آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-02-19, 11:19 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  -19- في نفس اليوم بس في الجهه الثانيه عند البنات بالملحق رن جوال الهنوف الهنوف : هلا والله هلااا رهف : هلا فييك الهنوف : وييينك ؟؟ بتجين صح ؟ رهف : والله مدري مااتوقع افنان بنت خالتي بتجي اللحين الهنوف : طيب عادي خليها تجي معاك رهف : بقولها بس مااتوقع اببداً انها تقبل تجي الهنوف : ياسخفك انتي وياها رهف : ههههههههههههههههه طيب شدخلني اللحين اصير سخيفه بسببها الهنوف : والله مشتاقه لك تعالي .. الجازي والعنود موجودين رهف : ياحبيبتي والله بحاول .. تدرين اني نسيت ليش انا متصله عليك !! اكلتييييني الهنوف : هههههههههههههههههه اي والله صدق انتي اللي متصله .. وش عندك ؟ رهف : والله مدري نسييت .. المهم سلمي لي على البنات واذا ذكرت اتصلت عليك الهنوف : يوصل .. بس حاولي تجين بلييز رهف : ان شاءالله يلا سي يو الهنوف : باي سكرت الهنوف وجدان : ماراح تجي ؟ الهنوف : لا تقول بتجي بنت خالتها في بيت ابو تركي رهف : يممماه تكفيين قولي ايه ام تركي : طيب وافنان ؟ وعد : انا موجوده عادي رهف : اييه اساسا يجلسون يضبطون ويصيغون ايميلات واوراق التبن مديرها وانا مالي خلق اجلس معهم صراحه يكرفوني بالترتيب وعد تفتح عينها بقوه : ياحقيره متى سويت كذا انا ! رهف : وعد لا تنكرين رجاءاً محد يرتب اوراقك الا انا ولا بعد تهاوشيني اذا غلطت بالاماكن .. وظفتيني بدون راتب وعد : ههههههههههههههههه عاد والله مااقدر اقول شي .. يمه تكفين خليها تروح لا تذلني اكثر رهف تناظر امها وترمش : هااه ياام تركي وش قلتي ام تركي تضحك : خلاص روحي بس ياويلك اذا تأخرتي رهف تضم امها : شكرا يااحلى ام رهف على طول راحت تلبس و اتصلت على السواق عشان يجهز السياره بالوقت اللي كانت طالعه فيه شافت خالد ومعه العيال برا عند بيت الجد كانت عيونها تدور على شخص محدد لكنه ماكان موجود معهم ركبت السياره وراحت لبيت ابو فيصل لما وصلت كان الباب مفتوح رهف مااتصلت على البنات عشان تسوي لهم مفاجأه ,,, لكن المفاجأه لما دخلت الصاله وشافتها مليانة حريم ام فيصل قامت لها ام فيصل : هلا والله رهف حياك الله رهف تسلم عليها وهي وجهها منقلب ومرتاعه ومتفشله : هلا بك خالتي واضطرت تسلم على كل الحريم بالصاله واللي تقريبا كانو نص الجيران موجودين ام فيصل : ترى البنات بالملحق اللي برا بروح اقول لريتا توصلك لهم رهف تبتسم : لا لا خالتي الله يعافيك اعرف المكان انا طلعت رهف وهي تتحسب على وجدان اول مافتحت باب الملحق بقوه رهف تناظر وجدان وبعصبيه : ياشييخه انتي اللي تتعبين وانا اللي اسلم على كل الحريم اللي جايين عشانك وجدان بصدمه : بسم الله وش فيك انتي داخله بشرك الهنوف : ههههههههههههههههههههههههه دخلتي الصاله ! رهف تمسك راسها متفشله : اخخخخ بنات داخله بكل ثققه يعني بسوي لكم مفاجأه وانا اللي اتفاجأت البنات كانو كلهم يضحكون رهف تلف على وجدان : انتي بالذات مو مسموح لك تضحكين وجدان زادت ضحكتها : ههههههههههههههههههههههههه هههههههه الهنوف : لا لا الحب معصبه مرره وجدان لا تستفزينها خليها تهدأ شوي هههههههههههههههههه مشاعل وهي تضحك : امانه مين فيه ؟ يوم اروح انا والهنوف ماكان فيه الا ام نايف رهف : قولي من مافيه والله من كثرهم خدي نمل مااقدر اسلم عليكم اعذروني ريوف : مايحتاج خلاص عطيتينا كلام يكفي عن السلام رهف : ههههههههههههههههههههههه لا وش دعوى امزح بس جالسه استوعب الموضوع معاكم سلمت على البنات وجدان : وين وعد ليش ماجت رهف : افنان بنت خالتي بتجي وهي قعدت عندها كملو البنات سوالف وضحك الساعه 10 الليل رن جوال وجدان وجدان : هلا فيصل فيصل : هلا بك .. قولي لريتا تفرش بالملعب وتطلع البروجكتر والشاشه وجدان : ليش وش عندك فيصل : اليوم مباراة البرشا والريال والعيال بيجوون يتابعونها هنا بعد مايطلعون من الزواج وجدان : وانت مارحت الزواج ؟؟ فيصل : لا والله مارحت ماصحيت الا متأخر ومالي خلق صراحه وجدان : اوكي اللحين بقولها اول ماسكرت الهنوف بسرعه : فيصل ماراح معهم ؟؟ وجدان تعقد حواجبها وبااستغراب : لا ليه ؟ الهنوف تضحك وتناظر مشاعل : لا ولا شي مشاعل ارتبكت شوي بس بينت ان الوضع عادي وجدان : جمانه تكفين روحي قولي للخدامات يفرشون بالحوش ويطلعون البروجكتر والشاشه مالي خلق اتصل على ريتا واجلس اتناقر معها لا تفهمني ولا افهمها جمانه : والله كان ودي اقول تخسين بس رحمتك عشانك منكسره وجدان تفتح عيونها بقوه : احترررمي فارق العمر بيني وبينك حتى لو كنت بكامل صحتي المفروض تسمعين كلامي جمانه : ههههههههههههههههههه ان شاءالله يامدام راحت جمانه تقول للخدامات ربع ساعه وكان كل شي جاهز رهف : يالله بنات استأذن انا وجدان : لا ياسخفك اجلسي الجازي والبنات بيسهرون عندي رهف : والله مااقدر امي بالموت وافقت ومحذرتني مااتأخر (تناظر الساعه) بعدين الساعه 10 خلاص رن جوال رهف في هاللحظه رهف : هلا والله .. اييه .. لا اللحين جايه ... انت بتمرني ؟؟ .. يالله انا جاهزه اللحين ... اوككي .. باي رهف بثقه : بناات ياحظكم الهنوف : في ايش بس رهف : بجلس عندكم لين تخلص المباراة وجدان بحماس : اخيييييرااا بس وش تغير رهف : تركي بيجي مع يتابع المباراة معهم وبعدها بروح معاه وجدان : كويييس غدي : والله ياوجدان الحمدلله انك انكسرتي وقعدتي هنا ريما : تفكرين باللي افكر فيه ههههههههههههههههه غدي : يممكن ههههههههههههههه وجدان تناظرهم مستغربه : وش تفكرون فيهم وتحمدون الله على مصيبتي انتي وياها هيفاء : هههههههههههههههههههههه انا فهمتهم الكلبات وجدان بفهاوه : وش مافهمت انا هيفاء : عشانهم بيشوفون العيال من هنا براحه وجدان : اهااا ههههههههههههههههههههههههه الهنوف : لا تتحمسون مافيه احد جديد الا تركي الباقي كلهم عيال عمي وعيال عمتي خلاص مليتو من وجيههم وجدان : ووش دراك انتي الهنوف : مدري كذا حسيت لو انهم كثير اجتمعوا بااستراحه مو هنا ريوف : وااو ماشاءالله عليك خبره انتي الهنوف : كلو تبن اللحين اذا جو بتشوفون الساعه 10 ونص وصلو العيال نورة : غريبه عبدالله مو معاهم هيفاء : وانتي تركتيهم كلهم وركزتي على عدم وجود عبدالله اغلبهم مو موجودين البنات جلسو يضحكون الهنوف : ههههههههههههههههههههههه مالكم دخل بزوجة اخوي خلوها تفقده على راحتها نورة : مشكوره يابنت عمي ايه دافعي عني الجازي : بنات وينه فيصل ؟ هو اكثر شخص ودي اشوف شكله الهنوف تناظر مشاعل وتضحك ومشاعل تهز راسها وتعطيها نظرة اللي نعم وش فيك انتي نورة : شوفي الله يسلمك فيصل هو هذا اللي لابس تيشيرت ابيض وشورت رمادي .. وهذا الطويل اللي جمبه اللي شعره كثير ولابس ثوب سيف ولد عمتي .. والوسيم الجمييل اللي لابس ثوب ومشخص هذا عمي خالد العنود اخت الجازي : ابو نظارة سييف ؟ وجدان : ايه العنود : مستعدة اعطيه عيوني اذا فيه نقص نظر ريوف :هههههههههههههههههههههههه� �ه لا مافيه بس يلبسها اذا جا يقرا او يشوف لاب توب او تلفزيون يعني تحفظ النظر العنود : عاد تبين الصراحه احسها محليته اكثر قولي له لا يشيلها ابد الجازي : صرنا ماعاد نستحي يالعنود ؟ العنود : ههههههههههههههههههههههههه هههههه اقترح عليهم يعني الجازي : ههههههههههههههه طيب وهذا الحلو ميين اللي لابس شورت اسود مشاعل : هذا مشعل اخوي الجازي : والله ماشاءالله حلو مره رهف وهي تناظر جوالها : لو سمحتي محجوز ترى هيفاء : جتنا نورة الثانيه هههههههههههههههههههههه رهف : انا عادي على الاقل هو اصغر مني نورة قليلة ادب شوي هههههههههههههههههه نورة تفتح عيونها بقوه : قدامي ببعددد !!! مشاعل لفت بسرعه : رررهف وين تركي ؟؟ رهف اللي كانت معطيه الدريشه ظهرها لفت عشان تشوفهم : اممممم مو موجود شكله للحين ماجاا ورجعت لفت على جوالها مشاعل : متحمسه اشوف شكله صراحه الهنوف : لا تتحمسين عادي شكله يعني وش بيصير رهف تعقد حواجبها : ماشاءالله عليك وانتي متى شفتيه عشان تحكمين انه عادي الهنوف ارتبكت : كم مره المحه عند باب البيت اذا جيتك رهف تضحك : تلمحينه اهااا اوكي شوي ودخلو ماجد وعبدالعزيز وتركي نورة : طبعا هذا ماجد وكلكم تعرفونه بسبب الأخت وجدان الجازي : اييه اعرفه هههههههههههههههههه نورة تناظر رهف : اعتقد هذا تركي رهف اللي كانت تناظر جوالها مو يمهم ماسمعت نورة الهنوف تقرب : ايه اييه هذا تركي مشاعل تضحك : هههههههههههههههههههههه ماشاءالله عليك انتي مااخذه وضعية رهف من اليوم الهنوف : على تبن غبيه انا اصلآ يوم فكرت اعلمكم الجازي : ايه تركي حفظت شكله من كثر مايجي بيتنا الهنوف : يجي بيتكم ؟؟ الجازي : اييه صديق علي وجدان : يالله الدنيا صغيره الهنوف : مررره مشاعل تركز شوي على عبدالعزيز : عزييز كأنه محلق شوي هيفاء تناظر : اي والله .. حبيبي انا اللي كاشخ للزواج رهف بسرعه لا شعوريا لفت راسها تشوفهم الوحيده اللي لاحظت حركة رهف هي الهنوف ورفعت حواجبها بااستغراب الجازي : اللي لابس تيشيرت ريال مدريد عبدالعزيز اخوك ؟ هيفاء : اييه بالضبط الجازي : ماشاءالله توقعت مشعل احلى واحد وطلع عبدالعزيز اجممل ريوف تلف على الهنوف : الهنوف اذا تركي بنظرك عادي من الوسيم اجل الهنوف : هذا وسيييم ؟!! رهف تفتح عينها بقوه : خيييير انتي تراه اخوي احترميني طيب ريوف : خليك منها والله يجنن هو طول ؟ ولا شعر ؟ ولا جسم رهف : جتك الثانيه بعد خيير ماعندكم حل وسط انتم ؟ ريوف تلف عنها : انتي تتغزلين بمشعل محد قالك شي رهف : انا كيفي اتغزل في اللي ابي انتم لا ههههههههههههههههه عند العيال سيف : تشوف اللحين اذا صكيناكم 10 لا تصيح علينا عبدالعزيز : ياحبيبي هذا الملكي قال ايش قال برشلونه و 10 بعد هههههههههههههههههه تركي : ههههههههههههههههه سيف حبيبي ياليت تخفض سقف طموحك واحلامك فيصل يوجه كلامه لعبدالعزيز : والله يالنسيب انا معك صراحه الملكي محد قده عبدالعزيز عقد حواجبه : وش اللي يالنسيب ! فيصل يبتسم ابتسامه وسييعه وهو يشوف عبدالعزيز خالد يضحك : وش فيك انت مو صاحي اليوم من اليوم وانت توزع ابتسامات وكلامك مو مفهوم فيصل بنفس الابتسامه : ولا شي يالعم ادافع عن النسيب عبدالعزيز يلف على الشاشه : الحمدلله والشكر .. والله الشرهه على اللي ياخذ كلامك جد فيصل : تمون يالنسيب عند البنات بعد اكثر من نص ساعه رن جوال مشاعل : هلا يمه .. ايه عند البنات .. ليه ؟ ... ابشري من عيوني .. خلاص اوكي الحين جايه سكرت مشاعل وخذت عبايتها رهف : ويييين ؟ مشاعل بحزن : امي عندها موعد بكره وتبيني اروح معها الهنوف : طيب نامي هنا وبكره روحي معها للموعد عادي مشاعل : لا تقول موعدها بدري مره و اذا مارحت معها بسهر معكم وماراح اصحى وقتها .. مو مشكلة اشوفكم بكره ان شاءالله اذا مارحنا الشرقية هيفاء : جد؟ احتمال بكره نروح ؟ مشاعل : ايه السبت سلمان عنده شغل بس مدري احنا بنروح او نجلس هيفاء : اووكي مشاعل : يلا تشاااو ياحلوات كملو البنات سهرتهم لين الساعه 1 ونص الجازي والعنود راحو بيتهم ورهف اتصل عليها تركي رهف : يالله بنات تصبحون مدري تمسون على خير ريوف : وانتي من اهله سوا صباح ولا مساء هههههههههههه الهنوف : لحظظه رهوف بوصلك انا رهف تعقد حواجبها : وش عندك ادل انا الهنوف بضحكه : لا لازم اوصلك للباب عيب يكفي الاستقبال رهف : حقيره لا تذكريني هههههههههههههههه لما وصلو عند الباب سلمت رهف على الهنوف : يالله باي ياحلوه الهنوف : رهف دقييقه رهف ترجع : هلآ ؟؟ الهنوف : بسألك انتي حذفتي عبدالعزيز من السناب ؟ رهف اللي كانت متنرفزه من هالطاري : ازعجتوني انتو ترى اكيييد حذفته وش ابي فيه يعني الهنوف : لييه من قالك غيري ؟ رهف : وجدان الهنوف : لا انا بس بذكرك ماابيك تتوهقين معاه ليش هالعصبيه رهف : لا مو عصبيه بس كذا مليت من كثر ماتسألوني عن هالموضوع الهنوف تفتح عيونها بقوه : انا اول مره اتكلم معك عنه ياكذابه رهف بكذب : ايي انا اقصد وجدان كل شوي فاتحه هالموضوع تركي كان توه مودع الشباب وطالع من المجلس شاف اخته ومعها وحده لما جا يصد ركز انها هي اللي شافها الهنوف تضحك : اوكي خلاص روحي لا تتأخرين ويجي تركي يخنقني انا وياك تركي وهو يقرب منهم وبجراءه : تركي ماراح يخنق احد الهنوف ارتاعت وهي تسمع الصوت وتذكرت انها مالبست شيلتها زين وراحت تركض داخل رهف تناظر تركي وهي مرتاعه من جرائته : مجنون انت روعت البنت تركي : لازم ادافع عن نفسي عند صديقاتك رهف : عاد الهنوف والله تحقد عليك الى يوم الدين تركي ابتسم بقووه وبنفسه : اخخخخخخخخخيرا عرفتها رهف : وش فيك فاق الخشه تقل مهبول تركي حس على نفسه : لالا مافيه شي بس تذكرت وجهها رهف : لا تضحك على صديقتي تركي : شكل ودك نفرش بحوشهم ونكمل رهف استوعبت انهم مابعد طلعو وماتت ضحك طلعو رهف وتركي عند البنات اتصل خالد على وجدان خالد : هلا والله وجدان : هلا عمي خالد : اخبارك وجدان : تمام انت شخبارك خالد : الحمدلله .. عندكم احد غريب ولا اجي ؟ وجدان : لا مافيه احد حيااك الله تعال خالد : اوكي ثواني بس واجيكم بعد 5 دقايق خالد دخل عليهم : صباح الخير ياحلوات البنات بأصوات متفرقه : صباح النوور خالد يجلس جنب وجدان : اخبارك وجدان وكيف رجلك اليوم ؟ وجدان : والله الحمدلله احسن من الاسبوع اللي فات خالد : تقدرين تمشين يعني ؟ وجدان : ايه بس على شوي شوي خالد : طيب عندي لكم بشاره الهنوف بحماس : وشش هي ؟ خالد : بنروح دبي خلال هالاسبوعين يعني متى ماصارت وجدان تقدر تمشي بدون مساعده البنات قامو يصارخون وريوف اللي كانت جنبه نطت عليه وخمته خالد وهو يضحك : ياعمري لهالدرجه مخنوقين ؟ الهنوف : اخخخ اسكت بس وش اقول وش اخلي هالشهر كله اختبارات انهررررت من التعب خالد : عاد السفره بمناسبه سلامة وجدان وجدان : ياعمررري ياعمي ماتقصر والله خالد : اذا ودكم هالاسبوع او الاسبوع الجاي اختارو وعلموني قبلها بكم يوم عشان اضبط الحجوزات وجدان : لا خلها الاسبوع مو هذا اللي بعده عشان اداوم واختبر كل اختباراتي بعدين نروح خالد : اوكي الباقي كلكم يناسبكم البنات : اييييه اكييد ريوف : الكبار بيروحون ؟ خالد : لا بس انتم والعيال ومو كلهم بيروحون بعد الهنوف : طيب عمي عادي اطلبك طلب ؟ خالد : تامرين امر انتي ماتطلبين الهنوف : ياحبيبي والله .. عاادي تقول لتركي ال... يجي معنا ابي رهفف تكفى وجدان بحماس : اييي والله وانتم تعرفونه مره يعني اكيد ماراح يرفض او يستحي خالد : اخاف عنده التزامات او شي وجدان : انت اسأله وشوف يعني لو صار عنده شي خلاص مو لازم خالد : ابشرو من عيوني وجدان : الله يخليييك لنااااا ياحظ زوجتك اللي مابعد لقيتها خالد : ههههههههههههههههههه ياربي انتم وهالزواج انتقلت العدوى من الوالده لكم هيفاء : عاد ترى جدتي معها حق تكفى عمي نبي نفرح فيك واشوف الميني خالد بسرعه خالد : الله يكتب الخير .. المهم انا طالع اللحين اكمل السهره مع الشباب طلع خالد وكانو البنات مبسوطين وصارت سهرتهم كلها تخطيط للسفره ووين بيروحون ووش بيسوون لما نامو البنات كلهم الهنوف جت على سرير وجدان بتنام جنبها وجدان بصوت واطي : البنات كلهم نامو ؟ الهنوف : ايييه واضح دايخيين وجدان : ياعمررري الهنوف : فااتك اليوم صار شي وجدان : خليك من اللي فاتني انتي وش فيك تناظرين مشاعل اذا جا طاري فيصل لاتفضحينا معها للحين ماكلمناهم ولا صار شي رسمي الهنوف : هههههههههههههههههه اييوه هذا اللي بقوولك عنه طيب وجدان بحماس : وشوو ؟ الهنوف : اليوم دخلت المطبخ عليها وهي قاعده ترتب الحلا تخيلي من لقيت وجدان : مييين ؟ الهنوف : فيصل واقف عند الباب وجدان : من ججججدك ! يتكلمون مع بعض يعني ولا ايشش؟ الهنوف : لااا هي تغني وهو يناظرها واضح ماتكلم ابد لانه يوم شافني ارتاع ورجع وجدان : اخخخ منه فيصل الله يعيننا بيزعجنا يالله اخطبوها لي الهنوف : لهالدرجه يعني ؟ وجدان : ميييت علييها كل يوم يقول يقول لأمي تكلم امها الهنوف : طيب ليه امك ماكلمت امها ؟ وجدان : تقول بكلمها بس ماتدري متى بالضبط انا خربت عليهم ماصار فيه وقت مناسب ههههههههههههههه الهنوف : اففف يارب بسرعه ابي زواج وخبصه بالعايله وجدان : اييه اتوقع هالفتره بس اول شي خطبه وملكه وبعدها الزواج متى ماتشافيت تماما الهنوف : ياحليله فيصل والله ماتوقعتها منه سولفو شوي لين نامو في بيت الجده مشاعل تفكر بكلام امها لها بالسياره قبل ساعتين بالسياره اول ماطلعت مشاعل من بيت ابوفيصل وركبت السياره مشاعل : عزييز يترك المباراه لعيوننا ؟ وش صاير بالدنيا عبدالعزيز : الشوط الاول ممل والله وماودي اتهاوش مع العيال لين يبدا الشوط الثاني مشاعل : كل هالصراخ وممله ؟ عبدالعزيز : وش دراك انتي عن الصراخ ؟ تسمعونا ؟ مشاعل تضحك : نسمع ونشوف عبدالعزيز : مع وين بس تشوفونا تطلطلون من فوق ؟ مشاعل : لا ياغبي الملحق اللي فيه وجدان فيه نقدر نشوفكم منه قاطعتهم ام سلمان ام سلمان : مشاعل مشاعل : سمي ام سلمان : سم الله عدوك .. اليوم خطبتك مني ام فيصل مشاعل انكتمت وبنفسها : هذاا مووضووع تفتحينه قدام عبدالعزيز وبهالسرعه بدون اي مقدمات عبدالعزيز مبتسم : اهااا وانا اقوول وراه مشغلني اليوم يالنسيب ويالنسيب طلع الموضوع كذا مشاعل : وش فيه ذا واثق اني بوافق عليه ؟ ام سلمان : وش فيه فيصل ؟ يهبل واخلاق ووظيفته زينه عبدالعزيز بجديه : انتي ماتبينه يعني ؟ مشاعل بسرعه : لاااااا انا ماقلت كذا ( ثم حست انها جابت العيد وسكتت ) عبدالعزيز مات ضحك ام سلمان : ياربيه من البنات ودلعهم ترى امه تقول الولد طاير يقول بتزوجها الاسبوع الجاي وهاوشته هي مشاعل وجهها تقلب الواان ام سلمان : تبينه ولا لا ؟ عبدالعزيز يلتفت على امه ومبتسم من كل قلبه : واضح الرد مايحتاج تسألينها مشاعل وهي ماسكه جوالها وضاغطه عليه بقوه : اللي تشوفونه ام سلمان : والله كبرتي يامشاعل وبتتزوجين ( وخنقتها العبره ) عبدالعزيز : وش دعوى يمه ماراح تروح لواحد غريب ام سلمان : ولو بتبعد عني جت الساعه 4 ومشاعل مازالت تفكر بالموضوع دخلت عليها امها ام سلمان : للان مانمتي ؟ مشاعل : لاا ام سلمان : لييه ؟ ولاتفكرين بموضوع فيصل مشاعل : ايه احس اني محتاره ام سلمان : انتي واضح ان ماعندك مشكله فيه وش اللي محيرك ؟ مشاعل : مابي ابعد عنكم واسكن بالرياض ام سلمان ابتسمت : بس هذا الموضوع ؟ كل ويكند بتكونين عندنا او حنا بنجي ,, بعدين مو انتي اللي مزعجتنا كل اسبوع تبين تجين هنا مشاعل : ايي بس ولو السكن غير ام سلمان : ماراح ارد عليهم لين تستخيرين بعدين تعلميني قرارك الاخير مشاعل : ابوي يدري بالموضوع ؟ ام سلمان : لاا وماراح اعلمه الا لين توافقين واساسا لو توافقين ترى الملكه الاسبوع الجاي مشاعل : بهالسرررعه ؟ ام سلمان : ايه مشاعل : اوكي بستخير وارد عليك بكره ام سلمان : الله يوفقك يارب ويكتب لك الخير مشاعل : اميين يارب انتهى البارت اتمنى تعطوني رايكم وتوقعاتكم لأبطالنا | ||||
|  |
|
15-02-19, 06:54 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -20- يوم السبت الساعه 6 وجدان صحت على صوت رش خفيف على الشباك وشافت البنات كلهم نايمين ومكان هيفاء فاضي مسكت جوالها وكلمت هيفاء واتس اب وجدان تكتب : وينك ؟ هيفاء : بالمطبخ اسوي حليب تبيني اسوي لك معي ؟ وجدان : يلا وخلينا نطلع برا شكل الجو يجنن هيفاء : تبيني اجي اقومك ولاتقدرين ؟ وجدان : لاشدعوى اقدر بجيك بصعوبه شوي قامت وجدان من السرير وخذت العكاز وطلعت برا اول ماطلعت من الباب كان فيه رش مطر خفيف مره والجو جدا جميل استنشقت الهوا وهي رافعه راسها للسماء ومبتسمه قاطعها صوت هيفاء : صباح الخير ياجمييل وجدان : صباح النوور هيفاء : شرايك نجلس هنا ؟ وجدان : لا لا شرايك نروح للمسبح احسن ؟ هيفاء : اوكي يلاااا راحو البنات المسبح اللي كان بزاويه البيت بنفس البيت في ملحق الشباب العيال كلهم يستعدون للنوم باستثناء عبدالعزيز اللي يقنعهم يطلعون يفطرون فيصل اللي كان جنبه : والله انك رايق يالنسيب عبدالعزيز ابتسم ولف عليه وبصوت واطي شوي : مابعد وافقنا عليك اصبر فيصل بأبتسامته العذبه : تقدرون ترفضوني ؟ عبدالعزيز : لو انك بتتزوجني مانيب رافضك بس مدري عن اختي عاد فيصل بقرف : الله يقرفك ياشيييخ سديت نفسي عبدالعزيز : انتبببه تراني اخوها !!! فيصل : امزح امزح يالنسيب عبدالعزيز يبتسم بقوه : اييه خلك كذا مؤددب خالد يلتفت عليهم : وش فيكم تتساسرون انتم ؟ عبدالعزيز : بتعرفون بعدين رن جوال خالد بهاللحظه خالد : هلا ... لامجتمعين ببيت اخوي ابوفيصل ... بتجي الحين ؟ .. عند الباب ؟ اوكي .. الا حنا صاحين بعد دقيقه دخل عليهم ماجد وسلم على الجميع ماجد وهو يشوفهم خاملين : فيه احد ينام بهالجو ؟ فيصل : مواصلين من امس يااخي ماجد : لاعب بنفسيتكم ميسي للحين ؟ عبدالعزيز : تخسي انت وياه سيف : من امس خانقتهم العبره بس ساكتين خالد : كل تبن بس عبدالعزيز : وتبن مني فيصل : والثالث مني بعد ماجد : 3 على النتيجه ياساااتر استر هههههههههههههههههههههههه سيف : انت رحت بعد الهدف الثاني صح ؟ ماشفت وجيههم يوم جا الثالث والله فاتك ماجد : ههههههههههههههههههههههههه تدري سمعت الثالث بالراديو وانا تووني ماشي والله انقهرت ليتني جلست خمس دقايق بس جلسو العيال يسولفون شوي رن جوال ماجد ماجد: اسكتو اسكتو السوبر فايزر متصل علي ! سيف : اما عاد ماجد : والله ماجد طلع برا وقعد يتمشى وهو يكلم عند البنات جلست وجدان على الكرسي وهيفاء شغلت اغنية لأليسا وقعدت ترقص وهي تشرب الحليب هيفاء وهي مبتسمه : يالله وجدان الجوو يروووق مره مره وجدان : طيب شغلي حكايتي معاك هيفاء : اصبري لما تخلص ذي وجدان وهي تشرب : حتى الحليب طعمه حلو هيفاء : اكيد ياعمري عشاني مصلحته وجدان : والله عشان الجو يخلي كل شي لذيذ هيفاء ناظرت المسبح ولفت نظرها لوجدان وبحماس وروقان : كم تعطيني واطب ؟؟؟ وجدان تفتح عيونها بقوه : مجججنونه انتي ! الجو بااررد هيفاء : كم تعطييني بسرعه ؟ وجدان بتفكير : اممم تطبين كذا 200 ريال مع الغوص توصل 500 هيفاء حطت الكوب على الطاوله وطبت بدون ماتفكر وجدان ارتاعت : بعطيك 1000 بس اطلعي تكفييين مجنونه بتمرضين هيفاء غاصت وجلست دقيقتين وجدان حاولت تقوم ويالله يالله شالتها رجلها وهي تصارخ بأسم هيفاء كان ماجد جالس على الكرسي و قريب من المسبح سمع الصراخ وحط جواله على الطاوله اللي قدامه وبسرعه قام وراح لمصدر الصوت لما جا عندهم وجدان وهي تصيح : نطت ولها 3 دقاايق ماطلعت اكييد مااتت اكيييد بدون تفكير نط ماجد وشاف جسم تحت المويه بحركه سريعه طلعها من المسبح وكانت تكح بصوت عالي ومغمضه عيونها وترفس ماجد حطها جنب المسبح وقعد يضغط صدرها بقوه عشان لو فيه مويه تطلع منها لما طولت مافتحت عينها قرب هو بيسوي لها تنفس صناعي فتحت عينها هيفاء وشافت وجهه قريب من وجهها وبدون تفكير صفقته كف ماجد ابعد وجهه عنها شوي وهو مرتاع قام وهو يرفع شعره عن وجهه : الحمدلله على السلامة هيفاء قامت من مكانها بدون ماترد واول ماوقفت وجت بتمشي زلقت قبل ماتطيح مسكها ماجد بسرعه وجدان وهي تمسح دموعها : خوفتيني علييك هيفاء تركت يد ماجد وجت بتمشي عنه واستوعبت الوضع تذكرت ان لبسها صاير شفاف مع المويه اللي عليه وحجابها مو عليها هيفاء تلف عليه : لا تشوووف ماجد ضحك وهو يصد عنها : اسف اسف ,, والحمدلله على السلامة مرة ثانية واذا ماتعرفين تسبحين لاتتفلسفين هيفاء توها بترد عليه وماعطاها مجال طلع بسرعه هيفاء : وعععع وعععع وش يبي هذاا !! وجدان وهي تضحك ضحكه مخلوطه بدموع : اما الكف !!! هذا جزاه يعني هيفاء خنقتها العبره : وجدااااان شكلي مو حلو وجدان : تعاالي اتركي شكلك على جنب ياكلبه ليه تغوصين وانتي ماتعرفين هيفاء : اعرف والله اعررف وكنت بسوي فيك مقلب بس يوم سمعت صوت صراخك من الروعه شربت نص مويه المسبح وصار اللي صار وجدان : جد موو وقتك والله والله اررررتعت هيفاء : توني اعرف انك تخافين علي وجدان طقتها بالعكاز : اجل ما أخاف علييك ؟ هيفاء وهي تتذكر وترجع تتعبر : مااجد شافني كذاا ياوييلي وجدان : والله قمر والله العظيم قمر هيفاء ترفع شعرها وتحاول تعصره عشان تطلع باقي الموية وجدان وهي تضحك : شوفي الحمام هناك فيه مجفف وفوط جففي ملابسك وشعرك وتعالي ندخل عشان مايجيك برد راحت هيفاء ودخلت الحمام وجدان جلست على الكرسي تشوف جوالها لين تخلص هيفاء بعد 4 دقايق جتها رسالة واتس اب من ماجد ماجد : اذا حسيتي انها تعبانه للان علميني عشان نوديها للمستشفى ابتسمت وجدان وكتبت : لامافيها الا العافيه الحمدلله ماجد شاف ردها من الاشعارات وسكر جواله ورجع يسولف مع العيال العصر كان المطر مازال موجوود ويرش رش خفيف صحى عبدالعزيز على صوت جواله يرن رفع الجوال وشاف مكالمتين من جدته قام وطلع برا واتصل عليها : هلا والله .. الحمدلله وانتي طمنيني عليك يقولون امس راسك يوجعك ؟ .. الحمدلله يارب .. ايه توني صاحي .. امريني ؟ .. ابشري والله من عيوني الحين بجيب لك عامل يصلحها .. ولاتصدقين مايحتاج عامل اتوقع مشكلتها نفس اخر مره بجي انا اضبطها .. بس بخلص شغله يعني يبي لي ساعتين تقريبا ثم اجي .. ايوووه خلاص ابشري سكر من جدته وطلع من البيت يخلص اشغاله بعد ربع ساعه كان مخلص وجاي لبيت جدته دخل البيت وعلى طول دخل قسم الرجال وعلى غرفه جدته عشان يزين الثلاجه الموجوده بغرفتها في الصاله كانت ام تركي ورهف جالسين زايرين ام محمد لانها تعبانه امس ام تركي : اخبارك اليوم ياخالتي ان شاءالله احسن ام محمد : ايه والله احسن يارب لك الحمد رهف وهي تصب القهوه وتمدها لأم محمد : سمي يمه ام محمد بأبتسامه : يامال العافيه يارهف رهف : الله يعافييك يارب وصبت القهوه لأمها وجلست ام محمد : اجل وين وعد ليش ماجت ام تركي : والله مشغوله من يوم توظفت وهي ماترفع راسها عن الكمبيوتر من شغله لشغله ام محمد : الله يوفقها ان شاءالله ام تركي : اللهم امين جزاك الله خير جلسو يسولفون بعد خمس دقايق ام محمد تتصل على الشغاله وماترد : الله يصلحها ماترد على جوالها ام تركي : سمي ياخاله تبين شي ؟ خلي رهف تروح تجيبه ام محمد : لا يمي انا بقوم اجيب لي رهف قامت بسرعه : لاوالله ماتقومين انا بجيب لك امري ام محمد : والله بتعبك معي رهف : مافيه تعب وش دعوة سمي وش تبين ؟ ام محمد : شوفي وانا امك ادخلي داخل قدام بعدين يمينك بتجي غرفتي ادخليها وتلقين بدولابي كيس فيه علاجي وداخله حبوب وجع الراس وبتلقين كرتون مويه جنب الدولاب جيبي منه كاس مويه رهف : ابشرري من عيوني ,, بس حبوب الراس بنادول ؟ ام محمد : لايمي حبوب صارفها لي الدكتور لان البندول ماينفع لي تلقين علبتها زرقا رهف : ابشري ,, بس مافيه احد هنا صح ام محمد : لا وانا امك كلهم في بيت ابو فيصل دخلت رهف وهي تسمع دعوات ام محمد لها كانت غرفه ام محمد بأخر الممر طقت الباب بعدين استوعبت غبائها دخلت وهي تضحك وتتكلم بصوت عالي : الحمدلله والشكر يارهف احد يطق باب غرفه فاضيه يععع يالغباء خذت رهف علبه المويه من الكرتون وحطتها فوق الدرج وقعدت تدور العلاج بالكيس ومازالت تتكلم بصوت عالي : علاااج ازرق علاااج ازرق ويينه !! ... فيه اثنين زرقاء ... ولو اوديها كلها بتقول جدتهم وش ذا الغبيه اللي حتى العلاجات ماتعرفها اللي ماتعرفه رهف ان عبدالعزيز معها بنفس الغرفه كانت الغرفة مقسومه قسمين بينها فتحه بدون باب وموجود بالقسم الداخلي الثلاجه والحمام ودولاب الملابس يعني كان فاصل بينها وبين عبدالعزيز جدار كان عبدالعزيز يسمع كلامها كله وكاتم ضحكته لما سمع صوت جدته تنادي رهف حس انها صدق توهقت وقام من مكانه وهو ينفض الغبار من ثوبه وطلع عليها عبدالعزيز : مو ازرق ترى علبته سماويه بس جدتي الله يهديها الالوان مضروبه عندها ( ويناظر لبسها بتفحص ) للمعلومية تراه نفس لون فستانك بالضبط رهف تجمدت مكانها وطاح منها الكيس اللي فيه الادوية جا عبدالعزيز وشاله ولما وقف كان قريب منها مره كان اعلى راسها واصل صدره وهو ماسك كيس الادويه طلع العلاج وبحركه سريعه مسك يدها وحط العلاج وسطها رهف تشوف يده الكبيره محتضنه يدها الصغيره وترتجف عبدالعزيز ضغط على يدها عبدالعزيز ابتسم وبانت غمازته وهو يشوف رجفة يدينها : ليه ترتجفين ما اكل انا رهف مازالت متجمده بمكانها ولاقدرت تتحرك عبدالعزيز قرب اكثر عشان ياخذ علبه المويه : وهذي علبه المويه خذيها مع العلاج ( وضحك ) عشان ماتقول جدتي ان رهف غبيه يوم حس انه زودها تركها وطلع من الغرفه رهف ماستوعبت اللي حصل للان فجأه حست الجو صار حاااار بقووه وحست انها تعرق ووجها احمررر رن جوالها ردت وهي ترتجف : هلا ماما الحين جايه بس قعدت ادوره .. لا لا مافيني شي بس حرر شوي طلعت لهم رهف : اسفه والله قعدت ادوره ماعرفت وشو بسرعه ام محمد : لا عادي وانا امك دايم اقول لعيالي يجيبونه ومايعرفونه يقولون موب ازرق وانا عجزت اقول اسم اللون رهف تذكرت عبدالعزيز وهو يقول سماوي وحست الحر زاااد وقامت تهف على نفسها بيدينها ام محمد : وش فيك يمي وورى وجهك احمر رهف : حر والله ام محمد : هااااو وش حر الا والله برد ينخر العظم رهف : يمكن لان الغرفه مو مفتوح شباكها مدري انا احس الجو صاير حر مره ام تركي كانت تخز رهف اللي ماتدري عن نفسها وحتى رهف ماكانت مستوعبه وش قاعده تسوي ام محمد : تعالي اجلسي جنبي مقابله الدريشه وبتتجمدين رهف ابتسمت بمجامله ..... مازالت تتذكر قرب عبدالعزيز منها وريحه عطره اللي دخلت جوفها وكل ماذكرت مسكه يده ليدها تجيها رجفه رهف بنفسها : لييه يسوي كذا !! وش يستفييد ؟؟ معقوله لو وحده من بنات عمه او عمته بيسوي نفس الشي ؟ ولايقصدني انا ؟؟ لا لا رهف لاتصيرين محور الكون يعني وش يبي فيك ( وقطع تفكيرها صوت امها وهي تسلم على ام محمد ) ام تركي : رهف يالله بنمشي الحين رهف : هاه لييش ؟ ام تركي وهي تخزها وتغمز : عيالها بيجونها اللحين رهف قامت بسرعه عشان تلبس عبايتها ام محمد : شكل رهف اعجبتها جلستنا ام تركي وهي متفشله : ههههههههههه والله من حبها لكم ام محمد : يابعد الدنياا والله ان غلاتك يارهف نفس غلا عيال عيالي وبنتي رهف قربت منها وحبت راسها سلمو عليها وطلعو برا بالحوش ام تركي بعصبيه : وش فيك انتي من يوم رجعتي وانتي مو على بعضك اناديك لي ساعه ولاتسمعيني وفشلتيني وانتي قاعده تتشكين من الحر و لا بعد ناويه تطولين الجلسه رهف ارتبكت وبكذب : جتني مكالمه من صاحبتي تقول بكره فيه برزنتيشن وارتعت مدري وش بسوي ام تركي : لا جد انتي مو طبيعيه ! بكره السبت كيف بتخليكم تداومون بالويكند يعني رهف زادت ربكتها وبكلام ملخبط : لا لا مو دوام وهو مو برزنتيشن هو مشرووع والتسليم عن طريق الاون لاين ,, بعدين ماما خلاص خلينا نروح البيت لا يسمعونا ام تركي اللي ماصدقتها بس مشت الموضوع عند عبدالعزيز اللي طلع من البيت وقعد يتمشى كان مشغل الراديو وجالس يتذكر شكل رهف .. كانت لابسه فستان سماوي وصندل قصير ابيض لبسها كان جدا بسيط بس ذوق ابتسم وهو يقول بنفسه : انا كل يوم اكتشف في ذا البنت صفة ... اخخ بس يارهف لو ادري انتي ليه مضيفتني واعرف السر اللي وراك برتاااح وطول على الراديو وكان فيه صوت محمد عبده يغني مذهله عبدالعزيز يغني معاه : لييه كل شي فيها تظن انك تعرفه تجهله وليه كل لامعقول فيها ورغم هذا تعقله ,, طيييبها قسوة جفاها ضحكها هيبه بكاها روحها حده ذكاها تملأك بالاسئلة اما عند رهف الوضع ماكان مختلف كثير وصلت البيت وبسرعه على غرفتها واتصلت على افنان رهف : افنان ورب الكون انه يستهبل معااي افنان : وشووو مين بسم الله عليك رهف : ولد عمهم افنان : عبدالعزييز ! رهف : ايييه ياافنان اييه ماغيره افنان : وشوو ؟ وش سوا ؟ لايكون كشفك انك انتي اللي بسناب !!!! رهف : لااااا بس تخيلي قبل شوي صار لي معاه موقف يروووع افنان بحماس : وشووو وش صار بسرررعه ؟ رهف علمتها السالفه كامله افنان : يمممه رهف انتي كيف للان تكلميني ؟ لو مكانك طحت بمكاني رهف : تستهبليين اساسا خلاص ماعاد استوعب ولا شي .. افناان لو شفتي كيف يدي وسط يده كني نمله ولا طوولي اول مره احس اني قصيره لهالدرجه يوم وقف جنبي افنان : هههههههههههههههههه انا اكثر شي ضحكني انك تسولفين على نفسك طول الوقت رهف : اكرره هالصفه فيني من يوم اني صغيره مع ذلك مازلت اسويها افنان : ايييه امس طلال جالس يتذكرها و يذب عليك رهف : ههههههههههههه اشتققت له والله .. بعدين كيف له وجه يذب وهو من زمان مازارنا القاطع ! افنان : اللحين احنا اهله الحقيقيين مانشوفه تبين تشوفينه انتي رهف : لييه وش صاير ؟ وينه ؟ افنان : مسكين متوهق بالجامعه مررره وضاايع رهف : ياعمرري لييه ؟ وش المواد اللي مافلح فيها ؟ قعدو يسولفون عن طلال اخو افنان واللي يصير اخو رهف بالرضاعة ونسو سالفة عبدالعزيز ..... او بشكل اصح تناستها رهف يوم الثلاثاء ماحصل احداث كثيره بالاسبوع بس ابو سلمان بلغ اخوه ابوفيصل بموافقه مشاعل وحددو يوم الملكه الخميس وجدان تكلم ريوف وجدان : ماقررتو متى تنقلون ؟ ريوف : اتوقع كذا شهر بالكثير بنكون ناقلين وجدان : بيتكم احسه شؤم بالنسبه لي عقب الحادث ريوف : ههههههههههههههههههههه ياعمري يالله تعيشين وتاكلين غيرها وجدان : وجع ان شاءالله الله لايقوووله ( وكملت ) عاد تصدقين متى حسيت اني صدق مسكينه ؟ ريوف : ايووه وجدان : بعد بكره ملكة فيصل ومشاعل وماقدر البس كعب ريوف : هي بالشرقيه صح ؟ وجدان : اييه ريوف : تتوقعين يجون خوالها وكذا ؟ وجدان : لاااا صغيره مررره قال ابوي خل نعزم اخواني ويجون خوالها وكذا ورفضت امي تقول ماله داعي الكلافه ولما كلمت ام سلمان كانت بعد ماتبي تتكلف يقولون الحفله الكبيره تكون بالزواج ريوف : تصدقين احسن كذا وجدان : اي والله ريوف وهي تضحك : تلقين فيصل مايشوووف احد الحين من كثر ماهو مبسوط وجدان : هههههههههههههه لو تشوفينه كل شوي يجيني يقول وجدان انا بتزوج مشااعل ويضحك ويطلع ريوف : امااانه ههههههههههههههههههههههههه ه وجدان : والله هههههههههههههههه ريوف : مجننون قسم بالله ياحظها مشاعل كملو مكالمتهم يوم الاربعاء بالجامعه ريوف ووجدان ورهف جالسين يفطرون ريوف : هنوووفه ماخلصت محاضرتها رهف : لاا باقي لها نصف ساعه ( والتفتت لوجدان ) متى بتروحون الشرقيه ؟ وجدان : بكره العصر رحلتنا رهف : وش بتلبسين ؟ وجدان : تذكرين فستاني الرمادي اللي لبستيه لخطوبة بنت عمتك مدري بنت عمك رهف : ايييوه وجدان : هو اللي بلبسه رهف : حلووو والله وجدان : افف للان ضايق صدري لاني ماراح البس كعب رهف : انتي شيلي الراس اللي برجلك بعدين نتفاهم على الكعب ريوف اللي كانت تشرب عصير شرقت من الضحك وجدان تسب رهف وهي تطق ظهر ريوف ريوف بعد ماقعدت تكح دقيقتين سكتت ورجعت ماتت ضحك : ههههههههههههههههههههههههه هه راس .. والله من جد رهف الجبس من كبره صاير كنه راس وجدان : خير انتي وياها مايضحك .. كلها كم يوم واشيله ان شاءالله جت الجازي من بعيد الجازي : هااي وش فييكم ميتين ضحك وجدان : حيوانات يضحكون على رجلي الجازي : لييه وش يضحك فيها ريوف : رهف قالت كنها راس وزعلت وجدان الجازي وهي كاتمه ضحكتها : والله انكم ماتستاهلونها اجل احد عنده وجدان ويضحك عليها ؟ وجدان تناظر رهف وريوف : تعلمووو تعلموووو يوم الخميس في الشرقيه كانت الملكه صغيره مره مافيها الا العايلتين والجده والجد بس كانو الكل جالسين باالصاله باستثناء مشاعل اللي كانت تلبس وهم جالسين يسولفون نزلت مشاعل وجدان قامت وقفت وهي تغني : الشرقيه اليوم غير نجمه الليله مشاعل مشاعل ابتسمت وهي مستحيييه وجدان : ياعمررري يالحياااء سلمت مشاعل عليهم كلهم وجت جلست بين وجدان ونوره نوره : ياحلووو المستحييين ياربيه وجدان : هههههههههههههههه انا ودي اصورها للبنات لان اتوقع اول واخر مره نشوفها مستحيه ام فيصل : لاتضغطون على بنيتي نوره : اييييه بدينا ندافع يايمه ام سلمان : بنتها من قبل ماتاخذ فيصل نوره : ايييه الله يرزقنا بس وجدان فتحت عيونها بقوه : وش الله يرزقك استحي شوي نوره : اقصد باللي يدافع عننا ام سلمان : هههههههههههههههههه ياحلوك يانوره والله اني احبك نوره : ياحبيبتي ياخالتي ام سلمان والله شعور متبادل جلسو يسولفون شوي اتصل ابوسلمان على ام سلمان وقال لها تقول لمشاعل تجي عشان توقع سكرت وقالت لها مشاعل قعدت ترتجف وجدان مسكت يدها وضغطت عليها وهي مبتسمه مشاعل : قومو معي تكفين وجدان : لا خير اخاف اخوانك موجودين مشاعل : طيب هيوووف تكفين تعالي هيفاء وهي تضحك وتقلد وجدان : لا خير اخاف فيصل موجود ام سلمان : لا مو موجود فيصل سلامات روحي مع اختك بس قامو ام سلمان وهيفاء مع مشاعل بالمقلط الفاصل بين الصاله وقسم الرجال كانو فيصل وعبدالعزيز جالسين والباقي مع المملك داخل دخلت مشاعل كانت تتوقع ابوها اول واحد بيصير بوجهها وانصدمت لما شافت سلمان وعبدالعزيز ومشعل بدون ابوها عبدالعزيز : هلا والله هلا بعروستنا الحلوه سلمان : الله يعين فيصل بس عبدالعزيز : الا والله ياحظظه بااحلى البنات مشاعل كانت ماتقدر ترفع راسها من الحياء هيفاء : ههههههههههههههههه خلاص حرااام عليكم ترى اليوم مشاعل مو مشاعلنا اللي دايم عبدالعزيز يقبص خدودها : يازين اللي يستحون والله مشعل : هههههههههههههههههه والله ماتوقعت يجي يوم اشوف مشاعل كذا مشاعل : خلاص عاد انت وياه ترى والله مااوقع سلمان : ههههههههههههههههه ايه هذي مشاعل اللي اعرفها وقعت مشاعل وكلهم قامو يضمونها ويباركون لها وراحو اخوانها عند الرجال هيفاء خنقتها العبره : يعني خلاص بتروحين وتخليني مشاعل دمعت عيونها : خلاااص يمه ماابي اتزوج ابي هيفااء هيفاء تطقها مع كتفها : استهبل والله وش فييك انتي ام سلمان وهي خانقتها العبره : قومو بس عند ضيوفنا بالصاله رجعو للصاله وبعد 10 دقايق رن جوال هيفاء هيفاء : هلا عزيز .. اوككي اللحين اقولها .. ابشرر سكرت هيفاء منه هيفاء : مشاعل روحي المقلط عبدالعزيز يبيك راحت مشاعل وانصدمت ان عبدالعزيز مو لحاله كان معه فيصل لفت وجت بتطلع عبدالعزيز بسرعه : ويين ويين تعالي اجلسي هنا ( واشر على مكان جنب فيصل ) مشاعل انخطف وجهها وجت جلست كان فيصل مبتسسم والدنيا مو سايعته من الفرحه وطبعا طول الجلسه ماسلمو من تعليقات عبدالعزيز اللي زادت ربكة مشاعل فيصل يلتفت لعبدالعزيز : يااخوي ماودك تذلف وتخليني مع زوجتي شوي عبدالعزيز : اختي لو سمحت اختي فيصل : اختك زوجتي خلاص وخر ياخي خلني اتهنى بحلالي عبدالعزيز وهو يمد رجله على الكنبه الثانيه ويفصخ الشماغ : اذا طلعت كرت العايلة وانكتب جنب اسمها زوجه وقتها بقتنع انها صارت حلالك خلاص قعد يتهاوش هو وفيصل مشاعل يوم شافت مافيه فايده قامت وتركتهم عبدالعزيز يوم شاف مشاعل رايحه : خلاص يالله سمحت لك تقعد معها فيصل التفت واستوعب انها راحت : الله ياخذك تركتنا وراحت كله بسببك يالزفت عبدالعزيز : هههههههههههههههه هذا المطلوب قام عبدالعزيز وخذ شماغه وطلع وهو يضحك وفيصل وراه ومنقهر ويتحلطم بصوت واطي بعد نص ساعه تقريبا دخلو كلهم عشان فيصل يلبسها الشبكه فيصل يهمس بااذنها : مبروك ياعيون فيصل مشاعل وهي منحررجه : الله يبارك فيك فيصل بنفس الهمس : يا ؟؟ مشاعل تضحك : يا فيصل فيصل يبتسم ابتسامه وسييعه : والله العظيم حتى اسمي من فمك غير مشاعل تبتسم بحياء وجدان تقول لهيفاء : وش تتوقعين جالسين يقولون هيفاء : اناا ابي اتزوج بس عشان هالسبب وجدان : ههههههههههههههه بس امانه اول ماتعرفين علميني اوكي ؟؟ هيفاء : لا خلاص بسأل مشاعل ماراح اتزوج ههههههههههههههههههه كانو كلهم مبسوطين ويصورون معهم ويستهبلون عليهم ومر باقي اليوم حلو مثل بدايته يوم الجمعه الصباح بالفندق كل العايله نازلين يفطرون الا وجدان توها تصحى رن جوالها وهي تشوف اسم وحده من شعبتها وجدان بنفسها : اللهم اجعله خير ردت عليها : هلا وريف ... الحمدلله بخير انتي شخبارك ؟ ... ايوه .. ايوووه .. طيب اخر يوم الاحد ؟ .. اوكي خلاص بتصرف .. لاياقلبي مشكوره مابي اثقل عليك والله .. ابشري ياعمري ابشري .. تسلمين .. يالله مع السلامه سكرت منها وهي ضايق صدرها وهي بتلبس عبايتها عشان تنزل تلحق عالفطور اتصلت عليها ريوف وجدان : هلا قلبي ريوف : صباح الخير ياجميل وجدان : صباح التبن ريوف : افاا وش سويت لك انا وجدان : مو لك للدكتوره السخيفه ريوف : لييه وجدان : تخيلي مو انا ساحبه اسبوعين تقريبا البنات سوو برزنتيشن ومشاريع ومدري ايش ولما رجعت ماقررت تعلمني وش اسوي الا يوم الخميس وتقول لازم تسليم الاحد ريوف : اووف انتي مداومه من اول الاسبوع طيب ليه ماقالت لك بدري وجدان : المفروض كذا بس مادري عبيطه ريوف : طيب وش طالبه منك وجدان : تلخيص رواية ..... لشكسبير ريوف : ازهليها اببد عندي وجدان : لاااا والله ماتقصرين انا بشتريها وببدا اليوم وان شاءالله اني بقدر اخلصها ريوف : لااا مو انا بلخصها لك سيوف اخوي يحب روايات شكسبير مرررره واكيد يعرف هذي وجدان بسرعه : لاااااا ريوف امانه فشيله ريوف : خييير وش فشيله ! ولد عمتك وجدان : انا غلطانه يوم افضفض لك ريوف : لا يكثر حبيبتي والله ماتلخصين ولاشي عنندي وجدان : خير واذا صار اخوك مشغول تراه بمستشفى مو لعب يعني يالله يلقى وقت ينوم فيه وانتي تقولين يلخص لك ريوف : والله ماعنده دوام اليوم وبكره ومشغلنا كل شوي يجي يستظرف علينا وجدان : زين يسوي فيكم دخل سيف عليها ريوف : اذا ذكرت الك.. سيف : الك ؟ ايش كملي ريوف : الك الكبير ,, الامور الجميل حبيبي والله سيف : من تكلمين ريوف : وجدان بنت خالي سيف : سلمي لي عليها ريوف : وجدان يسلم عليك سيف وجدان: ايه سمعته سلمي لي عليه سيف : اخبار رجلها ؟ ريوف : يقول اخبار رجلك وجدان : الحمدلله بخير احسن قولي له وش اخباره هو ريوف : بعطيه الجوال عشان ترتاحين انتي وياه سيف : ههههههههههه ليه وش تقول ريوف : اصبر خلك من كلامها تعرف رواية ... سيف : ايييوه ياقدمك ريوف : عندك صح ؟ سيف : يسس ريوف : تقدر تلخصها ؟ سيف : اقدر بس ليه من يبيها ؟ ريوف : وجدان بنت عمي طالبتها منها الدكتوره وتوها اليوم تدري سيف يأشر على عيونه : من عيوني تامر امر بس متى تبيها وجدان ورا الجوال مغطيه عيونها من الفشيله وتهاوش ريوف وريوف منزله جوالها ريوف : الاحد سيف : قولي لها ابشري طلع سيف من عند ريوف ورجعت ريوف ترفع الجوال وطلع لها صوت وجدان تصارخ وتهاوش وجدان : ياربيه الله ياخذك ياريوف ريوف : والله عادي ياوجدان اعتبريه اخوك وصدقيني لو مشغول ماراح يستحي بيقول انه مشغول ( وغيرت السالفه ) الا ماقلتي لي وش صار امس بالملكه واخبار فيصل وميشو قعدو يسولفون وقالت لها وجدان كل التفاصيل يوم السبت الساعه 3 الفجر .. وجدان كانت نايمه فوق ملزمتها رن جوالها وفزت وارتاعت لما شافت الساعه وشافت اسم المتصل واستغربت بس ردت بسرعه قبل مايقطع الاتصال وجدان بصوت نايم : هلا سيف سيف : هلا وجدان وش اخبارك وجدان : تمام انت كيفك سيف : الحمدلله اسف صحيتك بس انا قريب من بيتكم معي اوراقك وجدان فزت من سريرها : خلاص حطها عند الباب وانا باخذها سيف وهو يفتح الشباك ويطلع يده : فيه مطر قوي اخاف يدخلها مويه وجدان : اووكي خلاص بطلع لك سيف : لا اصبري اذا جيت قدام الباب بالضبط دقيت عليك اخاف تطلعين الحين واطول عليك وجدان : خلاص اوكي بعد خمس دقايق رن عليها رنه وسكر وعدلت حجابها وطلعت فتحت له الباب سيف من ورا الباب مد لها الاوراق وخذتها منه وجدان : شكررا سيف والله ماقصرت واسفه اذا تعبتك معي سيف من ورا الباب : وش دعوى يابنت خالي ماسويت شي وجدان لفت ومشت شوي وزلق عكازها بالمطر وطاحت وصرخت بصوت خفيف سيف اللي توه ساحب الباب بيقفله سمع الصوت وارتاع دخل البيت وشاف وجدان طايحه وملتويه رجلها شوي جا بسرعه عندها سيف : تعورتي ؟ وجدان وهي مغمضه عيونها من الالم : شوي نزل لمستواها وحط يده تحت كتفها بشوي ووقفها وكانت الاوراق جنبها طايحه شالها بيد واليد الثانيه مسك فيها وجدان من كتفها وقربها له شوي وهو يمشي سيف : انتبهي بشويش اذا مشيتي رجلك للان بمرحله التئام اي شي ممكن ينكسها وجدان وهي مرتبكه من قربه : ان شاءالله قرب عند الملحق واستحى يدخل سيف : تقدرين تكملين بروحك ؟ وجدان بسرعه : ايييه اييه سيف : خلاص اوكي دخلت وجدان بعدين هو تذكر ان الاوراق بيده دخل وراها وحطها على الطاوله اللي جنب الباب وطلع سيف : فمان الله وجدان : فمان الله وشكرا مره ثانيه سيف : العفو وطلع من البيت انتهى البارت اتمنى تعطوني رايكم وتوقعاتكم لأبطالنا | ||||
|
| |
|
22-02-19, 06:38 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -21- يوم الاحد بالجامعه وجدان توها طالعه من مكتب الدكتوره وكانت الهنوف تنتظرها عند الباب وجدان وهي تفخم صوتها : فل مااارك الهنوف وهي تبتسم : صصدق ؟؟ وجدان بفرحة : اييييي والله انبسطت مره قالت ماتوقعت عندك هالامكانيات مادرت ان سيف اللي مسويه الهنوف : ياحليله ماقصر سيف وجدان : افكر اجيب له شي بسيط يعبر عن امتناني الهنوف : مثل ايش ؟ وجدان : هديه بسيطه يعني الهنوف : مادري احس ماراح يقبلها وجدان : غصب والله احس ماراح ارتاح كذا خصوصا اني اشغلته مره ! ,, تخيلي هنوف هالدكتوره مستحيل ترضى بشي حتى لو اجيب لها القمر بيد والنجوم بيد بس هالمره جد جد اسعدها يعني واضح شغل متعوب عليه الهنوف : والله صراحه هو يستاهل بس انا احس مايقبلها مادري عنك انتي كانو يمشون وقابلتهم رهف رهف بحمااس وبصوت عالي : عندي لكم خبر بمليوون وجدان والهنوف بنفس الحمااس بصوت واحد : وشووو ؟ رهف وهي تحرك شعرها : بنروووح معكم دبي وافق تركي وجدان : اماااا الهنوف ضمتها بقوه : اخيييرا والله كنت شايله هم انه مايوافق راحو البنات يفطرون وهم مبسوطين بنفس اليوم بمكان ثاني في الشركه وعد منهمكه بالشغل والمتدربات عذاري وهيا عندها يفطرون وكان خالد توه طالع منهم ومستلمين تهزيئه عذاري توجه كلام لوعد : الاحظ المدير يعاملك معاملة غير وعد وهي تشرب الشاهي وتطالع الاوراق اللي قدامها : ليه شلون هيا : اناا ملاحظة هالشي من زمان بس استحيت اعلمك عذاري : مدري بس حسيت ان بينكم مشاكل قبل ,, دايم اذا كنتي موجودة يعصب ويتنرفز ويسوي زحمه وعد باابتسامه تحاول تخفي مشاعرها عشان ماتعصب : طيب هو 24 ساعه متنرفز مو شي جديد هيا بجديه : لا والله وعد اذا ماكنتي فيه بالعكس يكون هادي ورايق يصير شخص ثاني وعد : ههههههههههههه يعني ما تطلع شياطينه الا اذا شافني ! عذاري : اييه واضح هههههههههههه والله اقول لهيا امس شكلهم متهاوشين وعد : لا والله ماتهاوشنا بس من يوم جيت هنا وانا احااول افهم شخصيته وعجزت ,, شوي احسه مريض نفسيآ وشوي احسه انسان طبيعي مااعرف كيف جاي عذاري توجه كلامها لهيا : انتي شفتيه تو وهو داخل مبتسم يوم شاف وعد عندنا تغير وجهه وكشر هيا باابتسامة : مابعد الكره الا المحبه وعد : يعععع لو مابقى رجال بالكون الا ذا ماحبيته عذاري : ههههههههههههههه ياسهل الحكي وعد وهي تصب لها شاهي : انا اشيل هم الدوام بسببه والله ودايم اذا غبت يكون هو السبب الاول لغيابي هيا : ودي اعرف وش يفكرر فيه هالانسان صدق شخصيته غريبه وعد تبي تغير الموضوع : خلكم منه شفتو الكولكشن حق شانيل الجديد يجنننن مرره عذاري : اييه امس اختي توريني فيه شنطة مرره اعجبتني وعد : انا ميته على الفستان الدانتيل الاسود تمنيت يكون عندنا مناسبة كبيره عشان اشتريه كملو البنات سواليفهم في مكتب خالد كان توه مخلص حجوزات لكل العايله وارسل لقروب بنات اخوانه وسكر اللاب توب وسند راسه على الكرسي وغمض عيونه عشان يرتاح شوي رن جواله واخذ الجوال وشاف الاسم و رد خالد : هلا ابو العز عبدالعزيز : هلا بك والله ,, هاه ضبط معك الموقع ولا معلق للان ؟ خالد : الا ضبط وابشرك حجزت بس تخيل مالقيت الا الاربعاء الساعة 1 الفجر عبدالعزيز : اوكي وين المشكله ؟ خالد : ياحبيبي المشكلة ان ابونايف عازمنا بمناسبه رجعة ولده عبدالعزيز ببرود : مو ملزومين نروح خالد : لا والله تبي ابوي يدفنّي انا وياك ؟ عبدالعزيز : او ممكن نروح بس نطلع بدري خالد : اوكي نشوف وقتها عبدالعزيز : متى نرجع طيب خالد : الاحد عبدالعزيز : كويس مناسب خالد : والله ماعجبني كنت ابي نروح الخميس عندنا ضغط بالدوام اخر يومين بالاسبوع بس للاسف ان الخميس مافيه حجوزات لنا كلنا عبدالعزيز : شي طبيعي عاد ويكند وانتم مليون شخص ههههههههههههه خالد : انتم ؟ طالع منها ؟ عبدالعزيز وهو يضحك : ايه تعرف انا غير كملو مكالمتهم يوم الاثنين الساعه 5 العصر في بيت ابو تركي رهف بغرفتها ترتب شنطتها وكانت وعد عندها وعد : قهرني يارهف قهرني اقوله ان عندي ظروف الاربعاء والخميس بغيب ويقول لا انا باخذ اجازه وعندنا ضغط بالدوام داومي انتي غطي مكاني رهف : انتي لاحظتي انه ماقرر ياخذ اجازه الا يوم قررنا نروح وعد : والله يارهف انه يستقصدني قسم بالله تعبت نفسيتي منه افكر استقيل خلاص رهف : من الاساس لو انك ماوقعتي العقد يوم شفتيه كذا كان بس اللحين مستحيل تقدرين تسوين شي (سكتت شوي ) بس حرام والله الشغله حلوه وعلى كلامك ان كل اللي تشتغلين معهم كويسين يعني حرام مره وعد وهي تفكر : تدرين متى حسيت انه جد يستقصدني ؟ رهف وهي تحط التيشيرت الاصفر بالشنطه : متى ؟ وعد : تخيلي امس نسولف انا وعذاري وهيا المتدربات اللي قلت لك عنهم رهف : ايوه وعد : صارو حتى هم ملاحظين انه فعلا مستقصدني واستغربت ,, يقولون انه مايعصب الا اذا شافك وهيا تقول اذا ماكنتي فيه يكون عادي ورايق رهف فتحت عيونها عالاخر : خير ان شاءالله من جدهم ؟ وعد : والله رهف : لا لا يمكن يبالغون ماتعرفين حركات البنات انتي وعد : والله يارهف مادري بس اللي اعرفه اني حاقده عليه وكل ماشفته اتمنى اخنقه رهف : طيب بتداومين ولا بتسحبين ؟ وعد : لا بروح الاربعاء بس الخميس ماراح اداوم واللي يصير يصير رهف : يعني ماراح تجين معنا ؟ وعد : لا غيرت حجزي ليوم الاربعاء رهف بحزن : لاا والله قهررر وعد : ماراح يفرق واجد يعني توصلون تنامون بكره الظهر اكون موجوده ان شاءالله رهف : بتستأذنين من الدوام ولا رحلتك بعد ماتطلعين ؟ وعد : بستأذن رهف : اوكي حلوو راحت رهف تفتح دولابها الثاني رهف : مافكرتي وش بتلبسين بكره لعزيمه ابو نايف ؟ وعد : لا ماراح اروح رهف تلف عليها : لييه ! وعد : بتجيني صاحبتي بكره رهف : يوووه مو وقتها وعد : والله عازمتها من زمان ومتفقين ولاكان اجلتها واساسا مالي خلق شي صراحه رهف : من يوم توظفتي وانتي منكده على نفسك وعلي انا بعد شكلي انا اللي بقدم استقالتك صدق وعد : ههههههههههههههه ماتوقعت الوظيفه صعبه كذا ليتني جالسه عاطله بس رهف : طيب شرايك البس فستاني الاحمر ؟ وعد : اي واحد ؟ رهف طلعته لها وعد : يجنن بس احسه اوفر شوي رهف وهي قدام المرايه الطويله وحاطه الفستان عليها : والله خاطري البسه من زمان وعد تضحك لها : البسيه البسيه لا تخلينها بخاطرك ياقلبي رهف : اوكي بتصل على البن.. ( قاطعها صوت جوالها ) لما شافت الاسم ابتسمت : يممه يالتخاطر رهف : هلاا ريوفي ريوف : هلاا والله شخباارك ؟ رهف : تمااام والله وانتي ؟ ريوف : تماام الحمدلله , وش بتلبسين لعزيمه بكره ؟ رهف وهي تضحك : بسم الله قلنا تخاطر بس مو كذا عاد توني اقول لوعد بتصل عالبنات اشوف بيكشخون مره ولا لا ريوف : هههههههههههههههه حتى همنا واحد رهف : صدق عاد نكشخ مره ولا لا ؟ ريوف تفكر : انا عن نفسي بكشخ مره يمكن نلقى ام مهندس ولا طيار ولا وزير ولا سفير رهف : هههههههههههههههههه اوكي اجل انا وانتي خلينا نكشخ والباقي بكيفهم اهم شي مااصير لحالي اوفر ريوف تضحك : افاا علييك مااخليك وانا ريوف في بيت ابو عبدالله الهنوف جالسة تكلم وجدان مكالمة فيديو وجدان : احس ماودي اروح وانا رجلي كذا والله مره متوهقه الهنوف : لا تصيرين سخيفه عادي وش فيها رجلك والحمدلله اللحين الجبيره شكلها مو بشع عادي وجدان : والله مدري عاد بشوف ,, وش بتلبسين طيب ؟ الهنوف : بلبس فستاني الابيض اللي طلبته قبل كم يوم وجدان : اييه عرفته يجننن الهنوف تفكر شوي : وجدان وجدان : هلا الهنوف : صراحه كنت متردده اتكلم ولا لا بس والله مااقدر اسكت اكثر وجدان بخوف : بسسم الله هنوف وشو ! الهنوف : لاحظتي شي في رهف ذاك اليوم في بيتكم لما كنا نعلم الجازي عن العيال ؟ وجدان وهي عاقده حواجبها : رهف ! لا وش فيها ! الهنوف : مدري يعني بس لاحظت انها كانت لاهيه بجوالها طول الوقت ولا اهتمت الا لما جا طاري عبدالعزيز وجدان : كيف يعني اهتمت الهنوف : اممممم يعني لما مشاعل قالت اسمه لفت بقوه كأنها متلهفه تشوفه وجدان وهي تفكر : لا لا صدقيني الهنوف انتي تتخيلين الهنوف : اتمنى ,, تدرين انا خايفه انه للحين عندها بسناب وجدان وهي تضحك : لا يكون تغارين عليه الهنوف بجدية : وجدان مو وقتك والله انتي عارفه اني مااكن له ولا نص مشاعر ,, انا خايفة عليها منه كلنا نعرف حقارته مايحتاج اقولك وش سوى فيني وانا بنت عمه كيف هي وجدان رجعت جديه : صدقيني مااتوقع يكون عندها للحين لأنها هي نفسها عارفه وش سوى فيك واكيد بتخاف وانا سألتها ذاك اليوم بس تقول حذفته من زمان الهنوف : المهم ماعلينا انتي وش بتلبسين ؟؟ كملو البنات مكالمتهم الساعه 8 رهف وافنان بنت خالتها جالسين بغرفتها افنان : بيكون عبدالعزيز معكم ؟ رهف : امممم اتوقع ايه مدري هو بيروح او لا افنان تفكر : يمه رهف كيف بتروحين معه ؟ رهف : خير وش اللي كيف اروح معه ماسويت شي غلط افنان : اضافتك له اكبر غلط رهف كنها تذكرت شي ونطت بسرعه عشان تاخذ جوالها من الطاوله : صحح انتي تبين تشوفينه ؟ افنان بحماس : ايييه طبعا ! عندك صورته ؟ رهف : ايييه مرسل امس بس مدري هي راحت ولا لا (رهف وهي تفتح جوالها ) تصدقين عاد اول مرره يرسل صورته من يوم اضفته افنان نقزت من السرير وجتها تركض رهف وهي رافعه حاجبها : لهالدرجه متشفقه على شوفته ؟ افنان تضحك : بدينا نغار ؟ رهف طقتها وبجديه : خير وش اغار ! وش بيني وبينه عشان اغار افنان : طيب ياللي ماتغارين وريني رهف فتحت الستوري وكانت الصوره بزواج ( مصورين مع المعرس عبدالعزيز وفيصل وخالد وسيف ) افنان اشرت على فيصل : هذاا هو ؟ رهف : لااا هذا اخو وجدان افنان : الله ابي اتزوجه رهف : تملك قبل كم يوم راح عليك افنان بحزن مصطنع : مييين اخذ ؟ رهف : مشااعل بنت عمه افنان تحاول تتذكر : اي وحدة ؟ رهف : تتذكرين اللي جت معي المطبخ وطولنا بعدين جيناكم تراها كانت لابسه فستان ازرق افنان : ايييه ذكرتها ,, قهر تصدقين ان هيفاء تليق عليه اكثر رهف : بسم الله وش عرفك بهيفاء وهي ماجت افنان : مو هي اللي صورتي معها سيلفي ذاك اليوم انتي والهنوف رهف تتذكر : اهااا ايه صح هي ,, بس بالعكس مره لايقه عليه مشاعل افنان : مشاعل حلوه والله بس هيفاء احلى بكثيير رهف : مشاعل ميزتها ملامحها دقيقة مررره احس لايقه معه مره والله ,ماتخيله مع هيوف ابد افنان اشرت على عبدالعزيز : هذا هو ؟ رهف وهي تطل معها بالشاشه : اييووه هذا عزيز افنان باابتسامه جانبيه : عزيز وحركات ميانه اجل رهف تتصنع عدم الاهتمام : والله اسمه طويل لازم اختصر افنان : ايه طيب طيب ,, هو اخو مشاعل وهيفاء صح ؟ رهف : ايه افنان : مايشبه لهم ابد تصدقين رهف : مو شرط يصير يشبه لهم راحت رهف على الكرسي افنان تنقل نظرها لسيف : وهذا الطويل ميين ؟ رهف : تستهبلين كلهم طوال افنان : لا شوفي هذا اللي جنب عبدالعزيز رهف : اهاا هذا سيف اخو ريوف اذا تذكرينها افنان : ابتسامته تججنن ماشاءالله رهف : مدري يخوفني شوي احسه مغازلجي افنان : صدق ؟ اجل عطيني رقمه بشبكه رهف : هههههههههههههههههههههههه ياربيه ليه بليتني ببنت خاله كذا افنان : والله مرره حلو واكثر شي عجبني فيه الغمازه رهف : خلاااص كلتي الولد بعيونك افنان نقلت نظرها لخالد : وش ذا العايلة المزز ! بسم الله ماشااءالله هذا ميين ؟ ( ودققت شوي وقالت وهي تضحك ) مو كنه يشبه عزيييز شوي ! رهف كانت جالسه عند المرايه تحط كريم : اكيد تقصدين عمهم خالد افنان وهي تتفل على الجوال : ماشاءالله جمييل افنان تلتفت على رهف : ابي اروح معكم دبي ممكن ؟ رهف : على اساس انهم بيتركون الشقر والاوروبيات اللي هناك ويلتفتون لك ؟ افنان وهي تحرك شعرها بغرور : انا احلى رهف : هههههههههههه اقول اخلصي بس عطيني جوالي افنان وهي ترجع تشوف الصوره : دقييقه اصبري بشوفهم زين ( وتقرب الجوال ) ياربي من التبن اللي مصورهم ليه بعيد كذا ( وبدون تفكير صورت الشاشه ) رهف نقزت من الكرسي وجت تركض يوم سمعت الصوت وبخووف : لا يكووون صورتي الشاشه افنان مصدومه : اييه ! ابي اشوفها زين رهف خذت الجوال منها ورمته على السرير وقعدت تدور بالغرفه : افناااان يازفت حسبي الله علييك وش سوييتي افنان تحاول ترقع الموضوع وتهدي الوضع : قولي له بالغلط رهف وهي مرتبكه مررره : خير وش اللي بالغلط واضحة مررره الله يقلعك وش اسوي اللحين ! افنان : ياغبيه شوفي لها 23 ساعه يعني مسستحيل يدقق لو انه افضى واحد بالعالم ماراح يشوفها رهف بتفكير وبخووف : تتوقعين ؟ افنان وهي تأكد على كلامها اللي قبل : ثاني شي هو مايعرفك صح ؟ ,, يعني حتى لو لوو شاف مااراح تفرق معه واجد رهف : يارب ماينتبه يارب افنان : طيب ماخليتيني اشوفه رهف تاخذ جوالها من السرير : لك وججه تقولين ابي اشوفه افنان جت وضمتها : اسفه اسفه اسفه اسفه بس والله مافكررت رهف فتحت الصوره مره ثانيه وهي ودها تجلد افنان افنان خذت الجوال وقعدت تشوفهم وتعلق من جديد افنان : خالد يشبه ب.. ( ورن جوالها ) ردت : هلا طلول ... عند الباب ؟ ... خلاص اوكي جايتك رهف : ياشيينك بتروحين الحين ؟ افنان : اي والله طلال عند الباب رهف : طيب بنزل معك بسلم عليه من زمااان مو شايفته افنان : يالله قومي عند الباب طلال بالسياره ينتظر افنان تطلع له طلعت افنان وقالت له ان رهف داخل تبي تسلم عليه نزل طلال بسرعه رهف وهي فاتحه يدها له : هلا هلااا هلاا بالقاااطع طلال يضمها وهو مبتسم : هلا فيييك يالواصله انتي رهف : شخبارك ياخايس من زمااان عنك طلال : خلاص دخلت الجامعه وتكبرت عليك رهف : تعال صدق وش غير رايك وخلاك تدخل الجامعه طلال : والله كل مادخلت شغله طردوني وغصبني الوالد ودخلت للجامعه رهف : زيين يسوي فييك والله سمعو صوت البوري طلال يضحك : افنان ذي يبي من يكسر يدها رهف : هههههههههههههههه رح لها لا تنزل تكوفنا هنا طلال سلم عليها وطلع في بيت الجده عبدالعزيز منسدح بالملحق لحاله ويشوف جواله وكل تفكيره في الكابتشر اللي من رهف وسمع صوت خالد يناديه بصوت عالي رفع راسه عليه : نعم وش عندك انت ؟ خالد : بسم الله وش رفعه الحواجب ذي والوجه الحاقد ,, من ناوي تذبح ؟ عبدالعزيز : ناويك خالد : طيب اصبر لما نرجع ولها الف حلال عبدالعزيز ضحك على هبال عمه ورجع يسهى خالد جلس جنبه وبجديه : فيه شي مضايقك ؟ عبدالعزيز : لا خالد ماحب يطول السالفه مسك جواله وسكت يوم الثلاثاء الليل ببيت ابو نايف الحريم والبنات دخلو الصاله وكان الكل مجتمع سلمو عالجميع وتحمدو لرغد بالسلامه وجلسو هديل بنت عم الجازي كانت جالسه بين العنود والجازي هديل : هذول جيرانكم ؟ الجازي : ايه هديل : مين هذي اللي لابسه فستان احمر الجازي : ماعرفتيها ! ذي رهف ال .... تراها جايه بزواج نايف اخوي هديل : ماشاءالله بيبي فيس والله احسبها بالمتوسط الجازي : ايه ماشاءالله كيوووت جواهر : هي اللي اختها وعد صح ؟ الجازي : ايوووه عليك نور جواهر : وينها وعد شكلها ماجت الجازي : ايه اتوقع ماجت ماشفتها هديل : لون شعرها يجنن ماشاءالله ودي اسألها وين صابغه فيه ( ورجعت تشوفهم ) طيب الحلوه اللي لابسه فستان ازرق ميين ؟ ماشاءالله جمييلة الجازي بضحكه : توقعت اول وحده تسألين عنها هي ذي هيفاء بنت عمهم هديل : بسم الله على قلبها تجنن ماشاءالله , طيب من ذي اللي قاعده تكلم ؟ لها غمازات شوفيها الجازي تدور بين عيونها عليهم : ايييه ذي ريوف هديل : ودي اقبص خدودها العنود : ذي لو تشوفين اخوانها رحتي تقبصين خدودهم كلهم هديل : ههههههههههههههههه ليه العنود : ماشاءالله يجننون الجازي : والله مو اخوانها بس حتى عبدالعزيز اخو هيفاء وعمهم ماشاءالله العايلة كلها جميلة جواهر بنت عمهم كانت جالسه جنب الجازي من الجهه الثانيه : ماشاءالله حتى عمهم شفتوه الجازي : اييه افا عليك هديل : ما احس اني حبيت رهف شوفي كيف تناظر ولا كنها تشوف احد الجازي : لا ترى طيوووبه مررره هديل : ما احس والله الجازي : الا والله اذا عرفتيها من قريب بتتأكدين من كلامي جواهر : صح وين الهنووف الجازي : شوفيهم كلهم دوري اكبر عيون فيهم هي الهنوف جواهر : هههههههههههههه اللي لابسه فستان ابيض ؟ الجازي : اييوه جواهر : صابغه شعرها اسود ولاهو كذا من الله ؟ الجازي : لا هو كذا هديل : ماشاءالله جمالها غريب الجازي : ايه تحسين كذا جمال قديم جواهر : طيب مين اللي لابسه وردي الجازي : فيه ثنتين لابسين وردي اي وحده تقصدين جواهر : اللي مكسوره رجلها ميين ؟ الجازي : هذي وجدان بنت جيراننا هديل : كلهم مطقميين غمازات الجازي : هههههههههههههههه تلاحظين بعد شوي راحو يتعشون بعد العشاء رهف واقفه قدام المرايه تعدل شعرها جتها حلا اخت الهنوف حلا : رهف رهف : لبيه حلا : ابي جوالك تكفين رهف : ليه وش تبين فيه حلا : ابي العب قلت لهنوف تعطيني ومارضت رهف فتحت جوالها وحطت اللعبه لها : خذيه بس لا تطلعين برا حلا ابتسمت بسعااده الساعه 10 البنات استأذنو عشان يرجعون البيت لان رحلتهم كانت الساعه 1 بعد ساعتين تقريبآ كلهم بصاله الانتظار بمطار الملك خالد الدولي رهف معصبه لان مامداها تمسح الميك اب حقها : اللحين معقوله ولا وحده منكم جايبه ميسيلار او مناديل مرطبه ؟؟ الهنوف : انا معي بس بشنطتي الكبيره رهف : احلفي بس (سكتت شوي) يالله وش اسوي اللحين احس كلن يطالعني مطار والساعه 12 وجايه بهالميك اب مشاعل : لحظظه معي كريم مو معطر يمكن ينفع تشيلين فيه رهف : عطينياه حتى لو ماينفع اخليه ينفع مشاعل طلعت من شنطتها كريم ومدته للبنات لين وصلوه رهف رهف ارسلت لها بوسه من بعيد وقامت للحمام بسرعه عشان تمسح الميك اب لما طلعت من الحمام راحت لجهه الكوفيهات عشان تاخذ لها قهوه لما قربت من ستاربكس شافت عبدالعزيز جت بترجع بس لاحظت انه ملتفت ويشوفها وحست ان مالها داعي ترجع تصنعت عدم الاهتمام ومشت وهي تقول بنفسها : غبيه غبييه يارهف ماشتهيتي قهوه الا اللحين حبكت يعني !! وقفت وكانت قريبه من عنده وتشوفه مااخذ الكوفي حقه بس مازال واقف استغربت وقالت طلبها عبدالعزيز بصوت واطي زاد صوته بحه : وش تبين مني ؟ رهف استغربت من الكلمه ولفت عليه ورجعت وجهها قدام وهي عاقده حواجبها عبدالعزيز بنفس الصوت : اضفتيني بأسم مبهم ماقلت شي سويتي كابتشر على صورتي ماقلت شي اتصلتي علي اليوم وبرضوو ماقلت شي ,, بس تشوفيني عند كوفي وتجين ؟ الى متى ؟ فهميني وش تبين توصلين له يابنت الحلال رهف قلبها قام يدق بسررعه وهي تحاول تتذكر متى اتصلت عليه ولفت عليه وتحاول تستجمع قوتها : انت مصدق نفسك تدري ؟ عبدالعزيز بنفس البحه : ليه ما اصدق نفسي اذا كل شي يدل على انك تبيني ( واسترسل ) حلا وهي حلا لو اسألها بتقول انك تبيني بما انك مخليتها هي اللي تتصل رهف لفت عليه بعصبيه : خير وش اللي خليتها تتصل ومدري ايش تراك والله العظيم ماخذ بنفسك مقلب متى اتصلت عليك !! عبدالعزيز بثقه : الساعه 9 ونص بالضبط رهف تذكرت ان حلا اخذت جوالها وغمضت عيونها ماتدري وشلوون تحس عقلها متخربط ماتوقعت انه عارفها من زمااان وماتدري وشلون تقنعه بسالفه الكابتشر والمكالمه تحس كل شي تجمع عليها رهف بهدوء : مو انا اللي متصله عليك عبدالعزيز ضحك ضحكه عاليه وطلع جواله وهو يوريها حسابها وفيه المكالمه : مو هذي انتي ؟ رهف ودها تنشق الارض وتبلعها عبدالعزيز ابتسم وهو يشوفها ماسكه كوب القهوه : انتبهي لاتضغطينها بقوه وتنكب على يدك رهف فكت الكوب ولفت عنه ومشت عبدالعزيز وهو يضحك : طيب خذي قهوتك رهف تجاهلت كلامه وراحت بسرعه وهي بالطريق مسكت جوالها وبدموع نازله على وجهها عطته بلوك واتصلت على افنان بسرعه رهف : افنان الله ياخذك وياخذني وراك افنان بصدمه وصوتها كله نوم : شفييك بسم الله رهف ودموعها تنزل على وجهها وبصوت متقطع : يعرفني يا افنان يعرفني وشاف الكابتشر وامس بنت عمه الصغيره معها جوالي واتصلت عليه بالغلط ,, تخيليي انتي تركت كل اللي عندي واتصلت عليه هوو ,, افناااان ندمت اني اضفته ندمممت بنات عمه كلللهم قالو لي وحذروني منه بس انا ماسمعت كلامهم افنان بخوف : لايكون سوا لك شي ! رهف علمتها السالفه افنان : طيب حذفتيه ؟ رهف : طبعا بلوك وديليت افنان : طيب كويس الحين تجاهليه تمامآ وحاولي انك ماتصيرين معه بمكان واحد رهف : هو الحين مقتنع اني ابيه وانا ما الومه لان كل اللي صار مايثبت الا شي واحد هو اني ميته عليه وثاني شي مضطره اني اشوفه كل يوم لاننا بنطلع ونرجع سوا افنان وهي تفكر : ولو حاولي تتجنبينه تمامآ سمعت رهف النداء على رحلتهم : افنان بروح اللحين افنان : اوكي واذا صار شي جديد علميني رهف : اوكي سكرت وراحت الحمام بسرعه تغسل وجهها طلعت وهي تدعي ربي انها ماتشوف عبدالعزيز انتهى البارت اتمنى تعطوني رايكم وتوقعاتكم لأبطالنا | ||||
|
| |
|
27-02-19, 03:27 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -22- وصلو مطار دبي الساعه 3 الفجر وراحو الاوتيل عشان ينامون لما جت الساعه 9 قام خالد وراح المطار لان بعض شناطهم ماوصلت خالد كان جالس بالكوفي يشرب امريكانو عشان يصحصح ومو قادر في اللحظه نفسها كانت وعد توها واصله ومتجهه للكوفي بتاخذ لها كروسان وقهوه بعدين تروح للفندق جلست بالطاوله اللي ورا خالد وكان معطيها ظهره اتصلت على رهف وبعد كم رنه ردت عليها رهف بصوت مليان نوم : هلاا وش تبين وعد وهي رايقة مرره : يالله حي هالصوووت رهف تبعد الجوال عن اذنها عشان تشوف الساعه : الله لا يحييك وش تبين بهالوقت وعد : هههههههههههه انا بمطار دبي اللحين رهف طلعت عن البنات عشان ماتزعجهم : اماا اللحين !! ياويلك من خالد وعد : والله يسوي اللي يبي ماعاد تفرق معي رهف : متى تجين الفندق طيب وعد : بفطر بس و انتظر شنطتي توصل رهف : ايه تدرين حتى بعض البنات ماوصلت شناطهم وعد : ايه كعادة الخطوط السعودية مو شي غريب ,, انتي وصلت شنطتك ولا رهف : ايه اساسا كانت معي ماشحنتها وعد : اييه ياحبيبتي يحق لك نص اغراضك خليتيها معي قاعده اجرها كأني مهاجرة خالد كان وراها ويحس ان الصوت مو غريب عليه بس ما التفت رهف : طيب ممكن تخليني انام شوي ؟ مرره مرره دايخه وعد : لا ياعمري سولفي معي والله طفشانه رهف انسدحت على الكنب وهي حاطه يدها على راسها وفيها الصيحه وعد : وش فيك ساكت... رهف قاطعتها : يالله سولفي علي ولاتنتظريني ارد تكفين وعد : ههههههههههههههههههههههههه تلعبين علي يازفت ؟ رهف : ان طولتي صوتك بقفل بوجهك وعد بصوت عاالي : انا وعد بنت سعود تقفلين بوجهي ؟؟ رهف : اييه اسويها ليه لا وعد : هين يارهف اغراضك اللي معي كلها بتتوزع على عمال مطار دبي واذكرك وسكرت بوجهها وهي تضحك الوضع عند خالد كان غير قاعد يربط المواضيع كلها ببعض خالد بنفسه : معقوووله الدنيا صغيره لهالدرجه !! صارت موظفتي اخت تركي ورهف !!! بعد نصف ساعه خالد كان ينتظر الشنط واتصل على فيصل فيصل كان يوقف السيارة : وصلت وصلت خالد : خلاص لاتنزل انا بجيك فيصل : اوكي انا قدام بوابه ... سكر منه خالد جمعته الصدفة مع وعد مره ثانيه عند سير الشنط كانت تحاول تشيل شناطها ومو قادره جاء هو وبكل سهولة شالها وعد وهي مبتسمه : شكرا اخوي خالد بابتسامه : العفووو (ولف عنها) وعد رفعت راسها و شافته على جنب وتلاشت ابتسامتها مصدوومه وش هالصدفة اللي جمعتها مع مديرها عند سير الشنط وبهالوقت وبمطار دبي عقلها مو مستوعب خذت شنطتها ومشت بسرعه وهي تتصل على تركي بعد كم مكالمة مارد عليها واضطرت تااخذ تاكسي اول ماركبت بسرعه اتصلت على رهف ولقت جوالها مقفل وعد : مووو وقتك يارهف موو وقتك وصلت الفندق وتوقعت محد راح يفتح لها من البنات وحجزت لها غرفه عشان تنام فيها بنفس اليوم الساعه 12 ونص الظهر خالد الوحيد اللي صاحي والعيال كلهم نايمين خالد بصوت عالي : قوومو يازفت انت وياه جايين هنا عشان تنامون ؟ عبدالعزيز بصوت كله نوم وكان معصب : اطلللع وسكر الباب وراك ولا بذبحك خالد وهو يضحك : انت ناوي تذبحني من كم يوم الله يستر منك عبدالله : خالد والله انا اللي بقوم عليك لو ماطلعت وسكرت الباب خالد يغني بصوته النشاز : ماااهقييت انك تجرررح عزتي هقوووتي بك يانظر عيني رحييم سيف : انا كنت ناوي اقوم بس من عقب مزعل فرحان غيرت رايي خالد : هههههههههههههههههههههه انقلع انت وياه بروح لبنات اخوي حبيباتي والله ماينفعني الا هم ماجد : رح رح الله يهنيك بس سكر الباب وراك تكفى خالد هز راسه : مافييه فاايده وطلع واتصل على مشاعل عشان تجهز وتقول للبنات يجهزون بعد نص ساعه طلعو البنات كانو جنب دبي مول ف مايحتاجون سيارة راحو على طول للمطعم خالد يناظرهم وكانت عيونه تدور وعد : كأنكم ناقصين وجدان وهي تلف على البنات تشوفهم : ايه ريناد وغدي وجمانه وريما نايمين خالد : بس ؟ وجدان ترجع تشوف : ايه بس ,, لييه من فاقد انت ؟ خالد : لا ولا احد مشاعل : غريبه عمي وين الباقي خالد يبتسم : من تقصدين الباقي حددي مشاعل : يعني اخواني وعيال عمي خالد : وفييصل ؟ مشاعل وجهها على طول صار احمر : لا لا ماقصده خالد وهو رافع حواجبه : علييينا ؟ مشاعل : والله مااقصده لحاله ,, كلهم يعني خالد وهو يضحك : كلهم بسابع نومه وجدان تلف على رهف : وعد ويينها ماوصلت للحين ؟ رهف تطق راسها : الااا صح نسييتها وصلت الصبح هيفاء : غريبه ليه هي ماجت معنا امس ؟ رهف بحقد : مديرها خالد الككلب مارضى يعطيها اجازه خالد يناظر رهف بأبتسامه : معاك الكلب شخصيآ رهف انقلب وجهها وبسرعه : لا لا انا اقصد مدير وعد مو انت خالد بنفس الأبتسامة : طيب انا مديرها البنات ماستوعبوا باستثناء ريوف اللي على طول ضحكت ضحكه عاليه ريوف ودموعها تطلع من الضحك : هههههههههههههههههههههههه انت مديررها الككلب اللي مابقى احد ماسبه ؟؟ خالد وهو مازال محتفظ بأبتسامته : الله الله البنات قعدو يضحكون ورهف منحررجه وتسب نفسها بداخلها رن جوال خالد بهاللحظه : هلا عزوز .. غريبه وش صحاك .. هههههههههههههههه شكلي بعتمد مزعل فرحان كل يوم .. هههههههههه طيب تعال لمطعم جيا ... اييه اييه بالضبط ... اوكي ننتظرك رهف تتمنى انها بالرياض بهاللحظه خلاص كل شي تجمع عليها وزياده على كذا بيجي عبدالعزيز رهف تهمس للهنوف : انا برجع الاوتيل الهنوف بنفس الهمس : خيير ليه وش فيك ! رهف : منحرجه من عمك مره مرره مااقدر اشوفه الهنوف تمسك يدها : اقول بلا سخافه عمي خالد حليل مايقول شي رهف : تكفيين الهنوف برجع والله مااقدر الهنوف : ان ماسكتتي بقول له عشان تنحرجين اكثر رهف تفتح عيونها بقوه : والله لااذبحك الهنوف بااصرار : والله والله لااقول له ماامزح رهف بقلة حيله ورجاء : الهنووووف الهنوف تبتسم ابتسامة نصر : اجلسي مكانك ولا كلمة بعد ربع ساعه جاء عبدالعزيز وجلس وطلبو لما وصل الاكل كلهم كانو ياكلون باستثناء رهف اللي تحرك شوكتها بالصحن وجالسه متوتره ماقدرت تاكل بوجودهم كلهم ومن بعد المواقف اللي حصلت لها تتمنى يخلصون بسرعه عشان ترجع من جهه ثانية عبدالعزيز اذا لاحظ اللكل مشغولين يخطف رهف بعيونه يشوف وش تسوي وهم يسولفون قال عبدالعزيز بشكل مفاجئ : فيه ناس هنا ماعجبهم المطعم مشاعل واللقمه ماليه فمها : ميين الاغبياء ذولي ؟ والله يجننن عبدالعزيز ينقل نظرته لهم كلهم وبسرعه قال : خالد من يوم جلسنا وهو ماسك جواله خالد يرفع راسه ويعقد حواجبه : من جدك انت ! لحست الصحون كلها بس جاني ايميل مهم ورفعت جوالي ,, وبعدين وش فيك شايل هم اكلي لهالدرجه ؟ عبدالعزيز : مدري اخاف يغمى عليك فجأه تعرف انت اللي فيهم ربو وسوء تغذيه نخاف عليهم من كل شي رهف قعدت تكح والهنوف عطتها المويه بسرعه خالد : شكلك دايخ والله من اللي فيه كل ذا ! لا يكون انا ؟ عبدالعزيز : ايه انت صح ! خالد بدون تفكير : يمكن تقصد عبدالله هو اللي فيه ربو عبدالعزيز : ايه عارف عن عبدالله انا بس كني اذكر انك انت بعد ؟ خالد : لا لا الحمدلله تتخيل وانا عمك كان بالجلسه شخصين فاهمين كلام عبدالعزيز غير رهف طبعآ الهنوف ووجدان الهنوف تلف على وجدان وكلهم مستغربين ليه يقول كذا ! رهف قامت تبي تروح الحمام وقامت معها وجدان لما وصلو قعدو يعدلون حجاباتهم وجدان وهي تجدد الروج : عبدالعزيز يقصدك رهف سكتت وجدان : بينك وبينه شي صح ؟ رهف بسرعه : لا .. وجدان : شفتكم عند ستاربكس امس رهف تحاول تخفي ربكتها : ايه طيب عادي كان يشتري قهوه وجيت انا بطلب ولا حرام يعني ؟ وجدان : شفته قريب منك ويكلمك ,, رهف العبي على كل الناس الا علي ( وسكتت شوي ) عمومآ انا مالي اي دخل ولا لي حق احاسبك انتي كبيره وتعرفين مصلحة نفسك وحذرتك منه قبل وهنوف حذرتك بعد بس على راحتك وفتحت الباب طلعت رهف تحس التوتر زااد وقامت تااخذ نفس عمييق وتحاول تهدي الوضع غسلت وجهها وحست ان شفايفها شاحبه شوي حطت مرطب وطلعت ورى وجدان طلعو وتمشو بالسوق وخالد رجع الفندق عشان ينام المغرب الساعه 6 ونص وعد توها تصحى من النوم خذت جوالها واتصلت على رهف رهف كانت جالسه على الكراسي في المول تنتظر البنات يخلصون متسوقين رن جوالها وردت رهف : اول مره تتصلين بوقت صح وعد : الحمدلله بخير انتي وش اخبارك رهف : شخباارك ههههههههههههههههه وعد : توني صااحيه وينكم انتم رهف : بالمول ,, وين نمتي فيه ؟؟؟ وعد : خذت لي غرفه رهف : ليه ماجيتي معنا ! وعد : لا ياشيخه مسكره بوجهي ومقفله جوالك ولك وجه تقولين ليه ماجيتي معنا رهف : زعلتي يعني ؟ وعد وهي تضحك : لا خير بس ماحبيت ازعجكم كنتو توكم نايمين رهف تتذكر وبحماس : تعاااالي ماقلت لك وعد بنفس الحماس : لحظه خليني اقولك اناا قبل ,, تخيلي من شفت اليوم بالمطار ؟؟؟؟ رهف : ميين ؟ وعد : مديرري ! تخيييلي !!!!! رهف : هههههههههههههههههههههههه طيب عرفتي منهو مديرك ؟؟ وعد : خالد الزفت ! رهف : تدرين انه عمهم وعد مااستوعبت : عم مين ؟؟ رهف : ياغبيه عم الهنوف والبنات وعد اللي كانت منسدحه فزت وجلست بسرعه وبصوت كله صدمه : كككذابه ؟؟؟ رهف : قسسم بالله وعد قعدت تكح رهف : ازيدك من الشعر بيت ( وعلمتها سالفه المطعم ) وعد : ياربييه رهف انتي سبيتيه عندهم لين راحت ذنوبه كلها لدرجة انك خليتيهم يسبونه معك !! وش رده فعلهم يوم درو انه هو رهف وهي تضحك : ميتيين ضحك ومصدومين وعد : مابي اطلع معهم خلاص والله فشييله رهف : اقول خلي عنك حركات البزران وتعالي السوق ,, بعدين الفشيلة علي انا اللي سبيته قدامه وعد تضحك : طيب لا تعصبين بتحمم واجي سكرت منها جت وجدان وجلست عند رهف وهي تلهث من التعب وجدان : خلاااص رجليي رجليي مااتحمل رهف : كل دقيقتين راكبه بسياره وتقولين رجلي ! وجدان : هم يوقفون لي وش اسوي هههههههههههههههههههههه رهف : بعذرهم من مشيتك وجدان : تعالي بس شرايك نروح كوفي مشتهيه قهوه مع اجواء رايقة رهف : اصبري بتجي وعد اللحين ونروح سوا وجدان ضحكت : شكلها لاهيه ترسل ايميلات لمديرها الكلب رهف : ههههههههههههههههههههه ماتت يوم علمتها انه عمكم وجدان : ليييش علمتيها ابي اشوف وجهها لما تشوفه معنا رهف وهي تضحك : لا حبيبتي عمك لعب بنفسيتها ماابي اختي تتدمر اكثر وجدان : هههههههههههههه يختي انا مصدومه وش هالصدفه ! كملو سواليفهم بالاوتيل خالد توه صاحي على رنه جواله رد بدون مايشوف الاسم سيف : وييينك يارجال لنا نص ساعه ننتظرك خالد : والله كنت ناوي اقوم اتروش واجيكم بس مدري شصار ونمت ثانيه سيف : بتجي الحين ولا نتعشى ؟ خالد : خلاص خلاص شوي وجايكم عطوني ربع ساعه بالكثير عند وعد طلعت من الحمام وقعدت تجفف شعرها بالاستشوار بعد ثلث ساعة تقريبا طلعت وعد وركبت الاصنصير ونزلت ووقف المصعد في واحد من الادوار وانفتح دخل خالد وهو مستعجل بدون مايلاحظ وجودها عينه كانت على جواله وشعره كان مبلول وقاعد يحركه بيده بسرعه عشان ينشف وعد كانت منحرجه مررره وبنفسها : ماحلت له الطلعه الا بهالوقت وطلعت جوالها ومسكته تحوس فيه ,,, كانت اطول دقايق مرت عليها بحياتها خالد عرف انها وعد بس متجاهلها تمامآ مايبي يحرجها طلعو من المصعد سوا وطبعا كانو قاصدين الوجهه نفسها وعد يوم شافت الوضع كذا لفت للجهه الثانية وجلست باللوبي وسوت نفسها تكلم عشان يروح وماتكون جنبه طول الوقت بعد 10 دقايق قامت وراحت المول واتصلت على رهف وعد : ويينكم بالضبط رهف : لا لا كان طولتي اكثر بعد وعد : ههههههههههههه بعدين اقولك ,, المهم وينكم رهف : تعالي انا ومشاعل ووجدان في جوز كافيه وعد : اوكي 5 دقايق واجي جتهم وعد وجلسو يتقهوون ويسولفون بعد ساعه ونص تجمعو البنات في مطعم وتعشوا ورجعوا يكملون سهرتهم في الاوتيل يوم الخميس الصباح كل البنات نايمين الا وجدان صحت من رساله جايتها كانت ريوف جنبها نايمه صحتها بصوت واطي عشان تنزل تفطر معها وماردت ,, والهنوف جنبها من الجهه الثانيه كانت مستغرقه بالنومه لما شافت ان مافي فايده قامت تتحمم وتلبس عشان تنزل بعد ربع ساعه كانت تحت وهي قاعده تصب لها عصير حست بشخص جنبها بس مالفت سيف : صباح الخييير يابنت خالي وجدان لفت بأبتسامه : صباح النوور سيف : معك احد من البنات ؟ وجدان : لاا كلهم نايمين سيف : نفس اللي عندي محد رضى ينزل يفطر معي وجدان : هههههههههههههه كالعاده سيف ابتسم لها وجا بيروح بعدين رجع بسرعه : تعااالي ماسألتك وجدان لفت عليه باهتمام : هلا سيف : شخبار التلخيص عساه اعجب الدكتورة وجدان بحماس : اييييه شكررا مررره سيف والله اعجبها مرره وحتى بنات الشعب الثانيه يقولون قطعتك بالمدح سيف ابتسم لين بانت غمازته : اششوا والله كنت شايل هم وجدان : والله ماقصرت الله يخلييك سيف : ولو احتجتي شي ثاني انا بالخدمه بس كلميني انا حتى مايحتاج تكلمين ريوفي وجدان : تسلم والله ماتقصر سيف : الله يسلمك وجدان : يالله اجل مااعطلك عن فطورك بالعافيه سيف ودعها بأبتسامه ولما راحت تنهد وهو مغمض عيونه ثم خذ الكاس عشان يصب له عصير في الرياض نوره والجده قاعدين يتغدون ام محمد : ذبحني هالولد جبت له اسماء كل البنات ومعيي يقول انا بختارها بنفسي نورة : وش رايك في الجازي بنت ام نايف ام محمد : والله انها جايزه لي من زمان وودي فيها بس احسه كبير عليها ولا ؟ نورة : لا يمه موب كبير عليها ولا شي بالعكس ام محمد : ننتظره اجل لين يجي ونشوف نورة : بس يا يمه لا تضغطين عليه وتجبرينه اخاف يظلم بنت الناس معه خليه على راحته ام محمد : والله ودي اشوف عياله وبعدين ماهو صغير الله يهديه نورة : بس ولو ان شاءالله اذا جاء نصيبه بيتزوج حتى لو عمره 60 في دبي العيال كانو سهرانين يتابعون مباراة ولما خلصت كلهم نامو بنفس السويت قام عبدالله وفتح اللمبات وشاف اشكالهم ومات ضحك السراير ماتكفيهم ونصهم نايمين بالارض عبدالله : مااقول الا خسارة الفلوس على الغرف اللي انحجزت حبكت الا تنامون هنا !! ( وبصوت عالي ) عياال يالله قووومو ورانا فعاليات اليوووم على كييف كيفك سيف اللي كان نومه خفيف تحرك : عبدالله انقلع وسكر اللمبه والباب لا تشوف شي مايسرك عبدالله : والله عرفت شعور عمي خالد وهو يقومنا امس ماجد : كم الساعه ؟ عبدالله : 5 المغرب ماجد فز : مو من جدك عبدالله : والله سيف قام وهو يتفقد جيوبه يدور جواله عبدالله : يالله خالد تركي سلمان مشيعل عبدالرحمن عزييززز يوم شاف مافيه فايده شغل اغاني بجواله وطول صوت السماعه وطلع العيال قامو وهم يتأففون ماشبعو نوم بسويت البنات كان العكس تمامآ صاحين كلهم وجالسين يتقهوون ويسولفون ريوف : ماحبييت فستان الجازي احس موضته قديمه رهف : ايه انا استغربت انها لابسه كذا عاد هي ذوقها مو شين وجدان : موضته قديمه بس والله جسمها محليه مشاعل : انا حبيت لبس العنود مرره مررره كان ودي اسألها من وين بس استحيت والله وعد : على طاري الفساتين متى زواجك مشاعل مشاعل استحت وبأبتسامه : شدراااني الهنوف تفتح عيونها بقوه : بسم الله عليك ورا وجهك صار كذا هيفاء وهي تضحك : اذا بغيتيها تتلون قولي فيصل بس واحيان لو قلتي في بس مو لازم تكملين الاسم مشاعل طقتها وهي تضحك : سخيفييين وجدان : كل شي الا زوجه اخوي لحد يحرجها خلاص الهنوف : والله جد ماحددو موعد ؟ وجدان وهي تضحك : فيصل مستعجل مره يقول بعد مانرجع من دبي مشاعل فتحت عيونها بقوه : لااااا وجدان : انا قلت لهم لاااا بعد لين تشفى رجلي مره بعدين سووه بكيفكم مشاعل : بدفك مع الدرج عشان تنكسرين مره ثانيه وجدان شهقت : ياحيوووانه ههههههههههههههههههههههههه ريوف : يمه وجدان والله تسويها مشاعل والله ! مشاعل : ايه اجل ما اسويها نورة : ههههههههههههههههههههههههه ههه غبية قسم بالله مشاعل تلتفت على نورة : والله كنت امزح بس بديت افكر فيها بجديه بهاللحظه رن جوال مشاعل اللي كان عالطاوله يشحن وكانت ريوف جنبه جالسه على الكرسي طلت عليه تبي تشوف ريوف : بنات ابشركم العيال صحو مشاعل : من اللي متصل عزوزي ولا سلوم ؟ ريوف وهي تضحك : لااا فصوولي رهف بصوت عالي : ياعيييني ياعييني يتصل عليها اول مايصحى من النووم لنا الله مشاعل وجهها تقللب الوان البنات ماتو ضحك قامت وخذت جوالها وراحت الغرفه الثانيه وهي تسمع ضحكهم عليها مشاعل ردت : اهلين فيصل : ياهلا والله ومرحبا بهالصوت مشاعل بحياء : وش اخبارك ؟ فيصل : تمام ياعمري شخبارك انتي ؟ مشاعل وهي تحس ودها تموت من الحياء : ت..مام فيصل : شفيك ترتجفين ؟ مشاعل : مارتجف بس بليز فيصل بشويش علي ترى ماتعودت احد يقول لي كذا فيصل : لحظه لحظه وش اسمي ؟ مشاعل : وخرر بس حرام عليك احتريت فيصل : ههههههههههههههههههههههههه ه ياحلوو اسمي بلسانك مشاعل سكتت وهي تلعب بشعرها بحياء فيصل : شوشو مشاعل : لا تقول شوشو ماحبه فيصل : شووشووو قلبي مشاعل سكتت فيصل : تجهزي بطلع انا وياك مشاعل : ويين ؟ فيصل : حاجز لنا بمطعم عشاء شخصين بس مشاعل وهي مازالت تلعب بشعرها : والبااقي وين بيروحون ؟ فيصل : وش علي من الناس دام انتي معي ؟ مشاعل ابتسمت : اوكي متى ؟ فيصل : الحين تجهزي واذا خلصتي علميني اجي اخذك مشاعل : اوكي فيصل : يلا تامريني على شي ؟ مشاعل : سلامتك فيصل ابتسم : الله يسلمك مع السلامه مشاعل : مع السلامه سكرت منه وانسدحت على السرير وهي مبتسمه لما قامت شافت الهنوف ووجدان جالسين على السرير الثاني وميتين ضحك مشاعل تفتح عيونها بقوه : منن متى انتم هنااا ؟ وجدان : من يوم قلتي ( وتقلد الرجفه اللي بصوتها ) ت...مااا.م قامت مشاعل ونطت على السرير عليهم وقامو يتهاوشون باستهبال وجدان تصارخ : رجلي رجلييي مشاعل صدقت وقامت عنها بخوف : وش فيييك وجدان : ههههههههههههههههههههههههه هههه مشاعل يوم درت انها تستهبل رجعت تنط عليها خالد كان طالع وسمع صوت الصراخ بسويت البنات وجا طق الباب كانت وعد توها بتدخل المطبخ وسمعت الباب وجت عنده وعد : مييين ؟ خالد ميز صوتها وسكت مارد وعلى طول حط يده على العين السحريه وعد حاولت تشوف من العين السحريه بس كانت ظلام توقعت انها عاملة الاوتيل فتحت الباب بدون تفكير وشافت خالد واقف قدامه رجعت ورا بسرعه وصفقت الباب بوجهه خالد كان مبتسم ويوم صفقت الباب بوجهه ارتاع رجع يطق الباب وعد دخلت عند البنات وهم يتهاوشون وعد : هييه انتي وياها عمكم عند الباب افتحو له وجدان : ههههههههههههههههه احس ودك تقولين شي بعد عمكم بس استحيتي وعد عرفت وش تقصد وضحكت : اقول قومي شوفيه وش يبي الهنوف : يمه يممه منهم البنات خايفه يطول عند الباب ويطفش ؟؟ وعد تفتح عيونها بقوه : خييير شدخخل ؟ مشاعل وهي تبعد البنات عنها : وخرو ذكرت فصوول ينتظرررني قامت مشاعل بسرعه وجدان : اخخخ ياقلبي ماعاد ادري استقعد لمين وعد ولا مشاعل وعد ضحكت وطلعت من عندهم الهنوف لفت على وجدان : حرام عليك احسها انحرجت مره وجدان وهي تضحك : تسب في عمنا لها شهرين هي واختها لدرجة خلونا نسب معهم ,, لازم اطلع السب كله من عيونها اصبري علي بس الساعه 8 الكل كانو بمطعم يتعشون المطعم كان ززحمه مره ومالقو الا طاوله وحده كبيره مره اضطرو يجلسون عليها كلهم كانو البنات من جهه والعيال من جهه ثانيه رهف ______الهنوف هيفاء ______ وعد ريوف ______ وجدان ريما _______ غدي نوره _______ جمانه ريناد _______ ريم سيف _______ عبدالعزيز خالد _______ ماجد تركي ______ سلمان مشعل ______ عبدالرحمن بعد ماجا الاكل وعم الصمت على الجميع خالد : وييين فصيل ومشاعل وعبدالله فاقدهم ماجد : عبدالله مواعد واحد ورايح معه يتعشون خالد : وفيصل ومشاعل ؟ عبدالعزيز وهو يتصنع العصبيه : رايحين يتعشون خالد يناظره : وانت وش فيك معصب كذا ؟ ماعجبك ؟ عبدالعزيز : انا محذره قايل له يستأذن مني قبل كل طلعه سيف : ههههههههههههههههههه تراك لاعب بنفسيته من زمان الرجال قام يفضفض لنا ماجد : هههههههههههههههه اييييه اشوفه يقول صرفوه عبدالعزيز : والله ماخليه يتهنى لين الزواج بطلعها من عيونه هههههههههههههههه مشعل مسك جواله واتصل على فيصل مشعل : يالله حيه ... وينك .. ماتحس انك زودتها مع اختنا ؟ ( وسمعو صوت فيصل وهو يهاوش ) كلهم قامو يضحكون عليه عبدالعزيز وهو مبتسم : هاته هاته تكفى مشعل مرر عليهم الجوال لين وصلوه لعبدالعزيز عبدالعزيز : هلا اخ فيصل .. لك للساعه 9 ان ماجتنا اختنا كامله الى ذاك الوقت بيكون لي تصرف ثاني معك ( وسكر السماعه ) تركي : الحمدلله اني مو فيصل عبدالعزيز يضحك : اجل يحسب الدنيا فوضى ماجد : والله ياعزيز كنت بقول حوبة فيصل بترجع لك اذا تزوجت بس من يقواك انت عبدالرحمن : وجدان متى تتزوجين عشان اتهاوش مع زوجك كذا وجدان غصت بلقمتها خالد : ههههههههههههههههههههه الله ياخذك ياعبدالرحمن ذي مواضيع تسولف فيها قدامنا كلنا ؟ عبدالرحمن : والله غرت من مشيعل وعززيز سلمان : خلك مثلي اجمعهم بالخش والدس عبدالرحمن : لا لا شغلك مايحمس والله نورة : لا تنحشون الرجال ماصدقنا على الله يتزوج مشاعل سلمان : لا لا ميت فيها ماعلييك والله يتركنا كلها ولايتركها الهنوف : الله يهنييهم اللكل : امييين الهنوف سرحت شوي وهي مبتسمه من جهه ثانية تركي كان يتأملها بدون مايحس بنفسه ويحس بداخله شعور واشياء حلوه كأن مافيه هالطاولة الكبيره الا الهنوف وابتسامتها الهنوف رفعت عينها و لاحظت نظراته لها وارتبكت وهو حس على نفسه ورجع نظره للاكل اللي قدامه بعد ماخلصو العشاء عبدالعزيز وسيف ومشعل وعبدالرحمن وخالد والبنات راحو البحر والباقي راحو يخلصون اشغالهم البنات بفرشه والعيال بفرشه بس قريبين من بعض نورة : مشيعل اطربنا مشعل : عييدي ؟ وش اسمي ؟ نورة : مشعل مشعل مشعل : ايه كذا كويس ( ولف على عبدالعزيز ) العود معك ؟ عبدالعزيز : ايه بالسياره مشعل قام يجيبه رجع لهم وجلس رهف بصوت واطي : ياربيه هالولد ماشاءالله بس هيفاء : من يوم قلت له رهف معجبه فيك وهو خاق رهف فتحت عيونها : نعععم !! قلتييي له ؟؟ هيفاء : هههههههههههههههه ايييه رهف : اماانه هيفاء قولي انك تمزحين هيفاء : والله عادي شدعوووى رهف : حسبي الله على ابليسك ياربيه فشيله وجدان : عاادي تراه صغير مو كبير الهنوف : احس مشعل وعبدالرحمن لو صارت اعمارهم 40 يبقون صغار بعيوني رهف : عبدالرحمن اعرفه من زمان عاادي بس مشعل خيير مالي اي احتكاك فيه ,, الله يقلعك ياهيفاء خالد : من قاعدين تحشون فيه ؟ عبدالرحمن : احس اني سمعت اسمي نورة : محد طق خبرك عبدالرحمن : اوكي شكرا بدا مشعل يغني وكان الجو جدا لطيف فيه نسمة هواء بارده الكل سهى بأفكاره ومستمتعين ججدآ بالصوت كان يغني ليلة خميس لما خلص الكل قعد يصفق له رهف خذت جوالها وشافت رسالة من تركي لفت على وعد : وعد تركي يقول يالله الهنوف : خييير وين بتروحون ! رهف : بكره عندي موعد الصباح بننام بدري الهنوف تتذكر : اهاا ياسخفك مالقيتي الا اللحين رهف : والله وش اسوي حبيت استغل تركي بما انه معنا وكذا الهنوف : اوكي ياقلبي الله ييسرها عليك رهف : امييين راحت هي ووعد ريوف اللي كانت بعيده شوي عن الهنوف : خيير الهنوف موعد ايش اللي تقصده ؟ استحيت اسأل الهنوف : ظهرها فيه مشكله وفيه مركز في أبوظبي معروف وكانت من زمان ناويه تروح له ريوف : خير عسى ماشر ؟ يعني شي كايد و لا ! الهنوف : من يوم هي صغيره جاهم حادث وصار لها كذا ريوف : اهااا ياعممري هي والله وجدان : غريبة مااعرف عن هالسالفه ابد هيفاء : حسبي الله عليك يالهنوف ضيقتي صدري الهنوف فتحت عيونها وهي تضحك : خيير ترى مشكله قديمه والبنت متعايشه معها عادي هيفاء : بس ولو والله رهوف ماتستاهل عند الشباب خالد : يالله دورك يابو العز اللحين عبدالعزيز اللي كان باله مو معه : وشوو ؟ خالد : اقول اطربنا ياحبيبي عبدالعزيز ابتسم له واخذ العود من مشعل سيف : عادي اطلب اغنية ؟ عبدالعزيز : لعيون العقل والاستئذان ذا تامر امر سيف : اجنبي طبعآ عبدالعزيز : اذا حافظها ابشر سيف : Perfect عبدالعزيز : يوووه قديييم مشعل : والله انت واخوك ماتستحون على وجيهكم ليش ماتحترمون هيبة العود العربيه سيف : من تقصد ؟ ماجد ؟ مشعل : اييه ذاك اليوم يقول ابيك تغني اجنبي سيف : احبهاا يااخي بعدين مالك دخل انت عبدالرحمن : واضح طايح على وجهك سيف مافهم وش يقصد بالضبط وسفهه مشعل ضحك ضحكه قويه : تشوف انت خالد : وش طايح على وجهه ؟ عبدالعزيز : ياليل مصطلحات المراهقين عبدالرحمن : فيه بنات مايصلح نقول خالد فتح عيونه بقوه : خير يالوصخ انت وياه وش تقصدون مشعل بسرعه : يقصد انه يحب لا يروح تفكيركم بعيد خالد : هههههههههههههههههههههههه كل تبن ارتعت احسب وراكم سالفه سيف لف جهه البنات بأبتسامه وبدا يغني عبدالعزيز كان صوته بالاجنبي احلى بكثييرررر لما وصل لمقطع : Darling, you look perfect tonight لاحظ عبدالعزيز سيف كان يردد معه بصوت خفييف محد يسمعه Well, I found a woman, stronger than anyone I know She shares my dreams, I hope that someday I'll share her home I found a love to carry more than just my secrets To carry love, to carry children of our own لما خلصو اللكل صفق ريوف : الله الله ليتك مغني معه ياسيف سيف : لا مالي داعي اخرب عليكم الجو هههههههههههههه وجدان : لييش اتذكر صوتك اوول واحنا صغار كان مميز مشعل : مميز بعينك والله لو يغني كلنا انحشنا ينافس عمي خالد سيف يضحك ويدفه : يااخي اول شخص يمدح صوتي لا تنحشه ,, مشكورة يابنت خالي وجدان وهي تضحك : العفوو سيف ابتسم وهو يتذكر : والله وجدان انتي اللي صوتك كان حلو وجدان انحرررجت وقعدت تضحك سيف مازال يتذكر : تذكريين قبل في المزرعه كنا نقعد بالمخزن اللي ورا لانه فاضي وفيه صدى ونقعد نغني لين كشفنا جدي مره وجلدنا و اندفنت الموهبه وجدان ماتت ضحك وهي تتذكر : ما انسى كنا ناكل شيبس كاتشب ودخل جدي طقنا وحنا ماخلصناه اتوقع لو نرجع بنلقى الكيس هناك للان خالد : هههههههههههههههههههه هو الظاهر داخ من الريحه وجلدكم نورة : داخ من الريحه ومن الاصوات الخايسه كل شي اجتمع عليه ما الومه لو اني دارية جيت اجلدكم معه عبدالعزيز : يسعد لي موودك الخايس انت وياها سيف وهو يضحك : مازلت اتذكر لبسك وجدان ( يغمض عيونه ) شيال جينز وتحته تيشيرت احمر وشعرك بوي وفيك حبه فوق الشفايف ( ويفتح عيونه ويلف ) للان موجوده ؟ ماقد انتبهت تصدقين وجدان مسكت يد الهنوف بقوه ودها تصيح من الاحراج لان اللكل سكت ينتظرونها ترد : اييه وين بتروح يعني خالد حس انها انحرجت : يالله ياشباب كنها اعجبتكم الجلسه هنا ؟ عبدالعزيز : ويين نروح هالوقت ؟ خالد : مانبي نعيد حركه امس مانقوم الا المغرب يرحم امكم يومنا كله يروح نوم نورة : صادق عمي والله خالد : وبكره بنروح ابوظبي عشان كذا كلن لازم يصحى بدري بعد ماركبو السيارات وجدان جالسة تفكر معقوول سيف يتذكر هالاشياء اللي انا ناسيتها من مده طووويله وابتسمت لما جاء ببالها موقف قبل 17 سنه تقريبآ كانت وجدان بأولى ابتدائي وسيف برابع ووجدان تركض وسيف وراها يلحقها يلعبون لما وصلت لباب المخزن اللي كان مهجور بزاوية المزرعه ومحد يجيه ابد وجدان وهي تطلع لسانها : مااقدرت تمسكنيي سيف وهو يلهث : انا قايل لك رجلي تعوررني وجدان : كذااب وجلسو كلهم وتسندو على الباب اللي اول ماجا ثقل عليه انفتح وطلع له صرير قوي سيف ووجدان شافو بعض بخوف سيف : ندخل ؟ وجدان : لا خايفة سيف قام ونفخ صدره وكبر صوته : ماعليك انا معاك وجدان قامت معه ودخلو بهدوء وكان مافيه الا حدايد بالزاويه سيف : شفتي مافيه شي وسمع الصدا بصوته والتفت عليها وهو يضحك ووجدان ترد له الضحكه وقعدو يغنون فيه ويصارخون ببراءه الاطفال وجدان زادت ابتسامتها يوم تذكرت موقف لما كانت تصيح تبي زي شعر سيف لانه كان اطول من شعرها سيف وهو يحاول يسكتها : خلاص انا بقص شعري واعطيك وجدان وهي تصيح : ماما تقول لا مايطول شعرك الا اذا كبرتي سيف : انا بعطيك شعري وهي ماتدري قطع عليها ذكرياتها صوت ريوف ريوف قربت منها وبصوت واطي : ضحكينا معك ياحلوه وجدان ارتاعت : بسم الله ماضحكت ريوف رافعه حواجبها : عديت اسنانك من وسع الابتسامه وتقولين ماضحكت ! قطع سالفتهم وصولهم للفندق نزلو كلهم ونامو على طول استعداد لبكره انتهى البارت اتمنى تعطوني رايكم وتوقعاتكم لأبطالنا | ||||
|
| |
|
23-03-19, 05:54 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -23- يوم الجمعة الساعه 12 الظهر نص البنات والعيال راحو وبعضهم للان ماراحو وجدان وريوف والهنوف وهيفاء ومشاعل بالسويت وجدان وهي تحط كريم بيدها : مين بنروح معه ولا ماتدرون ؟ ريوف : خالي تو متصل يقول تعالو مع سيف او عبدالعزيز وجدان : وفيصل ؟ مشاعل : فيصل محجوز وجدان : لحوول ليتكم ماتزوجتو ماعاد نشوفك لا انتي ولا هو ريوف : من جدد والله مصخت السالفه ترى مشاعل تفتح عيونها بقوه : وش دخلكم انتم هيفاء : تعالو على طاري اننا بنروح وين رهف راحت مع مين ؟ الهنوف : مو امس هي تقول بروح موعدي اللحين هم هناك هيفاء : اهااا وجدان اتصلت على فيصل رد عليها بعد رابع رنه فيصل : هلا قلبي وجدان : بسم الله وش صاير بالدنيا ؟ فيصل كشر : وعع احسبك مشاعلي وجدان : مالت عليك انت ومشاعلك اسمع بس متى تصحون نبي نروح تأخرنا فيصل : وش دخلني فيكم انا ؟ باخذ مشاعل انتم روحو مع سيف و عزيز وجدان : افا يافصيل تسحب علي وانا اختك وتهتم ببنت الناس اكثر مني مشاعل تفتح عينها بقوه : خيير وش فيك تبريتي مني ! وجدان ضحكت عليها فيصل : قولي لها ماعاش من يتبرى منك وجدان : بععد تبيني ادعي على نفسي فيصل : اقول هاتي مشاعلي بس كان سيف توه صاحي و قام عبدالعزيز على صوت فيصل وهو يكلم مشاعل فيصل : اييه خلاص باخذك الحين وخل الباقي يركبون مع عزيز وسيف عبدالعزيز : قدامي ياللي ماتستحي ؟ فيصل بعد الجوال من اذنه وسد السماعه : قسم بالله ان ماسكت انت اني لاوريك نجوم الليل بعز القايله عبدالعزيز بتهديد : تأدب تأدب ولا والله مااخليك تشوفها لين يوم الزواج فيصل : الله ينشبك ياعبدالعزيز رح جعل ربي يخليك تاخذ وحده اخوها مثل بثارتك عبدالعزيز ضحك وهو ياخذ الروب حقه ويدخل الحمام بيتحمم بعد نصف ساعه كلهم بسياره عبدالعزيز سيف جنبه والباقي ورا وفيصل واقف عند شباك عبدالعزيز : ان مانزلت زوجتي بتعلق بالسياره عبدالعزيز : خلاص يااخي نشبه انت ! ترى بتمل منك فيصل : ياخي انا وياها مبسوطين انت وش عليك عبدالعزيز : ا خ و ه ا انا ا خ و ه ا فيصل : عشانك اخوها انا ساكت ومادفنتك هنا سيف : هههههههههه حرام عليك عزيز لعبت بنفسيته خلاص خلها تروح عبدالعزيز وهو يضحك : تنزل وتركب معك بس بشرط فيصل : موافق يالله انزلي مشاعل عبدالعزيز : اسمع الشرط اول فيصل : ايوه عبدالعزيز : تمشون ورانا حتى اذا دخلنا ابوظبي ماتروحون منا ولا منا ولا انت عارف وش بسوي فيكم فيصل طل براسه من الشباك : عشان ماتلوميني يامشاعل اذا قلت خلينا نتزوج الاسبوع الجاي عبدالعزيز : حبيبي قبل ماتتزوجون تعلموني التاريخ عشان اشوووف هو يناسبني او لا فيصل بااستهزاء : ماودك تختار اماكن شهر العسل بعد ؟ عبدالعزيز : الا طبعآ لاني اول واحد بيركب الطياره مشاعل شهقت عبدالعزيز مات ضحك : ههههههههههههههههههههههه امززح امزح بشهر العسل عاد ماراح اروح معكم (سكت شوي ) مو عشان اخليكم ترتاحون لا طبعآ عشان وراي دوام فيصل : طيب نزل زوجتي يرحم امك عبدالعزيز : يالله يامشاعل انزلي ( ولف على فيصل وبنظره تهديد ) ومثل ماقلت تمشون ورانا فيصل بقله حيله : اووكي نزلت مشاعل والبنات وسيف ميتين ضحك وراحمين فيصل في ابو ظبي الساعه 6 ونص بعد ماخلصو كل شي قررو يشوفون فلم قبل مايرجعون دبي خالد : انا اقترح فلم رعب ماجد : ايه رعب او اكشن ريوف : لا نبي فلم خفيف ولطيف مانبي شي يخوف عبدالعزيز : انتم المفروض ماتشيلون هم الفلم شيلو هم صاله السينما اللي بتكفيكم مشعل : لا ولاحظ انهم يبون يصيرون جنب بعض عبدالعزيز : واللهي مشكله بعد مشاورات امتدت لربع ساعه قررو يدخلون اي فلم فاضي وكان الفلم دراما من حسن حظ البنات بعد مامر شوي من الفلم كانو البنات كلهم ساكتين ومندمجين مع الفلم عكس العيال اللي كانو يذبون على كل مشهد ريوف : شوفوو البطله بتتركه عشانها ماتجيب عيال وجدان بحزن : ياعمري والله مشاعل : سخيفين ليه مايتبنون وخلاص اما يتركون بعض عشان اطفال هيفاء بااندماج تام : شوووفي شووفي دمعته مشعل لف عليهم : ياااي دمعته طاحت مرا يحززن مسكين !!! هيفاء : انت انطم ماعندك احساس مشعل يناظر رهف : يرضيك يارهف تقول لي هيفاء انطم رهف فتحت عيونها بقوه وضحكت : شددخلني مشعل يبتسم : يقولون انك معجبه فيني يعني دافعي عني عبدالعزيز اللي عيونه على الفلم ابتسم ابتسامة استهزاء : مسويه تحديد اللكل محد فهم وركز الا رهف طبعا و تنرفزت بقوه قالت بصوت خفيف : وععع مصدق نفسه هيفاء اللي كانت جنبها تحسبها تقصد بطل الفلم شهقت : حرام عليك والله يجنن ومسكين رهف ماقدرت تمسك ضحكتها على هيفاء اللي عايشه جو ثاني : اييه صح كملي بس كملي عبدالعزيز وسيف طلعو بنص الفلم وراحو لمعرض السيارات والشباب الباقيين طلعو بعدهم لآنهم ماقدرو يكملون الفلم اما البنات كملو الفلم للاخير وكانت نهايته حزينه وطلعو وهم حزينين بعد ساعتين كان كلهم بالسيارات راجعين لدبي خالد وماجد بسياره ومعهم وجدان وريوف والهنوف وهيفاء خالد وهو يناظر سياره فيصل : اتوقع فيصل ومشاعل بيطفشون من بعض قبل مايتزوجون وجدان : ههههههههههههههههههه صادق والله انا طفشت من كثر مايطلعون كيف هم خالد : اللي ماعندهم احساس سيف وعزيز احد يروح معرض سيارات اللحين ماجد : ايه عبدالعزيز له كم يوم يقول بغير سيارتي خالد : يستهبل ذا ؟ توه شاريها من سنه ونصف والله من الفسقه سيف وعبدالعزيز بعد ماطلعو من المعرض راحو كوفي وجلسو يتناقشون بالسيارات رن جوال عبدالعزيز وقطع نقاشهم عبدالعزيز : هلا بدر ... الحمدلله بخير وانت كيف حالك .. لاياقلبي انا تمددت جلستي بالرياض سنة كاملة .. جد والله .. غريبه وافقو .. كويس يعني نشوفك الاثنين ؟ ... لا الاحد مو موجود للاسف .. خلاص تم .. ابشر والله من عيوني .. يالله فمان الله سلم على العيال .. يووصل يووصل ان شاءالله سكر عبدالعزيز سيف كان ماسك جواله ويطقطق عبدالعزيز : وش راايك نمشي دبي اللحين ولا نجلس ؟ سيف : لا والله خاطري نروح للبحر عبدالعزيز : البحر البحر تم راحو عبدالعزيز وسيف للبحر في دبي لما وصلو الباقين نص البنات نامو والنص قايمين وبرضو عند الشباب نصهم نامو ونصهم قايمين في سويت البنات كانو رهف والهنوف وهيفاء صاحين وجالسين بالبلكونه يسولفون الهنوف : تصدقون بنات خاطري اسكن هنا رهف : لا والله دبي حاره ومليانة رطوبه بالصيف الهنوف : على اساس الرياض ينزل فيها ثلج يعني رهف : لا مو كذا والله بس رطووبه بقوه وهي احر من الرياض هيفاء : انا عن نفسي احس دبي مو للسكن بس تجين كم يوم وترجعين خلاص الهنوف : انا متحمسه اسكن هنا اذا تزوجت بتقولون لي ليه ؟ انا اقولكم .. لأني بصير مضطره اقابل عيالي عشان اهلي واهل زوجي مو عندنا وبصير اقضي وقت اكثر معهم رهف : وانتي كل شي بالحياة تربطينه بالاطفال ؟ هيفاء : ههههههههههههههه الله يقلعك وانا على بالي تبين تسكنين هنا عشانها دبي وتطور وكذا طلع هذا السبب الهنوف ضحكت وكملوا سوالفهم ودخلو ينامون عشان بكره وراهم قومة بدري .. .. من بكره الساعة 1 الظهر كل البنات والعيال بالملاهي الهنوف تمشي وهي معصبه : احد يروح ملاهي بعز القوايل ؟؟ تركي كان يناظرها ويضحك وانتبهت له وتفشلت وسكتت رهف : ايه ياقلبي الملاهي عندهم تقفل بدري وحنا نبي نشبع صراحه مشاعل تلتفت : الحمدلله عزيز للحين ماجا يمديني اروح مع فيصل شوي فيصل اللي كان جاي لها وجدان : مامدى تجيبين طاريه على طول جا فيصل : يا الله يالعواذل بااخذ زوجتي راحت مشاعل معه ومر يومهم كله لعب وضحك واستهبال الساعه 7 مازالو يلعبون الا وجدان تعبت من رجلها وماكملت راحت جلست على كراسي جنب كوفي صغير الهنوف ورهف رايحين يجيبون لهم اكل وقفو عند المطعم ينتظرون دورهم وكان زحمه شوي قدامهم تقريبآ 5 وكان تركي قدامهم ومانتبهو له لانه معطيهم ظهره الهنوف : تصدقين خاااطري العب قطار الموت رهف : امانه فيك حييل تعبت انا لف تركي عليهم وهو مبتسم ويناظر الهنوف : بغيتي تطيرين خمس مرات وبكل قواة وجه تقولين بلعب قطار الموت الهنوف انخرشت وقعدت تضحك بدون وعي رهف : تررركي ! بسم الله شجاابك هنا تركي وهو للان مبتسم : باخذ لي اكل تبون اجيب لكم ؟ رهف : ايه الله يخليك مالي خلق اوقف تركي : من عيوني وش تبون ؟ رهف : انا بس ابي موية عطشانه تركي لف على الهنوف : الهنوف وش تبين ؟ الهنوف سرت رعشه خوف بجسدها وهي تسمعه ينطق اسمها وبهدوء : مابي شي شكرا تركي يقرب شوي ويسوي نفسه ماسمع : ايش ؟؟ الهنوف انحرجت من قربه : مثل رهف رهف وهي تصارخ على الهنوف : تستهبلييين انتي ! ساحبتني من اخر الملاهي عشان موية ؟؟؟ لك ساعتين تزنين على راسي جوعانه وجوعانه الهنوف ودها تذبح رهف : لااا لا عطشانه بس تركي وهو مبتسم : طيب الهنوف سحبت رهف بقوه وبعدو شوي الهنوف بعصبيه : الله ياخذذك يارهف لييه تقولين كذا رهف بفهاوه : بسسم الله وش قلت ؟ الهنوف وهي تقلد صوتها باستهزاء : وانك تقولين جوعانه من ساعتين !! فشلتييني عنده رهف : عادي الجوع مايفشل ! الهنوف : الجوع مايفشل بس اللي يفشل انه يشتري لي اكل رهف : طييب وش فيها ؟؟ الهنوف : اكررره برودك ( وشافت وجدان بالكوفي جالسه لحالها ) وخري عندي بروح عند بنت عمي حبيبتي رهف وهي تمثل الزعل : ايييه بس اشوف كلن مع حبيبه تهنى وانا حبيب الروح صعب عليا الهنوف راحت عنها وهي تضحك ورهف راحت عند البنات عند تركي توهق مايدري وش يطلب للهنوف واستحى يسأل رهف قرر يااخذ كل الموجود وامره لله وجلس ينتظر الطلب عند رهف اللي كانت متجهه للبنات شافت محل صغير جذبها شكله من برا دخلته وقعدت تتفرج بهاللحظه اتصلت عليها افنان رهف : هلا والله ومرحبا بأحلى بنت خاله افنان : هلا هلا هلا وش عندي مرووقه اليوم رهف : دايم وانا مروقه افنان : بمشيها عشان ماتعصبين علي ايوه شخبارك وش علومك رهف : تمام الحمدلله انتي شخبارك مشتاقه لك افنان بشكل متواصل : والله اناا اللي اشتقت لك مرره مررره جبتيي العطر اللي وصيتك عليه ؟ رهف : هههههههههههههههههه لحظه لحظه مشتاقه لي ولا عشان العطر ؟ افنان وهي تضحك : والله مشتاقه لك بس بعد ابي العطر رهف : لا بكره بنروح السوق واجيبه لك تامريني بشي ثاني اخت افنان ؟ افنان : سلاامتك ياعيني ,, متى رحلتكم ؟ رهف : اتوقع 9 الليل افنان : حلووو توصلون بالسلامه رهف : الله يسلمك ,, اسمعي قصري صوتك بحط سبيكر عشان اضبط حجابي افنان : لا ياعمري حطي سماعات مابي العالم يسمعون صوتي رهف : والله ماجبت سماعاتي نسيتها وبعدين من زين صوتك ؟ افنان : يطيح الطير من السماء رهف : وععع افنان : على تبن وخذي طلول عندي يبي يكلمك رهف : يالله عطينياه طلال : هلا والله رهف : هلاا فيك شخبارك طلال : تمااام التمام انتي شخبارك ياعيوني رهف : الحمدلله والله بخير ,, شخبار الدراسه معك طلال : وش هالنكد ؟؟ ماتسمعين صوتي الا تجيبين طاري الدراسه رهف : هههههههههههههههههه وش اسوي احب انرفزك عبدالعزيز كان داخل نفس المحل وقعد يدور فيه لين ميّز صوت رهف وحاول يقرب من مصدره كانت رهف مازالت قدام المرايه وحاطه الجوال على الطاوله اللي جنبها ووراها جدار وهو يميين ماكانت تشوفه وهو مايشوفها بس يسمع الصوت وعارف انها رهف طلال : جبتي لي شي ؟ رهف : اييه طبعا وانا اقدر انساك ؟ طلال : ياعمرري والله وش جبتي ؟ رهف : مفاجأه اذا رجعنا الرياض ارسلتها لك طلال : طيب لمحي لي تحمست والله رهف : تثق بذوقي صح ؟ طلال : طبعآ رهف : خلاص اجل تشوفها اذا رجعنا الرياض طلال : متى رحلتكم ؟ رهف : بكره الساعه 9 الليل طلال : اجي استقبلكم بالمطار ؟ بهاللحظه رهف شافت عبدالعزيز وارتبكت : طلال بسكر شوي وارجع اكلمك كانت نظره عبدالعزيز حارقة رهف بارتباك تحاول تخفيه : طلال اخوي عبدالعزيز ابتسم باستهزاء : محد سألك رهف لفت وجهها عنه : ماقلت انك سألتني بس عشان ماتظن ظن سوء عبدالعزيز بنفس نبره الاستهزاء : ليش يهمك ظني فيك ؟ رهف : لا طبعآ كلك على بعضك ماتهمني تركته وطلعت من المحل وماستوعبت انها نست جوالها شافه عبدالعزيز وضحك على ربكتها وخذه حطه بجيبه ومشى عند تركي اخذ الطلب وهو كان رايح لمكان تجمعهم لمح الهنوف ومعها وحده بالكوفي تركي بنفسه : ارووح ولا اخلي رهف تعطيها الاكل ! لا تركي تشجع وروح حط الاكل وامش خلاص ليه تسوي المشاوير ذي كلها كان بوجه وجدان تشوفه وهو جاي والهنوف على جنب ماتشوفه الا اذا لفت وجهها كله وجدان وهي مقصره صوتها وعاقده حواجبها بااستغراب : تركي اخو رهف جاي عندنا ! الهنوف تصلبت رقبتها : لا تشوفينه لا تشوووفينه وصل لهم تركي وكان بعيد شوي : مساء الخير وجدان : مساء النور تركي يحط الكيس على طاولتهم : الهنوف هذا لك الهنوف وجهها تقلب الوان : ليه كلفت على نفسك والله مابيه تركي مبتسم : والله ان تاخذينه عارف انك جوعانه واستحيتي مني الهنوف ودها تختفي من الوجود : والله تركي شكرا بس مابي تركي ذاب لما سمع اسمه بصوتها وزادت ابتسامته : بالعافية عليك وراح عنهم وجدان بعد ماختفى تركي عن عيونها لفت وهي فاتحه فمها : هييه على اي اساس يجيب لك اكل ؟ الهنوف قالت لها السالفه وهي فيها الصيحه وجدان وهي تطل بالكيس : ههههههههههههههههههههه ياعمرري يارومانسيه السعودي ماخلى شي ماجابه الهنوف : انسدت نفسيي وجداان خلينا نرجع الاوتيل ابي ابكي وانام وجدان : ههههههههههههههههههههههه يادرااما انتي ! عادي شفيها الهنوف والعبره خانقتها : خير وش دراما مابقى الا يجيب عامل المطعم وانتي تقولين دراما ( سكتت شوي وهي تناظر الكيس ) بعدين وش يقصد يعني انا دبا ؟؟ وجدان : ههههههههههههههههههههههههه ه ااه هنوف شكرا غيرتو مزااجي الهنوف : يعني انا دبا صدق ؟؟ وجدان وهي مازالت تضحك : الهنوف بلا هبال وكلي قبل مانرجع الهنوف كانت ميته جوع وصدق اخذت الكيس وقعدت تاكل ووجدان تناظرها وكاتمه ضحكتها عند البنات رهف كانت حايمة كبدها خلاص ماتتحمل عبدالعزيز ابدآ تتوتر بوجوده وماتعرف السبب رهف اللي محد يقدر يجاريها ولااحد يقدر يسكتها جا هذا وقدر عليها بسهوله مشاعل اللي لها ساعه تناديها : رهوف رهووف بنت شفيييك ؟؟؟ رهف : ولا شي بس احس اني تعبانه شوي مشاعل : وش فييك ماكله شي ولا ايش ؟ رهف تحاول تمسك اعصابها : لا بس ودي ارجع الاوتيل عشان انام ريوف : طيب هنوف كانت معك وين راحت ؟ رهف بحده : مادري عنها استغربو البنات من تقلب مودها وسكتو عنها بعد نص ساعة كانو متوزعين بالسيارات بيرجعون للفندق خلاص مشت سيارتين وبقى اخر سيارتين وحدة فيها خالد وعبدالعزيز والثانية فيصل كانو ينتظرون البنات بالسياره خالد اتصل على وجدان : هلا والله وينكم ؟ وجدان : دقيقه عمي رهف ضايع جوالها ماندري وينه خالد : اوكي تحتاجون مساعده نجي ندور ؟ وجدان : لا ماتقصر حنا جالسين ندوره وان شاءالله نلقاه خالد : خلاص اوكي سكر منها عبدالعزيز : وش فيهم ؟ خالد : صديقتهم ضاع جوالها وقاعدين يدورونه عبدالعزيز : بنت ابو تركي ؟ خالد : ايه عبدالعزيز تذكر ان جوالها للان بجيبه ولف وجهه للجهه الثانيه وابتسم بعد نص ساعه رهف فقدت الامل وكانت جنبها الهنوف رهف : هنوف اذا ماعليك امر ابي جوالك بتصل على وعد الهنوف طلعت جوالها ومدته لها : شدعوى فداك الجوال وراعيته اتصلت رهف على وعد وكان جوالها مقفول واتصلت على تركي تركي : هلا ؟ رهف : هلا بك انا رهف تركي يرجع يشوف الجوال ولقاه مو رقمها : وش غيرتي رقمك انتي ! رهف : لا تركي : اجل جوال مين هذا ؟ رهف : مو هذا موضوعنا ,, وينكم ؟ تركي : رجعنا الفندق رهف : من جدددك ؟ تركي : اي والله ليش ! رهف بعصبيه : وانا طيب تركي : سألت وعد وقالت انها بتجلس مع البنات رهف عصبت اكثرر : على كيفها ذي ؟ متى قلت لها اني بجلس تركي : طيب انتي شفيك معصبه ؟ اجي اخذك ؟ رهف بحده : لا خلاص لا تجي تركي مستغرب من عصبيتها رهف سكرت الجوال وعطته الهنوف : شكرا الهنوف خذت الجوال وهي مستغربه حالتها وجدان : رهف تعالي فيه محل مارحنا له يمكن فيه رهف مازال مودها متوتر ومعصبه : لا خلاص خلونا نطلع ماعاد ابيه مشاعل : لا تعالي ترى مادورنا بكل مكان حرام يروح عليك رهف بصوت عالي شوي : لا خلاص قلت لكم ماابيه مالي نصيب فيه الهنوف : اتصلتي عليه طيب ؟ رهف : ايه مقفل مع اني متأكده اخر مره شفته كان شحنه مليان ريوف : طيب حاولي تتذكرين وين اخر مره شفتيه رهف بتوتر : ماااادري صراحه فجأه فقدته اتوقع طاح مني بمكان ماادري عمومآ مايهم خلونا نطلع تكفون خلاص تعبت طلعو البنات لما وصلو للسياره رهف انفقع قلبها يوم شافت اللي يسوق عبدالعزيز تذكرت الموقف اللي حصل بينها وبينه ومشاعل واقفه بالنص ماتدري تركب مع مين وفيصل جالس يقنع عبدالعزيز ورهف كانت واقفه بعيد شوي عبدالعزيز اللي كان مركز عليها من البدايه : والله انكم ماتستحون يابنات عمي صديقتكم واقفه برا السياره لها ساعتين ومحد ناداها وجدان طلعت راسها من الشباك : رهف لييش واقفه ! مشاعل : والله توقعتها راكبه انا وصراحه خفت اناديها وتعصب علي اليوم صايره كبريت عبدالعزيز ابتسم بقووه لين طلعت خطوط جنب عيونه وبصوت عالي : خل نحطها مع فيصل اذا كبريت مالنا خلق تشب فينا رهف سمعته وارتفع ضغطها وتحس الحقد بقلبها زاد اضعاف وفتحت شنطتها تبي تتصل على تركي وتذكرت ان جوالها ضايع وتحس خلاص بتصيح خالد : بسرعه عبدالعزيز لا تزودها اما مشاعل تركب معه ولا تنزل وجدان السياره ماراح تكفيهم كلهم عبدالعزيز بهدوء : مشاعل خلاص روحي مع فيصل ( ويلتفت على رهف ) وانتم يالله اركبو عشان نمشي رهف كانت تتمنى وجدان تنزل مع فيصل عشان تركب معها بس للاسف تنهدت بقوه وركبت وهي ساكته تحس لو تكلمت بتصارخ من القهر والعصبيه بالفندق في سويت البنات كانو كلهم نايمين الا هيفاء ووعد جالسين يتقهوون ويسولفون هيفاء : تصدقين خاطري ارقص وعد : عليك طلعات غريبه هيفاء : لي كم يوم مشتهيه زواج والله وعد : اذا جا زواج مشاعل وفيصل طلعي اللي بخاطرك هيفاء : لا لا ابي اللحين وعد وهي تضحك : اتوقع العيال عندهم سماعات جيبيها وعيشي الجو هيفاء : ايييه بتصل على مشعل يجيبها وعد : هههههههههههه وين رهف عنه هيفاء : صح ذكرتيني بقول له رهف تبيها عشان يجي ركض اتصلت هيفاء على مشعل هيفاء : هلا شعولي مشعل : شعولي بعينك هيفاء : هههههههههههههه بليز جب السماعات لنا مشعل : ليه وش تبون فيها هيفاء : بصور معها انا والبنات ( وبعصبيه ) يعني وش بسوي ؟؟ مشعل : بسم الله الرحمن الرحيم ,, لا معليش حنا نبيها والله هيفاء برجاء : مشعل بليييز مشعل : والله نبيها يختي ماتسمعين الصوت ؟ منطربين حنا هيفاء بكذب وحزن مصطنع : يالله خيرها بغيرها لك الله يارهف المسكينه ,, تخيل تبي ترقص ومايطربها صوت الجوالات الخفيف مشعل : طيب اعطيكم بس بشرط هيفاء ابتسمت بقوه : وشوو الشرط آمر مشعل : اجي عندكم هيفاء : والله انك ماتستحي على وجهك !!! مشعل : والله ودي اشوف هيفاء : خلاص بصور لك بعد شوي مشعل تحمس : يالله اوكيي هيفاء كتمت ضحكتها : يالله انتظرك مشعل : طيب سكرت منه وعد وهي تضحك : والله رهف جايبه راسه هيفاء : مررره هههههههههههههههه عاد اشكالهم لايقه على بعض والله تحسينهم كتاكيت وعد : هههههههههههههه اقوول احترمي نفسك ترى اختي اكبر منك ( وشافت ساعتها ) ماتلاحظين انهم تأخرو ؟ لا يكون دخلو السويت الثاني ونامو هيفاء : لا لا اكيد انهم جالسين يتمشون دام معهم عمي خالد مستحيل يرجعون بسرعه في سويت الشباب مشعل طفى الاغنية سيف اللي كان مندمج : ليييش ؟؟ مشعل : البنات يبونها طفشانين ماجد وعينه عاللاب توب : شكرا لهم والله كتبت الاغنيه بالايميل 4 مرات مشعل : من قالك تجلس معنا يااخي ماجد ضحك و قام : اقول بس احد يبي كوفي ؟ سيف : ايه جب لي معك ماجد يلف على العيال : وانتم ؟ عبدالله : لا مااتقصر عبدالرحمن : لا والله مابي اسهر مشعل : دامك قايم قايم خذ السماعه تكفى حطها عند سويت البنات ماجد : اي واحد ؟ مشعل : والله مدري يااخي بس هي جنب بعض طق عليها كلها ماجد : هههههههههههههه ابشر بالسياره عبدالعزيز يتمشى فيهم ويسولفون و يضحكون باستثناء رهف اللي كانت نفسيتها زفت ودها ترجع بسرعه بس ماتقدر تقول شي وجدان : ماطفشتو ؟ احس رجلي نملت من الجلسه خالد : الا اذا ودكم رجعنا الهنوف : ايه والله دخت مره ريوف : من جدد حتى انا احس اني ماعاد اشووف خالد : ياعمري وراكم ساكتين طول الوقت اجل عبدالعزيز : شكلهم مستحين ريوف : لا والله بس الجو مايتفوت عشان كذا احاول قد ما اقدر اني اقاوم عبدالعزيز : خلاص ابشرو بنرجع ... .. عند سويت البنات ماجد طق الباب الاول وحط السماعه بالارض اول مارفع راسه انفتح الباب وهيفاء وراه مشغله اغنيه بجوالها وجالسه ترقص هيفاء كانت تحسبه مشعل لما شافت ماجد فتحت عيونها بقوه وكان معها كوب مليان مويه يوم شافته يناظرها رمت الكوب كله بوجهه وسكرت الباب بقووه ماجد كان واقف قدام الباب ووجهه وشعره وشوي من تيشيرته مليان مويه يحاول يجمع ويستوعب اللي صار بعد 5 ثواني استوعب وضحك و بنفسه : ياحليلها هيفاء والله ماتوقعت انها مجنونه كذا مسح وجهه واخذ الكوب ومشى عند الاصنصير شوي سمع الباب ينفتح ويتسكر لف ورا وشاف السماعه مو موجودة وضحك . .. ... بعد ربع ساعه كانو عند الفندق نزلو البنات كلهم مايشوووفون من النوم والتعب اللي فيهم خالد وهو يسكر باب السيارة : ههههههههههههههه حرام عليك شف سيارة فيصل واصل قبلنا عبدالعزيز وهو يضحك : افا عليك مأدبه انا ماعندنا لعب خالد : طلعت عينه والله دخلو للأوتيل واتجهوا عند المصاعد ورن جوال عبدالعزيز وهم ينتظرون الاصنصير وجلس عبدالعزيز باللوبي يكلم وخالد رقى لحاله .. رهف ووجدان اخر من نزل من السياره وجدان : وش فيك اليوم متضايقه ؟ رهف : ضايق صدري على جوالي وجدان : بكره الصبح نطلع على طول نشتري لك رهف : صوري ومقاطعي وكل شي رااح وتدرين وش اكثر شي مخوفني وجدان : ايوه ؟ رهف : مافيه باسوورد وجدان : مجننونه انتي ! رهف : والله غبيه انااا مادري ليه ماحطيت له بس يالله استودعته ربي وجدان : تعالي نروح فوق رهف : لا مصدعة مره باخذ لي قهوه من الكوفي هذا تجين معي ؟ وجدان : لا والله رجلي مره شاده علي ومااشتهي شي صراحه ,, بالعافيه عليك رهف : الله يعافيك وجدان دخلت ورهف راحت للكوفي واخذت لها قهوه وطلعت كان عبدالعزيز للحين جالس باللوبي يكلم صديقه ناصر لمح رهف داخله وكانت لحالها ورايحه لجهة المصاعد عبدالعزيز : شوي واكلمك ناصر ,, يبلغ ان شاءالله ,, فمان الله قفل من ناصر وقام عندها ووقفها بصوته الضخم : رهف رهف غمضت عيونها بقوه كان اخر شخص تبي تشوفه او تسمع صوته بهاليوم هو عبدالعزيز لفت عليه وهي ساكته كان شكلها اجممل وهي تعبانه وعيونها ذبلانه رهف يوم شافته يناظرها وساكت : نعم ؟؟ عبدالعزيز طلع جوالها من جيبه ومده لها رهف فتحت عيونها بقوه وهي تشوف جوالها بيده سحبته بقوه منه وقالت بااستحقار : والله العظيم انك قليل ادب عبدالعزيز : والله مدري من قليل الادب وقليل التربيه اللي جالس يكلم وهو حاط سبيكر ما احترم لا ربه ولا اهله رهف كانت تنتفض من العصبيه : خييير اقولك اخووي اخوووي !! ماتفهم انت ! عبدالعزيز : وشلون تبيني اصدقك وانتي مضيفتني بسناب وتسولفين معي وتسوين كابتشر على صوري وتتصلين بعد وماشاءالله كل حدث عندك تفسير له رهف رفعت يدها تبي تعطيه كف مسك يدها بقوه وقال وهو شاد على اسنانه : الزمي حدووودك لا اكسر لك يدك رهف كانت تتظاهر بالقوه : حقييير قسم بالله حقيير الله ياخذك اكرررهك يامرييض عبدالعزيز اللي كان للحين ماسك يدها سحبهاا بكل قوته وطاح كوب القهوه اللي معها قرب من اذنها وبهمس : صدقيني شعور متبادل وتركها وراح رهف لما شافته دخل الاصنصير سمحت لدموعها انها تنزل وتحس قلبها يشب نار من القهر : الله ياخذك ياعبدالعزيز ياليتني ماعرفتك جا عامل الاوتيل يمسح القهوه اللي انكبت واعتذرت منه وهي تمسح دموعها بحرقه وقررت انها ترد له حركته الوصخه طلعت برا واتصلت على افنان افنان اللي ردت بسرعه و بروقان : هلا والله ماامداك تشتاقين لي رهف : افنان تكفيين ابي اكون عندك اللحيين افنان بخوف : وش فيييك ؟ صاير شي ؟؟ رهف : عبدالعزيز الحقيير الله ياخذه افنان : هههههههههههههههههه وش سوا بعد رهف : قسم بالله مو وقت ضحك ( وعلمتها السالفه ) افنان شهقت : حقيييير ! ليه يقولك كذا ؟؟ بعدين رهف خير ليه تبررين له ؟ رهف : ما ابرر له بس ليه يظلمني وهو مايعرف شي افنان : ماعليك منه احسن خل يفكر انه حبيبك وش فيها ؟ رهف : لا خير ماابيه يحسبني بنت شوارع ومو متربيه افنان : تهمك نظرته لك ؟ رهف سكتت افنان : ردي علي رهف بتفكير : لا طبعا افنان : اجل ليش تبررين له ؟ بيصدق نفسه اللحين رهف انقهرت اكثر من كلام افنان وحست انها صدق لازم تردها له نرجع لعبدالعزيز اللي كان راكب الاصنصير كان عارف ومتأكد انها صادقه لانه سمع صوت افنان قبل بس كان يبي يحرق قلبها فيه جزء صغير فيه تأنيب ضمير ويحاول انه مايفكر فيه ابد ابتسم وهو يتذكر وجهها التعبان وعيونها وبهاللحظه فتح الاصنصير وطلع وهو يحاول يفكر بشي ثاني انتهى البارت | ||||
|
| |
|
27-03-19, 04:40 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -24- يوم الاحد الصباح الساعه 7 رهف صاحيه وهي اساسا مانامت الا نص ساعه من امس فكره توديها وفكره تجيبها وكانت مصددعه بعد نص ساعه تقريبا البنات صحو وجلسو يتقهوون وجدان : رهف وش فيه وجهك ؟ رهف : تعبانه شوي مانمت زين مشاعل انتبهت لجوالها اللي كان جنبها : بسم الله وين لقيتي جوالك ؟؟؟ رهف ارتبكت : ايييه تخيلو كان بالكيس اللي معي سوري والله ادري تعبتكم امس ماكان كلام رهف مقنع بس سكتوا ومشو الموضوع وعد : ليش كان ضايع جوالك انتي ؟ رهف : ايه امس ضيعته واشغلت البنات معي سكتو شوي بعدين قطع الهدوء هيفاء : رهف رهف : هلا هيفاء : بسرعه اعترفي وش بينك وبين اخوي ؟ رهف اول شخص طرا على بالها عبدالعزيز وانتفضت ووجهها تغير لونه وكل اللي ببالها كيف هيفاء قالت هالشي قدام البنات ريناد اللي انتبهت لها رفعت حواجبها مستغربه : وش فيك رهف خفتي ؟ هيفاء كملت بدون ماتنتبه على ردة فعل رهف : تخيلو جلست ساعه اقنعه يعطيني السماعه ورافض وبس قلت له رهف طفشانه تبي تسمع اغاني وافق عشان اصورها له نورة : ميين ؟ مشعل ؟؟ هيفاء : ايييه فيه احد غيره هالخبل رهف ارتاحت وحاولت تبين انها طبيعيه وضحكت : يوه شكلي ماراح اجي وانتم موجودين خلاص بخاف منكم هيفاء : ههههههههههههههههه لا لا مشعل عادي يعني رهف : شوفي دامه اصغر مني بكثيير يعني عادي جد والله ماستحي منه نورة وهي تضحك : طيب يالله قومي هزي على الطاوله ونصور ونرسل له عشان ينبسط ولد عمي رهف : قولي بعد بنرش عليك فلوس ؟؟ ريما : طبعااا اهم شي غدي : والله عاد معي ريالات كثير .. يالله قومي وش تبين اغنية ؟ مشاعل : ههههههههههههههههههههههههه هه خير انتي وياها مصدقين رهف تضحك : لا ولاحظي البخل بترشني بريالات بس نورة : عاد تدرون رهف صادقه مستحيل استحي من اي احد اصغر مني حتى لو بيومين وجدان تعدل جلستها : لا احس مهما كان يعني بعمر معين تصيرون كلكم كبار وخلاص يصير عيب رهف : ايه بعد الثلاثين اكيد بحترمه الهنوف : يعني بتخليه لين 29 بعدين ترحمه وتبدا تستحي منه رهف وهي تضحك : اييوه بالضبط هيفاء : اشوا اخوي مطول على الثلاثين يعني يمديه ينبسط معك رهف : ههههههههههههههههههههه خير ان شاءالله مشاعل : عاد رهف تدرين انه جد مهذري فيك هيفاء : اييه من يوم قلت له انك خاقه معه ماعاد يشوف شي غيرك رهف تمثل انها مستحيه : يعني خلاص ابدا اسميكم حمولتي ؟ هيفاء : هههههههههههههههههههه اصبري لين يتخرج من الثانوي بعدين نتفاهم على الزواج رهف : عاد والله اخوكم حلوو وصوته حلوو فل اوبشن يستاهل من ينتظره ريوف : البنت معد تستحي خلاص وعد : رهف اثقلي شوي عيب رهف كان جنبها علبه مويه مافيها الا شوي فتحتها ورشتها بوجه وعد وعد شهقت : وجججع ياتبن رهف : احسن تستاهلين هيفاء فجأه فقعت ضحك وصارت عيونها تدمع ريما تشوفها مستغربه : شفييها ذي بتموت هيفاء تذكرت وجه ماجد : الموويه ههههههههههههههههههههههههه ه وعد وهي تمسح وجهها ومعصبه : وش فيها المويه ؟؟ هيفاء حست ان السالفه ماتنقال وسكتت وهي كاتمه ضحكتها : لا بس وجهك ضحكني وعد بنص عصبيتها ضحكت على شكل هيفاء : ههههههههههههههه الحمدلله يارب وش فيها ذي انهبلت هيفاء رفعت كوب القهوة بتشرب بس فجأه رجعت تضحك مشاعل وهي تضحك عليها : لا لا مو صاحيه اختي والله رن جوال الهنوف بهاللحظه وردت : هلا ماما .. وصلتو ؟؟ .. اوكي .. عبدالله بيجيبها ؟ .. اوكي انتظرها .. لا لا ماراح اتركها .. باي سكرت الهنوف نورة : مين بيجي ؟ الهنوف : ماما جايه هنا مع خالاتي وحلا نايمه بتجيبها لي عشان يطلعون للسوق جمانه : يووه الله يعيننا على دلعهاا غدي : غريبه شعندهم ماما وخالاتي جايين ؟ الهنوف : نسيتي زواج ابتسام بنت خالتي الخميس ومفصلين فساتينهم من هنا وجايين يستلمونها غدي : يووه والله نسييت (وبحماس) طبعا حنا بنجلس معهم صح ؟ الهنوف : لا طبعا بنروح اليوم اصلا ماما معصبه عشان الدوامات والاختبارات قربت وانتم ساحبين 3 ايام واخر سنه بعد جمانه : الله ينكد عليك كملو البنات سواليفهم عند العيال كانو كلهم نايمين الا خالد وماجد وسيف اللي نومه خفيف مره من الاساس خالد يطق الباب عليهم بقوه ويطبل عليه ويغني ومافي فايده خالد بصوت عالي : اول واحد بيقوم بعزمه فطور على حسابي سيف : حنا اول من بيروح خالد : ايه اكيد ياليت اللكل مثلكم عبدالعزيز فتح عيونه : لا تلعب علينا بفطور الفندق خالد : لا لا ماعليك عندي لكم مطعم يحبه قلبك بس قم انت نزلو ماجد وسيف وخالد وعبدالعزيز وطلعو يفطرون بعدين راحو العيال يتمشون بالمول وخالد وعبدالعزيز رجعوا للفندق بسويت البنات وعد جالسة قدام المراية فاتحه الايباد وتطبق ميك اب سموكي تجربه للمنتجات الجديده اللي شرتها من سيفورا يوم خلصت لفت على البنات وعد بحمااس : بناات شراييكم ؟؟ البنات شهقوو نورة باانبهار : ماحب الميك اب بس هذا خيااال والله وعد مررره مبرز جمالك ريما تصفر وبصوت عالي : وعد وين مخبيه هالجمال عننا !!! وعد كان شكلها فعلآ ملفت وجميل مره وعد تضحك : ضروري نروح المول ؟ والله صراحه متحسفه امسحه نورة : والله للامانة حتى انا متحسفه انك تمسحينه وعد بعد تفكير وبجرأه : بناات تتحدوني انزل كذا ؟ ريما بتصفيق : والله العظيم اتحداااك ولك اللي تبين غدي : ولك مني اللي تبين بعد بس انزلي كذا الهنوف : ههههههههههههههههه مو صاحيات لا تسمعين كلامهم نصيحه بيضيعونك ريناد بأعجاب : عاد جد جد يجنن وعد ماشاءالله وعد باابتسامة وسيعه : ياعمري والله انتي اللي تجننين وجدان كان تتأمل وجه وعد : تصدقين وعد توني اركز ان عيونك فيها حور هيفاء : اي والله من جد حتى انا اول مره ادقق بعد رهف : من جدكم توكم تشوفونها ؟؟ وجدان : لا والله صدق ماركزت قبل هيفاء : اتوقع وضحت اكثر مع الميك اب بس تجننن مره وعد : خلاص بنات احرجتوني حتى العيب اللي بعيوني مدحتوه هههههههههههههه هيفاء شهقت : هذا عيب ! حرام عليك من وانا صغيرة امنيتي عيوني تصير كذا نفس الين خلف مشاعل وهي تااخذ طرحتها من الكرسي : اقول بس قومو البسوا عبايتكم وخلونا نزل بسرعة نستغل اخر ساعات البنات قامو عشان يلبسون عباياتهم الهنوف وهي جالسة للحين : بنات انا ماراح اروح اللحين مشاعل مصدومه : لييه الهنوف تأشر على حلا : حلا نايمه اخاف تصحى وحنا مو فيه بيجيها حاله نفسيه رهف اللي منسدحه وتناظر جوالها : لا الهنوف روحي انا ماراح انزل الحين بتحمم واتقهوى واحاول اصحصح ومن الاساس مااشتهي المول بجلس يعني الهنوف : متأكده ؟؟ رهف : اييه افا عليك روحي بس الهنوف ارسلت لها بوسه بالهواء : يااعمري والله طلعوا البنات باقي غير حلا اللي نايمه وعد ورهف وعد كانت تحط اللمسات الاخيرة على الميك اب حقها رهف : اللحين انتي من جدك بتنزلين للمول فيه ؟ وعد وهي تعدل الروج : ايه وش فيها ؟ رهف : اوفر شكلك ملفت مرره وعد : لا عادي اهم شي عاجبني رهف : يعني انا اذا حطيت ماسكارا وحنا رايحين المول تجلسين ساعه تهزئيني واللحين انتي حاطه فل ميك اب والصباح بعد وعادي ؟ وعد قاعدة تحرك وجهها وهي تشوف نفسها بالمرايه بااعجاب : امانه مو حرام امسحه ؟ رهف بعدم اهتمام : بكيفك بس ياويلك لو تكلمتي اذا حطيت شي بعدين وعد طلعت وهي تضحك وشافت خالد واقف عند الاصنصير وغيرت ملامحها للجدية بسرعه لما دخلو الاصنصير خالد لف عليها وبهدوء : عيب اللكل يشوفك بهالشكل وعد لفت عليه : عفوآ ؟ خالد وهو يحاول يتمالك اعصابه : اقصد المكياج اللي بوجهك .. مبالغ فيه على فكره وعد بهدوء : اهم شي عاجبني انا خالد عصب بس سكت يوم شاف الباب انفتح ودخلت عائلة خليجيه كان شاب معه خواته و الشاب طارت عيونه بوعد وخالد لاحظ هالشي ويحاول يمسك نفسه لما طلعو وعد لفت تبعد عن خالد ماتبي تمشي بنفس خطاه قرب خالد ومسكها مع يدها : شفتي كيف مطير عيوونه فيك ؟؟ وعد تناظره مصدومه : يعني ؟! تراك مجرد مدير بالشركه بس خارجها مايحق لك تتأمر علي او تتحكم فيني ! سحبت يدها ومشت عنه و خالد كان منقهرر مرره بس ماكان يقدر يسوي شي اكثر من كذا وسكت وانتظر 5 دقايق مايبي يطلع لانه لو شافها بيكوفنها الساعه 12 ونص رهف كانت متحممه وغافيه بالروب من التعب وصحت على صوت صياح حلا رهف بتأفف : يالله موو وقتك ياحلا حلا من بين دموعها : ابي الهنوف رهف قامت من السرير تحاول تهديها بس حلا كانت تزيد صياح رهف : خلاص ياقلبي اللحين ننزل كلنا للهنوف طيب ؟ حلا تمسح دموعها : طيب رهف اتصلت على الهنوف رهف بسرعه : هلا هنوف وين شنطه حلا ؟ الهنوف : ليش صحت ؟ رهف : ايه توها صاحيه اللحين الهنوف : لا خلاص ياقلبي بجي انا البسها واخذها رهف : لا لا انا بنزل على كل حال علميني وين شنطتها بس بلبسها والبس انا ونجيكم الهنوف : ياعمري والله شوفيها لونها بينك بالغرفه الثانيه ولبسيها فستانها الاصفر رهف : من عيوني سكرت منها وسوت لها سوت لها ساندويتش ولبستها ومشطت شعرها وراحت تلبس هي في سويت الشباب كان عبدالعزيز توه متحمم وطلع يلبس لبس ساعته ورش من عطره وفصل جواله من الشاحن وطلع كان شعره مبلول للحين وجالس يحركه بيده وهو ينتظر الاصنصير يجي بهاللحظه طلعو رهف وحلا رهف كانت ماسكه يدها وحلا لما شافت عبدالعزيز فكت يدها وركضت له وعبدالعزيز بدوره نزل جسمه عشان يحضنها شالها اول ماوصلت ورفعها فوق : هلاا والله بحلا قلبي حلا وهي تضم رقبته : اشتقت لك عبدالعزيز يضحك وهو يبوس خدها : والله انا اللي اشتقت لك ( ويقرب وجهه لفستانها ويشمه ) وش هالعطر الحلوو ياحلا حلا : رهف حطته لي قبل شوي عبدالعزيز ابتسم وقعد يلعبها رهف تمنت انها قايله للهنوف تجي تاخذها لان مالها خلق عبدالعزيز ابدآ ومو مستعده تقابله اللحين من امس وهي تدعي انها ماتشوفه واخرتها تشوفه و ببداية اليوم !! قربت عند الاصنصير وهي تقول بنفسها : لا يهمك يارهف لا يهمك و لا يحرك فيك شعره فتح الاصنصير بهاللحظه ودخل عبدالعزيز ودخلت حلا معه رهف فتحت عيونها بقوه وبصوت عالي : حلا تعالي حلا : لا بروح مع عزيز رهف توهقت : قلت لك تعالي ترى ما اوديك للهنوف حلا بطفولة : ما ابي الهنوف بروح مع عزيز للبقالة رهف بهاللحظه محتارة وش تسوي كل القرارات كانت صعبة تترك حلا والهنوف موصيتها عليها ولا تدخل الاصنصير وعبدالعزيز فيه ! كان الاصنصير بيقفل وضغطه عبدالعزيز بسرعة وقال بهدوء وعيونه على جواله : تعالي انتي ماراح تطلع ترى رهف عصبت ودخلت وكان الاصنصير فاضي طبعا مافيه الا هم رن جوالها على طول وردت : هلا .. ايه نازله اللحين .. انتم وينكم بالضبط ؟ .. اماانه معكم ؟ ياحلووها والله .. المشكله ماكشخت .. خلاص اوكي ماعليه .. يلا باي رهف طلعت من شنطتها روج كان لونه بينك على لحمي خفيف وصباحي وجت بتحطه بنفس اللحظه خطرت لها فكره ورجعته وطلعت روج ثاني لونه احمر صارخ وجلست تحط وهي لافه على المرايه ومو معطيه لعبدالعزيز اي اعتبار وبحركه مجنونة و مقصوده فكت طرحتها وجلست تحرك شعرها ,, وكانت تتمنى ان عبدالعزيز يعلق او يتكلم عبدالعزيز كان وجهه قدام بس بنفس الوقت يناظرها بطرف عينه ومستغرب من حركاتها ! حلا وهي تشوف رهف وبطفوله : رهف ليه ماتغطين شعرك عن عزيز هو مو اخوك هو رجال رهف ابتسمت وهي تعدل الطرحه : لا ياقلبي ما اشوف اي رجال بالاصنصير عشان كذا ماغطيته حلا قعدت تنطط بدون اهتمام برد رهف وهي تحس الاصنصير يتحرك وعاجبتها الحركه ! اما عبدالعزيز تجمع الدم بوجهه من جملتها وبهاللحظه فتح الاصنصير رهف حمدت ربها انه فتح قبل مايسوي شي لان وجهه انقلب بقوه و ماتثق فيه وتخاف يسوي شي قدام حلا مسكت يد حلا وطلعت قبله وبوجهها نظرة انتصار مع ضحكة .. تحس انها بردت قلبها فيه ! عبدالعزيز مازال موجود بالاصنصير مصدوم من جملة رهف ركبو معه اثنين وكان بيقفل الاصنصير بس طلع بسرعة وجلس باللوبي وهو مغمض عيونه ويحرك رجله بقوه ويغلي من القهر عبدالعزيز بنفسه : مو انتي يارهف اللي تسوين فيني كذا والله لا انتي ولا عشرة من امثالك بعد 5 دقايق تنهد بقوه ولبس نظارته وطلع للمول عند البنات كانو توهم مودعين صديقتهم الاماراتيه شيخة وللحين جالسين بالكوفي شوي و جتهم رهف ومعها حلا اللي راحت للهنوف بسرعة رهف كانت رايقه مره والابتسامة شاقة وجهها : راحت شيخة ؟؟ وجدان رفعت راسها : ايييه كان ودها تجلس بس تقول عندي شغله وحبيت اسلم عليكم قبل ماترجعون السعودية رهف بنفس الروقان ومازالت مبتسمة سحبت الكرسي وجلست : يووه قهر والله كنت ابي اشوفها ريوف : يووه قهر وانتي ابتسامتك واصله اذنك من الروقان ؟ الهنوف تضحك : قولي ماشاءالله لا تجينا النفسيه الخايسه اللي امس (وتوجه الكلام لرهف) فاتك شيخه والله تغييرت مره صايرة تجنن رهف : اخر مره شفتها قبل سنتين تقريبا يوم كنا في مكه وجدان : يووه صح انتي ماكنتي معنا العام يوم نجي دبي جتنا الفندق ونامت عندنا مررره تجنن هالبنت جلسو البنات يسولفون شوي بعدين قامو يكملون تسوق .. .... ..... في محل ارماني عبدالعزيز وفيصل كانو عند التيشيرتات وفيصل قاعد يشاور عبدالعزيز وعبدالعزيز مو معطيه وجه فيصل يطق كتفه : ياااولد شفيك انت عبدالعزيز انتبه له : معليش سهيت فيصل يناظر وجهه : فيه شي مضايقك ؟ عبدالعزيز : لا فيصل : تراي ملاحظك من فتره متغير اذا فيك شي قل لي عبدالعزيز يضحك : شكل استقعادي لك انت ومشاعل مااعجبك تبيني ازيد الجرعه يعني ؟ فيصل بجديه : لا عبدالعزيز انا اكلمك جد عبدالعزيز : لا ياحبيبي مافيه شي والله فيصل ماحب يضغط عليه : طيب شرايك في هالتيشيرت عبدالعزيز : مش بطال بس اللون لك عليه كملو تسوقهم .. ... .... في سيفورا الهنوف ووجدان وريوف يجربون ارواج وجدان ماسكه بيدها لونين وتناظره بحيره بعدين لفت عليهم : بنات وش رايكم اخذ اي واحد ؟ ريوف : والله كلها جميلة الهنوف : انا حبيت هذا اللي جاي على احمر اكثر وجدان : شكلي باخذها كلها والله قد شفتها عند الجازي تمدح ثباتها مرره ... .. .. رهف ووعد كانو يمشون مع بعض وعد : اللحين تقولين لي الميك اب حقك اوفر وانتي جايه بروج احمر ! يالله صباح خير صدق ! رهف : هههههههههههههههه حبيبتي انا روج بس مو فل ميك اب وعد : ولو الروج الاحمر يغني عن كل شي رهف تصرف الموضوع : المهم خلاص تكفين خلينا نجلس شوي وعد : اوكي بس خلينا نروح مح... قطع كلامهم جوال وعد يوم رن وردت بسرعة : هلااا والله هلا .. الحمدلله بخير انتي كيفك .. في دبي والله فتره نقاهه .. وش تبين هدية ؟ .. لا وش دعوى والله ماتكلفين علي وانا بالمول اصلا .. ايوه .. ابشررري من عيوني والله اللحين بروح اجيبه لك سكرت منها رهف : مين ؟! وعد : عذاري اللي معي بالدوام رهف : وش تبي ؟ وعد : تبي عطر من محل ... بروح اجيبه تجين ؟ رهف : لا والله بآخر الدنيا مالي خلق اتحرك خلاص انا بروح اشوف المحلات القريبه وانتي روحي جيبي لها ومتى ماخلصتي اتصلي علي وعد : خلاص اوكي راحت وعد ومثل ماقالت رهف دخلت المحلات القريبة بعد ساعه كان عبدالعزيز يتمشى لحاله بعد ماتركه فيصل وراح لمشاعل جلس مقابل محل اديداس ومعه اكياسه وقعد يطقطق بجواله ,, رفع راسه وقعد يلف رقبته يمين ويسار لانها تألمه عند رهف كانت واقفه بتحاسب ومعها اغراض حطتها على الطاولة وجلست تحوس بشنطتها تدور بطاقتها بزحمة الاغراض وحست بشخص قرب منها ومد بطاقته وهو يكلم الكاشير : حساب هالاغراض عندي الكاشير رفع عيونه له ورجع نظره لرهف رهف ارتاعت ولفت بسرعة وشافت عبدالعزيز ! رهف : وش اللي الحساب عندك ؟ عبدالعزيز : يعني انا بحاسب فيه شي مو مفهوم بكلامي ؟ .. ( ونقل نظره للكاشير ) كم الحساب ؟ الكاشير توه بيتكلم وقاطعته رهف : وش تبي انت ؟ بصفتك مين تحاسب عني ؟ عبدالعزيز : عيب تحاسب الحرمه ومعها رجالها رهف فتحت عيونها وبعصبية : رجالها ! ماتلاحظ انك ماتستحي ؟ ابوي ؟ اخوي ؟ عبدالعزيز قصر صوته : خلاص لا ترفعين صوتك نتفاهم اذا طلعنا ( وناظر وجهها زين ) وبعدين امسحي هالروج اللي حاطته رهف باندفاع : نتفاهم على ايش ؟؟ ولا دفعت لي كم مره خلاص حسيت انك ولي علي ؟ ثاني شي مالك دخل بالروج .. واييه صح على طاري الفلوس اللي دفعتها لي طلعت محفظتها من الشنطه وفتحتها وخذت كل الكاش اللي فيها ورمته عليه ولفت بتروح عبدالعزيز سحبها بقوه مع يدها ورجعها له ومسك وجهها بيد وحط يده الثانيه على شفايفها ... وبهدوء مسح الروج الاحمر بأصابعه تحت دهشة رهف واستسلامها التام له .. قرب عند اذنها وهو يهمس بنبرة تهديد : على فكرة مانسيت اللي صار بالاصنصير للحين رهف انصدمت و دب الخوف والرعب بقلبها مسكت يده وابعدتها عنها بقوه ولفت بتطلع من المحل وسمعت صوت الكاشير من وراها يناديها عشان الاغراض تنهدت وحاولت تقوي نفسها وتبين ان الموضوع ماهمها ورجعت مرة ثانيه وحاسبت واخذت اغراضها بدون ماتلف عليه ولا كأنه موجود طلعت من المحل وعلى طول راحت لدورة المياه كانت جدآ معصبة ومتوترة وجالسة تكلم نفسها بصوت عالي : لا بعد يهدد .. يعني وش بتسوي اكثر من اللي سويته ! رفعت وجهها للمراية وشافت الروج اللي كان فيه بقايا بسيطه فتحت المويه وجلست تفرك شفايفها وهي للحين تكلم نفسها : الله ياخذك ياعبدالعزيز الله ياخذك كان جنبها ناس من جنسيات غير عربية يناظرونها ومستغربين وضعها وانتبهت لهم وحاولت تهدي نفسها بس ماقدرت ومالقت حل الا انها تتصل على افنان لآنها بتنفجر لو ماتكلمت حطت شنطتها بقوه وطلعت جوالها واتصلت على افنان بعد كم رنه ردت عليها افنان بصوت كله نوم : نعم يامزعجة رهف : افنان وش يبي مني ؟؟؟ افنان ليه يسووي معي كذا ؟؟ افنان : وشوو ميين ؟ رهف علمتها السالفة بدون ماتقولها اللي صار بالاصنصير ! افنان فزت بسرعه : وشو !! مسح الروج ! وش يبي ؟ وش دخله ؟ رهف بقلة حيلة : مدري والله مدري خلاص بيجنني الله ياخذه اكرهه وجوده يوترني مرره افنان مازالت مصدومه : بس ماله اي مبرر يمسح روجك ! حتى لو ماتعود يشوف كذا انتي مو من محارمه ولا تقربين له يعني ماله حق رهف : لا ياافنان والله خواته كلهم يحطون كذا وحتى بنات عمه ليه متسلط علي بس ؟ افنان سكتت شوي وبعد تفكير : اممم طيب يمكن يحبك ويغار رهف بعصبيه : حبك برص انتي وياه ان شاءالله .. هو ماعنده قلب من الاساس ولا ينتمي لفصيلة البشر الطبيعيين افنان : قسم بالله احس كأنكم بمسلسل ماكأنه حقيقة رهف جتها ضحكه : انا مادري ليه اقولك كل شي وانتي ردودك زي وجهك ماعمرك رديتي رد يبرد القلب افنان : هههههههههههههههههه وش اسوي طيب مره يضحكني اسلوبك وانتي معصبه رهف : والله يا افنان مقهورة ماخذه اغراض كثييير يوم جيت احاسب جا ونكد علي كل شي افنان : يختي انا مستغربة انه قدر عليك ! رهف : وانتي تحسبيني بمشيها له ؟ والله لااردها له ولا ماكون رهف افنان : مجنونه انتي خلاص فكي نفسك منه وبس و اذا قال شي تجاهليه وبعدي عنه رهف : لا هو يبي هالشي عشان يحس بالانتصار بس يخسي والله والله ماخليه افنان : والله انك مجنونه صدق مدري وش اقول صراحة كملت مكالمتها مع افنان اما عند عبدالعزيز بالمحل رفع الفلوس اللي رمتها رهف وانبه ضميره شوي .. بس سرعان مازال هالشعور يوم طاحت صورة من بين الفلوس رفعها وشافها كانت صورتها وهي صغيرة و فيها كمية براءه ولطافة .. ابتسم عبدالعزيز وتنهد وهو يدخل الصورة في محفظته ! عند البنات وجدان وريوف والهنوف جالسين ريوف تأشر على المحل اللي قدامها : بنات تعالو للمحل هذا ودي اخذ شغله منه وجدان : لا والله مالي خلق خلاص تعبت ريوف : ياسخفكم بلييز مابي اروح لحالي الهنوف : يلا قومي انا بروح معك قامو البنات ووجدان كانت جالسه تتفرج على الرايح والجاي فجأه لمحت سيف بالكوفي اللي قبالها كان جالس لحاله ويطقطق بالجهاز اللوحي اللي قدامه ومعه كوب القهوه وجدان قامت متجهه له سيف كان سرحان لين لاحظ ان فيه شخص يقرب منه عدل جلسته وقفل الجهاز لما استوعب انها وجدان : ياهلا والله وجدان تبتسم له : هلا بك سيف ( وتشوف يمينه ويساره وضحكت ) شكل المول ماعجبك سيف يبتسم لها : لييش ؟ وجدان : مااشوف معك اكياس او شي واضح انك مليت سيف : الا والله بس مخلص من بدري والاكياس عطيتها خالد وجدان كان معها كيس ومدته له : طيب خذ هذي هدية بسيطة مني لك سيف رجع يبتسم لها : ليش وش المناسبة ؟ وجدان : تستاهل والله لانك ماقصرت معي سيف : يووه وجدان مابيننا والله ليه تزعليني منك ؟ وجدان : عشاني بس خذها والله ماراح ارتاح الا اذا رديت جزء من الجميل لف سيف وجهه وضحك ورجع لف عليها واخذ الكيس اللي معها : تمام شكرآ ياوجدان وجدان ابتسمت : انت اللي شكرآ ياسيف وشافت ريوف والهنوف طالعين من محل : يلا اجل اخليك اللحين سيف : الله معك وجدان راحت من هنا وجاء عبدالعزيز وجلس عند سيف من هنا سيف : هلا والله بالساحب وينك عبدالعزيز يضحك : كنت مع فيصل ومشاعل انكد عليهم شوي سيف : ههههههههههههههههه حرام عليك خلاص اتركهم بحالهم عبدالعزيز : لا والله يااخي فرصه وجت لعندي عشان اطلع شياطيني وتبيني اسكت سيف يضحك : انت شيطان خلقه ماتحتاج فرص عبدالعزيز : لا يكثر واطلب لي قهوه على حسابك سيف : ابشر كم عندنا من عزيز طلب سيف قهوه لعبدالعزيز وجلسو يسولفون ... .. .. بعد نص ساعة رهف توها طالعه من دورة المياة بعد ما مشت شوي شافت تركي كان لحاله وماسك جواله .. مشت له بخطوات سريعه وضمته بقووه تركي كان ساهي بالجوال ارتاع مااستوعب مين اللي جا الا بعد ثواني تركي : رهف شفييك ؟؟ رهف وهي مازالت ضامته : اشتقت لك تركي مصدوم : بسم الله خير وش صاير ؟ رهف تبعد عنه : ماشفتك اليوم ابد عشان كذا تركي يركز بوجهها بتفحص : وش فيه وجهك اصفر ؟ رهف : يمكن عشاني مانمت زين تركي بحنان : ليه مانمتي ؟ متأكدة رهف مافيك شي ؟ رهف كان ودها تقول لتركي كل شي لانها تحس انها تسوي شي غلط او بشكل اصح تحس نهاية هالشي ماراح يصير بصالحها ابد بس سكتت لان حتى لو تكلمت بتنفهم غلط : لا بس ازعاج وحوسه عشان كذا ماقدرت انام تركي : اذا ودك احجز لك غرفة اللحين وتنامين ابشري رهف بسرعة : لااا وين بخلي نومي كله بالرياض ان شاءالله تركي : طيب ليش لحالك انتي وين وعد ؟ رهف : راحت تشتري عطر لصاحبتها ( وابتسمت ) عاد اللحين انا مو لحالي انت معي ضحك تركي ومشى معها وهم يمشون قابلو البنات وجدان والهنوف وريوف رهف كان وجهها متغير صدق وماكان ودها تشوف البنات اللحين غمضت عيونها لما شافتهم متجهين لها وحاولت قد ماتقدر تستجمع قوتها وتحاول تبين ان مافيها شي وجدان : رهووف تجين معنا ؟ بنروح نتغدى بعدين نكمل تسوق رهف تلف على تركي تركي ابتسم لها : خلاص روحي معهم اساسا انا مواعد خالد بنروح محل هنا قبل مانرجع الهنوف تشوف وجهها : رهف وجهك تعبان فيك شي ؟ تركي ضحك : اييه لو سمحتو لا تزعجون اختي وهي نايمة وجهها اصفر من قلة النوم رهف توهقت و تركي مشى عنهم الهنوف ضاق صدرها : رهف ازعجتك حلا مره ؟ رهف : لاا لا والله بس تركي متوقع انكم ازعجتوني لاني مانمت زين من يومين ريوف : عاد رهوف انتي جد ماتنامين كثير لاحظتك رهف بكذب : ايه عادي انا كذا بالسفر اشبع بسرعة ماصدقوها البنات بس مشوا الموضوع وجدان : طيب تعالي بنتغدى بعدين نكمل تسوق رهف تبتسم : اوكي ( لفت على الهنوف ) : الا وينها حلا مو معك ؟ الهنوف : لا خذتها امي على طول بهاللحظه رن جوال وجدان و ردت : هلا وعد ,, ايه ايه معاي ,, اوكي وجدان مدت لرهف الجوال : خذي وعد تبيك رهف خذت الجوال منها : هلا وعد : وييينك اتصلت على جوالك 60 مره ماتردين رهف : بالشنطه مانتبهت له وعد : وين رحتي ؟ دورتك بنص المحلات مالقيتك رهف : رحت اشتري لطلال هدية بس مالقيت وعد : رحتي اديداس ؟ رهف بربكه بانت على وجهها : ايه رحت بس خايس مالقيت شي وعد : غريبه عاد اشوفه من برا قبل شوي شكله حلو بس مامداني ادخله رهف بسرعه : لا لا خايس مره وعد : طيب بالفاترينه تبع نايك حاطين تيشيرت برشلونة يجننن وعليه تخفيض روحي خذيه رهف عصبت : تستهبلين انتي وش ابي فيه وع وعد : ترى لطلال مو لك رهف : لاا خلاص الهديه الاولى تكفي وعد : مين عندك اللحين رهف : الهنوف وريوف ووجدان وعد : اوكي حطي سبيكر بكلمهم رهف حطت سبيكر بملل وعد : هلا بنات قررتو اي مطعم بتتغدون فيه ؟ وجدان : وش رايكم في تشيز كيك فاكتوري ؟ ريوف : عاد تصدقين مشتهييته والله وعد : الهنوف ورهف ؟ رهف : اوكي الهنوف : يلا خلاص نشوف بعض فيه وعد : يلا اجل سكرت رهف وعطت وجدان جوالها راحو البنات المطعم وشافو وعد هناك وجلسوا وعد فتحت عيونها بقوه وهي تشوف رهف : تستهبليين انتي تقولين اديداس خايس اخرتها شاريه المحل كله ! رهف توهقت : انتي قلتي نايك مو اديداس وعد : لا انا قلت لك اديداس رهف تحاول تصرف : والله دايخه ماركزت ماسمعتك تقولين اديداس قامو يسولفون البنات رهف كانت مو معهم مره شوي تعلق على السواليف وشوي تسهى وكلن ملاحظ بس سكتوا في الرياض معاذ وسلطان يتغدون معاذ : اكرررمك الله ابو عبدالله سلطان يبتسم له : عافيه معاذ : الله يعافيك ( سكت شوي بعدين قال ) سويت شي بموضوع رهف ؟ سلطان : لا للحين قرب موعد رجعه الوالد من السفر معاذ : انت صامل انك مااتكلمها وتاخذ رايها قبل مايصير شي رسمي ؟ سلطان : انا بصراحه ماكنت ناوي اكلمها بس شاورت لمى اختي وقالت الا كلمها معاذ : والله كنت شايل هم ترى انك تخطب بدون ماتشاور سلطان : لاصراحه اقنعتني ,, ورقمها عندي يعني خلاص كل شي سهل معاذ : الله يكتب لك اللي فيه الخير سلطان ابتسم : امين ويااك في مطار دبي الساعه 8 ونص كانو اللكل موجودين ينتظرون رحلتهم الا وعد اللي كانت رحلتها قبلهم بساعه خالد يدورها بعيونه ومالقاها كان مأنبه ضميره عقب الصبح لما هاوشها لما ماشافها استغرب بس سكت ! اول ماركبوا الطيارة رهف وهيفاء كانو جنب بعض رهف اللي كان مقعدها جنب الشباك : هيفاء الله يخليك بدليني ماحب اجلس جنب الشباك هيفاء : طيب تعالي هنا الكرسي الثاني مافيه احد رهف : لا اخاف مكان احد واتوهق مالي خلق اتهاوش والله هيفاء : لا مستحيل يجي احد اللحين بس خلاص تعالي مكاني اساسا ابي الشباك انا مشاعل ومشعل وفيصل كانو قريبين منهم بالجهه الثانيه فيصل : والله ماتوقعت يجي يوم اترجى فيه بزران مشعل يلف عليه : بزران بعد ؟ فيصل : اسف ياشيخ مشعل بس ممكن تبدل اماكن ؟ مشعل : لا لا لا خلاص انسى مشاعل كانت جالسه تضحك عليهم فيصل : حنا نخلص من عبدالعزيز يطلع لنا ذا ؟ لين متى يعني مشعل : لين الزواج ياحبيبي شوي شاف رهف وهيفاء وهم يبدلون اماكنهم مشعل وهو يعدل شعره : احمدو ربكم وادعوا لرهف لآني بترك لكم المكان كله قام عنهم وراح عند رهف وهيفاء فيصل جا جنب مشاعل : وش سالفته ذا الولد مشاعل : ههههههههههههههههههه منهبل عليها الخبل فيصل وهو يضحك : الله يجزاها خير يا ليتها تهبل بعبدالعزيز بعد ويفكنا من شره عند البنات مشعل : مافيه احد هنا صح ؟ هيفاء : وش جابك بسم الله مشعل : حرام مشاعل وفيصل معاريس ماابي اخرب عليهم جوهم خلهم ينبسطون هيفاء : انت تقول هالكلام من متى !!! مشعل : المهم مافيه احد صح ؟ هيفاء : لا مافيه احد مشعل بهبال : طيب يمديني اروح احط عطر ولا مايمدي ؟ رهف : هههههههههههههههه اجلس اجلس مايحتاج عطر جلس مشعل : ايووه وش الاخبار رهف رهف تضحك على ميانته : تماام انت شخبارك مشعل : والله دام اني جالس جنبك بخير ونعمة خالد كان قدامهم وجنبه عبدالعزيز وماجد خالد لف عليه : استح على وجهك مشعل قلنا اوبن مايند و نفلها بس مو كذا مشعل بتأفف : ياليل انتم وش جابكم هنا ؟ خالد : هذا اللي بيخليني اقوم اكوفنه هنا ! انا عمك استح على وجهك عبدالعزيز بدون مايلف : اذا تبيني اقوم بدالك عادي ! رهف ارتجفت لما سمعت صوته ورجعت فيها ذاكرتها للي صار بدبي وبسرعه طلعت سماعاتها ولبستها وشغلت اغنية وحطت راسها ورا وغمضت عيونها مشعل : زيين اللحين ؟ خليتوها تنام وتسحب علي خالد يهز راسه وهو يضحك على هبال مشعل كان ماجد يكح بقوه خالد : وش متعبك انت ؟ من امس اشوفك تكح ماجد ببحه تعب : داخلني برد عبدالعزيز : برد في دبي !! ماجد : ايييه فيه وحدة كلبة كبت علي مويه الليل ويوم طلعت كان فيه هواء هيفاء كانت كاتمه ضحكتها يوم سمعته يقول كلبة فتحت عيونها بقوه وجت بترد بس تذكرت انه ماقال الاسم وسكتت عبدالعزيز : ههههههههههههههه منهي !! ماجد : وحده داخله الفندق وانا طالع ومعها كاس موية وكبته علي عبدالعزيز : وش السالفة مسلسل تركي ! خالد يجاري عبدالعزيز : و ماطاح الكاس ونزلتو مع بعض تشيلونه وناظرتو بعض نظره حب ؟؟؟ ماجد باستهبال : كان ودي والله بس مامدى رهف جت بتعدل جلستها ورجفت الكرسي اللي قدامها عبدالعزيز عارف ان وراه رهف وحس بالرجفه بس تجاهل عبدالعزيز : دخلتو اديداس ؟ والله مجنوون بضاعتهم هالمرة اسطوورية ماجد : ايه دخلته بس مو مره عبدالعزيز بابتسامة : انا لقيت فيه شي بس شكله ليمتد اديشن يعني تخسون تلقونه بمكان ثاني خالد مصدقه : وشوو ؟ دخلته انا مالقيت شي عبدالعزيز بكذب : تيشيرت مدريد بس الموسم اللي راح خالد : طيب خذيته ؟ عبدالعزيز زادت ابتسامته : لا بس شميته ورجعته ماجد : من جدك ؟ هههههههههههههههههههههههه عبدالعزيز : ايه ما معي كاش ولا كان خذته خالد : والفيزا وبطاقاتك مو معك ؟ عبدالعزيز توهق : مدري تصدق شكلي ناسي المحفظه في الشنطة الكبيرة عند وجدان والهنوف كانت جنبهم ريوف نايمة وجدان بصوت واطي : رهف مره متغيره احس مو على بعضها طول الوقت الهنوف بنفس الصوت : تصدقين انا ملاحظة ! تتوقعين صاير لها شي ؟ وجدان : تبين الصدق ؟ احس صاير شي مع عبدالعزيز بس مو راضيه تقول الهنوف : ايه اصلآ واضح بينهم شي ! وجدان تتوقعين انا غلطت يوم خليتها تضيفه سناب ؟ وجدان : ما احس هذا السبب ! الهنوف : الا اكيد انا غلطت يا ليتني ماجبرتها والله ماكانت تبي ,, عبدالعزيز مايصلح تحط راسها براسه اببد والله مايخلييها ولد عمي واعرفه وجدان : انا حذرتها كم مره وقلت لها لا تلعبين بالنار ترى عبدالعزيز يخرع الهنوف بان الحزن على وجهها : يارب ماسوا لها شي وجدان : لا لا تفكرين كذا ان شاءالله مافيه شي الهنوف : انتي اسأليها مره ثانيه انا ماقدر اخاف تحس انه غلط تعلمني نظرآ للي حصل بيني وبينه بيوم من الايام وجدان : طيب الهنوف جد انتي ماتكنين له مشاعر ؟ الهنوف بجدية : وجدان تتوقعين لو اكن له مشاعر بنسبة 1% برفضه ؟ وجدان بتفكير : مادري يمكن بعد اللي صار بينكم حسيتي انه مايصلح لك كـزوج لكن فيه حب بقلبك ! الهنوف ضحكت : والله لا بعد ولا قبل اللي صار عمري ماحسيت بمشاعر حب تجاهه .. عبدالعزيز ولد عمي وبس والمشاعر اللي تجاهه هي احترام وتقدير مثله مثل سلمان و فيصل سيف ماجد سعود كلللهم نفس الشي (سكتت شوي ) بس ولو مابي اسأل رهف مستحيل تقول لي انتي اسألي وشوفي وجدان : خل تهدى الامور وبسألها واشوف الهنوف : اوكي بعد ساعتين وصلو الرياض سلمان ومشاعل وهيفاء ومشعل جلسو بالمطار ينتظرون رحلتهم الثانيه على الدمام والباقي تفرقو بالمطار واللكل رجع لبيته انتهى البارت | ||||
|
| |
|
03-04-19, 05:59 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -25- يوم الاثنين الصباح رهف بغرفه وعد تصحيها للدوام وعد وهي مازالت مغمضه عيونها : وانتي ماراح تداومين ؟ رهف بروقان : لا اعتذرت الدكتورة الفجر وعد قامت وخذت جوالها تشوف الساعة : عشان كذا روقانك واصل مليون ,, طيب تكفين طلعي لي لبس والله مالي خلق اتحرك رهف تقوم تفتح دولاب وعد : وش تبين اي واحد وعد : اي شي عادي رهف جالسه تطلع ملابس وعد وتنسق وهي بقمة الروقان وعد : قررت قرار رهف وهي للحين تناظر الملابس : اللي هو ؟ وعد : بستقيل خلاص رهف شهقت ولفت عليها : من جددك ! وعد : والله رهف : كل ذا عشان خالد صار عمهم !! وعد : عمهم وجيرانا بعد ! رهف : طيب وش فيها وعد : قلّت الشركات اللي بالرياض ؟؟؟ عادي فيه مليون شركة غيره ويبون متدربات رهف : طيب اللي فهمته منك انك صرتي محامية بالشركه يعني افضل من انك تصيرين متدربة ولا !؟ وعد : عادي نار الشركات الثانية ولا جنه فيها خالد رهف رفعت حواجبها بااستغراب : لهالدرجة ؟ وعد بجديه : شوفي انا ما اكرهه والله بس يعني خلاص ماحب اسلوبه وطريقته يحب يكون مسيطر على كل شي رهف : ليش ؟؟ احس صاير بينك وبينه شي صح ؟ وعد ماتحملت اكثر وعلمتها السالفة رهف : هههههههههههههههههه اماا وش دخله ؟؟ .. بس ترى عادي يمكن هو مايحب كذا وعد فتحت عيونها بقوه : يحب ولا مايحب من يكون عشان ينتقدني !! لا صلة قرابة ولا شي يجمعني معه لذالك الافضل انه يحط لسانه بحلقه وينطم رهف جتها الضحكه بس حاولت ماتطلعها : اووف اووف لا انتي مره حاقدة ! وعد : لا والله رهف مو حقد ولا كره بس ماله دخل كذا ببساطه ,, عشان كذا مابي اكون معه حتى بمكان واحد زياده على انه يكرفني ويعطيني شغل مو شغلي وماقدر اتكلم ولا اقول شي يجي اللحين ويتحكم فيني حتى برا الدوام لا والله يخسى صراحه رهف : فكري مره ثانيه لاتخلين هالامور تضيع منك فرصه ووظيفه حلوه وعد : القى احسن منها ان شاءالله بس ما اعيش هالشي مره ثانيه معليش انا احب نفسي ما اسمح لشخص يسوي فيني كذا وانا ساكته رهف : انتي واضح كاتمه وبعد الموقف انفجرتي وعد : ايه من زمان ساكته وومشيه الامور بس زاد الوضع عن حده رهف : بس وعد بينكم عقد مستحيل مسستحيل يوافق على استقالتك وعد : العقد ينتهي بمجرد انهائي لتدريب المتدربين اللي تحت يدي الان وباقي هالاسبوع بس واتم شهر وخلاص ينتهي تمامآ ,, الله يقدرني على دوام هالاسبوع بس ويارب ما اشوفه كثير لان جد مالي خلق له رهف : بتقولين له عن الاستقاله اللحين ولا بوقتها وعد : لا ماراح اقول الا بيومها وبراكم عليه الشغل عشان ياكل هوا رهف : يمه يممه الحمدلله اني مو خالد وعد : ههههههههههههه اقول اطلعي بس خليني البس طلعت رهف وراحت غرفتها اول مافتحت الباب رن جوالها وردت افنان : صباح الخيير ياجمييل رهف : هلا صباح النور .. بسم الله وش دراك اني ماراح اداوم ؟ افنان وهي تضحك : صدق ؟؟ حتى انا ماراح اداوم رهف : ايه حبيبتي يحق لك جامعة خاصه على كيفك وحنا ننتظرهم يتكرمون علينا ويعتذرون افنان : ههههههههههههههه المهم ماعلينا .. شخبار الحلوين بعد امس ؟ رهف : الحمدلله تمام .. بس والله يا افنان انا قلتها وبعيدها والله لااخليه يندم على حركاته ذي افنان بجديه : وش بتسوين يعني ؟ رهف بتشتت : مدري مدري المهم خلينا من طاريه اللحين ( وتفتح الشباك حق غرفتها ) الجوو جمييل اليوم افنان : خلك من الجو تدرين من متصل علي امس ؟ رهف : ميين ؟ افنان : لولوة بنت خالتي نوف رهف : وععع من جددك ؟ وش تبي ذي وش عندها ؟؟ كملو سواليفهم عبدالعزيز توه طالع من بيت جدته والجو كان فيه رش خفيف وهو رايح بيركب السياره عشان يروح للدوام وقف واخذ نفس ورفع راسه شوي ولمح شباك رهف ضوق عيونه اكثر عشان يركز وشافها واقفه على جنب .. حاول يعرف وش تسوي بس ماقدر بحركة غريبة فتح باب السياره وصفقه بقوه ورجع نظره للشباك وماشاف احد عرف انها انتبهت له وانحاشت ابتسم وهز راسه وركب السيارة عند رهف رهف : يممه والله انتبه لي انتبه لي افنان : وانتي غبييه احد يلصق بالشباك هالوقت ؟؟ رهف : خير كنت اشوف الجو واعجبني الوضع ووقفت قدامها افنان : هههههههههههه اخخ رهووف توك تقولين بخليه يندم واللحين خايفه منه عشانه شافك من الشباك ؟ رهف بحدة : يخسي اخاف منه انا ارتعت من صفقة الباب وانا لاهيه اسولف معك افنان وهي تضحك : بس صراحه رحمت باب السيارة رهف : جعله الكسر هو وباب سيارته افنان : انا تدرين وش صدمني جد ؟ رهف : ايوه وش صدمك افنان : ان مدير وعد صار عم صديقاتك ههههههههههههههههههه رهف : هههههههههههههههههههههههه ياربيه متت قسم بالله اللي يحرج صدق اني سبيته قدامه افنان وهي تضحك : وهو مبسوط على طول قال معك الكلب شخصيآ رهف : اييه هو للامانه كلب يعني هبل في اختي والله افنان : والله عادي خل يهبلون فيني بس ابي اخذ واحد منهم ( جلست تفكر شوي ) اممم ابي ذاك اللي معهم بالصوره اللي ماتزوج مو عبدالعزيز ولا خالد رهف : ايه قصدك سيف اتوقع افنان : مدري والله بس اذا مو مرتبط زوجينياه تكفين رهف : ايه وعلى اساس هو مكلفني ادور له زوجة ؟ افنان : ههههههههههههههههههه لا بس انتي تمونين على خواته ضبطيني رهف تسلك لها : اوكي خلاص تجهزي كملت مكالمتها مع افنان .. ... .. بعد ساعتين بالجامعه ريوف والهنوف ووجدان جالسين وجدان : انتم متخيلين ان دوامي اليوم على الفااضي الهنوف : معتذره الدكتوره ؟ وجدان : ايييه بس مافتحت جوالي يوم صحيت كنت متأخره وقمت بسرعه البس واتجهز الهنوف : طيب ليه ماترجعين ؟ وجدان : اتصلت على السواق وصار عند مدرسة ريم وامي معها وجالس ينتظرهم وابوي بالدوام وفيصل بالدوام ودحوم بالمدرسة ريوف : ترى انا مداومه وماعندي محاضرات بس عشان اخذ ملزمه وحدة من البنات وجدان : تدورين التعب انتي ؟ الهنوف : والله من جد كان قلتي لي واجيبها لك انا الوحيده اللي مداومة على سنع ريوف : لا عادي وش وراي والجو يجنن صراحة عادي يستحق من يصحى ويداوم عشانه ,, واساسا بطلع الحين ( ولفت على وجدان ) تعالي معي وجدان : شكل ودك اموت ريوف : خير ليييه ؟؟ وجدان : اسمع ماجد اليوم يكلم فيصل ويسب سواقة سواقكم وانا والله مابعد بعت نفسي صراحة ريوف : ههههههههههههههههههه ايييه حبيبتي جديد خليه يتعلم وجدان : يتعلم عليكم مو علي ريوف : تعالي بس وبعززمك على كوفي وجدان بدون تفكير : اوكي الهنوف فتحت عيونها بقوه : وجع بعتي عمرك عشان كوفي ؟ وجدان وهي تضحك : وش اسوي احب العزايم يختي ريوف : ههههههههههههههههههههه خبله سكتو شوي ثم قالت الهنوف : بنات رهف ماداومت صح ؟؟ وجدان : لا طبعا ماداومت التبن ماشاءالله مركزه الهنوف : افا عليك اذا ماركزت هي من يركز ؟ تعرف عن الاعتذار قبل الدكتوره ههههههههههههههه وجدان : اللي قاهرني انها دايم تتصل علي عشان نكلمك ونقهرك مع بعض بس مدري وش جاها اليوم سحبت علي الهنوف وهي تضحك : احسن حوبتي .. ... .. في الشركه وعد منهمكه بالشغل دخلت عليها عذاري : شكررا وعد العطر يجنن يجننن مره الله يعافيك وعد رفعت راسها بأبتسامة تعب : ولوو حاضرين للحلويين عذاري : ياحبيي لك والله ( وتمد لها الاوراق ) هذي الاوراق اللي طلبتيها وعد : حبيبتي والله شككرآ عذاري : شفتيي خبر انتهاء تدريبنا وعد : ايييه جاني بالايميل قبل امس استغربت عذاري : والله ضاق خلقي مره بفقدك وعد : والله انا بعد بفقدكم انتي وهياء بالذات من بين المتدربات كلهم عذاري : تدرين عاد بيختارون وحده تتوظف هنا رسمي والباقي باي باي .. عاد ان شاءالله يختاروني عشان اقعد معك وعد ضحكت : لا انا بستقيل عذاري شهقت : من جددك ؟ وعد : هههههههههههههههه بالضبط نفس ردة فعل رهف اختي عذاري : لا والله صدق انتي من جدك ولا تستهبلين ؟ وعد : الا والله اتكلم من جد عذاري : لييه طيب ؟ وعد : اسباب كثير اولها اني ما ارتحت هنا عذاري : فرصتك مايحلم فيها احد توظفتي رسميا وانتي ماكملتي شهر وجايه متدربه بعد والله مره قهررر انك تتركينها وعد : بالنسبه لي اشوف الراحه بالوظيفه اهم من اي شي عذاري زمت شفايفها وبعدم اقتناع : انتي كيفك عاد بس انا احس مره حر.. ( قطع كلامهم صوت الباب ) وعد : تفضل ؟ دخل عمر سكرتير خالد معه كومه ملفات : استاذه وعد الاستاذ خالد طالب منك تدقيق كل هالملفات وعد لفت على عذاري بضحكة استهزاء : وتقولين حرام بعد ؟ مافهم عمر بس جاء حط الملفات وطلع وعد : توني الان مسلمه له كومه ملفات والحين جايني بوحدة جديدة ( وبجدية ) شوفي انا ادري اني جايه هنا عشان اشتغل بس اشوف معاملته لي وطريقته معي وطريقته مع باقي الموظفين كلهم وانتم قلتو هالشي بعد ,, مو طبيعي كيف متسلط علي كني ذابحه احد من اهله وبعدين ماله اي حق انه يخليني اشتغل شي غير شغلي الاساسي .. طبعآ اقدر ارفض بس انا اشتغل بطيب نفس وعشان ماتزيد المشاكل بس خلاص والله ما اكمل الضغط النفسي وصل مليون حدي الى نهاية هالاسبوع وقت نهاية تدريبكم وبطلع على طول عذاري سكتت لأن كلام وعد اللي من قلب منقهر كان مقنع جدآ - يوم الثلاثاء في بيت ابو فيصل بالصالة ام فيصل وفيصل ووجدان جالسين يتابعون التلفزيون وجدان : ماما عمتي نورة متى ينقلون لبيتهم ؟ ام فيصل : اتوقع بعد اسبوعين بس ليه ؟ وجدان : خاطري افاجئ ريوف بغرفه ومابيها تبدا تأثث قبل ما أروح اشوف محلات الاثاث ام فيصل : يمكن انها راحت وجدان : لا لا هي من قبل امس تسأل تبي محلات وماردينا عليها فيصل : هههههههههههههه حرام عليكم طيب علموها انكم بتسوون لها مفاجأه وجدان تناظره وبعدين تلف على امها : يمه ترى ولدك ذا من يوم تزوج مشاعل وهو صاير غبي زيها ام فيصل : لاتغلطين على مرة وليدي وجدان : ههههههههههههههه من اللحين انسحب علينا ؟؟؟ فيصل : ايييه كفو يمه عليك فيها مع انك سحبتي علي بعد بس يالله تستاهل مشاعلي وجدان تقوم : اقول بس بروح اكلم الهنوف ازين والله ام فيصل وهي تضحك : ترى اخر ماكلمتني ام سليمان اليوم تقول بنتكم ماتخرجت وجدان : يوووه ذي مانست السالفه اممم قولي لها وجدان بتجلس بالجامعه 10 سنوات ام فيصل : وجع ان شاءالله الله لا يقوله وجدان وهي تضحك : صدقيني يمه ماراح اتخرج الا اذا حضرت عرس سليمان وقد اعذر من انذر فيصل : اي والله يارب تسقطين لين يموت عشان اتأكد انه ماراح يخطبك ابد ام فيصل : وش فيكم على الرجال ؟ وش مسوي لكم ؟؟ فيصل بقرف : قسم بالله غثيث يايمه غثيث وجدان : خلاص فيصل انا بوقف معك انت ومشاعل للأبد بعد كلامك هذا فيصل بحماس : شوفي اذا بتعجلين بزواجنا مستعد اجيب لك راس سليمان مغلف وجدان : ههههههههههههههههههههههههه هه ام فيصل : قومو عني بس والله الجلسه معكم تقصر العمر فيصل : افاا ام فيصل وش فيها عصبت ام فيصل : مااحبكم تتكلمون عن خلق الله كذا وجدان : نمزح والله ماعاش من يضيق صدرك يالغاليه ام فيصل : ياسهل الحكي بس فيصل : والله نمزح شدعوى يالوالده ام فيصل : الله يهديكم بس راحت وجدان لغرفتها ورجع فيصل يراضي امه .... .. ... الهنوف تكلم وجدان الهنوف : بس انا ودي اعرف متى ينقلون بالضبط وجدان : سألت امي متى بتنقل عمتي نورة وقالت بعد اسبوعين يعني يالله يالله يمدينا الهنوف : بيمدي ان شاءالله لاني شايفه غرفه حلوه في الانستقرام وبس بنروح نشوفها على الطبيعه وجدان : تدرين وش المشكلة ؟ الهنوف : ايوه ؟ وجدان : وشلون بندخل الاثاث البيت وهم مو فيه ومايدرون الهنوف : امممم مدري ! والله مافكرت فيها ( وسكتت شوي ) فيه طريقة وجدان : اللي هي ؟ الهنوف : كلمي سيف وعلميه وهو يدبر الموضوع وجدان شهقت : وليييه انا مو انتي ؟؟ الهنوف : انتي تمونين عليه اكثر وجدان : لا والله استحي مره الهنوف : انتي قد كلمتيه جوال انا ماقد كلمته وجدان : لا والله هنوف كلمته مره وحده بس واستحي صراحه الهنوف : من متى الحياء عادي انتي تكلمين عيال عمي دايم وجدان : ولو سيف غير الهنوف : طيب ماجد ؟ وجدان : اييه ماجد اوكي الهنوف ضحكت : من جدك ؟ وجدان : ههههههههههههههه والله ماجد عادي من يوم انهم بأمريكا وانا اكلمه احيانا اذا بغيت ريوف وماردت علي اما سيف لااا الهنوف : طيب شرايك نروح بعد شوي لمحل الاثاث اللي قلت لك ؟ قبل ماتروح علينا الغرفه وجدان : اوكي خلاص تمريني ولا امرك ؟ الهنوف : لا لا انا اللحين برا اساسا شوي كذا واجي وجدان : خلاص علميني اذا قربتي بعد ربع ساعة الهنوف واقفه قدام بيت ابوفيصل تنتظر وجدان وجدان جت بعد خمس دقايق وركبت الهنوف سلمت عليها الهنوف : مين اللي مع فيصل ؟ وجدان : ويين ؟ الهنوف : شوفي يمين وجدان : اييييه هذا علي اخو الجازي الهنوف : امااا عاد هذا علي اخييرآ شفته وجدان : صدق توك تشوفينه ؟ الهنوف : اي والله ,, مره ماتوقعت شكله كذا لطيف والله بعد نصف ساعه بمحل الاثاث احتارو بين غرفتين وجدان : شرايك ناخذ وحدة لريوف ووحدة لريناد ؟ الهنوف : يلا واصلا احس مو حلوه لو ماناخذ لها وجدان : وريما ؟ الهنوف : بتصل على جمانه وغدي يجون يختارون غرفه ريما عشان تصير هدية منهم وجدان : فكره والله الهنوف : طيب القياسات ؟ اخاف غرفهم تصير كبيره مره او صغيره ماتصلح وجدان : صح والله ! شرايك اتصل على ماجد اللحين ؟ الهنوف : اي تكفين اتصلت وجدان على ماجد ماجد : ياهلا والله وجدان : هلا مجووود شخبارك ماجد : تماام الحمدلله وبعدين كم مره اقولك لاتقولين مجود مانيب اصغر عيالك وجدان : ههههههههههههههه طيب طيب اسفه دكتور ماجد ماجد وهو يضحك : ايه كذا تأدبي وجدان : يووه لا تنسيني وش انا متصله عشانه ماجد : امريني وجدان تتذكر : ايه اذا ماعليك امر عادي ترسل لي قياسات غرف ريوف وريناد وريما ؟ ماجد : لييه ؟ وجدان : شارين لهم غرف جديدة ونحتاج بس القياسات عشان تتفصل على هالاساس ماجد : ياعمري والله ماقصرتو ليه كلفتو على نفسكم وجدان : مافيه كلافه والله بس لا تعلمهم بليز بنسويها لهم مفاجأه ماجد ابتسم : ابشري ودقيقة بس وارسل لك القياسات كاملة وجدان : شكرآ ماجد وسوري مره لو ازعجتك ماجد : عيب عليك تقولين هالكلام وش دعوى وجدان : لايعني لو اتصلت بوقت الدوام وكذا ماجد : لو تتصلين وانا بين السماء والارض برد عليك ولاتتأسفين غلاك مثل غلا خواتي والله وجدان : خلاااص لايكثر استحي ماجد : ايوووه هذي وجدان اللي اعرفها ههههههههههههه يالله دقيقة بس وتجيك القياسات وجدان وهي تضحك : طيب يالله فمان الله ماجد : فمان الكريم سكرت منه وارسل لها القياسات على طول اتصلت الهنوف على خواتها وجو واختارو غرفه لريما وقالو لهم المحل ان التسليم بعد اسبوع ونصف وبعد محاولات انهم يقللون المده قالو اسبوع اتفقو معهم البنات وطلعو بعد يومين ماصار فيها احداث كثيرة يوم الخميس الفجر وعد جالسه تحط ميك اب بغرفه رهف ورهف جالسة على سريرها تذاكر وعد وهي ترسم الايلاينر : شكلي بحط نفس ميك اب دبي عشان ينغث وهو يوافق على الاستقالة رهف : هههههههههههههههههههه فيك شر انتي ! هذي مو حركات وعد اللي اعرفها وعد : والله ما انلام لعب بنفسيتي رهف : عااد والله يجنن خالد يختي عجزت اصدق انه هو نفسه مديرك وعد : بس ببيتهم يجنن برا البيت ابليس قسم بالله رهف : هههههههههههههههههههه ياربيه ياخالد وش سويت في اختي وعد : تخيلي امس داخل علينا وحنا نفطر وقال ( وتقلد صوته الضخم ) وانتتم كل مادخلت القاكم تااكلون رهف ماتت ضحك على شكل اختها وهي تحاول تضخم صوتها وجسمها : ههههههههههههههههههههههههه ههه وعد : عاد هو جد كل مادخل يلقانا ناكل بس خير انت ماتدخل الا وقت بريك الغداء يعني وش تبينا نسوي رهف : هو بعد ليه يجي وقت بريك ؟ وعد : يجي جايب ملفات الله ياخذه هو وملفاته ويترك كل بنات التدريب ويناظرني انا ( وترجع تقلد صوته ) استاذه وعد اتمنى تدققين هالملفات وتجيني بملاحظاتك رهف : ههههههههههههههههههههههههه ههه وعد لاتقلدينه تكفين بمووت خلاص وعد : والله وش اسوي فيه هو يتكلم كذا رهف : والله كنت شايله هم هالاختبار بس صدق وسعتي صدري انتي وخالد اخخخ ليتك تكملين معه لين يخلص الترم عشان توسعين صدري كل يوم وعد : وانا اتعذب نفسيآ لعيون ضحكتك ؟ رهف وهي تمسح دموعها : والله اني استاهل تكفين فكري مره ثانيه وعد رمت عليها فرشة الميك اب ورهف رمت عليها مخده كبيره وقعدو يتضاربون بالمخاد دخل عليهم تركي مصدوم من الصراخ اللي من صباح الله خير يوم شاف اشكالهم فوق بعض تحمد ربي وطلع وسكر الباب وراه ... .... .. . الساعه 10 في الشركة وعد دخلت عند سكرتير خالد ومالقته موجود وجت وقفت قدام غرفه خالد وهي ضامه الاستقاله تنتظر توقيع خالد بس غمضت عيونها ودعت ربي ييسر امورها وطقت الباب وسمعت صوت خالد يقول تفضل .. دخلت وهي تسمي وعد : السلام عليكم خالد وهو يناظر الاوراق اللي بيده : وعليكم السلام والرحمة وعد : استاذ خالد انا جايه احاكيك بموضوع خالد بدون مايرفع راسه عن الاوراق : ايوه تفضلي وعد تنرفزت لانه مارفع راسه وجت حطت ورقة الاستقاله بقوه على الطاولة رفع راسه خالد للورقه بعدين عليها : وشو هذا ؟ وعد : خذ اقراه خالد اخذ الورقة وقعد يقرا وبعد دقيقة رفع راسه عليها خالد : وش السبب ؟ وعد : ظروف خالد : اقدر اعرف وش هالظروف وعد : ظروف خاصة مااقدر اكمل خالد طلع نسخة العقد من الدرج وقعد يقراه : خلصتي تدريب صح ؟! وعد : صحيح اليوم كان اخر يوم خالد جلس يدور اي شي بالشروط يردها عن الاستقاله ومالقى وبعد صمت : ابشري بوقعها وعد كانت تناظره با استغراب خالد يكمل : امم لكن عندي طلب اخير وعد : ايوه ؟ خالد : يوم الاحد فيه حفلة لجميع المتدربين لازم تكونين حاضرة فيها وعد : بشوف اذا قدرت احتمال اجي خالد يمسك القلم ويوقع : اوكي الله معك وعد طلعت وهي مستغربة توقعت انها تتمرمط او على الاقل يبين انه انقهر بس صدمها خالد بهدوءه وبروده ماتدري ليش ضاق خلقها ! طلعت من الشركة وراحت تفطر مع صديقتها وهي تحاول تشيل هالافكار من بالها ... .. ... بنفس اليوم الليل كالعادة الكل مجتمع في بيت الجدة البنات والحريم كلهم يتقهوون الجدة : ام فيصل ماحددتو زواج مشاعل وفيصل ؟ ام فيصل : والله ماندري للحين نخليه بالاجازة ولا قبل الله يهديه فيصل مستعجل مرره الجدة وهي تضحك : الله يصلحه ميت بهالمشاعل متصل علي قبل امس يقول اقنعي امي وابوي يخلون الزواج الاسبوع الجاي ريوف : ههههههههههههههههههه ااخخخ ويينك يامشاعل تسمعين هالحكي وجدان : لو انها فيه داخت من الحياء الهنوف : ايه صدق ليه ماجو هالاسبوع ؟ وجدان : سألتها تقول ماراح تشوفوني الا بالزواج نورة : هههههههههههههههههه مو صاحيية بنت عمي والله وجدان : لا وازيدك من الشعر بيت تقول حتى صوتي ماابيكم تسمعونه من اليوم ورايح كلموني واتس اب بس الهنوف : يالله مااقدر اتخيل هي خبلة وفيصل خبل وش بيصير انتاجهم هههههههههههههههه .. .. . بنفس الوقت بس في بيت ابو تركي رهف كانت تشوف فلم بالملحق ووعد عندها تسولف وعد بتفكير : بس يختي انا مستغربه انه وافق على الاستقاله بسرعه رهف بملل : وش تبينه يقول يعني ؟ تكفين يا وعد اجلسي وعد وهي تضحك : كلي تبن ماقصد كذا بس يعني غريبه ماعقدني رهف : احمدي ربك ماعقدك والله ان تجلسين تبكين عندي وعد : وش رايك اروح الاحد ولا لا ؟ رهف : الا روحي لو مو عشانه عشان عذاري وهيا والمتدربات واذا تبيني اجي معك ماعندي مانع ترى وعد : اممم مادري صراحه بشوف رهف : طيب ممكن تضفين وجهك بس عشان اكمل فلمي دخل تركي عليهم : هلا والله بالحلوات رهف وهي تشيل البوب كورن من حضنها وتحطه جنبها : لا عز الله ماكملت الفلم وعد : هلاا هلاا تعال حياك تركي وهو يناظر رهف : افا الفلم اهم مني ؟ رهف تعدل جلستها : لا لا شدعوى يخسى الفلم والله تركي جلس وهو يضحك : شخباركم من زماان ماشفتكم زين رهف : اي والله صادق ماجلسنا معك ابد من قبل دبي وعد : والله حنا بخير انت شخبارك ؟ رن جوال تركي بهاللحظه وقطع كلامهم : هلا ابو الوليد شخبارك ,, والله تمام ,, سم ؟ ,, ابشرر والله من عيوني ,, اذا ماتقدر تنتظر للأحد انا بخلصها لك بكره ,, خلاص اجل تم الاحد ,, على خير ان شاءالله ,, وش رايكم انتم اللي تجون عندي ؟ ,, خلاص يمكن امر عليكم بعد العشاء اذا كنتو موجودين ,, خلاص يالله قفل منه ولف عليهم وعد بلقافه : ميين ابو الوليد اول مره اسمعه معك تركي : سيف ال... رهف : اها ولد عمة الهنوف ووجدان تركي ابتسم على طاري الهنوف : اييوه عليك نور رهف : غريبه وش يبي وعد : يالقفك انتي وش دخلك ؟ رهف ملت يدها بالبوب كورن اللي جنبها ورمته بوجه وعد شهقت وعد : يالخايسه متى تتركين هالحركات تركي وهو يضحك عليهم : عنده شغله بالبنك وعقدوه ومتصل علي يبيني امشيها له ( ويلف على وعد ) ايه صح على طاري الشغل وعد : ايوه تركي : استقلتي انتي خلاص ؟ وعد : اييه ابشرك الحمدلله تركي : طيب فيه شركة امس مرسلها لي واحد من الشباب الوظيفه مناسبة لك اتوقع وعد : اوكي ارسل لي رقمهم اروح اشوفهم تركي : تمام بكلمه وبخليه يعطيني الرقم وعد : كويس ... .. .. يوم الجمعة الظهر وجدان تكلم الهنوف : متصلين علي محل الاثاث يقولون جاهزه متى تبونا نركبها وش رايك ؟ الهنوف : طيب اتصلتي على ماجد ؟ وجدان : لا بتصل عليه اللحين الهنوف : اوكي يالله سكرت وجدان منها واتصلت على ماجد ماجد : اهلين وجدان : هلا والله ماجد فاضي ؟ ماجد : بالدوام والله ليش امريني ؟ وجدان : لا خلاص اجل ماجد : لا والله صدق وش تبين ؟ وجدان بتردد : كنت ابيك تفتح بيتكم لان الغرف وصلت ماجد : سيف بيطلع العصر من الدوام وبيروح هناك بعطيه خبر عشان يتصل عليك وجدان انحرجت : اممم اوكي خلاص الله يعطيك العافية ماجد : الله يعافيك سكرت منه واتصلت على الهنوف تعلمها .. ... .. في بيت ابو تركي رهف في غرفتها ترتب ملابسها كان جوالها على السرير سمعت صوت رسالة بس ماهتمت وبعدها رسالة ثانية وثالثة ورا بعض رهف تكلم نفسها : الله ياخذ شركات الاتصالات هم ورسايلهم جت وجلست على السرير ورفعت جوالها وتوها بتحط صامت انتبهت انها كانت رسائل واتس اب ودققت بالأسم اللي مرسل لها : سلطان !! مين سلطان ؟؟ ( وجلست تفكر شوي ) اها يووه وش يبي غريبة !!! فتحت الرسالة سلطان : السلام عليكم - كيف الحال رهف - ابي اكلمك بموضوع اذا فاضية ارسلي لي رهف ردت عليه - وعليكم السلام - الحمدلله .. ايه فاضية سلطان رد - عادي اتصل عليك ؟ رهف عقدت حواجبها - الموضوع مهم مره ؟ سلطان - ايه رهف - اوكي اتصل عليها سلطان بعد دقيقة رهف ردت وهي ساكتة سلطان : مرحبا رهف با استرسال : اهلين اخ سلطان .. اذا على فلوس السيارة انا قلت لك من البداية ومستعدة اللحين احولك بس علمني كم التكلفة وايش حسابك سلطان عقد حواجبه وبجدية : يعني تعتقدين بعد كل هالشهور بتصل عليك عشان اخذ فلوس للسيارة ! رهف : اجل عشان وش ؟ سلطان : شوفي انا بدخل بالموضوع على طول .. بصراحه انا من يوم شفتك عجبتيني وودي اخطبك من اهلك اذا موافقة .. بالنسبة لأهلي موافقين وجاهزين بس ابي اشوف رايك قبل مايصير شي رسمي رهف كانت ساكتة ومصدومة ماتوقعت ابدآ انه ممكن يكون هذا سبب الأتصال سلطان : اتمنى اسمع ردك الان رهف بهدوء : شكرآ اخ ( وشددت على الكلمه ) سلطان على مشاعرك الجميلة ,, لكن اتمنى انك تلقى وحدة تقدرك وتحبك اكثر مني ,, الله يوفقك سلطان سكت من هول الصدمة كانت متوقع انها بتطلب فرصة تفكر فيها او تقفل في وجهه من الحياء او او او المهم ان رفضها السريع كان اخر شي يتوقعه .. وبعد صمت طويل قال : فمان الله .. رهف : فمان الله سكرت منه وحذفت رقمه ورمت جوالها على سريرها بدون اي اهتمام وقامت تكمل ترتيب ملابسها بعد 5 دقايق استوعبت الوضع ورجعت على السرير وهي تفكر لو كان قايل لها هالشي اول ماعرفته كان طاارت من الفرحة استغربت كيف ومتى راح الأعجاب اللي كانت مفكرته حب ! كانت تفكر بصوت عالي كالعادة : بس عادي شي طبيعي اكون معجبه فيه .. هو معروف وكل البنات يتمنونه وحسيت اني سبيشال شوي لما صارت لي معه سالفة واخذ رقمي ( سكتت شوي وكملت ) بس عاد ليش انا رافضه قطعيآ كذا حتى بدون تفكير !! اخر شي وصلت له انها كبرت وعقلت وماعاد تفكر نفس باقي البنات ورجعت تكمل ترتيب دولابها وهي فعلآ مقتنعه بهالفكرة .. ... .. ... في المستشفى سيف واقف عند ستاربكس ينتظر ماجد بعد دقايق جاه ماجد : اسف اسف تأخرت سيف لف عليه : بدري يالاخو لي نص ساعه مزروع هنا .. وين المفاتيح ؟ ماجد يمد له المفاتيح : والله معليش اليوم عندي مراجعين كثير و قروشه سيف : الله يعينك ياحبيبي يالله اجل بروح انا ماجد : بحفظ الله طلع سيف وماجد رجع لقسمه اللي مايفضى من كثر المراجعين والمرضى ... .. .. الساعه 7 سيف كان في بيتهم شيك على الاوضاع ثم اتصل على وجدان وجدان كانت عند الهنوف وجالسه على سريرها والهنوف قدامها رن جوالها ورفعته يوم شافت اسم المتصل رمت الجوال بسرعة على الهنوف : سيف سييف !!! تكفين ردي عليه الهنوف رجعت رمت عليها الجوال : لا والله ما ارد تعرفيني استحي مستحيل اسويها وجدان عرفت ان مافيه امل وخذت الجوال وردت بهدوء عكس العواصف اللي بداخلها : الوو سيف بصوت رايق : مساء الخير وجدان وجدان برجفه بسيطة : مساء النور سيف : شخبارك وجدان : الحمدلله ,, انت شخبارك ؟ سيف : الحمدلله تمام ,, يالله ودكم تجون تشوفون الغرف ؟ اذا تبون تعدلون ولا شي ؟ ( وضحك ) اخااف ماتعجبكم طريقتي واخرب ام المفاجأه عليكم وجدان ضحكت بهدوء : اوكي اذا ماعندك شغل بنجي سيف : لا والله فاضي وكذا ولا كذا انا جالس بالبيت اساسا وجدان : خلاص تمام سكرت منه وجدان وهي تهف على نفسها : افتحي المكيف حرر الهنوف باستغراب : وجدان شفيك ماخبرتك تستحين من عيال عمتي كذا وجدان : من جدك هنوف ! سيف وسعود استحي منهم مرره هو ماجد اللي عادي الهنوف : احسك كنتي عادي يعني ماتذكرك تستحين صراحه وجدان : عاد تصدقين الهنوف تركت جوالها ورفعت عيونها بااهتمام وجدان : تذكرين لما كنا في دبي عند البحر الهنوف وهي تحاول تتذكر : لحظة لحظة اييه يوم يغني عبدالعزيز ؟ وجدان : ايوه بالضبط تذكرين كلام سيف ؟؟ الهنوف : اييه صح صح ذكرتيني تصدقين كنت بسألك عن هالموضوع بس راح عن باالي وجدان : ماانسى كيف انحرجت يوم كان يتذكر ملامحي يممه هنووف تمنيت الارض تنشق وتبلعني الهنوف بدون استيعاب : احسه يحبك وجدان بسرعه : لا لاا بس عشان بيني وبينه ذكريات كثيرة الهنوف : ايييه اتذكر اول 24 ساعة مع بعض حتى بالصور دايم انتي وياه سوا وجدان وهي تتذكر وتبتسم : صح كنا مره مع بعض لين سافرو بعدها خلاص انقطعت العلاقة تمامآ حتى يوم كبرنا وصرت اكلم البنات ابد ابد ماقد سمعت طاري سيف دايم يذاكر او برا ماتذكر الا ماجد واحيانآ سعود الهنوف : وهو يتكلم عنك حسيت فيه مشاااعر قويه يكنها لك وجدان : لاا وين عشان الذكرى بس صدقيني ,, المهم تراه ينتظرنا اللحين بالبيت قوومي بسرعه الهنوف قامت ولبسو عباياتهم وطلعو ... .. .. بعد ساعة في بيت ابوماجد دخلو وجدان والهنوف كان سيف بالحوش واقف عند العمال يوم دخلو جا عندهم سيف : ياهلا والله وجدان والهنوف : اهليين الهنوف : شخبارك سيف سيف التفت عليها : الحمدلله بخير وانتم شخباركم ؟؟ وجدان والهنوف : الحمدلله .. بخير راحو فوق و شافو الغرف واعجبتهم مررره دخل سيف وحده من الغرف يشيك ووجدان والهنوف مشو عند الدرج وجدان استوعبت ان للان مافيه درابزين بالدرج : يووه تذكرت يوم اطيح الله لا يعيد ذاك اليوم الهنوف : ماشفت طيحتك زين لو سمحتي عيديها وجدان : هههههههههههههههههههههههه لا ياشييخه ! الهنوف بجديه : والله تكفين وجدان ماتت ضحك : بعد تكفين ! هههههههههههههههههه يمه منك والله معد اثق فيكم تخوفون شكل مشاعل موصيتك علي عشان يتأجل الزواج الهنوف جلست تضحك سيف جاي عندهم : وش فييكم ؟ وجدان سكتت والهنوف ردت وهي تضحك : اقول لها عيدي طيحتك بشوفها وعصبت سيف : هههههههههههههههههههههه لا بسم الله عليها وجدان وجهها انقلب احمر الهنوف ابتسمت : متى ناوين تحطون الدرابزين ؟ سيف : هو المفروض اليوم بس اجلوه بكرة الهنوف : يعني ماراح تنقلون هالاسبوع ؟ سيف : اتوقع اتوووقع على الاسبوع الجاي خلاص يكون كل شي جاهز وجدان كانت تطقطق بجوالها وسيف ركز عليها واستغرب هدوئها المفاجئ : اجل ما اطول عليكم شكل وراكم شي وجدان رفعت راسها وبهدوء : شكرا سيف معليش اشغلناك شوي سيف : وش دعوى يابنت خالي والله لو تبون عيوني عطيتكم اياها الهنوف : تسلم والله ماتقصر وهم طالعين قابلهم عبدالعزيز بالحوش : اووه مساء الخير بنات عمي الهنوف ووجدان : مساء النوور الهنوف : شخبارك عبدالعزيز عبدالعزيز : تمام انتم شخباركم وجدان والهنوف : الحمدلله بخير عبدالعزيز : السواق وجهه منقلب حرام عليكم كم لكم داخل ؟ وجدان : هههههههههههههه والله ماطولنا يعني يمكن ساعه عبدالعزيز بضحكه : بس ؟ ماقصرتو بصراحه .. يالله اجل روحو له لا يطير عقله لف عنهم عبدالعزيز بيروح لسيف وهم راحو للباب يوم ركبو السياره وجدان تقلد صوت الهنوف : تعرفيني انا استحي من العيال !! وانتي مابقى الا تتصلين على باقي عيال اعمامي وتسألينهم عن اخبارهم الهنوف انفجرت ضحك : ههههههههههههههههههههه كلي تبن والله من الأدب يعني اني اسأل وجدان : تعرفيين تسألين بس ماتعرفين تردين على الجوال ؟ الهنوف : اي والله بالجوال ما اعرف صدق اتوتر واخاف وجدان : لا ياشييخه الهنوف : والله العظيم ماتشوفيني حتى انتم مااحب اكلمكم كثير كذا مودي عادي تحملوا وجدان فتحت جوالها وهي تقول : سبحان الله بس والهنوف جالسة تضحك عليها نرجع لعبدالعزيز وسيف كانو جالسين على كراسي الحديقة عبدالعزيز : وش عندهم بنات عمي جايين ؟ سيف : مسوين مفاجأه لخواتي ومفصلين لهم غرف وجايين يشيكون عليها عبدالعزيز وهو يضحك : ياربيه على حركات البنات سيف : والله ماقصرو بيفكونا من مشاوير الاثاث عبدالعزيز : ليه سواقكم مافيه فايده خلاص ؟ سيف : للاسف والله اني اخاف على خواتي اذا طلعو معه عبدالعزيز : والله عاد شفت سواقته تروع مره سيف : مررره اقولك كم مره بغى يدخل بمحل عبدالعزيز : بس ماعليك ان شاءالله كلها شهرين او 3 شهور ويصير يعرف سيف : اذا قضى علينا كلنا ؟ عبدالعزيز : ههههههههههههههههههه لا بسم الله عليكم دخل عليهم خالد بهاللحظه : وش هالخيانة متجمعين ولا تنادوني ؟ سيف : حياك الله بس افا علييك عبدالعزيز الطالع وانت الداخل عبدالعزيز يلف عليه ورفع حاجبه : قدها يالمخيس ؟ سيف : ههههههههههههههههه لا والله امزح كلكم عيوني جاء خالد وجلس معهم وخذتهم السوالف انتهى البارت | ||||
|
| |
|
04-04-19, 08:54 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -26- يوم الاحد في الشركة كل موظفين الشركة متجمعين ومسوين احتفال بسيط خالد كان يدور وعد بعيونه ومالقاها وتوقع انها ماراح تجي طلع برا الشركة وبهاللحظة طلعت وعد من الغرفة بعد ماحطت اغراضها وكانو عذاري وهياء قدامها سلمت عليهم وسلمت على باقي المتدربات عذاري : الله اول مره اشوفك حاطه ميك اب يجننن مره هياء : مرره حلووو وعد وين مخبيه هالجمال من زمان منى ( وحده من المتدربات ) : مررره يجنن ماشاءالله انتي مسويته لنفسك ؟ وعد استحت : ياعمري بنات والله عيونكم الحلوه ( وتلتفت على منى ) اييه انا منى : لازم لازم تعلميني الطريقة والله يجننن جلسو البنات يسولفون و بعد ربع ساعة انسحبت وعد منهم وراحت لمكتبها عشان تاخذ شنطتها واغراضها بعد ماخذتها طلعت كانت نفس حالة خالد جالسة تدوره بعيونها بس ماشافته سلمت على البنات كلهم وودعتهم ركبت الاصنصير ونزلت برا الشركة خالد كان ماخذ اوراق من السيارة وراجع للشركة وهو جالس يكلم عبدالعزيز بالجوال : ايه قبل ماكلمك بخمس دقايق كنت عنده يقول يامر امر بس يختار الوقت اللي يناسبه ويجي .. انت كلم فهد وقل له هالكلام .. ايه ماقصر والله متصل علي اليوم وعزمني للأستراحة قطع كلامه صوت فرامل قوي وضرب بوري خالد ارتاع وهو يشوف مابينه وبين السياره الا اقل من متر وعد فتحت الشباك تبي تشوف وش الموضوع وشافت خالد قدامها و بعصبيه : غبي انت ماتشووف ؟ خالد فتح عيونه وهو يشوفها : من الغبي انا ولا سواقكم ؟؟ وعد سكتت لان الغلط ماكان عليه فعلا خالد مر جنبها ودقق على وجهها : امسحي الطحين اللي على وجهك عشان تركزين زين وعد لفت عليه بنظرة حقد خالد يسترسل : وبعطيك معلومة ترا محد يحط كذا بالدوام هذا للزواجات بس ومو اي زواج بعد بس اذا كنتي العروسه وعد انقهرت بقوه و سكرت الشباك وقالت للسواق يمشي و خالد مشى وهو يضحك عبدالعزيز : هههههههههههههه خالد وش فيك ؟؟ من قاعد تكلم خالد : بسم الله انت من متى موجود ؟ عبدالعزيز : بسم الله عليك لي نص ساعه اكلمك خالد : ياخي فقعت قلبي هالانسانه عبدالعزيز : ههههههههههههههههههههههه الحمدلله اللحين عرفت انا طالع على مين خالد بحدة : تخسسي عاد ما اوصل لوصاختك انا عبدالعزيز : اصبر اللحين خلك مني وش سالفتها هذي ؟ خالد : مو وقتها المهم بدخل الشركة اللحين اكلمك بعدين عبدالعزيز وهو يضحك : خلاص طيب يالله ... .. ... في بيت الجده بنات ام ماجد ماداوموا كانو جالسين يرتبون اغراضهم سيف كان توه راجع من الدوام دخل الغرفة اللي فيها ريوف وهي جالسة تحط اغراضها بكراتين سيف وهو ينسدح على سريرها ويغمض عيونه وبصوت كله تعب : احس عظامي متكسرة ريوف : سلامتك وش فيك سيف : مانمت زين من يومين ووراي عمال بيجون الساعة 11 وبقعد عندهم لين المغرب ريوف : طيب نام شوي على مايجون لاحظت ريوف انه مارد عليها ولفت عليه وشافته مغمض عيونه ابتسمت وهي تشوف شكله اللي كان جد تعبان وحطت الغطى عليه وسكرت الانوار والباب وطلعت راحت غرفه ريما اللي كانت ترتب اغراضها بعد لانهم بينقلون بعد اسبوع تقريبآ ريوف تقرب عندها : خلصتي ولا للحين ؟ ريما : تقريبآ خلصت ريوف : تبين اساعدك ؟ ريما : ايه تكفين ريوف : طيب ,, اسمعي شرايك نروح البيت بعد شوي ؟ ريما : اوكي بس اخاف فيه عمال ! ريوف : لا مايجون اللحين سيف يقول 11 ريما : كويس والله ماشفت البيت من زماان ريوف : انااا بعد ريما : وودي اشوف شكل غرفتي وكذا مكلمه محل اثاثهم مره عجبني بخليهم يسوون غرفتي كاملة ريوف : وشو اي محل ؟ ريما : محل .... ريوف : تدرين قايله لسيف يوديني بس يقول اصبري وش مستعجله عليه وكل ماقلت له يصرف ريما : ياحبي لك والله تنتظرينه اتصلي عليهم يجونك هم ريوف : مافكرت فيها والله جلسو يرتبون الاغراض وبعد نص ساعة نزلو تحت وكانو الجده والجد يفطرون وسلمو عليهم وجلسو ريوف : جدي السواق عنده شغل ؟ الجد : رايح يجيب اغراض الحين ليه وش تبين به ؟ ريوف : ودي اروح محل الجد : ابشري بس اول مايجي بقول لك الجدة : ليه وين تبين تروحين ؟ ريوف : محل اثاث قريب هنا دخلت ام ماجد بهاللحظة : ليش وش تبين بمحل الاثاث ؟ ريوف : بصور معه واجي ام ماجد رمت عليها المنديل : بلا استهبال ريوف : هههههههههههههه يعني يمه وش ابي اكيد بدور اثاث لغرفتي الجد : شكلكم مارحتو بيتكم من زمان ريما : اييه مانروح له اساسا كثير عشان العمال الجد : اجل غرفكم كاملة مكملة بس ناقصها اغراضكم ريوف فتحت عيونها : شلووون ! الجد : بنات خالكم ماقصرو زينو غرفكم ريما : ياعمرررري والله جد ؟؟؟ ام ماجد : ياحبي لهم والله يوم شفت الغرف انبسطت مره الجدة : ياويلكم من وجدان والهنوف قايلين نبيها مفاجأه الجد : هههههههههههههه والله ودي اني ساكت بس يوم شفت ريوف تبي تروح قلت اعلمها عشان ماتتعب ريوف وريما تحمسو يروحون للبيت ريوف : جدي الباب مفتوح اللحين ؟ الجد يقوم : ايه تعالو معي انا بروح الحين قامو البنات بسرعه يلبسون عباياتهم 5 دقايق وكانو هناك دخلو غرفهم وانبهرو ريما : ياعمرري واللله وجدان و الهنوف خذت جوالها بسرعه واتصلت على وجدان كانت وجدان والهنوف ورهف جالسين بكوفي بالجامعه عندهم بريك وجدان ردت عليها : هلا والله ريما : احبببكم احبكم احببكم احببكم وجدان ارتاعت : بسم الله ماداومتي انتي ؟ ريما : ههههههههههههههههه طيب قولي وانا بعد على طوول ماداومتي انتي وجدان : وانا بعد بس وش سالفة الحب المفاجئ هذا ؟ ريما : شفنا الغرف ياحبيي لكم وربي فكيتووو ازمه الهنوف اللي كانت تسمع صوت ريما شهقت : لييه من قال لكم ؟ ريما : جدي هههههههههههههه الهنوف : هذا وانا محذرتهم مليون مرره ريوف دخلت عند ريما وخذت الجوال منها : ياحبي لكم هنوفي ووجداني وربي ماقصرتو وجدان : وش دعوى ريووف قليل بحقكم قسم بالله ... .. ... مر الاسبوع بطيئ على بعض ابطالنا اللي عندهم اختبارات وسريع على البعض الاخر يوم الخميس العصر عبدالعزيز توه راجع من الدوام وواقف عند البيت مانزل من السيارة قاعد ينتظر الاغنية تخلص انتي سما عمري وضحكة سنينه ,, منتي سحابه تعبر أوقات وتطوف دام الطريق الجاي متقاسمينه ,, باذن الله انه ما على عمرنا خوف وعبدالعزيز طرباان وجالس يغني معه بهاللحظة شاف سيارة توقف عند بيت ابو تركي ونزلت رهف ماقدر يخفي ضحكته عليها وهي نازله من السيارة ومعصبه مره عند رهف كانت جد معصبه بسبب الاختبار اللي ماحلت فيه وصفقت باب السيارة بقوه من الزعل السواق معصب عليها : مجنون انتاا ؟؟ بعدين هذا سيارة فيه خراب رهف بعصبيه : انت المجنو.. وقطع كلامها اوراقها اللي طاحت بالارض وجلست تجمعها السواق سحب عليها وراح غرفته وهو معصب عليها ويتمتم : بعدين بابا يهاوش انا انتا مايجي مشاكل رهف تتطنز بكلامه : بئدين بابا يهاوث انا انتا قاطعتها وجدان اللي معها على الخط : هههههههههههههههههههه بسم الله بسم الله الله يعين سواقكم رهف : يختي قسم بالله مقهوورة الله يااخذها كل اللي جابته من برا المنهج وصعبب صعب ويجيني ذا يكملها علي وجدان : انتي ماذاكرتي زين لانه والله حلو مره اعجبني رهف : اقولك من برا المنهج وش اللي ماذاكرت زين ! وجدان : وش تقصدين اي سؤال رهف : اخر سؤال اللي عليه 6 درجات حسبي الله عليها وجدان : الا ياعمري هذا من اخر تشابتر ترى ماحضرنا المحاضرة لانها لما كنا بدبي يمكن تحسبينها مو معنا رهف : اي تشابتر ؟ وجدان : السابع رهف : ايه ماذاكرته ! وجدان : ياشييييخة ! وزعلانة بعد ؟ رهف وهي تفتح الباب ومقصره صوتها : لا وزياده على الاختبار الزفت اشوف ولد عمك الزفت يعني جد اليوم مو يومي وجدان : منهو ولد عمي الزفت ؟! رهف بعدم انتباه : عبدالعزيز وجدان : و ليش زفت عاد !! رهف توهقت : مدري بس قاهرني دايم اشوفه بأيامي الخايسة وجدان : هههههههههههههههه والله انك غبيه .. ربي جايبه قدامك عشان تروقين وتنبسطين بس مافهمتيها رهف : وععع لا تقهريني تكفين كفاية اللي فيني عند عبدالعزيز اللي مازال يسمع الاغنية قطع طربه صوت خالد وهو يطق الشباك : الحلو طربان عبدالعزيز : اي والله مجنونة الاغنية لا تفوتك خالد : اييه سامعها امس اعجبتني مره عبدالعزيز : حملتها وثاني مره اسمعها ماقدرت انزل ياخي خالد : ياشيخ ! انزل بس انزل ذبحنا الجوع والوالدة رافضه يحطون الغداء لين يجي عين السيح عزيز عبدالعزيز وهو يضحك : ياحبي لها والله نزل عبدالعزيز مع خالد ودخلو الملحق يسولفون وينتظرون الغداء يجهز .... .. ... بنفس اليوم الليل كانت الجمعة العائلية ببيت ام ماجد كانو توهم ساكنين من يومين واصرت عليهم يجون عندها وعزمت ام تركي وام نايف كانو الحريم جالسين بالصالة والبنات بالملحق الخارجي التابع لقسم الحريم ريوف وهي تصب القهوة للجازي : والله تو مانور بيتنا الجازي : النور نورك ياعمري ريوف تجلس : عاد خلاص جاملناكم بفنجالين يالله كل وحدة تصب لنفسها اللحين رهف : يوه ريوف ليتك صابره شوي لين يخلص فنجالي نورة فتحت عيونها بقوه : معليش بنات بنت عمتي ماتستحي ابد ( وتاخذ الترمس منها ) وخري بس انا بصب لهم ريما اللي كانت جنب رهف : رهوف فيه شي ملاحظته عليك و ماقلته لين خلاص بدا يطلع من خشمي رهف عقدت حواجبها مستغربه : وشو بسم الله ! ريما : اسوارتك ذي اللي فيها اسمك ماعمرك شلتيها داايم وانتي لابستها حتى لو بمناسبة كبيره وش السر ! رهف : اييه طبعااا اكيد ماراح اشيلها هذي اغلى شي املكه بالحياة غدي وهي تغمز : الله الله شكلها من الحب ؟ رهف : اي والله من حبيبي تركي جابها لي باول راتب استلمه ريما : يووه وللحين ماشلتيها ؟ رهف : لا غدي : واااو سو كيوت رهف رمت عليها قاعدة الحلا الصغيرة : تتطنزين انتي ووجهك ؟ غدي : هههههههههههههههههههه لا والله اتكلم جد يجنن اخوك حلوة الفكره مره رن جوال رهف بهاللحظة وطلعت عن زحمه البنات وردت : هلا ماما .. مدري يمكن جوالها صامت .. لييش تركي وين ؟ .. اهااا اوكي خلاص .. طلول غريبه مااتصل علي .. خلاص انا بروح البيت بدخل الاغرض وارجع .. ابشري دخلت رهف عند البنات واخذت عبايتها ريوف : تستهبليين رهف ؟ وين رايحة له رهف : طلال جايب اغراض بروح البيت بدخلها وارجع الهنوف : ياحبك للمشاوير وين اخوك رهف : مو بالرياض ولا كان وعد : وش عنده طلال ؟ رهف : مدري والله امي تقول جايب اغراض ثقيلة وتتكسر وما اثق بالسواق مابيه يدخلها وعد : طيب تبيني اروح معك ؟ رهف : لا لا باخذ الشغاله معي وبجي ماراح اطول رهف راحت المطبخ نادت الشغاله وطلعو من البيت لما وصلت عند باب بيتهم شافت طلال طلال : هلا والله بالحلووة رهف سلمت عليه : هلا فيك شخبارك طلال : مشتاق لك والله رهف : ياحبي لك والله وانا اكثر طلال : تعالي بس اتركي عنك الكلام وشيلي معي والله ظهري تكسر رهف : ههههههههههههههههه وش جايب انت ؟ طلال : والله مدري وش هالاشياء امي مخليتني اجيبها من خالتي نوف رهف كشرت : وعع قطيعه وش جاب الطاري ؟ طلال : والله ضاق صدري يوم قالت لي امي رح لبيتها رهف بحماس : يا ليتك مكسر القزاز على راسها طلال : هههههههههههههههه لا والله الا ليته براس لولوة رهف : لييه شسوت ذي بعد ؟ طلال : ذبحتني كل ماشافتني تسألني عن تركي رهف باستغراب : خيير ليه وش تبي فيه ؟ طلال : انتي شكلك ماتدرين ! رهف : عن وشو ؟ طلال : ماتدرين انهم محيرينهم لبعض من وهم صغار رهف فتحت عيونها بقوه : نعممم ! ومن يقوله ؟ طلال : كل الحريم يدرون والرجال بعد رهف : وتركي يدري ؟ طلال : والله مدري عنه بس انا توني عارف عن الموضوع رهف بقهر : تخسي والله ما تااخذه لو تموت هذا تركي القلب والحب ما اخليه ياخذ اي وحده كيف لولوة عاد طلال يضحك على وجهها اللي قلب احمر من العصبيه : يمه بسم الله طيب شيلي معي وياويلك لو كسرتي شي على راسي ترى مالي دخل والله رهف ضحكت بنص عصبيتها على طلال وشالت معه في جهه ثانيه قدام بيت ابو ماجد عبدالعزيز كان طالع برآ ينتظر سيف وجالس يراقب تحركات رهف ويتذكر كل الاشياء اللي حصلت معها في دبي وقبل دبي ومستغرب ومصدوم شلون استحوذت على تفكيره ماقدر يخفي ابتسامته وهو يشوفها تضحك وشوي تعقد حواجبها وشوي تعصب وترجع تضحك كان بأعماق قلبه يحسد طلال ... بس ماصرّح بهالشي لنفسه ولا راح يصرح لان بقناعته ان مافيه اي بنت تقدر تلفت انتباهه كيف رهف ! قطع تفكيره صوت ضرب بوري و ارتاع ولف : الله يقلعك روعتني سيف نزل من السيارة وبأبتسامة : اللي ماخذ عقلك يتهنى فيه عبدالعزيز : انت اللي ماخذ عقلي ياعمري سيف : اقول بس تعال نزل معي العشاء عبدالعزيز راح له وهو مبتسم ويحاول يشيل رهف من تفكيره ! .. ... .. بعد 3 ساعات اللكل راح لبيته باستثناء البنات اللي اصرت عليهم ريوف ينامون عندها مشاعل والهنوف ووجدان وهيفاء ونورة كلهم مجتمعين في غرفة ريوف ريوف : عاد انتم تتوقعون اني مخليتكم تنامون حب فيكم ؟ طبعآ لا الهنوف : ريوف وش صاير لك اليوم صايره ماتستحين ابد وجدان : تلاحظين ؟ ههههههههههههههههههههه ريوف وهي تضحك : انا حسيت بعد بس والله ابيكم ترتبون معي اغراضي مشاعل : انا لو اني رايحة مع فيصل اصرف لي هيفاء : ياليل هالفيصل ترى بعلم عزيز عليكم مشاعل : هيوووف والله احبه نورة : ياعمري وينك يا اخوي تسمع هالكلام وجدان بجديه : مشاعل صدق بسألك مشاعل ترفع راسها من جوالها : هلا وجدان : تحبين فيصل من زمان ولا حبيتيه من بعد ماخطبك ؟ مشاعل استحت ووجهها انقلب احمر هيفاء : ياربيه اللحين بنجلس 5 ساعات ننتظر الحياء يروح بعدين تعلمنا عاد مشاعل رمت عليها الخداديه : انتي اسكتي ولا كلمة ( ولفت على وجدان ) اممم لا يعني قبل كنت منجذبه له بس اللحين جد احبه يعني يوم عرفته من قريب ريوف تصفر : تكبيييير مشاعل ماطولت وهي مستحية مشاعل : الشرهه مو عليكم الشرهه علي جالسة معكم جلسو البنات يسولفون ويضحكون لين غلبهم النوم - يوم الجمعة الساعه 7 هيفاء متعودة تصحى بدري سواء ايام دوام او لا وكانت صاحية اول وحدة من البنات لبست شيلتها ونزلت تحت تبي تسوي لها كوفي وكانت تدعي ان محد يطلع بوجهها من عيال عمتها دخلت المطبخ وهي مازالت تدعي وتحطمت لما شافت ماجد قدامها يسوي قهوته جت بتطلع بس انتبه لها ماجد ماجد بابتسامة : صباح الخير هيفاء وهي تعدل الشيله : صباح النور ماجد : شخبارك هيفاء هيفاء : الحمدلله بخير انت وش اخبارك ماجد : اذا على الكحه الحمدلله خفت هيفاء تفشلت وسكتت ولفت بتطلع ماجد : خليك خليك انا خلصت قهوتي وبطلع خذي راحتك هيفاء بكذب : لا لا انا جايه اخذ مويه بس وبروح ماجد ابتسم : اوه مويه اجل بطلع قبل ماتكبينها علي وطلع مع باب المطبخ الثاني اللي على الحوش هيفاء ودها تصفق نفسها وبصوت خفيف : انا حيوانه يوم اكب عليه مويه واضح ماراح ينسى السالفة ابد راحت تسوي لها قهوه دخلت عليها عمتها ام ماجد : صباح الخير هيووف هيفاء بأبتسامة : هلا عمتي صباح النور ام ماجد : تعالي ياقلبي افطري معي هيفاء وهي منحرجه : لا لا بالعافية عليك ياعمة والله ماشتهي بس اخذت لي قهوه ام ماجد : الا حالفه عليك والله ترى مافيه احد ابو ماجد والعيال بالدوام وانا ماعرف افطر الا وفيه احد مقابلني هيفاء ماحبت تردها : ابشري والله من عيوني جلسو يفطرون وبعدها خذتهم السوالف لين نزلو البنات كلهم ... ... .. بنفس اليوم المغرب في احد مقاهي الرياض المفتوحة عبدالعزيز وسيف وصديق العايلة ناصر جالسين يسولفون ويتقهوون عبدالعزيز : ماقلت لي شخبار عبدالملك والباقين والله لهم فقده ناصر : ايييه امس يقولون لي ماشفنا عبدالعزيز وسيف من عقب البر والله استغربت سيف : ايه والله يبي لنا مره نجي الاستراحة ناصر : تعالو اليوم عبدالعزيز : لا والله ياحبيبي اليوم فيه مباراة ناصر : من يلعب ؟ عبدالعزيز : الهلال و الاتحاد سيف : يووه فيه احد يتابع الدوري السعودي للان ناصر : ليه يالامريكي ماتشجع انت ؟ سيف : هههههههههههههههههه لا ما اشجع عبدالعزيز : ماعليك منه ذا وتعال خالد يوم عرف انك معنا قال اسحبوه ناصر : يووووه خالد تدري اني ماشفته من يوم اني ببريطانيا ! تقريبآ لي سنتين سيف : والله مو خالد بس حتى ماجد اخوي والباقي يقولون من زمان ماشافوك ناصر : اسف والله ادري اني قليل ادب وقاطع بس امور الحياة عاد عبدالعزيز : خل امور الحياة عنك وتعال اللحين معنا ناصر : انتم روحو اللحين انا بروح اودي الاهل مشوار واجيكم سيف : خلاص اجل برسل لك اللوكيشن ناصر : اوكي انتظرك ... .. .. الساعة 9 ونص في ملحق بيت ابو ماجد كل العيال مجتمعين يناظرون مباراة الهلال والاتحاد دخل عليهم ناصر بهاللحظة ماجد قام له : ياهلا والله يالله حيه القاطع ناصر وهو يضحك : هلا هلا والله قامو العيال كلهم وسلمو عليه وكان اخر واحد وصل له خالد اللي ضمه : ياهلا ومرحبا وش اخباارك ناصر ضمه بحرارة : هلا ابو عبدالرحمن والله الحمدلله انت بشرنا عنك جلس جنبه وقعدو ياخذون اخبار بعض كان ناصر صديق خالد وعبدالعزيز من الاساس وعرف باقي العيال عن طريقهم خالد : وش اخبارك وش الدنياا بك ناصر : والله الحمدلله بخيير ياخي مشتاق لك خالد : ياحبي لك والله ردت روحي يوم شفت وجهك تذكرت ايام بريطانيا والهبال ناصر : هههههههههههههههههههه انت الظاهر ماشتقت لي الا عشان كذا خالد : تبي الصراحة ايه والله عشان كذا ناصر : هههههههههههههههههه اياا الخسيس ليت من يعلم موظفينك والله معد يحترمونك خالد : ايه صح مبروووك الوظيفة ناصر يبتسم : الله يبارك بعمررك خالد : والله وصرنا مدراء ناصر : تعال على الطاري بسألك خالد : سم ناصر : كان عندكم موظفة اسمها وعد ال ... ؟ قطع كلامهم صوت صراخ العيال واعلان المعلق لهدف ثاني لصالح الهلال عبدالعزيز بحماس وفرحة : والله محد يعشيكم اليوم الا انا ماجد وهو يضحك : لا ياحبيبي عشاكم علينا عبدالعزيز لف عليه : حلفت انا والله عشاكم علي تخسي تردني عاد ماجد : يالله اجل قم جبه اللحين عبدالعزيز : باقي 10 دقايق تقريبا وتخلص المباراة اصبر يااخي ناصر وهو يضحك : يالله ياعبدالعزيز خلاص انت ضامن النتيجه لازم يعني تشوفها للنهايه ؟ عبدالعزيز : هههههههههههههه هذا الهلال عااد ماتدري وش يعني لي ؟ ناصر : الا والله ادري بس بيذبحك هالتعصب يوم من الايام كلهم كانو داخل الا سيف اللي كان برا يكلم ريوف ريوف : سيوف بطلبك طلب سيف : تم ريوف : طيب اسمع اول سيف : ريوفي ماتطلب تامر ريوف : عادي تجيب لنا عشاء ؟ سيف : بسس ؟ ابشري بس من وين تبون ؟ ريوف : بجمع الطلبات من البنات وارسل لك سيف : عندكم بنات خالي ؟ ريوف : اييه سيف : خلاص انا طالع الحين ارسلي لي ريوف : طيب سيف : يالله ريوف : مررره احبك سيف سيف ابتسم : وانا بعد ( ويقلد نبره صوتها ) مرره احبك سكر منها هيفاء : ياربيه اخوك مره كيوت نورة : مره ماتشوفيني انا ودحوم او فيصل نتسابق من يسكر بوجه الثاني اول وذولا يقولون احبك وجدان : هههههههههههههههههههه تدرين ان دحوم الحيوان هو اللي مطلع هالحركه صرت اشيل هم اذا اتصلت عليه اقول طلباتي بسرعه واسكر حتى قبل ما اسمع رده مشاعل : اشوف مشيعل طايح فيها عاد انا اكرره ماعندي اللي يسكر بوجهي الهنوف : عاد مالومه مشاعل انتي تجلسين سنتين على ماتقولين اغراضك هاادية مره هيفاء : ههههههههههههههههه المشكلة الهدوء مايجي الا اذا جت تطلب بس ( وتقلد مشاعل ) اسمع ابيك تطلع الحين من البيت وتركب السيارة وتشغلها ,, ويسكر مشعل وهي مابعد قالت له امش مشاعل : حيوانة والله موو كذا وجدان : هههههههههههههه الا والله انك كذا تذكرين يوم تقولين لي اجيب لك عطر تعبت لين عرفت اسمه رهف : خلاص بنات حرام عليكم الا مشاعل عاد نورة : الله يعين اخوي والله هههههههههههههههههههه مشاعل تناظرهم بحقد : ياعمري يارهف والله محد يفهم الا انتي ريوف : اقووول بس شتبوون من المطعم ؟ قامو البنات يختارون وارسلت ريوف لسيف بعد ساعة جا سيف ومعه الاغراض و ارسل لريوف تنزل نزلت هي وهيفاء عشان ياخذون الاكل لما دخلو المطبخ كان سيف مازال يحط الاغراض ريوف : وش هذااا شكلك جايب كثير سيف : ايه زودت شوي ( وكان توه ينتبه لهيفاء ) اوووه بنت الخال هنا هيفاء : ايه ماتشوف البيت منور ؟ سيف : اي والله منور ومستغرب انا بس اللحين عرفت ليه هيفاء : ياربيه ترى كذا ماقدر متعودة على جلد يجيني عقب هالكلمه سيف : ههههههههههههه اصبري بس فترة وابدا اجلد هيفاء : مامدى توني مادحتك سيف : ههههههههههههههههههههه اللي يعاشر اخوانك يصير فيه كذا هيفاء : لا حرام عليك لا تحطها بأخواني كلهم مشعلوه بس سيف : و عزيز مو قليل شر ريوف : عبدالعزيز للان كذا ؟ اذكر قبل مايصيحني ويطققني الا هو هيفاء : ههههههههههههههه ايه كان متسلط على اللكل مو انتي لحالك ريوف : ايييه ويجلدني قدامكم ولاتقولون شي بالذات انت سيف سيف : انا كنت بودي قارد وجدان هيفاء :ههههههههههههههههههه اتذكر مره كانو كل الحريم والرجال بمزرعه ال.... واحنا بمزرعتنا واكبرنا عمي خالد ريوف : ايييه ذكررت يوم يصفنا عبدالعزيز على الجدار كلنا بنات وعيال ويجلدنا سيف : ههههههههههههههههههههههههه ه هيفاء : اكثر شي قاهرني انه مايحترم احد الا انت ياسيف وانت ماخذ وجدان ورايحين تلعبون لحالكم ريوف تحط يدها على فكها : اذكر يوم انكسر سني بسبب ضربه الكوره واصيح وانت ووجدان تمرون قدامي تركضون تلعبون سيف جلس على الكرسي من كثر الضحك : هههههههههههههههههههههه اذكر ابوي جلدني بسبب هالموضوع وعبدالعزيز الكلب طلع منها محد يقوله شي حبيب جدته ريوف : عاد انت تستاهل اكثر منه والله قاهررني للان ترى جلسو يسولفون شوي لين اتصلت عليهم مشاعل واخذو الاكل وراحو ودخلو الغرفه وهم يضحكون ريوف تشوف وجدان : شوفي انتي ماراح تاكلين معنا وجدان : بسم الله وش فيها هذي جايه بشرها هيفاء : هههههههههههههههههه تذكرت يوم تنجلد وانكسر سنها وجدان تضحك : طيب شدخلني انا مشاعل : ههههههههههههههههههههههههه ههه اييه ذكرت يوم كنتي تلعبين مع سيف لحالكم وجدان : اييه تدرون تونا شايفينه قريب بكاميرا عمي خالد اااه متتت ريوف وجهها كله دم وسيف يلحقني ويضحك رهف : ههههههههههههههههههههه من جالدها ؟ ريوف : عبدالعزيز الكلب رهف كشرت وبنفسها : وجع من يومه شر ريوف : انا مقهوره للحين والله من سيوف رهف ضحكت : بس انا حبيت ان وجدان مانجلدت وجدان : ايه حبيبتي الحمدلله اني مصادقه سيف ذيك الفتره هو الوحيد اللي يحترمه عبدالعزيز ,, مع اني احيانا اخذ نصيبي من الجلد اذا ماجا الواسطة حقتي هههههههههههههههههه ريوف : والله صراحة عبدالعزيز لعن خيرنا صدق من اكبرنا لاصغرنا حتى اخوانه ماسلمو وعد : حتى عمكم خالد ينجلد ؟ ههههههههههههههههههههههههه وجدان : ههههههههههههه لاا كان اكبر بكثير ولا عادي ماتفرق مع عزيز نورة : عمي خالد يوصونه علينا ويقفل على نفسه المجلس ويلعب اتاري وعبدالعزيز يلعب بنفسياتنا برا وجدان : والله ولد عمي كان نذل الله يعين عياله مشاعل : لا شوفي عاد حرام عليك اللحين يجنن عزوزي هيفاء : اي والله يجنن مره بعد رهف بدون استيعاب : والله ماهقيت هيفاء تعقد حواجبها : ليش عاد ! رهف توهقت مره ماتدري كيف ترقعها الهنوف اللي حست بوهقتها وقالت بضحكه : شكلها تقصد يوم يهاوش مشعل في دبي صح رهوف ؟ هيفاء : هههههههههههههههههه يووه عاد ماترضى على مشعل رهف ضحكت مجامله وكان ودها تبوس راس الهنوف اللي انقذتها كملو البنات سوالفهم وسهرتهم - يوم السبت الليل في غرفة وعد كانت عندها رهف رهف : ارسلتي السي في للشركه اللي عطاك تركي ؟ وعد وهي تشوف مسلسل باللاب توب : ايه ارسلته يوم الخميس رهف : غريبه ماردو عليك وعد بعدم اهتمام : بكيفهم عاد رهف : شكل جلسة البيت اعجبتك وعد : مرره بشكل ماتتصورينه رهف : طيب تتوقعين اذا سفهوك يعني خلاص ؟ وعد : لا مستحيل ماراح يردون علي الا الاحد الويكند مافيه دوام غالبآ وحتى لو فيه دوام مايردون رهف : واثقه انهم بيوظفونك ؟ وعد : يحق لي السي في حقي يشرّف رهف : ياعمررري يالثقه بس وعد بجديه : يحق لي والله هم الخسرانين اذا ماوظفوني رهف : خلاص جد عاد ترى بقلب عليك وعد وهي تضحك : اطلعي بس وقفلي الباب خليني اكمل المسلسل - يوم الاحد في شركة ... ناصر قاعد يقارن بين سيفيات المتقدمين وطاحت عينه على سي في وعد وتذكر انه ماسأل خالد اخذ جواله بسرعه واتصل عليه خالد : هلا والله ناصر : هلا حبيبي شخبارك خالد : هلا فيك الحمدلله انت بشرني عنك ناصر : الحمدلله تعال بسألك خالد : سم ناصر : جاي من شركتكم 3 اشخاص متقدمين عندنا وللاسف ماعندنا مكان شاغر الا واحد فقط وكلهم سيفياتهم كويسة خالد : مين ؟ ناصر : اذا تتذكر اللي سألتك عنها امس اسمها وعد ال .... وفيه وحدة اسمها منار ال .... وفيه وحده اسمها سارة ال .... ابيك ترشح لي شخص شغّيل منهم خالد : اممممم كنسل وعد ال ... ناصر : ليه ؟ افضل سي في بينهم عاد خالد : بالنسبة لي اشوف منار افضلهم كشغل مو خبرات وعاد انت بكيفك ناصر : اوكي شكرآ والله مايمشيني الا انت من ايام الدراسه نافعني خالد : هههههههههههههههه اخيرآ بيّن بعينك ناصر : يالله اجل مااعطلك تآمر على شي ؟ خالد : لا ياحبيبي تسلم ناصر : فمان الله وسكر خالد منه وهو مايدري ليه مارشح له وعد مع انها افضل منهم كلهم حتى كشغل واساسا مايذكر منار ولا يذكر شغلها بس قطع تفكيره صوت الباب ورجع مره ثانيه لدوامة الشغل ونسى السالفه .. ... .... يوم الاثنين العصر في بيت ابو ماجد و في غرفة ريناد تحديدآ كانت تكلم صديقتها بالغربه ليان : والله ياليان ماراح ياخذه احد غيري انا احبه ليان : ياريناد ياحبيبتي واضح من كلامك انه مايحبك ريناد : عادي اسهل شي بالحياة انك تجيبين راس ولد ليان : من كلامك عن ولد خالك انه ثقيل ومايعطي احد وجه ريناد : عادي انتي تذكرين كيف جبت راس طارق اللي معنا بالجامعة ليان : اييي اذكر بس مادري يختي صعب انك تتميلحين عنده وبعدين طارق ماكان ثقيل ريناد بعصبيه : لاتصيرين معقده انتي وشجعيني ليان : طيب انتي وش تفكرين تسوين ؟ ريناد : ابي اعلقه فيني .. تتوقعين لو اطلع قدامه وانا لابسه كويس وكذا بيعجب فيني ! ليان : اول شي اعرفي اذا في قلبه احد او لا ريناد : لا ماتوقع هو مفركش خطوبته من بنت خالي واساسا واضح ما كان يكن لها مشاعر بعد ومتأكده مافيه احد بباله نهائيآ ليان : طيب قولي له انك تحبينه يمكن تتحرك مشاعره ريناد : تحسبيني ماجربت ؟ جربت بس هو يتغلى ! ليان : جربي مره ثانيه وحاولي انك تتقربين منه وتمسكين يده او وجهه (وضحكت) اهم شي خليك كاشخه عشان يخق ريناد بحماس : اييه ابي افكار مثل كذا كملت مكالمتها التافهه مع صديقتها . .. ... .. في بيت ابو نايف علي توه داخل وكانت امه بالصالة جالسة لحالها علي : السلام عليكم ام نايف : وعليكم السلام والرحمه هلا والله بولدي علي : هلا يمه وش اخبارك ام نايف : الحمدلله بخير انت وش اخبارك علي : والله الحمدلله بخير ام نايف : وش فيه وجهك تعبان ,, فيك شي ؟ علي : لا والله مافيني شي بس يمكن ضغط الدوام (ويسكت شوي) امم ودي اكلمك بموضوع ام نايف : سم علي : ابي اتزوج ام نايف تهلل وجهها : ابرك الساعات وانا امك .. في بالك وحده ولا اخطب لك انا ؟ علي وهو مبتسم : لا ابي بنت ابو فيصل ام نايف : زييين ماخترت والله والنعم في اهل ابو فيصل كلهم علي وهو مازال مبتسم : الله يخليك لي يايمه ام نايف : ويخليك لي واشوف عيالك ان شاءالله سهى وهو يتذكر وجدان .. اللي اخيرآ بيجمعهم النصيب قريب - يوم الثلاثاء الظهر ام نايف اتصلت على ام فيصل ام نايف : السلام عليكم ام فيصل : وعليكم السلام ورحمة الله وبركاته هلا في ام نايف ام نايف : هلا بك والله ام فيصل : شخبارك وش اخبار العيال ام نايف : الحمدلله بخير كلهم وانتي اخبار عيالك واخبار نورة ووجدان ام فيصل : عساه دايم .. والله الحمدلله بخير جعلك بخير ام نايف : والله متصله عليك يا ام فيصل ودي اطلبك طلب ومابيك ترديني ام فيصل : امريني ام نايف : ودنا نخطب بنتك نورة لولدي علي ام فيصل ابتسمت : والنعم والله في علي ام نايف : وودي تردون لنا خبر بأسرع وقت ام فيصل : ابشري بشاور البنت وابوها وارد لك ام نايف : زين زين الله يكتب اللي فيه الخير ام فيصل : امييين قفلت منها .. ... .. في الجامعة الهنوف ووجدان جالسين جتهم رهف وهي مبتسمة ابتسامة قهر : باركو لي بنات شكلي بحمل مادة النقد الأدبي الهنوف : ليش خير ! رهف وهي تجلس : بسبب بنت عمك النذله ماعلمتني عن اخر شي اخذناه وجدان فتحت عيونها بقوه : يالله شدخلني انا مادريت انك غبيه لهالدرجه مو معناها حنا ماحضرنا الجامعه يعني كل شي توقف معنا رهف وهي ترجع شعرها على ورى : والله مدري مافكرت ابد وجدان : المشكلة هي قالته بالمحاضره الثانيه وعلمتنا كل التشابترز اللي معنا يعني غبائك زايد عن حده والله رهف : انتي مو كفو صداقتي اصلا ليتني مادخلت معك نفس التخصص ورايحه مع هنوفي وجدان تضحك : وتجلسين انتي وياها تقابلون بزران خلق الله ؟ الهنوف بعصبية : وش فيها ؟؟ يازيينهم والله مستعده اجلس طول حياتي مقابلتهم رهف : والله مشكله عاد انا احب العب معهم خمس دقايق بعدين كل واحد بطريقه مااتخيل اني كل يوم اضطر اقابلهم ونعيد نفس الموال الهنوف عصبت عليهم : من زينكم انتي وياها هذولي احباب الله كيف تقولون كذا عنهم رهف بتأفف : يووه اللحين وش يسكتها هذي وجدان : من جد اللحين تجينا محاضره طول بعرض عن جمال الاطفال وبرائتهم خلاص والله حفظنا الكلام والاطفال كلهم حلوين ويهبلون الهنوف تسوي نفسها زعلانه : الشرهه مو عليكم الشرهه علي انا اللي جالسه معكم انتم وتخصصكم الفاشل جلسو يضحكون ويكملون سوالف ... ... .. في بيت ابو فيصل كانت نورة توها داخله جايه من الدوام سلمت على امها يوم جت بتطلع غرفتها فوق ام فيصل : تعالي نورة بكلمك بموضوع نورة لفت عليها بأهتمام : سمي يمه ام فيصل اشرت على المكان اللي جنبها : تعالي هنا نورة جت وجلست مستغربه ام فيصل : ام نايف متصله علي نورة : من ام نايف ؟ ام فيصل : جارتنا ام الجازي والعنود نورة : اييه ياحليلها ,, طيب وش عندها ؟؟ ام فيصل : تخطبك مني لعلي وقلت خل اشاورك قبل مااعلم ابوك واخوانك نورة ابتسمت بحياء ام فيصل استرسلت : وعلي انتي تعرفينه من كلام فيصل اخوك وابوك رجال والنعم فيه عنده وظيفة زينه ومحترم وشهم نورة : امممم بستخير وارد لك ام فيصل : خلاص حاولي تردين علي بدري قبل ما اكلم ابوك نورة : مايدري للحين ؟ ام فيصل : لا لو وافقتي بقول له نورة : اوكي قامت نورة وحبت راس امها وراحت فوق وهي مبتسمة ! انتهى البارت | ||||
|
| |
|
06-04-19, 06:38 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -27- بداية الاسبوع الجديد اهم الاحداث اللي حصلت قبل ان نورة وافقت على علي وحددو موعد الشوفه الشرعية يوم الثلاثاء علي كان اكثر انسان مبسوووط .. وطبعآ مبسوط مين قده بيتزوج وجدان ! - يوم الاثنين الصباح في بيت ابو تركي وعد بغرفتها وقاعده تكلم صديقتها عذاري : هاه شخبار الوظيفه معاك ؟ عذاري بسعادة : تمااام الحمدلله .. عاد شعور انك رايحة الدوام وانتي موظفة رسميآ وبتستلمين راتبك اخر الشهر ماقدر اوصف لك جماله وعد : ههههههههههههههه ياحبيبتي والله ياحظهم فيك عذاري : ماقلتي لي تشوفين خالد ولا ؟ .. اووه عفوا قصدي استاذ خالد ( وضحكت ) تعرفين انه مديري ولازم الاحترام وعد : تصدقين عاد انا منحاشه عن الدوام عشان ماشوفه وصرت اشوفه اكثر .. شكله مكتوب علي الشقى عذاري : ههههههههههههههههههههه حرام عليك والله ياوعد انه يهبل وعد : اي يهبل ؟ حرام عليك انتي والله عذاري : بالله عليك عمرك شفتي موظفين اذا اجتمعوا قامو يثنون على المدير ؟ مستحيل مستحيل من سابع المستحيلات تصير الا بشركتنا اللكل يحبه ويحترمه بطيب نفس مو غصب وعد بقهر : ايه ايه اوكي خلاص طيب فكينا من هالطاري عذاري وهي تضحك : اوكي .. شصار على الوظيفة اللي قدمتي عليها ؟ وعد وهي تحط مناكير بعدم اهتمام : ماردو علي اتوقع قبلوا شخص اكثر كفاءه مني وهو اساسا مكان واحد شاغر بس عذاري شهقت : معقووله ! بس منار اللي معنا توظفت هناك ! وعد على طول حطت فرشاة المناكير مكانها وقامت بسرعه وبصوت عالي : نعععم ! عذاري : اي والله ماقريتي كلامها في قروب الواتس اب ؟ وعد وهي مو مستوعبة : لا لا وشلووون وكيف صار كذا .. السي في حقي افضل منها !!! عذاري عقدت حواجبها وبصوت كله استغراب : خير وعد ؟ ماتوقعتك حقوده كذا ! وعد بسرعة : لا والله مو حقد ولا شي بس بالعقل يعني انا كنت موظفه رسميآ بالوقت اللي هي متدربة بس عذاري : طيب يمكن عندها خبرات من اماكن ثانيه قبل ماتجي الشركه ؟ وعد : لا عذاري لا تستهبلين البنت توها متخرجه من الجامعة مستحيل يكون عندها خبرات قبل عذاري : حرام عليك نصيبها هذا وبعدين يمكن هي محتاجه الوظيفة اكثر منك وعد : اممم صح عليك والله .. يالله الله يوفقها .. - يوم الثلاثاء المغرب كان علي قدام المرايه يعدل شماغه دخلت عليه الجازي وهي معها البخور والابتسامة شاقه وجهها : مبروووك يا علي والله زين ماخترت علي بأبتسامة : الله يبارك فيك ام نايف دخلت عليهم : يالله ويينكم طولتو علي وهو يضحك : وين طولنا يالغاليه تونا المغرب الجازي : هههههههههههههههههههه شكل امي خايفه تغير رايك ام نايف : تلوميني بعد ؟ ماصدقت والله الجازي تنهدت بقوه : الله يتمم على خير والله مره فرحانه بشكل ماتتصورونه ام نايف : امييين يارب وجعلي اشوفك عروس قريب الجازي بسرعه : لا لا يمه خلينا على علي اللحين علي : هههههههههههههههه انا خلصت ان شاءالله .. الله يعينك شكل الدور الجاي عليك الجازي وهي تضحك : الحمدلله انه مو حنا اللي نخطب ولا كان صدق توهقت ام نايف اللي كانت مبسوطة ماقدرو يعكرون مزاجها بكلامهم هذا : اقول لا تضيعون الوقت بالسوالف وانزلو بسرعه طلعت ام نايف وطلعو بعدها علي والجازي بعد نص ساعة كانو ببيت ابو فيصل كان ابو فيصل وفيصل بالمجلس مع علي ابو فيصل يقوم : انا بروح انادي البنت عشان تشوفها علي ابتسم وهو ساكت وبنفسه : ابيها والله ابيها مايحتاج شوفه ولا غيره جلس فيصل يسولف معه عشان يخفف ربكته اما ابو فيصل طلع وراح لبنته اللي واقفه بالمقلط وتروح وتجي مرتبكه مو قادره تجلس نورة كانت لابسه جمبسوت عنابي نص كم ومخليه شعرها على طبيعته الناعمه وحاطه روج خفيف وماسكرا جاها ابوها وهو مبتسم : يالله نوارتي جاهزة ؟ نورة بارتباك اكثر يوم شافت ابوها : لا لا خلاص ما ابي اتزوج ابو فيصل : نلعب حنا ؟ ادخلي يابنتي الرجال ينتظرك نورة : طيب مو لازم شوفه تكفى بابا خايفه مااقدر والله قاطع كلامهم فيصل اللي جايهم : يالله نورة علي ينتظرك نورة فتحت عيونها : نعععم ! ماراح تدخلون معي ؟ ابو فيصل بكذب : لا ادخلي لحالك نورة خنقتها العبرة ولفت على فيصل : فيصل تكفى ادخل معي فيصل : هههههههههههههه طبعآ بس بروح اجيب العصير وارجع نورة توكلت على الله وراحت بتدخل علي لما حس ان فيه احد دخل ارتسمت على وجهه ابتسامة وقام من مكانه وتوه يرفع راسه وشاف وحدة غير وجدان ! صد بسرعة و نورة مانتبهت لهالشي لانها كانت منزله راسها . . . . . . بعد 3 ساعات كان يدور بشوارع الرياض ضايقه فيه الدنيا من لما طلع من بيت ابو فيصل مارجع بيتهم مايدري وين يروح مايدري ليه قال لامه اخطبي لي مايدري ليه اللي دخلت عليه اخت وجدان ,, كل شي اختلط بعقله يفاتح امه بالموضوع ويقول مابيها ابي اختها ! ولا يقول خلاص كنسلوا الفكرة من الاساس ! ولا يبلع غصته ويتزوج نورة وهو مايبيها ! رجع بذاكرته ل 3 ساعات ورا لما كان بالمجلس ودخلت عليه نورة جلست نورة بعيد عنه وعلى طول دخل فيصل وراها و معه العصير فيصل وهو يشوفهم ومبتسم : نورة ليه ماجلستي قريب منه مايشوفك كذا نورة كانت مستحية ومنزله راسها فيصل بضحكه : علي اذا تبي اجيب لك مكبرات عشان تشوفها قل لي علي ابتسم بصعوبة وهو ماستوعب اللي صاير مايدري كيف مرت عليه النصف ساعة هذي .. كانت اطول من شهر بالنسبة له وده يترك اللي بالمجلس كلهم ويطلع يقول لا انا مابيها ابي اختها بس مو قادر مايدري وش قال لنورة ولا يدري وش قالت له اللي يعرفه انه طلع اول ماطلعت وحتى اهله ماعطاهم خبر صحاه صوت رنه جواله من افكاره .. وشاف امه المتصله اخذ نفس عميق ورد ام نايف وهي تصيح : علي ويينك من العشاء وانا اتصل عليك علي ضاق صدره على امه : هلا يمه انا بخير والله ام نايف : وينك طلعت من بيت ابو فيصل بدون ماتقول لنا ؟ ماعجبتك البنت ؟ ماتبيها ؟؟ علي جا بيتكلم بعدين سكت ام نايف : وراك ساكت ؟ قل لي الصدق ماعجبتك ؟ علي بكذب : الا يمه اعجبتني ,, بس اول ماطلعت وجيت بتصل عليكم اتصل علي خويي حاصله له مشكله ورحت له على طول ,, اعذريني والله من الربكه ماعطيتكم خبر ام نايف : عسى ماشر وش فيه خويك عسى مو شي كبير علي : لا لا بس مشكلة بالبنك وحليتها له لأن الدوام خلص وهو كان مستعجل ام نايف ارتاحت : اشوا ياربي لك الحمد والله اني خفت ان البنت ما اعجبتك علي يغمض عينه بألم : الا يمه اعجبتني ام نايف : يعني موافق عليها عشان نحدد موعد الملكة علي : اذا هي جايزه لك وعاجبتك ايه انا موافق ام نايف : ايه والله ياوليدي والله انها تنحط على الجرح يبرى علي سكت ام نايف صاحت : اخيرا ياوليدي بشوفك مع مرتك علي يحاول يخفي حزنه عشان ماتحس امه : الله يكتب اللي فيه الخير ام نايف : طيب متى بترجع للبيت علي بسرعة : لا مشيت انا للشرقية مع خويي ام نايف باستغراب : والدوام ؟ علي : بتصل على المدير اطلبه اجازة يومين وان شاءالله بيتفهم ,, يالله تامروني على شي ام نايف : سلامتك ياولدي الله يستر عليك ويخليك لي علي : امين .. يالله سلمي لي على خواتي فمان الله ام نايف : فمان الله علي سكر منها ورجع قفل جواله ورماه تحت كان واقف جنب الشارع فك ازرار الثوب يحس انه مكتووم وحط على راسه وقعد يضغطه بقوه بعدين رجع المرتبة لـ ورى وانسدح وحط الشماغ على وجهه !! - يوم الاربعاء الصباح علي فتح عيونه وكان يحس بصداع قوووي قام وشاف نفسه بالسيارة ونايم بثوبه اخذ جواله وفتحه وجاه تنبيهات سريعه ورى بعض بالواتس اب فتحه وكانت الجازي كاتبة له كلام كثير ولما مارد كتبت ( نورة تسلم عليك ) بعدين كتبت بعدها بخمس دقايق ( يوه حتى ذي ماخلتك ترد علي ) كان يتمنى ان اللي صار كله خيال بس تأكد انه حقيقة لما شاف كلام الجازي اتصل على مديره وقال له انه يبي اجازه يومين مسافر ووافق المدير راح علي واخذ له فندق ودخل ينام ! .. .... .. في الجامعة وجدان والهنوف واقفين في ستار بكس ينتظرون قهوة الهنوف وجالسين يسولفون وجدان : ياحليلها نورة من الحيا ماطلعت حتى للدوام ماتبي تشوف احد الهنوف : نورررة تستحي ! هذي جديدة والله وجدان : ايييه والله حتى انا مرتاعه شكيت ان علي مبدلها بوحدة ثانيه الهنوف سكتت شوي ثم قالت : وجدان انتي ماتحبين علي ؟! وجدان كانت تشرب عصير وشرقت وقعدت تكح الهنوف بخوف : بسم الله علييك اشربي موية وجدان شربت موية وقعدت تضحك : وش احب علي ؟ الهنوف : يعني اتذكر قد قلتي لي عن مواقف بينكم وكنتي طايرة فيه وجدان : تبين الصدق يعني ؟ الهنوف بخوف : ايوه ! وجدان : انا كنت منجذبه له صح يعني عقب المواقف اللي حصلت بيننا وكذا بس تأكدت قبل فترة انه كان مجرد اعجاب يعني تعرفين انتي شخص جديد وصار بينكم موقف جديد بتحسين بشعور غريب هذا اللي حسيت فيه وبسرعة راح هالشعور الهنوف خذت قهوتها وراحو جلسو على الطاولة : يعني صدق ماضاق خلقك يوم خطب نورة ؟ وجدان : لااا والله بالعكس انبسطت لان الجازي وعنود بيصيرون اقرب لنا قطع كلامهم رهف جايه لهم معصبة الهنوف : بسم الله علينا جايه بشرّها ذي رهف سحبت الكرسي وجلست ورمت شنطتها على الطاولة وجدان : ههههههههههههههه شفييك بعد ؟؟ امنية حياتي اشوفك مبسوطة بالبريك رهف : دكتورة النقد ناويه تجيب لي الجلطة انا متأكده قسم بالله ناويه علي مافيها ون تو وجدان : و انتي تلاحقينها على سالفة الاختبار للان ؟ رهف : ايييه ومو راضية تعطيني وجه الهنوف : تبين الصدق معها حق صراحة لانك انتي الغلطانه رهف لفت على الهنوف بعصبية : لا تخليني افصل عليك هنوف الهنوف كاتمه ضحكتها : لا خلاص اسفه هي الغلطانه اصلا المفروض تعطيك فل مارك حتى لو ماحضرتي الاختبار رهف بااستهزاء : ياسلام على خفة دمك يااختي ,, ماقلتي لي وراثه ولا مكتسبه ؟ الهنوف ووجدان انفجرو ضحك الهنوف تضمها وهي تضحك : يازين المعصبين ياناس .. والله تصيرين حلوه مرره اذا عصبتي تخلين الواحد يضطر يستفزك دايم عشان يشوف وجهك رهف ماقدرت تمسك نفسها وضحكت معهم ... .... ... الساعة 12 كان علي للان نايم صحاه من النوم صوت جواله مسكه عشان يقفله بس شاف المتصل امه ورد بدون كلام ام نايف : السلام عليكم علي بصوت مليان نوم وتعب : وعليكم السلام ام نايف : متى وصلت ؟ علي : وين ؟ ام نايف باستغراب : للشرقية علي تذكر وبسرعه قال : اييه وصلت الفجر ام نايف : زين الحمدلله على سلامتك علي : الله يسلمك يالغالية ام نايف : اسمع ياولدي انا قلت لام فيصل اننا موافقين وحددنا موعد الملكة الخميس الجاي علي كان ساكت ام نايف : يناسبك ولانغيره ؟ علي : لاعادي اي يوم يناسبني مافرقت معي ام نايف : زين الحمدلله انتشر خطوبة نورة وعلي بالعايلة واللكل اتصل يبارك و مر باقي الاسبوع عادي وروتيني - يوم الاربعاء اللكل مجتمعين في بيت الجدة الجدة تحضن نورة : مبروك يابنتي نورة بحياء : الله يبارك فيك الجدة : لييتها معرسه من زمان عشان نشوف هالحياء اللكل ضحك وجدان : ههههههههههههههههه من جد والله هي ومشاعل بحياتي ماشفتهم يستحون الا يوم تزوجو الجدة : عقبالك انتي اللي اتمنى اشوفك مستحيه وجدان : ههههههههههههههههههههههه احح وش دعوى يمه ام فيصل : ايه والله ياخالتي ليتها تتزوج وجدان : لحوول ياليتني ماتكلمت ام ماجد : عاد كل شي الا بنيتي وجدان وجدان : ياعمري عمتي والله انتي الوحيده اللي تفهميين صح ام فيصل رمت عليها المنديل : وحنا مانفهم يعني ؟ وجدان : لا لا ماقصد فهم يعني بس يعني انتي اللي تحسين ريوف : خلاص وجدان لا تصرفين والله ماتترقع هههههههههههههههه وجدان ناظرتها بحقد : تكفين اسكتي انتي كفاية انهم مستلميني بعد العشاء ريوف ارسلت لوجدان والهنوف وقالت تعالو عند المسبح وبعد خمس دقايق كانو كلهم هناك جلسو ينتظرون ريوف تتكلم وهي ساكته وجدان : خير ريوف ؟ وش عندك جايبتنا هنا ريوف : اسمعو حبيباتي الهنوف وهي تربط شعرها : ايووه ريوف : متى نسوي حفلة توديع عزوبية ؟ وجدان بفهاوه : لميين ؟ ريوف : لي انا وياك يعني مين ! الهنوف : ههههههههههههههههه يوه ريوف تصدقين اني مافكرت !! وجدان : والله العظيم انا بعد مافكررت غريبه ريوف صرتي ذكيه ريوف : كلي تبن جد لازم نسوي لمشاعل ونورة سوا الهنوف بتفكير : طيب مو لازم تصير قبل الزواج بأسبوع ؟ يعني يصير لها طعم شوي ريوف : مشاعل مو كل ويكند تجي الرياض وغير كذا الاختبارات قربت يعني الوقت مره ضيق لازم نسويها بعد بكرة بما انهم موجودين وجدان : بيمدينا نلحق تتوقعون ؟ الهنوف : عمي ابو سلمان ماراح يرجعون الا الاحد عشان عزيمه ال.... يعني يمدينا عندنا الجمعه والسبت وجدان : طيب خل نقول لهيوف وباقي البنات عشان نوزع المهام وبسرعة نخلص ريوف : اييه يلا بس انتبهو لاتجيبون طاري قدام نوره ومشاعل الهنوف : لا خير مو اغبياء لهالدرجه ريوف ضحكت : الحمدلله يعني معترفه انكم غبيات حتى لو شوي وجدان رمت عليها علبة المويه اللي معها وهي تضحك .. .. ... في مكان ثاني .. مكة .. علي توه مخلص عمره ومعه صديقه المقرب راكان وعلى طول مشو لجدة عشان رحلتهم الساعة 12 الليل علي بالسيارة ساهي ولاتكلم ولاكلمة من يوم وصلو مكه للحين وهم راجعين وهم في طريقهم لجدة راكان : علي تبي شي ؟ مطعم محدد نتعشى فيه او اي مكان ؟ علي : لا لا خلنا نروح البحر راكان انبسط انه تكلم : ابشر وصلو ونزل علي جلس قدام البحر و كانت ضايقه فيه الدنيا مايدري وشلون صار هذا كله هو يحب وجدان ويبي وجدان وشلون صار كذا .. وشلون غلطو بينها وبين اختها حط اللوم على نفسه انه ماقال الاسم بالضبط بس ماكان متوقع انه يصير كذا راكان حس ان الافضل يخليه لحاله وراح السياره وتركه علي نزلت دمعه من عينه دمعة حبه اللي ضاع من يده دمعة خوف من حياته الجديده دمعة رحمه للبنت اللي بيرتبط فيها وهو ابد مايفكر فيها ولا يحبها ! ويحب مين ؟ اختها ! كان وده يرجع طفل بس عشان يصرخ ويقول مو هذي اللي انا ابيها ولا احد يلومه بس لأنه طفل بس ماقدر لازم يضغط على نفسه وقلبه ويسكت حتى ماله حق يفضفض كفاية انه هو يلوم نفسه مايبي احد يلومه كان بكل صلاة يدعي ربي انها تكون من نصيبه واليوم عند الكعبة دعاء ان ربي يشيل حبها من قلبه كان جنبه موية كبها على وجهه على امل ان التفكير يوقف ماحس بالوقت اللي مر قبل رحلتهم بساعة جاء راكان وراحو للمطار - يوم الخميس الصبح يوم ملكة نورة وعلي في بيت ابو فيصل وجدان جالسة عند نورة في غرفتها نورة تتأفف وبتوتر : وش تحسين المفروض البس احس محتارة وجدان : لو تلبسين بجامة بيخق عليك نورة : لا جد وجدان والله صدق ببكي مو عارفه اقرر وجدان بجديه : والله عادي البسي اي شي تراها عائلية نورة : ولو اكيد خالاته بيجون وكذا ماعرفهم ولا عمري شفتهم او شافوني بكون محط انظار الجميع وجدان : فيه فستان عندي يجنن مرره نورة : اي واحد ؟ وجدان : البيج اللي اخذته من دبي تذكرينه ؟ نورة : اييه حلو والله ! وجدان بضحكه : بس بلبسه انا نورة : ههههههههههههههههههه سخيفة والله وجدان : لا امزح امزح اذا تبينه خذيه والله انا بلبس شي ثاني نورة : ايه تكفين احس ماراح اثق بشي بملابسي وجدان : خلاص من عيوني بجيبه لك اللحين ... .. ... الليل الكل مجتمع في بيت ابوفيصل مع انهم عازمين المقربين بس كان زحمه خوات ام فيصل واخوان ابوفيصل واهل علي كلهم نورة وعلي وقعو وجاء وقت انه يلبسها الشبكة مر كل شي روتيني بس بدون روح وبدون سعادة بالنسبة لعلي عكس نورة اللي كانت طايره من الفرحة ! لدرجة انها مالاحظت وجه علي وانزعاجه اللي كان هو يحاول يخفيه قد مايقدر كانت الجازي عندهم وهم جالسين سوا تغمز لعلي وعلي يشوفها بس مافهم الجازي ارسلت له واتس اب : اطلب رقمها علي شاف التنبيه وقلب جواله ولف على نورة وهو يتغصب الابتسامة كان شكلها لطيف بفستان بيج وشعرها طايح كله على كتفها وميك اب خفيف لان ملامحها ناعمه وماتحتاج ميك اب قوي علي : امم عطيني رقمك عشان اتصل عليك نورة ابتسمت و علمته الرقم رن عليها رنه وسكر : عشان تحفظين رقمي نورة احتفظت بأبتسامتها الجازي قامت : يالله بطلع عشان تاخذون راحتكم علي وده يقول لها لاا اجلسي بس ماقدر طلعت الجازي من هنا وطق الباب من جهة قسم الرجال من هنا ,, وحمد ربه علي لأنه مو قادر لا يااخذ ولا يعطي معها دخل عندهم فيصل وهو مبسوط : هلا والله بالمعاريس علي ابتسم : هلا فيك فيصل : اذا جيت بوقت غلط علمني اطلع عادي علي ابتسم : لا لا تعال العين اوسع لك من المكان فيصل : انا متعقد ترى من النشبات عشان كذا ماودي انشب لكم علي يضحك بمجاملة : عبدالعزيز مأدبك اجل فيصل : اييه الله يشغله بنفسه ههههههههههههه ( ويلتفت على نورة ) عروستنا وش فيها ساكتة نورة ابتسمت بحياء بدون رد فيصل : اسف والله ادري اني بثر وماودي اخرب قعدتكم بس فيه رجال من الجيران جايين و بيسلمون على علي علي قام بسرعة وهو يشكر ربي من كل قلبه فيصل : نورة الله يعافيك اذا دخلتي قولي لوجدان تجهز البخور علي دق قلبه لدرجة انه يحس كل اللي بالغرفه سمعو دقاته نورة قامت من مكانها : ان شاءالله طلعو فيصل وعلي اللي انبه ضميره وطول الوقت كان يستغفر ربي مايبي يفكر بأحد ونورة على ذمته انتهت الملكة بفرحة الجميع الا العريس ! - يوم السبت الصبح كانو البنات كلهم نايمين متأخر بعضهم نايمين ببيت الجده الا الهنوف ووجدان كانو نايمين عند ريوف صحو كلهم من صوت المنبة وكانت الساعة 9 قامو بملل يلبسون عباياتهم عشان يطلعون يخلصون اغراض حفلة البنات و البنات الباقي راحو من بيت الجده يخلصون باقي الاشغال الساعة 3 العصر كانو مخلصين من اغلب الاشياء ريوف : بنات رهف ماوصلت ؟ الهنوف : الا قبل شوي متصله تقول عند المواقف جتهم رهف بعد 5 دقايق و سلمو على بعض وكملو تسوق الهنوف ورهف راحو سوا وريوف ووجدان سوا عند الهنوف ورهف الهنوف : تعالي معي بروح ابدل جزمتي رهف : ليش مقاسها مو مناسب ؟ الهنوف : لا بس كنت محتاره بينها وبين وحده ثانية واحس اني ابي اخذ الثانيه رهف ضحكت : يالله طيب راحو الهنوف ورهف لاديداس لما وصلو رهف رجعت ذاكرتها لموقفها مع عبدالعزيز بدبي وحست بتوتر الهنوف لاحظت تغير وجهها : رهوف فيك شي ؟ رهف بسرعة : لا لا بس فجأة صدع راسي الهنوف : اذا ودك عادي اجلسي برا لين اخلص رهف : لا لا عادي صداع خفيف يعني عند ريوف ووجدان وجدان : اللحين وش باقي ؟ ريوف : امممم كل شي جاهز خلاص بس البنات اشترو هداياهم ؟ وجدان : ايه قلت لهم كلهم ريوف : اممم خلاص ( وطقت راسها بقوه ) يووه كااميرتي وجدان : وش فيها ؟؟ لا يكون مو معك ؟؟ ريوف : لاا وجدان : تستهبلين ! شادين الظهر فيك كلنا ريوف : عند جنى بنت عمي وجدان : يوووه جنى ! كم عمرها اللحين ؟ ريوف : اخر سنة جامعة وجدان : يوووه ياسرع الايام ريوف بضحكة : يعني بيوقف عمرها وتنتظرك ؟ وجدان : ههههههههههههه كانت اصغر مني وشلون بتتخرج الحين ! ريوف : انتي مابقى لك الا سنة يالله هاانت وجدان تنهدت : ااه الله يعجل فيها ريوف : اميييين يارب وجدان : طيب خلينا من تخرجي الحين وشلون بتجيبين الكاميرا ريوف : المشكلة سواقنا غبي مستحيل اقدر اقوله ويروح لحاله وجدان : وحتى روحه معه ماراح اروح فكيني قبل شوي بغينا نصدم 3 مرات ريوف : ههههههههههههههههههههه اصبري اجل بتصل على سيوف وجدان : اعترفي اخوك دكتور ولا متقاعد ؟ ريوف ماتت ضحك : لييش ؟ وجدان : دايم فاضي ويروح ويجي ريوف : ايه ههههههههههههههه ماعنده مراجعين كثير دايم فاضي اتصلت ريوف على سيف : هلا حبيبي ,, وينك ؟ ,, كووويس تقدر تجينا بعد شوي ؟ ابيك توديني لبيت عمي عبدالمجيد ,, ابي اخذ شغله من جنى ,, خلاص ,, ايه خلاص ننتظرك ,, انا ووجدان وجدان طقتها : خير وشش دخلني بنت عمي ولا بنت عمك سيف ضحك : وجدان اللي معك ؟ ريوف : اييه هههههههههههههههه سيف : طيب وش رايك انا اروح اجيبها ؟ لاني قريب من بيتهم الحين ريوف : ايه تكفى خلاص بقول لجنى تطلعها سيف : اوكي ,, انتم متى بتخلصون من السوق ؟ ريوف : مادري بشوف البنات سيف : خلاص اسأليهم ,, وخلي السواق يروح للبيت انا برجعكم ريوف : خلاص اوكي ,, تامرني على شي ؟ سيف : سلامتك ياقلبي فمان الله ريوف : مع السلامه حبيبي سكرت منه وجدان بضحكه : ريوف لازم تستوعبين انك بمجتمع مايقول كلام حلو الا من مناسبه لمناسبه واحيانا مايقولونه بعد ريوف : لييه وش سويت ! وجدان : لو احد سمع كلامك مع سيف على طول بيقول تكلم حبيبها مافيه شك ريوف : هههههههههههه تدرين قبل كم يوم اكلم سعود وصديقتي عندي واسولف بصوت عالي يوم خلصت قالت ريوف كلمي بس لاتصرحين بالاسم كل اللي بالجامعة درو ان حبيبك اسمه سعود وجدان ماتت ضحك : الله يلوم اللي يلومها انا بنت خالك وشكيت فيك بعد ساعة كانو كلهم عند البوابة نزل سيف وكان بلبس المستشفى وهالشي زاد وسامته اخذ اكياس البنات كلهم عشان يركبها السيارة ولما وصل عند وجدان ماكان معها الا كيس صغير مد يده عشان ياخذه ريوف بصوت عالي : سيووف وين السيارة ؟ سيف لف عليها : شوفيها بالصف الثاني هنااك جنب الشارع رجع لف على وجدان اللي ماعطته الكيس وعقد حواجبه وجدان وهي تشوف يده للحين ممدوده : ترى صغيرة مرة مو لازم تحطها ورا انا بشيلها سيف ابتسم : عطينياها طيب وجدان : عادي والله يديني مو مكسرة اقدر اشيلها مسك يد وجدان اللي فيها الكيس وحط يده الثانيه عشان يطلع الكيس من بين اصابعها وهالحركة خدرت وجدان زادت ابتسامة سيف يوم تركت الكيسة بسهولة سمعت صوت بنات قريبين منهم كان صوتهم واضح وضحكهم وكأنهم يحاولون يلفتون انتباه سيف سيف بدون مايلتفت لهم : يالله وجدان تعالي وجدان مشت وماتدري ليه قربت منه شوي وهي تمشي ! يمكن عشانها غارت ! .. ... .. الساعه 10 في بيت ابو ماجد البنات احتفلو بمشاعل ونورة وقطعو الكيكة وعطوهم هداياهم ورقصو شوي ريوف كانت ماسكه الكاميرا وتصور البنات وهم متسدحين من التعب وجهت الكاميرا على الهنوف ورهف اللي جالسين جنب بعض : هذولي الثنتين اللي مطقمين بالسليبرز الخايس ذا ماعرفهم ولا اتشرف اني اعرفهم رهف فسخت السليبرز ورمته عليها وهي تضحك ريوف : لا وتحاول تلفت انتباهي بعد والله المعجبين مشكلة ( ولفت على وجدان من الجهه الثانية ) وهذي عااد الحب كله ووجدان جالسة ترمش بعيونها بغرور رهف تعطيهم نظرات : دافعه لها انتي ؟ وجدان : ايه حبيبتي اصرف عليها شهريآ ريوف رمت عليها الشاحن اللي بيدها وجدان : اححح وجع طلعتي الحب مع عيوني ريوف سفهتها ولفت على مشاعل ونورة اللي كانو جالسين بزاوية ويسولفون : وذولا مشاعل ونورة يعني تزوجنا خلاص بنسولف لحالنا نورة رمت عليها الخدادية وصقعت الكاميرا وطاحت ريوف شهقت وراحت تتهاوش مع نورة جت هيفاء واخذت الكاميرا وحطتها على وجهها وقعدت تتميلح وتحرك شعرها : وهذي هيفاء حبيبتهم كلهم و ملكة جمالهم مشاعل اللي كانت متوهقه بين ريوف ونورة : بنات تعالو فكوهم ولا طلعوني من بينهم هيفاء لفت الكاميرا على هوشة نورة وريوف وهي تضحك : يالله الناس يكبرون ويعقلون وذولي يزيد هبالهم وبعدين رجعت الكاميرا على وجهها : اقول بنات مافيه لمبات اكثر ابي اضاءة قووية ريناد : الا شوفي عند المغاسل اللي برا الاضاءه تجنن وقوية هيفاء راحت وثبتت الكاميرا فوق الغسالة وشغلت اغنيه بجوالها وقعدت تهز شوي وتتميلح ... .. .. ماجد كان توه راجع من الدوام ودخل البيت وهو ومصدع وداييخ و سمع صوت بالقسم الخارجي ازعاج واغاني : ريوف وريما مايتركوون حركاتهم جا عند باب القسم وفتحه بقوه وكان قدامه على طول الغسالات وكانت هيفاء واقفه قدامها ماجد انصدم .. وهيفاء شافته من المراية وصرخت وركضت داخل وتركت جوالها والكاميرا على الغسالة دخلت عند البنات وهي تصيح البنات ارتاعوا الهنوف : هيوف شفييك !! هيفاء : ماااجد ريوف : وجع شفيه اخوي !! هيفاء : شافني وانا ارقص ( وغطت وجهها وقعدت تصيح ) ريما انفجرت ضحك والبنات مااستوعبو للحظه ريوف : اماانه ! وش جابه ؟ هههههههههههههههههههههه قامت ريناد وراحت عند الباب ومالقت احد وشالت الكاميرا وجوال هيفاء ورجعت للبنات : شكله ارتاع وراح هههههههههههههههههه هيفاء زاد صياحها والبنات يهدونها رهف فتحت عينها بقوه : خييير هيوف لا تصيرين دراما كوين عاد هيفاء : جعلك تطيحين بهالموقف عشان تعرفين الدراما كيف رهف : ههههههههههههههههههه لهالدرجه الموقف يفشل يعني هيفاء : اي والله مررره مرره مشاعل : اختي صايره حساسه ماعليكم منها ريما وهي تضحك : ولا يهمك بنضرب ماجد على راسه عشان يفقد الذاكره وينسى انه شافك كم عندنا هيوف حنا ؟ ضحكو البنات وضحكت هيفاء معهم ... .. .. في بيت ابو نايف علي منسدح على سريره وقدامه اللاب توب يطقطق بملل دخلت عليه الجازي : هلا والله هلا بالمعرس علي : هلا بك الجازي : وش فيك متضايق ؟ صاير شي بينك وبين نورة ؟ علي رفع حاجبه : مامدى يصير شي الجازي : اجل وش فيك احسك متغير ! علي : مافيني شي تتوهمين , المهم وش تبين الجازي : افا يعني طرده ؟ علي بصدق : لا والله بس اني مالي خلق شي ومصدع الجازي : طيب ,, بس بسألك علي : ايوه الجازي : كلمت نورة ؟ علي : لا الجازي شهقت : ماخذ رقمها ومااتصلت من قبل امس ؟ علي ببرود : و ليه اتصل ؟ الجازي باستغراب : علي لا تصير جاف تكفى اكيد البنت تنتظرك تكلمها والمفروض اصلآ مكلمها من اول ماطلعت من عندهم علي يسكر شاشة اللاب توب : طيب بكلمها اذا صحيت سكري اللمبة والباب ولا تزعجوني الجازي سكرتها وطلعت وهي مستغربة من تغير شخصية علي علي حضن المخده وجلس يفكر بكلام الجازي ( ليه انا كذا صدق ؟ البنت وش ذنبها ؟ ,, بس انا مابيها ما ابي ارتبط فيها مو ذنبي بعد ,, بس هي مسكينة مستانسة وانا شفت هالشي من نظرة عيونها بالملكة ) اتعب مخه التفكير ومسك جواله واتصل عليها بعد رنتين ماردت فيها انبسط وجا بيسكر بس سمع صوتها لما ردت علي بجدية : مرحبا نورة بصوت واطي : اهلين علي : وش اخبارك ؟ نورة : الحمدلله ,, انت كيفك ؟ علي باقتضاب : بخير سكتو شوي نورة تحاول تلطف الجو : وش قاعد تسوي علي : منسدح بنام نورة استحت وسكتت علي : وانتي ؟ نورة : مع البنات مسوين لي حفلة توديع عزوبية علي : في بيت صديقتك يعني ؟ للحين ؟! نورة انبسطت انه مهتم فيها مافكرت انه كان رد بديهي او بشكل اصح رد تسليكي : لا مو صديقاتي بنات عمي وعمتي علي سكت نورة : وش فيك ساكت علي ؟ تضايقت اني ماقلت لك ؟ علي : لا شدعوى عادي خذي راحتك نورة : امم معليش اخر مره اطلع بدون ما اشاورك علي بسرعة : لا نورة قلت لك خذي راحتك هذولي اعمامك ماقدر اقولك روحي او لا تروحين بكيفك نورة : طيب سكتو شوي علي : انا اللحين بروح انام انتي روحي للبنات انبسطي معهم نورة ابتسمت : نوم العافية علي علي : يعافيك سكر منها وهو يحس انه هم وانزاح منه خلاص وهي سكرت و كانت متشققه من الفرحه لآنها متوقعه انه مهتم فيها ! بعد ساعتين عند البنات هيفاء : بنات لفو عليها البنات هيفاء : الله ياخذكم اففف ريما : هههههههههههههههههه خلاص كم مره دعيتي علينا ؟ هيفاء : قوولو لأخوانكم ان فيه احد لايدرعمون علينا كذا ريوف : ههههههههههههههه طيب من عيوني ريناد وهي تضحك : تدرين ماجد لنا يومين ماشفناه بالدوام صدقيني مااستوعب الوضع من التعب والنوم هيفاء : ان شاءالله يقوم من النوم ناسي اللي صار ريوف وهي تضحك : صدقيني بيقوم وهو ناسي كل شي .. ابد لا تشيلين هم جلسو البنات يسولفون ويضحكون لين جت الساعة 1 وشوي رهف تشوف الساعه وانصدمت : يلا بنات انا استأذن احس اني تأخرت مرره ريوف : لااا رهف بليز نامي هنا رهف شهقت : مجنونه تبين اهلي يذبحوني ؟! ريوف : عادي تكفيين رهف : لا والله مو عادي واساسا لو درو اني قاعده لهالوقت احتمال يعلقوني قدام البيت عضه وعبره مشاعل : لا رهوف بلييز والله احس اني ماشبعت منك رهف : والله اناا بعد ماشبعت منكم بس ان شاءالله الجايات اكثر سلمت على البنات وطلعت كانت الساعه شوي وتجي 2 وكانت لمبات الشارع طافيه رهف كانت خايفه وودها تكلم ابوها او تركي بس كلهم نايمين اكيد وماتبيهم يهاوشونها لانها ماجت بدري كان بيتهم قدام بيت الجدة .. يعني المسافة من بيت ابو ماجد بتصير ابعد بدقيقتين تقريبآ بالوقت العادي ماراح تفرق معها و بتكون كنها خمس ثواني بس بهالوقت من الليل كانت تحسها طوويلة وزيادة على الخوف من الوقت كانت خايفة من الشارع اللي كان ظلام .. ... .... في بيت الجده عبدالعزيز توه مسكر من المدير ومعصب مرره رمى جواله بالمجلس واخذ باكيت الدخان وطلع برا استغرب من ان لمبات الشارع طافيه جلس على السيارة وولع السيجارة اللي بيده وقعد ينفث بقوه كأنه يطلع كل الغضب اللي داخله سمع حركه بسيطه من بيت عمته ولف وهو مستغرب ولمح احد واقف عند بابهم ,, ما اعطى الموضوع اي اهمية ولف عيونه لقدام عند رهف اللي كانت جد خايفة وماتدري وش تسوي اتصلت على وعد وماردت عليها : مو وقتك والله مو وقتك تنامين اللحين كان صوت رهف واضح خصوصا مع هدوء الاجواء وسمعه عبدالعزيز واستغرب لان الصوت قريب منه شوي قام وقرب لمصدر الصوت واستوعب انه من عند بيت ابو ماجد رهف حست ان فيه حولها خطوات وقعدت ترتجف جت بتدخل بسرعه وفاجأها وجود عبدالعزيز قدامها توها بتفتح فمها وتصرخ وسبقها عبدالعزيز وسد فمها عبدالعزيز بصوت واطي : لا تصرخين انا عبدالعزيز رهف خافت اكثر لما درت انه عبدالعزيز ودفته : ابعد عني ولا بصارخ عبدالعزيز وهو مستغرب : شفيك انتي ؟؟ وبعدين ليه واقفه هنا هالوقت ؟ وش تنتظرين ؟ رهف : ابي اروح بيتنا عبدالعزيز جته الضحكة بس حاول مايطلعها : طيب روحي وش اللي رادك رهف بضعف تحاول تخفيه : طيب وخر بمشي لف عنها ومشت وهي تحاول تستعجل ماتقدر تنكر ان وجود عبدالعزيز كان مطمنها جزئيآ دخلت البيت وهي تسكر الباب بشويش حست بأحد يدفه وارتاعت عبدالعزيز بصوت هادي : نسيتي الكيس هذا عند باب بيت عمتي وجبته لك طقت راسها بغباء وفتحت الباب مدت يدها وخذته عبدالعزيز بجراءه : لراعي المطعم تطلعين كلك وانا بس يدك ؟ ليه العنصرية رهف بصوت واطي ماخفى عليه : قليل ادب و سكرت الباب ودخلت .. عبدالعزيز جلس يسمع صوت خطواتها لين دخلت وسكرت الباب الداخلي بقوه وكانت قاصده عشان يعرف ويروح ضحك عليها ورجع للبيت انتهى البارت | ||||
|
| |
|
13-04-19, 05:19 AM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| -28- يوم الاثنين في بيت ابو نايف علي قاعد مع امه يتقهوى وجالس يلعب مع ولد اخوه اللي بحضنه ام نايف : بس يا علي احس بدري البنت مايمديها تتجهز بهالفترة علي بعدم اهتمام : انا مسافر بعد اسبوعين عندي دورة برا السعودية مدتها 6 شهور ام نايف : ماتقدر تأجلها ؟ علي : لا والله ما اقدر .. الا عاد ان كان اروح واذا رجعت اتزوج ممكن عادي ماعندي مشكلة ام نايف ارتاعت : لا 6 شهور تعلق البنت !! لا خلاص انا بكلم ام فيصل وان شاءالله تتفهم علي : بس لا تضغطين عليهم لو كان عند البنت دوام او كذا ام نايف بجدية : علي انت تبيها ؟! علي توتر : ايه من قال غير كذا ؟ ام نايف : احسك مافرحت ,, كنت مستانس وانت تقول ابي بنت ابو فيصل وش تغير اللحين ؟ علي نزل راسه وماسك الفنجال بيده بقوه وساكت ام نايف خافت اكثر : علي جد انت تبيها ولا ماتبيها ؟؟؟ علي رفع راسه وابتسم مجاملة لأمه : الا ابيها يمه ورجع يلعب مع ولد نايف ام نايف وهي مبتسمة : جعلني اشوف عيالك بحضنك علي بغصه : ان شاءالله .. ... .. في بيت الجده خالد والجدة عندهم ريوف وسيف وجالسين يتقهوون ويسولفون خالد : ريوف وش اخبار دراستك ؟ ريوف : الحمدلله والله كويسة مره خالد : تأقلمتي مع الدراسه هنا ولا مازلتي ريوف : الا بالعكس واحس اني مبسوطة اكثر من اول يعني بنات خوالي معي وصحباتي مرة احلى خالد : اشوا والله كنت شايل هم خايف ماترتاحون ريوف ابتسمت : ياعمري ياخالي الا والله الحمدلله مبسووطة مرة سيف : اكيد بتنبسط معها وجدان والهنوف ورهف وش تبي اكثر من كذا ريوف : هههههههههههههه ايوه عليك نوور خالد يضحك : انا حبيت انك مركز معاها مره سيف : من كثر ماتسولف لي عنهم ههههههههههههه ريوف : والله شسوي محد يسمع سواليفي بالبيت الا سيوف خالد : ياعمري يالدكتور النفسي يالمتفهم سيف انفجر : ههههههههههههههههههههههههه وش دخل ؟ خالد وهو يضحك : مدري حسيت لها دخل وحبيت اقولها الجدة : وين امك ياريوف وراها ماجت ريوف : عندها عمتي جواهر الجدة وهي تفكر : بنتها اماني تزوجت ولا للحين ؟ ريوف : لا ماتزوجت الجدة لفت على خالد : الا وش رايك ياخالد نخطبها لك ؟ خالد : لحوول مايأستي يايمه من هالطاري ؟ الجدة : وش اسوي وانا امك ابي اشوف عيالك قبل ما اموت خالد : بعد عمر طويل ان شاءالله .. ابشري قريب بجيك انا بنفسي واقول يمه اخطبي لي فلانه الجدة : من يوم رجعت وانت تقول لي كذا ولا بعد شفت شي خالد بجدية : والله انا ببالي وحدة بس اصبري علي شوي بتأكد من شي بعدين اجي اقولك سيف رفع حاجبه باستغراب وبضحكة جانبية : من ورانا ؟ خالد : اذا صملت كلكم بتعرفون مافيه شي من وراكم الجدة : انت صادق ولاتسكتني بس ؟ خالد : والله اني اتكلم جد بس اصبري شوي واجيك اقول لك وبتنبسطين ان شاءالله الجدة قعدت تدعي له وهي فرحانة مره ريوف بحماس : طيب حنا نعرفها ؟ خالد ابتسم : خلوها مفاجأه ريوف : يارب انها مو غثيثه عاد خالد رماها بالمنديل : لا تقولين عن زوجتي غثيثه ريوف مسكت المنديل وهي تضحك : من اللحين ! لا لا واضح طاح كرتنا خلاص خالد : انتم عيوني والله مايطيح كرتكم سيف : ههههههههههههههه طيب وانا معهم ؟ خالد : انت اولهم عاد سيف : لا لا ليتك تتزوج بكره صاير شاعري مررره ضحك خالد عليهم وكملو سوالف - يوم الثلاثاء انتشر بالعايلة خبر ان زواج نورة تحدد بعد اسبوع ونصف وكان اللكل مدهر ويحاولون يخلصون بدري عشان يصير كل شي على اكمل وجه و اللكل مبسوط وفرحان عشان نورة .. .. .. في احد مقاهي الرياض علي وراكان جالسين يتقهوون علي : كل شي حلو ياراكان كل شي الا شي واحد راكان : اللي هو ؟ علي : انها مو وجدان راكان : مايجوز والله مايجوز انك تفكر بوحدة ثانية علي المهموم وبصوت كله حزن : غصب عني والله صار كل شي فجأة ودي اترك كل شي وانحاش بس ماقدرر خلاص ارتبط اسمي بأسمها راكان بجدية : طيب اذا تتوقع انك ماتقدر تتقبلها ابد انفصل عنها و ارحمها لا تعذب بنت الناس معك علي بتفكير و هم : هذا الشي في بالي بس والله خايف من الدنيا .. ماودي يصير في خواتي او بناتي بالمستقبل كذا ,, مابي اظلم بنت الناس معي وبنفس الوقت مابي احد يتكلم عنها بالشينه تبقى انسانه طيبه و ماشفت منها شر راكان : والله ياعلي ودي اساعدك بس تشوف انت الموضوع متعقد علي تنهد وقعد يشرب قهوته ويحاول يوصل لحل يرضي جميع الاطراف - يوم الاربعاء في بيت ابو فيصل وجدان جالسة تذاكر وراها اختبار بكرة دخلت عليها نورة معصبة بدون ماتطق الباب : شفتي وش يقولون بقروب اعمامي ! وجدان رفعت راسها عن الكتاب : لا وشو ؟ مافتحت جوالي من يوم صحيت نورة جلست على السرير وهي معصبة : بكرة فيه مخيم وجدان رفعت حواجبها باستغراب : صدق ! ليش وش طرى عليهم ؟؟ نورة : فيه عزيمة كبيرة بكرة وبيخلونها بالمخيم يقولون الجو حلو ( وبعصبية ) ليش وش تشكي منه البيوت ؟ وجدان مصدومه : طيب انتي ليه معصبة ؟ نورة : تخيلي وجدان مابعد خلصت ولا شي ويقولون بننام الويكند هناك وزيادة على كذا بشرتي وكذا بتندمر وجدان : ايه احس مدري وقتهم غلط غير ان الاختبارات بتبدأ كل شي غلط نورة : من جد ومت وانا اقنع امي انهم يحطونها في اي بيت بس مارضت وجدان : ومن بيجي ؟ نورة : قولي مين ماراح يجي وجدان : مين طيب ؟ نورة : اعمامي كلهم طبعاً وخوالي بعد وابو تركي وعياله وخالات رهف ووعد برضو معزومين وام نايف وام اميرة وجدان : نععم ! اميرة بتجي نورة : تركتي كل اللي قلتهم وركزتي على اميرة ! .. شوفي الجانب الإيجابي ان رهف ووعد بيكونون موجودين وجدان : والله يمكن بيكونون احلى شي نورة بتوتر : انا اللي قاهرني اكثر شي انهم عازمين ام نايف يعني صدق احس بنهااار وجدان : والله تبين الصدق يعني ماتنلامين انا لو مكانك ماراح اروح نورة : جاييتك ابيك تقنعيني انه عادي وجدان وهي تنزل راسها للكتاب اللي معها : ايييه هو عادي ب... قاطعها المخده اللي انرمت على وجهها : تسلكيين لي ياتبن ؟ وجدان بضحك : والله ما اسلك خليني اكمل طيب نورة : لا رجاءآ لا تكملين اللي فيني يكفيني وجدان : يالله نورة ماتوقعت يجي يوم واشوفك كذا كنت احسبك تاخذين كل شي ببساطة هههههههههههههههههه جلسو يسولفون نورة ووجدان ولاتخلو السواليف من مضاربات كالعادة - يوم الخميس الساعة 9 في بيت الجدة خالد ماداوم وجالس مع امه يتقهوون خالد : مين بيوديكم ؟ ام محمد : السواويق اكيد خالد : بس لازم يروح معكم احد من العيال ام محمد : ام سلمان تقول انها قايلة لعبدالعزيز بس مدري وش رد عليها وانا ماودي اقول لأحد ويصير وراه شغل والتزامات وينحرج مني خالد : لا لا انا بقول لهم و اساسا بكرة كلنا لاحقينكم ان شاءالله ام محمد : ورا ماتروح معنا اليوم ؟ خالد : الملحق فيه لمبات خربانة والمكيف يبي له صيانة وبجلس اليوم عشان اجيب عامل يصلحها ام محمد : طيب على دربك جب عمال ينظفون المخزن اللي جنب الملحق خالد : ليش وش عندكم ؟ ام محمد : ودي احط فيه الثلاجات القديمة خالد : وش فيه هو اللحين ؟ كله اشياء خربانه ؟ ام محمد : فيه اغراضك واغراض عيال نورة عقب ماباعو بيتهم القديم حطو الاشياء اللي يبونها هنا خالد : يوووه للان محد خذ منها شي ؟ ام محمد : والله ماخبرت احد دخله خالد : خلاص ابشري انا بشوفه اليوم ام محمد : الله يعطيك العافية .. ... .. في الجامعة نهاية الدوام البنات جالسين على طاولة وحدة رهف بتأفف : انا اكثر شي شايلة همه ان خالتي نوف بتجي وجدان : ودي اشوفها والله خليها تجي بدري رهف فتحت عيونها بقوه : ههههههههههههههههه تستهبلين انتي ؟ وجدان : لا والله اتكلم جد صح اني قد شفت بناتها بس هي لا وصراحة متحمسة اشوفها ههههههههههههههههههه الهنوف : اقول بس متى تتوقعون نمشي ؟ ريوف : ماما تقول بعد ماتطلعون من الجامعة الهنوف : يا ليتني ماداومت اففف رهف : اي والله حتى انا احس اني ماتجهزت وجدان : رهف بتنامون صح بعد مايروحون المعازيم ؟ رهف : لا ماتوقع الهنوف : لا بليز رهووف ولا اجلسي انتي ووعد وارجعوا معانا رهف : مستحييل وين اذا رجعت امي غصب نرجع كملوا البنات سوالفهم وتخطيطهم والساعه 2 ونص بعد ماللكل خلص من دوامه مشو للمخيم الساعة 4 العصر خالد كان منسدح بالملحق لحاله وجالس يطقطق في اللابتوب .. و بعد دقايق دخل عليه سيف خالد يعدل جلسته : هلا والله ومرحبا سيف جلس وهو ماسك راسه بقوه وكان وجهه اصفر : هلا فيك خالد عقد حواجبه باهتمام : وش فيك سيف ؟ يوجعك شي ؟ سيف بصوت هادي : لا لا بس صداع خفيف عقب الدوام خالد : وين خفيف وانت ماسك راسك بهالطريقة ( وسكت شوي وهو يتذكر ) مو اول مره يجيك صح ؟ اتذكر في دبي صار لك كذا سيف : لا يجيني كل فترة بس مو مهم شوي ويختفي خالد بخوف : طيب كشفت ؟ سيف : لا ماله داعي هو كذا شوي ويروح خالد بااصرار : لا معليش لازم تكشف ياسيف كل شي الا صحتك سيف : ان شاءالله سيف انسدح وغطى وجهه بالخداديه اللي جنبه ونام وخالد قام عنه عشان يرتاح .. ... .. الساعة 7 اللكل كان في المخيم والعزيمة كانت كبيرة مره ومتعبة بس انبسطوا بالسوالف والاجواء الجميلة اللطيفة بعد ماخلصو من العشاء اغلب المعازيم راحو ومابقى الا ام تركي وثنتين من خواتها البنات جالسين بخيمة والحريم في خيمة ثانية في خيمة البنات افنان كانت جنب رهف ويتكلمون بصوت واطي ولولوة واسماء بنات خالتها نوف كانو جالسين بعيد عن الجميع ولولوة كانت تناظر اللكل بنظرات احتقار رهف بقهر : يرحم امك فكيني عليها افنان وهي فيها ضحكة : هدي اعصابك خلاص اتوقع اللحين بيروحون اشوف خالتي تكلم فارس قبل شوي رهف فتحت عيونها بقوه : بس شوفي كي.... قاطعها صوت جوالها يوم رن شاف امها المتصله وسكرت بسرعة وقامت لخيمة الحريم دخلت وراحت لأمها : لبيه ماما متصله علي ؟ ام تركي : ايه يايمه تجهزي وقولي لوعد تتجهز تركي بيجي اللحين الجدة : لا والله ماتخلين وليدي يتعنى وتجيبينه هالوقت .. خلكم بس بتنامون عندنا هنا ام تركي : ماقصرتوا والله يا ام محمد بس ان شاءالله مره ثانية ام سلمان : لا يا ام تركي والله اننا تعودنا عليكم وعادينكم من الاهل ام تركي : ياحبي لك والله حتى حنا نعدكم اهلنا بعد بس ودنا نرجع بيتنا ونريح ام سلمان ترفع راسها لرهف وهي مبتسمة : حتى رهف بنيتي مابعد شبعت منها ولا شفتها زين رهف وهي ترجع شعرها ورى اذنها بحياء : الله يسلمك خالتي والله حتى انا ماشبعت منكم بس ان شاءالله الجايات اكثر الجدة : ان كانك تعزيني يا ام تركي بتنامون هنا ام تركي : والله اني اتصلت على تركي وبيجي اللحين ولا كان جلسنا عشانك ام سلمان : عادي تركي مو غريب يجي و ينام عند عبدالعزيز وفيصل بقسم الرجال الجدة : ايه وهو صديقهم ويعرفهم قولي له وان شاءالله ماهوب رافض ام تركي تبتسم لها : خلاص من عيوني ابشري بقوله واشوف الجدة تناظر رهف وهي مبتسمة : اييه خلي بنياتي يستانسون مع صديقاتهم رهف انبسطت مرة ولفت بتروح للبنات ووقفها صوت خالتها ام لولوة : رهوفه حبيبتي نادي لي لولوة واسماء قولي لهم فارس بالطريق رهف بدون ماتلف عليها : اوكي وطلعت بسرعة ام لولوة تلف على اختها ام افنان وبصوت واطي : والله قليلة ادب ذا البنت ام افنان : ليش وش سوت بعد ام لولوة : شوفي كيف مالفت علي ولا بعد بدال ماتقول ان شاءالله وابشري تقول اوكي هذا غير حركاتها اللي قبل ام افنان تهز راسها : لحوول يانوف ماقلت ادبها بس هم البنات كلهم كذا ام لولوة : لا والله ذي يبي لها تربية من جديد ماتستحي على وجهها دخلت رهف عند البنات : لولوة لولوة بدون نفس : هلا رهف تحاول تمسك اعصابها وتبتسم غصب : خالتي تقولكم يالله بيجي فارس اللحين لولوة قامت هي واختها وراحو يلبسون عباياتهم و اول ماطلعو رهف تقلد صوت خالتها نوف : رهوفه حبيبتي نادي لي لولوة واسماء ( وبقرف ) يععععع ضحكو البنات عليها وفجأه دخلت اسماء : فنو حبيبتي خالتي تقول تعالي بتروحون معنا افنان خذت عبايتها و قامت ريوف لفت بسرعه على افنان : لا تكفيين افنان خلي اخوك يجيكم بعدين لا تروحون اللحين رهف : اي والله افنان ولا ارجعي معنا اسماء تناظر رهف وهي رافعه حواجبها : وش دعوى يارهف بس افنان و احنا مو مرحب فينا ؟ رهف لقتها فرصة تبرد قلبها شوي : والله المخيم مو لي ولا العزيمة لي للأسف مااقدر اعزم احد اسماء استحقرتها ولفت افنان تضحك : ياويلك بتصيرين محور حديث السيارة رهف : احسن والله محتاجة حسنات ولا تنسين تعلميني كل الكلام اللي بينقال عني ههههههههههههه سلمت عليهم افنان وطلعت رهف تنهدت : افف فكه من راس الشر ريوف باستغراب : غريبة ليه تكرهونها اشوفها شكلها طيوبه وعد شهقت : اما طيوبه تروع حية من تحت تبن رهف : خلكم منها بس عندي لكم خبر بمليونين وجدان بحماس : وشو ؟ رهف : بينور مخيمكم لين بكرة الهنوف : امااا يعني بتناموون ؟ رهف : اي والله ريما تضم رهف : وه وه اخييرآ .. بغيت ارجع معكم لان المخيم بيصير ماله طعم بدونك رهف وهي تقبص خدود ريما : يالبييه ياناس يلوموني بهالبنت والله البنات انبسطوا وكملو سوالف - في الرياض ببيت الجدة سيف وخالد بالمخزن تركو التنظيف وقعدو يشوفون ذكرياتهم القديمة سيف شاف صندوق احمر بالزاوية وفتحه وهو يطلع الاغراض منه : يوووه تدري متى اخر مره رسمت ؟ خالد : متى ؟ سيف : قبل 3 سنوات بالضبط يوم تخرج ريناد من المدرسة رسمتها بلبس التخرج ومن بعدها اعتزلت الرسم تمامآ خالد بدهشه : لييش عاد ؟ سيف : ياخي انشغلت بالدراسة وكذا بس والله حنيت يوم شفت الرسمات بعد خمس دقايق لاحظ خالد صمت سيف ورفع راسه من اللي بيده وشافه ماسك رسمه ولاف راسه ويتأملها بأبتسامة ضحك خالد على شكله ورفع جواله وصوره .. وكل هذا ولا حس فيه سيف قام له وسحب الرسمه منه .. سيف حاول يسحبها بس مامداه لان خالد رفعها شوي عشان يشوف كانت الرسمة لبنت وولد جالسين بعيد جنب بعض كأن وراهم جدار ولافين لبعض والضحكة ماليه وجيههم .. كانت الرسمة مليانة تفاصيل جميلة اعجبت خالد خالد : والله فنان يا ابو الوليد فنان مرره سيف : الله يسلمك خالد : مين اللي بالصورة ؟ سيف ضحك : افا ماعرفتهم ؟ شكلك كبرت ياخالد خالد رجفه : انا اللي كبرت ولا انت اللي ماتعرف ترسم ؟ سيف : توك تقول لي فنان خالد ضحك ولف يدقق شوي بالرسمة : هذا انت صح !؟ عرفتك من شعرك سيف : ايييه واللي معي ماعرفت مين ؟ خالد : لا والله ( سكت شوي بعدين قال ) وجدان !! سيف ابتسم : اييوه خالد : كم كان عمرك يوم ترسمها ؟ سيف : امم اول ماتخرجت قبل مانسافر بأقل من سنة مو كثير خالد : اوووه والله فنان فنان وين وجدان تشوفها سيف حك راسه بأحراج : خلاص لا تمدح ترى استحي خالد : لا عاد جد متى ناوي ترسمني ؟ سيف : تامر امر والله بس اصبر ودي ارجع على شوي شوي خالد : اوكي انتظرها ,, بعطيك مهلة 4 شهور بس سيف وهو مبتسم باستغراب : وليه 4 شهور بالذات خالد : قبل ماتزوج يعني ابي اذا تزوجت تكون جاهزه عشان اهايط على زوجتي واقول ولد اختي رسّام وانا الملهم حقه سيف بجدية : اللحين انت صادق ناوي تتزوج ؟ خالد ضحك : ليه ماصدقتني ؟ سيف : والله تبي الحقيقه ! ماصدقت قلت شكله يصرف امي لطيفة وماحبيت اوهقك خالد : لا والله ناوي جد بس انتظر لين تهدى الامور ويتزوجون فيصل ومشاعل ونورة بعدين ان شاءالله انا بعدهم سيف بفرحة : الله يووفقك ياقلبي خالد ابتسم له : امين وياك ورجعوا يشوفون الاغراض خالد طلع صورة وهو ميت ضحك : ههههههههههههههههههه اما ذي للان موجودة ! سيف لف عليه : وش هي ؟ لف الصورة عليه كانت بحجم كبير كانت صورة جماعية لخالد والبنات والعيال سيف : هههههههههههههههههه شف والله انك ماتستحي حاضن البنات وحاطنا على جنب ؟ خالد : والله انهم اغلى منكم على قلبي سيف : طيب جاملني حسسني بقيمتي ! خالد يضحك وهو يركز على وجيههم : انا امنية حياتي اشوف صورة فيها عبدالله وجهه نظيف مستحيل لازم مليان شوكلاته سيف : هههههههههههههههههههههه عبدالله والهنوف بعد كلهم لازم وجيههم وصخة خالد : وانت ووجدان لازم ماسكين شيبس الكاتشب هذا لاازم مادري ليه سيف ضحك : احبه والله لين قريب وانا افز له حتى بأمريكا ماتذكر يوم اني اقول لناصر يجيب لي كل مارجع السعودية خالد : هههههههههههههههههههههه الا اذكرر بس توني اعرف السبب الاساسي سيف يرجع يشوف الصورة : شف تكفى عبدالعزيز مستحيل يكون هادي بالصورة واذا كان هادي لازم عيونه ينبض منها شر خالد ركز عليه وطاح على ورا من الضحك .. كان عبدالعزيز ماسك شعر فيصل سيف : ههههههههههههههههههههه والله مسكين فيصل من الطفولة ماسلم منه خالد : الله يهديه شراني من يوم انه صغير سيف : والله كل الكدمات اللي من طفولتنا يكون هو سببها بطريقة او اخرى خالد : يااخي تدري حتى انا ماسلمت منه سيف : ايه انا اقولك ماخلانا بحالنا كنت انا انافسه بهالموضوع بس بالدفاع خالد : ههههههههههههههههههههه اييه انت الملاك الطيب بس تراك ماتدافع عن خواتك كثر ماتدافع عن وجدان سيف ضحك : صديقة الطفولة عاد مافيه اغلى منها سيف لف لنفس الكرتون اللي طلع خالد منه الصورة ولقى بوكس وردي اغراه الشكل وخذه وفتحه ولقى اوراق كثير : خالد وشو ذا ؟ خالد كان يتأمل الصورة رفع راسه عليه وضحك يوم شاف البوكس خالد : هذا هدية من البنات لي يعبرون عن مشاعرهم قبل ما اسافر ( وحاول يتذكر ) تدري اني ماقريت اللي فيه ؟ اذكرهم قالو لي بنحطه بغرفتك بس مادري وش خلاني ما افتحه مرره نسيته سيف شال ورقه منه وجا خالد عنده خذ الثانية سيف فاتح رسالة الهنوف وميت ضحك : ياربيه يالبراءه هههههههههههههههه من يصدق ان ذولي الحين بيتخرجون من الجامعة خالد : وش كاتبه تكفى ؟ سيف : عمي خالد انا احبك كثير ( وحاول يقرا الكلمة اللي بعدها وماقدر ) اصبر ذي مافهمتها المهم كاتبه انا احبك كثير انت احلى عم حتى احلى من ابوي ( وضحك ) تصرييح خطير من الهنوف خالد : هههههههههههههههههههه يازينهم هنوفتي ووجدان تدري انهم اغلى بنات اخواني طبعا بعد الراس الكبير مشاعل سيف ضحك : ايه اعرف عن مشاعل .. بس وجدان والهنوف ليه ؟ فيه سبب معين ؟ خالد : مادري ياخي من يومي يعني وانا اخذ واعطي معهم كثير مع ان فارق العمر كبير بس العقليات ماشاءالله سيف مايدري ليه انبسط ان عمه يمدح وجدان واكتفى بأبتسامة خذ الورقة الثانية وكانت من وجدان و فتحها خالد : هذي من مين ؟ سيف : وجدان ( وسكت شوي وهو يطالع الورقة ) بنت خالي ملكة الدراما ههههههههههههههههههههه اخذ خالد الورقة منه وكانت وجدان كاتبة ( عمي خالد انا بفقدك وهذي دموعي طاحت على الورقة لاني احبك مره ) وراسمة قلب فيه حرفها وحرفك خالد : ههههههههههههههههههههه طيب وين دموعها ؟ ماشوف شي سيف وهو يضحك : يمكن مسحها الزمن خالد : هذي ماتتفوت والله ( وطلع جواله وصورها وارسلها لقروب العايلة اللي فيه الاعمام وبناتهم وعيالهم ) بعد دقيقة رن جواله ومات ضحك وهو يشوف الاتصال : هلاا بأم الدموع وجدان : هلا عمي وشو هذا ؟ مسوي فيني مقلب ؟ خالد : لا والله انتي كاتبته وجدان : ههههههههههههههههههههه وربي ماتذكر خالد : انا بس ابي اعرف فيه دموع صدق ولا جالسة تلعبين علي وجدان : والله ما اذكر صراحه هههههههههههههههههه امانه وش لقيت بعد ؟ خالد : وش مالقيت ؟ خل ترجعون الرياض بس واصدمكم وجدان : الله يستر و صور لي بالله اذا لقيت شي لي بس بليز بدون فضايح ارسله لي لحالي خالد : اوكي ههههههههههههههه سكر منها ورجعو ينفضون الكراتين سيف وهو يطل بواحد من الكراتين سيف : لقيت شي ممكن يدمر تاريخنا العائلي خالد : وشو ؟ طلع كرتون مليان اشرطه وطلع بعده الكاميرا خالد بصدمة : اماا هذا للان موجود ! سيف : والله استغربت توقعت انه مرمي خالد : يااا الله ودي اشوووفه سيف : انا بعد والله تحمست اشوف خالد : عطني اياه تكفى بحطه بغرفتي لين نرجع عشان نمخمخ علييه سيف : يرحم امك لا تعلم العيال فيه والله ان يكسرونها خالد : مجنون انت ماراح اعلم احد .. اصلا لو اتكلم عزوز بيفجر بالبيت كله سيف : ههههههههههههههههههههه يسويها والله كلمو رحلة البحث عن الذكريات الجميلة وهم يضحكون - من بكرة الصباح العيال كلهم وصلو المخيم بعد مافطرو بخيمتهم كلهم منسدحين وتعبانين ماجد : ياعيال ماسحبت على الدوام عشان اشوفكم كذا متسدحين قومو نلعب كورة عبدالله : فيك حيل ؟ والله دقيت بالنعمه لدرجة احس مو قادر اتحرك خالد : والله صادق ماجد قومو بس مشعل : انا والله أأيد كلام ولد عمتي اولآ لأنه اول مرة بحياته يقول كلام صح ماجد طقه على راسه وهو يضحك مشعل يسترسل : وثانيا من يوم جينا وانتم منسدحين حتى بعضكم ياكل وهو منسدح خلاص عاد قامو العيال الا سيف كان على اللاب توب خالد : سيوف تجي تلعب معنا ؟ سيف : روحو وبرسل ايميل والحقكم عبدالعزيز : العمر يخلص والشغل مايخلص قم بس لاحق على الايميلات سيف : بس عطوني ربع ساعة العبو شوط وبدخل بالثاني عبدالعزيز : اوكي طلعو العيال كلهم يلعبون كورة برا المخيم كانو متقسمين فريقين والجد والاعمام كلهم جالسين قريب منهم ابو فيصل يضحك وهو يشوف خالد رابط ثوبه على خصره وجالس ينطط عند الكورة الجد : هالولد مدري متى بيكبر ويتزوج لو عنده عيال صارو طوله وهو ينطط عند الكورة ابو فيصل : والله اني افكر فيها قبل شوي ابو عبدالله : ههههههههههههههههههه خلوه مرده بيتزوج اللحين ولا بعد سنتين الجد : والله تعبت منه انا وامك نقنعه بس راسه يابس ابو عبدالله : لا يايبه لا تضغطون عليه خله ينبسط بشبابه ابو محمد : وين شباب وهو عمره 36 خلاص اللي كبره عندهم احفاد ابو فيصل وهو يضحك : لا تشيل همه خله هو كبير وعاقل ويعرف مصلحة نفسه ابو سلمان : انا متأكد ان في باله وحدة ولا ماراح ينتظر هالوقت كله ابو فيصل : ايه هو يقول اصلآ ماراح يتزوج الا وحده هو اللي مختارها ويبيها ابو سلمان : الله يكتب له اللي فيه الخير والصالح اللكل : اميين عند العيال كان خالد وسلمان وماجد وعبدالله ومشعل بفريق وتركي وعبدالعزيز وفيصل وعبدالرحمن بفريق عبدالعزيز بعد الهدف الثالث اللي بااول 10 دقايق من لعبهم : يالله هذا وحنا ناقصنا واحد ههههههههههههههههه خالد بعصبيه : اقول لا يكثر بس انتم غشاشين مشعل يشوت الكورة لعمه خالد اللي كان لاهي يتهاوش مع عبدالعزيز : عمي بسرررعه خذ وجاء تركي واخذها منه وانفجرو ضحك عليه خالد بعصبيه وهو يركض ورى تركي : والله اني صادق يوم اقول عنكم غشاشين تستعملون اسلوب الاستفزاز معي عشان تشتتون انتباهي ماجد وهو يضحك : والله ياخالد انك نكبه مدري ليش جيت بفريقك انا كملو لعب تحت حلطمة خالد وفريقه الخسران من بداية المباراة بالخيمة اللي فيها اغراض الطبخ وجدان كانت توها داخله تبي تاخذ موية وكانت فيه عمتها وامها ام فيصل : وين الحافظة الرمادية ؟ ام ماجد : يوه تصدقين اني نسيت انزلهاا من السيارة (لفت وشافت وجدان ) وجدان قلبي اطلب منك طلب وجدان : اطلبي عيوني واعطيك اياها تامرين امر ام ماجد ابتسمت لها : ياحبيبتي والله جعلك تسلمين نسيتيني وش كنت ابي وجدان ضحكت : امري عيوني لك ام ماجد : شوفي حبيبتي سيارة سيف ورا فيها حافظة رمادية وشنطة جنبها اذا تقدرين جيبيها كلها او نادي ريوف معك لاني احسها ثقيلة عليك وجدان : لا وش دعوى بجييبها انا .. ريوف والبنات كلهم يلعبون مابي اخرب عليهم بس السيارة مفتوحه ؟ ام ماجد : ايه مفتوحة انا قايلة له يحطها جنب قسمنا ويفتحها عشان الاغراض كلها فيها وجدان : خلاص ابشرري من عيوني ام ماجد : تسلم لي عيونك طلعت وجدان وراحت للسيارة وكانت لابسة حجابها مع ان مافيه احد بس احتياط فتحت السيارة وكانت مقفولة واستغربت بنفس اللحظة سيف كان بيدخل قسم الحريم عشان ياخذ شاحن اللاب توب من السيارة .. لفت وجدان بترجع عشان تقول لعمتها وطلع سيف بوجهها سيف ابتسم : صباح الخير وجدان انحرجت : هلا صباح النور سيف : شخبارك وجدان : تمام انت شخبارك ؟ سيف : بخير جعلك بخير .. ايووه وش عندك واقفه عند السيارة ؟ وجدان ضحكت بأحراج : عمتي قايلة لي اجيب الحافظة والشنطة الثانية بس لقيتها مقفله سيف ضحك على طريقة كلامها السريعه وجاء يفتح الشنطة ووجدان واقفه قريب منه مد لها الحافظة وخذتها ثم مدت يدها واخذت الشنطة وبغت تطيح منها لانها مليانة و ثقيلة شوي سيف مسكها بسرعه : خلاص انا بوديها انتي روحي ودي الحافظة وجدان عدلت الحافظة اللي معها ومدت يدها : لا لا خلاص عطنياها اقدر اشيلها سيف بهدوء وصوت خفيف مبحوح : لا ثقيلة عليك بتعور يدك وجدان توترت من صوته ومسكت الحافظة بقوه قاطعهم ريوف بصوت عالي فجأه : شتسوون ؟ سيف لف عليها : بسم الله روعتيني وجع ريوف : بسرعة اعترفو وش تسوون والهنوف ورا ميته ضحك على ريوف وجدان حطت الحافظة بيد ريوف : نسوي انك تاخذين هالحافظة وتودينها لعمتي وبلا كثرة حكي ريوف : ههههههههههههههه وجع ياليتني ماجيت وجدان وهي تضحك : احسن تستاهلين راحت ريوف و وجدان مدت يدها للشنطة اللي مع سيف : خلاص اللحين عطنياها اقدر اشيلها سيف : انتي وش فيك ؟ اقولك ثقيلة عليك خلاص بشيلها انا وجدان عصبت شوي : عمتي تقول وجدان جيبيها ماقالت سيف جبها سيف يقلد نبرتها : بس عمتك ماتدري انها ثقيلة عليك وجدان عرفت ان مافيه امل يعطيها وسكتت شافت الهنوف ورا مبتسمة راحت عندها واتجهو لخيمة البنات الهنوف ضحكت وبصوت واطي : يحبك ياغبيه يامجنونه والله يحبك وجدان ناظرتها واظهرت عدم الاهتمام بكلامها ودخلوا الخيمة عند الازعاج وكل وحدة انشغلت بشي ونسو السالفة ... .. .. بعد ساعتين في خيمة البنات كانو جالسين وبعضهم ماخذين قيلولة رهف : بنات من تطلع معي نتمشى الجو يجنن غيوم وشكله بيجي مطر نورة : لا معليش انا مابي اطلع من الخيمة لين نرجع رهف فتحت عيونها بقوة : من جددك ! بتفوتين الاجواء الحلوه ! نورة : اي ياحبيبتي وراي زواج اخاف تخرب بشرتي رهف لفت على البنات وهي مستغربه : امانه بنات هذي نورة هي نفسها نورة نورة ! يعني اخت وجدان ذيك ؟ وجدان : تشوفين انتي ههههههههههههههههههه انا صرت استحي منها احسها مو اختي الهنوف وهي تضحك : ياربي معقولة الزواج يغير لهالدرجة ؟؟ حنا نلقاها من مشاعل ولا من نورة مشاعل ترمي عليها علبة الموية وهي معصبة : وش قلت انا اللحين عشان تدخليني بالموضوع البنات انفجرو ضحك عليها رهف : المهم ماقلتو لي فيه احد بيطلع معي ولا بروح لحالي الهنوف : لا ياقلبي طبعآ انا بطلع معك ريوف : وانا بعد هيفاء : انا بجلس مع نورة رهف : هي عروس وخايفة بشرتها تخرب انتي وش تبين ؟ هيفاء فتحت عيونها بقوة : يعني مايجلس الا اللي خايف على بشرته ؟ رهف : والله مدري عنكم على راحتكم قامت هي والهنوف وريوف الهنوف لفت على وجدان : وجدان بتجين ؟ وجدان : لا مالي خلق والله ريوف سحبتها مع يدها : اقول قومي بس قامت وجدان و بعدها قامو مشاعل ووعد معهم وراحو يتمشون كان عبدالعزيز واقف عند سيارته لما شافته مشاعل لفت عليهم : بنات اصبرو بروح اقول لعبدالعزيز يفحط فينا البنات كلهم تحمسوا معها الا رهف : خليه يفحط فيكم لحالكم انا برجع رهف لفت بترجع ووجدان مسكتها مع يدها : تستهبلين والله مانروح وانتي مو معنا رهف مصدومة : خيير ! والله مابي ههههههههههههههه ريوف بيأس : اصلا مستحيل يوافق لا تخربين استمتاعك بالاجواء الجميلة بس مشاعل : لا صدقيني بيوافق مايرد لي طلب راحت له مشاعل وبصوت عالي : عزوز عبدالعزيز لف عليها : عزوز بعينك مشاعل : ادلعك عاد لا تصير حساس انت عبدالعزيز ابتسم لها : اوكي سامحتك مشاعل : طيب بطلبك طلب عبدالعزيز : عيوني لك مشاعل : تسلم عيونك والله .. نبيك تمشينا بس مو تمشيه عاديه يعني نبي تفحيط وكذا عبدالعزيز ضحك : مهبوله انتي ؟؟ مشاعل : تكفى مره ودي عبدالعزيز : جاك هبال فيصل والله مو هذي مشاعل اللي انا اعرفها ! مشاعل وهي تضحك : عاد ماعودني على التفحيط الا فيصل عبدالعزيز : ههههههههههههههههههههه من جدك ؟ بينجلد الكلب اجل انا اختي يتفحط فيها !! مشاعل توهقت : لا لا حرام عليك والله انا اقنعه ولا هو يخاف علي عبدالعزيز : ياعمررري والله ويخافون عليك ! مشاعل انحرجت ونزلت راسها قطع كلامهم خالد اللي كان جايهم : عزييز ماشوفك بديت بالغداء ؟ عبدالعزيز بملل : يالييل .. البنات يبوني امشيهم انت سو الغداء اليوم وبكرة انا بسويه من عيوني خالد : ههههههههههههههههه لا ياعيني البنات انا امشيهم بعد شوي بس تعال انت كانو البنات قريبين مره من خالد وعبدالعزيز ومشاعل رهف متسنده على سيارة تركي اللي كانت قريبة وجالسة تطقطق بجوالها ووعد اول ماشافت خالد على طول رجعت ورى الهنوف وكتمت نفسها على اساس ماينتبه لها هي نفسها ماتدري ليش سوت كذا ! مشاعل : لا تكفون يوم تحمست تقعدون تتهاوشون عبدالعزيز : انا داري ان مافيه فكه من خالد خالد : لو تموت ياحبيبي عبدالعزيز يفكر : طيب ( ولف على البنات ) فيه وحدة منكم تعرف تسوق ؟ البنات كلهم لفو على رهف وحست بنظراتهم لها ورفعت عيونها : نعم ؟ ريوف برجاء : انتي اللي تعرفيين رهف عدلت وقفتها بسرعة : لا لا معليش ماعرف اسوق سيارة مو سيارتنا عبدالعزيز تذكر سالفة المزرعة وناظرها نظرة تشكيك مصاحبة لأبتسامة خفيفة : متأكدة ؟ رهف توهقت وقالت بحدة : اعرف بس ما ابي عبدالعزيز لف على البنات : اذا اقنعتوها تعالو لي اعطيكم المفتاح البنات للحين يناظرون رهف اللي كانت مستحيل مستحيل توافق و خالد وعبدالعزيز دخلو لخيمة الرجال وعد تنفست بقوه جلست تهف على نفسها : افف وش هالحررر والكتمه مشاعل : من جدك ! والله الجو يجنن وبارد وين حر معه ! وعد مازالت تهف على نفسها : امانه ماتحسون انتم وجدان اللي فهمت وش فيها وعد ضحكت ضحكة جانبيه وغيرت الموضوع و لفت على رهف : رهووف انا مسكينه رجلي توها منجبرة يعني ما أستاهل تمشيني ؟ رهف : يادراما انتي ترى مره ماله دخل ريوف بعصبيه : رهف تستهبلين !! مشاعل لفت على وعد : طيب وعد انتي ماتعرفين تسوقين ؟ وعد : الا اعرف بس مستحيل اسوق بالبر الا اذا تبوني امشي 20 وكل شوي ادوس بريك بعد ابشرو مشاعل : هههههههههههههه لا يرحم امك حنا نبي تفحيط قبل شوي وانتي تقولين لي 20 الهنوف : رهووف تكفين سعادة 5 بنات واقفه عليك رهف بااصرار : معليش بنات والله ماقدر الهنوف بزعل حقيقي : والله انك تبن تدرين انه مستحيل احد يتنازل ويعطينا سيارته وانتي ترفضين يوم جانا هالعرض ! رهف ماحبت تكسر بخواطرهم بس بنفس الوقت خايفة انها بتسوق فيهم واللي مخوفها اكثر انه بسيارة عبدالعزيز مشاعل بحزن مصطنع : اممم اذا ماودك عادي بنات خلاص مانبي نضغط عليها رهف انبها ضميرها : اففف خلاص موافقة مشاعل صرخت ورفعت يدها : يسسس الهنوف : والله العظيم انك ذكية هههههههههههههههههه انا بغيت اوافق وانا مالي دخل راحت مشاعل بسرعة تاخذ المفتاح من عبدالعزيز والبنات مبسوطين ويضمون رهف بعد خمس دقايق جتهم مشاعل ورمت المفتاح عليها رهف يوم فتحت الباب حست بتردد ورجعت سكرته : بنات لا خلاص هونت ريوف : تستهبلين انتي ! والله مو على كيفك تسوقين يعني تسوقين والبنات كلهم عصبو عليها واضطرت تركب .. رهف تسوق ومشاعل جنبها والباقي كلهم ورا شالو حجاباتهم لما بعدو شوي ورهف ضغط الزر وانفتحت الفتحه البانوراميه اللي فوق : يالله بنات عيشو حياتكم الهنوف : والله كفوو رهوف خبره رهف وهي تضحك : اعجبك مشاعل تشبك جوالها : يالله حبايبي وش تبون اطربكم فيه ريوف : شغلي عبدالمجيد وعد : لا لا وش عبدالمجيد شغلي محمد عبده مشاعل : اصلآ من قال اني بشغل على مزاجكم انتم بس قاعده اجاملكم من الفرحة وعد : ههههههههههههههههه طيب كملي المجاملة وشغلي اللي نبيه مشاعل : المجاملة بالكلام بس اذا خذتوها على محمل الجد يصير لي تصرف ثاني معاكم وجدان وهي تضحك : انتي شفيك جالسة تتحولين فيصل على شوي شوي مشاعل تمسك قلبها : اخخخ يازين هالطاري والله رهف تضحك عليها : طيب ياحرم فيصل بما اني الاساس هنا يعني الاغاني اللي بتشغلينها بتكون على مزاجي مشاعل : لا والله معليش سيارة اخوي وانا اول من حجز الـaux رهف وقفت السيارة ولفت عليها : يالله اجل خلي اخوك يجي ويمشيك وجدان : اقول بلا حركات بزران انتي وياها ههههههههههههههههههه مشاعل : صدق رهوف بلا حركات بزران وامشي رهف بعناد : والله ما امشي لين تشغلين اغنية على مزاجي وتحلفين انك ماتغيرينها لين تخلص مشاعل فتحت عيونها بقوه : يممه يمه شكل من قعد بهالمكان يتحول عزيز تلقائيآ رهف : ههههههههههههههههه لا تغيرين الموضوع مشاعل بقلة حيلة : طيب ان شاءالله ابشرري وش تبين ؟ رهف : ايوه كذا تأدبي .. شوفي انا لي طقوس محدده يعني كل مكان له جو خاص مشاعل : ايه يعني وش اشغل يا استاذة رهف ؟ رهف عطتها نظرة ولفت وكملت فلسفتها : و بما اني جالسة اسوق ومحتاجة شي يحفزني شغلي لي اغنية الشاب خالد ... ريوف فتحت عيونها بقوه : من جدك انتي !! الهنوف : لا رهف رجاءآ حرام عليكم نبي نروق حنا وجدان بسرعة : بنات مالكم دخل فيها لو سمحتو لا تعصب علينا .. يلا مشاعل شغليها يمكن تتحمس وتفحط فينا مشاعل شغلت الاغنيه وهي تتأفف رهف بجدية : والله لو انها سيارة تركي كان فحطت فيكم من عيوني بس اللحين حدي سرعة الهنوف وهي تضحك : يا كذابه والله ماتسوينها رهف : والله اسألي وعد سويتها مرة بس تركي حلف مايعطيني سيارته بعدها هههههههههههههههه مشاعل بحماس : طييب يالله اسرعي وش تنتظرين قاعده تمشين على بيض رهف وهي طربانة وتحرك راسها لما بدت الاغنية : كنت انتظر اغنيتي تشتغل بعد نص ساعة كانو قريب من الطريق العام رهف : بنات وش رايكم نبعد اكثر ريوف بخوف : لا لا ويين خلاص اخاف نضيع رهف لفت عليها بسرعه ورجعت وجهها قدام : استحي على وجهك تضيعين وانا معكم ؟ ريوف تضحك : والله دامك قلتي هالكلام معناها بنضيع الله يعيننا بس .. يارب فيه مويه تكفينا لين يلقونا رهف : هههههههههههههههههه الشرهه مو عليك الشرهه علي انا اللي اوسع صدوركم كانت الارض اللي وصلوها مو متساوية ومليانه حجر وهدت السرعه رهف وفجأة وطو جسم صلب وانفجرت الكفرة الامامية ... البنات ارتاعو وصرخو من قوة الصوت جلسو ثواني مو مستوعبين بعدها نزلو من السيارة وشافوا الكفر وارتاعوا اكثر رهف بتوتر وخوف : بنات تكفون قولو لي اني جالسة احلم ! البنات كلهم خايفين وللحين يحاولون يستوعبون الوضع مشاعل لفت عشان تطلع جوالها من السيارة : بروح اتصل على عزيز رهف بسرعة وهي تمسك يدها : لا لا تكفين ! مشاعل فتحت عيونها بقوه : خير ! اجل وش نسوي يعني ؟ وجدان بخوف : من جد خير ! لازم نكلم احد مستحيل نقدر نحل المشكله لحالنا رهف برجاء : طيب اتصلي على فيصل الله يخليك ولا خالد مشاعل : تستهبلين رهف ؟ طيب هو نفس الشي وش فرقت يعني ! بعدين ذي سيارته لازم اكلمه هو رهف زفرت بقوه وهي تخلل اصابعها بشعرها بتوتر وخوف بس اضطرت تسكت وتتقبل الامر الواقع لأن كلامهم كان صح ولأن ماعندها تبرير مقنع لهم عشان يتصلون على احد ثاني ! راحت مشاعل واخذت جوالها من السيارة وابعدت شوي عن البنات و اتصلت على عبدالعزيز بعد ثواني رد عليها : هلا قلبي مشاعل بهدوء غريب : هلا عزيز عبدالعزيز عقد حواجبه مستغرب : وش عندك ؟ رجعتوا ؟ مشاعل : عزيز بقولك شي بس لا تعصب عبدالعزيز بخوف و بحده : وشو ؟ صاير شي ! مشاعل خافت شوي : انا قلت لك لا تعصب عبدالعزيز بقلة صبر : ماعصبت مشاعل اخلصي وش صاير !! مشاعل بتردد بس مازالت محافظه على هدوئها : امممم انفجر كفر السيارة انتهى البارت | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
