26-01-17, 03:49 PM
| #141 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  اقتباس:
ياهلا بك سمو يالبى هالطله هههه إلا درينا عنك منوره دوووم يسعد مسائك بكل خير يالغلا تسلمين لي يازين الي منتظره الله يسعدك مثل مااسعدتيني خجلتيني بكلامك الطيب منبعك يالغاليه  التعديل الأخير تم بواسطة عييون الريم ; 26-01-17 الساعة 04:17 PM | |||||||||||||
|  |
|
26-01-17, 04:03 PM
| #142 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
 | |||||||||||||
|
| |
|
26-01-17, 04:14 PM
| #144 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
ياهلا فيك عزيزتي راح ينزل بعد نص ساعه كوني بالقرب غاليتي أسعدني تواجدك منوره التعديل الأخير تم بواسطة عييون الريم ; 26-01-17 الساعة 05:13 PM | |||||||||||||
|
| |
|
26-01-17, 04:57 PM
| #145 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  السلام عليكم ورحمة الله وبركاته يسعد مسائكم عزيزاتي دقائق ويكون الفصل نازل قراءه ممتعه للجميع ❤❤❤ | ||||||||||||
|
| |
|
26-01-17, 04:58 PM
| #146 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ضاقت الدنيـا بعيني وذبلت أوراق العمر وانكسر قلبي بحزنــــي وصاحت أمواج البحر أنـــــدفــن فرحي وجـرحي ومــات مــــن قلبي الـصـــبر الزمـــان الــــلي هجـرني ابـتلا قلبي بسهر انسجن همي بصدري وغابت أصوات القهر كل ما فينــي تعثر وذاب بكفوف القدر آه يــــا غربت زمــاني .. آه يا آخر عمــر ذبلت أزهاري بصدري وغابت أنوار الفجر يا طيـــــور الحــــزن خلــي أندفن بصدر القبــر لـــملمي آخر شتاتي وضمدي روحي بصــبر أرحلي لآخر سمآي ولوني كــــوني بزهر الطيوف اللـي بمنــامي كذبة في ظلم وهجر يا طيــور الحزن فرحي ينتــظـــــر مني نظر يرتمي بداخل صروحي و يشتكي ضيم السفر دوني همــي بكفوفـــــي واختمي حكم القدر وانثر دمـوع الــسحايب واسقي أوراق العمر آه يا جرح الليالي ما بقا عندي عذر أكتم أهـــات الــجروح ليـن ينهيها الــــقدر ""ا٘لۤــفصل الثۤانْي "" دخل البيت وهو يمــــشـــي بخطوات ثقيله صوت أنينها يتردد عــلى مسامعه ماهي بنـيته ياذيهـا واللـــــه مايبـــــي يضرها شد على يده وعض علـــى شفته الـسفليه بألم من شافها ضامه نفسهـا وطايحه ب الــــرخام البارد تقدم منها زود وجلـــس على ركبه قبالها مـــد يده بـتردد وحطها على كتفها وتكلم بنبــره كلها حزن :وريـــــف مارفعـــــت رأسـها وريف ابد حـــــست بــيده و زادت شهقـــاتهـــــا وشلون يضربها ويرجع لها بكل سهــوله وماكأن شي صاير هذا حــالها مع حسام إلا متى بتظل كذا إلى مــتى بتسكت وتـــقول الجــاي بيكون احسن واحسن حست بـــــيدينه ترفعها عن الأرض رفعت رأسها له وصرخت بصوت باكي :أبعد عنـــــي حســــاااام تكفى مـــــاابي اشـــــوفك يااخي خلاص النفس عافتــك والله عافـــــتك أبعد حسام يدينه عنها وقلبه اوجعه من كلامهـــا :وريف اســـف ماكنت ابي أذيك اعتدلت بجـلستها وكل جسـمها يـــألمها سبــــب لهـــا علامـــــات من كــثر الضرب ماهــي اول مره يسويها ضحكت بسخريـــــه من بيـــن دمــــوعها :هـــــههه اسف وين اصرفها لك حــــسام قلت ماتبي تاذيني أجل وش هذا رفعت يدها وأخذت الــــحزام الي جنبها وصرخت :قوووول وش هذا نزل حسام راســـــه وش يقول وش يحكي كل الي يبيه انها تـسامـــحه تسامحه وبس وقفت وريف بـــصعوبه ورمت الـــــحزام جنبه :ادري ماعندك كلام تقوله لأنك عارف انك غلطـــان وعارف انك اذيتني بما فيه الكفايه حسام تكفــى لاتنسج لي أعذار بـعد اليوم ماابي اسمع منــــك شـــي ابـــتعدت عـنه بخطوات بطيئه حيييل إلى مـــتى بتظل حياتها كذا تعـــــبت والله تعبت من كل شي صبرت والــــصبر له حدود ومصيره يجي اليوم الي يـــــنفذ فيـــه كل صبــرها دخلت غرفتها وتقدمت من سـريرهــا رمت نفسهــا عليه وزادت شهقاتها : آآآآه يارب رحمتك ياالله ارفــق بحالي رجيتــك ياربي ضــمت يدينها على نفســـها بإنكـــــسار وضعف الم قلبهــا أكبر وأقوى مـن ألم جسمها تحس بالوحـده الغـــربه وهـــــي بــبيتها وديرتـــــها مشتــاقه ل اخوهـــا متى يجي ويخلـصها من هالعذاب الي عايشه فيه معاد لها اســـــتطاعه تـــــبقــــى مع حسام أكثر مـن كذا كم مره يوعدها انه بيتعالج ويخلف بوعــده والأدهى من هذا انه ماهو معــترف بمرضه دوم يقسى عليها ويرجــــع يعتذر تعبت نبض قلبها يشتـكي في كل مره والوجع كل ماله يزيد أكثر وأكثر """"""""""""""" لولا ماأحس بداخل الصــدر دقات ما كنت أصدق أن قلــبـــــي محله أستغفر الله وشلون ذا القلب ما مــات وشـلون ينبض بعد ما راح خلّه آخر مصيبه زادة الطين بلآت فرقاً الحبيـب إلي له القلب كلّه قصة حياتــي أصبحت شبه مأســآت قصه حزينه والنـــهايه مـــــمله الكـــل صاروا بالمستشفى و عندهم الخبر الي قسم ظهورهم حالتهم لاتسر صديق ولا عـــــدو انقــلب يومهم الي كله سعاده لـــحزن أبو رعد انــــقتل والقاتل مجهول صحت وعد ورفضت تجلس بالـــــمستشفى وكل كلامــــها أن سعود قتل ابوها محد رد عليــــها ولأحد صدقـهـــــا كلن يحاول يهدي نـــــفســه يامكبر صدمتــــهــم راح الـــولـــد و الأخ والأب والزوج الحنون الي الكل يحبه قلبه الطيب راح وتـــــرك هالدنيا بماافيها مرر نظراته رعد على الكل ونزل رأسه وصار يمـشي بثقل لحتى طلع من المستشفى حالتـــــه حاله الي صار اليوم كأنه حلم ماهو حقـيقه ماقدر حتــى يأخــذ أحد من أهله زيـــن وعــــمه سلطان تكـــــفل فيهم ركب سيارته وحرك بلا شعور و بدون هدف حس بنفـــسه موقف قبال المسجـــــد الي بحيهم المــــسجد الي كـــــل يوم ابوه يصلي فيــــه وماعمـره فاتته صلاه رفـــــع يده وناظر ســـاعته بمثل هالوقت ابوه يكون بالمسجــد لأذان الفجر نزل رأسه على الدركســــون لحظات و مخــــه متوقف عن التفكيـــــر فـجاءه تسلل لمــسامعه صوت الأذان الي يريح القلوب الـــلـــــه أكبر اللـه أكبر، الـــــله أكبر الله أكبر أشهد ان لا إله إلا الله، أشهد ان لا إله إلا الله، أشهد أن مــحمداً رسول الله، أشهد أن محمداً رسول الله، حـيّ على الصّلاة، حيّ على الصّلاة، حيّ على الـــــفلاح، حيّ على الفلاح،الله أكبر،الله أكـــــبر، لا إله إلا الله". صار يردد ورا المؤذن ودموعه تنزل بــصمـــــت على خده خلص أذان رفع راسه مـن على الدركسون بثــقل مرر يدينه على وجهه ومسحــه بألم يحاول يـــــصبر نفـــسه ويستوعب المصيـــــبه الي هم فيها ياالله يـامكبرها روحة الاب فتح باب ســيارتـــــه ونزل تـــــوجهــه لدورة المياه توضأ وبعدها دخل المسجد بإنكسار حــــزن انتبه للمؤذن واقف ويــــناظر له رفع رأسه له وزادت دموعه :عمي تقدم منه أبو أسامه ووقف قبالـــه بــــإستـــغراب وتسأل :رعد وش فيك رعد ببحه :ابــوي عطاك عمـره انلجــم لسان المـؤذن هو يـــــعرف أبو رعـــــد من زمن صديقه وخويه حس قلبه يتقطـع ومن شاف ملامح رعد المــتألمــه تألم زود هز رأسه بحزن :إنا للـــــه وإنا اليه راجعـــــون إنا لله وإنا اليـه راجعون بلع ريقـه أبــو أسامة بصعوبه :كــــل نفس ذائقة الموت ياولدي وهذا مصيرنا مهما طال الزمن أهدى انت المفـروض تـــــكون قوي وتوقف مع أهلك وتكون الســــنـد والعون لهم صـــلـي لك ياولدي ركعتين وادعي الله انه يرحمه ويغفر لــه هز رأسه رعد ورفــع يده يمســــح دموعه ابتـــــعد عن المؤذن واسقبل القبله وكبــر وبدأ يصلي بخشوع ويدعي عسى الله يربط على قلوبهم ويصبــرهم علــــى فراق غاليهم """"""""""""" طلع من غرفة أخوه بــــعد ما تأكد انه نام هاذي عادته مايرتاح لحتــــى يــشوف بدر نـــــايم ومرتاح قــــفــل الــباب وراه وتقدم كم خطوه يبــــي ينزل للحديقه يبي يختلي بنفسـه نزل الدرج بهدوء ومن صار تحــــت انتبه لأمه جـــــالسه بالصـاله وبيــدها ظـــرف ابيض تــقــدم منــها بسرعه وســحب الظرف من بين يديـنها وصار يقلبه بين يده :يـــــمــه مره ثانيه نفس الظرف ام راكان رفــعت نظرها لولدها الــــي واقف جنبهــا :راكان راكان نـاظر لامه بــــحنان وتكــلم بنـــبره هاديه :يمـه قـلت لـــــك لاتـــــعلقين أمالك بـــأبوي ابوي راح مـن زمن ونسانا نساك ونســـــى أن عنده عيال ومستحيل هالظرف الـــــي يوصل كــــل شهر يكون منه ام راكان بـــــأمـــل :يمـكـن يكون هو راكان ميـن له مصلحـه يرسل لــــنا كل شهـــــر فلــوس ومبلــــغ كبيــر ماهو مبـــــلغ صغير هز راكان كتوفه بحـيره :الله العالم يايمه بس فكرة انه يكون ابوي الي يرسل شيلـــيـها من بالك ام راكان وقفت ومــــدت يدهــا :طيب هاته راكان بتسأل :وين بتحــــطــــينه ام راكان بـحزن :مع باقي الـــــظروف ياولــدي مانبي نفتح أي ظرف احنـى مـــــو بحاجــــتها وإلا مايـــــجـــــي يوم ونعــــرف مين هالمجهـول ابتسم راكان وقرب زود من أمه حط الظرف بيدها و انحــــنى لها طبع بوسه على رأســها بهدوء :يافديتك يـايمه جعل يومي قبــــل يومـــك ياغـــــلاتي ابتــسمـــت ام راكان بحب :بسم الله عليك يــــاولدي والله يبلــغني واشوفك مــــستـــــقر بحياتـــــك ومتزوج ماادري متـــى بتلـين رأسك وتخليني ازوجك وافرح فـيك ضحك راكــــان بــــخفه :ههههه رجـعنا يمه على نفس الموال أن شاء الله يالغاليه أن شاء اللـه كل شي بوقته حـلو صح ابتسمت ام راكان بحب :أن شاء الــله ياولدي والحين تـــبي شي قــــبل لا أروح انـام راكان بهدوء :ســلامتــــك يـــــالغاليه نوم العوافي ابـــــتعدت عنه أمه بهدوء ومن اختفت عن انظاره هز رأسه بيـــــاس وحط يدينـــــه بجيوبه وصار يمــــشي طلع للحديقه وتقـدم كم خطوه جلس بالجلسة الصغيرة الي بوسط الحديقه طلع يده من جيــــبه و سندها تحت ذقنه وكــــل تفكيره بأمـــــه والظرف الــي يوصلها من له مصلحه يرسل هالظروف كل شهر وبنفس اليوم معقوله يكــون ابوه لا مستحيل يكون هو مستحــــيـــل انسـان لامبالي ترك زوجـــــته وعــــياله من زمن يرسل لـهم هــز رأســـه بالنـــفي : لا ياراكان مستحيل يكون هو ضحك بسخريه :هههه يبــه وينك من زمن يـــــامـــقوى قلبك معقوله الحــــيـــــن تذكــــرنا آآخ ادري انك ميت من زمن بنظري أنـــا ماعـــندي إلا أم أم وبس التعديل الأخير تم بواسطة rontii ; 26-01-17 الساعة 10:51 PM | ||||||||||||
|
| |
|
26-01-17, 05:00 PM
| #147 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| مرت يومين بـــــســرعه ثقيــــله ومـــؤلمه علـى الكل تمت مراسيم الـدفن والصلاه على أبو رعد وبدأ إستقبال المـــــعزين ببيت أبـــــو رعد أيام العذاب هلت وصارت تمر مثل دمــعة المـــوق ماهي كـــــل نفس تـملـــك الي تريده لآصـار شي يبعد النفس ويعـــوق هاذي قصة الحرمان جت وحيده واسيره تبي ترحل وتمـتطي بعد المسافة لكن المكتوب مامنــــه مهرب ولو خان الزمن بجـهة الـــــحـــريم جالسه بالوسط بـــــينهم منطـويــــه على نفسها وعــبراتها تسابق دمـوعها وشهقـاتهــا واضحه للكل محد يلومــــها عــــيونها تورمت من الدموع تناظر بـــالفراغ وحولها الكل أمهـا جــدتها ديما وريف لميس وبـــعض المعزين كلهم مايـــــقلون عنها بـــــحزنهم بس هي غـــير غير عـــن الكل في قلـبــها الم وحسره من الحزن شافــــت ابوهــا وهـــــو ميت شافته غرقان بدمه أخذ روحه الله يأخـــــذ روحـــه عارفه ان سعـود الــي سواها ليش الــكل مكذبيـــنها ليييـش نبـض قلبهــا يوجعها وأنـــين الــــفراق هدها أقســى ساعات من حياتها راحت ليـــتها ماكانت ياليتها وياليتها ماصارت ماتـــدري هل هو الم الفراق الي يحدد الذكرى وأيام السعادة الي راحـت ولا حظها البليد بهالدنيا ابوها كان يجلس جنبها قبل كم ســـــاعه يسولف مـعها يمسـك يدها يناظر لها بـــنظرات حانيه لكن فــــجاءه انهـدم كل شي و اللحظات الجميله تلاشت هذا الفراق آآآه و آآآه ياشيـنهــا هاللحظــــات هــاذي هي الدنيا تسمعهم يقولون هاذي الـــدنيا بعد اللقاء فراق أبدي ومافيه لقاء إلا في يوم الحساب بس وشلون بتصبر على فراق غاليها وشلون تصبـــــر بـــعد روحت نور عـيونها وبلسم جروحها ومالـك قلــــبهــا انتبـهت لأمها واقــــفه ولابسه جلالها ومـــتغطيه وجدتها متسنده عــلى عصاتها وواقفـــــه وديما بـــــعد متغطيه لـــــفت يميـــــن ويسار ماشافت أحد من البنات والمعزين شتت انظارها على الكل وانتبــــهت لرجال داخلين عقدت حواجبــها ووقفت تقدمت كم خطوه وقفت قـــبـــال عمها سلطان من غيـر ماتنطق ولا كـــــلمه مررت نــــظراتها الـــــي كلها تسأل عليه و مشت كم خطوه وقفت قبال تركي ووجهت له نفس النظره تقدمت من نواف ووقفت قـباله ارتجفت شفاتهــــا زود وهي تلمـح ســــعود واقف جنبه وشلون يقتل القتيـــــل ويمشي ب جنازته ابتعدت عنـه وماكأنها شافته قــربت من رعد رفعت رأسها له وعيونها تــــنحجب عنها الرؤيا من الدموع تكلمت ببـــحه :رعـــــد وين ابوي مااشوفه معكم رعد نزل راسه وغمض عـــيـونه بألم ومانـــــطـق بأي كلــمه رفعت وعد يدها ومسكت ثــــوبه وشدت عليه :قــلت لــك وين ابوي هو معكم صح جاء ايه أعرفه يــحب يــسوي لي موفجــــآت لفت جهة عمــها برجاء :صــــح يا عمي هو بــرا صرخت وهي تـناظر تركي : تركي ابوي جاء هو قال بجيك هو قال شوي واجـــــيك ادري فيه مايكذب والله ماعمـــره كـذب ناظرت نواف ورفعت يدها تمسح دموعها الي تـمنعها من النظر وشفايفها ترتجف :نواف انت جيت زياره صح ماجيت تحظر عزا ابوي صح هو بيجي والله بيجــــي قال روحي وانـــــا أجيك ليش مــــاجاء لييش ماقدر رعد يمنع دموعــه اكثر من كذا نزلت بــألم قهر مد يده وسـحبها لحظنه وحـــــاوطها ب ذراعه وبنبره كلها حزن :وعد أدعي له بالرحمة ابـــوي محتاج الدعـــاء راح والله أخذ أمانته وهذا يــــومه لا تعورين قلبي وتوجعينه زود يكـــــفي يااختي يكفي ابتعدت عنه وعد وشهقاتهـا تزيد وانفـــــاسها تتسارع صرخت بصوت باكي :وشــــلوووون طااااوعتكم قلوبكم ترمون عليه الترااااب وشلـــــووون تتركونه لحاله ماعندكـــم قلوب ابي ابوووي يبـااااه آآآه يبه تكفى تــــعـــــال بنتك تبيك والله تبييييك ناظـرت لسعود بحقد ولفت تنـــــاظر الكل ابـــــتـــعدت كم خطوه للخلف وصارت واقفه بالنص رفعت يــــدها واشرت على سعود وهي ترتجف :هــــو ذبحه رعد نواف تركي عــــمي سلطــــان ولدك الي ذبحه والـــــله انا شــفته شفته عــنده و السلاح بيده هو الي حرمني من ابوي هو الـي يتـــــمنا هـــو الي أطفى شــــموع سعادتنا هو سعـود ضحكت من بين شهقــاتهـــا وكأنــها انجنت :ادري محد ب يــصدق كــلامي ادري والله ولدكم الأمـــير الي بنـــظر الكل ملاك ومايــغلط ذب قاطعتها ام ســـلطان بحـــــده وهي تضرب ب عصاتها بالارض :وعد وش هالــكلام سعــــود مايسوي الشين يابنتي وعــد رفعت يدها تمــسح دموعـها بإنــهـيار :هالكلام الصحـيــح ياجده ولا انتي مــــثلـهـــم ماتـــــبــين تصدقين الأيام جايه وراح أثبت انـه هو الـــــي حرمني من ابوي جاها صوت سعود الغاضب إلى هنــا وبس تـتهمه وتــــزيد جروحه تظـــن انهـا هي الوحيدة الي متأثرة ماتشوف الكل حولها حزينين يكفي الي فيهم تجــــي هي وتزيدهم فوق ألمـهـم وحزنهم بكلامها تقدم منها بخطوات سريعــه ووقف قبالها رفع يده بتهديد وهو ينـــاظر لها بـحده :وعد اسكـــــتي ولا كلمه انتي مو فاهمه شي لاتحــــكمين عـــــلى احد ظلم قلـــت لك مــــاذبحت عمي وكل شي واضح للشرطه فاهمه انا مالي يد بالي صار وصرخ بصـوت هــز البيت:تفهميــــــــــــــ? ?ــن هـزت رأسها وعد بالنفي والكلام كله ضاع منها من شـــافت نـــــظرته الحــــاده الي دوم تــــسـبـــــب لها الرعب وصوتــه القاسي غمضت عيونها بحراره الكــــل ضـــــدها محد مصدقها وينه حبيبها وينه الــــي دوم يوقف بصفها حتى ولو غلطانه وينه اشتاقت له حييييل لفـــــت عنهم وابتعدت بــخطوات سريعــــه وطلعت ركض لغرفتهـــــا تبي تختلـــــي بــــنفــــسها تبي تبعد عن الكل تبي ابوها يمكن لاظلت لحالها يحن عليها و يـرجع مع انها عارفه انه فارقها للأبد لكن وش يفهم قلبــــها وعلقــها الي متعلق فيه يــا مصعب لحـظة الفراق في هالوقت كل كلمــاتها انتهت واكتفت بـــــالدموع تعبر عن الي بداخـــــلها حزن الـــقلب ودمــــعة العيـــــن ورجوع الذكريات هي الشي الوحيد الي بقى لها بــــعد فراق ابــــوها """""""""""""""" ترك الكـــــل يمشون بعد الدفن وتقدم بخطـــــوات ثــقيله وكـــــأنهـا محمله ب اثقــال طـاح على ركبه قبـــــال قبر أبو رعد وشــد على يده ودمعته نـزلت على خده كل الي صار يدل على ضعف إيمانه الذنب اثــقله وضميره يــــأنبه وذابحه رمل زوجــه ويتـــــم عيال الي ســـواه مايغفر له ابد من بعد سواته حس أن الاكسجيـــــن انعدم عنه وكأن روحـــــه راحت مع أبو رعد ياسواد وجهه مايدري لو دروا عياله وش بيسون فيه لازم كل شي يندفن معه لازم بهالحظه يمحي كـــــل شي من ذاكـــرته سمع صوت جواله يرن دخل يدينــــه وطلعه انتبه لرقم مجهول عرف ميــن المتصل رفعه بثقـــــل على أذنه :نعم جاه صوت الـــضحكه الساخـره:ههههههـــــه والله وقدرت تسويهـــا يا.... قاطعه بنبرة حقد :الي بيننا انتهــى وانت وعدت ومااتوقع ان الـــــذيب يـــــتراجع عن وعـــده صح كلامي وإلا لا شــــد على نبـــــرة صوته الذيب :صح كلامك ههههه صح عــليك واهنيـك قدرت تنــفذ الـــمطــــلـــوب خـلاص روح بحال سبيلك والي صار لازم يندفن مع سعود وماكأن صار شــي ومبروك حياتك الجديده بس لو اعرف انك تلعب بذيلك من ورأي أقصه لـــك ايه وقبل لا اقفل لاتـــنسى تقـرأ معك الفاتـــــحه على قبر المرحـوم ههههههــهــــه سلام يا بطــــل فتح فمـه يــبي يـــــتكلم لكن قفل بــــوجهه رمى الجوال بالتـــراب :خـسيس انسان تافه بلا ضمييـير لـف وجهه يمـيـــــن ويـسار وصار يتلفت يــــمين ويسار عارف انهم ماراح يــتركونه إلا وش عرفه انه ب المقبره تنهد بهم ووقف انحنى وأخذ جــواله اعتدل بوقفته ونفض جواله دخله بجيبه وغـــــمض عــــيونه والاحداث تتكرر براسه نطق بهمس :سـامحني يا ســـــعود سامحـــــني حرمـــــتك مـــــن نـــفـــــسك وحرمت ناسك منك ابتعد عن القبر وصار يمشي بين القبــــور لازم يرمي كل شي هنـــا ب الـــــمقبرة قبل لايطلع وينسـى كل الي صار ويرجع مثـــــل قبل انسان خاااالي """"""""""""""""" رفع يده سعود يصافح احـــد المعزين ويرد عليه مــــجاملـــه وغصب عنه بـــــلع ريقه الجاف بصعوبه الــتفكير ارهــــقه وهد حيله منظر عـــــمـــــه وهو ينازع ويــــحاكيه مافــارقــــه ابد واللـــه مايــــهـنـــــى له بــــال ولايرتاح حتى يعـــرف مين الـــي سواها مـين الي حرمــهم من انسان غالي والي زايد ألمــه وعذابه أن وعد تــــتهمه بالقتل وشــــلون قــدرت تتهمه يعني حتى لو ماتبيه ماترمي علـــــيه مثل هالمصيبه صحيح شافت الســـــلاح بيده بس هــــذا مــــايعطـــــيها الحق انهـــا تحكم عليه ابـــتــعد بهدوء عن الكــل يحــــس انـه مـخنوق حــيييل انــتبه له راكان وهو يطلع من المجلس وقف ولحقه بسرعه عارف انـه متضايق وعارف أن الي مر فيه صعب خويه وحاس فــيه زاد بــــخطواته حتى لحـقه رفع يده وحطها عــــلى كتفه من الخلف يبي يــوقفه :سعود سعود وقف من حس بيد راكان وسمعه لف له وملامحــه تكتسيها الحزن و الهم :وش تبي ياراكـان راكان أبعد يده وتقدم منـه حتى صار واقف قباله رفع نظره له :سعود مـــــاعهدتك ضعيف كذا أســــتغفر اللـــه والــي صار صار ومهما طال الزمن راح نعرف القاتل تنهد سعود تنهيده طويله :اااخ ياراكان وشلـــــون نعرف القاتل ومافيه أي دلــــيل تركه إلا الـخاتم الي معــي حتى البــصمات مافيه واضح انه مااخذ كل احتياطاته هز رأسه راكان بهدوء :مصيــــره يوقع وانـــــا اخوك وانا بـــــحــط يدي بـــيـدك ونتعاون وملف القــضيه من الحـــين بمكتبي والتحقيقات جاريه مع كل الي يعـــرفون عمك بس انــت شد حيــلك وشوف وش ألـي عـــمك كان مخبيه ومين لــــه مصلحه بقتله ناظر سعود ل راكان بإمتنـــان :ماتقصر يالغالي راكان ابتسم بــهدوء يبي يزيل ولــو شوي من الحزن الي على قلب صديقه :من مـتــى الرسميات بيـــــنـنا أخ سعود سعود بهـــدوء :مافيني لهذرتك أخ راكان ممكن تتركني لحالي رفع يده راكان ودق تحيه لسعود :تفضل ضابـط ســعود تــــقدر تنصرف ابتعد سعود عن راكان بهدوء كلامه مع خويـــه خفف شوي من اوجاعـــه هو الوحـــيد الي يفهمه من بين الـكل ركب سيارته وحركـــــها بهدوء كبر وكبرت الهموم مـعه ياليت ماكـبر ولا شال هالهم الي يحــمله معه كلام عمه ووصــــيتــــه اثـقلته ظن أنه بيبعد عن وعد لكــن الحيـــــن مستحيل يتركها وهو وعد عمه آآآه ياليته بقى صــــغير ومــاكبر يـــحس انه صار انسان ميــــت الهــموم والآلام اثقلته مــــا تــخيّل أنه بيوصل بيوم لهالحـد يبي يتكلــم يقـول الي بصدره لكن مايـــقـدر ماتت أشياء كثير بداخله قبل مــايبوح فـيها مرحبا بالموت من اقصـاي مثله مــثل غيره مرحبا ترحيبة الي طاح وقدره واعتبـــاره من ظلام الكون في عينه الى ظلمه مـــسيره للـحظوظ العاثره لوعود بكره وانــتظاره حكم ذا الدنيا عــــلـي بليا ذنـــب ولا جريره جيــــت شك بلا ثبــــات وبليا جهد ولاشطاره ويمكن اني جيت نور وشوق واحلام كبــــيره ويمكن اني جيت نار وقيد موشوم بحظاره والا طفل وابصر ثم شاف الدنيا ضريره والا قــلب وشاخ جرح وبهـذل العالم وقـــاده وكلما روحي تعلــم كلـما تزداد حيره وكلما حيلـــي غرف لي زاد ذلي وانكساره آه ليتني ماكبـــرت وليتني تــــوي صغير والا يوم اني وصلــت كــــنت للرحله زياره والا يوم اني وصـــلت كنت بــــالدنيا جنيزه والا يوم انـــي حلمت مات حلـــمي في قراره والا يــــوم الوقت مــد كانت المده قــــصيره والا يوم الحظ مال بالغلط عدل مساره والا يوم اني عرفت مادريت انـــــي جديره والا يوم رقيت مااستحليت الصداره والا يوم اني بنيت وصارت عيـوني قريره ماهدمني مابنيت وشافت عيوني دمــاره والا يوم انها استدارت جيت معها مـــــستـــــديره والايوم انها استطارت ماتـــــجاسرت بجساره والا يوم الطيب صاح ومالقى قلب يـــجيره مااعتـزى قلبي وجاره ثم غدر باللي اجاره آه لـــــيتنـــــي ماعرفت وليت ماروحي بصيـره ليتنـي غصن تكسر يوم لوه باحتضاره كان هي واستطال ولآوصل فيــه تذيـــــره طولت روحي تعاني والشقـــــا طال اختـــــباره وشلت جرحي والعتاب وزنت والدنيـــــا مريره بالــحكي امشي معاهم وبالخفا ابكـــي بمراره ماتداويني الــسنـين ولاعلاج ولاجبيره مـايدآويني كود لآبكوا وقالوا خســــــــاره | ||||||||||||
|
| |
|
26-01-17, 05:02 PM
| #148 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| مرت لحظات صعبـــــه عـــــلـــى الكل المعزين بداوا يـــنقصون شوي شوي لحتى فضى الــــبيت والصمـــــت حـل بـالــمكان وقفت ديما وهي تـــــمسح دموعها الي تنزل بـــــصــــمت وتكلمـــــت ببــــحه وهــي تناظر أمها :يمه انـــــا بروح اشوف وعد رفــعت ام رعد نظرها ل بنتهـا رمشت بعيونها الحمراء من آثار البكاء :روحي يايمه روحي شوفي اختك من الظهر ماشفتها ابتعدت ديمــا عنهـم وطلعت ل أختهـا تدري فــيهــا حـــــساسه حيييــــل وماتتحمــل مثل هــــالمواقف يمـكن هي تكون أقوى من أختها صبوره أكثر ومؤمنه بالــقضاء والقدر رجع الصمــــت والهدوء بالـــــمكان وقـــــطـعه صوت جوال وريف الي يرن انتبهت له وريف طلعتـــــه من شنطتها ورفعته على أذنها بـهدوء من شــافـت المتصل :هلا نـواف طـــــيب اوكيه دقايق واكون طالعه لالا ماراح اتاخر ادري فــيك تعبان تـــــمام في أمان اللـــه قفلت ونزلت جوالها ب شنطتها وقفت بهدوء :ريوف خالتي غزيل هذا نواف ينتظرنـــي ام سلطان رفعت رأســـــها بهدوء:الله معك يابنتي ماقصرتي من الصبح وانتي واقفه معنا وريف بهدوء :واجبي ياخاله والمـــرحوم كان بحسبة اخوي ناظرت لها ام رعد بتسأل :نواف بينام عندك ولا عنــــدنا وريـف هزت رأسها بهدوء :بينام عــندي يلا اختي تامرين عــــلـــى شي بكرا أن شـاء الـله من الصبح آكون عـندك ام رعد ببحه :مايامر عليك عدو أن شاء الله انـتظرك الـصبح حبــيبــــتــــي مررت لميس نظـراتها عليهم بهدوء الصمت عادتها ويمكن هالشي الي يميزها عن الكل حتى أن لغة الصـمــت هي وحده من لغاتها والصمت عنوان تسطره في أبياتها من غيـــر كـــلام حتى تفهم محــــتويات هالدنيا القاسيه والي يعرفـــــها يفهمها ويعرف الاجابه مـــــن عيونها قلبها فيه نـــــار مشتعـــــله وش جـــابه وش رجعه بعد سنـــتين بعد ما حرمها من اخوها وسافر خلاها مـــــعلقة لا طـــــلقها ولا تركها تروح بحال ســبيلها عافته معاد تـــبيه حرمها من أغلى ناسهــا راح و تركها لاهو وأسها ولاسمعها عارفه انــــه هو الســـبب حتى لو الكل معه حبـــــه بقلبهــــا تبدل كره وحقد انـــــسان لامبالي متــــهور وقفت وهي تمنع عبراتها مجرد بس ذكر اسمه يوجعها تكرهه وتحن له ماهي عارفه وش بالــــضبط الــي تبيه تشتاق له وماتبي قربه تحـس كــل هالدنيا ضايقه فيها أخذت جـلالـها الــي جنبها ولبسته وطلعـت الحديقــه يمكن لاشمت هواء تخف احزانها وألآمها مشت كـم خطوه وضمت يدينها على نـفسها ودمعـــتها تـــنـــــزل مــن غير توقف علـى خدها كتـــــف يدينه وهو ينتظر وريف لـــــكن لــــمح هالبنت الي طلعت يعرفها زين وشلون مايعرفها وهي صورتهـــــا مطبوعه ب ذاكرته شوفــــتها فتحـــت له جروح الماضي عدل وقـــــفته وصار يــــرمش بعيـــــونه باقي يبي يســتوعب انــه يشوف لميس أخذ نفس طويل ايه هاذي هي والله مـا يتهياء له هـــــاذي حبيبته هاذي هي الي ظلمته وظلمت نفسهــا و نســـــت كل الحب الي جـــمعهم نست اللحظــــات الحـــــلوه اااخ بس لو ما كـــلامها كان ماتركها ابــــد غمض عيونه بالم ورجعـــت فيـــــه ذاكرته لـــقبل سنتين ~ ~ ~ ~ دخل عنـدها بالمجلس توه طالع من الـــمستشفــى يبي يواســيهـــا يــبي يعتـــــذر منـــــها داري أن الاعتذار ماراح يفيد لكن الــي صــــار قضاء وقـــــدر والكــــل معه الندم يــــذبحه يدري أنه كــسرهـــــا وكسر قلـــــوب الكل لكن ماهو بيده الحادث الي صار لــهـــــم هو وتركـــــي وريان شنيع والضـــــحيـه ريان راح فيه يدري انه كان بهاذيك الـــــلحظه متهور وألقى بنفــسه و نفوس غيره للتهلكــه ظــــن أن هالشي مجرد تــــسليه سباق السياره والتـــــفحيـــط هـــــوايته لــــكن وش استفاد منها غـــير أنه فقـد انسان غالي اوجع قــلبه وقلوب أحبابه وقف يناظرها بـــــحزن وهي جالــــسه على الكنبه وتـــبكي بإنهيار تقــدم منـــها كم خطوه وتكلم بنبـره حــــزينه :عظم الـله اجرك رفعـت لميس نظرها له عقدت حواجبهـــــا ووقفت قبــــاله من غير ماترد شتت انــــظارهـا عــلـــيه الـــكدمات الي بوجهـــــه واضحه حيـــــييل رفعت يدها ومررت يدها على وجهه ارتــجفت شفاتها زود وهـــي تتحس وجـــــهه تـــــكـــلمت بنبره مــــستهــزئه:تتألـــم نــواف نزل نظره تحت مـاهو قادر يحـــط عيونه بعيونها يدري انها تعاتبــــه ب هالكلمه :وش رأيك ابعدت لميس يدينهــا عـــــنه ورجعت كم خطوه للـخلف :رأيــــي مــــن رأيك نواف ابعد عـني عقد حواجبه نواف وقــلبه صار يدق بسرعه وش تقول هالمـجنونــه تبي تهدم حيــاتهم :لميس وش هالكلام انتي عـارفه ان كل شي صار قــضــــاء وقدر انـــتي ماتؤمنين بــالقــدر هزت رأسها بصوت باكي :أومن بالقدر اؤمن لـــكن لــه أسباب نواف انت السبب بموت اخوي انت قلي وش اســــتـــفدت من تهورك وش اســـــتفدت من التفحيط والـــــسباقات قـــووول ركز نواف نــــظره عليها وتكلم بألم :لو مت كــنــتي بتقولين هالكلام ابتسمت بسخريـه من بين دموعهـا :هـــــه انت انت مت بنظري نواف معاد له أي وجود بحيـــاتي راح راح مع ريان اخوي أخذه تهوره منـــي ابعده القدر عني صرخت بحقد :ااابعــد روح لأبعد حد ماابيك قريب مني ماابيك حولي ياااخي عفتك وعفـــــت طاريك ريان مات بـــســــببك وتركي بـــالمستشفى بين الحياه والموت وانت هنا تــــعتــذر ياامقوى قلبك يامقواه كلامها كأنه سكاكين تتفنن بطعونه مادرى أن محبـوبته تفكــــيرها سطحي جدا ماتدري انها بكلامها هذا تـــجــــره للموت ببطئ تفننت بـــــتــعذيبـه وزادت جروحه كــــان يسمع ب سم الهواء مع بلاويه واليوم ذاق سم حبيبته وصدها همس بألـــــم :لميس وش هالكلام ابتـــــعـــدت لميس عنه وتعدتــــه وهو واقف وقــبــل لاتطلع من المجلس لفت له :قبـل لا اطلع نواف طلــقــني دامنا على الـبر ناظر لها بإنــكسار خذلته حيييل كان جاي يبي يضمها يبي يـــقولهــا وش كثر يتألم وش كثر موت ريان أثر فيه يبي يعتذر منـها على تــــهوره يدري انه غلطـان وربي يغفر له وهي حبيبته ماتغفر لــه زلــــته شد على يــده بـــألم وتكلم بهدوء : تحـلمــين لــــميس طلاق ماراح أطلق ولو تبقـــين طول العمر علـــى ذمتــي بس البعد ابشري مــــن اليوم أبعد من اليوم بختفي عن نظـرك وعن الكل واذا مت بيوم مــن الايام بــتــتحرريــن مني من نواف الي عشقك بجنون بس تدريــن انك خذلـتي قلب هواك يالميــــس خذلتـــيه مـــــر من جنبهــا بـــــسرعه ضرب كتفه ب كــتــــفها وكان قاصد هالحركه يمكن تحس فــيه يمكن تـصرخ وتـوقــفه وتــمنعه انه يبـتعد عنها لكن خابت كل ظــنونه ~ ~ ~ ~ رجعــت فيه الـــــذاكره فتح عــيونـــــه والــحزن يتغلغل ب أعمـاق قلبه انتبه لها واقفه قباله مايدري من متى وقفت قبالـه يــمكـــن حنت يمـكن اشتاقت له مــــثل ماهــو مـشتاق وذابحه الحــنين لها تكلم بهــــمس وصــــوته كلـه ألم وحـــــزن : هـــــلا بقـصة عذابي الي ما جرت على الكيف يآما شكيت الحــال مـما جرالي مالي بــالسعـــاده عناويـــــن وما للسعاده في حيـاتـي مـجال أحمل جروحي وأحــبس الدمع بالعين وأشكــي فراق إلي عـــــلــى الروح غالــــي ماتــــدري وشلون وقفت قباله من شافتـــه رجولها ساقتها له كـــانت تـــــبــــي تهــــاوشه تطرده تقول له وش كـــــثر تكرهه لكن من وقفت قباله ضاعت كل الكلمات بدأت تتـأمل طولــه الي يجذبها جسمه المصقول شـعره البنــي الكثيف مــــلامحه الهاديه عـيـونه البندقيـــــه الناعسه زادت دموعها من كلامه شدت على يدهـا بقوه لدرجـة أظــافرها اوجعتها كرهت نفسها و ضعفها الحين وش بيقـــول عنها لــــفت واعطته ظهرها وتكلمت بنبره باكيه : أتــــمنى بعدك أكثر وأكثر معاد صرت اتحــــمل حتى نــفسي ماتهمــني انـت ولا نفســــي اترك الزمن لهالأمور يمكن هو مــتكفل ينسينا الآلامنا انجرحـت وانخدعــــت من أقرب أحبابي من كلـــــمـه وحده راحوا ولاعـاد ردوا لايهمك بقولها لك مره ثــانيه روح ولاعاد ترد قاطعها نواف بـــنبره ساخره :هه هالمره تحلميـن اروح وأتركك لفت لمــــيس له بسرعه :ماتقدر تجبرني ميل نواف فـــــمه ورفـــــع حاجبه :نشوف بس حطي بـــبالـــــك بأخذك ماهو ل سواد عيونك لا ياماما كذا تقدرين تقوليـن عرق النذاله طق فيني زوجتي وابيـــــها جهزي نـــــفسـك بعد فتره راح يكون مكانك معي فاهمه ابتعدت عــنه بخطوات ســـريعـه كلامه يـتردد برأسها ماهو على كيــــفـــه يـــــغيب سنتين ويرجع يبي يأخذها والله ماياخذها الدنيا ماهي سايبه رفع نـــــواف يدينه وصار يمسح وجهه بــهم من شـــــافها ابتعـدت عنه مايدري ليش قال كذا بس الي يعرفه أنه معاد يقوى على بــعادها اه منها اه بعد ماصوتها فـقده وانقطــع حبل الوصل لاصارت تشتاق له ولاصار يشتاق لها المحبـــه والمشاعر انتهوا وش عاد باقي كل هـــذا من يدينها بعد ماضـــيــعت المحبه ياخساره الفرح زال بـــاع كل الناس لأجـلها وهي أول من تبيعه خلاص كافي بيــتـــركهـــــا تروح وهو عنها بيبتـــعــد كافي جروح كان يظن انها نـــور عـينه لكن صارت ل عيونه ظلام كان يظن أنها أجمل أشياء الحياه صـارت له أسوء امنياته كل هذا مايدري ليش صار يشـوف الحـــــب منها بس عذاب وبس جراح ضيعت الوفاء وصارت له الــضياع انتهوا وافترقوا وانـــــتهت قــــصـة هواهم تنهد بهـم وانتبه لوريف واقفه بعيد وتـــــنـــــاظره بحزن اشر لهـــــا بـــــيده قربت منه بهدوء اعـطاها ظهره ومشى من غــــير ماينطق ولا بكلمه حس بغرق علــى خــــده رفع يده ومـــــسح دمعته بسرعه بانكســار والم هذا جرحه انفتق بعد مــاكان يحاول يــــلـــــملم شتــاته سالت دمـوعي والجروح الــقـــــديمه وهاج الضمير وبـــــدل الـــــوقت بأحزان أنا اللذي عايش حياته ظليمه ولاني بــــراجي ورا حـــبك أحسان لأجلك شربت المر روحــــي سقيمه وأنت الي تجازيني علــى الـحـــــب حرمان جينا للفراق اللي جروحه أليمه يبقى لنا ذكرى ولايعيشه أنسان لاتجربون الحب واللــــه جريـــمه لحظة تعـــيشه وآخر الـــعـــمر ندمان أسأل مجرب فيه وأتــرك حكيمه تلقى كلامـي آخر الــوقت بــــرهان ليه السعادة تـنكتب لـي يتيمـــــه لـــــيه الحزن مرسوم للقلب عنوان لكن ابنســـى وأعتبرها هزيمه تــــنزف جروحي وآخر الحب نسيان """""""""""""""" حـــط رجل علــــى رجل وابتسامته الخبيثه مرسومه عــلى وجهه طلع السيجاره الـفاخرة ونفثها:قلت لي أن كل شي تم تصويره تــراجع لـــلخلف كم خطوه من يشوف حدت نظراته يخـــاف هالانسان الي جالس قـــدامه خالي من الـــرحمه ومافيه ذره من الإنسانية رد بإرتباك :افا عــليك كل شـــــي عن القاتل مصور يعنـــي يلف يمين يسار يروح فـــيهــا قصاص ضحـك الذيب بخــبــــث ورفع نظره للي واقف قباله :هـهـهههه زين ماسويت ذكرني بيـــــوم أكــافئك يا إلا ماقلت لي وش اسمـك بلع ريقـه وابــتـــسم من مــتى والذيب يعطـــــيـــــه وجهه:أ أسمي سيف هز الــذيب رأسه بالايجـــاب وابتسم :هذا اسمــك وإلا اسم مستـعار سيـــــف بهـدوء :لا اسمي المستـــــعــار طال عمرك ضـــــحك الـــذيب :هههههه حلو حلو اكـــيد انت بتنفعني بالمستقــــبل كثيــــيير والدليل شغلك صح هز رأسه سيف :صحيح والي تبــيه انــــا حاظر رفع رأسه الذيـب له وعقد حواجــــبه وهو يــــناظـــر سيف بتفحص :ههههه أجل بوجه لك هالمـــــهمه وواثــق انك بتكون قدها هز رأسه ســـــيف وهــــو يسمع كلام الذيب بأهتمام تـــوسعت عيونه وعرف انــه من دخل هالطريق مامنه منفذ ولازم ينفذ كل الي يبه وبحذافـــيره """""""""""""""""""" دخـــــل البيت والحزن يكتــسي وجهـه نـزل الأكياس الي بــيــده على الطاوله وصار ينــادي :حـصه ياحصه جــوري أسامـه ابتسمت جوري من شافت ابوها دخل من أمس ماشافتــه قــربت منه بهـدوء وبــاســـــت رأســـــه :هلا يبه وشلونك يالغالي ابتسم أبو أسامه ابــتسامه باهته :هلا ب بنيتي الــــحمد الـله ركزت جوري نظراتها عــلى ابوها عرفت انه فيه شي الا ليش وجهه حزين والإرهاق واضح على وجهه عقدت حواجـــبهــــا :يـــبه وش فيه وجهـــــك ماهو عـــــاجبني تنهد أبو أسامـــه بحـــــزن :أبد يـابنتي بس واحد اعرفــه توفى قـبل كم يـوم رفعت جــــوري يدها ورجعت خصله من شعرها لورى :انا لله وانا اليه راجعون الله يرحمه يبه واضح انــــك تــــعزه أبو أسامـــــه :أي والله اعزه واغلــــيه مـــــانقول إلا الله يرحمه ويصــــبر عيالـه عـلى فراقه قاطـعت كلامهم حصــــه:جــوري خذي الأغراض ووديـها المطبخ وناظرت أبــو أسامه قربت منه بهدوء :وينك يا ريــاض اليوم كله وانت برا أبـو أسامه :أبد رحت اعزي ببيت ابو رعد توفـى قـــبــل كــــم يوم حصه رفعت يـــــدها وحطتها علــــى صدرها :أنا لله وانا اليه راجعون الله يرحمـه تــعال تــــعال ريح وجهك مـخطوف وشاحب ابتعد عنـها أبو أسامه مافيـــه حيل ينطق ولا كلمه هذا حال الدنيا وحكم القدر تاخذ الاحباب والأصحاب يدعي ان الله يــكتب لهم لقاء بالجـنة انحنت جوري وأخذت الأغراض وهي تتنهد اوجعها شكل ابوها كتفت يديــنها حصه ورجــــعت كعادتـها :حطــي هالاغراض بالمطبخ واياني وإياك ابوك يعـــرف بالي صـــــار ابتسمت جوري ابـــــتــــسامه جانبيه :ليـــــش خايفه مـــنه ضحـكت حصه بــــسخريه وصارت تأشـر على نـفسها :هههـههــه انا أخاف من هالشايب اقول خذي الاغراض وانقلعي عـــــلى غرفتك ضــــحكت جوري تبي تقهرهـا:ههــهههه لـــــو هالشايب يعرف انك ماترحمــين عياله كان ماتبــــاتين إلا في بيت اخوك الي شفتي الويل عنـــده وجايه تطبقينه علـــينــا انا واخـوي الصــغير قاطعتها حصه بكف على وجهها :اصصصص ولا كلمه ياقـــــليلة الأدب انا بـحسبة أمك جوري شدت على الأكيــاس بيدها وصــرخت بوجهها:تخــــسين تكونين مثل امي ولاحتى تساوين ظفــر رجلها شدت على اسنانها حصه وهمست بقهر :والله لو ابوك ماهو موجــــود بالبيـــــت لاادفعـــك ثمن الـــكلام الي قلتيه رفعت جوري حاجبـها وهي تـــــتصنع القوه :لا مدي يدك ماهو توك ضربتيني كف كملي اسطــوانتك اليومية ترا معاد يفرق معـــــي لكن مصيره يجي يوم وانفجر وأخـبر ابوي بكل الي يصير ب غيابـــــه ابتسمت حــــصه بخـــبث :وتتوقعين بيصدق اني اذيكم وهو يشوف معاملتي الطـــيبه قــــدام عـيونه لـكم جوري شدت على اسنـــــانهــــا بقهر ودها تمسك شـــــعر هالعجوز الي مســويه نفسها شـبـــاب وتقطعه بين يدينها بــس مو هذا الي مربيها ابـــــوها عليه ماتبي تطلع هي الــغلطانه صــــحـــيح ابوها طيب وحنون لكن دوم مـــع هالحيه :خبيـــــثة طول عمرك خبــــيـــــثــه وماراح تتعدلين يـــــاحــــصه ابتعدت عنــها تاركه حصه تحترق بكلامها دخلــــت المطبخ ونزلت الأغراض على الطاوله سمعت صوت شهقات اخـــــوها الـــصغير قلبها اوجعـــــها حيييل إلى متى بتظـــل زوجة أبوهم تتجبر عليهم عرفت مصدر الصـوت انحنت وانتـبهت ل أسامه تـــــحت الطاوله جلست بهدوء واشرت له :تـــــعال حبيبي تعال وش ألي مدخـــــلـك هنا أســـــامه بصوت بــــاكي :خايـف اشرت له جوري بيــدها زود وبنـــــبره كلها حـــنان :خايف من ايــش أسامه مـو قلت لك دامني معك لاتخاف من أحد حــــبـيبي من سمع أسامــه نبرة صوتــــها الحنون تقــــدم من أخته ورمى نفــــســـــه بحظــنها وضمها وصار يبـــــكي زود عضت علـى شفاتها السفــلــــيه رفـــــعت يدينهــــا الثنتين وحاوطته بحنـان انحنت ونزلت راسها له وصارت تبوسه براسه :خلاص أسامه انت لازم تصير قوي وماعليك منها انــا أخذ حقك منها واذا مدت يدهــا علــيك مره ثانيه خبرني والله والله مااعديها لها بعد الـيوم رفع أسامة رأسه وهو يمسح دموعه بطــفوله :يعنـــــي ماراح تضربني بـعد كـــذا جوري ابتسمت بألــــم : أقص يـدها اذا مدتـها ويــلا اسومــــي مو عـليــك كتــــابة الحروف لازم نكتبها اليوم حتـــى الأستاذ مايزعل منك ابتسم أسامه ووقف بحماس :الا ابي اكتبها بس الأستاذ اليوم ماجاء ضحكت جوري مــــن شافت حماسه دوم هالولـــــد ذكي ويحب الدراسه :هههه انت اكتبها وهو لا جاء اكــــيد بيشوفها ويستانس هــــز رأسه أسامه وابــــتسامته الطفوليه مالـــــيه وجهه وماكأنه كـــان يبكي قبل دقايق مسـك يد جوري وشدت عليها جوري بحــنان ومشـت معه تبي تركز على اخوها ومــذاكرته ونفسها وتنســــى حالهم مع زوجـــة ابوهـــــا ""عائـــلة ابو أسامه "" أبو أسامه "رياض "عمره 47 انـــــسان هادي جدا وعلى قد حاله من زمن مؤذن بمسجد الحــي ام أسامه متـــــوفيه من ثلاث سنين وتركت عيالها حــــصه عمرها 40 زوجة أبو أسامه مــــن سنة انســانـه خبيــثه وتكره عيال زوجها بوجوده تكون لهـــــم الأم وتمـــثل الحـــب والحنان وبــــعد غيابه تـقلب عليهم وماكأنها تعرفهم جوري عمرهــا 20 بنت حساسه ورغم هذا قويـــه أو تحاول تكون قويه عشان اخوهـــــا الوحيد أسامه 6 سنوات طفل جميل ابــيض وعيونه واسعـه بـــنيه شعره بـنـــــي وكثير بريئ جدا ومتعلق ب أخـته حييل | ||||||||||||
|
| |
|
26-01-17, 05:05 PM
| #149 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| بان الفـــــراق وحان تـــوديع الاحباب والدمعه الي بين الأهداب حارت ماكانها الا دمع عــــجوز قد شابت قامت تتذكر كيف دنياهـــا صارت عقـــب الجماعه والحبايب والاقراب أصبحت وحيده والليالي استدارت ضمت بدلة ابوها لصـــــدرها وهي دافنــه وجهها فـــيها ريحته مازالت فيهـا بس وينه هو وشلون اقفت به الدنيا وأخذته والله غالي ومن حبه القلــب ماتاب شدت على ستــرته العسكريه زود :آآآه يايبه محد راضي يــصدقني يايبه ادري انه هو الي ذبحك ادري انا شفت الســـــلاح معــــه ااااخ يايــــبه ليش سمحت له ياذيك ويبعدك عنا يالغالي ذبحــني يايبه معك ذبحني حسبي الله عليــه مسحت ديمـا دمعتهــا الي علــى خدها من سمعت كلام أختها الي يقطع القلب عارفه انها ذابحه نفسهـــــا بــــالبكاء تقدمت مــنها حتى صارت قبالها جـلست جـــــنبهــا ورفعت يدها وحطـتها عـــلى كتفهــــا بهدوء :وعد مايصير الي تسوينه يااختــــي تكــفيــــن لاتوجــــعينا زود علـــــى وجعنا رفعت رأسها وعد لاختها بصوت باكي :ديمــــا حرمنا من ابوي حرمنا من الغالي وربك يـــــاديـــــما اشتــقت لـه حيييل انتـظرتـــــه اليـــــوم يجي يطل علي ب غرفتي بس ماجاء أبوي ياديما مــاااات تعرفــين وشلون مات جلست وسترة ابوها بحـــظــــنها رفعتها بوجه ديما وهي ترتجف وبصوت باكي :يعني ماراح يلبس بدلته هاذي بعد الــــيوم ماراح يحن علينا ولا يشوفنا اذا نبي شــــي ولا بـيضحك لنا بحنان ولا بيـــــهاوشــنا اذا مــاصلينا بوقتها وإلا اذا سهرنا ابـــوي راح راح وللأبد ياديمـا آآآآآه نااار شاااابه بــــصــــدري والله نااار يااختي ماراح تطفيها مياه الكون كله ماتصورت يجي يوم يسافر ويبعد بدون رجعــــه ما أتخيل بلحظه أنادي اسمه ولا يرد اااهـهييــــي آآآآآه بلعت ريقها ديـما ورفعت يدها بخوف من شافت رجفــة أختها ســـحبتها لحضنها وضمتها بقوه تـعرف أختها ماتتحمل ابد حساسه ودلوعه والي مرت فيها أكبـر وأقوى من طاقــــتها حتى هم فـــي غيـــــابه مدري وش يصـــير فيهم الكل دموعهم بعــيـونهــــم يكتمون الحزن الكبــيــــر والله حــرام الــشوق يعــــذبهم بس لازم يصبــرون الكل قلوبهم متعلقه فيه ضمتهــا زود وتكلمت بهدوء من بين دموعـــها الي تنزل بصمت :اهدي حبيبتي وعـــــد والله قـــلبي يتقطع يكفي الي تسوينه بــنفسـك يكفي ياعمــري ابوي راح لازم ندعي له ولو البكاء يرده والله لا نبكي ليـــــل ونهار وبعديـــــن ابــوي لو عرف انـــك مسويه كذا ب غيـــــابه اكيد بــــيزعل منك صح رفعت رأسهـــا وعد برجاء لاختها :خليه يرجع وانـــــا ماازعله والله ماارضى على زعله ديما تعــرفين وشلون ابوي بـالنسبه لي هو الـــهواء الي اتنفسه تعبـانه حيل يااختـــــي تـعبـانه وربك تعبانه رفعت يدها ديمــا وصارت تمسح دموع وعـــد الي مغطيه وجهها :وعد مااخــــبـــرك ضعيفه كذا انـــتي قويه وإلا نســـــيتي وعد الشقيه يلا حــبيبتي انسدحي ونامي شوفـي وشــلون وجهك شاحب ومرهق وانا بعد بنام معك الـيوم شفتي كــيف مين قدك ديمــــوا ب تنام مـــعك هدت شوي من سمعت كلام أختها هزت رأسها بهدوء وانسدحت وبـــدلة ابوهـا مــازالت بيدها ضــمتها لصدرها وغمضت عيونها لــكـــــن كل ماغـــمضتها تشـــوف منظر ابوها والدم وكــل شي الخوف غزى قلبـــــها الصغيــــر حســت بيد ديـما عـلى رأسها واليـد الثانيه على بطنها حـــــست شوي بالراحـــه أختها جنبها وحاسه فـــيها تــــدعي من كل قلبها أن ربي يصبرها ويـقويهــا حتى تقدر تاخذ حق ابوها الـــي راح من غير ذنب ياابوي ليـــتك حيّ وتشوف حالي تشوف وش هو صار من بعد فرقاك صار الوطـــن بعـدك من الناس خــالي صار... ( الوطن غــــربه ) بعد مافقدناك ياابوي أنا بعدّك سهير الليالي مقهور من دنـــيّاي مـنّا.... ومنّاك ! حدتني الدنيا وأنا راس مالي إني ... عزيز النفس . مثلك وشرواك مافيه شيٍ في حياتي صفالي حتى . الورود . إن جيتها صارت أشواك أطيح واحمولي عليّه إثقـالي وأتخـــيلك مديت لي كف , يمناك بعدّك ولامره ترى إرتاح بالي أصـــفّق على كفي ندم وآتحراك من ضيقتي ياكّم أصّدق خيالي وأقوم أدوّر عنّك وآقول ب القاك أضيع بالعالم وهــمي سؤالي ؟ هو أنــــت ؟ وينك ؟ ليه ماعاد شفناك ؟ أدري لو إنك حي يــاعـز غالي يمديك.. تفزع قبل.. ماجيك وانخاك !! ويلاه , ياحالي وماهو جــرالي ويلاه , يــــاقلبٍ تعذب في طرياك ويلاه , ياابويّ من اول وتالي لا...... والــــله.. أول.. كان.. ينـــــجيـــــنـي إدعاك واليوم من بعدك وش اللي بقالي غير إني أدعي ربي يغفر خطاياك يالله حطّه وســـــط منزال عالي في جـــــنة الفردوس يـارب الافلاك واغفر ذنوبه ياعزيز الــجلالي واشرح لـــي صدرٍ ضااااااق من جّور دنياك """"""""""""""" وقف قــبال باب الفله الداخلي وتنهد بألم قبل مايـــــدخل الـود وده انه مايدخل ابد مايـــــبي يدخل ويشوف الحزن بــــوجه جدته وابوه والكل يجــــامل حتــــى حاله أن كل شي بخير وهواجيــــسه تاخذه بدرب مجهول درب يشـابه الضيــاع بالليل المـــظلم الحمل الي شايــــله ماتشيله جبال في كـــــثيـــر اسئله بباله يــــبي لها ألف جواب حسبي الـله علـى من كان السبــب يحسبون أن الاوادم لـــعبه بيدينهم المشكله الــــكبيره أنه ماهـــــو فاهم شي من الي يصير حولــه يبي يفهم كل شي لكن الحين ماهو وقته يبـي الأمور تهدى شوي وبعدها يعرف وشلون يأخذ حق عمــه رفع يـــده ومرر أصابعه ب خصل شعره مــــد يده الثانيه بتردد حطها على مقبض الباب وفــتحـه بهدوء نزل رأسه وصـار يمشي بخطـــــوات بطيئه سمع صـوت ابوه يناديــه رفــــع رأسه سعود وشاف ابـــــوه جالس عـلى الـكنبه :هلا يبه أبو سعود ناظر له والحزن يمــلي وجـهه :وينك ياولدي الـــــكل رجعوا من زمان إلا أنت الــــساعه صارت 3 الفجر كنــــت احاتيـــك قرب سعود من ابوه وانحــــنى طـبع بوسه علـــــى رأسه وجلس جنــبه بهدوء :كنت متضايق يبه لاتحاتي ولاشي هذاني جيت يالغالـي وقـــــف أبو سعود ونـــاظر لسعـود بهدوء :هونها وتـهون يـــــاولدي ومصير كل ظالم يأخذ جزاه دامك جيت انا بروح غرفتي بريح شوي حــتى أذان الفجر هز رأسه سعـــــود :ان شاء الله الله يكتب الي فــيه الخير يـــبه ابتـعد عنه أبو سعود ومن شافه اخـــتفـــــى عن عيـــــونه نـــزل رأسه بحظنه وحاوطه بيـــــدينه ضغط أصــابعه عـــــلى رأسه بقوه يحس الصداع ينــهش رأسـه له كم يوم مانـــام إلا غفوات بسيـطه الإرهاق هد حيلــه همــــس بحزن :هـــذا إنكسار الـــــورد بدأ يـــــنبَّـت على يدي مـا قلــــت لك يــاقـلب تحلم عــلى قدك حـلمــك خذلــــنــــي وخوفي من المجــهــــول يحيرني ااااه ياهاذي الدنيا متاهـات وأحزان كلــن يــــــدور راحته ما لــقـاهـــا تــبي لــــها صبر مع شوي نســــيـــــان مع ضحكة تخـــــفي الدموع وراها رفــــع رأسه بهدوء ووقف يـبي جدتــه يمكن لاشافها تخــــف شوي من اوجاعه صار يمشي بدون وعي لحتى صار واقف قبال غرفتها فتح الــباب بهدوء وطـــل مع البــاب انتبه لها جالسه على الكرسي وتصلي دخـل بــــهدوء ووقف وراها كـتف يدينــــه انــــتظــــرها حتـــــى سلمت تقدم منها زود ووقف قبالها :يمـــه رفعت رأســـها ام سلطان من سمعت صوته المبحوح :عيون أمك وجدتك مدت يدها الي مــــلتها التجاعيــد تــــأشر له:تعال يايمه تعـال طاح ســعود على ركبه قبالها ونزل رأســـــه بحـظنها وشد بيـدينــــه على جلال جدته وهي رفعت يدها وصار تمسح علـى شعره بحنان :هذا حال الدنيا ياسعـــود مـــــصير الزمن ينسيك يـاولدي سعود بنبرة حزن :يــمه عمي مـات بين يديني مات قدام عينـــــي ماقدرت اســــوي له شي طلعت روحه قبالي كان يوصيني على بنته مادرى أن بنته ماتــــطيق وجودي وتتهمنـــي بقتـــله مادرى أن الزمن دوم ضدي رفع رأســـه ومرر نظراته لوجهــــها الحـنون الـــصابر :والي كســـــرني حيل ان وعـــــد تظن اني انــــا الـي قتلت عــمي ادري انها مــــاتبــيني حــــتى انا ماابيها يمه بس وصية عمي هدتني هدتني حيل يمه تدرين وصاني علـــى وعد وشلون بعيش معها وشلـون وهي ماتبيني يمه انا مااقـــدر أنفذ. .... قاطـــــعــته ام سلطـــان وهي تحــــط يدها علـــــى فـــمه :ســـعود وش هالكلام دام عمــك وصاك على بـنـــته لازم تنفذ الوصيه ادري انك ماتبيها وهي ماتبيك بس واثقــــه انكم الثنائي المناسبيــن لبـــعض سعود بحزن :تدرين الـــــيوم الـــي انقتل فيه عمي كنت رايح أنهي الي بيننا وأطلق وعد عقدت حواجبها ام سلطان :سعود وش تـــــقول سعود نزل رأســــه بهم :الي قــلته يمه بس بعد الي صار تغيرت حياتي يمـــــه سعود صـــار انسان ثانــــي يمه ولدك انهد حيله وتــــغير بيومين وكأنه كـــــبر عشر ســـــنوات فوق عمره مادريت أن الدنـــــيا كذا قاسية ودوم ضدنا فقدت امي بعد قدام عيوني والحين عــمي مات قدام عيوني مــين باقي بعد مين حتى اغرق بااحزاني وهمومي الي مسايرتني مــن الــصغر انحنت ام سلطان وباست رأس سعود تدري ان هالولد كاتــــم احزانه بقلــــبه من زمــن ومايوضح لأحد هذا هو من الصغر انسان كتوم وبارد عارفه انه مانســى أمه الي كانت تحتظر قدامه ابتعدت عنه : الزمن كفـــــيل ينسيك يـــــاولدي رفع رأســــه سعود وسحب يديــنها الثنتين وضمها مع بعض بين يديـنــه نزل رأسـه وصار يبوسهــا :ياجعلـــــني ماانحرم منك يالغاليه ام سلطـــــان ابتسمت رغم الحزن والـــــهم :ولا مـــــنك ياولـدي يلا قوم قوم يايمه روح توضأ وصلي لك ركعـــــتين قبل أذان الفجر وصـــلي فجر ونام ارتاح ياولــــدي واترك الهم لخالـقـــــك والـــــلــــه الـوحيد الي يداوي الهم والأحزان ويزيلــها أبعد يدينـه سعــود عن جدته ووقف ابتســــم ابتسامه باهـــته :أن شاء اللــــه يمه تامرين على شــي يالغاليه ام سـعود هــزت رأسها بالنفي :سلامتـك ياولدي الله يحفظك سعود بـــهدوء :امين وياك يالـــغــــاليه ابتعد عــنها كـم خطوه للخلف ولف وكمل طريــقه طـلع من غرفـــة جدته وقفــــل الـــباب وراه وتنهد براحه هي الوحــيدة الي يحس بالراحـــــه بقربها كلامها مثل الـــــبلسم الشافي الـــي يزيل الهم والحزن مع هذا مــخـه مازال شغال ويبي يكشف المخبى لكن مصيره يعرف كل شي ويأخذ حق عـــــمه ووعد مصيرها تــــفهم كل شي مع الأيام مع أنه ماظنته ابد تصـدقه وهي تحمل نظرات الحـــقد والكره لــــه """"""""""""""""" مشت وريف قدامه بهدوء تعرف وش ألي بقلب اخوها سمعت كل كـــلامه مع لميس تنهدت بحزن ليش هالـــــزمــــن قـــاسي عليهـــم هي واخوانها ريوف ترمـــلــــت واخوها العاشق متعــذب وهي هه يكفيهــــا شك زوجهـــــا وضربه لها على الطالعه والــــنازله تبي تـــــحكي ل اخوها بس الي فيه مكفيـــــه ماهــــو ناقص هم فــــوق همه دخلوا البيت مع بعض و كل واحـد يخفي عن الثاني الي بقلبه لــفت وريف لــنواف الي يـمشي بهدوء جنبها :نواف غــرفــتك جاهـزه نـــواف هز رأسه بهدوء :تــــسلمين لي يا أطيـب قـــلب يلا دليني عـــليها لأني حدي تــعبان وابي انام وريـــف بهدوء :اوكيـــه يااخوي طــــلعـت الدرج بهــدوء ونواف وراها لحتى وصـــلت عند الغـــــرفـــــه اشرت له عليها :هاذي الغرفه يااخوي خذ راحتك البيت بيتك يالغالي ومافيه أحد ابتسم نـواف ابــــتسامه باهته تقـــدم من أخته وانـــحنـــــى طبعه بوسه عـلـــــى جبيــــنهـا :تســــلمين لـــي يالــــغاليه ابتسمت وريــــف ياالله ياما اشتاقـــت ل اخوها وحنانه :اذا تبي شي دق على جوالي هز رأسه نواف بالايجاب :أن شاء اللـه يلا تصبحين على خير يالغلا وريف ناظــرت له بهدوء مـــــلامحه حزينه ووجهه شاحب حيييـــــل :وانت من أهل الخير يــااخــوي دخل نواف الغرفه وقفل الباب وراه تنهدت وريف بألم من دخــــل اخوها وتــوجهت لغرفتها رفعت يدها نزلت شيلتها الي ملفوفه على رأسها بإتقان حمدت الله أن آثار الحزام ماوضحت علـيها وكلها ب جـسمها وكتفها حتـــــى أنــها ماشالت عبايتــــها وشـــــيلتها عنها اليوم ومحد حولها كلن لاهي بـــــحزنه رفعـــت يــــدهــا ومسحت الدمعــــه الي نزلت عارفه الحين من تدخل ب يقابلها حسام بكلامه القاسي وأسلوبه الجاف تعبت من حيـــــاتها معه والله لـو ما الظروف الي يمرون فيــها كان خبرت نواف بكـــل الي يصيـــر معها لأن صبرها نفذ منها وقفت قبال غرفــتها مدت يدها بتردد تبي تدخل ومــاتـــــبي تدخل فتحت الباب بهدوء ودخلــت استقرت عـــيونها عليه جالس على السرير ومنزل رأســـه بحظنه ومـــحاوطه بيديــنه استغربت حــــيييل من وضعيتـــــه تقدمت منه بخوف وارتباك : حسام حسام من ســمع نبرة صوتها رفع رأسه بــسرعه مـــــرر نظراته عليها بهـدوء :وريف متى جيتي وريف بــلعت ريقها مـــستغربة هدوءه:مــــن شوي وش فـــيك وقف حســــام بهدوء وتقـــدم منها رفع يديــنه وحاوط وجهها :باقي زعلانه وريف رمشت بعيونها ماهي بعادته هالحركات ركزت عيونها بعيونه واستغربت نظـــــرته لها تـــجمعت الدموع بعـــيونها وصارت دموعها تنزل بصمت :انت اخطـــــيت علي وتعديت حدودك حسام معاد لي طـاقه والله من الآلام والأحزان تكــفى خف علــي ابتسم حـــــسام ابتسامه بــاهته :ادري اني اخطيــــت أدري واللـــــه وريف ابي اقولك شي واحد بس قبل لااروح عقدت وريف حـــــواجبــــهــا مـن بين دموعها :وين تبي تـــــروح ناظر لـها بنظرات غـــــريبه ابتسم بـــحزن ونزل رأسه على كتــــفها اليســار وهمس لها :أسف على كل الجروح بودعك وأمـشــي وأروح مــااقدر أحمل خاطــــري والـــدمع يسكن ناظري وريف مايــــلتقـــي طـيب وغدار ماينــفع الجرح والعــذر اذا انتي تعلمتي الصبر أنا تعلمت الجفا لاتنتظريــن مني وعد حتـــــى ولا كلمه بلع ريقه الـــــجاف :وريف آسف آسف على كل الجروح الي سببتها لـك سامحيني لفت وريــف وجـهها ونزلت نظرهــا على رأســـه الي سانده على كتفها ارتجفت شـفاتــها زود وصارت صوت شهقاتهـــــا تطلــع ماتعــــودت على نــبرة صوته الحزيـــــنه والي فـــيها حنـان هو جرحها بما فيه الكفايه صــبرت وصبرت كثير يمكن جاء الـوقت فيه الي بيتعدل حسام ويعيشون حياة هاديه رفع رأسه حسام عن كـــــتفها مــن سمع صوت شــــهقاتها يعرف انها حســــاسه وقلبها طيب هالانسانه ماتستاهل انسان مثله بارد ومريض ابتسم بهدوء :الدموع بعـــد اليـــوم بـــــتنسينها وريــف انتي طــــالق طالق طالق ابتعد عنها كم خطوه للخلف انحنـــــى وأخذ شنطته الي جنبه بالأرض رفعها بهدوء مــــرر نظره أخيـــره لملامح وجهها الي خالي من التعابير إلا من الدموع الي تنزل بإنســــياب على خدها :في أمــــان الــله والله يوفقك مـع غيري الي يقدرك ويصونك نزل نظره بالارض وتعداها بخطوات سريعه لحتى طلع من الغرفـــــه الكلام كله ضاع منها صـحـــــيـح الــي سمعـته حسام طلقها وابتعد عنها ياكــم تمنت بعده لكن ماهو الطلاق كانـــــت تبــيه يتعدل ويتــعـالـــــج وبترضى تعيش معه واللـه بترضى ولو أنه أسوء شخص بالكون بــــس يتغير وهي راضيه فيـــــه وش ألي ســواه هالــــمـجنون طلقها وراح راح و لعاد هو راجع صــرخت بكل صوتها :آآآآآآه تحركت رجولها بخطــــوات سريعه طلعت برا لـــفت يمين ويسـار تدوره بعيونها مـاشافته قربت من الدرج يعنـي وشلون سواها وراح وتركـــها طاحت على ركبـها وزادت صوت شهقاتها إلى متـــــى بيظل حظها كذا بـــهالدنيا وش راح تقول الناس صارت مطلقه ماتبي تزيد حمل على أختها واخــوها ماتبي تزيدهم هم على همهـــم صارت مطلقه مطلقه ياناس ضمت يدينها عـــــلـــــى نفسها الألم يقتلها والهم ينهيها """""""""""""" سقى الله يوم مايعرف إلا المــفارق يوم ليا من غاب عنه يوم يسأله عن غيابه خذوه الناس والحظ والمكتوب هالثلاث علمته وش تعـــــنــي قيمة أحــبابه يالله وقفــــت حياتـه من بعــد رحيل أغلى ناسه ترك له حمل كـــــبـير ماكان يحس فيه بـــــوجوده أمه الحزينه وخواته الي يحتاجون حنان الأب يـدري انه ماراح يعوض حنان ابوه لكـــــن بيـــــحاول يسـوي الي يقدر عليه مو شايل إلا هم وعد دلــوعتهم هالبـنت كســرت قلبه حيــــيـــييل مايدري وش يسوي لـــــحتــــى تهدى عـــــارف أنــــها منهاره لكن ماهو قادر يـسوي شي اااخ بس والله لــو يعرف مين الي ذبح ابوه انه لا يــــأخذ بثاره بلع ريقه ووقف قبـــــل لايدخل الـــــصــاله من سمع صوت بـكــاء أمه تقطع قلــــبه لأشلاء كــــل شي الا دمـــــعتها ياماكبر الشعــور الــــي يحس فيه رفع يــــده ومسح وجهه بهم دخل الصاله بهدوء تقدم من أمه وجلس جنبــــها رفع يده وحطها علـــى يدها الي بحظنها شد عليها وتكلم بحـزن :يكفي يايمه يكفي والله يادمعتك يالـغاليه تكسر قلبي حست بيد ولدها سندها عزوتــها رفعت رأسها له بعيون دامعه :رعد كنت حاسه بهذاك اليوم اني آخر مره اشـــوفه نـــبرة صوتــــه اوجعتني ياولدي ودعــني وكأنه عارف انه مــــاراح يــــشوفني مره ثـــانيه اااخ ياولدي قلبي يــــتقطع ببعاد ابوك يـاكم قضيـــنـــــا الحلو والمــر مع بعض والحين بلحظه راح و تركنا مااقول إلا حسبي اللـــــه على من كان السبب الله يزرع بدربه الشوك الله يطيحه بشــــر أعمـــاله كلامها هده زود حاول يبلع غصته يـــــبي يكــون قـــــوي يـوقف مــع أمه خواته قرب زود من أمه وطبع بوسه عــــلى جبينها ورفع يدينه ومسح دموعها الي تنزل :اللهم امين مصيره يأخذ جزاته يايمه الله فوق و بيأخذ حقــنا حـــــتى ولو ماعـرفنــا مين القاتل ربـي ب يجازيه هو انصف منـي ومنك وراح ينصفنا يالغاليه والـــــحيــــن كـــفي دموعك ماعهدتك كـذا ضعيفه يالغاليه ابـــتسمت ام رعد من بين دموعها مررت نـــــظراتها لولدها :الـله يسمع منك ياولدي ويأخذ حقنا قوم انت الله يرضى عليك وانا بروح غرفتي مابقى شي على أذان الفجر هز رأسه رعد بالايجـاب بهدوء :من عـــــيوني يالغــاليه تصبحين على خير يمه ام رعد بــهدوء:وانت من أهـل الخير ياولدي وقـــف رعد بـثــقل تـــــوجه للدرج وصار يــطـــــلع الدرجات بثقــــل أكثر يادمـعة أمه الي هـــزته لازم يصبر ويطوي الهم مع انه عارف انه مايقدر وعيونه بتظل من فراق ابوه سهيره طرت على باله طـواري كـثيره هذا درب الدنـيا ماعمره ســمع من مــــهتنـــي فيها تبدا اولها سعاده وتـــــنـتــهي بحزن يدعـــي من قلبه عــــســـــى ربي يصـــــبره ويربط على قلبه وقف قبال غـرفة وعد رفع يده بتردد وفتح الباب بهدوء طـــــل براسه وانتبه ل خـــــواته نايمين مع بعض فتح الباب زوود بـــهدوء وتقدم كـــــم خطوه وقف قريب مـــــنهم وهز رأسه بـــألم من شــــاف بدلة ابوه الي ضامتها وعد انكســر قـــــلبه اكثر اشكال خواته حيــييـــل تحزن وخاصة وعد مد يده وسحب اللحاف دفاهم بهدوء وبهمس :الله يقدرني اعوضكم عن بـــــعاد ابوي ياالله انـك تــرفــق بحال هالـبنتين رفع يده ومسح على شعره بتعب تراجع كم خطوه للــخلـف ولف كمل طريقــــه وطلع بعد ماتـطمن شوي من شاف خواته نايمين """""""""""""""""" غمض عيونه بتعب يــبي النوم لكن ماظنتـه يـــــجيه النوم ابد تنهــــد وانسدح عـــلى جنب وجه لــميس مافارق عيونـــــه نفس نظرتهـا نفـس عـيونها الي غــرقانه دموع :ااااه دخيلك يـــــاهم خــــف علي هذا حظي هي والـــدنيا دوووم ضـــــدي ماني مـخطي لكن كل مافي الموضـوع احبــها وهي جارحه قلبي ابــــتسم نواف بسخريه عـــــلى حاله : ماادري اعاتب قلبي الــلي ذكرها والا اعاتب قلــــبها الـــــلي نساني هه في الحالتين الدمع طاح وشــكــرها وفي الحالـــتين الحزن الغى مكانـــي عقد حـواجبه من سمع صراخ أبعـــد اللحاف عنه وجلس بسرعـه هذا صوت أخته ايه يعرفه زين قلبه نغزه وقــف بســــرعه وزاد بخطواته فتح باب الــــغرفه وطلع مرر نظراته بخوف يدور مصدر الصوت وانـتبه لاخته طايحه بالأرض قريب من الدرج وتبكي قــلبه انقـــبض واوجعه حيييل تــــقدم منها بخطوات ســــريعــه جلس قبالها بالأرض ورفع يده حطهـا على كتفها :وريف وش فيك وش ألي صـاير وريف من سمعت صوت اخــوها رفعت رأسها وارتجفت شــفـاتها زود : طلقني حــسام طلقني يااخوي عقـــد حواجبه نواف وصـــــار يرمش بعيـونه يبي يصدق الي يســمــــعـه :وريف وش تقولين وريف بصوت باكي :طلقني يااخوي وراح بــعد ما أنهـــانـي شــد عـــلى يده نواف والــــله لو أن حـــســــام قدامه كان توطى بــبطنه بس كل همه الــحين أخــتــــه الي منـــهاره قــــباله كافي أحزان كـافــي الألام يازمن معاد فينا طاقه وإحتمال رفع يديــــنه وسحبها لحظنه وضمها بحنان وصار يمـــسح عــــلــــى ظــهرها :مايستاهل دموعك يــالغاليه من باعـنا ب رخيص نبيعه بــالتراب والله لو انه قـــبالـــي كان مايشلونه إلا جنــازه اهدي ياقلب اخوك اهدي شدت وريـف على تــيشيرته:آهانني ومد يده صبرت علــيه وعلى مرضــــه وعلى تصرفاته المـتقلبه ماحــكيت ولا اشتكيت قلت يمكن يتغير يمـكن تهتني حياتنا بعـد صبري علـــــى المر لكن بكل سهوله طلقني وراح من غير سبب تركني يانواف وانا بوقت عصــيب سل سيفه وذبـحني ياااااخوووي آآآآآه تعبانه والله تــعبانه يانواف شدها زود لحظــنه كل هذا يــــصير مع أخته وهو ماهو داري ظن انهــــا عايشه بسعادة ظن انها مرتاحه طلع يضربها ويــهينـــــها ببعاده والله والله لو يشوفه مايصير له خير تكلم بهدوء :كل هذا صــار وماتــخبريني وريف دفنت راسها بصدر اخوها تبي تحس بحنانه فاقـدته حيييل ياكم تمنـــــت رجعته من زمن :ماكنت ابي أشغـــــلك ماكنت ابي أزيدك هم فوق همك يااخوي أبعد يدينــــه نواف عن ظهرهــا وحطهــا على كتوفها ابعدها عـنــــه شوي ومرر نظراته الحنونه عليها :بيـــــندم صدقيني بيندم قومي يااخــــتـــــي قــومي لـــمي اغـــراضك مــــالـــــك جلسه ببيت هالنذل دقيقة وحده هـزت وريــف رأسها وبصوت باكي :ويـــن بنروح وقف نواف ووقـفها معه :بنـستاجر لنا شقه روحي الله يرضى عـــــليك يلا انتظرك حبيبتي لاتبقين ولاشي له الخسيس وحسابه مــعي بعديــــن اذا مـاخليته يندم على كل الي سواه معك بغيابــي ما أكون نواف ابتعدت عنه وريف وهـــي تجر اذيال الخيبة هاذي حياتها من الصـغــر أحزان في أحزان عــــاشت طفـولتها و مراهقتهــا بلا ام ولا أب هـو صحيح نواف وريوف معها وماحسسوها بالنقص بــــس مهما كان غير عن الأم والأب ياالله في خاطـــرها ضيقه وعيت ترتاح كــــل ماسهت عنها شــوي ترجع لهـــــا من جديد لو أنها تـــجي دقـايق وتنزاح ماكانت دايــم تشتكي من ونينها بس المصيبة أنها ملازمتهــا من زمن مستوطنه خاطـرها ياليتـها متكونه من جرح لا والله إلا من عدت جراح """"""""""""""""" الإنسان مبتلى بكل شي بهاذي الـــدنيا محد يـعرف وش له ووش عليه كلها أقدار مكــتوبه واختبار من اللـــــه عز وجـــل فرشت سجادتها كبرت وبــــدأت تصلي بخشوع وطمأنينة انتـهت من صلاتها ورفعـــــت يــدها لله متضرعـــــه خاشعـــــه تشكي هــمهـــــا تدعي انه يوفقها وينصرها عــــلى زوجة ابوها الي موريتهم الويل هي واخوها تعـــرف ان هالطريق الوحيد الـــــي يخــــفف عن قلبها كل تعب وهم رفــــعت يدينها لــلــسماء زود وهي تطلب العون وتـذرف الـــــدموع طـــامعـه في رحمة الـله مسحت وجهها براحه ووقفت تطوي سجادتها ابـــــتسمت من شافت اخــــوها جالس بـــوسط السرير ويمسح وجهه يبي يصحصح :يــــاصـــباح الخير اســـــومي ابتسم أسامه وبتـــسأل :صبـاح النور جوري الساعه كم الحين اروح المدرسه ابتســمت جوري وهــــي تقرب منه جـــلست على سـريـــــره الصغير وقربت منه زود باسته بخـــده :يــــالـبى الي متــحــــمس للمدرسه ههـــهه ايه صرنــــا الصبـــح يلا قوم روح الحمام وانا انزل اسوي لك فطور عشان تفطـــــر وتصير قوي اوكيه حبيبي هــــز رأسه أسامه بطفوله وابتعد عنها نزل من السرير وتوجـــه للحــمام تنهدت جوري براحه وعيونها تتبعه من تشوف اخوها مرتاح تـــرتاح نفســــيـــا سمــــعت طق على الـباب قـامت وهي تعدل قميصهـــــا الــــقطـــني الأصفـــــر وفـتحت الـــــبـــاب ببــتـســــامه عارفه ميــن بـهالوقت يمر عليهم توســعت ابتسامتها من شافـت ابــــوها واقف ورا الـــباب تقدمت منه وطبعت بوســـه على رأسه :هلا يبه صـباح الخير يالغالي ابتسم أبــو أسامه بهــــدوء :صبـاح الــخير يابنتي قمتي لصلاة الفــــجر هزت رأسها جوري بهدوء :ايه يبه توني صــليت ابتسم أبــــو أســـــامه بحب :اللــــه يـــــتقبل منك يابنتي يــــلا صحي أسامه وخلينا نفطر مـــع بعض ابتسمت جـــوري :صــــحى يبه هالولد حيل نشيط ويحب المدرسه ضحك أبو أســـــامه بهدوء:هههه الله يوفقـــــه يارب وجعلني اشوفه إمام مسجــد جوري بحب :امين يارب ويرفــع رأسك يالغالي هز رأسه أبــــو أسامــــه بحزن وهو يبتعد عن بنته :امين يارب يلا يــبه الوقت يمر بسـرعه انـــــزلـــي خالتك حصه سبقتك للمطبخ مــــن جاب اسمها تكـــدر خاطرها :طيـــــب يبه دقايق واكون تحت بجهز بس ملابس أسامه للمدرسه تنهدت من ابتعد ابوها عن انظـارها ورجعت غرفتهــا يالله ماتدري متى بترتاح من هالعيشه متى بـــس بتفارقهم زوجة ابوها رغم معاملتها السيئـــــه إلا أن ابوهــــا مايعرف ولا شي ودهـــــا تقوله تخبره لكن ماعندهــا الشجاعة الكافيه تــخاف انــها تنخذل تـخاف أن ابوها يوقف بصف حصه وبهالوقت بــتنكــسر ب تتألـم أكثر من ألمها الحين تبي تترك كل شي للزمن وهو الوحيد كفيــل بـتـعـــــديــــل حظها المايل ~ ~ ~ ~ انّتـــــهَى الــبۤــا٘رت أتَمنٍى- يٌنال… عّلى' اعــــــجاٍبـــكم} واّلقـاٌدٓم< أجمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انتظْر« تـعليقاْتــــكٍم' بٗشــوّق: تۤحياااۤاٌاًاتـي› عيون الريم ^_^* | ||||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
