آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
16-04-16, 02:53 AM
| #1 | |||||
| كاتبة في قسم قصص من وحي الأعضاء وبمنتدى قلوب أحلام 
|  من أجلك حبيبتى ( 2 ) ... سلسلة من أجل حبك * مكتمله * السلام عليكم يسعد صباحكم ومساكم بالخير يا احلى قراء بحب اني اتوجه بالشكر العميق لمشرفات المنتدى على مجهودهم واهتمامهم وترحيبهم ليا وبشكركم على تشجيعكم ومتابعتكم الي وتعليقاتكم الأكثر من رائعة واللي شجعتني اني انزل الجزء الثاني من الرواية وفى الجزء التانى هنشوف يحيى هيقدر يرجع ثقة يارا فيه وفى حبه من تانى وال لا؟؟ ويارا هتفضل زى ماهى وال هتغير من نفسها وتنتبه لسلبياتها ال وصلتها للانتحار فى الجزء الاول؟ رواية "من أجلك حبيبتى" الجزء الثانى من سلسلة "من أجل حبك"  (الفصل الاول) بعد مرور عدة اشهر.. يارا جالسة تفكر فيما حدث منذ حديثها مع يحيى فى شقتهما.. عقدت معه اتفاق الا يتدخل فى حياتها حتى تعيده هو فيها من جديد..وقد وافق على كل ماقالته دون اعتراض حتى يستعيدها من جديد.. وبالفعل عادت مع سامر ومروان وهى تشعر ببعض الراحة من قرارها..وجلست مع والدها واخبرته بما حدث..ثم اخبرته بما تريده اتسعت عينا والدها من الدهشة.. حلمى:يارا..انتى متأكدة من ال انتى عايزاه ده؟؟ يارا:ايوة يابابا انا اتكلمت مع دكتورة امل وهى شجعتنى وقالتلى دى خطوة كويسة لحياتى حلمى:بس يابنتى انتى عارفة ان عزت ... قاطعته يارا بهدوء:يابابا كلكوا ظالمين ابيه عزت..هو شخص كويس جدا وصان اختى وعمره مازعلها ولا جرحها بكلمة.. وبصراحة انا واثقة فيه وعارفة انه مش هيخذلنى هو بس محتاج فرصة ومحتاج حد يفهمه ويرشده للطريق الصح وانتوا كلكوا بتتعاملوا معاه غلط..على طول بتلوموه وبتنتقدوه وده بيخليه يرتبك ويفقد ثقته فى نفسه صدقنى يابابا انا واثقة فيه جدا وعارفة هو اد ايه كويس وانه معتبرنى زى اخته الصغيرة حلمى:ماشى يابنتى زى ماتحبى..انا طول واثق فيكى وفى قوتك وعارف انك هترجعى احسن من الاول كمان.. قبلته يارا قائلة:ربنا يخليك ليا يابابا ومايحرمنيش منك ابدا.. وبالفعل بدأت اولى خطواتها فى حياتها الجديدة ومع انها اخبرت يحيى انه لا علاقة له بحياتها وبما تفعله فيها حتى تقرر هى ان تعلمه.. فقد كانت تبعث له برسالة بكل تحركاتها دون انتظارا لرده.. ذهبت لزيارة دينا وجلست معهم تخبرهم بما تريده... دينا:عاملة ايه ياحبيبتى؟؟ يارا:الحمد لله ياابلة بخير وحشتونى قولت اجى اشوفكم وكمان فيه موضوع عايزة اكلمكم فيه دينا:خير يا يارا قلقتينى؟؟ يارا:انا عارفة ان الايجار بتاعكوا هيخلص كمان شهر وانكوا مش لاقيين حاجة مناسبة وانا جايبالكوا الحل بس يارب ابيه عزت مش يكسفنى بقى.. عزت:انا عنيا ليكى يا يارا يارا:ربنا يخليك ياابيه.. انا عندى اقتراح ويترتب عليه حاجات كتيير اولا انكوا تيجوا تعيشوا قى الشقة بتاعتكوا فى بيت بابا..وقبل ماتعترض ياابيه هتدفعوا ايجار برضه..بس الفرق ان مفيش حد هيستعبط ويزود عليكوا الايجار او يقرفكوا فى حاجة وتأكد انك هتبقى منفصل بحياتك وخصوصيتك زى هنا تمام... تانى حاجة عايزاك تشتغل معايا..انا هفتح حاجة كده على ادى وعايزاك معايا فيها لانى مش هثق فى اى حد تانى غير حضرتك.. صمت رهيب بعد ان القت يارا بكلماتها.. قطعه عزت:يارا انتى عارفة اد ايه بثق فيكى وبعزك زى اختى لكن الموضوع ده صعب عليا يارا:عارفة ياابيه..بس عارفة برضه ان حضرتك مستعد تعمل اى حاجة عشان خاطر اختك الصغيرة صح؟ ابتسم عزت قائلا:مكنتش اعرف انك لئيمة ؟؟ يارا ضاحكة:اتعلمت بقى ياابيه..مش هفضل طول عمرى هبلة وبينضحك عليها.. المهم دلوقتى انك توافق وصدقنى مش هتندم حضرتك عارف انا بحترمك اد ايه وبتعتبرك زى ابيه مروان وابيه سامر..عشان كده عمرى ماهعمل اى حاجة تضايقك او تضايق اختى ظلت دينا صامتة تنظر لعزت مترقبة قراره هى لا تنكر ان حديث يارا اعجبها كثيرا ولكنها لاتريد لعزت ان يندم او يفعل شيئا من اجلها فقط..تريد قراره عن اقتناع تام منه... عزت:ماشى انا موافق بس بشرط.. انا ال احدد قيمة الايجار حسب قيمة الايجارات فى منطقتكوا..وكمان عايز افهم الشغل ال عايزانى فيه ده ايه؟؟ يارا:هفهمك كل حاجة لما تنقلوا اكون خلصت خلصت كل ال فى دماغى ولميت معلومات اكتر..عشان اشرحلك الموضوع كويس وبعد اسبوعين انتقلت دينا وعزت واولادهم الى شقة دينا فى منزل والدها.. كانت فرحة مديحة كبيرة بالطبع دينا ويارا واولادهم معها من جديد رغم حزنها على حال يارا..ولكنها سعيدة بجلوسها معهم ولكن سعادتها لم تتم عندما اعلنت يارا عودتها الى شقتها مع اولادها بعد سفر يحيى الى عمله سامر:انتى بتستهبلى يا يارا؟؟ ترجعى فين؟؟ يارا بهدوء:هرجع شقتى ياابيه..مش هفضل قاعدة عندكوا للابد يعنى.. سامر:ازاى يعنى؟؟انتى مش عايزة تطلقى من سى زفت ده؟؟ يبقى ترجعى هناك ليه؟؟ لا تعلم يارا سر ضيقها من نعته ليحيى هكذا وايضا من موضوع الطلاق..رغم جديتها فى هذا الموضوع من فترة.. ولكنها صرفت نظر عنه بعد حديثها مع يحيى تلك الليلة..لا تعلم لماذا.. ولكنها فقط لا تتخيل حياتها دون يحيى... يارا:اولا انا اجلت الموضوع ده..ثانيا حتى لو حصل فالشقة من حقى عشان العيال وانا مش هتنازل عن حقوقى..ثالثا يحيى اصلا مش موجود وماما سعاد وبابا عبد اللطيف لوحدهم فى البيت وده ماينفعش بدام انا هنا.. وال ايه يابابا؟؟ حلمى وهو يكتم ابتسامته:اكيد يابنتى..هى ادرى بمصلحتها ياسامر سيبها براحتها..هى مش صغيرة..انا عارف انك خايف عليها.. لكن هى كبيرة وتقدر تعرف الصح من الغلط تركهم سامر وصعد الى شقته وهو يرغى ويزبد نظر لها والدها مشجعا فابتسمت له فى صمت وبعد يومين..استعدت يارا للذهاب الى شقتها مع اطفالها... سلمت عليهم جميعا..ثم صعدت الى سامر الذى رفض النزول لوداعها.. يارا:يعنى مش هتسلم عليا قبل ماامشى؟؟ نظر لها بغضب ولم يرد عليها.. اقتربت منه يارا حتى وقفت امامه نظرت اليه مبتسمة بحزن:خليك واثق فيا ياابيه..انا عارفة انا بعمل ايه..انا عارفة انك خايف عليا لكن دى حياتى وانا ال لازم اخوض التجربة للنهاية..وياريت تكون جنبى وماتسيبنيش ظل صامتا لا ينظر اليها ..فاستدارت لتذهب فامسك بيدها وادارها اليه ثم احتضنها قائلا:: خلى بالك من نفسك حبيبتى..واى وقت تحتاجينى هتلاقينى جنبك.. انتى بنتى قبل ماتكونى اختى يا يارا امتلأت عيناها بالدموع ولكنها حبستها حتى لا تسقط..وامسكت بيده وهى تقول:: ربنا يخليك ليا ياابيه ومايحرمنيش منك ابدا عادت يارا الى شقتها واستقبلتها عائلة يحيى بحب كما اعتادت منهم... عبداللطيف وسعاد وشهيرة وشاهر واطفالهم تركت جاسر وجهاد لديهم وصعدت حتى ترتب اشياءهم فى شقتها... عندما دخلت الشقة شعرت بمشاعر مختلفة تعتريها..فرحة..حزن..راحة..اخت ناق فرحة وراحة لانها عادت الى شقتها اخيرا بعد كل هذه المدة..رغم ان اهلها لم يقصروا معها ابدا..وكانوا سعيدين للغاية بها وبأطفالها ولكنها لم تشعر بالفرح والراحة الا عند عودتها الى شقتها..وكأنها كانت مجرد ضيف فى منزل والدها.. وحزن واختناق..عندما تدافعت الصور الى عقلها رغما عنها..خاصة... تذكرت عندما اختلفت مع يحيى بسبب بدور جارتهم.. قبل عدة ايام من رؤيتها باحضانه... واخبرته انه سبب جرأتها عليه وانه لابد وان يكون حازما معها والا يرد على سلامها حتى..وتطور النقاش بينهما بسبب عدم اعتراف يحيى بخطئه بالتعامل مع تلك الفتاة حتى.................ضربها بعنف... (الفصل الثانى) ارتجف جسدها والذكرى تجتاحها.. صوت جهاد وهى تبكى... صوت جاسر وهو يصرخ باكيا بوالده:لا تموتها جعلها تجن اكثر من عنف الضربة جعلها تريد ان تقتله بيدها... فدفعته بيدها بعيدا عنها وهى تنزل على السلم فجن جنونه وهو يراها تنزل بهذا الشكل فنزل خلفها مسرعا وامسكها من ذراعها ساحبا اياها على السلم غير مبالى بسقوطها والجروح التى ملأت جسدها.. حتى دخل الى شقتهم والقاها بعنف وظل يهزها صارخا بها غير مبالى بحالتها ولا صراخ اطفاله.. وكأن الشيطان تلبسه بذالك اليوم وهى لا تفعل شيئا سوى النظر الى اطفالها ورؤية خوفهم الشديد والالم يغزو قلبها وهى تهتف به ان يتوقف من اجل الاطفال.. وهو لا يعبأ بها حتى القاها ارضا فى النهاية وهو يضربها بقدميه.. شهقت من عنف الضربة التى جاءت فى بطنها ثم كتمت انينها وهى تشعر بالسائل الساخن يسيل بين قدميها.. اغمضت عينيها ودموعها تسيل..عندما وصلت لهذه الذكرى... لقد افقدها يحيى جنينها الذى لم يعلم بوجوده جنينها الذى كان ينمو باحشائها من شهرين.. كل مافعلته انها قامت بتثاقل الى الحمام حتى تغتسل وقد عزمت على طلب سامر حتى يذهب بها الى طبيبة النساء التى اتصلت بها صباحا وحددت موعدا معها.. لم يكن حزنها فقط على جنينها الذى لم يقدر له ان يرى النور..ولا على اطفالها الذين اصابهم الرعب وهم يشاهدون والدهم وهو يضرب والدتهم بهذه الوحشية والعنف.. وانما على تفكيرها انها ستسامحه وتبدأ معه صفحة جديدة من اجل الطفل القادم ابتسمت بسخرية وهى تتذكر ذعره عندما رأى الدم بعدما ذهبت الى الحمام.. وظل يطرق على باب الحمام وهو يسألها عما بها..وهى لا ترد عليه حتى اوشك ان يكسر باب الحمام ويخلعه خلعا... وبعدما انتهت لم تنطق سوى بكلمة واحدة قبل ان تسقط فاقدة للوعى والدم يسيل منها بغزارة ((عبير)) تلقفها بين يديه وهو يهتف بجاسر ان ينادى زوجة عمه مسرعا.. وجاءت عبير وجاء معها مازن .. اخذ مازن الاطفال واعطاهم الى والدته.. ثم اسرع بالتقاط حافظته ومفاتيح السيارة ونزل مسرعا ومعه عبير التى التقطت عباءتها وهاتفها وتتصل بالطبيبة تخبرها بوضع يارا.. فهى الوحيدة التى كانت تعلم بحمل يارا ويحيى يكاد ان يجن وهو يحمل يارا الى السيارة..ويجلس محتضنا اياها بعدما وضع عليها عباءتها وحجابها.. ظل طوال الطريق يرتجف من الخوف وهو لا يفهم ماهذا النزيف الذى اصابها؟؟ هل كانت يارا تحمل طفله الثالث؟؟ ولماذا لم تخبره بحملها؟؟ واخيرا وصلا الى المشفى وكانت الطبيبة قد جهزت حجرة العمليات وادخلتها على الفور افاقت يارا من افكارها على صوت الهاتف.. وجدت عبير تتصل بها فأجابت مبتسمه وهى تعلم سبب اتصالها..نعم الصديقة هى لقد وقفت بجانبها فى تلك الفترة ولم تكن تريد السفر مع مازن حتى تظل بجانبها ولكنها اصرت عليها ان تسافر مع زوجها وطمأنتها انها اصبحت بخير.. يارا:السلام عليكم ياقمر عبير:حبيبتى يارا..انتى كويسة؟؟ يارا ضاحكة:اتصلتى فى وقتك بصراحة انتى اخبارك ايه؟؟حبايبى عاملين ايه؟؟ عبير:الحمد لله مطلعين عينى اهو.. انا ماتصلتش بس عشان اطمن عليكى على فكرة ..انا عندى خبر حلو يارا مبتسمه:انتى حامل صح؟؟ عبير بدهشة:انتى مكشوف عنك الحجاب وال ايه؟ عرفتى منين؟؟انا لسه ماقولتش لحد يارا ضاحكة:اصلى حلمت بيكى امبارح ياستى شوفتك فى الحلم مع بنوتة زى القمر وصحيت قولت اكيد هسمع خبر حلو منك..ولو مكنتيش اتصلتى كنت انا هكلمك لما ارتب الشقة عبير:حبيبتى يا يارا..على طول بتحسى بيا انتى اختى ال كنت بتمناها طول عمرى يارا:ربنا يخليكى حبيبتى..المهم تخلى بالك من نفسك عشان خاطرى..وارمى العيال لمازن ههه مش كان نفسه فى بنوتة؟؟ قوليله ال جاى بنت خد بقى العيال عنى عبير ضاحكة:من غير ماتقولى ياحبيبتى.. هرميه هو والعيال ههههه مش قادرالهم اصلا يارا:ربنا يكملك على خير يارب وانتهت المكالمة..ويارا تشكر عبير انها اخرجتها باتصالها من تلك الذكريات الكئيبة وعادت تنظر الى الشقة بشوق وهى تعيد ترتيب الثياب فى الخزانة وتفكر فى مشاريعها القادمة فصول الروايه الفصلين الاول والثاني ... في الاعلى الفصل الثالث الفصل الرابع الفصل الخامس الفصل السادس والسابع الفصل الثامن الفصل التاسع الفصل العاشر الفصل الحادي عشر الفصلان الثاني عشر والثالث عشر بالتتابع الفصلان الرابع عشر والخامس عشر بالتتابع الفصلين 16 , 17 الفصول 18 , 19 , 20 بالتتابع الفصول 21 , 22, 23 الاخير بالتتابع التعديل الأخير تم بواسطة um soso ; 04-05-16 الساعة 09:22 AM | |||||
|  |
|
16-04-16, 03:26 AM
| #3 | ||||
 
| مبروك حبيبتي الجزء الثاني من الرواية وأتمنالك التوفيق والنجاح وأعجبني إختيارك لإسم الجزء الثاني من الرواية فهو يعبر عن ماسيخوضه يحيى من أجل يارا وإرضائها وإسترجاع محبتها يبدو من الفصل اﻷول أن يارا أصبحت شخص جديد شخص يريد بناء نفسه وطموحاته التي تخلت عنها من أجل يحيى فيارا اﻷن تسعى لتحقيق ذاتها وإسترجاع ثقتها بنفسها حبيبتي حنين في إنتظار الفصول ومعرفت باقي أحداث الرواية الشيقة | ||||
|
| |
|
16-04-16, 11:52 AM
| #4 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| مبروك البدء بالجزء الثاني من الروايه ومعا نكمل مشوار يحيى ويارا اعجبني التغيير بافكار يارا وانتباهها لنفسها وضعت يدها على النقط الاساسيه التي كانت السبب بما وصلت له عرفت مالها وما عليها الان تسعى ان تبني نفسها وتفكر بمشروع يناسبها ويناسب امكانات زوج اختها .. هي اكثر وحده تعرف شخصية زوج اختها وتقدره وتحترم التزامه اعتقد انها تسير بالطريق الصحيح الفصل الثاني كان صدمه لي ... لاتزعلي مني لاني اجد به اشياء لم تقنعني وصدمتني يحيى طول الجزء الاول تعرفنا عليه وعلى افكاره والتزامه وطول فترة زواجه من يارا رغم طبعه المتكتم لكن لم يكن يوما فضا او شخص يغلط ويضرب ويسب ويشتم بالعكس كان يراعي يارا ويحاول ان لايؤذيها وان كان لايشرح ولا يقول وهو السبب بما حصل بينهم من سوء فهم عادا الى الوطن باجازه ,,, ويارا متغيره وكانت قد اصيبت بانهيار عصبي ....الكل انتبه والكل يلوم يحيى وهي ساكته وهو لايعلم مابها .............. فجأة يصدمني انها تتذكر قبل ايام من انتحارها كانت تتجادل مع يحيى بتساهله مع بدور .... ويصل الامر به يضربها وتخرج من الشقه ليلحقها ويسحبها غير مبالى بسقوطها والجروح التى ملأت جسدها.. ويرميها على الارض ويرفسها ............. هذه الوحشيه بالضرب لااجدها تناسب يحيى ولا اعتقد يارا قالت شيء يوزازي هذا الرد فعل .......... كما ان الامر ينتهي باسقاطها ................ وماذا حصل بعد الاسقاط ولو لم نصل له لكن واضح انها عادت وبعد كم يوم تذهب وهي من اجهضت قريبا لزيارة جارتهم مع حماتها ........... وهل يعقل ان كل الضرب والجروح والاثار لم ينتبه احد .. لم يسأل احد عن سبب الاسقاط ... اطفالها لم يتكلموا لم يسألهم احد ماذا حصل لامهم ؟؟؟ في المستشفى الم ينتبهوا لاثار الجروح والضرب ؟؟؟ لم اقتنع بصراحه .. وهل من تم ضربها وسحلها ورفسها واجهاضها بعد كم يوم تجد زوجها يحضن بنت فيكون رد فعلها انها هي من تنتحر !!!!!!!!!!!!!!!!!!!!!!!!!!!!!!!!!! عذرا حنين اجد موضوع الضرب وطريقته ونتائجه وان يكون قبل كم يوم فقط فيه شيء غير مقنع لي اسفه لكن طبعي ان احببت روايه ووجدت شيء لايقنعني ان اقوله من اجل ان تنتبه الكاتبه لرأي القراء | |||||||
|
| |
|
16-04-16, 01:03 PM
| #8 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| عزيزتي انا عدلت العنوان ليكون حسب تنسيق روايات القسم واسمك موجود تحت اسم الروايه فلا داعي ان يكتب بالعنوان الجزء الاول لم يكن حصري هذا الجزء هل نزل سابقا او ينزل بغير منتدى او بالفيس او الكروبات او فقط هنا .. لكي نعرف هل هو حصري للمنتدى او لا بالتوفيق | |||||||
|
| |
|
16-04-16, 05:46 PM
| #9 | ||||||
| كاتبة في قسم قصص من وحي الأعضاء وبمنتدى قلوب أحلام
| اقتباس:
وشكرا لتعبك معايا | ||||||
|
| |
|
16-04-16, 05:55 PM
| #10 | ||||||
| كاتبة في قسم قصص من وحي الأعضاء وبمنتدى قلوب أحلام
| اقتباس:
سافرت بحالة ورجعت بحالة تانية خالص.. وده كله كان ضغط على اعصابها.. يارا استفذته جامد وزى ما بنقول حسبك من الحليم إذا غضب.. هو شاف انه مش مقصر معاها وانه عامل ال عليه وزيادة تيجى هى تهينه وتقوله انه عاجبه اعجاب بدور له وكلام كان سمعه من اهله ونظراتهم له وطريقة سامر معاه ..بعد ماكان سامر اقرب واحد له رجع بقى مش طايقه وبيعامله وحش اوى.. طبعا فيه حاجات هتظهر لسه فى الجزء الثانى هتشرح ده وازاى وصل للحالة دى وشكرا لرأيك وتنبيهك طبعا ياجميل ..تسلمى يارب | ||||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
