آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-05-17, 09:11 PM
| #1 | ||||
|  " أعشق مدللتي"-قلوب زائرة- للكتابة الصاعدة-"ياسمين عادل" كاملة &الروابط*  اهلا وسهلاً بكم ال روايتي الطعمين  عدنا اليكم بصحبة كاتبة رقيقة كتبت ،،، فابدعت ،،، ( ياسمين عادل ) ومددلته الصغيرة !! آن لها ان تكبر على يديه فكيف ستكون حياتها عندما تقلب راساً على عقب ! والسبب ،،، ""عاشق مدلتتهـ "" اتركم مع كلمة العزيزه ياسمينه  صغيرتي المدللة .. لم تترعرع في كنفي ، ولكني أشعر بها وكأنها طفلتي ، هي فتاة قلبي وملكته ، مشاغبة.. مشاكسة.. عنيدة ، ولكني سقطت آسير عشقها ، فمن أعشق سوى مدللتي  تفضلوا الغلاف الرائع بابداع ريشة الرقيقة : كبرياء عنيدة    فريق العمل المتفاني : الكاتبة : ياسمين عادل التصاميم والقالب الداخلي : كبرياء عنيدة التعبئة : Just faith  الفصول مكتوبة متتابعة بداية من المشاركة التالية مباشرة  روابط التحميل ككتاب إلكتروني : على مركز الميديا فاير على مركز الفورشيرد  تذكروا اعزائنا بانكم اكبر مصدر دعم للكاتب بتفاعلكم ونقدكم البناء فلا تبخلوا بأرائكم فهي تهمنا ،.، دمتم في حفظ الله ورعايته ،، .gif "Eh S(7)")  التعديل الأخير تم بواسطة Just Faith ; 25-06-17 الساعة 12:09 AM | ||||
|  |
|
24-06-17, 11:17 PM
| #2 | ||||||||
| مشرفة وكاتبة وقاصة ومدققة وأميرة واحة الأسمر بمنتدى قلوب أحلام وعضومتألق ونشيط بالقسم الأدبي وقلم فضي برسائل أنثى ومحررةبالجريدةالأدبيةوقاصة هالوين  
| أولا / التعريف بالشخصيات الأساسيه / 1 _ زين الدين : شاب طويل القامة ، جسده رياضي متوسط الوزن ... يتميز بالعيون البنيه القاتمه والشعر القصير الأسود ، ذات بشره تميل للون القمحي 2 _ عنان : فتاه طائشه ، مرحه ، خفيفة الظل ولكنها متسرعه .. تتميز بالبشره البيضاء الصافيه والعينان العسليتان كظل الشمس في غروبها .. ذات شعر أشقر كيرلي قصير يتعدي عنقها بعدة سنتيمترات 3 _ هدي : والدة عنان .. سيده لم يتجاوز عمرها الأربعون سنه ، متوسطة الطول .. ورثت عنها أبنتها عيناها العسليتان 4 _ إبراهيم : جد عنان ووالد هدي ، رجلا قد رسمت الأيام تجاعيدها علي وجهه .. وبدد المرض من قوته ، تعطيه خصلات شعره الفضيه وقارا وهيبه 5 _ عاطف ، سمير ، نسرين : أبناء إبراهيم 6 _ وليد : أبن عاطف ، شاب بريعان شبابه .. يتميز بالنحافه وطول القامه ، ملامحه بشوشه للغايه تنم عن روحه الطيبه 7 _ إيهاب : إبن سمير ، يتميز إيهاب بمنكبين عريضين ، طويل القامه .. ملامحه صارمه شيئا ما ، كما تعطيه لحيته الخفيفه ملامح أكثر حده 8 _ رهف ، شيري ، ليلان : صديقات عنان المقربات ، لا تختلف مواصفاتهن عنها .. عدا رهف ، فهي تتميز بالشعر المموج والطويل والعينان الخضراوتان .. كنبته صافيه مخضر لونها - إي شخصيات ثانويه هنذكر دورها أثناء سرد الأحداث | ||||||||
|
| |
|
24-06-17, 11:20 PM
| #3 | ||||||||
| مشرفة وكاتبة وقاصة ومدققة وأميرة واحة الأسمر بمنتدى قلوب أحلام وعضومتألق ونشيط بالقسم الأدبي وقلم فضي برسائل أنثى ومحررةبالجريدةالأدبيةوقاصة هالوين
| داخل إحدي الفيلات العصريه الصغيره _ يرقد رجلا كهلا كبيرا .. أنهكه المرض وأكل من ملامحه ، ممدا جسده باأريحيه علي الفراش ومغطي بأحد الأغطيه الناعمه الملساء .. يصطف حوله أبنائه مسيطره علي تقاسيمهم الحيرة والرعب عاطف ذافرا أنفاسه بضيق : مينفعش كده ياحج ، كان لازم تفضل في المستشفي علي الأقل عنايه مضمونه ومتواصله إبراهيم بنبرات ضعيفه : أنا متعبتكوش في خدمتي يابني عاطف بضيق : والله ما قصدي يابابا ، احنا تحت أمرك طبعا .. بس كان لازم برده ناس أهل للخبره يكونوا معاك نسرين : عاطف بيتكلم صح يابابا ، أحنا عاملين علي صحتك هدي عاقده حاجبيها بضيق : سامحني يابابا لولا عنان ثانويه عامه السنه دي أنا كنت فضلت ملازماك إبراهيم مبتلعا ريقه بصعوبه : الحمد لله علي كل حال ، المهم انا جمعتكوا عشان موضوع أهم من كده سمير بترقب : أنا تأمر يا حج ، خير ان شاء الله عاطف مربتا علي ذراعه : طب ما نأجل الكلام ياحج لوقت تاني ، انت تعبان ولسه خارج أمبارح من المستشفي إبراهيم : كح كحكحكح كح العمر مش مضمون ، ومش عايزاكو تختلفوا من بعدي نسرين : ربنا ما يجيب خلاف بينا ياحج ويديك طول العمر يارب إبراهيم بتنهيده : زين ، أنا عايز زين عاطف ناظرا للجهه الأخري بضيق : ياحج ميت مرة قولناله يرجع وكفايه غربه وهو مش عايز ، دماغه جزمه زي أبوه الله يرحمه ، من ساعة ما محمد مات الله يرحمه وهو مش عايز يرجع .. بيقول ان الشغل كله هو اللي شايله وماسكه هناك ومستريح في وجوده بره مصر هدي بتهكم : 15 سنه وهو عايش بره وجاي دلوقتي عايز ترجعه !! المفروض كان رجع من وقت ما أبوه مات .. اللي قده دلوقت متجوز ومخلف وعنده أسره ، وهو داخل 27 سنه ومعملش إي حاجه كله شغل شغل سمير لاويا شفتيه : وبتتكلمي عن زين بس ليه ياهدي ما هو أبن عمه وليد معاه بقاله سنتين والحج مرضيش أن إيهاب هو اللي يسافر لزين عاطف بضيق : أبنك ماسك المصنع هنا ياسمير ومكنش ينفع يسيبه ويمشي ، أنما أبني ميفهمش في شغل المصنع إبراهيم بحده : أنتوا هتتخانقوا وأنا قاعد .. كحكح كح طب أستنوا لما أموت عاطف مطرقا رأسه للأسفل : ولا خناق ولا حاجه ياحج ، أحنا بنتكلم عادي إبراهيم بتنهيده : عموما ياسمير عايزك تطمن ، زين ووليد لازم يرجعوا مصر بأقرب وقت وهيشيلوا المصنع مع إيهاب ، أما الشغل بره هخليهم يصفوه سمير محدقا : يعني بعد ما أبني شال المصنع طول السنين اللي فاتت ييجي زين ووليد يشيلوا علي الجاهز نسرين قاطبه جبينها : يعني هو أبنك شال المصنع لوحده ، ماهو بابا ربنا يعافيه كان معاه إبراهيم بنبره هادره : لولايا مكنش المصنع فضل واقف علي رجله ، أبنك لو شايله لوحده كان زمانه وقعه من زمان سمير بحنق : بقي كده ياحج إبراهيم بنبره حازمه : كده وأبو كده كمان هدي مربته علي ذراعه : يابابا مش كده ، أهدي شويه وكل حاجه هتتحل ، وأنا بنفسي اللي هكلم زين المره دي وأكيد مش هيزعل عمته سمير بتأفف : وماله ***** - بأحدي المنازل الفاخره الكلاسيكيه ، جلست الفتايات الأربع ذات السابعة عشر عاما علي الأرضيه الرخاميه يتبادلون اللعب بتلك الاوراق الكرتونيه الصغيره شيري محدقه : لا لا لا حرااااام ليلان بقهقهه عالية : ههههههههه يلا ياحلوة عشان نحكم عليكي عنان بقهقه عاليه : هههههههههه متخافيش ياشيري مش هنديكي حكم تقيل زي الاسبوع اللي فات شيري ببكاء : حرام أنا رجلي ورمت من الجري المرة اللي فاتت ليلان غامزة : أطمني .. عنان هي اللي هتحكم عليكي ، وأحكام عنان خفيييييفه خالص شيري ذافره أنفاسها بضيق : أتفضلي ياست عنان ، إديني حكم .. محسسيني أننا مش لعبه رهف تمط شفتيها للأمام : خلاص بقي ياشيري ، ماهو الشايب فضل معاكي ودي قواعد .. يلا يانونو - وضعت عنان أصابع كفها داخل خصلات شعرها القصير وظلت تحك رأسها بتفكير حتي حدقت عيناها وأزداد بريقها بعد أن جاء بمخيلتها فكرة ماكره لتنفيذ العقاب علي صديقتها .. فأردفت قائله عنان باأبتسامه واسعه : بس ، لقيتها --------------------------------------------- داخل فيلا آل الحسيني ... جلست السيدتان بغرفة المعيشه يتبادلان للأحاديث سويا بجانب أرتشاف قطرات الشاي الساخنه المسكوبه داخل ذلك القدح الكحلي اللون نسرين تاركه قدح الشاي : تفتكري هتقدري تقنعي زين يرجع مصر هدي قابضه علي شفتيها : هحاول ، رغم إني حاسه بأنه مش هيوافق .. لكن كنت عايزة أريح بابا أديكي شايفه حالته عامله أزاي وبقي عصبي اليومين دول بزياده نسرين قاطبه جبينها : طب لو مجاش !!.. هنعمل إيه ؟ هدي جاحظه عينيها : مجااش !!! مينفعش ميجيش .. لازم يرجع أنا محتجاه قوي نسرين عاقده حاجبيها بتعجب : محتاجاه !! أزاي يعني محتاجاه وليه ؟ هدي بتوتر : محتاجاه يكون جمب جده ومع أهله يانسرين نسرين بعدم تصديق : ااها ماشي هدي ناهضه عن مكانها : أنا هامشي عشان سايبه عنان في البيت وزمانها بتذاكر دلوقتي نسرين : عقبال ما تشوفيها أحسن الناس ياحبيبتي ، خلي بالك علي نفسك ياهدهد هدي باأبتسامه صغيره : حاضر يانسرين .. مع السلامه نسرين : سلام - توجهت هدي لخارج ( الفيلا ) حيث أستقلت سيارتها وأمرت السائق بالأنطلاق صوب منزلها ، في حين .... هبطت الأربع فتيات ﻻسفل البنايه وبحوزتهم علبه كرتونيه كبيره تحوي عددا من التمر ( بلح ) ووقفا أمام البنايه ليلان ناظره للطريق : في عربيه جايه هناك أهي عنان مدققه النظر : أمممم ... يلا ياشيري شيري مبتلعه ريقها بصعوبه : عنان هو مفيش عقاب تاني ... ده عقاب بايخ ومحرج جدا رهف بنبره سريعه : يلا يلا ياشيري العربيه قربت .. ربنا معاكي - أستدارت الفتيات الثلاث وتوجها بخطواتهن للوراء وتركا شيري وحدها كي تتوجه لتنفيذ العقاب الملقي عليها ، فخطت بقدميها خطوات متردده خائفه ثم أشارت لسيارة ما علي الطريق لكي تتوقف .. حتي توقفت السيارة ، فأقتربت منها و شيري باأبتسامه مزيفه : صباح الخير يافندم الشخص باأندهاش : صباح الخير وأحنا بالليل ؟؟ شيري ناظره حولها بتوتر : اه اه قصدي مساء الخير الشخص مضيقا عينيه : مساء النور ، خير شيري ممده يديها المرتعشتان : أتفضل يافندم الشخص محدقا : إيه ده ؟ شيري باأبتسامه واسعه : بلح حضرتك ، انا وصحابي قررنا نكسب ثواب فقولنا نشترك في حملة أفطار صايم وأهو كله بثوابه الشخص رامشا بعينيه : رمضان فاضل عليه خمس شهور لسه ، أفطار صايم أزاي دلوقتي .. وبعدين ولا خميس ولا أتنين وكمان أحنا العشا أذن من بدري والفطار بيكون المغرب ، هو أنتي إيه بالضبط ؟ شيري بعيون مترقبه : مش مشكله خالص ، حضرتك ممكن تاخد البلح وتشيله أهو بركه للعربيه الشخص بتهكم : أيه رآيك أزرعه أحسن عشان يفقس بلح صغير ، وسعي ياشاطرة من سكتي .. قال صايم وأفطار قال - أنطلق الرجل بسيارته بسرعه كبيره بينما ظلت الفتيات داخل حاله هيستيريه من الضحك علي موقف صديقتهم فيما أشتعلت شيري غضبا منهم وقررت الأنتقام بأحدي الألعاب الأخري ولكن بعد أنقضاء عقابها ، فلمحت سيارة أخري أتيه من بعيد فأشارت إليها أيضا للوقوف ... فوجدت بها رجلا وسيده يبدو علي ملامحهم العبس وبوادر للشجار الرجل بحده : أفندم ؟ السيده بعجرفه زائده : لو عايزة توصيله ومش لاقيه عربيات ولا تكوسه متاسفين مش بنوصل حد شيري بنظرات محدقه : هاااا الرجل ناظرا لزوجته بقوة : أسكتي أنتي السيده بنبره حازمه : مش ساكته .. أنت هطلع التهزيق اللي خدته من أمك عليا ولا أيه الرجل بنبره عاليه : أنا حر .. اطلع ولا مطلعش وبعدين أنتي السبب في كل المصايب شيري رامشه بعينيها : صلوا علي النبي ياجدعان السيده مشيره بيظها : أنااا سبب المصايب ؟ أسم الله علي أختك الملاك اللي لسانها أربعه متر قدامها ولا نظرك مش جايب غيري ! الرجل بنبره عنيفه : أنا حذرتك مليون مرة وقولتلك أتكلمي مع أمي باأسلوب عدل شيري مقاطعه : تؤتؤ تؤ ياجماعه دي عين وصابتكوا صدقوني السيده لاويه شفتيها : مش لما تتكلم معايا كويس ، دي مش طايقاني الرجل ضاربا علي المقود : ماليش فيه .. انا عايز اشتري دماغي سيبيها تعمل اللي عايزاه السيده بحده : يعني تهزقني وأسكت شيري : لا لا أزاي تهزقك وتسكتي لازم تاخدي حقك الرجل بنبره حازمه : مهزقتكيش ، دي يدوب أتكلمت كلمتين وبتنصحك شيري مشيره باأصبعها : لا لا طالما مهزقتكيش ولا أشتغلت بالشبشب يبقي خلاص أطمني السيده بتهكم : نصيحة ايه دي ! بلا وكسه الرجل بعصبيه مفرطه : متستفذنيش أحسن وربي أطلقك فيها شيري لاويه شفتيها : والله ليك حق ، دي حتي شكلها وليه نكديه وغاويه عكننه السيده فاغره شفتيها : هاااا تطلقني انا ، طب اعملها وانا اوديك في ستين داهيه بالمؤخر ياحبيبي شيري بتهكم : تؤ تؤ تؤ ملكيش حق ، عايزة تبهدلي الراجل معاكي في المحاكم .. أخس عليكي أخس السيدة بنظرات مشتعله : أخرسي يابت أنتي ، وبعدين أيه اللي حشرك في اللي ملكيش فيه شيري بتهكم : أنتي لسه واخده بالك إني واقفه ياطنط السيدة بعصبيه : طنط في عينك ، ده انا اكبر منك بسنتين تلاته بس شيري محدقه : سنتين تلاته أيه ؟! ده أنا المفروض أقولك يانينه - لاحظ الفتيات ما يحدث من شد وجذب بين تلك السيده العابسة الملامح وبين رفيقتهم فقررا التوجه إليها ليلان مدققه النظر : شكل الست دي حربايه رهف بسخريه : شكل !!! انتي عندك شك عنان مضيقه عينيها : طب تعالو نشوف إيه الموضوع شيري ببرود زائد : ياطنط أهدي مش كده ، أعصابك ليلان : في أيه ياشيري ؟ شيري لاوية شفتيها : طنط كانت هتطلق حالا وتودي الراجل في ستين داهيه ، قولت أشهد شهادة حق السيده هابطه من السيارة : الله ! أنتوا مع بعض بقي ؟ عنان بنظرات متعاليه : أها مع بعض في حاجه ياطنط السيده بنظرات ناريه : متقوليليش طنط الرجل بنبره صادحه : انا ماشي ، وخليكي أنتي مع العيال شيري محدقه : عيال ! رهف عاقده حاجبيها بضيق : ليه شايفنا حاطين البزازة في بوقنا ياأونكل الرجل بنبره صادحه : أمشي منك ليها من هنا بدل ما انزل اعرفكوا شغلكوا عنان بصوت أنثوي صارخ : لا لا لا لا ، خلي بالك من كلامك ده احنا نلم عليك الشارع ونعملك قضية تحرش في الطريق العام ليلان جاحظه عينيها : عنان عنان ، مامتك جايه بعربيتها علي أول الشارع عنان محدقه بفزع : ياليلة زرقا ، خد ده ... يلا يابنات - ألتقطت عنان العلبه الكرتونيه التي تحوي حبات التمر وقذفتها بوجه الرجل ثم أنطلقا سريعا داخل البنايه ... بينما أستشاط الرجل غضبا وهبط من سيارته لملاحقة الفتيات ولكن الحارس ( البواب ) منعه من الدلوف داخل البنايه الرجل بحده : هطلع يعني هطلع الحارس بلهجه صعيديه : ياسعات البيه أنت أجده تجطع عيشي من أهني .. ودول بنات يودوك في داهيه الرجل بنبره عاليه : اشوف اهلهم ولا المسؤلين عنهم ، عشان يربوهم كويس هدي أتيه من الخارج وبنبره حازمه : في أيه اللي بيحصل هنا ياعبده ؟! الحارس مبتلعا ريقه بصعوبه : اا ا اصل الحكايه ياست هانم انوو ..... الرجل بنبره صادحه : الحكايه اني عايز اطلع لاهالي البنات اللي لسه طالعين من هنا ، لازم اقولهم يربو بناتهم بدل ما هما سايبين كده هدي محدقه عينيها : بنات !! بنات مين ياعبده الحارس قابضا علي شفتيه : اا ا الست عنان وصحباتها ياست هدي هدي بشهقه صغيره : بنتي !! عملت إيه ؟ الرجل بنظرات حاده : بنتك أنتي !!؟ هدي بغيظ : أه بنتي الرجل بنبره عنيفه : ولما هي بنتك مش مربياها ليه ؟! هدي بحده : ألزم حدودك ياسيد يامحترم ، بنتي هعاقبها بدون ما تقل في أدبك الرجل ملوحا بيده : حدودي عارفها ، الدور والباقي علي اللي سايبين عيالهم في الشوارع .. ستات عايزة الحرق - أنصرف الرجل من أمامها سريعا وتوجه صوب سيارته ليلحق بزوجته التي تركت المكان عقب ذهابه لتلك البنايه ، بينما أشتعلت عينا هدي وحواسها فيما تلقته من كلمات عنيفه من ذلك الرجل .. وقررت تلقين فتاتها ( بنتها ) درسا قاسيا في حين صعدت الفتيات للأعلي سريعا وتأهبن لصعود والدة عنان بأي لحظه .. حيث أصطفوا حول المكتب الخشبي وقاموا باأدعاء المذاكره حتي أقتحمت هدي الغرفه وعلي ثغرها أبتسامه مزيفه هدي : بتعملوا أيه يابنوتات ؟ عنان بقلق : بنذاكر ياماما شيري رامشه عينيها : ااه اه ياطنط بنذاكر هدي مقتربه منهم : وبتذاكرو أيه ؟ ليلان بتوجس : فرنساوي ياطنط هدي بنبره رخيمه : ربنا معاكوا ، عنان .. تعالي ورايا عايزاكي عنان مبتلعه ريقها بصعوبه : حااضر - توجهت هدي بخطي ثابته نحو غرفتها وتبعتها عنان .. وما أن دلفت للغرفه عقب والدتها صفعت هدي الباب صفعه قويه أنتفضت عنان علي أثرها وتوجست خيفه من والدتها ... فاألتفتت لها ( هدي ) ثم قبصت علي ذراعها بقوة جاذبه أياها هدي مصره علي أسنانها : مش ناويه تتهدي بقي وتلمي نفسك ، كل يوم مشكله وكل يوم مصيبه من تحت رأسك عنان رامشه بعينيها : يي ما ما بس افهمي ، حضرتك فاهمه غلط هدي ضاربه علي كتفها : تفهميني إيه ؟ أنتي ايه اللي نزلك الشارع يابنت حسين عنان بتأفف : مبلاش السيره دي ، مبحبش تناديني كده ياماما هدي بحده : محدش وكسك غير تربيته الزباله ، منه لله مطرح ماهو قاعد عنان متملصه من قبضتها : ماما أيدي وجعتني ااااااي هدي بعنف : مفيش أعياد ميلاد هتحضريها بكرة ، ولا هتنزلي تدريب الباليه كمان عنان فاغرة شفتيها : هااااا أييييييه ، لا لا ياماما انا اسفه بليززززز انا عندي عرض مهم جدا بعد تلات شهور ولازم أحضر كل التدريبات هدي بنبره حاده : ورحمة أمي ماأنتي رايحه في حته ، لما تتربي ابقي اعملك اللي انتي عايزاه عنان بلهجه راجيه : لا والنبي ياماما مدخليش المراحيم في الموضوع ، سيبيني اروح التدريب و وبعديها عاقبيني زي ماأنتي عايزة .. بليز زززز هدي بلهجه أمره : هي كلمه واحده مفيش ولا تدريبات ولا في أي party هتحضريه وأمشي أنجري علي أوضتك عنان ضاربه الأرض بقدميها : يوووووه بقي ، حرااام اتعب كل ده وتضيعيلي مجهودي حراام هدي بنبره صادحه : قولتلك أنجري علي اوضتك يلاااااااا - خطت بقدميها خارج الغرفه راكضه وتكسو تقاسيمها الضيق المبالغ .. بينما وجهت هدي صوب الهاتف وضغطت علي أزراره المستطيله لأجراء مكالمه تليفونيه هدي : أيوة ياعاطف ، أنت لسه عند بابا ؟؟ عاطف : ايوة ياهدي .. هبات معاه النهارده هدي بتنهيده : طب معلش أديهوني أطمن عليه عاطف مضيقا عينيه بحيره : ماانتي كنتي لسه عنده .. هو في حاجه ولا أيه ؟ هدي بتردد : اا لا .. نسيت اقوله حاجه مهمه ، أديهوني عاطف لاويا شفتيه : ماشي ياستي ، ثواني أدخل التليفون أوضته - ألتقط عاطف الأسلاك الكهربائيه الموصله بالهاتف ثم سحبها خلفه دالفا لحجرة والده الراقد علي الفراش .. ثم أعطاه ذراع الهاتف ( السماعه ) لكي يهاتفها أبراهيم بصوت متقطع : أيوة ... خير يااهدي هدي مبتلعه ريقها بصعوبه : عامل ايه ياحبيبي ، مش أحسن !! أبراهيم عاقدا حاجبيه : ماأنتي لسه ماشيه كحكح كحكح من عندي يابنتي ، قوليلي عايزة أيه محدش معايا في الأوضه هدي باأبتسامه عفويه : طول عمرك لماح ياحج .. انا فعلا عايزاك في موضوع كده أبراهيم بتأوي : اااه ... قولي يابنتي سامعك هدي باحراج : سلامتك من الآه ياحج ... بصراحه كده عايزاك في موضوع يخص .... يخص عنان .. | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
