غالبا مايكون الحب قدر لاخيارا / للكاتبة سحابٍ دنى..مكتملة

[لامارا]

-9-


( اليوم الثاني بالمزرعه)

الكل صاحي بدري يتجهزون للضيوف اللي بيجون

المغرب بعد ماجو ابونايف وعياله وابوتركي

العنود والجازي على طول دخلو مع البنات ورهف تعرفهم قبل عشان كذا ماكان صعب الموضوع عليها

بعد المغرب تجمعو اغلب الضيوف

ام فيصل : وجدان روحي قولي للشغالات يجهزون البخور ابوك متصل يقول جهزوه بيجي واحد من العيال ياخذه
وجدان : ابشري
وطلعت وجدان بتروح المطبخ وجت بوجهها الجازي وجلسو يسولفون ونست امها وش قالت لها
بعد 10 دقايق

مشاعل بالمطبخ تاكل حلا وفمها مليان
انفتح باب المطبخ الخارجي ودخل فيصل بسرعه
فيصل شافها من ورا ويحسبها وجدان

فيصل : وجدان وين البخور
مشاعل علقت اللقمه بحلقها وصنمت بمكانها
فيصل : وجداااان
مشاعل لفت عليه واللقمه بحلقها وتتكلم : مانيبب وجدان
فيصل فيه الضحكه على شكلها بس مو وقت ضحك : طيب لو سمحتي ياللي مو وجدان تعطيني البخور
مشاعل : وش دراني عن البخور انا ( بعدين تذكرت انها مالبست شي يغطي شعرها وطلعت برا تركض )
فيصل بقلبه : بنات عمي ملاحيس قسم بالله بس من ذي ! شكلها من الضيوف لان شكلها مو مألوف ! لاخير من الضيوف وتاكل حلا بالمطبخ ! انا وش دخلني فيها خل ادق على وجدان بس

اتصل على وجدان قبل مايرن دخلت عليه المطبخ
وجدان كانت شاطفتها مشاعل وهي تركض وداخله المطبخ وهي ميته ضحك

وجدان : وش انت مسوي بمشاعل ؟
فيصل : اللي تو مشاعل ههههههههههه ياحليييييلها بنت العم نكدت عليها لقمتها
وجدان : والله وجهها مخطوف روعت بنت عمي
فيصل تركى على الطاوله : والله صارت حلوه
وجدان تطق كتفه : واضح انك نسيت جاي عشان وشو !
فيصل : ايييييه البخور عطينياه بسرعه
وجدان طلعته وعطته : مره ثانيه اذا جيت تدخل طق الباب
فيصل : وش دراني ان مزرعتنا فيها مشافيح
وجدان : هههههههههههههههههه قصر صوتك والله بتموت لو سمعتك
فيصل طلع وهو يضحك

خلصت العزيمه
الكل راح وباقي عايلة ابوتركي

وجدان : خالتي بليز كملو عطلتكم هنا
ام تركي : والله ودنا بس مرتبطين مع اهلي بنسافر
رهف : يمممه تكفين ابي البنات مابي اروح لخوالي
ام تركي : بنات خالك هناك
رهف بصوت واطي : يع والله من النفاق
ام تركي : ووشو ؟
رهف : سلامتك ياقلبي بس بليز خلينا نجلس
الجده : خليها يا ام تركي والله اني اعدها وحده من بناتي
ام تركي : لا يا ام محمد ابوها ماراح يرضى
ام فيصل : عشاني يا ام تركي مسكينه خليها تنبسط مع البنات
ام تركي : خل تستأذن من ابوها ان وافق بكيفها
رهف راحت ترركض لجوالها

بعد خمس دقايق دخلت على الحريم وهي تنطط
رهف : وافق وافق وافق
وجدان ضمتها : الللله اخيرا تعالي نبشرر البنات

راحو يركضون بفرح للبنات

قبل مايدخلون غمزو لبعض ودخلو بحزن

رهف بتمثيل :بنات شفتو عبايتي ؟
ريوف : لااااااا ليه بتروحييين ؟؟؟
رهف : ايه للاسف
وجدان : اقنعت خالتي ورفضت
ريوف : والله قهر للان ماشفنا بعض كويس
رهف : يلا الجايات اكثر ان شاءالله
مشاعل : وربي قهر
رهف ماقدرت تكمل وماتت ضحك : امزززح
ريما طقتها : ياشييييييينك ضاق صدري

جا الفجر والبنات سهرانين وضحك وسواليف

وجدان : بنااات محد جاب مفرحات صح ؟
الهنوف طقت راسها : يوووه صححح ماجا على بالنا
رهف : مافي بقاله او محطه قريبه من هنا ؟
وجدان : الا
رهف : خلونا نطلب
الهنوف : حالمه انك بالرياض ؟
رهف : ليه مايوصلون ؟
وجدان تقلد صوتها : لاامايوصلون
ريوف : شرااايكم بنات نقول لخالي خالد يودينا
الهنوف : يلااا بتصل عليه
البنات تحمسو
بعد ماسكرت منه الهنوف

الهنوف : يقول انا بمزرعه خويي برجع الصبح

مشاعل : بتصل على سلمان
ريوف : لااا استحي ما امون عليه
مشاعل : ليه بنركبك بحضنه يعني ؟
ريوف : ههههههههههههههههه لا بس يعني فشيله
مشاعل : اقول بس عطوني كلمات تقطع القلب عشان يرحمنا
وجدان : ياليت عمي خالد فيييه
مشاعل : ولاتصدقون بتصل على عزوز مجرد ما اقول له هنوف معنا بيجي
الهنوف شهقت : خيرر والله ما اروح
مشاعل : بدت حركات الحياء اللي ماله داعي ( اتصلت على عبدالعزيز )




العيال كلهم بالملحق يشوفون فلم
عبدالعزيز نايم وجواله بيده يرن
كان فيصل جنبه

رن مرتين وانزعجو العيال
خذه فيصل وشاف الاسم ( مشاعل ) بدون شعور رد
مشاعل : حبيبي عزووووزي اخوي ممكن تودينا المحطه انا والبنات احس دقيقتين ويوقف قلبي من الجوع
فيصل فيه الضحكه
مشاعل : عزوز بليييييز من زمان ماطلبت منك شي ووافقت
فيصل مازال ساكت
مشاعل : افهم من سكوتك انك رضيت اوكييي يلا بسكر عشان نلبس
فيصل بصوته الضخم : لا
مشاعل ارتاعت : مين ؟
فيصل : انا فيصل وعزوزك نايم
مشاعل رمت الجوال على وجدان

وجدان بتساؤل : ميييين !
مشاعل : اخووك
وجدان رفعت الجوال : هلاا
فيصل : وينها ؟
وجدان : ماتلاحظ انك مروعها من امس ؟
فيصل : هي تلحقني ماجيتها انا
وجدان : ايييه هين بس اخلص شتبي
فيصل : انتم اللي داقين وش تبون ؟
وجدان : ايييه صح نبيكم تودونا المحطة
فيصل : ملزمين ؟
وجدان : اذا ممكن

مشاعل بصوت واطي : خلصي بسرعه رصيدي بيخلص
فيصل سمعها وضحك : اذا كان واحد من العيال بيجي معي بتصل عليكم تجهزون
وجدان : ليييه يعني بناكلك ؟
فيصل : مشاعل بتاكلني
وجدان : هههههههههههه
فيصل : يالله بسكر
وجدان : رد لي خبر
فيصل : اوك

سكرت منه

ريوف : وش يقول ؟
وجدان : بيشوف واحد من العيال يجي معه


عند العيال

فيصل يدور بعيونه بين العيال يشوف اللي طفشان من الفلم واستوعب ان محد يشوفه

عبدالعزيز وسلمان نايمين وسيف فاتح لاب توبه ومشعل وعبدالرحمن بزاويه جنب بعض على جوالاتهم وسعود برا يكلم وعبدالله وخالد مو موجودين
شاف ماجد يتثاوب

فيصل : مجيييد
ماجد : لبيه
فيصل : تجي معي
ماجد : وين
فيصل : البنات يبون يروحون لمحطه قريبه من هنا
ماجد : كم عددهم ؟
فيصل بملل : والله مدري اخلص علي
ماجد : ايه يالله اصلا ابي دخان حقي خلص
فيصل : لو تاخذ من بقاله سلامه يجيك سرطان رئه على طول كل اغراضه قديمه ومضروووبه
ماجد : ههههههههههههههههههههههههه ههههه الله لايقوله
فيصل اتصل على وجدان : يالله اطلعو

طلعو البنات
مشاعل والهنوف ووجدان ورهف وريوف
ركبو السيارة

مامشى فيصل
وجدان : يالله
ماجد : بس انتم ؟
وجدان : اييه
فيصل : غريبه وين الباقي
ماجد : شكل المعازيم ماكلينهم
فيصل : لا واضح ان مشاعل قايمه بالواجب
مشاعل تدور شي جنبها تضربه فيه بس مالقت
فيصل يسترسل : شف من التخمه سااكته
البنات : ههههههههههههههههههههههههه ههههه
فيصل : مشاعل زعلتي ؟
مشاعل : لا
فيصل : ليتك قايله ايه عشان اقول احسن
مشاعل مسكت شنطتها ورمتها عليه
فيصل مات ضحك : ههههههههههههههههههههههههه هه اسف والله
مشاعل : هات شنطتي
فيصل يلف ورا عشان يعطيها الشنطه : نعتذر يابنت العم بس لازم تتعودين على ثقاله الد.. معنا وجه جديد ؟
وجدان : ايييه رهف صديقتي
ماجد : الله يقلعك يافيصل وانت تتهاوش ماحترمتو ضيفتنا
فيصل يلف على المحطه : بطريق الرجعه بخليها تضربني بشنطتها عشان نفك الميانه مره وحده
وجدان : بذبححك عاد كل شي الا رهف

رهف كانت ساكته ومستغربه شوي من الميانه

نزلو كلهم
البقاله كانت صغيرة

رهف : لو اني عارفه ان هذا حجمها ماتعبت نفسي وجيت
وجدان : لايغرك الحجم فيها كل شي ترى
الهنوف : يخسون الدانوب وكارفور عند بقاله سلامه
ريوف : خذو للبنات عشان ماياكلونا اذا صحو
وجدان : نخلي مشاعل تاكلهم
مشاعل تضربها : اخلص من اخوك تجيني انتي
وجدان : ههههههههههههههه امزح والله
ماجد يجيهم : خلصتو ؟
وجدان : ايه دقايق بس
ماجد : اذا طلعتو خلال خمس دقايق بعزمكم على الفطور
البنات تحمسو وراحو يحاسبون

طلع ماجد وهو يضحك وراح لفيصل
ماجد : تعال بسألك هنا فيه مطعم قريبه ؟
فيصل : فيه
ماجد : وين قريبه؟
فيصل : ايه بس حتى الكلب مايقبل ياكل منها
ماجد : ياويلي بياكلوني البنات
فيصل: ليه ؟
ماجد : قايل لهم خلصو بسرعه واعزمكم على الفطور
فيصل : وهقتنا الله يهديك

ماكمل كلمته الا والبنات جايين

فيصل بصوت واطي : متأكد واعدهم بفطور بس ؟
ماجد : هههههههههههههههه ايه والله

ركبو السيارة
وجدان : يلا خل نروح نفطر
فيصل : عندكم خيارين فقط يالمطعم اللي بالمحطه الثانيه ولا توست وعصير وانا انصحكم بالثانيه
مشاعل : يالله نبي المطعم العوض ولا القطيعه
فيصل : متأكدين ؟
الهنوف : ايييه
فيصل : انا انصحكم نرجع المزرعه وتفطرون هناك عشان ماتكملون باقي الاجازه بالمستشفى
ماجد : وصخ المحل مره ؟
فيصل : اذا تذكرون اجازة رمضان اللي تنوم فيها دحوم بالمستشفى ترا اخر وجبه اكلها من هنا
رهف بحماس : لاااااااا
ماجد : اخيرا صديقتكم نطقت ههههههههههههههههه
وجدان : والله خاطري بفطور
فيصل : عشان تعرفون ان المطعم جد مقرف بقائمه الفطور عنده شاورما
ماجد : وين القرف بالموضوع ؟
فيصل : اصبر تخيل ينزل السيخ من الفجر عشان اذا جا الليل يكون خالص كله
ماجد : الله يقرفك ياوصخ
فيصل : ومايعترف بالقلفز ابدددد
ماجد : خلاص يرحم امك اسكت
فيصل وهو يضحك : والقطاوه بالمطبخ اكثر من العمال
رهف انقلبت كبدها صدق : تكفى خلاص خل نرجع
فيصل مات ضحك
مشاعل بصوت واطي لوجدان : بجيب اخوك عندي اذا قررت اسوي دايت
وجدان : ههههههههههههههههههههههههه والله ينفع مره
ريوف : حرام عليكم جوعانه امس ماتعشيت
فيصل : طيب فيكم النوم انتم ؟
البنات : لاا
فيصل : خلاص نرجعكم المزرعه ونجيب لكم فطور فخم
وجدان : من وين ؟
فيصل : فيه مطعم بس انه بعيد شوي

رجعو البنات للمزرعه وراحو ماجد وفيصل يجيبون لهم فطور

بعد ساعه وصلهم الفطور وافطرو ونامو عشان يقومون العصر


الظهر طفى الكهرب على المزرعة

بعد ساعتين

بالغرفه اللي نايمين فيها البنات

قامت الهنوف من النوم : الحيوان اللي مطفي المكيف يرجع يشغله
مشاعل اللي كانت صاحيه من اول ماطفى : شركه الكهرب الحين اكلمهم يشغلونه لعيونك
ريوف تتأفف : مشاعل بما انك مصحصحه ممكن تهفين علينا
مشاعل : بهفك بالجوال والله
ريوف : ياربيه والله حرر حرام عليكم
وجدان قامت معصبه : الله ياخذ العيال
الهنوف : وش سوو ؟
وجدان : ماسوو شي بس احتياط
ريوف : ههههههههههههه هنوف اتصلي على عزوز اتذكره يشتغل بشركه الكهرب قولي له يشوف لنا حل
الهنوف : ريوف جد مو وقتك
ريوف مافهمت : مو وقتك انتي تستحين اتصلي بس
الهنوف رمت عليها المخده
مشاعل : عزيز مهندس بشركه الكهرب ماله دخل بهالامور


نرجع للرجال

نروح للعيال اللي كانو قايمين من بدري باستثناء ماجد وفيصل اللي مانامو الا الظهر
وكالعاده ماحسو

عبدالعزيز : ياااثقل نووومهم
سيف : مرره اعوذ بالله كنت احسب نوم ماجد اثقل نوم مادريت ان فيصل ينافسه
سلمان : ياحليلك ماشفت شي
سعود : الكهرب يطفي هنا كثير ؟
عبدالعزيز : لا مو كثير بس اذا طفى خلاص انسى يشتغل بنفس اليوم
سيف : لااااتقول !
عبدالعزيز : والله غالبآ كذا
سيف : مافيه نت يعني
عبدالعزيز : للاسف بس اذا محتاجه مره عندي نت محدود خذ استخدمه
سيف : لايابعد قلبي ماتقصر


البنات صحو من الحر وطلعو برا
الا الهنوف ووجدان ورهف

رهف : اوووف ماشبعت نوووم
الهنوف : رهف وش جدييد عزيز ؟
رهف : للان على حالته يسولف شوي بس مره رسمي وامس مصور فيلم وسألته شسمه على اساس نبدا سالفه ونمت وهو مارد
الهنوف : والله ماتوقعت انه بهالثقل شهر كامل ماقدرتي تمسكين عليه شي ؟
وجدان : توقعت انا ترى من يوم انه صغير شخصيته كذا
رهف : يعني مشواري طويل
الهنوف : لا احس تمثيل قدامنا بس
وجدان : وين تمثيل وهي تسحب الكلام منه من شهر
الهنوف : يمكن شاك انها تعرفه !
رهف : مسسستحيل ماشك ولا 1% كل معلوماتي عنده غير وغير كذا حتى لو اقول معلوماتي انا ماراح يشك لانه مايعرفني
الهنوف : ماسألك عن تخصصك ؟
رهف : الا قلت له متخرجه من قانون
وجدان : ولو لخمك بسؤال قانوني ياحظي ! وش بتقولين ؟
رهف : شكلك نسيتي ان وعد اختي متخرجه قانون
الهنوف : حبيبي اللي حابكها صححححح
رهف : افاا عليييك اعجبك


دخلو جمانه وغدي عليهم

غدي : تعااالو برا جدي جاب 4 دبابات
وجدان : فيه شمس ؟
جمانه : لا غيم بس دفى شوي والبسو شيلاتكم ترى عيال اعمامي كلهم برا
الهنوف : يلا شوي ونجي

طلعو جمانه وغدي

رهف : روحو انتم انا بجلس هنا
الهنوف : خير تعالي
رهف : لاوالله كلهم مجتمعين فشيله مره ماعرفهم
وجدان : ماراح اطلع اذا ماطلعتي
رهف : احس قطه وجه وانا طالعه واعمامكم وجدكم فيه
دخلت مشاعل على جملتها
مشاعل : جدي واعمامي مو فيه بس عيال عمي وباقي البنات كلنا بنلعب تعالي رهووف
رهف استحت يوم سمعتها مشاعل
جت مشاعل وسحبتها من يدها : تعالي واول من بيركب الدباب معي انتي
وجدان : عاد انتي ماتعرفين سواقه مشاعل
رهف : لايكون ماتعرفين وبتوهقيني معك
مشاعل : عيييب عليك ! لعبتي الدبابات تعالي انتي بس

قامت رهف مع البنات وطلعو كلهم برا

اول ماطلعت هنوف كان عبدالله اخوها راكب الدباب وجا وغبر عليها

الهنوف تصارخ : ياسخييييييييييف عيوووني
عبدالله بصوت عالي : اسف حررم عزيز
الهنوف ندمت انها طلعت
وعبدالعزيز كان واقف وجنبه مشعل ويناظرها بتفحص يبي يشوف ردة فعلها بعد جملة عبدالله وشاف وجهها مكشر
عبدالعزيز بقلبه : كل ذا عشان نايف ! وابتسم باستهزاء
كانت عيون هنوف عليه بهاللحظه واستغربت ابتسامته بس ماعطت الموضوع اهميه

عبدالله رجع ووقف الدباب عندهم : يالله بنات من تبي اول دوره ؟
الهنوف : اناااا بس مو معك ما اثق فيك
عبدالله : افاااا !
الهنوف : والله شكلك نسيت اخر مره ركبت معك شصار
عبدالله : ههههههههههههههههههههههههه ههههه بعير انتي !
الهنوف تحاول تعلي صوتها : لا ما انسى ومستحيل اسامح
عبدالعزيز انقهر منها بس ماوضح وراح جهتهم وهو مبتسم
عبدالعزيز : ولايهمك يالهنوف انا اركبك معي
البنات قامو يصفرون والهنوف انخطف لونها
عبدالله : يالله زوجك بيقوم بالمهمه ( ويوجه الكلام لعبدالعزيز ) نصيحه بشويش عليها ماله داعي تنتهون بحادث والله ماتثق فيك الى يوم الدين
عبدالعزيز : لا ماعليك بعيوني هي
الهنوف : لالامابي خلاص
عبدالله : تصيحين قبل شوي الحين ماتبين تركبين
الهنوف : الا بركب بس مع وحده من البنات
مشاعل : محد بيركب معك روحي مع عزوز بس لاتذبحين اخوي بكبريائك
الهنوف جتها الصيحه وتشوف عمها خالد جاي من بعيد : عمييييي حبيبي بيركب معي
خالد : وش السالفة شفيكم
الهنوف : بيركبوني مع عزيز غصب
عبدالعزيز ابتسم يوم سمعها تقول عزيز بس بسرعه رجع وجهه جدي
خالد : طيب وش فيها زوجك الا دقيقتين ليه ماتركبين معه
الهنوف : شفيييكم انتم مابعد تملكنا !
عبدالعزيز ابتسم : نملك اليوم وش فيها !
الهنوف ساكته ماتدري وش تقول
خالد : بتركبين معه ان كنتي تغليني

خالد حاط بباله انها زعلانه للان من بعد سالفه الشاليه ماتوقع ان فيه شي اكبر من كذا

الهنوف ودها تصيح بس حاولت توضح ان الوضع عادي
الهنوف : اوكي

استغرب عبدالعزيز انها رضخت بسرعه توقع انها تطول
نزل عشان تركب ويركب وراها

الهنوف ركبت ركب عبدالعزيز
قلبها قامت ترتجف اول مره تكون بهالقرب من شخص وغمضت عيونها بقوه
عبدالعزيز حس فيها وخاف شوي وبصوت واطي : هنوف فيك شي ؟
الهنوف بصوت واطي : عادي انزل ؟
عبدالعزيز رحمها شوي : اوكي بس دوره وحده وانزلك عشان محد يستغرب بس
الهنوف : اوكي

مشى فيها بشويش ولف ورجعها

عبدالله : ويييين التفحيييط والتقلب ولا عشانها زوجتك
عبدالعزيز يضحك : لا خايف تفقد الثقه فيني وش بيرجعها عاد
خالد : حتى حلا ماترضى بهالدوره
عبدالعزيز : انا وزوجتي راضين خلاص
الهنوف : ايه من جد وش فيكم شايلين همنا مره ؟

عبدالعزيز استغرب من ردها بس تجاهل

خالد : عصبت هنوفي خلااص خلاااص بس كنا نبي نقدم شهر العسل لكم بس ماتستاهلون
عبدالله : وخر بس خلني اكمل لعب ليتني مانزلت
عبدالعزيز : لا وخر باخذ اختي . هيفاء ولامشاعل من تبي تحصل على شرف الركوب معي ؟
هيفاء بخوف : لاااااااماحب الدبابات انا بشوفككم من بعيد
مشاعل نطت : اناا بجي معك
وراحت تركض له

خالد : دحيم ومشيعل ماخذين دبابين روحو رجعوهم
عبدالعزيز : دقيقتين ويكونون عندكم

وفعلا دقيقتين ورجعو عبدالرحمن ومشعل

خالد : ههههههههههههههههه وش سوا بكم عزيز ؟
مشعل : قال رجعو الدبابات ويوم قلنا شوي قعد يحددنا لين بغينا نقلب
خالد : ههههههههههههههه كفووو عزيز
عبدالرحمن : ماكنت متوقع والله يسويها ومعه مشاعل بس والله سواها
فيصل توه صاحي من النوم وجايهم : وش السالفه وش تسوون
خالد : صباح الخييييييير
فيصل : صباح التبن والله وموب لك خويلد للتبن شركه الكهرب
ماجد وراه : عجزنا ننوم والله
سيف : ياكذاااااااب حلا تنطط عليكم قبل شوي مادريتو عنها ولاتحركتو حتى
ماجد : بذمتك ؟
سيف : والله
فيصل : حيوانه هالبنت
عبدالله : على اساس حسيتو يعني ؟
فيصل : عورني ظهري يوم علمتوني
سعود : وين الدباابات
خالد : اصبرو لين يخلصون البنات
وجدان : ياعيووني ياعمي اموت بالمناصرين للمرأه بكل زمان ومكان
فيصل : اركبي معي واوريك مناصر المرأه وشو
وجدان : مابعد بعت عمري

بهاللحظه رجعو عبدالعزيز ومشاعل

مشاعل تصارخ : الله ياخذك ياعزيز الزفت انت وسواقتك الخايسه
عبدالعزيز ميت ضحك : انتي غبيه ولا احد يطيح من الدباب لاني لاف بقوه ؟؟؟
خالد : تبيها تطيح وهو متعدل يعني ؟
عبدالعزيز : اوكي ساقي حكت الارض بس بعد غبيه ليه تطيح
مشاعل نزلت وهي تدعي عليه

عبدالعزيز باستهبال : يالله من يبي دوره ؟
ماجد : والله ودي بس شكل اختك مايحمس
مشاعل : كل تبن انت الثاني
ماجد : هههههههههههههههههههههههه الحقيقه ماتزعل
فيصل : لاتتطنزون على بنت عمي
مشاعل : انت بالذات اسكت
خالد : هههههههههههههههههههههههه وش فيك عليهم ؟
فيصل يمثل الحزن : انا ؟ ادافع عنك وتقولين اسكت ؟ يجي منك اكثر يابنت العم
مشاعل : لايكثر ياولد العم
ماجد : انتي مشاعل صح ؟ بحطك بالقائمه السودا خلاص منيب محارشك ابد
مشاعل : يكون احسن
عبدالعزيز : كفوووو اجلديييهم


كملو لعب لين جا الليل بعدين نزلو عشان يجهزون العشاء


الليل

عبدالعزيز ركب السيارة عشان يشغل النت
شاف رساله من روفا ورد عليها
واستغرب انها مافتحت الرساله بالعاده تفتح على طول
بسرعه راح لبرنامج ثاني ونسى موضوعها

الساعه 2 الفجر البنات نامو ومابقى الا رهف
وكان الكهرب طافي للان


جلست شوي تحاول تنام وماجاها النوم وقررت تطلع بس خافت
ودها تقوم وحده من البنات بس رحمتهم توهم نايمين

اشتغل الكهرب وفتحت اللمبات وارتاعت رهف
شافت كل البنات بمكانهم الا مشاعل

قامت طفت اللمبات ومسكت جوالها
وشافت مشاعل مرسله سناب برا
كتبت لها : ويينك ؟

وبنفس الوقت شافت رد عبدالعزيز وردت عليه

برا كانت مشاعل على الدرج حق باب المطبخ جالسه مع عبدالعزيز يسولفون


مشاعل : اخخيرا فتح الكهرب , بدخل اسوي كوفي تبي اسوي لك معي ؟
عبدالعزيز : ياليت والله
مشاعل قامت : طيب

فتح جواله وشاف رد من روفا وتجاهلها بنفس الوقت كانت رهف متصله على مشاعل بسناب يوم ماردت عليها

شاف الاسم وارتاع !
روفا ونفس الرقم !!!
فتح جوال مشاعل على اسمها وفتح جواله

نفس الاسم !!!
عبدالعزيز بقلبه : وش هالصدف !! صديقة مشاعل تكون عندي !! غررريب !!
جا بيفتح رسالتها بعدين حس انه ملقوف وترك الجوال
اتصلت مره ثانيه

عبدالعزيز : مشااعل جوالك يرن
مشاعل تركت اللي بيدها وجت بسرعه : ميين ؟ ( وخذت جوالها بسرعه ) رهوووف ! غريبه صحت
عبدالعزيز : مين رهف !
مشاعل : صديقه وجدان وهنوف
عبدالعزيز ارتاع وجلس يربط الافكار في مخه
عبدالعزيز : وش جابها عندك تعرفك زين ؟
مشاعل : ايييه اعرفها هي الحين هنا
عبدالعزيز : هنا وين !
مشاعل : بالمزرعه
عبدالعزيز : وش جابها !
مشاعل : ماتلاحظ انك تسأل واجد ؟
عبدالعزيز حس انه زودها : استغربت والله صديقتهم وجايه هنا
مشاعل : بيتهم قدام بيت جدتي
عبدالعزيز : اماااا عايلتهم ال... ؟
مشاعل : ايوووووه عليك نور
عبدالعزيز : اخت ترركي .. اهااا !
مشاعل : اتوقع اي
عبدالعزيز : ياالله قومي خلصي الكوفي جاني نوم
مشاعل : بعطيك اياه وبطردك رهف تقول بطلع معك
عبدالعزيز : بيومين صارت اغلى مني
مشاعل : لاوالله بس رحمتها تقول صاحيه من ربع ساعه
عبدالعزيز : خلاص ياعيوني قولي لها تجي بقوم اانا الحين
مشاعل : خذ قهوتك اول
عبدالعزيز : اوكي

خذ قهوته وراح لقسم الرجال وهو يقلب الموضوع براسه
رهف صديقة هنوف ووجدان عندي بسنابي !!
بعدين حاول يتذكر متى شافها : اهااااا هي اللي وديتها لبيتهم مع فيصل ! صحح بنفس اليوم ذاك جتني اضافتها بالسيارة ! حاول يتذكر وجهها بس ماقدر
يالله مردك ياعبدالعزيز تعرف وش عندها وليه مضيفتك
دخل جواله بجيبه ودخل المجلس يكمل السهره مع العيال

[لامارا]

-10-


( اليوم الثالث بالمزرعه )

العصر

وجدان بالمطبخ تسوي لعمها خالد قهوة ورهف عندها جالسه فوق الطاولة

رهف : يختي تعبت نفسيا من ولد عمكم ثقله حوم كبدي
وجدان : ههههههههههههه لييه شسوا بعد
رهف : يجلس سنتين مارد والسنه الثالثه يفتح المحادثه ويرد بكلمه وحده
وجدان : ذاابحنا العقل والثقل
رهف : اوكي كلهم ثقيلين بس انتي !! طبعا لا
وجدان : ثقيله بس اضيع عند الحلوين
رهف : هههههههههههههه لاياشيخه
وجدان : والله
رهف تشوف جوالها : شحني 9 ياربي مو وقته

راحت تشحن جوالها

ووجدان خلصت القهوه ودقت على عمها

وجدان : عمي خلصت اجيبها ولاعندكم رجال ؟ .. ايه خلاص هي جاهزه ..خلاص اوكي

سكرت فجأه دخل ماجد وماكانت لابسه شيلتها صد بسرعه بعدين رجع يشوف
ماجد : وجدااان؟ ارتعت احسبك وحده ثانيه
وجدان : خير واذا وجدان ماتصد يعني ؟
ماجد : لا اعتبرك اخو فيصل
وجدان : هههههههههههه سخيف والله اقول خذ قهوة عمي وانت ساكت
ماجد : وش رايك نسحب على عمك وتجين تتقهوين معي بس
وجدان : لو انه مع احد ثاني وافقت بس معك لا
ماجد يغني : لو جات من غيرك ترى كان هانت اما تجي منك ياهي قويه !
وجدان : صوتك يسد النفس بس تصدق انه احسن من المغني الحقيقي
ماجد : ماقد سمعتها عاد بس حافظها من كثر مايجرحوني العالم
وجدان : دراما كوين

رن جوال ماجد

ماجد : هلااا والله اسف بنت اخوك اشغلتني تقول خلك معي ابيك .. هههههههههههههههههه امزح والله بس نسيتك مع السواليف .. طيب طيب

وجدان رمت عليه كفر الجوال : ياسخيف الحين بيصدقك
ماجد : عاد انتي قايلتها كذبت انا ؟
وجدان شافت ان مافيه فايده وطلعت وهي تضحك
ماجد اخذ القهوه وطلع للمجلس

الليل عند البنات
الساعه 11

البنات كلهم يشوفون فلم ونورة ماتحب الافلام ومعصبه عليهم

نورة : لو اني داريه ان فعالياتكم كذا ماخربت نومي
ريوف : روحي نومي يالعجوز خلينا نستمتع
وجدان : ياعمررررري شوفو دمعته نزلت الله ياخذها
الهنوف : هو دراما خلاص تركته المفروض يعيش حياته
وجدان : وينسى اللي بينهم بدقيقه ؟
الهنوف : والله لو تركني شخص بهالطريقه بنساها بالدقيقة اللي بعد الموقف
رهف : صادقه هنوف مستحيل اتذكر واحن بالعكس بحقد عليه
ريوف : لاوالله حرام عليكم انسى العشره والايام الحلوه عشان موقف واحد ؟
رهف : هي نسفت كل شي حلو بينهم بكلامها
ريناد : ممكن تسكتون وتخلونا نكمل الفلم
ريوف تجاهلتها : لا حرام عليكم هنوف ورهف ماتوقعت انكم كذا قاسين
وجدان : خل نكمل عشان يمدينا نطلع برا قبل مايجي الصبح

بعد ساعتين ونصف

وجدان : ماحبيت النهايه خير ليه يموت الحلو
ريوف : انا انقهرت من السخيفه البطله لييه ماجت يوم دق عليها وقال ان فيه سرطان
الهنوف : وع قهرني هو ليه مازال يبيها يعني تجي عشان ترحمه ولاوشو ؟ مره وعع طاح من عيني
وجدان : من زين عينك
رهف : صح على الهنوف والله وع شخصيته صارت خياس مرره
وجدان لفت تشوف البنات وشافتهم نايمين كلهم
رهف والهنوف وريوف كملو نقاش وماركزو
وجدان : ههههههههههههههههههههههههه هه شوفو وجيه البنات
لفو عليهم
ريوف : هههههههههه واضح الفلم ناييييم
رهف : هو نايم عاد بس مافيه الا هو وش نسوي
وجدان : طيب شرايكم نطلع
الهنوف : يلا

قامو البنات وطلعو برا
كان الجو مره حلو

ريوف : الله الجو مررره حلووو
وجدان : مررره يجنن الساعه كم ؟
الهنوف : 1 ونصف
رهف : توقعت اننا 4
وجدان : بنات شرايكم نروح جهة مواقف السيارات ؟
الهنوف : يلا قدام
وجدان : بس اخاف انهم صاحين
رهف : طيب واذا صاحين ؟
وجدان : ودي نسرق وحده من سياراتهم وندور فيها
رهف بصرامه : اقييين ؟
وجدان : كلام الشيوخ ماينعاد
رهف : الشيوخ بينجلدون
ريوف : والله ماتوقعت انك تفكرين ياوجدان
وجدان : افا عليك مابعد شفتي شي
ريوف : بس كيف ناخذ المفاتيح
الهنوف : هذي سهله لان اغلبهم عندهم سبير وغالبا يكون بالسياره
رهف : كيف بتفتحونها طيب
وجدان : االا اكيد مفتوحه دايم يخلونها قد ركبنا كم مره بسياراتهم
رهف : اهااا يعني لكم سوابق
وجدان : ايييه بس حدنا نركب وننزل هالمره لا بنسوق
ريوف : طيب مين تعرف تسوق ؟
وجدان : مو انا
الهنوف : ولا انا
ريوف : ولا انا
كلهم التفتو لرهف
رهف بخوف : اعرف بس اخاف احد يكشفنا
ريوف : محد كاشفنا تعالي بس
رهف : بس لحظه ابي سياره كبيره
وجدان : فيه سياره جدي

راحو البنات يمشون بشويش للمواقف

وجدان توقف جنب سياره جدهم وبهمس : يالله رهف
رهف بصوت عالي : شااااص ؟
الهنوف : قصررررري صوتك ايييه شاص وش تبين يعني
رهف : شكلكم ماقد سمعتو صوته !
ريوف : لاوالله ماحصل لي الشرف
رهف : طيب عندي فكره نمشيها لين نوصل برا بعدين نشغلها
ريوف : يالله قدددام
ركبت رهف بمكان السايق وجنبها وجدان وبالمرتبه الثانيه ريوف والهنوف
شغلت الفلاش عشان تشوف زين

بهاللحظه سمعو صوت
نطو بسرعه للمرتبه الثانيه وانسدحو كلهم وكان فيه فرشه جنبهم شالتها رهف وحطتها فوقهم عشان ماتوضح اشكالهم


من الجهه الثانيه
عبدالعزيز وسيف جايين جهة المواقف

عبدالعزيز : لا منيب رايح بسيارتي بر وغبره
سيف : لو اني قايل لعبدالملك يمرنا اسرع
عبدالعزيز : لا فيه شاص جدي باخذه ازين
سيف : يالله

قربو من السيارة

البنات متزاحمين بالمرتبه الثانيه ويرجفون

الهنوف بهمس : يممه شكلهم بياخذون الشاص
رهف بخوف : لا لاااا يارب لا
وجدان : اسكتوو قربووو قربووو

ركب عبدالعزيز مكان السايق وسيف جنبه
البنات انكتمت انفاسهم

سيف : حولنا محطه ؟
عبدالعزيز : ايه تبيني امرها ؟
سيف : ايه اذا ماعليك امر
عبدالعزيز : اوكي

دقيقتين وهم عند المحطه نزلو كلهم

وجدان بهمس : وش نسوووي ؟
رهف وهي تصيح : ابييي امي
الهنوف : مو وققتك اصبري لازم ندور حل
ريوف : بنات خل نتكلم ونقول لهم يرجعونا لانهم بيروحون البر
الهنوف : يممه تخيلو ينامون هناك
البنات خافو

عبدالعزيز شاري اغراض كثيره وجا فتح الباب اللي ورا
البنات انكتموووو

شال الفرشه وشافهم ورجعها بسرعه
عبدالعزيز بعصبيه: وش جابكم هنا !!!!
البنات ساكتين
عبدالعزيز ارتاع : انتم انس ولاجن !!
وجدان بصوت مكتوم : رجعنا البيت مامعنا عبايات
عبدالعزيز : على اساس لو معكم عبايات بوديكم البر
رهف انفجرت ضحكت من بين دموعها : ههههههههههههههههههههههههه ههه
عبدالعزيز فيه ضحكه كلهم تحت الفرشه لاووحده تضحك
عبدالعزيز : اسكتو سيف جا بصرفه وارجعه

البنات سكتو سيف ركب السيارة

سيف : اسف تأخرت عليك
عبدالعزيز : بوديك عند العيال وبرجع المزرعه ناسي اغراضي
سيف : وش ناسي
عبدالعزيز توهق : بوكي وجوالي الثاني
سيف : وش تبي بالبوك بالبر
عبدالعزيز : ماتلاحظ انك تسأل واجد
سيف : خلاص حطني بمزرعتهم وبعدين رح جب اغراضك
عبدالعزيز : ليه مابعد راحو ؟
سيف : لا
عبدالعزيز : طيب

راح عبدالعزيز لمزرعه اخوياهم

عبدالملك يستقبلهم عند الباب

عبدالملك : يالله حي الشباب
سيف ينزل : ياهلا والله الله يحييك
عبدالملك : عزيز انزل تقهوى بعدين نمشي
عبدالعزيز : لا ناسي اغراض لي بروح اجيبها واجيكم بالبر
عبدالملك : خلاص الله يستر عليك

البنات خايفين مره

عبدالعزيز كان معصب مره وماكان يدري من اللي معه عشان كذا ماسك اعصابه

والسياره هدوووووء مافيها الا صوت انفاسه
البنات مكتومين

وصلو المزرعه

عبدالعزيز : انزلو ولاعاد تعيدونها هالمره عدت على خير المره الجايه ماراح تعدي
نزلت الهنوف
وجدان بصوت عالي : رهفف رهفف بنااات شوفوها مغمضه عيونها
الهنوف ارتاعت : يممه وش جاها
ريوف قربت اذنها عند فمها بتشوف تتنفس ولالا
رهف تتنفس بس التنفس بطيئ

عبدالعزيز ارتاع ونزل بسرعه وجا عندهم : وش فيها البنت !!!
وجدان قامت تصيح : يمممه ماتت
ريوف : فال الله ولافالك تتنفس البنت بس يمكن اغمى عليها
الهنوف : عبدالعزيز ودها المستشفى
عبدالعزيز يوم شافهم بدون شيلات صد
عبدالعزيز : خلاص جيبو عبايتها بسرعه ووحده منكم بس تجي معها

البنات راحو يركضون
وجو كلهم لابسين عباياتهم
عبدالعزيز شافهم وعصب بس سكت معهم حق خايفين على صديقتهم
وجدان حطت العبايه فوقها وركبو كلهم ورا باقي الهنوف ماكان لها مكان لان رهف منسدحه وراسها فوق ووجدان ورجلينها فوق ريوف
راحت فتحت الباب اللي قدام وركبت
عبدالعزيز مالتفت عليها ومشى

البنات يصيحون

عبدالعزيز بهدوء : خلاص اسكتو ان شاءالله تجي سليمه
وجدان وهي تصيح : هي فيها ربو اخاف انكتمت مره
عبدالعزيز اسرع شوي وهو خايف

بعد نصف ساعه كانت صعبه على البنات وصلو المستشفى
البنات توهقو ماعرفو كيف ينزلون رهف

جا عبدالعزيز وشالها بخفه
دخل المستشفى بسرعه

ولما شافوها طايحه جابو السرير وشالوها بسرعه

وقفو كلهم ينتظرون الدكتور يطلع يطمنهم
طلع الدكتور وكلهم قربو منه

الدكتور يوجه كلامه لعبدالعزيز : انت اخوها ؟
عبدالعزيز : ايه
الدكتور : اختك مافيها شي بس مجرد كتمه بسيطه لان فيها ربو وعطيناها بخار وصحت الحين
البنات بسرعه دخلو عندها
الدكتور قرب عند عبدالعزيز : ماحبيت اخوف خواتها بس بقولك ترى البنت تغذيتها جدآ سيئه عطيناها غذايه بس لازم تنتبهون على اكلها
عبدالعزيز : ان شاءالله
الدكتور يسترسل : وبالنسبه للربو خذ لها بخاخ من الصيدليه بكتب لك اسمه الحين
عبدالعزيز : اشكرك يادكتور ماقصرت والله
الدكتور يطلع القلم : هذا واجبي اخ ... ماتشرفنا بالاسم ؟
عبدالعزيز : عبدالعزيز
الدكتور : معك دكتور فهد
عبدالعزيز يسلم عليه : حياك الله دكتور فهد

اخذ عبدالعزيز اسم البخاخ وراح الصيدلية

اما عند البنات

وجدان : اماا شكلك رهوف وعزيز شايلك كأنه شايل علبه منديل هههههههههههههههههه
ريوف : انا ماتوقعت يشيلها بس والله جنتل مان
رهف : يا الله كيف بطلع الحين واركب معه فشيييله

طق باب الغرفه
عبدالعزيز يدخل وهو منزل راسه : اخبارك رهف
رهف بصوت واطي : الحمدلله
عبدالعزيز : اذا خلصتو انا عند الاستقبال انتظركم
الهنوف : طيب الله يعطيك العافية
عبدالعزيز : يعافيك
وطلع وسكر الباب


بعد دقيقتين طلعو البنات وهم ماسكين رهف كل وحده من جهه

رهف : شفيييكم خلاص اقدر امشي
وجدان : لا اليووم بندلعك كم روفا عندنا ؟
رهف : ليته من زمان مغمى علي
صقعتها الهنوف
ريوف : وجع بسم الله عليك
رهف : الا والله وناسة يكفي مز شايلني لا وزياده على كذا بتدلعوني انتم
الهنوف طقتها : وقدامي بعد !
رهف : مابعد وافقتي عاد يعني خليني اتغزل عادي
الهنوف : شكلي بوافق عناد فيك

عبدالعزيز كان جالس على الكرسي مانتبهو له
قام ومشى قدامهم

رهف تغطي وجهها بيدها : يممممه سمعنا ! تكفون برجع مشي خلاص مابي اركب معه
الهنوف : الله ياخذك يارهف كلله منك
وجدان وريوف : ههههههههههههههههههههههههه ههههههههه
وجدان : الله ياخذكم بيقول ماشافو خير
ريوف : عاد جد مزيون ياحظك ياهنوف
الهنوف : اصص الحين بيطلع لنا من الارض وتكمل عاد


ركبو السيارة وكلهم ورا

دق جوال عبدالعزيز : هلااا والله .. اسف والله اضطريت اتأخر شوي .. لا خلاص مسافه الطريق واكون عندكم .. يعني عطني نص ساعه ... خلاص ابشر تبون شي غيره ؟ .. ابشر من عيوني .. يالله فمان الله

عبدالعزيز بعد ماسكر وقف عند المحطه
عبدالعزيز : تبون شي
البنات : لا
عبدالعزيز نزل وسكر السيارة

رهف : الساعه كم بنات ؟؟ جوالي طفى
وجدان شافت الساعه وارتاعت : 5 !!!!! يمه طوولنا
الهنوف : يارب محد يحس بغيابنا
ريوف : ياربيه توتررت

ركب عبدالعزيز السيارة ومشو للمزرعه

5 دقايق ووصلو نزلو البنات

عبدالعزيز فتح شباك السيارة وقال بصوت عالي : رهف
رهف لفت وقربت عنده وبنبره استغراب : هلا
عبدالعزيز عطاها كيس الادويه
عبدالعزيز : خذي هذا بخاخ الربو
رهف :الله يعافيك ليه كلفت على نفسك
عبدالعزيز : مافيه كلافه , ( واعطاها كيس فيه فطاير وعصيرات ) وخذي هذي
رهف بصدمه : لااا ليه ؟
عبدالعزيز : الدكتور يقول عندها سوء تغذيه لازم تاكل
رهف بااصرار : عندي اكل خلاص باكل خذ هذي ما ابيها
عبدالعزيز : خذيها ولا بدعسك
رهف خذتها وهي مرتاعه : شكرا عبدالعزيز
عبدالعزيز : العفو ( وبسخريه ) ياروفا
رهف تغير وجهها ومالاحظ عبدالعزيز لانه كان منزل راسه شوي
سكرت باب السياره بقوه وراحت تلحق البنات

دخلت المجلس عندهم وكان مافيه الا وجدان والهنوف
ريوف راحت تشحن جوالها

رهف : الله ياخذكم ليه تتركوووني
وجدان : وينك انتي !!
رهف : عبدالعزيز عطاني كيس صيدليه وكيس اكل ياربيه خلاص ابي ارجع الرياض كفاااايه كذا
الهنوف : حب من اول اغماء
رهف : حب بعينك بعدين ماتغارين انتي
الهنوف : تدرين انتي اني رافضته ! مايهمني بنسبه 1%
رهف بجديه : عاد تصدقين احسك تكذبين على نفسك
الهنوف : ليه ؟
رهف : اذا جينا للجد عبدالعزيز مافيه عيوب يعني احس انك تتغلين بس
الهنوف : المفروض عاد تكونين اكثر وحده فاهمتني
وجدان : حتى انا مافهمتك يالهنوف
الهنوف بضحكه : جيتكم واحد وجيتوني جماعه ( واسترسلت ) واضح كلامي ما ابيه وما احبه ومغصوبه عليه بعد يعني وش تنتظرون مني بالضبط مادري عموما قفلو على الموضوع هذا ولا بروح انام
رهف : لاخلاص نمزح اجلسي

جلسو البنات يسولفون لين جاهم النوم ودخلو عند البنات

رهف ووجدان نايمين جنب بعض

رهف بهمس : صار شي اليوم استغربت منه بس ماقلته لان هنوف فيه
وجدان بنفس الهمس : وشو !
رهف : تخيلي عبدالعزيز يوم شكرته قال العفو ياروفا ! بسم الله وش عرفه ! وجدان لايكون كشفني !!
وجدان : لااااااااا مستحيل يمكن سمعنا وحنا بالمستشفى
رهف : حتى لو سمعنا ليه يقوله !!!
وجدان : لامستحيل كشفك نامي بس يارهف هولمز
رهف : ههههههههههههه يارب كلامك صح
وجدان : الا صح لاتوسوسين خلاص
رهف : طيب خلينا ننام
وجدان : ايييه ورانا باربكيو العصر
رهف : من يقوله ؟
وجدان : ماسمعتي امي امس على العشاء
رهف : لا مانتبهت

نامو البنات عشان مايصحونهم وهم ماشبعو نوم


أتمنى اشوف تفاعلكم وتوقعاتكم

[لامارا]

-11-


العصر اللكل صحى الا وجدان وريوف والهنوف ورهف

ام عبدالله : مانامو معكم ؟
مشاعل : لا حنا نمنا بالمجلس ولما صحينا بنروح الغرفه ماشفناهم
ام فيصل : تكفين يامشاعل صحيهم
مشاعل تقوم : ابشري
ام محمد : اجلسي يامشاعل انا بروح اصحيهم
ريناد : امي لطيفه قامت عليهم الله يعييينهم
مشاعل : ههههههههههههههههه الحمدلله اني ماسهرت معهم
هيفاء : والله رحمتهم

الجده دخلت الغرفه معهم ومعها عصاتها وهم بسابع نومه
قعدت تطق الباب بقوه بعصاتها

ريوف صحت : وجع ان شاااءالله وش هالازعاج
ام محمد : يوجعك يالفاهره احد يقول وجع لجدته ؟
ريوف توها تفتح عيونها : اسفه يمه والله مادريت انه انتي
الهنوف اكره ماعندها احد يصحيها من النوم صحت وهي متنرفزه وبصوت واطي لريوف : ليته مو عيب عشان اقوم اضربها
ريوف ماتت ضحك
ام محمد :اتركو عنكم الضحك وقومو عمكم خالد ينتظركم برا كلكم بتسوون الغدا
وجدان : تستهبلون مقوميني من النوم عشان اسوي غداكم ؟
ام محمد : ايه بتقومين ورجلك فوق راسك
وجدان بصوت واطي : بيطلعون اللحم من عيونا بس هين ان ماسممتكم ما اكون وجدان
رهف : ههههههههههههههههههههههههه تعوذي من الشيطان وقومي
وجدان : والله يقهرون زياده على اني ماشبعت نوم بيخلوني اشوي معهم

قامو البنات

بعد نص ساعه كلهم طلعو برا

كان عمهم خالد جالس على كرسي جنب الشوايه ويعطي اوامر

خالد : يالله حي بنات اخوي واختي وصديقتهم يالله كلكم بتنكرفون اليوم
وجدان : لييه وين العيال هم اللي دايم يشوون
خالد : عبدالعزيز وسيف بالبر وعبدالله وسعود وسلمان رايحين القصيم يزورون واحد مافيه الا ماجد وفيصل ومشعل وعبدالرحمن
الهنوف : فيهم خير 4 خلهم يطبخون لنا وحنا ناكل بس
خالد : مشعل شغلته يدق عود ويغني وماجد بالبقاله يجيب باقي الخضار وفيصل بالمخزن يجيب حطب
ريوف : ودحيم ؟
عبدالرحمن كان جنب خالد
خالد : عبدالرحمن يقول نكت ويضحكني هذي شغلته الوحيدة
مشاعل : عمي تستهببللل ؟
خالد : كبرك انا عشان استهبل ؟
مشاعل : ياربيه ياشينكم شمس وحر وانتم رايقين

بعد ربع ساعه ماجد كان داخل المطبخ ومعه الاغراض

كانت وجدان بالمطبخ تسوي لها كوب قهوة


ماجد : وانتي 24 ساعه بالمطبخ ؟
وجدان : ترى مو ناقصه والله
ماجد وهو يضحك : وش فيك من مزعلك
وجدان : امي لطيفه مصحيتنا بطريقه همجيه انقهررت
ماجد : ههههههههههههههههههه ليه شلوون
وجدان : لاتضحك مره مايضحك !
ماجد وهو يحاول يكتم ضحكته : طيب ماراح اضحك بس علميني كيف
وجدان اللي كانت جد معصبه : بالموووت نمت 11 وجايين من 2 يصحوني خييير لا وتخيل امي لطيفه تطق الباب بالعصى بقوه
ماجد : احمدي ربك مو مثلنا جدي يصحينا بالمويه
وجدان : وش هالعايله اللي ماتحترم النايم !
ماجد : حتى وانت صاحي مايحترمونك تبينهم يحترمونك وانت نايم
وجدان : من جد !
ماجد : يلا عاد وريني صفه اسنانك
وجدان ابتسمت غصب
ماجد ابتسم : اييييييوه كذا



بعد ساعه تجمعو كلهم البنات فرشو لهم فرشه وجلسو يتقهوون
وخالد جالس يعطي اوامر
وماجد هو اللي قاعد يشوي
ووجدان بالمطبخ تقطع الخضار وتسوي شاهي لعمها
وريوف تتبل اللحم
ومشاعل جالسه مع عمها خالد




وباقي البنات يتقهوون

عند البنات

هيفاء : بنات ماتدرون متى بنرجع من المزرعه ؟
ريما : بكره
مشاعل : من جدددك ؟
ريما : والله امي امس تقوله

ريوف خلصت وجت جلست معهم

ريوف : الحلوين شيسولفون فيه ؟
هيفاء بحزن : تخيلي بنرجع بكره
ريوف : وييين ؟
نورة : الرياض
ريوف : لااااااا خلصت الاجازه !!!
نورة : ايه الدوامات تبدى الاحد
ريوف : اليوم ايش اصلا !
نورة : الاربعاء
ريوف ترفع جوالها تشوف التاريخ : كويس لسى باقي لنا اسبوع ونصف
هيفاء : ليه تاريخ كم تبدون ؟
ريوف : تبدا الدراسه 5/5 وحنا الحين 25/4
هيفاء : اليووم 25/4 !
ريوف : ايييه
هيفاء : اوووه بعد بكره البيرث داي حق ميش
الهنوف : صددق
هيفاء : اي والله
ريوف : اسكتو خلونا نسوي لها مفاجأه
هيفاء بحماس : قبلللللللللل ماتقولون شي انا بجيب لها الشنطه اللي امس تقول انها عاجبتها
البنات قعدو يصارخون وكل وحده تقول وش تجيب لين صار كلامهم مو مفهوم

جتهم مشاعل بسرعه
مشاعل : شفييييييكم تتهاوشون خير
البنات سكتوو يوم جت
ريوف : تحمسنااا بنقاش
مشاعل : عن وشو ؟
الهنوف: يالقف هالبنت جايتنا من اخر الدنيا بس عشان تعرف وش السالفه
مشاعل : الشرهه مو عليكم والله على اللي يترك سالفته ويجي يشوف وش فيكم
ريوف : يالله توكلي
مشاعل عصبت : ياكرهي لكم بس

راحت

ريوف : لايكون عصبت صدق
هيفاء : لا بتزعل نص ساعه وبتنسى

رجعو يكملون نقاشهم

عند ماجد

ماجد : مالك بالاجنبي ابد ابد ؟
مشعل : لاوالله مو مره يعني اغنيه اغنيتين بس
ماجد : يالله سمعني
مشعل : مو حافظها مره وغير كذا استح على وجهك عود واغنيه اجنبيه ؟
ماجد : وش يعني واذا ؟
مشعل : اختار اغنيه عربيه ولا باخذ راي عمي خالد
ماجد يفكر : اممممم طيب
خالد من بعيد : مشعل عطنا مذهله
مشعل : بشطه ولابدون ؟
خالد رمى عليه المركى نط بسرعه مشعل وهو يضحك
مشعل يبدا يعزف : لعيون العم خالد اغنيه مذهله مرتين ورا بعض

وبدا يغني


رهف بانبهار وبسرعه : بنااات اسكتووو
ريوف : له 3 ساعات يغني ماشبعتي من صوته
رهف : لااحرام عليك صوته حلو والله ومرررره احلى يوم بدا يغني مذهله
الهنوف بصوت عالي : طول صوتك لك معجبين هنا

ابتسم مشعل وهو يغني

رهف : هذا اخوك هيفاء ؟
هيفاء : ايه
رهف : ممكن اتزوجه ؟
وجدان : ههههههههههههههههههههههههه رهوف صارت نفس نوره ماتقدر تخبي مشاعرها
نوره تتصنع الحزن : المشكله محد اعطى مشاعري وجه
هيفاء تضحك وتوجه الكلام لرهف : المشكلة انك اكبر من مشعل عاد
رهف : عادي راضيه دام اني بسمع هالصوت كل يوم
هيفاء : اجل خلاص خذيه هههههههههههههههههههه


مشعل خلص

مشعل : يالله عندكم طلبات ثانيه ؟
الهنوف : نبي المعازيم
مشعل التفت عليها : بيأذن الفجر وانا ماخلصت منها ,, بس يالله بغني مقطع احبه منها

بدى يعزف

ياعيون الكون غضي بالنظر اتركينا اثتين عين تحكي لعين اتركينا الشوق ما خلى حذر
بلا خوف بنلتقي وبلا حيرة بنلتقي بالتقي بعيونها وعيونها احلى وطن وكل الامان

البنات يصفقون وصرااااخ

ريوف بصوت عالي : ومجيد ماغنيت له
مشعل : ولايهمك نغني له


بالبر

عبدالعزيز وسيف يقومون
عبدالملك : وييين بدري ؟
عبدالعزيز : والله ودنا نقعد بس مضطرين نمشي بكره بنرجع الرياض بدري
سليمان : ياثقل دمكم توها تحلى الجلسه
سيف : الجايات اكثر ان شاءالله

سلمو على العيال وركبو السياره بيرجعون

بالسياره

سيف باستغراب : ترى كان عندنا وقت زياده ليه قمت بدري ؟
عبدالعزيز : والله احس ضايق صدري ماانبسطت
سيف باهتمام : ليه وش فيك ؟ صايرشي ؟ محتاج شي ؟ انا اخوك ترى
عبدالعزيز : ماتقصر والله بس ماحتاج شي اللي مضيق صدري موضوع صاير
سيف : اقدر اعرف وشو ؟
عبدالعزيز كان محتاج يتكلم وقال لسيف سالفته مع الهنوف كلها
عبدالعزيز : ماكنت مغبون لين سمعتها تكلم واحد وهي على ذمتي !!! متخيل انها تقريبا على ذمتي !!!!!
سيف : مو على ذمتك
عبدالعزيز : تخيل انك مكاني ! خاطب وحده وتنتظر ردها عليك وتسمعها تكلم حبيبها !
سيف : اوكي المووضوع يقهر بس المفروض تنبسط انك اكتشفت هالشي عشان تسحب نفسك
عبدالعزيز : بالعكس صممت اكثر اني اتزوجها عقب ماسمعت المكالمه
سيف : من جدك ؟
عبدالعزيز : ايه بكسر راسها واعلمها من عبدالعزيز اللي هي مستهينه فيه وتكلم واحد وهي على ذمته انا كنت جدآ معجب بشخصيتها وحابها لكن مجرد ماعرفت عن حركاتها كرهتها جاني شعور ودي انتقم منها واكسر خشمها بعدين اطلقها
سيف : والله عيب ياعبدالعزيز انك تفكر كذا
عبدالعزيز عصب : سيف اترك عنك المثاليات وحط نفسك مكاني
سيف : انت الطريق قدامك مستقيم وتقدر تنهي الموضوع بسهوله وتريح دماغك بس انك معقدها على عمرك
عبدالعزيز : دراستك برا اثرت على مخك
سيف تنرفز : ماله دخل انا اكلمك بمنطقيه
عبدالعزيز : حتى لو ماهي على ذمتي غيرتي عليها بكونها بنت عمي تخليني اسوي شي اما اني اسكت لا والف لا
سيف : انت وش دخلك الحين ؟ البنت عندها ابو واخو انت وش موقعك بالضبط ؟ ولد عمها على عيني وعلى راسي لك حق في كل شي الا انك تتدخل بحياتها وتحاسبها اترك البنت بحالها نصيحة ياعبدالعزيز ولاتسوي شي ممكن تندم عليه بعدين
عبدالعزيز : كلامك ابد مو منطقي ولاعجبني
سيف : اللي يريحك بس صدقني راح يجي يوم وتتندم

نزل سيف من السيارة ودخل المزرعه وقعد عبدالعزيز يفكر بكلامه
عبدالعزيز بقلبه : معقوله اللي اسويه غلط ؟ ..لاعبدالعزيز لاتخلي كلام احد يأثر عليك البنت غلطت وهي على ذمتي ومن ابسط حقوقي اني اربيها من جديد .. بس هي رافضتني من الاساس وماتعتبرني خطيبها .. بس ولو اقلّها تحترم ربط اسمها بأسمي حتى لو بالعايلة ..
قطع حبل افكاره صوت طق عالشباك

مشعل بصراخ : عزيّزززززززز
عبدالعزيز : ووجع
مشعل : لي ساعتين اناديك بسرعه انزل لايخلص عنك الغدا
عبدالعزيز : غدا الساعه 6 المغرب !
مشعل : غدعش
عبدالعزيز : طيب جايكم
مشعل : تراه بالحوش اللي قدام قسم الحريم
عبدالعزيز : وش الطاري ؟
مشعل : يحق لك ماتدري محد كرفك من الظهر
عبدالعزيز : وش السالفه
مشعل بكذب : غداكم كله انا مسويه تعال بس بسرعه
عبدالعزيز نزل معه


عند البنات

حطو عشاء للحريم والرجال وطلعو للحوش يتعشون

ماجد : ياليت تقولون تسلم يدك ماجد
وجدان : تسلم يديني انا والله 3 ساعات بالمطبخ اقطع لكم
خالد : الصدق تسلم يد بنت اخوي جايب لها خضار سلامه كله ومقطعته انت بس تقلب اللحم
ماجد : اتوقع والله اعلم يالخال ان بنات اخوك ساحرينك
خالد : انا مع الحق
ماجد : لا لا صدق الله يفرجها عليك قلبي معك

عبدالعزيز جاهم
عبدالعزيز وهو يجلس : وين سلمان وباقي العيال
فيصل : شكلنا ماملينا عينك
عبدالعزيز : لاوالله مالينها وزياده بس مستغرب ان عددكم قليل
خالد : بالقصيم
عبدالعزيز : زين الله يستر عليهم

مشاعل : عزيز تبي احط لك بصحن ؟
عبدالعزيز : لاياقلبي ماشتهي شي والله ( ويلف على البنات وبصوت عالي ) اهم شي اللي فيهم سوء تغذيه ياكلون
ماجد : افااا يدي الكريمه شاويته وانت تقول ماشتهي ! مالك حق بصراحه
عبدالعزيز : الحين من مسويه انت ولامشعل قلبتو راسي
ماجد : يخسسسسى مشعل
مشعل : الزم حدودك اخ ماجد

قعدو يتهاوشون ماجد ومشعل

عبدالعزيز : الحمدلله والشكر بس
تركهم وراح يجلس مع خالد

خالد بصوت واطي : وش مضيق صدرك ؟
عبدالعزيز : مافيني شي
خالد : كذاب
عبدالعزيز يتغصب الابتسامه : لو فيني والله بقولك ماعليك

سيف جا وجلس معهم
سيف وهو ملتفت على ماجد ومشعل : وش فيهم ذا المهابيل ؟
خالد : ليتهم يتذابحون ونفتك من الازعاج
عبدالعزيز : ما اشره على مشعل اشره على مجيدوه اكبر مننا كلنا ويتلاقط مع ورع

مشعل وماجد وقفو طقاق وغمزو لبعض

بثانيتين كانو فوق سيف وعبدالعزيز وخالد

عند البنات

رهف ضايعه بخلاقينها من بعد كلمه عبدالعزيز وماتعرف وش تسوي
ووجدان شكت ان الكلام موجه لرهف بس ماتدري

مشاعل : الحين عزيّز من يقصد جا سيف واستحيت اسأل
هيفاء : هنوووف انتي فيك سوء تغذيه ؟
الهنوف :بسم الله علي لا
مشاعل : شكل اخوي دايخ
مشاعل لفت على العيال : شوفووو انهبلو عيالنا
البنات التفتو
وجدان : ياعمري سادحين عمي خالد
ريوف : والله اخوي المسكين نايمين عليه صححح
وجدان : والله سيف دافنهم كلهم
ريناد : خل نشوف نتايج النادي الحين يجلدهم كلهم ولالا
هيفاء : شوفوو شووفو جدي جاي من بعيد هههههههههههههههههه الله يعينهم على الهواش

ابوو محمد جا عند العيال وبعصاته طق ظهر اللي فوقهم كان ماجد

ماجد : اححح جدي حرام عليك
ابومحمد : عيب عليكم كل واحد شنبه خاط وتتطاقون بهالشكل
خالد قام حب راس ابوه : معليش يبه بس كله من ماجد ومشعل
ابومحمد : افا ياماجد وانا اقول ماجد اعقلكم طلعت خرطي
ماجد : كله من ولد ولدك مشيعل ولا انا عاقل
ابومحمد : اعقلو بس
خالد : حياك ابوي اقلط
ابومحمد : لا بس جاي اعلمكم اننا بنمشي الساعه 9 نامو بدري
عبدالعزيز بصوت واطي : اخر مره سمعت هالكلمه بخامس ابتدائي
ابو محمد سمعه : ترى بقومكم تنامون الحين
عبدالعزيز : وش فيك متسلط علينا اليوم ياجدي
ابو محمد : عيالي كلهم رايحين لواحد يعرفونه قلت مالي الا اجلس مع عيالهم ولقيت عيالهم بزران
سيف : افا ياجدي
خالد : من مسيرين عليه اخواني ؟
ابو محمد : المزرعه اللي جنبنا يقال لهم ال.... من الجنوب مسيرين عليهم
مشعل بغباء : كان رحت معهم ياجدي وخليتنا نكمل هوشتنا وحنا مرتاحين
ابومحمد : وانا ولددد ابوووي انت تقول لي كذا ؟
مشعل قام بسرعه وقعد يركض ويتأسف بصوت عالي

البنات والعيال ميتين ضحك عليه


يوم الخميس الصبح

كانو كل البنات نايمين الا الهنوف صحت من جوالها
رفعته تشوف من المتصل وشافت اسم ابوها وفزت
طلعت من الغرفه وردت

الهنوف : اهلين
ابو عبدالله : هلابنتي اخبارك
الهنوف : الحمدلله انت اخبارك واعمامي شخبارهم
ابوعبدالله : الحمدلله , مالقيت وقت اكلمك فيه عن موضوع عبدالعزيز .. متى تردين علي ؟
الهنوف سكتت دقيقة ثم قالت : الجمعة اقولك قراري
ابوعبدالله : اكيد ؟
الهنوف : ايه اكيد
ابوعبدالله : زين يالله ..
الهنوف : مع السلامه
ابو عبدالله : مع السلامه

بعد ساعتين الجميع متوزعين بالسيارات ومتجهزين للرجوع للرياض ..


اتمنى اشوف تفاعلكم . وتوقعاتكم لأبطالنا

[لامارا]

-12-



الخميس

الساعة 6 المغرب كل العوائل وصلو الرياض وتجمعو في بيت الجد

الحريم والجده بالصاله
والبنات مجتمعين بوحده من الغرف
والعيال والرجال بالمجلس

عند البنات

رن جوال مشاعل وطلعت برا تكلم

ريوف : اخيرررا طلعت يالله خل نقسم المهام
وجدان : وشش السالفة ؟
الهنوف : وشو مهامه ؟
رهف : ايي والله علموني انا وش بسوي قبل ما اروح بيتنا
وجدان : خير وش بيتكم ؟
رهف : امي متصله علي تهاوشني تقول زودتيها
الهنوف : لااا بليز كلنا بنسهر هنا خلييك
رهف : والله ما اقدرر بعدين فعلا ترى زودتها المفروض اجلس سنه ماشفتكم
وجدان : ياسخفك بس
ريوف : طيب تعشي ثم روحي
رهف : خلكم مني الحين علمونا وش بنسوي وببيت مين عشان ابدا اقنع اهلي من الحين
هيفاء : لازم نستعجل لاننا بنرجع الشرقيه بكره الفجر
ريوف : طيب كلنا نروح السوق بس وحده بتقعد عند مشاعل !
رهف : لو اعزمها عندي ! بس بتشك لو ماجيتو انتم !
وجدان : خلاص بجلس عندها انا
رهف : خلاص تعالو عندي
هيفاء : واذا سألت عننا قولي رايحين مكتبه
وجدان : ههههههههههههههههههههههههه طبعا مشاعل سبك بتصدق انكم رايحين مكتبه
هيفاء : ولاتصدقون لقيت فكره حلوه نقول اننا رايحين نودي البزران للالعاب وهي ماتحبهم يعني حتى لو شاورناها ماراح تروح
وجدان : خلاص انتم اسألو وانا بقول اني بقعد
ريوف : تخيلو ينزل عليها حب الاطفال فجأه
هيفاء : ههههههههههه لا اختي واعرفها ماعليك

عند مشاعل بالمطبخ كانت ترتب القهوه والشاهي للبنات
اتصل عليها عبدالعزيز

مشاعل : هلا والله بهالصوت
عبدالعزيز : هلا شعولتي اخبارك
مشاعل : الحمدلله وانت اخبارك
عبدالعزيز : الحمدلله .. اسمعي امي عندك ؟
مشاعل : لابالصاله ليه ؟
عبدالعزيز : اتصل عليها وماترد علي ممكن تودين لها الجوال
مشاعل : ابشر من عيوني بس يدي فيها صينيه القهوه بحطها عند البنات واروح لها
عبدالعزيز : خلاص بنتظرك


مشاعل دخلت على البنات بهاللحظه

وجدان : ياعمرررري يابنت عمي والله اول بنت بسميها مشاعل خلاص
مشاعل : بجيب لك قهوه كل يوم تستاهلين والله
الهنوف : وع اسم مشاعل عاد
مشاعل فتحت عيونها : قدامي ياقليله الادب !!!
الهنوف : ههههههههههههههه والله مااعجبني كيفي
مشاعل : الله يعين عزوز عليك انتي وذوقك الخايس
هيفاء : ليه وش الاسماء اللي تعجبك هنوف ؟
الهنوف تجاهلت مشاعل : انا ماراح اجيب الا ولد وبنت بسس , الولد نايف والبنت نوف
مشاعل : نايف اوكي بمشيه بس نوف !
الهنوف : احب هالاسمين مرررره
هيفاء : عشانها نص اسمك يعني ؟
الهنوف : لا مافكرت فيها
وجدان : نايف ونعرف ليه تحبينه بس نوف ليه
الهنوف : اخت ريهاام الصغيره اسمها نوف
وجدان : لاعبين بحسبتك هالعايله
الهنوف : اموووت عالاطفال يختي كل اخوان صديقاتي اعرفهم
مشاعل : وعع يالله اتحمل اخواني وعيال عمي
الهنوف : ياربي ياشينك مشاعل مين مايحب الاطفال
ريناد : اناا
ريوف : عزالله هههههههههههههه
مشاعل : حبيبتي بنت عمتي
رن جوال رهف : هلاوالله .. هههههههههههه ماما اصبري شوي بس اتعشى واجي .. خلاص ابشري من عيوني .. طيب يلا .. مع السلامه
رهف بعد ماسكرت : بنات انا بطلع الحين
ريوف : والله بفقددك احس تعودت عليك مره
رهف : ياعمري ياريوف والله انا بفقدكم

سلمت عليهم كلهم وطلعت

نرجع لعبدالعزيز اللي سمع كلامهم كله وبالذات كلام الهنوف وقفل السماعه
عبدالعزيز بقلبه : نايف !!! معقوله كانت تكلم طفل وانا غلطان !!
( طق راسه بقوه ) غبي ياعبدالعزيز غبييي صار كلام سيف صح الحين !!!!!!

في بيت ابونايف

ام نايف توها مقفله من نايف وجالسه تبكي
علي : يايمه ياحبيبتي ليه تبكين
ام نايف : اشتقت له هو وعياله
علي : كلها شهرين ويرجع
ام نايف : رغد دخلت الشهر التاسع بتولد وحنا ماشفناهم ( ورجعت تصيح )
جت الجازي وقعدت
الجازي بصوت واطي لعلي : مكلمه نايف صح ؟
علي : ايه
الجازي : ياماما ياحبيبتي نايف ماراح يرد علينا اذا درا انك بعد كل مكالمه تبكين
ام نايف : مشتاقه له ولوليده
الجازي : عندك علي زوجيه وشوفي عياله
علي يناظر الجازي بحقد : الله ياخذك يالجازي وش جاب طاري الزواج الحين
ام نايف بصياح : ايه ياعلي ياوليدي ابي اشوف عيالك قبل ما اموت
الجازي ماتت ضحك وعلي توهق
علي : ابشري يايمه انتي اهدي ومايصير خاطرك الا طيب
بتول دخلت تركض وتخبت ورا علي
بتول : اختك بتذبححححححني
العنود دخلت عليهم : بتوووول يازفت اطلعيي
علي : وش السااالفه ؟
العنود : لاعبه بالميك اب حقي كله
الجازي : اللي توك طالبته ؟؟
العنود : تخيلي كللله مجربته
الجازي : حسبي الله علييك لي اغراض لايكون مخربتها بعد
العنود : اقولك كل شي
ام نايف : خلو اختكم انا بشتري لكم احسن منه
الجازي : ماامااااا طالبته بألفين وزياده قهرررر والله
علي : مكياااج !! بألفيين !!!!
العنود : هذي خفايف ترى
علي : يع اشوا اني مانيب بنت بس يالله دامه بألفين ادفنوا بتول
قام علي وبتول تصارخ وتستنجد فيه


عند عبدالعزيز كان برا البيت واقف قدام الباب
ومازال يدور براسه كلام الهنوف وفيه تأنيب ضمير وده يقول لسيف بس خايف يزيدها عليه

عبدالعزيز على طول اتخذ قرار قبل مايبدا ينفذ

قدام بيت الجد

تركي طلع من بيتهم وشاف عبدالعزيز عند باب بيت الجد

تركي : الحمدلله على السلامة
عبدالعزيز التفت عليه وبأبتسامه : الله يسلمك يارب تفضل القهوة جاهزة
تركي : زاد فضلك تسلم والله قاعد انتظر اختي تطلع من عندكم
عبدالعزيز : مابين البيتين الا خطوتين ولا خايف ناكلها داخل ؟
تركي يضحك : لاوالله بس امي قايله لي رح اسحبها من شعرها
عبدالعزيز : ههههههههههههههههه وش ذا العنف
تركي : وش اسوي اوامر الوالده اذا ماعليك امر عبدالعزيز تدخل تقول لأحد يناديها لاني اتصل عليها وجوالها مقفل
عبدالعزيز : ابشر من عيوني

عبدالعزيز دخل

كانت رهف طالعه من البيت ومنزله راسها لشنطتها تدخل الاغراض اللي بيدها
وعبدالعزيز منزل راسه على جواله يرسل لمشاعل عشان تقول لرهف تطلع

وبووووم
صقعو ببعض

رهف بدون ماترفع راسها : وجججع ماتشوف انت
رفعت راسها وشافته واقف بطوله الفارع ومنزل راسه ويضحك
رهف رجعت بسرعه داخل وهي تصفق وجهها

قبل ماتدخل غرفة البنات استوعبت ان شكلها بيصير غبي وبيقولون وش رجعك
ومشت بتطلع

طلعت وشافت تركي يسولف مع عبدالعزيز وارتبكت

رهف بقلبها : زياده على الصقعه جالس يسولف مع اخوووي يارببيييه

تركي انتبه لرهف
رهف قربت من عنده
عبدالعزيز سلم على تركي
عبدالعزيز : يالله نشوفكم على خير لاتقاطعون وغداك بكره ياتركي عندي ولا ارضى بأي عذر
تركي بأحراج : ماتقصر والله ياعبدالعزيز بس والله ماراح اكون بالرياض بمشي اليوم او بكره الصبح للبر بس اوعدك اول ما ارجع غداي بيكون عليك
عبدالعزيز : خلاص تم
لف تركي يدور رهف ومالقاها
تركي : وين راحت ذي !
عبدالعزيز : ههههههههههههههه بعذرها طفشت وهي تنتظرك

نروح لرهف اللي سلمت على اهلها بسرعه وراحت غرفتها تركض

مالقت حل الا انها تتصل على وجدان لانها بتموت لو ماقالت لأحد
وجدان ترد وعندها اصوات كثيره : على طووول اشتقتي لي
رهف تصارخ : وجدااااااااااااان اكره ولد عمك
وجدان خافت وبسرعه قامت عن البنات
راحت ورا البيت عند المخزن
وجدان بصوت واطي : شفيييييك ؟
رهف : ولد عمك الزفت
وجدان : اي وااحد ؟
رهف : عبدالعزيز
وجدان : وش مسووي ؟
رهف : انتي ماتدرين عن شي اصبري من لما كنا بالمزرعه ابي اقولك وانتظر الوقت اللي نجلس فيه لحالنا
وجدان : بسرررعه تحمست وش السالفه
رهف قالت لها عن العلاج والاكل اللي جابه لها
وجدان تتذكر : اهااااا عشان كذا وحنا نتغدى تكلم عن سوء التغذيه ومدري ايش
رهف : ايوه عليك نور وازيدك من الشعر بيت
وجدان : ايش بعد !!
رهف : تو صقعت فيه وهاوشته ياربي وجدان فشييله
"رهف تسترسل " لا ولما طلعت لتركي لقيته يسولف معه وانحشت عنهم ماعاد ابي اشوووفه خلاص
وجدان : هههههههههههههههههههههه صراحه انتي وياه تحفه
رهف : تصدقين توني اتذكر ! ماعطيته فلوس العلاج والاكل
وجدان : تلاحظين ان الناس يدفعون لك دايم
رهف بنص عصبيتها انفجرت ضحك : هههههههههههههههههههه تلاحظين انك تشطحين كثير ؟
وجدان : انا لي الله محد قد شرا لي حتى بريال
رهف : انا بشتري لك بس عطيني حل مع ولد عمك
وجدان : شوفي بكره قبل مايطلعون بنات عمي من الحفله عطي مشاعل الفلوس وقولي وصليها لعبدالعزيز
رهف : بتنشب لي وبتسأل ليه
وجدان : ماراح تقدر تطول لان رحلتهم الفجر اكيد على طول بيروحون المطار
رهف : طيب كم اعطيه ؟
وجدان : ههههههههههههههههههه شدراني ! بكم البخاخ ؟
رهف : والله مادري تقريبا 50
وجدان : خلاص عطيه
رهف : بس 50 !
وجدان : وش دراني عنك عاد

كملو مكالمتهم

نرجع لعبدالعزيز اللي ميت ضحك على رهف
دخل عليه خالد
خالد : وش فيك يالخبل تضحك مع نفسك
عبدالعزيز : هااه تذكرت شي يضحك وضحكت حرام يعني ؟
خالد : وشو خلنا نضحك معك

رن جوال عبدالعزيز

مشاعل : اسففه عزييز نسيتك وربي
عبدالعزيز : عرفت من يوم سمعت صراخك انتي والبنات ان مافي امل ترجعين لي
مشاعل : هههههههههههههه والله اسفه اللحين بودي جوالي لأمي
عبدالعزيز : يالله وبجلدك لو رجعتي للبنات
مشاعل : لا لا طالعه منهم الحين


يوم الجمعة الظهر
البنات كلهم قامو الا مشاعل ووجدان وريناد

طلعو عنهم

ريوف : يالله خل نطلع من الحين عشان يمدينا نخلص كل شي العصر
الهنوف : بتذبحنا وجدان والله
ريوف : ماعليش لازم تقعد عشان ماتشك مشاعل
هيفاء : يالله تتوقعون فيه شي فاتح الحين ؟
ريما : اليوم جمعه !! تتوقعون فيه شي فاتح ؟
غدي : يمكن نلقى بس مو كل شي
ريوف : خلاص خلنا نطلع اجل ونحاول نخلص اشغالنا بسرعه
الهنوف : خلاص يالله

طلعو البنات كلهم للسوق


العصر صحت وجدان
وطلعت برا عشان تكلم البنات

وجدان :وينكم
الهنوف : قريب
وجدان : خلصتو من كل شي ؟
الهنوف : ايه وجبت لك اللي وريتيني صورته
وجدان : كويس يالله ترى رهف مرسله لي تقول تعالو بيتنا
الهنوف : يعني نسوي الحفله عندها ؟
وجدان : ايه تقول اهلها كلهم مو فيه
الهنوف : خلاص بنسبقكم عشان نرتب كل شي
وجدان : خلاص اوكي
الهنوف : صحت هي ؟
وجدان : لااا
الهنوف : اول مره ادري ان ثقل النوم له فايده
وجدان : هههههههههههههههههههه اذا خلصتو علموني اصحيها
الهنوف : اهم شي خليها تكشخ عشان ماتجلدنا زي العام
وجدان : ههههههههههههههههههههههههه هههههه العام صاحت
الهنوف : الله لايلومها طالعه ببجامه ومصورينها بالبجامه اكيد بتصيح
وجدان سمعت صوت مشاعل : صحت صحت يالله سكري واذا خلصتو كل شي علميني عشان نجي


مشاعل : صباح الخير
وجدان : عصر الخير وش صبحه
مشاعل : وين البنات
وجدان بكذب : طلعو يجيبون غدا وبيرجعون
مشاعل : وش عندهم ؟؟
وجدان : بنتغدى ببيت رهف تجهزي
مشاعل بطفش : يوووه مالي خلق والله مابعد رتبت شنطتي
وجدان : مو على كيفك حبيبتي , ترتبينها اذا رجعتي عادي تعالي بس رهف تقول كلكم تجون
مشاعل : اوكي بتروش واتجهز
وجدان : تمام
مشاعل جت بتدخل الحمام بعدين رجعت
مشاعل : بتتكشخون ؟
وجدان : اييه لأن احتمال يجون بنات خالتها
مشاعل : خلاص اوكي
دخلت الحمام


ببيت رهف دخلو البنات

الهنوف بصوت عالي : ياااهل البيييت
رهف ووعد نزلو
وعد : حيا الله اهل رهف الجديدين
سلمو عليها البنات
وعد وهي تتفحص بنات عمتهم نورة : الحلوين هذول ميين ؟ ماعرفتكم سوري
الهنوف : اووه صح انتي ماجيتي المزرعه ,ذولي بنات عمتي نورة ريوف وريما ولهم اخت ثالثه اسمها ريناد بس انها ببيت جدتي مع مشاعل ووجدان
وعد : هلا والله هلاا فيكم

جلسو البنات يرتبون

الهنوف : ريوف جبتي الكام ؟
ريوف بحماس : اكيييد واقدر اتركها انا ؟؟
الهنوف : طيب اشحنييها بليز مو توهقينا

الليل

بعد ماخلصو مقطعين الكيكه قاعدين بالصاله كلهم يشوفون الصور اللي صورتها ريوف

وجدان : حسبي الله عليك شعري طاير في هالصورة
ريوف : والله قمرر قمرررر
وجدان : ايييه العبي علي بهالكلمتين
الهنوف : ريوف ارسلي الصور لي مرره حلوووه حبيتها
مشاعل وهي تناظرهم بحب : اخخخ بنات والله احبكم
ريناد : كم مره قلتي احبكم انتي ؟
مشاعل : لاني احبكم والله ماتوقعت احد يتذكر يوم ميلادي اللي حتى انا نااسيته
وجدان : نعوضك عن حق السنه اللي فاتت
مشاعل : هههههههههههههههههههههههه تصدقون عاد عندي صور من كل ايام ميلادي بس حق العام مفقود
الهنوف : لو طلعناهاا انهرتي علينا
وعد ورهف بااستغراب : ليييه !
مشاعل : تخيلووو كنا بالمزرعه ومسوين لي حفله وجيتهم ببجامتي وانواع الفلاشات اول مادخلت اخخ اتذكر وانا اشوف الصور واصيح اتذكر ماذقت الكيكه من الصياح
رهف :ههههههههههههههههههههه وش دعووى احس عادي
مشاعل : لاوالله مو عادي انتي ماتعرفين نظامنا مع صوور الميلاد , كلها تتناقل بيننا وتبقى محفوظة مستحيل ارضى ان شكلي كذااا ينحفظ للابد
ريوف : عاد باقي صورة وحده
مشاعل فتحت عيونها : كذاااااابه
ريوف : والله هههههههههههههههههههه
مشاعل : اماانه ابي اشوفها
ريوف : والله في لابي وما ارسلتها لأحد بس حفظتها ذكريات
مشاعل : جايبته للرياض ؟
ريوف : لاا ماجبته
مشاعل : اففف قهر ودي اشوف شكلي


رن جوال الهنوف وشافت المتصل ( عبدالعزيز )
وجهها تغير اخر انسان توقعت انه يتصل هو

وش يبي !!!!


الهنوف : رهوف فيه احد فوق ؟
رهف : لاياعمري , البيت بيتكم اليوم

الهنوف طلعت لغرفه رهف
وردت

عبدالعزيز : السلام عليكم
الهنوف : وعليكم السلام
عبدالعزيز : كيف حالك بنت عمي
الهنوف : الحمدلله بخير
عبدالعزيز : شكرا وانا بخير الحمدلله
الهنوف ضحكت : اسفه نسيت اسألك
عبدالعزيز : قبل ما انسى وش انا متصل عشانه
الهنوف : ايوه..
عبدالعزيز : انتي رافضتني صح ماودك اننا نرتبط ؟
الهنوف ضاق صدرها تذكرت انها مضطره ترد لأبوها بكره وسكتت
عبدالعزيز : جاوبيني
الهنوف : شوف عبدالعزيز رفضي مو عشان شخصك رفضي عشان ال..
عبدالعزيز قاطعها : خلاص اعتبري مافيه شي ابد ولاراح ترتبطين فيني غصب
الهنوف ساكته
عبدالعزيز : وانا اسف لاني اجبرتك بيوم من الايام وسامحيني بعد لأني اسأت الظن فيك
الهنوف مافهمت اخر جملة بس مازالت ساكتة
عبدالعزيز يسترسل : واتمنى ماعاد اشوف نظرات شينه منك , وصدقيني بترجعين بنت عمي ولاكأن صار بيننا شي ابد
الهنوف : شكرا عبدالعزيز ..
عبدالعزيز لاحظ نبرتها المرتاحة وأنبه ضميره زياده بس ماوضح : العفووو يا ام شوشه
الهنوف : ههههههههههههه ( وسكتت شوي ) .. امم اخاف ابوي يصر علي لانه قايل بكره ردي لي !!
عبدالعزيز : انا بتصل عليه واقوله اني كلمتك وخلاص بننفصل برضى الطرفين
الهنوف : شكرا والله .. اهم شي مايجي ببالك اني رافضتك انت لانك عبدالعزيز لان عندي اسباب ثانيه
عبدالعزيز : مهما كان سببك صدقيني مايغير من غلاتك ك بنت عمي .. تامريني على شي ؟
الهنوف براحه : سلامتك
عبدالعزيز : استري ماواجهتي .. مع السلامه
الهنوف : مع السلامه



نهاية البارت

اتمنى تعطوني رايكم وتوقعاتكم

[لامارا]

-13-


بعد ماقفلت الهنوف من عبدالعزيز حست حمل ثقيل انشال من قلبها
نزلت للبنات وهي مبتسمه

وشافتهم لابسين عباياتهم

الهنوف : على وين يانور العين ؟
وجدان : للبيت يالحب
الهنوف : وين بدري
رهف بحزن : اي والله قولي لهم بدري لي ساعه اقنعهم انا ووعد ورافضين
مشاعل : وين بدري ياعيوني عبدالعزيز متصل علي 3 مرات يقول تجهزو بوديكم المطار
ريوف : رحلتكم متى
هيفاء : 3
ريوف : بقى 4 ساعات ليه العجله هذي !
رن جوال وجدان : هلا .. لاحنا ببيت خالتي ام تركي .. وش سيارته مايحتاج قدام بيت جدتي .. حنا بنجي الحين خلاص .. يالله
وجدان تغني : ليت ربي ماكتب لحظه وداع
رهف وهي تقلب وجهها : الا والله الحمدلله انه كتب عشان مانسمع هالصوت المخيس
ريوف : ههههههههههههههههههههههههه هه ليه تتنمرين على بنت خالي
الهنوف : والله معليش هذي الحقيقه
وجدان بثقه : لايكثر انتي وياها , ويالله البسو خلونا نرجع

سلمو البنات على رهف ووعد وطلعو


بعد 3 ايام
يوم الثلاثاء


ببيت ابوفيصل
وجدان بالصاله عند التلفزيون تشوف مسلسل

نزل فيصل

فيصل وهو يجلس على الكنب اللي جنبها : يلعن جوووك ياشيخه مسلسل بدوي !!
وجدان بتركيز : اسكت والله حلو
فيصل : اعرف التهرب من الاختبارات بس ماتوقعت يوصل لهالدرجه
وجدان : تكفى لي ساعتين اصيح لاتذكرررني ( وعدلت جلستها بحماس ) فيييه دكتوره تحط اختبار برابع يوم دوام !!! اخخخ وربي ماعندها قلب
فيصل يتذكر : اقوووووول بس ! مادريتي !
وجدان انقهرت لانه قطع سالفتها : طيب احترم احزاني !
فيصل يكمل : عمتي نورة ماراح يرجعون امريكا
وجدان بحماس : ايييييش ! من جدك ولاتستهبل علي ؟
فيصل : والله بس اسكتي لاتقولين لأحد لان ماحد يدري الا انا وانتي وهم بس توهم يدرون
وجدان : انت من قالك ؟ وكيف وليش ؟ ودراستهم ؟ وبيتهم ؟ وشغلهم ؟
فيصل بضحكه : وجع اسألي حبه حبه اول شي علمني سيف ثاني شي لان ابوهم مسكين خسر كثير من ثروته تعرفين انتي شغلته بالبورصة واتوقع انلعب عليه مادري عاد عن التفاصيل بس بيتهم هناك مرهون وسياراتهم بعد
وجدان انصدمت : من جدك ؟
فيصل : اي والله , جدي بيتوسط للبنات بجامعاتنا وسيف وماجد سهل يلقون شغل هنا لان كلهم متخرجين من زمان سعود هو المسكين باقي له سنه بس
وجدان : ياعمري الله يعوضهم طيب سعود وش بيسوي كيف بيكمل دراسته
فيصل :عاد هم مو عالحديده عندهم للان بس يعني مايقدرون يرجعون هناك كلهم اتوقع بس سعود بيرجع والباقي بيستقرون هنا
وجدان : ياعمري والله
فيصل يقوم :يالله كملي مسلسلك البدوي
وجدان : وين بتروح
فيصل : مواعد العيال, بعدين اشوف الخبر منتشر بقص لسانك ترى
وجدان : ههههههههههههههه وش شايفني عاد (سكتت شوي وكملت ) بس بليز فصول وانت راجع ابيك تجيب لي عشاء
فيصل : من عيوني بس ترى يمكن ارجع 11 او بعدها ماتكونين نايمه ؟
وجدان : كلمني واتس اب وقتها
فيصل : اوكي يلا باي
وجدان رجعت تنسدح : باااي


ببيت ابو عبدالله

الهنوف كانت ماسكه كتب غدي وجمانه وتحل لهم واجب الرياضيات وتفكر بموضوع عبدالعزيز اللي تقفل بسهولة
حتى ابوها ماحاكاها فيه ابد
استغربت كيف اقتنع بهالسهوله

الهنوف بقلبها : والله انا احب انكد على نفسي خلاص تقفل الموضوع انبسطي يالهنوف

دخل عليها عبدالله

عبدالله : اختي الحلوه وش تسوي
الهنوف : كالعاده احل واجبات خواتك
عبدالله : بيدخلون الجامعه وانتي تحلينها لهم
الهنوف : كل سنه اقول خلاص بخليهم هالمره يعتمدون على نفسهم بس ارحمهم والله
عبدالله : والله معطيتهم وجه انتي ( جلس على السرير ) الا بسألك
الهنوف تركت اللي بيدها : هلا
عبدالله : توني عرفت من ابوي موضوعك انتي وعبدالعزيز واستغربت .. صاير شي انا ما ادري عنه ؟
الهنوف : لا وش بيصير يعني كلمته واتفقنا كلنا على فسخ الخطوبة
عبدالله باستغراب : كان طاير فيك وش اللي تغير الحين
الهنوف بدت تعصب : اكيد استخار وما ارتاح مايبي لها هذي
عبدالله : وش فيك عصبتي طيب
الهنوف : اسفه بس اتوتر اذا احد حاكاني بهالموضوع
عبدالله : الموضوع ونقفله الحين لعيونك وش تبين نتكلم فيه بس امري تدللي
الهنوف : ابيك تحل معي هالمسأله من ربع ساعه وانا احاول احلها
راح عبدالله جنبها وخذ الكتاب وقعدو يحلون


الساعه 9 ونصف
في بيت الجد

نوره وبناتها جالسين بالصاله مع ابومحمد وام محمد

ابومحمد : يابناتي انا كلمت واحد اعرفه يشتغل بالجامعه ويقول خلاص خل يجيبون اوراقهم وبعدها يبدون يداومون وانتي ياريما من الاحد تبدين تداومين بمدرسه غدي وجمانه
ريما : بس اوراقي ياجدي مابعد وصلت
ابومحمد : سيف وسعود راحو امريكا سيف على الخميس او الجمعه جاي الرياض وبيجيب كل شي يخصكم
ام ماجد : الله يسعدك يبه والله لولا الله ثم انت ماعرفنا وش نسوي
ابومحمد : عيوني لكم وبخصوص البيت ابوكم كلم راعي الفله اللي يبنونها جنبنا وشراها بس ماتسكنون فيها الا بعد ماتخلص
ريوف : افا ياجدي شكلنا مثقلين عليكم
ابومحمد : لايابنتي عين فراش وعين لحاف بس عشان تستقرون وترتاحون ويكون لكم بيت خاص
ام محمد : عاد البيت اللي جنبنا كنا ناوينه لخالد اذا اعرس
ام ماجد بضحكه : قررتي تزوجينه خلاص
ام محمد : تعب قلبي والله الاحقه من سنين ابيه يتزوج بس الله يهديه رافض
ريوف : ليش مايبي يتزوج
ام محمد : يقول بزوج عيال اخواني كلهم وبناتهم بعدين بتزوج انا
ريوف بغباء : اوه يمه اجل بيتزوج وعمره 90 ويمكن يموت ماتزوج
ام محمد : وجع لا تقولين كذا عن خالك , الله لايقوله ان شاءالله ماتحول السنه الا وهو معه بنته او ولده
ريما : تحمستي يممه هههههههههههههه
ام محمد : ماعلى الله شي صعب


دخل خالهم خالد


خالد : السلام عليكم
اللكل : وعليكم السلام
ام ماجد : هلا والله بااخوي .. الطيب عند ذكره
خالد : حاشين فيني ؟
ريما بضحكه : يبون يزوجونك وتجيب عيال قبل مايمر سنه بعد
خالد قام بسرعه : انا مواعد واحد من الشباب
ابومحمد : هههههههههه اقعد الله يصلحك
خالد بملل حقيقي : اذا بتتكلمون بهالسالفه علموني اطلع من الحين
ام محمد نزلت دموعها : ليه ياوليدي تبي تحرمني من شوفه احفادي
خالد : عندك مليون حفيد ماملو عينك ؟ الالازم تشوفين عيالي انا
ام محمد وهي تمسح دموعها : عيالك اغلى
ريوف تتصنع الحزن : لنا الله من اللحين جدتي ضربتها بوجيهنا
خالد يضحك ويلف على امه : يايمه ياحبيبتي بتزوج ان شاءالله بس لين القى البنت اللي تناسبني
ام محمد : وين بتلقاها ؟ ومتى بتلقاها ؟ هذا عذرك من يوم رجعت
خالد : ما أؤمن بالزوااج التقليدي احسه فاشل بالذات بهالوقت
ام محمد : والله مدري وش تخربط وانا امك بس انا اعرف وحده بتجوز لك ان شاءالله تبيني اخطبها لك ؟
خالد : لا خليني اختارها انا
ام محمد : متى ان شاءالله ؟
خالد يلف على نورة وبصوت واطي : من مسلطها علي اليوم ؟
ام محمد : هاه متى ؟
خالد بكذب : ابشري من عيوني بقول للبنات يدورون لي وحده على ذوقي
ام محمد : اييه ياريوف وريناد ماتخبررون الجازي بنت ام نايف جارة ام فيصل
ريوف : لاوالله ياجدتي مانعرفها
اام محمد : هي صديقه للبنات
ريوف : وجدان والهنوف ؟؟
ام محمد : ايييه
ريناد : احس مره صغيره على خالي اذا هي كبرهم
خالد يرفع حواجبه : وش قصدك يعني انا شايب
ريوف : اي والله شايب
خالد : يرضيك يمه بنات بنتك يسفلون فيني وانتي قاعده ؟
ام محمد : ايه يرضيني يمكن تتحرك شوي
خالد : لا كذا انا خلاص لازم اقوم ادور لي اهل غيركم

قام خالد

ام محمد : لاعاد ترجع الا وانت جايب اسم وحده تبيها
خالد : ام محمد صامله هالمره
ام محمد : ايه وبزعل عليك لو جا الشهر الجاي وانت مابعد خطبت
خالد يبوس راسها : طيب ابشري يالله فمان الله بطلع انا


يوم الاربعاء

في بيت ابو فيصل عزيمه بمناسبه وظيفة فيصل

في مجلس الرجال

ابومحمد : مبروك ياولدي يافيصل الله يعطيك خيرها ويكفيك شرها
فيصل : الله يسلمك ويخليييك
سلمان : اول راتب بتقسمه علينا متعنين من الشرقيه وجايينك بسياره
فيصل : هههههههههههههه والله النشبه ! ليتكم ماجيتوا
عبدالعزيز : وانا معهم بما انهم اهلي يعني
فيصل : انا شايل همهم تجي انت تزودها علي ؟
علي : وحنا احسب حسابنا جايينك كعابي من بيتنا
فيصل : من عيوني بس اسكتو لايسمعنا احد وتلهفون راتبي كله خلوني انبسط فيه شوي
سلمان : ههههههههههههههههههههههههه هههههه
مشعل : ياكرهي للرسميات احس انكتمت
فيصل: ايه والله خدي بيعضّل من كثر ماسلمت اليوم
علي : هههههههههههههههههه والله اني اكره هالعزايم مره وانحاش منها بس من غلاتك يافيصل تعنينا
فيصل بغباء : لايكثر انتم ساكنين بحوشنا وش اللي تعنينا
علي : والله الشرهة مب عليك على اللي يجيك
عبدالعزيز : عيال ماتلاحظون ماجد مختفي !
خالد توه داخل ومسلم على الرجال جا وجلس عند جنب عبدالعزيز
خالد : ماجد توني شايفه بالبقاله و معه البزران
عبدالعزيز : يعرف وشلون ينحاش
سلمان : على طاري ماجد وين سيف مارجع للان ؟
خالد : يوصل بكره اخر الليل
سلمان : زين الحمدلله الله يوصله بالسلامه
العيال : امييين


عند الحريم
الوضع كان اقل رسمية من المجلس

وكان توه منتشر خبر فسخ خطبة عبدالعزيز بالهنوف

رهف بصوت واطي وبااستغراب : معقولة متصل يتأسف !
الهنوف : ايه انا مستغربه والله والمشكله مافيه شي يتأسف عليه (توطي صوتها اكثر ) اسمعي انا وهقتك معه ادري اصبري كذا يوم و احذفيه عشان مايشك
رهف تغيير وجهها شوي وتتصنع الراحه : اوووف اخيرا مابغينا

ام عبدالله تقاطعهم : هنوفه دوري حلا اختك ماشفتها من ساعتين
الهنوف : ابشري

الهنوف قامت وطلعت للحوش ومالقتها

اتصلت على عمها خالد : عمي حلا عندكم؟ .. كويس احسبها ضاعت .. ههههههههههههه ترى حتى ولد اختك ماينوثق فيه يمكن يضيع هو وياها .. اتصل عليه تكفى امي تدور حلا من زمان .. اوكي .. ههههههههههههههههههههههههه ه ايه ماعليك كلنا ندور لك .. ماندري نتقهوى ولانشوف البنات ..يلا انا بدخل بعد .. سي يووو

قفلت ودخلت وهي ماتدري عن اللي واقف عند باب الشارع ومفهي فيها طول الوقت

تركي بقلبه : ياقليل الادب ببيتهم وقاعد تقز بناتهم .. استغفرالله بس حلوووة .. احس اني شايفها وسامع هالصوت قبل بس وييين .. ضحكتها ياربي ضحكتهااا ..الحين كيف بعرف ! اسأل رهف ولا وعد

قطع حبل افكاره صوت عبدالله
عبدالله : تريييكي
تركي فز : هلااا والله
عبدالله : وش عندك واقف هنا مادخلت المجلس
تركي : معليش جتني مكالمه
عبددالله : واضح المكالمه غاليه عليك مره لان لي دقيقتين اناديك ولاحولي احد
تركي : هههههههههههههه تعال بس داخل تجمدت

دخلو المجلس

خالد : متى يجي عشاكم جاني نوم وبكره وراي دوام بدري
فيصل : رح المقلط لين يجي العشاء ونقومك
خالد : والرجال من يوجبهم
عبدالعزيز بثقه : شكلنا ماملينا عينك
خالد : الا والله مالينها بس يعني احس اني مهم

دخل تركي بهاللحظه وسلم على الجميع



مرت الليله بسلام والكل رجع لبيته



يوم الخميس ببيت ابو تركي

وعد صاحيه من 3 الفجر

متوتره اول يوم دوام لها وهو بيحدد استمرارها او عدم استمرارها
ومصحيه كل البيت

رهف منسدحه على سريرها وغافيه
وعد تحوس بملابسها وتصارخ : ررررررههف
رهف فزت : بسسسم الله خير وش فيك
وعد : افف اصحي دوري معي شي حلو
رهف وهي تتثاوب : وعد يابثره دوامي يبدا 9 مصحيتني من 3 لييه !
وعد : المفروض تقولين بوديك افطرك على حسابي واوديك بعدها للشركه
رهف بتعب وعيونها تغمض من نفسها : والله العظيم اذا ماتركتيني باادعي انهم يطردونك
وعد : ههههههههههههههههه مقبوله منك ياحلو
رهف : طيب اذاا قررتي تلبسين شي صحيني وياليت ماتقررين الا 6

وعد سفهتها وقعدت تدور بملابسها



الساعه 8

خالد توه يدخل الشركه وكل من قابله سلم عليه وهو مستعجل مره
وصل الاصنصير واكتشف انه ناسي اوراق له بالسياره

طلع مره ثانيه

بهاللحظه وعد وصلت ونزلت وهي تدعي ربي انه ييسر لها المقابله

اول ماوطت رجلها درج الشركه اصطدمت بجسم صلب
وانكبت القهوه

وعد : اححححح
خالد : اسف اسف والله
وعد : حسبي الله عليك ماتشوف
خالد بحده : يختي تأسسفت
وعد : ياربيه وش هاليوم الزفت من اوله احرقتني
خالد : بجيب لك مناديل
وعد : لاشكرا مابي منك شي بس لاتشوفك عيني

خالد بقلبه : وش تبي هذي داخله بشرها

تركته وعد ومشت وهي تمسح القهوه اللي عبايتها وتدعي عليه

طلع هو وجاب بعض الاوراق من سيارته ورجع يدخل الشركه

لما دخل القسم قابله زميله محمد

محمد : افااا الموظفه الجديده جايه قبلك , شكلها هي اللي بتسوي معك مقابله مو انت
خالد بعصبيه : الحاجه لها مو لي
محمد : شفيك معصب طيب
خالد : قابلتني وحده تحت نرفزتني
محمد بنظرة تركيز على ثوبه : طيب ثوبك وصخ ترى
خالد : اعرف , كبت علي قهوه الله لايبارك بعدوها
محمد : هههههههههههههههههههه الله يعينك يالله رح امسحها لان الموظفه تنتظرك
خالد : اوكي


بعد ربع ساعه
دخل خالد غرفته وكانت الموظفه الجديده تنتظره

اول مادخل
خالد انصدم : السلام عليكم
وعد وهي منصدمه : وعليكم السلام
خالد جلس وهو يتذكر الموقف وجته ضحكه
وعد باارتباك : اسفه استاذ
خالد بقلبه : اللحييين استاذ !

وعد تقطع الصمت : امم اذا ممكن نبدا المقابله
خالد بأبتسامه : ممكن ليه لا !



نهاية البارت

اتمنى تعطوني رايكم وتوقعاتكم

[لامارا]

-14-

يوم الخميس بالليل

كالعادة كان اللكل مجتمع في بيت الجد

والبنات كانو بالملحق

مشاعل : رهووفه ليه ماجت ماشفتها زين امس
وجدان : ايه والله حتى انا ماشفتها زين
هيفاء : ياربيه تجنن مره تعودت عليها والله صرت احسها تقرب لي

رن جوال الهنوف
الهنوف : الطيييب عند ذكره هذي رهف اتصلت

ردت على جوالها : هلاقلبي ... اي والله كلنا مجتمعين ... لاوين صعبه احس .. خلاص بشوف البنات وارد لك .. مو اكيد عاد مادري .. خلاص قلبي دقيقه وارد لك خبر

قفلت منها

وجدان : وش تقول ؟
الهنوف : تقول تعالو تقهوو عندي بنات خالاتها مجتمعين
هيفاء : لافشيييله وش يودينا وهم مجتمعين
وجدان : حليلات ترى بنات خالاتها شفتهم مرتين
ريناد بطفش : ماشتهي اروح والله
نورة : اانا بعد
هيفاء : انا بعد ماودي اروح ياليتها تجي هي
الهنوف بعصبيه : ياشينكم والله عادي

بعد نقاشات قررو يروحون وجدان وريوف والهنوف ومشاعل بس
الباقي تعذرو


ببيت ابوتركي

بالملحق رهف ووعد وبنات خالتهم جالسين
رن جوال رهف : هلا .. عند الباب .. اوكي الحين بفتح

طلعت رهف وفتحت الباب

رهف : هلا هلا بالحلوين
سلمو عليها البنات

لما دخلو كلهم وعد ماسكرت الباب
الهنوف : سكريه مافيه احد خلاص
رهف : امانة من جدك !! وين الباقي
وجدان : مستحين من بنات خالتك
رهف : ياليتكم ساحبينهم غصب خير مو على كيفهم
ريوف تفك طرحتها : وين المرايه ابي اعدل روجي قبل ما اسلم
رهف : ادخلي البيت اول ماتدخلين تصير المرايه على يسارك
دخلو البنات كلهم عند المرايه ورهف اخذت عباياتهم وعلقتها ورجعت لهم

رهف : بروح اجيب القهوة اذا خلصتو اطلعو للملحق فيه وعد وبنات خالتي
مشاعل : بجي معك للمطبخ
رهف : يلااا

راحو رهف ومشاعل للمطبخ واول مادخلو مشاعل سكرت الباب

رهف لفت عليها : بسم الله ليه سكرتيه بتطعنيني ؟
مشاعل : هههههههههههه لا ياعيوني ابيك تعلميني سالفتك مع عبدالعزيز بسرررعه اللحين .. لي اسبوع مانمت زين من التفكير ياظالمين وهو رافض يعلمني واييه صح تراه يقول مو انا اللي اخذ فلوس من بنت
رهف حطت يدها على خصرها : خير ان شاءالله وش اللي ما اخذ فلوس من بنت هذي حقه
مشاعل : طيب علميني السالفه
رهف : لا قولي للي ماياخذ فلوس من بنت يعلمك عنها
مشاعل : كل يوم اتصل عليه اسأله ويصرفني لين صار مايرد علي من الاساس
رهف : وش هاللقافه يامشاعل ههههههههههههههههههههههههه
مشاعل : لاتصرفين علميني ولا ماراح تطلعين من المطبخ
رهف : عادي ماصار شي بس دفع لي شي وخليته ياخذ الفلوس
مشاعل بقلة صبر : علييينا ! مات من الضحك يوم عطيته وقال ماانست ! مستحيل السالفه كذا
رهف : الحين من جدك رجع الفلوس ؟
مشاعل : اي والله
رهف : عطيها اياه والله ما اخذها
مشاعل : تستهبلين انتي وياه ؟ وش اسوي فيكم يعني
رهف : قلت لك والله ما اخذها حقه ذا

وجدان دخلت عليهم

وجدان : تطبخون ذبيحه انتم ؟
رهف ومشاعل : ههههههههههههههههههههههههه هههههههه
رهف : لااااا بس معليش خذتنا السوالف
مشاعل : وجدان روحي شوي بنكمل حش فيك
وجدان جلست على الكرسي : هاه وجلسنا والله ماطلع لين اعرف وش تقولون
مشاعل بيأس : يالييييل

جلسو يسولفون ونسو نفسهم


عند البنات ريوف والهنوف ووعد والبنات جالسين

الجوهره : كل من راح اختفى وش السالفه
وعد : انا بروح اناديهم
افنان : لااا يرحم امك بعدين ماترجعين

دخلو رهف ووجدان ومشاعل

افنان : بدررري
رهف : من عمرك بس والله اشغلتني مشاعل بالسواليف
الجوهره : اوه هذي مشاعل ماشفناها
مشاعل استوعبت انها ماسلمت عليهم واستحت
راحت تسلم
مشاعل : سوري بس والله رحت اجيب القهوه مع رهف وخذتنا السواليف
الجوهره خذت العصير : عشان العصير بسكت
رهف : الحمدلله اني جبته

جلسو البنات يسولفون


في المستشفى

عند معاذ وسلطان

سلطان : تدري من شهر افكر فيها مارضت تطلع من مخي
معاذ : اذا تفكر فيها جد ليه ماتخطبها
سلطان : اول شي ماعرف اشياء كثير عنها ثاني شي يمكن هي مخطوبه او متزوجه
معاذ : والله ياحبيبي ما اقدر اخدمك بهذي بس انت وحظك
سلطان : مستحيل اخطبها وانا شاك 1% انها بتردني
معاذ : انت عندك رقمها ليه ماتسألها
سلطان : ودي بس مادري
معاذ : والله ياسلطان طحححت ومحدش سمى عليك
سلطان يبتسم : خلها على ربك بس


في بيت الجد

تحديدا بالمجلس
العيال منسدحين وطفشانين

خالد : وش رايكم ياعيال بالبحرين صد رد
عبدالعزيز : خلها الويكند الجاي بكره وراي دوام
فيصل : وشلون دوام بالويكند
عبدالعزيز بثقه : ياحبيبي مايمشي الشغل وانا مو موجود
فيصل يعطيه نظره : خف علينا تكفى
عبدالعزيز بضحكه : والله تدري انهم قايلين جدد معنا عقد 3 شهور ثانيه بالرياض بس قلت بفكر
خالد : تلقاك ماسك على المدير شي
عبدالعزيز : ههههههههههههههه ايه كلها صورتين بس
ماجد : من اخر واحد كلم سيف ؟
خالد : انا مقفل منه قبل ساعه كان بالطريق للمطار
ماجد : كويس يعني بيوصل الفجر
خالد : ايه (سكت شوي ) ايه صح يقول لحد يتعنى بيمره واحد من اخوياه
ماجد : الله يبشرك بالخير والله اني شايل همه

في بيت ابوتركي بالملحق سواليف وضحك

الهنوف : الاجازه الجايه تعالو انتم معنا المزرعه مع رهف
الجوهره : الله تصدقين ودي ان عندنا مزرعه ونجتمع فيها احس وناسه احلى من السفر
رهف : اييي والله الجوهره عشت هالشعور هالاجازه يجننننن انبسطت مررره
الهنوف : بس عاد رهف ملينا منك نبي نغير الاجازه الجايه
رهف رمت عليها الخداديه
كانت الهنوف تشرب عصير فراوله وانكب عليها
الهنوف تشهق : حسسسبي لله على ابلييييسك
رهف ماتت ضحك : ههههههههههههههههههه سوررري وربي مادريت انه بينكب
الهنوف تشوف فستانها الابيض : اااااااخخخخخخ اكرهك رهف .. فستاني قلب لوونه
رهف : ياعيوني روحي غرفتي واختاري اي شي والبسيه وخذيه لك بعد كم عندي هنوفه
الهنوف قامت : بروح بدون ما اشاورك ياعمري مستحيل اجلس بهاللبس


طلعت الهنوف وراحت فوق لغرفه


برا عند تركي اللي توه موقف عند البيت

تركي : اصبر دقيقتين بجيب جوازي وبطاقاتي واجيك
يوسف : يالله ياويلك لو طولت


دخل البيت رقى فوق بسرعه ودخل غرفته يدور الجواز وبطاقاته

بغرفه رهف

الهنوف فاتحه دولاب رهف وهي تغني : هالمرره صدته مرّه عني سد بابه
تركي فتح الباب بقوه : رهييفف وييين الفيزا حقتي ؟
الهنوف صبت عظامها وماقدرت تتكلم
الهنوف كان مغطيها باب الدولاب ف تركي ماتووقع انه احد غير رهف
دخل وجا وراها
تركي : رهف ! وراك واقفه
الهنوف لفت عليه بهدوء وبارتباك : انا مو رهف
تركي شافها زين وارتاع وابعد شوي وصد : اسف ,, بس معليش تعلميني وين رهف
الهنوف مرتاعه : تحت عند البنات

تركي استوعب انه غلط يسألها وطلع من الغرفه و دخل غرفته وهوو يتذكر وجه اللي بغرفه رهف

تركي يتذكر وجه هنوف : والله هي والله هييي نفسها .. ليش مايطلع قدامي الا هالبنت

اتصل على رهف

تركي : وين الفيزا حقتي ؟
رهف : حطيتها على طاولتك
تركي : اوكي , عندك احد !
رهف : ايه بنات خالاتي وصديقاتي
تركي : اهاا
رهف تتذكر : اييه انتبه لاتدرعم على غرفتي
تركي بتساؤل : ليه مين فيها !
رهف : وش هاللقافه ؟ صديقتي , لايكوون دخلت عليها
تركي : لالا وييين ماجيتها
رهف : اشوا يالله باي بروح للبنات
تركي : باي

قفل تركي وراح اخذ بطاقته ونزل وهو متنرفز من رهف اللي بحياته ما اخذ منها لاحق ولاباطل
لكن طيب ولا غصب بيعرف من هذي اللي دايم بوجهه


ركب السياره
يوسف : نصف ساعه تجيب بطاقه ! هذا وانا قايل لك لاتتأخر لو ماقلت لك كم بتجلس
تركي بروقان : شغل المسجل بس ومر اي سوبر ماركت او بقاله انا مشتهي عصير فراوله
يوسف بروعه : وش هالمسكه ؟
تركي وهو يبتسم : اشتهيته فجأه
يوسف يحرك السياره : الحمدلله والشكر بس

نرجع للهنوف اللي مازالت بغرفه رهف

الهنوف بنفسها : هذا كل ماطلع بوجهي قعد يسألني ! يع قطيعه بس ووالله غريب ماكأنه اخوهم ابد شكله يشبه اعمامه ,, وجع هنوف وش عليك منه


لبست ونزلت للبنات


بنفس الليله بعد الساعه 11

عبدالعزيز وفهد صديقه جالسين يتمشون

عبدالعزيز : انا ماستوعبت للان ليه هي مضيفتني !
فهد : ياخي ماتعرف البنات ,, انت تقول هي صديقه خطيبتك السابقه ! اكيد اضافتك بتشوف انت تلعب ولالا
عبدالعزيز : ماقتنعت احسه مو سبب ذا , الغريب انها للحين ماحذفتني
فهد : كذا البنات يفكرون ياحبيبي
عبدالعزيز : خلنا منها بس دور لنا محل نتعشى فيه توني استوعب اني ماتعشيت اليوم
فهد : يالله


يوم الجمعه الصبح

الساعة 6
سيف قدام بيت جده ويتصل على البيت ومحد رد عليه واتصل على امه وخواته وعيال عمه الكل مايرد

سيف : اكيد نايمين يارب القى رقم واحد من خوالي

لقى رقم ابوفيصل واتصل عليه بسرعه

ابوفيصل رد : هلااوالله بولد اختي
سيف : هلاوالله خالي اخبارك
ابوفيصل : هلافيك تمام انت طمني عنك وصلت ؟
سيف : ايه والله توني واصل
ابوفيصل : الحمدلله على السلامه
سيف : الله يسلمك ويخلييك .. اذا ماعليك امر خالي تفتح لي باب البيت لان محد يرد علي وبيت جدتي مسكر
ابوفيصل : تعال ان ماشالك البيت تشيلك عيوني
سيف : الله يخليييك
ابوفيصل : حياك الله والفطور جاهز
سيف : لا الله يعافيك ويسلمك والله تعبان بعد الرحله بس ابي احط راسي وانام
ابوفيصل : اللي يريحك يابوي

سيف بعد 10 دقايق كان واقف قدام بيت ابوفيصل

نزل وكان خاله واقف عند الباب سلم عليه ودخل الملحق بينام



الساعه 9 وجدان تكلم رهف

وجدان : مدري وشلون بداوم بكره وانا مابعد نمت للحين
رهف : بكره ريوف وريناد بيداومون صح ؟
وجدان : يسسس
رهف بتردد : شوفي مااقدر اكتم بنفسي اوكي هي بنت عمتك بس يختي ريناد ماعجبتني
وجدان بصدمه : ليه صاير بينكم موقف ؟
رهف : لا لا بس احسها ماتبي احد ولاتحب احد
وجدان : هي كذا شخصيتها من زمان ترى
رهف : مادري عنها بس شايله همها ماودي اشوفها بالجامعه كثير
وجدان تضحك : لا تخافين كليتها بعيد عننا
رهف : وش تخصصها !
وجدان : هي ادارة اعمال وريوف قانون
رهف : ماشاءالله تبارك الله واخوانهم مخلصين صح
وجدان : اييه فيصل يقول لي ماشاءالله ماجد لقى وظيفه بمستشفى وسيف للان بس اتوقع انه بيلقى بسهوله
رهف : وش تخصصاتهم هم ؟
وجدان : كلهم طب ماجد عظام وسيف طبيب نفسي
رهف : اما ماجد طب !! احس مو لايق عليه دكتور
وجدان : ههههههههههههههههههه ليه
رهف : مدري والله بس كذا حسيت
وجدان : لايغرك تراه دافووور
رهف تضحك : ابببد مو لايق
وجدان : خليك من ماجد الحين بقفل اسمع صوت شكله فيصل جا بروح اخذ منه سماعتي
رهف : اووكي باي
وجدان : بااي

قفلت وجدان وطلعت ولقت الشغاله قدامها

وجدان : ريييتا وين فييصل
ريتا : في ملحق نايم
وجدان : اوكييي

راحت وجدان الملحق ودخلت
شافته نايم جت تدور جنبه ومالقت شي

وجدان تنغز كتفه وبشكل متواصل : فيصل فيصل فيصل فيصل فيصل وين سماعاتي ابي سماعاتي عطني سماعاتي

مارد عليها

وجدان تصارخ : فيييييييييصل عطني سماااعاااااتي يرحم امك
سيف بصوته المبحوح : مانيب فييييييصصصصصل ومن عيووووني بجيب لك عشر سمااعات بس تكفين بنااام
وجدان عيونها توسعت ونطت بسرعه : بسسسم الله ميين ! وركضت برا قبل ماتسمع رده

دخلت البيت وهي تصفق وجهها : ريييتا يازفففت ليه قايله لي ان فيصل بالملحق مووو فيصل
ريتا ترفع كتفها : مااادري انا
وجدان : اااااه تقهرييين فشيييله
وراحت وهي تتحلطم قابلها ابوها

ابوفيصل : ريتا سوي القهوه والشاهي اذا اذن الظهر وحطيها عند سيف بالملحق
وجدان : اماا سيف
ابوفيصل التفت عليها : وش فيك مرتاعه كذا ايه سيف ولد عمتك
وجدان تداركت الوضع : اهاا احسبه مارجع للان من امريكا
ابوفيصل : الا جا الساعه 6
وجدان : اهااااا

وكانت الشغاله ورا ابوها وتناظرها وتضحك
ابوفيصل مشى وتركها ووجدان تأشر بيدها يعني اوريييك

وجدان بنفسها : اخر عمري ريتا تطقطق علييي
ريم : وجداااان
وجدان : هلا
ريم : تكفين حلي معي واجب الرياضيات
وجدان : ريموو خليه اذا صحيت
ريم : ماما بتهاوشني
وجدان : خلي الكتاب عندي واول ما اصحى وعد احله لك
ريم : طيب



ببيت ابوتركي

رهف ووعد جالسين بالملحق اللي برا

وعد بقرف : يختي غثييث غثييث مدري وشلون بقابله الاحد
رهف : حاولي تتحاشينه
وعد بحزن : المشكله اغلب شغلي معه
رهف : احمدي ربك انك فتره تجربه
وعد : اييي والله
رن جوال رهف : اييه بيت رقم 4 .... خلاص اوكي الحين اطلع لك

طلعت رهف بتفتح للمطعم

فتحت الباب وطلعت

بهاللحظه كان عبدالعزيز توه طالع من بيت جدته بيركب سيارته عشان يروح الدوام
شاف بيت ابوتركي وشاف البنت اللي باين شكلها وبدون عبايه او شي يغطيها

حط شماغه فوق السياره وتوجه لبيت ابوتركي

عبدالعزيز يرفع صوته عشان تستحي وتدخل : ابوووعلي
رهف سمعت الصوت ورجعت داخل
لف عليه السواق اليمني : هلا اخوي
عبدالعزيز : كم حسابك
السواق : الحساب 88 (مد له الكيس )
عبدالعزيز عطاه 100 ريال : اشكرك خلاص تقدر تتوكل الحين وخل الباقي معك
السواق : الله يعطيك العافيه (ركب سيارته وراح)

جا عبدالعزيز عند بابهم وحط الكيس وكان الباب قزاز يشوف جسمها واقفه وراه

عبدالعزيز بحده : لا أشوفك طالعه عند احد كذا
رهف من ورى الباب ترفع حواجبها وترد بنفس الحده : وش دخخلك انت !
عبدالعزيز سمع صوتها وعرفها : وعيب عليك تردين علي كذا
رهف : مالك دخل انت مو ابوي ولا اخوي مالك حق تتأمر علي
عبدالعزيز : انتي شكل يبي لك تربيه من جد وجديد
رهف بعصبيه : انت اصلا مو رجال لو انك رجال ماجيت تتكلم مع وحده ماتقرب لك ولاهي محرم لك
عبدالعزيز بتحدي : والله لو انك مو اخت تركي او بنت ابوتركي دخلت وعلمتك الرجوله بعينها
رهف بقوه ماتدري من وين جتها : قليل ادب ووصخ الله ياخذك اكرهك مالوم الهنوف يوم ترفضك
عبدالعزيز انجرح بس ماوضح : تشكيكك برجولتي ماراح انساه وصدقيني بيجي يوم وتندمين عليه ( حط الكيس عند الباب ) وفطورك لاتنسينه يالله سي يو

عبدالعزيز اتجه لسيارته
لما ركب السياره لف على البيت وشاف ظلها ورى الباب وهي تعدل حجابها وفتحت الباب عشان تااخذ الكيس وهي بقمة العصبيه
عبدالعزيز بنص عصبيته ضحك على شكلها يوم شافته رهف صفقت الباب بقوه .. ابتسم وراح على دوامه



انتهى البارت..
اتمنى تعطوني رايكم وتوقعاتكم لأبطالنا

[لامارا]

-15-


يوم السبت
الساعه 11

في بيت ابوفيصل
وجدان صحت بعد ما رن جوالها مليون مره
ردت بدون ماتشوف : نعععم يا ازعااج
رهف : اففف وجدان اخيرا رديتي
وجدان فتحت عيونها : خيرر وش تبين ؟
رهف : معليش صحيتك من النوم بس ممكن تعطيني رقم عبدالعزيز ولد عمك
وجدان مضيعه : اتصلي عليه سناب ليه مزعجتني
رهف : وجدان مو وقتك تكفين صحصحي
وجدان : فيه احد يدقق على الخلق الظهر ؟
رهف صرخت : وججججدان صحصحي
وجدان جلست وهي تمسح عيونها : هلا وش تبين خربتي نووومتي
رهف بجديه : عطيني رقم عبدالعزيز
وجدان : وش تبيين فيه ؟
رهف : بعدين اعلمك
وجدان وهي دايخه : خلاص برسله لك اللحين

قفلت وانتظرتها

لما ارسلته وجدان رهف قعدت تتأمل الرقم ربع ساعه
بعدها بدقايق اتصلت وجدان

وجدان بصدمه : توني استووعب ! وش تبين برقم عبدالعزيز ؟؟
رهف : بدري حبيبتي ؟
وجدان : يوم ارسلته وجيت اكمل نومي استوعبت انك رهف
رهف : واضح انك دايخه للحين
وجدان : وشش تبين فيه امانه نط فيني العرق الملقوف
رهف تتنفس بقووه و بعصبيه : ولد عمك قلييييل ادب وماتربى
وجدان بحماس : شكل السالفه قويه مره .. اصبرري اصبري دقاايق بس بغسل وجهي واجيك

بعد دقيقتين

وجدان : هلا والله ايوه كملي ولد عمي قليل ادب وماتربى !
رهف : ايه وزفت الله ياخذه اففف
وجدان : بشويش بشويش ليه شصار ؟
رهف علمتها السالفه كامله
وجدان : احححح معقوله هذا يطلع من عبدالعزيز
رهف : ليه مستغربه ! كان لاعب بنفسيه الهنوف
وجدان : صح بس ماوصل هالمرحله ,, طيب كملي
رهف : اللحين فهمتها وانا على بالي انها كانت تبالغ (ترفع صوتها وبعصبيه اكثر ) انتي تدرين وش اكثر شي قاهرني ؟
وجدان : ايوه
رهف بيأس : ياويلك لو تضحكين.. تخيلي تخيلي انه دفع حساب الفطور !
وجدان انفجرت ضحك : ههههههههههههههههههههههههه هههههههههههههههههههههههه
رهف بعصبيه : مووو وقتك تضحكييين ياسخيفه
وجدان : طيب ممكن تفهميني ليه ماخذه رقمه ؟
رهف : بكمل الهوشه معه احس مابرد قلبي
وجدان تكمل ضحك : اااااه ياربي والله تصلحون مسلسل هههههههههههههههههههههههه
رهف : لا وازيدك من الشعر بيت تخيلي رافض ياخذ فلوس العلاج اللي يوم المزرعه .. ووش تتوقعين السبب !
وجدان تحاول تكتم ضحكتها : ايوه وش السبب
رهف : يقول ما اخذ فلوس من بنت
وجدان : جنتل مان والله
رهف : جنتل تببن وانتي الصادقه
وجدان ترجع تضحك : هههههههههههههههههههههههه تجننين وانتي معصبه
رهف : انا اللحين متصله عليك ابيك عون صرتي فرعون
وجدان : عاد جد جد تدرين انه غلط لو تكلمينه بيحس انك ميته عليه
رهف : طيب فلوسه لازم ترجع له والله وجدان مستحيل اخليه كذا ! رسمياً صار يصرف علي !!!
وجدان : مستحيل ياخذها
رهف : طيب وش اسوي معاه والله تعبت مايطلع بوجهي الا هو !
وجدان : نصيحه رهف لاتكلمينه
رهف : مدري مدررري .. اصلا ماراح اقدر اتصل يعني لو جا الجد .. بس والله مو قادره ارتاح راسي بينفجر من القهر .. اللي يقهر اني اخذت الفطور ولما دخلت استوعبت انه هو اللي دفع
وجدان : ههههههههههههههههههههههههه هه اممم طيب ياقلبي فيك نوم اللحين ؟
رهف : طبعا لا
وجدان : وش رايك تجيني
رهف : اللحين !!
وجدان : اجل بكره ؟
رهف : اوكي بس ياويلك تنامين بنص السالفه
وجدان : ههههههههههههههههه لا خلاص صحصحت
رهف : اوكي جايتك


بعد ربع ساعه كانت رهف عند باب بيت ابوفيصل

كان سيف جالس على الدرج ويدخن ومنزل راسه على جواله
رهف نزلت وصفقت باب السياره عشان يحس ويقوم بس ماعبرها

نزلت وقربت من عنده

سيف اشر بيده ابعدي بدوون مايرفع راسه ثم قال : الله يعطينا ويعطيك
رهف فتحت عيونها بقوه : خير !! ماجيت اشحذ انا

رفع راسه سيف ويوم شافها قام من مكانه
سيف : معليش والله ماتوقعت ان فيه ضيوف يجون هالوقت
رهف ابتسمت ابتسامه تسليك وداخلها مقهورررر زياده على عبدالعزيز جا ذا يكملها عليها

دخلت بدون ماترد عليه
على طول راحت غرفه وجدان وبكل قوتها رمت شنطتها على السرير

وجدان : يو يو يو لهالدرجه عزيز قاهرك
رهف بعصبيه : وزادها الزفت ولد عمك اللي تحت
وجدان : مين قصدك ؟
رهف : ولد عمك او عمتك مدري يشبهون بعض
وجدان : اهاا قصدك سيف ولد عمتي
رهف : مدري عنه بس قهرررني يحسبني جايه اشحذ نخلص من عبدالعزيز الزفت يطلع لنا هذا
وجدان : ههههههههههههههههههههههههه ههههههههه اييه على فكره تراه صديقه المقرب (تغمز)
رهف : والتبن فيهم كلهم ( وتقلد صوته الضخم المبحوح ) الله يعطييينا ويعطيييك
وجدان انسدحت على السرير وهي ميته ضحك : ههههههههههههههههههههههههه هههههههههه
رهف : قسم بالله صوته يروع الله يعين زوجته
وجدان : انتي لو تددريين وش صار
رهف بحماس : وش صاار
وجدان : تخيلي اليوم الصبح رحت الملحق ادور فيصل عشان اخذ سماعتي ( وعلمتها السالفه كلها )
رهف : ههههههههههههههههههههههههه ههه غبيه انتي ماشفتيه ؟
وجدان : متلحف ماطلع الا شعره من ورا وش دراني انه مو فيصل
رهف : الطول يفرق
وجدان : المره الجايه باخذ معي متر عشان افرق
رهف : ههههههههههههههههههههههه كلي تبببن
وجدان : خليك منه الحين وش صار مع عزيز
رهف كشرت : لاتذكريني تكفين (بحقد) قاهرررررني
وجدان : قولي قولي تحمست
رهف قالت لها السالفه كامله بكل التفاصيل
وجدان : ههههههههههههههههههههههههه هه
رهف بعصبيه : وجدان والله مره مايضححك الموضوع لاتقهريني
وجدان : تدرين وش اكثر شي ضحكني
رهف بملل : ايوه ؟
وجدان : انه دفع لك ههههههههههههههههههههههههه ه
رهف : اييه انا عشان كذا قلت لك عطيني رقمه اتصل عليه ياخذ فلوسه كلها
وجدان بجديه : انتي من جدك بتتصلين !
رهف : ايه والله ! مابيه يصرف علي خير ابوي ! اخوي ! زوجي !
وجدان : مانصحك مره بيصير شكلك غلط
رهف بتفكير : مادري محتاره بس لازم ترجع له فلوسه
وجدان : لاتتهورين نصيحه ( وسكتت شوي ) الا صح كنت بسألك حذفتيه بسنابشات ؟
رهف توترت وبكذب : ايه طبعا
وجدان : ايه كويس
رهف تجس النبض : ليه حتى لو خليته مايعرف مين انا !
وجدان : يروع عبدالعزيز والله ما انصحك تتلزقين معه بموضوع , احارش كل الناس بس هو لا
رهف خافت : ليه يعني وش ممكن يسوي !
وجدان : وش فيك خايفه مو انتي تقولين حذفتيه وماراح تكلمينه خلاص ارتاحي
رهف : اييه اييه حذفته من زمان


يوم الاحد الصباح في الشركه

خالد في مكتبه اتصل على السكرتير

خالد : هلا عمر اذا ماعليك امر اتصل على استاذه وعد وقل لها تجي بمكتبي
عمر : استاذه وعد ماجت للان
خالد عصب : وشلون ماجت !!
عمر : والله مادري بس اللحين بتصل عليها
خالد : لا لا تتصل خلنا نشوف متى بتشرف اخت وعد !
عمر مستغرب من عصبيه خالد وسكت

خالد سكر السماعه وهو معصب مره


برا كان عمر جالس وعنده محمد

عمر : الله يعين الموظفه الجديده على خالد بياكللها
محمد : معصب مره ؟
عمر : اييه غريبه عليه اوول مره اشوفه معصب لهالدرجه


في سياره تركي

وعد دايخه وتركي يحاول يصحيها

تركي بخوف : وععععد وعععددد ( ويطق خدها )
وعد ماترد عليه
تركي اخذ مويه وكب بيده شوي وقعد يمسح وجهها
وعد فتحت عيونها بشويش
تركي براحه : الحمدلله
وعد بصوت واطي : وش صااار
تركي : انتي وش فيييك ؟ فجأه دختي اكلمك وماتردين علي
وعد وهي تحاول تستجمع قوتها : مافيني شي
تركي : بوديك المستشفى
وعد : لااا تركي الله يخليك عندي اجتماع ضروري ( وشافت الساعه وشهقت ) بقى عليه ربع ساعه تكفى وصلني الشركه
تركي : مجنونه انتي ماتشوفين وجهك كيف اصفر ؟؟؟
وعد : مضطره احضر الاجتماع
تركي بقله حيله : طيب توعديني لو حسيتي بشي تتصلين علي على طول
وعد : ابشر من عيوني
تركي : بمر اجيب لك عصير
وعد : وربي مايحتاج
تركي : ان ماجبت لك ماراح اخليك تروحين
وعد : اوكي


بعد 10 دقايق كانو واقفين قدام الشركه

تركي يشوف العصير بيدها : ليه ماشربتيه ؟
وعد : اخاف يقلب كبدي باكل شي قبل بعدين اشربه
تركي : اوكي يالله استودعتك الله


نزلت وهي تحس الدنيا تدور فيها بس تحاول تقاوم
ودخلت الشركه وكان قدامها عمر


عمر : اخيرا استاذه وعد
وعد : بدا الاجتماع ؟
عمر : لا .. استاذ خالد ينتظرك بمكتبه يقول ضروري تجيني قبل الاجتماع
وعد بصوت واطي : ياالله صباح خير
عمر : سمي ؟
وعد : لاماقول شي بس وينه هو
عمر : بمكتبه
وعد : اوكي


بعد دقيقتين كانت عند باب مكتب خالد

دقت الباب

خالد : تفضل
فتحته بهدوء

وعد : السلام عليكم
خالد بدون مايرفع راسه : وعليكم السلام اخيرا شرفتينا انسه وعد
وعد : اعتذر استاذ خالد بس كان عندي ظ..
خالد قاطعها : كلنا يصير عندنا ظروف بس مانتأخر على اشغالنا وهذا اول اجتماع تحضرينه معقوله هالتأخير كله !!! ( ويحاول يهدى ) وين الاوراق اللي ارسلتها لك بالايميل طبعتيها ؟
وعد تذكرت انها مانزلتها من سياره تركي : اعتذررر وربي نسيتها بسياره اخوي
خالد قام وهو متنرفززز وعطاها ظهره ووقف قدام الشباك يحاول انه يهدى عشان مايتكلم ويخربها

فجأه سمع صوت ارتطام قوي بالارض ولف بسرعه وشاف وعد طايحه

خالد ارتاااع وجا بسرعه عندها

رفع راسها من الارض بيده وقعد يطق خدها

لف شاف طايح من شنطتها عصير رق قلبه
جاب المويه وحط بمنديل وقعد يمسح وجهها

شعرها كله طلع وغطاه بالطرحه وهو صاد وجهه

وعد فتحت عيونها واول شي شافته قدام عينها خالد كان قريب منها مره

وعد ارتااااعت وحاولت تقوم بسرعه بس ماقدرت

خالد قام ومد يده لها
وعد تجاهلت وحاولت تقوم من نفسها كانت تحس الدنيا كلها تدور فيها
اول ماوقفت بدون ماتحس بنفسها مسكت يد خالد بقوه خافت تطيح
خالد ضغط على يدها وحط يده الثانيه فوق يدها ومشى معها لين جلست على الكرسي
اخذ العصير من الارض وفتحه ومده لها

راح وقعد على الكرسي
رن تلفون المكتب : هلا عمر .. الاجتماع يتأجل لين الساعه 10 .. ظرف طارئ .. اوكي

قفل السماعه

خالد : اعتذر استاذه وعد
وعد ماردت عليه
خالد : تلفت اعصابي من التأخير وعصبت عليك اسف مره ثانيه
وعد بقلة حيله : حصل خير .. انا اعتذر لك لان صار لي ظرف بيوم مثل كذا.....
خالد حس انها تدقه بالكلام وسكت
وعد قامت : انا استأذن
خالد : اذنك معك

جت بتطلع

خالد : وعد ااا اقصد استاذه وعد
وعد لفت عليه : نعم
خالد : اذا بتستأذنين من الدوام وتروحين البيت عادي ترى الاجتماع مو ضروري
وعد : لا مايحتاج انا بخير والاجتماع بحضره بأذن الله
خالد : اوكي



بالجامعه
الساعه 3

وجدان والهنوف خلصو محاضراتهم وقاعدين ياكلون

وجدان : ترى قلت للجازي تجي والله مشتاقه لها
الهنوف وهي رافعه حواجبها : لها ولا لأخوها
وجدان تضرب كتفها : خير وش اخوها
الهنوف تغمز : علاااوي من زمان ماسولفتي لي عنه
وجدان : اشوفه احيانا يجي فيصل
الهنوف : تصدقين اني للان ماشفته
وجدان : كذاااابه
الهنوف : والله قد قلت لك بشوفه وصرفتيني شكله حلو مره وخايفه اخذه منك
وجدان تضحك : والله ماصرفتك بس مو عندي صوورته وشلون اوريك
الهنوف : اسكتي جت الجازي

الجازي وصلت لهم : هااي ياحلوات
وجدان : هلا والله
الهنوف : هلاا حياك افطري معنا
الجازي وهي تحط شنطتها على الكرسي : لاوالله اكلت انا بالعافيه عليكم ,, الا وين رهوفه ؟
وجدان : باقي نص ساعه وتخلص محاضرتها
الجازي : انتو خلصتو مره ؟
وجدان : ايه
الهنوف : السواق عند الباب انا بطلع باي بنات
وجدان والجازي : باااي

الجازي : شرايك ترجعين معي البيت ؟
وجدان : امم لاا بنتظر السواق
الجازي : بلييز بعدين شدعوى بابكم في بابنا واساسا ابيك تجين البيت فاضي
وجدان : لاياقلبي خليها مره ثانيه
الجازي : وعد ؟
وجدان بأبتسامة : وعععد

ودعو بعض وجلست وجدان تكمل فطورها

رن جوالها ولما شافت المتصل استغربت : عمي خالد ؟ ... هلاوالله غريبه متصل هالوقت .. ههههههههه لا والله كلي لك اسحب على محاضراتي كلها لعيونك ... ورا صوتك كذا ؟ متضايق ؟ ... اكييييد ؟ ... ( جاها مكالمه ثانيه ) دقيقه عمي ريوف تتصل علي .. اكيد انها ضايعه هههههههههه .. طيب باي

وجدان : هلاا ريوف
ريوف بسرعه : وجدان مدري ويني فيه تعالي خذيني
وجدان : بكره بربطك واسحبك معي
ريوف : ههههههههههههههههههه تحملوني لين احفظ جامعتكم
وجدان : طيب عطيني اي بنت عندك عشان اعرف وينك
ريوف : طيب دقيقه بدور بنات

وصلت وجدان عند ريوف بعد 5 دقايق

وجدان : اعتمدي على نفسك حبيبتي واسألي البنات ماني فاضيه الاحق وراك
ريوف : خير بنت خالي على الفاضي !
وجدان : بنت خالك مو البيبي سيتر اجلس الاحقك
ريوف : هههههههههههههههههه والله مامنك فايده انتي
وجدان تتصنع الزعل : طيب اذا ضعتي مره ثانيه شوفي من اللي بيفيدك
ريوف : لا عاد كل شي ولا زعلك ياحلو عازمتك على كوفي من ستاربكس كم عندي وجدان
وجدان تتصنع الزعل اكثر : اوكي بس اصبري لما تطلع رهف من محاضرتها واعزمينا كلنا
ريوف تفتح عيونها بقوه : ايووه ومين بعد
وجدان : خلاص بس باقي رهف بالجامعه
ريوف : تستاهل رهف (وتلتفت كأنها تدور شي) الا وين ستاربكس
وجدان : ههههههههههههههههههه مافيه فايده

جلسو وجدان وريوف ينتظرون رهف وارسلت لها وجدان عشان تجيهم اذا خلصت

الساعه 4 العصر اللكل طلع من الجامعه

وجدان توها توصل البيت
سيف كان واقف عند سيارته ويشوف الكفرات

وجدان جت عنده : مبرووك السياره الله يعطيك خيرها ويكفيك شرها
سيف لف عليها وابتسم : الله يبارك بعمرررك
وجدان لفت بتدخل البيت
سيف يتذكر : لحظظه
وجدان وقفت ولفت عليه : هلاا
سيف فتح السياره وطلع كيس ومده لوجدان
وجدان خذته وفتحته وشافت سماعات وماتت ضحك : ههههههههههههههههههههههههه ههههه كيف عرفت انها انا
سيف يضحك : لأني عارف لو كانت نوره ماراح تنحاش
وجدان : ههههههههههههههههههههههه بس لهالدرجه ازعجتك
سيف : اي والله كنت توني ناييم بعد رحله اطول مني , نرفزززتيني وانتي تعيدين اسم فيصل
وجدان مدتها له : خذها لك والله عندي وحده وباخذها من فيصل غصب بعد
سيف : لا والله ازعل عليك لو ماخذتيها
وجدان : لاا امانه لاتحرجني
سيف : ان ماخذتيها خنقتك فيها
وجدان : سبحان الله انتم يالسعوديين ماعندكم اسلوب
سيف : هههههههههههههههه اقول خذيها وانتي ساكته
وجدان : ماتقصررر والله نردها لك بالافراح
سيف : وش دعوووه ماسوينا شي
وجدان جت بتدخل البيت
سيف : قولي لفصيل يجي بسرعه ولا اول دعسه بالسياره الجديده بتكون من نصيبه
وجدان تضحك : هههههههههههههههههه ان شاءالله


قدام بيت ابونايف كان علي واقف ويناظر الموقف ومستغرب

علي بنفسه : هذا مو فيصل !! ,,, وشلون واقفه معه وتسولف وتضحك بعد ! ,, طيب انا وش دخلني يمكن عمها او خالها !

فتح الباب ودخل البيت وحاول يشيل من عقله كل هالاسئلة اللي ماله خص فيها .


انتهى البارت..
اتمنى تعطوني رايكم وتوقعاتكم لأبطالنا

[لامارا]

-16-


بعد اسبوع مر سريع على بعض ابطالنا وبطيئ على البعض

يوم الاربعاء
ريوف ووجدان والهنوف ومشاعل يكلمون بعض مكالمة جماعيه

مشاعل : احم احم ياليت تفضون الساحه للملكه مشاعل
ريوف بحماس : بتجووون هالويكند ؟
مشاعل : يسسس
وجدان : وش عندكم ؟
مشاعل : زواج رنيم بنت خالتي يوم الخميس الثاني وفستاني مصممته بالرياض ومارضيت انهم يوصلونه لي ابي اجي اخذه بنفسي عشان لو كان مو كويس يتعدل بسرعه
الهنوف : واهلك بيمسكون خط عشان فستانك ؟؟ اخخخ لو قلت لاهلي مصممه فستاني بالشرقيه خنقوني فيه
وجدان : ههههههههههههههههههههههههه ههههه
مشاعل : لاا بنجي طيران انا وهيوف ومشعل بس لأن هيوف بعد ناقصها اغراض وكذا واساسا ماراح نطول اتوقع نرجع الجمعة
ريوف : اي وقت بتجون ؟
مشاعل : بكره الظهر بنكون بالرياض
وجدان : توصلون بالسلااامه ياعمري
مشاعل : الله يسلمك

الساعه 11

وجدان كانت بغرفتها تستعد للنوم
طق الباب
وجدان : مين ؟
فيصل : انااا
وجدان بملل : مين انت
فيصل بااستهبال : نوره
وجدان : هههههههههههههههههه يا الله على الظرافه ادخل

دخل فيصل
فيصل : يعني من بكون ؟؟
وجدان تضحك : وش عندك بس جايني هالوقت
فيصل جلس عندها : فيه موضوع شاغل بالي وودي اشاور احد فيه وفكرت فكرت فكرت
وجدان تقاطعه : وفكرت وبعدين ؟؟؟؟
فيصل : ومالقيت الا اختي حبيبتي هي اللي بتدلني على الطريق الصح
وجدان : الله اكبر ! انا اللي بدلك ؟ طيب انجز وش السالفه
فيصل بسرعه : افكر اتزوج
وجدان عدلت جلستها وبحماس قوي : اخيييييييرا وميين هي سعيدة الحظ
فيصل : فيه وحدة ببالي
وجدان : من هي ؟ من بنته ؟ وين تعرفت عليها ؟ تكلمها ؟
فيصل : تستهبلين انتي ؟ خليني اكمل
وجدان : طيب اسفه يالله كمل
فيصل : هي وحده تعرفينها
وجدان : الله مين
فيصل : بقولك بس بشرط تكلميني عنها بصراحه لاني ماعرفها زين
وجدان بتفكير : ياربي فيييصل مين !
فيصل : مشاعل بنت عمي
وجدان اتسعت ابتسامتها : والله احسن وحده اخترتها
فيصل ارتاح : كلميني عنها اكثر تعرفين انا ماعرف بنات عمي مره وبالذات مشاعل وهيفاء
وجدان : وش تبيني اقولك عنها ؟
فيصل : يعني شخصيتها ؟ طريقه تفكيرها ؟ والاهم من كذا هل فيه احد ببالها ولالا ؟
وجدان بتفكير : ماتوقع ان في بالها احد
فيصل : طيب جسي النبض متردد انا ماابي اجزم واخطبها بالاخير تصير ماتفكر فيني كـزوج
وجدان : طيب بحاول ( وتغمز ) تراهم بكره بيجون الرياض
فيصل : بالله عليك
وجدان : والله
فيصل ابتسسم بقوه : كويييس

يوم الخميس

في بيت الجده كانو مجتمعين بالصاله

الجده : نادووو عيالي يتقهوون معي
هيفاء : اعمامي ولا عيال اعمامي حددي
الجده : لا وش ابي باعمامك خليهم لك .. ابي عيالهم
وجدان : اووه جدتي سحبت على عيالها
الجده سمعتها : ما اغلى من الولد الا ولد الولد اتصلي عليهم يا ام فيصل
ام فيصل تمسك جوالها : ابشري
مشاعل : خل نقوم تكفون مالي خلق البس حجابي
وجدان وهي تشوف محادثة فيصل وتبتسم وتمسك مشاعل بسرعه : لاااا لاا اجلسي انتي اهمم شي
مشاعل تناظر البنات مصدومه وتجلس

وجدان ترد على فيصل
وجدان : ايه ايه فييه وجالسه يساري الحين
فيصل : طيب اطلعي شوفي شكلي حلو ولالا ؟

وجدان ماتت ضحك
وجدان : على اساس هي اول مره تشوفك

الهنوف تطل بجوالها وبحمااس : من تكلمييين
وجدان لفت جوالها وبصوت واطي : اصبري بعدين بقولك

دخلو العيال وكان فيصل يتبسم وعيونه اتجاه البنات
الجده : هلاوالله بعيالي

جلسو كلهم عندها
الجده : قومي يالهنوف صبي القهوه
الهنوف بصوت واطي : افف جدتي تحب تحرجني
وجدان : الحمدلله اول مره ينسون اسمي بهالمواقف
قبل ماتكمل كلمتها
الجده : وجدان قربي القدوع

مشاعل ضحكت بصوت عالي فيصل فز يوم سمع ضحكه ورفع راسه وشافها وابتسم
مشاعل ارتاعت من نظرته وسكتت على طول

الجده كان جنبها خالد
الجده لفت عليه : ترى مانسيت موضوع الزواج للحين
فيصل : ايييه عليك فيه
الجده : لا تحدني اخلي زواجكم بيوم واحد
فيصل يأشر على عيونه : من عيوني الثنتين انتي بس اشري لي وانا اتزوج لو تبين الحين
الجده انبسطت : والله ؟ يالله تكفى تزوج من زمان مافرحت بزواج احد
فيصل : وبتزوج وحده تعرفينها وتحبينها وتعزينها بعد
الجده : قل لي منهي واخطبها لك الحين
فيصل ناظر جهة البنات وابتسم : هي جالسه هنا

البنات كلهم ارتاعو من جرائته

الهنوف بصوت واطي : يمممه مين يقصد لايكون انا
وجدان تلف عليها ورفعت حاجبها : يامحور الكون مو انتي
رجعت لفت على فيصل وابتسمت

خالد : علمني منهي وانا اشوف هي تنفع لك ولالا
فيصل : ملابس هي ؟
خالد : هههههههههههههههههه والله لاعطيك اياها من بكره بس خل امي تلهى عن طاري زواجي انا
ام فيصل : منهي يافيصل
فيصل : هههههههههههههههه عاد امي ماراح تنسى السالفه
ام فيصل : والله اني انبسطت
فيصل وهو يقوم : بتعرفونها قريب ,, يالله انا استأذن مواعد واحد من الربع

طلع وكلهم يتسائلون

ام فيصل لفت على وجدان وشافتها تضحك : انا عارفه انك تعرفين مين هي يالسوسه
وجدان تتصنع البراءه : انااا ! وش بيعرفني بس اضحك على هبال فيصل

استمرو بالسوواليف

لما جت الساعه 12

ام فيصل : يلا بنات فيصل برا ينتظرنا
وجدان : يمممه بناام هناا اليوم
ام فيصل : ضروري ؟
وجدان : اييييه والله ومابعد شبعت من هيوف وميش
الجده : خليها تنام وتنبسط مع بنات عمها وعمتها
ام فيصل : بس عشان خالتي
وجدان تحب راس جدتها : عاد يمه كملي جميلك وتوسطي للهنوف بليز
الجده توجه نظرتها لأم عبدالله : والهنوف تجلس بعد
الهنوف : يسسس والله كنت شايله هم كيف بقنع امي
ام عبدالله : والله ياخالتي البيت زحمه واخاف يسببون لك ازعاج
الجده : لا مايزعجونا البيت كبير وهم دايم يجلسون بالملحق برا ما نسمع اصواتهم


في بيت ابو تركي
رهف جالسه تاكل وتتابع التلفزيون و تكلم افنان بنت خالتها مكالمة فيديو

رهف : بيجتمعون عند خالتي نوف ؟
افنان : ايييه تعبت وانا اقول لأمي مابي اروح بناتها غثيثات بس رفضت
رهف : الحمدلله امي ماعاد تقول لي شي عنهم وعن جمعاتهم
افنان بحزن : حتى جوجو ماراح تروح عندهم زوارة في بيت عمها المحظوظه
رهف : طيب متى بتروحون ؟
افنان : بكره بدري لانهم بيجتمعون بشاليه
رهف : يووه عاد الله يعينك على النفااق
افنان بحزن : اففف يعععع .. خليينا منهم بس اخبار عبدالعزيز ؟ ماكلمك ؟
رهف وهي تشوف التلفزيون : لا مو كثير وحتى اذا رد علي او رديت عليه يكون كلامنا مختصر
افنان بصدمه : مجنووونه انتي ! حاطته بستوري ؟
رهف ببرود : اذا جيت اصور شي مابيه يشوفه اشيله قبل بس انتي عارفه اني غالبا اصور بغرفتي وش بيعرفه عاد (سكتت شوي بعدين تذكرت وعدلت جلستها وبحماس) : اييه صح قبل امس استغربت من شي
افنان : ايووه
رهف : لما صورت قهوتي وجنبها البخور تذكرين الصوره ؟
افنان : ايووه
رهف : تخيلي رد شقال !
افنان بحمااس : وش قال ؟
رهف : قال انتبهي لايكتمك البخور
افنان بصدمه : رهوووف شكله كاشفك !!!!
رهف بثقه : لااا لاا مستحيييل ماقد صورت شي يوضح
افنان : انتي من بعد ماقلتي لي انه قال روفا ذاك اليوم وانا شاكه
رهف : لا ياغبيه ذاك اليوم سامع البنات بالمستشفى وهم ينادوني وسمعني وانا امدحه الله يااخذه واتوقع انه كان يتميلح بس
افنان : هههههههههههههههه تتوقعين كذا يعني ؟
رهف : اكييييد مستحيل لو كان عارف اني رهف ماراح يخليني عنده دقيقه وحدة
افنان : مادري العيال تفكيرهم غيرنا ترى
رهف بثقه : لالا ماعليك انا متخفييه مره
افنان بااستغراب : انا مدري ليش مااحذفتيه للحين ياغبيه
رهف تحاول تغير الموضوع : ايوه قلتي لي بتروحون لخالتي نوف اجل
افنان رجعت تحزن : خلاص ياتبن انا احاول انسى
رهف : ههههههههههههههههههه مسكينه .. بس اسمعي ترى يمكن يمكن مو اكيد ان وعد تروح مع امي اذا ماكان عندها شغل
افنان : يااارب على الاقل نصبر انفسنا ببعض
رهف : ههههههههههههههههههه تراها مغصوبه مثلك بعد .. الحمدلله على نعمة قوة الشخصيه
افنان : قوة الصياح وانتي صادقه هههههههههههه والله ماانسى وجه خالتي لما انصدمت من صياحك ذاك اليوم
رهف : ههههههههههههههه بس الحمدلله نجحت خطتي
افنان : تدرين عاد حاولت اسوي مثلك بس ماقدرت ابكي ومامشت على امي .. عطيني الطريقه يختي
رهف : هذي قدرات خاصه ياحبيبتي مو اي احد يقدر عليها

كملو مكالمتهم


في بيت الجده
الساعه 5 مشاعل وريوف ووجدان والهنوف بالملحق
والباقي كلهم نايمين

وجدان : تصدقون مشتهيه بيتزا
مشاعل : حامل ؟
ريوف : ههههههههههههههههههههههه
وجدان : لاوالله بس من زمان ما اكلتها
الهنوف : تصدقين اشتهيتها
وجدان : العيال هنا؟
مشاعل : قبل شوي اكلم عمي خالد يقول مافيه الا عزيز وفيصل
الهنوف : غريبه وين الباقي
ريوف : اخواني بالدوام
الهنوف : ياعمري حتى بالويكند يداومون ؟
ريوف : ايه طب يعني وش تبين
مشاعل : يووه اتخيل مافيه ويكند بحياتي والله مااتوقع اني اداوم
ريوف : الا كيف الدوام معك
مشاعل : والله مليت صراحه وافكر اتركه مو جوي
الهنوف : ياشيخه بتجلسين تمشين على جوك عز الله ماراح تفلحين ابد هههههههههههههههه
مشاعل : انتم متخيلين اني اتعامل مع بنات متوسط .. طلعو اسوأ من البزران
الهنوف : وش تقولين عني اجل بتخرج واجلس اقابل البزران
مشاعل : لو تخصصي مثل تخصصك قطعت الوثيقه اول مااتخرج
ريوف : هههههههههههههههههه حرام عليك عاد لا تحطمينها
وجدان تقاطعهم : اسمعو بس خلوكم من هالكلام بقول لعمي خالد يجيب لنا بيتزا
مشاعل : مجنونه انتي؟ بيتزا بهالفجر
دخل خالد عليهم : من المجنون
وجدان : جابك الله
خالد : وش السالفه لاتقولون لي عرس بعد
ريوف : هههههههههههههههههه ياعمري خالي تعقد
خالد : الوالده الله يهديها كل ماشافتني فتحت الموضوع
مشاعل بجديه : طيب انت مافكرت ؟
خالد : انا عادي عندي بس انا مو مستعجل الشي الثاني ابي بنت اناا اختارها بنفسي
وجدان تصفق وبصوت عالي : ياعمرررري يالاوبن مايند
خالد :والله مو مستعد ارتبط بوحده ماعرف عنها الا اسمها
ريوف : طيب السعوديه مليانه بنات انت اشر بس وهي بتجيك تركض
خالد : انا قايل لكم رشحو لي بنت بس محد عطاني وجه
وجدان : اعفيني من هالموضوع الحين انا بلتفت لزوجه اخوي فيصل لازم ندور له وحده
خالد : فيصل غبي وهق نفسه
وجدان باابتسامه خبث : ماتدري انت يمكن حاط بباله وحده وحابها
خالد : والله قهرني شوي .. تعبت احاول اقنعه يعلمني بس رفض يقول بخطبها وبتشوفون
وجدان ضحكت
رن جوال خالد
خالد : الطيب عند ذكره ( ورد عليه وهو قايم بيطلع )
ريوف لفت عليهم وبحماس : بصراااحه فيصل صدمنيي اليوم
الهنوف :اقولكم شي ؟ احس اني عرفت مين يتكلم عنه
ريوف : ميين ؟
الهنوف : احس احسس ريناد يمكن ! كأني لمحت عيونه متجهه عليها
مشاعل اللي كانت تاكل فصفص غصت وجلست تكحكح لين صار وجهها احمر
البنات يطقون ظهرها
وجدان : الله ياخذك يالهنوف
الهنوف بصدمه : خير وش قلت انا !
مشاعل بعد ماشربت مويه : حسبي الله عليكم كلكم ! وش هالفصفص اللي ينشب بالحلق
ريوف : الفصفص ولا سالفه ريناد حددي ؟
وجدان تحاول تضيع السالفه : تدروون بنات من احس تصلح لعمي خالد
الهنوف : مييين !
وجدان : الجازي ال... بنت جيراننا
ريوف : ماعرفها !
وجدان : الا جايه بالمزرعه ويوم عزيمه فيصل اخوي
ريوف : والله ماتذكر اي وحده تقصدين ! اللي جو مره كثير
وجدان : شفتي اللي شفناها اليوم بالجامعة عند ستاربكس ؟
ريوف : اييييه هذي ! ( تذكرت شي ) صح امي لطيفه ذاك اليوم قالت له عنها
الهنوف : لالا ما احس انها تصلح له
مشاعل : الا بالعكس حلوه ترى .. صحيح ماعرف شخصيتها مره بس احس تصلح له
ريوف : الا صصح بنات وش رايكم في رهف
وجدان والهنوف بوقت واحد : لا مستحيييل
ضحكو مشاعل وريوف
ريوف : لييش مستحيل ! بالعكس تجنن مره رهف
وجدان بجديه : رهف صغيره مره على عمي
الهنوف : وانا كذالك مع راي وجدان
مشاعل : ياشيخه انتي وياها ؟ رهف صغيره والجازي لا !
وجدان : اي والله صح نسيت انهم نفس العمر .. بس مدري كيف رهف احسها بنتنا مايصلح تاخذ عمي ههههههههههههههههه
مشاعل : في هذي عاد معك حق حتى انا مافكرت فيها ابد ولا جت في بالي لأنه مايصلح ههههههههههههههه

جلسو البنات يتناقشون
وبهالاثناء مسكت وجدان جوالها وارسلت لفيصل ( اخطبها )

في المجلس

فيصل وعبدالعزيز وخالد كل واحد جالس وماسك جواله

فيصل وصلته رسالة وجدان وابتسم من كلللل قلبه

لف وشاف عبدالعزيز
فيصل بحماس : عبدالعزيييز والله احبك
عبدالعزيز بدون مايلف عليه : كم تبي ؟
فيصل : ابيك انت وحدك وبس
عبدالعزيز : الحمدلله والشكر بس
خالد : اقول وش رايكم تروحون معي للقصيم ؟
عبدالعزيز : وش الطاري ؟
خالد : شريت سيارة وراعيها بالقصيم وودي اخذها اليوم بس لازم يجي احد معي عشان يرجع سيارتي اللي بمشي فيها
فيصل بروقان : قدام كم عندي عم اسمه خالد انا ؟
عبدالعزيز وهي يناظر فيصل : الله يرزقني روقانك بس (ورجع لف على خالد) خلاص تم
خالد : نمشي الحين ؟
فيصل وعبدالعزيز : يالله

عند البنات

الهنوف : الا صح ريووف متى بتسكنون بيتكم ؟
ريوف : للان مابعد وصلو له الكهرب ومابعد اخترنا البويات وكذا يعني اتوقع مطولين
وجدان : هو هنا قريب مره ؟
ريوف : تستهبليين ؟ جدارنا بجدار جدتي
مشاعل بعد تفكير : شرايييكم نروح له ؟
ريوف : يمه يمكن يكون فيه عمال
وجدان : لا مستحيل الحين الساعه 6 مايجون هالوقت
ريوف : شدراك يالمقاول
وجدان : هههههههههههههههه اتوقع كذا من 9 يبدون
ريوف : تتوقعين ولا متأكده
وجدان بكذب : متأكده
مشاعل : عادي خل نروح نشوف وش ورانا
الهنوف : يمه احس خايفه
وجدان : يوه ياشين البزارين
الهنوف : اساسا عمي والعيال بالملحق اللي عند الباب بيشوفون الباب وهو ينفتح وبينشبون لنا
وجدان : خلونا نطلع نشوف

طلعو البنات

ريوف : وجدان طلي عليهم بما ان اخوك فيه
وجدان ترفع حواجبها : خير عزيز فيه (وتلف على مشاعل ) مشاعل انتي روحي شوفي
مشاعل ترفع حواجبها نفس وجدان : وفيصل ياقلبي ؟؟
وجدان : عادي فيصل
مشاعل : احلفي بس
ريوف : ياغبيات اساسا مافيه جزم عند الباب يعني مافيه احد

دخلو البنات وكان فعلا مافيها الا مشعل وعبدالرحمن ونايمين بعد

وجدان : غريبه وينهم
ريوف : يمكن طلعو يفطرون
وجدان : خيانه !!!! دقايق بس اتصل على فيصل
الهنوف : وش عليك من الفطور انتي خل نروح لبيت عمتي الحين
وجدان : ابيه يجيب لي بيتزا
مشاعل : ههههههههههههههههههههه مريضه انتي والله


اتصلت وجدان عليه

فيصل : هلا والله
وجدان : هلا فيصل تقدر تجيب لي بيتزا ؟
فيصل :والله انا مو بالرياض ولاكان من عيوني ,, بس لحظة لحظة وش بيتزا هالحزه ؟
وجدان بخبث : ياليييل جتنا حركات مشاعل

ومشاعل تضرب كتفها : خير وش دخلني

فيصل : ياعيووني انا بس
وجدان : هييه هيييه عيب
فيصل : اوكي اوكي
وجدان : وين رايح له ؟
فيصل : القصيم ومعي العيال ورايحين عشان سياره عمي خالد وبنرجع اليوم .. عطيتك كل التفاصيل خلاص الحين ارتحتي ؟
وجدان : ايييه الحمدلله يالله مع السلامه
فيصل : مع السلامه

مشاعل : ليش قلتي عيب ؟ لايكون يسب ؟؟؟
وجدان : ههههههههههههههه ايييه يقول مشاعل الغثيثه ماغيرها
مشاعل : قطييعه !!!
ريوف : وين رايحين له ؟
وجدان : القصيم
الهنوف بحماس : طيب يالله خلونا نروح
مشاعل : انتي كنتي خايفه وش غير رايك
الهنوف : مدري شجاني فجأه تحمست
ريوف : ناخذ عباياتنا ولامو لازم ؟
مشاعل : سلامات حبيبتي اكيد لازم
وجدان : يالله اجل

دخلو البنات وجابو عباياتهم وطلعو لبيت عمتهم

ريوف وهي تدخل البيت : بسم الله يروع ظلاام
الهنوف بخوف : بنات اسمعو امانه لحد يخوفنا ويطلع صوت وكذا
وجدان : ههههههههههههه هذي حركات مشااعل
مشاعل تشهق : انااا ؟
الهنوف : مشاعل ياتبن لاتشهقييين
ريوف : بنات قصرو اصواتكم الصدى لحاله رعب
وجدان : خلونا نروح الدور الثاني

راحو فوق

وجدان : تعالو السطح
ريوف : لااا يمه احس فيه عمال نايمين
مشاعل : ههههههههههههههههههههه وش ينومهم فيه
الهنوف : يممه لا تكفون انا ماابي
وجدان : وع ياشينكم وانتم خوافين

راحت وجدان لحالها فوق

بعد خمس دقايق

ريوف : وجداان احنا تحت تعالي بنطلع خلاص
وجدان : اووكي دقيقه
مشاعل : وش لقيتيي؟
وجدان : مافيه شي بس فيه حجر يغزز افف
ريوف : يالله تعالي
وجدان : اووكي

وهي تنزل مع الدرج سمعت صوت شي يطيح فوق ومن الخوف لفت رجلها وطااحت على الارض من على جنب
وماكان فيه درابزين وكانت الطيحه قويه

صرخت وجدان بقوه
البنات جو وهم يركضون ومرتاعين .. اول وحده وصلت ريوف شافت وجدان وجهها قالب لونه من الالم وصوتها راح من الصراخ

ريوف صرخت : تعااالو نشيلهااا
الهنوف جت تركض : مشاعل خذي جوالي اتصلي على السواق بسسرررعه
مشاعل خذت جوالها واتصلت وهي تصيح بدون وعي

شالو وجدان اللي اغمى عليها من الالم
ركبو وراحو المستشفى بسرعه وكل مشاعر الخوف والرعب في قلوبهم مايدرون وش تضرر راسها ولارجلها بس

وهم بالطريق اتصلت ريوف على ماجد وهي ميته صياح
ماجد : وش فيك ؟؟؟؟؟ اهلي فيهم شي ؟؟؟ جدتي فيها شيي ؟؟؟
ريوف وهي تشاهق : وجداااان ماتت
ماجد اللي كان واقف جلس بسرعه وهو حاط يده على راسه : ريوف انتي وش قاعده تقولين ؟؟
الهنوف اللي كانت اهدى وحده سحبت الجوال من ريوف
الهنوف : ماجد وجدان بنت عمي طاحت من مكان عالي وماندري بالضبط وش فيها لانه مغمى عليها الحين
ماجد : تعالو مستشفى .... على الطوارئ بسررررعه بكون واقف انتظركم
الهنوف : اييه احنا بالطريق
سكرت منه وهي تدعي


وصلو المستشفى بسرعة البرق نزلو وهم شايلينها
كان ماجد واقف قدام باب الطوارئ لما شافهم ارتاع وقرب السرير ومعه ممرضات
اخذها من يدينهم لانهم شايلينها بشكل غلط وحطها بالسرير

بعد انتظار ساعتين
كانو البنات واقفين ويدعون ويصيحون

طلع ماجد وريوف قربت عنده : ماجد وش اخبارها ؟؟؟
ماجد : ............


انتهى البارت
اتمنى تعطوني رايكم وتوقعاتكم لأبطالنا

[لامارا]

-17-

بالمستشفى

طلع ماجد وريوف قربت عنده : ماجد وش اخبارها ؟؟؟
ماجد : رجلها اليسرى تضررت مره مره و جبسناها من الفخذ للاصابع .. اما الراس الحمدلله ماتضرر اتوقع لان الاصابه جت على الكتف الايسر وجبسناه بعد بتكون صعبه عليها الحركه جدا اسبوعين بعدها بتبدا شوي شوي تتحسن مع العلاج الطبيعي
مشاعل براحه : الحمدلله يارب
ماجد : احد يدري ؟
ريوف : لااااا طبعا
الهنوف : طيب متى ناخذها
ماجد يرفع حاجبه وبحده : وش اللي تاخذونها ! .. راح تجلس هنا اسبوعين بالكثير
مشاعل شهقت : يعني لازم يدرووون اعمامي
ماجد : المفروض انكم اتصلتو عليهم كذا ولا كذا راح يعرفون .. بس خلاص انتم ارجعو البيت وانا بتصل على عمي ابو فيصل
ريوف : لا بنجلس عندها
ماجد : لا جلستكم مالها فايده اساسا هي للان مو بوعيها خدرناها
الهنوف : طيب ماجد بترجع هي تمشي زين ؟؟
ماجد : ايه بس مو على طول تقريبآ يبي لها شهرين كذا عشان ترجع طبيعيه مره وحسب فترات العلاج الطبيعي
مشاعل : يعني الحين نهائيآ ماتمشي ؟؟
ماجد : ايه للاسف .. بس ماراح تطول تقريبآ اسبوعين الى ثلاث اسابيع ,, انتم الحين ارجعو للبيت اكيد تعبتو وان شاءالله مايصير الا كل خير
ريوف : اوكي بس تكفى طمني لو صار شي
ماجد يبتسم لها : من عيوني


العصر
في بيت ابوتركي

رهف بااقناع : وعد بليييز تكفيين الله يخليك روحي معي
وعد : والله تعباانه مرره مانمت من امس بسبب الايميلات
رهف : واضح خالد متوصي فيك
وعد بقرف : لاتجيبين طاريه تكفيين زياده على اني بداوم السبت ماخلاني انام .. ياربي افكر اسحب عليه وعلى شركته التبن
رهف بصدمه : بتداومين بكررره ؟
وعد : ايه
رهف : ويكند طيب !!
وعد : يحق للشركه انهم يخلوني اداوم السبت ويقدرون لا على حسب المدير
رهف : هههههههههههههههههههههه عاد خالد ذا والله لو بيده يخليك تداومين الجمعة
وعد : يسووويها والله مافيه شي غريب عليه
رهف ترجع للسالفه : يالله لعيونه روحي معي
وعد تلف عليها بنظره استحقار : كلي تراب انتي وياه والله ماروح
رهف : ههههههههههههههههههه والله والله امزح خلااااص بس تكفين روحي
وعد : هي صديقتك مو صديقتي وش ابي انا قاطه وجهي
رهف : يختي عايلتهم كلهم مجتمعين استحي ادخل لحالي يمكن لو اني رايحه قبلهم عادي بس اللحين لا
وعد : طيب روحي بعد مايطلعون
رهف : مستحيل يطلعون قبل ماتنتهي الزيارة
وعد بملل : ياربي يارهف
رهف : يلا اختي حبيبتي انتي
وعد : افف يلا خلاص بس لا تنسينها
رهف وهي تقبص خدود وعد : ياعمررررري والله

قامت رهف بسرعه تلبس عبايتها


بعد ربع ساعه كانو قدام المستشفى

دخلو
وكانو ريوف والهنوف عند عند الباب ينتظرونهم عشان يودونهم غرفة وجدان
سلمو البنات على بعض وجلسو يسولفون شوي

بهاللحظه كان خالد طالع من الاصنصير
شاف بنات اخته وجا بيروح لهم بعدين وقف يوم شاف معهم ثنتين

خالد يركز بالوجيه وشاف وعد وارتاع
خالد بنفسه : وش جاابها هنا ذي !! معقوله تعرفهم
قطع افكاره بسرعه ومشى بيطلع من المستشفى


عند البنات

رهف بخوف : نفسيتها كويسه يعني ؟
ريوف : ايه اييه عادي
وعد : الحمدلله على سلامتها والله ضاق صدري يوم قلتو ماراح تمشي شهر
الهنوف : كانت قووويه الطيحه من حسن حظها انها بترجع تمشي
رهف : الحمدلله والله
ريوف : ماتحسون اننا طولناها ؟ يلا تعالو فوق قبل ماتنتهي الزيارة
وعد : يلاا

بعد خمس دقايق كانو واقفين عند الغرفه

رهف توقف : تكفين لايكون زحمه داخل ؟ استحييي مابي اسلم
ريوف : مافيه الا امي وحريم خوالي وجدتي بس .. وش اللي تستحين انتي بنتنا امشي بس
وعد باانحراج : يمه ماعرفهم زين انا
الهنوف تسحبها مع يدها : يلا بس تعالي وش دعوه بياكلونك يعني

دخلو البنات

بعد ماسلمو وقعدو شوي

الجده : وش اخبار امكم
وعد : الحمدلله بخير .. وتسلم عليكم
ام فيصل : ليه ماجت معكم
رهف : طالعة مع خالاتي والله ولا كان ودها تجي
ام عبدالله : ياليتها جايه والله

رن جوال الجده
كان عبدالعزيز المتصل ..
الجده : هلا ياوليدي .. اييه تعالو مافيه احد .. يالله

الجده سكرت : بيجون يتحمدون لوجدان بالسلامه
وجدان عدلت جلستها وغطت شعرها وباقي البنات نفس الشي

وعد فتحت عيونها بقوه وهي تشوف رهف
رهف كتبت لها واتس اب : لاتفشلينا هم عادي عندهم كذا اسكتي خلاص
وعد كتبت : قومي خلينا نطلع تكفين
رهف : لا اجلسي بس

بهاللحظه دخلو العيال

عبدالعزيز : الحمدلله على السلامه وجدان
عبدالله : ماتشوفين شر بنت عمي
سيف : بسم الله عليك ماتشوفين شر
وجدان تبتسم : الله يسلمكم والشر مايجيكم
عبدالرحمن : ماتشوفين شر جوجوو (يتلفت كأنه يدور شي ) وين الحلويات والكييك ؟
وجدان : الشر مايجيك هههههههههههههههه ماولدت انا عشان يجيبون لي حلا وكيك
مشعل : من جدكم ؟ قهر انا مادخلت الا عشان كذا
ام فيصل : ههههههههههههههههههههه والله لاسوي لك حلا وكيك ابشر
مشعل استحى : ماتقصرييين والله خالتي
عبدالعزيز يضحك : الله ياخذكم انتم ماتستحون ؟ البنت تعبانه وانتم دااخلين تدورون اكل
وجدان : اييه عليك فيهم
سيف : على فكره فيه محل هنا يبيع حلا رهيب بدلكم عليه
مشعل : بسم الله توك مداوم هنا هالاسبوع مامداك تعرف محلات وتقييمها
سيف : هههههههههههههههههههه قبل ما اعرف اسماء الدكاتره رحت ادور محلات الاكل
فيصل كان توه داخل : اكل ؟؟ وش اكله ؟؟ جوعان
وجدان : ههههههههههههههههههههههههه ههه اعوووذ بالله وش فيكم انتم من مجوعكم
الجده : تراهم ضعيفين ماياكلون

مشاعل بصوت واطي لنورة : يلفووون الاخضر واليابس
نورة تلف عليها : عاد طالعه منها انتي ؟
مشاعل : هههههههههههههههههههه حسبي الله عليك

عبدالعزيز التفت على البنات : اخباركم بنات عمي
البنات باصوات متفرقه : بخير .. الحمدلله
ريوف : الحمدلله وانت اخبارك ؟
عبدالعزيز ابتسم لها : الحمدلله بخيير

رهف كانت تتأمله وهو يتكلم
وتحس بخووف ومشاعر ملخبطه وغريبه ماعمرها حست فيها من قبل

وجدان : وعد قلبي عطيني المناديل اللي جنبك
وعد قامت وجابت المناديل لها
وجدان : ياعمري شكرا
وعد : ماسويت شي شدعوه
وجدان : الحلوه رهوفه ليه ساكته ؟ غريبه مو العادة

كل اللي بالغرفه لاهين وجالسين يسولفون الا عبدالعزيز اللي لف لما سمع اسمها
شاف رهف جنب اختها وتسولف مع وجدان وابتسم .. لكن بسرعه غير ملامحه لما لاحظ انها انتبهت له

رهف اللي كانت تسولف لما شافته يشوفها ضيّعت ولخبطت بسالفتها

وجدان انتبهت وضحكت : ذاكرتي ؟
رهف بارتباك : اييه ايييه بس باقي مراجعه
وجدان : اسحبي عليهم ورافقي معي
رهف : والله ودي الجامعه ماتسوى بدونك .. الا على الطاري انتي وش بتسوين؟
وجدان : مدري يمكن يمكن انسحب هالترم
وعد : لاا قهر والله !
وجدان : وش اسوي طيب مستحيل اكمل وانا بقعد شهر ما امشي .. غير الاشياء اللي بتفوتني وقلق صراحه
رهف : شكلي بطييح وانكسر عشان اسحب على الترم معك
وجدان : ايه تكفين عشان اذا سويتها صدق ما تتخرجين قبلي
رهف : انا كنت ناويه بس يوم عرفت تفكيرك غيرت رايي خلاص
وعد تضحك : عاد رهف غبيه تسويها


عبدالعزيز تنحنح : يالله اجل انا استأذن
العيال كلهم قامو
وجدان لفت عليهم : بدررري
عبدالعزيز : من عمرك بس والله مشغول انا شوي
وجدان تلتفت على مشعل وعبدالرحمن : تعالو بكره وبقول لفيصل يجيب حلا وكيك لعيونكم
فيصل : على كيفك اصرف عليهم انا
وجدان تتصنع الحزن : تصرف علي انا المريضه تدري مافيه شي يونسني هنا
فيصل : هههههههههههههه خلاص اووكي بجيب
مشاعل : مشعل شكلك بتاكل الحلا بالطياره
مشعل : لاا رحلتنا الليل
هيفاء : اشوااا والله كنت شايله هم

بهاللحظه العيال سلمو على جدتهم وطلعو


الساعه 8 انتهت الزيارة وفضت غرفه وجدان

يوم السبت
الساعه 8 الصباح
ماجد دخل على وجدان بعد ماطق
وجدان عدلت حجابها

ماجد بأبتسامة : صباح الخيير
وجدان بادلته الابتسامة : صباح النور والسرور
ماجد : اخبارك اليوم ان شاءالله احسن من امس
وجدان : ايه الحمدلله بس احس رجلي شاده مرره وتألمني كل ماحاولت احركها
ماجد : ايه طبيعي مررره وبتألمك اكثر اذا بدينا معك العلاج الطبيعي
وجدان بخوف : لااا وش علاج طبيعي
ماجد : الا لازم عشان تنجبر اسرع
وجدان : طيب لو ماسويته وش ممكن يصير ؟
ماجد : اللحين ابي افهم وش مخوفك ؟
وجدان : الحين انا اذا حركتها شوي اموووت من الالم وشلون تبيني امشي
ماجد : ضروري مررره مررره انك تبدين وصدقيني وجدان كل ماتأخرتي يصير الموضوع اصعب
وجدان ضاق صدرها وسكتت
ماجد : ربي بيسهلها لا تضيقين صدرك والاخصائيين الموجودين هنا خبره يعني انتي بيد امينه
وجدان تبتسم براحه : اووكي متى ببدا ؟
ماجد : انتي اختاري
وجدان : خلاص عادي انت شوف وش يناسب
ماجد : خلاص اوكي بتعلمك الممرضة متى
وجدان : طيب


في نفس المستشفى بمكان ثاني
كان معاذ جالس بغرفه سلطان ويفطرون

سلطان يتذكر : صح ماقلت لك انا كلمت امي بموضوع رهف
معاذ عقد حواجبه : مصمم لهالدرجه انت ؟
سلطان بجديه : يعني تحسبني العب ؟
معاذ : لو انك ماستعجلت وكلمتها والله احسن لك
سلطان : لا ماراح اكلمها
معاذ : طيب يمكن ترفضك !
سلطان : ليه ترفضني ؟ انا تأكدت ان محد خطبها ولا هي متملكه ولاشي معناته مافيه سبب مقنع يخليها ترفض ثانيا ماراح اخطبها الا اذا رجع ابوي من السفر يعني تقريبآ شهرين
معاذ : وشلون تأكدت
سلطان : اختي معها بالجامعه وتعرف صديقاتها وأكدت لي الموضووع
معاذ سكت وهو ماقتنع بس ماحب يجادله لان واضح سلطان مصمم عالموضوع مره


في الشركه وفي مكتب خالد
دخل عليه عمر

عمر : استاذ خالد
خالد : كم مره اقول لك خل عنك الرسميات وحنا لحالنا
عمر يضحك : والله تعودت يااخي
خالد : سم استاذ عمر
عمر ابتسم : فيه متدربات جدد ادخلهم ؟
خالد : لا خلهم يروحون لأستاذة وعد
عمر استغرب : استاذه وعد متدربه ! وشلون اخليهم يروحون لها
خالد : استاذتك وعد متدربه عندي وانا عطيتها الوظيفه او بشكل اصح بعطيها يعني .. فخلاص يروحون لها ليه يجون عندي
عمر : هي تدري ؟
خالد : لا كلمها انت (وسكت ثانيتين بعدين قال بسرعه ) ولاتصدق خلاص انا بكلمها
عمر : خلاص بخليهم شوي بعدين ادخلهم
خالد : لا الحين قل لهم يروحون
عمر طلع

خالد مسك التلفون واتصل على وعد

خالد : مرحبا استاذه وعد .. الان جايينك متدربات جدد اتمنى تمسكين تدريبهم
وعد : شلون !!! انا متدربه كيف تجيبهم عندي
خالد بثقه : انتي قدها واعتبري نفسك محاميه الشركه من هالدقيقه لذلك اتمنى تقومين بعملك على اتم وجه .. شكرا

سكر منها ووعد طايره بوهتها وماتدري وش صاير ودخلو عليها البنتين بنفس اللحظه ماعطوها فرصه تستوعب الموضوع

عذاري وهيا : السلام عليكم
وعد : وعليكم السلام ,, انتم المتدربات الجديدات ؟
عذاري : ايوه
وعد : تفضلو اجلسوا


بعد اسبوع الاحداث فيه ماتغيرت كثير
يوم الخميس الساعه 11 الظهر

ماجد عند وجدان بالغرفه

ماجد وهو يحرك رجلها بيده : لاوالله متحسنه اليوم
وجدان : طيب ابي اطلع للبيت طفششت
ماجد : افا طفشتي مننا ؟
وجدان : تبي الصدق ايه ,, انت مهونها علي شوي
ماجد ابتسم من كل قلبه
وجدان استرسلت : بس وش رايك تتوسط لي وتطلعني بدري
ماجد : لا مستحيل صعب علييك وللان تروحين للعلاج الطبيعي كل يوم يعني صعب مره
وجدان : عادي على مسؤوليتي
ماجد : اذا وعدتيني انك تروحين للعلاج الطبيعي ساعتين باليوم اضمن لك انك تطلعين الخميس الجاي
وجدان : يوووه يعني لو مارحت اطول اكثر ؟
ماجد بجدية : ترى المفروض انك تطلعين بعد اسبوعين بس لو كثفنا الجلسات العلاجيه اقدر اطلعك قبل بس طبعآ تكونين اكثر حذر
وجدان ببراءة : طيب لو اروح 5 ساعات تطلعني بكره ؟
ماجد : ههههههههههههههههههههههههه هههههههههههههههههههههه لا مايمشي كذا اصلا حدك ساعتين لان رجلك ماتتحمل اكثر من كذا
وجدان : اوووكي دكتور ماااجد
ماجد ابتسم : تامريني على شي
وجدان : ويين ؟ طفشش واليوم ماراح يجيني احد
ماجد : ليه محد جاي ؟
وجدان : عندهم عزيمه وسحبو علي
ماجد : خلاص ابشري بس اخلص كم مريض وارجع لك

وجدان ابتسمت له وهو بادلها الابتسامة وطلع
اول ماطلع ماجد خذت وجدان الجوال واتصلت على رهف

رهف : هلااا والله هلا بهالصوت
وجدان : هلااافيك شخبارك
رهف : الحمدلله انتي شخبارك ؟ ان شاءالله احسن ؟
وجدان : اي والله الحمدلله احسن بس طفششت بمووت ابي اطلع برا ابي اشوف الشوارع
رهف : وش تبين بها تكفين ؟ حر وزحمه وقرف
وجدان : ابي البيت ابي اهلي ابي الحياة طفشت والله من المستشفى
رهف : يخسى الطففش والله
وجدان : كلكم تقولونه اولهم الهنوف وريوف والحين ساحبين علي عندهم عزيمه
رهف : ايييه ماشفت الهنوف بالجامعة كنت بتصل عليها بس تعرفين الخميس زحممه محاضره ورى الثانيه ماامداني
وجدان : اييه غايبيين كلهم
رهف : اووف لهالدرجة العزيمه كبيره
وجدان : اييه
رهف : خلاص ابشري بس اخلص محاضرتي واروح البيت ابدل واجييك كم عندي من وجدان ؟
وجدان : متى تخلصين ؟
رهف : كذا ساعه بس واطلع واجيك
وجدان : احلى من يجيي والله
رهف : زارتك الجازي ؟
وجدان : لا وياحلوها اتصلت تتعذر تقول كل الاسبوع اختبارات
رهف : ايييه ححتى انا ماشوفها بالجامعه الا لمحه بس
وجدان : اتوقع بتجي اليوم او بكره ما اكدت لي
رهف : اتصلي عليها شوفي عشان لو بتجي لبست لبس كشخه .. ويارب ماتجي عشان اجيك ببجامتي
وجدان : ههههههههههههههههههه بسم الله ارسلت لي
رهف : كويس كنها حاسه
وجدان : يالله عاد لو تعذرت قلت لك عشان تلبسين بجامه
رهف : ههههههههههههههههههه اوكي يالله
وجدان : باي
رهف : باي




في بيت ابونايف
الجازي وامها والعنود يفطرون

العنود : كيف اختبارك اليوم ؟
الجازي : والله حلو ,, وانتي ؟
العنود : مو مره والله
ام نايف : درييتو ان رغد زوجة نايف ولدت ؟
العنود والجازي : اماااااا عاد
ام نايف : والله جابت بنت
العنود : اخيرررررا والله كنت شايله همها طولت مره
الجازي : افف خل نروح لنايف لازم اشوووف سمييتي
العنود : قررتي ان اسمها الجازي؟
الجازي : ايه طبعآ
العنود : ههههههههههههههه الحمدلله والشكر بس
الجازي : ابي اشووفها
ام نايف : ارسلت لي صورتها

الجازي شافت امها خانقتها العبره وبتبدا تصصيح وغيرت السالفه
الجازي : اييه صح بتروحون معي لوجدان ؟
العنود : اذا ماراح تطولين بروح
ام نايف : لاوالله انا عازمه اختي بتجيني اليوم
الجازي : ارسلت لها بجيها اليوم
ام نايف : سلمي لي عليها بزورها ان شاءالله هالاسبوع


العصر تجمعو عندها البنات
رهف والجازي

وجدان : ياحي الله من جااني
الجازي ورهف :الله يحييك
وجدان : اف شكرا والله كنت متوقعه اقابل الجدران اليوم
الجازي :والله كان ودي اني جايتك من زمان بس ماقدرت الا هاليوم
وجدان : معذوره ياقلبي
رهف : عاد انا 24 ساعه هنا ماتقدررين تشرهين علي اصلا
وجدان : ههههههههههههههههه احلى نشبه والله
رهف : قليلة ادب انتي وش اللي نشبه احترميني شوي
وجدان : لازم يكون جفاف بالموضوع شوي عشان مايكبر راسك
الجازي : ههههههههههههههههه ياحلوكم بس

جلسو البنات يسولفون

اما في بيت الجده كان الوضع غير
البنات قاعدين يتعدلون لان فيه عزيمه

ريوف : وش رايك البس الفستان الاحمر ولا البنفسجي ؟
مشاعل : الاحمر حلوو
الهنوف : احس الاحمر اوفر ولا ؟
ريوف : لا من جدك انتي ؟ ماشفتي جدتي وهي تقول كثير بيجون
هيفاء : يوه فيه ناس ماعرفهم ولاقد سمعت اسمائهم
ريناد : صراحه مابي اطلع مالي خلق عزايم
ريوف : لاتصيرين نفسيه عاد
ريناد : لا بطلع غصب بس يعني اعبر عن مشاعري
ريوف : بعدين وش هاللبس لو تشوفك امي لطيفة بتحطك مكان الذبايح بالمسلخ
ريناد : لا بس لابسته عشان اسهل علي اذا جيت البس فستاني
مشاعل : انا فستاني للان ماجا من المغسله بمووت قلت لعبدالعزيز يجيبه وراح ولاعاد جا
ريناد باهتمام : ايه اشوف سيف يقول عبدالعزيز مختفي من نص ساعه
هيفاء : ياعيني يا اخوي والله مايقصر
مشاعل رن جوالها : الطيب عند ذكرره
ردت : هلا ,, اوووكي حلووو شكرا مره ,, خلاص اذا وصلت خله بالملحق وانا بجي اخذه ,, كويس قريب ! ,, لاياقلبي علقه ورا الباب بس ,, اوكي خلاص ,, باي

ريناد كانت تسمع المكالمه بكل جوارحها
سكرت مشاعل

هيفاء : جابه ؟
مشاعل : ايه يقول قريب من البيت اووف الحمدلله

كملو البنات
وانسحبت منهم ريناد بدون محد يحس فيها

وراحت للملحق
بالجهه الثانيه كان عبدالعزيز توه داخل بيت جدته ومعه فستان مشاعل

دخل الملحق وكان ظلام .. وهو يعلق الفستان سمع صوت
ريناد : عبدالعزيز

ارتاع ولف
فتحت الانوار وكانت واقفه ريناد قدامه لابسه شورت جينز وتيشيرت اصفر

صد عنها عبدالعزيز : هلا
ريناد بدلع : كيفك
عبدالعزيز اللي كان مستغرب من حركاتها : الحمدلله وانتي
ريناد : الحمدلله ,, اممم ودي احاكيك بموضوع
عبدالعزيز : سمي
ريناد : ليه ماتشووفني ؟
عبدالعزيز تجاهلها : ايوه وش موضوعك ؟
ريناد بحركه جريئه سكرت الباب اللي يفصل بين قسم الرجال والملحق ومسكت يد عبدالعزيز
عبدالعزيز سحب يده منها بقرف
ريناد : انا احبك ياعبدالعزيز
عبدالعزيز مفتح عيونه بقوه ومرتااااع من جرائتها
ريناد : ليش ما ترد ؟
عبدالعزيز : انا اعتبرك اختي واحبك واعزك على هالاساس ,, وعشانك اختي بنصحك انك ماتطلعين قدام احد بهالشكل ولا تسوين هالحركات

وفتح الباب وطلع وسكره وراه
ريناد ابتسمت وبقلبها : معقوله يغار علي ؟؟ وقال اختي بس عشانه استحى ؟؟ اففف وربي احبك ياعبدالعزيز ولاراح اخلييك ابد

وطلعت من الملحق وهي مبتسمه



انتهى البارت
اتمنى تعطوني رايكم وتوقعاتكم لأبطالنا

[لامارا]

-18-


الليل بعد ماخلصت العزيمه
الكل في بيت الجده

البنات والحريم بالصاله يتقهوون

ريوف : افف ماحبيت ام فستان اورانج تخزززني طول الوقت
الهنوف تغمز : هذي اخوها طياار و واضح انها تدور له عروس
ريوف : اذا حلو علميني اغير مشاعري اتجاهها واحبها
ريما : ههههههههههههههههههههههههه ههههه الله يخلف على امي بس
مشاعل بحماس تتعدل : ايوه تقولين لي اخوها طيار ؟
الهنوف اللي كانت تعرف سالفه فيصل ماتت ضحك
مشاعل : خير وش يضحك
الهنوف : انتي مايصلح تسألين عن الطيار ابد
مشاعل مافهمت وسفهتها
هيفاء : بنات حبيبة وجدان جايه قهر ليتها فيه
ريوف : مين هي ؟
هيفاء : ام فستان ابيض اللي مكياجها اوفر مره ترى شكلها ملفت ماركزتي فيها ؟
ريوف : جالسه جنب مين ؟
هيفاء : اللي قالت حطو اغنيه ماجد المهندس انتي اميره
ريوف : اهااا عرفتهااا ... يعععع وجدان تحبهااا !!!!!
الهنوف : ههههههههههههه لاياغبيه حبيبتها يعني ماتطيقها لازم تفهمين المصطلحات هذي
ريما : هههههههههههههههههه والله كنت بدفن وجدان هنا لو كانت جد تحبها
غدي : اخخخخ شفتوها وهي تأشر على نفسها يوم قال اسم على مسمى
جمانة بقرف : جلطتني مررره
نورة : ههههههههههههههههههههههه احسب محد ركز على هالحركه الا انا
ريوف : والله قهر مانتبهت بس هي مستفزه مره بدون هالحركات هههههههههههههههههههههه

كملو البنات سهرتهم وكلها كانت تعليقات على اللي حاضرين


الصبح كانت مشاعل الوحيده اللي صاحيه
واتصلت على عبدالعزيز عشان يطلعون يفطرون

بالطريق
عبدالعزيز كان في باله موضوع بس ماعرف كيف يتكلم

عبدالعزيز بعد صمت طويل : مشاعل بسألك
مشاعل رفعت راسها من جوالها : ايوه
عبدالعزيز : بسألك عن اخلاق بنات عمتي نورة
مشاعل عقدت حواجبها : وش فيها اخلاقهم شايف عليهم شي
عبدالعزيز بسرعه : لا لا بس اقصد تحسين دراستهم برا اثرت على اخلاقهم ولاعادي مثلكم
مشاعل : لاعادي جدآ بسس ( وسكتت شوي )
عبدالعزيز : بس ايش ؟
مشاعل : مو من ناحيه الاخلاق هي بس اكثر وحده غريبه بينهم وتحسها مو بنتهم ريناد
عبدالعزيز يستغبي : اهاا ريناد الصغيره ولا ايش ؟
مشاعل : لااا الكبيره شدعوى ماتعرفهم ؟
عبدالعزيز : مو مره اعرفهم
مشاعل بااستغراب : طيب ليه تسأل ماقلت لي
عبدالعزيز : بس كذا من باب السواليف
مشاعل : اكيد ؟
عبدالعزيز : ايه اكيد
مشاعل : والله انت متغير من يوم جيت الرياض مدري وش صاير لك
عبدالعزيز بابتسامه : ليييه
مشاعل : ترى للان مانسيت سالفه رهف والفلوس
عبدالعزيز : هههههههههههههه صح على هالطاري ماخذتها ؟؟
مشاعل : لااا رفضت ونشبت لها ابيها تعلمني السالفه ورفضت بعد
عبدالعزيز : طيب هي كيف اخلاقها ؟
مشاعل : انت وش جايك على الاخلاق اليوم
عبدالعزيز : مادري والله بس كذا فاضي بسولف
مشاعل : تجنننن رهف احبها مره ودخلنا معها بسرررعه ماتوقعت صراحه يعني
عبدالعزيز يحاول يسحب كلام من مشاعل : عاد شكلها يوضح انها مغروره وثقيلة دم
مشاعل شهقت : لااااا عزييز حرام عليك بالعكسس تمامآ .. هو صح اول ماشفتها مارتحت مره بس البنت عسسسل ( سكتت شوي بعدين ضحكت ) ماشاءالله قزيت البنت انت !
عبدالعزيز : ههههههههههههههههه لا والله بس يعني الشكل الخارجي اعطاني هالتوقع
مشاعل : اهااا والله مادري عنك انت وياها ووش سالفتكم مع هالفلوس بمووووت واعرف عقلي مااستوعب وش ممكن يصير
عبدالعزيز يضحك : خلها هي تقولك انا ماراح تاخذين مني شي

بهاللحظه رن جوال مشاعل
مشاعل تشوف جولها وتبتسم : صدق الطييييب عند ذكره
وردت بسرعه : هلااا والله .. صباح النووور ياجميل .. بتروحين الحين لها ؟ .. والله انا طالعه مع عزوز اذا رجعنا قلت له يحطني بالمستشفى .. مين بيجي عندها ؟ .. البنات مانامو الا 4 الفجر ماتوقع يجون الا العصر .. اوكي انا بجي بعد شوي ان شاءالله .. باي

سكرت منها

عبدالعزيز ماسك جواله : بتروحين لوجدان؟
مشاعل : ايه رهف بتروح لها
عبدالعزيز : تبين تروحين الحين وديتك
مشاعل : لااا والفطورر ياحبيبي تحسب اني بنساه ؟
عبدالعزيز : من عيوني والله (سكت شوي) بس اتصلي على وجدان عشان لو ما افطرو للان نحسبهم معنا ؟
مشاعل تغمز وتتمتم بصوت واطي : وجدان اجل
عبدالعزيز التفت عليها وهو رافع حواجبه : وش قلتي ؟
مشاعل خافت : لااا ابد ولا شي جالسه استغفر

بعد ساعتين
في المستشفى


نزلت مشاعل للمستشفى

مشاعل : بتنزل ؟
عبدالعزيز : بروح اخلص شغله وارجع لسيف ,, انتي بتطولين ؟
مشاعل : ايه تاخذني المغرب ؟
عبدالعزيز : رحلتكم متى ؟
مشاعل : بنروح بكره مو اليوم
عبدالعزيز : جد وش الطاري ؟ امي كانت تقول بنروح الجمعه
مشاعل : مالقينا رحلة اليوم بس بكره المغرب
عبدالعزيز : كويس اجل خذي راحتك عند وجدان
مشاعل : ايييه لاتوصي حريص


نزلت وراحت لغرفه وجدان

مشاعل وهي تنزل حجابها : اخباااركم ياحلوات
رهف ووجدان : الحمدلله بخير
مشاعل : اخخخ وش هالحررر تكفين وجدان لاتقولين ان ماجد بيدخل كل شوي
وجدان : لا اذا عرف ان فيه احد مايجي
مشاعل : شكلي بجرب انكسر واجي هنا وش هالفله
وجدان : هههههههههههه جعلك ماتجربينها والله الم
مشاعل : والله حتى المعامله سبيشال اول مره اشوف زياره مفتوحه اي وقت
رهف : مشاعل ليتك جايبه البنات معك
مشاعل : مستحييل يصحون الحين نايمين متأخر مره
وجدان : متى ؟
مشاعل : 4 الفجر اتوقع
وجدان : اخخخ سهرانين بدوووني ومبسوطين
مشاعل بحماس : اسكتييي على طاري سهرانين بدوني تخيلي امس مين جا بالعزيمه
وجدان : مييين ؟
مشاعل : اميره ال ... بنت منيره
وجدان : اماا شجابها ذيي !
مشاعل : اكيد جدتي عازمه امها
وجدان : لو انها بنت عمي ماجت هالكثر ياساتر بكل عزيمه يجون واحيان يجون الخميس بعد بجمعه جدتي
رهف : مين ذي
وجدان : اممم دقيقه اتذكر انتي شايفتها او لا !
رهف : جايه بالمزرعه ؟
وجدان : لااا كانو مسافرين اصبرري جايين يوم عزيمه ...

كملو سواليفهم


بنفس المستشفى في جهة ثانيه
سيف جالس بمكتبه كان ماسك راسه بقوه وعينه على الساعه ينتظر دوامه ينتهي عشان يرجع ينام
دخل عليه زميله سعد

سعد : صباح الخير
سيف : صباح الصداع
سعد : سلااامتك ماتشوف شر
سيف : مايجيييك
سعد : كم باقي على دوامك وينتهي ؟
سيف : 5 ساعات
سعد : تبي اجيب لك قهوه ؟
سيف : والله ماتقصر ياسعد انا بقوم اجييب لي
سعد : والله عيوني لك ياخوي
سيف قام من كرسيه وهو مبتسم : تبي اجيب لك معي
سعد : لاياعيني توني مفطر

طلع سيف ونزل تحت يجيب له قهوه

بعد خمس دقايق وهو ينتظر طلبه ينتهي

رن جواله
سيف : هلا خاالد
خالد : ياهلا والله
سيف : اخبارك
خالد : الحمدلله انت طمني عنك ؟
سيف : الحمدلله بخير جعلك بخير
خالد : وين ماجد اتصل عليه مايرد
سيف : اكيد عنده مريض
خالد : طيب اسمع انت فاضي الحين ؟
سيف : ايه امرني تبي شي ؟
خالد : سواق اخوي ابوفيصل جاي المستشفى معه اغراض اذا ماعليك امر توديها غرفه وجدان
سيف : ابشررر والله
خالد : انا لو ماعندي عيال اخت بضيع والله
سيف :ههههههههه ياربييه لاتخليني اروح احد السواق واخذها منه وهو بالطريق
خالد : هههههههههههههههههههه لا لا لاتتحمس عاد هو بيجيك الحين واكيد انه وصل بعد برسل لك رقمه
سيف : خلاص يالله انت... خالد شفته شفته خلاص لاترسل رقمه
خالد : حلوووو يالله اجل تامرني بشي ؟ عندي اجتماع مهم بعد خمس دقايق
سيف : سلامتك فمان الله
خالد : فمان الله

السواق جا وعطا سيف الشنطه وراح

سيف راحت الوان وجهه وهو يشوف الشنطه
وبنفسه : اخرر عمري اشيل شنطه ديزني !!!!

شالها ومعه قهوته ومشى وهو يتصدد عن الدكاتره

بغرفه وجدان
رهف ومشاعل ووجدان يسولفون

طق الباب
رهف بحماس : اكييد البنات جو
وجدان : مييين
سيف : انا سيف

البنات عدلو شيلاتهم

وجدان : تفضل
دخل سيف ويوم شاف البنات
سيف : معليش احسبك لحالك
وجدان : لاتستحي بس مشاعل ورهف
سيف : اخباركم بنات
مشاعل ورهف : الحمدلله بخير
سيف : اخبارك وجدان اليوم ؟ ان شاءالله احسن
وجدان : ايه الحمدلله بخير ( وتناظره ) انت شخبارك احس وجهك اصفر اليوم
سيف : والله مرررهق مره
وجدان : ماتشوف شررر
سيف : الشر مايجيك ( قرب وحط الشنطه على الطاوله اللي جنب سريرها ) خذي شنطة الاميرات حقتك
وجدان بصدمه : وششش هذي !!
سيف : اندري عنك احد بالجامعه ويشتري شنطه ديزني ؟؟؟
وجدان : هههههههههههههههه والله مو لي اكيد لريم
مشاعل : هههههههههههههههههههههههه انت اللي جايبها ؟
سيف : الله لايوريك اتصدد بالممرات ويوم جيت الاصنصير قابلني استشاري وقعد يسولف معي قسم بالله استحيييت ودي اشرح له الموضوع
وجدان : ههههههههههههههههههههه ياعمررري والله قايله لأمي تحطها بكيس بس شكل ريم تفلسفت وحطتها بشنطتها
سيف : هي تبي تسوي فيك خير تحس انك بتنبسطين مادرت انها بتوهقني
مشاعل : اخخخ ريم خبله ههههههههههههههههههههههههه
سيف : شكلي باخذ اجازه اسبوع لين ينسى السالفه
وجدان : ههههههههههههههههههههههههه ههههههه لو اني مكانك غيرت المستشفى
سيف : بفكر بهالموضوع صراحه

رهف منزله راسها وكاتمه ضحكتها
سيف توه ينتبه لها وانحرج : يالله اجل ماطول عليكم
وجدان : لاوين تعال خذ لك فنجال
سيف : ماتقصرين والله بس معي قهوتي

طلع سيف

اول ماسكر الباب رهف ماتت ضحك
وجدان : واضح كاتمتها من ساعه
رهف : استحيييت اضحك عنده ,, بس لحظه مين ذا اي واحد ماجد ولا سيف ؟
مشاعل : لا ويين سيف
وجدان : مايشبهون بعض ابد وشلون ماتفرقين
رهف : والله مدري ماحفظت اشكالهم زين
مشاعل : سيف احلى اخوانه
رهف : هو مين اخوانه ماجد ومين ؟
وجدان : سعود
رهف : سعود اي واحد كيف شكله
وجدان : بأمريكا الحين يكمل دراسه
رهف : بس والله اانا مستغربه من شي بعايلتكم
وجدان بضحكه : وشوو بعد
رهف : عيالكم طويلييين بزياده عكسكم
وجدان : ايييه انا ملاحظه هالشي
رهف : وكل ماشفت واحد يكون اطول من الثاني مادري يعني وين بيوصلون
مشاعل : عيال عمتي اطول على عيال عمهم وعيال عماني على جدي اما حنا مادري طالعين على مين بصراحه
وجدان : ترى مو مره قصيرين حنا !
رهف : مو مرره بس مقارنه في اللي حولكم تعتبرون قصيرين


بعد اسبوع
يوم الخميس العصر

دخل ماجد على وجدان
ماجد : يالله جاهزه لفراقنا ؟
وجدان : اييه وبكل حماس
ماجد : متشققه من الوناسه هههههههههههههههههههه
وجدان : صراحه كان ودي اقول لا بفقدكم وكذا بس قويه مره ماتتصدق
ماجد : ابدددد بس اسمعي ماودي يعني اضيق صدرك
وجدان : وشوو بعد ؟
ماجد : كل اسبوع بتجين يوم عشان العلاج الطبيعي
وجدان : يوم محدد ولا اي يوم عادي ؟
ماجد يبتسم لها : لا اي يوم واي وقت عادي
وجدان : اوكيي

دخل فيصل عليهم

فيصل : يالله تعااالي موقف السياره قدام باب المستشفى لعيونك
وجدان : غصب اصلا ماراح اقدر امشي اكثر
ماجد : بتمشين ولا اجيب لك كرسي ؟
وجدان : لا لا ابي امشي
ماجد : متأكده ؟
وجدان : ايه شدعوى

وطت رجلها على الارض ووقفت وجلست بسرعه من الالم

وجدان وهي مغمضه عيونها من الالم : خلاص ابيي الكرسي
فيصل : تعالي انا بمسكك وان ماقدرتي تكملين جبنا لك الكرسي
وجدان : اوكي يالله

جا فيصل ومسكها مع خصرها ومشت معه
كانت للان رجلها مجبسه بس الجبس اخف من اول

مشت وهي ماسكه يد فيصل لين وصلت تحت

وجدان تتنهد من التعب : يا الله مره يتعبب مادري كيف بداوم
فيصل : ماعتذرتي انتي ؟
وجدان : لا خذت اجازه وبداوم من الاسبوع الجاي فايتني اشياء كثير
فيصل : قهر والله فاتك نص الترم لو اني مكانك اعتذرت وعوضت الترم الجاي وجبت معدل كويس الحين اتوقع معدلك بيطيح
وجدان : لاااا ان شاءالله انا قدها بكمل وبجيب معدل كويس بعد
فيصل : ان شاءالله


الساعه 5 المغرب
الكل في بيت ام فيصل عشان وجدان
وجالسين بالملحق اللي يطل على الحوش

وجدان : الله يهديها ماما ليتني جالسه بالصاله احس هنا قلق اي احد يزورنا بيدخل على طول علي
الهنوف : مو هذي الفكره الاساسيه ان كل الجمعات بتكون عندك
وجدان : بس فيه ميزه تصدقين
ريوف : تشوفين الطالع والداخل ؟
وجدان : اييه ههههههههههههههههه واعرف اذا احد جا اخواني

كان الملحق فيه قزازه على الملعب والملحق الرجالي
واللي داخل يشوفون اللي برا اما اللي برا مايقدرون يشوفون اللي داخل
ريما : والله مكانك استراتيجي
وجدان : والله كني انبسطت على المكان اللحين هههههههههههههههه

ام فيصل بصوت عالي للبنات : بنات الله يعافيكم قومو نادو الشغالات ودخلو معهم الاغراض بننقل جلستنا للصاله
وجدان : لييه ؟
ام فيصل : بتجي ام نايف والمكان هنا يفشل صراحه ماينجلس فيه
وجدان : يجي منك اكثر يالغاليه
ام فيصل : ههههههههههههه قومو بس
البنات قامو
ريوف : خلاص انا بروح انادي الشغالات
مشاعل : لاخلاص انا بدخل اصلا بجيب شاحني واناديهم على طريقي
ام فيصل : مشاعل الله يعافيك خذي معك صينيه الحلا هذي حطيها بالصاله
مشاعل وهي تاخذها : ابشري

دخلت مشاعل وودت الصينيه للمطبخ عشان ترتبها قبل ماتطلعها للصاله
بهاللحظه كان فيصل توه صاحي ونازل للمطبخ بياخذ مويه

مشاعل قالت للشغالات يروحون للملحق وجلست بالمطبخ ترتب الحلا وهي تغني : تعال اشبعك حب اشبعك دلال تعاال يابن الحلال
فيصل كان متسند على الباب ويناظرها من على جنب ومبتسم ووماوده يطلع صوت عشان ماتنتبه له

مازالت مشاعل ترتب الحلا في الصينيه وداااخله جووو : تعال احبك حب خرافي تعال حب قوي مو عالبال فديت هذا الجمال تعال تعال

فيصل يهز من الضحك وكاتمها ومستغرب انها مالاحظت ان فيه احد موجوود
دخلت الهنوف وشافته عند الباب الثاني وفتحت عيونها وتوها بتتكلم فيصل رجع على ورا بسرعه
ودخل البيت وهو مازال يضحك

الهنوف : افا يامشاعل غراميات ببيت عمي ابوفيصل !!!!! ومن ورااانا ؟
مشاعل التفتت لها : وش غرامياته والله ناشبه بلساني الااغنية وش اسوووي
الهنوف : لحظه انتي ماتدرين من كان يشوفك ؟
مشاعل فتحت عيونها بقوه : مين !!!
الهنوف : فيصل
مشاعل : اقول بس بلا استهبال يقالك بتروعيني الحين ؟
الهنوف : قسم بالله
مشاعل : الرجال كلهم ببيت جدي اساسا بيروحون زواج طلال ال....
الهنوف : بسم الله الرحمن الرحيم ! يمه والله انا شايفته
مشاعل : بسم الله عليك تتخيلين
مشاعل شالت الصينيه : جت ام نايف ؟
الهنوف : ايه انا جايه عشان اقولك تعالي وجيبي الحلا
مشاعل : اوكي يالله اجل نطلع

راحو الهنوف ومشاعل يودون الاغراض في الصاله للحريم
بعدين رجعو للملحق وكانت موجوده الجازي والعنود سلمت مشاعل عليهم ..


فيصل طلع من المطبخ على غرفته
وعلى طول اتصل على امه اللي ردت وعندها اصوات ازعاااج

فيصل : يمه ان ماخطبتي لي مشاعل الحين انا بجي بنفسي اخطبها من امها
ام فيصل : هاااو وش فيييك بسم الله عليييك
فيصل : غرت من زواج طلال
ام فيصل : اللي يشوفك يقول رايح له
فيصل :ههههههههههههه لا بس اشوف صور العيال بسناب شات المهم لاتضيعين الموضوع اخطبيها لي الحين
ام فيصل : اصبر لا تستعجل مو وقته
فيصل : انتي تدرين اني لو اكلم جدتي بتخطبها الحين صح ؟
ام فيصل استسلمت : خلاااص خلاص انا بكلمها لك
فيصل بفرحه : الله يخلييييك لي
ام فيصل : امييين ويخليك لي



انتهى البارت
اتمنى تعطوني رايكم وتوقعاتكم لأبطالنا