14-02-22, 01:52 AM
| #1 | ||||
 
|  روايه أقدار بين اليأس والتفائل روايتي الاولى اتمنى تنال استحسنكم خلف جدار الصمت واليأس ينبثق منها شعاع الامل كم تمر الحياه بصرعات. بين الخير والشر وبين السعاده والحزن لكنها تمضي اياما في غايه الطف نحو عالم يسوده الامان والاطمئنان في الضلام واصوات بعيده وصغيره وضوء خفيف يتسلل من الممر تناظر المكان بخوف لاتعلم اين هي لفت انتباها الضوء. الخفيف القادم من الممر مشت نحوه بخطوات بطيئه. فجأه الاصوات بدئت تعلو وتكبر وقفت جامده امام المنظر امها واخوها وسط النار التي تلتهم اجسادهم يصرخون من شده الالم واقفه بصدمه امامهم لا تستطيع تحريك جسدها ناظرت اخوها نواف يصرخ ويطلب مساعدتها وصوت. غير اصوت اخوها. وامها يناديها : اقدار اقدار يبه اصحي فتحت عيونها ببطء على وجه خالها الذي يسألها بخوف: اقدار يبه انتي بخير ناظرت المكان من حولها بتشتت وهدوء رغد تكلمت بخوف: يبه وش فيها ماترد ابو مشعل بلع ريقه بتوتر وناظر رغد يستعجلها : روحي جيبي ماء. بسرعه رغد طلع من الغرفه رجعت وبيدها كأس ماء: خذ يبه اخذ ابو مشعل الماء ومسح على وجه اقدار وهو يسمي ويرقي عليها اقدار شهقت و بجنون نطقت : خالي النار راح تحرق امي واخوي الله يخليك ساعدهم ابو مشعل حط يده على كتفها وبمواساه: يبه اقدار انت مؤمنه بقضاء الله وقدر ادعي لهم بالرحمه مايفيدهم الحين الا الدعاء اقدار غطت على اذنها وبصراخ : لا ما ماتو انا شفتهم يحتاجوني اساعدهم ابومشعل هز راسه بقلت حييل مايدري وش يسوي لها مر اسبوع على الحادثه وللحين اقدار تحت تأثير الصدمه الدكتور يقول اضطربات مابعد الصدمه وقد تدخل في حاله اكتئاب لم يتم معالجاتها او اخراجها من هذا الوضع ناظر اقدار اللي تصرخ وتبكي تبغى امها واخوها دمعت عينه على حالتها تقطع القلب حضنها وقعد يقراء سور من القرآن لين هدئت ونامت غطاها رغد بقلق نطق: يبه حالت اقدار مب زينه كل يوم تبكي وتصرخ وتشد شعرها انا خايفه ابو مشعل مسح على رأس رغد وبهدوء تكلم: يبه لاتخافي. فتره وبإذن الله بتعدي اللي شافته اقدار مب قليل رغد بإنفعال نطقت: اي فتره يبه صاير لها ثمانيه ايام وهي على نفس الحاله. اقوم من النوم مرعوبه راح انجلط من الخوف انا من رأيي نكلم اهلها يأخذونها ابو مشعل بحده:رغد ترى اقدار الباقيه لي من ريحه اختي مستحيل ارميها على ناس مايبغونها. اذا ماتبي تنامي هنا بالغرفه انقلعي نامي عند اخوك "" طبعا رامي توا عمره 9 سنوات رغد هزت راسها بحنق وبدخلها كره ل اقدار ابوها صاير يفضلها اكثر منها. يصير خير انا اعرف كيف اتصرف : : بعد ضلام الليل . ياتي الصباح حاملا معه عبق التفائل. لاشخاص عزمو ان اليأس لايعيق طريق نجاحهم وتقدمهم .. في احد الاحياء وخصوصا في حديقه بيت الجد عبدالله حيث الخدم. يشتغلون بمهنيه كالنحل بتجهيز حفله لضيف الجاي من السفر والجد يشرف الجد بصراخ على احد الخدم : وجع بقلب العدو شيلها زين لاتنكسر عليك وبحنق نطق : مايعرفون يسوون شي. بدون مااحد يشرف عليهم ابو حمد شاف ابوه معصب نطق بهدوء: هدي بالك يبه تعال اجلس وانا اشرف عليهم الجد عبدالله هز رأسه بتعب وراح يجلس.، بعد مرور ساعات خلصت التجهيزات ناظر ولده اللي قعد بجانبه وبتساؤل نطق: اي ساعه راح يوصل مؤيد ابو حمد: تو يبه قبل شوي ركب الطياره الجد عبدالله تنهد: ان شاء الله يوصل بالسلامه ابو حمد بمزاح: يبه. ليه تحبه هالكثر تراك تفرق بينه وبين احفادك الجد عبدالله :ترى كل احفادي خير وبركه واحبهم . وماافرق بينهم بس. مؤيد له معزه خاصه بقلبي ابو حمد يمثل الزعل: شفت يبه انك تحب مؤيد اكثر بس قاعد تسلك لنا الجد عبدالله بإبتسامه: انت ليه حاط دوبك من دوب الولد اترك عنك ذي السوالف. ويلا اسندني ندخل البيت ابو حمد اسند ابوه وبضحكه نطق: قاعد تتهرب من السالفه يبه الجد عبد الله طنش كلام ولده وبغموض نطق: تتذكر شركه ال ...... .... : : في بيت الجد / حيث سوالف والحش الجده( شيخه) :اقول ياجواهر. ام زياد زعلانه منك تقول ليه ماحضرتي عرس بنتها جواهر: والله ياخالتي كنت مشغوله وما قدرت اح قطع كلامها بنتها لمار: يمه ابغى اروح المشغل جواهر خزتها: ليه تبي تروحين المشغل ترى الحفل جماعي بيحضرون اعمامك وعيالهم ... لمار بترجي : ابليز مامي ودي اغيرمن شكلي احس زمان ماغيرت جواهر بطفش. من نشبتها :طيب اذا راحت مرت عمك حمد رحتي معها غير كذا لا لمار بتحلطم نطقت: تقول موب رايحه راح تجيب كوافيره للبيت جواهر :اجل انثبري. مافيه روحه ولفت نظرها للجده: اقول ياخالتي مين من خوات ام حمد راح تعرس اليوم الجده شيخه: اللي خطبها ولد عمها وصار على خطبتهم سنتين لمار بنرفزه نطقت: راح اهج كل شي ب ذي العيله ممنوع الجده بنهر: وش له. رايحه المشغل. البنت السنعه تقعد بالبيت وبعدين ليه مارحتي الجامعه لمار تورطت وبتوتر :ها لا بس اليوم إجازه بالكليه جواهر مافتتها توتر بنتها خزتها لمار عرفت ان امها درت بكذبتها وبنسحاب: ما تبغون شي قبل مااروح جواهر :لا سلامتك. وبتهديد: ترى حسابك بالبيت على تغيبك اليوم من ال.. تنفست لمار براحه حين سمعت صوت برى المجلس جواهر تغطت بسرعه دخل الجد عبدالله وخلفه ابو حمد :السلام عليكم الجده وجواهر ردو السلام الجده شيخه ناظرت لمار وبأمر نطقت: قهوي جدك وعمك يابنتي لمار هزت راسها بطاعه' الجده شيخه بإستفسار :خلصت تجهيزات الحفله الجد عبدالله بهدوء: بس باقي أمور العشاء والضيافه. للرجاجيل جواهر بهدوء نطقت: ليه ياعمي بيجونا رجاجيل حسبت ان الحفل عائلي الجد عبدالله: عزمت من الاهل والقريب "وبفخر نطق " بمناسبت جيت ولدنا الدكتور من الخارج جواهر تعرف عمها شكثر يحب ولدها : كثر الله خيرك ياعمي. وبدخلها لو يسمعون سلفاتها. ذا الكلام راح يطقو من الغيض : : في الشركه واخير خلص من مراجعت الأوراق والعقود. رفع راسه وسند ظهره للكرسي اغلق عيونه بتعب مر طيف خيالها امامه وأبتسامتها لا تفارقها تنهد بالم لذكرى مضت ولن تعود فتح عيونه يطرد خيالها من باله لانها راحت لشخص غيره وقف ومشى ناحيت الشباك ...... النهايه اشوفكم بالبارت القادم تتوقعون وش راح تسوي رغد ب أقدار؟ وش سالفه الشركه الذي كان يتكلم عنها الجد؟ مين الشخص وش سالفته ؟ | ||||
|  |
|
19-02-22, 02:43 AM
| #3 | ||||
| البارات 2 إن الله وملائكته يصلون على النبي ياايها الدين ءامنو صلو عليه وسلمو تسليما في الشركه واخير خلص من مراجعت الأوراق والعقود. رفع راسه وسند ظهره للكرسي اغلق عيونه بتعب مر طيف خيالها امامه وأبتسامتها لا تفارقها تنهد بالم لذكرى مضت ولن تعود فتح عيونه يطرد خيالها من باله لانها راحت لشخص غيره وقف ومشى ناحيت الشباك وبتأمل. لشوارع المزدحمه. عاد ذاكرته لحدث وقع بالماضي قبل 15 سنه كانت فرحت حياته حين خلص دراسته بالخارج واح يرجع لوطنه بعد غياب دام 5 سنوات. و الفرحه كانت شاقه وجهه واخيرا راح يتزوج اللي حبها قلبه بس صدمه حياته حين سمع من اهله انها تزوجت من شخص آخر اكتسى الهم الحزن ملامحه واسودت الدنيا بعيونه. وقرر يسافر وما يرجع قاطع سرحانه رنين الجوال كان المتصل " خويه) حط الجوال صامت ماله خلق يرد على احد : : ناظر الساعه. المعلقه على الجدار صارت 12 الظهر واقدار للحين نايمه مشى ناحيت الغرفه فتح الباب بشويش دخل الغرفه بس كانت مضلمه شغل الضوء ولف نظره يبحث عنها بارجاء الغرفه. جن جنونه حين ماشفها والافكار صارت توسوس براسه معقول راحت عند البيت المحترق وبداخله استبعد ذا الشي لان المكان بعيد ومستحيل تروح له وحدها قاطع افكاره صوت بكى صغير. قادم من ناحيه الكبت مشى ناحيه الكبت ببط شافها قاعده في الفراغ اللي جمب الكبت وحاطه راسه على فخذها وتبكي حط يده على راسها وبحنان نطق: خلاص يبه تراك تعذبيهم ببكإك اقدار صرخت بجنون: لا. لا ما ماتو انا اسمعهم هنا وتشر على راسها يبغوني اساعدهم ناظرها بقلق لازم ياخذها للمشفى اذا بقت على ذا الوضع راح تدخل بحاله نفسيه وتصير مجنونه رجعت من الجامعه ميته من التعب استغربت الهدوء في البيت. مشت ناحيه غرفه والدها فتحت الغرفه ابوها ماكان موجود وكذلك غرفه رامي واقدار رفعت الهاتف تتصل على والدها مرت 3 دقائق ابوها مايرد طاح قلبها من الخوف انه يكون صاير شي وفي أخر رنه رد ابوها رغد بهجوم قبل ان يتكلم ابوها: يبه انت وينك؟ ابو مشعل. بهم بعد ماسمع كلام الدكتور عن حاله اقدار : بالمشفى رغد بخوف من صوت ابوها اللي مايطمئن: ليه في المشفى ابو مشعل. بهدوء تكلم: اخذت اقدار للمشفى لان وضعها الصحي موب زين رغد تنهد براحه لان مافي احد من اهلها صاير له شي واقدار بالاول والاخير ماتهمها بس غيرتها من اقدار ليه ابووها يهتم فيها هالكثر وبكره نطقت :يبه قلت لك اخذها لاهلها. يهتمون ببنتهم. وش خصنا نركض فيها من مشفى لمشفى واذا اهلها مايبونها حطها ب دار الايتام ابو مشعل بحده: رغد تبيني ارمي ببنت اختي وش تبين يقول الناس عني رمى قاطعت كلامه رغد بتبرير : يبه انت تعرف جدي يكره اقطع الخط. ناظرت الجوال بصدمه ابوها قفل الجوال بوجهها ولا مره سوها فيني وعشان مين.!!!عشان الكلبه اقدار تحس ودها تبكي من القهر كل يوم يزداد كرهها. وبغيض دقت الارقام اكيد راح يساعدها بانها ترمي اقدار برى البيت : : في بيت الجد منتظرين وصول مؤيد الجد عبدالله. (ابو فيصل) ناظر ابو حمد بتساؤل: وين مشاري وفيصل ابو حمد:بالشركه يبه الجد بعصبيه نطق: ومين جاب ولد اخوك وبدون مايسمع كلام ابو حمد طلع الجوال ودق على مشاري(ابو مؤيد )بعد عدة رنات رد: هلا يبه الجد بعصبيه: لاهلا ولامسهلا وينكم للحين ابو مؤيد بإستغراب من عصبيه ابوه: بالشركه" وبهدوء نطق "علامك يبه معصب الجد ابو فيصل: مين مأخذ مؤيد من المطار ابو مؤيد: يبه ترى كلمت نايف وحمد راح يستقبلونه بالمطار الجد ابوفيصل ارتخت ملامحه: زين يلا مع السلامه. ابو مؤيد بهدوء:فمان الله يالغالي ابو نايف :ايش فيه وليه ابوي. كان معصب ابو مؤيد ببرود: يسأل مين راح يأخذ ولدي من المطار. يلا تعالى نخلص الشغل بسرعه عشان مانتاخر "وإبتسامه نطق "وابوي بجينا الشركه بالعصى ابو نايف بضحكه تكلم:هههه مادري ابوي شلون يفكر يحسبنا. للحين بزران يهاوشنا وعيالنا طولنا ابو مؤيد يمد الاوراق ل فيصل : والمشكله صاير عندنا احفاد. اخذ ابو نايف الاوراق يشوفهن وبحد نطق: هذا العقد وش اللي جابه بين الاوراق ابو مؤيد بإستغراب من كلامه :عقد وشو. مد ابو نايف الاوراق مشاري. اخذ يقرأها بتمعن :شركه ال...... يمكن اخطأ اللي ماسك المخزن وجاب هذ الاوراق ناظر اخوه اللي مارد على كلامه وكان شكله معصب وبمواساه: هدي وانا اخوك ترى السالفه انتهت مع ذيك الشركه وانت طلقت بنتهم ابو نايف تنهد بإلم :كل مااتذكر خيانتها احس ألم بقلبي وش اللي سويته بحياتي حتى يصير كذا معي برغم انا تزوجتها على حرمتي ام نايف ابو مؤيد بحزن على اخوه :فكك من سالفتها راحت بخيرها وشرها وارتحت من خباثتها وقف امشي يلا نروح البيت ماراح نخلص الشغل دام تعكر هالمزاج من طاريها : : الكل متجمع ببيت الجد. طبعا الحريم. قاعدات بالمجلس مع الجد. والشباب بالحديقه زياد بقهر نطق: كل هالزين من اجل حضرت الدكتور. مادري جدي ليه يحبه هالكثر. ويفرق بينا بالرغم احنا احفاده زي حضرت الدكتور فهد بحسره: بالله اهجد كل مااتذكر ان جدي يميزه عنا احس بالقهر. اخخ بس متى حضي يستقيم ويصير جدي يحبني عبدالعزيز بسخريه : اذا حجت البقر على قرونها "وبغيض نطق " ابغى افهم وش ينقصنى عنه لحتى جدي يحبه. اكثر منا. انحنا لو نموت ماسوو لنا ولف نظره على ريان اللي قاعد يأكل وكأن السالفه ماتهمه "وبصوت عالي "هيااا. يالدلخ شاركنا بالكلام بس قاعد تبلع بها الحلا خفف الاكل شوي باكر تصير فيل ونبتلش فيك مااقول الا الله يعين عمي مشاري عليك ريان بدون نفس تكلم : يعني وش تبيني اقول ليه يحبه واقعد ابكي والعن حضي فكونا من محنه. وغيرة الحريم ذي فهد بقهر من كلامه :ابغى اعرف انت ليه هالكثر بارد ريان برفع حاجب: منجدك انت تبيني اقعد اقول ليه جدي وانا لا اتركوعنكم ذي السوالف. والغيره. ترى المحبه من الله. وقف من على الكرسي يلا امشو. نستقبل اظنهم وصلو ومشى تاركهم خلفه عبدالعزيز بسخريه يقلد كلام ريان: مسوي فيها فيلسوف زمانه. مااقول الا مالت زياد ضحك على تقليد عبد العزيز : ارحمنا من ذا التقليد. وبكلام لمس في السخريه: يعني منجدددك تبيه يتكلم على اخوه. ويقول ليه جدي يحبه اكثر مني الا تصير نكته العصر عبد العزيز بدون نفس : اقول فكنى انت وجهك. ماني ب رايق لك وامشي يلا نشوف توم كروز المنتظر : : تجمع الكل بالمجلس منتظرين دخل مؤيد وخلفه حمد ونايف سلم على جده. وباس رأسه ثم ابوه واعمامه والشباب وبعد السؤال عن الحال. والاحوال. وصل لعند امه حضنته والدموع بعيونها. :الحمدلله على سلامتك يمه نور البيت بوجودك زياد يكلم فهد بهمس: ابتدئت الدراما الحين وش يفكه من عمتي فهد بنفس الهمس:اسكت نشوف وش النهايه عبد العزيز بدون وعي نطق: يلا خلصو هالدراما نبغى نجل.. قاطع كلامه قرصه زياد: اسكت الله ياخذك جبت العيد ناظر الجميع تنفس براحه الحمدالله ماكان احد مركز على كلامه. والا كان راح فيها وبهمس يكلم زياد: ماادري شلون طلعت مني الجده شيخه بإستغراب تكلم زياد وعبدالعزيز: وش فيكم تتهامسون زياد ببرائه تكلم: مافي شي مهم مؤيد سلم على عماته وخواته. وباقي البنات من بعيد وقعد يسولف مع الجميع وبعدها استأذن يروح يرتاح الجد بتعب نطق: يلا انا بروح ارتاح. ولف نظره للحريم: لاتنسو عشاء الرجاجيل ابو مؤيد بهدوء: روح ارتاح يبه لا تشيل هم شي هز راسه وطلع غرفته يرتاح عند الشباب فهد بصوت صغير: ماشفتو شلون شايف نفسه وكأنه محد صاير غيره دكتور عبد العزيز بغيره: ماادري على وشو نفخت هالريش. يذكرني بدكتور بالجامعه نفس الشي الله لايبلانا فهد بضحكه: بس انت ماقصرت فيه نايف اللي قاط اذنه عند العيال وبمزاح نطق : كلامك ذا لعند جدي عبد العزيز بدون نفس: اقول اذلف بس مااعلى خليك اركب نايف يناظر للخلف وبستهبال نطق: تكلمني ان قطع كلامها بنته اللي قعدت بحضنه وتبكي "ناظرها بإهتمام ":وش فيك يابابا ليه تبكي. مين ضربك رهف وهي تأشر على ولد حمد وعيونها مليانه دموع وبكلام مكسر : هدا ياثر ضربني وقطع ثعري نايف يكلم ياسر وبحزم نطق: ليه ضربتها وش مسويه ياسر. مستقوي بوجود ابوه :تستاهل واكسر راسها. ليه تكسر لعبتي نايف ياشر على حمد: والله ماالومك دام ابوك هالدلخ حمد بضحكه نطق : وش فيه ابوه الا قول غيران مني وبعدين خليه يربي لك هالمدلعه. طول الوقت تبكي نايف بإبتسامه : عشان اكسر يده يوم يفكر يمد يده على بنتي زياد بقرف: اقول خذو بزرانكم وذلفو حمد يحرك حواجبه يغيض زياد: الا قول غيران منا. نسيت يوم تترجى ابوي تبغى تتزوجك. وابوي قال مافي زواج الا يوم تكون نفسك نايف راقت له انه يقهر زياد وبنفس اسلوب. حمد :هههه ياحرام يبغى يتزوج ذا البزر يالله يهتم بنفسه أجل لو صار عنده بيت وعائله زياد بقهر من كلامهم: بزر بعينك. الشرهه موب عليكم الشرهه علي اللي قاعد اسمع لاشخاص تافهين وقف وطلع برى المجلس عبد العزيز وفهد ناظروهم بغضب وطلعو ورا زياد حمد ونايف بضحكه ناظرو ريان: وانت ليه ماتلحقهم ناظرهم ريان وبغرور نطق: مايخصكم. ومسك الجوال يلعب فيه نايف هز اكتافه بإستغراب وناظر رهف وياسر اللي قاعدين يلعبو: موب كأن قبل شوي. كانو متهاوشين حمد بهدوء: حال الاطفال يتهاوشون ويبكون ويرجعون يلعبون مع بعض لفو ناظرهم على جدتهم اللي قاعده تسولف : : باليل يجهزون العشاء لضيوف الجد وعياله. ومؤيد يستقبلون الرجاجيل. دخل ابو سليمان. وسلم على الجد. وبهيبه نطق: الحمد الله على سلامت. ولدكم الدكتور مؤيد الجد بترحيب لابو سليمان وبهدوء: الله يسل قطع كلامه رنين الجوال برقم غريب رد الجد ابو فيصل على. المتصل الجد بعصبيه من كلام الشخص:ماعندنا بنت لا ترمونها علينا انتهى البارت دمتم بالف خير 🦋 | ||||
|
| |
|
27-01-24, 09:14 PM
| #5 | ||||
| البارت 3 . . . باليل يجهزون العشاء لضيوف الجد وعياله. ومؤيد يستقبلون الرجاجيل. دخل ابو سليمان. وسلم على الجد. وبهيبه نطق: الحمد الله على سلامت. ولدكم الدكتور مؤيد الجد بترحيب لابو سليمان وبهدوء: الله يسل قطع كلامه رنين الجوال برقم غريب رد الجد ابو فيصل على. المتصل وبعد عده. ثواني رد الجد بعصبيه على كلام الشخص:ماعندنا بنت لا ترمونها علينا نطق الشخص بإستفزاز: بتاخذونها او نرميها بالشارع الجد ابو فيصل نطق بعدم اهتمام: سو اللي تبون وقفل الجوال بوجه وبحنق نطق : بيرمون بلاهم علينا. صدق مايستحون ابو مؤيد ناظر ابوه اللي جاي ناحيتهم وعلامه القهر واضح على وجه وبهدوء تكلم: علامك يبه صاير شي الجد ابو فيصل بدون نفس: لا موب صاير شي امشي نروح عند الرجاجيل ابو مؤيد هز اكتافه بإستغراب من حاله ابوه وبداخله يقول باكر يذوب الثلج ويظهر اللي تحته : : عند الشباب يناظرو مؤيد بقهر. ويتهامسون الا شخص موب معطي. السالفه اي اهتمام. ""اكيد عرفتوه زياد اللي يناظر تحركات مؤيد وبغيره نطق: شوف شلون يناظره جدي بفخر. وهو قاعد بس يوزع إبتسامات اخخخ بس لو انا الحين مكانه عبد العزيز ماعجبه جو الاحتفال: امشو نروح الاستراحه فهد راقت له الفكره وقف وبتايد لكلام عبد العزيز: يلا نمشي. طفشت من ذا الجو زياد برفع حاجب: اقول اجلس ماعليك من كلام ذا الدلخ جدي ماراح يعيديها لنا اذا ماشفنا متواجدين. فهد جلس وبغيض نطق: اوووف متى يخلص الاحتفال ريان ببروده تكلم: تراكم اقرفتوني ب ذي السالفه فكونا منه ومن محبه جدي له عبد العزيز بنص عين: تكلم الجامد اقول اسكت بس لااقوم. اسدحك واتوطى ببطنك ريان بتحدي نطق :قوم خليني اشوف وش بتسوي عبد العزيز بغضب من تحدي ريان له وبسرعه وقف وشكله موب ناوي على خير:الحين اعلمك وش راح اسوي وبالعافيه مسكوه فهد وزياد واجلسوه. على الكرسي. زياد بعصبيه: وش فيكم انتم بزران ماعندكم عقل شوفو الناس كيف تطالعنا عبد العزيز يحاول يفلت من قبضه فهد وزياد وبغضب تكلم: اتركوني والله مااخليه ريان يحرك حواجبه يقهر عبد العزيز زياد يهدي الوضع: اتركك منه تراه بزر مايفهم. خليك انت العاقل ولا تحط عقلك بعقله عبد العزيز حين شاف حركات ريان جن جنونه و بصراخ نطق : اقول اتركني اعلمه قدره فهد حط يده على فم عبد العزيز: اسكت فضحتنا الله لا يبارك فيك ابو حمد بعد ماسمع اصواتهم طالعه مشى ناحيت طاولتهم: علام اصوتكم طالعه شنو صاير زياد يحاول يرقع السالفه: مافيه شي يبه العيال بس قاعدين يطقطقون وكذا ابو حمد مامشت عليه الترقيعه بس سلك لهم وبهدوء نطق : الله يهديكم ويصلحكم.يا ليت تتركون ذي السوالف. الواحد صاير طولي وتواكم تستهبلون. لا عاد اشوفكم كذا الكل هز راسه بطاعه زياد تنفس براحه بعد مامشى ابوه :الحمدلله ان ابوي ماصمم يعرف وش السالفه ولا كنا رحنا في داهيه فهد للحين يحس قلبه. يدق بسرعه : الحمدلله الوضع يحتاج سجده شكر لله ان عمي ماعرف وش السالفه والا كان علم جدي .وجدي ماراح يقصر فينا راح يمسح فينا الارض وناظر عبد العزيز وريان بقهر :كان راح نروح بستين الف داهيه بسبكم متى تتركون حركات المبزره ذي ريان ناظرهم ببرود ومشى تاركهم وعبد العزير اللي قاعد بهدوء واسند راسه بيده وبدخله يتمنى يلحق ريان ويكسره. راسه فهد همس ل زياد بغيض :يقهر ذا ريانو. رافع خشمه زي اخوه ياليت لو تركنا عبد العزيز يكسره تكسير زياد بنفس الهمس: اتركه وانا اخوك مراده. بيرجع لنا ونعرف شلون نتعمل معها : : في بيت ابو مشعل الجد اللي قاعد على احر من الجمر وكل شوي يناظر ساعته رفع جواله يدق على ولده وبعد عدة رنات رد ابو مشعل بهدوء:هلا يبه الجد صالح بحده نطق :وينك للحين ابو مشعل استغرب من حده ابوه: بالمشفى الجد صالح بنفس الحده: ترى انا ببيتك منتظرك عندك نصف ساعه وانت بالبيت والا ماراح يصير خير وقفل الجوال بوجه ولده رامي ناظر جده بخوف من عصبيته ورغد بداخلها راح تطير من الفرحه واخير راح تتخلص من اقدار بعد نصف ساعه كان ابو مشعل واقدار بالبيت الجد صالح بعصبيه نطق: تارك عيالك بالبيت وتركض خلفها ابو مشعل :يبه الجد صالح قطع كلام ابنه: وحطبه ان شاء الله اسمعني زين باكر بتروح ترميها على اهل ابوها ابو مشعل بصدمه نطق: يبه شلون تبيني ارميها على اشخاص مايبغونها. يبه اذا نسيت تراها بنت ابنتك الجد صالح ينهي النقاش :تسمع كلامي وانت ساكت تروح ترميها على اهلها اذا ماترميها على اهلها انا برميها لشارع تارك عيالك وتركض وراء ذي ابو مشعل بحزن: يبه ليه تسوي كذا. ترها بنت اختي مستحيل اقدر ارميها الجد صالح بقسوه: اختك اللي كسرت ظهري وشوهت سمعتي. وصار اللي يسوى واللي مايسوى يتكلم علينا انسى ان كان عندك اخت اسمها راما وبنتها ماابغى اشوفها. بهذا البيت ابو مشعل بتكذيب للافترات. اللي طلعت عن اخته: يبه تراكم ظلمتوها. اختي بريئه ماسوت شي من اللي قاعدين تقولونه اقدار غطت على اذنها ماتحملت تسمع كلام جدها عن امها ودموعها تنزل بصمت نفسها تصرخ وتقول امها مظلومها بس لا حياة لمن تنادي اذا هي ابنته من لحمه ودمه مادافع عنها وقال بنتي بريئه اتهمها ورمها وكأنها شي قذر تتمنى توقف بوجه جدها وتوقفه عند حده وتقولو تراها ابنتك المفروض كنت توقف معها وتنساندها وتسكت اي شخص تكلم عنها وقذفها بس ما ب اليد حيييل جدها قاسي حط يدها على قلبها الي يوجعها لفراق امها واخوها وعادت بذاكرتها لذاك اليوم المشئوم عندها كانت في بيت الجيران تسولف مع صديقتها رنيم وصوت ضحكهم طالعه رنيم حاطه يدها على بطنها الي يوجعها من الضحك وتناظر اقدار الي تقلد كلام و طيحت المديره. ب ممر المدرسه اقدار حطت اصابعها على خشمها وتضخم صوتها: يلا يابنات كل وحده على صفها وبعدها تقلد كيف نزلت الدرج وطاحت على وجهها رنيم اطلقت ذيك الضحكه بصوت عالي حطت يدها على فمها حين سمعت صوت اخوها برا الغرفه فيصل بعصبيه نطق: رنيم وجع وش ذا الصوت ماتستحين انتي وقسم بالله ادخل اعطيك طراق يعد ذا السان حشى صفاره انذار وطلع برا البيت رنيم تنفست براحه حين سمعت صوت الباب تقفل طقت رأس اقدار بخفه:كله منك ي العصله اقدار بإبتسامه نطقت: والله محد قايلك تطلقين ذيك الضحكه وش بالعه بحلقك كشت رنيم بيدها عليها:مالت عل قطعت كلامها حين دخلت امها الغرفه وجهها مخطوف وتكلم الجوال ناظرتها اقدار بمعنى وش في. هزت اكتافها. م تدري وبعدها طلعت برا الغرفه حين سمعت اخوها يناديها وانا كل حوسي مركزه على خالتي ام رنيم وقلبي نغزني خلصت المكالمه وقعدت جنبي وحضنتني وبعدها بثوني. تكلمت :يمه اقدار تعرفين ان الموت علينا حق وكلنا راحلين وم فيه احد راح يبقى وقدر الله اذا جاء م فيه احد راح يوقفه حسيت نفسي عايشه بدوامه. وداخلي يصرخ منو مات. ابتعد عن حضنها بسرعه وناظرتها بصدمه حين قالت ادعي لهم ب الرحمه اخوك وأمك توفى ناظرت وجهه. ابحث بملامحها شي يدل على انها تمزح معي ولكن خاب ظني وكلامها كان حقيقه بقيت جامده من الصدمه لدقائق موب قادره اتكلم ولا ابكي. وبعدها وفقت. وطلعت برا البيت. على صراخ ام رنيم الي تحاول توقفني م اروح وصلت امام البيت ناظرت الناس المجتمعين. ورجال الاطفاء للحظه حسيت الزمن وقف لحظه حين شفت سرير الاسعاف عليه اشخاص نايمين واللون الابيض يغطيهم مشيت ناحيتهم بروح خائره وبداخلها تتمنى احساسها يكون خطأ وقفت امام السرير. مدت يدها ورفعت الغطاء ببطء ناظرت وجه امها بصدمه وقلبها صار يوجعها ملامح امها حرقتها النار خرجت من فمها صرخه م قدرت تمنعها ثم تالت وراها الصراخ ودموعها تنزل بسرعه وبوجع. وصراخ نطقت: اصحوو انا بدونكم م اقدر اعيش ليه تركتوني وحيده ليه م اخذتوني معكم ومدت يهد تهز امها: يمه اصحي ادري انكم تمزحون معي. والحين تصحو وتضحكو وتقولون مشى عليك المقلب وبقوه هزت امها طيب ردي علي او خذوني معاكم م ابي اعيش بدون وجودكم حست بيد تسحبها وتحضنها وبحزن نطق: خلاص ي اقدار ادعي لهم ان ربي يرحمهم ابتعدت عن خالها وبصراخ نطقت: م ماتو. تراهم نايمين والحين يصحو لا ما ماتو صح م ماتو بدت الدنيا تظلم بعيونها وفقدت الوعي «««الي يشوفها ذاك الوقت يظن انها انجنت ...... م اذكر شي سوى ان اخذوني للمشفى. وصحيت. بعد 3 ايام من الاغماء وبعدها اخذني خالي ابو مشعل عنده واهتم بي والحين جدي يبغى يرميني على اهل ابوي م ادري شلون راح يكون تعاملهم معي اذكر طول هالسنوات. م سألو عنا. ولايبغونا ولا أهتمو لوجودنا اصلا. واشك اذا يدون اذا عندهم حفيده تواها عايشه او لا نقزت من ذكرياتي على غلق الباب. ناظرت حولي لقيت خالي قاعد على الكرسي وحاط يده على وجه بهم. ورغد ورامي موب موجودين م ادري متى طلع جدي من البيت سمعت خالي يقول بهدوء: اقدار جهزي. اغراضك. بأخذ باكر لأهل ابوك ⨼انتهى البارت ????⨽ | ||||
|
| |
|
27-01-24, 09:16 PM
| #6 | ||||
| البارت 4 لم ينام طول اليل ارهقه التفكير والحزن على حال اقدار لا يدري كيف ستكون حالها عند اهل ابوها هل يتقبلون وجودها او لا صراع بين قلبه وعقله لا يدري لماذا قلبه غير مطئمن راح تذوق المر اذا اخذها عند اهل ابوها وعقله يقول بنتهم اكيد م راح يسون لها شي تنهد بألم يحس عقله مشوش. م يبغى ياخذها عند اهل ابوها احساسه يقول راح يصير شي بس م ب اليد حيل ابوه مسكه من اليد الي توجعه نزلت دمعه على ذكرى اخته الراحله القدر اوجعها وطمع ابوه اجبرها على الزواج من شخص لا تبغاه يتذكر كل لحظه كانت تبكى وتترجى والده م تبغى الزواج راما بصوت رايح منه البكى: يبه الله يخليك م ابغاه الجد صالح م يبي يخسر الفرصه الي اجت له على طبق من ذهب ب زواج راما راح يقرب علاقته اكثر مع عبد الله ويضم شركته مع شركتهم وبحزم نطق: ذا الكلام الي عندي راح تتزوجيه ناظرتها وقلبي ينفطر عليها حاولات اوقف معها بس ابوي م عطاني مجال وك مره اخيره تكلمت: يبه الله يسلمك الزوج مب ب الغصب ذا قرارها م ت رفع يده ينهي النقاش: ذا الي عندي جهز حالك باكر الزواج. وترك المكان م يدري ليه ابوه قلبه قاسي هالكثر دمر حياة بنته عشان المصلحه . . . . في بيت الجد ابو فيصل انتهى العشاء والكل راح ناظر عياله واحفاده متجمعين يسولفون. ويضحكون الجد عبدالله وقف وبصوته الجهوري نطق :فيصل مشاري صقر تعالو المكتب ناظرو بعض ب إستغراب وراحو وراء ابوهم نايف يكلم حمد ب لقافه: تتوقع وش فيه ???? حمد بإستغراب : م ادري تعال نروح نشوف فهد بتدخل ذابحته اللقافه يبغى يعرف :وين رايحين ناظره نايف بدون نفس: مايخصك واخذ حمد وطلعوو سليمان بهمس: الظاهر في شي ب العاده جدي م ياخذ اعمامي وابوي الا اذا فيه سالفه مهمه زياد يطقطق ب الجوال م همه السالفه: يمكن بشأن الشركه تعالو شوفو ذا المنشور الي منزله عمر عند الحريم ام نايف بحماس: اقول ياخالتي افكر اخطب ل سليمان بنت ام سعيد الجده ام فيصل بمدح راق لها الموضوع : البنت مزيونه وسنعه ومؤدبه نخطبها له سحر بدون نفس من مبالغه جدتها : يمه تراها شايفه نفسها ونافشه ريشها وكأنه محد دخل غيرها طب م تناسب اخوي ام نايف كشت عليها: تستاهل تنفش ريشها دامها دكتوره مب زيك داخله لغه عربيه سحر بقهر. وقرف نطقت: من زين التخصص م ادري وش عاجبهم فيه كله دماء وبتفكير تكلم عمتها ام مؤيد :وش رايك تخطبيها ل ولدك دام نفس التخصص <وبدخلها > والعقليه ام مؤيد بغرور :لا انا ولدي بخطب له بنت تقول للقمر قوم لقعد محلك ام نايف لوت بوزها وبدخلها مالت عليك انتي ولدك ام حمد بتغير لسالفه :الا ي روعه وش راح تفكرين تدخلي بعد الثانويه روعه بهدوء: والله ي خالتي للحين م ادري وشرايكم ادخل طب نفسي ريما بقرف: ويعع ويعع وشذا التخصص م ناقص الا تعالجي المجانين روعه بغيض نطقت: وشدخلك انت..قاطعتها امها وهي صادقه م ليقيتي غير ذا التخصص روعه بتوهق :يمه ترا مجرد تفكير وجاني ذا التخصص ببالي الجده ام فيصل: علامكم على البنت. عجبها ذا التخصص وش دخلك فيها روعه استانست. من كلام جدتها سديم تهمس لمار: اقول فين راح يشتغل اخوك ???? لمار بنفس الهمس: ابوي كان يقول ان واحد من اصدقائه يبغى مؤيد دكتور عنده سديم بقهر نطقت: ليه م يشتغل ب المشفى الي يشتغل فيه ابوي وانا لمار خزتها بضحكه: يويلي على الي يحبون اروح طعن سديم حطت يديها على فم لمار: وجع قصري حسك تبغين تفضحينا انتي <وبسؤال > م سأل عني اخوك؟! لمار بسخريه تقلدها: لا م سأل عنك ي بعدي العالم وين وانتي وين اصحي ياماما ترا توا ماله 6 ساعات من يوم وصل وين يسألني عنك سديم كشت عليها: خلاص اسكتي . . . في المكتب صار تقريبا 10 دقايق والجد للحين م تكلم. الكل قاعدين بقلق يبون يعرفون وش السالفه نايف يمهس لحمد الي قاعد جنبه: والله شكل السالفه طويله للحين جدي مب قادر يرتبها حمد ب إبتسامه. م قدر يخفيها على كلام نايف: الظاهر الوضع ... قاطعهم نحنحت الجد وبدا يقول السالفه صالح اتصل اليوم ابو نايف احتادت ملامحه : وش يبغى الجدعبدالله رفع يده بمعنى جايك ب الكلام: يقول نروح ناخذ بنتك ابو مؤيد ب إستغراب: مب على اساس يقولون كلهم ماتو ب الحريق الجد عبدالله: م ادري حسب م قال نروح ناخذ البنت ابو نايف بعصبيه نطق: انا م عندي بنات اترك تعفن عند اهل امها وطلع وقفل باب المكتب بقوة الجد ناظر زوال ولده ورفع نظره على نايف الي يتكلم: والحل الحين ي جدي ابو حمد تكلم بهدوء :انا اقول يبه نروح نجيبها تعرف كلام الناس م يرحم الجد عبدالله هز راسه بهدوء. فعلا كلام الناس م يرحم يقولون تاركين بنتهم عند اهل امها وش رايك ي مشاري تروح تجيبها ابو مؤيد بتهرب: يبه تعرف عندي انشغالات ب الشركه م اقدر اترك واحد من العيال يروح يحيبه باكر الصباح الجد م عجبته الفكر يروح يجيبها واحد من العيال ناظر ولده ابو حمد: وانت ي صقر عندك انشغال ابو حمد: لا م عندي. انشغال خلاص يبه اروح اجيبها الجد عبدالله :زين انا بروح ارتاح طلعو كلهم مع الجد م عدا نايف وحمد الي يتكلمون حمد ب إستغراب: كيف يقولون توفت مع امها واخوها نايف بضيق : م ادري يمكن صار سوء فهم ب السالفه حمد يلطف الجو يوم شاف نايف تضايق: مين قدك صار عندك اختك جديده نايف بدون نفس: الي يسمعك يقول م عندي اخوات وفرحان بجيت ذي م تشوف خلقي ضايق حمد بستهبال: ليه ي بعد كبدي خلقك ضايق فضفض لي نايف :حمد مب وقت استهبالك. م تشوف راح ترد ايام المشاكل الي قبل وتصير حريقه ب البيت حمد يطمئنه :وكلها وانا اخوك م راح يصير شي ان شاء الله نايف هز راسه بهدوء . . . . في الصباح حاضنه ارجولها م نامت الليل وهي تفكر ب القادم وكيف راح تكون تعامل بيت ابوها اسئله تروح وتجي م لقت لها حل تكرهه ابوها هو السبب بكل شي صار لهم هو السبب بحزن امها هو السبب ب تدمير حياتهم. م تتمنى تشوف وجه او تروح عنده شي ضغاط على قلبها وصوت بعقلها يخبره بمراره روحتها تحس بحزن عميق تبغى تصرخ بأعلى صوتها ي عالم م ابغى اروح اتركوني بحالي نزلت دمعه تشكي آلمها وبدخلها صراخ نواف يمه وينكم تعالو خذوني معاكم م ابغى اعيش ابو مشعل فتح باب. الغرفه ودخلت رفعت نظري عليها قاعده ب الظلام ومنظرها يقطع القلب تحس الحزن يحيط فيها كانت ضامه رجولها وحاطه راسها عليه قعدت بجانبها: اقدار م ردت او رفعت راسها تكلمت مره ثانيه: اقدار يبه سامحيني مب يدي اتركك تعرفين ابوي اذا قال كلامه م اقدر اوجهه ناظر حالها نفس الوضعيه م ترد او تتحرك فقط من صوت انفاسها تركها وطلع وخلقه ضايق عليه يتمنى م يتركه ابدا ذي بقيه من ريحه اخته الي عمرها م اذت احد كانت ك النسمه على الجرح بريئه طيبه هاديه بعمرها م زعلته كان كل همها ترضيه رحلت ورحل الحياة بعدها الحين. حاط بين خيارين احلاهما مر ي اما ابوه ي اما اقدار مر الوقت ببطئ شديد وحان وقت الوداع جهزت حالها ناظرت المكان لاخر مره. وهي تجر اذيل الخيبه ناظرت رامي دخل بسرعه يقول بابا يبغاك. ب المجلس مشت وراه رفعت ناظرها على رامي الي ماسك يدها بقوة ويقول اقدار لا تروحين ابقي معنا ابتسمت بمراره على حالها وكأنه الامر بيدها كانت تسمع قاعد يتكلم لفت انتبها اسم مشعل رامي يتكلم: مشعل راح يرجع من السفر اليوم استوقفها ذا الاسم مشعل. سمعت اسمه من قبل بس ولا مره شفته <<<مشعل ولد خالها كان مسافر يدرس دخلت المجلس رفعت ناظرها على الشخص الي يتكلم مع خالها كانت راح ترجع للخلف. الا صوت خالها اوقفها ........ انتهى البارت ???? | ||||
|
| |
|
27-01-24, 09:19 PM
| #7 | ||||
| البارت 5 . دخلت المجلس رفعت ناظرها على الشخص الي يتكلم مع خالها كانت راح ترجع للخلف صوت خالها اوقفها اقدار تعالي سلمي على عمك ابو حمد كان ودها ترجع لكن مو حلوه بحق خالها مشت ناحيه بهدوء و بداخلها اسئله ليه جاي عمها م جاء ابوها الظاهر م وده يشوفها او يعترف فيها بعد م افتراء على امها وطلقها. .قطع افكارها كلام عمها ابو حمد: م ودك تسلمين علي سلمت على عمها ابو حمد ببرود وقعدت بجانب خالها منزله رأسها م تبي. تشوف احد من عائله ابوها بدون م تشوفهم او تعيش معهم كرهتهم من قلبها حست بيد ضاغط على يدها يطمئنها رفعت نظرها عليه ابتسم لها بمعنى إن كل شي راح يكون تمام ابو حمد ناظر ساعته تأخر على الدوام بسبب حضرت سنووايت الي م كلفت نفسها تناظره ناحيته او تعبر وجوده الظاهر اخوي راح يتعب معها ناظرت ناحيتهم قاعدين يسولفون مع بعض قطعت كلامهم بهدوء: يالله ي ابو مشعل نستاذن منك بأخذ اقدار ابغى امشي تأخرت على الدوام فتحت عيونها بصدمه مين ياخذها م ابغى اروح ابو حمد بستعجال وقف: يلا ي اقدار ناظره ابو مشغل اقدار بحزن م يبغى تروح يبغى تبقى تحت عيونه ذي الباقيه له من ريحه اخته بس تعرفون الشخص الي يكون يديه مربوطه وم يقدر يسوي شي هو انا وبمهس نطق لها: اقدار روحي مع عمك م اقدر ارو..قاطعته والغصه بحلقها :ابغى اروح معك ابومشعل م ابغى اضعف وخصوصا مع تهديد ابوه الصباح بتطليق امه واذا اخذها هو اكيدد راح ترجع معه وبجلمود يدعي البرود ومن داخل قلبه يتقطع عليها: امشي مع عمك انا عندي انشغال م اقدر اروح معك نزلت راسها ووقفت بهدوء عشان تروح مع عمها م تدري ليه خيل لها م راح تشوف خالها ابداحتى لو جفها او قاسى عليها راح يبقى الوحيد الي تحبه وتتمنى تبقى عنده رفعت راسها تمنع الدموع من النزول وتحاول تبتسم لكن الغصه الي فيها م قدرت انفجرت ب البكاء وبصوت نطقت: م ابغى اروح حظنها خالها لو بيده م يتركها وبكلمات يواسيها ابوحمد لوا فمه بغيض يشوف نهايه الدراما متى تخلص. طق كبده تأخر على الدوام وفوق ذا كله يشوف اتصال من المشفى. وحضره سنووايت م تبي تروح معه وبهدوء عكس العصبيه الي داخل :انا ب السياره. انتظر وطلع ابو مشعل: اقدار ناظريني انا لو بيدي مستحيل اخليك تروحين لو اضطر احارب اهلك بس تعرفين جدك وانتي م تبغين المضره لي روحي وشوفي الجو عند اهلك اذا م عجبك الوضع هناك انا مستعد اسحبك عندي لو يصير الي يصير. وإن شاء الله كل اسبوع ازورك هزت راسها بهدوء وقبلت رأس خالها ابتسم لها بمحبه: امشى نروح عند عمك بلاه يجينا ب النعال ابتسمت على كلام خالها م عجبها ذا العم شايف حاله ي ارض اشتدي م عليك احد قدي واقف عند السياره و ب قهر م شرفت للحين كل ذا الوداع الي يشوفهم يقول رايحه عند وحوش او أكلين بشر مب كأنه اهلها رفع نظره على طالعين من باب البيت وبيدهم اغراض فتح السياره وبعد م خلصو فتح لها خالها الباب الاماميه عشان تركب ويوصيها تنتبه على نفسها واخير خلصو تنفس تنفس الصعداء وحرك عم السكون داخل السياره الا من صوت شهقاتها مط شفته بسخريه للحين ذي م خلصت دموعها والله لو ماخذها للموت م كان سوت ذي المنحه ناظر جواله الي يرن كان من المشفى يستعجلوه فيه عنده عمليه جرحيه لحاله قفل الجوال وبكلام التمس فيه السخريه نطق: للحين م خلصت ليه كل هالدموع. ترا منت رايحه عند اعدائك تراهم اهلك طنشت كلامه وم ردت عليه م تبغى تحتك مع عائله ابوها ابو حمد ارتفع عند الضغط الف من تطنيشها وقرر يسكت يشوف اخرتها سندت راسها على زجاج السياره تفكر ب عائله ابوها ولا مره التقت فيهم او شافتهم حتى ابوها م تذكر كيف كان شكله اخر مره شافته يوم كان عمرها 4سنين واخوها عمره سنه تنهدت ب آلم لذكرى اخوها وامها تتمنى لو رحلت معاهم هزت راسها تشيل آلم وو جع موت اخوها وامها من بالها رفعت ناظرها للسماء تتأملها اسرها منظرها كانت صافيه م من الغيوم تتحرك فيه غايه الروعه م تدري كم دقايق غفت فزت على هز عمها يقول لها تنزل وصلو تحسها نفسها بين الواقع والنوم م تدري وش كان يقول لها م فهمت عليه نزل اغراضها وحرك السياره مستعجل شوي وحست بدأت تستوعب تناظر المكان يمين وشمال فين هي ناظرت البوابه الكبيره الي قاعده امامها وقفت بشويش طق الباب م فيه رد قعدت حوالي دقيقتين م تدري من فين تفتح ركزت على الجرس الموجود بجانب البوابه طقت راسها من غبائها المعشش مده يدها تضغط على الجرس نقزت على صوت شخص من خلفها حطت يدها على قلبها من الخوف لفت جسمها بشويش تشوف الشخص الي يكلمها كرر نفس الكلام: وش تسوين هنا تبغى تتكلم بس اشر لها تسكت: ولا كلمه. تشيلي اغراضك وتنقلعين كان ناقصنا متسوولين ليه م تتركون عنكم الشحاته عند كل باب وتشتغلون على انفسكم والله عالم بقهر من كلامه نطقت: تخسى انا ماني شحاته احترم نفسك ناظرها بتقيم وعفس ملامحه بقرف : اقول بس لا يكثر عاد ضفي وجهك اقدار بعصبيه من اسلوبه يناظرها وكأنها حشره قدامه رفعت اصابعها بتهديد: اقول احترم نفسك وعنك الغلط انا م جيت اشحت تفهم. وبهدوء عكس النار الي ب جوفها تبي تعرف فين بيت ابوها : ممكن اعرف وين بيت فيصل عبدالله ال..... استغرب من كلامها وبسؤال نطق: من فين تعرفين ابوي؟! ابتسم بدون نفس على حالها يعني ذا اخوها يناظرها بقرف. ويحسبها شحاته وكأنها ولا شي من مستواهم كملت والله ذي اول الغيث قطرات نزلت نظرها لعبائتها م فيها شي. مجرد عليها غبار ومعفوسه من قعدتها بس وش نسوي لعقلهم المصدي يشفون الناس ولا شي امامهم كرر نفس سؤاله يوم شافها سرحانه مب معه ناظرته والقت القمبله على مسامعه: انا بنته اقدار فتح عيونه بصدمه معقوله ذي تكون اخته طيب ليه م فيه احد معها مب على اساس راح يجيبها عمي وبتفكير تكلم: انتي جيتي مع عمي ابو حمد هزت راسها بنعم نايف يكمل كلامه: اجل وين راح عمي ابوحمد ليه مو موجود اقدار بطفش من اسألته: وش عرفني حطني هنا وراح اشر لها تدخل بعد م دق على البواب يفتح دخلت البيت ناظرت الحديقه بتأمل شكلها مرررره يجنن تنسيقها بشكل مبهر يجذب الناظرين اليها رفعت ناظرها على جهه اليمين كان فيه ورد جوري كراسي وطاوله بشكل مرتب ومنظم نايف وكأنه مصيبه حلت على راسه يفكر كيف ينحاش من عصبيه امه وخصوصا بعد مشاكلها امس مع ابوه م تبغى تشوف رقعه وجه بنته ب البيت دخل البيت بعد م فتحت الشغاله الباب البيت يحيطه الهدوء الكل عندهم دوامات وزوجته راحت زياره بيت اهلها شاف امه قاعده ب الصاله تشرب قهوه و تطقطق ب الجوال ام نايف رفعت ناظرها على ولدها الي دخل وبإستغراب: خير ي نايف علامك جيت بدري من الشغل صاير شي نايف بتوتر نطق: م فيه شي يمه ابوي نسى ارواق خاصه ب الشركه وانا جيت اخذ... قطعت كلامه يوم شافت البنت الي دخلت خلف نايف والبواب الي شايل اغراضها وقفت بفجعه: نايف منو ذي؟! نايف توهق .......... ⨼انتهى البارت ????⨽ | ||||
|
| |
|
27-01-24, 09:21 PM
| #8 | ||||
| البارت 6 . . . قطعت كلامه يوم شافت البنت الي دخلت خلف نايف والبواب الي شايل اغراضها وقفت ونطقت بفجعه: نايف منو ذي؟! نايف توهق م يدري وش يقول وبعجله نطق: ذي بنت ابوي يلا يمه انا تأخر على الشركه ابغى اخذ الاوراق واطلع ام نايف بعصبيه نطقت : نايف منو جابها لعندي انا وش قلت نايف : ي يمه اذا جاء ابوي اتفاهمي معه. وطلع يجيب الملف ام نايف بنفس العصبيه: يصير خير اقدار مطت شفتها بسخريه وبداخلها ذا أول الغيث قطرات وكأنه هي كان ودها تجيهم او تشوفهم والله لو يطلع بيدها تحذف عائله ابوها من حياتها بس م ب اليد شي تقدر تسويه فزت على صراخ أم نايف: خير جايه بيتي شيلي عفشي وانقلعي بررررا صنمت مكاني. من صراخها ذي منجدها تتكلم وين اروح الحين م اعرف احد هنا ليه يأخذوني من بيت خالي دام م يبوني أم نايف بحده :هيي انتي تراني اكلمك صمخا م تسمعين خذي قرفك واطلعي يلا برااا نزل نايف مستعجل بعد م أخذ الاوراق من درج المكتب شاف امه تصرخ تسحب اقدر برا البيت نايف مسك يد امه بهدوء ام نايف سحبت يدها وبحده نطقت :ذي م ابي اشوفها ببيتي يلا خذها برا ورجعها للمزبله الي كانت فيها نايف رق له حال اقدار الي تناظر بصمت :يمه وين اخذها منجدك انتي انتظري لين يجي ابوي ونتفاهم خليه تدخل وبعدين يصير خير أم نايف بنفس الحده: طلعها الحين م ابي اشوف رقعت وجهها ب ذا البيت تفهم وراحت نايف ناظر امه الي راحت وبدخله هم وين يأخذها الحين عنده شغل وم يقدر يتركها هنا. ماله حل الا يأخذها بيت جده ناظر اقدار وبسرعه نطق: يلا اخذك بيت جدي لين يجي ابوي يتصرف مع ذي السالفه مشت معه. بهدوء والحزن يعتصر قلبها م تدري وين راح يأخذها او كيف راح تكون حياتها طلعوا من البوابه ناحيه الشارع الثاني م يفصل بينهم وبين بيت جده الا شارع دخل البوابه بعد م فتح لهم الحارس شاف عمته أم مؤيد وجدته قاعدات ب الحديقه يشربين القهوه نايف: السلام عليكم الكل :وعليكم السلام أم فيصل نطقت: خير يمه صاير شي غريبه جاي ورفعت ناظرها على البنت الغريبه الي خلف نايف وبإستفسار: نايف مين ذي؟ وهي تأشر على أقدار أم مؤيد الي تتابع بصمت نايف بهدوء: يمه ذي بنت ابوي ممكن تخليها عندك <<من باب الاحترام يقولون لجدتهم يمه ام فيصل وأم مؤيد بصدمه نطقوو: وشهووووو نايف يناظر ساعته بعجله تأخر عن الشركه وراح يبدأ الاجتماع :يمه بعدين. نتفاهم تأخرت الحين .وطلع مستعجل اقدار خافت من الي قاعدين يناظرونها ام مؤيد بلقافه م قدرت تبلعها: انتي بنت راما؟ اقدار تناظرهم بصمت م تدري وش تقول اصلا م تعرف احد فيهم م تذكر ان راحت من قبل عندهم او حتى ابوها اخذها أم مؤيد تهمس ل عمتها: خالتي ذي بنت راما زوجه فيصل الثانيه ام فيصل تناظر اقدار بكرهه نطقت: اي امها العابه الي احرقت قلب ولدي وخانته مع رجال ثاني. لا بارك الله لا فيها ولا بنتها اقدار الي وصل الهمس لمسامعها وانقهرت من كلام جدتها بس فصلت السكوت م تبي ترد اتهموا امها زور الله بيأخذ حق امها منهم أم فيصل بحده تنادي على الشغاله: ميري ميري ميري الي جت بسرعه: نعم ماما ام فيصل :تعالي خذيها من قدامي لداخل وشوفي لها غرفه ميري: حاضر ماما واخذت اقدار معها ام مؤيد بإكثر من سؤال نطقت: خالتي انتي كنتي تدرين ان راح يجيبوها. كيف بعدها عايشه اذكر انهم قالوا ان ماتت مع امها ب الحريق ام فيصل بدون نفس نطقت :هي قدامك كيف ماتت مثل امها ب سبعه ارواح ام مؤيد حست الوضع تكهرب غيرت السالفه رجعت هي وام فيصل يحشون في مكان ثاني في بلاد الغرب دخل الشركه بهيبته الي تفرض للكل احترامه ووقفهم له ناظر ساعته باقي على وصلو الوفد الاجنبي نصف ساعه دخل مكتبه ووراه مساعده صالح صالح بهدوء: السلام عليكم نواف الي يناظر الاوراق بتمعن: وعليكم السلام ،هلا صالح صالح حك راسه بخوف كيف يخبره : اا.اا رفع نواف نظره من على الورق: خير صار شي ي صالح صالح بتوتر نطق: طال عمرك وصلتنا خبر من المكتب ان صار تزوير ب الحسابات ونقص ب الميزانيه يعني "اختلاس اموال " نواف رفع حاجبه وبسؤال نطق: عرفتو من؟! صالح بنفس توتره نطق: لا بس الزملاء ب الحسابات يقولون انهم شاكين ب ميشيل نواف بحده: كيف يعني شاكين مين المسؤول عن متابعه الحسابات صالح : سلمان المسؤول عن المتابعه نواف :تابعو ذا الي اسمه ميشيل وبلغ المسؤول عن الحسابات اذا ثبت ان المسؤول عن الاختلاس نتأخذ الاجراءات وينطرد من الشركه الان بسرعه صالح بهدوء نطق: طيب طال عمرك. مشي بيطلع استوقفه نواف: لحظه اذا جاء الوفد الاجنبي بلغني عشان نبدأ الاجتماع صالح هز رأسه بهدوء وطلع زفر بتعب استرخاء على الكرسي وناظر السقف بسرحان وذكرياته تأخذه إلى يوم كان ب المدرسه مع صديقه طفولته وبنت عمه راما نواف بتحدي : راما تعالي نتسابق لين عند ذاك البيت وهو يأشر بيده والي يسبق الثاني يشتري للفائز حلاوى راما عجبها التحدي :يلا تم وابتدأ السابق راما كانت متأخره لان شويه ممتلئه وتتعب بسرعه نواف نطق بضحكه: راما ي الكسوله اسرعي راح اسبقك راما بقهر نطقت: نواف ي زفت وقف، وسوت روحها تعثرت نواف شافها وخاف يوم شافها تعثرت: رجع لها وبخوف نطق راما صار لك شي راما الي ضحكت بصوت عالي: خدعتك. ووقفت عشان تسبقه ابتسم على خبالها كل ذا عشان اشتري لها حلاوى رجع للواقع المرُ راحت وتزوجت غيره م عاد لها وجود بحياته راحت تنهد بألم مسح الدمعه الي بطرف عينه كان يتمنئ تكون من نصيبه لكن شاء القدر يأخذها غيره فيه شركه عبد الله خلصو الاجتماع وطلعو من القاعه نايف مسك ب حمد:هففف م بغينا نخلص ذا الاجتماع حمد ناظره بنص ب عين وبضحكه نطق: علامك ماسكني كذا كأني زوجتك خايف علي لا ضيع نايف ابتسم: اتخيل تكون زوجتي ويعععع وربي اهج من البيت حمد يمثل العصبيه: من زينك عاد احمد ربك علي كل تتصبح ب وجهي فيه اطلق من كذا نايف خزه: اقول بس اهجدد يلا وريني مقفاك. قال اتصبح ب وجهك قال مو كأنه وجهك يشبه مقبض الباب حمد ضحك على التشبيه: اقول اتلايط بس امشى نروح المكتب نايف طق على راسه بتذكر: نسيت م قلت لك وشصار يوم رحت اجيب الاوراق حمد بطول بال نطق: وشصار نايف: اتخيل جت اليوم اختي الي من ابوي حمد ب إستغراب نطق: كيف اختك من ابوك مهبول انت قصدك اختك ساره الي متزوجه لجده نايف طق حمد على راسه: ي غبي لا اختي اوووف نسيت شسمها الي من زوجه ابوي الثانيه حمد فتح فمه بصدمه وبتذكر نطق :قصدك الي راح اليوم ابوي يجيبها من عندها خالها وسحب نايف: تعال نروح المكتب وقول لي كل السالفه في بيت الجد تناظر الغرفه بهدوء م عجبها الجووو تحس يخنقها ودها ترجع بيتهم وتشوف امها واخوها تتمنى يطلع كل ذا حلم. وتصحى منه وقفت امام الشباك الي يطل على الحديقه ناظرت جدتها جدتها وعمتها الي باقين مكانهم و قاعدين يسولفون. رفعت نظرها على الي داخلين من البوابه طنشت الوضع وراحت انسدحت ب السرير وسرح بالها سمعت طق على الباب وكانت الشغاله تقول لها ان جدتها تبيها تحت طنشت كلام الشغاله وغمضت عيونها ونامت من التعب .. انتهى البارت _دمتم بخير ???? | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
