09-07-17, 08:23 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  \\ .البـــــــــــــــــارت الــــــســــــــادس عــــــــــــــــشـــــــ ـــــــر بسم الله نبدأ : حرارته مرا مرتفعه !! ما حطيتله كمادات ؟ او أي شيء ! من متى وهو بهذه الحالة وليد بتوتر : الا حطيتله ... من امس ؟ يعني الحين وش بيصيرله سكت الدكتور وبدأ يفحص راكان ... بعد 15 دقيقة زفر الدكتور : عطيته خافض للحراره وان شاء الله يصير احسن ... اذا ما انخفضت حرارته للمساء كلمني .. بس في شيء متعجب منه ؟ وليد : وش ؟ الدكتور وعينه على راكان الي ماسك راسه ويحركه يمين ويسار : الحراره تخليك تهلوس بس هو قاعد يأن بطريقه مو طبيعيه ؟ وليد ببرود: لانه متعاطي؟ الدكتور بصدمه: نعم!!!! ... وابوك يدري؟! وليد: لا و لا ابيه يدري ؟؟ الدكتور : انت عارف انت ولد من ؟؟ ... وش بيقول ابوك اذا عرف انك تصاحب ناس متعاطية ؟ وليد كتف ايدينه وعقد حواجبه : ومين اللي رح يخبر ابوي ؟؟ الدكتور اخذ ابره ثانيه : ذيه ابرة مغذي.. ورح احط فيها نسبة مخدر بسيط.. بذيه الطريقه رح يتعالج من المخدرات بالتدريج ... اذا صحى الحين رح يكون الالم اخف واذا رجع زاد عطه منها ... ووقف يلم اغراضه وليد يناظر لراكان وتكلم بصيغة تهديد مبطنه: اذا ابوي عرف صدقني ما رح يحصلك خير !! طلع الدكتور بعد ما عطى وليد قائمة بالادوية .. وليد سكر الباب لف راجع للغرفة .. ناظر لراكان اللي هدأ شوي عن اول ... يناظر الهالات السوداء اللي تحت عينه .. و شعره اللي مو مرتب والعقدة اللي بين حواجبه دليل الالم اللي يعيشه .. : رغم ان ملامحك بريئة الا انه واضح انك تعاني كثير بحياتك ويمكن مشاكلك الي وصلتك للمخدرات مع ان بنظري مو عذر عشان تتعاطى .. زفر واردف : امنيتي اعرف وش علاقتك بعايلة جسار دق جوالة .. التفت للطاولة اللي بنص الغرفة .. وراح وشاله : هلا ... ايه على حالة ... طيب تعال ... ايه انتظرك .-. سكر الجوال ورماه على الكنبة ودخل ياخذ شاور .................................................. .................. بندر: يبه .. راكان ناصر : راكان ايش ؟ بندر : راكان ما يستاهل الي تسونه فيه .. يبه راكان ما غلط ومالك حق تسفره .. ووين وديته اذا هو مو ابنكم طيب خلوه يعيش حياته لا تربطونه فيكم ناصر حط عينه بعين ولده: شقصدك؟ بندر بصراخ : راكان قالي ان انتم مو اهله .. لو اهله صدق كان ما عاملتوه بذيه الطريقه ... عمي عناد مو ابوه لا تحطون امه عذر ناصر بعصبيه : بندر .. تكلم زين وفهمني شقصدك بندر من غير لا يحسب لكلامه : راكان ولد حرام ما انهى كلمته الا بالكف الي جاه من ابوه ناصر وعيونه حمراء من العصبية ونفسه يعلى ويهبط : وانت أي شيء يقوله راكان تصدقه !!!! وضرب يده على طاولة المكتب : راكان بيذبحني بتفكيره الغبي ذا ا... قرب من بندر الي يده على خده ومسك باكتافه وهزه : واالله والي خلقني يا بندر لو اسمع منك كلام زي كذا اقسم بالله لا تندم... راكان ابن عمك عناد فاهم !! عطى بندر ظهره : اطلع برا ما ابي اشوف وجهك .. وبصراخ : بررررررررررااااااا بندر يناظر لقدام بصدمه اول مرا ابوه يمد يده عليه عض على شفته بقهر وخرج من المكتب فزت سناء يوم شافت ولدها طالع وشكله مو طبيعي : بندر ... مشى مسرع من اغير لا يرد عليها .. مسكت يد مهند : روح الحق اخوك شهد ركضت ورا اخوها وهي تبكي مهند : ان شاء الله يمه بس انتي اهدي... ولحقه دخلت سناء للغرفة ودموعها بخدها : ناصر والي يسلمك قولي وش صاير بينكم ناصر بعصبيه وهو قاعد يفتح اول زرين من ازرار ثوبه : سناء ... ماني ناقص اسئلة الحين .. وعلمي ابنك الدرج الي يصدق كل الي ينقاله ... يفكر بمخه شوي سناء :طيب انت اهدا ترا مافي شيء ينحل بالعصبيه .. مو ذا اسلوبك بالتعامل !! ناصر بعصبيه ماهو ناقص محاضرات بذا الوقت : سنااااء اطلعي برا .. ما ابي انسى العشره الي بينا واغلط عليك !! سناء اخذت نفس وهي تشوف حالة زوجها ما تبي تكبر الموضوع وبالنهايه ذا ابنه ومن حقه يعصب عليه ويعلمه.. ذيه الحوادث نادر ما تصير ببيتهم عشان كذا تحس بخوف ان بندر مسوي شيء كبير بس تعرف عيالها تربيتها مستحيل يغلطون تنهدت وخرجت من المكتب وقفلت الباب وراها رح تستناه لان يهدا بعده ترجع وتفهم منه السالفه . . . باجهة الثانيه من البيت عند باب الخروج مسكت يده : بندر لف بندر لها وببرود : البسي عباتك استناك بالسياره شهد تبكي وتناظر لخده المحمر : خلاص بخلي فيصل يوديني بس انت اهدا ولا تطلع وحالتك كذا سحب يده منها ببرود: قلتلك استناك بالسياره .. وطلع نزلت راسها بألم تحس حياتهم كلها انقلبت من اليوم الي جاء عمها عناد .. ما تدري اذا الموضوع له علاقه فيهم او لا بس المشاكل صارت تزيد يوم عن يوم : وين بندر؟ شهد : طلع جاء بيلحقه مسكت شهد بيده : خله شوي .. الحين انا بلبس عباتي وبروح معه رح اخليه يهدا ان شاء الله زفر مهند : الله يهديه بس لو سمع كلامنا وطلع يمكن ابوي ما عصب لذيه الدرجه عليه .. الله يعين شهد : انت عارف ايش الي صار بينهم؟ مهند : مدري بس امي تقول انه ما كان يدري ان راكان مسافر وبعدها راح لابوي وصار الي صار شهد بصدمه : راكان سافر!!!! متى ؟ ووين؟ مهند حط يده على دقنه بتفكير: مدري فيه غلط بالموضوع... امس بالليل يوم رجعتوا من عند اهل مها سألت ابوي عن راكان اذا جاء معكم.. قلي سافر عشان ابو صديقه تعبان .. بس مو من عادة راكان انه ما يقول لبندر .. في شيء مو طبيعي شهد: مها قالت ان ابو صديقه تعبان بس ما قالت مسافر ... يعني صديقه هنا بالرياض مهند : اكيد صار ظرف واضطر يسافر مع صديقه .. وبقلبه ي رب يطلع الموضوع كذا صدق ما ابي اخوف شهد اذا ما قال لبندر مستحيل يخبي عن مها شهد: ان شاء الله كذا .. يالله بروح البس عباتي قبل لا يروح بندر ويتركني مهند : طيب بس لا تخلينه يسرع هزت شهد راسها له وراحت .................................................. .......................... ضرب بيده على كبوت السيارة بضيق والم :حمار انا غبي غبي ... شد شعره لوراء وزفر : اوووف وعدت راكان ما اقول كلامه لاحد وهذاني قلت لابوي ... مرر اصابعه على خده: والله اني استاهل اكثر من ذا الكف ... غمض عيونه واخذ نفس عميق ور جع فتحها: ابوي مستحيل يسوي شيء لراكان بس ليش سافر وليه ما قالي ؟ اوف يا راكان من يومك وانت من مشكله للثانيه لازم لازم اعرف وش صارلك ووين روحت .. انتبه لاخته جايه ركب السيارة وشغالها شهد ركبت بالمقعد الامامي جنب اخوها : السلام عليكم رد بندر بهمس وهو يحرك: وعليكم السلام شهد بتردد: راكان وين سافر ؟ ناظرلها نظره خاطفه وبعدها رجع يناظر للطريق ورد عليها ببرود : مدري شهد ناظرت لاخوها: كيف ما تدري راكان ما يروح مكان من غير ما يقولك بندر بصراخ : قلتلك مدري ما تفهمين !! شهد بخرعه وبصوت اقرب للهمس : طيب لا تصارخ بعد دقايق بندر : وصلنا نزلت شهد من غير ولا كلمه ماهان بندر عليه اخته تطلع زعلانه مسك يدها وذا خلاها تلف وتشوف وش يبي : شهد ناظرتله من تحت الغطوه من غير لا تتكلم بندر تنهد: مو قصدي اصرخ عليك بس والله متضايق من راكان الخبل مدري وين راح من غير لا يقول لاحد شهد هزت راسها بلا : مو زعلانه منك .. ادري متضايق بس صدقني اذا ابوي يعرف معناته راكان بخير انت عارف ابوي كيف يحب راكان يمكن يحبه اكثر منا حتى بندر بقلبه (اتمنى): المهم انتي مو زعلانه ابتسمت له بخفه : لا مو زعلانه ابتسملها بندر باسته بخده وخرجت وقفلت باب السياره وراها حرك لجامعته وهو يفكر براكان وبجواله الي كان بمكتب ابوه..!! .................................................. .................. : صباح الخيير : اي صباح شايفه الساعه كم؟ خمس دقايق اذا ما جيتي بروح واخليك فاهمه رنيم بتحلطم: يمه انتي توحمتيى بايش يوم جبتي ذا الولد مو طبيعي فاطمه: روحي الحقي اخوك قبل يروح عناد : خلي البنت تفطر ..! افطري حبيبتي واذا راح ريان انا بوصلك رنيم ضمت خالها : ي لبيييه ويلوموني بحبك خالو جنان: والله يا خالي محد مخرب البنت غير دلعك رنيم تخصرت : لا والله احلفي ناظرتلها جنان ببرود وسفهتها رنيم : جنو للحين زعلانه ؟ انتي عارفه مو قصدي والله كنت معصبه وماني عارفه كيف اطلع عصبيتي جنان ببرود وقفت من طاولة الطعام : يمه بنام الحين من امس ما نمت صحيني يمه على صلاة الظهر اذا ما فيها تعب عليك فاطمه بعد ما رمقت رنيم بنظرة قويه : ايه حبيبتي روحي نامي عناد باستغراب: شصار بينكم ؟ فاطمه : ولا شيء خوات بيتهاوشون وبيتراضون رنيم : خالو .. ما عليك جنان تدلع شوي عناد : الله يهديكم بس رنيم يالله مع السلامه يمه باي خالو عناد وفاطمة : الله معك بعد ما راحت رنيم عناد : وين عادل ؟ فاطمه : من امس نايم عجزت اصحيه .. له يومين بالمستشفى مسكين كل شوي يجيه مريض بس يجي ينام ساعه ويروح امس قال بيعوض اليومين ومن جد عوضها عناد: هههههههه الله يكون بعونه الطب مو سهل فاطمه : امين ي رب ويرزقه الزوجه الصالحه عناد : ورجعنا لنفس الموال خلي الولد متى ما حب يتزوج فاطمه : بقي كم سنه وبيدخل الثلاثين عناد وقف : لا تكبرين الولد لساته بشبابه ولاحق على الزواج والهم فاطمه تتحلطم : اصلن انت مكبر راس الولد اذا قلتله تزوج تجي تقول لسه صغير لسه صغير ... اصلن الحال وراثه شكله ابتسم عناد وهو يسمع حلطمت اخته وطلع رايح للشركه !! .................................................. ....... : هايو بعصبيه : كان تأخرتي لسه وش منزلك بدري @! رنيم باستغباء: اما جيت بدري شوي برجع عشان اتأخر ريان بصراخ : رنيييم! تراني مو ناقص عباطتك رنيم تحط يدها على اذنها : طيب شوي شوي خرمت اذني ريان: انا حمار عشاني قاعد اوصل وحده زيك رنيم : الا صدق ريان كيف امس ما داومت واليوم بتداوم ؟ ريان متنرفز منها : لساتني مقدم اوراقي وقالولي اداوم اليوم .. يعني اليوم اول دوام رسمي لي فهمتي ؟!! رنيم : اها بعد سكوت لدقايق تكلم ريان الي كان يناظر لاخته وهي تهتز بمكانها:شفيك ؟ اركدي شوي رنيم بحماس : مقدر مقدر والله اني متحمسه والله لاوريها نجوم الظهر وما اكون انا رنيم اذا ما خليتها تبكي بدل الدموع دم ريان: رينم!! ما كفاك الي صار وش ناويه تسوين بعد رنيم بتصميم: والله ما رح ارتاح لان انتقم من رسيل ووديان ما رح اخلي الي سوه بشعري يروح كذا ريان: الله يعينك على نفسك بس هذا ثاني يوم لك ومن بدايتها جمعتيلك اعداء فتحت رنيم باب السيارة يوم وقف قدام المدرسه: والله هم الي عادوني مو انا ... وخرجت وقفلت الباب وراها هز ريان راسه بأسى من ذيه البنت وحرك للجامعة .................................................. .................... تمشي بقهر وعصبية وبيدها مجموعه من الاوراق ضغطت على زر الاصنصير وقاعده تتحلطم وتهز رجلها بقهر: الحيوان الكذاب الغبي المجنوون اووف اكره :من ذا المسكين الي منى تسب فيه من صباح الله خير لفت منى له بعصبية : وانت وش دخـ... سكتت وهي تشوف ولد المدير عبد الرحمن .. نزلت راسها با حراج وسكتت عبد الرحمن سحب الاوراق من يدها وهو يتصفحها : هذه كنتي بتودينها لي ؟! منى بصوت خافت: ايه طال عمرك هذه الاوراق من مريم خلصت تدقيقها عبد الرحمن ركب الاصنصير الي انفتح : خلاص يعطيك العافيه تقدرين تروحين تكملين شغلك اول ما انقفل باب الاصنصير كشت على الباب وهي تقلده: من ذا المسكين الي تسبينه .... رجعت لصوتها الطبيعي : مالت عليك بس انسان غبي اخخخ لو مو عشان وليد كان وريته شغل وخليته يطردني وارتاح منه مالت بس عليه وعلى وليد الكذاب قال بيوديني اليوم هففف اكرهم .................................................. ................... تحت بمواقف الشركه كان توه واصل وقف سيارته بالمكان المخصص له اخذ نفس يهدي نفسه وفكره مشغول بالي صار قبل شوي ما توقع ان راكان ممكن يفكر زي كذا الحين قدر يفسر نظرة الامتنان الي بعيونه الحين عرف ليه كان دايم يشكره على اهتمامه فيه كل ذا لانه يحس نفسه مو من عايلتنا ولا ابننا شد يده على الدراكسون : غبي يا عناد غبي وصلت ابنك لذيه المرحله اصعب شي انه الانسان يعيش وهو بحيره من امره ... طلع جواله من جيبه وطلع ورقه من الجيب العلوي واتصل على الرقم الي بالورقه وضغط على زر الاتصال بعد ما دخل الرقم وبعد خامس رنه رد الطرف الثاني : الو ناصر : الو مروان ؟! مروان بلع ريقه بعد ما عرف الصوت : اهلين انت عم الولد الي عندي ناصر بألم : ايه ... كيفه الحين مروان بتوتر : الحمدلله فيه تحسن ملحوظ ... ان شاء الله كذا اسبوع ويرجعلك معافى .. وهو يدعي بقلبه ان وليد يرجعه بعد ما يتعافى ناصر: ان شاء الله يتعافى بسرعه... اقدر اكلمه مروان بسرعه: لا لا ما تقدر ذا كلمته ممكن يأثر على علاجه .. الولد بأيدي امينه لا تخاف عليه تنهد ناصر : طيب الفلوس كيف احولها لك مروان : اذا خلص علاجه تقدر تجي تاخذه وتعطيني الفلوس ناصر بصوت خافت : ان شاء الله .. وقفل منه بعد ما وصاه على راكان نروح لمروان بعد ما قفل من ناصر تنهد هو ما يحب ياخذ فلوس ما يستحقها بس وش يقوله الولد مو عندي تذكر الي صار امس تنهد براحه حمد ربه الف مرا ان وليد جاء وساعده ولا كان راح ورا الشمس ذا ناصر جسار ال.......... صيتهم بكل مكان ولا رح يسكتله اذا اذى ولدهم : بابا بابا نزل لمستوى بنته وشالها : هلا رموووسه .. كيف كانت نومتك ببيت عمتك ريماس: مرررا حلوه نمت عند منى وسوتلي ايسكريم مروان باسها ونزلها : شاطره حبيبتي نرجع لناصر خرج من سيارته وطلع لمكتبه وهو يفكر وعقله مشوش دخل المكتب رفع عينه للي جالس على كرسي المكتب : غريبه ناصر مو من عوايدك تتأخر مشى بهدوء لمكتبه من غير لا يرد عليه : شفيك؟ ناصر جلس على مكتبه : جاي تبي شيء؟ عقد حواجبه باستغراب : ناصر!! ناصر بهدوء وهو يفتح الملفات الي على مكتبه: عناد تبي شيء ؟ مشغول ومو فاضي عناد برفعة حاجب : اها .. معليش طال عمرك ازعجتك ناصر ببرود : قفل الباب وانت خارج وقف عناد وقفل الباب وراه بقوه تنهد ناصر بعد ما خرج عناد وسند راسه على الكرسي وغمض عيونه : ماني قادر اتحمل شوفت وجهك يا عناد تحت عند عناد الي نزل من مكتب اخوه ومن الشركه بكبرها وهو مقهور ومفول ركب سيارته وشغلها وهو قاعد يتحلطم ويكلم نفسه : ناصر ذيه الايام صاير مزاجي .. وش ذيه الاخلاق القافله من الصبح اوووف جيت بتسلى معه بدل جلست البيت للحين ما استقرت اعمالي الي بألمانيا هنا ... شكلي بروح لعلاء بشوف اوضاعه .................................................. ........................... خرج من الحمام وهو لاف الفوطه على خصره قرب من الي نايم على السرير بسلام وحط يده على جبينه: الحمدلله حرارته انخفضت .. تنهد وهو يتجه لدولابه وكل تفكيره بقصة ذا الولد : عجزت يا راكان افهمك وافهم تعلقي فيك احس نظراتك نظرات انسان مظلوم انسان يعاني مدري ليه احسك مو مرتاح بحياتك و ناصر ولد جسار وش علاقته فيك انت اكبر لغز صادفني بحياتي....طلعله لبس والي كان عباره عن بنطلون اسود وجاكيت رسمي اخضر وتحته فنيله بيضاء ... قرب من راكان مرا ثانيه وبيده فوطه صغيره يجفف شعره فيها : جلس يناظر لملامح وجهه الي تنطق براءه .. ابتسم : مستحيل تكون من ذيك العايله مستحيل التقط جواله الي يدق فوق الطاوله الزجاجيه : هلا تركي ...طيب اطلع لغرفتي... لا ابوي طلع قبل شوي .. اوك انتظرك .................................................. ........ تهز رجلها بتوتر وجوالها بيدها : وين راح ذا وليه جواله مقفل ليكون صارله شي ولا ابوه سوا فيه شيء ... هزت راسها بعنف : لا لا مافيه شيء يا مها لا تتفاولين .. اكيد خلص شحن جواله وهو لسه بالمستشفى ما قدر يشحنه اووووف لا راكان مستحيل يسويها لازم يتطمن علي كل دقيقه .... صح ما عندي الا بندر ي رب يعرف وينه .... رفعت جوالها ودورت بين الاسماء لان لقت اسمه واتصلت وهي تاكل اظافرها تستنى الرد . . بالجهه المقابله توه واصل الجامعه وقف سيارته بالمواقف بقي ساعتين من محاضرته ماله وجه يرجع البيت بعد الي صار مع ابوه ضرب الدركسون بقوه : استاهل استاهل كل شيء جاني .. عارف ان ابوي يحب راكان اكثر مننا بعد اكيد ما سوا كذا الا لمصلحته ؛ بس ليش خلاه يسافر وليه جواله مع ابوي ؛ الله ياخذني وياخذ لساني الطويل هذا .. اخذ نفس وارخى راسه على كرسي السيارة وغمض عيونه وهو يفكر بالي رح يسويه .. سمع جواله يرن رد مين غير لا يناظر للإسم : الو : بندر وين راكان عدل بندر جلسته : مها ؟ مها: ايوا مها ؛ المهم رويكن وينه من الصبح ادق عليه جواله مقفل بندر بتنهيده: علمي علمك ؛ سمعت انه سافر وين وليه مدري مها بصدمه : انت كذاب راكان ما سافر مستحيل يروح من غير لا يقولي بندر : ابوي قال انه سافر !! مها : طيب كيف وليش وليه ما قال لاحد؛ وبعدين صح هو راح مع عبد الرحمن صديقه يقول ابوه تعبان يمكن تعب زياده وسافر عشان يعالجه برا بندر عقد حواجبه : عبد الرحمن ؟!! الي اعرفه هو وياه متهاوشين ؛ وشوفته وهو داخل الجامعه اليوم مها بصراخ: انت تتوهم راكان مع صديقه مستحيل يروح من غير لا يقولي بندر بهدوء : مها استهدي بالله ؛ راكان اكيد صار شيء واجبره يسافر ؛ بتلقينه اليوم داق عليك ؛ راكان ما يصبر يوم من غير يكلمك مها بعصبيه : والله يا بندر لو طلعت تخبي عني شيء صدقني رح تندم .. وقفلت الخط بوجهه نزل بندر جواله ورجع لوضعيته : ان شاء الله يكون بخير ذا اهم من وين راح ووين جاء . . نرجع لمها قفلت من بندر والدمعه بطرف رمشها ؛ عمره ما سافر فجاءة كذا ليه يوم روحت سافر من غير لا يقول لاحد ؛ متأكدة في شيء باالموضوع؛ يمكن ابوه له يد ؛ الله يعينك يا راكان على ذيه العايله ؛ ابتسمت بخبث بعد ما مسحت دمعتها : عندي اختبار لك يا راكان بشوف محبتي بقلبك .. ومسكت جوالها وفتحت على الرسايل وكتبت رقمه الي حافظته اكثر من اسمها حتى ( يا راكان العالم تقول انك مسافر ؟ !! يا كذاب قلتلي انك مع ابو عبد الرحمن كيف عبد الرحمن داوم وابوه تعبان !! طيب اذا من اول تبي تتخلص مني كان قلتلي بطلع من بيتك !! يا راكان انا اكرهك اكرهك ربيتك وحبيتك كأنك اخ لا لا كأنك ابن بالنسبه لي وكذا تجازيني مشكور والله وصلني الي يكفيني منك ) ضغطت على زر الارسال هي كتبت كذا تبيه يفتح رسالتها تعرف راكان ما يحب احد يفهمه خطا قصدها تستفزه عشان يرد عليها ويكلمها وينفي كلام بندر ؛ اخذت نفس قوي : الحين لازم اصير قويه واوجه اهلي ذولي وابيلهم اني مو محتاجتهم ؛ الحين جلست بالحرب لحالي مدري راكان متى بيرجع ؛ وبدر ذا لازم اردله الي سواه امس فيني .. وقفت بنشاط واتجهت لشنطتها عشان تفرغها بالدولاب ................................................. سادح على سريرها ودمعتها على خدها وتفكر بالماضي الاليم بالنسبه لها : عاااااااااامر يا مجنون مستحيل اسوي خطتك عامر : جناان الله يخليك ابوي وابوك اكبر اعداء مستحيل يوافق على زواجنا خلينا نتزوج ونحطهم قدام الامر الواقع جنان للحظه فكرت انها تمشي معه بس تذكرت ابوها هزت راسها بعنف : عامر قلتلك مستحيل اكسر كلام ابوي ؛ نحاول لان يوافقون او شف نصيبك بمكان ثاني .. ولو سمحت لا تتصل مرا ثانيه انا عطيتك رقمي عشان المشروع الحين خلص ما بينا كلام ثاني رنيم بحمااس : انتي مجنووووووونه اتبعي قلبك يا حماره روحي معاه تزوجيه جنان : عشان بعدين لا صار شيء لامك وابوك بعدها بخلي عامر يجبلك اب وام كشت عليها رنيم : صدق انك مو وجه حب مالت عليك من حرمه جنان :صدق يا رنيم انا حبيت عامر من كل قلبي بس مستحيل اعصي اكي وابوي عشان الاهل تعبوا وربوا وكبرونا وكذا نجازيهم بذيه الطريقه ؛ صدقيني كل شيء يتعوض الا الاهل رنيم بملل : فهمنا يا فهيمه بعدها بيومين بغرفة جنان ورنيم دخل عليهم ابوهم وهو معصب : جنااان جنان بخوف من عصبية ابوها : هـ .هلا يبه ابو عادل مسكها من كتوفها : عامر ولد ........ قاعد يكلمك صح جاوبيني جنان طاح قلبها في سروالها من الخوف : يبه هو من اول معه رقمي عشان مشروع الجامعه والله يبه بس عشان المشروع يوم خطبني ورفضته .. كلمني مرا وحده وحذرته يدق مرا ثانيه يبه انت مربينا وعارفنا زين مستحيل اكلمه فهد شاف الصدق بعيونها فك ازارير بدلته : سامحيني يا بنتي كنت مقهور من كلامه عنك ادري فيك بنتي وتربيتي ؛ جنان صدقيني انا ابعدته عنك عشان مصلحتك لان عامر اخبث من ابوه ؛ لو فيه صفه وحده زينه كان زوجتكم حتى لو ابوه محمد ازفت مخلوق على وجه الارض جنان ابتسمت لابوها وقلبها للحين يدق بقوه من الخوف نرجع للحاضر تحاول تكتم شهقاتها الي تطلع غصب عنها : يبه وينك روحت وخليتني اهى اهى يبه محتاجتك يبه وغطت وجهها بالمخده وانخرطت ببكاء شديد ................................................. بالفسحه : نوف الله يخليك انا بنت خالتك لازم تساعديني برفعة حاجب : بعد كلامك عن مها والي سويتيه مع الجد احلمي اساعدك رنيم بتأفف : ادري غلطت واعتذرت ترليون مرا خلاص ياخي .. وبعدين ساعديني مو عشاني عشان عايلتنا ترضين وحده من بنات جسار الـ.......... يصير فيها كذا وتسكت عن حقها لفت لها نوف : بذيه معك حق مشكلتك انك من عايلتنا .. ايوا اتحفيني وش خطتك ابتسمت بانتصار : الخطه هي العين بالعين والسن بالسن والبادي اظلم نوف : شقصدك رنيم بكر:********************************* نوف فتحت عيونها بصدمه : انتي مجنووونه رسمي .................................................. ................................. : ياخي تعبت ما لقيت بيت مناسب ؛ قلتلك تعال انت دور مو راضي ترا شغلك ما بيطير : رائد مافي شيء بحياتك بتسويه من غير لا تتحلطم زي البنات رائد : انت من صرت عسكري وانت شايف نفسك علينا ؛ وين اخوي القديم الطيب رد بتأفف: وبعدين معك رائد : طيب طيب فهمنا : اختك زعلانه منك دق عليها راضها ضحك بقوه يوم تذكر الي سواه فيها : ههههههههههههههههههههههههه ههههههههههههههههههههههههه ههههه ذيه البنت تحفه والله تنهد : مدري متى بتكبرون انت وياها يالله رائد ولا تنسى تدق على اختك .. مع السلامه قفل من اخوه وعلى شفاته شبح ابتسامه : ان شاء الله هذه المرا ما نطلع من الرياض الا واحنا مخلصين مهمتنا ونقدر نلاقيها ونعيش مرتاحين يتبع.... بقي جزئيه مو راضيه تضبط معي بنزلها لكم بكرا ان شاء الله ... وراي بكرا مشوار للجامعة ادعووولي وان شاء الله يعجبكم البارت مع انه قصير بس ذا الي نزل معي | ||||
|  |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
