04-02-17, 07:07 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لا تلهكم الروايه عن الصلاه وذكر الله سبحان الله.......الله واكبر الحمدلله.......لا له الا الله لا حوله ولا قوة الا بالله الجزء التاسع طالعت فيه بستغراب من كلامه بعد عنها شوي وجلس يناظرها وسالها انتي اش اسمك كيف اش اسمي اش فيه هذا تزوج وحده ما يعرف اش اسمها رد بسرعه لما شافتي مستغربه:امس كنت مرهق وابوك اصر الا الملكه اول ما جيت وما كنت منتبه الاسم وش يقول هذا اكيد يستهبل حسيت كل الخوف الي فيني تحول الاستغراب لين:اسمي لين طارق: لين طيب طيب وانتي بنت مين لين بغرابه:بنت احمد الفارس طارق بحده:احمد الفارس عنده بنت وحده من وين جيتي انتي سكت شوي :انا بنت زوجته الثانيه كنت عايشه في قرية......وقبل شهرين جيت لابوي هنا طارق:ايوه فهمت السالفه وهو دبسني فيك سكت اطالعه فتره شفته يطالع بنظرات غريبه لين:كيف دبسك طارق :مو مهم بعدين تعرفي ومصيرك بتعرفي وبستهزاء ابوك غبي ما يدري اني ممكن افضحه وارميك له بكره واطلقك وعاد الكل بيقول سبب من عنده وش سبب ان زوجها طلقها ثاني يوم بس يمكن دامه ما عرفك الا قبل يومين ما يهمه انصدمت من كلامه وحسيت برجفه في كل جسمي رجعت لورى وجلست على الكنب الي ورايه وش قصده يفضحني ليه وش سويت وش السالفه وش سالفة ابوي طالعته بدموع وهو لسه يطالع لي طارق :غيري ورتاحي وبكره نشوف نهايتها معك ومع ابوك طالعت حولي بعد ما طلع معقوله خلاص انتهى كل شي معقول بيسوي الي قاله وبيطلقني بكره ويرجعني لاهلي وش بيقولون علي الناس جدتي ما ظني تتحمل وش الي صار ليه تغير كل شي كنت ادور في الغرفه احس بنار في قلبي احس بخوف كبير ما عمري حسيت فيه خايفه من بكره الي فهمته منه انه مكان عارف انا مين يعني هو لما خطب ما حدد مين يبي يعني الغلط مو منا منه رحت الحمام غسلت فكيت شعري ومسحت المكياج لبست لي شي ساتر لقيت روب طويل بس كان حرير بنفسجي طلعت ابي افهم منه اش السالفه طلعت ما لقيته في اي مكان وين راح وش الي صار رجعت الغرفه حاولت انام بس ما قدرت وش صار وش السالفه معقوله ابوي خدعه معقوله هو كان يبي سكت افكر لا وش الي يجبر ابوي يزوجني انا بدلها لو مره ما يبغى ما بيزوجنا اكيد هو هذا طارق فاهم غلط حاولت انام ما قدرت ما حسيت الين اذن الفجر وهذا لسه ما جاء صليت وقلت الاذكار وقريت قران لين يجي ابي يهدي على قلبي شويه الساعه حدود سبعه ونص سمعت صوت الباب خفت مع اني طول الليل انتظر بس لما جاء خفت دخل وما طالع فيه شفته لسه لابس ثوبه بس بدون شماغ وشعره نازل على جبينه قال لي بحده من دون يطالع لي:قومي البسي عبايتك قمت بسرعه غيرت ملابسي ولبست عبايتي لما طلعت شفته يكلم واحد يقوله يجي ياخذ الاغراض حسيت صدق بيسوي الي قاله امس طيب لش انا وش سويت كنت ابي اتكلم بس ما قدرت حسيت نفسي مخنوقه بس شفته راح بيت غير بيت ابوي نزلنا دخلنا طارق بغضب:فارقي من قدامي الين يجي ابوك نتفاهم معه رحت من عنده بسرعه واحس الغصه بحلقي تعرفي لما تحس نفسك مذنب بس ما تعرف وش الذنب هذا حالي رحت فوق ما ادري وين اروح جلست في الصاله وانا خايفه خايفه يكون احد في البيت وانا ما ادري جلست ساعه كامله مكاني ما ادري اش السالفه شوي شفته طالع ناظرني شوي طارق بستهزاء:تعالي حياتي ابوك ينطرك تحت معه جدك دخلت المجلس وكان ابوي وجدي جالسين ووجيهم ما تطمن جلست وانا اطالع فيهم اتمنى افهم اش السالفه وش صار بس سمعت طارق يقولهم:هاذي هي بنتكم اش رايكم لو اطلقها الحين وتاخذونها معكم وانا بقول طلقتها لانها ما تشرف وعاد بتعرفوا اش بيصير بعدين ارتجفت من كلامه شفت جدي يوقف بسرعه:اهداء يا ولدي وحنا بنفهمك السالفه طارق بغضب :اش بتفهمني ان ولدك خدعني انا كنت اطالع لابوي الي منزل راسه بس شدني كلام طارق طارق بغضب قوي؛وانه زوجني غير الي خطبتها طالعت بسرعه فيه طالع فيه طارق باستهزا:ايه يا حلوه ابوك زوجني لك وانا كنت خاطب اختك وانا مو مجبور اتحمل هذا عاد ابوك مفكر انه يخدعني بس ما عرف هو يلعب مع مين احمد:طارق يا ولدي اسمع طارق بحده:لا تقول ولدي وبنتك هذي الي حذفتها علي خذها معك الحين ما تلزمني وحقي انا بعرف كيف اخذه جدي:اسمع يا ولدي اطلب اي شي بس لا تفضحنا الله يخلي لك غاليك طارق:وليه ما فكرتوا كذا قبل تسون حركتكم التافه هذي على بالكم بطوف علي ولا بشوف هذي وبنسى الكذبه ضحك بقوه عاد كان بدلتوها بوحده تستاهل عشان اطخ وارضى بها كانت دموعي تنزل من غير احس بنفسي معقول ابوي ضحى فيني ورماني الرميه هذي لدرجه كنت ثقيله عليه وانا اصلا ما كملت عنده شهرين على بعضها كنت اسمع جدي وهو يترجى طارق ويراضيه بس ما كنت ادري اش يقول كانت عيوني على ابوي الي منزل راسه ما رفعه من دخلت طارق بغضب:ولا شي يغير رايي خذوا بنتكم وفارقوا وانا حقي باخذه منكم من عيونكم وابشركم بقول للكل ان بنتكم مكانت بنت عشان كذا طلقتها رفعت راسي بذهول من كلامه لا مو لدرجه هذي هذا جد يبي يفضحني قمت بتكلم لازم اقول شي هذي سمعتي وانا مالي ذنب قربت منهم وشفت هذا طارق يطالع فيه بغضب لين:لا الله يخليك لا تخرب سمعتي انا وش ذنبي نزلت دموعي غصب انا والله ما كنت ادري وش ذنبي اذا هم ما في قلوبه رحمه ارحمني انت طارق بغرور وهو يطالعني:ذنبك انك بنتهم وهم دخلوك وسط العبه هذي وانا ما احب اي احد يستغفلني ويخدعني هذا اذا ما كنتي متفقه معهم لين وتهز راسها بسرعه:والله ما كنت ادري والله العظيم لف عنها بغرور:كلامي واضح ضفوا بنتكم واطلعوا وورقتها بتوصل اليوم كنت بترجى اكثر بس ما قدرت كنت اصيح بقوه واطالع جدي وابوي احد يتكلم يقول شي بس محد منهم تكلم طارق بحده:اش فيكم ما تسمعون يالله حسيت بمذله عمري ما حسيت فيها ليش واش سويت واش كان ذنبي بالله وش ذنبي ابوي اخذني بذنب وانا ما حتى امداء اعرفه واحس بحنانه اذا سوا هذا القاسي الي يقول عنه بنفضح جدتي بتموت بحسرتها علي فرحتي الي امس كلها ماتت وبقوه اليوم قضى عليها طارق وابوي وجدي قرب مني ابوي بياخذني في حضنه لما شاف انهياري بس ما قدرت حسيت بكهربه من لمسته بعد عنه بسرعه ما ابي اشوفه خلاص رفعت راسي وقلت لطارق لين بحده ودموع:اذا سويت فيه الي تقوله والله لتحسب عليك في كل صلاه طارق بسخريه:حتى انا بتحسب عليكم انتي وابوك ليه على بالكم الي سويتيه يرضي ربي لين بنهيار:انا ما كنت ادري طارق بعدم اهتمام :ما يهمني واشر بيده لنا يالله فارقوا نزلت دموعي اكثر ليش ليش كذا حسيت بقلبي الم كبير مشيت بانكسار ما يهمني يطلق ولا لا اهم شي سمعتي هي تهمني مشينا انا وابوي وجدي بنطلع كتتتتتتتت | ||||
|  |
|
05-02-17, 08:24 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الروايه عن الصلاه وذكر الله سبحان الله.......الله واكبر الحمدلله.......لا له الا الله لا حوله ولا قوة الا بالله ونسيت اقول اني ما احلل احد ينقل روايتي بدون ذكر اسمي الجزء العاشر لفينا بنطلع كنت احس بذل ليش سوا فيه ابوي كذا انا وش سويت طول عمري كنت بعيده عنه واول ما لقيته هذا استقباله لي لفيت على صوت طارق طارق بحده:لحظه ممكن افكر اغير رايي بس بشروط جدي بسرعه:وش شروطك حنا موافقين طارق بسخريه:كل هذا عشان ما تنفضحون طيب كان من اول فكرتوا قبل تسوو الحركه التافهه هذي احمد بهدؤ وما كانا في مصيبه:وش شروطك كان جدي بيجلس قال طارق بحده؛خلك واقف محد قالكم تجلسون حس جدي وابوي بذل واهانه ما توقعت باجي في واحد زي هذا انسان بدون ضمير وما فيه احترام حط طارق رجل على رجل وبغرور:اذا وافقتوا على شرطي بخلي هذي على ذمتي لفتره وهو ياشر على باستصغار حسيت نفسي مخنوقه لمتى هذا الاهانات لمتى بتحمل جدي:خلاص وش شروطك وان شاء الله موافقين طارق بستهزاء :اسمع اول يمكن ما يعجبكم سكت جدي وطالع ابوي طارق:هو هذا الشي متوقف على ابو وليد اذا يبي بنته تنستر يوافق احمد:قول الي عندك طارق براحه وكانه منبسط وهو يشوفنا مذلولين له طارق:ابي ربع اسهمك في الشركه الجد بسرعه:مستحيل انت عندك ربع اسهمنا اخذتها علينا بالحيله ولا يمكن نسلمك الحين اسهم برضانا طارق:الكلام وراي لابو وليد الجد بغضب؛مافيه كلام في هذا الموضوع اذا عندك شي ثاني ولا بنتوكل وسو الي بتسويه كنت بنهبل من كلام جدي وما كنهم هم الي ورطوني والحين عشان اسهم وخرابيط بينسحبون وانا اجلس في وجه المدفع وحدي طالعت ابوي انتظره يتكلم يقول شي ينقذني من المصيبه الي هو حطني فيها بس كان ساكت ويطالع طارق طارق؛هاه يا ابو وليد تبي تكون عمي لفتره غير محدوده ولا تكون ابو وليد وتقش بنتك معك جدي لف على ابوي:لا تقول انك تفكر في كلامه مستحيل توافق له هذا نصاب يبي ياخذ حلالنا كله بكره يقول ما اطلقها الين اخذ النص ولا الاسهم كلها هذا محد بامن له طارق بحده:احترم نفسه اذا انا ما يتأمن لي ليه رميتوا بنتكم علي كنت اطالع لابوي وجدي كنت مقهوره مره من جدي الي يحاول يقنع ابوي ما يوافق وانا الي بنفضح قربت من ابوي وانا اصيح لين بدموع:تعرف ان مالي اي ذنب عشان انا اتعاقب وحدي جدي بحده:انتي اسكتي لين بحده ولاول مره ترفع صوتها على احد بس مضطره هذا حياتها لين:انت اسكت اكيد لو فضحني هذا بترموني رميه اخس من هذي عشان تفتكون مني والله واعلم وش بتسوون انا ما كنت اعرف ولا كان لي اي ذنب انتوا السبب تحملوا قربت من ابوي:لا ترميني كذا لا تفضحني جدتي والله بتموت بحسرتها اذا مو عشاني عشان امي جلست بتعب احس مو قادره اوقف على رجولي لين:الله يخليك يبه انا عمري ما سويت شي غلط في حياتي لا تخلي اناس تنهش عرضي الحين ابوي جلسه عندي واخذني في حضنه وطالع لطارق احمد:طيب يا طارق لك الي تبي بس عندي شرط انا كمان استند طارق براحه وهو يبتسم بخبث طارق:خير وش شرطك ابوي وهو يضمني له كثر:بتنازل لك الحين بالاسهم خطي بس يعني على ورق وبعد سنه اذا طلقت بنتي وضمنت انك ما تقدر تضر سمعتها اتنازل لك رسمي طارق بهدؤ:وش يضمن لي ما يتغير رايك احمد :بيكون تنازل قانوني ورسمي بس ما تستلمه الا بعد سنه اذا تنفذ الشرط وكذا كل ياخذ حقه ويحفظه جدي بحده:احمد انت قاطعه ابوي ووقف؛يبه هذي بنتي وشعره من وجهي والي بيمسها بيمسني انا بعد واذا هذا الشي بيحفظ سمعت بنتي بسويه والفلوس ما تهمني حسيت براحه بسيطه اهم شي ما ينفذ هذا القاسي كلامه شفته يقوم ويبتسم بنصر:اتفقنا اجل بنتك بتعيش هنا معززه مكرمه لمدت سنه لا اشوفكم تطلبون زيارتها او هي تجيكم حتى لو يموت لكم احد ما انتوا شايفينها وبعد سنه خذوها كنت اطالعه احس مره محتقرني مره منزل من قدري ليش مفروض ما يحملني ذنب انا مالي فيه وكمان بيحرمني من كل اهلي احمد جاء بيعترض بس قاطعه طارق طارق:لا تعترضو وتسوي انك ابو حنون علي انت لو تبيها ما رميتها علي ها الرميه فاحسن خلها هنا لين تكمل المده وبعدها خذها ما تلزمني اصلا بس زي ما قلت ما ابي اشوف وجه احد هنا عندي لنهاية المده والحين ضفو وجيهكم يالله ما ابي اشوفكم والحين يالله انتهت المساله ما ابي اشوفكم وهو ياشر على الباب حسيت قلبي زي النار فيه يعني بقعد وحدي معه لمدت سنه لا اهل ولا سند والله يستر وش بيسوي بي شفت ابوي يطلع وجدي يطلع معصب طالعت طارق واحس نفسي مره خايفه منه اليوم هذا الانسان علمني ان مافي قلبه رحمه الي يفضح وحده مستوره ومحافظه على نفسها بدون ضمير عادي اتوقع منه اي شي شفته يقرب مني كنت ارجف من الخوف غمضت عيوني بتوتر سمعته يقول لي طارق:اشفق عليك الصراحه واهلك رامينك ها الرميه وحتى لما قلت يخلونك وما يزورونك كنهم ما صدقوا لدرجه هذي انتي انسانه ما احد يتحملك الله يعيني بس اذا اهلك ما تحملوك كيف انا بس بقولك من الحين اي تصرف ولا كلمه ما تعجبني بعرف اتصرف معك انا مو ابوك ولا اخوانك وحطي هذا شي في بالك وحط اصبعه على راسي ورجعه لورى كنت مغمضه عيوني وانا احس بكلامه سهام في قلبي وبس دموعي تنزل طارق:وفري هذي الدموع للايام الجايه لانك محتاجه كثير ويالله قدامي اوريك مكانك الي تجلسي فيه مشيت وراه شفته وانا اجر رجولي جر شفته يدخلني مكان زي المستودع شفت جنبه غرفة الخدم انتي بتنامي هنا كنت بحطك مع الخدم بس حرام اظلمهم واقعد مهم وحده زيك مو من مستواهم والحين ابي كل شي انتي تسوينه في البيت كله انتي تنظفينه وحدك الخدم بس يطبخون لان ما اتوقع وحده بمستواك اضمن اكل من تحت يدها اكيد وسخ زيها كان يطالعني بحتقار كنت لافه وجهي وساكته ما الومه انا الوم اهلي هم رموني كذا ورخصوني قبل يطلع قال طارق:اليوم اعتبريه اجازه ومن بكره تبدين وهلي جايين الاسبوع الجاي ما ابي اي احد يشكي منك ولا من شغلك واذا سمعت حسك طالع قطعت لسانك ولف علي بحده تري لسه ما عرفتي طارق صح ابوك وجدك كانوا عارفين ومع هذا تجرؤ وسوو حركتهم هذي وما بياكلها في الاخير الا انتي وحدك قلت بصوت مبحوح:بس انا مالي ذنب والله ما كنت ادري طارق بغرور:ما يهمني تدري او لا ذنبك انك بنتهم وانهم هم حاولوا يستغفلون طارق العزام الي ما يحب احد يفكر يخدعه كيف لو تجرء وسوها صدق المهم اغراضك بتوصلك نظفي المستودع ودوري لك مكان تقعدي فيه لمدة سنه وبعدين بالي ما يحفظك راح وخلاني ابكي على نفسي ابكي على ابوي الي ما كفاه رمى امي قبل رماني بعدها ومن اول ما شافني يعني اش فرق بيني وبين مها عشان يضحي فيه ليه مها بنته وانا لا وشالي انا سويته مها طول عمرها معه ما يرضى عليها بس هي البنت الي جت في اخر شي هي عادي يرميها اصلا ما عمره حس فيني عشان الحين يحس او يشفق علي طيب جدتي كيف اشوفها وجدتي متامله بس اتزوج ازورها هذا اذا ما حرمني منها كمان هي لما تخيلت جدتي بكيت بقوه الا جدتي مقدر اعيش بدونها قعد ابكي وانديها لين:جدتي تعالي تعالي شوفي بنتك جدتي شوفي ابوي كيف رماني جدتي لا تخليني خذيني معك الديره بعديني عن هنا انا اسفه والله معاد اذكر اهلي وابوي بس تعاليني ابي ارجع لديره ما ابي هنا كنت خايفه من الجاي شفت وحده من الخدم دخلت علي جلست تطالع وجهي الي كله دموع نزلت لي مفرش و دخلت شنطتي الي خذتها من بيت ابوي رحت فكيت المفرش وانسدحت وكملت نوبة البكاء مر علي الوقت وانا في الغرفه وقت المغرب لما بدت الدنيا تظلم كان مره ظلام في غرفتي خلاص هذي صارت غرفتي لمدت سنه قمت لما مليت من البكي رحت للخدم اشوف كيف يشغلون النور لقيت وحده من الخدم قدامي لين برتباك :تعرفي كيف تشغلي الكهربه هنا مرت من جنبي :اوك تعال انا وريك كيف كانت الغرفه ظلام عشان كذا ما شفت مكان الكهربه كانت الافياش قريب من الباب بس ما انتبهت عليها كان الاناره ضعيفه بس يالله احسن من الظلام جلس اطالع الغرفه كانت كبيره وفيها كذا غرض مركون على جنب باين انها حقت اغراض الي ما يبغونها جلست على مفرشي ورجعت عيوني تدمع احس قلبي محروق احس بضيقه جلست استغفر وقمت صليت واخذت القران اقرء فيه لين حسيت نفسي مرتاحه شوي ودخلت عندي الخدامه الي قبل شوي ومعها اكل نزلته لي في الارض وراحت كنت منحرجه منها اكيد انهم سمعوا كلامه لي مدري يعرفون من انا او لا طالعت المكان حولي مغبر لازم انظفه عشان هذا مكاني الي بعيش فيه خلاص طلعت سمعت سوالف في الغرفه الي جنبي دقيت عليهم الباب كان مفتوح طالعوني كانوا ثلاث من شرق اسيا لين بخجل:ممكن ابي ادوات تنظيف بنظف الغرفه واشرت على غرفتي قامت وحده طويل :تيب الحين يجيب انا جابت لي ونظفتها رتبت الاغراض المركونه وجمعتها في زاويه وخليت لي مساحه واسعه اخذت لي ملابس ابي اتحمم احس ملابسي كلها غبار وابي اصلي العشاء وملابسي متساعد متوسخه مره طلعت كنت بدق على باب الخدم كان مقفل ابي اسالهم بس استحيت مرره منهم قلت يا لله بدور له وحدي طلعت امشي في سيب طويل شفت بابين مقابلني فتحت الي قدامي على طول لقيته المطبخ كان روعه مرره جميل وكبير وفخم انبهرت منه دخلت اشوفه ما حسيت بنفسي وانا اطالع مصدومه الين حسيت بصوت وراي طارق:صح عمرك ما شفتي شي كذا لفيت بسرعه اطالعه وانا خايفه شفته يطالعني ويطالع ملابسي بقرف ولف طلع وهو يقول طارق :من وين حذفوا علي ها الزباله انقهرت منه مره مالت ما زباله غيرك طلعت من الباب الي جيت منه وفتحت الباب الي قريب منه كان الحمام دخلت كان حمام كبير ما تقولي حمام دخلت تحممت ولبست وطلعت والفوطه لافتها على شعري رحت غرفتي جلست طفشانه ما عندي شي اسويه ما ابي اذكر حالتي الي انا فيها وارجع ابكي لما طرت جدتي في بالي دمعت عيوني رفعت راسي فوق ما ابي دموعي تنزل ما ابي ابكي خلاص والله مليت وين ما ابكي شكل خلاص الدموع ملاحقتني من يوم تركت الديره تذكرت الديره وحسيت بغصه انسدحت ودموعي تنزل ابي ارجع ابي ارجع لبيتنا صح صغير بس سعادتي كانت فيه ما حسيت بنفسي الا وانا نايمه كنت نايمه ومو حاسه بنفسي من التعب كان لي يومين مو نايمه يوم الزواج وامس ما حسيت الا احد يهزني طالعت الي قدامي ما عرفتها قمت بسرعه اطالع الخدامه:يالله بسرعه بابا يقول نظف غرفه فوق قامت بتمشي بس وقفت لما قلت لها لين:كم الساعه الخدامه:الحين سبعه اوف سبعه مقد صليت قمت بسرعه توضيت وصليت رحت لبست لي جلبيه من جلبياتي المريحه الي حطيتها وطالعت الثياب الي مها شرتها لي على اساس البسها ابتسمت بسخريه معقوله مها ما كانت تدري بس يقول طارق كان خاطبها وزوجوني له يعني هي كانت خطيبته معقوله الكل يدري بس انا الكل كان يضحك علي حتى رنا الكل كان يبين لي اني انا العروس وعارفين انها لعبه وش القلوب الي عليهم هذي رحت صليت ودخلت من باب المطبخ الي امس دخلت منه لاني ما لقيت الخدم في الغرفه حقتهم لقيتهم في المطبخ سالتهم وين الاقي ادوات التنظيف تقدمت مني وحده وقالت لي :انا روز واشارت اللي جنبها هذي :امنه وهذي :مارتا ابتسمت لهم وهم بادلوني الابتسامه روز:تعالي معي انا علمك اش نظف انتي اليوم (سوري ما اعرف اكتب مكسر كثير زي كلام الشغالات بس مشوها لي) اخذت الادوات من مكانها المخصص ومشيت ورها ورتني جناح روز:انتي نظف هذا جناح كله بابا يقول فيه ضيوف هزيت راسي ودخلت انظف على باله بيقهرني اذا قال انظف انا متعوده على الشغل وبالعكس اتسلى كنت انظف مندمجه ما حسيت بنفسي يعني نظفت الكنب الارضيه الحمام الغرفتين الي موجوده والمطبخ غسلته نقزت بخوف لما سمعت صوت جنبي طارق:انتي لا تنسي ابيك تنظفي الجدران والكهرب وكل شي واذا عشان السلم بيجبونه لك الخدم الحين لف عني وطلع من الجناح مالت عليك شايف نفسه بقوه يطالع بحتقار رجعت انظف جتني روز معها سلم اخذته وجلست انظف الكهرب اصلا كل شي نظيف بس حقاره يالله لازم اصبر السنه هذي لين ربي يفرجها بس والله سنه كثير مو قليل الله يصبرني بس خلصت كل شي وشليت اغراض التنظيف ونزلت طالعت كانت الساعه 4العصر اف من الصباح وانا في الجناح انظف حتى الي نظيف نظفته ما ابي يرجع يتكلم علي ولا يقولي شي اصلا ما ابي بيني وبينه اي احتكاك رحت رجعت الاغراض وصليت العصر كنت بنسدح لي شوي احس ظهري بينكسر من الوقفه دخلت علي الي اسمها امنه امنه:تعالي يالله نظف الحديقه وتسقي الزرع اوف بعدين الزرع ينسقي الصباح مو المغرب ومشيت ورها وجت توريني اش الي لازم اسويه امنه:هذا ورق يابسه مشكله لازم شيل كله بعدين يسقي زرع كله الحين هذا شغل عمال شكله بيسفر العمال وبيخلي البيت كله فوق راسي على بالي الشغله سهله اني بس بلم الاوراق اليابسه بس طلع مره تعب تخيلوا الحديقه مره كبيره وكلها اوراق جلست اجمعه والمه وامنه علمتني وين احطه جلست اشتغل واوقف شوي اذن المغرب وانا لسه رحت صليت ورجعت كملت شغلي واذن العشاء وانا لسه صليت ورجعت خلصت على حدود الساعه 8ونص الحمدلله واخيرا برتاح ما صدقت بدخل الا وجتني الخدامه الثالثه اش فيهم هذولي يراقبوني يعني كل ما خلصت نطت لي وحده بوجهي قالت لي:بابا يقول غسلي ملابس نفخت بطفش ايه قلت احب الشغل بس مو كذا رحت ورها مالي الا اسكت الله يعين ودتني غرفت الملابس شفت ملابس مكومه هذا كله غسل وبعدين يخلص غسيل تجي هنا تكوي لقيت ملابس كثير مو مكويه شكل ها الثلاث كانوا متساهلين في شغلهم لان اصحاب البيت مو موجودين رحت حطيت ملابس في الغساله وتوجهت للكوي اكوي و اغسل واكوي واغسل لان مارتا فرزت كل ملابس وحدها ما اغسها سوا وقالت ان السيد يقول ما اطلع من غرفت الغسيل الا وانا مخلصه كل شي الغرفه كانت مكتومه من حرارة الكوي وما فيه تكييف ويمكن فيه ومطفينه اتوقع كل شي منهم ما صدقت خلصت خرجت كنت احس ملابسي كلها معرقه رحت المطبخ بسالهم باقي شي ما ابي اروح الغرفه وتنط وحده بوجهي طالعت الساعه الي في الممر على طريق اوف الساعه 11وربع الليل وانا من الساعه سبعه الصباح اشتغل والله حرام حتى الخدم الي هنا ما اظن ساعات عملهم كذا دخلت المطبخ شفتهم يضحكون ايه وش عليهم خففت عليهم الحمل صار كله علي لين:لسه فيه شي روز؛لا خلاص بس بابا يبي انتي في الصاله وش يبي هذا كمان رحت الغرفه اخذت لي روب عشان اتحمم بعدين اروح اشوف اش يبي ما ابي اشوف نظرات الاحتقار الي شفتها امس وصباح في عيونه مهم كان بس تجرح ان واحد ما يشوفك شي لما خلصت رحت لروز عشان توصلني للمكان الي هو فيه لان القصر هذا كبير ولسه اضيع فيه من كبره ماشاء الله مشيت ورى روز لين دخلنا صاله فخمه مررره سمعت ضحك طارق ووحده معه طالع روز بعدين طالعني انا طالعت بستغراب من الي معه كانت مره قريبه منه شوي وبتكون في حضنه استغفرلله من هذي وش ها الانسان الي ابوي زوجني له كان يطالعني بحتقار يعني ما تغيرت النظره وشفته يهمس في اذن الي معه كلام وضحكت حسيت يتكلمون عني لانهم طالعوا فيني حسيت بغصه في حلقي روز راحت وتركتني جلست وقفه فتره وانا اشوفه يتقرب من هذي ويسوي حركات استغفرلله نزلت عيوني ما ابي اشوف شي ما ابي سمعته يقول بصوت عالي عشان اسمع طارق: حياتي هذي خدامتنا الجديده بس انا مخليها تمسك كل البيت من تنظيف اذا انتي محتاجه شي على طول خليها تسويه لك كنت احس زي النار شابه في صدري بس كنت ساكته وطالع تحت الي معه:ليه هي الي ماسكه البيت والخدم الثانين ولا هذي له ميزه خاصه رفعت عيوني لهم كنت ماسكه دموعي بقوه طارق بسخريه:يعني تقدري تقولي عندها ميزه خفيفه خلتها بهذا المكان لين بمكابره وما تبي دموعها تصيح وبصوت مبحوح:فيه شي اقدر اسويه طارق:ايه شفتي نظام الشغل الي اليوم ابيه كل يوم تسويه هزيت راسي ما عندي شي اقوله شفته لف للي معه بجنبه ورجع يضحك معها واشر بيده :خلاص ضفي وجهك مشيت من عندهم بسرعه رحت غرفتي رفعت راسي لفوق وانا اهوي على وجهي ما ابي ابكي ما ابي ابكي ما ابي ابكي بس دموعي كانت تنزل من دون احس ليش انا ليش كنت متخيله حياه ثانيه كنت متخيله زواجي بيكون ثاني كنت احلام احلام ورديه احس كل يوم تنكسر صورة من صور احلامي الي كنت احلمها من هذي وليه هي في مكان الي المفروض انا فيه ليش يا ابوي ليش سويت فيه كذا انسدحت على مفرشي وانا دموعي تنزل بسرعه حسيت نفسي مخنوقه يا ربي صبرني يا ربي مالي اعتراض على قضائك هذا قسمتي الي وربي كتبها لي نمت ودموعي تنزل والله ويعلم كم من يوم بنام ودموعي على خدي اليوم الثاني قمت اليوم من صلاة الفجر مع اني تعبانه بس ما ابي الصلاه تفوتني زي امس خلصت وقريت قران ورحت المطبخ اسوي لي فطور لان ورايه شغل شاق ينتظرني كنت ادور للاغراض ابي اسوي لي فطور ما لقيتها مدري وين حاطينها جلست على الطاوله بنتظر لين يصحون ويسون فطور طالعت الساعه في يدي الساعه سته قعد اطالع في الساعه هذي هديه من مها لزواجي وكانت غاليه مره حتى زعلت منها قلت حرام تحطي كل ها القيمه في ساعه مها:ما تغلا عليك بعدين لا تنسي انتي اختي الوحيده لما تذكرت كلامها حسيت دموعي بتنزل قمت بسرعه وفتحت باب في المطبخ يطلع على الحديقه خلاص ما ابي ابكي وتقول اختها الوحيده لو صدق كانت تحس اني اختها ما دخلتني بدلها بهذي العبه الحقيره عشان بس هي تخلص نفسها مفروض ما سمحت لهم ولا على الاقل خبرتني لو في قلبها شويه حب لي ما خلتني زي الهبله وهي تشوف فرحتي ايام ما كنت اتجهز لزواجي اكيد الكل كان يضحك علي وعلى غبائي سمعت صوت وراي قطع افكاري لفيت شفت امنه و روز في المطبخ سالتهم:تجهزون الفطور امنه:ايه الحين يسوي فطور رحت جلست وما فكرت اساعدهم يكفي الكرف الي بكرفه كله وهم جالسين بس سوالف وضحك الطبخ والمطبخ ما باجي جنبها خليه عليهم لما خلصوا افطرت معهم مدري حسيت مهم متقبليني ورافعين خشومهم علي ما الومهم بعد الكلام الي سمعوه من السيد طارق قمت غسلة وجيت عند روز لين:وش المكان الي بنظفه اليوم روز؛روح انت جيب ادوات تنظيف انا يجي وريك جناح رحت اخذتها وشفتها جايه لحقتها دخلتني جناح جديد ما شاء الله بيتهم هذا قصر كبير مدري كم جناح فيه غير الغرف جلست انظف كل شي زي امس سمعت اذان الظهر وكان باقي علي شوي بس رحت صليت وتغديت ورجعت اكمل لما خلصت كنت طالعه من الجناح شفت طارق خارج هو والي معه امس مدري مين اوه لتكون زوجته معقول يكون كمان متزوج وانا يغافلين لم الله كانت لابسه عبايه وتكلمه وهي واقفه قدامه هي:حبيبي متى بشوفك مره ثانيه طارق وهو ماسك خصره:قريب بس الحين اهلي جايين يمكن بعد يومين وبجهز كم غرض وانتي تعرفي ما ابي يجون ويشوفونك هنا هي بزعل:وليش تخجل مني قدام اهلك ليه ما تخليني اتعرف عليهم طارق بجديه شوي ؛تعرفي اني متزوجك مسيار وامي ما تجوز لها ها السوالف بعدين انتي عارفه وش يعني زواج مسيار لا تبدي على راسي الحين قالت ببتسامه سريعه:عارفه عارفه بس لا تزعل وباسته على خده قال ببتسامه بسيطه:طيب خلاص ما زعلت والحين يالله انزلي التكسي برى ينتظرك شفتها راحت انا كنت اطالع لهم من الممر الصغير جيت برجع بس هو لف علي ولمحني حسيت برجولي ترجف من نظراته تقرب مني بسرعه طارق...... كتتتتتتتت ان شاء الله يكون البارات طويل يعني هذا الي قدرت له ها اليومين | ||||
|
| |
|
07-02-17, 06:09 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الروايه عن الصلاه وذكر الله سبحان الله.........الحمدلله الله واكبر..........لا اله الا الله لا حول ولا قوة الا بالله الجزء الحادي عشر \ كنت خايفه منه بقوه جيت بهرب بس ما ادري وين اروح رجعت بسرعه الجناح الي كنت فيه وكنت بسكر الباب بس دفه بقوه وفتحه مدري ليش كنت خايفه منه كذا بس يمكن يفكر اني كنت اتجسس عليهم طارق بحده:اش كنتي تسوين واقفه تتسمعي لين:والله ما كنت اسمع بقصد خلصت شغلي هنا وكنت بطلع وشفتكم كنت ارجف من الخوف خايفه يسوي فيه شي طارق بحده :اخر مره اشوفك تسوي شي زي كذا ولا بيكون لي تصرف ثاني معك فاهمه عاد تري مجهز لك عقابات ما تخطر على بالك رح وخلاني وانا لسه ارجف مكاني وقلبي يدق بقوه بس الحمدلله فكني منه مالت عليك وعليها من زينكم شكله خايف اعلم اهله بس ما اظن لو خايف ما جابها قدامي نزلت اكمل شغلي صليت العصر ورحت الحديقه الجوء اليوم كان روعه مغيم وشكل بينزل مطر بسرعه رحت اسوي شغلي عشان يصير عندي فترة راحه للعشاء بعدين مكان فيه شغل كثير في الحديقه عشان امس كنت منظفتها ما جلست ساعه الا وانا مخلصه رحت اتمشى في الحديقه اكيد ما في احد ولا مكان قالي انظف الحديقه لفيت ورى الفله كان فيه مسبح كبير وجلسات جلست عليها بسترخا الله تجنن مريحه كنت منسدحه عليها طالعت لفوق اشوف السما كنت مسترخيه بعد التعب هذا ما صدقت فزيت على صوت وراي طارق:ما شاء الله منسدحه ولا كان وراك شغل وقفت بسرعه طالعته كان لاف فوطه على خصره استحيت ونزلت راسي لين:خلصت شغلي طارق :ضفي دوري لك اي شغله اشتغليها مو تجلسي تتسدحي كذا بدون فايده ما جادلته وجيت امشي اصلا كان وجهي احمر من شكله لفيت عليه لما بعد عنه شفته يفك الفوطه وكان لابس سروال سباحه شوي ونط في المسبح لفيت ومشيت رحت عند الشغالات المطبخ ادور لي اي شغله ما فيه يقعد يطول لسانه علي بعد جلست معهم على الطاوله لين:في شي اسويه روز:في ملابس عشان غسيل وكوي وقفت ورحت صح خلي اخلص شغلتي الحين عشان في الليل انام بدري رحت خلصت الي علي طلعت ونفس حالتي امس كنت معرقه وحالتي حاله يالله بتحمم واصلي وانام ما صدقت على الله نمت مرا اليومين الي بعدها روتين نفس الشي وطارق مكنت اشوفه شكله مشغول بس اليوم كان الشغل علي مكثف لان روز قالت لي ان اهله بيجون بكره ولازم انظف كل شي ما امداني الحق فساعدوني ما وصلت مفرشي الا وانا هلكانه تصدقون من كثر ما اكرف ما صرت افكر كثير ابي اخلص ابي تروح الايام وارجع لديرتي خلاص ما ابي جامعه ولا ابي شي ابي اعيش مرتاحه وبس لما عشت مع ابوي وعشت هنا مع اني مو مكمله يمكن اسبوع بس عرفت حاجه وحده ان الفلوس ما تبني لك سعاده وان راحت البال والهدؤ هي اهم شي في الحياه اليوم الثاني كنت مشغوله في المزرعه لان امس جاء مطر ورياح قويه وخرب الحديقه جتني روز وقالت لي بابا يبغيني في الصاله يالله وش يبي هذا يا زين اليومين الي فاتت افتكيت منه شوي رحت ورها ما بيمديني اغير كانت ملابسي متوسخه من اخرها تراب مع طين بس لو رحت وبدلت ما اضمن ردت فعله ليه اخرته خلي اروح كذا واشوف وش يبي دخلت الصاله بس انصدمت في الي جالسين كانوا حرمه واربع بنات وهو ورجال كنت برجع كيف يدخلني على رجال هذا ما يستحي هربت بسرعه من قدامهم مع اني سمعت صوته يناديني بس طنشت مو من جده هذا قبل اوصل المستودع ما حسيت الا بيد قويه لافتني ورى طارق بغضب:ما تسمعيني اناديك لين بغضب اقوى و اول مره ارفع صوتي عليه لين:وانت ما تستحي تدخلني على رجال مو محرم لي طارق:هذا اخوي مو غريب لين بحده؛لا والله حتى لو اخوك هو مو محرم لي طارق مسكني بفكي:لا ترفعي صوتك وبعدين لا تنسي انتي هنا خدامه والخدم هنا يطلعون قدامي وقدام اخوي عادي كنت احاول ابعد يده:كيفهم هم انا ما بسويها طارق؛من زينك والله ما بيطل بوجهك جرحني كلامه بس مسكت دموعي غصب ما ببين له ضعفي لو يموت بين:شرع ربي ما في زين وشين الشرع شرع فكني ودفني ورى بقوه لين طحت طارق :خمس دقايق واشوفك قدامي في الصاله لين؛مستحيل ما بطلع قدام اخوك طارق بصراخ:لا تستفزيني اذبحك ترى وبتطلعين غصب عنك لبسي عبايتك وحجابك لين وهي تزحف لورى:والله ما اطلع طارق قرب بسرعه:لا تحلفي علي يا الزباله فاهمه وشوفي اقولك بطيب البسي عبايتك وشيلتك وتعالي ورايه لا الحين اجرك بشعرك واطلعك كذا كنت ابكي بذل هذا يبغى يكشفني قدام رجال غريب علي ما يحس ابد ما يعرف ربه شافني لسه في مكاني ابكي طارق بصراخ اقوى:انتي ما تفهمين قمت بسرعه اخذت عبايتي وشيلتي البسها شفت روز وامنه ومارتا من الباب يطالعون لي وهو يضربني حسيت بذل في حياتي ما حسيت فيه لما لبست سحبتي معه لين الصاله قدام اهله مدري ما اقدر اوصف لكم الشعور وهم يطالعوني وهو يجرني كذا سمعت وحده تقول:طارق من هذي ووين مها طارق بسخريه:ما سمعتوا اخر نكته طلعت هذي عروسي مو مها سمعت وحده تقول بصدمه/كيف كذا ما فهمت كنت منزله راسي ودموعي ما وقفت طارق/رحت وملكة على اساس مها ويوم الزواج انصدم بزباله هذي رامينها اهلها علي بدل اختها تخيلوا ضحك ورجع يقول/بنته الثانيه من زوجته كانت عايشه بقريه جته ما تحملها ورمها علي وحده بغضب كان صوتها كبير اظن امه/اش المصخره هذي وليه ما رجعت رميتها لهم ليه السالفه لعبه هي نخطب وحده يزوجونا الثانيه كنت ابكي بصمت وش ذنبي انا والله ما كنت اعرف كلهم ما يبوني ويرموني كل واحد على الثاني طارق/كنت بسوي كذا بس عقد معهم اتفاق بتجلس معي سنه وبعدها باخذ حقي وارميها لهم امه بغضب/اش تقعد معك سنه كيف تسمح لهم يخدعونك طارق/والله يا الغاليه خذت ثمن ها الخدعه من عيونهم وهذي انا اصلا مخليها خدامه هنا ومخلي عليها شغل البيت والشغالات قلت لهم يتكفلوا بالمطبخ بس واصلا مفكر اسفرهم بخلي بس روز امه/وناس يا ولدي اش نقولهم واعمامك تبيهم يتشمتوا فينا عاد هم مدورين لك على الزله طارق/بسيطه وقت الجمعات نظفوها ورتبوها وقولوا هذي زوجته واذا راحوا ترجع لمكانها هي سنه وبتمر بسرعه ونفتك امه /ووش الي جابرك تتحمل وتتبهذل طارق بنتصار/جابرتني شركتهم الي نصها بيصير لي كنت منزله راسي ماني قادره ارفعه واخوه في كنت اسمع كلامهم عني وما كنت واقفه كانت امه زيه الله يستر من اخواته كمان كانوا ملتزمين الصمت حتى اخوه ما تكلم معاد قدرت التحمل كنت برجع طارق بحده/احد قالك امشي سكت ووقفت وانا معطيتهم جنبي لمحت واحد وقف وطلع شكله اخوه استحى وطلع كويس والله سوا فيه خير امه /قربي اشوفك زين اكيد شينه ولا ما رموك على ولدي كذا ما قدرت اقرب اش اقرب تطالع فيني كاني سلعه رخيصه طارق\اسمعي الكلام لاقوم مشيت بسرعه لعندها خفت يضربني قدامهم يكفي الشغالات امه وهي تطالع فيني ام طارق بحده :ارفعي راسك ولا مالك وجه رفعت راسي اطالعها كانت كبيره يمكن في اواخر الخمسين وكانت ملامحها جامده وقاسيه زي ولدها ام طارق وهي تدقق بوجهي/ماهي بطاله كشر طارق بوجهه/ما بيرفع من قدرها شي كنت واقفه على جنب انتظرهم يقولون لي اروح بس ما احد عبرني وكانوا مكملين سب فيني كنت احس نار بقلبي شابه وكانت دمرعي تنزل وانا امسحها بسرعه ما ابي احد يشوفها تخيل نفسك واقف قدام ناس يسبونك وانت مو قادر تدافع عن نفسك تمنيت ان لي قوه واقدر اواجه الكل واولهم ابوي وجدي الي هم سبب الي انا فيه ما حسيت فيهم يوم راحوا ما حسيت الا بوحده حطت يدها على كتفي تنبهني هي:روحي اغسلي وجهك وريحي طالعت لها مو فاهمه عليها ابتسمت لي :انا سمر اخت طارق الكبيره ابتسمت لها بهدؤ مكنت قادره اتكلم سمر:روحي غسلي وجهك وتغدي وريحي رحت بسرعه ما صدقت لما وصلت غرفتي انسدحت على المفرش الي في الارض كان خفيف ووجوده وعدمه واحد كنت ابكي بقهر من الي صار لمتى بتحمل كنت اشاهق بقوه لدرجة حسيت بروحي بتطلع قهروني يا جدتي قهروني لاني ضعيفه قهروني لان مالي سند استند عليه كشفني للغريب كشف ستري وستباح روحي واهاني وينك يا جدتي تاخذيني وينك ترجعيني لك ابي اكون جنبك بحضنك الله يخليك تعالي معاد اقدر اتحمل كنت اناجي جدتي كنت اشوفها قدامي والله كنت اشوفها كانت هي لي الامان كان ما احد يتجرء علي وهي جنبي والحين صرت وحدي ما قدرت اوقف والله ما قدرت يا جدتي اوقف وحدي اليوم الثاني صحيت الفجر اصلا ما قدرت انام رحت المطبخ عشان اطلع للحديقه اشم هوا لما دخلت المطبخ لقيت وحده من خواته جالسه تشرب عصير رشا:خير ليش جايه هنا يالله انقلعي ارجعي مكانك رجعت غرفتي ما ابي اشوف احد فيهم ليتني اقدر اتجنبهم طارق سهله اتجنبه بس اهله صعب لانهم على طول في البيت انتظرت لين سمعت باب الخدمه فتح وسمعت اصواتهم صاحين ورايحين المطبخ قمت اروح معهم ماني ناقصه اتاخر ويجي هذا يفرد عضلاته علي جلست افطر معهم مو من النفسيه المفتوحه بس ابي شي اتقوى فيه عشان اشتغل واكمل شغلي كله رحت سويت شغلي والي كان ترتيب الصالات الي تحت وغرفة الطعام ترتيب الغرف بعد صحيتهم من النوم وبعد غرفة اخوه ما قدت ارتبها ولا فكرت اصلا اصلا لو يذبحني والله ما دخلتها كنت ارتب يوم نزلت ام طارق ام طارق/هي انتي وش اسمك لين بصوت واطي/اسمي لين ام طارق /بكره عندنا عزيمه بمناسبة سلامة جاسر وزواج طارق قالت زواج طارق بسخريه وهي تناظرني من فوق لتحت هزيت راسي مع اني ما ادري للحين وش المطلوب كملت ام طارق/بتروحي مع البنات الكوفيره ويضبطونك ما نبي نتفشل قدام الناس ولا يعرفون ان اهلك خادعيني ولدي الله لا يوفقه ابوك على الحركه الي سوها كنت منزله راسي وما رديت شفتها تاشرلي اني اروح ام طارق/انقلعي كملي شغلك بعد عن وجهي مو طايقتك مشيت من عندها وكملت شغلي ورحت اتغدا مع الخدم كانوا يتكلمون ويضحكون ويطالعوني فيني عرفت انهم يسبوني بلغتهم بس طنشت يعني جت عليهم هم مهم كل الي في البيت طايحين سب فيني قدامي خلي هذولي يكملونها يالله يا بختي بالحسنات بس اليوم الثاني كنت ارتب عشان العزيمه نظفنا كل شي حتى روز وامنه ومارتا نظفوا معي لان مستحيل اقدر وحدي بعد العصر جتني ام طارق وانا لسه ارتب المجالس الرجال مع الخدم ام طارق:روحي انتي تحممي ويالله عشان تلحقي البنات قبل يخلصون من المشغل رحت تحممت ولبست عبايتي وطلعت مدري من بياخذني بس شفت طارق توه طالع وشكل اخلاقه زفت اصلا شكله اخلاقه كذا على طول اشر لي الحقه مشيت معه وركبت جنبه حرك السياره ولا تكلم احسن يا ليته يفكني من لسانه لفيت اطالع من الشباك لين وصلنا طارق/انزلي خلصيني نزلت بسرعه دخلت كنت مستحيه بالعاده قبل اتزوج كنت اجي مع مها مقد جيت وحدي جلست اتلفت ادور خواته شفت ثنتين مخلصين سمر والي الصباح كلمتني في المطبخ والثنتين الباقي تسويهم لما شافتني سمر جت سحبتني وودتني للكوفيره سمر:لا اوصيك يا ام عمر هذي عروستنا والحفله لها خليها باحلا طله ام عمر:ولا يهمك خيتو رح خليها احلا من الامر كمان جلست تسوي لي المكياج كنت مركزه مع اخواته الي يسولفون الي جنبي كانوا يسوون لها شعرها طلع اسمها مريم والي جنبها هدى والي شفتها في المطبخ رشا و الكبيره سمر كويس عرفتهم ما ابي اتفشل اليوم في الحفل لو احد سالني خلصت لي المكياج و تسريحه وهم كانوا مخلصين بس جالسين برى في جلسات ينتظروني لما خلصت لي قمت رحت لعندهم طالعوني باعجاب بس محد علق طلعنا كان طارق ينتظرنا وحن في السياره قالت مريم:هي انتوا عند هذي فستان وهي تاشر علي طارق/مدري عنها لبسوها من عندكم انا قلت بصوت خفيف/عندي طارق:اذا زي الزباله الي عليك لا تفكري ما نبغى فضايح سكت ما رديت بس مستحيل اخليهم يتصدقون علي واصلا ما اظن مقساتهم زيي لان انا انحف منهم لنا نزلنا كنت بروح جهت غرفتي بس وقفت لما مسكتني سمر:اذا ما عندك انا بعطيك لين ببتسامه حزينه:والله عندي سمر بحذر:طيب اذا لبستي لا تطلعين من الغرفه وانا بلبس واجي اشوفه شكلها خايفه افشلهم على قولت اخوها رحت الغرفه لبست الفستان الذهبي الي شريناه انا ومها عشان اذا استقبلة اهله كان مناسب مره في نظري للحفله لبست اكسسوارات والكعب (وانتم بالكرامه) شوي دخلت عندي سمر طالعت فيني لا ما شاء الله كمان احلا من فساتينا ابتسمت لها بهدؤ ولحقتها بطلع بس شدني كلامها سمر :والله انتي احلا من اختك بكثير ليتك جيتي بطريقه غير سكت ما رديت يعني حتى لو سمر قلبها طيب واطيب منهم بس مع كذا معترضه على يمكن مو علي على طريقة زواجي بس ما الومهم والله طلعنا شفت امه واخواته يطالعوني باستحسان يعني كويس ما بفشلهم شوي وجوا الضيوف ما شاء الله كانوا كثير طالعت بينهم يمكن اهلي يجون مع اني كنت مستبعده ها الشي اكيد لو اخر ناس ما يعزمونهم بعد الي صار مو مشتاقه لهم بس كنت اتمنى جدتي تكون معهم واشوفها ومها كمان كنت ابي اكلمها واشوف مبرراتها بس ما شفتهم كان كل مره تجي عندي سمر مره مريم مره رشا وهدى كل ما راحت وحده وصت الثانيه تجلس عندي مسوين علي حراسه مدري ليش شكل امهم موصيتهم تصدقوا اكتشفت ان سمر متزوجه بس شكلها متزاعله هي وزوجها عرفت من وحده تحكي جنبي على بالها صوتها منخفض وانا سمعت كل شي تعرفت على عمات طارق وزوجات عمه وخلاته كنت ساكته طول الوقت اطالع وتعرفت على وجوه جديده علي بعد العشى جلست وجتني وحده جلست جنبي مدري حسيت معها سالفه بس جلست ساكته وانا كنت اطالع الجهه الثانيه ما لفيت عليها سمعتها تقولي الحرمه:انتي زوجة طارق ابتسمت لها:ايه انا الحرمه:وكيفه معك عسى مو مبهذلك انصدمت من كلامها معقوله تعرف شي كنت ادور احد من البنات تجي تتصرف مع هذي لين بحذر:ايه الحمدلله ما فيه زيه الحرمه بتنهيده:الحمدلله يمكن علق بعد سالفته مع طليقته انا بصدمه:طليقته الحرمه طالعتني:ما كنتي تدري انه مطلق سكت ما رديت عليها معقوله مطلق كمان ويمكن معه اولاد كمان وش باقي مقد انصدمت من ذا المخلوق الحرمه :كان متزوج بنت اختي اماني كان يعذبها وقبل ما يطلقها كان حابسها في غرفه ومعذبها ويدخل يضربها ويخرج يضربها وهي ما عاد استحملة وقدرت مره تكلم اهلها يجون يلحقونها لان كان مانعها عن اهلها اخر اسبوعين لها معه وشكله كشف انها كلمة اخوها لما جاء اخوها طيران بعد ما كلمته لقي طارق ماسك سكين وبيذبح مرته بس ربي لطف وجاء اخوها لحق عليها كانوا اهلها بيشتكون على طارق بس طارق واصل وخرج من القضيه ولا كانه مسوي شي كنت منصدمه من كلامها وخايفه يا ربي يعني يمكن يقتلني يا ربي وش هالانسان الي تورط فيه كانت الحرمه تتكلم وهي تطالع قدام لما لفت علي وشافت ملامح الخوف في وجهي الحرمه:والله يا بنتي حبيت انبهك حرام يروح شبابك زي بنت اختي صار عندها حاله نفسيه ومعاد تزوجت وانا لو ما المصالح الي تربطني بام طارق ما جيت ها البيت بعد الي سواه ولدهم ببنت اختي كنت ارجف واحس قلبي يدق بقوه الله يستر كل يوم عن يوم اكتشف شي جديد الله يستر من الجاي جلست تتكلم بس والله ما كنت حاسه بعمري ما كنت ادري اش تقول الين جتني مريم ونادتني رحت معها مدري كيف رجولي حملتني بس ما كنت ادري وين موديتني طلعت معها ورحنا المطبخ لما دخلت وراها هبت بوجهي مريم بغضب:وش كنتي تقولي لام صالح ما كنت مستوعبه هجومها علي طالعت في المطبخ كانوا سمر ورشا وهدى وطارق موجودين شكلهم يرتبون التقديمات لين بخوف لما شفت طارق يطالعني:مين ام صالح مريم بحده : لا تستهبلي علي شفتك قاعده معها سمر :مريم اش فيك اش السالفه كانوا الكل يطالعني انا ومريم مستغربين مريم:الاخت لقيتها طاقه حنك مع ام صالح العاجي (اسماء العائلات من خيالي) طالعت طارق الي شفت وجهه تغير وتقدم مني بسرعه طارق:وش قلتي لها يا تبن كنت خايفه مره منه ومن بعد كلام ام صالح هذي لين برجفه:والله ما قلت شي مسكني بقوه بيدي ولفها طارق بحده/قولي اش قلتي احسن كل تقدمت منا سمر بسرعه وبعدت طارق بالغصب عني كانت دموعي متجمعه بعيوني وارجف بقوه شكل كلام العجوز هذيك اثر فيه كثير سمر:اش فيك انت ناسي في ناس عندنا في البيت تبي تفضحنا طارق بغضب :ما بيفضحنا الا التبن الي واك تبي تشمت عائلة العاجي فيني وصرخ بقوه وهو يضربني من ورى سمر:انطقي وش قلتي شفته هايج علي زي المجنون بعدته سمر بقوه: بعد انت اش فيك انجنيت لفت علي معصبه ؛وانتي كمان قلتي لها شي هزيت راسي بسرعه ودموعي تزل وجسمي يرجف مريم :كذابه شفتهم يتكلمون سمر وهي طالعني:في وش كنتوا تتكلمون لين بخوف :بس سالتني اذا مرتاحه مع وطالعت طارق ما قدرت انطق اسمه سمر:ايه وانتي اش قلتي لين:قلت ايه والله العظيم ما قلت غير كذا والله العظيم طالعتني سمر فتره سمر :متاكده يا لين لين:والله العظيم احلف بربي شكلها ارتاحت وطالعت طارق الي لسه يطالعني بحده سمر:ارتحت يالله روح لرجال كان يطالعني مدري اش في باله بس خفت كثير من نظراته بعدها طلع اخذتني سمر رتبت لي مكياج بعد الحوسه ودموع الي صارت ورتبت لي شعري مسكتني بيدي وشافت يدي كيف ترجف شكلها حزنت علي سمر :لين حاولي تتحملي طارق ترى طيبوب بس ما يحب يبين مشاعره ان شاء الله يصلح الحال بينكم بس انتي اصبري عليه شوي ما ابي ينصلح حالي معه ابي تخلص السنه هذي واروح عند جدتي عادي حتى لو اروح الحين مو عقب سنه وخلي يفضحني عادي ربي بياخذ لي حقي منه بس ما ذبحني الحين كيف بقدر اعيش هنا وانا خايفه يدخل علي باي وقت بيده مسدس ولا سكين رجعنا الحفله كنت مع البنات اذا راحوا مكان لحقتهم كنت خايفه يتركوني صرت الحقهم زي ظلهم خايفه وحده كمان تجي عندي وتقول لي قصه اقوى من الي قبل والله قلبي معاد يتحمل ما صدقت خلصت الحفله وراحوا الناس رحت بسرعه غرفتي سكرت علي بالمفتاح وتخبيت في مفرشي كنت ارجف من الخوف ما حسيت على نفسي متى نمت ما حسيت الين سمعت دق خفيف على الباب خفت مررره طالعت الساعه في يدي في الضوء الخافت الساعه كانت 3الفجر خفت مره من الي يدق علي ها الوقت سمعت صوت لين افتحي كتتتتتتتتت | ||||
|
| |
|
09-02-17, 10:04 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الروايه عن الصلاه وذكر الله سبحان الله.........الحمدلله الله واكبر..........لا اله الا الله لا حول ولا قوة الا بالله الجزء الثاني عشر صحت على صوت دق على الباب كانت طالعت الساعه في الاضائه الخافته كان الساعه ثلاثه الفجر قربت من الباب قبل تسال مين سمعت صوت خافت طارق:لين افتحي حسيت جسمي يرجف بقوه خفت مره اش يبي هذا مني في ها الوقت التزمت الصمت ولا فكرت ارد عليك يمكن الحين معه سكين ويبغي يذبحني جلست جنب الباب وانا ارجف بخوف وانا اسمع دقه الخفيف وهمسه طارق:لين افتحي ادري انك صاحيه افتحي بقولك شي ما قدرت اتحرك اكيد يبي يذبحني هذا ما يخاف ربه حسيت فيه لما بعد عن الباب وراح رحت فرشتي انسدحت وانا ارجف من الخوف اش يبي فيني هذا اخر الليل حتى بعد فتره لما سمعت الاذان ما قدرت اطلع اتوضى خفت يكون لسه ينتظرني برى ما فتحت لين سمعت صوت الخدم وامنت لنفسي الحين ما يقدر يذبحني وهم موجودين رحت الحمام غسلت وتوضيت استغفرلله يا رب صارت الساعه 7وتوي اصلي والله من خوفي منه اش بسوي بحالي انا تو مالي اسبوعين هنا واحس كل هذا الخوف كيف بستحمل الايام الباقيه حاولت افطر بس والله القمه يالله تنزل من حلقي رحت اسوي شغلي الي في الدور الاول لين يفضى الدور الثاني على الغداء بعد ما تغديت وكنت بطلع انظف فوق كنت لابسه عبايتي وحجابي معاد قدرت اطلع بدونها خايفه اطلع في وجه اخوه فجاءه سمعت صوته يناديني وانا على الدرج طارق:تعالي هنا خفت منه مره وتيبست في مكاني طارق بحده:وبعدين معك قلت لك انزلي نزلت بتردد هذا شكله مو ناوي يجيبها بر لما قربت منه سحبني من الدرج وكنت بطيح على وجهي بس هو كان ماسكني بقوه لين حسيت يدي بتنخلع من قوة مسكته طارق:ليش لما دقيت عليك الباب الصباح ما فتحتي لين بخوف:ما سمعته طارق وهو يهزني بقوه:كذابه لين:والله استغفرلله ما ابي احلف كذب بس هذا مجنون ممكن يسوي اي شي دفني قدامه طارق:امشي قدامي الصاله تجلسي واقفه اذا احنا متجمعين لين نروح لان ممكن احد يحتاج شي تكوني قريبه تجيبيه بسرعه لما دخلت الصاله كانوا كلهم موجودين يسولفون ويشربوا شاي بعد الغداء امه واخواته معاد سمر لما شافوني صدوا عني واخوه نزل راسه سحبني لزاوية الصاله وقالي خليك هنا وكل يوم اجي الاقيك في هذا المكان فاهمه سكت ونزل راسي اش يبي هذا مني انا ابي اتجنبه باي وسيله ابي اسلم من شره بس شكله مو ناوي خير شفت اخوه بيطلع طارق ؛جاسر اش فيك اجلس جاسر:مواعد واحد من الشباب شكله عرف ان اخوه جابرني اطلع قدامه والله فيه خير احسن من هذا الوحش ام طارق:اشفيك يمه اقعد ولا مستحي من هذي خلاص هي بتطلع بس انت اجلس سولف طارق؛لا ما بتطلع وبتقعد كذا كل يوم اذا يبي يجلس يجلس اذا ما يبي كيفه اصلا مدري ليه مهتم انها موجوده اعتبرها فازه من فازات البيت سمعت ضحكت هدى ورشا انحرجت من اسلوبه ومن ضحكهم علي ولا كاني موجوده ما رفعت راسيلهم شفت اخوه يرجع يجلس بعد ما امه حلفت عليه كانوا يسولفون وصدق انا كنت كني مزهريه بينهم حسيت بشي حرك شي في قلبي لما شفت هدى تجلس عند امها وتدلع عليها رجعت ذكرياتي لورى لين:امي حياتي وينك امنه :هنا يمه وشبك ركضت حضنت رجولها كنت في الابتدائي وقتها نزلت عندي وحضنتني بقوه امنه:اش فيها بنتي الحلوه لين:اشتقت لك كثير اليوم الصباح لما رحت المدرسه ما شفتك امنه:كنت مشغوله وانا اشتقت لك اكثر لين؛احبك يمه حضنتني بقوه :وانا احبك اكثر ما كنت حاسه بنفسي ولا حاسه انهم يطالعوني حسيت على نفسي اني اشاهق وابكي بدون ما احس تذكرت امي تذكرت حياتي معها تذكرت حنانها ضمتها لي وانا احس بالامان بحضنها كل هذي الاشياء انا فاقدتها الحين لما شفتهم يطالعوني لفيت شوي وحاولت امسك نفسي ومسحت دموعي جتني سمر وسحبتني بيدي طارق بحده:وين ماخذتها سمر:طارق اش فيك ارحم البنت الرحمه زينه طارق:هذي الاشكال ما يفيد فيهم الرحمه بعدين تتجبر زي غيرها خليها مكسوره ومذلوله احسن سحبتني سمر :ما منك فايده كنت امشي ورها وانا ما اشوف شي من الدموع جلسنا في الصاله الثانيه جلست جنبي سمر سمر:اش فيك لين هزيت راسي بان ولا شي سمر :قولي وعتبريني زي اختك طالعتها وانا اهز كتوفي ودموعي تطيح:بس تذكرت امي سمر:هي وينها مسحت دموعي الي كل مالها تزيد:توفت حضنتني لما قلتها ما كنت قادره اوقف بكي صرت اشهق سمر؛خلاص ادعي لها برحمه الدموع ما تنفعها لين:اشتقت لها اشتقت اضمها اشتقت اسمع همسها لي وانا بنام اشتقت لريحتها ودفى حضنها راحت وخلتني ما بقي لي الا جدتي وهي بعيد مره عني احس بالوحده احس ان مالي احد مالي ناس او اهل سمر بحزن عليها:خلاص ان شاء الله ربي يعوضك وتشوفي جدتك وتملين عيونك منها انتي بس هدي نفسك بعد عنها وانا امسح دموعي سمر:خلاص هدي اعتبريني اختك اذا في نفسك شي تعالي لي وقولي ابتسمت لها سمر:ايه كذا خليك مبتسمه لا يهزك احد احاولي تقوي نفسك لا تبيني لاحد ضعفك هزيت راسي ونزلته كيف بكون قويه وانا مالي احد انا غريبه وسطهم انا اصلا طول عمري مسالمه ومالي في المشاكل تعود دايم يكون مصدر قوتي امي ومن بعدها جدتي والحين ما احد احولي لا امي ولا جدتي من بيحميني مين اقدر احس بالامان وانا نايمه قربه رحت عن سمر وخليتها كنت افكر بكلامها ما اقدر ما اقدر والله اقوي من نفسي انا حتى ظلي اخاف منه انا عمري ما نمت وحدي في غرفه الا هنا وكنت اذا بنام غصب انام من الخوف واخوها وحش بهيئة انسان كل يوم يجي لي باحركة جديده يذلني فيها وكن طاقه عنده ويبي يفرغها فيني اليوم الثاني سمعت من ام طارق تقول ان طارق سافر امس من بعد الي صار في الصاله ما شفته الحمدلله سافر خلي افتك منه مرت الايام بهدؤ ام طارق مكان تركز علي مره بس مع هذا ما كانت تخلي نغزاتها هي وبناتها لي وسمر لها يومين رجعت لزوجها شكله صالحها كانت الايام روتين اقوم اشتغل لين انام مكان فيه اي شي جديد كنت في المطبخ مع الخدم وحنا نتغداء كانوا يتكلموا عن اهل البيت شكلهم عارفين اني ما بتكلم فاخذوا راحتهم قدامي مدري طرت في بالي سالفه زواج طارق بسالهم عنها لين؛تعرفون زوجة طارق زمان روز طالعت فيه بستغراب:انتي في معلوم لين هزت راسه:ايه مره سمعت يقولوا زوجته روز:هازي كانت مره مسكين كان كل مره يجي هنا في وجهها علامه سوداء سكت يعني صدقها الحرمه هذيك وانه كان يعذبها لين باستفسار:كيف قربت من روز وقالت بصوت منخفض؛هذا بابا كان دايم يضرب هي هو مكان هنا كان ساكن في بيت جنب بيت هذا انا مره قالت لي ماما اودي غداء عندهم رحت دخلت بيت سمعت صوت مره عالي وبابا يصارخ وكان يسحبها لمطبخ واخذ سكين وهي كانت تهرب انا خفت كثير وهربت وبابا ما شاف انا (سوري على الهجه المكسره بس هذا الي طلع معي ما اعرف مره) يمه رجع الخوف لي من جديد يعني الحرمه هذيك ما كذبت ليش ليش يسوي كذا يمكن مريض اكيد مريض محد يقدر يعذب انسان كذا ويعيش حياته مرتاح وشكل صار دوري الحين في الليل قالت لي ام طارق ان اخواتها بيجون ولازم البس لبس مرتب رحت تحممت ودورت لي لبس من الملابس الي جهزتها لي مها كنت معترضه عليها بس اش اسوي ابي افتك من المشاكل ومحد يرمي علي كلمه اني ما اعرف البس والكلمه الي الحين طايحين لي اخواته ماسكين عليها بعد ما سمعوه يقولها لي (الزباله ) رحت الحمام خذت المكياج الي عندي وسويت مكياج خفيف على قد معرفتي وسويت شعري ذيل حصان لما طلعت وشافتني امنه امنه:ما شاء الله مره حلو ابتسمت لها ولفيت لروز الي جتني روز:لين ماما تقول تعالي بسرعه رحت بسرعه قبل ما تعصب علي دخلت عليهم كانوا الضيوف لسه ما جوا ام طارق:يعني عندك ملابس غير القرف الي لابستيها كل يوم تقولي شحاذه كنت ساكته حلو والله تبيني اكشخ لهم وانا اكرف طول اليوم واصلا الفتره الاخيره صرت ما افك عبايتي عشان اخوهم فيه ولا يمكن يبوني اخرج كذا قدام اخوهم ما استبعدها عنهم صراحه لما جوء الضيوف جلسنا وكانوا سوالف انا كنت طول الوقت ساكته بس الي استغربت منه ان هدى ورشا ومريم مسوين انهم ميانه معي ومره يحبوني كان اذا علقوا تعليقات مالها داعي ابتسم بس لاني مو فاهمه شي خصوص تعليقات من ناحية طارق لفت علي وحده من خالاته:وينه طارق من تزوج معاد شفناه كنت بقول مسافر بس سبقتني ام طارق:عند ربعه شوي وبيجي بعد فتره سمعت صوته يعني هذا رجع من السفر متى والله كنت مفتكه من شيفته قاموا بنات خالته بيروحون الجهه الثانيه عشان يدخل يسلم على خالاته كنت بقوم اروح معهم بس شفت نظرات ام طارق لي عشان اجلس وما اتحرك كنت مستحيه منه لاني لابسه بنطلون ماسك والبلوزه كمان ماسكه كانت مفصله جسمي جلست وانا على اعصابي شفته دخل سلم على خالاته وجاء جلس جنبي اليوم كلهم ممثلين دور الطيبين الي يحبوني ولا هذا شكل يبي يمثل درور الزوج صدق كنت احس بنار في جسمي من قربه وهو مريح يسولف مع خالاته خالته امل:ما شاء الله عروستك قمر يا طارق ومبروك مقد شفناك من تزوجت عشان نبارك لك طارق:الله يبارك فيك ونقزت لما حسيت يده على كتفي وهو ضغط على كتفي وقربني له وانا وجهي الاوان من الاحراج والخوف اش ناوي عليه هذا طارق بهمس:لا تفضحينا شفيهم يطالعون ما قدرت استحمل اكثر قمت بروح عند البنات طارق :وين ابتسمت وانا اطالع خالاته ؛بروح عند البنات سحبتي وجلسني مكاني قبل خالته:خلها يا يمه تروح شكلها مستحيه منا ما صدقت على الله تقول كذا طالعته لين بصوت منخفض:اروح فك يده مني ولف على امه وخالاته و بصوت واطي:ضفي بسرعه قمت ما صدقت على الله رحت عند البنات جلست معهم مع اني معهم بس مستمعه ما اسولف بس راضيه لما راحوا كنت باروح غرفتي اغير وانام بس سمعت طارق :روحي رتبي جناحي بنام اوف الحين الساعه وحده؛وهذا يبين اشتغل لين:طيب بغير واطلع طارق بحده:الحين تعبان ابي انام رحت اخذت المنظفات وطلعت ما فيني يقوم يمد يده ولا يتكلم علي نظفته وغيرت المفرش ونظفت الحمام على طلعتي من الحمام كان طارق داخل الجناح كتتتتتتت ادري قصير بس هذا الي قدرت عليه في اليومين هذي وان شاء الله الجايات نعوضكم | ||||
|
| |
|
19-02-17, 11:36 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الرواية عن الصلاه وذكر الله الله اكبر..........سبحان لله الحمدلله.........لا اله الا الله لا حول ولا قوة الا بالله الجزء الثالث عشر كنت طالعه من الحمام لما شفت طارق داخل بعدت شوي عشان يدخل وانا بطلع دخل وحط اغراضه الي في جيبه على التسريحه انا طلعت لما وصلت لباب الجناح و قبل ما اقدر اخرج مسك يدي وقربني منه انا خفت منه مررره ما ادري اش يبي هذا كنت اشوف نظراته غريبه خلت جسمي يكش حاولت افك يدي واروح بس هو كان شاد عليها بقوه لين بارتباك:نظفة الجناح والحمام طارق وهو يناظر الجناح وهو يتاكد من التنظيف طارق:يعني مو بطال شغلك كنت لسه احاول افك يدي لين:طيب بروح انام شفته يقرب مني :اوكي نسهر شوي وبعدين روحي نامي كنت خايفه من ان الي افكر فيه هو الي في باله لين بخوف:انا تعبانه وابغي انام قرب مني اكثر وهو يمسك شعري المفكوك بيده ويحرك يده فيه طارق ونظراته على وجهها وشعرها وكل شي فيها طارق:اظن واضح كلامي قلت نسهر شوي وبعدين روحي كنت ارجف من الخوف ما قدرت ارفع راسي له شفته يسحبني لغرفة النوم بس ما قدرت ادخل كنت احاول اسحب نفسي منه وافك يدي لين:الله يخليك خلني اروح كنت خايفه منه موت والصراحه هذا ما يتامن له ما ابي اورط نفسي معه طارق بحده:مو بكيفك بعدين خلينا نحلل جلستك هنا كان يسحبني غصب عني وانا ابكي لين:الله يوفقك ويخليك خلني اروح وخلاص اذا تبي ترجعني لاهلي انا موافقه طارق:شو نسيتي الاتفاق الي بيني وبين ابوك لين:بقوله يعطيك الي تفقتوا عليه بس خلاص رجعني لاهلي طارق:اهلك ليه عندك اهل مو رموك علي ولا سالوا فيك كنهم ما صدقوا محد حتى فكر يدق علي يطمن عليك جرحني كلامه ونزلت دموعي اكثر طارق رجع تقرب مني يمسح دموعي:يالله وقفي بكى وخلينا نتسلى كنت احاول اصرف نفسي باي شي بس ما قدرت وهو ماسك يدي مو قادره افكها سمعت صوت جواله يرن طارق:اوف من هذا الي يدق الحين سحبني مع الغرفه وفكني وراح لجواله يشوف من الي يدق شفته لما رد على الجوال على طول حطيت رجلي وركضت سمعته وانا على الدرج يناديني بعصبيه بس ما اهتميت اهم شي اوصل غرفتي ما ادري اذا اهله في الصاله او ناموا لاني ما انتبهت لنفسي الا يوم سكرت على نفسي الباب لحظتها حسيت بامان لما صرت في غرفتي وسكرت علي الباب هذا شكله يبي يسلي نفسه على حسابي لازم من بكره انتبه لنفسي هو اتفق مع ابوي بعد سنه بيطلقني وقالي اني بكون خدامه عنده والحين يبي يغير رايه والله ما اسمح له سكت في كل شي الا هذي ما بسكت فيها هذا يبي يورطني معه رحت بسرعه وتخبية في مفرشي وانا ارجف الحمدلله اني قدرت اهرب منه كنت انام بس كل شوي افز من نومي مدري ليه احس يده لساتها تمسح على شعري اليوم الثاني ما صحيت الا على دق الباب جلست احاول اصحصح لسه فيني نوم سمعت دق مره ثانيه على الباب لين:خلاص سمعت روز بحده:يالله فيه شغل مره كثير لازم سوي انتي نفخت بضيق منها دايم يتامرون علي وكاني انا الخدامه الوحيده ما كنهم حالي حالهم طالعت الساعه اوف الساعه عشره قمت بسرعه فاتتني صلاة الفجر لما كنت في الديره مكان تفوتني صلاه ومن لما جيت هنا صرت افوتها استغفرلله يا رب لا تاخذنا يا رب صليت وطلعت بسرعه ابتدي شغلي كنت انظف تحت لما شفت طارق جاي من برى طالعني بحده وعرفت انه ما بيعديها على خير كان في الصاله بس ام طارق شكل ام طارق شافت نظرات ولدها لي ام طارق:طارق تعال ابيك في شي كنت بمشي بس وقفتني خليك انتي كمان وقفت مكاني وانا منزله راسي ما ابي اطالع فيه ام طارق ؛اش صار امس خلاك تنزلي تركضين بملابسك هذيك وقدام جاسر مو حاسه في نفسك طارق:يمه ام طارق :انت اسكت رجعت تطالعني تنتظرني اتكلم لين حسيت اني لازم اتكلم يمكن امه توقف معي لو قلتلها مدري والله اش الي خلاني اتكلم لين:خالتي يبغيني اعيش معه وهو متفق مع ابوي بعدين يطلقني طارق بحده:انكتمي ام طارق بحده:طارق انا ساكته لك في سالفة زواجك هذي الي مدري كيف والي مفروض رضيت فيها ولا رجعت البنت لاهلها وفكيت نفسك طارق؛ ما لحد دخل في حياتي بسوي الي ابي ام طارق:ايه تبي تورط بنت الناس معك بعدين تطلقها واذا حملت ترميها هي ولدك عادي عندك ممكن اوافق معك بكل شي الا انك تظلم بنت الناس معك تبيها زوجه لك على طول واذا ما تبيها خلها في حالها وانت في حالك لين يخلص اتفاقك مع ابوها كان عاجبني كلام امه قلت الحمدلله اول مره اسمع وحد يوقف معي هنا ويقول كلمة الحق شفت طارق يوقف بزعل ويروح بس قبل يطلع اعطاني نظره رجف قلبي منها عرفت انه ما بيعديها والله يعيني على الجاي ام طارق طالعت فيني بحده:وانتي لعاد تطلعي قدامه بالملزق والمقطع وما تبغيه يسوي لك شي سكت مو هم الي يقولون البس كذا عشان ما افشلهم قدام الناس عاد الحين ملزق ومقطع لتكون مفكره اني متعمده الفت نظر ولدها والله ما فكرت فيه حاولت قد ما اقدر اتجنب طارق وهو معاد التفت فيني حتى بنظره احسن شكله منقهر من وقفت امه معي مرت الايام زي ما هي الا ان الاسبوع هذا كانت خطوبة مريم واليوم بتكون الملكة شفت الفرحه بعيونها كنت اشوف كيف يهتمون فيها وموفرين لها كل شي امس اخذنا طارق كلنا نروح السوق عشان نشتري فساتين للملكه اخذوني معهم عشان اخذ فستان لاني اكيد زي كل مره يبغوني باحسن طله قدام الناس كان طارق يمشي وكانوا البنات يمشون جنبه انا كنت وراهم كانوا اذا اشتروا شي رموه علي اشله شليت اكياس كثيره معد احس اقدر اشيل اكثر يدي احسها توجعني من الاكياس دخلوا كذا محل كنت اشوف الملابس روعه اعجبني كذا شي بس سكت ما اقدر اشتري ما عندي فلوس كنت بس اتفرج مع ان خاطري زيي زيهم اشتري بعض المحلات ما كنت ادخل كنت اجلس برى ما ابي ادخل بس اشوف وانا ما اقدر اخذ شي قبل وانا في الديره ما كنت اهام كثير بهذي الاشياء بس لما كنت اطلع مع مها كنت انبسط مرره كنت اخذ كل الي في خاطري لما وصلنا محل فيه فساتين السهره اشر لي طارق ادخل اشتري معهم دخلت كنت اتفرج ما عجبني شي شفت حتى هم ما عجبهم شكل الموجود لفينا كذا محل انا عجبني واحد مرره لونه احمر كنت اطالع فيه بس ما عرفت كيف بقولهم ابي هذا كنت منحرجه مره لفيت شفت رشا جايه عندي رشا:مررره يجنن صح مريم مريم:ايه والله روعه طالعت رشا:طلع عندك ذوق ما توقعت نادت العامله وقالت انها تبي الفستان الي كان خاطري فيه تركتهم وطلعت عادي اصلا ما اهتميت اصلا هم سرقوا مني كل شي فرحتي واني اكون انسانه طبيعيه عايشه زي اي بنت جت على الفستان حسيت نفسي مخنوقه مشيت وراهم شفتهم كلهم شروا طارق وهو جاي جهتنا :هاه خلصتوا مريم ايه خلصنا كل شي بس الهانم لسه مدري اش تنتظر طالعني طارق:ليش ماا شتريتي ولا مو عاجبتك الي هنا متعوده على الخلاقين الي تلبسيها تري ما يبيعونها هنا يمكن لو رحنا سوق شعبي نلاقيها لفيت عنهم ما ابي ارد ولا احس خلاص بانفجر كنت بقول له كلام يسكته بس سكت لان في مكان عام وخايفه يضربني ومايحسب حساب الناس مدري ليش احس اليوم معد طايقتهم ولا طايقه نفسي طارق:يالله امشوا هدى:بس لين ما شرت لف علينا معصب:عنها ما شرت لمتى بنتظركم من العصر وحنا هنا ليه ما شرت امشوا بس مريم بخوف:بس امي بتخاصم اذا ما شرينا لها الملكه بكره معاد يمدي تنزل طارق بسخريه:ومفكره لسه بنزلها والله تبطي لف علي وبغضب :انقلعي المحل هذاك دوري لك اي حاجه وخلصينا مشيت بسرعه لان صوته مرتفع وناس كانت تطالع فينا دخلت محل قدامي كنت ما اشوف من الدموع والله مليت خلاص مليت من الاهانات والذل الي اشوفه كل يوم الله يسامح يا ابوي الله يسامحك جتني وحده من العاملات البنت: تبغي اي خدمه لين بصوت واطي:ايه لفيت اطالع الفساتين شفت فستان اسود زي حياتي الي عايشه فيها ابي هذاك الفستان اصغر مقاس البيت :حاضر جابت لي الفستان وحطته في كيس ومنتظره احاسب البنت:الحساب اختي نزلت راسي بخجل ما معي فلوس وهذا واخواته برى لين:لحظه طلعت وقفت عند باب المحل شفته يطالعني وجاء جهتي طارق بحده:لا تقولي ما لقيتي لين :لقيت بس الحساب طالعني فتره:رح احاسب بس بكره تعطيني حقها مو مكلف فيك اصرف عليك ببلاش خفت من كلامه وش ياخذ حقها انا فكرته نسي السالفه بعد كلام امه بس شكله مو ناويها بر ها الانسان حاسب ومشينا كنت امشي جنب اخواته خايفه منه مرره حتى لما ركبنا السياره ما ركبت وراه ركبت الجهه الثانيه جنب الباب عشان اذا وصلنا انزل بسرعه اهرب غرفتي ما حسيت بالامان لا لما وصلت غرفتي اليوم الثاني كانت الملكه جت الكوفيره الين البيت كانت تضبطهم وطبعا انا كنت ارتب لما خلصتهم قالولي اروح تسويني رحت طلبتها شي مره خفيف ما كنت احب المكياج الي مرره كثير لان اخواته كانوا مرره مكثري مكياج لما كانت تسوي لي شعري كنت اطالع مريم كانت مره مبسوطه كانوا اخواتها عندها شويه ودخلوا بنات خلاتها وعمها سلمو علي وراحوا لمريم كانوا يسولفون معها ويبسطونها كانوا عكس بنات عمي معي كانت علاقتي معهم رسميه بس رنا الي كنت احس براحه معها وكتشفت اني غلطانه وان زيها زي الباقي كانت تضحك علي تذكرت حفلة الحنه تذكرت الضحك الي ضحكناه اكيد ما كانوا يضحكون معي كانوا يضحكون علي كلهم عارفين اش ينتظرني الا انا الهبله كنت فرحانه بنفسي ومفكره بحياه ثانيه الكوفير:شو بيك يا امر ليه عم تبكي لين وما حسيت بدموعي الي نزلت لين ببتسامه:لا ولا شي رجعت ضبطت لي الكحل الكوفيره:حبيبتي حاولي تمسكي حالك عشان ما يخرب الميك اب لين:ان شاء الله خذت نفس عميق احاول اهدي نفسي بس كنت احس نفسي مخنوقه كنت اشوف الكل حولي مبسوط ويضحك الا انا ما كنت اقدر اضحك حتى مجامله لاول مره في حياتي احس نفسي يتيمه لاول مره احس اني مالي احد في الدنيا وافكر لو ما جدتي وين بروح نزلنا الحديقه كان الحضور كثير ما شاء الله الحديقه صايره تجنن طارق كان جايب منسقين مضبطين الحديقه عشان الملكه شفت سمر من بعيد جايه جهتي سلمت علي سمر:كيفك يا لين لين:الحمدلله كيفك انتي سمر:طيبه وحشتيني اش مسويه لفيت طالعت في الي موجودين ما احس فيه جواب اش مسويه يعني سكتت سمر شكلها انحرجت وعرفت ان ما عندي جواب تعالي نجلس على الطاوله هناك سحبتني معها لطاوله الي فيها امها كانت جالسه على الطاوله ام طارق وحرمه كبيره وخالة طارق امل وبثينه وحنا متجهين لهم مدري ليه على بالي الحرمه الكبيره جدتي فكيت يد سمر بسرعه :جدتي ومشيت بسرعه جهتها كان في كذا طاوله قدامي مو مخليتني امشي بسرعه لما قربت منها لين:جدتي لفت علي الحرمه الحرمه:وش فيك يا بنتي ما كانت هي والله انا شفتها متاكده شفتها لفيت اطالع حولي حسيت دموعي بتنزل ام طارق باحراج:هذي زوجة طارق وجت جنبي دقتني في كتفي عشان انتبه لهم شفتهم يطالعوني بستغراب سلمت عليهم وانا امسك دموعي غصب طلعت الحرمه ام ام طارق مو جدتي كان فيها من جدتي كثير نفس الهيئه والجسم حتى الشكل شفتها تشبه لها يمكن عشاني مشتاقه لجدتي موت اشوفها في جدته كنت جالسه جنب ام طارق بس كل شوي اناظر امها نفسي ارتمي في حضنها يمكن الاقي فيها شي من جدتي مدري ليه اليومين هذي جدتي مو غايبه عن بالي حتى باحلامي احلم فيه انها تطالعني وحزينه وتسالني وينك ليه طولتي تريني بروح وما شفتك لما تذكرت حلمي فيها ما قدرت استحمل قمت بسرعه ورحت الحمامات ام طارق نادت سمر سمر:هلا يمه ام طارق بحده:روحي شوفي زوجة اخوك فشلتني عند امي واخواتي جاسه ودموعها تنزل حتى هم شكوا فيها وقبل شوي قامت بسرعه وهي تبكي مدري وين راحت مدري وين اودي وجهي من امي واخواتي الي يسالون وش فيها سمر:خلاص الحين اروح اشوفها واعرف السالفه يمكن طارق مزعلها ام طارق:الله يسامح من بلانا ها البلوه راحت سمر تدور لين لقيتها في الحمامات سمر :لين اش فيك تبكين لين:ابي جدتي مشتاقه لها مرره امس حلمت فيها تناديني سمر:وش ذكرك فيها الحين لين:لي يومين مو مفارقتني لما شفت جدتك فكرتها هي سمر:خلاص تعوذي من الشيطان وان شاء الله ما فيها الا العافيه لين:ابي اشوفها الله يخليك سمر : ان شاء الله بكره اكلم لك طارق وتروحي تشوفينها لما قالت طارق بيودني لجدتي فقد الامل مستحيل يوافق رجعت مع سمر وحاولت اهدي نفسي لما جلست جنب ام طارق الجده:وش فيك يمه عسى محد مضايقك استحيت منها فيها حنيه لين بخجل:لا بس تذكرت جدتي انشغوا بسوالف وانا كنت احاول اهدي نفسي مدري ليش من بعد حلمي بجدتي احس بضيق في نفسي خايفه عليها معقوله تعبانه اصلا مالها احد في الديره مدري هي تاخذ ادويتها او لا من اصلا بعطيها كنت انا دايم اعطيها واهتم بعلاجها شوي وانزفت مريم كانت مره حلوه ما شاء الله عليها قمت مع امها وخالاتها لما قاموا بيسلمون عليها قبل يدخل زوجها سلمت عليها لين:الله يهنيكم والله كانت من قلبي ما ابي احد يذوق الي ذايقته حتى لو ما يعني لي اي شي نزلنا لبست عبايتي وجلست كانت طاولتنا قريبه من مكان الكوشه الي مضبطينه المنسقين باروع ما يكون تذكرت كلام رنا يوم تقول يحبون الفشخره والله ما كذبت صدق يحبون كل شي يكون توب دخل المعرس طالعته باين الفرحه في عيونه كانوا اهله معه عرفت انه ولد خالتها امل كان فيه مصوره تصور كل شي وصل عندها وباسها فوق راسها ومسكها بيدها جلسها جنبه شكله مره جريئ كان طاير فيها وهو يلبسها لدرجة ان ما استحى من الحضور كنت اشوف الفرحه في عيون مريم وعيونه لفيت عيوني عنهم ما ابي اكون حسوده بس كانت امنيتي تشبه الي تحس فيه مريم الحين كنت احلم بحياه زي مريم بس حتى ما حصلت نصها لما خفوا الحضور ما بقي الا خالاتهم وعماتهم قالوا ان بيدخل طارق وجاسر قمت ورحت في طاوله بعيده عنهم ما ابيه يشوفني مو ناقصته خصوص اليوم كنت احس اني مضايقه مره ممكن انفجر في اي احد وخايفه اذا تكلم علي ما استحمله وخصوص قدام الناس وقتها الله واعلم اش بيصير لي قدامهم دخل هو وجاسر وراح لاخته سلم عليها طبعا الكل متغطي الا خالاتهم كنت اشوفه كيف فرحان ويضحك مع اخواته كانوا كلهم مجتمعين الا انا كنت وحدي بعيد وهذا مكاني الحقيقي وحدي وبعيده عن الكل انا مو من ها العالم وما انتمي له ووجودي فيه كان غلط شغلو اغاني وكان هو واخوه يرقصون مع اخواته قمت بامشي شفت ام طارق على جنب تكلم وحده مدري مين قربت منها لما راحت الحرمه ام طارق تطالع فيني تنتظرني اتكلم لين:اقدر اروح غرفتي تعبانه ان طارق :خلاص روحي مو ناقصنا فضايح اكثر ويقولون الناس وش في زوجة ولدهم ما بطلت بكى راحت وخلتني مشيت ورحت قسمنا غسلت وغيرت جلست استغفر احس زي الضيقه كاتمه على صدري اخذت القران جلست اقراء لين هدية شوي قمت انام نمت بعد فتره بس بعد فتره طويله شوي حسيت باحد يدق الباب طلرق:وبعدين معك انتي ما قلت لك اني ابي قيمة الفستان حسيت بقهر منه ولاول مره :روح ماني فايقه لك طارق سكت شوي شكله يستوعب ان انا الي اتكلم طارق بحده بس بصوت منخفض:اوه طلع لك لسان مو ورا الباب قربت من الباب وحطيت راسي عليه وانا ابكي لين:روح الله يخليك والله مو متحمله نفسي طارق:بلا كثرت حكي فتحي اقولك لين بصوت مخنوق وعناد:مو فاتحه طارق بعصبيه:وبعدين معك مدري اش فيني بس يمكن صدق عشان ورى ها الباب الحديد ما يقدر يسوي لي شي قلت بحده:مارح افتح ورني كيف بتدخل شات الباب بقوله لين نقزت انا من الخوف اكيد الخدم بيقومون على الصوت هذا سمعته يقول:حسابك معي بعدين وبتشوفي يا شيخ ضف وجهك ناقصتك انا الحين رجعت حاولت انام بس ما قدرت الله ياخذه صاحني غصب لين قدرت ارجع انام اليوم الثاني الظهر كنت بروح ارتب الصاله الداخليه لما سمعت صراخ طارق وسمر شكلها نامت هنا امس سمر بعصبيه:مو من حقك تمنعها من اهلها طارق بصراخ:وانتي مو من حقك تدخلي بحياتي سمر :من حقي اذا اشوفك تظلم بنت الناس اني اتكلم ام طارق بهدؤ:خلها تشوف جدتها حرام البنت ما شفت شكلها امس انا يوم قالت لي سمر بعد ما راحوا الناس اش فيها كسرت خاطري حرام لا تحرمها طارق:انا من اول قلت لهم ما بتشوف اهلها لين تخلص الاتفاقيه الي بينا وبعدها بالي ما يحفظها وين ما تروح ما قدرت استحمل دخلت عندهم شفته يطالعني بعصبيه:اش جابك ولا كنت تسمعين زي عوايدك لين برجاء؛الله يخليك بس يوم اشوفها وارجع الله يخليك خايفه يكون فيها شي ابي بس اطمن طارق:اقول فارقي عن وجهي يالله قربت منه ابوس يده بس هو دفني بقرف طارق بقهر:قلت لك فارقي ما تفهمين طحت على الارض وانا ابكي برجاء :الله يخليك بس يوم طارق ؛ولا نص يوم طالعت ام طارق شفتها تطالعني بشفقه خلاص خلها تروح بس يوم تطمن عليها طارق:انا كلامي ما ينعاد سمر:خلاص لا توديها انا وجاسر نوديها طارق:انتي ما تفهمين قلت لا والله لو طلعت من هذا الباب لاذبحها وانتوا تعرفوني عند كلمتي كنت جالسه في الارض ابكي جت جنبي سمر ومسكتني توقفني سمر وهي تبكي:خلاص لين ان شاء الله تشوفيها وطارق بيغير طارق؛والله العظيم وهذاني حلفت ما تشوفها لو تموت والحين انتي بلا تمثيل وتسوي حالك تكسري الخاطر وقومي انقلعي غرفتك عشان تعرفي من طارق مو انا وحده زيك تسوي الي سويتيه امس مشيت من عندهم كنت عارفه مستحيل يوافق عرفت انه عاند بزياده لاني ما فتحت له امس يمكن لو كان فتحت له كان وداني انا لازم اتنازل عشان جدتي لازم انتظرته في الليل طول فترة جلستي هنا في الثلاثه شهور كنت اشوفه اذا سهرت يرجع الساعه وحده او ثنتين كنت لابسه لبس مرتب عشان يرضى علي ويودني عند جدتي كنت جالسه في المطبخ كان البيت هدو طبعا عشان بكره دوامات تذكرت جامعتي الي رفض يخليني اكملها كلمة سمر ما عندي الا هي دايم اكلمها وكلمته ورفض قال نفس كلمته المعتاده اذاصارت في بيت ابوها تكملها كان الوقت يمر بسرعه وكل مالي اتوتر مدري كيف بواجهه او وش اقوله خايفه بعد كل الي بسويه ما يوافق يوديني لجدتي وقتها مراح يبقى لي كرامه هنا بيكون استنزفها كلها سمعت الباب ينفتح رحت اطالع من باب المطبخ شفته يدخل ويصعد الدرج كنت ارجف مكاني اش اسوي ما قدرت اخطي خطوه قدام خايفه منه مره جيت برجع غرفتي بس تذكرت جدتي استجمعت قوتي وحاولت اطلع طلعت لما وصلت باب الجناح حقه رفعت يدي بدق الباب كتتتتت لا تقولوا قصير حاولت قد ما اقدر اطوله | ||||
|
| |
|
19-02-17, 11:37 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الرواية عن الصلاه وذكر الله الله اكبر..........سبحان لله الحمدلله.........لا اله الا الله لا حول ولا قوة الا بالله الجزء الرابع عشر رفعت يدي كنت بدق الباب بس نزلتها بتردد وخفت مرره ما قدر اسوي الي في بالي ما حسيت الا وهذا فاتح الباب كنا نطالع بعض انا اطالعه بخوف وهو يطالع بستغراب طارق وهو يكتف يدينه؛سلامات اش تبين لين:ابي كنت ااااااابي لفيت وجهي عنه ما ادري اش اقول والله صعبه احس اني اعرض نفسي عليه طارق:اش فيك مطوله وسحبني بيدي دخلني طارق:يالله قولي اش تبين هنا عشان محد يطلع ويشوفك واقفه عند باب الجناح احس ريقي نشف مو قادره اتكلم لف علي طارق وهو رايح للجلسات في الصاله الجناح شافني لسه واقفه مكاني جلس وريح في جلسته ومد رجوله طارق:تعالي دامك هنا همزي رجولي قربت منه بتردد طارق:اش فيك تعالي جلست قريب من الطاوله الي حاط رجوله عليها وبديت اهمز له رجوله تذكرت لما كنت اسوي كذا لجدتي وقوية نفسي لازم اقول له لفيت عليه شفته يطالعني طارق:اش عندك قولي بسرعه قويت نفسي ؛ابي اشوف جدتي طارق وهو ينزل رجوله من الطاوله ويسند يدينه على فخوذه:اظن ما انتي جاهله بردي وكنتي حاضره لما قلت ما بتروحي بدت دموعي تتجمع في عيوني ما قدرت اتحمل طارق: انتي ما عندك الا البكى من يوم جيتي هنا وانتي بس تبكين ترى اقرفتيني لين:بسويلك الي تبي بس خليني اروح عند جدتي طارق بستهزء:وش بتسوين لي ليه انتي عندك شي تسوينه نزلت راسي بقهر كنت عارفه انه بيذلني بس مدري ليه كان عندي امل رفعت راسي لما قال طارق:ممكن اغير راي بشرط وانتي تعرفي ما اسوي شي بدون مقابل عارفه والله عارفه مدري كيف هذا الانسان يستغل حاجة الناس له وانهم ما يقدروا يعترضوا على شي لين:موافقه طارق؛اوه اوه بسرعه يعني عندك استعداد لكل شي لين واحس بذل كبير:ايه طارق:طيب يا حلوه ابيك تعيشي معي هنا في الجناح لمدت اسبوع بس تجي في الليل زي اليوم وطالعني بسخريه لمدة اسبوع اذا بسطيني وما زعلتيني في شي راح افكر في اني اوديك سكت ما عندي كلام اقوله طارق وهو يطالعني:وش قلتي هزيت راسي له اني موافقه قرب مني ورفع راسي له ؛كنت اجيك وانتي الي كنتي تتبطرين وترفضين يعنني ثقيله وشوفي اليوم انتي جيتي برجولك عندي ومن دون كرامه كمان غمضت عيوني ما ابي اشوف الاحتقار في عيونه ونزلت دمعه كانت حاره بحراره القهر الي في قلبي مسح دمعتي هذا الشي ما ابي اشوفه الايام الجايه لاني ابي انبسط فلا تنكدي علي ما بيكون في صالحك فاهمه والحين تعالي معي سحبني معه الغرفه كنت امشي مو بارادتي دخلني الغرفه وراح جهة غرفة ملابسه جاب لي لبس ورماه علي ابيك تلبسي هذا بطلع شوي وباجي الاقيك مجهزه نفسك طلع وخلاني طالعت البس الي اعطاني ورميته بخوف كيف يبيني البس هذا كان قميص نوم لونه بنفسجي قصير لين فوق الركب وعلاقات بس وشفاف الظهر كله والبطن ما قدرت والله شفته يدق على الباب خلصتي لميت بسرعه البس في يدي ودخلت الحمام لبسته طالعت في المرايه قدامي يمه والله مو قادره اطلع مو قادره فكيت شعري عشان شوي يغطي واخذ شوي من شعري حطيته قدام اغطي بطني ورجولي كنت انتظر في الصاله اش فيها هذي طولة دخلت الغرفه ما لقيت احد عرفت انها في الحمام جلست في الغرفه انتظرها مدري بوفي بوعدي معها او لا مع اني احس نفسي قرفان منها ومن نفسي ومن كل بنات حواء بس كذا ابي اذلها اكثر خليك يا اخت وليد عيشي القهر الي عشته سنين حسيتها طولت في الحمام مصار هذا لبس اكيد تسالون من وين لي ها البس انا متعود اجيب زوجاتي بالمسيار هنا اذا اهلي مو موجودين فاكيد فيه اغراض هنا لهم يتركونها عشان يكشفوني عند امي مفكرين اهبل عن تصرفاتهم كل وحده من الي تزوجتها كانت تبي تلوي يدي بشي بس كنت اخذ احتياطاتي حتى هذي الي في الحمام مستحيل اخليها تلوي يدي بشي مصار هذي لها ساعه في الحمام قمت رحت ادق الباب طارق بسخريه:شو بتنامي اجيب لك مفرش تنامي عليها بسرعه اطلعي تري صبري مو طويل سمعت تكت المفتاح فتحت وطلعت كانت ملاك وشعرها الي فاكته كان خيال شفتها ما رفعت راسها لي ووجهها احمر البنت هذا فيها خجل ما شفته على احد حتى اماني ما كانت تخجل ما اذكر حتى يوم زواجنا خجلت مني زي هذي كنت اطالع يديها كيف ترجف احس شوي وبيغمى عليها مسكتها يبدها وقربتها مني قمت بسرعه على دقته لي طارق بحده:يالله روحي غرفتك ما ابي احد يشوفك عندي بعدين امي وش يفكني من لسانها قمت بسرعه رحت الحمام لبست ملابسي الي كنت لابستها اول وطلعت كنت بطلع من الغرفه لما سمعته طالعته كان سرحان في السقف شكيت انه تكلم معي كنت بطلع طارق:بكره نفس الوقت تجين وتروحين فاهمه هزيت راسي وطلعت بسرعه من الجناح رحت الحمام الي في قسمنا دخلت وجلس اغسل جسمي وانا ابكي بقهر حسيت اني وحده رخيصه اش افرق عن الي يبيعون اجسامهم احس انا زيهم بس كل شي يهون عشان جدتي سمعت اذان الفجر صليت ونمت سمعت اكثر من مره دق على الباب بس ما قمت كنت لافه نفسي بالمفرش ابي استر نفسي احس اذا طلعت الكل بيعرف وبيقول عني الرخيصه باعت نفسها له صح زوجي بس هذا ابد مو معترف اني زوجته حتى يبي كل شي بدس عشان ما احد يدري مستعر مني جلست ابكي مكاني كيف بستحمل لمدة اسبوع بس جت في بالي جدتي تذكرت انها تستاهل اكثر من كذا لازم اتحمل ياما تحملت هي علشاني مصيري انفك منه ومعاد بذكره حتى بخيالي متى بس تخلص مر علي ثلاثه شهور واحسها ثلاث سنوات باقي كثير كثير على السنه تمنيت يصير اي شي واتخلص منه قبل السنه ما اقدر والله اتحمل ها السنه قمت على الظهر كنت اتوضى طالعت وجهي كان وجهي فضيع عيوني حمراء من البكي ووجهي مره احمر رحت اسوي الشغل الي علي كانت ام طارق في الصاله لما كنت انظف حسيت نظراتها علي خفت مرره معقوله تكون عرفت او شافتني ارتبكت مره وطاحت الفازه الي كنت انظفها وانكسرت طارق:على هونك لا تكسري اكثر عشان ما نطلع قيمتها من عيونك دبل جلست انظف القزاز لما كنت باروح ما اتحمل وجودي معه في نفس المكان وانا اشوفه كل شوي يطالعني قبل ما اطلع نادتني ام طارق ام طارق:تعالي قربت منها وطالعت فيني شوي ام طارق:فيك شي حسيت في طارق الي كان جالس قريب من امه طالعني بنظرات محذره اني اتكلم لين:لا ما فيني شي ام طارق:ليش عيونك حمرا حسيت فيها حنيه بس ما تحب تبينها سكت ما رديت طارق:اش فيك يمه ما فيها شي وطالعني بحده:وانتي روحي شوفي شغلك رحت عنهم يعني اش فيني ما تعرف ولا جاهله بوضعي اه الله يصبرني يا رب مالي غيرك يا رب تاجرني في محنتي وتعوضني خير يا رب كنت انظف غرفة مريم لما دخلت علي هي وهدى طنشوني وراحت هدى جلست على الكرسي ومريم اخذت شي من الدولاب مريم بصوت عالي تبيني اسمعها:شوفي اش جاب لي ناصر هدى :الله يجنن باين غالي مره مريم واحس نظراتها علي:يقول ما يغلا علي ولو يجيب الكون كله استاهل وان قدري كبير حيل عنده طنشت عارفه تبي تغيضني خلصت التنظيف كنت بطلع مريم:لين لحظه لفيت اطالع فيها انتظرها تتكلم مريم بسخريه:كنت اقول لناصر بتعلم منك شغل البيت عشان اذا تزوجت بس قالي مستحيل انتي زوجتي مو خدامه عشان تشتغلين لين بهدؤ:والمطلوب مني الحين حسيتها انقهرت بس قالت بستهزء:عاد قلت له لو ناخذ خدامه من عند اهلي عشاني متعوده على شغلهم اش رايك تقولي لطارق وتجين عندي بعد الزواج حسيت بقهر منها موت:انا حره ومو خدامه عندكم ولو ما الاتفاق الي بين ابوي واخوك ما كنت رضيت على نفسي المذله مريم:وش الي يجبرك يخليك توافقي تخدمي عندنا لين:اذا تزوجتي انسان بلا ضمير وعادي عنده يفضح عرضك على الناس وقتها بتعرفي اش جبرني مريم بعصبيه:اش قصدك لفيت بطلع:اسالي اخوك لما سكرت الباب سمع صوت هدى الي كانت ساكته طول الفتره الي مرت هدى:حرام عليك مريم تكسري بخاطرها وتقهريها مريم :وليه مو حرام لما خوها قهر اخوي هدى؛وش قصدك مريم؛ما شي سالفه وانتهت مشيت من عند الباب وش سالفة اخوي هذي بعد ليكون سالفه جديده وبيكون فيها انتقام جديد بس تقول انتهت الله يستر بس في الليل كنت متردده اروح سبيت نفسي مية مره على الشي الي حطيت نفسي فيه المشكله لو ما رحت ما بيخليني اشوف جدتي وانا خلاص قد بدية الشي هذا خلني اكمله سمعته لما دخل البيت وطلع فوق كنت متردده الحقه احس نفسي حقيره مدري ليش ما كاني مع زوجي بس هذا الشي بدس يعني انه غلط لو مو غلط مقال اطلع له اذا ناموا الكل شجعت نفسي وطلعت دقيت الباب سمعته يقول ادخلي فتحت لقيته منسدح في الصاله طارق رفع يده من على راسه وطالعني:لو تاخرتي شوي كنت رح اقفل الجناح ولا كان شي صار وترجعي تنطقي في غرفتك ووقف بعصبيه :مو طرطور عندك اجلس انتظرك من بكره اجي القيك قدامي ومتجهزه فاهمه ويالله الحين روحي بدلي القرف الي عليك مشيت من عنده وانا مقهوره حدي منه بس الحاجه حدتني وكنت مفكره بس اوصل عند جدتي بخبرها بكل شي ومستحيل ارجع معه مهما صار ويطلقني ويفكن منه كرهته عمري ما كرهت انسان زيه طلعت من الحمام شفته في الغرفه واقف طارق:خذي ابلعي هذي مو ناقص اتورط معك امس عدت والله يستر رما علي حبوب صغيره لين:وش هذي طارق بسخريه:وش يعني حبوب منع حمل ولا تبي تحملي وبدل ما ابتلش بك ابتلش بولدك كمان جلس يراقبني لين ملعتها الصباح قمت بدلت ملابسي وطلعت قبل ما يطردني معادني طايقه اسمع صوته مرت ايام الاسبوع نفس الشي كان يجي يلاقيني عنده في الجناح ما ابيه يعصب ويغير رايه ابي بس يصير الي ابي واروح لجدتي بعدي معاد اشوف وجهه كنت بس ينام اقوم اغير ملابسي وانزل الذل الي حسيني اياه في الاسبوع هذا مستحيل انساه ولو بعد مية سنه والكره الي بقلبي له ما بيخف لو يصير وش ما يصير صرت احس اني ما اتحمل اسمع صوته كنت النهار اشتغل معهم عادي بس مكنت ابدى شغلي الا الظهر مره جلست تنفخ روز على راسي ان ليش ما اقوم من الصباح لين:السيد طارق طلب مني هذا واذا مو مصدقتني روحي اساليه كانت تطالعني بقهر وحاقده علي مدري ليش ها الادميه من لما جيت هنا تتامر علي وتنافخ كان هي صاحبة البيت وحنا الخدم ما تدري ان سعرها بسعرنا هنا ما فيها زود مالت عليها احس معد قادره اتحمل احد وكذا مره تخاصمة معها في المطبخ بس كانوا امنه ومارتا يسحبونه تبي تضربني والله يا ليت تمد يدها عاد في قلبي شي ودي اطلعه وشكله بيجي في وجهها هي بس تستاهل هي الي تتحرش فيني كنت انظف الصاله لما دخلت علي ام طارق جلست وكانت تناظرني كنت لابسه عبايتي ومتحجبه ما طالعتها ما عد طايقتهم كلهم الله يصبرني وفتك منهم كلهم عائله تجيب القرف صدق ام طارق:اقول هي لفيت طالعتها بقهر بس رديت بهدؤ:نعم جلست تطالعني:ليكون بينك انتي وطارق شي طالعتها شفت الشك بعيونها معقوله مره شافتني وانا ريحه لعنده ما اتوقع لاني كنت اجي من الجهه الخلفيه للجناح جناح طارق له بابين باب بدخل من برى البيت مسوي كذا عشان لو فيه احد في البيت زي جمعات لامه ولا اخواته يدخل منه على راحته لين بهدؤ ما ابي ابين لها شي او اتوتر وتشك خلاص باقي بس اليوم وبكره وبعده ان شاء الله اكون بحضن جدتي ومال احد خص فيني لين بهدؤ؛لا ما فيه شي وش بيكون فيه يعني سكتت ما ردت وانا رجعت اكمل شغلي قبل ما اطلع ام طارق:جهزي نفسك العشاء بيجون اعمام الاولاد هزيت راسي ورحت عنها تحممت وصليت المغرب وتجهزت مافيه وقت وانا ادور لي لبس لقيت استشوار سرميك مدري اش طرا في بالي استشور شعري يمكن عشان اقهر مريم و رشا لانهم ينقهرون اذا جلسوا بنات اعمامهم يمدحوني قدامهم عشان يقهرونهم لان باين علاقتهم مو طيبه معهم كنت مها معلمتني كيف استشور مها علمتني كل شي الا المصيبه الي كانت تنتظرني بعد الزواج شعري ما كان يحتاج استشوار كثير كان ناعم بس كنت ابي اسيحه اكثر بالاستشوار خلصت من شعري ولبست فستان ماسك ميد وعليه جاكيت ربط لونه ابيض والجاكيت بنفسجي اخذت عدت المكياج ورحت الحمام عشان ما عندي مرايه في الغرفه طالعت بشرتي في المرايه تحسنت وصفيت كثير وفتحت ما شاء الله توي ادري اني بيضاء زي جدتي وامي وان كان التنقع في الشمس ظالمني ضبط مكياجي من قلب المره هذي تدرون مدي اش فيني احسني منهبله وابي اقهرهم كلهم حتى طارق لان يومين ومعاد له اي كلمه علي خلاص هو بطريق وانا بطريق وكاني ابي اوصله ويشوف اليوم ايش الي بيخسره يمكن اكون واثقه مره بنفسي بس لا مو ثقه قد ما اني ابي ارجع شوي من الي سلبوه من نفسي لما خلصت طلعت ورحت المطبخ سالت امنه: احد جاء قالت لسه لين:طيب جاسر موجود هنا امنه:لا جاسر سافر قبل شوي الحمدلله يعني اقدر اخذ راحتي طلعت ورحت الصاله شفتهم جالسين ينتظرون الضيوف اول ما دخلت ام طارق:تعالي هنا الحين بيجون جلست بمكان بعيد عنهم كنت اشوف نظرات القهر زي ما توقعت بعيون مريم ورشا هدى كانت ساكته البنت هذي هاديه بشكل ما شاء الله عليها رشا:ليش كل ها الكشخه تري بس عماتي بيجون مريم:يمكن متامله بعماتي بعد ما تطلق كنت ساكته وما رديت عليهم طارق بعصبيه:مريم اش الكلام هذا مريم بخوف:وانا صادقه هي ما تكشخ الا اذا جو عماتي حتى طاقتها صحبه معهم وبس يمدحوا فيها كنت ساكته وبس اتفرج على المسلسل الي قدامي شفت طارق كيف معصب احسن انقهر بس خفت لما طالعني:انقلعي بدلي وامسحي الي بوجهك ام طارق؛مو من جدك الحين الناس جاين وتصدق كلام اختك يعني مريم؛والله اني صادقه ما كذبت لين:والله ما فكرت في الي تفكري فيه لا تتبلي علي وتظلميني منتي في قلبي وتعرفي اش افكر فيه طارق بحده:قلت لك قومي بدلي بسرعه قمت بس سمعت صوت الجرس يرن ام طارق؛اقول اجلسي خليك منه شوفيهم جو خلاص دخلو عماته وسلمو والبنات راحوا الصاله الداخليه عشان طارق فيه سلمت عليهم وشفت طارق ياشر لي اجلس جنبه رحت جلست عنده ام محمد:كيفك يا طارق طارق:الحمدلله كيفك انتي وكيف محمد مبطين عنه ام محمد:طيبين محمد مسافر هو واهله جده عنده دوره كانو يسولفون وانا ساكته ما في اي شي يخليني اتكلم ام سامي:والله ربي عوضك خير يا ولدي بعد زواجك الاول ومرتك ما شاء الله عليها قمر والله فكرت في اختها لسامي بس انخطبت اوه وش تقول هذي الحين هذا بيصدق كلام مريم ام طارق:ان شاء الله بتلاقي لسامي الي تستاهله ام سامي:ان شاء الله يعني مها انخطبت ولمين كنت سرحانه بخيالي يوم وقف طارق بيروح طارق:لين تعالي شوي مشيت معه الله يستر بس طارق بحده وهو يسحبني من يدي:هاه انبسطي بمديح عمتي اشوفك سرحتي شكلك تخططي لين:والله العظيم ما فكرت بكلامها وهي تقول كان تبي مها مو انا طالعني لحظه وحسه بينفجر في وجهي:اليوم تجين الجناح بعد ما يطلعون فاهمه هزيت راسي طارق:تعالي زي ما انتي فاهمه لين:كيف نفخ بفمه وكنه يالله مستحملني:بملابسك هذي وشكلك لا تغسلي ولا تغيري فهمتي الحين هزيت راسي طالعني وراح بس سمعته يقول طارق:بس تهز راسها كنها هندي مضيع مالت علي بس ايه والله مالت عليك لفي ورحت البنات سلمت عليهم وجلست معهم سوالف وانا اغلب الوقت متفرجه ما تعجبني سوالفهم او يمكن لاني مو متقبله وضعي هذا كله فما تقبلت حتى الموجودين اليوم الثاني دخلت المطبخ روز:هي انتي يالله روح نظفي الحديقه ما تحملت والله حاولت ما قدرت اسلوب ذي الانسانه يقهر من غير شعور مني اخذت صحن كان جنبي على رف المطبخ رميتها فيه على راسها الحمدلله كان الصحن بلاستك بس بلاستك ثقيل لين بعصبيه:لا تتامري علي تري مالك كلمه علي فاهمه والله باقي اسمع اسلوبك هذا اتوطى ببطنك فاهمه قامت بتهجم علي بس تدخلت امنه ومارتا خرجت برى شكلها بتقول لام طارق كانت هي فوقي ماسكه شعري وانا ارفسها في بطنها الله ياخذها ما اقواها ما قدرت لها جلست اضربها بيديني وبرجلي ادقها ببطنها ابيها تفكني ما فكتني الين سمعنا صوت ورانا طارق:اش فيكم انتي وهي ابعدوا عن بعض قامت روز تبكي وتقوله اني انا بديت وضربتها انا كنت ساكته وتنفس بقوه طارق طالع فيني ينتظر تبرير مني كمان بس طنشتهم ومشيت لغرفتي كنت بدخل الغرفه لما حسيت وحد يسحبني بيدي ويلفني جهته طالعته وانا امسك دمعتي هو السبب هو الي خلا الكل يستقوي على حتى الخدم دفني داخل الغرفه وسكر الباب وش يبي الحين مو طايقه نفسي طارق بحده:انتي وش فيك انهبلتي لين وطالع فيه بغضب:ايه انهبلت طالعني شوي:اوه استقويتي تري لسه انتي خدامه هنا لا ترفعي راسك وتفكري صار لك شان حطي في بالك ما تغير شي من مكانتك رديت عليه بقهر:اعرف ولا ابي يتغير شي واليوم اخر يوم اوفي بوعدي وانت اوفي بوعدك وانتهينا طارق بسخريه:وعد اي وعد اوه نسيت جدتي اوكي اجل لا تنسي حالك وطلعي صوتك تري كل ما صوتك ارتفع انا انسى الوعد ينمسح من عقلي تلقائي سكت عنه بس ما نزلت عيوني تحت مليت من الاهنات والذل في ذا البيت انا الي سمحت لهم يستقون علي حتى هذي الي ما تسوى شي شايفه نفسها علي من اول ما جيت هنا وانا ساكته لها طارق :اش الي صار قبل شوي لين وانا الف عنه:ما صار شي رفعت يدري ارتب شعري حسيت فيه قريب مني ويمسح على شعري سكرت عيوني مو طايقته طارق :قطعت شعرك الزفته انا اوريها الا شعرك لا تقرب منه لفيت عليه شفت نظراته غريبه طالع وجهي وحط يده على مكان جرح من اظافرها في وجهي طارق:خلاص انا اخذ لك حقك منها سكت ما رديت حلو ياخذ لي حقي كمل :هي لا تنسي اليوم ابيك تجين بدري لان الساعه12بكون في البيت طلع وتركنتي هذا الي همه حسيت بنفسي مخنوقه مرره طلعت بعد فتره رحت الحمام غسلت وجهي وطالعت صح ما كان في وجهي الا جرح واحد بس شعري قطعته الله لا يوفقها رحت المطبخ شفتهم جالسين على الطاوله وكلهم لما شافوني لفو عني بتكشيره با طقاق من حلاتكم خرجت الحديقه وجلست على عتبة باب المطبخ كان الساعه 3العصر شفت الشمس الي اشتقت لها والدفها من لما جيت هنا تغير كل شي فيني حتى الشمس ما قمت اشوفها انحرمت من كل شي حلو في حياتي جلست فيها شوي بعدين قمت اكمل الي علي مو ناقصه تهب بوجهي وحده منهم تقطع شعري راسي لسه احسه يوجعني من سحبها لي كنت اشوف نظرات توعد من روز علي بس طنشتها خلي تولي الحيوانه اكرها كملت شغلي خلصت على الساعه 10رحت تحممت اليوم اخر يوم بسوي الي علي وخلاص يبقى دوره هو يوديني لجدتي انتظرت لين صارت قريب من 12وطلعت بهدؤ من القسم طالعت اشوف حد مكان في احد مشيت بشويش طلعت من الباب الخلفي الين وصلت الجناحه فتحته بالمفتاح لان اعطاني المفتاح قبل فتره رحت دورت لبس لقيت لبس طويل الحمدلله اهون من الي كان يطلعها لي قبل لبسته ولميت شعري كله فوق وجلست في الصاله انتظره ما طول شوي وجاء كنت جالسه ومرتبكه مع ان لنا مع بعض اسبوع بس لازلت ارتبك اول ما اشوفه حاولت اهدي نفسي ما ابي اخرب على نفسي خلاص اخر يوم اليوم قرب مني وجلس جنبي سحب البنس الي لامه بها شعري طارق ويقرب شعري من وجهه:كم مره قلت لك لا تلمي شعرك ولا تحبي تعاندي قلت بسرعه ما ابي اعصبه مو اليوم اقل شي:يضايقني ما احب افكه كثير جلس يمسح عليه :خليه يضايقك اهم شي عاجبني انا سكت عنه وقف وسحبني معه الغرفه بس وقفنا لما سمعت دق على الباب شوي والباب فتح وحنا واقفين نطالع مين كتتتتتتتت شكرا لكل من عبرني ورد على روايتي وشكرا كمان للي يتابع وما يرد واقول ما حنت قلوبكم تحطوا تعليق لو بسيط البارات الجايه يوم الاثنين ان شاء الله | ||||
|
| |
|
20-02-17, 07:11 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الرواية عن الصلاه وذكر الله الله اكبر..........سبحان لله الحمدلله.........لا اله الا الله لا حول ولا قوة الا بالله حاولت اني انزل بارات قبل الاثنين عشان الي طلبوني بس ما قدرت لاني ملتزمه ببيت وعيال ويالله وقتي اسعفني ان شاء الله نعوضكم على خير الجزء الخامس عشر قام رايح الغرفه وسحبني معه بس قبل سمعنا دق على باب الجناح طالعت طارق بخوف شوي وانفتح الباب وان ام طارق في وجهي انا وطارق ارتجفت من الخوف ما عرفت اش اسوي حسيت انها مسكتني في مصيبه طالعتني ام طارق وطالعت طارق بحده ام طارق:ما صدقت روز يوم تقولي قلت بشوف بنفسي طارق:يمه اجلسي بفهمك كنت واقفه ارجف حتى نسيت اني لابسه لبس ما يصلح قدام ام طارق بس رجولي معاد قدرت احركها ام طارق وطالعني بحده:محد منعك من زوجتك خذها بس قدام الكل مو كذا بدس كنكم مسوين ذنب طالعتني بعصبيه مو انتي الي ذاك الوقت تصيحين ما تبينه اشوف سرتي تتسحبين تروحي له لين بخوف:هو وعدني يوديني لجدتي طارق لف علي بسرعه طارق:انكتمي يا الزفت ام طارق بعصبيه :روحي بدلي ملابسك الي عليك بسرعه رحت بسرعه وتوي انتبه لنفسي سمعت صوتها تخاصم طارق ام طارق بعصبيه:ما هقيتها منك تستغل حاجة البنت لشوفة جدتها طارق:انا عرض عليها وهي قبلت ام طارق :وبعدها ترجع ترميها كان ما صار شي انا من الحين اقولك يا طارق دامك بدية بهذا الشي بتستمر فيه ومن بكره تنقل اغراضها كلها عندك وتعيش معك كازوجه حركات الف ودوران ما ابيها ودامك بدية فيها بتكملها طارق:يمه حنا اتفقنا بس اسبوع واليوم اخر يوم جاه كف قوي ام طارق بعصبيه:الا الظلم يا طارق ما اسمح لك طارق بعصبيه:تضربيني يمه عشان التبن الي داخل ويكون في علمك هي جت الين عندي مو انا الي جيتها ام طارق:ما جتك الا الانك حديتها على ذي الحاجه ومن بكره توديها لجدتها طارق بعصبيه:وعزة الله وجلاله ما تشوفها ولا تطلع من هنا قبل السنه انا شهقت ببكى وش يعني ما بيوديني والوعد الي وعدني جلست ابكي عند الباب يعني كذب علي مكان بيوديني كان يبي يمتع نفسه شوي قاعد يضحك علي انا غبيه انا الي وثقة بكلامه قربت اسمعهم بس ما سمعت شي ما حسيت الا والباب طايره في وجهي بعد بسرعه دخل طارق بعصبيه جاء عندي ومسكني من شعري طارق؛اكيد انتي متفقه مع الزفته روز تعلم امي صح على بالك اذا جبرتني امي عليك وجيتي عندي هنا بتصيري ملكه وبيتغير شي تري بظلي خدامه طول عمرك فاهمه لين بخوف:والله ما قلت لها والله العظيم دفني بقوه :كذابه انتي حيه من تحت تبن تخططي على بالك بتنولي شي والله تبطي وبتظلين هنا دام امي حلفت بس بدل خدامه جاريه بس للمتعه وبعدها تنقلعي عني فاهمه خرج بسرعه جلست مكاني ابكي على حظي كله من الحيوانه روز هي الي علمت ام طارق كنت خلاص بتخلص منهم بكره كنت بهرب عند جدتي والله ما اخليك يا روز الزفت انتي الي خربتي كل شي علي قمت ورحت الغرفه ثانيه في الجناح جلست فيها ابكي ما ابي يجي يلاقيني في وجهه ويضربني اكثر الصباح شفت روز ومارتا مدخلين اغراضي طالعت روز الحيوانه كانت تطالعني بغيض شكلها ما كانت تتوقع يصير كذا مفكره بيطردوني من البيت هجمت عليها بكل قوتي كنت اضربها حتى ما قدرت لي مدري من وين جت لي القوه هذي بس يمكن من القهر الي بقلبي لين بعصبيه :يا التبن يال حيوانه خربتي كل شي علي جلست فوقها اضربها واسحبها بشعرها ما حسيت الين جات ام طارق وسمر بعدوني عنها سمر تمسكني :لين اش فيك اش صار لك لين:والله اذبحها الحيوانه هي الي خربت كل شي علي كنت بروح عند جدتي اليوم هي خربت علي كنت ابكي بقوه وسمر تضمني تحاول تهديني بس انا مو جنبها شفت روز لسه واقفه قمت بسرعه بهجم عليها بس مسكتني سمر وام طارق دفتها تطلعها من الجناح كانت ام طارق تطالعني بقهر ام طارق:انتي الي جبتيها لنفسك لين ببكى:وعدني يوديني ام طارق:لك هنا حدود ثلاث شهور وعليها ما عرفتي طارق زين وانه مستحيل يوديك دام قال قدامنا ما بتروحي سكت اطالعها:يعني كان يضحك علي ام طارق:ايه كان يضحك عليك انا كنت بوديك الاسبوع هذا لها بدون علمه عشانه مسافر بس انتي هبله خربتي كل شي لين:والله ما كنت ادري والله ام طارق:خلاص ما ينفع شي هو حلف علي اني ما اخليك تخرجي من باب الفلا وهو مسافر وانا ما اقدر اكفر يمينه وطالعتني بعصبيه:تستاهلي عشان ما تسوي شي من راسك كان جيتني سالتيني سالتي سمر اي احد لين:كنت ابي اشوف جدتي باي طريقه ام طارق وهي لافه بتروح:والحين ما بتشوفي جدتك وبتكوني تحت رحمته هنا ومحد عاد بيقدر يدخل بينكم لانك ما دخلتي احد من اول تستاهلي ما جاك لين بقهر:انتي السبب انتي الي خليتي يجبني الجناح ام طارق بعصبيه:ليه كنتي تبين تجلسي في المستودع وفي نص الليل تتسحبي له زي وحده مالها قيمه اذا تبينه زوجك وهو يبيك تكونوا هنا مع بعض وقدام الكل مو بدس والتسحب جلست ابكي بقوه كانت سمر ساكته بس شكلها ما كانت تدري اش السالفه وتوها تفهم علي سمر تهديني:خلاص لين هدي من جيتي هنا وانا بس اشوفك تبكين عمري ما شفتك ضحكتي خلاص لين بقهر:اضحك تبيني اضحك وانتوا خليتوا فيها ضحك انتم واخوكم بس ما اقول الا حسبي بس بسرعه سكرت فمي سمر سمر برجاء:بالله ما تقوليها بالله ما تدعين لين بحزن؛على بالك اذا ما دعيت ربي ما بياخذ لي حقي منكم ربي ما يرضى الظلم لنفسه وما يرضاه لعباده واخوك قاعد يتجبر وما احد موقفه سمر:لين حاولي تكسبي طارق والله تري طيب يمكن هو معك كذا عشان يعني سكتت شوي بعدين طالعتي :حياته زمان ما كانت كويسه عشان كذا هو يسوي فيك كذا لين بقهر:وش انتظر يجيني حاله نفسيه واصير مجنونه زي طليقته ابشرك تري ما بتكمل السنه الا وانا اخس منها ويمكن على طول تودوني مستشفى المجانين لان محد يعيش مع اخوك ويجلس صاحي سمر:لين اسمعيني حاولي تكسبينه انتي الربحانه هبيت واقفه وبقهر :ما ابي اكسبه اخوك اكرهه ما اطيقه انتظر اليوم الي ما اشوف وجهه فيه طارق من وراي ببرود:اوه حرام تكرهيني تريني اموت فيك انا وما ابي افارقك قامت سمر بسرعه:طارق لين ما قصدها بس مقهوره عشان كذا قالت كذا لين بقهر وانا عيني فيه :الا اقصد واقصد كل حرف كمان قرب مني وانا ما نزلت عيوني عنه :اوه بدى يطلع لاسانها على بالها صارت الشيخ في ذا البيت تري التبن تبن لو غيرنا مكانه ما تحملت السم الي يقوله وانا القهر الي بقلبي ما طفاه ضربي لروز شفته قفى بيروح الغرفه طالع اي شي قدامي لقيت ريموت التلفزيون رميته بقوه عليه جا في راسه لف بسرعه علي طارق بسرعه:يا الحيوانه بسرعه هربت الغرفه الي نمت فيه امس وقفلت علي سمعته يسبني ويدق الباب ووراه سمر تهديه فيه سمر:خلاص طارق البنت مقهوره وانت قاعد تزيدها طارق:انا اوريك تبين جدتك يا الحيوان ايه عاد انتظري والله لو تموت او تموتي ما شفتيها سمعت سمر تسحبه برى الجناح قعد ابكي الله لا يوفقك قهرني مره ليه يضحك علي ليه يمنيني اني بروح دام ما في باله وامه تقول لو جيت سالتها من الميانه الطايح بينا عشان اسالها لاول مره احس حقدي على ابوي واخواني يكبر كذا الله لا يوفقك يا مها كله بسببك كل الي انا فيه انسدحت على الارض ودموعي ما وقفت انا لازم هرب بس كيف ما اعرف احد وانا بنت وحدي طالعت الغرفه حولي كانت غرفة فاضيه ما فيها شي طلعت من الجناح لاني متاكده انه سمر طلعته معها اخذت شنطتي سحبتها الين الغرفه رحت غرفته واخذت لي مفرش مع مخده ولحاف رجعت غرفتي وقفلة علي مر اليوم علي وانا في غرفتي ما طلعت ما ابي اتواجه مع الزفت طارق بعد المغرب سمعت دق على الباب قربت خفت يكون طارق جاء ياخذ حقه مني يوم ضربته بالريموت لين بخوف؛مين سمر :انا افتحي فتحت بخوف وانا اطالع وراها لما شافت نظراتي سمر:تطمني طارق سافر العصر الحمدلله سافر وفتكيت منه سمر:تعالي معنى تحت ليه حابسه نفسك هنا لين:لا ماله داعي خلي اخوك ياخذ راحته تبيني انزل من زود المحبه بيني وبين اخواتها وامها خليني مستوره هنا مو ناقصه كلام سمر:طيب خلاص تعالي في الصاله الي فوق نجلس نسولف لين:طيب بالبس حجابي وباجي ما حبيت اكسر بخاطرها كفايه انها احسن وحده معي من لما جيت جلسنا في الصاله مكان في احد الحمدلله سمر:لين انتي ما عندك جوال هزيت راسي بلا لين:ما اعرف له سمر:بكره اجيبلك واعلمك عليه لين:ما يحتاج ما احتاجه اصلا عمري مكان عندي فما اشوفه شي مهم سمر؛عشان اذا تبين تكلمي احد ناظرت فيها واحس نفسي مكسوره بقوه من داخل لين:من اكلم مالي الا جدتي وهناك ما عندها جوال يعني ما احتاجه سمر:طيب ابوك اخوانك طمنيهم عليك لفيت عيني عنها لين:ما عندي الا جدتي مالي اهل صدق احس مالي اهل جتنا رشا رشا:اوه صاروا الخدم يجلسون مع الاسياد طالعتها ولفيت عنها مالي نفس لفضاوتها سمر:رشا تجلسي بحترامك ولا روحي غرفتك جلست رشا براحه رشا:بيت ابوي الله يرحمه محد يقومني من اي مكان اجلس على راحتي وين ما ابي سمر:اجل اكرمينا بسكوتك رشا:اصلا ما يشرفني اتكلم مع ونظرتني بحتقار مريم:رشا انتي هنا وانا ادور عليك وطالعت فيني لفيت عنهم اوف اكملت الحين جت زيد السوسه هذي سبحان الله اخوهم نفس الطبع الخايس مالت عليكم وعليه جلسوا كانوا يسولفون ومطنشيني مريم :سمر سمعتي اخر خبر اماني خطوبتها اليوم سمر:جد من قالك مريم:شفت سناب ابرار بنت خالتها رشا:وش دخل ابرار مصوره مريم ؛المعرس اخوها سمر:من من اخوانها مريم :الكبير الي متزوج تصدقي بعد الي صار قلت ان مافي احد بياخذها سمر بحده:الله لا يبلانا وبعدين خلاص انتهت السالفه ومحد دري فيها لا تنبشي رشا:صدق والله الا لا يبلانا ويستر علينا كنت اسمعهم حاسه انهم يتكلمون في طليقة طارق وش قصدهم الله لا يبلانا معقوله هي غلطانه يالله اكيد بيوقفون مع اخوهم ويحطون الخطا على بنت الناس والا فيه احس يستحمل اخوهم المعقد هذاك كويس انها باقي صاحيه وتزوجت مدري جاء في بالي سؤال وكان ودي اعرف جوابه سالت سمر لين:كم جلست مع طارق متزوجته سمر:سنه ونص لين؛ما حملت رشا:حملت بس سقطت قبل تطلق ما ادري ليه حسيت انه هو سقط حملها الله واعلم يمكن ضربها لين سقطت المسكينه اعوذ بالله مو انسان هذا مريم:مسكين اخوي مو متوفق بزواجاته الاول كانت عوبه وثانيه تبديل لين بقهر:والله ما كنت ادري اني مو انا الي طالبني ولا كان ريحت نفسي منه ويمكن حنا الي مساكين ومو متوفقين معه رشا بعصبيه:وانتي تطولي طارق اصلا لين:شكرا ما ابي اطوله والمره الثانيه زوجوه وانتبهوا اكثر ليبدلون لكم العروس لان شكل مافي وحده تبي تدبس فيه وكل وحده ترميه على الثانيه سمر بحده:لين وش ها الكلام مريم :طلع لها لسان على بالها اذا عاشت معه كزوجه تشيخ علينا نسيت اول ما جت كان راسها ما ترفعه وبس دموعها تهل بس انا اوريك اذا جاء طارق بقوله كل شي وقفت لين بقهر:تسوي خير عسى يوديني عند اهلي وافتك رحت عنهم بقهر اوف ما عدني طايقه كلامهم ما عادني طايقه اتحمل شي هنا دخلت غرفتي وسكرت علي بس طلعت غثيت نفسي كان جلست هنا احسن اليوم الثاني سمعت دق على الباب اوف ما برتاح منهم يعني فتحت وكانت رشا تهز نفسها قدامي لين:خير رشا:شو نسيتي شغلتك هنا تريك لسه خدامه اشوف معاد تنظفين يالله قدامي نظفي لي غرفتي لين:والله ما امس حاجه من اليوم عجبكم كيفكم ما عجبكم خلو اخوكم يوديني لاهلي وسكرت الباب في وجهها قررت من اليوم اقهر كل الي في البيت يمكن يملوا مني ويقولون له يرميني عند اهلي لاني جربت الطاعه وسكوت ما نفع نشوف العصيان يمكن يمشي معهم مرت الايام وانا حابسه نفسي في الجناح بس انزل اكل في المطبخ وارجع شفت القهر في وجيه الكل ام طارق كانت تطالعني بنظرات ما فهمتها مره نزلت وشفتها تكلم في الصاله ام طارق :يقولوا تعبانه مره ..............طيب انا بروح فيها..............لا تظلم رفعت نظرها وشافتني قدامها ام طارق:طيب انا بزورها بكره ...........كيفك انا مليت منك يالله مع السلامه كانت معصبه من الي تكلم سالتها بخوف:من الي تعبان لفت بوجهها عني:وحده من جماعتنا كنت صاده عني سكت عنها مع اني كنت خايفه منها وقلبي نغزني رحت عنها ورحت المطبخ ادور لي شي اكله بس ما كان لي نفس كنت احس خوف خايفه تكون جدتي الي تعبانه بس اش مصلحتها تكذب وليش بتزورها يمكن صدق من جماعتهم مو كويس اتفاول على جدتي ما قلت لكم من اخر مره تضاربت مع روز ما شفتها دخلت علي مارتا هي كانت اهداء وحده فيهم سالتها:وين روز مارتا:بابا ودي هي مكتب لين بستغراب:ليش مارتا؛يقول عشان هي يفتن واي وحد يفتن زي روز يسوي فيها كذا اوه الاخ طردها لانها كشفته قدام امه مكان يبي يتورط صدق خبيث رحت عنها ورجعت الجناح ما ابي اتكلم مع احد ابي اجلس وحدي جلست وتذكر جدتي يا ترى اش مسويه الحين ما حسيت بنفسي الا غفيت حلمت فيها جالسه في مكان اخضر وتفتح يدها لي تبيني اجيها كنت جالسه بعيد عنها قمت بسرعه بروح لها بس ما قدرت طالعت رجولي كانت مقيده بحديد جلست ابكي واناديها بس هي كانت مبتسمه شوي وشفت واحد جاء جنبها وحملها وراح جلست انادي وابكي بقوه وانا ابكي بس احس صوتي مكتوم مو طالع فزيت بسرعه وانا احس ضيقه كابته على صدري شفت الغرفه كانت ظلام طلعت الصاله شفت الساعه ثمانيه اوف راحت علي صلاة المغرب بسرعه صليت وجلست ادعي ربي يجمعني بجدتي وابكي وادعيلها صليت العشاء واخذت قران اقراء لفيت على الباب لما انفتح طالعت شفت طارق والله مالي نفس خصام وقهر يالله الي فيني مكفيني جاء قرب مني وجلس جنبي على رجوله وطالع في وجهي كان وجهي منتفخ واحمر من البكي طارق؛كنت جاي ونيتي عليك شينه بعد الي سمعته عنك بس شكلك ما يساعد احد يكلمك كويس طلع ش فيه قلب وفهم رفعت رجولي وحطيت راسي على ركبي ما ابي يشوف وجهي ولا دموعي هذا ما فيه قلب ما يحس وقف وراح وخلاني وانا جلست في مكاني ابكي طارق:من بكره ترجعي تشتغلي زي قبل تري ما تغير شي لسه مكانتك نفس ما هي لين بقهر:والله ما المس شي طارق قرب بسرعه بس وقف مكانه لم شافني التميت على نفسي طارق بحده:لا تعاندين ما بياكلها غيرك ابعد وجهي عنه وما كلمته اليوم الثاني ما طلعت من الغرفه وقفلت علي والله ما اقرب من شي ولا اسوي شي الين ما اشوف جدتي على الظهر سمعت دقه على الباب بس ما رديت يضف وجهه بس جاي يهايط على راسي سمعته ضرب الباب بقوه طارق بعصبيه:طيب يا التبن انتي جنيتي على نفسك طنشته كان اجلس اغلب وقتي بالغرفه والحمدلله فيها حمام يعني ما يحتاج اخرج اذا حسيت بجوع معاد قدرت اتحمل انزل اخر الليل اذا ناموا الي في البيت اسويلي شي يسد جوعي واخذت معي توست وجبنة في الغرفه اسوي لي سندويشات ومويه جلست اسبوع على كذا وهو كل يومين يجي يهدد ويروح بس فالح يهدد سمعت دق على الباب وصوت امنه امنه:لين ماما يبي انتي تحت كنت بطنش بس قلت انزل اشوف يمكن قلبها حن علي وبيخلوني اروح لجدتي طلعت لما لبست حجابي وانا في وسط الصاله شفت الي داخل علي كنت باهرب الغرفه بس معاد يمدي قرب مني ما شفت في وجهه اي لمحه للعصبيه عشان كذا شجعت نفسي وجلست واقفه مكاني وطالعه بعناد قرب مني اكثر خفت بس ما بينت له قرف فمه من اذني طارق بهدؤ: احسن الله عزاك كتتتتتتتت ان شاء الله نلتقي يوم الخميس باذن الله | ||||
|
| |
|
23-02-17, 08:40 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لا تلهكم الروايه عن الصلاه وذكر الله الله اكبر............الحمدلله استغفرلله...........لا اله الا الله لا حول ولا قوة الا بالله الجزء السادس عشر لا زلت أتهم الدنيا بالكذب في خبر " غيابك " ! حزن أول : حينما تموت الشمسُ في آخرِ كُل نهارٍ فهي تُخبرُنا بأن يوماً من عمرنا قد مات!! حينما تموت الشمسُ في آخرِ كُلّ نهارٍ ... فإن الكون كُله يُظلم!! وحينما تغيب شمسٌ عن حياتك كنت تستنيرُ بنورها وتنعم بدفئها فقد فقدت غالياً لا محاله !! الشمس كانت تحتضر بالسماء لين .................... ماتت وغاب النور عن شوف عيني والليل أقبل في ثياب المعزين .................... طبطب على كتفي وصافح يميني واليوم غابت ام كل المساكين .................... والخير بفراق الفقيدة حزيني في قربها كنت أعرف إن الزمن زين .................... كانت تجي ما بين همي وبيني وفي بعدها كل الخلايق بعيدين .................... كن الفرح بغيابها ما يبيني يالغالية يا الساكنة بالشرايين .................... يالصورة اللي خالدة في سنيني ما زلت أمنع في يدي ما طر العين .................... خايف أصدق موتتك تتركيني يموت هالعالم ولا إنتي تموتين .................... لا ما تحمل غيبتك صدقيني تكفين يمّه لا تروحين تكفين .................... من قبل ما تمسح يدينك جبيني حطوك في قبرك وخلوك مقفين .................... ياليتهم في دفنتك دافنيني يا ويل قلبي كن بالقلب سكين .................... والحزن كله في غيابك يجيني أهوى رجوعك بس وينك وانا وين ................... عمر الزمن ما رجع الغايبيني الله خلقنا طين ونعود للطين ................... يـــا رب ترحم ميت المسلميني منقوله (لشاعر ثامر الشعيفان) جلست اطالع فيه ما فهمت قصده ويمكن ما كنت ابي افهم رجعت ورى شوي هزيت راسي با لا وعيوني كانت معلقه في عيونه والدمع جف من عيوني بصوت مخنوق :مين كان ساكت يطالعني سالته برجاء:مين تمنيت الي ببالي ما يكون صح تمنيت اي احد ثاني بس ما يكون الي ببالي صح ما تحملت اكثر يوم سمعته يقول طارق:جدتك انا بس سمعت جدتك معاد ادري اش صار فيني كنت ادور على نفسي مدري اش ابي ولا وين اروح حسيت بيدين تمسكني حسيت بناس يتكلمون حولي بس ما ادري ولا حاسه غير بظلام وكاني طحت في حفره مظلمه مدري وش صار بعدين (ام طارق كنت رايحه للبنت ليفجعها طارق بالخبر موت جدتها دخلت الجناح شفت البنت تدور على نفسها كانها مجنونه الله لا يبارك فيك يا طارق اكيد فجعها المسكينه قربت منها بسرعه ام طارق:لين بنتي قولي لا اله الا الله بس شكل ما كانت تسمعني لفيت على طارق بحده:وش مسوي فيها انت طارق كانت عيونه عليها ووجهه خالي من التعبير كنت ماسكتها بقوه اهديها بس حسيت فيها تتهاوا بين يديني صرخة في طارق جاني بسرعه ومسكها حملها وداها غرفتها لما نزلها ام طارق بعصبيه:اش قلت لها انت ما تخاف ربك ليه ما علمتها بطريقه كويسه اكيد فجعتها بدون ما تمهد لها السالفه ما رد علي ولف بيطلع ام طارق:يا ولدي خاف ربك فيها ترى الظلم ظلمات يوم القيامه ولا انا براضيه اشوفك تظلم البنت واسكت طارق:هذا الي عندي لها وهي مجبوره تتحمل طلع وخلاني وش قلبك يا ولدي وش الي خلاك بهذي القسوه قبل ما كان يرضى يشوف احد تهل له دمعه والحين صار يتمتع فيها الله يهديك الله يهديك ويجزي الي كان السبب جلست عند لين بس ما صحيت خفت عليها كثير لها حدود ساعه نايمه رحت بسرعه ادور طارق شفت مريم قدامي:وين طارق مريم بخوف:مو هنا اش فيك يمه ام طارق:دقي عليه بسرعه قوليله زوجتك تعبانه مريم تدق على طارق:ما يرد يمه شوي وشفت جاسر داخل ام طارق:جاسر يمه تعال ودي زوجة اخوك المستشفى اغمى عليها ولها ساعه ما صحيت اخاف فيها شي جاسر :خلاص يمه بشغل السياره ام طارق:من يحملها البنت مغمي عليها جاسر:ما اقدر يمه مريم ورشا يحملونها انا والله مقدر اخاف يزعل طارق ام طارق:كل المصايب الي فينا من طارق الله يهديه مدري وش صار بعقله فجع البنت بجدتها وذلف مدري وين راح طلعت انا ومريم ونادينا رشا تساعد مريم لبسوها عبايتها وغطوا وجهها وحاولنا نحملها حسيت البنت بدون روح خفت عليها كثير خفت يصير لها شي وناخذ حن ذنبها والله يا ذنبها ما يتعدا اي احد منا كلنا كنا نشوفها وساكتين محد تحرك او قال شي وحن نازلين شفنا طارق داخل طارق:خير وين رايحين ام طارق:وخر عنا بس بس طارق عاند ووقف قدامهم طارق بحده:مو قبل ما اعرف وين مودين هذي ام طارق:هذي الي مو راضي تقول اسمها زوجتك وزوجتك يا استاذ من لما اغمى عليها الى الحين ما صحيت بنوديها المستشفى نشوف وش فيها قرب منا طارق وحملها من بين اخواته طارق:انا بوديها رحت وراه ما اضمن وش يسوي فيها صرت اخاف عليها منه طلعنا شفنا جاسر ينتظر في السياره دخلها طارق في المرتبه ورى مددها عليها وانا ركبت جنبه قدام شفت طارق ياشر لجاسر ونزل جاسر دخل البيت طلعنا بسياره متوجهين المستشفى وصلنا الطواري ولسه البنت مغمي عليها الله يستر بس دخلنا بها الطواري وجاء بسرعه الدكتور والممرضات لما شافوا حالتها جلست انا وطارق ننتظرهم برى طلع لنا الدكتور طارق:كيفها دكتور الدكتور:الحين تمام بس انخفض عندها الضغط شوي جلست مسكينه لساتها صغيره ما تتحمل الي يصير لها كل يوم كنت اشوفها تذبل قدامي بس والله ما كنت ارضى وكل ما كلمة طارق قال لا تدخلو ولا طلعت بها من البيت كله وانا اخاف يطلع فيها ويسوي فيها الاعظم سكت عشان تسلم منه بس شكلها ما سلمت حتى وهي عندناه خوفي ربي يبلانا ببناتنا الله يسامحنا يا رب) فتحت عيوني كنت في مكان ما ادري وين رفعت راسي شفت ام طارق وطارق حولي غريبه اش صار طالعت فيهم شفت نظرت خوف في عيون ام طارق اما طارق كانت نظرته غير لفيت عنهم لين بهدؤ:انا وين ام طارق قربت مني بسرعه وتمسح على شعري وفي عيونها نظرت حنيه او شفقه مدري وش ام طارق:في المستشفى ليه اش صار رجعت راسي على الخده لاني حسيت راسي ثقيل ومو قادره اجمع شي غمض عيوني للحظه بس تذكرت (طارق:احسن الله عزاك لين :مين طارق:جدتك) حسيت جسمي يرجف بسرعه ودموعي تنزل يعني جد يمكن احلم فتحت عيوني بسرعه شفت ام طارق لسه قريبه مني لين بدموع:وين جدتي ام طارق وكانها تفاجائت من سوالي :يا بنتي هدي جلست اهز راسي :وين وينها بالله قولي هي لسه في الديره قولي انها لسه بخير ام طارق:يا بنتي قولي لا اله الا الله ما يجوز الي تسوينه تعذبينها في قبرها ببكاك قربت بسرعه منها اسكتها:لا بالله لا تقولي قبرها هي لسه هنا هي لسه عايشه انا احس فيها طارق بهدؤ:اش تبين نكذب عليك لفت عليه ام طارق بسرعه ام طارق :خلاص اسكت انت لين بصياح:ايه كذبوا ايه بس لا تقولوا ماتت حرام تتفاولوا عليها حرام ما تحسون انتوا ضمتني ام طارق تهديني ام طارق:خلاص يا بنتي هدي واذكري ربك كنت ابكي واحس قلبي بينفجر مو قادر اتخيل مكان مصبرني على حياتي الا وجودها فيها من لي الحين من لي جلست فتره ابكي في حضن ام طارق لين ترفع راسها لها :ابي اشوفها قبل الدفن ام طارق بغصه:قد دفنوها طالعتها بصدمه كيف يدفنوها وما شفتها كيف يدفنوها وما تسامحة منها لين:طيب بروح اقوم بعزاها سكتت ام طارق وطالعت بطارق كنت اطالعهم اش فيهم هذولي احس عندهم شي مخبينه ما كنت ناقصه صدمات اكثر لين برجاا:الله يخليك هذي امي وحياتي خلوني اقوم بعزاها وبعدين ارجع طارق:اذا تبي نقوم لك عزاء هنا لين برجا ؛من لها هنا محد يعرفها ابي اسوي عزها بين اهلها وناسها شفت ام طارق تنزل راسها لين وانا اطالعها وطالع طارق لين ببكى ورجاء :وش فيكم وش صار قولوا ام طارق:يا بنتي هدي مسحت دموعي بسرعه :هاه شوفوا هديت وش عندكم محد رد علي لين بحده:بتحرموني اقوم بعزاها كمان يكفي حرمتني شوفتها طارق بحد:انتي اش فيك ما تفهمي قلت بقوم لك عزاء هنا وخلاص انتهينا لا تزيدي في الكلام ام طارق:طارق اشفيك البنت تعبانه لين:اش اسوي لها عزاء هنا انت ما تفهم ابي اسويه في بيتها طارق:جدتك متوفيه لها اربعه ايام وش العزاء الي بتقوميه في بيتها خلاص قد انتهت ايام العزاء سكت اطالعه مو مصدقه اربعه ايام وين انا اربعه ايام متوفيه ولا لي خبر ليه طالعت ام طارق واحس بعجز شفتها ساكته وطالعت طارق كان يطالعني وهو ساكت لين:مو من جدكم طالعتهم ليه ساكتين بكيت بقوه واصارخ لين :ليه ما قلتوا لي حسبي الله عليكم حرمتوني منها حيه وميته الله لا يوفقكم قمت بسرعه زي المجنونه على طارق بضربه بس مسكني بقوه حاولت افلت منه ما قدرت هو اقوى مني بكثير جلست على الارض ابكي بقهر حرمني من روحي وحياتي حرمني اشوفه واشم ريحتها لاخر مره في حياتي والله ما انساها لكم والله الله لا يوفقك ولا يسامحك خرب كل حياتي الله يقهره زي ما قهرتني كانت ام طارق تبكي لين بهستريا:لا تبكين لا تبكين الي زيكم مافي قلوبكم رحمه ما يبكي وقفت قدامها وانا امسح عيوني بقوه ووجهي وش تبكي عليه هاه وش تبكي عليه تبكين عليها ولا علي شفتي ظلمكم هذا وحرمانكم والله لدعي ربي كل يوم في كل سجده يوريني فيكم يوم يحرمكم من كل غالي عليكم يذوقكم الفقدان الي ذقته ولا يخلي لكم جفن ينام الله ياخذ حقي منكم ام طارق ببكى:يا بنتي سامحيني والله كنت بقولك بس انتي قاطعتها:مالكم عذر اذا ولدك ما يرحم كان انتي رحمتيني مالكم عذر طارق بحده:اقول وطي صوتك انتي مو بالبيت وبعدين لا ترفعي صوتك على امي تري ساكت لك مقدر حالتك ضحكت من بين دموعي:الحمدلله طلعت تحس وتقدر حالتي قرب مني بعصبيه:وبعدين ام طارق مسكته بقوه:مو وقتك يا طارق لف وطلع عنا وانا جلست اصارخ زي المجنونه ابي يرجع ابغي ابرد حرتي فيه لما زادت حالتي وصياحي ام طارق نادت الدكتور وجاء هو وممرضتين اعطوني ابره مهديه جلست ابكي بقوه لين ما حسيت بنفسي وانا نايمه من تاثير الابره كنت واقفه في غرفتي في جناح طارق اطالع من الشباك كان المطر بنزل وكانه يواسيني ويبكي معي مرت علي الثلاث ايام الي فاتت وانا في حاله مرره صعبه ما كنت اوقف بكى جلست في المستشفى يومين امس بس طلعت كنت في المستشفى بس على المهدئات يمكن خفت الهستريا عندي شوي والصدمه وبدية اتقبل واقع ان جدتي صارت تحت الارض ومعد قادره اشوفها مره ثانيه بس لسه احس في قلبي شي مكسور احس اني انكسرت كثير ما صار عندي احد صرت وحيده 8شهور وبيرميني طارق على ابوي وابوي الله واعلم اي واحد بيرميني عليه من جديد معقوله ابوي دري عن جدتي وما حاول يوصل لي الخبر الدرجه هذي كنت حمل على قلبه ما صدق تخلص مني مدري هذا اسميه ابو ولا وش اسميه تنهد بقوه ابي اطلع الضيق من صدري بس مو قادره ضيقه كاتمه على انفاسي طالعت المطر من ورى القزاز (لين تركض بسرعه:جدتي مطر مطر قامت جدتي بسرعه :تعالي يمه نسكر على الحلال وسكري المطبخ وحطي اقمشه تحت البيبان بسرعه عشان المطر ما يدخل علينا رحنا بسرعه نسكر قبل يقوى المطر شوي جت ريح قويه كان غصب نقدر نمشي من قوتها جدتي بصوت عالي:سكري باب المطبخ بسرعه بتخرب الريح علينا الاغراض ركضت في الحوش وانا فرحانه في المطر كنت اسمع تسبيح جدتي جلست ادور كان في مطر خفيف بس الهواء شوي قوي صرخت بصوت عالي لما سمعت صوت رعد قوي وركض عند جدتي الي كانت لسه عند الحلال لين:جده يالله ندخل بسرعه رعد قوي جدتي:انتظري شوي سمعت صوت اقوى من الي قبل لين:جده يالله بسرعه شوي ونزل مطر قوي غرقنا بسرعه جدتي سحبتني ودخلنا حوشنا ودخلنا غرفة الجلوس سكرت الباب وحطت تحت الباب قماش عشان ما يدخل المطر علينا داخل كنا نطالع للمطر من الشباك كان مرره قوي جدتي كانت تسبح وتستغفر انا كنت صغيره وقتها كنت في ثاني متوسط توها امي توفت كان لها سنه بس صح فقد امي مررره بس كنت لسه احس بالامان عشان جدتي معي ما حسيت عمري اني يتيمه او مالي احد بوجودها كان الراعد قوي وكل ما سمعت صوته فزيت نادتني جدتي قربت منها وحطيت راسي على رجولها جدتي لا تخافين يمه هذا رعد اذا سمعتيه قولي (سبحان الذي يسبح الرعد بحمده والملائكه من خيفته) كنت اردد معها الدعاء لين حسيت الخوف خف عني جدتي: وهي تغني لي بصوت خافت مطره يا مطره هلي علينا يا مطره اسقى لنا زروعنا و اروي يبنوعنا مطره يا مطره هلي علينا يا مطره خلي الدنيا تخضر والازهار تتفتح وتزهر مطره يا مطره هلي علينا يا مطره لين بنتنا الجميله كبرت صارت قمره مطره يا مطره) كنت سانده راسي على الشباك واردد مع صوت جدتي الي راسخ بخيالي ودموعي تنزل مطره يا مطره هلي علينا يا مطره جلست منهاره بقوه وابكي راحت نور دنيتي مهما اقول اني تجاوزت الصدمه بس احس اني اكذب لسه احس انفاسها معي لسه احس اني لو رحت الديره بلاقيها قدامي قمت من مكاني وانسدحت على مفرشي احس راسي ثقيل ومصدع مره مو قادره احركه حاولت انام بس ما قدرت من لما طلعت من المستشفى دخلت هنا وما خرجت ما ابي اشوف احد بس حسيت بعطش قمت رحت المطبخ الي في الجناح لان الجك الي عندي مخلص عبيته وبرجع غرفتي سمعت ضحك طارق من غرفته كان الباب مسكر على خفيف قربت استغربت اش فيه طارق بضحكه :يا حياتي انتي ..........وانا كمان احبك ومشتاق موت..........ههههههههههه خطيره انتي ........ان شاء الله بكره جايك بعد عن الباب بغصه صدق كل واحد له همه في ذا الدنيا الي مبسوط وعايش حياته وقريب منه بجدار بس الي شايل هم الدنيا في قلبه احس الدنيا صارت في عيوني ولا شي خلاص احس اني انتهيت محد لي جدتي شكلها كانت حاسه يومها قرب وصلتني لابويه وزوجتني عشان تطمني علي ما عرفتي يا جدتي وش كانت الدنيا مخبيه لي رحتي وما ادري كنتي راضيه علي او لا ما ادري زعلتي علي لان ما زرتك ناديتني بمرضك شفتيني باحلامك يمكن كانت خيره لك انك ما شفتي حالتي لو شفتي حالتي كان متي بحسرتك علي وطيت راسي على المخده ودموعي تنزل دموعي الي صارت رفيقة دربي الي صارت ما تفارقني من جيت ها البيت نزلت اليوم الثاني لان ام طارق ارسلت لي امنه ومارتا مرتين مدري اش تبي مني خلاص مو اخذوا كل شي مدري وش الذنب الي قاعده اتعاقب عليه مهما الي سواه ابوي بس مكان الذنب كبير كذا بحجم العقاب الي قاعده اجنيه لو ادري يوم الزواج اني بعيش كذا مكان ترجت ابوي يوافق على شرط طارق انه يخليني عنده دخلت الصاله كانوا ام طارق ومريم وهدى ورشا بس لا طارق ولا جاسم موجودين احسن ما ابي كلام زايد مريم بهدؤ:احسن الله عزاك طالعتها بصمت ما رديت عليها بس شفت الشفقه بعيونهم كلهم علي طنشت وطالعت ام طارق:بغيتني ام طارق:تعالي اجلسي معنا غير جوء لين :مالي حاجه عندكم رشا:اجلسي سولفي عشان تنسي طالعتها ما رديت عليها وش تبيني انسى من جدها بعدين وش الحنيه هذي لين:مو على اساس الخدم ما يجلسوا مع الاسياد ام طارق:يا بنتي قاطعتها:ما اني بنتك انا بنت لثنتين بس وحده ربي اخذ امانتها من زمان ووحده قبل اسبوع وانتوا حرمتوني منها والله يوريني فيكم مريم؛حنا مالنا دخل طارق الي حرمك حاطه قوتك علينا وتدعين علينا بس ام طارق طالعتها تسكتها طالعت مريم:انتوا كنتوا متفرجين على اخوكم وعاجبكم وما احد اعترض انا ما تهمني الايام الي قبل والله ما تهمني ونزلت دموعي الي يهمني ليه ما خليتوني اشوفها ليه ما علمتوني اول ما توفت كنت شفتها الاخر مره وبست راسها وتسامحة منها حرمتوني بسكوتكم ابسط حق لي اني اكون موجوده في عزاها شهقت بقوه عزاها الي قاموا به الاغراب وحفيدتها موجوده وتجين تقولي لا تدعين الله يوريك بس نص الي شفته عشان تعرفين لفيت عنهم ورحت مكان لي حاجه عندهم ليه ينادوني بس يفتحون جروح مو راضيه تطيب حاولت انسى اتناسى بس ما قدرت دخلت الحمام بغسل وجهي طالعت المرايه مو انا معد اعرف نفسي حتى نحفت مررره كنت اشوف الذبول في عيوني معاد فيها حياه غسلة وجهي كذا مره ورحت لشنطتي باخذ لي ملابس ابي اتحمم يمكن ارتاح شوي فتحت الشنطه وانا ادور لفتني ظرف في اخر الشنطه فتحته كان فيه اوراق الجامعه نزلتها بحزن معاد شي ينبكى عليه بعدك يا الغاليه شفت ورقه صغيره بين الاوراق فتحتها فيها رقم جوال (مها:لين بكتب لك رقمي في ورقه وبحطها في شنطتك وكلميني اذا رحتي دام ما معك جوال كنت مشغوله بترتيب ملابس جايبتها من السوق عشان بعدين احطها في الشنطه لين:طيب اكتبيه مها:مدري ليه ما تبين جوال لين :ما احس اني في حاجته مها:عشان نتواصل لين:ان شا الله بنتواصل وبجيكم ازوركم دايم مها:ان شاء الله ) كتتتتتتت | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
65Likes
العرض العادي
