رقيق شفاف مفتوح للكل كسروه بقلب بارد ! مستحيل يرجع قاطعها وهو يمسك يدها يحثها على الوقوف : ساره بلا فلسفه بلا زجاج بلا بطيخ ساره تسحب يدها منه : محمد محمد تكتف بزعل: خلاص براحتك يا ساره ! كل هذا حتى ما تشوفين عبدالله ؟! عقدت حواجبها بانزعاج من كلامه : عبدالله ؟! محمد بتأكيد لكلامه : اكيد الكل رح يقول ما عندك الشجاعه تقابلي عبدالله يمكن للحين تبغينه قاطعته ساره : يخسى ! ما بقى الا عبدالله ! محمد باسلوب يحثها : قومي واثبت لهم انه طلاقه ما همك ! وانك قاطعته ساره بحزم : ما أبغى اشوف احد فيهم ! محمد بالله لا تزعل مني بس انا قاطعها بتفهم : براحتك ! وتركها وطلع ! ناظرت عمار إلي واقف قريب منهم مستمع فقط ! ثواني واقترب منها :ساره ! بالله انك تقومين وتكسري هالحاجز إلي بيننا ! ساره انا ساكن في بيت بروحي وانت عمتي وملزوم فيك ! وبنفس الوقت امي واخواتي يبغون زيارتي ! كيف تجتمعون ؟! ساره ببرود : ما احد مانعهم قاطعها : امي ما تدخل البيت بوجودك بس اذا تم الصلح رح تدخل ساره قاطعته : خلاص انا اطلع من هنا قاطعها بغضب : ساره لا تجلطيني ! انت تثبتين الكلام إلي وصلنا ! بعدك للحين عايشه على ذكرى خالي عبدالله قاطعته بغضب : يخلخل عظام عدوينك ! انتظر دقيقه وانا معك يا غبي ! فتح عيونه بعدم تصديق ! *** *** *** دخل محمد بحرج وهو يناظر الموجودين ! طالعه ابو الوليد بتساؤل ! اشر له بعيونه عن رفضها للصلح ! ما غابت هالحركه عن عيون اغلب الحاضرين وخاصه ابو راكان إلي حس بمويه بارده انكبت بين ضلوعه بزر ترفض تصالحه ! اي اهانه وجهتها ساره له ؟! ابو ماجد ما عجبه هالتصرف وبانتقاد : وين ساره يا ابو خالد ؟! والا تنتظر ابوي بنفسه يروح يصالحها ! عبدالله بسخريه مبطنه :،يمكن ابنتها بعدها تعبانه ! اذا لزم الامر ترى اغلب الموجودين طب يقدرون يكشفون عليها ! انهى جملته وهو يبتسم بغرور ! مهند رد بغرور اكبر : ليه تكشفون وامها موجوده ! ما احد فهم معنى تعليقه باستثناء خالد ومحمد ! سلمان وقف بابتسامه مرحه ؛ اروح اطمئن على ابنة خالتي ساره ! اعطاه ابو راكان نظره ناريه حارقه ! وبعدها إلتفت على محمد : انا ما بغيت صلحها لكن وافقت بعد ضغط واحراج منكم ! إلي يهمني الحين صلح الرجاجيل قاطعه محمد : الله يسامحك يا عمي مين قال انها رافضه الصلح ! انا ما حكيت ولا تكلمت ! وليد بتأييد : صادق يا ابو خالد انت ما تكلمت للحين ! وبنخوه : اذا البنت تعبانه انا جاهز اكشف عليها ! سعود بهمس ساخر: ذابحيتك النخوه ! وليد بذات الهمس: افضل منك يالجليد ! عزام : اذا ساره جايه انا اقول تدخل عند الحريم وبعدها جدي يسلم عليها ابو الوليد: ما في احد غريب يا عزام عيال عمها وعيالي بحسبة اخوانها ! سكت عزام وما عجبه دخولها كذا عندهم ! بس بنفس الوقت ابتسم بسخريه لانه متأكد ما حتيجي بعد ما شاف نظرات محمد الخائبه ! استغرب وهو يشوف عمار متوجه لهم وماسك بيد ساره ! تسلطت الانظار عليهم ! اقترب عمار وهو يرحب بشكل مبالغ فيه : نور المكان ! تفضلي يا احلى عمه بالدنيا ! تقدمت ساره بهدوء وناظرت محمد إلي استبشر بوجودها وسرعان ما وقف وتقدم منها : تعالي يا ساره ! مسك يدها بهدوء وتوجه لناحية ابو راكان إلي يطالع حوله الا ساره ما يبغى يشوف رقعة وجهها ! طالعت عمها إلي جالس وبالغصب رفع عيونه لها ! فتح عيونه وبانت الصدمه على ملامحه وقلبه يعتصر من الالم ! طول السنين ابتعد عنها ورفض شوفتها حتى ما يضعف ويرجعها لجناحه! بس الحين إلي يشوفه كسره ! هذي ساره ؟! يا ويل حاله عليها ...اي مجاعه اصابتها حتى صارت بهذا النحف ؟! اي سنين عجاف عاشتها ؟!!!! وين الخدود الموردات ؟!! ما يشوف الا ظل لساره القديمه نحف وشحوب تجهم حقد وكره!!! نعم نظراتها مليئه بالحقد والكره ؟! ما توقع نظرات ساره له كذا ! الطفله إلي احبها وحاول يعوضها عن فقدان أبوها تناظره كذا ؟! اي صلح هذا والقلوب باللون الاسود امتزجت ؟!! قطع افكاره محمد : يا عمي سلم على ساره ! عدل ملامحه وتحولت للجمود مد يده يسلم عليها انصعق من كتلة البرود إلي حاوطت يده ! وسرعان ما سحبت يدها بسرعه بس وقفها صوت وليد : هذ ما يعتبر سلام ! حبي راس عمك يا ام سوار ! ابو راكان بعبوس : والله ما ادري وش هالصلح جايه وماده البوز تناظرنا وكأننا ماكلين حلالها ! ساره طالعته وبعدها ناظرت محمد إلي بنظراته يتوسل لها تتم الصلح على خير تكلمت وهي تناظر التوأم : اي صلح والحقوق ما رجعت لاهلها رفعت نظرها لعمها بنظره قويه متحديه ! ابو راكان بعد نظراتها رد بغضب: اي حقوق تتكلمين عنها ! صدق المثل شين وقوة عين ! فوق إني تغاضيت عن غدرك وخيانتك لنا جايه تبغين حقوق ؟! انا لو ابغى احطك برأسي كان رفعت عليك قضيه سرقه ! بس سكتت وبلعت قهري احترام لاخوي إلي تحت التراب المفروض من زمان تيجي وتعتذرين لام عمار إلي تعرضت لجنون اخوك بسببك ! والحين جايه تتكلمين عن الحقوق ! اي حقوق تبغينها ! وبقهر كرر : اي حقوق ؟!! رددت بصوت بارد : «حقوق المظلوم » عقد حواجبه بعدم فهم وقبل ما يتكلم تقدمت منه وقبلت راسه وبهمس: رح اكون افضل منكم واقابل السيئة بالحسنه ! طالعها بدون اي كلمه ! تقدم منها سلمان وسحبها لجهته يسلم عليها : هلا والله بخالتي ! عبدالرحمن بابتسامه سلم عليها : اخبارك يا حلوة ! ماجد وقف بجانبهم : هلا والله بسارونه وبمزح : وانا اول ما دخل عمار اناظر خلفه ادور على الناقه ! طلعت الناقه صايبيتها مجاعه ! وطالع بناتها : يا عمري على الجمال ! الظاهر ابوهم مز قاطعه سلمان وهو يمسح على رأس التوأم: ساره كيف تميزين بين التوأم ! وقف أبو ماجد بانتقاد : مطولين سوالف واقفين وك قاطعه ماجد : السموحه يبه بس شوفة ساره كانت مفاجئه حلوه ! ما انتبه على العيون إلي تناظره بغضب ! ابو الوليد بهدوء : بهذي المناسبه ترى عشاكم باكر عندي ! ابو راكان وملامحه لا تفسر : على هير ان شاء الله محمد : وين خالتي ام راكان نسلم عليها ؟! ابو راكان بهدوء اشر لسلمان إلي واقف يهمس لساره : سلمان نادي جدتك ام راكان وام محمد هز راسه وغادر ! ابو تالا بهمس لابو عزام : سبحان الله لو شفتها بالشارع ما عرفتها ! ابو عزام : الله يوفقها ! ابو الوليد يغتنم الفرصه : والحين نبغى نصالح عزام وعمار ! عمار بهدوء : انا مو حامل عليه شيء ! ابو الوليد : مو مشكله ابغى تسلمون على بعض ! ابو راكان هز براسه لعزام يحثه على السلام ! بعد السلام تكلم وليد بابتسامه : ام سوار وعزام لازم يتصالحون بعد ! انقلبت ملامح ساره من لقافة الوليد حاشر نفسه بكل شيء ! عكس سعود جالس وما تدخل لو بكلمه ! المره الثالثه ما ح تسكت له حتطقه على راسه ! استغربت لما بادر عزام بالسلام وتقدم منها ! سلمت عليه ببرود للحين قلبها ما هو صافي له ! همس لها بأمر : قبل ما ترجعين ابغاك بسالفه ! طالعته ورفعت حاجب : ما عندي وقت ! وتركته وتوجهت عند عيال محمد وجلست بينهم ! همس لها مهند بقهر : غبيه ! حسبتك قد كلمتك وما ح تيجين ! تنهدت ساره وبذات الهمس :ما حبيت افشل ابوك بالمجلس واخلي إلي يسوى وما يسوى يتكلم على محمد و كسر خاطري عمار ! مهند مط شفته : عجلي بدراستك وتعالي عندنا صدقيني ح تنبسطين هناك ! ساره همست : يصير خير ! »«» '»« «»» يتبع .... |
روعه حبكة القصه و الشخصيات !!! كان الاحداث تحصل امامي!!! الله يوفقك في كتاباتك المتميزه ان شاء الله |
ليه سارة ما تبين موضوع الأوراق واللي حصل بالضبط متأكدة انها مظلومة |
وين التكمله ؟ لانه مكتوب يتبع |
يسترق النظرات لها وعقله مو قادر يصدق هذي ساره ! نغزه ماجد بهمس ساخر : لا تناظر يا عمي وتتحسر خلاص طارت منك ! طالعه بنظرات ناريه وبهمس : انكتم شايفني ذابح نفسي عليها ؟! ماجد بسخريه همس: وليه تسترق النظر عليها ؟! فتح عيونه عبدالله الظاهر ماجد جالس له مراقبه وبهمس رد : فضول اشوف شكل الناقه بعد هالسنوات ! ماجد بذات السخريه : ترى هالناقه ما عبرتك ولا هي مهتمه اذا انك موجود او لا ! عبدالله انتفخ من كلام ماجد وبهمس: تراك مسختها وانا اعطيتك وجه ! عندي إلي تسواها وتسوى عشره من امثالها !، فلا تجلس تطلع كلام من عقلك ! ماجد بخبث بهمس: شوف خالي وليد كل شوي يطالعها الظاهر رسم عليها ! تراه يبحث عن الثانيه ! عبدالله متأكد ماجد يبغى يستفزه وببرود رد : الله يوفقه بس قبل ما يخطبها يطلقها من المجنون ! ابو الوليد باقتراح : انا اقول ام سوار ادخلي عند الحريم محمد بهدوء: تسلم على خالتي بالاول وبعدها تدخل عند الحريم ! ناظرت ساعتها ما هي طايقه الجلسه هنا ! تحس بالاختناق والانظار تسترق لها ! حتى عمها ابو راكان اكثر من مره جاءت عينها بعينه ! سرعان ما يبعد عيونه عنها بملامح جامده ! تحس بعيونه كلام بس اختصره ! لفت نظرها ماجد إلي اشر لها بابتسامه ! زاد ضيقها وهي تشوف عبدالله جنبه ويناظرها بتقييم ! عفست ملامحها بقرف«ما بقى الا عبدالله يقيمها ..مالت عليك يا متخلف » سبحان الله كل الحب والموده إلي كانت تحمله له تحول لكره وحقد ! طنشت ماجد مو فايقه لسخافته ما تنكر ما تحمل بقلبها حقد او كره لسلمان وماجد وعبدالرحمن لكن قلبها ميت وما لها خلق لاحد ! *** *** *** *** دخل سلمان بعد ما استأذن : يا جدتي يقولك جدي تعالي سلمي على خالي محمد وعياله ! وطالع ام محمد : وانت يا جده تعالي بعد ! ام خالد بابتسامه : وحنا ما لنا دعوة ! سلمان هز كتوفه وهو يمثل انه يطالع ورقه بيده : والله هذا المكتوب بالورقه ام محمد وام راكان وبس ! ويمكن يسمحون لعمتي ام عمار بالدخول ! وقفت ام عمار بعد ما كشت عليه : مالت عليك ! ومين قالك اني انتظر موافقه علشان اروح ؟! وناظرت امها : قومي يمه نروح عندهم ! سلمان بتنبيه : ترى ساره برااا! جودي عفست ملامحها بتكبر ! كش عليها سلمان : انتبهي ليطق لك عرق ! عفستي ملامحك مثل البقره لما يمنعون عنها البرسيم ! جودي طالعته : صدق انك وقح وما تحترم احد ! ام عزام : سلمان متى تحترم بنات خالك ؟!! تراكم كبرتم مو بزران ! ام راكان متحمسه : فكونا منكم ويلا نطلع لهم ! شروق عفست ملامحها من القهر وهمست لنوره : وش جابها هالزفته ! الحين تلاقينه جالس يطالعها ! نوره : وين ثقتك بزوجك ؟! لا تخلين هالبزر تزعزع هالثقه ! اذا استمريت على هذا التفكير رح تخربين بيتك ! شروق بخنقه : اخاف يحن لها بعد هالسنين ! لو متزوجه واحد عدل كان قفلت حلقي ! اكيد اخوها حيطلقها من المجنون ! بنفس المكان ام تالا عفست ملامحها بعد ما رجع لها هالكابوس ! ساره اكبر كابوس ! بالرغم انها انجبت ولدين الا انها ما هي مرتاحه تخاف زوجها يرجع لها مره ثانيه ! وش رجعها بعد هالسنين ؟!!! زفرت بضيق وهي تردد بنفسها «يا رب تطلعها من عقل زوجي » ** ** ** ** وقف محمد لما شاف خالته اقتربت منهم ! ابتسم بهدوء وتقدم منها وسلم عليها بمحبه ! وبعدها عياله تقدموا منها وسلموا عليها وبالمقابل سلمت ام محمد على عيال ابو راكان ! وقفت ساره وسلمت على ام راكان وكأنها ما تعرفها ! حز بخاطرها ام راكان هالسلام حتى ما كلفت نفسها تسألها عن حالها ! ومع ذلك ابتسمت ام راكان : عساك بخير يا ابنتي ! ساره بهمس يا دوب وصل لمسامعها : بخير ام راكان انحنت على بنات ساره ملتصقات فيها : ما شاء الله ذول بناتك !! ربي يحفظهم يشبهون بعض كثير ! وبعدها ناظرت ساره وقلبها يعتصر نفس ابو راكان وش إلي شافته حتى تفقد وزنها وتصير بهذا النحف ؟! ما تنكر انها صارت أجمل ! بس قلبها تقطع وهي تفكر بالمصاعب إلي واجهتها حتى صارت كذا ! تنهدت بضيق ام راكان والغصه بحلقها والدموع تنذر بالنزول : تعالي يمه عند الحريم ! هزت راسها بدون نفس بس وقفها الكلام : انا ابغى ساره تجلس عندي ........ انتهى البارت ...انتظروني يوم الجمعه بإذن الله : ) |
بارت لطيف بس كنت متوقعه ساره حتعاتب او على الاقل توضح حكايه الاوراق هى رمت كلمه حقوق المظلوم وسكتت بعديها متوقعه ان شروق هى اللى حتشوفها فى الجامعه وتعرف انها بتكمل دراسه وليد ده حكايته ايه بالظبط؟؟؟؟ مستنينك الجمعه ان شاء الله فى بارت طويييييييل وفشى قلبنا شويه فى الناس اللىى اذتها |
روعه البارت الف شكر وتسلم يدك عجبتني ساره انها راحت وما عبرت عبدالله يستاهل بسس بعد لازم يعرفو انها تدرس الطب والافضل بهيدي الجلسه ادام الكل عشان نشوف تعبير الوجوه مجتمعه قصدي نتخايلهم |
يعني انا ايه يصبرني ليوم الجمعة البارت يجنن عجبني جدا شخصيه ساره الجديده ارجوكي ياريت البارت الجاي يكون اطول ارجووووكي 😍😍 |
بااااارت جمييييل ونسسستنى الجمعة صراحة بارت يثلج الصدر 👌🏻👌🏻💕 |
السلام عليكم ورحمة الله وبركاته شكرا على الفصل تسلم اناملك |
السلام عليكم ورحمة الله وبركاته رائع فصل مليئ بالمواجهات سارة عندها حق ترفض الصلح الا شافت منهم ما هو قليل وخاصة الظلم الا ظلمها وحتى ما تحقق ان كان ظلمها وعندها حق لما قالت انها لها حقوق عندهم. بانتظارك على نار. |
السلام عليكم ورحمة الله وبركاته اهلاً لامار&ضاقت انفاسي البارت جميل رغم قصره ماجد ايش يفكر فيه هل يقصد بهالحركات الي يسويها مع عايشه وابوها يكسر راسها والعناد الي هي فيه ولا هو مايبيها بالفعل احترت مع تصرفاته ياليت يكون رجال ويقرر يا يتزوجها او يطلقها انا نفس مهند تمنيت ساره ماراحت تصالحهم لانهم مازالوا بكل وقاحه يتهمونها بكل شيء سواه خلف اعتبروها شماعه لافعاله وماقدروا عليه فحطوا حيلهم بهالمسكينة تقبلن مروري لكن مني كل التقدير والاحترام |
بارت جميل منتظرينك اليوم ^_^ |
منتظرينك اليوم ^_^ |
السلام عليكم بارت رووعة بروعه كاتبته سلمت اناملك ضاقت أنفاسي اعجبني البارت كثيرا ولو اني حبيت تبين بعض الأشياء الغامضة في حياه ساره بعد زواجها من المجنون ... معرف ليش أحسها مطلقه من المجنون ....ولكن ارجع لنتذكر رواياتك السابقه وظهور المفاجئ للبطل .... مهى الى الان ليس لها ظهور فأي مفاجأة تخبيها لنا .... اتوقع ان تكون ساره وعائشة نفس الكليه لأن عائشه تدرس طب فاتوقع أنها تكشف سر درأسه ساره ماجد مالذي يفعل بعائشه هل سيستمر ام لا ... أعجبني ثقه ساره بنفسها ..... موقعه بأنك تخباين لنا الكثير من المفاجأة كما اعتدنا شكرا لمارا & ضاقت أنفاسي ننتظرك اليوم |
يعني هلأ سارة صارت تكشف عن وجهها؟ |
تسجيل حضور بانتظارك |
الكاتبه الجميله ضاقت انفاسى انا بحب جميع روايتك انا مشتركه مخصوص علشانك انا اول مره ارد على اى رؤيه او أشترك فى المنتديات الا عشانك بجد اسلوبك تحفه ومشوق للقراه تقبلى مرورى وانا سعيده جدا انى عرفت ابعت شكرى ليكى ولرويتك الجميله اختك هبه من مصر عمري 37 سنه |
السلام عليكم ...اتمنى الجميع يكون بخير ^^ عندي كلام قبل ما انزل البارت...عندي فضول اعرف سن متابعين الروايه اتمنى من كل متابعة ترسل بالتقييم عمرها ...واكون شاكره لكم ^^ بارت 21 مع مرور الزمن ندرك أن خروج بعض البشر من حياتنا كان نعمة من الله عز وجل، وليس نقمة كما كنا نتصور. تنهدت بضيق ام راكان والغصه بحلقها والدموع تنذر بالنزول : تعالي يمه عند الحريم ! هزت راسها بدون نفس بس وقفها الكلام : انا ابغى ساره تجلس عندي وبعدين تروح عند الحريم ! زمان ما شفتها ! ام راكان عفست ملامحها ما لها خلقه : سلمان لو تنكتم يكون افضل تعالي يا ساره ندخل للحريم ! ام محمد طالعت ساره بتعليم : لا تفشلينا عند الحريم قطعت كلامها بفشيله وهي تشوف ساره تركتها وراحت للداخل مو معبره كلامها ! لحقتها وقلبها نار بعد ما شافت ماجد وسلمان إلي كتموا ضحكتهم ! ابو الوليد وهو يرتشف من فنجان القهوة براحه : يا حلاة الصلح ! »«» «»« «»« '»« دخلت وسلمت على الحريم بهدوء وطنشت بعض النظرات متأكده وجودها ما هو مرحب فيه جلست عند ام خالد بملل ! ام راكان بابتسامه للتوأم : تعالي إلعبي انت واختك مع البزران واشرت على صاله صغيره كلها بزران يلعبون ! سرعان ما ارتفعت انظار التوأم لساره وكأنهم يسألونها عن رأيها اعطتهم نظره بمعنى لا ! دخلت اسيل ما كانت موجوده لما دخلت ساره : هلا والله بخالتي سوير ! وقفت امامها تسلم مدت ساره يدها وهي جالسه سرعان ما سحبتها اسيل : ايوه كذا وقفي! اسيل بمرح : لو تركتك جالسه افضل رقبتي عورتني وانا اطالع لفوق ! تابعت اسيل كلامها بابتسامة : يا عيني ذول بناتك ؟! وبحركه سريعه بعثرت شعر التوأم : ليه الكشره يا حلوات ! سوار بانزعاج وهي تعدل شعرها بيدينها الصغيره وبدلع : ماما شوفيها ! خربطت شعراتي! اسيل تبغى تعضها ؛ تجنننن ابغى اعضها ! ام راكان سحبت اسيل : اتركي البنات واجلسي ! رجعت جلست ساره مكانها وتسمع لام خالد إلي تكلمها بصوت اقرب للهمس ! شروق همست لنوره وهي ماسكه نفسها والغيره ذابحيتها : اكيد شافها ! وش اعمل يا نوره احلى مني بكثير ! اخخخ يا قهري ! بموت يا نوره لو عرفت إنه ناظرها حتى لو لمحه ! نوره بذات الهمس لكن بنبره واثقه هاديه : انت ليه ما تسمعين الكلام ! الجمال مو كل شيء بالزواج ! وانت ما شاء الله عليك ! خليك واثقه من نفسك ..شوفيها حتى ما كلفت نفسها تناظرك الوضع عادي عندها بالرغم انك اخذت خطيبها منها ! لو وحده ثانيه كانت عملت ن وما يعملون ! شوفيها مو مهتمه لك ابدا ! الظاهر اهتمامها منحصر في بناتها حتى سمعت انها متعلقه بالمجنون بشكل جنوني ! ورفضت الطلاق واضطرت تسكن عند عمار حتى ما يرفع قضيه طلاق ! ارتاحي من جهة ساره لاني متأكده مو داريه عن هوى داره ! تنهدت شروق : ان شاء الله كلامك يكون مضبوط وما ترجع تلفت انتباه عبدالله ! نوره مسكت يدها وشدت عليها : انتبهي على زوجك وعيالك ولا تخلين اي شيء تافه يخرب بيتك ! ولما ترجعين لجناحك ما تفتحين مع عبدالله سيرتها نهائيا ! لا تضعفي وانت طول وقتك محاضرات للناس عن الثقه وتطوير الذات وعند اول لقاء تضعفين ! شروق هزت راسها : ان شاء الله ! ~ ~ قريب منهم كانت تناظر ساره بكره وتضرب اخماس بأسداس ! وش ح تعمل لو فكر ابو تالا يرجع يخطبها ! طردت الفكره وهي تونس عمرها تراها متزوجه متزوجه ! ~ ~ جودي همست لاختها : رافعه خشومها للسماء ! ليان بتأييد : صادقه ما ادري على وش شايفه نفسها ! جودي : شفت كيف سلمت علينا وعلى امي ؟! ليان مطت شفتها بترفع : إحترام للموجودين والا كان تصرفت معها تصرف ثاني ! جودي : حزنت على عمار وهو يطلب مني ما اعمل مشاكل ويمشي الصلح على خير ! وبجديه اكبر اقتربت من اختها : تدرين ابغى اقول لعمار يسألها وش الدايت إلي تعمله ! ليان هزت راسها بتأييد : يا ليت والله شوفي كرشتي ما هي راضيه تختفي من بعد الولاده ! جودي تأففت بقرف : اففف من الحمل والولاده تخريب للجسم ! شوفي جدتي ام راكان كيف تكلم ساره ومهتمه فيها وكأنها كائن فضائي نازل من السماء وأول مره تشوفها ! ليان ابتسمت على جنب : شوفي نظرات جدتي ام محمد شوي تقوم وتأكل ساره ! جودي رفعت حاجب : شوفي زوجة عمي محمد للحين مهتمه بنفسها ! امي تقول جايه تتشمت فيها !، ليان بحق: امي من يومها ما تحبها مع إني ما شفت منها شيء ابتسمت جودي بنعومه : تتوقعين وش رد فعل خالي عبدالله بعد ما شافها ؟!! ليان : شوفي وجه شروق كيف مخطوف وتهمس لنوره من قهرها من لما شافت ساره ! جودي بهمس وهي تترقب ما تبغى احد يسمعها : اقولك بيني وبينك تستاهل هالشروق احسها رافعه خشومها انها شيء كثير ! تذكرين لما كنت انا وانت بالجامعه كيف كانت ؟! ليان بتأييد : كل بنات خالي ابو الوليد مغرورات ونافشات ريشهن ! نوره تبط كبدي وكأنه ما في احد بالعالم بجمالها ! وإلي بط كبدي حضرت عزام لبسها نقاب حتى ما احد يشوف جمالها من الرجال !، يغار عليها ! مالت عليه ! جودي : حتى ام ماجد مع انها حرمه كبيره بس شايفه نفسها كثير !، وتقهرني لما تجلس تثني على خطيبة ماجد ! إلهي خطيبة ماجد تحط المر بحلقهم ! يقهروني وكأنه ما احد ذكي ودرس تخصصات الطب غيرهم ! وبقهر الله يسامحك يبه قاطعتها ليان بحقد : الله لا يسامحه جودي بضيق : والله تصدف ابغى ادعي عليه بس أتراجع اخاف من الاثم واتذكر انه أبوي ! حرمنا من كل شيء حلو بصغرنا اليتيم كان حاله افضل من حالنا !. سكتت وهي تشوف ساره وقفت ** ** *** ** وقفت بعبوس مع ام خالد ! ام الوليد بإعتراض : وين رايحه دوبك جيتي ! ام خالد : البنات مو متعودات على السهر ! واشرت على التوأم ! ام راكان : بس ام محمد بكره : ابوك يالكذب طول الليل ما ارقد من التوآم للساعه 2 حتى يندفس ام وليد قاطعتها حتى ما تصير مشاكل : على راحتكم ! ولا تنسوا العشاء باكر ! ام خالد بابتسامة : ان شاء الله ~~ ~~ ~~ «ساره» طلعت وانا أشوف نظرات التوأم على البزران جربت الطفوله واحساس الصداقه واللعب مزروع بداخل الاطفال ومشاركه اللعب مع البزران إلي بعمرهم ! أحس بتأنيب الضمير تجاه التوأم بمنعهم من الاختلاط بأحد ! خاصة ذول البزران ما ابغى التوأم يختلطون فيهم ! حتى انا صحيح وافقت على الصلح لاسباب عده وبنفس الوقت ح يكون مجرد صلح سطحي سلام من بعيد وانتهينا ! خلاص الزمن تغير عندي هدف اكمل دراستي وألاقي خلف ! زفرت بقهر من ذكرى خلف ! ما ادري لمتى اشباح الماضي تلاحقني ؟!! ما ادري قلبي ما حن لايام عمي ابو راكان ! ما توقعت قلبي حقود واسود لهذي الدرجه ؟! ما ادري كلما بغى قلبي يحن له اشوف امامي موقف لما طردني ورماني للخارج وزوج عبدالله بدون ما يكترث لمشاعري ! تعرضت لمواقف كثيره بحياتي خلتني اكره حياتي وكل من حولي ! لا ارى شيء بالحياه جميل ! قلبي الميت ما ادري هل سيحيى من جديد ؟!!! مستحيل اسامح كل من شارك بدفن قلبي بعز شبابه ! ** *** *** *** مرحبا انا اسمي عائشه !!! ادري انكم تعرفوني بس اتغشمر >< ذكرت اسمي اخاف نسيتوني بعد تحيز الكاتبه لبعض الشخصيات والظاهر نسيتني ! ما علينا من هالسيره ! احس بهموم الكون فوق راسي بعد رجوع ماجد ! طول الفتره إلي مضت وانا حياتي ما فيها احداث تذكر نفس الروتين انسانه منهمكه بالدراسه والتفوق وحصول اعلى الدرجات ! واذا عندي خطيب ما ادري عنه < يقال ثقيله خايفه من اللقاء ! بابا يقول انه اليوم يبغى يزورني ماجد ! الله يستر من هالزياره ! مشكلتي لما اشوفه ما اقدر امسك اعصابي ! ادري ذاك الوقت لما خطبني كنت صغيره ومراهقه اما الحين انا كبيره وفاهمه اني يمكن غلطت بإسلوبي بالتعامل معه من البدايه ! بس هو بعد يرفع الضغط ! معقول تغير وصار انسان راكز وعاقل ؟! زفرت بضيق وش ابغى بعقله وركازته الاهم وش يبغى مني ؟؟؟؟؟ ما ابغى اي توقعات لاني _ عائشه ماجد وصل ! احس دقات قلبي وصلت للالف وكأني رح اقابل شخص اول مره اشوف حاولت أهدي دقات قلبي ورديت على ماما : هذا انا جايه ! طالعت نفسي بالمرايه عدلت الشيله مضبوط ! لا تناظروني كذا ! ادري انه خطيبي بس انا للحين مصره ما اتكشف عنده حتى أتأكد من وضعنا المتأرجح ! اخذت نفس عميق وطلعت من الغرفه وانا حاطه يدي على قلبي إلي يدق بقوه ! طرقت الباب بهدوء يقال اني ذربه ! وفتحته بهدوء وانا ارد السلام وللحين قلبي يدق حشى وكأنه يشتغل طقاقه ! المهم ما عليكم من قلبي ! رفعت نظري اتأكد وانا اسمع الصوت الرجولي البحت يمكن اني مخربطه واو هذا بعلي ما اصدق ! متغير كثير كثير ! لحظه ! لا تصدقون حسبي الله على عدوه وكأنه متعمد يقهرني بالسلسه إلي برقبته ! والسيجاره بيده ! وشعره للحين مسكين صايبه إلتماس كهربائي ! رد السلام بروقان بعد ما شفط نفس من السم إلي معه : هلا وعليكم السلام ! جلست مقابل له وما سلمت عليه باليد بصراحه استحيت اسلم عليه وبابتسامه مجامله والا لو يطلع بيدي من شوشته رميته خارج البيت : كيف حالك ؟! اعتدل بجلسته وطالعني بتقييم : انت للحين تلبسين شيله ؟! اخاف مزوجيني صلعه ؟!! ناظرته وفتحت عيوني باستنكار يقول عني صلعه ! مالت عليك يا ابو كشه ! تابع كلامه لما ما شاف مني رد : والا بعدك على افكارك تنتظرين ورقه الطلاق ؟! طالعني يشوف رد فعلي بعد كلامه بس تظاهرت بالبرود وانا انتظر يمد لي بورقة الطلاق ! يقال ميته عليه بقلعته اصلا يوم المنى يطلقني وارتاح من خشته ! تابع كلامه بتعالي : اسمعي يا سكت والظاهر يحاول يتذكر اسمي : تدرين نسيت اسمك ؟! عالية ؟؟! وطالعني اصحح له اذا اسمي كذا او لا ! مسكت نفسي ورديت ببرود : ايه عالية ! طالعني باستنكار : متى غيرت اسمك ؟ اذكر اسمك عائشه ! يا عالم شفتم اوقح من كذا ؟؟؟! رديت بهدوء وللحين ماسكه نفسي : دامك تعرف اسم قاطعني وحسسني بسخافة كلامي : ما علينا ! جيت هنا اخبرك عن موعد الزواج ! بعد الامتحانات وبعدها وقف : اذا احتجت شيء كلمي امي لاني مشغول وماني فاضي ! لا لا يا شيخ تراني اموت حتى اكلمك ! مسكت نفسي للاخير قبل ما اتفل بوجهه وما رديت لاني ما اضمن نفسي ! متآكده وراءه شيء كان مصر على الطلاق ! والحين جاي يتمم الزواج ! معقول يبغى يطلقني يوم الزواج ؟! ما استبعد عنه شيء عمه عملها من قبل طلق ابنة عمه يوم الزواج وما اهتم انها ابنة عمه كيف حالي انا الغريبه وما ح يهمه امري !! ما ادري وش الحل ؟!! كيف اتصرف وانا مكبله؟! بابا مستحيل يبقبل بالطلاق بعد طول هالسنين ! ضاق صدري بزياده ! يا ليته ما جاء ولا شفته ! ما لي الا الاستغفار «استغفرالله العظيم واتوب إليه » *** *** *** *** *** ام راكان بوجع :،شفت يا ابو راكان كيف جارت السنين على ساره ! حسبي الله على خلف كيف ضيعها ! قلبي قطعني وانا اشوف النحف إلي وصلت له !! تتذكر يا ابو راكان خدودها قاطعها ابو راكان بنفس نبره الوجع : شفت يا ام راكان ! ام راكان : طالبك يا ابو راكان ترجع مثل قبل لها وتهتم فيها وعوضها عن الحرمان إلي ذاقته ! تراها كانت تحبك قاطعها وهو مط شفته بسخريه: تحبني ؟؟!!! علامك ما شفتي نظراتها لي ! وكأني مآكل حلالها ! ام راكان بتحليل : وكاد انها مظلومه ! من الكلام إلي قالته يدل انها مظلومه ؟! المفروض يا ابو راكان تأكدت من سالفة الاوراق قبل ما تظلمها ! أبو راكان بهدوء : خلاص إلي فات مات ! والحين ما عادت صغيره نطبطب على ظهرها ! وانا عندي عيالي وما اقدر ارجعها هنا واخرب بيت عبدالله من هنا ! انت ما شفت نظرات شروق كيف كانت لعبدالله بعد ما دخلنا ! تراها غيوره وما نبغى مشاكل ! واخاف ابو تالا يرجع يطنطن حولها ! لاني مستحيل اقبل اول مره سكتت لانه ما عنده عيال ! لكن الحين خلاص ما له حجه ! ام راكان طالعته : تراها متزوجه ! ابو راكان تنرفز : اي زواج ؟! انا طلبت من محمد يطلقها بآسرع وقت مو ناقصنا كلام ! والحين قفلي السالفه واشر بعيونه على عبدالله المتوجه لهم ! ** ** ** ** في بيت عمار بالصاله سلمان بمرح : ما هقيتها منك يا ساره ! عبد الرحمن وهو يكتم ضحكته : شوف كيف تناظرك بحقد واشر على سوار ! ساره مسحت على شعر سوار : سوار روحي عند حور إلعبي هناك ! سوار بطفوله قبل ما تروح : ماما ما ابغى اتزوج هذا ابغى اتزوج هذا واشرت على عمار لما دخل البيت ! انسدح سلمان من الضحك على أسلوب سوار وعلى شكل عمار المنحرج ! عمار ابتسم بحرج واقترب وقرصها بخدها قبل ما يجلس : راحت عليك يا حلوه باكر ملكتي ! ساره طالعت سوار بحده : انا وش قلت هذا الكلام عيب ! سوار عبست ملامحها وتركتهم وراحت تلعب ! عبدالرحمن : الاخت مو عاجبها كلامك ! حرام تحرميها من الزواج !. وبمرح : اين حقوق الاطفال ؟!! سلمان يصطنع الجديه : الحين لما تكبر هالسوار وتبغين تزوجينها مين ولي امر ؟! كونه ابوها مجنون ! طالعته ساره كلامه مثل إلي يحط ملح على الجرح !! عبدالرحمن : اكيد لهم اعمام ! صح ساره ؟!!! طالعته ساره لثواني وردت بحده : ما يخصك موضوع البنات انشغل بنفسك وانتهينا ! طالعوا بعض باستغراب من رد فعلها ! ام محمد جالسه وتناظرهم بهدوء بعد كلام ساره تكلمت : الله يستر علينا الله اعلم وش مخبيه كلما نجيب سيرة مجنونك او نادر وخلف ومها ينقلب وجهك ! انا الحين ابغى اعرف ولدي نادر كيف مات ؟! اذكر حرمته حامل وين راح ضناه ؟!! والزفته مها وين طست واختفت ؟!! ليه ما تجاوبين على ذي الأسئله ؟!!! ساره طالعتها بسخريه: انتظري أجيب لك ثوب القاضي حتى تكتمل المحاكمه والتحقيق، ! ضحك سلمان وهو يضرب كفه بكف عبدالرحمن : حلوه هذي ! انا ابغى اكون المحامي لساره ! ام محمد اغتاضت من سخريتهم : سلمان يا زفته تتمسخر علي ! لكن انا اعرف أتصرف اذا ما رحت للمحكمه ورفعت عليك قضية سرقه واختطاف لولد نادر قاطعتها ساره بلامبالاه : ذيك المحكمه روحي لها تراهم جالسين ينتظرونك ! وضربت جبهتها بتمثيل ساخر : اوووووه المحكمه غيروا مكانها تعرفين دوار «.......» تلاقينها هناك ! واذا تبغين اجره الطريق انا اعطيك الاجره صدقه لوجه الله ! ام محمد احتقن وجهها من الغضب : انا انا ام محمد انت المنتفه تتصدقين علي ؟!! لكن العتب مو عليك العتب على احفادي إلي يسمعون إهانتي وساكتين ! عمار كتم ضحكته وتكلم بجديه : مجهزه نفسك يا جدتي للعزيمه اليوم ؟!! ام محمد بغضب : انت انكتم ما ابغى اسمع صوتك واقف بصف هالكلبه ! وبنبره حزينه تابعت الموال : وانا الضعيفه ما لي لا ولد ولا بنت ولا زوج يجلسون عندي ويدافعون عني ! والحين تدافع عن هذي ؟ !! وقفت ساره وهمت بالمغادره بضجر : بدأت موشحات الكذب والدجل ! *** *** ** *** بمكتب نائب المدير عبدالله بضجر من وليد : وبعدين معك ؟!! قسم بالله انكم ترفعون الضغط ! الكل يسأل نفس السؤال ؟!! وليد مط شفته بإحباط : علامك عصبت كذا ! تدري افكر اخصم الربع من راتبك على اسلوبك الخايس معي ! عبدالله ابتسم بدون نفس : تبغى تذلني لانك نائب المدير ؟!!! الحين اروح لخالي واخبره بسوالفك الماصخه ! وليد وذبحه الفضول : يا اخي وش يضرك لو تقول وش احساسك لما شفتها ! عبدالله رفع حاجب بتشكيك : ترى اخبارك وصلتني ماجد يقول انك راسم عليها قاطعه وليد بنفي : انا ؟! ترى هالماجد كذاب ! ما ادري من وين يجيب الكلام ؟! لكن دواه عندي ! بس انا للحين ماني مصدق انها نفسها إلي كانت تشتغل عندنا ! عبدالله تنهد بضيق : احس بتأنيب الضمير ما ادري كلمتها «حق المظلوم» ترن بإذني اخاف اكون ظلمتها ويأخذ ربي حقها من عيالي ! وليد بجديه تكلم : اسمع يا عبدالله ايام راحت وهذي مجرد سوالف مزح إلي قاعد اكلمك فيها ! لكن لو نويت مجرد نيه تجرح شروق بكلمه او ب قاطعه عبدالله بقرف : يا حبك للفلسفه ! وليد كمل بدون اهتمام لكلامه : انا وابوي وسعود ما حنسكت لك ! واذا فكرت ترجعها لذمتك تأكد وقتها قبلها ترسل ورقةالطلاق لشروق ! عبدالله عقد جواجبه بنرفزه :اشوفك تهدد ؟!! وليد بحزم : اعتبره مثل ما تبغى! وقف عبدالله بعد ما مط شفته بسخريه : يقال اني خفت ! ** ** ** ** ** ابو سعود وهو كاتم غضبه للحين : كيف ما تبغين تزوجينها ؟! ام سعود بحده : سالفه نهى واسماء ماني مستعده اكررها مع عائشة ! تراه الكتاب باين من عنوانه ! انا مو مرتاحه لماجد ابدا ! وش يضمن يتزوجها اسبوع وينقلع يسافر ويتركها سنين ؟! قاطعها بتحقير لكلامها : تظنين الدنيا سايبه ؟! كيف يتركها ويسافر؟! وبعدين ابو ماجد قال انه خلاص استقر هنا ! ام سعود بنبره حاقده : يا كرهي لابو ماجد ! يشور ويمون علينا وما تقدر تفتح حلقك بكلمه قدامه !! الله يأخذ الفلوس إلي تذلنا ! ابو سعود بدأ يفقد اعصابه : اقصري الشر ! وخلي عائشه تجهز للزواج بدون شوشره لانها خلاص واصله لطرف خشمي ! ام سعود بقهر : والله ؟! ابو سعود بتهديد : حطيها حلقه بإذنك عائشه تتطلق من هنا صدقيني الا قاطعته وانا كاتمه قهري واتظاهر بالهدوء ما ابغى يخرب بيت اهلي والسبب انا : صلوا على النبي ! يا ماما خلاص أنا ما ابغى اتطلق لا تنسي كلام الناس ما يرحم بابا استانس بكلامي : شفتي ابنتك اعقل منك ! الله يتمم عليك عقلك يا ابنتي ! ابتسمت مجامله وبداخلي ابغى اصرخ انت خليت فيها عقل ؟! ** ** ** *** يتبع ..... |
مرت الايام وسافر محمد وعياله والايام نفس الروتين ما زالت العلاقه سطيحه بيني وبين بيت عمي ابو راكان اجتمع وألتقي فيهم بس بدون احتكاك او نبش صفحات الماضي ! طلعت للحديقه وجلست بهدوء اطقطق بجوالي رفعت نظري بدون ما احرك راسي وانا أشوف سعود يوزع على البزران مشتريات من البقاله ! مسكين لو ظن انه البنات يكسرون كلمتي ويأخذون منه ! نبهت على بناتي ما يأخذون من احد شيء باستثناء عمار بس ! شفت نظراته الحاده علي لانه يعرف اني مانعهم ! ما أنكر انه سعود ووليد يعاملون التوأم مثل باقي البزران بس ابو الوليد احسه مو بالعني وما هو طايقني ! بقلعته ! ما ادري وش السبب يمكن من حش خالتي ام محمد فيني ! ما تركت شيء شين الا حطته فيني ! او الظاهر خايف اسرق اوراق او شيء منه ! وإلي زاد الطين بله شروق لما تيجي تبكي عنده خايفه على زوجها مني ! او يمكن خايف اسرق قلب واحد من عياله ! يا سخف عقله ! يظن اني اطالع وليد الملقوف والا الجماد سعود ! احسه مثل ابوه يطالعني بنظرات كره بالبدايه استغربت ! مع الايام عرفت السبب طلع الاخ ما يطيق احد من اخواني وانا من ضمنهم طبعا ! يقال ميتين عليه ! مطيت شفتي بقرف افففف قرب الدوام وزواج ماجد هذا الاسبوع ! المفروض يكون قبل من كذا بس ما ادري وش صار بالضبط حتى تأجل لهذا الوقت ! وخاصه ما بقى وقت على الدوام ! تنهدت وانا اردد بداخلي «عائشه» صديقة الطفوله. ! ابتسمت لا شعوريا وانا اتخيل شكلها بأيام الطفوله ! وش حالها الحين ؟! معقول تغيرت ؟!! كيف شكلها ؟! بعدها حلوه ومزيونه ؟! والاهم من ذاك معقول للحين «تتذكرني» زفرت بإحباط اكيد نسيت كل طفولتنا ضحكنا ولعبنا ايام مرت بسرعه ! رح تبقى ذكريات بعقلي مستحيل انساها !!! قطعت سرحان سوار وهي ماده بوزها بضيق: ماما ! طالعتها بعد ما مسحت على شعرها بحنيه : نعم ! جلست جنبي متربعه مثل الكبار : ماما ليه ترفضين نأخذ من العم سعود ووليد ؟! كل البزران يأخذون ! ليه حنا لا ؟! تنهدت بضيق الزمن يعيد نفسه : يا ماما حنا مو فقراء نأخذ من الناس ! خزانتك كلها اشياء لذيذه مو بحاجه صدقه من احد ! سوار هزت راسها بعدم رضى وراحت تركض تكمل لعب مع البزران ! ناظرت بشبح ابتسامه وانا اشوف ندى وحموده عيال عبدالله سبحان الله إلي كتب لكل واحد طريق ! ومرت الايام وعيالنا الحين يلعبون مع بعض ! احيانا امنع التوأم من اللعب واحيانا اتساهل ما ابغى أضيق على التوام ويتعقدون ! ** ** ** ** دخل وهو متجهم وجلس بعد ما زفر بقهر من ساره ام وليد عقدت حواجبها : وش فيك يمه ؟! سعود بقهر : انا ما يقهرني الا الزفته اخت الزفت ! عامله حالها نفسها عزيزه واخوها النصاب والشحاد ما تركوا احد بحاله ! ام وليد تخفف من حدته تعرف ولدها لما يعصب : هدي يمه ! وش تبغى فيها ؟!! سعود : يكسر خاطري هالبنات لما اعطي البزران اشياء من البقاله ويناظرون ونفسهم بهذا الشيء! ذول اطفال حرام تعمل كذا ! لو تشوفي نظراتهم يمه تنقهرين من هالزفته ! ام وليد بترقيع :،يا يمه انسى هي طبعها كذا ! خلينا الحين فيك ! متى اشوف عيالك يا يمه ؟! وتوزع عليهم مع البزران ! سعود هز راسه بحيره : ما ادري يمه ! ام وليد بإقناع : بزواج ماجد حندور لك وحده مزيونه وان شاء الله تعجبك ! سعود هز راسه : يصير خير ! مع اني ماني متحمس للسالفه ابغى اختار بنفسي زوجتي ! ام الوليد : يا يمه كثير بنات محترمات ومؤدبات مو كل اصابع يدك واحد ! سعود هز راسه بتفهم : من الحين يمه اقولك ابغاها لما تطلع ما يبان منها شيء حتى لو ظفرها ! ام وليد رفعت حاجب ما عجبها كلامه ؛ يا يمه هذي اخواتك كاشفات والكل يمدح بأخلاقهن ! اعمل مثل عزام بعد ما تزوجها طلب منها سعود بعدم اقتناع : يا يمه مثل ما قلت لك ! ابغى الكل يمدح بأخلاقها ! والاهم عمرها فوق 23 ام وليد بحماس : ان شاء الله يمه الحمد لله مو طالع لعزام ووليد يحطون شروط تعجيزيه ! تدري متحمسه اخطب لك الله اعلم من صاحبة النصيب إلي حتشوفها للمره الاولى ! لا تعمل مثل وليد اول عروس شافها طق الميانه معها ولما طلعنا قال الله يوفقها مع غيري ! سعود عبس ملامحه بجمود : تشوفيني مثل الوليد ؟! ام الوليد ضحكت : في هذي صدقت وليد ما شاء الله مرح مع الكل اما انت الله يهداك ما ينمزح معك كل شيء عندك جد ! ** ** ** ** ام ماجد بحماس للتجهيزات قفلت الخط وطالعت ام راكان : باكر راما توصل ان شاء الله ! ما بغى زوجها يجيبها ! ام راكان مطت شفتها : من لما تزوجت ما شفتها الا كم مره ! وش هالزوج المتحكم؟!! الله يسامحك يا عزام ! طالعتها نوره بمعنى «خير» انقلب وجه ام راكان ما كانت منتبه لوجود نوره ! ام ماجد ما قدرت تعلق راما ابنتها ونوره اختها ! صحيح كانت تتمنى عزام يخطب راما ولمحت قدام ام عزام بدون فائده ! ما تنكر زوج راما طيب مع ابنتها بس ذابحيتها الغربه ما تشوفها الا بالمناسبات ! نوره للحين وجهها منتفخ ! ام راكان بترقيع : علامك قلبتي كذا ! الله يسامح عزام مدح زوجها وطلع ما هو كفو ! ابتسمت ام ماجد على الترقيعه وطالعت نوره تغير الموضوع: وش صار على فستانك ؟!! نوره بدون نفس :باكر ان شاء الله يكون جاهز ! ام راكان وقفت ببطئ لكبر سنها : اروح اشوف ساره واطمئن عليها واجلس مع اختي وام الوليد الحين تلاقينهم جالسات بالحديقه يا زين الجلسه برا ! مين ترافقني ؟! نوره بدون نفس : اذا سوير ما هي جالسه اتصلي فيني ! ام راكان طالعتها : الله يهديك يا نوره ! نوره عفست ملامحها بقرف : ما ادري طول وقتها تتميلح عند امي الظاهر ترسم على إخواني ! هذي الاشكال ينخاف منها قطعت كلامها بعد صرخته : نوره ! طالعته وهي رافعه حاجب :نعم ! تقدم منها ورفع يده بتهديد : كلمه على ساره يا ويلك تفهمين ؟! احترمي ألفاظك ! تراها متزوجه ولا تنسي ترى امك هي كل يوم تروح تجلس معها مع جدتي ما هي راميه نفسها عليكم ! نوره اتقهرت من اسلوبه بس ما ردت حتى ما تكبر المشكله ! ام راكان عجبها رد عزام : صادق يا وليدي ترى حنا إلي نروح لها ويا ليت تعطينا وجه ! ما غير هالجوال تطقطق فيه ! وش رايك ترافقني يا عزام نجلس معهم ! هز راسه بالموافقه بدون ما يناظر نوره ! *** *** ** ام وليد بابتسامه : على خير ان شاء يتم الزواج ! وسألت ساره بعفويه : تعرفين خطيبة ماجد ؟!! ام محمد قاطعت عليها : من وين تعرف خطيبة ماجد هذي ؟! واشرت على ساره ! تابعت بمكر : خطيبة ماجد ذوق واخلاق قاطعتها ام الوليد وهي تتذكر عائشه : يا حليلها خطيبة ماجد ! لسانها حلو وكلها ذوق ! وفوق هذا حلوه ! والله افكر اسألها اذا تعرف احد مثلها لسعود ! ~ ناظرت ام راكان متوجه لنا ومعها عزام ! ركزت نظري على ام راكان وانا اسمع ام وليد تتكلم عن المواصفات لعروس سعود ! حسيت بالالم بداخلي ! تبغى وحده مثل عائشه ما ادري لما اجتاحني هالشعور ! «الغيره» يتبع يوم الثلاثاء ..بإذن الله ...دمتم بخير : ) |
السلام عليكم ورحمة الله وبركاته مرحبا لامار &اقدار البارت جميل جداً متحمسة لعرس عائشة يمكن ماجد بالفعل حب عائشة وحاب يستمر معها او ربما يكون ابوه ضغط عليه عشان مايفشله عائشة غبية ضيعت فرصتها ماتدري ان ابوها بس كذا كلام ماراح يطلق امها عيال ابو الوليد ذكور واناث فيهم غرور ماعدا الوليد سارة مازالت مشاعرها متلخبطة بين الحقد والاشتياق تقبلن مروري لكن مني كل التقدير والاحترام |
اعتذر اقصد ضاقت انفاسي* |
بارت جميل والتزامك يشجع على المتابعة |
البارتات بالتقسيط ههههههههههه بس شو نعمل الله يقطع الحب شو بيذل ...موفقه يا سكره |
السلام عليكم ورحمة الله وبركاته شكر على البارت تسلمين |
| الساعة الآن 04:23 PM |
Powered by vBulletin®
Copyright ©2000 - 2024, vBulletin Solutions, Inc.