01-11-18, 01:38 PM
| #895 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  السلام عليكم ورحمة الله وبركاته اسعد الله مسائكم جميعا الفصل على وصول ^_^ | ||||||||||||
|  |
|
01-11-18, 01:47 PM
| #896 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  ودي ابعد عن تفاصيل الزمان ، واسكن جروحك ولو فيها نكد .. دامني بأحضانك الدنيا أمان ، قلبك المرسى وعيونك لي بلد .. قلبي الي ماعرف طعم الحنان ، يسالك باسم رحمان احد .. لو تباعدنا حبيبي بالمكان ، نبقى روحين يجمعهم جسد 《 الفصل الخامس عشر 》 دروب وخطى مشيناها نقابل ناس وشخصيات منهم من يبقى بالذاكره ومنهم من يتوه في لياليها ونظل نتسائل ونقول في اي درب السعاده نلاقيها تنهد من سمع سيارة سعود تحركت لف ناظر محمد :خلنا نمشي معاد لنا شي هنا اشر محمد بالحديده على هادي إلي مازال فاقد الوعي :وش نسوي فيه تعداه راكان وقلبه فيه احاسيس غريبه ما يدري كره اشمئزاز كل إلي حاس فيه ان هالانسان بكلامه اشعل النيران بقلبه وشككه بنفسه همس بهدوء:اتركه دام سعود ما قال شي خلنا نتركه وبيجي لهم يوم هز محمد رأسه ولحق راكان وضميره مازال يأنبه تكلم بإرتباك :راكان انا بمشي تامر على شي وقف راكان وابتسم بهدوء:لا ما قصرت يا محمد وجميلك ماادري وشلون ارده الله يحفظك لغالينك يااخوي بادله محمد ببتسامه حزينه ومر من جنبه من دون ماينطق بحرف وده يهرب ويبتعد لمكان خالي من الحزن خالي من الهم وحقد قلوب البشر عيونه تبعت محمد لحتى راح مايدري ليش نظرة هالانسان مليانه حزن :ياهالدنيا إلي محد سلم من شقاها توجه لسيارته وحرك بسرعه يبي حتى هو يبتعد من هالمكان كل تفكيره بنظرات هادي إلي تدل انه يعرفه مين يكون ... وليش تكلم معه بثقه حتى اسم اخوه يعرفه تنهد يبي يطرد هالافكار من راسه سحب جواله من جيبه وهو عارف ان امه إلي كانت تدق عليه بهاذيك اللحظه وكأنها حاسه انه كان في خطر.. رفعه على اذنه ينتظر ردها همس بحب من سمع صوتها إلي يعاتبه وكأنه اول مره يسمعه من سنين :يالبى هالصوت ...انا بخير يانور عيوني .... لاتحاتين شويات واكون عندك ....ياجعلني ماانحرم منك يايمه """"""""""" عزاه على قصر هدم بعد الفراق قصر انبنى بالحب طوبه بطوبه كان الامل يسكن به اثنين عشاق قبل الليالي السود تعلن غروبها ارتجفت شفاتها وعيونها معلقه ب امها إلي تناظرها بنظرات جاده تكلمت بنبره باكيه :يمه تكفين مو الحين ماني مستعده والله قلبي مازال شايل منه انتي عارفه هروبه ما..ما ماقدرت تكمل كلامها بسبب شهقاتها إلي تغلبت على حروفها وعصتها ضربت ام سلطان بعصاتها الارض وهي تضغط على نفسها ما تبي تقسى عليها لكن تعرف دلوعتها عنيده وما تعرف مصلحتها : انا وافقت ورجلك يبيك وماراح ارده هذا من حقه يا لميس جهزي نفسك يوم الخميس بنسوي حفله صغيره والله يوفقك وياه وش هالغيمه السودا الي غطت على عيونها تحس وكأن احاسيسها تبلدت بهالحظه يعني كان جاد بكلامه معها اسبوع ..اسبوع بس.. ماهي مستوعبه كيف ترتب أفكارها ومشاعرها المشتته تبي قربه وتكره غيابه همست بحزن :بس يمه قاطعتها بنبرة عتب :يكفي يا بنت يكفي حرمان والله نواف شاريك ويبيك انتي زوجته ومن حقه ومااقدر امنعه لميس بحزن : يمه نواف لو كان شاريني كان ماراح سنتين ادري اني انا السبب ومااعطيته فرصه بس ماكان لازم يروح ويترك قلبي يصرخ بصمت اوجعني يا يمه فراقه ارتمت بحظن امها ودمعاتها تسابق عبراتها تمسكت فيها وكأنها طفله فقدت لعبتها فقدت الوان الحياه طلب نواف كبير حيل عليها ماكانت متوقعه ترتبط فيه بعد فراق وغياب رغم أن الشوق ادمى قلبها له حركت يدها على ظهر لميس إلي لازالت تشوفها طفله بعيونها وتحتاج توجيه ونصح : لازم ترضين بالقدر الايمان فيه يعطينا بلسم لجروحنا وانا امك تكلمت بصوت باكي وهي لازالت بحظن امها:الا جرح قلبي يمه ماله بلسم ابعدتها عنها وعيونها تناظرها بحزن :لميس لاتتعبين قلبي يكفي تركي إلي حاله كاسرني..على الاقل انتي فرحي قلبي وعيشي حياتك مع نواف تراه يحبك وانتي عارفه هالشي صح وقفت بهدوء وهي تمسح دموعها وذهنها مشتت همست ببحه :اعطيه يمه الموافقه الخميس ..الخميس قالت كلمتها وابتعدت زادت بخطواتها وطلعت تاركه كل شي خلفها خلاص معاد فيه شي تحكيه أكثر من كذا هذا نواف رجع ورجعت لها ذكريات الماضي الي فيها من الأمل والحب والعشق وفيها من الألم والهم والحزن وكأن الأمل مربوط ب الألم ما يفرق بينهم الا تبديل الحروف .. """""""""""" بينه وبين الزمن جحيم لو جاء يجري جره لعتبات الانين وفي قلبه شارعين من الضياع وهناك كف تلوح للقدوم وأختها تبكي للوداع قلبه يبرق بنبضات الآهات ويبكي الفراق إلي ماهو بيده ظن انه بيفقدها تمسكها فيه وتشبثها برقبته بهالشكل وهي نايمه توجعه وتدل على مدى خوفها ورعبها شدها لصدره وهو يطلع الدرج ...زين وهو باقي واعي جرحه العميق مازال ينزف وماتوقف.. عض على شفاته يكتم آهاته وصل لغرفته فتح الباب ودخل يحمد ربه ان عندهم درج خلفي الا كان اشغل الكل بهمومه ومشاكله دخل بهدوء وتوازن ولا كأنه بينهار باي لحظه نزل وعد على السرير بهدوء تنهد براحه يوم ماحست فيه وهذا الي يبيه سحب الدفا ودفاها فيه ابتعد عنها بتعب حاس انه بيغيب عن الوعي بأي لحظه سمع صوت طق على الباب زادت دقات قلبه توجه له بتردد وكل التسالات تطري عليه مين خلف الباب.. الاكيد ان في احد شافه .. ، ، ، فتح الباب وظلت عيونه تتحرك على الشخص إلي واقف قبال بابه اختل توازنه وكان بيطيح مسكه تركي بسرعه وسنده عليه تكلم بخوف:سعود وش صاير ياولد شفت الدم على الدرج الخلفي وهنا عند باب غرفتك هز رأسه يبي يصحصح ماراح يستسلم للعالم المظلم همس بألم وهو صاك على أسنانه :بالاول قفل الباب ماابيها تحس قفل تركي الباب والخوف ماكله على سعود إلي واضح انه بين الواعي وألا واعي :لا تشلع قلبي وش صاير وبعدين وش هالدم وليش حالتك كذا عض على شفاته والعرق مبلل جبينه وعيونه الناعسه تتقفل وتنفتح من الدوخه الي يحس فيها تكلم بهمس :بعدين اقولك ...تركي تكفى خذني لغرفتك وجيب شنطة الاسعافات ماابي أحد يحس علي توسعت عيونه وهو يسنده ويمشي ويمشيه معه :لا انت انجنيت رسمي وش غرفته وشنطته حالتك هاذي يبي لها مستشفى حرك رأسه بالنفي وهو يبلع ريقه الجاف همس بصوت خافت :لا لا ماابي ولا مستشفى بسيطه لاتكبرها حرك تركي رأسه بياس عارف ان رأسه يابس وصل لغرفته فتحها وهو ماسك سعود دخل وتوجه للكنبه سدحه عليها وابتعد بخطوات سريعه جاب شنطة الاسعافات وجلس على ركبه بالارض رفع المقص وقص بنطلون سعود مكان الجرح غمض عيونه وفتحها بسرعه من منظر الجرحx رفع نظره وتكلم بسرعه :سعود تكفى قوم جرحك عميق ويمكن مااعرف اسوي لك شي عض على شفاته وصك على أسنانه بتعب :ترركي ..انت عندك خلفيه سوي اي شي بسرعه حرك يده بإرتباك رفع المعقم ورش على الجرح بدأ ينظف الدم بالشاش وانتشرت ريحة الدم بالمكان رفع نظره لسعود مره ثانيه وعيونه تراقبه مستسلم للألم وتعابير وجهه ماتطمن :يا ولد جرحك يبي له خياطه غمض عيونه بتعب:خيطه وقف تركي وكأنه ملسوع وعيونه مازالت على سعود :ما يصير اخيطه شكلك انجنيت ياسعود انا ماني دكتور واخاف اسوي شي غلط قوم خلني اخذك للمستشفى اترك عنادك إلي ماادري وين بيوديك جلس سعود بتعب : قلت لك ماابي مستشفيات ولا غيرها اذا ماتبي تخيطه هات انا اخيطه حرك تركي رأسه بقلق وهو يرجع يجلس على ركبه جنب سعود :يعني تبي تجنني ببرودك يااخي ارحم نفسك سعود بصوت خافت :تركي بسرعه اخلص علي لازم اروح قبل تصحى تركي بقلق :اااخ اموت واعرف وش إلي صاير ووش هالجرح واضح انه طعنة سكين يا سعود تراه ماهو بسيط اخاف يصير له مضاعفات مارد عليه رجع انسدح و نزل راسه على طرف الكنبه وكل فكره عند وعد خايف حيل تصحى وماتلاقيه كفايه الخوف والحزن الي سببه لها... مااخذ احتيطاته ماظن ان الذيب بيكسره في زوجته لكن هذا هو تعلم درس ثاني ومستحيل يغفل عنه مره ثانيه .. انحنى تركي ومرر يده على شنطته يدور الخيط حمد الله ان الشنطه متكامله وموجود فيها كل الاسعافات الاوليه رش مخدر موضعي على الجرح ورفع الخيط ركبه بالابره إلي عقمها حرك يده يهدي نفسه:بسم الله غمض سعود عيونه بالم وهو ينتظر تركي يغرز الابره و يخيط جرحه ويخلص عليه ... """"""""""" واقفه بالحديقه والهواء البارد يلفح وجهها الي صار احمر من برودة الجو حركت يدها على صدرها وش هالصوت الي داخله كأنه يحاكيها ويقول ان هذا مكانها بس ماهو زمانها ودها تشرح إلي جرالها للمخاليق كلهم وكيف عيونها تشوف الواقع بشكل ثاني والله انه تمادى هالحزن مير صار عاده حتى صفاتها غيرها وصارت تكل وتمل من حياتها... تبي ترتحل عن شعور الخساره الي تحس فيه من كثر مااخذلوها الناس صارت تسولف عن إلي يقلبون المعاني وكيف كانت عيونهم تحتري اي زله منها وتناظرها مثل نظرات جاني مالقوا له اي دليل ..غمضت عيونها وهي تسمع صوت خطوات قريبه منها عرفت وايقنت انه هو مين غيره يستفقدها اخذت نفس الهواء من حولها حيل بارد ومنعش تقدم رعد بخطوات هاديه وعيونه معلقه عليها جذبه شكلها بلبسها الهادي روبها الوردي الواسع الي يحركه الهواء بكل أريحيه وشعرها إلي تاركته مفتوح حرك أحاسيسه ...يحس وكأنها طفله انحرمت من لذة الحياه تقدم منها زود رفع الشال إلي بيده ونزله على كتوفها همس بهدوء :الجو بارد وانتي برا شدت جوري على الشال وكتفت يدينها عليه فتحت عيونها من وصل لها صوته ماتدري ليش كأنه مثل الناي يعزف على قلبها مواويل الراحه :بارد بس حلو طلعت اشم شوية هواء كنت متضايقه قرب رعد ووقف قبالها رفع يده مررها على جبينها وابتسم براحه :الحمد لله قرب يطيب جرحك لمسته اربكتها همست بصوت هادي :ايه الحمد لله معاد يوجعني مثل اول نزل يده ومسك يدها شد عليها :ممكن اطلبك طلب أبعدت نظراتها عنه ولفت لجهة الحديقه وهي تشتت عيونها حولها :اطلب ابتسم بهدوء:ممكن تفتحين قلبك لي وصدقيني ماراح تلاقين الا إلي يسرك جوري خلي لحياتنا معنى انا ابيك زوجه لي وام لعيالي طلبه حيل اربكها عارفه ان طلبه من حقه وهي في الاخير زوجته يعني رفضها ماله اي عذر ابد يكفي انه وقف معها الا كان الحين الله العالم بحالها تكفيها همساته الحنونه وتصرفاته الهاديه إلي انتشلتها من الخيبات المؤلمه واعطتها بصيص من الأمل ردت بإرتباك وهي منزله رأسها : مااقدر... ارفض طلبك يا رعد بلعت ريقها ورفعت رأسها رجعت خصل شعرها إلي رجعه الهواء على وجهها وعيونها مليانه دموع : بس تكفى ترفق بقلبي ما يدري ليش الراحه سرت بجسمه من ردها مرر عيونه على ملامحها إلي اكتست حمره ما يدري هو من البرد او من دموعها او من خجلها على كلن جذبته كثير وبدت تحرك نبضات قلبه الساكنه رسم ابتسامه كفيله بتشتيت مشاعرهاx :اوعدك اني مااخذلك بحطك بقلبي بحفظك واصونك كم عندي جوري ابتسمت بحزن وهمست بخجل : وحده عندك جوري وحده ضحك يبي يغير جو الحزن الي مسيطر على المكان :ههههه واحلى جوريه.. نزلت رأسها بخجل من ضحكته لحظات وتكلمت بهمس :رعد رفع رأسه للسماء :لبيه رفعت رأسها للسماء مثله وترددت بالي كانت بتقوله غيرت كلامها وهمست براحه :شكله بيجي مطر غمض عيونه وهو يستنشق الهواء عارف انها ما تبي تقول هالجمله وبقلبها الكثير تحتاج تنثره له مرر عيونه على السماء صحيح مليانه غيوم سودا سمع صوت الرعد توسعت ابتسامته من حس فيها تتمسك بذراعه وتضمه فتح عيونه ونزل نظره لها : تخافين من الرعد حركت رأسها بالنفي :لا مااخافه ابتسم وغمز لها :اجل وش معنى حركتك هاذي انتبهت جوري انها متمسكه بذراعه تركته وابتعدت شوي عنه تكلمت بإرتباك :هاه ماادري بس انا ما.... غمضت عيونها بسرعه وهي ترجع تتمسك بذراعه وتضمه وصوت الرعد يهز المكان من حولها ضحك رعد على حركتها :ههههه وتقولين ماتخافين ضحكت جوري بهدوء :هههه اخاف وهذا انت عرفت اني اخاف الرعد لاتزعل كنت أظن انك تخوف مثله بس قاطعها ببتسامه هاديه :بس اثبت لك عكس إلي تظنينه صح تنفست براحه وهي مازالت متمسكه فيه :صح يارعد التزموا الصمت يشتتون نظراتهم حولهم الجو جميل وينذر بمطر يغسل قلوبهم ويصنع لهم طريق لحياتهم الي على وشك ان تبدأ تناثرت قطرات المطر بهدوء ورقه وكأنها تهمس في آذانهم بصوت خافت تفاءلوا ما زالت الحياة مستمره وما زال الأمل موجود زادت قطرات المطر وانهمرت عليهم وكأنها تدق نوافذ قلوبهم الي أخذت ما يكفي من الحزن والهم ... | ||||||||||||
|
| |
|
01-11-18, 01:52 PM
| #897 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| مد له كأس المويا وحبتين البندول وهو يساعده يجلس اخذ سعود الحبوب منه وكأس المويا وصار يشرب ويشرب وده هالماء يغسل كل الامه واحزانه نزله بهدوء وعيونه معلقه على تركي همس ببحه :مشكور تركي ابتسم تركي :العفو ماسويت شي خليتني دكتور وانا من جنبها بادله ببتسامه باهته : اسف ماكنت ابي اتعبك معي حرك رأسه بالنفي :لاتعتذر تعبك راحه يا سعود ويلا روح بدل ملابسك وارتاح بغرفتك و لاتخلي وعد تحاتيك وهالمره بتركك مراعي ظروفك لكن المره الجايه من اشوفك بتقول لي كل شي اوكيه هز رأسه وهو يوقف بتعب مازال رأسه يدور فيه من الدم إلي فقده همس بتعب :شوف لي الطريق ماابي أحد يشوفني كذا طلع تركي وهو يتلفت يمين ويسار ورجع ناظر سعود :عليك الأمان اطلع وسرك ببير طلع من غرفة تركي وهو يجر نفسه جر وصل غرفته فتح الباب بهدوء دخل وتخللت الراحه قلبه من شافها باقي نايمه .. توجه لغرفة الملابس سحب له اول شي قباله بالدولاب وطلع متوجه للحمام مرت دقائق قليله و طلع وهو لابس بجامه رماديه رفع المنشفه ينشف وجهه عسى انه يصحصح شوي ... عقد حواجبه وارتسمت علامات الخوف على ملامحه المتعبه من سمع صوتها المرتجف رمى المنشفه على التسريحه وتقدم منها بسرعه جلس جنبها على السرير وهو يحرك يده على كتفها بخوف :وعد انا هنا حولك لا تخافين حركت رأسها بإنهيار ودموعها تنزل :لآآ لآاااآ ماابي اروح معه خاآآآيفه والله خاآآآيفه سسعود...سعوود مرر يده بشعرها خلل اصابعه فيه وحركها بحنان نزل يدينه يتحسس وجهها يبي يهدي من رجفتها همس بحزن :عيون سعود وقلبه انا معك ياروحي انا هنا محد بيأذيك دام راسي يشم الهواء فتحت عيونها وجلست برعب وهي تتلفت حولها استوعبت ان كل شي مر و انها معه وكل الي شافته كابوس وانتهى ... سعود انقذها من بين يدين هذاك الشخص جسمها مازال يرجف وكل شي يمر على ذاكرتها بسرعه نبرته الهاديه الي تهديها رجعتها للواقع رفعت رأسها لسعود الي جالس قبالها هدت وبدت تحس بشعور الامان بقربه تلاقت عيونها الدامعه بعيونه الذابله همست بصوت باكي : أإآآاههيييي أأآآ خااايفه يا سعود خااايفه حيل تكفى ضمني بحظنك حيييل ضمني وابعدني عن الواقع ضمني وانتشلني من القاع تكفى طلبتك لا تروح وتبتعد عني مره ثانيه يبي يسوي اي شي عشانها قلبه حزين وحالته حاله كلامها اوجعه حيل حس فعلا انه اوجع قلبها بإهماله بيضمها ويتمسك فيها مهما صار بيعشقها ويحطها بعيونه للابد حاوطها بيدينه وسحبها لصدره ضمها له وهو يتنفس بسرعه يمكن قربها اربك تنفسه وخلى دقات قلبه تعصيه عارف انها تعبانه وخايفه ومرهقه همس بحب :انا جنبك وماراح اتركك حياتي كلها لك وروحي تفداك... اهدي وعد حبيبتي كل شي مضى وانتهى هدت شهقاتها وارتخت اعصابها المشدوده همست ووجهها دافنته بصدره :ﺃﻧﺎ ماني بخير في شي داخلي يخنقني حتى قلبي قام يوجعني كلام هذاك الشخص يا سعود يذبحني تنهد بهم وهو يمسح بيده على ظهرها : انتي بخير يا قلبي لاتوجعيني زود تكفين انسي ما يقدر يسوي شي ولو فكر بس يقرب لك انهيته مايهمني شي بهالكون دامك معي رفعت رأسها وابتعدت عنه وعيونها مغرقتها الدموع حتى الرؤيا صارت مشوشه لها :وشلون انسى وهو يبي ياخذ روحك سعود انا مافيني اعيش لحظة فراق ثانيه يا كثر ما ادمى هالفراق قلبي كفايه ابوي كفايه انه راح بسببهم ماابيك انت بعد.... انقطع كلامها بسبب شهقاتها الي غلبت حروفها فكرة انها تفقده تخنقها وتهوي فيها لقاع ماله قرار ياشهقاتها الي تزيده وتغرز السهوم بقلبه وتزيد نزف أحزانه ما يدري ليش كل شي يخونه الا الحزن معه دقيق بوقته ابتسم رغم التعب إلي يحتويه : تطمني ما يقدر يأخذ هالروح الا ربي إلي خلقها لاهو ولاغيره يقدر إلا بقدرة إلي عيونه ماتنام شدت على تشيرته وهي تداري دموعها : تكفى ابعد عنهم وسلم القضيه ل اي احد ثاني ماابي افقدك انا راضيه وما راح ازعل ابعدها عنه وحرك رأسه بالنفي وهو عاقد حواجبه تكلم بنبره جاده :مو سعود إلي يذوق طعم الخساره ولا سعود إلي يخلف بوعده ولا سعود إلي يخاف منهم شكلك مابعد عرفتيني يا وعد رجعت ارتمت بحظنه وهي تتمسك فيه زود وارتفع صوت انينها تعرفه وشلون ماتعرفه وهو قدر يلين قلبها الغافل المشاهد بدت تمر على عيونها تتخيل أن سعود يكون بين يدين هذاك الشخص تتخيل انه يبتعد عنها ويروح لعالم ثاني الأفكاره الشينه مسيطره عليها :اعرفك لاتعلمني بعنادك المعروف خلل يده بشعرها وسند ذقنه على كتفها همس بإذنها متجاهل كلامها وابتسامته المرهقه على شفاته :تدرين اني احبك واحبك واحبك هدت بعد كلمته وبدت تسيطر على نفسها ابعدته عنها وهي تمسح دموعها بخجل :وتدري انك دب ضحك بخفه رغم تعبه وهو يتراجع ويسند نفسه على ظهر السرير اول مره تحاكيه بهالطريقه :ههههه وش دب اقولك احــــبــــك يا بنت وجهها صار احمر شتت عيونها عنه الخجل وضح على ملامحها إلي تبدلت من خوف وحزن لخجل وحيا انسدحت وهي تهمس بصوت يلا ينسمع :وانا بعد توسعت ابتسامته تظن انه ماسمعها بس الزمن كفيل بها وراح تنطقها وترددها على مسامعه بكل اصوات الحياه انسدح جنبها وتكلم بهدوء :ماتبين تبدلين ملابسك همست بهدوء وهي تشد على تشيرته إلي لابسته وكأنه يعطيها الأمان و الحب يتدفق لقلبها الصغير :لاخلها علي غمض عيونه وهمس بتعب :على راحتك ..تمسين على خير ردت بهمس :وانت من اهل الخير غمضت عيونها وهي شاده على تيشيرته إلي لابسته ريحته مازالت عالقه فيه انتشل الرعب والخوف منها بكلامه تقسم انه موطنها وسعادتها تحس بأشياء كثيره بقربه ماتدري وش كثر كانت غبيه وهي تصده ودها بس ترسل له صدى صوتها وتنثر له كلام الحب باانواعه.... """"""""""" في إحدى القصور البعيده عن البلد وبالتحديد على شاطئ نصف القمر فتح عيونه وصار يرمش فيها بثقل المكان من حوله مظلم مرر نظراته حوله حتى استقرت على إلي جالسه جنبه عقد حواجبه وهمس بتعب :اعطيني مويا قامت بسرعه صبت له مويا وقربت منه زود :الحمد لله على السلامه اخذ الذيب منها المويا وتجاهل كلامها تكلم بغضب :هادي مادق ولا جاء خبر منه حركت رأسها بالنفي وهي تعدل درجة تدفق المغذي :مادق إلى الآن ولافي خبر منه الا ماقلت لي وش إلي صاير لك وليش انصبت اقصد مين أطلق عليك ...الرصاصه اخترقت عظمة الساق وممكن يصير لك مضاعفات يعني يبي لك وقت حتى تمشي عليها طبيعي تكلم بغضب :وشلون يعني ابتسمت بخبث ما يقل عنه :يعني بتصير أعرج شد على المفرش وهو صاك على أسنانه :أااخ بيندم والله بيندم ويعض أصابع الندم ضحكت بصوت صاخب :ههههههه هههههه اول مره اشوفك كذا منهزم يالذيب توقعتك ما تعرف طعم للخساره صرخ الذيب بصوت كاسر:اصص ماابيك تزيدين حرف واحد حركت يدها بهدوء :طيب هدي توك طالع من عمليه يعني بعدك تعبان رفع حاجبه وهو يمرر عيونه الناريه عليها :وش المطلوب مني اسمع كلامك يا دكتوره ابتسمت ابتسامه جانبيه :انا هنا مو دكتوره اظن اني زوجتك يالذيب وانقذتك والا كان تركتك لجاك يلعب فيك بهالغرفه إلي ياما راحوا فيها ناس بسببك هاذي المره طلعنا رصاصه اما المره الثانيه الله العالم يمكن نستأصل منك عضو من هنا والا من هناك شد الذيب على أسنانه من كلامها إلي استفزه :اطلعي برا ماابي اشوفك هناااا ابتعدت عنه وطلعت من الغرفه تاركته ياكل في نفسه من القهر ... صد من سمع صوت الباب ينقفل مرر عيونه على الغرفه المليانه بالمعدات الطبيه النار تاكل صدره اكل هزمه بكل بساطه انهان بسبب سعود انجر على وجهه وطعم طعم الخساره إلي ماعمره ذاقها بيندمه على كل شي لكن هالمره بطريقته الخاصه ابتسم وعيونه تتطاير منها الشرار وكأنه طرى على باله شي غافل عنه من زمن .... """"""""""" مايعيش ببلاد ولاهي بأرضها ولايبي عيونه كانها ماهي قباله ارض تدوسها امه يازينها وده يرتمي بترابها ولاباس لو يموت ويندفن برملها..حركت يدينها على كتوفه وصدره :متاكد انك بخير راكان لاتوجعني عارفه ان وراك شي وماتاخرت الا انت بمهمه خطيره سحب راكان يدينها وضمها لبعض انحنى وقبلها بحب :يمه حبيبتي انا بخير وتاخرت لان المهمه كان وقتها متاخر لاتحاتين ما في شي من إلي على بالك تنهدت ام راكان براحه وعيونها تناظره بعدم رضا :الحمد لله كنت خايفه رد ببتسامه حلوه :لا تخافين ما فيه شي يالغاليه حس بيد تشده مع تيشيرته من ورى لف شاف ملامح بدر إلي واضح عليها الزعل نزل يده على شعره :بدر وش فيك حبيبي تكلم بدر وهو منزل نظره بالارض :انا زعلان منك عقد راكان حواجبه :افا بدوري ليش نزلت دموعه بطفوله:لأنك وعدتني توديني للدبابات وماوديتني مسح دموع اخوه صحيح هالايام صار بعيد عنه بالحيل يحس انه قصر معه همس بنبره حانيه :روح تجهز وانا اوديك ضحك بدر ببراءه ولا كأنه كان يبكي من لحظات :ههههه صدق ركون بنروح حرك راكان رأسه بالايجاب :ايه بنروح كم عندي بدر واحد بس ميل رأسه بدر بسعاده :صح واحد بس ابتعد وهو يركض ويضحك ابتسم براحه يا كثر ماينسى نفسه بس من نظرة بدر وضحكته ناظرته ام راكان بعتب :توك راجع يا ولدي ومن امس مانمت وشلون بتروح حرك رأسه بالنفي وهو يمشي متوجه للدرج :ماعليه يمه بنام لي ساعتين على ماتجهزون ابتسمت بحزن وهمست بهدوء عسى انها تفرح قلبه وتزيل الهم إلي واضح على ملامحه :قبل تطلع عندي لك خبر حلو ياراكان وقف راكان على اول درجه طلعها ولف لامه :وشو يمه ام راكان ببتسامه :كلمت ام رعد وخطبت لك ديما رجع نزل الدرجه إلي طلعها وبتسأل :وش كان ردها توسعت ابتسامتها :اعطتني الموافقه مبدئيا حتى تشوف راي البنت واخوها هز رأسه وانرسمت شبح ابتسامه على شفاته :الله يكتب إلي فيه الخير رجع طلع الدرج وافكاره معلقه بالشخص الي شافه انتشل من قلبه السعاده كان المفروض يفرح ويستانس بخبر خطبته من ديما لكن شكله مقبل على ايام الله العالم فيها كل الي يتمناه الحين وبهلحظه انه ينجمع بديما حتى ينسى كل مر عاشه بسبب ابوه وده يغمض ويفتح ويشوفها قباله يجمعهم سقف واحد يشكي لها همومه وتمسح عنه البؤس والشقاء... انـتـهــــى الـفـصــــل اتمـنى- ينال… على' اعـــــجـابـكــم} والـقـادم< اجــمـــل: باذن الـله* اراكــم؛ تهمــــــنــــيـʼ وتـعـليقاتكــــم؟ بعـد\ اتـمنى› لكم‘ قراءة¨ مـمـتعة و< انـــتـظر« تـعـلـيـقاتـــــكم' بشـوق تحـيـااااااتـــي› عـيـون الــــريم ^_^* | ||||||||||||
|
| |
|
01-11-18, 01:54 PM
| #898 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| قراءه ممتعه للجميع واعتذر لقصر الفصل لضيق وقتي لكن وعد باذن الله الفصل القادم بيكون مليئ بالأحداث تحياتي 🌹🌹 | ||||||||||||
|
| |
|
01-11-18, 02:18 PM
| #899 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب  
| فصل جميل ام ركان خطبت ديما لابنها بانتظار موفقة ديما النهائية الذيب الواطى ما زال حيا وناوى ينتقم من سعود الذى دمره الله يستر من انتقامه لميس ستعود لنواف الذى يبيها رغم كل ما صار بينهما من وجع رعد وجورى وطلبه منها بان تمنحه الفرصة وترتاح له يسلمووو وبانتظار القادم | |||||||||||
|
| |
|
01-11-18, 02:20 PM
| #900 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب
| الذين يشاهدون محتوى الموضوع الآن : 5 ( الأعضاء 4 والزوار 1) قمر الليالى44, سمو المجد+, موضى و راكان, عييون الريم+ | |||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
.png)
العرض العادي
