19-02-17, 08:13 AM
| #1 | ||||
 
|  ضياع الدر،،،طارق اللبيب بسم الله الرحمن الرحيم ﺍﻟﺤﻠﻘﺔ ﺍﻻﻭﻟﻰ .. ﺑﻘﻠﻢ ﻃﺎﺭﻕ ﺍﻟﻠﺒﻴﺐ .. ﺍﻟﻘﺼﺔ ﺍﻟﺘﻲ ﺍﺣﺰﻧﺖ ﻛﺎﺗﺒﻬﺎ ﻗﺒﻞ ﻗﺮﺍﺋﻬﺎ .. ﻭﺍﻋﺘﺼﺮﺕ ﺩﻣﻮﻉ ﺍﻟﻘﻠﺐ ﻣﻦ ﺑﻴﻦ ﺟﻮﺍﻧﺤﻪ .. ﺣﻀﺮﻭﺍ ﺍﻟﻤﻨﺎﺩﻳﻞ .. ﻳﻘﻮﻝ ﻋﻨﻬﺎ ﻛﺎﺗﺒﻬﺎ ﻃﺎﺭﻕ ﺍﻟﻠﺒﻴﺐ .. ﻣﺎﺃﺷﺪ ﺍﻟﻤﺮﺍﺭﺓ ﻋﻨﺪﻣﺎ ﺗﻀﻴﻊ ﺍﻻﺷﻴﺎﺀ ﺍﻟﻐﺎﻟﻴﺔ .. ﻭﺧﺼﻮﺻﺎ " ﺍﺫﺍ ﻛﺎﻥ ﻫﺬﺍ ﺍﻟﻀﻴﺎﻉ .. ﻳﺘﻌﻠﻖ ﺑﺄﺭﻭﺍﺡ ﻧﻘﻴﻪ ﻭﻧﻔﻮﺱ ﻃﻴﺒﺔ .. ﻫﻮ ﻣﺎ ﺳﺄﺣﻜﻴﻪ ﻟﻜﻢ ﻓﻲ ﻗﺼﺔ ( ﺿﻴﺎﻉ ﺍﻟﺪﺭ ) .. ﺍﻟﻘﺼﺔ ﺩﻱ ﺯﻣﻨﻬﺎ ﻓﻲ ﺍﻟﻨﺼﻒ ﺍﻻﻭﻝ ﻣﻦ ﺍﻟﺘﻤﺎﻧﻴﻨﺎﺕ .. ﻳﻌﻨﻲ ﻓﻲ ﺍﻟﻔﺘﺮﺓ ﻣﻦ ﺳﻨﺔ 80 ﺍﻟﻰ 86 ﺗﻘﺮﻳﺒﺎ .. ﻓﻲ ﻗﺮﻳﺔ ﻻﻋﻼﻗﺔ ﻟﻬﺎ ﺑﺎﻟﻤﺪﻳﻨﺔ .. ﺷﻠﺔ ﺑﺘﺎﻋﺔ ﺍﺻﺤﺎﺏ . ﻗﺎﻋﺪﻳﻦ ﺑﺘﻮﻧﺴﻮ .. ﻫﻢ ﺷﺒﺎﺏ ﻋﻨﺪﻫﻢ ﻗﻮﺯ ﺭﻣﻠﺔ .. ﻛﻞ ﻳﻮﻡ ﺑﺠﻮ ﺑﻌﺪ ﺻﻼﺓ ﺍﻟﻌﺸﺎﺀ .. ﻳﻘﻌﺪﻭ ﻭﻳﺘﻮﻧﺴﻮﺍ .. ﻭﻳﺤﻜﻮﺍ ﻗﺼﺺ ﻭﻧﻜﺎﺕ ﻭﻏﻠﻮﺗﻴﺎﺕ .. ﻓﻲ ﺿﻮ ﺍﻟﻘﻤﺮ ,, ﻛﻬﺮﺑﺎ ﺯﺍﺗﻮ ﻣﺎﻓﻲ ﻣﺎﻋﻨﺪﻫﻢ ﻏﻴﺒﺔ ﻭﻻﻧﻤﻴﻤﺔ .. ﻭﻻﻋﻨﺪﻫﻢ ﺷﻤﺎﺭﺍﺕ ﻭﻻﺑﺠﻴﺒﻮ ﺧﺒﺮ ﺯﻭﻝ .. ﻣﺎﺯﻱ ﻣﺠﺎﻟﺲ ﺍﻟﻴﻮﻣﻴﻦ ﺩﻱ .. ﻣﺠﺎﻟﺲ ﺍﻟﺸﻠﻞ ﺍﻟﻨﺘﻨﺔ .. ﺍﻟﻤﻠﻴﺎﻧﺔ ﺑﺎﻟﻘﻴﻞ ﻭﺍﻟﻘﺎﻝ ﻭﺍﻻﺷﺘﻐﺎﻝ ﺑﺎﻋﺮﺍﺽ ﺍﻟﻨﺎﺱ . ﻭﺍﻛﻞ ﻟﺤﻮﻣﻬﻢ ... ﺑﺲ ﺟﻤﺎﻋﺘﻨﺎ ﺍﻟﻌﺎﻳﺰﻳﻦ ﻧﺤﻜﻲ ﻋﻨﻬﻢ ﺩﻳﻞ ﺍﻛﺘﺮ ﺣﺎﺟﺔ ﻣﻤﻜﻦ ﻳﻌﻤﻠﻮﻫﺎ .. ﺑﻘﻌﺪﻭ ﺑﻜﺎﻭﻭ ﻓﻲ ﺑﻌﺾ ﻭﻳﻀﺤﻜﻮ ﻭﻳﻘﺮﻗﻮ .. ﻟﻐﺎﻳﺔ ﻋﺸﺮﺓ ﺣﺪﺍﺷﺮ ﻛﺪﺍ ﻛﻠﻮ ﺯﻭﻝ ﺑﻤﺸﻲ ﻟﻲ ﺍﻫﻠﻮ .. ﻭﻫﻢ ﺍﺻﺤﺎﺏ ﻭﺍﺻﺤﺎﺏ ﺷﺪﻳﺪ ﻛﻤﺎﻥ .. ﺻﺎﺣﺒﻨﺎ ﺍﻟﻘﺎﻋﺪ ﻣﻌﺎﻫﻢ ﺩﻩ ﺍﺳﻤﻮ ﺍﻟﺠﻴﻠﻲ . ﺯﻭﻝ ﻳﺴﺘﺤﻖ ﺍﻟﺨﻮﺓ ﻻﻧﻪ ﺍﺧﻮ ﺍﺧﻮﺍﻥ ﺑﺎﻟﺠﺪ .. ﻭﻋﻨﺪﻭ ﻣﻮﺍﻗﻒ ﺭﺟﻮﻟﻴﺔ .. ﻭﻭﺍﺣﺪ ﺗﺎﻧﻲ ﺍﺳﻤﻮ ﻗﺴﻢ . ﻭﻋﻜﺮﻭﺵ ﻭﻣﻴﻦ ﻭﻣﻴﻦ ﺑﻨﻌﺮﻓﻬﻢ ﻟﻲ ﻗﺪﺍﻡ . ﺍﻟﻤﻬﻢ ﺍﻟﻤﻼﺣﻆ ﻛﻢ ﻳﻮﻡ ﻓﻮﻕ ﺍﻟﻮﻧﺴﺔ ﺍﻟﺠﻴﻠﻲ ﺩﻩ ﺳﺎﺍﺍﺍﻛﺖ ﻣﺎﺑﺘﻜﻠﻢ .. ﻣﻊ ﺍﻧﻮ ﻛﺎﻥ ﺯﻭﻝ ﻭﻧﺎﺱ ﻭﺿﺤﻮﻙ .. ﻫﺴﻲ ﻛﻢ ﻳﻮﻡ ﺳﺎﺭﺡ . ﻭﺑﺎﻟﻮ ﺑﺮﺓ ﺍﻟﻮﻧﺴﺔ .. ﻭﺳﺎﻛﺖ ﺳﺎﺍﺍﻱ .. ﺍﻟﺠﻤﺎﻋﺔ ﺑﺘﻮﻧﺴﻮ .. ﻗﺎﻡ ﻗﺴﻢ ﻗﺎﻝ ﻟﻠﺠﻴﻠﻲ .. ﺍﻟﺠﻴﻠﻲ ﻟﻮ ﺳﻤﺤﺖ ﺩﺍﻳﺮﻙ ﺩﻗﻴﻘﺔ .. ﻗﺎﻡ ﻣﺸﻰ ﻣﻌﺎﻫﻮ ﻟﻲ ﻗﺪﺍﻡ ﻗﺮﻳﺐ ﺍﺧﺮ ﺍﻟﺤﻠﺔ .. ﺍﻟﺠﻴﻠﻲ ﻗﺎﻝ ﻟﻲ ﻗﺴﻢ .. ﺍﻧﺖ ﻣﺎﺷﻲ ﻭﻳﻦ ﻳﺎﺯﻭﻝ ..؟ ﻗﺎﻝ ﻟﻴﻬﻮ ﺑﺲ ﺧﻼﺹ ﻭﺻﻠﻨﺎ .. ﻧﻘﻌﺪ ﻓﻮﻕ ﺍﻟﺘﺮﺱ ﺩﻩ .. ﺍﻟﺠﻴﻠﻲ ﻗﺎﻝ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﺧﻴﺮ ؟. ﻣﺎﻟﻚ ﺍﻧﺖ ﻫﺴﻲ ﺳﻮﻗﺘﻨﻲ ﻣﻦ ﻧﺺ ﺍﻟﻨﺎﺱ .. ﻭﻗﻄﻌﺖ ﻋﻠﻲ ﺍﻟﻮﻧﺴﺔ .. ﺍﻧﺖ ﻣﺎﺷﺎﻳﻒ ﻋﺒﺪﻭ ﺑﺤﻜﻲ .. ﻭﻧﺤﻦ ﻣﻨﺴﺠﻤﻴﻦ ﻣﻌﺎﻫﻮ ؟ ﻣﻮﺿﻮﻋﻚ ﺷﻨﻮ؟ ﺍﻧﺎ ﻋﺎﺭﻓﻚ ﻫﺴﻊ ﻳﻜﻮﻥ ﻛﻼﻡ . ﺍﻟﻤﻜﺤﻠﻪ ﻣﺎﻳﻤﻼﻫﺎ .. ﻗﺎﻝ ﻟﻴﻬﻮ ﻳﺎ ﺍﻟﺠﻴﻠﻲ ﺍﻧﺎ ﻣﺎﺩﺍﻳﺮ ﺍﻗﻮﻝ ﻛﻼﻡ .. ﺍﻧﺎ ﻋﺎﻳﺰ ﺍﺳﺄﻟﻚ .. ﺍﻧﺖ ﻟﻴﻚ ﻳﻮﻣﻴﻦ .. ﻣﺎ ﻣﻊ ﺍﻟﻨﺎﺱ . ﺳﺎﺭﺡ ﺑﻌﻴﺪ .. ﻭﺑﺎﻟﻚ ﺑﺮﺓ ﺧﺎﻟﺺ .. ﻋﻠﻴﻚ ﺍﻟﻠﻪ ﺍﺣﻜﻲ ﻟﻲ ﻓﻲ ﺷﻨﻮ ..؟ ﻧﺤﻦ ﻣﺶ ﺍﺻﺤﺎﺏ ﻟﻮ ﻋﻨﺪﻙ ﻣﺸﻜﻠﺔ ﺍﻓﺪﻳﻚ ﺑﻲ ﺩﻣﻲ .. ﺍﻟﺠﻴﻠﻲ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﻗﺴﻢ ﺍﻧﺖ ﻣﺎﺑﺘﻘﺼﺮ .. ﻟﻜﻦ ﺍﻟﻤﻮﺿﻮﻉ ﺍﻟﻬﺎﻣﻨﻲ ﺍﻧﺖ ﻣﺎﺑﺘﻘﺪﺭ ﻋﻠﻴﻬﻮ .. ﻭﺍﻧﺎ ﺯﺍﺗﻲ ﻭﺍﻟﻠﻪ ﻣﻦ ﺍﻟﺘﻔﻜﻴﺮ ﻭﺍﻟﻌﺠﺰ ﻣﺨﻲ ﺩﺍﻳﺮ ﻳﻄﺮﺷﻖ .. ﻗﺎﻝ ﻟﻴﻬﻮ ﻳﺎﺧﻲ ﺍﺣﻜﻲ ﻟﻲ ﺍﺣﺘﻤﺎﻝ ﺍﻗﺪﺭ ﺍﺳﺎﻋﺪﻙ .. ﻣﺤﺘﺎﺝ ﻟﻘﺮﻭﺵ ؟ ﺍﻧﺖ ﻋﻴﺎﻥ ؟ ﻓﻲ ﺷﻨﻮ؟ ﺑﺎﻟﻀﺒﻂ ﻛﺪﺍ .. ﻗﺎﻝ ﻟﻴﻬﻮ ﺍﺑﺪﺍ ﺍﻟﺤﻤﺪ ﻟﻠﻪ ﻣﻦ ﻧﺎﺣﻴﺔ ﻗﺮﻭﺵ ﻣﺴﺘﻮﺭﺓ ﺗﺐ .. ﻭﻣﻦ ﻧﺎﺣﻴﺔ ﻣﺮﺽ ﺍﻧﺎ ﻓﻲ ﻛﺎﻣﻞ ﺍﻟﺼﺤﺔ ﻭﺍﻟﻌﺎﻓﻴﺔ ﺍﻟﺤﻤﺪ ﻟﻠﻪ ﻭﺑﺎﺱ ﻳﺪﻭ ﺑﻄﻦ ﻭﺿﻬﺮ ﻣﻠﺤﻮﻇﺔ ﺻﻐﻴﺮﺓ ﺍﻟﺠﻴﻠﻲ 26 ﺳﻨﺔ ﻭﻗﺴﻢ 27 ﺳﻨﺔ ﻭﺍﻗﺮﺏ ﺍﺻﺪﻗﺎﺀ ﻟﺒﻌﺾ ﻓﻲ ﺍﻟﺸﻠﺔ .. ﺍﻻﺗﻨﻴﻦ ﺷﻐﺎﻟﻴﻦ ﻓﻲ ﺍﻟﺰﺭﺍﻋﺔ .. ﻭﺧﻠﻮ ﺍﻟﺪﺭﺍﺳﺔ ﻣﻦ ﺍﻻﺑﺘﺪﺍﺋﻴﺔ ﺍﻟﺠﻴﻠﻲ ﺍﻫﻠﻪ ﻓﻘﺮﺍﺀ ﻭﻣﺎﻋﻨﺪﻫﻢ ﺍﺭﺍﺿﻲ ﻭﺑﺸﺘﻐﻞ ﺑﻲ ﺿﺮﺍﻋﻪ ﺭﺯﻕ ﺍﻟﻴﻮﻡ ﺑﺎﻟﻴﻮﻡ ﻫﻮ ﻭﺍﺧﻮﻩ ﺍﻻﻛﺒﺮ .. ﻭﺍﺑﻮﻫﻮﺭﺍﺟﻞ ﻛﺒﻴﺮ .. ﻟﻜﻦ ﻗﺴﻢ ﻋﻨﺪﻫﻢ ﺍﺭﺍﺿﻲ .. ﻭﻧﺎﺱ ﺣﺎﻟﺘﻬﻢ ﺍﻟﻤﺎﺩﻳﺔ ﻓﻮﻕ ﺍﻟﻮﺳﻂ .. ) ) ﻟﻤﺎﻥ ﻗﺴﻢ ﺍﺻﺮ ﺍﺻﺮﺍﺭ ﺷﺪﻳﺪ ﻋﻠﻰ ﺍﻟﺠﻴﻠﻲ ﻳﺤﻜﻲ ﻟﻴﻬﻮ .. ﻗﺎﻝ ﻟﻴﻬﻮ ﺧﻼﺹ ﺑﺤﻜﻲ ﻟﻴﻚ ﺑﺲ ﺗﻮﻋﺪﻧﻲ ﺍﻧﻚ ﻣﺎﺗﺠﻴﺐ ﺳﻴﺮﺓ .. ﻻﻧﻮ ﻛﺎﻥ ﺟﺒﺖ ﺳﻴﺮﺓ ﺑﺘﺴﻮﻱ ﻟﻲ ﻣﺸﻜﻠﺔ ﻛﺒﻴﺮﺓ .. ﻗﺎﻝ ﻟﻴﻬﻮ ﺃﻓﻮ ﻳﺎ ﺍﻟﺠﻴﻠﻲ ﺍﻧﺖ ﻣﺎﺑﺘﻌﺮﻓﻨﻲ ..؟؟ ﺍﻧﺎ ﺍﺧﻮﻙ ﺁﻣﺰﺍﻫﺮ .. ( ﻣﺰﺍﻫﺮ ﺩﻱ ﺍﺧﺖ ﻗﺴﻢ ) ﻗﺎﻝ ﻟﻴﻬﻮ ﺍﻟﺤﻘﻴﻘﺔ ﺍﻧﺎ ﻗﻠﺒﻲ ﻣﺸﻐﻮﻝ ﺷﺪﻳﺪ ﺑﻲ ﺑﺪﺭﻳﻪ ﺑﺖ ﺃﺣﻤﺪ .. ﻃﺒﻌﺎ ﺍﻟﺰﻭﻟﻪ ﺩﻱ ﺻﺎﺣﺒﺔ ﺻﻔﻴﻪ ﺍﺧﺘﻲ ﻭﺑﺘﺠﻴﻬﺎ ﻃﻮﺍﻟﻲ ﻓﻲ ﺍﻟﺒﻴﺖ ﻭﺍﻟﻠﻪ ﺍﻟﻌﻈﻴﻢ ﻳﺎﻗﺴﻢ ﺣﺎﻣﻴﺎﻧﻲ ﺍﻟﻨﻮﻡ .. ﻗﺴﻢ ﻗﺎﻝ ﻟﻴﻬﻮ ﺍﻧﺖ ﻣﺠﻨﻮﻥ؟ ﺍﻧﺖ ﻣﺎﻋﺎﺭﻑ ﺍﺣﻤﺪ ﺩﻩ ﻣﻨﻮ؟ ﺍﺣﻤﺪ ﺯﻭﻝ ﻣﻦ ﺍﻋﻴﺎﻥ ﺍﻟﺒﻠﺪ ﻭﻗﺮﻭﺷﻮ ﺍﻟﻨﺎﺭ ﻣﺎﺗﺎﻛﻠﻬﺎ .. ﻭﻋﻀﻮ ﻓﻲ ﻣﺠﻠﺲ ﺍﻟﺸﻌﺐ . ( ﻣﻠﺤﻮﻇﺔ ﻣﺠﻠﺲ ﺍﻟﺸﻌﺐ ﻛﺎﻥ ﻓﻲ ﺯﻣﻦ ﻧﻤﻴﺮﻱ ﺑﻤﺜﺎﺑﺔ ﺍﻟﻤﺠﻠﺲ ﺍﻟﻮﻃﻨﻲ ﻭﺍﻟﺠﻤﻌﻴﺔ ﺍﻟﺘﺎﺳﻴﺴﻴﺔ ﻭﻏﻴﺮﻫﺎ ) ﻗﺎﻝ ﻟﻴﻬﻮ ﺍﻟﻨﺎﺱ ﺩﻳﻞ ﻣﺎﺑﺸﺒﻬﻮﻙ ﻳﺎ ﺍﻟﺠﻴﻠﻲ ﻭﻻﻫﻢ ﻣﺴﺘﻮﺍﻙ . ﺩﻳﻞ ﻧﺎﺱ ﻓﻮﻕ ﻓﻮﻕ ﻭﺍﻧﺖ ﺯﻭﻝ ﻓﻘﺮﺍﻥ ﻭﻗﺤﻄﺎﻥ .. ﻭﺍﻟﻠﻪ ﺗﻔﺘﺢ ﺧﺸﻤﻚ ﺑﻲ ﻛﻼﻡ ﺯﻱ ﺩﻩ ﻳﻜﺴﺮﻭﻩ ﻟﻴﻚ . ﻗﺎﻟﻴﻬﻮ ﺍﻧﺎ ﻋﺎﺭﻑ ﻳﺎﻗﺴﻢ .. ﻭﺩﻩ ﺍﻟﻤﻮﺿﻮﻉ ﺍﻟﻤﻮﺗﺮﻧﻲ ﻭﺟﺎﻳﺐ ﻟﻲ ﺍﻟﻬﺰﺓ ﻓﻲ ﺩﻣﺎﻏﻲ ﻭﺍﻋﺼﺎﺑﻲ .. ﻛﻞ ﻳﻮﻡ ﺍﺣﺲ ﺍﻧﻲ ﺍﻧﺎ ﻭﻛﺮﺍﻥ ﺍﻛﺘﺮ .. ﺍﻟﺒﺖ ﺩﻱ ﺍﻟﻴﻮﻡ ﺍﻟﺒﺸﻮﻓﺎ ﻣﻊ ﺻﻔﻴﺔ . ﺑﺘﺠﻴﻨﻲ ﺣﻤﻰ ﻟﻠﺼﺒﺎﺡ .. ﻭﻗﻠﺒﻲ ﺩﺓ ﺗﻒ ﺗﻒ ﺗﻒ .. ﻭﺍﻟﻠﻪ ﻣﺎﻧﻌﺎﺭﻑ ﺍﺳﻮﻱ ﺷﻨﻮ؟ ﻟﻜﻦ ﻣﺎﺑﻐﻠﺐ ﺣﻴﻠﺔ .. ﻗﺴﻢ ﻗﺎﻝ ﻟﻴﻬﻮ .. ﺑﻌﺪﻳﻦ ﺍﻟﺒﺖ ﺩﻱ ﺣﺴﺐ ﻋﻠﻤﻲ ﻟﺴﻊ ﺻﻐﻴﺮﻩ ﻳﻌﻨﻲ ﻳﻤﻜﻦ ﺻﻄﺎﺷﺮ ﺳﺒﻌﻄﺎﺷﺮ .. ﺍﻧﺎ ﺣﻘﻴﻘﺔ ﻃﻮﻟﺖ ﻣﺎﺷﻔﺘﻬﺎ ﻗﺎﻟﻴﻬﻮ .. ﺻﺢ .. ﻟﻜﻦ ﻳﺎﻗﺴﻢ ﺍﻟﺒﺖ ﻓﺎﻳﺮﺓ ﻓﻮﺍﺭﺓ ﻣﺎﺷﺎﺀ ﺍﻟﻠﻪ .. ﻭﺍﻟﻠﻪ ﺗﻔﺎﺣﺔ ﺑﺲ .. ﻭﺍﻟﻠﻪ ﻳﺎﻗﺴﻢ ﻓﻴﻬﺎ ﻗﻮﺍﻡ ﻻ ﺍﻟﻪ ﺍﻟﻠﻪ .. ﺍﻟﺒﺖ ﻗﺎﻳﻤﺔ ﻗﻮﻣﺔ ﻣﺎﻃﺒﻴﻌﻴﺔ .. ﻭﺑﺮﻳﺌﺔ ﺣﺘﻰ ﻭﻧﺴﺘﻬﺎ ﺍﻟﺒﺴﻤﻌﻬﺎ ﻣﻊ ﺻﻔﻴﺔ . ﻭﻧﺴﺔ ﺍﻃﻔﺎﻝ ﺑﻲ ﺍﻻﺧﺘﺼﺎﺭ ﺩﻱ ﻟﺆﻟﺆﺓ . ﻭﺍﻟﻌﺠﻴﺐ ﺑﺴﻤﺘﻬﺎ . ﻳﺎﺧﻲ ﻣﺎﺗﺬﻛﺮﻧﻲ ﺍﻧﺎ ﺣﺎﺳﻲ ﺑﻲ ﻧﻔﺴﻲ ﺍﻧﻘﻄﻊ .. ﻗﺴﻢ ﺿﺤﻚ ﻫﺎﻫﺎﻫﺎ .. ﻭﻗﺎﻝ ﻟﻴﻬﻮ ﻻﻻﻻﻻ .. ﺍﻧﺖ ﻭﺿﻌﻚ ﻣﺘﺄﺯﻡ ﺟﺪﺍ .. ﻋﺸﺎﻥ ﻛﺪﺍ ﺳﺎﻛﺖ .. ﻗﺎﻟﻴﻬﻮ ﺍﻳﻮﺓ ﺳﺎﻛﺖ ﻣﺎﻟﻲ ﺍﻟﺤﻖ ﺍﺳﻜﺖ؟ ﺑﺲ ﻋﺎﺭﻑ ﻓﻲ ﺣﺎﺟﺔ .. ﻗﺒﻞ ﻳﻮﻣﻴﻦ ﺍﻧﺎ ﻓﻲ ﺍﻟﺒﻴﺖ ﺑﻐﺴﻞ ﻓﻲ ﻳﺪﻱ ﺑﻌﺪ ﺍﻟﻔﻄﻮﺭ .. ﻫﻲ ﻛﺎﻧﺖ ﺑﺘﻌﺎﻳﻦ ﻟﻲ ﻭﺗﺘﺒﺴﻢ .. ﻭﺍﻧﺎ ﻟﻤﻦ ﻋﺎﻳﻨﺖ ﻟﻴﻬﺎ ﺧﺠﻠﺖ ﻭﺟﺮﺕ .. ﻭﺷﺎﻳﻔﻬﺎ ﺗﺘﻜﻠﻢ ﻣﻊ ﺻﻔﻴﺔ ﻣﺎﺑﻌﺮﻓﻬﺎ ﻗﺎﻟﺖ ﻟﻴﻬﺎ ﺷﻨﻮ؟ ﻗﺎﻝ ﻟﻴﻬﻮ ﻃﻴﺐ ﺍﻧﺖ ﺍﺳﺄﻝ ﺻﻔﻴﻪ .. ﺷﻮﻓﺎ ﺍﺣﺘﻤﺎﻝ ﺣﺘﻰ ﻫﻲ ﺑﺘﺮﻳﺪﻙ ﻛﺪﻱ ﺑﺮﺿﻮ .. ﻗﺎﻝ ﻟﻴﻬﻮ ﻣﺎﺑﻘﺪﺭ ﺃﺳﺎﻝ ﺻﻔﻴﻪ .. ﻧﺤﻦ ﻓﻲ ﺍﻟﺒﻴﺖ ﻣﺎﻋﻨﺪﻧﺎ ﻛﻼﻡ ﺯﻱ ﺩﻩ .. ﺍﻟﺒﺖ ﺑﺖ .. ﻭﺍﻟﻮﻟﺪ ﻭﻟﺪ .. ﻳﻌﻨﻲ ﻣﺴﺘﺤﻴﻞ ﺍﺳﺄﻝ ﺻﻔﻴﺔ ﻣﻦ ﺍﻟﻤﻮﺿﻮﻉ ﺩﻩ ..( ﻃﺒﻌﺎ ﻻﻥ ﺍﻟﺮﺟﻞ ﻋﻨﺪﻧﺎ ﺯﻣﺎﻥ ﻓﻲ ﺍﻟﺒﻴﺖ ﻫﻮ ﻣﺼﺪﺭ ﺍﻟﻬﻴﺒﺔ ﻭﺍﻟﻮﻗﺎﺭ . ﻭﺍﺧﺘﻪ ﺑﺘﻌﻤﻞ ﻟﻴﻬﻮ ﺍﻟﻒ ﺣﺴﺎﺏ .. ﻭﺑﺘﺨﺎﻑ ﻣﻨﻪ ﻋﺪﻳﻞ . ﻓﻔﻌﻼ " ﺻﻌﺐ ﻛﻮﻧﻮﺍ ﻳﻤﺸﻲ ﻳﺘﻜﻠﻢ ﻓﻲ ﻣﻮﺍﺿﻴﻊ ﺯﻱ ﺩﻱ ﻣﻊ ﺍﺧﺘﻪ ﺍﻻﺻﻐﺮ ﻣﻨﻮ .. ) ﺍﻫﺎ ﻃﺒﻌﺎ " ﺍﻟﺠﻴﻠﻲ ﺷﺎﻳﻒ ﺍﻟﺤﺘﺔ ﺩﻱ ﻣﺎﺟﺎﻳﺔ ﻛﻠﻮ ﻛﻠﻮ ﻭﻣﺎﻗﺎﺩﺭﺓ ﺗﺮﻛﺐ ﻟﻴﻬﻮ ﻓﻲ ﺭﺍﺳﻮ ﻳﻌﻨﻲ ﻳﻤﺸﻲ ﻳﻘﻮﻟﻬﺎ ﺷﻨﻮ؟ .. ﺍﻟﻤﻬﻢ .. ﻗﺴﻢ ﻗﺎﻝ ﻟﻴﻬﻮ .. ﺍﻧﺖ ﻣﻐﻔﻞ ﻳﺎ ﺍﻟﺠﻴﻠﻲ .. ﻏﻴﺮ ﺻﻔﻴﺔ ﻣﺎﻋﻨﺪﻙ ﺍﻱ ﻃﺮﻳﻘﺔ ﺗﻮﺍﺻﻞ ﻣﻌﺎﻫﺎ .. ﻭﻳﺎﺷﺎﻃﺮ ﺻﻔﻴﺔ ﺩﻱ ﺑﺘﻜﻮﻥ ﺣﻠﻘﺔ ﺍﻟﻮﺻﻞ .. ﺑﺲ ﺍﻧﺖ ﻣﻦ ﺍﻟﻠﻴﻠﺔ ﺍﻋﻤﻞ ﻓﻴﻬﺎ ﺻﺎﺣﺐ ﺻﻔﻴﺔ . ﻭﺧﻠﻴﻚ ﻗﺮﻳﺐ ﻣﻨﻬﺎ .. ﺍﻟﺒﺖ ﺩﻱ ﻟﻮ ﺭﺍﺩﺗﻚ ﻭﻗﻠﺒﻬﺎ ﺍﺗﻌﻠﻖ ﺑﻴﻚ .. ﻗﺼﺘﻚ ﺑﺘﺒﻘﻰ ﻓﻴﻬﺎ ﺍﺣﺘﻤﺎﻝ ﻧﺠﺎﺡ . ﻟﻜﻦ ﺑﺮﺿﻮ ﺍﺣﺘﻤﺎﻝ ﺿﻌﻴﻒ .. ﻳﺎﺧﻲ ﺍﻟﻨﺎﺱ ﺩﻳﻞ ﻣﺎ ﻣﺴﺘﻮﺍﻙ .. ﺍﻟﺠﻴﻠﻲ ﻗﺎﻝ ﻟﻴﻬﻮ .. ﺍﺳﻤﻊ ﻳﺎ ﻗﺴﻢ .. ﺍﻧﺖ ﺑﺪﻝ ﺗﺪﻳﻨﻲ ﺍﻻﻣﻞ .. ﻣﺎﻟﻚ ﺩﺍﻳﺮ ﺗﻘﻨﻌﻨﻲ .. ﺍﻧﺎ ﻭﺍﻟﻠﻪ ﻭﺍﺛﻖ ﻓﻲ ﺭﺑﻨﺎ .. ﻭﻟﻮ ﻋﻨﺪﻱ ﻓﻴﻬﺎ ﻗﺴﻤﺔ ، ﺣﺘﻰ ﻟﻮ ﺍﺑﻮﻫﺎ ﺑﻘﻰ ﻫﺎﻣﺎﻥ ﻭﻻﻓﺮﻋﻮﻥ .. ﺭﺑﻨﺎ ﻗﺎﺩﺭ ﻳﻨﺰﻋﻬﺎ ﻣﻨﻬﻢ ﻭﻳﺪﻳﻨﻲ ﻟﻴﻬﺎ .. ﻭﻟﻮ ﻛﻤﺎﻥ ﻣﺎﻋﻨﺪﻱ ﻓﻴﻬﺎ ﻗﺴﻤﺔ .. ﻣﻌﻨﺎﻫﺎ ﻣﻜﺘﻮﺏ ﻟﻲ ﺍﻟﻌﺬﺍﺏ ﻭﺍﻟﻤﻌﺎﻧﺎﻩ .. ﻭﻋﻤﺮﻭ ﻳﺎﻗﺴﻢ ﺍﻟﻐﻨﻰ ﻭﺍﻟﻔﻘﺮ ﻣﺎﺑﻮﻗﻒ ﺍﻟﻘﺴﻤﺔ .. ﻭﻓﻲ ﺍﻟﻨﻬﺎﻳﺔ ﺍﻧﺎ ﺃﻣﻠﻲ ﻓﻲ ﺍﻟﻠﻪ .. ﻭﺭﺑﻨﺎ ﺩﻩ ﻓﻲ ﻳﺪﻭ ﺗﺴﺨﻴﺮ ﺍﻻﻣﻮﺭ ﻭﺗﺒﺪﻳﻞ ﺍﻻﺣﻮﺍﻝ .. ﻗﺎﻝ ﻟﻴﻬﻮ ﻳﺎﺯﻭﻝ ﺭﺑﻨﺎ ﻳﻮﻓﻘﻚ ﺍﻫﺎ ﻫﺴﻲ ﺣﺘﻌﻤﻞ ﺷﻨﻮ؟ ﻗﺎﻝ ﻟﻴﻬﻮ ﺡ ﺍﻋﻤﻞ ﻛﻼﻣﻚ ﻭﺍﻣﺸﻲ ﺍﺑﺪﺍ ﺻﺤﻮﺑﻴﻪ ﻣﻊ ﺻﻔﻴﺔ ﺍﺧﺘﻲ ﻭﺍﺷﻮﻑ ﺍﻟﺒﺖ ﺩﻱ ﻣﻮﻗﻔﻬﺎ ﻣﻨﻲ ﺷﻨﻮ ؟ ﻭﻫﻞ ﻣﻤﻜﻦ ﺍﻻﻣﻮﺭ ﺩﻱ ﺗﻤﺸﻲ ﻟﻲ ﻗﺪﺍﻡ؟ ﻭﻻ ﺃﻧﺎ ﺍﺧﻴﺮ ﻟﻲ ﺍﺑﻌﺪ ؟ | ||||
|  |
|
19-02-17, 08:16 AM
| #2 | ||||
| ﺍﻟﺤﻠﻘﺔ ﺍﻟﺘﺎﻧﻴﺔ ﺑﻘﻠﻢ ﻃﺎﺭﻕ ﺍﻟﻠﺒﻴﺐ .. ﺑﻌﺪ ﺍﻟﺸﻠﻪ ﺍﺗﻔﺮﺗﻘﺖ .. ﻭﻛﻞ ﺯﻭﻝ ﻣﺸﻰ ﻋﻠﻰ ﺍﻫﻠﻪ .. ﺍﻟﺠﻴﻠﻲ ﻣﺸﻰ ﺍﻟﺒﻴﺖ .. ﻭﻟﻘﻰ ﻧﺎﺱ ﺍﻟﺒﻴﺖ ﻧﺎﻳﻤﻴﻦ .. ﻭﺻﻔﻴﻪ ﻗﺎﻋﺪﻩ ﻓﻲ ﺍﻻﻭﺿﻪ ﺍﻟﻘﺪﺍﻡ ﺗﺬﺍﻛﺮ ﺑﻲ ﺍﻟﻠﻤﺒﻪ ﺍﻡ ﺷﺒﻚ .. ﻣﺸﻰ ﻟﻴﻬﺎ ﻭﻗﺎﻝ ﻟﻴﻬﺎ .. ﺻﻔﻴﻪ ﻭﺍﻟﻠﻪ ﺍﻧﺎ ﺟﻴﻌﺎﻥ ﺟﻮﻋﺔ .. ﻗﻮﻣﻲ ﺷﻮﻓﻲ ﻟﻲ ﺣﺎﺟﺔ ﺍﻛﻠﻬﺎ .. ﻗﺎﻟﺖ ﻟﻴﻬﻮ ﻋﺸﺎﻙ ﻗﺎﻋﺪ .. ﺩﻗﺎﻳﻖ ﺑﺲ .. ﻫﺴﻊ ﺑﺠﻴﺒﻮ ﻟﻴﻚ ﺧﺘﺖ ﺍﻟﻘﻠﻢ ﻓﻲ ﻧﺺ ﺍﻟﻜﺘﺎﺏ ﻭﻗﻔﻠﺖ ﺍﻟﻜﺘﺎﺏ ﻋﺸﺎﻥ ﺍﻟﺼﻔﺤﺔ .. ﻭﻗﺎﻣﺖ ﺟﺎﺑﺘﻠﻮ ﺍﻟﻔﻄﻴﺮ ﺑﻲ ﺍﻟﻠﺒﻦ .. ﻓﻲ ﺻﺤﻦ ﻃﻠﺲ ﺍﺑﻴﺾ .. ﻭﻛﻮﺯ ﺍﻟﻤﻮﻳﻪ ﻭﻛﻮﺭﻳﺔ ﺍﻟﻠﺒﻦ ﻛﻠﻬﻦ ﻓﻲ ﺍﻟﺼﻴﻨﻴﻪ .. ﻭﺧﺘﺖ ﻟﻴﻬﻮ ﺍﻟﺼﻴﻨﻴﺔ ﻓﻮﻕ ﺍﻟﺴﺠﺎﺩﺓ .. ﻭﻗﺎﻟﺖ ﻟﻴﻬﻮ ﺍﻫﺎ ﻗﻮﻡ .. ﻗﺎﻡ ﺷﺎﻝ ﺍﻟﻜﻮﺯ ﻭﻣﺮﻕ ﺑﺮﻩ ﻏﺴﻞ ﺍﻳﺪﻭ ﻭﺟﺎ ﻗﻌﺪ ﻳﺎﻛﻞ ﻭﻫﻲ ﻓﺘﺤﺖ ﻛﺘﺎﺑﻬﺎ ﻭﺭﺟﻌﺖ ﺗﻘﺮﺍ .. ﻗﺎﻟﻬﺎ ﻳﺎﺻﻔﻴﻪ ﻣﺎﻛﻤﻠﺘﻲ ﻣﺰﺍﻛﺮﺗﻚ ؟.. ﻗﺎﻟﺖ ﻟﻴﻬﻮ ﺧﻼﺹ ﺩﻱ ﺍﺧﺮ ﺻﻔﺤﺔ ﺳﻜﺖ ﺳﺎﻱ ﻭﺑﻘﻰ ﻳﺎﻛﻞ ﺑﻌﺪ ﻛﻤﻞ ﺍﻛﻠﻪ ﻭﻏﻄﻰ ﺍﻟﺼﺤﻦ ﺑﺎﻟﻄﺒﻖ ﺭﺍﺟﻊ .. ﻗﺎﻡ ﻏﺴﻞ ﻭﺟﺎ ﻗﻌﺪ ﺭﺍﺟﻊ ﻭﻫﻲ ﺑﻘﺖ ﺗﻘﻔﻞ ﻓﻲ ﻛﺘﺒﻬﺎ ﻗﺎﻟﺖ ﻟﻴﻬﻮ .. ﻇﻨﻲ ﺍﻟﻠﻴﻠﻪ ﻳﺎ ﺍﻟﺠﻴﻠﻲ ﻋﻨﺪﻙ ﻣﻌﺎﻱ ﻛﻼﻡ .. .. ﻗﺎﻝ ﻟﻴﻬﺎ ﺻﺪﻗﺘﻲ .. ﺩﺍﻳﺮ ﺍﺳﺎﻟﻚ .. ﺍﻧﺎ ﻭﺍﻟﻠﻪ ﺑﺪﺭﻳﻪ ﺑﺖ ﺍﺣﻤﺪ ﺩﻱ ﻋﺎﺟﺒﺎﻧﻲ ﻋﺠﺐ .. ﺑﺎﻗﻲ ﻟﻚ ﻛﺎﻥ ﻗﻠﺖ ﺩﺍﻳﺮﻫﺎ ﺑﺪﻭﻧﻲ ﻟﻴﻬﺎ ؟ ﻗﻌﺪﺕ ﺗﻀﺤﻚ .. ﻗﺎﻝ ﻟﻬﺎ ﻣﺎﻟﻚ ﺁﺻﻔﻴﻪ؟ .. ﻗﺎﻟﺖ ﻟﻴﻬﻮ ﺍﻟﺘﻘﻮﻝ ﺍﻧﺘﻮ ﻣﺘﻮﺍﺻﻴﻦ .. ﺍﻟﺒﺖ ﺩﻱ ﻗﺪﺕ ﺍﺿﺎﻧﻲ .. ﻛﻞ ﻳﻮﻡ ﺗﻘﻮﻝ ﻟﻲ ﺍﻧﺎ ﺍﻥ ﺑﻘﻰ ﻣﺎﻋﺮﺳﺖ ﺍﻟﺠﻴﻠﻲ ﺍﻥ ﺷﺎ ﺍﻟﻠﻪ ﺍﻣﻮﺕ .. ﻭﻛﻞ ﻳﻮﻡ ﺑﺘﺴﺎﻟﻨﻲ .. ﺗﻘﻮﻝ ﻟﻲ ﺍﻟﺠﻴﻠﻲ ﻣﺎﻗﺎﻋﺪ ﻳﺠﻴﺐ ﺳﻴﺮﺗﻲ ؟. ﺍﻟﺠﻴﻠﻲ ﻭﻳﻦ؟ ﺍﻟﺠﻴﻠﻲ ﻛﻴﻒ؟ ﻛﺎﻥ ﺟﻴﺖ ﺩﺍﺧﻞ ﺳﺎﻱ ﻭﻫﻲ ﻣﻌﺎﻱ .. ﺗﻘﻮﻝ ﻟﻲ ﺍﻟﺠﻴﻠﻲ ﺍﻛﻞ ؟ ﺍﻟﺠﻴﻠﻲ ﻓﻄﺮ؟ ﻭﺣﺎﺕ ﺍﻟﻠﻪ ﺍﻧﺖ ﻋﺎﺟﺒﻬﺎ ﻋﺠﺐ ﺷﺪﻳﺪ .. ﺑﺲ ﺍﻧﺎ ﻣﺎﻗﺎﻳﻼﻙ ﺷﻐﺎﻝ ﺑﺎﻟﻤﻮﺿﻮﻉ ﻭﻻﺟﺎﻳﺐ ﻟﻮ ﺧﺒﺮ ﺍﻟﻠﺘﺎﺭﻳﻜﻢ ﺍﻻﺗﻨﻴﻦ ﻣﻮﺟﻌﻴﻦ ﻫﻬﻬﻬﻬﻪ .. ﻗﺎﻟﻬﺎ ﻋﻠﻴﻚ ﺍﻟﻠﻪ ﻳﺎ ﺻﻔﻴﻪ ﺑﺎﻟﺼﺢ ؟. ﻗﺎﻟﺖ ﻟﻴﻬﻮ ﻭﺍﻟﻠﻪ ﻣﻨﺎﻫﺎ ﻓﻲ ﺍﻟﺪﻧﻴﺎ ﺍﻟﺠﻴﻠﻲ .. ﻭﻳﻮﻡ ﻗﺎﻟﺖ ﺍﻧﺎ ﻟﻮ ﻣﺎ ﺍﺗﺰﻭﺟﺖ ﺍﻟﺠﻴﻠﻲ .. ﻣﺎﺑﺰﻭﺝ ﻧﻬﺎﺋﻲ .. ﻭﻳﻮﻡ ﻗﺎﻟﺖ ﻟﻲ ﻛﺎﻥ ﺍﻟﺠﻴﻠﻲ ﻳﻮﻡ ﻓﻜﺮ ﻳﺨﻄﺐ ﺍﻱ ﻭﺍﺣﺪﺓ ﻏﻴﺮﻱ ﻛﻠﻤﻴﻬﻮ .. ﻭﻗﻮﻟﻲ ﻟﻲ ﺑﺪﺭﻳﺔ ﺑﺘﻨﺘﺤﺮ ﻫﻬﻬﻪ .. ﻗﺎﻝ ﻟﻴﻬﺎ ﻭﺍﻟﻠﻪ ﺟﺪ؟ ﺍﻟﺰﻭﻝ ﻗﺎﻡ ﻣﻦ ﺍﻟﻤﻔﺮﺷﻪ ﻭﺑﻘﻰ ﻻﻑ ﻓﻲ ﺍﻻﻭﺿﺔ ﺯﻱ ﺍﻟﻤﻠﺪﻭﻍ .. ﻭﻳﻔﺮﻙ ﻓﻲ ﺍﻳﺪﻳﻬﻮ ﻭﻳﻘﻮﻝ .. ﻟﻜﻦ ﺑﺎﻗﻲ ﻟﻚ ﺑﺪﻭﻧﻲ ﻟﻴﻬﺎ ؟ ﻣﺎﻣﻤﻜﻦ .. ﻣﺴﺘﺤﻴﻞ .. ﺩﻩ ﻋﺸﻢ ﺍﺑﻠﻴﺲ ﻓﻲ ﺍﻟﺠﻨﺔ .. ﻭﺻﻔﻴﻪ ﺧﺎﺗﻪ ﺍﻳﺪﻫﺎ ﻓﻮﻕ ﺧﺸﻤﻬﺎ ﻭﺗﻌﺎﻳﻦ ﻟﻴﻬﻮ .. ﻣﺸﻰ ﻃﻠﻊ ﻋﻠﻰ ﺍﻟﺪﻳﻮﺍﻥ ﻃﻮﺍﻟﻲ .. ﻫﻨﺎﻙ ﻣﺤﻞ ﻧﻮﻣﻪ . ﻟﻜﻦ ﺍﻟﻠﻴﻞ ﻛﻠﻮ ﻣﺎﻫﺠﺲ ﻻﻏﻤﺪ ﻻﻧﻌﺲ . ﻭﺗﻔﻜﻴﺮﻭ ﻛﻠﻪ ﻓﻲ ﺑﺪﻭﺭ .. ﻭﺧﻴﺎﻟﻮ ﺑﺪﻭﺭ .. ﺑﺪﺭﻳﻪ . ﻭﺍﻟﺼﺒﺎﺡ ﻗﺎﻡ ( ﻓﺮﺗﺮﺏ ) . ﺍﻟﺘﻘﻮﻝ ﻣﺎﻛﺎﻥ ﻣﺴﺎﻫﺮ .. ﻳﺼﻔﺮ ﻭﻳﻐﻨﻲ ﻭﻣﺮﺓ ﻳﺪﻭﺑﻲ .. ﻭﺭﻛﺐ ﻭﻧﺰﻝ ﻋﻠﻰ ﺍﻟﺰﺭﺍﻋﺔ .. ﻭﺩﻩ ﻛﺎﻥ ﺍﺟﻤﻞ ﻳﻮﻡ ﻣﺮﺓ ﻋﻠﻴﻬﻮ ﻓﻲ ﺍﻳﺎﻡ ﺣﻴﺎﺗﻪ .. ﻭﺧﻠﺺ ﺷﻐﻠﻪ ﻭﺟﺎ ﺭﺍﺟﻊ . ﻓﻄﺮ ﻭﺍﺧﺪ ﻧﻮﻣﺔ ﻛﺪﺍ ﺧﻔﺎﻓﻴﻪ . ﻭﺍﻟﻀﻬﺮﻳﺔ ﻛﺪﺍ ﺳﻤﻊ ﺻﻮﺕ ﺑﺪﺭﻳﺔ ﺟﺎﺕ ﻟﻲ ﺻﻔﻴﻪ .. ﻭﻗﺎﻋﺪﺓ ﻣﻌﺎﻫﺎ ﻓﻲ ﺍﻻﻭﺿﺔ ﺍﻟﻘﺪﺍﻡ . ﻟﻜﻦ ﺧﺠﻞ ﺍﺑﺎ ﻳﻤﺸﻲ ﻋﻠﻴﻬﻦ .. ﺑﻘﻰ ﻳﺘﺒﺴﻢ ﺑﺮﺍﻫﻮ .. ﻭﻛﺎﻥ ﻫﻦ ﺑﺘﻮﻧﺴﻦ ﺑﻲ ﻧﻔﺲ ﺍﻟﻤﻮﺿﻮﻉ .. ﻭﺻﻔﻴﺔ ﺣﻜﺖ ﻟﻲ ( ﺑﺪﻭﺭ ) ﻛﻞ ﺍﻟﺤﺼﻞ ﺍﻣﺒﺎﺭﺡ .. ﻭﺑﺪﺭﻳﺔ ﺑﺮﺿﻮ ﻋﺎﻳﺰﺓ ﺗﻄﻴﺮ ﻣﻦ ﺍﻟﻔﺮﺡ .. ﻭﻗﺎﻟﺖ ﻟﻴﻬﺎ ﺍﻧﺎ ﻣﺎﺷﻪ ﺍﻛﻠﻢ ﺍﻣﻲ ﻳﺎﺻﻔﻴﻪ .. ﺍﻧﺎ ﻓﺮﺣﺎﻧﺔ ﺷﺪﻳﺪ ﻳﺎﺻﻔﻴﺔ .. ﺍﻣﻬﺎ ﺳﻌﺎﺩ ﺑﺖ ﺍﻟﻌﻤﺪﺓ ﻳﻮﺳﻒ .. ﺑﺮﺿﻬﺎ ﺍﺑﻮﻫﺎ ﻛﺎﻥ ﻋﻤﺪﺓ ﺑﻠﺪ ﻭﻣﺮﺑﻴﺔ ﻓﻮﻕ ﺍﻟﻐﻨﻰ ﻭﺍﻟﻨﻌﻴﻢ ﻭﻣﺘﺰﻭﺟﺔ ﺭﺍﺟﻞ ﻣﻦ ﺍﻋﻴﺎﻥ ﺍﻟﺒﻠﺪ .. ﻭﺍﻟﺒﻨﻴﺔ ﺑﺪﺭﻳﺔ ﺭﺑﺎﻧﺔ ﻓﻮﻕ ﺍﻟﺒﻄﺮ ﻭﺍﻟﻨﻐﻨﻐﺔ .. ﻭﻧﺎﺍﺍﺍﺍﺍﻋﻤﺔ ﺍﻟﻨﺴﻴﻢ ﻛﺎﻥ ﻣﺮﺍ ﻓﻮﻗﺎ ﻳﺠﺮﺡ ﺧﺪﻭﺩﻫﺎ .. ﻭﻣﺎﻫﻮ ﺷﻲ ﺟﺎﻳﻴﻬﺎ ﺟﺪﻳﺪ ﻣﻮﺭﻭﺙ ﻛﺎﺑﺮﻥ ﻋﻦ ﻛﺎﺑﺮ .. ﻭﻣﺎﻫﺎ ﻣﺴﺘﺠﺪﺓ ﻧﻌﻤﺔ .. ﺍﻫﺎ ﺍﻣﻬﺎ ﺩﻱ ﻣﺮﺓ ﻗﻮﻣﺎﺑﻴﻪ .. ﻭﻣﺮﺓ ﻓﻨﺠﺮﻳﺔ .. ﻭﺍﻟﺰﻭﻝ ﺍﻟﺰﻱ ﺍﻟﺠﻴﻠﻲ ﺩﻩ ﻓﻲ ﺍﻟﺸﺎﺭﻉ ﻣﺎﺑﺴﻠﻤﻮﺍ ﻋﻠﻴﻬﻮ ﺍﻟﻨﺎﺱ ﺩﻳﻞ .. ﺍﻟﺒﺖ ﻣﺎﺷﺔ ﺗﻜﻠﻢ ﺍﻣﻬﺎ ﺗﻘﻮﻟﻬﺎ ﺻﻔﻴﺔ ﻗﺎﻟﺖ ﺍﻟﺠﻴﻠﻲ ﺍﺧﻮﻫﺎ ﻗﺎﻝ ﺩﺍﻳﺮﻧﻲ .. ﻭﻗﺪﺭ ﻣﺎ ﺻﻔﻴﺔ ﺍﻗﻨﻌﺖ ﺍﻟﺒﺖ ﻭﻗﺎﻟﺖ ﻟﻴﻬﺎ ﻣﺎﺗﺴﺘﻌﺠﻠﻲ .. ﻭﺍﺻﺒﺮﻱ ﺷﻮﻳﺔ .. ﺑﺪﺭﻳﺔ ﻗﺎﻟﺖ ﻟﻴﻬﺎ ﺍﻭﻻ ﺍﻧﺎ ﺍﻣﻲ ﻻﺯﻡ ﺍﻛﻠﻤﻬﺎ ﺑﺎﻱ ﺣﺎﺟﺔ ﻭﻫﻲ ﺑﺘﻜﻠﻢ ﺍﺑﻮﻱ .. ﻋﺸﺎﻥ ﻣﺎ ﺍﻛﻮﻥ ﺑﺴﻮﻱ ﻟﻲ ﻓﻲ ﺣﺎﺟﺔ ﺍﻫﻠﻲ ﻣﺎﻋﺎﺭﻓﻨﻬﺎ .. ﺑﻌﺪﻳﻦ ﻳﺎﺻﻔﻴﺔ ﻋﺸﺎﻥ ﻣﺎﻳﺠﻲ ﺯﻭﻝ ﻳﻄﻠﺒﻨﻲ ﻣﻦ ﺍﺑﻮﻱ ﻭﺍﺑﻮﻱ ﻃﻮﺍﻟﻲ ﻳﺪﻳﻬﻮ ﺍﺣﺴﻦ ﺍﺑﻮﻱ ﻳﻌﺮﻑ ﺍﻧﻲ ﻋﻨﺪﻱ ﺯﻭﻝ ﻋﺎﻳﺰﺍﻫﻮ .. ﻭﺗﺎﻧﻲ ﺍﻟﻴﺤﺼﻞ ﻳﺤﺼﻞ .. ﻭﻃﺒﻌﺎ ﺍﺑﻮﻫﺎ ﺩﺍ ﺯﻭﻝ ﺻﻌﺐ ﺻﻌﻮﺑﻴﺔ ﺷﺪﻳﺪﺓ ﺧﻼﺹ .. ﻳﺎﺧﻲ ﺩﻩ ﻗﺎﻟﻮ ﻭﻛﺖ ﻳﻜﻮﻥ ﻓﻲ ﺍﺟﺘﻤﺎﻉ .. ﻭﺍﻟﻨﺎﺱ ﺗﺘﻨﺎﻗﺶ ﻭﻫﻮ ﻳﻜﻮﻥ ﻣﺎﻓﻴﺶ .. ﺍﻟﻨﺎﺱ ﻛﻠﻬﺎ ﺗﻘﻮﻝ ﻣﺎﺩﺍﻡ ﺍﻟﺰﻋﻴﻢ ﺍﺣﻤﺪ ﻣﺎﻓﻴﺶ ﺷﻮﺭﺗﻜﻢ ﻣﺎﺑﺘﻢ .. ﻭﻫﻮ ﻟﻤﻦ ﻳﻜﻮﻥ ﻗﺎﻋﺪ .. ﻓﺪ ﻧﻬﺮﺓ ﺑﺴﻜﺖ ﺍﻟﺮﺟﺎﻝ ﺟﺖ .. ﻭﻓﻲ ﺍﻟﻨﻬﺎﻳﻪ ﺭﺍﻳﻮ ﻫﻮ ﺍﻟﺒﻤﺸﻲ .. ﻭﻛﺖ ﻳﺠﻲ ﻓﻲ ﻧﺎﺱ ﺍﻟﺠﻮﺩﻳﺔ ﺍﻫﻞ ﺍﻟﻜﺘﻴﻞ ﺑﻌﻔﻮ ﺍﻟﺮﻗﺒﻪ ﺍﻛﺮﺍﻡ ﻟﻴﻬﻮ ﻭﻫﻴﺒﺔ ﺣﻀﻮﺭﻭ .. ﻻﻧﻪ ﺑﺎﻟﺠﺪ ﺯﻭﻝ ﻗﺎﺳﻴﻪ .. ﻭﻓﺎﺭﺳﺎ " ﻋﻴﻨﻮ ﺣﻤﺮﺓ .. ﻭﺍﻟﻠﻴﻠﻪ ﺣﻴﺼﻠﻮ ﺍﻟﺨﺒﺮ ﺍﻧﻮ ﺍﻟﺠﻴﻠﻲ .. ﺩﺍﻳﺮ ﻳﻌﺮﺱ ﺑﺘﻮ ﺑﺪﺭﻳﺔ .. ﺍﺻﻼ ﺍﻟﺰﻋﻴﻢ ﻋﻨﺪﻭ ﺑﺘﻴﻦ .. ﻟﻴﻠﻰ ﻣﺘﺰﻭﺟﺔ ﻣﻦ ﺯﻭﻝ ﺭﺟﻞ ﺍﻋﻤﺎﻝ ﻭﺳﺎﻛﻨﺔ ﺍﻟﺨﺮﻃﻮﻡ .. ﻭﺑﺪﺭﻳﺔ ﺩﻱ .. ﻭﻋﻨﺪﻭ ﻭﻟﺪ ﻭﺍﺣﺪ ﻓﻲ ﺍﻟﻴﺎﺑﺎﻥ .. ﻟﻴﻬﻮ 12 ﺳﻨﺔ .. ﻳﻼ ﺑﺪﺭﻳﺔ ﻣﺼﺮﺓ ﺗﻤﺸﻲ ﺗﻔﺖ ﺍﻟﻤﻮﺿﻮﻉ . ( ﻭﺍﻟﻜﻼﻡ ﺩﺧﻞ ﺍﻟﺤﻮﻭﻭﻭﺵ ) | ||||
|
| |
|
25-02-17, 07:22 AM
| #3 | ||||
| ﺿﻴﺎﻉ ﺍﻟﺪﺭ ﺍﻟﺤﻠﻘﺔ ﺍﻟﺘﺎﻟﺘﻪ .. ~~ ﻭﻛﺖ ﻣﺸﺖ ﺑﺪﺭﻳﻪ ﻋﺸﺎﻥ ﺗﻜﻠﻢ ﺁﻣﻬﺎ ﺑﺎﻟﻤﻮﺿﻮﻉ ﻟﻘﺖ ﺃﻣﻬﺎ ﻣﺘﺤﻨﻨﻪ ﻭﺍﻟﻮﺍﻃﺎ ﻋﺼﺮ .. ﻭﻟﻘﺘﻬﺎ ﺑﺮﺍﻫﺎ ﻗﻌﺪﺕ ﺟﻤﺒﻬﺎ ﻭﺗﻔﺮﻙ ﻓﻲ ﻳﺪﻳﻨﻬﺎ ﻭﺍﻷﻡ ﺗﺒﻞ ﻓﻲ ﺃﺻﺒﻌﻬﺎ ﺑﻲ ﺭﻳﻘﺎ ﻭﺗﻬﺒﺶ ﻓﻲ ﺍﻟﺤﻨﻪ .. ﻭﺗﺘﻔﺘﻒ .. ﻗﺎﻟﺖ ﻟﻬﺎ ﻣﺎﻟﻚ ﻳﺎ ﺑﺪﺭﻳﻪ ﻻﺯﻡ ﺣﺎﺻﻠﻪ ﻟﻴﻚ ﻣﺸﻜﻠﻪ .. ﻗﺎﻟﺖ ﻟﻬﺎ ﻳﻤﻪ ﻳﺎ ﺣﺒﻴﺒﺘﻲ ﺃﻧﺎ ﺩﺍﻳﺮﻩ ﺃﻗﻮﻟﻚ ﻛﻼﻡ .. ﻋﻼ ﺧﺎﻳﻔﺎﻙ ﺗﻘﻬﻤﻴﻨﻲ ( ﺗﺤﺮﺟﻴﻨﻲ ) ﻗﺎﻟﺖ ﻟﻬﺎ ﻗﻮﻟﻲ ﺃﻧﺎ ﺃﻣﻚ ﻳﺎ ﺑﺖ ﻗﺎﻟﺖ ﻟﻬﺎ ﺍﻟﺠﻴﻠﻲ ﺃﺧﻮ ﺻﻔﻴﻪ ﺻﺎﺣﺒﺘﻲ ﺑﺘﻌﺮﻓﻴﻬﻮ !؟ ﺃﻣﻬﺎ ﻗﺎﻟﺖ ﻟﻴﻬﺎ ﺑﻌﺮﻓﻮ ﻣﺎﻟﻮ؟ ﻗﺎﻟﺖ ﻟﻬﺎ ﺻﻔﻴﻪ ﻗﺎﻟﺖ ﺑﻨﻀﻢ ﺑﻲ ﺃﻧﺎ ﻃﻮﺍﺍﻟﻲ ﻗﺎﻟﺖ ﻗﺎﻟﻮ ﺑﺪﻭﺭﻧﻲ ﻗﺎﻟﺖ ﻟﻬﺎ ﻳﺪﻭﺭ ﺑﻴﻚ ﺷﻨﻮ؟ ﺗﺪﻭﺭ ﻓﻮﻗﻮ ﺍﻟﻌﺼﺎﺭﻩ ( ( ﺩﻱ ﻋﺼﺎﺭﺓ ﺍﻟﺰﻳﺖ ﺑﺴﻮﻗﻬﺎ ﺍﻟﺠﻤﻞ ) ) ﻫﻬﻬﻬﻬﻬﻬﻪ ﻏﺎﻳﺘﻮ ﺍﻟﻤﺮﺍ ﺩﻱ ﺩﺍﻋﺎﻳﻪ ﺧﻼﺱ ﻗﺎﻟﺖ ﻟﻬﺎ ﻳﻤﻪ ﻣﺎ ﺗﺪﺍﻋﻴﻬﻮ ﺃﻧﺎ ﺯﺍﺗﻲ ﺑﺮﻳﺪﻭ ﻗﺎﻟﺖ ﻟﻬﺎ ﺍﻟﻠﻪ ﺍﻟﻠﻪ ﺑﺘﻲ ﺃﻧﺎ ﻛﻤﺎﻥ ﺑﺘﺘﻜﻠﻢ ﻛﺪﻱ ﻳﺎ ﺑﺖ ﺇﻧﺘﻲ ﺍﻟﻜﻼﻡ ﺩﺍ ﻟﺴﻊ ﻣﺎ ﺑﻘﻴﺘﻲ ﻟﻴﻬﻮ ﺑﻌﺪﻳﻦ ﺍﻟﺠﻴﻠﻲ ﺷﻨﻮ ﻛﻤﺎﻥ ﺍﻟﺒﺘﺴﻤﻲ ﺑﻴﻬﻮ ﺩﺍ !؟ ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺃﻣﻲ ﺃﻧﺎ ﺑﺮﻳﺪﻭ ﺃﻛﺘﺮ ﻣﻦ ﻣﺎ ﻫﻮ ﺑﺮﻳﺪﻧﻲ ﻭﻣﺎ ﺑﻌﺮﺱ ﻏﻴﺮﻭ ﻛﻠﻮ ﻛﻠﻮ .. ﻭﻛﺎﻥ ﻭﻗﻔﺘﻮ ﺿﺪﻱ ﻓﻲ ﺍﻟﻤﻮﺿﻮﻉ ﺩﺍ ﺃﻧﺎ ﺑﻨﺘﺤﺮ ﺑﻨﺘﺤﺮ ﺩﺍ ﻛﻼﻣﻲ ﻭﺁﺳﻤﻌﻴﻬﻮ .. ﻗﺎﻟﺖ ﻟﻬﺎ ﻳﻌﻨﻲ ﺑﺘﻬﺪﺩﻳﻨﻲ ﻳﺎ ﺑﺪﺭﻳﻪ ؟ ﻣﺎ ﺗﻨﺘﺤﺮﻱ ﻛﺎﻥ ﻣﻨﺘﺤﺮﻩ .. ﺑﻌﺪﻳﻦ ﻳﺎ ﺑﺘﻲ ﺍﻷﻣﻮﺭ ﻣﺎ ﺑﺤﻠﻮﻫﺎ ﻛﺪﻱ ﺇﻧﺘﻲ ﻛﺪﻱ ﺃﺻﺒﺮﻱ ﺷﻮﻳﻪ ﻭﺃﻋﺮﻓﻲ ﺍﻟﻮﻟﺪ ﻭﺃﺧﻼﻗﻮ ﻭﺃﻋﺮﻓﻴﻬﻮ ﺑﻘﺪﺭ ﻳﻌﻴﺸﻚ ﺯﻱ ﺍﻟﻌﻴﺸﻪ ﺍﻟﻌﺎﻳﺸﺎﻫﺎ ﻋﻨﺪ ﺃﻫﻠﻚ ﺩﺍ ﺯﻭﻝ ﻓﻘﺮﺍﻥ ﻭﻣﻘﻄﻊ ﻭﺍﻟﻠﻪ ﻳﻌﻴﺸﻚ ﺑﺎﻟﺠﻮﻉ ﻭﻳﺒﻴﺘﻚ ﺍﻟﻘﻮﺍ .. ﻗﺎﻟﺖ ﻟﻬﺎ ﻳﺎ ﻳﻤﻪ ﺃﻧﺎ ﻗﺒﻼﻧﻪ ﺑﺄﻱ ﻭﺿﻊ ﺑﺲ ﺍﻟﺰﻭﻝ ﺩﺍ ﺃﻧﺎ ﺩﺍﻳﺮﺍﻫﻮ ﺩﺍﻳﺮﺍﻫﻮ ﻭﺃﻧﺎ ﺑﻌﺮﻓﻮ ﻣﻦ ﺃﻧﺎ ﺷﺎﻓﻌﻪ ﺃﻧﺎ ﻣﻦ ﻣﺘﻴﻦ ﻣﻊ ﺻﻔﻴﻪ ﻫﺴﻊ ﺗﻤﻴﺖ ﻣﻌﺎﻫﺎ ﺧﻤﺴﻪ ﺳﻨﻪ ﻭﻧﺤﻦ ﺃﺻﺤﺎﺏ ﺁﺻﺤﺎﺏ ﻳﻮﻡ ﻫﻲ ﻣﻌﺎﻱ ﻭﻳﻮﻡ ﺃﻧﺎ ﻣﻌﺎﻫﺎ ﺑﺎﻗﻲ ﻟﻴﻚ ﻣﺎ ﺑﻌﺮﻑ ﺃﺧﻮﻫﺎ !؟ ﻭﺍﻟﻠﻪ ﺭﺍﺟﻞ ﺑﻤﻌﻨﻰ ﺍﻟﻜﻠﻤﻪ ﻭﺃﻧﺎ ﻓﻲ ﺍﻟﺤﻠﻪ ﺩﻱ ﻣﺎ ﻓﻪ ﺭﺍﺟﻞ ﺑﺸﺒﻬﻮ ﻭﻻ ﺭﺍﺟﻞ ﺑﻘﺮﺏ ﻟﻴﻬﻮ ﺃﻣﻬﺎ ﺑﻘﺖ ﺗﻌﺎﻳﻦ ﻟﻴﻬﺎ ﻭﻟﻘﺖ ﺍﻟﺒﺖ ﻣﻮﺿﻮﻋﻬﺎ ﻣﻮﻛﺮ ﺷﺪﻳﺪ ﻭﻣﺴﺘﻌﺼﻲ ﻏﺎﻳﺔ ﺍﻹﺳﺘﻌﺼﺎﺍﺀ ﻭﻓﻜﺮﺕ ﻟﻮ ﻛﻠﻤﺖ ﺃﺑﻮﻫﺎ ﺃﺑﻮﻫﺎ ﺑﻌﻤﻞ ﻣﺸﻜﻠﻪ ﻛﺒﻴﺮﻩ ﻭﺭﺑﻤﺎ ﺗﺄﺛﺮ ﻋﻠﻲ ﺍﻟﺒﺖ .. ﻭﺍﻟﺒﺖ ﻋﻨﻴﺪﻩ ﻭﻣﺪﻟﻌﻪ ﻭﻣﻤﻜﻦ ﺟﺪﺍ ﺗﻌﻤﻞ ﻓﻲ ﺭﻭﺣﻬﺎ ﺣﺎﺟﻪ ﻣﺎ ﻳﺎﻫﺎ .. ﻷﻧﻬﺎ ﻟﺴﻊ ﻃﺎﻳﺸﻪ ﻭﻃﺒﻌﺘﻬﺎ ﺻﻌﺒﻪ ﺃﺳﺎﺳﺎ ﻭﺍﺭﺛﺎﻫﺎ ﻣﻦ ﺃﺑﻮﻫﺎ ﻭﺍﻣﻬﻬﺎ ﻋﺎﺭﻓﻪ ﻛﺪﺍ ﻛﻮﻳﺲ ﻭﺍﻟﻤﻮﺿﻮﻉ ﻓﻲ ﺍﻟﻨﻬﺎﻳﺔ ﺣﺴﺎﺱ ﺟﺪﺍ ﻓﻘﺎﻣﺖ ﺃﻣﻬﺎ ﻓﻜﺮﺕ ﻭﻗﺎﻟﺖ ﻟﻬﺎ ﺧﻼﺱ ﻳﺎ ﺑﺪﺭﻳﻪ ﺃﻧﺎ ﻣﻮﺍﻓﻘﻪ ﻋﻠﻲ ﺍﻟﻤﻮﺿﻮﻉ ﻣﻮﺍﻓﻘﻪ ﻣﺒﺪﺋﻴﻪ ﻟﻜﻦ ﻃﺎﻟﺒﻪ ﻣﻨﻚ ﻃﻠﺐ ﺍﻟﻜﻼﻡ ﺩﺍ ﻫﺴﻲ ﻣﺎ ﻧﻜﻠﻢ ﺑﻴﻬﻮ ﺃﺑﻮﻙ ﻟﻐﺎﻳﺔ ﻣﺎ ﺗﺘﺄﻛﺪﻱ ﻭﺗﺸﻮﻓﻲ ﻗﺮﺍﺭﻙ ﺍﻻﺧﻴﺮ ﺃﻧﺎ ﻣﻦ ﻧﺎﺣﻴﺔ ﺃﺩﺑﻮ ﻭﺃﺧﻼﻗﻮ ﻭﺍﺍﺛﻘﻪ ﻓﻴﻬﻮ ﻭﻋﺎﺭﻓﺎﻫﻮ ﻣﻦ ﺷﺎﻓﻊ ﻟﻜﻦ ﺍﻟﻤﺸﻜﻠﻪ ﺍﻟﻔﻠﺲ ﺍﻟﻠﻌﻴﻦ ﻗﺎﻟﺖ ﻟﻬﺎ ﺧﻼﺱ ﻳﺎ ﺃﻣﻲ ﺇﻧﺘﻲ ﻛﻠﻤﻲ ﺃﺑﻮﻱ ﺣﺒﻪ ﺣﺒﻪ ﻣﺎ ﺗﺮﻣﻴﻬﺎ ﻟﻴﻬﻮ ﺭﺭﺏ ﻛﺪﺍ .. ﻳﻌﻨﻲ ﺍﻧﺘﻲ ﺑﺘﻌﺮﻓﻲ ﺗﻘﻨﻌﻲ ﺃﺑﻮﻱ ﻗﺎﻟﺖ ﻟﻬﺎ ﺃﻧﺴﻲ ﺍﻟﻤﻮﺿﻮﻉ ﺑﺘﺎﻉ ﺃﺑﻮﻙ ﺩﺍ ﻋﻠﻲ ﺃﻧﺎ ﺑﺲ ﺍﻧﺘﻲ ﺃﻋﻤﻠﻲ ﺣﺴﺎﺑﻚ ﻋﻠﻲ ﺭﻭﺣﻚ .. ﻣﺎ ﺗﺨﻴﺒﻲ ﻇﻨﻲ ﻓﻴﻚ ﻭﺗﻤﺸﻲ ﺗﺠﺮﻱ ﻭﺭﺍ ﺍﻟﻮﻟﺪ ﻗﺎﻟﺖ ﻟﻬﺎ ﺃﻥ ﺑﺘﻚ ﺁﺍﻟﺰﻋﻴﻢ ﺩﻱ ﻣﻨﻮ ﺩﻱ ﺍﻟﺒﺘﺠﺮﻱ ﻭﺭﺍ ﺍﻻﻭﻻﺩ ؟ ﻭﺣﺎﺕ ﺍﻟﻠﻪ ﻱ ﺃﻣﻲ ﻟﻐﺎﻳﺔ ﺍﻟﻠﻴﻠﻪ ﻣﺎ ﻗﺎﺑﻠﻨﻲ ﻭﺵ ﻟﻮﺵ ﻭﻻ ﺍﺗﻜﻠﻢ ﻣﻌﺎﻱ ﻭﻻ ﺇﺗﻜﻠﻤﺖ ﻣﻌﺎﻫﻮ ﺑﺲ ﺑﺸﻮﻑ ﻛﻼﻣﻮ ﻣﻊ ﺃﻣﻮ ﻭﺃﺧﺘﻮ ﻭﻧﺎﺱ ﺍﻟﺒﻴﺖ ﻋﺸﺎﻥ ﻛﺪﻱ ﺭﺩﺗﻮ ﻣﻦ ﺟﻮﻭﻭﻩ ﻗﻠﺒﻲ ﻗﺎﻟﺖ ﻟﻬﺎ ﺃﻧﺎ ﻟﻮ ﻋﻨﺪﻱ ﻓﻴﻚ ﺷﻚ ﻗﺪﺭ ﺩﺍ ( ﻭﻣﺪﺕ ﺍﻟﺴﺒﺎﺑﻪ ﻟﻔﻮﻕ ) ﻣﺎ ﻛﻨﺖ ﺑﺨﻠﻴﻚ ﺗﻤﺸﻲ ﻟﻲ ﺑﻴﺖ ﺍﻟﻨﺎﺱ ﺩﻳﻞ ﺍﻟﻤﻬﻢ ﺑﺪﻭﺭ ﻓﺮﺣﺖ ﺷﺪﻳﺪ ﻭﻇﻨﺖ ﺇﻧﻮ ﺃﻣﻬﺎ ﺩﺍﻋﻤﺎﻫﺎ ﻭﻣﻮﺍﻓﻘﻪ ﻋﻠﻲ ﺍﻟﺠﻴﻠﻲ !! ﻭﺍﻷﻡ ﻣﻦ ﺍﻟﻮﻛﺖ ﺩﺍﻙ ﻭﺷﺎﻟﺖ ﺍﻟﻬﻢ ﻭﺑﺪﺕ ﺗﻔﻜﺮ ﻓﻲ ﺍﻟﺘﻔﺎﻛﻴﺮ ﺍﻟﻄﻮﻳﻠﻪ ﻭﻋﺮﻳﻀﻪ ﻭﻣﻦ ﺍﻟﻴﻮﻡ ﺩﺍﻙ ﻭﺍﻟﺒﺪﻭﺭ ﻋﺎﻳﺸﻪ ﻓﻲ ﺍﻟﺤﺐ ﻭﺍﻟﺮﻳﺪ ﻭﻛﻞ ﻳﻮﻡ ﺗﺰﺩﺍﺩ ﻫﻴﺎﻡ ﻭﺷﺠﻦ ﻭﺗﺸﻜﻲ ﻣﻦ ﻃﻮﻝ ﺍﻟﺒﻌﺎﺍﺩ ﻭﺭﺍﺟﻴﻪ ﺃﻣﻬﺎ ﺗﻜﻠﻢ ﺃﺑﻮﻫﺎ ﻭﻛﻞ ﻳﻮﻡ ﺗﺴﺄﻟﻬﺎ ﻳﺎ ﺃﻣﻲ ﻣﺎ ﻛﻠﻤﺘﻲ ﺃﺑﻮﻱ؟ ﺗﻘﻮﻝ ﻟﻴﻬﺎ ﺃﺻﺒﺮﻱ ﺃﻧﺎ ﺷﻐﺎﻟﻪ ﻟﻴﻚ ﻓﻲ ﺍﻟﻤﻮﺿﻮﻉ ﺣﺒﻪ ﺣﺒﻪ ﻣﺎ ﺗﺴﺘﻌﺠﻠﻲ ﻋﺸﺎﻥ ﺍﻷﻣﻮﺭ ﻣﺎ ﺗﺒﻮﻅ ﺃﻫﺎ ﺍﻟﺠﻴﻠﻲ ﻃﺒﻌﺎ ﻓﻮﻕ ﺍﻟﻘﻮﺯ ﺭﺟﻊ ﻃﺒﻴﻌﻲ ﻭﺑﻘﻲ ﺯﻭﻝ ﺑﺸﻮﺵ ﻭﻳﺤﻜﻲ ﻭﻳﺘﻮﻧﺲ ﻭﻳﻀﺤﻚ ﻭﺻﺎﺣﺒﻮ ﻗﺴﻢ ﻻﺣﻆ ﺍﻟﻤﻮﺿﻮﻉ ﺩﺍ ﻭﺣﺲ ﺑﺄﻧﻮ ﺃﻣﻮﺭﻭ ﻣﺎﺷﻪ ﺗﻤﺎﻡ ﺑﻌﺪ ﻛﻢ ﻳﻮﻡ ﻛﺪﺍ ﻧﺎﺩﺍﻫﻮ ﺑﺮﺍﻫﻮ ﻭﺳﺄﻟﻮ ﻗﺎﻟﻴﻬﻮ ﻣﻮﺿﻮﻋﻚ ﺍﻟﺤﻜﻴﺘﻮ ﻟﻲ ﻣﺎﺷﻲ ﻛﻴﻒ !؟ ﻗﺎﻟﻴﻬﻮ ﻭﺍﻟﻠﻪ ﺍﻟﺤﻤﺪ ﻟﻠﻪ ﺍﻻﻣﻮﺭ ﻇﺎﺍﺑﻄﻪ ﻟﻐﺎﻳﺔ ﻫﺴﻊ ﻭﻛﻼﻣﻚ ﺻﺢ ﻋﻼﻗﺘﻲ ﺑﻲ ﺻﻔﻴﻪ ﺧﺪﻣﺖ ﺍﻟﻤﻮﺿﻮﻉ ﺧﺪﻣﺔ ﻋﺠﻴﺒﻪ ﻋﺎﺭﻑ ﻃﺮﻳﻘﺔ ﺍﻟﺘﻮﺍﺻﻞ ﺍﻟﻤﻌﺘﺎﺩﺓ؟ ﺃﻧﺎ ﺑﺘﻮﻧﺲ ﻣﻊ ﺻﻔﻴﻪ ﻋﻦ ﺑﺪﺭﻳﻪ .. ﺻﻔﻴﻪ ﺑﺘﺸﻴﻞ ﺍﻟﻮﻧﺴﻪ ﺑﺎﻟﻜﺮﺑﻮﻥ ﻟﺒﺪﺭﻳﻪ ﻭﺍﻟﻌﻜﺲ .. ( ﻫﻬﻬﻪ ﻭﺍﻟﻠﻪ ﻗﻤﺔ ﺍﻟﻨﻘﺎﺀ ﻓﻲ ﺍﻟﺘﻮﺍﺻﻞ ) ﻻ ﺭﺳﺎﻳﻞ ﻧﺼﻴﺔ ﺗﺎﻓﻬﻪ ﻭﻻ ﻭﺍﺗﺴﺎﺏ ﻳﻌﻨﻲ ﺗﻮﺍﺻﻞ ﻣﻬﺬﺏ ﻷﻧﻮ ﺍﻟﻮﺳﻴﻠﺔ ﺍﻟﻨﺎﻗﻠﻪ ﻫﻲ ﺍﻷﺧﺖ ﺯﻣﺰ ﺍﻟﻌﻔﺔ ﻭﺍﻹﺣﺘﺮﺍﻡ .. ﻭﻫﻨﺎﻙ ﻣﺎ ﺯﺍﻟﺖ ﺑﺪﺭﻳﻪ ﻣﻀﺎﻳﻘﻪ ﺃﻣﻬﺎ ﻓﻲ ﺇﻧﻬﺎ ﺗﻜﻠﻢ ﺃﺑﻮﻫﺎ ﻭﺃﻣﻬﺎ ﺗﺼﺒﺮ ﻓﻴﻬﺎ ﻟﻐﺎﺍﻳﺔ ﻣﺎ ﺣﺼﻞ ﺍﻟﺤﺼﻞ !! ﺇﻟﻲ ﺍﻟﻠﻘﺎﺍﺍﺀ | ||||
|
| |
|
25-02-17, 07:24 AM
| #4 | ||||
| ﺿﻴﺎﻉ ﺍﻟﺪﺭ ﺍﻟﺤﻠﻘﺔ ﺍﻟﺮﺍﺑﻌﺔ ﺑﻘﻠﻢ ﻃﺎﺭﻕ ﺍﻟﻠﺒﻴﺐ .. ﺗﺘﺴﺎﺭﻉ ﺍﻻﻳﺎﻡ .. ﻳﻮﻡ ﺑﺎﻟﻠﻴﻞ ﻭﻓﻲ ﺳﺎﻋﺔ ﺻﻔﺎ ﺑﻴﻦ ﺍﻟﺰﻋﻴﻢ ﺣﺎﺝ ﺍﺣﻤﺪ ﻭﺯﻭﺟﺘﻪ .. ﻗﺎﻟﺖ ﻟﻪ ﻧﺤﻦ ﻋﻨﺪﻧﺎ ﻣﺸﻜﻠﺔ ﻭﺍﻧﺖ ﺯﻭﻝ ﺳﻴﺎﺳﻲ ﺩﺍﻳﺮﺍﻙ ﺗﺤﻞ ﺍﻟﻤﺸﻜﻠﻪ ﺑﺴﻴﺎﺳﺘﻚ ﻭﻣﺎﺗﻨﻔﻌﻞ ﻋﺸﺎﻥ ﻛﺎﻥ ﺍﻧﻔﻌﻠﺖ ﻧﺤﻦ ﺑﻨﻔﻘﺪ ﺍﻱ ﺣﺎﺟﺔ .. ﻗﺎﻝ ﻟﻴﻬﺎ ﻗﻮﻟﻲ ﻓﻲ ﺷﻨﻮ ﻭﺳﻴﺒﻲ ﺍﻟﻤﻘﺪﻣﺎﺕ ﺍﻟﻤﺎﻋﻨﺪﻫﺎ ﻃﻌﻢ ﺩﻱ .. ﻗﺎﻟﺖ ﻟﻴﻬﻮ ﺑﺪﺭﻳﺔ ﺩﻱ ﺧﺎﺗﻪ ﻋﻴﻨﻬﺎ ﻋﻠﻰ ﺍﻟﺠﻴﻠﻲ ﻭﺍﻟﺠﻴﻠﻲ ﺣﺖ ﻫﻮ ﻗﺎﻟﻮ ﻣﺘﻌﻠﻖ ﻓﻴﻬﺎ .. ﻭﺍﻧﺖ ﺷﻮﻑ ﺭﺍﻳﻚ ﺑﺲ ﻣﺎ ﺩﺍﻳﺮﺍﻙ ﺗﻜﺴﺮ ﻗﻠﺐ ﺍﻟﺒﺖ ﺍﺻﻠﻬﺎ ﺣﻤﻘﺎ ﻭﺍﻧﺖ ﻋﺎﺭﻓﻬﺎ .. ﻗﺎﻟﻬﺎ ﻭﻛﺖ ﺍﻟﺠﻴﻠﻲ ﻋﻨﺪﻭ ﺷﺠﺎﻋﺔ ﻳﻌﺮﺱ ﺑﺘﻲ .. ﺍﻧﺎ ﻣﺎﻋﻨﺪﻱ ﻣﺎﻧﻊ .. ﻛﺎﻥ ﺳﺎﻟﺘﻚ ﺗﺎﻧﻲ ﻗﻮﻟﻲ ﻟﻴﻬﺎ ﺍﺑﻮﻙ ﻣﺎﻋﻨﺪﻭ ﻣﺎﻧﻊ ﻣﻮﺍﻓﻖ ﺗﺐ .. ﻭﻓﻌﻼ ﻟﻤﻦ ﺟﺎﺕ ﺑﺪﺭﻳﺔ ﺍﻣﻬﺎ ﻗﺎﻟﺖ ﻟﻴﻬﺎ .. ﺍﻫﺎ ﻳﺎﺑﺪﺭﻳﺔ ﺍﻧﺎ ﻛﻠﻤﺖ ﺍﺑﻮﻙ ﺣﺒﻪ ﺣﺒﻪ ﺯﻱ ﻣﺎﻗﻠﺘﻲ ﻟﻲ ﻭﺍﻟﺤﻤﺪ ﻟﻠﻪ ﺍﻻﻣﻮﺭ ﻣﺸﺖ ﺗﻤﺎﺍﺍﺍﻡ .. ﻭﺍﺑﻮﻙ ﻗﺎﻝ ﺍﻧﺎ ﺍﻟﺒﻬﻤﻨﻲ ﺍﻻﺧﻼﻕ ﻭﺍﻟﺠﻴﻠﻲ ﺯﻭﻝ ﺍﺧﻼﻗﻮ ﻛﻮﻳﺴﻪ .. ﺍﻧﺎ ﻣﺎﻋﻨﺪﻱ ﻣﺎﻧﻊ .. ﻧﺤﻦ ﺍﻻﺗﻨﻴﻦ ﻣﻮﺍﻓﻘﻴﻦ ﺑﺲ ﻫﺴﻲ ﺩﺍﻳﺮﻧﻚ ﺗﺨﺘﻲ ﺑﺎﻟﻚ ﻓﻲ ﺩﺭﺍﺳﺘﻚ .. ﻭﻣﺎﺗﺸﻐﻠﻲ ﺑﺎﻟﻚ ﺑﻲ ﻋﺮﺱ ﻓﻲ ﺍﻟﻮﻛﺖ ﺩﻩ .. ﺑﺪﺭﻳﺔ ﻣﺎﺻﺪﻗﺖ ﻣﺸﺖ ﻃﻮﺍﻟﻲ ﻛﻠﻤﺖ ﺻﻔﻴﺔ ﺍﺧﺖ ﺍﻟﺠﻴﻠﻲ .. ﻭﻗﺎﻟﺖ ﻟﻴﻬﺎ ﺍﻣﻲ ﻭﺍﺑﻮﻱ ﻣﻮﺍﻓﻘﻴﻦ .. ﻛﻠﻤﻲ ﺍﻟﺠﻴﻠﻲ ﻳﺠﻲ ﻳﺘﻜﻠﻢ ﻣﻌﺎﻫﻢ ﻃﻮﺍﻟﻲ .. ﺍﻫﺎ ﺻﻔﻴﻪ ﺍﻧﺘﻈﺮﺕ ﺍﻟﺠﻴﻠﻲ ﺑﻲ ﻓﺮﻕ ﺍﻟﺼﺒﺮ ﻟﻤﻦ ﺟﺎ ﺭﺍﺟﻊ ﻣﻦ ﺍﻟﺰﺭﺍﻋﺔ .. ﻭﺍﺩﺗﻮ ﺍﻟﺨﺒﺮ ﺍﻟﺒﺸﺎﺭﺓ ﺍﻟﻜﺒﻴﺮﺓ .. ﻭﺍﻟﺠﻴﻠﻲ ﻣﺸﻰ ﻛﻠﻢ ﺍﺑﻮﻫﻮ .. ﺍﺑﻮﻫﻮ ﺭﺍﺟﻞ ﻃﻴﺐ ﻃﻴﺒﻪ ﻋﺠﻴﺒﻪ .. ﺗﺮﺑﺎﻝ ﺍﻏﺒﺶ ﻭﺍﻳﺪﻳﻬﻮ ﻣﺸﻘﻘﺎﺕ ﻭﺷﻘﻴﺎﻥ ﺷﻘﺎ ﺍﻟﺴﻨﻴﻦ .. ﻭﺑﺮﺿﻮ ﺷﻐﺎﻝ ﺑﺎﻟﻴﻮﻣﻴﻪ ﺭﺯﻕ ﺍﻟﻴﻮﻡ ﺑﺎﻟﻴﻮﻡ .. ﺍﺑﻮﻫﻮ ﻗﺎﻝ ﻟﻴﻬﻮ ﻳﺎ ﺍﻟﺠﻴﻠﻲ ﻳﺎﻭﻟﺪﻱ .. ﺍﻟﺰﻭﻝ ﺑﻤﺪ ﻛﺮﺍﻋﻮ ﻗﺪﺭ ﻟﺤﺎﻓﻮ .. ﺍﻟﻨﺎﺱ ﺩﻳﻞ ﻧﺤﻦ ﻣﺎﻗﺪﺭﻫﻢ .. ﻣﺎﺗﺠﻴﺐ ﻟﻨﺎ ﺫﻟﻪ ﻭﻣﻬﺎﻧﺔ .. ﻗﺎﻟﻴﻬﻮ ﺫﻟﻪ ﻭﻣﻬﺎﻧﻪ ﻓﻲ ﺷﻨﻮ ﻳﺎﺑﺎ .. ﺍﻟﺒﺖ ﻛﻠﻤﺖ ﺍﻫﻠﻬﺎ ﻭﺍﻟﻜﻼﻡ ﻭﺻﻞ ﺍﺑﻮﻫﺎ ﻭﺍﺑﻮﻫﺎ ﺍﺑﺪﻯ ﻣﻮﺍﻓﻘﺔ .. ﻟﻮ ﻛﺎﻥ ﺍﺻﻠﻮﻻ ﻣﺎﻣﻮﺍﻓﻖ ﻛﺎﻥ ﺣﻜﺎ ﻟﻲ ﺑﺘﻮ .. ﺑﺲ ﺍﻧﺖ ﻳﺎ ﺍﺑﻮﻱ ﺗﺠﻬﺰ ﺭﻭﺣﻚ ﻭﻧﻤﺸﻲ ﻣﻌﺎﻱ ﺍﻧﺖ ﻭﺧﺎﻟﻲ ﻋﺒﺪ ﺍﻟﺮﺣﻴﻢ ﻭﻧﻄﻠﺐ ﺍﻟﺒﺖ .. ﻭﺗﺎﻧﻲ ﺭﺑﻨﺎ ﺑﻬﻮﻧﺎ ﺍﻧﺎ ﺛﻘﺘﻲ ﻓﻲ ﺭﺑﻨﺎ ﻛﺒﻴﺮﺓ .. ﺍﺑﻮﻫﻮ ﻗﺎﻝ ﻟﻴﻬﻮ ﺭﺑﻨﺎ ﻳﻮﻓﻘﻚ ﻳﺎﻭﻟﺪﻱ .. ﺍﻧﺎ ﻣﺎﻋﻨﺪﻱ ﻛﻼﻣﻯﺎﻗﻮﻟﻮ ﻟﻴﻚ ﻟﻜﻦ ﺍﻧﺖ ﻫﺴﻲ ﻣﺎﺟﺎﻫﺰ .. ﻗﺎﻝ ﻟﻴﻬﻮ ﻳﺎ ﺍﺑﻮﻱ ﺍﻧﺎ ﻣﺎﻣﺴﺘﻌﺠﻞ .. ﺑﺲ ﺩﺍﻳﺮ ﺍﺣﺠﺰ ﺍﻟﺒﺖ ﻋﺸﺎﻥ ﻣﺎﻳﺠﻲ ﺯﻭﻝ ﻳﺴﺒﻘﻨﻲ ﻋﻠﻴﻬﺎ .. ﻗﺎﻝ ﻟﻴﻬﻮ ﺧﻴﺮ ﻳﺎﻭﻟﺪﻱ ﺷﺪ ﺣﻴﻠﻚ ﻭﺍﻧﺎ ﻣﻌﺎﻙ ﻓﻲ ﺍﻟﺴﻤﺢ ﻭﺍﻟﻜﻌﺐ ﻛﺎﻥ ﻧﺠﺤﻨﺎ ﻭﻛﺎﻥ ﻓﺸﻠﻨﺎ .. ﺑﺲ ﻋﺸﺎﻥ ﻣﺎﺗﻘﻮﻝ ﺍﺑﻮﻱ ﺍﺗﺨﺎﺫﻝ .. ﻣﻊ ﺍﻧﻲ ﻣﺎﻣﻘﺘﻨﻊ ﺑﺎﻟﺘﺼﺮﻑ ﺩﻩ ﻟﻜﻦ ﻣﻌﺎﻙ ﺗﺐ ﺍﻟﺒﺘﻘﻮﻟﻮ ﺑﻨﺴﻮﻳﻬﻮ .. ﺍﻫﺎ ﻣﺮﺕ ﻳﻮﻣﻴﻦ ﺗﻼﺗﻪ ﻭﺿﺮﺑﻮ ﻣﻮﺍﻋﻴﺪ .. ﻣﻊ ﺍﻟﺰﻋﻴﻢ ﻭﻣﺸﻮ ﻟﻴﻬﻮ ﻳﻮﻡ ﺑﺎﻟﻤﺴﺎﺀ .. ﺍﻟﺠﻴﻠﻲ ﻭﺍﺑﻮﻫﻮ .. ﻭﺧﺎﻟﻮ .. ﻭﺍﻟﺰﻋﻴﻢ ﺍﺳﺘﻘﺒﻠﻬﻢ ﺑﻜﻞ ﺣﻔﺎﻭﺓ .. ﻭﺍﻛﺮﻣﻬﻢ ﻛﺮﻡ ﺯﺍﻳﺪ ﻋﻦ ﺍﻟﻠﺰﻭﻡ .. ﻭﺍﻻﺑﻮ ﺍﺗﻜﻠﻢ ﻭﻗﺪﻡ ﺍﻟﻄﻠﺐ ﻭﻗﺎﻝ ﻟﻴﻬﻮ ﺍﻟﺠﻴﻠﻲ ﻭﻟﺪﻱ ﻋﻨﺪﻭ ﺍﻟﺮﻏﺒﺔ ﻓﻲ ﻣﺨﻠﻂ ﻣﻌﺎﻙ ﻳﺎ ﺣﺎﺝ ﺍﺣﻤﺪ . ﺍﻟﺰﻋﻴﻢ ﻗﺎﻟﻮ ﻭﺍﻟﻠﻪ ﻣﻤﺎ ﻳﺸﺮﻓﻨﻲ ﻭﺍﻥ ﺷﺎﺀ ﻣﺒﺎﺭﻙ ﻭﺭﺑﻨﺎ ﻳﺘﻢ ﻋﻠﻰ ﺧﻴﺮ ﺍﻧﺎ ﺍﻟﺠﻴﻠﻲ ﺑﻌﺮﻓﻮ ﻣﻦ ﻭﻟﺪﻭﻩ ﻭﻣﺎﺩﺍﻳﺮ ﻟﻲ ﺑﺘﻲ ﺍﺣﺴﻦ ﻣﻨﻪ ﻭﺍﻧﺎ ﻣﻮﺍﻓﻖ ﺗﺐ ﻭﺍﻣﻬﺎ ﻭﺍﻋﻤﺎﻣﻬﺎ ﻛﻠﻨﺎ ﻣﻮﺍﻓﻘﻴﻦ ﺑﺲ ﺍﻧﺎ ﻋﻨﺪﻱ ﺷﺮﻭﻁ .. ﺍﻧﺎ ﺑﺘﻲ ﻣﺎﺑﺘﺴﻜﻦ ﻓﻲ ﺑﻴﺖ ﻧﺴﺎﺑﻪ ﻻﺯﻡ ﺑﻴﺘﻬﺎ ﻳﻜﻮﻥ ﺑﺮﺍﻫﺎ ﻭﻳﻜﻮﻥ ﺑﻴﺖ ﻣﻠﻚ .. ﺛﻢ ﺛﺎﻧﻴﺎ ﺍﻧﺎ ﻣﺎﺑﺪﻓﻊ ﺗﻌﺮﻳﻔﺔ ﻓﻲ ﺍﻟﻌﺮﺱ .. ﺍﻧﺖ ﺍﻟﺒﻨﺠﻬﺰ ﺍﻟﻌﺮﺱ ﻣﻦ ﻃﻘﻄﻖ ﻟﻠﺴﻼﻡ ﻋﻠﻴﻜﻢ .. ﻭﻳﻜﻮﻥ ﻓﻲ ﻋﻠﻤﻚ ﺍﻧﺎ ﻋﺮﺱ ﺑﺘﻲ ﺑﺠﻮ ﻓﻴﻬﻮ ﺧﻠﻖ ﻗﺪﺭ ﻧﺎﺱ ﺍﻟﻘﻴﺎﻣﺔ .. ﻭﺑﻘﻌﺪﻭﺍ ﺍﺳﺒﻮﻉ ﻗﺒﻞ ﺍﻟﻌﺮﺱ ﻭﺍﺳﺒﻮﻉ ﺑﻌﺪ ﺍﻟﻌﺮﺱ .. ﺩﺍﻳﺮﻳﻦ ﺗﻼﺕ ﻭﺟﺒﺎﺕ ﻓﻲ ﻛﻞ ﻳﻮﻡ .. ﻳﻌﻨﻲ ﻗﺒﻞ ﻣﺎﺗﻔﻜﺮ ﻓﻲ ﺗﺤﺪﻳﺪ ﺍﻟﻴﻮﻡ ﺑﻠﺰﻣﻚ ﻗﺮﻳﺐ ﺍﻝ 15 ﺗﻮﺭ ﻭ 30 ﺧﺮﻭﻑ ﺗﻘﺮﻳﺒﺎ ﻋﺸﺎﻥ ﺩﻩ ﻏﻴﺮ ﺍﻟﻨﺠﻬﻴﺰﺍﺕ ﺍﻟﺘﺎﻧﻴﺔ .. ﻣﻦ ﺍﻟﺪﻗﻴﻖ ﻭﺍﻟﺰﻳﺖ ﻟﻐﺎﻳﺔ ﺍﻟﻜﺒﺮﻳﺖ .. ﻋﺸﺎﻥ ﺗﻜﻔﻲ ﺍﻟﻨﺎﺱ ﺍﻟﺒﺠﻮ ﻟﻲ ﻋﺮﺳﻚ .. ﺿﻒ ﻟﻲ ﺫﻟﻚ ﻻﺯﻡ ﺑﺘﻲ ﺗﺠﻬﺰ ﺗﺠﻬﻴﺰ ﻳﻠﻴﻖ ﺑﻤﻘﺎﻣﻬﺎ ﻭﺑﻘﺪﺭ ﺍﺑﻮﻫﺎ .. ﻋﺸﺎﻥ ﻣﺎﺗﺒﻘﻰ ﻟﺒﺎﻧﺔ ﻓﻲ ﺧﺸﻮﻡ ﺍﻟﺤﺮﻳﻢ .. ﻭﻻ ﻛﻼﻣﻲ ﺩﻩ ﻏﻠﻂ ﻳﺎﺣﺎﺝ ؟.. ﺑﺘﻜﻠﻢ ﻣﻊ ﺍﺑﻮ ﺍﻟﺠﻴﻠﻲ .. ﻗﺎﻟﻠﻲ ﺍﺑﺪﺍ ﻭﺍﻟﻠﻪ ﻳﺎﺯﻋﻴﻢ ﻣﺎﻗﻠﺖ ﻛﻠﻤﺔ ﻏﻠﻂ . ﺍﻟﺠﻴﻠﻲ ﺣﺲ ﺑﺎﻧﻮ ﺟﺎﻫﻮ ﻫﺒﻮﻁ ﻭﺧﺸﻤﻮ ﺍﺗﺒﻜﻢ .. ﺍﻟﺠﻴﻠﻲ ﻗﺎﻳﻞ ﺍﻟﻘﺼﺔ ﻣﻠﻌﺒﺔ .. ﻣﻮﻋﺎﺭﻑ ﺍﻧﻮ ﺷﺒﺢ ﺷﺒﺤﺔ ﻛﺒﻴﺮﺓ ﺧﻼﺹ الي اللقاء.... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
