حكاية من التراث المغربي.... أجرادة مالحة
 

السلااام عليكم اليوم قررت أن أشارككم قصة من التراث المغربي.. عندما كنا صغاار كنا نغني أغاني دون ان نفهم معناها أو اصل قصتها نحن في المغرب لدينا اغنية الكل يحفظها ولهااا قصة راائعة فيها حكمة فأتمنى ان تنااال إعجاااابك....
أترككم مع اجرادة مالحة....

ﻛﺎﻥ ﻳﺎﻣﺎ ﻛﺎﻥ ﻓﻲ ﻗﺪﻳﻢ ﺍﻟﺰﻣﺎﻥ ﻭﻓﻲ ﻗﺒﻴﻠﺔ ﺑﻌﻴﺪﺓ، ﻣﺎﺗﻮﺻﻠﻬﺎ ﺇﻻ ﻣﺎﻋﻨﺪﻙ ﺣﻴﻠﺔ، ﻛﺎﻧﺖ ﻃﺮﻳﻘﻬﺎ ﻃﻮﻳﻠﺔ، ﺍﻟﻤﻮﻧﺔ ‏( ﺍﻟﻤﺆﻭﻧﺔ ‏) ﺗﺴﺎﻟﻲ ‏( ﺗﻨﻔﺪ ‏) ﻭﻫﻲ ﻣﺎ ﺗﺴﺎﻟﻲ ...
ﻭﺍﻟﻌﺠﻴﺐ ﻓﻲ ﺃﻣﺮ ﻫﺎﺩ ﺍﻟﻘﺒﻴﻠﺔ ﺃﻥ ﻛﻞ ﻣﺮﺓ ﺗﺒﺪﻝ ﻃﺮﻳﻘﻬﺎ، ﺍﻟﻄﺮﻳﻖ ﻟﻲ ﺟﺎﺑﺘﻚ ﺍﻟﻴﻮﻡ ﻣﺎﺗﺮﺟﻌﻚ ﻏﺪﺍ .
ﻭﻫﺎﺩ ﺍﻟﺸﻲ ﻛﻞ ﺑﺴﺒﺐ ﻭﺍﺣﺪ ﺍﻟﺴﺤﺎﺭﺓ، ﻛﺎﻥ ﺇﺳﻤﻬﺎ ﻋﻘﻴﺴﺔ، ﻛﺎﻧﺖ ﻣﺎﻟﻜﺔ ﺍﻟﺒﻼﺩ ﻭﺍﻟﻌﺒﺎﺩ، ﻭﻛﺎﻥ ﺳﺤﺮﻫﺎ ﻣﺎ ﻳﻔﻠﺘﻮﺍ ﻣﻨﻮ ﻏﻴﺮ ﺍﻟﺸﺪﺍﺩ .
ﻭﻛﺎﻧﺖ ﻓﻲ ﺍﻟﻘﺒﻴﻠﺔ ﻭﺍﺣﺪ ﺍﻟﻤﺮﺍ ‏( ﺍﻟﻤﺮﺃﺓ ‏) ﻃﻴﺒﺔ ﺟﻮﺍﺩﺓ، ﺗﻌﻄﻲ ﺑﻴﺪﻳﻬﺎ ﻭﻟﺴﺎﻧﻬﺎ، ﻭﻛﺎﻥ ﻋﻨﺪﻫﺎ ﻭﺍﺣﺪ ﺍﻟﺠﻨﺎﻥ ‏( ﺍﻟﺒﺴﺘﺎﻥ ‏) ، ﺧﻴﺮﺍﺕ ﺍﻟﻘﺒﻴﻠﺔ ﻛﻠﻬﺎ ﻣﻨﻮ، ﺗﻌﻄﻲ ﻟﻠﻤﺴﻜﻴﻦ ﻭﺗﺠﻮﺩ ﻋﻠﻰ ﺍﻟﻴﺘﻴﻢ، ﻭﻟﻬﺬﺍ ﻛﺎﻧﻮﺍ ﺍﻟﻨﺎﺱ ﻳﺴﻤﻴﻮﻫﺎ ﺍﻟﺼﺎﻟﺤﺔ .
ﻭﻫﺎﺩ ﺍﻟﺼﺎﻟﺤﺔ، ﻛﺎﻧﺖ ﺍﻟﻌﺪﻭ ﺍﻟﻜﺒﻴﺮ ﺩﻳﺎﻝ ﻋﻘﻴﺴﺔ ، ﺣﺘﻰ ﺳﺤﺮ ﻣﺎﺧﻼﺗﻮ ﺇﻻ ﻭﺟﺮﺑﺎﺗﻮ ﺣﺘﻰ ﺗﻬﻠﻜﻬﺎ ﻭﺗﻬﻠﻚ ﺃﺭﺿﻬﺎ، ﻟﻜﻦ ﺍﻟﻠﻪ ﻛﺎﻥ ﺣﺎﻓﻈﻬﺎ ﻭﺣﺎﻓﻆ ﺟﻨﺎﻧﻬﺎ .
ﻭﻣﺮﺕ ﺍﻷﻳﺎﻡ، ﻭﺍﻟﺤﺴﺪ ﻭﺍﻟﺤﻘﺪ ﻓﻲ ﻗﻠﺐ ﻋﻘﻴﺴﺔ ﺷﺎﻋﻞ، ﻛﻴﻒ ﺍﻟﻨﺎﺭ، ﺗﺎﻛﻞ ﺍﻷﺧﻀﺮ ﻭﺍﻟﻴﺎﺑﺲ ... ﻭﻟﻲ ﺯﺍﺩ ﻓﻲ ﻧﺎﺭﻫﺎ ﺃﻛﺜﺮ، ﻫﻮ ﺃﻥ ﺍﻟﺼﺎﻟﺤﺔ ﻭﻟﺪﺕ، ﻭﻟﺪﺕ ﺗﻮﺍﻡ ﻳﻄﻴﺮﻭﺍ ﺍﻟﻌﻘﻞ ﺑﺎﻟﺰﻳﻦ ... ﺇﻳﻮﺍ ﻫﺎﺩ ﺍﻟﺸﻲ ﻣﺎ ﻋﻠﻴﻪ ﺻﺒﺮ، ﺣﻴﺚ ﻋﻘﻴﺴﺔ ﻣﺮﻳﻀﺔ ﺑﺎﻟﻌﻘﺮ ‏( ﺍﻟﻌﻘﻢ ‏) .
ﺇﻳﻮﺍ ﻋﻘﻴﺴﺔ ﺟﻤﻌﺖ ﺷﺒﺎﻃﻨﻬﺎ ﻓﻲ ﻭﺍﺣﺪ ﺍﻟﻠﻴﻠﺔ ﻛﺤﻠﺔ ﺯﺣﻠﺔ ‏( ﺷﺪﻳﺪﺓ ﺍﻟﺴﻮﺍﺩ ‏) ، ﻭﻗﺎﻟﺖ ﻟﻴﻬﻢ :
_ ﺍﻟﻠﻴﻠﺔ ﻳﺼﺒﺢ ﺍﻟﺠﻨﺎﻥ ﺭﻣﺎﺩ، ﺑﺎﺵ ﻣﺎ ﺗﻠﻘﻰ ﺍﻟﺒﻬﻴﻤﺔ ﻣﺎﺗﺎﻛﻞ ﻭﻻ ﺍﻟﻌﺒﺎﺩ، ﺑﻐﻴﺖ ﻧﺸﻮﻑ ﺍﻟﺼﺎﻟﺤﺔ ﻣﺪﻟﻮﻟﺔ، ﻻ ﺩﺍﺭ ﻻ ﺃﺭﺽ ﻻ ﻣﻮﻧﺔ ﻟﻼﻭﻻﺩ .
ﺇﻳﻮ ﺳﻤﻌﻮﺍ ﺷﻴﺎﻃﻨﻬﺎ ﺍﻟﻜﻼﻡ ﻭﻗﺮﺭﻭﺍ ﻳﻄﺒﻘﻮﺍ ﺍﻻﺣﻜﺎﻡ ... ﻟﻜﻦ ﺷﻲ ﺷﻮﻳﺔ ﺭﺟﻌﻮﺍ ﺍﻟﺸﻴﺎﻃﻴﻦ ﺣﺎﺯﻧﻴﻦ ﻣﺪﻟﻮﻟﻴﻦ ﻭﻗﺎﻝ ﻛﺒﻴﺮﻫﻢ :
_ ﺃﻟﻼ ﻋﻘﻴﺴﻪ ، ﺍﻟﻠﻪ ﺣﺎﻓﻆ ﺍﻟﺼﺎﻟﺤﺔ، ﻭﻟﻠﺠﻨﺎﻥ ﻣﺎﻟﻘﻴﻨﺎ ﻃﺮﻳﻖ، ﺟﻨﺎﻧﻬﺎ ﻣﺤﺮﻭﺱ ﻣﺎ ﺗﺪﺧﻠﻴﻪ ﻻ ﺑﻬﺪﻳﺔ ﻭﻻ ﺑﻔﻠﻮﺱ .
ﺭﺟﻌﺖ ﻋﻘﻴﺴﺔ ﻟﻔﺮﺍﺷﻬﺎ، ﺧﺮﺟﺖ ﺍﻟﺸﻴﺎﻃﻴﻦ ، ﻭﺟﻠﺴﺖ ﺗﻔﻜﺮ ﺑﺎﻟﻤﻜﻴﺪﺓ، ﺣﻴﺚ ﺩﺍﺑﺎ ‏( ﺍﻵﻥ ‏) ﺍﻟﺼﺎﻟﺤﺔ ﻭﻻﺕ ﺷﻮﻛﺔ ﻓﻲ ﺣﻠﻘﻬﺎ ﻭﻋﺎﻓﻴﺔ ﻣﺎﺑﻴﻦ ﻟﺤﻤﻬﺎ ﻭﻋﺮﻗﻬﺎ ... ﺿﺤﻜﺖ ﻋﻘﻴﺴﺔ ﻭﻗﺎﻟﺖ :
_ )) ﺻﺎﻓﻲ ﻟﻘﻴﺘﻬﺎ ... ﻏﺪﺍ ﻳﺎ ﺻﺎﻟﺤﺔ ﺗﻔﻄﺮﻱ ﺑﺎﻟﺪﻣﻮﻉ ﻭﺗﺘﻌﺎﺷﻲ ﺑﺎﻟﻨﺪﻣﺔ .((
ﺍﺻﺒﺢ ﺍﻟﺼﺒﺎﺡ، ﻭﺍﻟﺪﻳﻚ ﺻﺎﺡ، ﻭﻓﺎﻗﺖ ﺍﻟﺼﺎﻟﺤﺔ ﺗﻔﻄﺮ ﺍﻭﻻﺩﻫﺎ، ﻟﻜﻦ ﺍﻟﻤﺴﻜﻴﻨﺔ ﻣﺎ ﻟﻘﺖ ﻏﻴﺮ ﺍﻟﻔﺮﺍﺵ، ﻣﺴﺖ ﺍﻟﻔﺮﺍﺵ ﻭﻟﻘﺎﺕ ﺑﺎﺭﺩ ، ﻭﻋﺮﻓﺖ ﺃﻥ ﺻﺎﺣﺐ ﺍﻟﻔﻌﻠﺔ ﺩﺭﺍﻫﺎ ﺑﺎﻟﻠﻴﻞ ... ﻫﺪﻱ ﺍﻓﻌﺎﻝ ﻋﻘﻴﺴﺔ .
ﺗﺠﻤﻌﻮﺍ ﺃﻫﻞ ﺍﻟﻘﺒﻴﻠﺔ، ﻧﺎﻭﻳﻴﻦ ﺍﻟﺒﺎﺱ . ﺇﻳﻮﺍ ﻋﻘﻴﺴﺔ ﻃﻐﺎﺕ ﻭﻣﺎ ﺑﻘﻰ ﻛﻔﺎﻫﺎ ﺃﺩﻯ ﺍﻟﻌﺒﺎﺩ، ﻭﻻﺕ ﺯﺍﺩﺕ ﺧﻄﻴﻒ ﺍﻻﻭﻻﺩ؟
_ ﻫﺠﻤﻮﺍ ﻋﻠﻰ ﺩﺍﺭ ﻋﻘﻴﺴﺔ، ﻭﺧﻠﺼﻮﺍ ﺍﻟﻘﺒﻴﻠﺔ ﻣﻦ ﻣﺼﺎﻳﺒﻬﺎ !
ﺇﻳﻮﺍ ﻏﻴﺮ ﻫﺮﺳﻮﺍ ﺍﻟﺒﺎﺏ ﻭﻣﺎﻟﻘﺎﻭ ﻏﻴﺮ ﺍﻟﻀﺒﺎﺏ، ﺍﻟﺮﻳﺢ ﻛﺘﺼﻔﺮ ، ﻫﺮﺑﺖ ﻋﻘﻴﺴﺔ ﻣﻦ ﺑﻌﺪ ﻣﺎﺧﻄﻔﺖ ﺍﻻﻭﻻﺩ، ﻭﺣﺘﻰ ﻭﺍﺣﺪ ﻣﺎﻋﺮﻑ ﻟﻴﻬﺎ ﻃﺮﻳﻖ .
ﺍﻟﺼﺎﻟﺤﺔ ﻣﺴﻜﻴﻨﺔ ﻣﺎ ﻟﻘﺖ ﻟﻴﻬﺎ ﺟﻬﺪ ﻫﺰﺕ ﺍﻳﺪﻳﻬﺎ ﻟﻠﺴﻤﺎﺀ ﻭﺩﻋﺎﺕ ﺩﻋﻮﺓ ﻣﺎ ﻳﺮﺩﻫﺎ ﺑﻮﺍﺏ، ﺣﻴﺚ ﻛﻴﻔﻤﺎ ﻛﺘﻌﺮﻓﻮ، ﺩﻋﻮﺓ ﺍﻟﻤﻈﻠﻮﻡ ﻣﺎ ﺑﻴﻨﻬﺎ ﻭﺑﻴﻦ ﺍﻟﻠﻪ ﺣﺠﺎﺏ .
ﻋﻘﻴﺴﺔ ، ﻣﻠﻲ ‏( ﻟﻤﺎ ‏) ﺧﻄﻔﺎﺕ ﻟﻮﻻﺩ، ﺧﻮﺍﺕ ﻟﻘﺒﻴﻠﺔ ، ﻭﺷﺪﺕ ﻃﺮﻳﻖ ﻃﻮﻳﻠﺔ ﻟﻲ ﻣﺎﻟﻴﻬﺎ ﻋﻨﻮﺍﻥ ، ﻭﺑﻌﺪ ﺛﻼﺙ ﺃﻳﺎﻡ ﻣﻦ ﺍﻟﻤﻴﺴﺮ ﻭﺻﻠﺖ ﻟﻘﺒﻴﻠﺔ ﺍﻟﺼﻴﺎﺩﺓ ... ﻭﻫﺎﺩ ﺍﻟﻘﺒﻴﻠﺔ، ﻛﺎﻧﺖ ﻋﻨﺪ ﺍﻟﻮﺍﺩ، ﻋﺎﻳﺸﻴﻦ ﻏﻴﺮ ﻋﻠﻰ ﺍﻟﺼﻴﺪ ، ﻭﺍﻟﻮﺍﺩ ﺩﻳﻤﺎ ﻋﻠﻴﻬﻢ ﺟﻮﺍﺩ .
ﻣﻠﻲ ﺟﺎﺕ ﻋﻘﻴﺴﺔ ، ﺩﻗﺖ ﺍﻟﺨﻴﻤﺔ ﻓﻲ ﺍﻟﻘﺒﻴﻠﺔ، ﻭﻧﻮﺍﺕ ﺗﺒﺎﺕ ﺍﻟﻠﻴﻠﺔ . ﻭﺇﻻ ﻋﺠﺒﻬﺎ ﺍﻟﻤﻜﺎﻥ ﺗﺨﻠﻲ ﺍﻹﻗﺎﻣﺔ ﻃﻮﻳﻠﺔ .
ﺩﺍﺯﺕ ﺛﻼﺙ ﺃﻳﺎﻡ ﻭﻋﻘﻴﺴﺔ ﻓﻲ ﺍﻟﻘﺒﻴﻠﺔ، ﺍﻟﻨﺎﺱ ﺷﺎﻓﻮﺍ ﺃﻥ ﺍﻟﺤﻮﺕ ﻣﻦ ﺑﻌﺪ ﺍﻟﺼﻴﺪ ﺑﺴﺮﻋﺔ ﺗﻌﻄﻲ ﺭﻳﺤﺘﻮ، ﻭﺇﻻ ﻣﺎﺗﻜﺎﻝ ﻓﻲ ﻧﻬﺎﺭﻭ،ﻣﺎ ﺗﻨﻔﻊ ﻣﻌﺎﻩ ﻻ ﻣﻠﺤﺔ ﻻ ﻗﺪﻳﺪ .
ﺗﺠﻤﻌﻮ ﻛﺒﺎﺭ ﻭﺍﻋﻴﺎﻥ ﺍﻟﻘﺒﻴﻠﺔ ، ﺑﺎﺵ ﻳﻌﺎﻟﺠﻮ ﺍﻟﻘﻀﻴﺔ ﻭﻳﺸﻮﻓﻮﺍ ﻟﻴﻬﺎ ﺷﻲ ﺣﻴﻠﺔ .
ﺳﻮﻟﻬﻢ ﻛﺒﻴﺮ ﺍﻻﻋﻴﺎﻥ : - ﻭﻣﻦ ﺇﻳﻤﺘﻰ ﻫﺎﺩ ﺍﻟﺤﺎﻟﺔ ﻓﻲ ﺍﻟﻘﺒﻴﻠﺔ ؟ ﺟﺎﺑﻮﺍ ﻛﺒﻴﺮ ﺍﻟﺼﻴﺎﺩﺓ :
- ﺃﺳﻴﺪﻱ ﻫﺪﻱ ﺛﻼﺙ ﺃﻳﺎﻡ ، ﺍﻟﻮﺍﺩ ﺑﺨﻞ ﻋﻠﻴﻨﺎ ﺑﺤﻮﺗﻮ ، ﻭﻟﻲ ﺻﻴﺪﻧﺎﻩ ، ﻓﻲ ﻧﻬﺎﺭ ﺗﻌﻄﻲ ﺭﻳﺤﺘﻮ .
ﺗﻜﻠﻢ ﻭﺍﺣﺪ ﺍﻟﺼﻴﺎﺩ ﻭﻗﺎﻝ :
- ﻫﺪﻱ ﺛﻼﺙ ﺃﻳﺎﻡ ﺃﺳﻴﺪﻱ ، ﺩﻗﺖ ﻭﺍﺣﺪ ﺍﻟﻤﺮﺍ ﺧﻴﻤﺘﻬﺎ ﻗﺪﺍﻡ ﺑﺎﺏ ﺩﺍﺭﻱ ، ﻻﻫﻲ ﺿﻴﻔﺔ ﻭﻻ ﻳﺪﺧﻞ ﻋﻨﺪﻫﺎ ﺿﻴﻒ ، ﺇﻻ ﺷﻔﻴﺘﻬﺎ ﻣﺎﺗﺴﺮ ﺑﺸﻮﻓﺘﻬﺎ، ﻭﺇﻻ ﺳﻤﻌﺘﻬﺎ ﻣﺎ ﻳﻌﺠﺒﻚ ﺣﺪﻳﺜﻬﺎ .
ﻭﻗﻒ ﻛﺒﻴﺮ ﺍﻟﻘﺒﻴﻠﺔ ﻭﻗﺎﻝ :
- ﻫﺪﻳﻚ ﺿﻴﻒ ﺍﻟﻨﺤﺲ، ﺿﻴﻒ ﻣﻨﺒﻮﺩ ﻣﻦ ﺍﻟﺴﻼﻳﻒ ﻭﺍﻟﺠﺪﻭﺩ، ﺍﻟﻠﻴﻠﺔ ﻣﺎﻟﻴﻬﺎ ﻣﺒﺎﺗﺔ ﻓﻲ ﻗﺒﻴﻠﺘﻲ، ﺍﻋﻄﻴﻮﻫﺎ ﻣﻮﻧﺔ ﺍﻟﻄﺮﻳﻖ ﻭﺧﺮﺟﻮﻫﺎ، ﻫﺬﻳﻚ ﻣﺎ ﺗﺼﻠﺢ ﻻ ﺻﺪﻳﻖ ﻭﻻ ﺭﻓﻴﻖ .
ﻭﻓﻌﻼ ﺟﺎﻭ ﺍﻟﺼﻴﺎﺩﺓ ، ﺟﻤﻌﻮﺍ ﻟﻌﻘﻴﺴﺔ ﺍﻟﺨﻴﻤﺔ ﻭﺍﻋﻄﺎﻭﻫﺎ ﻣﻮﻧﺔ ﺍﻟﻄﺮﻳﻖ ، ﻭﺧﺮﺟﻮﻫﺎ ﻭﻧﻘﺎﻭ ﺍﻟﻘﺒﻴﻠﺔ ﻣﻦ ﺷﺮﻫﺎ ﻭﻧﺤﺴﻬﺎ .
ﻭﻫﻜﺬﺍ، ﺍﻟﻘﺒﻴﻠﺔ ﻟﻲ ﻣﺸﺖ ﻟﻴﻬﺎ ﻋﻘﻴﺴﺔ ﻣﺎ ﺗﻔﻮﺕ ﻓﻴﻬﺎ ﺛﻼﺙ ﺃﻳﺎﻡ ﺣﺘﻰ ﺗﺠﺮﻱ ﻋﻠﻴﻬﺎ ، ﺣﻴﺚ ﺑﺴﺮﻋﺔ ﻛﺘﻜﻮﻯ ﺑﻨﺎﺭ ﻧﺤﺴﻬﺎ .
ﻭﺑﻌﺪ ﻳﻮﻡ ﺟﺪﻳﺪ ﻣﻦ ﺍﻟﻤﺴﻴﺮ ﺷﺎﻓﺖ ﺃﻧﻬﺎ ﻋﻠﻰ ﺍﺑﻮﺍﺏ ﻗﺒﻴﻠﺔ ﺟﺪﻳﺪﺓ ﻭﻣﻦ ﺳﻤﺎﻫﺎ ﺍﻟﺼﺎﻓﻴﺔ ﺑﺎﻳﻨﺔ ﻗﺒﻴﻠﺔ ﺳﻌﻴﺪﺓ .
ﻛﺎﻧﺖ ﻫﺪﻳﻚ ﻗﺒﻴﻠﺔ ﺍﻟﻘﺎﺿﻲ ﺑﻮ ﻣﻔﺘﺎﺡ ، ﺍﻟﻘﺎﺿﻲ ﻟﻲ ﻟﺠﺄ ﻟﻴﻪ ﻣﺎ ﻳﺘﻈﻠﻢ، ﺍﻟﻐﻨﻲ ﻋﻨﺪ ﺑﺤﺎﻝ ﺍﻟﻔﻘﻴﺮ ﻭﺍﻟﻜﺒﻴﺮ ﻋﻨﺪ ﺑﺤﺎﻝ ﺍﻟﺼﻐﻴﺮ . ﻭﻛﺎﻥ ﺍﻟﻘﺎﺿﻲ ﺑﻮﻣﻔﺘﺎﺡ ﻣﺎ ﻳﺨﻔﻲ ﻋﻠﻴﻪ ﺳﺤﺮ ﺍﻟﺴﺤﺎﺭﺓ ﻭﻻ ﺳﻠﻌﺔ ﺍﻟﻌﻄﺎﺭﺓ، ﻛﺎﻥ ﻋﻨﺪﻭ ﺟﻤﺎﻋﺔ ﻣﻦ ﺍﻟﺴﺤﺎﺭﺓ، ﻟﻜﻦ ﻣﺎ ﻳﺨﺪﻣﻮﻩ ﻏﻴﺮ ﻟﻠﺨﻴﺮ ﻭﻣﺸﻲ ﻟﻼﺩﻳﺔ .
ﺩﻗﺖ ﻋﻘﻴﺴﺔ ﺧﻴﻤﺘﻬﺎ ﻭﻧﻮﺍﺕ ﺗﺒﺎﺕ ﺍﻟﻠﻴﻠﺔ ﻭﺇﻻ ﻋﺠﺒﺘﻬﺎ ﺍﻟﻘﺒﻴﻠﺔ ﺗﺨﻠﻲ ﺍﻹﻗﺎﻣﺔ ﻃﻮﻳﻠﺔ .
ﻭﻣﺮﺕ ﺛﻼﺙ ﺃﻳﺎﻡ، ﻭﺷﺎﻓﻮﺍ ﺍﻟﻨﺎﺱ ﺑﻠﻲ ﻛﺜﺮﺕ ﺍﻟﺨﺼﻮﻣﺔ ﺑﻴﻨﺎﺗﻬﻢ، ﺍﻟﻐﻨﻲ ﻳﺎﻛﻞ ﺭﺯﻕ ﺍﻟﻔﻘﻴﺮ، ﻭﺍﻟﻜﺒﻴﺮ ﻳﺤﻘﺮ ﺍﻟﺼﻐﻴﺮ، ﻭﺍﻟﻘﺎﺿﻲ ﺑﻮﻣﻔﺘﺎﺡ ﻋﻤﺮﻫﻢ ﻣﺎ ﺩﺍﺭﻭﺍ ﺍﻟﺸﻜﺎﻳﺔ ﺍﻟﺼﻒ ﻗﺪﺍﻡ ﺑﺎﺏ، ﻭﻋﻤﺮ ﺍﻟﺨﺼﻮﻣﺔ ﻣﺎﻛﺎﻧﺖ ﻓﻲ ﺍﻟﻤﺎﻝ ﻭﺍﻟﻌﺮﺽ .
ﺇﻳﻮﺍ ﺟﻠﺲ ﺍﻟﻘﺎﺿﻲ ﻛﻴﻔﻜﺮ ﻣﻊ ﺍﺻﺤﺎﺏ، ﺁﺵ ﻫﺎﺩ ﺍﻟﺸﻲ ﺗﺴﻠﻂ ﻋﻠﻰ ﺍﻟﻘﺒﻴﻠﺔ، ﻋﻤﺮﻫﺎ ﻣﺎ ﺗﺸﻜﺎﺕ ﺍﻟﺠﻮﺭ ﻭﺍﻟﻤﻜﻴﺪﺓ، ﻭﻫﺎﺩ ﺛﻼﺙ ﺃﻳﺎﻡ ﺍﺻﺒﺢ ﺍﻟﻈﻠﻢ ﻗﺎﻋﺪﺓ ؟؟؟؟
ﻗﺎﻝ ﻟﻴﻪ ﺻﺎﺣﺐ :
- ﺇﻳﻼ ﺳﻤﺤﺘﻲ ﻟﻲ ﺳﻴﺪﻱ ﺍﻟﻘﺎﺿﻲ، ﻫﺪﻱ ﺛﻼﺙ ﺃﻳﺎﻡ ﺟﺎﺕ ﻭﺍﺣﺪ ﺍﻟﻌﺠﻮﺯﺓ ﻏﺮﻳﺒﺔ ﻋﻠﻰ ﺍﻟﻘﺒﻴﻠﺔ، ﻣﺎﺗﺮﺗﺎﺡ ﻟﺸﻮﻓﺘﻬﺎ ﻭﻣﺎ ﻳﻌﺠﺒﻚ ﻛﻼﻣﻬﺎ ، ﻭﻣﻌﺎﻫﺎ ﺟﻮﺝ ﺻﺒﻴﺎﻥ ﺻﻐﺎﺭ ﻣﺎ ﺑﺎﻳﻨﻴﻨﺶ ﻣﻦ ﺛﻮﺑﻬﺎ .... ﻳﺎﻛﻤﺎ ﺟﺎﺑﺖ ﻣﻌﺎﻫﺎ ﺍﻟﻨﺤﺲ ﻭﺍﻟﺒﻐﻴﻀﺔ ﻟﻘﺒﻴﻠﺔ ﺳﻴﺪﻱ ﺑﻮﻣﻔﺘﺎﺡ .
ﺟﺎﻭﺑﻮ ﺍﻟﻘﺎﺿﻲ ﺑﻮﻣﻔﺘﺎﺡ :
- ﺍﻧﺘﻤﺎ ﻛﺘﻌﺮﻓﻮﻧﻲ ﻣﺎﻧﺒﻐﻲ ﺍﻟﻈﻠﻢ، ﺟﻴﺒﻮﻫﺎ ﻧﺴﻤﻊ ﺣﻜﺎﻳﺘﻬﺎ ﺇﻻ ﻛﺎﻧﺖ ﺿﻴﻔﺔ ﻧﻜﺮﻣﻮﻫﺎ ﻭﺇﻻ ﺟﺎﻳﺒﺔ ﺍﻟﺒﻼ ﻟﻠﻘﺒﻴﻠﺔ ، ﺍﻟﻠﻴﻠﺔ ﻧﻄﺮﺩﻭﻫﺎ .
ﺳﺄﻟﻬﺎ ﺍﻟﻘﺎﺿﻲ ﺑﻮﻣﻔﺘﺎﺡ :
- ﺷﻜﻮﻥ ﺍﻧﺖ ؟ ﻭﺁﺵ ﺟﺎﺑﻚ ﻟﻘﺒﻴﻠﺘﻨﺎ ؟
ﺧﺎﻓﺖ ﻋﻘﻴﺴﺔ ﻣﻦ ﻛﻼﻡ، ﻟﻜﻦ ﺍﻟﺪﺍﻫﻴﺔ ﻋﺎﺭﻓﺔ ﻛﺘﺮﺩ ﺍﺣﻜﺎﻡ ﺟﺎﻭﺑﺎﺗﻮ ﻭﻗﺎﻟﺖ :
- ﺟﻴﺖ ﻣﻦ ﻗﺒﻴﻠﺔ ﺑﻌﻴﺪﺓ ، ﺩﺍﺯﺕ ﻋﻠﻴﻬﺎ ﺃﻳﺎﻡ ﺷﺪﻳﺪﺓ، ﺯﺍﺭﻫﺎ ﺍﻟﻘﺤﻂ ﻭﻃﻮﻝ ﺍﻟﺰﻳﺎﺭﺓ ﻣﺎﺧﻠﻰ ﻓﻴﻬﺎ ﻻ ﻋﻮﺩ ﻧﺎﺑﺖ ﻻ ﻧﻮﺍﺭﺓ، ﺇﻳﻮﺍ ﺍﺳﻴﺪﻱ ﺑﻮﻣﻔﺘﺎﺡ ﻫﺰﻳﺖ ﻭﻟﻴﺪﺍﺗﻲ ﻭﺧﻮﻳﺖ ﺍﻟﻘﺒﻴﻠﺔ ، ﻭﻗﺼﺪﺕ ﻗﺒﻴﻠﺘﻚ، ﺇﻻ ﻗﺒﻠﺘﻮﺍ ﻋﻠﻲ ﻫﺪﺍﻙ ﻣﻨﺎﻳﺎ، ﻭﺇﻻ ﻣﺎﻗﺒﻠﺘﻮﺍ ﻧﻌﺎﻭﺩ ﺭﺟﺎﻳﺎ .
ﻣﻠﻲ ﺷﺎﻑ ﺍﻟﻘﺎﺿﻲ ﺑﻮﻣﻔﺘﺎﺡ ﻟﻮﻟﻴﺪﺍﺕ ‏( ﺍﻟﻄﻔﻠﻴﻦ ‏) ﻣﻨﻮﺭﻳﻦ ﻭﻭﺟﻪ ﻋﻘﻴﺴﺔ ﻣﻈﻠﻢ .... ﺳﺄﻟﻬﺎ :
- ﺃﻧﺎ ﺷﺎﻙ ﻓﻲ ﺃﻣﺮﻙ، ﺍﻭﻻﺩﻙ ﻣﻨﻮﺭﻳﻦ ﻭﺍﻧﺖ ﻣﺎﺗﺸﺒﻬﻲ ﻟﻬﻢ، ﻭﺍﻭﻻﺩﻙ ﺑﺎﻗﻴﻦ ﺩﻳﺎﻝ ﺍﻟﺮﺿﺎﻋﺔ ﻭﺍﻧﺖ ﺍﻟﻌﻜﺎﺯ ﻣﺎ ﺗﻔﺮﻃﻲ ﻓﻴﻪ ... ﻫﺎﺩﻭﺍ ﻣﺎﺷﻲ ﺍﻭﻻﺩﻙ .
ﺃﻧﺎ ﻏﺎﺩﻱ ﻧﺮﺳﻞ ﺍﻟﺰﺭﺯﻭﺭ ﻳﺠﻴﺐ ﺍﺧﺒﺎﺭﻙ، ﺇﻻ ﻛﻨﺖ ﺻﺎﺩﻗﺔ ﻧﻘﺎﺩﻭﺍ ‏( ﻧﺤﺴﻦ ‏) ﻟﻴﻚ ﻭﺇﻻ ﻛﻨﺖ ﻛﺎﺫﺑﺔ ﻧﺮﻣﻴﻮﻙ ﻟﺠﻬﻨﻢ .
ﺍﻟﻘﺎﺿﻲ ﺑﻮﻣﻔﺘﺎﺡ ، ﻛﺎﻥ ﻋﻨﺪ ﻭﺍﺣﺪ ﺍﻟﻄﻴﺮ ﺍﺳﻤﻮ ﺍﻟﺰﺭﺯﻭﺭ، ﻛﺎﻥ ﻳﺠﻴﺐ ﻟﻴﻪ ﺍﻻﺧﺒﺎﺭ ﺑﺤﺎﻝ ﺳﻴﺪﻧﺎ ﺳﻠﻴﻤﺎﻥ ، ﻭﻫﻜﺪﺍ ﻛﻴﻌﺮﻑ ﺍﻟﺼﺎﺩﻕ ﻭﺍﻟﻜﺎﺫﺏ ﻭﺍﻟﻤﻐﻠﻮﺏ ﻭﺍﻟﻐﺎﻟﺐ .
ﺣﺒﺲ ﻋﻨﺪ ﻋﻘﻴﺴﺔ ﻭﺧﻼ ﻋﻨﺪ ﺍﻻﻭﻻﺩ ﻭﺍﺗﺴﻨﻰ ﺍﻟﻄﻴﺮ ﻳﺠﻴﺐ ﺍﻻﺧﺒﺎﺭ ...
ﻣﻊ ﺍﻟﻔﺠﺮ ﺭﺟﻊ ﺍﻟﻄﻴﺮ ﻭﺟﺎﺏ ﺍﺧﺒﺎﺭ ﻋﻘﻴﺴﺔ ﺑﻼ ﺯﻳﺎﺩﺓ ﻭﻻ ﻧﻘﺼﺎﻥ، ﻋﺮﻑ ﺣﻜﺎﻳﺔ ﺍﻻﻭﻻﺩ ﻭﺣﻜﺎﻳﺔ ﺍﻟﺠﻨﺎﻥ ﻭﺣﻜﺎﻳﺔ ﻗﺒﻴﻠﺔ ﺍﻟﺼﻴﺎﺩﺓ، ﻋﺮﻑ ﺍﺳﺒﺎﺏ ﺍﻟﺨﺼﻮﻣﺔ ﻟﻲ ﺯﺍﺭﺕ ﻗﺒﻴﻠﺔ ﻟﻲ ﻛﺎﻥ ﻳﻀﺮﺏ ﺑﻴﻬﺎ ﺍﻟﻤﺜﻞ .
ﺍﺻﺒﺢ ﺍﻟﺼﺒﺎﺡ ﻭﺟﺎﺏ ﻣﻌﺎﻩ ﺍﻟﺼﻔﺎ ... ﺍﻟﺘﺠﺎﺭ ﻭﺍﻟﻔﻼﺣﺔ ﻭﺍﻟﺨﻀﺎﺭﺓ ﻭﺍﻟﺠﺰﺍﺭﺓ ﺗﺼﺎﻓﺎﻭ ﻭﻣﺎ ﺑﻘﺖ ﺑﻴﻨﺎﺗﻬﻢ ﺧﺼﻮﻣﺔ .
ﺧﺮﺝ ﺑﻮﻣﻔﺘﺎﺡ ﻋﻘﻴﺴﺔ ﻭﺟﻤﻊ ﺍﻟﺴﺤﺎﺭﺓ ﺩﻳﺎﻟﻮ، ﻭﻗﺎﻝ :
- ﻋﺮﻓﻨﺎ ﺣﻜﺎﻳﺘﻚ ﺃﻋﻘﻴﺴﺔ ﻭﺩﻗﻨﺎ ﺇﺩﺍﻳﺘﻚ، ﻭﺩﺍﺑﺎ ‏( ﺍﻵﻥ ‏) ﺩﺍﺭﺕ ﻋﻠﻴﻚ ﺍﻟﻨﻮﺑﺔ ، ﻛﻴﻔﻤﺎ ﺁﺩﻳﺘﻲ ﺗﺄﺩﺍﻱ ﻭﻛﺠﺰﺍﺀ ﻟﻴﻚ ﻏﺎﺩﻱ ﻳﻤﺴﺨﻮﻙ ﺍﻟﺴﺤﺎﺭﺓ ﺩﻳﺎﻟﻲ . ﺇﻳﻮﺍ ﺍﺧﺘﺎﺭﻱ، ﻳﺎ ﺟﺮﺍﻧﺔ ‏( ﺿﻔﺪﻋﺔ ‏) ، ﻳﺎ ﺟﺮﺍﺩﺓ ﻳﺎ ﺫﺑﺎﻧﺔ .
ﻋﺮﻓﺖ ﻋﻘﻴﺴﺔ ﺃﻥ ﻫﺪﻱ ﺍﻻﺧﺮﺓ ﻟﻴﻬﺎ ﻭﺣﺘﻰ ﺷﻲ ﺳﺤﺮ ﻣﺎﻏﺎﺩﻱ ﻳﺼﺪﻕ ﻟﻴﻬﺎ ... ﻭﻗﺎﻟﺖ :
- ﺍﻟﺠﺮﺍﻥ ﺻﺪﺍﻉ ﻣﺎ ﻳﺂﺩﻱ ﻭﺍﻟﺪﺑﺎﻥ ﻳﻘﻬﺮﻭﻩ ﺍﻟﻮﺳﺎﺩﻱ، ﺃﻣﺎ ﺍﻟﺠﺮﺍﺩ ﻛﻴﻬﻠﻚ ﺍﻟﺸﺠﺮ ﻭﺍﻟﺠﺮﺍﺩﻱ‏( ﺍﻟﺤﺪﺍﺋﻖ ‏) ... ﺍﺧﺘﺮﺕ ﺍﻟﺠﺮﺍﺩﺓ ﺃﺳﻴﺪﻱ ﺑﻮﻣﻔﺘﺎﺡ .
ﺇﻳﻮ ﻓﻲ ﺭﻣﺸﺔ ﻋﻴﻦ، ﺻﺒﺤﺖ ﻋﻘﻴﺴﺔ ﺟﺮﺍﺩﺓ ﻭﻃﺎﺭﺕ ﻣﻦ ﺍﻟﺸﺮﺟﻢ ‏( ﺍﻟﻨﺎﻓﺬﺓ ‏) ، ﻭﻣﺎ ﻋﺮﻓﻮﻫﺎ ﻓﻴﻦ ﻏﺎﺩﺓ . ﺍﻟﻤﻬﻢ ﻣﺸﻰ ﺍﻟﺒﺎﺱ ﻭﺍﻟﻈﻼﻡ ﻟﻲ ﺑﺎﻥ ﻓﻲ ﻧﺎﺱ ﺍﻟﻘﺒﻴﻠﺔ .... ﻭﺭﺟﻌﺖ ﻟﺼﻔﺎﻫﺎ ﻭﻧﻮﺭﻫﺎ .
ﺑﻌﺪ ﺃﻳﺎﻡ ﺭﺟﻊ ﺍﻟﻘﺎﺿﻲ ﺑﻮﻣﻔﺘﺎﺡ ﺍﻻﻭﻻﺩ ﻷﻣﻬﻢ ﺍﻟﺼﺎﻟﺤﺔ، ﻭﺭﺟﻌﺖ ﻓﻴﻬﺎ ﺍﻟﺮﻭﺡ ﻣﻦ ﺑﻌﺪ ﻣﺎ ﻛﺎﻧﺖ ﺗﺒﻜﻲ ﻭﺗﻨﻮﺡ .
ﻓﻲ ﺍﻟﺼﺒﺎﺡ ﺍﻟﺘﺎﻟﻲ، ﺻﺒﺤﺖ ﺍﻟﻘﺒﻴﻠﺔ ﻋﻠﻰ ﺳﺤﺎﺑﺔ ﻛﺤﻠﺔ ﻗﺎﺻﺪﺍﻫﻢ، ﻫﺪﺍﻙ ﺳﺮﺏ ﺍﻟﺠﺮﺍﺩ، ﺟﺎﺑﺘﻮ ﻋﻘﻴﺴﺔ ﻗﺎﺻﺪ ﺟﻨﺎﻥ ﺍﻟﺼﺎﻟﺤﺔ، ﺟﺎﻱ ﻳﻬﻠﻚ ﺍﻟﺸﺠﺮ ﻭﻳﺨﻠﻲ ﺍﻟﺤﺠﺮ .
ﺩﺧﻞ ﺍﻟﺴﺮﺏ ﻟﻠﺠﻨﺎﻥ، ﻟﻜﻦ ﻣﺎﻗﺪﺭ ﻳﺎﻛﻞ ﺣﺘﻰ ﻭﺭﻗﺔ ﻣﻦ ﺷﺠﺮﻭ، ﻟﻲ ﺫﺍﻕ ﺷﻲ ﺷﺠﺮﺓ ، ﻳﻠﻘﺎﻫﺎ ﻣﺎﻟﺤﺔ، ﻣﻊ ﺃﻥ ﺍﻟﺸﺠﺮ ﻛﻞ ﻏﻴﺮ ﻋﻨﺐ ﻭﺗﻔﺎﺡ ﻭﻟﻴﻤﻮﻥ ﻭﺭﻣﺎﻥ، ﻛﻞ ﺣﻼﻭﺓ .
ﺇﻳﻮﺍ ﺗﻘﻠﺒﺖ ﺍﻵﻳﺔ، ﺧﺮﺟﻮﺍ ﻧﺎﺱ ﺍﻟﻘﺒﻴﻠﺔ، ﺭﺟﺎﻝ ﻭﻧﺴﺎﺀ ﻭﺩﺭﺍﺭﻱ ﻳﺼﻴﺪﻭﺍ ﺍﻟﺠﺮﺍﺩ ﻟﻲ ﺣﺼﻞ ﻓﻲ ﺟﻨﺎﻥ ﺍﻟﺼﺎﻟﺤﺔ .
ﺇﻳﻮﺍ ﻧﺎﺱ ﺍﻟﻘﺒﻴﻠﺔ ﺗﺰﺭﺩﻭﺍ ﺛﻼﺙ ﺃﻳﺎﻡ، ﺣﻴﺚ ﺟﺮﺍﺩ ﻫﺬﻳﻚ ﺍﻻﻳﺎﻡ ﻣﺎﻛﺎﻥ ﻓﻴﻪ ﺩﻭﺍﺀ،ﻛﺎﻥ ﺍﻟﻐﻨﻲ ﻳﺎﻛﻠﻮ ﻭﺍﻟﻔﻘﻴﺮ، ﺣﻴﺚ ﻛﺎﻥ ﺑﺤﺎﻝ ﺍﻟﻐﻨﻢ ﺳﺎﺭﺡ ﻓﻲ ﺍﻟﺸﺠﺮ ﻭﺍﻟﺰﺭﻉ .
ﻓﻲ ﺍﻟﺠﺮﺍﺩ، ﺑﻘﺖ ﺟﺮﺍﺩﺓ ﻣﺎﻟﺤﺔ ﺑﺰﺍﻑ، ﻭﺣﺘﻰ ﺣﺪ ﻣﺎﻗﺪﺭ ﻳﺎﻛﻠﻬﺎ، ﻟﻲ ﻳﺤﻄﻬﺎ ﻓﻲ ﻓﻤﻮ ﻳﺮﻣﻴﻬﺎ ....
ﺣﻴﺚ ﺣﺘﻰ ﻭﺍﺣﺪ ﻣﺎﻋﺮﻑ ﺃﻥ ﻫﺪﻳﻚ ﺍﻟﺠﺮﺍﺩﺓ ﺍﻟﻤﺎﻟﺤﺔ ﻫﻲ ﻋﻘﻴﺴﺔ، ﻭﺑﻘﺖ ﻋﻘﻴﺴﺔ ﺟﺮﺍﺩﺓ ﻣﺸﻮﻳﺔ ﻭﻣﺮﻣﻴﺔ، ﺣﺘﻰ ﻛﻼﺗﻬﺎ ﺍﻟﺮﻳﺢ ﻣﻊ ﺍﻷﻳﺎﻡ ....
ﺃﻣﺎ ﺍﻷﻭﻻﺩ ﻛﺎﻧﻮﺍ ﻳﻐﻨﻴﻮ ﻣﻦ ﻫﺪﻳﻚ ﺍﻟﻠﻴﻠﺔ ﻣﻠﻲ ﻋﺮﻓﻮﺍ ﺍﻟﺤﻜﺎﻳﺔ :
ﺁﺟــــــﺮﺍﺩﺓ ﻣـــﺎﻟــﺤــــــــــــــــــ ﺔ ﻓـــــﻴـﻦ ﻛــــــﻨــﺘــﻲ ﺳـــﺎﺭﺣـــــﺔ
ﻓــﻲ ﺟــــﻨــــﺎﻥ ﺍﻟـﺼــــﺎﻟــﺤــﺔ
ﺁﺵ ﻛــﻠــﻴــﺘــﻲ ﺁﺵ ﺷـــﺮﺑــﺘــﻲ
ﻏـــﻴـــﺮ ﺗــﻔــــــﺎﺡ ﻭﺍﻟــــﻨـــﻔـــﺎﺡ
ﻭﺍﻟــــﺤــــﻜــــﻤــــﺔ ﺑـــﺈﻳـــﺪﻳــــﻚ
ﻳــــﺎ ﺍﻟـــﻘــــﺎﺿـــﻲ ﻳــــﺎ ﺑـــﻮﻣـــــﻔـــﺘـــﺎﺡ
ﺇﻳﻮﺍ ﻛﻲ ﺟﺎﺗﻜﻢ ﻟﺤﻜﺎﻳﺔ

واش تانتي مغربية؟

اولا شكرااااا على الدعوة ......حلوة القصه ....فعلالالا تراثنا العربى ملئ بالمواعظ والحكم الحلوة
شكراااااااااا لك ......يسلموووووو ولك تحياااااااااااااتى

اه انا مغربية 😊

اللهجة المغربية تبدو صعبة لأنها غير متداولة... أي كلمة لم تفهميها انا في للخدمة للترجمة الفورية 😆😆😆😆
الخير دائم ينتصر رغم خبث العقيسة الصالحة استطاعت ان تغلبها...
شكرااا على مرورك وتلبية الدعوة ♡♡♡♡

كل الشكر لك عزيزتي لتلبية الدعوة ومشاركتي في التعرف على التراث العربي
مودتي ♡♡

مشرفين بنت بلادي

ربي يخليك ويحفظك ♡

أمين، منينا مدينة نتي