06-12-18, 02:09 PM
| #1131 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  استغلت الفرصه بعد ما طلع محمد من الغرفه وطلعت من خلف الستاره بهدوء تقدمت من ام محمد وقفت قبالها وهي تناظرها بنظرات شرسه ماحرك قلبها كلام محمد ولاحركت مشاعرها المغلفه بالسكون قلبها اسود ويحاوطه سلاسل مقفله ومفاتيحها الحقد والكره والشر رفعت الإبره بسرعه وغرستها بالسيروم بدأ يتدفق السائل القاتل للمغذي ولجسم هالانسانه مقطوعة الحيله خلصت مهمتها ونزلت الابره بجيبها حركت رأسها بأسى مصطنع :رحمة الله عليك يا ام سيف جعل مثواك الجنه أطلقت ضحكات بقلب بارد وضغطت على سماعتها : انهيت المهمه وانتظر مكافئتك يالذيب ...هههههه نص ساعه واكون عندك انت بس أمر تدلل انهت مكالمتها وتراجعت للخلف لفت وطلعت بخطوات سريعه هاذي هي اتمت مهمتها وحان وقتها تلتفت لسعود ووعد وما راح يهنى لها بال حتى تنفث سمها عليهم ... """""""""""" رايح جاي بالسيب لو زفر من غيضه يمكن يزعزع كل إلي حوله ويرعبهم عيونه بارزه واعصابه مشدوده وقلبه يتعارك مع اعضائه مازال صوت الدكتور يرن بأذانه ( تــــســــمــــم ) وشلون جاها التسمم ومين حطه لها يعني باقي شرهم يحوم حوله وحولها ياقوة قلوبهم ياويش يقول بعد اليوم ضرب بيده بكل قوه بالجدار سند جبينه عليه ورص يدينه على الجدار وهو يتنفس بسرعه عض على شفاته بقهر مكتوم :حسابكم عسير والله عسير محد بيفلت من بين يديني وانا سعود والله محد بيفلت أخ آآآآخ ... ضرب بجبيه على الجدار وده السم يجري بشراين قلبه ولا فيها ماعنده قدره يتحمل يشوفها تعبانه ومرهقه والسبب هو كان لازم يأخذ لها كل شي بنفسه ومايوكل اي احد بداله ...والله مايترك أحد حتى يعرف مين حط لها هالسم بلع ريقه بغصه ولف سند جسمه على الجدار وغمض عيونه يتذكر كلام الطبيب :وش تقول انت سم وشلون جاها وكيف الدكتور : السم دخل عن طريق شي مشروب وهالنوع من السم خطير لكن الحمد لله قدرنا نسيطر على الوضع وسوينا لها غسيل معده واعطيناها إبر منقيه للدم و .. قاطعه سعود برجفه :هي بخير تكفى لاتخبي عني ربت على كتفه يحاول يطمنه :بخير تطمن هي بخير لكن فيه شي بسيط ...أثر السم ممكن انه مايزول بسرعه يعني احتمال انه يأثر عليها لفتره بسيطه ويزول تنفس براحه بعد رد الدكتور وهدت دقات قلبه الاهم انها بخير وكل شي مع الوقت يتحسن فتح عيونه ورجع للواقع اعتدل بوقفته و همس ببرود :بيننا الزمن يالذيب ومصيري احرقك مثل ماحرقت دمي وقلبي عارف ومتاكد ان الذيب ورا سواته بس كيف ووشلون ما يعرف لكن حالف قسم انه مايتركه بعد اليوم يتهنى بحياته وهذا هو شد عضده بمحمد ومعه راكان ومحد يقدر يزعزع ثبوتهم الا إلي خلقهم مشى بخطوات مثقله كثرة الكتمان والتظاهر بالقوه خلت قلبه هش ..هش بالحيل ودموع الغبنه والقهر خطت على خده الرجولي ... """""""""""" فديت عينك يا هوى البال محلاك وفديت زولك يابعد كل غالي من شاف رمشك قال يا زين مغلاك ومن شاف عينك قال ياويل حالي .. ارسل لها هالابيات ورجع قفل جواله نزله على الطاوله وابتسامته تزين وجهه المنور رفع نظره لامه إلي تحظر أطباق الاكل على طاولة الطعام بطريقه جذابه ومندمجه بقوه ماخفت عليه ملامحها الحزينه ولا خفت عليه نظرتها المكسوره اعتدل بجلسته وهمس بهدوء :يمه وش فيك تعبانه فيه شي مضايقك ارتبكت من سؤاله نزلت إلي بيدها ورسمت ابتسامه باهته :ابد مافيني شي بس مانمت زين تنهد بعدم راحه ورجع تكلم بنبره هاديه :بدر وينه مااشوفه ركزت بنظراتها عليه تتفحص ملامحه المشرقه مايهمها اي شي بهالكون سوا انها تشوفه مرتاح :انت الي وين عقلك من دقايق رايحه وجايه للمطبخ وانت غارق بجوالك تنهد وهو ياشر على رأسه :عقلي راح عند ديما .. الا الحين يمه ابي اسألك سوال الجنون يجي مع الحب والا إلي يحب يصير مجنون ضحكت بخفه على كلامه وهي تجلس على الكرسي الي قباله وكأنه خفف عنها من الهم إلي شايلته :ههههه كلها الاثنين تجي مع بعض توسعت ابتسامته وزفر براحه : الوكاد انه صابني الجنون واختلط مع الحب خلص كلمته ولف من سمع صوت بدر وفتح يدينه لبدر إلي جاي يركض له و ارتمى بحظنه حاوطه وضمه لصدره عشقه لهالولد مايوازي شي أبعده عنه وهو يبوس خده :هاه عساك ماعاندت مثل العاده واتعبت امي ابتسم بشقاوه : ماسويت شي واسئلها ضحك راكان ورفع نظره لامه الي سانده يدها تحت ذقنها وتناظرهم بنظراتها المعتاده :هو صادق يمه اليوم بدر يسمع كلامك ابتسمت وهي تحرك حواجبها لفوق :فديته مافيه احد مثله مطيع حيل ضحك بخفه على كلامها فاهم انه العكس :هههههه اجل بجيب له هديه حلوه حرك بدر يده بطريقه طفوليه :ابي ديما توسعت ابتسامته من رده سحب خشمه بخفه :ديما لي انا بس عقد حواجبه ومد فمه بزعل :وانا ابيها تلعب معي ركون ماهي لك لحالك ولي انا بعد .. بعثر شعره بخفه :طيب انت اجلس تعشى وبعدين نتفاهم مين له .. جلس بدر جنبه وصار يأكل بشهيه ابتسم بسعاده حتى هو نفسه مفتوحه مثل بدر للاكل سمى بلله وصار يأكل بهدوء مرت لحظات نزل الملعقه وركز بنظراته على امه واضح انها مااكلت شي و تحرك الملعقه بصحنها من دون ماتأكل تكلم بنبره هاديه :يمه لاتخبين علي فيك شي صح ماردت عليه ...رفع صوته بقلق :يمه توها تنتبه لصوت راكان نزلت الملعقه وناظرته بشتات :هلا يمه علامك راكان بإستغراب :علامي انا والا انتي اللي علامك يالغاليه مافيها استطاعه تقول وش فيها ولافيها قوه تواجهه همست بهدوء :ما فيني شي يا ولدي قلت لك من امس مانمت زين من انام بصير زينه هز رأسه بعدم اقتناع يعرفها أكثر من نفسه اكيد في شي مضايقها وماتبي تحكي : ان شاء الله طيب اكلي مااكلتي شي ابتسمت وصارت تاكل من دون نفس.. رجع ياكل والقلق يحتويه ارتفع صوت جواله و تردد بالمكان حاول يلطف الجو وهو يناظر امه ببتسامه :هاذي اكيد ديمة قلبي رفع جواله بلهفه ورد بسرعه وبصوت هادي جدا :الو عقد حواجبه من وصل له الصوت الرجولي أبعد الجوال عن اذنه مرر عيونه على شاشة الجوال يتاكد من المتصل ورجعه على إذنه : مين معي ضحك بصوت جهوري :ههههه معك الماضي الحاظر تلاشت ابتسامته بلع ريقه وتكلم بإرتباك : لاتلف وتدور قلت لك مين انت :كذا تكلم ابوك بهالاسلوب لا ماهقيتها منك يا راكان شد على أسنانه وغمض عيونه بصدمه وقف بقوه و طاح الكرسي للخلف مسح على وجهه وهو يدور بالصاله و بصوت مكتوم :ابوي وش تبي داق الحين هاه تكلم انت انتهيت من حياتنا وش إلي رجعك لاتقول انك حسيت بإحساس الابوه فجأه وانت متجرد منها ضحك راكان بقهر :هههههه وتعاتب بعد على اسلوبي لا... قاطعه بصوت عالي :لا الواضح امك ربتك ترفع صوتك على ابوك انشدت عروقه من الغضب وش يبي وليش داق عليه وهو له سنين مايعرف عنهم شي : لاتجيب طاري امي على لسانك لو هي ما صرت رجال .. ضحك بسخريه : هههه واضح ..واضح صراحه تستاهل امك جائزة الاوسكار عض على شفاته وانفاسه ترتفع وتنزل هالانسان محيره بالحيل وش يبي يعني يوم حياته بدت تنور يظهر ويعكر صفوها صرخ بقهر :الجوال هذا لاتدق عليه و ابو ماعندي مات من زمن تفهم ...ابوتك إلي جاي تفرضها علي الحين خلها لك قفل الجوال بوجهه ورماه بالارض تناثرت قطعه قدام عيونه تحرك بالصاله بإنهيار وهو يتكلم بقهر مكتوم كسر المزهريات المرصوفه بشكل مرتب على الطاوله طيح كل كراسي طاولة الطعام بكل عصبيه ارتفع صوت انهياره ووصل لقلبها الضعيف ... حطت يدها على صدرها وهي تشوفه منهار بهالشكل تكلمت برجفه :راكان رفع يدينه وخلل اصابعه بخصلات شعره وشده بقهر دمعته عالقه بطرف اهدابه ومشاعره في حالة استنفار تكلم بنبرة غضب :تعرفين كنتي تعرفين ان البطل ظهر بحياتنا كنتي تخبين علي كنتي متضايقه عشانه.. هز رأسه وهو يدور ماهو قادر يركد ابد:كلمك صح وش قال وليش الحين بذات قام ضميره وصار يتصل صرخ وهو يناظر امه :ودي اعرف بس وش إلي مخبيته سؤال واحد بس وابيك تجاوبيني بكل وضوح وتنصفين أفكاري يمه تعبت والله تعبت من التفكير .. انفاسها سريعه وماهي منتظمه خايفه بالحيل الندم يقطع قلبها ويغلفه بقسوه تكلمت بصوت مرتجف :ما فيه شي يتخبى يا راكان وسؤالك ماله إجابه عندي انسحبت بسرعه خايفه من المواجهه خايفه يكون مصير ولدها مثل مصيرها من البؤس ماراح تفصح ابد عن الحقيقه نزلت دموعها على خدها بمراره ... غمض عيونه حرك يده يهدي نفسه متاكد ان فيه سر متاكد ان قلب امه يحتوي براكين وزلازل ويمكن لو اطلقتها تزلزله وترهقه ضرب على صدره :اهدى..اهدى ياراكان ..يارب رحمتك..ياالله الهمني الصبر بلل شفاته الجافه وصوت بكاء بدر يتردد عليه تقدم منه بخطوات ثقيله انتبه له منكمش على نفسه تحت الطاوله عارف انه ارعبه جلس بالارض ومد له يده وهو يضبط أنفاسه السريعه :تعال حبيبي مافيه شي يخوف طلع بدر وهو يرتجف بخوف سحبه راكان له وضمه وبدت دموعه تنزل بصمت تهشم قلبه من ذكر الغايب ماكان لازم يطلع بحياته بعد ماتركه يذوق مرارة فقد الاب وهو على قيد الحياه ...دمر روحه الي كانت مفعمه بالنشاط مايدري وشلون جاه قلب يحاكيه بكل برود بعد ماانتشل السعاده من قلبه وحمله اثقال فوق طاقته ..معقوله كذا يظهر بحياته بكل بساطه حرك يده على ظهر بدر يهدي من رجفته وهمس بنبره حانيه :اسف ..اسف يا قلب اخوك مافيه شي يخوف كل شي مر تمسك فيه بدر وصار يبكي بقوه ما يدري وش يدور حوله لكن الخوف احتل قلبه الصغير .. شد عليه وضمه زود ماكان لازم ينفعل لهدرجه قباله ويخوفه لكن وجعه المتكرر الكبير هو اللي أوصله لمرحلة الانهيار ..مايهمه الحين اي شي لانه بيزيحه عن افكاره ويضمه لقائمة النسيان اصلا هو منسي من الاساس وبيقفل على طاريه حتى لو تكرر ذكره... """""""""""" وده هالمساء يلعب بكل الأشياء ويعدل مسارها ينسج له احلام جديده يبعثر ضحكاته وينثرها هنا وهناك يبدد حناجر صمته الموجع ويخلق له فرحه منمقه ومختلفه لكن يكفيه صوتها إلي وصل لشراين قلبه ابتسم وتنفس براحه الدكتور طمنه اليوم ان حالها في تحسن وشوي شوي بترجع تشرق شمسها عليه بلل ريقه بالمويا وصار يشرب حتى ارتوت عروقه نزل القاروره و زاد بخطواته لجهة غرفة امه ... لمح حركه ماهي طبيعيه عند غرفتها نبضات قلبه زادت وخطواته تبأطأت عقد حواجبه والخوف بدأ يتسلل لقلبه طاحت القاروه من يده وصار يركض ...تفطر كبده من الخوف وانصعق من الانذهال امه بخير وكل إلي يشوفه سراب او كابوس متاكد انه سمع صوتها متاكد ان الدكتور خبره انها في تحسن لكن ليش متجمعين عليها.. وقف قبال الباب وعيونه تراقب بتوجس اقشعر جسمه وبدأت الرجفه تسيطر عليه امتلت عيونه دموع من المنظر إلي شافه.. يحاولون ينعشونها.. لا والله هي بخير..هي كلمته حتى ان صوتها كان مريح.. رفع يده وحطها على فمه يكتم الصرخه إلي حس انها بتنطلق تقدم رغم أن الممرضات يمنعونه من الدخول لكن ابعد يده عن فمه وصرخ صرخه ادوت قلوب الحاظرين وزعزت المكان وهو يشوفهم يبعدون عنها الاجهزه همس بصوت باكي :دقيقه ..دقيقه ليش شلتوها لييييش ابي افهم هز الدكتور رأسه بأسى وهو ينزل جهاز الصدمات الكهربائيه :الباقي وجه الله طاحت عليه هالكلمه مثل الصاعقه تقدم بخطوات مرتجفه سحب الأكسجين ورجع ركبه على وجهها اخذ اسلاك تخطيط القلب يحاول يثبتها وعيونه على وجهها الشاحب حرك رأسه بجنون : بتصحى انت تكذب توهآآا كلمتني توني سآامع صوتها ما راحت...ما رآاآحت مسكه الدكتور مع كتوفه وسحبه عنها بالقوه :ما يصير إلي تسويه اذكر الله لف للممرض :حدد وقت الوفاه رفع الممرض يده يناظر ساعته :وقت الوفاه الحادي عشر مساء انتشر الهلع بقلبه تسمر في مكانه جمد الدم في عروقه وجف حلقه صارت أسنانه تصك ببعضها وصوت شهقاته ترتفع حاول يقرب منها لكن منعوه ابتعد عنهم وراح جهة رجولها طاح على ركبه قبالها ضم اقدامها مع بعض وصار يبوسها بشكل موجع :كذآآ تروحييين يمه كذا تتركين محمد آآآآآه و آآآآآه ياغلاتي آه يا يمه منو بيحس فيني بعدك منو بيمسح عن قلبي الهم نزل وجهه وغطاه برجولها وصوت بكاه يبكي الحجر حتى ان إلي حوله تأثروا بمنظره :قلت لك ابي اسمع صوتك كذا تبخلين علي فيه وتروحين ابعد وجهه عن رجلها وهزها بهدوء وهو يتكلم بجنون ورجاء : يمه.. يمه.. يمه قومي فديتك ابي اسمع صوتك بس آخر مره طلبتك بس مره... سحبه الممرض عنها :استهدي بلله يا اخوي هذا قضاء وقدر أدعي لها أن الله يرحمها ...وتعال معي لازم تطلع حتى يكملون كل الإجراءات وتشوفها بعدين رفع نظره للشاب إلي يحاكيه مايسمع وش يقول مخه متعطل عن كل شي بهالحظه قام معه وهو يترنح بمشيته طلع برا وقفلوا الباب عليها وانقفلت الحياة بوجهه مع رحيلها وقف بالسيب يبكي بصوت عالي وكأنه طفل عيونه تترقب اي أحد يجي و يضمه ويهديه لكن مين ..مين غيرها الي بيواسيه هاذي هي راحت وروحه راحت معها ... سامحيني يا عيوني لابكيت اعذريني فرحة القلب أنطفت لا تلوميني تراني ما قويت غصب عني دمعة الحزن اذرفت زارني طيفك يالحبيبه و انزويت في مكاني ما حدٍ يمي التفت اذكر أيام الطفوله من وعيت ما نسيت اللي على شاني حفت ما تحسسني بتعبها وأن شكيت أسهرت عندي و لأجلي ما غفت أمي أمي في فؤادي ما حييت ساكنه بين الضلوع اللي نحفت كاملة والكامل الله ما لقيت مثلها امٍ حنونٍ بي رفت يا إلهي طالبك جيتك رجيت رحمتك بأمي على دارك لفت | ||||||||||||
|  |
|
06-12-18, 02:12 PM
| #1132 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| جالس على اعصابه المكان مااعجبه ابد ريحة الشيشه والدخان ملوثه المكان والضحك الصاخب يعكر سمعه وقف وعيونه تدور عزام إلي اختفى وتركه بين هالناس الغريبه يبي يطلع من هالمكان بسرعه زاد بخطواته لكن استوقفه عزام وهو جاي لجهته وبيده ابريق شاي :على وين يامشعل مشعل بهدوء :رايح صراحه مخنوق ومو عاجبني المكان ولا هالناس رفع الابريق ببتسامه :افا تروح كذا اقول اجلس تونا على الوناسه حرك رأسه مشعل بعدم رضا كان المفروض انه ما يطلع معه بسياره وحده والا كان رجع على كيفه تبع عزام وجلس بمكان بعيد شوي عن الشباب رفع نظر لعزام إلي يصب له شاي ويمده له : تفضل ابتسم مشعل مجامله وأخذ بيالة الشاي رفعها لفمه وصار يشرب لكن لذعته حموظته نزله بسرعه وهو يناظر عزام بتسأل: وش فيه هالشاي مر ابتسم عزام بخبث :ابد شاي تايواني شكلك ما تعرف هالنوع حرك حواجبه بإستغراب :لا والله اول مره اسمع فيه يااخي طعمه مر توسعت ابتسامته الخبيثه :بس لذته حلوه رجع مشعل رفع بيالته وشرب صحيح مر لكن فيه لذه غريبه انهى كاسه ومده لعزام :صب اشر على خشمه وتكلم بضحكه :ابشر على هالخشم اصب لك كم مشعل عندنا ضحك مشعل بخفه :ههههه واحد...اقول صب صب عزام وعيونه على مشعل وهاذي اول خطواته بيخليه يثق فيه وبعدها يسحبه لعالمه الاسود وبيطيح بين يدينه صدق ان هالانسان غبي او طيب بزياده وعلى نياته لكن هالزمن ما تنفع الطيبه معه لان النفوس العاتيه تتسابق عليها وتنهشها من بين ضلوعها بصمت .. """"""""""" ذرف الدموع مو بسبب الضعف ولا لقلة الحيله بالعكس لان الصبر تمكن منا لمده طويله جدا ومحد فهم إلي يحتوينا.... نزل جواله بجيبه هذا هو طمن جدته وسمع مايكفيه من العتاب اللي زاده لوم.. مسح على وجهه بهم مازال رايح جاي بالاسياب ما عنده قدره يدخل عليها ولاعنده قدره يشوفها تعبانه وتتألم وقف بالسيب وهو يسمع صياح وأنين شخص غمض عيونه وانعصر قلبه يدعي الله انه ماينحط بوضع هالانسان فتح عيونه وركز بالشخص اللي يعرفه زين تقدم منه بخطوات سريعه وهمس ببحه :محمد رفع رأسه بسرعه وكأن امنيته تحققت كان محتاج أحد يعرفه ينثر عليه إحساسه وألمه الموجع .. عقد حواجبه سعود وحرك يده على كتوف محمد :وش فيك ووش إلي صاير لك... ليش انت بهالحاله.. انعصر قلبه زود وش فيه ووش فيها حالته هه ..إلي فيه انه فقد قلبه وروحه إلي فيه أكبر من التخيل الي فيه انه فقد كل لذات الحياه زادت دموعه و أنفاسه تسارعت زود تكلم من بين شهقاته وهو يضرب على صدره :راحت يا سعود رااحت امي وانا مابعد شبعت منها توسعت عيونه من الصدمه :شلون وكيف هز كتوفه بإنهيار :مدري ..مدري والله كانت بخير و طبيبها طمني عليها بس هاذي هي راحت وتركتني لغدر الزمان تغيرت ملامحه وعروقه انشدت وبدأ الشك يدخل قلبه : محمد انت متاكد من إلي تقوله هز رأسه ودمعاته تطيح على خده الرجولي بإنهيار مااهتم لكلام سعود ولا يدري وش الي قاله : قالت لي استودعتك الله كانت حاسه انها مودعه ومع هذا مانستني من الدعاء آآآخ آآآخ قلبي يوجعني ... تقطع قلبه من منظر محمد صحيح من يشوف مصيبة غيره تهون عليه مصيبته حاس فيه والله حاس وشلون مايحس فيه وهو جرب هالشعور لكن بطريقه أقسى واشنع من محمد بلل شفاته الجافه وهمس :اهدى وادعي لها بالرحمه البكاء ماراح يفيد مسك على صدره يحاول يسحب أنفاسه الضيقه :ضايق بالحيل ضآآيق حرك سعود يده بسرعه وفتح ازارير ثوب محمد سحبه بسرعه وضمه يمكن يخفف عنه او حتى يواسيه : تنفس..تنفس هاذي الدنيا تاخذ وتعطي لاتعلمني فيها اترك همك يرتحل طلع كل شي بخاطرك لا تضيق ... تمسك محمد فيه بقوه :طيب مييين لي بعدها مين يا سعود همس بغصه وهو يمسح على ظهره :لك الله وماراح يضيعك.. هز راسه يحاول يستوعب الي مر فيه بهالحظات :صح لي الله ...آآأه لي الله غمض عيونه و عض على شفاته بألم انفاسه ضاقت وانتفض كل جسمه وكأنه يصارع روحه اختل توازنه وارتخت يدينه عن سعود وده ينام نومة غيبوبه ويرحل عن كل شي مايبي يشكي ولا يبكي ولاحتى يضحك كل الي يبيه وبهالحظه انه يغيب عن هالحياااه ... عرف انه غاب عن الوعي سنده عليه وتلفت يمين ويسار وهو يصرخ يبي مساعده تقدموا منه بعض الممرضين والممرضات ساعدوه برفع محمد واخذوه بلحظات للاسعافات زفر بغصه مايلومه فقد نور عيونه وبداخله اصعب شعور يمر فيه الإنسان الوداع رغم عنا ولا لنا حيله عليه هذا حال القدر يسوي إلي يبي فينا احنى البشر ... مسح وجهه بهم معقوله الي يدور بباله صحيح .. ويــــلــــهم من الله ويــــلــــهم منه ... هدوئه انتهى بهالحظه وثارت جنونه انتهى زمن الرفق والتريث توجه بسرعه للاستقبال سأل عن المسؤول بحالة ام محمد عرف المكان وزاد بخطواته لمكتب الطبيب طق الباب ودخل بدون أذن الوقت مايسمح له ابد ينتظر أذنه ناظر للدكتور بنظرات حاده :محتاج تقرير شامل عن حالة وفاة المريضه بغرفة ٣١٢ تلزمنا بقضيه مهمه وقف الدكتور مستغرب من العسكري إلي دخل عليه :والسبب ضرب سعود بيده على المكتب بعصبيه :السبب معروف مشكوك بوفاتهااا تسمع رفع يده بتهديد وتكلم بغضب وعيونه تقدح شرار :سو إلي قلت لك عليه والا بأعتبر انك من ضمن المتهمين ابتعد بسرعه وطلع من دون ما يسمع رده صدره يرتفع وينزل معقوله شكه بمكانه ليش لا ...وعد كانت بتروح فيها وام محمد ماتت معقوله عرفوا أن محمد خانهم ومشى معه بهالسرعه ... وقف بوسط السيب وكأن الوقت توقف عنده وده يصرخ بكل صوته وينتحب حظه ويبدد هالسكون إلي يحتويه لكن كالعاده عاجز يطلع الي جواته وبيبقى طول عمره يعزف على أوتار الألم... """"""""" اول على شوفها يسوق التباشير والحين حتى يمكن مايذكر تفاصيلها ليه الاعذار دوم بحياتها كثيره ليه المحبه في عمرها قصيره ليه طيوفه قامت تجيها في كل وقت وحين وليه خاطرها مكسور ويسهر طول الليل يضرب كفوف الحنين ببعضه وتتردد عليه صفعات الليالي وتاخذها لمنحنى آخر مررت ناظراتها عليها وانحنت وهي تعدل ربطات الشعر السماويه على شعرها ابتسمت بحنين لهاذيك الايام إلي كانت تربط شعرها بهالطريقه :يا زين البنات يا ناس طالعه قمر جنو ضحكت جنى بطفوله وهي تناظر نفسها :لوفي حلوه ربطاتك حتى لونها يجنن ابتسمت بحزن وبنفسها كلام وكلام لو بس تعرف ان ابوها هو الي مهديها هالربطات :كانت هديه غاليه علي كتفت يدينها وهي تناظر وريف بإستغراب :وليش تعطيني ايها هزت كتوفها بهدوء :لاني حابه تكون لك من بعدي ابتسمت بطفوله وهي توقف و تحرك يدها على شعرها:وانا بحافظ عليها التزمت الصمت لحظات ورجعت تكلمت بنبره طفوليه فيها القليل من الحزن :لوفي مو مشكله تصيرين لي أم أنلجم لسانها من كلام هالطفله ان تكون لها ام يعني تنجمع مع تركي وهذا من سابع المستحيلات حست بيد جنى تمسك يدها ارتبكت بالحيل ضمت كفها بحيره :جنو ابوك ينتظرك تحت تمسكت جنى فيها وضمتها بقوه وكأنها طوق امان لها يحميها من كل شي وكأن راحتها لقتها بقرب هالصديقه همست وهي دافنه وجهها ببطن وريف :اتمنى تصيرين لي ماما لوفي انا والله ابيك ماما بلعت ريقها وقلبها يخفق بسرعه ماما كلمه كبيره عليها هي مجرد صديقه وبس همست بنبره هاديه :جنى حبيبتي انا صديقتك ومحد يدري يمكن تلاقين ام احسن مني مع الزمن اسندت كفها على بطن وريف وابتعدت عنها ودموعها بدت تنزل بطفوله تبي ام والله تبي حظن مثل حظن وريف مسحت دموعها بتسأل :كنت بس اتمنى لا تزعلين وخليك دوم صديقتي انحنت وريف وجلست قبالها على ركبها مسحت دموعها بحنان :بالاول ليش البكاء هزت رأسها وشفايفها مازالت تصارع عبراتها :ماادري حاوطت وجهها وصارت تتكلم بهدوء :هالدموع لا تنزل مره ثانيه انا ماراح ازعل منك وبظل صديقتك بس اني اكون لك ام حقيقه صعبه جنو انتي شاطره وتفهمين علي صح.. انا احبك كثير و صداقتنا بتدوم طول العمر زادت دموعها وصارت تنزل بغزاره على خدودها الورديه :فاهمه وانا احبك لوفي انتي احلى صديقه رفعت يدها تناظر ساعتها : اكيد ابوك تعب وهو ينتظرك تحت يلا حبيبتي امسحي دموعك واطلعي له ابتسمت ببراءه وباست وريف :ممكن اجيك مره ثانيه توسعت ابتسامتها : تعالي حياك باي وقت انتظرك حبيبتي طلعت جنى تركض لابوها إلي ينتظرها من وقت مجرد ما اختفت جنى عن عيونها تلاشت ابتسامتها واحتلت مكانها ملامح الخيبه والألم لمتى بتظل تحمل مشاعر مدفونه لمتى بتسترجع ذكريات كان لازم تكون منسيه ليش طلعتها وفاضت فيها الحين بعد ماانذكر في حياتها من جديد نزلت دموعها توثق خيباتها المستمره مهما سوت وقالت قلبها رجع ينبض له من جديد لكن وينه هو... ليش ما يحس فيها ليش جاهل حبها الطفولي ليش مايشوفها همست بصوت باكي:انا هنا ياتركي ليش عيونك معميه عني ليييش غطت وجهها بيدينها وصار صوت نحيبها يتردد عليها مكسوره بالحيل وكانها طير بلا جناح يحاول يطير او ينتظر من يداوي جروحه ويحلق فيها للسماء الصافيه لكن واضح ان الإنسان المنتظر ماهو جهتها ابد ... | ||||||||||||
|
| |
|
06-12-18, 02:21 PM
| #1133 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| وفي نبرة صوته شي يمزقها عشق .. نزلت المشط على التسريحه وهي تناظره بهدوء :الحين من جدك رعد تبي تأخذني بكرا نسوي تحليل مو كأنه بدري عليه هز رأسه وعيونه تتفحص ملامحها الشاحبه :ليش الخوف قلت لك ودي بهالشي يصير وماهو بدري بالعكس عشان نتاكد وبعدين الأعراض إلي تحسين فيها كلها تدل انه حمل وامي تعرف احسن مني ومنك ابتسمت وهي توقف وتعدل بجامتها الحمراء الحريريه رجعت خصل شعرها خلف اذنها ووجهها مكتسيه الخجل :صح كلامك بس صراحه الخوف من الفكره راح وبديت اخاف انه ما يكون حمل ويخيب املنا اشر لها تقرب منه وبنبره هاديه :كل شي بيد الله وما راح يخيب املنا قربت منه بهدوء وجلست جنبه على السرير :والنعم بلله سحب طرف شعرها ورفعه لخشمه استنشق ريحته واحاسيسه تتحرك كالعاده :وش هالريحه ناويه تجلطين قلبي جوريه ضحكت بخفه:بسم الله عليك م.. بترت كلامها على صوت طق الباب نزل شعرها من يده ووقف متوجه للباب فتحه واستغرب وجود اسامه خلفه ابتسم بهدوء:وش عندك اسامه ليش مانمت مد فمه بزعل مصطنع :خايف مسح رعد وجهه بملل:من ايش خايف حبيبي تمسك في رعد ودفن وجهه بتيشيرته :خايف من الوحش ضحك رعد بخفه على كلامه رغم أن وده يقرصه على مقاطعته للحظاته الحلوه: إلي يسمعك يقول الوحش ساكن معك تمسك فيه زود ورفع رأسه له وهو يناظره برجاء :ماابي انام لوحدي ابي جوري تنام معي تنهد بضجر:يالليل الشقاء الحين تبي تاخذ جوريتي لا والله ماحزرت رفعه بخفه وشاله دخل وهو مبتسم رغم ان وده ينتف شعره من القهر :عندنا ضيف جوري ضحكت على ملامح رعد إلي واضح عليها الانزعاج :ههههه يازينه هالضيف نزل اسامه على السرير إلي راح بسرعه وضم جوري وصار يتكلم وهو يسبل بعيونه :بنام عندكم سحبه رعد عنها وجلس :لاتتعدى حدودك خلك شاطر ويلا نام انسدح اسامه بالوسط :هنا مكاني رمش بعيونه وهو يناظر اسامه وجوري : لا بلله بنجن انا ..مين الي داعي علي اليوم ضحك اسامه ببرائه :هههههههه رعد :ااخ وتضحك بعد قرب منه زود وصار يدغدغه واسامه يضحك وجوري تضحك من ضحكه :الحين اضحك صدق هاه اسومي اليوم بس تنام عندنا وماتعيدها لان الرجال ينام بلحاله زاد ضحكه بطفوله وتكلم من بين ضحكاته :ههههه وانت هههههه رجال وتنام معك جوري.. حرك حواجبه :انا حاله استثنائيه يلا نام ياولد غمض عيونه اسامه وفتح عين وحده :مافيني نوم تنهد رعد وانسدح جنبه وعيونه على جوري إلي انسدحت هي بعد حرك يده على شعر اسامه وابتسم رجع تكلم بنبرته الحنونه :طيب بحكي لك قصه تسمعها وتنام اتفقنا رفع نظره لجوري :وانتي بعد اسمعيها زين ابتسمت ونزلت رأسها على مخدتها وصوت رعد يعزف على سمعها بكل أصوات الراحه والأمان.. صوته الهادي يأخذها لعالم بعيد عالم مزهر فيه من البساتين والبحيرات وأصوات الطبيعه الهاديه ما يكفي لتحريك مشاعرها الفياضه ويشعل الحب بقلبها وينشر بقلبها الطمائنيه والاستقرار... """"""""" طلع الدرج وهو شايلها بهدوء البيت هادي جدا والكل بحالة سبات الا قلبه المشتت ما بين الماضي والحاظر ضمها لصدره زود وعيونه عليها نايمه بهدوء ومتمسكه فيه بقوه قلبه يتقطع عليها فقدت الحنان إلي أي طفل يرتجيه تعلقها ب وريف يرهقه لحد الشتات.. توجه لغرفته ودخل بهدوء تقدم من سريره نزلها عليه وغطاها بالدفى جلس جنبها وصار يمسح على رأسها ببتسامته :يعني كانت تحتفظ فيها لهالوقت مانسى هالربطات لانه يعرفها زين مازالت تحتفظ فيها وبالنهايه لبستها لبنته معقوله تكون هالانسانه غير عن طليقته معقوله تقدر تنتشل جروح قلبه ...دخولها بحياته فتحت عيونه على أشياء كثير كان غافل عنها.. انسدح جنب بنته ومازال يمسح على رأسها بحنان الخيبات تتوالى عليه من كل مكان خايف يفتح قلبه وينخذل مره ثانيه عقد حواجبه وهو يسمع همس جنى :ماما إبي ماما حركت رأسها وهي نايمه ثبت رأسها وضمها له غمض عيونه بألم :عارف يا بابا انك تبين والله عارف مسح على خدها وهو يراقب ملامح وجهها إلي هدت :ابوك خايف ينخذل خايف خيبات الحياه تغلفه من جديد وتوجعه قلبي مكسور يابابا ومات من زمن نزل رأسه على مخدته بتعب وهو يتكلم بهمس : محد يعرف الوفاء بهالعالم انطعنت بظهري وزاد انهزامي عارف ان محد بيسمعه او يخفف عليه لكن محتاج يطلع الي بقلبه دفن وجهه بمخدته وكالعاده يدفن معه خيباته ويحاول يتناسى الألم إلي يحتويه مايبي يبحث عن علاقات جديده ويرتبط فيها يكفيه انه عايش بدون مشاكل التعمق بالأشخاص صار بالنسبه له الم رأس يسوقه للهلاك .. """""""""""" واقف قبال الشباك بضياع وشتات زفر الهواء وطلع البخار بسبب فعل برودة الجو كتف يدينه وعيونه مثبته بالفراغ مثل حياته الفارغه وخيباته المتكرره ورى بعض إنهزامه يزيد اصراره على انتقامه للحين ماصحت و الشمس على وشك تطلع وتشق الظلام وتشرق على قلبه المكسور من جديد لف لجهتها وسند جسمه على طرف النافذه وظل واقف يحرك نظراته ما بين جسدها الذابل ومابين جمود احساسه ياهالشتاء الي متى ناوي يسرد دفاه عليه ينتظرها تصحى وتفتح عيونها مافيه حيل يجلس ولا حتى يوقف ولا حتى يهدى روحه ثايره وأحاسيسه ملتهبه نيران متى ناوي حظه يتعدل جمدت مواقيت الزمن عنده مع هالشتاء وعانقت قلبه تناهيت الاوجاع مابقى له سوى صوت يناديه من بعيد وعيا يوصله همس بصوت مبحوح : امانه ياالشتاء قلي متى ناوي تفرش معي احاسيس الراحه متى تجمد مواقيت الالم عندي عجزت امشي مع الحرقه ..قلي متى بتبني معاي بيت واعانق معك مساء الامنيات .. قرب منها ووقف قبالها مال بجسمه لها حتى صار وجهه قريب من وجهها ظل لحظات يتأمل الهالات الغامقه إلي تحت عيونها بتأثير السم حرك يده على شعرها المتناثر بإهمال رفعه فوق ووضحت له رموشها الكثيفه ياهالعيون الي خذت قلبه وروحه تكلم بنبرة رجاء :يلا قلبي افتحي عيونك الشمس تنتظرك تبي تشوفك وتنشر للبشر نورك عض على شافته بقوه عارف انها تعبانه وهو بعد تعبان ..تعبان حيل جلس جنبها ومازال يمسح على وجهها وتراتيل القهر تحتويه :ماراح اسمح لهم يقربون منك ولا احد يقدر يمسك بشر بعد اليوم انسدح جنبها وحط يده على بطنها نزل رأسه جنب رأسها وغمض عيونه خايف من الفقد خايف ان شعور محمد يراوده هو بعد ..وده يغفي ويحسب نهاياته ويعدل بها تشاتيته لكن احلامه تصحيه دوم على غفوة معاناته وتبرق عليه سماء الهموم وتمطر بخيباته ولامنه ضحك نابه شارفت حياته على توابيته ورحه ضاعت مابين تنهايت وشكى وبكى وشي مايوصف تعابيره ... """"""""""""" أحيانا تموت رغبتنا بكل شي حولنا ولانقدر نسوي شي سوى العبور بصمت... مررت عيونها على رسالة راكان الجافه اول مره يخبرها بشي عن طريق رساله اول مره يكتب لها بهالاسلوب تنهدت بحزن دفين دامه اخذ اخوه وطالع فهاذي فرصتها تقدمت من علاقة الملابس سحبت عبايتها ولبستها بعجله طلعت بخطوات سريعه نزلت مع الدرج وتوجهت للشارع مررت عيونها بضياع تدور تاكسي لكن مافيه امل تلقى جوات الحي زادت بخطواتها وصارت تمشي طلعت على الشارع العام بعد تعب من المشي وقفت على الرصيف وعيونها ترتجي وجود تاكسي تنفست بقلق وهي تشوف سيارة الاجره من بعيد أشرت لها بيدها واستوقفته ركبت والخوف يحتويها من الجاي مدت له العنوان وهمست بصوت خافت :خذني لهالمكان.. مشت السياره وانفاسها ترتفع وتنزل قررت تكسر الخوف قررت تبعد نفسها الضعيفه لازم تقوى ماراح تظل الانثى المكسوره لان وراها سند يحميها مرت ساعه تقريبا وتوقفت السياره قبال القصر الكبير رفعت نظرها تتفحص كل شي قبالها انشدت عروقها واعصابها تلفت وهي مابعد اقدمت على اول خطوه مدت للسائق الفلوس :انتظرني شوي وراجعه نزلت بتردد وهي تشد على شنطتها تقدمت من البوابه الكبيره للقصر لكن استوقفها أحد الحرس :وش عندك شدت على شنطتها زود وتكلمت بإرتباك: الذيب موجود حك ذقنه بحيره محد يعرفه بهالاسم الا أعضاء العصابه تكلم بهدوء: مين نقول له بلعت ريقها الجاف :ماله داعي تقوله خبره ان وحده تبي سالم او الذيب ضغط على السماعه إلي بإذنه وبعد لحظات اشر لها :تفضلي موجود انفتحت البوابه ودخلت بتردد كبير لازم تحط حد له وتبعده عنهم اول مره تتجرأ وتجي لعنده اول مره تقرر مثل هالقرارات القويه لكن ظهوره بحياتهم يعادل غيمه مشبعه بالسواد ويمكن تمطر عليهم بعواصف وتعرضهم ل اضرار وخيمه وبالاخص راكان زادت بخطواتها داخل الحديقه الكبيره وقفت قبال البوابه الداخليه المصممه الاكترونيا انفتح الباب تلقائي توسعت عيونها وهي تشوفه جالس بوسط الصاله الكبيره وحاط رجل على رجل وكأنه ينتظرها وعنده خبر بجيتها ركزت بنظراتها عليه نفس النظرات الحاده نفس جموده المعتاد تحركت رجولها بثقل ودخلت بخطوات مهزوزه .... ، ، ، انـتـهــــى الـفـصــــل اتمـنى- ينال… على' اعـــــجـابـكــم} والـقـادم< اجــمـــل: باذن الـله* اراكــم؛ تهمــــــنــــيـʼ وتـعـليقاتكــــم؟ بعـد\ اتـمنى› لكم‘ قراءة¨ مـمـتعة و< انـــتـظر« تـعـلـيـقاتـــــكم' بشـوق تحـيـااااااتـــي› عـيـون الــــريم ^_^* | ||||||||||||
|
| |
|
06-12-18, 02:24 PM
| #1134 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  لااااا ضفت الفصل واختفى نصه 😱😱😱 | ||||||||||||
|
| |
|
06-12-18, 02:47 PM
| #1135 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| فيه مشكله بالمنتدى من تنحل باذن الله راح انزل الفصل من جديد كل المشاركات صارت كمليها بليز 😭😭 | ||||||||||||
|
| |
|
06-12-18, 05:38 PM
| #1136 | |||||||||||
| نجم روايتي  
|  الذين يشاهدون محتوى الموضوع الآن : 6 ( الأعضاء 4 والزوار 2) موضى و راكان, آهة حزن, nes2013, ام احمد ورؤى  الذيب أخذ خطوات سريعة جدا لقهر سعود وبدأت الالام مشعل بدأ باحساس النشوة و الانبساط و القادم أسوء أم راكان أخذت خطوة جريئة بذهابها للذيب ربنا يستر فصل ممتع لكن مؤلم | |||||||||||
|
| |
|
07-12-18, 07:46 AM
| #1137 | ||||
| مشارك مميز بأسماء أعضاء روايتي 
| صباح الخير 🌸 جمعة مباركة چان ودي بداية نزول البارت أقرأه واعلق بس المنتدى أمس ماكان يشتغل عندي عموما بارت نوعا ما حزين مسكين محمد والذئب اكيد وراه شي كبير بسبب هاي الخطوة الي سواها بس اكثر شي شاغل بالي هو مشعل يعني أنا شاكة أنهم جاي يخلوله شي بالشاي علمود يعودونه عليه بأنتظار البارت القادم | ||||
|
| |
|
07-12-18, 06:43 PM
| #1138 | ||||
 
| السلام عليكم ورحمة الله وبركاته مساكم الله بالخير وصحه أن شاء آلله جمعه مباركة عليكم مسكين محمد كثير وجعني فراق أمه هي هاجر الله يأخذها يارب والذئب شو بدو من راكان هلا عم يحكي معو في هل وقت بدأت ليكون طق فيه عرق المحنه على الولد يلا خلصينا منا الله ياخد ومشعل يالله يفك من عزام هذا أكيد الذيب هو يا لي بعته ليه وهلا تحياتي ليك وتسلم يدك على هذا البارت بما انا حزين مع السلامه | ||||
|
| |
|
07-12-18, 07:23 PM
| #1140 | ||||||
| نجم روايتي وكاتبة بمنتدى قلوب أحلام وقاصّة بمنتدى قصص من وحي الاعضاء،حارسةوكنز سراديب الحكايات وراوي القلوب وقلم مميزبالقسم الأدبي 
| تأخرت بالقراءة معاكم...باقي فصل أوفصلين وبكون معاكم على الأكيد... وشكله من التعليقات أنها ولعت يسعدلي أيامكم | ||||||
|
| |
 |
| أدوات الموضوع | |
| انواع عرض الموضوع | |
|
|
29Likes
.png)
العرض العادي
