آخر 10 مشاركات
|
| |||||||||||||
| مشاهدة نتائج الإستطلاع: اي ثنائي اعجبكم حتى الآن | |||
| تمارا وسهيل |     | 181 | 72.98% |
| جيك وفيبي |    | 16 | 6.45% |
| مروان وميرا |    | 10 | 4.03% |
| عمار وغريس |    | 9 | 3.63% |
| عمار وتمارا |    | 60 | 24.19% |
| روز وسايمن |    | 11 | 4.44% |
| غريس ودايفد | | 4 | 1.61% |
| إستطلاع متعدد الإختيارات. المصوتون: 248. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
24-01-18, 06:51 PM
| #2092 | ||||
|  بسم الله الرحمن الرحيم و طبعا قبل ما يمسكوني من قفايا و يشوطوني برا الجروب من قلة التفاعل و انا عارفة بس معلش اصل الدنيا تلاهي هههههه جاية النهاردة بريفيو طويل كدة و متغذي لرواية دموع رسمها القدر للكاتبة صحبتي و زفتتي بريتي ديدي و الكلام في سركو كدة و محدش يقولها عشان تعملي واوا... بحكم اني ورا الكواليس دايما دي اكثر رواية اثرت في نفسية ديدي و اتقمصت الادوار و كانت بتكتئب و تقرف العبدة لله اللي قدامكم و انا الحمدلله مش بتوصى في الاكتئاب خالص عشان كدة بمسي الرواية دي المتعوب عليها بما انها اول رواية بالفصحى ليها غير النوفيلات طبعا و بعد 4 روايات عامية و بعد ما مشيت معاها المسيرة بتاعتها من اول رواية ايام ما كانت مبتدئة خالص احب اقولها و الله يعني و بكل موضوعية انها قدمت رواية ثقيلة اسلوبا و مضمونا اسلوبها بسيط اه مش مكلف و لا مصنع سبق و قدمت انتقادات ليها و تقبلتها بصدر رحب فالاول السرد كان بسيط و كان بيقوى فصل عن فصل مع اني كنت جلطاها دايما و اخر وحدة تقرا الفصل و ساعات بلم فصل على فصل بس كنت بتفاعل مع الاحداث لدرجة اني كنت طول ما اقرا الفصل بقعد اكلمها خاص و اشتمها فكل مشهد ..وات ايفر ما علينا نخش عالشخصيات سهيل اللي بعد ما عديت نص الرواية عرفت الطريقة اللي ديدي بتنطق بيها اسمه يا عيني هههههههه بس اقسملكو يا بنات هي بتنطق اسم سهيل بطريقة غريبة كدة اللي هي بالصاد مش بالسين بس يلا ما علينا انا هسكت احسنلي شيفاكي يلي بصالي بغيظ انتي و هتعضيني هههههه سهيل الشخصية المكلكعة دي كتلة عقد متحركة انا حبيتو من اول مشهد قريتو ليه مش عارفة ليه بس حبيتو لله ف لله كدة اكثر شخصية عانت في الرواية دي كلها كان مأساة حقيقية يمكن غلط لما اتهرب من حبو ليها بس كان فاكر انها بتحبو لدرجة انه يرجع يلاقيها ممكن اكثر مشهد شتمت فيه غباءه لما خطب ميرا بس الخلاصة اني بحب سوهيل بالسين مش بالصاد شخصيته على قد القوة فيها ضعف و على قد السواد فيه حتة لسة بيضة فيه عيل صغير جواه لسة عايز يعيش رغم انه كل حاجة حواليه دمرته جواه قلب ابيض بجد و حب مجنون هو عاشق حقيقي رغم العبثية اللي كانت فيه تمارا ...استغفر الله العظيم من دي شخصية غبية مريضة معقدة مقدرتش احبها او يمكن عشان ماحاولتش احبها ممكن كثير يقولو لا حرام دي ظروفها صعبة و كلام من ده و ازاي مش تحبيها دي البطلة بس في تنافر جوايا ناحيتها بس اكتشفت فالاخر اني اتعاطفت معاها فمواقف كثير و مش حبيتها غير فمشهد اعترافها بالحقيقة في الفصل القبل الاخير و ندمت لما حرضت سهيل تاني على سامر مهو ديل الكلب عمرو ما يتعدل هي مالها و مال سمورتي مش عارفة شخصة تمارا في الرواية شخصية انانية بتحب نفسها اكثر حاجة بتعمل اي حاجة عشان تنفذ اللي دماغها حتى لو غلط و بتدور عالاحتواء عاملة زي الاسد لما يتجرح بيبقى اخطر و اشرس بس للاسف بتقزي نفسها اول حد بس محدش ينكر انها شخصية ليها دورها و تتحب الحقيقة بس انا محبتهاش و الظاهر اني الوحيدة اللي محبتهاش ههههههه عمار كان شخصية حلوة اوي في الرواية المعنى الحقيقي للاحتواء و الاب الروحي و الرجولة و الجدعنة بس في احايين كثير شفت فيه الجانب الاناني ساب غريس المسالمة الرقيقة عشان ميعذباش في رحلة علاجه و اختار تمارا القوية عشان تبقى معاه هو كان عاقل و مكنش لازم يوافقها على افكارها الطايشة بس ارجع و اقول الاحداث تتطلب كدة بس شخصية زي دي تتحب و تمس القلب رحيله كان صعب اوي و بيوجع سامر حبيب القلب عارفة ان الكل مش بيطيقو غيري بحبه و معرفش ليه حبيته من اول مشهد قريتو عنه رغم كل الحاجات الوحشة الي عملها طول الرواية بس سامر و تمارا وجهين لعملة واحدة و دي حاجة للاسف اللي بيكرهو شخصية سامر و يحبو تمارا ماشافوهاش ..شخصية فاقدة الاحساس بالامان بيخاف و نفسه فعيلة تحتويه نفسه يطمن ممكن يعمل اي حاجة عشان يحمي اللي بيحبو حتى لو كانت الحاجة دي غلط الحاجة الوحيدة اللي بقيالو هي سهيل طبيعي يتعلق بيه و طبيعي يكره تمارا اللي عايزة تخليه خاتم في صباعها سامر رغم طيشه و غباءه ساعات لسة هو هو نفس العيل الواقف ورا الباب بيتفرج في الماضي اللي دمر حياة سهيل و احساسه بالذنب هو بس اللي كبر معاه عشان كان جبان و مقدرش يدافع عنه او كان خايف ...اخيرا لقا نفسه مع بنوتة سهيل اللي هتعوضه حاجات كثير ثنائي الرزيلة و هيهييييييه جيك و فيبي اللي كانو مطريين القعدة فالرواية دي يعني قلة الادب و الفضايح في كل حتة بس جيك كان راجل حقيقي و حب فيبي رغم كل حاجة و هي كمان حبته كان ثنائي حلو بجد بس احلى ثنائي اللي كنت وعدت ديدي اني اعلق عليه هو روز و سايمن روز اللي قرفت منها فاول مشهد لما قريت لروز اول مرة فاكرة اني ماوفقتش ديدي ففكرة الموضوع و قلتلها لاء يا فريدة بتاع و ناقشتها كثير كان الفكرة كلها على بعضها مثيرة للجدل كنت اتوقع انها هتلاقي نقد كبير عليها بس ديدي كان ذكية فسرد قصتها بحيث وضحت جانب المعاناة منها بس . روز شخصية اثرت فيا جدا كنت فكل فصل بستنى مشاهد ليها دايما بتكون مشاهد قوية جدا جدا ابدعت فطريقة عرضها ..سايمن رغم بروده بس كنت متوقعة ان في النهاية هيلين شوية بس حبيت فكرة انها سابت نهاية العلاقة دي مفتوحة للقارئ و حقيقي اتمنيت ان شخصية روز تكون بطلة نوفيلا او بطلة رئيسية فرواية عشان ناقشت قضية مهمة جدا شابوه لديدي يوووووووسف حبيب قلبي جوزيف ديدي لمست قلبي بالاسم ده انا مش شيفاه و مش حساه غير يوسف ابن قلبي الذ حاجة في الرواية مع اني زعلت انه مبقاش ليه مشاهد كثير فاخر الرواية بس كنت بتسمتع بكلامو الي بينقط عسل مروان العاشق الكبير و ميرا الرقيقة بس يؤسفني اقول الضعيفة فالاول كنت بحب الثنائي ده جدااا عشان كان بيربطهم حب عذري عفيف يعني يمكن ميرا وقعت من نظري بعدين يمكن مروان بردو بس كشخصيتين حبيتهم كانو بيكملو نقص بعض بقدر ماكانت محتاجاه كان محتاجها هما كانو بيكملو بعض حقيقي شخصية دايفد في الرواية الراجل الرقيق المتفهم الحنون اللي بقا عملة نادرة شوية كانت مشاهده مع غريس بتخفف من شحنة الاحداث على طول مشاهدهم رايقة كدة و خفيفة غسان أب بكل معنى الكلمة حبيت روحه و احساس المسؤولية الي جواه بيعرف يحتوي اولاده و اولاد اخواته كمان بيقدر الاسرة جدا و مشاهد الحب مع عاليا هيييييح هههههه عصافير الحب بس على شيخوخة كدة متهيألي كدة خلصت اهم الشخصيات الحمد لله باقي الشخصيات القذرة تترفع عن القعدة اللطيفة دي انا مش عايزة اشتم و ادعي انا هسيب لساني جوا بقي احسن العالم دي هي زبالة المجتمع في الاخر احب اقول ان الرواية كانت هادفة رغم بساطتها ناقشت قضايا اجتماعية درجة اولى خلف قصص حب درامية على حبة كوميديا على حبيتين ثلاثة تراجيديا كانت محبوكة كويس و تسلسل الاحداث كان فمكانه ده غير عنصر التشويق و الوقفة بنت الكلب اللي كانت بتقفها ف كل فصل مع اني مش بحب اقرا روايات فصول بحبها كاملة بس اي عمل لديدي اكون متابعة دايما مش عشان هي صحبتي ابسلوتلي انا ممكن اجامل فاي حاجة غير الادب و الروايات بس عشان واثقة فموهبتها و بردو هقول ان لسة عندها كثير مقدمتهاش و ان شاء الله اشوف ليها اعمال تانية و من ابداع لابداع ان شاء الله بالنسبالي من اول رواية ليها لحد دلوقتي في تقدم كبير و واضح من حيث الاسلوب و كمان الحوار و الحبكة و كل حاجة و اتمنى التقدم ده يزيد ما يوقفش و بتمنالها التوفيق و ان شاء الله مكونش حرقت الرواية ههههه مع ان ده اختصاصي بموت انا فحرق الروايات بس حاولت معملش كدة عشان الرواية دي حلاوتها فقرايتها بتشويق من غير حرق و قراية ممتعة لكل اللي لسة مقرأهاش و السلام عليكم و رحمة الله و بركاته | ||||
|  |
|
25-01-18, 02:29 AM
| #2095 | ||||
| راااائعه روايه رائعه قلبا وقالبا ومضمون صدقا استمتعت بما قرأت فكره جميله وكانت الأحداث مشوقه مع بعض الدرامه المحبوكه رغم أن الغه كانت تحتاج الي الدقه أكثر من ذلك لكن كل الشكر لكاتبتنا العزيزه التي امتعتنا بما كتبت . | ||||
|
| |
|
| أدوات الموضوع | |
| انواع عرض الموضوع | |
|
|
264Likes
.png)
العرض العادي
