آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-06-17, 07:24 AM
| #11 | ||||
|  . . فكت الحزام بعد ماهبطت الطيارة وشافت الركاب بدو ينزلون ، طالعت امها اللي كانت مشغولة ومندركة بأغراضها ، ابتسمت وقامت معها تساعدها ، نزلو من الطيارة وخلصو الاجرائات واخذو شنطهم وركبو مع تكسي وراحو للفندق اللي كانو حاجزينة.. وصلو الفندق وصعدو غرفتهم ورمت ميرال نفسها عالسرير بتعب:ابنااااام.. نادين:شوو ياللي بدك تنامي اومي لبلش حطلك ميكب.. ميرال وهي مغمضة:ماما منجدك بتحطين لي ميك اب الصبح ، تثاوبت ، تعبانة ابرتاح ، وانتي بعد ريحيلك شوي.. قعدت جمب ميرال وصارت تدلك راسها.. مسكت ايدها وباستها وهي مغمضة ومتخدرة من المساج وبسسرعة نامت من التعب.. . . نزلو من السيارة وهم يتلافتون يطالعون المكان.. :ابك اخوك من جدة عايش بذا المكان ، هالحين بذا الزمن من يعيش ف بران!.. ظافر:امش نشوف وينة.. دخلو الخيمة واستغربو انة نايم ولابس الفروة ومتلطم بشماغة ، وقفو عند راسة وصنموو بعد ماشافوة طلع ايدة من الفروة وماسك سلاح ومصوبة عليهم وهو مغمض ، فتح عيونة ونزلة بعد ماعرفهم ، وشعندكم جايين في ذا!.. مسفر وايدة على صدرة:وقفت قلبي.. ظافر:غريبة نايم لذا الوقت خبري فيك تقوم من الفجر.. قام وحط السلاح بالحزام اللي على صدرة وطلع برا الخيمة.. طالعو بعض ولحقوة شافوة جالس على ركبة ويشب الضو.. ظافر:ابوي من فجر الله وهو يرن عليك وجهازك مقفل ، يبيك تحظر لجل تستعد لليلة ولا ناسي حظرتك ان الليلة زواجك.. عبدالعزيز وعينة عالنار اللي تلتهب الحطب:اسبقوني وانا بعدين اجيكم.. مسفر يهمس لظافر وهم رايحين للسيارة:اخوك ذا ماهو بطبيعي.. رفع راسة للسما وزفر بضيييققق وقام للخيمة اخذ اغراضة وركب سيارتة ومششى.. . . طالعت شكلها فالمرايا بأعجاب والتفتت لخالتها:شورأيك!.. فريال:لك تؤبري البي طالعا متل الامر.. سوسن لخالتها شريهان:حلو!.. شريهان شهقت بعد ماشافت الكوافيرة خلصت مهرة:ي صلات النبي ، اللهم صلِ وسلم علية ، اية الحلاوة ديت ، قرت عليها المعوذتين وجرت جيب جلابيتها وتفلت بصدرها.. انقهرت سوسن وصعدت جناحها وهي متنرفزة وتتوعد في مهرة وتسبها ، شهقت بخوف بعد ماحست بشخص حاوط خصرها من ورا وباس كتفها ، وخرت عنة:بعد عني.. مطلق وهو يطالعها من فوق لي تحت:وش هالزين.. سوسن:طول عمري مزيوني ، صدت بزعل ، لك شو مفكرني رح ارضى بكلمتين! ، صدت بعد ماشافتة مد لها علبة طقم كبيرة وفتحها.. تمت ساكتة فترة بعدها ابتسمت:تؤبرني مابعرف ظل زعلاني عليك لو شو مايصير ، اخذت العلبة وراحت تلبسة ومطلق يطالعها وهو مبتسم.. . . في احد افخخم قاعات الافراح.. ابتسمت وطالعتها بأعجاب بعد ماخلصت اللمسات الاخيرة ، حطت ايدها على ثمها وبكت:اسم الله شو حلوي.. تجمعت الدموع فعيون ميرال:ماما لا تبكين.. نادين وهي تمسح دموعها وتهف بيدينها على ميرال عشان ماتطيح دموعها:عنجد بتطيري العئل ، لفتها للمراية وحطت راسها على كتفها ، والله وكبرتي ي ميرو ورح افرح فيكي ، باست راسها ، مابسدء انك رح تتجوزي ورح تكوني بعيدة عني ، اومي لحتى تلبسي فسطانك ، طلعت من الغرفة عشان ماتبكي قدام ميرال ويخرب مكياجها.. طالعت نفسها بالمراية وكان شكلهاا جنااان والمكياج نااعم وبارز جمالها وشعرها متروك على طبيعتة ، قامت لبست الفستان وكان نااااعم ومخصر على جسمها ويتوسع من نص الفخذ وحطت الطرحة على راسها وابتسمت ، التفتت بعد ماانفتح الباب وصرخت:نيييكووووول!.. ركضت نيكول وحضنتها وهي تبكي:ليك مفكرة اني مارح احظر فرح اعز صحباتي ، بعدت عن حضنها وطالعتها ، مش معئوول عنجد بتجنني ، ليك ماشفتية؟.. ميرال:من؟.. نيكول:مين بيكون ، جوزك!.. ميرال:بالله شلون بشوفة وانا متسطرة هنا طول اليوم.. قعدت نيكول جمبها:متحمسة لشوفو.. طالعتها ميرال وهي رافعة حاجب.. نيكول:هههههه والله صرنا نغار! .. صدت ميرال وهي مبتسمة.. دخلت امها وحطت بأيدها كتاب كبير ومدت لها القلم وهي تمسح دموعها ، استغربت:وشذا!.. نيكول:هههههه يامجنوني وئعي هون.. طالعت المكان اللي اشرت علية واستوعبت ، حست برجفة بعد ماشافت اسمة وقلبها يدق بقووة ، اخذت نفس ووقعت وايدها ترررججف.. . . :اتركي العصير لشوف.. الهام:يمة وشفيك علي!.. فريال:بتسأليني شوفيي ، لك العما ف البك هاد خامس كاس بتشربية مابتحسي على دمك بدك تخربي جسمك!.. برطمت وحطت الكاس.. شريهان:حرام عليكي ي ولية متسيبيش البت ف حالها تاكل اللي هية عوزاة.. فريال:مادخلك فيي ، طالعت الهام ، اومي لشوف ارئصي مع خواتك.. الهام وهي مبرطمة:مااعرف ارقص مصري.. قامت شريهان ومسكت الهام وصعدو عالمسرح وبدت ترقص مع بناتها وتهز بفن وماسكة ايد الهام اللي مسستحية وترقص بخجل.. لوت فريال شفتها وصرت تهز رجلها بقهر ، طالت رهام ، هي شو مفكرة حالها ، ماقدرت تتحمل قامت لصاحبة الديجي وقالت لها تشغل دبكة سورية وبدت تدبك ببراعة.. التعديل الأخير تم بواسطة لامارا ; 30-08-17 الساعة 07:31 PM | ||||
|  |
|
14-06-17, 07:44 AM
| #12 | ||||
| . . قعدو عالكراسي هلكانين من الرقص.. الهام:صراحة ماتوقعت رقصكم جناان.. فريال:شو هالحكي اللي بلا طعمة ، اكيد الدبكة السوريي احلا بكتير.. شريهان:هيهيء مفيش زي الرئص المصري.. الهام:خالتي تتتتكفين علميني ارقص مصري مثلك.. فريال وهي تخز الهام:بنتتت ، انا بفرجيك شغلك بالبيت.. جت سوسن:هاي.. طالعتها فريال بأعجاب ، كانت لابسة فستان طويل بتشجيرات غامقة ورافعة شعرها وحاطة لها ميك اب غامق وبارز لون عيونها:يالطيف طالعة مااحلاكي.. ابتسمت سوسن وصارت تتعلك بغرور ، اختفت ابتسامتها بعد ماشافت مهرة جايية بأتجاهم وصايرة ملفتة وكل العيون عليها ، كانت لابسة فستان احمر طويل وضييق وبارز جمال جسمها وطولها وتاركة شعرها الطويل على طبيعتة ومكحلة عيونها الواسعة بكحل عربي وحاطة روج احمرر.. قربت منهم وباست راس شريهان وصيتة وفريال وقعدت.. شريهان:انتي مبتخفيش على نفسك ، بصي ازاي كولهم بيبوصو عليكي ، فصخت اللي عليها ولبستة مهرة ، دول انا قيباهم من مصر ، بيحصنوكي وبيحموكي من العين ، صارت تقرا المعوذتين وتتفل بصدر مهرة وسوسن صاادة وتهز رجلها بقهر.. فريال وهي تطالع الطقم اللي لابستة سوسن:هاد الطئم جديد!.. ابتسمت سوسن وعينها على مهرة:اي خالتو ، حبيبي مطلك اعطاني اياة هديي ، شفتي اديش بيحبني وبيجيب لي فكل مناسبة طئم دهب جديد.. فريال:اي الله يهنيكون ويخليكون لبعض.. سوسن وهي رافعة راسها فوق:اميين.. ماقدرت مهرة تكبح ضحكتها وضحكت.. طالعوها مستغربين.. فريال:شو ياللي بيضحك!.. سوسن:شكلا عم تضحك من الاهر.. مهرة بأبتسامة:المشكلة كل طقم يجيبة لك كان بالاصل لي ، رضوة ومااقبلة ويجيبة لك ، يعني اللي عليك هذا ، اشرت بأيدها وهي مبتسمة ، فضلة مني ، انا اللي اقولة ماابغاة وعطة سوسن ، قامت بعد ماشافت موضي جت وراحت تسلم عليها.. حست فريال فسوسن اللي تغيرت تعابير وجهها وتهز رجلها بقهر:حبيبي روئي اكيد هيي مئهورة منك وعم تكزب.. شمايل تهمس لالهام:تستاهل ، بجد عجبتني مهرة بردها محت لها جبهتها ، ماادري كيف مطلق متحملها ياخي دمها ثققيل.. . . واقف عند المدخل وماسك جوالة ويحاول يتصل في امة وخواتة ومحد يرد ، تأفف وفتح الباب بشويش بيطل ، صرخخخ بعد ماجاتة ضربة قوية على راسة ولف وهو معصصب وماسك راسة بألم:اااخخ ي بنت الكللل.. ، سكت ، هلا بالزززين.. :وشششش جالس تسوي هنا يالوصصخ والله لاعلم عمي.. عقد حواجبة وهو يطالعها متلثمة ورافعة الكعب وتسب فية:العيون دماااار بس الصوت صوت حسن ولد عمي.. حسنا بعصبية:من حسن ولد عمك ذا؟؟ ، شهقت بعد مااستوعبت انة يقصدها ، ههههيييي احترم نفسك.. صقر:لاترفعين صوتك لا التك كف يخليك تقحصين بهالكعب هاذا ، لعنبوتس عيب احترمي المكياج اللي حاطتة بعيونك تقل ارقوز.. حسنا:جد صقر كأني ارقوز؟.. صقر:ماادري اكشفي عشان احكم.. صفقتة بالكعب:اكللتبنننن ووخر عن وجهي يلا ، وههء ي صقير ان مافضحتك وقلت لخالتي انك لك ساعة تبصبص عالحريم مااكون انا حسنا.. جرها من كتفها:تعععالييي ، ترا مااخذك وافحط فيك.. حسنا وهي متكتفة:عادي.. صقر وهو عافس وجهه:وشتبين!.. حسنا:ابغى اجدد لي ميك اب وو شفت جوتي عجبني ف نايك ابية واممم ابغاك تعشيني في ستيك هاوس وبسس.. اشر على عيونة وهو مبتسم:من عيوني ، كم حسنا عندي لو تبين اشلع لك عيوني واسويهم لك بيض عيون ماعندي مانع.. استغربت توقعتة يرفض:وععع ماابي عيونك خلهم لك.. كش عليها:حاصلك عيوني.. حسنا:صقر.. صقر:عيون صقر.. حسنا:وعع ترا مولايق عليك ، المهم صقوري تكفى طلبتك ، خاطري براس خروف.. صقر:نعممم!.. حسنا:جوعانة من الصبح مااكلت هاتلي صحن رز بة راس والله بخاطري من زمان تكفى لاتردني.. صقر:اقول انقلعي داخل لا اهفك كف يسنعك انقلعععي لاابوك لا ابو الساعة اللي ضيعت وقتي اهرج معك.. . . تشغلت موسيقى هادية وطفت الانوار اللي بالقاعة وتسلط ضوء خافت على بداية الدرج ونزلت بهدوء وبأيدها باقة ورد بيضا وشادة عليها بقوة من الخوف والتوتر وصلت للكوشة وجلست ابتسمت بعد ماجت نيكول وقامت ترقص قدامها ومسكت ايدينها وقومتها عشان ترقص وهي مسستحية ، بعدها جت امها ومسكت ايدها الثانية ورقصت معاها .. وكانت كل العيون على نيكول منصدمين من لبسها ، كانت لابسة فستان قصصير ، فوق نص الفخذ وبدون اكمام.. شهقتتت هيلة:شايفين صاحبتها وشلابسة!.. شمايل:صدق ماتستحي.. الهام:استغفرالله شكلها كافرة مهيب مسلمة.. سوسن:الله يأرفا شو لابسة.. قامت فريال.. شريهان:حتروحي فين!.. فريال:لشوف ست الحسن والدلال عن اريب.. قامت شريهان:اصبوري شوية قاية معاكي.. راحو لعند ميرال ، مدت ايدها وهي تطالعها من فوق لي تحت:مبروك ، معك خالتك فريال.. ميرال:الله يبارك فيك.. مدت ايدها شيرهان وجرتها وصارت تبوس فيها:اهلاً اهلاً ي حبيبتشي ، الف الف مبروك ، طالعتها بأعجاب ، زي الامر ي صلات النبي ، صارت تقرا المعوذتين وتتفل على ميرال من بعيد.. سحبتها فريال ونزلو.. مدت ايدها وبهدوء:ميرال صح! ، معك حبيبة زوجك.. تلاشت ابتسامتها وحست بشي باارد انكب عليها.. التعديل الأخير تم بواسطة لامارا ; 30-08-17 الساعة 07:32 PM | ||||
|
| |
|
14-06-17, 07:46 AM
| #13 | ||||
| . . تلاشت ابتسامتها وحست بشي باارد انكب عليها.. حسنا:ههعيي ي حمارة حد يمزح كذا! ، طالعت ميرال ، ماعليك فيها هالثورة اخت رجلك وبعدين عز مستحيل بيطل فوجة العنز وبيترك هالجمال مشلاة مشلاة تف تف تففف ججممييلاة ، ايي صح معك حسنا بنت عمك بطي ، مدت ايدها ، مبروك.. ميرال:الله يبارك فيك.. صرخت حسنا بعد مااسمعت الاغنية وجرت الهام وقامت ترقص معها.. ابتسمت بعد ماشافت وحدة وقفت قبالها ببداية الخمسين وملامحها بدوية حادة وجذابة ، صافحتها صيتة وباستها:الف مبروك الله يسعدكم ويهنيكم ويرزكم الذرية الصالحة.. ابتسمت ميرال بخجل.. مهرة:احمم الف مبروك ، ماشاءالله طلعتي اجمل بكثير مماتصورتك.. ميرال بخجل:الله يبارك فيك.. حست ضربات قلبها قويية بعد مااعلنو ان العريس بيدخل وشافت كل اللي فالقاعة تغطو ، صارت تفرك بيدينها بتوتر ، شافت صيتة وشريهان جو وساعدوها تقوم وتوقف وضبطو لها طرحتها.. رن جوال شريهان وردت وهي مبتسمة:اهلاً بشيخ الرقالة ، مبسمعش كويس علي صوتك ي حبيبي ، ايية!! ، اختفت ابتسامتها وطالعت ميرال ، سكرت وتمت ساكتة فترة وتطالع صيتة وترجع تطالع ميرال ، ااء هوا ، ااء عبدالعزيز مش عايز يخش ، عاوزكي تطلعيلو.. ميرال:ايشش؟.. شريهان:دا اللي الو صقر ابني.. حسسست بأحرااااج وعيونها عالحريم المتغطيات وينتظرونة يدخل ، تجمعت الدموع فعيونها.. شريهان:اوعى تعيطي ي حبيبتشي انا حتصرف.. تخففت الاضاءة كثير واشتغلت موسيقى هادية ، دقايق وصعدو بناتها بأستثناء هند ، ومعاهم الهام وحسنا ومهرة وبيدينهم ورد وصافين عالستيج ، راحت شريهان عند ميرال:امشي يالاة.. مشت من بينهم وصارو ينثرون عليها الورد لين طلعت.. الهام:واااو سو كيوت ، طالعت حسنا ، تتوقعين وين بيروحون شهر العسل!.. حسنا:امممم اتوقع باريس لان خاطري اروح فيها.. الهام: ي حضضهااا.. دخلت الغرفة ومعها امها ونيكول وصيتة ، حاولت تهدي نفسها وماتبكي قدامهم.. نيكول بهمس:حبيبي في شي مدايئك؟.. هزت راسها بالنفي ولبست عباتها وامها تساعدها.. نادين وهي تبكي:خالك حط شنتايتك واغراضك بسيارة جوزك ، مسحت دموعها ، بس توصلي للهوتيل حاكيني ، ضمت ميرال وبكت.. نيكول:مابدنا بكي خلص ، حضنت ميرال وبكت ، رح توحششيني كتير.. صيتة:يلا حبيبتي رجلك ينتظرك.. مسحت دموعها ولفت شيلتها اي كلام وطلعت مع امها ، جا خالها طارق وبارك لها وفتح لها باب السيارة وركبت وهي منزلة راسها ، غمضت اول ماهبت ريحة العوود اللي مالية السيارة ، سمعت امها توصية عليها وهي تبكي ، زادت دقات قلبها وصارت تفرك ايدينها بتوتر بعد مامشت السيارت وبدت تبعد عن القاعةة.. . . دخل الجناح وطالعها وابتسسم قعد جمبها على اطرف السرير:وش هالزين!.. سوسن:هاد الطئم جديد!.. استغرب مطلق:ولية هالسؤال!.. سوسن بعصبية:مططلقق هاد الطئم كنت جايبو لست الحسن ومارضيت تاخدو وجبتو لالي! ، انقهررت بعد ماشافتة صد وزفر ، يعني منا كزابة يعني انا باخد فضلة غيري!!!.. تنهد:استغفرالله.. سوسن بحدة:هلاء كل الدهبات والهدايا اللي جبتون كانو بالاصل لألا! انا شوساويت لحتى يصير فيي هيك طلعت كل اللي بتجيبو لالي زبالي!.. فرك وجهه بيدينة ومارد.. ضحكت بأستهزاء:عايشة بمكان متل الافص وكلشي ممنوع وحرام ورضياني فيك بأنك عقيم وفءء ، حطت ايدها على خدها بعد ماضربها ، ضربتني المرة الاولى وسكتت مومعناتا اني رح اسكتلك على طول ماني متل امك وزوجات ابوك ، يضربون فالطالعة والنازلة.. مسكها من حنكها بقوة وبحدة:اهنتي رجولتي مررة مومعناتها اسمحلك تهينيني مرة ومرتين ، واللي خلقني ان جبتي طاري امي او غلطتي عليها لسانك اقصصة فاهممة! ، دفها بقوة وطلع.. سوسن:لك تفي عليك وعاللي خلفووك يا ابن ال.. دخل جناح مهرة وتنح!.. طالعتة وصدت تطالع المراية تفصخ حلقها ، قرب منها وخلل اصابعة في شعرها وشمة:حصنتي نفسك!.. مهرة بجمود:امك حصنتني.. وخر شعرها عن رقبتها وباسها:انا ماادري انتي وشمسوية بأمي ، ساحرتها! ماادري وش سر المحبة اللي تحبك اياها ، سكت فترة ، مو بس اهي التحبك ، لفها لة وباس راسها.. تمت ساكتة وهي تطالعة.. مطلق بهمس:احبك.. مهرة بأستهزاء:اللي يحب يخون!.. مطلق:مهرة خلاصص ، انسسي.. مهرة:انسى؟ ، كيف انت قلي كيف انسى وانا كل مااشوفك ذكرت ، كيف انسى وضرتي كل يوم اشوفها قبالي ، كيف انسى وانا من يومي فالمهد مطلق لمهرة ومهرة لمطلق ، حبيتك غصباً عني وكنت انتظر اليوم اللي اعيش معك ف بيت واحد وفالاخير تخونني وتقولي انسي؟؟ تخوني وتجيني تقولي احبك؟ ، اشرت على صدرها ، ماضنتي هالجرح بيلتأم.. تنهد وتسطح عالسرير وهو متضضايق.. . . بعد مدة طويلة وهم فالسيارة والصصمت ملازمهم رفعت راسها وناظرت الطريق استغربت انة طريق خطوط وبران ، اعتقدت انهم بيباتون فالفندق وبكرا بيسافرون ، حست السيارة وقفت وشافتة نزل ، خافت حسبت ان السيارة صار فيها مشكلة ، رفعت راسها وشافت قدامها خيمة ، رمشت تستوعب ، تمت جالسة فالسيارة فترة طويلة حطت ايدها عالباب وفتحتة بتردد ونزلت وهي تتلافت ، صنمتت بعد ماشافتة متسطح فالخيمة ولابس الفروة ومتلطم بشماغة ونايم ، رمشت اكثر من مرة تحاول تستوعب صارت تتلافت تطالع الخيمة بخوف وكان المكان ظلام والسراج اللي معلق برا معطي نور خفيف ، تجمعت الدموع وهي تردد بداخلها ، مقلب اكيد مقلب.. التعديل الأخير تم بواسطة لامارا ; 30-08-17 الساعة 07:32 PM | ||||
|
| |
|
14-06-17, 07:58 PM
| #14 | ||||
| . . تجمعت الدموع وهي تردد بداخلها ، مقلب اكيد مقلب ، جلست بزاوية الخيمة وهي ترررجف من البرد وبنفس الوقت من الخوف ، زااد خوفها بعد ماسمعت نباح كلب ، غمضت عيونها بخوف وبكت.. . . انزعجت من جوالها اللي يرن وردت وهي مغمضة وصوتها مبحوح من النوم:همم.. :نايمة!.. عقدت حواجبها وفتحت عين وحدة:صقر؟.. صقر:اسف ازعجتك ، حسبتك صاحية.. حسنا:في شي صاير؟.. صقر:لاء ، بس ااء ، سكت فترة ، اتصلت عشان اعتذر لاني رفعت صوتي عليك وضربتك فالقاعة اليوم ، ماعرفت انام خفت انك تكونين زعلانة مني.. حسنا:صقر انت فيك شي؟ ، وبعدين وش اللي ازعل مو شي جديد من عرفتك وانت تصفق فيني وتعودت على طراقاتك ، ابتسمت ، يعني عادي انا معتبرتك مثل اخوي صفق فيني وقت ماتبي.. تم سساكت فترة:تبين شي قبل لااسكر.. حسنا:صقر ، وشفيك؟ احسك متضايق وو ، هالفترة هاذي متغير كثير ، حلفتك بالله تقولي وشمضايقك ماخبرتك تخبي شي على اختك.. بعد فترة صمت طويلة:انا احب.. حسنا:هههههههههه منجدك صقر ، اكيد تمزح ، احس مولايق عليك انك تحب.. مارد.. حسنا بهدوء:انت تتكلم جد جد ولا تمزح؟ ، طب ومن تعيسة الحظ والمقرودة واللي امها داعية عليها وحبيتها ، هههههه صقر احسك تستهبل صح!.. تنهد:توي عرفت اني احبها ، تخيلي بس اشوفها تضيع علومي واتلخبط مااعرف وش يصير فيني على اني كنت دايم اشوفها والوضع طبيعي بس فجأة حسيت بهالاحساس ، اخذ نفس ، اني احبها.. حسنا:الله ، طب من هي اعرفها ولالا ، حلوة ولا شينة ممم وكم عمرها واية اذا تبيني اضبط بينك وبينها ، بس تكككفى صقور قلي منهي ، شهقت ، صقييييرررر لايكون متعرف عليهاااا!.. صقر:تصدقين مااعرف شكلها ، يعني اذكرها لما كانت صغيرة كانت حلوة وملامحها ناعمة.. حسنا:اماااا ، تحب وحدة ماتعرف شكلها ، طب قلي منهي عشان اعطيك رايي فيها اذا هي حلوة ولا شينة ، اعرفها!.. صقر:اية.. شهقتتت:احلففف ، من صقووور تكفى قلي من! ، تقربلي؟.. صقر:كثيرر.. تمت ساكتة فترة:اهءءءء عفراء اختتتي؟؟ واو احس مرة لايقين لبعض.. صقر:معسلامة.. حسنا:صقرر! ، طب قلي اهي ولالاء؟.. صقر بضيقة:لاء ، معسلامة ، سكر بوجهها.. حسنا بصراخ:يوووة ذحين وشلون بنام وانا ماعرفت منهي اللي يحبهااا اففف.. . . كانت نايمة وهي جالسة وحاطة راسها على ركبها ، حست بقشعريرة بجسمها من شدة البرودة ، صحت وهي تدلك رقبتها ب الم اللي جاها من النومة الغلط ، وانتبهت انها نايمة بالفستان ، شدت عباتها الخفيفة تحاول تدفي نفسها ، قامت تدورة بعيونها وماشافتة بوسط الخيمة ، طلعت برا الخيمة وشافتة جالس عند النار ولابس الفروة ومتلطم بغترتة ومعطيها ظهرة ، حطت ايدها على بطنها من الجووع وهي تشم ريحة الفطور ، طالعت السيارة وتمت ساكتة فترة:ااء ابغى ملابسي من السيارة.. قام بهدوء ونفض التراب وراح عند سيارتة ونزل شنطتها ومر من عندها ودخل الخيمة وحطها ورجع مكانة بدون مايلتفت لها او يطالعها ، حست بششعور كريهه جمودة معاها ماخلاها تعرف تسألة لية جابها هنا ولية يعاملها كذا او لية حتى ماعبرها ولاالتفت لها ، كأنها موموجودة ، دخلت الخيمة وجلست عند الشنطة وفتحتها ، طالعت الملابس اللي ب شنطتها ، لبسها كلة قصصير وخفيف ، لبست لها قميص ابيض قصير وجزء من بطنها يبان ، وشورت سماوي فضفاض لنص الفخذ ، مسحت مكياجها بقطنة فيها مزيل المكياج ، طلعت من الخيمة بتردد وجلست قبال النار ، طالعتة وبسرعة نزلت عيونها وهي تنتفض وتفرك يدينها فبعض من البرد ، قرب لها الزبدية اللي بها الخبز بدون مايطالعها ، مدت ايدها اللي تررجف واخذت خبزة وهي تطالعة ، صرخخت ورمت الخبزة وصارت ترجع على ورا من الخوف لما شافت كلب جاي جهتة ، جمدت بعد ماشافتة حاوط الكلبة بذراعينة وضمها وباسها ولاول مرة تسمع بححة صوتة:جيعانة!.. مسح عالكلبة واخذ زبدية وصب لها حليب وحطة لها وصارت تشرب وهو يمسح عليها ، دخلت الخيمة وفتحت شنطتها واخذت جوالها واتصلت بأمها ، تأففت لان مافي ارسال ، طلعت وراحت ورا الخيمة وهي تدور مكان فية ارسال ، تجمعت الدموع بعيونها بعد ماطفى شحن جوالها:وش هالحظ النحس.. رفعت راسها بعد ماانتبهت لظل شخص قدامها وصرخخخخخت لما شافت الابل واقف قريب منها:يمممااااااااااااة.. ركضت بأتجاة الخيمة وهي تتعثر و تررجف وتتنفس بقوة ، صقعت فية بقوة وطاحت بالارض رفعت راسها بشويش ودقات قلبها تضرب بقوة من الخوف ووجها صار قبال وجة الكلبة وتهز راسها بالنفي ودموعها متجمعة بعيونها وطاحت مغمى عليها.. التعديل الأخير تم بواسطة لامارا ; 30-08-17 الساعة 07:33 PM | ||||
|
| |
|
14-06-17, 08:04 PM
| #15 | ||||
| . . رش قطرات ماي على وجهها وضرب خدودها بخفيف ، فتحت بشويش ورجعت غمضت ، فززت بسرعة وعدلت قعدتها وطالعتة وهي فاهييييةةة ، رمشت وهي تتأمل ملامحة العربية الجذذابة الحادة والبدوية بححت ، حست على نفسها بعد ماصد وقرب لها زبدية بها حليب:اشربية لجل ماتتعبين علينا ثاني ، تمت فاتحة ثمها بعد ماطلع ، ضغطت على راسها واخذت الزبدية وغطت صبعها وضاقت الحليب ، ومن الجوع اللي ذبحها ماقدرت وشربت الحليب كلةة ، طلعت برا الخيمة وهي تدورة بعيونها وماشافتة ، جلست قريب من النار ، طاحت عينها على فروتة وبتردد اخذتها ولبستها وحسست بالدفى ، ضغطت على بطنها تحس بمغص ، جلست فترة متململة وقامت تستكشف المكان وهي شادة عالفروة ، وقفت بعد ماشافت سياج وبة الابل ، قربت بعد ماشافت عبدالعزيز جالس عند الابل ، فتحت ثمها بصدمة بعد ماانتبهت انة كان يحلب الناقة وحطت ايدها على ثمها بقرف:ي يع يعني اللي ششربتة حليب ناقة!! ، ركضت بعيد واستفرغت.. . . فتح باب غرفتها بقوة وبحدة:انتي كككيف تتجرأين وتمدين ايدك على اختي!.. طالعتة من فوق لي تحت:امداها هالطرمة تشكيلك الحال.. صرخت بعد ماشدها من شعرها:ابيييي اعررررف لية حاطة دوبك دوب هالضعيففة!.. رهام بصراخ:اااة ي حيووان اتركني.. صقر وهو يشد شعرها زيادة:ليش ضربتيهااا!.. رهام:اااة وخرر يالحقير قطعت شعري.. صقر بحدة:تككككلمي!.. رهام:ااااة لان الغبية مارضيت تسويلي اكل اااة فكني ي حيوان.. جرها من شعرها ووداها لغرفة خولة ولاحها عند رجولها:تعذري منها.. رهام بألم:تخسي انت وياها ، صرخت بعد مارفسها بقوة.. صقر:اقوولك تعذذررري.. طالعتة بكرهه ، جرها من شعرها:اعتذذذررري.. طالعت خولة اللي كانت تبكي بصمت وباين عليها الخوف:اسفة.. صقر:علي صوتك.. رهام:تراها خرسا مو صمخة ، صفقها كففف ، ورب البيت ان غلطتي عليها ثاني والله وهذاني حلفت مايفكك مني ولا اطلق شنب ، تفل عليها ، انققققلععععيييي.. قعد جمب خولة ومسح على شعرها وابتسم:خلاص هذاني صفقتها عشانك.. ردت علية بلغة الاشارة(حرام تضربها كذا).. باس راسها:على كل الاذية اللي تسويها لك وتزعلين لية ضربتها ، ابتسم ، طفشانة؟ وشرايك نروح نقحص؟.. هزت راسها بالنفي.. صقر:طيب قومي معي عازمك ف افخم بوفية.. ابتسمت وقامت لبست عباتها ونزلت معاة.. زفر بعد ماسمع صوتها ، لوى شفتة بملل.. فريال بصراخ:انتا شومفكر حالك لحتى تمد ايدك ع بنتي!.. صقر:صوتك لايعلى علي.. فريال:عفواً ممكن اخد منك الازن لحتى علي صوتي ، دفتة من كتفة بقوة ، ي حيووان ياللي مانك مربى تمد ايدك ع بنتي مششان هي الخرساا! ، مانك رججال لكن صحيح طلعت اليل اصل وترباية طالع لامك ياابن ال.. ، لك تفي عليك وعاللي خلفتك.. مسكها من كتفها وضغط علية بقووة ورص على اسنانة:امد ايدي عليها واربيها واربيك فوقها ، بصراخ ، اممممميييي لاتجيبين سيرتها على لسانك لاادفنك هنا فاااااهممممة.. وقفت الهام بنص الدرج وهي فاتحة ثمها تشوف صقر ماسك امها ويصارخ وخولة واقفة بعيد وتبكي بصمت ، نزلت بسرعة ومسكت كتف صقر وبترجي:واللي يسلمك صقر اترك امي.. مارد عليها صقر وتم يطالع فريال:ربيييي بنتك وقوليلها ان لمست شعرة وحدة من راس اختي شععرة بس ، اددفنها حية ، دفها بقوة وطاحت بالارض ، سحب خولة وطلع.. فريال:اناااا بفرررجيييك ياابن ال.. الهام:يمة شسالفة ، وشاللي صاير بينكم!.. قامت فريال وهي تدلك كتفها وجلست عالكنب:العما ف البك انتا واختك ياولاد ال.. ، طالعت الهام ، ابن ال.. ضرب اختك مشان الخرسا بنت ال.. جلست الهام جمبها:يمة حرام عليك لاتقولين عليها كذا ربي خلقها كذا.. فريال:انا بدي افهم رهام اختك ولا هالخرسا!.. الهام:ثنتينهم ، بس يمة انا عارفة ان رهام دوم حاطة دوبها دوب هالضعيفة م.. قاطعتها فريال:ماني عرفانة شو بساوي فيكي اومي عن وشي لشووف اومي.. . . رن جوالة وارتبك طالعها ورد بجمود:هلاء.. :وينك!.. صقر:احمم طالع بروح اتغدا.. حسنا:وة كنك حاس ، بموت جوووع مرني يلا ذحين بنزل سسلام.. تم سساكت ماعرف شيقول ، وقف عند بيت عمة وشاف حسنا جاية ، طالع خولة:بعدين افهمك.. ركبت حسنا ورا:سسسسلااا.. ، اختفت ابتسامتها بعد ماشافت خولة وانحرججت ، احمم ، كيفك خولة.. طالعتها خولة وطالعت صقر ورجعت طالعتها وردت عليها بالاشارة(بخير).. مشى صقر وهو مرتبك من نظرات خولة.. . . جالسة بالخيمة متململة وبطنها ماغصها من حليب البل اللي شربتة ، قامت طلعت برا الخيمة وشافتة جالس عند النار ويطبخ ، جلست قريب منة شوي وتمت ساكتة وتتأملة ، تحس فية شي غريب هدوءة ، صمتة ، نظراتة ، ملامحة ، غمووضة ، فية شي يججذب ، تنهدت بضيق ، ماهي عارفة مصيرها معاة.. حاولت تكسر الصمت:الجو بارد كثير.. انحرجت بعد ماسفهها ومارد عليها:احمم ااء تبيني اساعدك!.. التعديل الأخير تم بواسطة لامارا ; 30-08-17 الساعة 07:38 PM | ||||
|
| |
|
14-06-17, 08:08 PM
| #16 | ||||
| . . انحرجت بعد ماسفهها ومارد عليها:احمم تبيني اساعدك!.. فتحت ثمها بعد ماقام بدون مايرد عليها او يلتفت لها حتى ، قامت وهي مقهوورة وتتحلطم:مالت علية ، لكن الشرهه مو علية علي انا اللي الغبية اللي جالسة اسولف معة ، تأففت وفركت ايدينها فبعض من البرد وهي تتلافت وتطالع المكان وتوها تستوعب انها بعدت كثير عن الخيمة وتاهت ، طالعت اثار خطى رجولها اللي انطبعت عالرمل ، تقوست شفتها بعد ماشافت اثاار كثيرة عالرمل معناتها انها ماتقدر تعرف طريق الرجعة:لا لا لا مو كذاا موو كككذا موناقصة ورربي موناقصصة ، حطت ايدها على راسها تحمي عيونها من صقعة الشمس ومشت وهي خايفة ، التفتت وهي تطالع المكان ، بلعت ريقها وكملت مشي.. . . :هلا بروحي هلا بحياتي هلا بعممري.. دفة ظافر بكوعة:اثقل.. طنشة مسفر:اخخخخ مشتاق لك ، م اشتقتيلي.. استحت هيلة:الا.. مسفر:وش اللي الا!.. هيلة بخجل:اشتقتلك.. مسفر:يلبيييييية ، لف على ظافر ومسك ايدة وحطها على صدرة ، شف قلبي كيف يدق.. ظافر:لاحول ولا قوة الا بالله ، وضعك ميؤس منة ، وبعدين ترا اقرفت اوم اومي ، سحب الجوال منة وكلم اختة ، اختي العزيزة معسلامة.. مسفر:لييييةةة سكرررت!.. ظافر:ياخي اتق الله ، من صباح الله وانت تقرق معها ، ماتلوع كبودكم من بعض! ياخي عيب حس على دمك وحشتيني ماوحشتك احبك ومدري ايش ي خي اووع اوووع وقسم بطرش ، لو انا مكان اختي كان طلقتك وشذا القرف.. مسفر:انت وشدخل اومك هاة ، جاي بيتنا من فجر الله ومناشبني قمم تقلع بيتكم ، اتصل على هيلة وابتسم ، هلا ي قلبي ، تصدقين اشتقتلك.. ظافر:هين ، والله لا اخطب واسحب عليك ، انا اوريك.. . . قعدت بتعب وهي تتنفس بقوة وريقها ناشف وتحس بالعطش ، تجمعت الدموع بعيونها لها فترة طويلة ضايعة ، مسحت دموعها بسرعة ، قامت وراسها يدور ومشت وهي شادة على بطنها بقوة وبرردانة ، ارتجفت بعد ماسمعت نباح من بعيد وصارت تسررع بخطواتها وهي خخخايفة وكل اشوي تلتفت تحس الصوت كل مالة ويقرب ، زادت دقات قلبها بعد ماشافت الكلب يقرب منها ، صار قدامها وينبحح بقوة.. جا مسرع بالخيل ، شد اللجام بقوة ووقف الخيل وبحدة:اخرششتيني عليككك ، انتييي وشش جابك آخر البادية.. حاولت تتكلم بس من الخوف والجوع والعطش وضربة الشمس طاحت بالارض مغمى عليها.. زفر بضضيق ونزل من على ظهر الخيل وشالها ، امتطى الخيل ومسك اللجام وبأيدة الثانية محاوطها وشادها لصدرة ، حس بتوتر من قربها طالعها بنظرة سريعة وبسرعة صد وضرب الخيل برجلة ومشى.. بعد فترة وصل لخيمتة ونزل وهو شايلها ، سدحها وضرب وجهها بخفيف:بنت! ، احمم ااء ميرال اصحي ، بنتت!!.. بلل ايدة بالماي ومسح على وجهها ، عقدت حواجبها وفتحت بشويش.. حط زبدية الحليب جمبها:اشربية لجل تقوين جسمك.. عدلت جلستها وهي شادة راسها:مستحيل وعع.. عبدالعزيز:مالي خلق دلعك ، مانيب فاضي كل اشوي طايحتن علي ، حط جمبها الفروة ، تدفي ، وطلع من الخيمة.. طالعت الزبدية فترة بعدها قامت طلعت برا الخيمة وقعدت قبالة:انا ابغى امشي.. صب لة قهوة وارتشف من الفنجال ومارد.. ميرال بقهر:احاكيك انا ، لاتسفهني ، اقولك ابغغى امشي من هنا.. عبدالعزيز بهدوء وعينة ع الفنجال:امشي.. ميرال:ايشش!.. لحقتة بعد ماقام ووقفت قبالة:لاتسسفهني!.. طنشها ومشى لجهه الابل ، وقفت متكتفة ومييتة قهر من اسلوبة ومعاملته معاها.. . . :لاء لاء عفواً اخ صقر وشذا المكان! للاسف برستيجي مايسمحلي اكل من هنا ، طول الطريق ذابحنا بوديكم اطلق بوفية ومدري ايش ، حسبت بتغدينا بمطعم بوفية مفتوح ، اخرتها بوفيية ومايبيع الا كبدة وبيض وفلافل.. صقر:عفواً اخت حسنا محد دعاك من الاساس عشان حظرتك تجين تتشرطين ، مهوب عاجبك!.. تكتفت حسنا:اي ي حبيبي موب عاجبني.. صقر بخرفنة من كلمة حبيبي:تامرين امر الحين اوديك افخم مطعم كم حسنا عندي!.. ابتسمت حسنا:وحدة ولا بتلاقي مثلها.. تم يطالعها من المراية مبتسسم ، قرصتة خولة ونقز:احح وشفيك!.. طالعتة خولة بنص عين وكلمتة بالاشارة(وش اللي بينكم؟).. صقر بوهقة:فالبيت افهمك.. وصلو المطعم ونزلو وطلبو لهم وبعد فترة وصل الطلب.. صقر وهو يطالع حسنا:اكشفي عشان تعرفين تاكلين.. حسنا:مسوي فيها مهتم ، اقول قم بطاولة ثانية وخلني مع خولة عشان اخذ راحتي.. صقر:وشهو!.. حسنا:اللي سمعتة.. تم ساكت فترة بعدها قام.. حسنا:خذ اكلك معك عشان تاكل.. صقر وهو عافس وجهه:ماابية ماتقصرين.. . . قعدت جمبة وتطالعة وهي مبتسمة ومقررة تسوي اللي ببالها عشان تقهرر صقر.. عقد حواجبة:خير يمة في شي؟.. فريال:صر لي يومين عم فكر فيك ، ماشاءالله كبرت وصرت رجال بس شي واحد نائصك ، انك تتجوز.. عدل قعدتة:هاة!.. ابتسمت فريال:انا حاطة عيني على بنت متل الامر ماشاءالله عليها بتطير العئل.. ظافر:يمة تكفين ماابي من بنات خالاتي.. فريال:مين الك اني رح اجوزك منون ، ابتسمت بخبث ، شو رئيك في حسنا بنت عمك.. التعديل الأخير تم بواسطة لامارا ; 30-08-17 الساعة 07:39 PM | ||||
|
| |
|
14-06-17, 08:13 PM
| #17 | ||||
| . . فريال:مين الك اني رح اجوزك منون ، ابتسمت بخبث ، شو رئيك في حسنا بنت عمك.. ظافر:حسنا!.. فريال:اي حسنا ، بنت مافي متلا بتطير العئل ، ماشاء الله جمال وادب واخلاء ها شو ئلت!.. ظافر:يمة صبري خنفكر اشوي وشفيك مستعجلة! ، عقد حواجبة ، يمة احس الموضوع فية إن ، يعني طول عمرك تحنين تبيني اتزوج من بنات خالاتي والحين فجأة تقولين تبين تزوجيني حسنا بنت عمي!.. فريال:لشو تفكر الموضوع مابدو تفكير ، وبعدين البنت كبرت واحلوت كتيير وعجبتني ومابدياها تروح منك وازا بدك تتجوز من بنات خالاتك اي مفي مشكلي بالاول تجوز بنت عمك وبعدين تجوز ياللي بدك ياها ، هاة شو الت احاكي مرت عمك؟.. ظافر:يمة تدرين اني مااحب اعدد ، سكت فترة وبعدها ابتسم ، سوي اللي انتي تشوفينة.. فريال:كلووووووششش.. ضحك ظافر:يمة صبري مابعد صار شي.. طلعت شريهان من المطبخ:بتزغرطي لية ي ولية؟.. فريال تطالع ظافر ومبتسمة:ابني اسم الله علية بدو يتجوز.. شريهان:ي لهووي ، عاوزة تقيبي لينا مصيبة تانية مش كافي بنت اوختك اللي فوء ، اسمع مني ي حبيبي متسمعش كلام ممتك بنات خلتك دول يقيبو الهم والغم ووقع النفوخ ويرفعو الدغط والكرسترول بص ازاي دالوأتي ارتفع عندي الكرسترول لما قيبتو سيرتهم.. فريال:ماحدا بيرفع الضغط متلك.. طنشتها شريهان ورجعت المطبخ ، مسحت على كتف مهرة وابتسمت:بنت اصول ومفيش زيك ، صحيح هوا ابني بس مابيستهلكيش اللي ترك وحدة زيك وراح يقري ورا.. ، سكتت واخذت نفس وتنهدت ، والاهي صعبانة عليا اوي.. ابتسمت مهرة وباست راس خالتها:تراك مضايقة نفسك اكثر مني.. شالت الصينية وصعدت جناحها ، حطتها عالكومدينة وجلست على اطرف السرير:مطلق؟.. حطت ايدها على جبينة تلمس حرارتة ، مسك ايدها وباسها بتعب:مالة داعي تتعبين نفسك.. سحبت ايدها بسرعة:احمم قوم اشرب الشوربة وخذ علاجك عشان تخف وبعدين فية احد يسبح بالبركة بعز الشتا ، تراي مانيب فاضية اجلس اقابلك لاتمرضت.. ابتسم ووجهه شااحب:والله احبك ، تنهد ، تعباان مافيني حيل اشربها.. زفرت وقربت اكثر واخذت الشوربة وصارت تشربة.. كح ورفع ايدة:بس مافيني اشرب زيادة.. عطتة العلاج ومدت لة كاس العصير ، اخذهم وشرب العصير وحطة عالكومدينة ومسك ايدها وباسها:يعطيك العافية حبيبتي.. حاولت تسحب ايدها وتوخر ، حاوط خصرها وشدها لة:خلك جمبي.. صدت:مططلق لوسمحت اتركني.. ضمها ودفن راسة برقبتها وباسها وهمس:اسسف.. . . رفع راسة بعد ماسمع صوت حوافر الخيول والتفت لها:ادخلي داخل.. دخلت وهي عاقدة حواجبها ومستغربة.. وقف عبدالعزيز وابتسم:يالله حيهم.. نزلو من الخيول وسلمو علية وقعدو ف الارض ، صب لهم عبدالعزيز القهوة ومد لهم زبدية بها التمر واخذ السكين وجا بيقوم بيذبح الذبايح.. مجبل مسك ذراعة:خلك ، حنا جايين لجل نتعذر منك لاننا ماحظرنا زواجك ، وشيخ القبيلة طالبك انت وزوجتك لجل يبارك لكم لزواجكم.. طلت من داخل الخيمة تبي تشوف من جا ، انخرششت بعد ماشافت حرمة متبرقعة قبالها.. شيخة:لااله الا الله ، ماشاءالله ، انتي مرت عبدالعزيز!.. هزت راسها وماتكلمت.. شيخة وهي تتفحصها:معش شيخة مرت مجبل ولد شيخ القبيلة ، جيت اشوفش واسلم عليش واباركلش بزواجش ، الا انتي من اي فخذ!.. ميرال:هااة!.. شيخة:من اي قبيلة انتي!.. ميرال:ااء انا بنت عمة.. سكتت شيخة وهي تتفحصها وتطالع لبسها.. . . وقف قدام بيتهم بعد ماوصل حسنا:يلا انزلي بروح لاخوياي.. تكتفت خولة ورفعت حاجب وكلمتة بالاشارة(وش بينك وبينها؟).. صقر:مابيننا شي يلا طسي عطيتك وجة واجد.. خولة(صقر ترا ماني غبية انت تحبها!).. صقر:احب مننننن حسنا؟ ، لهالدرجة شايفتني عمي و ماعندي ذوق!.. خولة(لية وشفيها حسنا وش زينها).. صقر:انزين اوصفيلي شكلها عشان اشوف اذا احبها ولا لا!.. طالعتة فترة طويلة بعدها نزلت.. فتح الدريشة وبصراخ:ترااااي مااحبهااااا.. . . دخلت حسنا البيت تتخفت وتمشى على اطرف اصابعها ، وقف شعر جسمها وصنمت بعد ماسمعت صوتة:من وين جاية!!.. لفت بهدوء وبلعت ريقها اكثر من مرة وتمت سساكتة.. سهيل:اكلمك اناا ، من وين جاية!!.. جت موضي:وشفيكم!.. سهيل بهدوء:حسنا تكلمي وين كنتي فية!.. حسنا:اء اناءء ، طالعت موضي تستنجد فيها.. موضي:سهيل وشفيك الله يهداك ، انا قايلة لها تجيب اغراضي ناسيتهم عند اهلي تعرف اني حامل ومقدر اطلع اجيبهم ، طالعت حسنا ، ماجاب الاغراض ظافر؟.. هزت راسها بخوف.. طالعها سهيل وبعدها صعد جناحة.. سحبتها موضي ودخلو المطبخ:وين كنتي فية!.. حسنا:يووة مضاووي؟.. تكتفت موضي وهي رافعة حاجب.. برطمت حسنا:طلعت انتغدا عازمني صقر و.. قاطعتها موضي ولطمت خدودها:ي ويلي ي ويلي ، طالعععة مع صقرر اخوي ، صارت تتلافت بخوف ان احد سمعهم ، انتي مهبولة تبين تندفنين حية اعوذ بالله من غضب الله اعووذ بالله من غضب الله.. حسنا:وشش هالتفكير ، ترا طالعة اتغدا مو رايحة شقة.. مسكت موضي راسها:يويلي يويلي ، اولها غدا واخرتها شقة يويلي ويلاة ، انتي وش بينك وبينة.. حسنا:اسكتي لاتفضحينا ، مابيني وبينة شي عادتة مثل اخوي وعلى فكرة لايلعب بليس براسك ترا خولة اختك معنا.. موضي:حسنا ، انتبهي لاعاد تطلعين مع صقر لاتندمين بعدين.. التعديل الأخير تم بواسطة لامارا ; 30-08-17 الساعة 07:42 PM | ||||
|
| |
|
15-06-17, 08:21 AM
| #19 | ||||
| . . :لاحول ولا قوة الا بالله ، تراك اتعبتيني.. ميرال:وشتبيني اسوي والله اخاف.. غمض عيونة بقل صبر وتنهد:مايصير نتأخر ع الاوادم تراهم ينتظرونا اخلصي علي واركبي.. ميرال:ماابي اخاف ، مو انت تقول المكان مو مرة بعيد خلن امشي ماابغى اركب عالحصان.. صرخت بعد ماسحبها ورفعها وركبها الخيل ، غمضت وبخوف:نززززلنيييي والله اخخااف.. وقف متردد فترة وبعدها ركب معاها ، حست بقشعريرة بجسمها من قربة منها وصار ظهرها لاصق بصدرة وتحس بدقات قلبة القووية ، مسك اللجام وضرب الخيل برجلة ومشى.. بعد فترة وصلو.. استغربت ان لازال فية ناس عايشين ف خيام ، شافت اطفال يلعبون وحريم متبرقعات متجمعين يطالعونهم ويتهامسون ، التفتت لة بعد ماشافتة نزل من الخيل ومد ايدة لها يساعدها تنزل ، ارتجفت ومدت ايدها البااااردة وحست بقشعريرة بجسمها بعد ما مسكت ايدة ، نزلها وسلم على الرجال اللي جو رحبو فية وباركولة ، التفت لها ، روحي مع الحريم.. طالعتة بخوف:لاء لاتتركني ع.. ، سكتت بعد مادخل الخيمة مع الرجال ، قربو منها الحريم وسلمو عليها ودخلوها خيمة الحريم.. :تحتسي عربي!.. شيخة:اية ، تقول انها بنت عم عبدالعزيز.. سبتة:ماهو باين عليها ، شكلها من ذا الغرب.. جهينة وعينها على ميرال وبهمس:ابك وش اللي لابستة هاذي؟. راحت شيخة لميرال ومسكت ايدها:تعالي اجهزش.. عقدت حواجبها:تجهزيني لايش؟.. جلست بالارض وجلست ميرال قبالها:نبي نفرح فيش وفرجلش ، عبدالعزيز واحد مننا وفينا وماقصر معنا ووقف معنا ف افراحنا وحتى مصايبنا ، نزلت الشيلة من على راس ميرال ومسحت على شعرها وهي مبتسمة ، بيوم من الايام الذيابة ذبحت كل الغنم والحلال اللي عندنا ، وعبدالعزيز وقف معنا وقفة رجال ، ابتسمت ، شفتي الغنم والحلال والخير اللي عندنا كلة! ، بفضل الله ثمن عبدالعزيز اللي اعطانا بعضن من الغنم والابل اللي عندة ولو وش نسوي مارح نوفي حقة ، اخذت المكحلة وحددت عيونها بالكحل العربي ، ومررت على شفتها بنبتة الاكحيل صار لونهم مثل دم الغزال ، اعطتها جلابية فيها نقشات وسلسال ينلبس على الراس وبة كرستالة حمرا ، وقامت ، اتركش لجل تلبسين.. لبست الجلابية والسلسال وحطت الشيلة على راسها وطلعت من الخيمة والحريم لولشن:كلللللووووشش.. ابتسمت ، طاحت عينها على عبدالعزيز اللي يسولف مع الرجال ومبتسم ، جرتها شيخة:بسش تمقل بة لاحقة علية بعدين.. انحرجت ومشت معها وراحو مع الحريم.. . . جالسة بينهم ومنبسسطة على اجوائهم وعفويتهم وطيبة قلبهم ، متجمعين حولها الحريم يصفقون ويغنون اغاني شعبية ووحدة منهن جالسة تحنيها ، جت وحدة منهن شايلة الدخون جلست قبالها ورفعت شعرها وبخرتها.. دقتها شيخة:شبلاش ساكتة ، وش تبحرين بة!.. جهينة بضحكة:شكلها مشتاقتن لرجلها.. ابتسمت وماردت.. جت خزنة ومعها كم بنت شايلين بأيدينهم صناديق كبار شوي وحطوهم قبالها ، جلست خزنة عند ميرال:هذول هدايا زواجك من شيخ القبيلة ، اعذرونا وسامحونا ع القصور ندري انة مايوفي ولا يرد حق عبدالعزيز.. طالعت الصناديق المفتوحة ومليانة جلابيات وافخم انواع العود والبخور وطقوم ذهب وبراقع بدوية مزينة بألوان وخرز وفصوص وهدايا كثثيرة.. . . بخيمة الرجال.. ريحة البخور والعود مالية المكان.. جالس بصدر الخيمة مع الرجال وعاصب العمامة السكرية وبها نقشات بالاحمر والبني ولابس ثوب ابيض والحزام الاسود ملتف على صدرة وبة السلاح وبأيدة خيزرانة وبأيدة الثانية فنجال القهوة ويرتشف منة بهدوء ، جالس جمب شيخ القبيلة ، كبير فالسن وباين علية الهيبة والوقار والشيب والتجاعيد مالية وجهه:ارحب يابو متعب.. عبدالعزيز:تبقى ياشيخ.. اشر شيخ القبيلة بعصاتة لعيالة:جهزتو الابل والغنم لعبدالعزيز.. عبدالعزيز:وش اللي يجهزون لي! ، استسمح منك ي شيخ ماراح اخذ منك شي والله ماتقصر يكفي اللي سويتة هذا.. ضرب الشيخ الارض بعصاتة:افا تردني ي عبدالعزيز! ، والله اني خجلان منك والمفروض من مبطي رادن لك جميلك باللي سويتة لنا ، والله ماتردني هذاني حلفت هذا حقك وعارفن اني مقصر ، اعتبرة هدية مني لزواجك .. ابتسم عبدالعزيز:الله يرفع قدرك ماتقصر ي شيخ.. جا بزر عمرة حول الست سنين ووقف قبال ابوة اللي جالس شمال عبدالعزيز:يوبة يوبة ابعرس.. ضحكو الرجال اللي بالخيمة.. جسار بأبتسامة لولدة:خلاص بس تكبر اعرسك البنت اللي تبيها.. البزر وهو ينطط:لا لا انا ابي العروس اللي هناك ، اشر برا الخيمة ، هي حلوووة كثييير ، شعرها طويل وعيونها ماهيب مثل عيوننا لونهم اخضر ، جر ايد ابوة ، قم شوووفها.. اختفت ابتسامة عبدالعزيز وتغيرت ملامحة.. انحرج جسار من ولدة وضربة وسحبة وطلع من الخيمة وهو يصارخ علية.. عم الصمت فترة.. تنحنح شيخ القبيلة:حياكم الله اقلطو للعشا للخيمة الثانية.. قام عبدالعزيز معهم وهو سساكت وبالة مشغول ، تضايق من وصف البزر زوجتة قدام الرجال.. جا جسار عند عبدالعزيز ومنححرج:اعذرني والله اني خجلان منك عاللي صار يابو متعب ، تراة بزر ومايفتهم وهذاني ضربتة لجل يتأدب ومايعودها ثاني.. التعديل الأخير تم بواسطة لامارا ; 30-08-17 الساعة 07:46 PM | ||||
|
| |
|
15-06-17, 08:31 AM
| #20 | ||||
| . . تربعت على السرير بطفش ودقت علية وبعد خامس رنة رد:هلاء.. حسنا:هلاااااء صقيييررر وشلونك وشخبارك وشلون عمي وخالتي شريهان وخواتك وشلونهن عساهن بخير.. صقر بهدوء:الحمدلله كلنا طيبين.. حسنا:هعع زين طلعتو طيبين حسبتكم شريرين ، سامجة صح! اها اوك ، صقور وينك لك فترة ساحب علي عسى ماشر.. صقر:انشغلت هالفترة مع اخوياي.. حسنا:وتقوم تسحب علي؟ ، طيب فاضي اليوم ترااااك جد جد واحشني احس اول مرة افقدك ، متعودة اقابل خشتك اربع وعشرين ساعة ، المهم تو فاتح مطعم جديد ف رح اعزمك بس طبعاً على حسابك وبعدها نروح نقحص ونهيص وكذا هاة وشقلت؟ ، صقر ، الووة صقر انت معي!.. صقر:احمم لا اليوم مشغول مااقدر.. حسنا:صقر وشفيككك!.. صقر:مافيني شي.. حسنا:تعال لي الحين لا اتهور واجيك لعند بيتكم وارفس الباب وادخل.. صقر:حسنا والله مافيني اطلع معك اليوم.. حسنا:معسلامة.. صقر:حسنا! ، تكفين لاتزعلين بسس.. حسنا:خلاص صقر فهمت ، معسلامة.. سكرت بوجهه ولاحت التلفون ع السرير وهي مقهوورة ، شافت شاشة جوالها تنور بأسمة طنششتة وماردت ، اتصل عليها اكثر من مرة وهي حاقرتة وتطالع جوالها مقهورة ، جاها اشعار من الواتساب منة.. صقر:حسنا اطلعي انا برا.. صقر:حسسنا!.. صقر:والله ان ماطلعتي لاادخل البيت وتعرفيني لاحلفت.. زفرت وقامت نزلت وهي تتخفت وطلعت من باب المطبخ ولبست عباتها اللي مخبيتها بحوش البيت وطلعت اركبت معاة ومشى.. تمو ساكتين فترة.. حسنا:بتسحب علي عشانها؟؟.. التفت يطالعها مستغرب:منهي!.. تكتفت وبقهر:حبيبة القلب.. تم يطالعها فترة بعدها فطسس ضحك ، صدت ناحية الدريشة منقههرة.. مسح دموعة وابتسم:تغارين منها!.. حسنا:وشاللي اغار ، مالت عليك وعليها ، اصلاً مابيني وبينك شي عشان اغار.. تم يطالع الطريق وهو مبتسسم وحسنا كل اشوي تلتفت تطالعة وتصد بقهر.. . . طلعت لة بعد ماودعتهم وتحس مابودها تمشي ، حبت هالناس وحبت عفويتهم وبساطتهم وطيبة قلبهم ، ابتسمت وهي تشوف عصام واقف عند الخيمة ومكشر وفية بكوة ، نزلت لمستواة وقرصت خدودة:لية زعلان!.. عصام:عشاني ابغاك تجلسين عندنا وماتروحين.. ميرال:ي عمرري ، باست خدة ، اوعدك اني رح اجيكم كل بين فترة وفترة.. ضحكت بعد ماباسها ونحاش ، قامت ونفضت التراب وراحت عند عبدالعزيز اللي كان واقف يسقي فرسة.. انتبة لزولها ورفع راسة شافها متلثمة ، تنح وانسحر بجمال عيونها بالكحل العربي وقف يطالعها فترة بعدها صد:احمم يلا!.. هزت راسها بدون ماتتكلم.. حاوط خصرها ورفعها وركبها الخيل وركب وراها ، غمض عيونة وهو يستنشق ريحة العود والبخور اللي مغطيتها ، ضرب الخيل برجلة بالقوة وانطلق مسسرع.. . . بعد ماوصلو دخل الخيمة ونزل السلاح وفك الحزام الملتف على صدرة ، دخلت بعدة فكت لثمتها وشالت الشيلة ودخلت اصابعها بشعرها وحررتة ، رفعت راسها وانتبهت انة يطالعها وبسسرعة صد وطلع من الخيمة ، زفرت وطلعت وراة ، شافتة جالس يشعل الحطب ، جلست جمبة وتمت ساكتة فترة تطالع النار ، رفعت عينها لة شافتة ساج ويحرك الرمل بالخيزرانة:احمم انبسطت معهم كثير ، على اني عاشرت وقابلت ناس كثيرين بس مثلهم ماشفت ، كلشي فيهم يجنن ، عفويتهم وطيبتهم واخلاقهم ، ابتسمت ، تخيل في بزر هناك يججنن اسمة عصام طول مااحنا هناك وهو جالس جمبي ويحسب اني زوجتة وتضايق كثير يومنة مشينا.. قام وتركها بدون مايتكلم.. عقدت حواجبها:وششفية هذا!.. تأففت وتمت جالسة فترة طويلة متململة وماحست على نفسها وغفت على التراب.. . . صحت من النوم وهي تدلك رقبتها بألم رفعت راسها للسما وشافت الشمس بدت تطلع ، قامت نفضت التراب ودخلت الخيمة شافتة نايم ومغطي عيونة بذراعة ، راحت عند شنطتها وفتحتها بهدوء واخذت لها ملابس وفوطة وشامبو وطلعت تتخفت ، راحت ورا الخيمة وقفت قدام سيارة "وايت" ، فتحت الماي وحطت ايدها ورججفت من برودتة ، تلافتت تتأكد من عدم وجود عبدالعزيز وشلحت ونزلت رجلها بالماي وهي ترررجف وتحس رح تنشل من برودة الماي ، حطت بشعرها الشامبو وغمضت وهي تغسلة ، فركت وجهها بيدينها وغسلتة بالماي اكثر من مرة ، فتحت عيونها وانصدمت من وجود الابل يششرب من الماي اللي اهي تسبح فية ، صرخخت بخوف وطلعت بسرعة وسحبت الفوطة ولفتها على جسمها وركضت ناحية الخيمة وهي تتعثر ، انحرججت بعد ماشافت عبدالعزيز صاحي ، طالعها وبسرعة صد نزل راسة وطلع من الخيمة.. طلعت لها بيجامة قصيرة حرير بينك ، لبستها بسرعة ونشفت شعرها بالفوطة ولبست الفروة حقتة وجلست بالخيمة.. فزت وقامت تطل من الخيمة بعد ماسمعت عبدالعزيز يهلي ويرحب ، شافت رجال ينزلون من سيارة كبيرة الغنم والناقة وحوارها وبسيارة ثانية ينزلون منها الصناديق اللي اهدوها اياهم الحريم من ابو مجبل شيخ القبيلة.. . . نزلت تركضض بعد مادق عليها وخبرها انة وصل السعودية وانة جالس فالمجلس ، فتحت الباب بقوة وخمممتة:وحشششتنيييييي.. ضحك:شوي اشوي علي كسرتيني.. مسكت ايدة وجرتة وجلست عالكنب:طولت كثير ، لك سنة غايب ، اشتقنالك.. مسح على شعرها:محلوة كثير.. ضحكت مهرة:لاتسلكلي.. الوليد بأبتسامة:تدرين انك اول شخص طرا ف بالي اشوفة ، جيتك قبل لا اروح لمي وخواتي، مسك ايدها وضغط عليها وشخبارك!.. ششهقتتتت سوسن اللي كانت منخشة ورا الباب تطل عليهم من وجود مهرة مع هالرجال الغريب.. التعديل الأخير تم بواسطة لامارا ; 30-08-17 الساعة 07:47 PM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
13Likes
العرض العادي
