آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-06-17, 11:14 PM
| #21 | ||||
|  . . ششهقتتتت سوسن اللي كانت منخشة ورا الباب تطل عليهم من وجود مهرة مع هالرجال الغريب وركضضت صعدت الجناح:مطططلقققق الحءءء عالفضيحي.. طالعها بسرعة:وششصاير!.. جرتة:اووم شوفا لمرتك شو عاملي ، آعدي بحضن رجال غريب بالمجلس وهوي مانوو اخوا سطام .. نزل بسرعة وهي وراة ، راحت الصالة وجرت خالتها فريال:تعي شوفي الفضيحي اللي عاملتا الست مهرة.. قامت وياها بسرعة جهه المجلس.. فتحت ثمها من الصدمة لما شافت مطلق صافحة وجلس ، طالعت خالتها فريال ، شو اللي صار هلاء! ، مو المفروض يضربا للست مهرة ويطلأ! لانها عم تخونو.. فريال:هاد اخوا.. رمشت تحاول تستوعب:بس بعرف انو ماعندا اخ الا سطام.. فريال:اي اما متل البأرة ماتركت حدا بها البلد مارضعتو ، يعني هاد الريجال اللي ادامك يطلع اخوا بالرضاعة.. طالعت فريال اللي مشت ورجعت طالعتهم.. . . طلعت من الخيمة بعد مامشو الرجال دورتة بعيونها ، شافتة عند الابل وراحت لة ووقفت ورا السياج واستغربت كيف الابل متجمعين حولة وكأنهم يضمونة ، وهو حاوط الابل بذراعة وباسها وضمها ، بهالفترة اللي جلست معة حسبتة مايحس ولا عندة مشاعر بس تستغرب حنيتة وتعاملة مع الابل والخيل وحتى الكلبة ووشلون يعطف عليهم ويهتم فيهم كثير ، دخلت اصابعها بشعرها وزفررت ، ماهي قادرة تفهمة وماراح تقدر تفهمة دامة على طول سساكت.. مغصها بطنها من الجوع وضغطت علية ، رفعت راسها للسما تحاول تعرف الوقت ، تنهدت وراحت جلست قبال النار وهي ضامة رجلينها وتتأمل النار وهي تلتهم الحطب ، رفعت راسها بعد ماانتبهت لزولة ، دخل الخيمة وطلع وهو شايل البندقية ومشى ، صفر وجت الكلبة تركض وراة تلحقة ، فتح باب سيارتة وركبت الكلبة بعدها ركب ومششى.. وقفت وهي فاتحة ثمها:هذا وين مشى وخلاني ، حاولت تلحقة بس اختفى عن انظارها بسرعة ، رجعت مكانة وضمت رجولها لصدرها وهي متوترررة وتتلافت بخوف ، ماتدري ايش تخفي لها البادية رغم سكونها وهداوتها ، جلست تنتظرة وهي ماتدري وين راح او متى رح يرجع.. . . جالسة بالخيمة تهز رجلها وتقرض اظافرها ، تحسة طول كثير وماهي قادرة تصبر اكثر من كذا ، الخوف ذابحها ، طاحت عينها على بندقيتة واسلحة مركونة بزاوية الخيمة ، اخذت البندقية بأيد ترجف وجلست وتحاول تهدي نفسها وان خوفها مالة داعي ماراح يجيها شي ، غمضت عيونها وفركت وجهها بأيدها ، فتحت وتوسعت عيونها بعد ماشافت معزة صغيرة دخلت الخيمة ، وقفت وهي خخايفة:ابعدي ابععدي يوووممممااااة ، صرخت ورمت البندقية بالارض بعد ماجت المعزة عند رجلينها وطلعت تركضض والمعزة تركض وراها وميرال تصرخ بخوف وتفتر حول الخيمة والمعزة تلحقها تحسبها امها.. شافت سيارة عبدالعزيز وقفت ونزل منها ، ركضت بأتجاهه وانخشت وراة وتمسك بثوبة ودست راسها بظهرة ، صنممم من حركتها وحس قلبة يضرب بقوة:يمااة بعدددها عنييي ، نقزت ودخلت بالسيارة وسكرت الباب بعد ماجت المعزة جمبها.. شهققت بعد ماانتبهت ان الكلبة معها بالسيارة ، التفتت ببطء شافتها فاتحة ثمها وتلهث والسعابيل تنزل منها ، صرخخت ونزلت بسررعة وتعثرت بالارض ، رفعت راسها لة:و وين كنت ، لية تركتني لحالي هنا! ، وقفت وتراجعت على ورا شوي بعد ماانتبهت عاللي فأيدة ، وش ذا!.. عبدالعزيز بجمود:الغدا.. رمشت تحاول تستوعب وبفهاوة:ايشش! ، رفعت صبعها واشرت على الارنبين اللي ماسكهم من اذانهم والدم يصب منهم ، ب بتوكلني هذول! ، هزت راسها بالنفي ، مسسستحيل اكل هالشي.. طنشها ومشى.. لحقتة:لاتطنشني كذا ، انا اكلمككك ، سبقتة ووقفت قبالة ، انت ملزوم فيني تأكلني وتشربني ، انا مستحيل اكل هالشي.. تم يطالعها فترة وبجمود:انا اللي علي سويتة ، تبين تاكلين اهلاً وسهلاً مو عاجبك دبري نفسك ، مشى.. تمت واقفة مكانها فترة وهي مومستوعبةة ، صرخت بعد مادخلت المعزة بين رجلينها ولحست جلابيتها ، ركضت لحقت عبدالعزيز وجلست جمبة.. عبدالعزيز بهدوء:بطلي دلعك الماصخ هذا.. ميرال:ماهو دلع والله اخااءء.. ، سكت بعد مااستوعبت انة ماسك السكين ويصلخ الارانب ، حطت ايدها على ثمها وركضت ورا الخيمة تستفرغ.. هز راسة وكمل صلخ الارانب وجلس يجهزهم للغدا.. التعديل الأخير تم بواسطة لامارا ; 30-08-17 الساعة 07:48 PM | ||||
|  |
|
15-06-17, 11:24 PM
| #22 | ||||
| . . كان يتأملها وهي تاكل من ورا النقاب وكأنة يدرسها او يحفظها ، رفعت عيونها لة ورمشت:خير اخوي في شي!.. ابتسم ومارد.. تركت الملعقة وتكتفت:عفواً اخ صقر وشعندك مبتسم!.. صقر بنفس الابتسامة وبهدوء:لية الابتسامة حرام؟.. حسنا:قلي وش وراك!.. التفت بسرعة وراة:مافي شي؟.. حسنا:هء هء هء مرة تضحك ، بطل سماجة ، قلي وشعندك ي صقير تراك صايرن مهوب طبيعي.. ابتسم ومارد.. حسنا:ياربي هذا اللي بيفقع مرارتي.. صقر:حسنا ابسألك سؤال ، احمم وشرايك فيني!.. حسنا:اقولها بصراحة يعني؟ ، صايع ضايع عطالي بطالي ماعندك مسؤلية ولا.. ، ضحكت بعد مااختفت ابتسامتة ، الحقيقة تزعل صح!.. صقر وهو يقوم ويشيل جوالة ومفاتيحة:الحقيقة اني عطيتك وجة زيادة عن اللزوم ، قددامي اششوف.. حسنا:طب والاكل؟.. طنشها ومشى.. حسنا:صققررر ، يوووة لحظة ، طلعت وراة بسرعة ، تكتفت وهي تشوفة يحاسب بعدها طلع من المطعم ، لحقتة وركبت جمبة ، صقرر! ، تراي امزح وشفيك صاير حساس بزيادة ، صقرر؟.. تم يطالع الطريق ومارد عليها ، وقف قريب من بيتهم.. حسنا بهدوء:لية تسوي كذا ، مو اول مرة امزح معك كذا ، سكتت فترة ، الحين فهمت ، طالعتة ، تدور الزلة علي عشان تبتعد عني عششانها.. التفت طالعها.. حسنا:معسلامة.. مسك كتفها قبل لاتنزل:لاتفسرين الامور بكيفك.. حسنا:واضحة مايبيلها تفسير ، اقولك شي ، انا ماعرف منهي اللي انت تحبها بس كرهتهاا عشانها بتفرق بين صداقتنا ، معسلامة ، فكت ايدة ونزلت.. شد شعرة وتأفف ، يخاف يعترف لها بحبة وتبعد عنة عششانها معتبرتة اخ وهذا اللي ذابحة.. رجع البيت وهو متضضايق ، دخل وشاف امة جالسة تشرب شاي وتسولف مع هند ، باس راسها وجلس.. شريهان:اهلاً بشيخ الرقالة اهلاً ي حبيبي ، عاوز اهوة ولا شاي!.. صقر:قهوة.. طالعت هند:ي بت مبتسمعيش اخوكي آل اية.. صبت لة هند القهوة ومدتها لة.. شريهان بأبتسامة:ازيك ي حبيبي.. ارتشف القهوة:بخير يالغالية.. شريهان:هوا صحيح انا غالية؟.. مسك ايدها وباسها.. شريهان:عاوزاك تفرحني ي حبيبي ، عوزاك تتقوز واشوف عيالك بينططو اودام عينيا.. صقر:يمة طالعي وجهي تشوفينة وجة زواج ، لوى شفتة ، لاشغل ولا مشغلة ولا عندي مسؤلية من بيرضى فيني و.. قاطعتة شريهان:لاءة متؤلش كدة عن نفسك دنتا الشيخ صقر ابن ابومطلق الف بنت بتتمناك، وازا عالشوغل من دالوأتي روح وأت منتا عاوز مكتب ابوك ي حبيبي انا عوزة افرح بيك ابل مموت اخوك عز اللي كان رافض فكرة القواز وشايلها من بالو تقوز وحتى اخوك ظافر دنا سمعت امو وهيا تقنعو انو يتقوز وحتخطبلو اليومين دول وهوا اصغر منك.. صقر:الله يوفقة ويسعدة مع بنت الحلال اللي بياخذها.. . . جالسة قبالة تراقبة ، ماسك دفتر اسود وبأيدة قلم ويكتب وبعدها يمزع الورقة ويرميها بالنار ويكرر هالحالة اكثر من مرة ، انتبهت للشاي صار يفور ، بعدتة عن النار وصبت في كوبين ومدت لة ، اخذة بدون مايطالعها ، سكر الدفتر وحط القلم بجيبة.. ميرال:الجو كل مالة وتزيد برودتة.. شرب من الشاي بهدوء ومارد.. ميرال:انت دايم كذا!.. رفع عيونة لها وبسرعة نزلهم.. ميرال:دايم ساكت وماتحكي الا قليل ، حنا من اسبوع متزوجين وماعرفت طبعك وومااعرف ولا شي عنك ، تكلم عن نفسك ، سولف معي ، قلي وشتحب وشماتحب.. سكتت وهي تشوفة قام ومشى بدون مايرد وراح جهه الابل ، تأففت وطاحت عينها على ورقة صغيرة طارت وجت عند رجلها ، اخذتها وكانت محترقة وموباين شي رفعت راسها لة شافتة ضام الابل ويمسح عليها ، وقفت ونفضت التراب اللي بجلابيتها وراحت بأتجاهه وهي معززمة انها تفهمة وتتقرب منة ، وقفت جمبة ، وش سر محبتك لهم.. مارد وتم ضام الابل.. ميرال:يعضون؟.. التفت لها وهو رافع حاجب.. ميرال:اسمع انا يعني لازم اتعود على هالوضع لانو باين اني رح اعيش هنا على طول ف رح احاول المسها بس قلي اذا يعضون ولالاء؟.. صد يطالع الابل:لاء.. مدت ايدها بتردد وهي مغمضة وخايففة ولمستها وبسرعة وخرت وحطت ايدها على صدرها:يممممة تخووف ، اخذت نفس وابتسمت ، احس اني سويت انجاز وشرايك فيني ، ترا اول مرة فحياتي المس حيوان ومو اي حيوان جممل وشكبرة.. عبدالعزيز بجمود وبدون مايلتفت عليها:زين انك صرتي تقربين منهم لجل من بكرا اخليك تحلبينهم.. ميرال:ايشششش!.. طنشها ومشى.. . . جالس بالمستشفى ينتظر نتيجة التحاليل ويقرض اظافرة ويهز رجلة بتوتررر ويدعو بداخلة ، خايف يكون العيب فية يحس الوقت طويييل وموراضي يمضي ، نزل راسة وتلطم بشماغة وطلع من المستشفى بسسرعة بعد ماشاف ظافر ومسفر ومعاهم خويهم ، ركب سيارتة يحمد ربة انة ماشافوة ولا كان انفضح ، شغل سيارتة ومششى.. رن جوالة وابتسم من شاف اسمها ينور بشاشة جوالة:من قدي حبيبتي داقة علي.. مهرة:داقة عشان ابقولك اني ابروح عند اهلي من زمان ماشفتهم ، ف بدق على سطام يمرني.. مطلق:مالة داعي تعنين اخوك انزلي انا اوصلك.. سكتت فترة:طيب.. سكرت ودقايق وركبت السيارة ومشى ، بعد فترة التفتت لة هذا موطريق بيتنا!!.. مهرة:مطططلق لوين ماخذني.. مطلق:اول شي الوقت متأخر الساعة تسع ونص عيب تزورين هلك بذا الوقت وثاني شي حاب اعزم زوجتي بمطعم ، لنا حول السنة ماطلعنا مع بعض.. صدت وبعصبية:تستغلني وتكذب علي عشانك عارف اني ماراح ارضى اجي معك ، ومن الحين اقولك مارح انزل المطعم.. وقف عند المطعم ونزل وفتح بابها وجرها من كتفها ودخلها غصصب.. التعديل الأخير تم بواسطة لامارا ; 30-08-17 الساعة 07:50 PM | ||||
|
| |
|
17-06-17, 06:12 AM
| #23 | ||||
| . . جالسة قبالة تطالعة وهو ياكل الطيور اللي صايدهم وبطنها ماغصها من الجوع:جيعانة.. عبدالعزيز:كلي محد ماسكك.. ميرال:وع قرف ماابي.. عبدالعزيز:هاذي نعمة الله مايقولون عنها كذا ، غيرك مولاقي ياكل احمدي ربك.. ميرال:ياخي مايصير الناس كل مالها تتقدم وتتطور وانا احس اني رجعت بالزمن لورا وعايشة هنا ، ماباقي الا نتكلم فصحى واشوف كفار قريش مسويين بارتي.. طنشها وكمل اكل.. التفتت على الكلبة والصقر اللي جالسين ياكلون وتأففت واكلت تمر تحاول تسد جوعها.. بعد ماخلص اكل غسل ايدينة ورجع مكانة واتكى على المركى قبال النار ويحاول يتجاهل يناظرها.. كانت لابسة جلابية حمرا وفيها تطريزات بالذهبي وضييقققة ومكحلة عيونها بالكحل العربي اللي برز جمال عيونها ولونهم وشفايفها وخدودها موردة من شدة البرد ، شافها ساججة وتتأمل غروب الشمس ، جت لفحة هوا بارد طير خصلات شعرها ، ارتججفت وفركت ايدينها ببعض ومدتهم قريب النار.. فصخ فروتة وحطها جمبها:احمم دفي نفسك لجل ماتمرضين علينا.. اخذتها ولبستها:شكراً.. مارد تم ساكت ويحرك الرمل بالخيزرانة.. . . دخلت جناهم وبعصبية فصخت الشنطة ورمتها ورمت العباية بالجهه الثانية ، مسكها ولفها لة:خلاص ، لي متى بتظلين كذا!.. مهرة بحدة:ليما اموت ، سحبت ايدها منة وجلست ع السرير.. جلس جمبها وبهدوء:انا اسف وشتبيني اسوي! خلاص انسي.. مهرة:اها اوك دامك قلت اسف نرجع مثل قبل وانسى كلشي ، ضربت على صدرها وبصراخ ، حسسبالك كلمة اسف بتنفعني ، مطلق انت ذبححتني انت دمرتني ، حطمتني من داخل وتجي بكل برود تقولي خلاص انسي؟ ، انت اللي انسى ، انساني ، ماضنتي بيصير بيننا صلح ، انت ميت بنسبالي ي مطلق.. اخذ نفس وطلع من جناحها وهو متضضضايق وندمان على كل اللي صار ، زفر بضيق ودخل جناح سوسن ، شافها قامت من السرير وتكتفت:وين كنت يااستاز!.. جلس ع السرير ومارد.. سوسن بعصبية:كنت معا صح؟ ، اي يبعتلي حمى ناطرتك لهلاء وانتا بين احضان حبيبة الالب ، الي لوين رحتو!.. قام بدون مايرد وطلع من جناحها ورجع جناح مهرة ونام ع الكنب.. . . عقدت حواجبها بضيق من الانفاس الحارة اللي تلفح بوجهها ، فتحت عيونها بشويش شافتة قررريب منها وماسك صخرة بأيدة ورافعها عليها ، شهقت وجت بتصرخ بسرعة سد ثمها ، غمضضت بخوف بعد ماشافت الصخرة تتوجة لراسها.. فتحت بشويش بعد ماسمعت خبطة بالارض ، بعدت بسرعة وهي ترمش بأرتباك طالعت الارض واشرت بصبعها وهي ترجف:وشش هاذا؟.. رجع مكانة وتسطح وحط ذراعة على عيونة:عقرب.. بلعت ريقها:ك كان بيلدغني! كنت حموت، وقفت بسرعة وهي تتنفس بقوة ، ماابغى اجلسس هنا دقيقة وحدة.. عبدالعزيز:لاتبالغين ترا ماصارلك شي.. ميرال:وتبيني احط ايدي على خدي وانتظر يصير فيني شي؟ ، عبدالعزيز لوسمحت ابي امشي من هنا.. تثاوب وتغطى بالفروة ومارد.. ميرال والدمعة متعلقة برمشها:لاتسفهني كذا! ، جلست بزاوية الخيمة وهي ضامة نفسها وتمسح دموعها وتحاول تكتم شهقاتها.. تم فترة يتقلب منززعج منها ، تأفف وعدل قعدتة:خلاصص تراك ازعجتيني ابناام.. ميرال:انا وشمسوية لك؟ ، لية تعاملني كذا وش الذنب اللي ارتكبتة ، قلي يمكن انا مسوية شي وانا ماادري ، عبدالعزيز انا عرووس فاهم ايش يعني عروس؟ توي لي اسبووع من تزوجت وجايبني هنا ، مسحت دموعها ، جايبني ف بر وماتكلمت ، اسبوع كل ماجيت اسولف معك واحاول اتقرب منك تسفهني تعاملني وكأن وجودي وعدمة واحد ، الحيوانات تعاملهم وترفق عليهم اكثر مني وهم سساكتة قلي وشتبي مني انا جد جد تعبت ، انقهررت اكثر بعد ماشافتة صصاد وماتكلم ، طلعت من الخيمة وجلست برا.. اخذ نفس وطلع وراها:قومي ادخلي الجو بارد لاتمرضين.. ماردت.. تنهد وقعد قبالها وتم ساكت فترة طووويلة ، رفع راسة:قوم.. ، سكت بعد ماشافها نايمة على المركى وضامة نفسسها.. قام وشالها ودخل الخيمة وسطحها على الدوشق وبتردد تسطح جمبها وبدون شععور جلس يتأملها ، انتبة على نفسة بسرعة وصد واعطاها ظهرة وتم سساهي.. . . جالس بصدر المجلس يرتشف من القهوة بهدوء ، طالع حريمة وبناتة وهم يسولفون ويضحكون ، طاحت عينة على هند السساكتة حاطة رجل على رجل وتطالعهم وهي رافعة حاجب ولاوية شفتها.. ضرب الارض بعصاتة:توكلن انتي وياها.. قامو كلهم بيطلعون ووقف هند:هندد ، اجلسي.. طالعوها كلهم وطلعو.. تممت متوترة ماهي عارفة ايش يبي منها ، رفعت راسها شافتة ماسك عصاتة ويرتشف القهوة بهدوء.. بومطلق وعينة عالفنجال:تعتقدين اني راضين بوضعك هذا!.. حط الفنجال بالارض:رح احاكي عمك واطلبة يرجعك لولدة ، البنت مالها الا بيت رجلها ، خل يكون عندك علم بأنك بتردين على ذمة رجلك ، رفع ايدة واشر لها تمشي.. طلعت بسرعة وشافت فريال وامها وخواتها عند الباب يتصنتون وفزو بعد ماشافوها فجأة طلعت ، طالعتهم فترة ورفعت راسها ومششت.. التعديل الأخير تم بواسطة لامارا ; 30-08-17 الساعة 07:49 PM | ||||
|
| |
|
17-06-17, 06:14 AM
| #24 | ||||
| . . صحى من النوم واستغرب انها مو جمبة ، فرك وجهه بتعب مومتعود يسهر بالعادة يصحى على صلاة الفجر ، طلع من الخيمة وهو يلبس حزامة الاسود اللي بة السلاح بعد مابدل وعصب عمامتة ، شافها جالسة وساججة ، جلس قبالها واشعل النار ، قام حلب الابل وجهز الفطور وحطة واكل ، رفع راسة لها:كلي.. ميرال:ماابي ، قامت دخلت الخيمة.. صد وكمل اكل وهو يحاول مايعيرها اي اهتمام ، بعد ماخلص قام عند الحلال يسرحة ، جلس تحت ظل الشجرة وهو يراقب النياق وهم يرعون وياكلون من الاشجار والحشايش اللي متوزع بأنحاء متفرقة بالارض ، وبالة مششغول فيها ، فرك عيونة وزفر يحاول يشيلها من تفكيرة ، ابتسم بعد ماشاف الحوار رايح ناحية الخيمة وجلس ينتظرها تصررخ وتطلع من الخيمة تركض ، عقد حواجبة مستغرب ماسمع حسها ، قام ونفض التراب اللي بثوبة وراح بأتجاة الخيمة ، وقف بعد ماسمع كلامها.. ميرال:اسمع خلنا حلوين مع بعض لاتعضني ومارح اضربك.. دخل شافها واقفة ورافعة نعالها وتكلم الحوار:ههي لاتقرب ، صرخت ونحاشت بأتجاة عبدالعزيز وانخشت وراة:بعدة عنييي.. حاول يخفي ابتسامتة ، مسكها وقربها من الحوار:لاتخافين ، تراة صغير.. رجعت ولصقت بصدرة:بعددة ، الززفت جيت بلمسة وعض كم جلابيتي وبلموت فكة.. حاوطها بذراعة وهي لاصقة فية ومد صبعة وحطة بثم الحوار:شوفي مايعور اااااة ، سحب ايدة بسرعة ودلك اصبعة بألم ، طالع ميرال وهو مكشر ، مايضحك!.. عضت شفتها تحاول تكبح ضحكتها.. . . دخل المجلس وهو يطقطق بجوالة ، باس راس ابوة وجلس.. بومطلق:حيالله ولدي تو مانور المجلس بجيتك ، ماقصرت وتعنيت جيت لنا ، اخاف عطلت اشغالك ومشاريعك بجيتك هاذي يالهيس الاربد.. صقر:يبة؟.. بومطلق:وحطبة ، استح على وجهك احترم الشنب اللي خط بوجهك ، انا ابعرف متى بتركد وتصير رجال؟ متى رح تترك ربعك الخمة ذول ، قلي انا وش قصرت فية ، اوامرك كلها مجابة ، تذي خلق الله! مجمعن زبايل الحي وراميهن عند بيت الشيخ بوصالح ياقليل الحيا؟ وتفحط قدام بيتة وتشتمة وتصبع لة يوم حاكاك؟ مااحترمت شيباتة وكبر سنة؟ ، صدق اني ماعرفت اربيك ، لكن الشرهه موعليك علي انا اللي مدلعك اخر دلع.. قام وجلس عند ابوة وباس راسة وايدة:يبة موقصدي بس ولدة قهرني يومنة غلط عليك وسبك وقلت لازم اردها ، ترضاها ف حقي ابوي ينشتم واسكت؟ ، والله مانيب برجال لو مارديتها وربيتة لجل مايعودها ويغلط على الشيوخ.. رن جوال بومطلق واخذة ظافر وطالع الشاشة:يبة هذا الشيخ بوصالح!.. صقر حك رقبتة بوهقة:اجل توة يدري ان ولدة مرقد بالمستشفى.. بومطلق:لا اله الا الله ، رد علية يابوك وقلة ابوي راقد.. تأفف من كثر مايدق عليها وماترد ، طلع من غرفتة وهو ضضايق جلس بالصالة اللي بين الغرف وطالع شمايل اللي تطقطق بجوالها ابو كشاف وتلعب لعبة الثعبان:هيي.. شمايل:هاة!.. حذفها بالمخدة:وجعاة ، قومي سويلي عصير.. شمايل بملل:عصير ايش ي اخي العزيز؟.. صقر:عصير طماط.. طالعتة بصدمة.. صقر:عصير ليمون بالنعناع وكثري ثلج وابغاة ف كاسة كبيرة وبوسطة اوراق نعناع وزيني الكاس بشريحة ليمون.. تأففت ورمت جوالها ع الكنب وقامت.. نقز واخذ جوالها بعد ماتأكد انها نزلت وبسرعة دخل على رقمها واتصل وهو يتلافت.. ابتسم بعد ماسمع صوتها:هلا حبيبتي.. صقر:اوة طلعتي تعرفين تقولين كلام معسول؟.. حسنا:صقر؟؟.. صقر بسرعة:اسمعيني حسنا تكفين لاتسكرين ، يومين احاول ادق عليك وماتردين ، بسألك سؤال واحد بس انتي لية كذا غبية!.. حسنا:نعمم؟.. صقر:لا جد جد ، دايم متسرعة وتحكمين بكيف ابو اللي جابك واحسك غبية بشكل يعني موراضية تستوعبين.. حسنا:استوعب ايش؟.. تم ساكت فترة:لازم اشوفك عشان نتكلم.. حسنا:اعذرني اخ صقر مشغولة مااقدر.. صقر:اقول خمس دقايق واشوفك عند بيتكم لا التك كف يعدل ملامح وجهك.. حسنا بهدوء:طيب.. فررح انها رضت بس حاول يخفي فرحتة:احم يلا ذلفي البسي انا جاي ، سكر بوجها وباس الجوال ولاحة ع الكنب ونزل مسسرع ، وقفتة شمايل وهي شايلة صينية بها كاس العصير:عصصيرك!.. صقر بأستعجال:اشربية.. . . جلس بعد ماجمع الحطب وشب النار وجهز القهوة وهو يستنشق ريحةة الهيل بعد ماهبت ، استغرب هدوءها وهي ساججة وبأيدها كراسة رسم وقلم وعينها ع الفرس المربوط بالشجرة وترجع تطالع الكراسة وترسم ، صب لة القهوة ف الفنجال وارتشفها بهدوء وعينة عليها ، انتبة على نفسة وصد ، طلع من جيبة السبحة واشغل نفسة بالتسبيح ويتجاهل النظر لها.. التفت بعد ماشافها قامت ودخلت الخيمة ، طاحت عينة ع الكراسة ، مد ايدة واخذها وفتحها ، انبهررر بجمال رسمها ودقتة ، صار يفر بالصفحات وكل رسمة احلا من الثانية ، انصدم بعد ماشاف انها راسمتة.. التفت بسرعة بعد ماسمع صوتها:عجبتك؟.. سكت فترة منحرج وتوهق ماعرف شيقول ، حط الكراسة بالارض وصد يطالع النار:احمم مايجوز رسم الارواح.. جلست واخذت الكراسة:من قال! ، ابتسمت ، لاتكابر باين انها عجبتك.. طالعها وهو رافع حاجب وصد بدون مايرد عليها.. صبت لها قهوة واكلت التمرة وهي تطالعة ومبتسسمة.. | ||||
|
| |
|
17-06-17, 06:16 AM
| #25 | ||||
| . . جالسة تناظر الطريق بطفش ، التفتت لة:صقر لنا حول الساعة ونص نفتر فنفس الشارع دار راسي وانت للحين ماتكلمت.. صقر:اتكلم ف ايش؟؟.. حسنا:بطل سماجة ، انت قايل ، قلدت صوتة ، لازم اشوفك عشان نتكلم.. صقر:انا قلت كذا؟ مااذكر.. حسنا:صققرر!.. حك رقبتة بوهقة ووقف قدام بوفية:جيعانة ، عندهم اطلق شكشوكة فلحياة رح تاكلين ايدك مو اصابعك وراها.. طالعتة فترة:هات ثنتين وقولة يكثر شطة.. صقر:تستهبلين صح؟.. حسنا:لية مو حلوة بشطة؟.. طالعها وهو فاتح ثمة وفتح الباب ونزل.. فتحت الدريشة وبصراخ:جب لي حمضضيات.. ركب السيارة ومد لها سندويشتينها والحمضيات.. حسنا وهي تاكل الشكشوكة:هاةقلالليعندك؟.. صقرة:هاة!.. بلعت اللقمة وشربت من الحمضيات:اقولك هاة قل اللي عندك!.. صقر:كملي كملي اكلك اخاف تغصين.. حسنا:نننن ، طنشتة وكملت اكل.. صقر:ابيك تصيرين وسيط بيني وبين اللي احبها.. حسنا:ايش؟ ، قصدك مرسال غرام ، لية قالولك حمام زاجل وانا مدري.. صقر:مو توك من قبل اسبوع قلتي ان.. قاطعتة وهي عافسة وجهها:غيرت رايي ماابي اخذ ذنوب.. صقر:وش ذنوبة تراي ماقلتلك هاتي صورها مفصخة.. شهقت حسنا وتغير وجهها وضربتة:قققليل ادددب.. سند راسة وغمض:تتوقعينها حلوة.. حسنا:من؟.. التفت لها:قلنا غبية بس عاد مولهالدرجة.. تسندت وهي تطالع فوق:بما انك مخيس وذوقك اخيس ف اتخيلها خخايسة ومتينة وفيها زوايد وخشمها كبير ووجهها كلة حبوب وعيونها صغار وشعرها فلافل و.. صقر:هاذي المواصفات كلها فيك.. حسنا:نععم!.. لف لها وجلس يتأمل عيونها وبهدوء:انا انفتنت بعيونها ياخي دماار ماقد شفت بجمالهم.. ارتبكت حسنا حسست انة يقصدها بس بسرعة طردت هالافكار من راسها وضحكت على تفكيرها الغبي.. . . دخلت الحمام وقفلتة قفلتين وطلعت جوالها الايفون اللي مخبيتة ورا المغسلة بكيس بلاستك وحاطتة داخل علبة شامبو فاضية ، وهي خخايفة لان عارفة قوانين ابوها الصارمة بخصوص الجوالات ، مالهم الا ابو كشاف وبعد حب الخشوم وبالموت رضى فية ، وممنوع يتصلون على احد غير اخوانهم وبنات عمانهم ويكشف اللي تتصل على احد غير من الفاتورة ويعاقبها ويحرمها من الجوال طول العمر حتى لو كانت داقة على صاحبتها ، قرضت اظافرها بتوتر وهي تنتظرة يرد ، ابتسسمت بعد ماسمعت صوتة وتكلمت بنعومة:هلا حبيبي.. . . ابتسسمت بعد ماسمعت صوتة وتكلمت بنعومة:هلا حبيبي.. عمر:زين تذكرتيني واتصلتي.. :يووة ححياتي والله اسفة ، فجأة ابوي حجز لنا تذاكر ورحنا دبي يومين عشان كذا انشغلت وماقدرت اكلمك.. عمر:وحتى لو يعني ماتقدرين تطمنيني عنك بمسج يومين مختفية خوفتيني عليك.. :حبيبي خلاصص موقصدي لاتزعل.. مارد.. :طيب وش يرضيك.. سكت فترة:اممم لنا شهر ونص من عرفتك وللحين ماشفتك ، ابغى اشوفك.. :لاااء مااقدر.. عمر:ماتثقين فيني!.. :لاء موكذا بسس.. عمر:طيب معسلامة.. :عمرر!.. سكر بوجهها.. دقت علية اكثر من مرة ويعطيها مشغول بالاخير طفى جوالة.. تأففت بضيق وتحس بتبكي ، رسلت لة مسج بالواتس تترجاة يرد عليها ، طفت جوالها وحطتة بالكيس ورجعتة بعلبة الشامبو وخشتة مكانة.. طلعت ودموعها متعلقة برمشها ، تنحتت وارتبككت بعد ماشافت ابوها وزوجاتة وخواتها جالسين بالصالة اللي عند الحمام .. هند:وش تسوين بالحمام كل ذا الوقت!.. :ااء و وشش هالسؤال الغبي يعني الواحد وش بيسوي بالحمام!.. . . لابس الفروة وجالس قبال النار وبأيدة فنجال قهوة ويرتشفة بهدوء وهي جالسة قبالة واسنانها تطق ببعضها من شدة البرد وتفرك ايدينها ببعض ومقربتهم من النار تحاول تتدفى وكل شوي تتثاوب وتهز راسها تحاول تقاوم النوم ، هبت لفحة هوا باررد ونقززت وراحت جمبة وفتحت الفروة اللي لابسها ودخلت معاة ولصقت فية وتشبكت بذراعة ودست راسها بصدرة وهي تررجف وتهمس:برد برد برد.. احتدت ملامحة وارتبك بس تم سساكت ماعرف وشيقول ، خاف تحس فية وتسمع دقات قلبة القوية ، حاول يبعد نفسة ويقوم ، شافها تشبثت فية اكثر ومو راضية تفكة ، بلع ريقة:احمم م ميرال ابعدي ابدخل انام ، ميرال!.. فتح الفروة وشافها نايمة ، شالها ودخلها الخيمة وتسطح قبالها وهو يتأمل ملامحها ، بطرف صبعة بعد خصلات شعرها اللي مغطية وجهها وبدون شعور قرب وباس شفتها.. قام بسرعة بعد مااستوعب اللي سواة وحسس على نفسة ، طلع برا الخيمة وجلس قدام النار وهو يفرك وجهه بأيدينة وهو يتنفسس بقوة.. . التعديل الأخير تم بواسطة لامارا ; 30-08-17 الساعة 07:52 PM | ||||
|
| |
|
17-06-17, 06:19 AM
| #26 | ||||
| . . صحت من النوم ولاول مرة تحس انها ارتاحت في نومتها بسبب الفروة اللي دفتها ، قامت جهه الصندوق اللي بة الملابس والجلابيات لبست لها فستان نااعم اسود وفية نقشات صغيرة وكمة طويل وضضيق وحطت لها من دهن العود الفااخر اللي من الشيخ مجبل وتركت شعرها على طبيعتة وطلعت ، ابتسمت بعد ماشافتة جالس قدام النار ، جلست جمبة:قود مورنينق.. عقدت حواجبها بعد ماشافت ساج وعيونة مثل الجممر:سهران ، مانمت من امس؟.. عقد حواجبة ومارد.. ميرال:عبدالعزيز وشفيك؟.. قام بدون مايرد عليها وحط التاوة على النار وصار يقطع الطماط والبصل وبالة مششغول ، ترك السكين ومسك صبعة اللي جرحة بدون مايحس وصار ينززف.. فزت ميرال وجلست قبالة ومسكت ايدة وشهقت:جرحك كبير ، رفعت راسها وطالعتة ، كيف ماانتبهت وجرحت نفسك كذا! ، سكتت بعد ماحست فية يتأملها ، صد وسحب ايدة منها وقام.. وقفت ميرال:لازم تروح عالمستشفى يعقمونة و.. ، عبدالعزيز؟؟ ، وش فية هذا! ، تنهدت ودخلت الخيمة وصارت تحوس بشنطتها تدور لزقة جروح ، تأففت لانها مالقت بس لقت مسحة طبية ، قامت اخذت مناديل وطلعت تدورة ، شافت جالس بالارض عند الابل ، راحت لعندة ونادتة بس مطنشها ، اخذت نفس وتشجعت ودخلت عند الابل وجلست قبالة ، ومسكت ايدة وجت بتلفها بالمناديل.. سحب ايدة وبحدة:ابعددي عنني.. ميرال بنفس الحدة:انت لية تعاملني ككذا ، يوم زين وعشرة لاء ، سحبت ايدة بالقوة ، ماراح اخليك الا لما الف الجرح مايصير تتركة كذاا ، مسحت الجرح بالمعقم وطوت المنديل ولفت صبعة وضغطت علية وطالعت ثوبة اللي كلة بقع دم ورجعت تطالعة ، ملامحة محتدة وصصاد يتجاهل يناظرها.. قامت ورجعت جهه الخيمة ورمت البصل والطماط اللي قطعة وغسلت السكين وجهزت الفطور والشاي والقهوة ورجعت لة:قوم عشان تاكل ، بس ترا مااعرف اسوي خبز عالصاج مثل اللي انت تسوية.. عبدالعزيز بدون مايناظرها:كلي انتي انا ماابغى.. رفعت اكتافها:اوكي بالطقاق.. التفت لها بسرعة.. ميرال:وشفيك تناظرني كذا لايكون تبيني احلفك تجي تاكل ، الزم ماعلي بطني تبي تجي حياك ماتبي توفرر ، والله حالة.. مشت ، فجأة وقفت ولفت ورجعت لة وجرتة من ايدة الثانية:يووة مقدر اتركك جيعان قلبي موقاسي ، ابتسمت ، وبالمرة عشان تذوق طبخي بس اذا اوجعك بطنك مالي شغل يمكن الاكل منتهي صلاحيتة، بس هاة ماما دايم تعيب على طبخي من الحين اقولك.. تم يطالعها فترة بعدها قام معاها ، طالع ايدها اللي ماسكة ايدة ، سحب ايدة بسرعة ومشى وراها بهدوء ، دخل الخيمة بدل ثوبة وطلع ، جلس وحط الزبدية قبالها:قومي احلبيلنا من الابل.. ميرال:هااة!.. اخذت نفس وسكتت ، اخذت الزبدية وقامت وهي كل تفكيرها انها رح تسوي اللي يبية عشان يغير معاملتة معاها ، وقفت عند السياج اللي بة الابل وطالعتهم ، لفت انتباها ناقة مربوطة ورجلينها مربطة ، دخلت وهي تحاول تستجمع قواها وقفت قريب من الناقة ودموعها متعلقة بطرف رمشها ، بلعت ريقها اكثر من مرة وقربت ، لمستها وبسرعة وخرت ، جمعت شعرها وحطتة على جنب واخذت نفس وبتردد قربت ومسكت الزبدية وبأيدها الثانية تحلب ، استغربت ان ماطلع حليب وصارت تحلب اكثر تحاول تطلع الحليب.. ماتوقع انها رح ترضى تحلبلة الابل ، قام بهدوء ووقف عند السياج ويدورها بعيونة بين النياق ، التفت جهه صوت رغاء الجمل وفتح عيونة على وسعهم:ابككك وش جالسة تسوين! ، دخل لها بسرعة.. ميرال من بين دموعها وهي تحلب الابل:وشتشوف! ، احلبلك الناقة ، فتحت ثمها بفهاوة اول مرة تشوفة يضضحك ، عقدت حواجبها ، وش اللي يضحك! ، كشرت ، وبعدين صار لي ساعة احلب الناقة وموراضي يطلعلي حليب.. عبدالعزيز وهو يمسح دموعة ويكبح ضحكتة:لانة مو ناقة ، ابتسم ، هذا جمل.. رمشت بفهاوة تحاول تستوعب ، طالعت الابل ورجعت طالعتة ، فجأة صرخت ورمت الزبدية وركضت وهي تصرررخ بقررف وتبككي.. ابتسم وراح جهه الخيمة ، جلس قبال النار وصب لة شاي وبدا يفطر ، رفع راسة بعد ماانتبة لزولها.. ميرال من بين شهقاتها:انت لية تسوي فيني كذا ، ججججمل خليتني احلب ذكر!.. عبدالعزيز ببرود يفطر.. سحبت منة الاكل:هات اكلي ، مالت علي انا اللي جالسة احاول اتقرب منك وارضيك ، اخذت الاكل ودخلت الخيمة ورجعت سحبت منة كوب الشاي اللي جالس يشرب منة ، هات شايي بعد ، رجعت الخيمة.. . . متسطحة على السرير وشمايل منسدحة على فخذها وخولة جالسة تقرا كتاب.. الهام:وحشني عز.. شمايل:مدري وش سر هالمحبة هاذي ، اللي يسمعة مدلعك ويعطيك وجة ، رفست خولة برجلها ، شوفي الحمارة هاذي ماتنلام لاحبت صقير لانة مايرضى عليها ومدلعها اخر دلع.. دلكت خولة كتفها(غيورة).. عدلت قعدتها:اغار من مين وعلى مين ، كشت عليها ، مالت عليك وعلية هالصايع الضايع ، استغفر الله استغفر الله خليني ساكتة.. الهام:وشفية!.. شمايل وهي تخز خولة:قبل يومين شميت ريحتة ، غمضت عيونها تستغفر ، زقاير ، طالعت خولة ، اخوك الصايع الضايع اللي بتموتين علية طلع يدخن.. شهققت الهام:ككذذابة!.. شمايل:بزر انا عشان تكذبيني.. خولة(طيب ترا التدخين موحرام).. انخرشت بعد ماشهقو ثنتينهم.. شمايل:قلنا تحبينة بس مومعناتها تحللين الحرام عشانة ، ابوي قال الدخان حرام يعني الدخان حرام.. خولة(طيب يمكن واحد من اخوياة المدخن وعلقت فية الريحة!).. التعديل الأخير تم بواسطة لامارا ; 30-08-17 الساعة 07:53 PM | ||||
|
| |
|
17-06-17, 06:22 AM
| #27 | ||||
| . . خولة(طيب يمكن واحد من اخوياة المدخن وعلقت فية الريحة!).. شمايل بتفكير:يمكن ، طب حتى لو المفروض يبعد عن رفقاء السوء اللي يدخنون لايعدونة.. ضربتها الهام:مرض هو! ، تسندت وهي تطالع السقف ، تتوقعون عز وميرال وين مسافرين شهر العسل!.. شمايل:طعععع هاذي خيالها واسع بزيادة ، انتي بوعيك ، من جدك تتكلمين! اخوك وين وشهر العسل وين ، هذا حدة ان جا بيمشيها ياخذها للبر يوريها النياق ويرجع ، قال ايش قال شهر عسل الا المسكينة بيعيشها شهر بصل دامها ماخذة هالمعقد.. الهام:هييييي لاتغلطين علية.. شمايل:طسي طسي ياباب الحارة مسوية فيها بتفزع.. الهام:احترمي نفسك يا الفول وطعمية.. شهقت شمايل:حددددك عاد الا الفول والطعمية لاتغلطين عليهم ، الله يخسك جوعتيني قومي نبلع جيعانة.. قامو.. الهام:عليك غسيل المواعين.. شمايل اشرت على خولة:خلية على هالخبلة عادي ماتقول شي.. وقفت شمايل وهي تشم الريحة.. الهام:وشفيك تشمشمين تقل كلب.. ضربتها شمايل:مالكلب الا انتي ، تشمون اللي اشمة!.. تكتفت الهام:للاسف ماعندنا حاسة المكلبة اللي عندك.. شمايل:انطمي ، قربت من غرفة هيلة وفتحت الباب بقوة وشهقت:اهءءءء ، تععالووو لحقووو شوفو اختكم.. جو بسرعة شافو بحجرها صحن كباب وتطالعهم بصدمة وبثمها اكل.. شهقت الهام:طططالبة من مطططعم!.. هيلة بخوف:لاء والله لاء.. شمايل:اصبري ان ماعلمت ابوي ، هاذي اخرتها يالعاقلة يالفاهمة يالمتزووجة تكسرين كلام ابوي وتطلبين من مطعم.. هيلة:وو والله م مسسفر جابة.. شهقت الهام وضربت صدرها:تقابلين مسسفر ياقليلة الحيا!.. هيلة:لا هو عطاة ظافر وظافر جابة.. جلست الهام جمبها وتطالع الاكل:وتخونين خواتك وماتعزمينهم!.. شمايل:بأختصار ، هاتي الاكل ولا نعلم ابوي.. مدت لهم الصحن واخذوة بسرعة وبدو ياكلون ، لفت الهام على هيلة ومدت لها كباب ، تفضلي حياك.. هيلة وهي عافسة وجهها:بالعافية خلوة لكم.. شمايل:الله لذيييذذذ ، بالله قولي لمسفر دايم يجيب لك اكل من مطعم.. . . جالسة فالخيمة وتهز رجلها بقهر ، شافتة دخل واخذ البندقية وطلع ، انقهرررت انة حتى ماعبرها ، لحقتة بسرعة وبعصبية:ووييين رايح بتتركني لحالي هنا!.. صفر وجت الكلبة:رايح اجيب غدا.. ميرال بقهر:لاتحسبني معاك انا راح امشى من هنا.. فتح باب السيارة وركبت الكلبة وركب بعدها واتكى على الباب:لاتباعدين كثير.. مشت وهي تتحلطم والتفتت لة وبصراخ:وششعندك لاحقني!.. عبدالعزيز:موقاعد الحقك بس انتي مسكرة علي طريقي ، مشى بعد مابعدت ، رفست الرمل بعصبية ، هذذاا من ايششش مخلوق.. . . جالسين يطالعون بعض وهم ساكتين ، فزو بعد ماشافوة نزل ولابس البشت ومتكى على عصاتة ووراة صيتة تلحقة بالدخون وتبخرة.. راحت لة شريهان وطلعت تولة الكمبودي الفااخر من صدرها وحطتلة ، وفريال غرقتة بعطر العود توم فورد لين ماانحشر وصار يكح.. كزتها شريهان بكوعها:حتموتية ي بنت المقنونة ، مسحت على كتفة ، الف اسمالله عليك ي حبيبي هوانتا حتروح دالوأتي لبيت ابو مرزوء ، طب ايمتا حترقع.. بومطلق:اتركي عنك الهرج وهالاسئلة الزايدة ، وش وراك!.. شريهان:انا! والاهي موراياش حاقة ، ابتسمت وقربت منة وبهمس ، بس يعني انتا بتعرف الليلة ليلتي وعاوزة اعملهالك ليلة حمرة وحلبسلك القلابية اللي بيحبها البك.. بومطلق بهمس:خلك جاهزة عالعشر ونص اكون عندك ، البسيلي جلابية الرقص اللي لبستيها اخر مرة.. ابتسمت بعد ماطلع.. فريال:عن شو عم تحكو.. شريهان:اأفلي بؤك وتعالي بسورعة ، صعدو وراحو غرفة صقر ، ضربت الباب ودخلت ، اهلاً ي حبيبي اهلاً بشيخ الرقالة.. صقر:اليوم الخميس صح؟.. شريهان:ي حبيبي ي ضناينا ، مدت ايدها وحركت اصابعها ، هاتو.. صقر:نسيتة بالاستراحة.. شريهان بصراخ:ايييييية!.. فز:همزح معاك يمة ، انتي بس هدي وهذاهو فالدرج.. فتحت فريال الدرج واخذوة وطلعو وراحو غرفة رهام والهام وكل بناتهم متجمعين هناك ومجهزين البوب كورن والحب والمكسرات والشاي.. فزت الهام:هاة جبتوة؟.. شريهان:امال اية ، اخذت الايباد ودخلت اليوتيوب.. فريال:حطي بسرعة مسلسل باب الحارة.. شريهان:نعم يالدلعادي مش حنشوف غير مأمون وشركاة عاوزة تشوفية اهلاً وسهلاً مش عوزة برحتك ي حبيبتشى الباب بيوسع قمل.. فريال:ليك انتي التيها الباب بيوسع جمل ، يلا انئلعي برا غرفة بناتي.. . . تايهه بوسط البر حاطة ايدها فوق عيونها تحميهم من الشمس وقفت تتلافت لها تقريباً نص ساعة تمشي ، اخذت نفس طويل وكملت مشى ، التفتت بعد ماشافتة يمشى قريب منها بسيارتة ورن لها هرن:هاة عساك وصلتي؟.. ميرال بقهر:مالك شغل فيني.. رفع اكتافة بعدم مبالاة:طيب ، مشى.. وقفت وهي مصدومة وفاتحة ثمها ، صرخت بقوة بعد ماشافتة بعد:ههههيي وقفف ، ركضت تلحقة ، هههيي.. وقف السيارة وركضت وركبت السيارة وهي مكشرة ، وهو مبتسسم.. صدت جهه الدريشة وهي مبرطمة شهقت:اهءء سحلية وش كبرها.. التفت ووقف السيارة ونزل ، شاف الضب دخل بسرعة الحفرة ، فصخ شماغة وشمر اكمامة واخذ دبة ماي من السيارة وجلس على ركبة ويصب الماي فالحفرة وميرال مستغربة ، بعد فترة طلع الضب من الحفرة وبسرعة مسكة من راسة وركب السيارة.. ميرال:وشش ذا!.. عبدالعزيز:الغدا.. ميرال:ايشش ، بتاكل سحلية!.. التعديل الأخير تم بواسطة لامارا ; 30-08-17 الساعة 07:55 PM | ||||
|
| |
|
18-06-17, 07:33 PM
| #29 | ||||
| . . جالسة قبالة مكشرة:انت اي شي يمشي تاكلة ، اخاف بكرا تاكلني انا بعد!.. انخرشت بعد مارفع عينة لها ويسنن السكين بقوة:هههي ، جد جد انت تخوف اشك ان عندك قلب ، منجدك رح تاكل سحلية؟.. عبدالعزيز:هذا ضب ماهو سحلية ، سدح الضب على ظهرة وشق بطنة بالسكين وطلع احشائة وميرال تطالعة بصدمة ، قامت ركضت ورا الخيمة تستفرغ.. رجعت وهي شادة بطنها وايدها على ثمها.. رفع الضب بعد ماشال احشائة:احسبك معي؟.. انصدمت كيف الضب يتحرك واحشائة موفية وركضت ورا الخيمة تستفرغ.. ابتسم وجلس يجهز الضب للغدا.. دخلت الخيمة وتسطحت واخذت فروتة وتغطت فيها ، غمضت تستنشق ريحة العود العالقة فالفروة وبعدتها بعصبية:اوفف.. . . انتبة انها لها فترة تناظرة التفت لها وهو رافع حواجبة:في وجهي شي غلط؟.. حسنا بأبتسامة:كلك ملح وقبلة.. صقر:هاة!.. حسنا:اقول ، احمم ولد عمي العزيز اللي مايرد لي طلب ، تككفى ترا تكفى تهزني شفني كيف اهتز ، صارت تهز روحها ، خلن اسوق.. صقر:وش تسوقين!.. حسنا:السيارة! ، رمشت بدلع ، تكفى صقوري.. صد يطالع الطريق.. حسنا:بليزززز ، ابتسمت بعد ماوقف السيارة ونزل ، نقزت جهتة بسرعة وانتظرتة يركب جمبها ، ركب وجت بتدوس بانزين.. صقر:استني ، ربط حزام الامان وتشهد ، يلا بس بشويش دوسي.. ثبتت اللثمة عدل وابتسمت ومشت.. طالعها صقر:انتي من متى تعلمتي السواقة!.. حسنا وعينها عالشارع:من السوني.. صقر:طلعتي منتي هينة.. غمزت لة:افا عليك اعجبك.. . . جالس يلاعب حفيدتة ويضحك معاها ، دخل سطام وباس راسة وجلس.. فكت نفسها من ابو سطام وراحت بحضن ابوها.. ابتسم سطام وباسها:كيفها حبيبة ابوها ، صار يدغدغها وتضحكك.. بوسطام:احمم سطام ، ابيك فموضوع.. سطام:سرينا ، سرينا.. جت؛يس سر.. سطام:خذي خيرو ولعبيها داخل ، راحت مع سرينا ورجع ناظر ابوة ، امر يوبة.. بوسطام:عمك كلمني بخصوصك انت و هند ويبيك ترجعها.. سطام وعينة على السبحة اللي بأيدة:صبرت عليها ست سنين مافيني اتحملها زيادة وانت بعينك شفت طبعها.. بوسطام:تقدر تغير اطباعها ، انا اعطيت عمك كلمة وقلتلة انك تبي تردها ، ماابي اخسر اخوي ي سطام.. سطام:يبةة وشاللي ارجعها انا ماابيها ، انت شايف بنتها ماحنت عليها ولااهتمت فيها ولا ربتها وتقولي اقدر اغير طبعها ، تعاملت معاها بالين ودلعتها وجبت لها اللي تبي لتحت رجولها بس مانفع.. بوسطام:هالمرة تعامل معاها بأسلوب ثاني ساعات الحريم ماينفع معهن الا القسوة والضرب.. سطام:وش اللي اضربها يبة انت ماربيتنا على كذا.. بوسطام:مهوب لازم تضربها بس ادبها وخوفها ، ترا مايكسر المرة الا مرة مثلها.. . . عضت على شفتها بعد ماحكت السيارة بالرصيف:او شت او ششت ، نزلت ووقفت جمبة ، لا زين اشوا الخدش خفيف ، يالله فالحديد ولا فالعبيد اهمشي سلامتنا وطز فالسيارة.. لف عليها وبعصبية:انتتتي عاررفة بكم ابوي شرالي هالسسيارة!.. حكت راسها:لاء.. شد شعرة وجلس على الرصيف.. جلست جمبة:صقر والله اسفة وبعدين تراة بسيط موباين كثير.. صقر:انا غبي اللي خليتك تسوقينها وتو ماصار لي شهر من شراها لي ابوي.. حسنا:خلاص قلتلك اسفة شتبيني اسوي اوففف.. قام:الشرهه موعليك على انا اللي رازك ومركبك فيها ، ركب السيارة.. ركبت جمبة وهي مكشرة وتمو ساكتين طول الطريق ، وقف قريب من بيتهم:يلا انقلعي بيتكم.. نزلت وسكرت الباب بقوة.. نزل وبصراخ:وكسسسر بهالايد.. طنشتة ومشت لبيتهم.. جلس يطالع الخدش ولمسة بأيدة وتنهد.. :اوة صقر ولد عمي هنا ، وشعندك لايكون جاي تتفشخر لنا بسيارتك هاذي ، المشكلة تسوق سيارة بنص مليون وجيبك مافية نص ريال.. صقر بضيق وعينة على الخدش:اهمشي المظهر.. مسفر:اووف وشذا ، اشر على الخدش.. ركب السيارة وفتح الدريشة ولبس نظارتة:عين وصابتها ، الا ماقلتلي للحين تدفع اقساط الكورلا حقتك.. مسفر:كلتبن لاتقعد تتطنز اهمشي اني شاريها بمصروفي مو اشحذ من ابوي واترجاة نفسك.. صقر:من وين قلتي ، من مصروفك! ، بالله من يعطيك مصروفك؟ اها ابوك ، اوك ضف وجهك ويلا معسلامة.. . . جالسين بالارض حول السفرة يتغدون.. مدت شريهان صحن المطازيز لابو مطلق ووكلتة:افتح بؤك ي حبيبي.. وكلتة فريال:عملتلك الحنيني متل مابيحبا البك ي روحي.. مطلق وهو ياكل المطازيز:تسلم ايدك يمة الذ مطازيز اكلتة جعل ايدينك ماتمسها النار.. شريهان:بالعافية ي حبيبي بس مش انا اللي عملاة ، طالعت مهرة وابتسمت ، اوول الكلام دة لمراتك هي اللي عملاة.. طالع مهرة:يعطيك العافية.. كزتة سوسن بكوعها بقهر:كول الفتة اللي انا عملتا.. فريال وهي تاكل الفتة:مممم مااطيبا تسلم ايدك سوسو ، ماشاءالله عليكي ست بيت مافي متلك.. شريهان بهمس لمهرة:الولية دي كدابة دنا شيفاها بعنيا هي اللي عملاها ، تنحنحت ، ي حبيبتشي دنا عوزة الطريئة.. سوسن بوهقة:طريئة شو!.. شريهان:فتة الفراخ ي حبيبتشى.. توهقت سوسن وطالعت خالتها.. فريال:لشو بدك بالطريئة الاكل السوري مابيعرفلو الا اهلو مارح تزبطيا.. شريهان:اهيئ ، دنا بعرف اطبخ كول حاقة وبشهادت الكول مفيش زي طباخي وبطبخ مطازيز وقريش وقرصان ومكبوس وحنيذ وسليق وانا اللي علمتك تطبوخي الحنيني واهوة اكل سعودي ، لفت طالت سوسن وابتسمت ، عوزة الطريئة ي حبيبتشى.. سوسن:ااء ، ارسلك اياها واتس.. التعديل الأخير تم بواسطة لامارا ; 30-08-17 الساعة 07:58 PM | ||||
|
| |
|
18-06-17, 07:37 PM
| #30 | ||||
| . . دخلت الحمام وقفلتة قفلتين وطلعت الجوال المخبيتة وشغلتة واتصلت علية ومارد ، كررت الاتصال ليما رد:نعم!.. :عمر.. عمر:خير وشعندك داقة؟.. :عمر لية تكلمني كذا.. عمر:وشلون تبيني اكلم وحدة ماتثق باللي يعشقها ويموت بالتراب اللي هي تدوسة ، انا احبك لكن رح ادوس على قلبي واتركك مااقدر استمر مع وحدة ماتحبني ولا تثق فيني.. بسرعة:لحظة ، اءء ، بلعت ريقها ، خلاص رح اطلع معك لكن بشرط نروح مكان عام.. ابتسم:حاظر بس اهم شي اشوفك ، امرك بكرا عال10ونص.. :لاء ، مرني على صلاة العشا ، اخواني كلهم يطلعون من البيت ويروحون المسجد ، بس هاة اكثر من نص ساعة مااقدر اخاف احد يكشفني.. عمر:حاظر اللي تامرين فية ي قلبي.. ابتسمت وكملت سوالف معاة.. . . ابتسم وهو يطالع ظافر:ظافر رجالن كفو مافي مثلة والله ماينرد ، خلاص انا بكلمها واعتبر جاتك الموافقة من الحين ، محد يرفض ولد الشيخ بومطلق.. طبطب بومطلق كتف ظافر:هاة عساك استانست هذاني كلمت عمك عشانك معني مانيب راضين تعرس قبل اخوك.. بوسهيل:الا صدق ورا ماعرست صقر لهلحين.. بومطلق:هذا مووجة زواج عارفن انة بيبهذلنا من بنت الناس وبعدين من بترضا تاخذ واحدن حياتة الهياتة بالشوارع والتفحيط ومفشلني قدام خلق الله ولا يعرف علوم الرياجيل.. بوسهيل:صدقني عرسة ويركد ، منهي اللي تقدر ترفض ولد الشيخ بومطلق!.. بومطلق وهو يمسح على لحيتة:تهقى بيرضى ، والله انة محد فخوانة تعبني كثرة.. بوسهيل:لانك مدلعة تغلية وتعزة اكثر واحد فيهم.. دخل صقر على اخر الكلام:منهو اللي يغلية ابوي ويعزة ، افا يوبة ماهقيت انك تفرق بين عيالك.. بومطلق:الناس تسلم بالاول ياجحش.. صقر:هاي افري ون ، هاو ار يو عمي بطي ، طالع ابوة ، انا ابعرف منهو هالحمار اللي تغلية وتفرق بين عيالك عشانة.. بوسهيل:انت.. عدل قعدتة:صدق يبة انا حمار ، ااء اقصد انك تحبني اكثر من اخواني.. بومطلق:قم فارق عن وجهي.. قام وهو مكشر.. بومطلق:تعاال.. وقف صقر:مارح اجي لان ان قربت ابتمردغ.. بومطلق:قلتلك تعال.. صقر:هذاني اسمعك مولازم اجي.. حذفة بالفنجال على جبهتة وقرب وقعد جمب عمة وهو مكشر:يبة الحين انا مو اكبر من ذا ، اشر على ظافر ، ورا ماتمردغة وتلعن جدفة كثري.. بومطلق:لانة عاقل مهوب مخفة مثلك ، اخوك يبي يعرس.. صقر:طيب مبروك انا وشدخلني لايكون انا العروس عشان تشاوروني.. ضربة بومطلق:مارح اعرسة الا ليما انت تعرس.. صقر:ولية رابط مصيرة فيني.. بومطلق:وانا وشهولة اشاورك ، باتسر رح ااخطبلك ونشوف شبتسوي.. صقر:بكل بساطة مارح احظر ونشوف انت شبتسوي ، نقز بعد ماابوة فصخ نعالة وحذفهم علية.. بومطلق:تعال ي ابن الكلب.. . . جالسة بالخيمة وماسكة كراستها وترسم وهي متنرفزة من اسلوبة معاها ، ماتوقعت يكون كلام امها صحيح تحس هالثلاث الاسابيع اللي عاشتهم معاة كأنهم دهر ، الايام تحسها طويلة وموراضية تمر وهو موراضي يتغير جاف معاها ومايتكلم معاها نادر ولا حتى يهتم لها او يناظر فيها ، زفرت بضيق عالعيشة اللي عايشتها ، عقدت حواجبها بعد مااستوعبت انها كانت ترسمة وهي موحاسة ، مزعت الصفحة وعفستها ورمتها بالارض.. دخل الخيمة وهو ماسك الزبدية:قومي احلبيلنا من الابل.. عقدت حواجبها وبقهر:احلب لنفسك.. رفع ايدة المجروحة وملفوفة بخرقة:مااقدر.. ميرال:حتى انا مااقدر ت ع ب ا ن ة.. تم يطالعها فترة بعدها جا بيطلع.. تأففت وقامت سحبت الزبدية منة:هاتها ، اوففف.. عبدالعزيز بصوت عالي:انتبهي لاتحلبين لي الابل المربوط تراة ذكر ، جا بيطلع انتبة للورقة المعفسة ومرمية بالارض ، نزل لمستواها وشالها وفتحها ، تم يطالعها فترة بعدها سفطها وحطها بجيبة وطلع من الخيمة شافها جالسة عند النار وبأيدها قوري الشاي واستغرب ، وش جالسة تسوين!.. ميرال:مو انت تبي حليب؟ ، صبت حليب بوني على الشاي ومدتة لة ، هاك عبر فية ليما تشفى ايدك بعدها احلب لنفسك بنفسك.. تم يطالعها وهو رافع حاجب.. حطت الاستكانة وقامت ونفضت التراب اللي بجلابيتها وقربت منة ، وفصختة الفروة اللي علية ولبستها ورجعت جلست قبال النار واخذت كوب الحليب وتشرب التفتت لة:تعال قبل لايبرد.. ابتسمت بعد مادخل الخيمة ورجعت تشرب الحليب ، بعد فترة دخلت الخيمة شافتة متسطح على الدوشق وضام نفسة ومغمض.. انسدحت بمكانها المعتاد بزاوية الخيمة ولفت على نفسها الفروة ، شافتة قام ويفرك ايدينة فبعضها من شدة البرد وطلع راح برا ، طنشتة وغمضت وهي مبتسمة ، دايم تنام وهي ترجف ومافي شي يدفيها وهو ينام مرتاح ومتدفي بالفروة ، تمت تتقلب فترة بعدها ماقدرت تقسى علية قامت بتعطية الفروة ، هاك خذها انا تعودت مو اول مرة انام فالبردءءء ، طالعتة بصدمة ، من وين لك هاذي! ، اشرت على الفروة اللي لابسها.. عبدالعزيز:من السيارة.. ميرال:اهءء جد نذذذل تشوفني كككل يووم انام وانا اتنافض من البرد وافز من نومي وانت مرتاح ومتدفي ولاهمك وبالاخيررر تطلع عندك فروة ثانية!.. قربت منة بعصبية وجرت الفروة اللي علية:هاتهاا.. عبدالعزيز:وشفيك يالمجنونة!.. ميرال بصراخ والدموع متجمعة ف عينها:انا غبية اللي قلبي يحن على واحد مثلك ، دخلت الخيمة وهي تبكي.. تنهد وقام وراها.. ميرال وهي تمسح دموعها:لوسمحت اتركني لحالي.. تم يطالعها وهو عاقد حواجبة بعدها طلع وتسطح قبال النار وحط راسة على المركى ويطالع السما وهو سساج.. التعديل الأخير تم بواسطة لامارا ; 30-08-17 الساعة 07:59 PM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
13Likes
العرض العادي
