23-11-18, 06:39 PM
| #1031 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  قـل للصدور الضايقه تبشر بخير ربك كريم ورحمة الله وسيعه.. نزل بخطوات هاديه وعيونه تدور جدته حاس بضيق مو طبيعي الحلم مازال بعيونه كل ما رمش يشوف خيال امه الي ارعبه انتبه لها جالسه لحالها بالصاله استغل الفرصه زاد بخطواته حتى صار واقف قبالها همس بهدوء :صباح الخير ياجده رفعت نظرها من وصل لها صوت مشعل اول مره ومن زمن يقول لها جده حست من ملامحه انه متضايق وفيه شي يبي يحكيه أشرت له بعصاتها :تعال ياولدي تعال اجلس تقدم منها زود وجلس على ركبه قبالها سحب يدينها وباسها بحب نزل رأسه ودفن وجهه بركبها همس بخوف :غزوله احس اني ضايق حركت يدها على شعره قلبها اوجعها من منظره اول مره تشوفه كذا تكلمت بهدوء :وش إلي مضايقك يا يمه همس بصوت خافت وهو مازال دافن وجهه :كابوس مرعب عقدت حواجبها :تعوذ من الشيطان هذا اكيد الشيطان يبي يحزنك وانا امك رفع رأسه وركز بعيونه على جدته تكلم بنبره مرتجفه :شفتها بشكل مرعب حتى ملابسها البيضاء تحولت لدم تتوقعين يمه هي مرتاحه بقبرها .. عقدت حواجبها بقلق :حالم في امك هز رأسه وهو يتنفس بسرعه :اول مره احلم فيها اول مره اشوفها.. غزوله انتي تعرفين انها ماتت وانا صغير حيل حتى مااذكرها شدت على عصاتها بتوتر كلامه عن الحلم اقلقها ابتسمت تخفي الخوف إلي تسلل لقلبها الضعيف :اذكر الله ان شاء الله انها مرتاحه هي عند الله وهو متكفل فيها وفينا يا ولدي مشعل بقلق :بس حركت عصاتها وضربته على كتفه بخفه :قلت لك هذا حلم تعوذ من الشيطان لاتخليه يفرح انه احزنك يلا اضحك ووريني وجهك الثاني هالوجه مايليق عليك ابد ابتسم مشعل وهو يمسح على رأسه ويرجع خصل شعره لورى :وهذاني ابتسمت تنهدت براحه :ايه خلك كذا ماابي للحزن درب معك اتفقنا توسعت ابتسامته وباس رأسها بحب:اتفقنا يااحلى الغزالان بس تعرفين كنت محتاج لضربه من عصاتك الحلوه حتى ارجع عقلي لراسي ضحكت بخفه وهي ترفع عصاتها وتضربه برجله :هاه رجع عقلك والا ازيدك تأوه مشعل بكذب وهو يرجع للخلف ويضحك :هههه خلاص رجع فديتك ضحك ابو سعود وهو يراقبهم من بعيد تقدم منهم وابتسامته مرسومه على وجهه :يعني ماتجوز عن طبعك حرك حواجبه وتكلم بضحكه : لا والله هذا هو انا يبه طبعي ماتغير ام سلطان ببتسامه :تعال اسحبه لي يبي له زود بهالعصا ضحك مشعل وكأنه نسى شوي الخوف إلي استوطنه :هههه لا غزوله تكفي الضربات إلي جاتني انا طالع مواعد خويي تأخرت عليه غضت عيونها وتكلمت ببتسامه :مين ماهر حرك رأسه بالنفي وهو يضحك: لا هالمره عزام ابتعد عنهم وهو يأشر بيده تنهدت من شافته اختفى وصارت تسترجع كلام مشعل عن الحلم إلي شافه حست للحظات ان الخوف تملكها وان ... هزت رأسها بالنفي وهي تتعوذ من الشيطان رفعت نظرها لولدها إلي جلس جنبها وصار يأخذ ويعطي معها بالكلام لكن بالها مازال مع مشعل وحلمه إلي اشغل عقلها وقلبها ... """""""""" على همسات حزني والنوايا وغيم من ورى عيني أخيله شربتك يالصبر هم وخطايا وخذيتك يالتعب سكه طويله ...جف ريقه من وصل له كلام الذيب واضح انه شاك فيه بعد كلامه متاكد بالحيل ان هادي معبي رأسه ياخوفه بس كل شي ينقلب ضده.. ماهو قادر حتى يوازن نفسه بلع ريقه بصعوبه لازم مايوضح التوتر عليه تكلم بهدوء :واذا ماقدرت اجيبه ضرب على الطاوله إلي قباله بغضب :تجيبه تعرف تجيبه يا سيف هذا اختباري لك تفهم وبعدين ليش ماقلت لي ان عنده ملف يخصني شد على يده بدون مايلحظه الذيب :توني دريت منك يعني معقوله اعرف بالملف ومااخبرك.. اسمع انا بروح القسم الحين وبحاول اجيبه بس ناظره الذيب بنظرات حاده :بس ايش محمد بقلق :انت تعرف انه بمقر عملي يعني لو يصير شي اروح فيها ضحك بصخب وهو ينفث الدخان:هههههه ماهقيتك تخاف محمد :مو خوف اذا انمسكت او صار لي شي الاكيد ماراح تكون بأمان رفع حاجبه وانشدت عروق وجهه :يعني افهم من كلامك تصرح بتهديدك حرك رأسه بالنفي :لا ابد بس انت تعرف موقعي حساس مرر يده على ذقنه بشك كلام هادي شاب النار فيه وللحظات حس ان سيف يخفي وراه شي من ارتباكه الواضح :انت حاول وبعدها بنشوف وش يصير هز رأسه بالإيجاب:اوكيه تامر على شي ثاني وقف ومازالت عروقه مشدوده :لا تقدر تروح ارتاح نسبيا من رد الذيب تراجع للخلف ولف زاد بخطواته وقبل لايطلع انتبه لهادي متسند على الباب ويناظره بحقد همس ببتسامه ساخره :انتبه لاتثور نيرانك ضحك بقوه بعد ما قال كلمته وطلع بسرعه يحس انه بكلمته وضحكاته الي اطلقها طيح شوي من الأثقال إلي تعتلي خاطره المكسور ركب سيارته وحرك بسرعه جنونيه للقسم لازم ينفذ إلي يبيه الذيب... لكن بشكل مختلف بيشتغل مع الطرفين حتى يطيح الذيب وجماعته بيكون شرطي سري بينه وبين نفسه بيحاول قد ما يقدر يخلص الناس من شر الذيب وأمثاله بس قبل لازم يتطلع على الملف وينسخ اوراقه... """"""""" سادح على الكنبه بالصاله العلويه وأصوات بدر وامه واصله عنده يتجادلون بطريقتهم المعتاده هي تتحايل عليه وهو يتدلع ويحاول يسوي إلي برأسه رفع السواره وصار يحركها يمين ويسار وعيونه تتبع حركتها مع دقات xxxxب الساعه ما خفت عليه عيون امه الحزينه ولاخفت عليه ضحكتها المجامله ما يدري ليش يحس ان حياته مازال يتخللها الكثير من المتاعب ظن انه لاتزوج بيرتاح وينزاح الهم عن قلبه رفع السواره بحركه سريعه وقبض عليها بيده جلس وكل تفكيره بديما اكيد لو كلمها و سمع صوتها بيرتاح نزل السواره بجيبه ورفع جواله دق عليها وظل لحظات ينتظرها ترد جاه صوتها إلي اخذه لعالم ثاني ماقدر حتى يضبط دقات قلبه ولاقدر ينطق ..هالبنت فيها سحر وجاذبيه ماهي طبيعيه همس بحب:يا صباح الورد والعود يا زين هالصباح اللي طلته تشيل الهموم... رجع انسدح على الكنبه :شلونك ديما ديما بخجل:الحمد لله وانت وش اخبارك تنهد راكان :ااه اخباري ماهي تمام بس من سمعت هالصوت صرت تمام التمام تكلمت بهدوء: الحمد لله جعله دوم وانت بخير راكان ببتسامه:امين يارب سكت لحظات وهو يسمع صوت انفاسها ابتسم براحه ورجع تكلم :ديما همست بصوت خافت :أمر ..سم ..لبيه ضحك راكان بخفه :ههههه يالبى هالصوت وحده تكفي يا قلبي ابتسمت بحيا :ماادري وش تحب فيها قلتها كلها جلس راكان وسند الجوال ما بين كتفه وفكه :احب كلمة لبيه :اجل بقولها لك دوم ابتسم وهو يوقف:تدرين ما ينفع الكلام بالجوال بجيك الحين بجيك الله لايعوق بشر ديما بهمس :الحين راكان مو كأن الوقت بدري هز رأسه وابتسامته على وجهه :ايه الحين نص ساعه وانا عندك ما يهمني الوقت ولا يهمني شي زوجتي وبشوفها في اي وقت ابيه وبعدين شكلي بتغدا عندكم و أبي أذوق طبخك ضحكت وضحكاتها تسابق دقات قلبها : ههههه ابشر بسوي احلى غداء حياك انا في انتظارك.. غمض عيونه وصوت ضحكاتها تتردد عليه فعلا الهمت قلبه وفتنته من نظره تسللت لقلبه وكسرت اقفاله تجذبه بكل شي صوتها ضحكتها ملامحها الهاديه ماهو مصدق حاله انه راكان وشلون قدرت تغير نظرته للحياه وشلون سلبت قلبه منه همس بصوت حاني :تسلم لي هالضحكه وراعيتها يلا قلبي شويات وانا عندك قفل ومازال تفكيره يأخذه لها نزل جواله بجيبه وطلع بخطوات سريعه بيروح لها ويشوفها بيزيل هالاحاسيس إلي مأرقته ليل ونهار بيرمي كل شي خلفه لاشافها ويعزف معزوفات الحب والراحه والسكينه على قلبه وقلبها .. | ||||||||||||
|  |
|
23-11-18, 06:45 PM
| #1032 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| يعيش حالة صمت وسكون صار يعشق الهدوء وكوب القهوه بشده وكأنه شايب وانحنى ظهره مع مرور السنين نزل كوب القهوه على الطاوله إلي قباله وتفكيره مشتت اتعبه التفكير المبهم والأفكار المرهقه ابتسم بهدوء من شاف بنته تركض لجهته فتح يدينه ينتظرها ترتمي بحظنه ويضمها له حتى يخفف من الاوجاع اللي تحتوي قلبه المكسور.. فرحتها بانت على وجهها الطفولي من شافته فاتح يدينه لها ركضت بخطوات سريعه وارتمت بحظنه ضمها له وابعدها عنه وهو يبوسها بحب :هلا ببنتي هلا ياصوتي وصمتي علامك بابا مستعجله بلحيل توردت خدودها وعيونها امتلت دموع :كنت ادورك من اليوم ..بابا انا زعلانه عقد حواجبه وهو يراقب ملامحها الطفوليه :افا من زعل جنو حبيبتي قولي لي بس مين وانا اطقه مدت فمها بزعل وصارت تحرك يدها على خصل شعره النازله على وجهه :انت مزعلني ضحك رغم الحزن إلي تخلل قلبه من حركتها :ههههه افا جنو انا مزعلك هزت رأسها بدلع :ايه انا ادورك ومالقيتك ليش بابا دايم تختفي ابتسم بحزن حتى بنته ملاحظه انه يحب العزله والوحده :مااختفي بس احب اجلس مع نفسي حبيبتي رفعت نظرها له وطوقت رقبته قربت شفاتها وباسته بخده ابتعدت عنه وهي تناظره بنظرات رجاء همست بطفوله :بابا كنت ابي شي مهم ابتسم تركي وتكلم بحنان وهو يحرك يده على رأسها:امري تدللي وش تبين يا قلب بابا نزلت يدها بجيب بنطلونها سحبت ورقه صغيره فتحتها ل أبوها:شوف بابا ناظر الورقه ورفع نظره لجنى :هذا رقم ..رقم مين جنو ابتسمت بطفوله ورجعت جلست بحظن أبوها وهي تتكلم بحماس :هذا رقم لوفي صديقتي كتبته امس بهالورقه أبي اكلمها ما يدري ليش للحظات ارتبك من ذكر اسم وريف بهالطريقه اول مره يشوف بنته متحمسه وهي تطلب منه طلب اول مره يشوف الملامح هاذي على وجهها راح فكره بعيد بعيد جدا حس بيدها الصغيره تهز كتفه :بابا رمش تركي بعيونه وتوه يستوعب ابتسم بهدوء سحب الورقه منها وطلع جواله فتحه وصار يضغط رقمها رقم رقم وببطئ حاس انه يسوي شي غلط لكن لجل عيون جنى يسوي المستحيل رفعه على اذنه ينتظر الرد مرت لحظات وجاه صوتها الانوثي :الو سحب نفس وتكلم ببحه :السلام عليكم.. وريف ظلت لحظات تستوعب الصوت :وعليكم السلام... مين معي همس بهدوء:معك تركي اعتذر ازعجتك بهالوقت لكن دقيت لان جنى تبي تكلمك.. بلعت ريقها ودقات قلبها تتزايد ما توقعت ان جنى تعطي أبوها الرقم تكلمت بخجل :هلا تركي ..مافيه ازعاج ابد وينها جنو عطني اياها ابتسم من نبرة صوتها :هاذي هي جنبي زعلانه وشايله علي ابتسمت وريف : ليش زعلانه تركي وكأنه اندمج معها بالكلام:لاني دوم مختفي ردت بهدوء:ما يصير لازم تفرغ لها من وقتك حرك رأسه بالإيجاب :وهذا إلي بيصير خذيها تبيك مد الجوال لبنته بسرعه ماوده يأخذ ويعطي معها بالكلام أكثر ظل يراقب بنته وهي تكلم وريف بحماس توسعت ابتسامته حس للحظات ان وريف جت بهالوقت نور على درب مظلم او طريق مستقيم مع حظ معووج .. """""""""" تتمشى بالبيت وكأنه ملكها عيونها تتفحص كل شي حولها فخم ومرتب بطريقه جذابه مررت عيونها حولها بالحديقه وهي تدخل مع الباب الخلفي إلي يفتح عليه المطبخ من الجهه الثانيه ويطلع للدور الثاني مع الدرج الخلفي انتبهت للخادمه طالعه من المطبخ و شايله صينيه وفيها عصير ابتسمت بخبث وكأن هذا إلي تبيه تقدمت منها وتكلمت بتسأل :لمين العصير وقفت الخادمه وناظرت هاجر :لماما وعد بابا سعود كلام شيل عصير لماما وعد في وقت هذا ابتسمت بخبث الحظ واقف معها إلى الآن :هاتي انا اوديه لها هي بغرفتها صح حركت الخادمه رأسها وهي تعطي هاجر العصير : بابا سعود يقول الحين ودي ابتسمت بحقد وهي تمد لها فلوس : تقدرين تروحين واياني واياك أحد يعرف اني اخذت العصير منك .. ارتبكت الخادمه من نظرات هاجر لها هزت راسها واخذت الفلوس وراحت... تراجعت هاجر للسيب ما تبي أحد يشوفها مررت عيونها يمين ويسار ماحد حولها وهذا إلي تبيه نزلت الصينيه بالارض وجلست قبالها انتبهت للورده الحمراء و الكرت الصغير سحبته وقرت كلمات سعود لوعد زاد حقدها وولعت عيونها نار وزاد إصرارها على الي تبي تسويه سحبت المحلول إلي بجيبها ونقطت كم نقطه بالعصير ابتسمت بحقد :توك ماتعرفيني ياوعد هاذي البدايه ورد اعتبار للكف والجاي أعظم وقفت وهي ترتب الصينيه ورسمت ابتسامه خبيثه على شفاتها توجهت للدرج الخلفي حتى محد يشوفها طلعت بخطوات واثقه وصلت لباب غرفة وعد نزلت الصينيه بالارض وطقت الباب ابتعدت بسرعه وهي تسمع صوتها تخبت بعيد وعيونها على الباب توسعت ابتسامتها وهي تشوف وعد تاخذ الصينيه همست بضحكه:بالعافيه على قلبك.. """""""""""" دخل القسم بخطوات سريعه ونبضات قلبه تسابق خطواته لازم ينفذ إلي برأسه لازم ينهي معاناته وعذابه مافيه يصبر زود مافيه يظل عايش ولا هو عايش يتمنى ترجع فيه الايام حتى يحياها بفرح ويسترجع كل ذكرياته الي امتلت صدا وغبرت زوايا عقله وخطت تجاعيد مؤلمه على ملامحه الهاديه وقف قبال مكتب سعود بتردد وخوف من الجاي فتحه بالمفتاح إلي أعطاه سعود نسخه من قبل بماانه أحد أعضاء الفريق بالمهمه حركه وانفتح الباب بهدوء ارتاح نسبيا من وضح له خلو المكان .. دخل وقفل الباب وراه بالمفتاح حرك عيونه بحركه سريعه يتفحص كل شي حوله استقرت عيونه على مكتب سعود تقدم بخطوات ثقيله وكأنه محمل بحديد على كتوفه سحب الكرسي وجلس عليه وبدأ يفتح الادراج درج ورى الثاني يعرف ان سعود مستحيل يحطه هنا لكن مع هذا بيحاول حرك الدرج الاخير بالاسفل وماانفتح معه تأكد ان الملف موجود فيه بس مقفل دف الكرسي لورى ووقف.. ظل لحظات يفكر وشلون يفتحه انحنى وجلس قباله مافيه الا طريقه وحده وهي سلاحه سحبه بهدوء وثبت كاتم الصوت أطلق على الدرج وانفتح بسرعه ابتسم بحزن من وضح له الملف سحبه ووقف حرك نظراته حوله ...تطمن ان مافيه صوت وهذا ريحه زود طلع جواله وفتح الملف وصار يصور كل ورقه تحتويه خلص والعرق مبلل جبينه رفع يده وهو يمسح عرقه بقفى يده همس ببحه :اعتذر يا سعود مافيني اورطك معي جاء بينزل الملف مكانه لكن جمدت حركته وهو يسمع صوت الباب ينفتح عض على شفاته بقوه واعتدل بوقفته روحه بهتت واطرافه بردت وآماله تبعثرت ركز بعيونه على سعود الي دخل و.......... ، ، ، انـتـهــــى الـفـصــــل اتمـنى- ينال… على' اعـــــجـابـكــم} والـقـادم< اجــمـــل: باذن الـله* اراكــم؛ تهمــــــنــــيـʼ وتـعـليقاتكــــم؟ بعـد\ اتـمنى› لكم‘ قراءة¨ مـمـتعة و< انـــتـظر« تـعـلـيـقاتـــــكم' بشـوق تحـيـااااااتـــي› عـيـون الــــريم ^_^* | ||||||||||||
|
| |
|
23-11-18, 06:52 PM
| #1033 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| انتظر تعليقاتكم بشوق اميره الوفاء ...بتلات الورد لي عوده للرد على تعليقاتكم الجميله اعتذر لتأخيري في الرد لاني أمر بظروف تاخذ وقتي .. تحياتي | ||||||||||||
|
| |
|
23-11-18, 09:56 PM
| #1034 | |||||||||
| نجم روايتي ومشارك مميز بأسماء أعضاء روايتي 
|  لا لا لا لا لا لا لا ايش النهاية دي ي ريييمي ليييه ي ووويلي ع سيف الله يستر سعود ايش بيسوي لك وععد لاتشربي العصير يارب تنسد نفسك وتكبيه هاجر دي ابغا اططططعنها🔪ابغا افجججرها💣 😭💔💔💔 ديما وراكان حلوين ماعليهم اشكاليه لكن المصيبه عند راكان لو عرف ان الذيب ابوه💔🤦🏻♀ زي م توقعت لكن ليه اتصل دحين الذيب اكيد فيه شي غير المباركة مشعل الله يعينك😭😂💔انربط لكن الكابوس احس ان امو كانها تقول لو لاتقرب من عزام ! نواف ولميس حلوين ورحلة لتركيا سعيده 💜💜 جنى حتخلي تركي يرجع يحس باحسيس دافنها من زمان لوريف والله بارت حلو لكن الله يستر من الجاي بانتظارك بشوق ودي | |||||||||
|
| |
|
24-11-18, 02:08 AM
| #1036 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
وعليكم السلام ورحمة الله وبركاته اسعد الله كل اوقاتك ياسمينتي تسلمي لي الابداع منبعك 😍😍 ماشاء الله حلو اجل قربتي شوي شوي إلى توصلي لنا .. اخجلتيني والله بكلامك ^_^ وعد وسعود الأساس وان شاء الله القادم اجمل فعلا الذيب انسان متجرد من الانسانيه نواف ووريف راح يرجعوا ويواجهون الالامهم والأحزان إلي سيطرت على قلوبهم خاصة نواف .. جوري صحيح قصتها تحزن لكن اكيد رعد بيكون قد المسؤليه واحساسها جدا مؤلم .. ههههه راكان طاح ومحد سمى عليه.. تسلمين ياسمين الله يسعدك وسعيده جدا ان روايتي وابطالي نالوا على إعجابك ❤ تحياتي غاليتي 😘😘🌹 | |||||||||||||
|
| |
|
24-11-18, 02:10 AM
| #1037 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
وعليكم السلام ورحمة الله وبركاته ياهلا فيك بتلات الورد نورتي عزيزتي الروايه وسعيده بتعليقك وتواجدك في ورود العشاق أهم شي أعجبتك الروايه والابطال وشهادتك أعتز فيها والقادم أجمل بإذن الله ينتظرك المزيد من التشويق في حياة ابطالنا وانا بعد متحمسه أكثر بتواجد قراء رائعين مثلكم شكرا لك غاليتي بحجم السماء على ردك واعجابك واعتذر عن التأخر بالرد .. تحياتي | |||||||||||||
|
| |
|
24-11-18, 02:14 AM
| #1038 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
مساء النور وسرور لاطيب قلب اهم شي أعجبتك اموره تسلمين هذا من ذوقك يالغلا ... رعد وجوري صحيح رغد قدر ينتشل البؤس من قلب جوري وبث لها الحياة من جديد ومعه راح تتغلب على كل المصاعب لكن لابد حقيقة أبوها توضح هل توقعك صحيح الله واعلم ...وان ممكن ابو اسامه يطلعه على الحقيقه والا المستقبل راح يرسم لحياتهم منحى آخر الله يستر من القادم.... راكان وديما وعلى بداية حياة جميله نشوف اذا توقعك صح والا لا بالنسبه ل ابوه ... المهم ان راكان حقق امنيته وهاذي ديما صارت زوجته ان شاء الله تستمر حياتهم على هذا المنوال ومايصير شي يعكر صفو حياتهم .. والسواره هههه توقعك صحيح اقولك اميره شكلك تقرين أفكاري 🤣🤣 نواف ولميس قفلوا صفحة الماضي وفتحوا صفحه جديد تحمل بطياتها الحب والحنين والاشتياق... تركي وجنى ان شاء الله تقدر بنته تغير نظرته للحريم وتجذبه لوريف بتعلقها فيها .. محمد او سيف اكيد راح يجني ثمر عمله مع الذيب ياخوفي بس يكون الثمن غالي لا تعليق بحياة محمد القادمه ... هاجر جايه لهدف ممكن انها من شباك الذيب وممكن يكون لها ماضي مع عائلة سعود المهم بوجودها ماراح ينعمون ابطالي بسلام وبنشوف مع بعض اذا توقعك صحيح والا...لا كلام الذيب لا تعليق بنعرفه بالفصل القادمه..^_^ (يالبى شطحاتك بنشوف اجوبتها بالفصول الجايه ممكن تصيب وممكن تخيب 😉😉) الله يسلمك حبيبتي وسعيده جدا بمتابعتك معي شكرا بحجم السماء 😘😘 | |||||||||||||
|
| |
|
24-11-18, 02:16 AM
| #1039 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
يا ويلي من احاسيسك 🤗🤗 اممم بفكر مع ان ورود العشاق مثل ماقلنا ماتذبل على الطاري يعني حتى لو تعرضت لتضاريس الحياة المؤلمه من الفقد والأحزان والاوجاع راح تظل صامده ابطالي مازال الكثير ينتظرهم وفيه إلي وضح بحياتهم وفيه إلي لازال مخفي ومع الايام راح يظهر مااوعدك اني بخف عليهم ^_^ لكن ترقبي القادم وادعي ان الله يحنن قلبي عليهم 😘😘 | |||||||||||||
|
| |
|
24-11-18, 02:21 AM
| #1040 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
واحلى تسجيييل حظور الله يسعدك يالغلا | |||||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
