آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-07-17, 09:07 AM
| #1 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  يسّقي الله صدفةٍ فيك أجمعتني/ للكاتبة rwaia_226، مكتملة  بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته نقدم لكم رواية يسّقي الله صدفةٍ فيك أجمعتني للكاتبة/ rwaia_226 قراءة ممتعة للجميع..... التعديل الأخير تم بواسطة لامارا ; 28-03-22 الساعة 02:03 AM | ||||
|  |
|
14-07-17, 09:08 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته مساء النور و السرور عليكم جميعا . قريباً روايتي الخامسـة 🎶💛 " يسّقي الله صدفةٍ فيك أجمعتني💕" مسار جديد بالاحداث بين عائلتين الاولى : " مستوها المادي عالي " الثانية : " مستوها المادي على اطراف حد الفقر " 1- تعدد بالشخصيات 👥 2- احداث جديد لم اتطرق لها سابقاً 👌🏻 3- تدور بين احداث جميلة واخرى حزينه ✨ 4- قصـة حب تتغلب على جميع الظروف 🎶❤ واشياااااء كثير ما ابي احرق الروايـة 😭💕 بس متأكدة بتعجبكم 👌🏻 بعد العيد ببـدا فيها باذن الله يمكن يصادف تاريخ 6/ 10 او 10/8 ✨ عدد البارتات : بتكون طويلـة اكييد بس العدد بالضبط على حسب التفاعل وقتها موعد البارتات : يومياً 😍 من بيقرا روايتي الخامسة ؟ 😍❤ التعريف بالشخصيات 💛 عايلة ابو سلطان الـ *****💕 رجل كبير بالعمر يملك شركات وxxxxات في المملكة وخارج المملكة . زوجته " ام سلطان " مريضه سُكري وكبيره بالعمر شخصيتها طيبه بزياده وعيالها الكل بالكل عندها .. () ابنائهم ( سلطان، وعد، مي ) سلطان ٣٨ سنه .. متزوج من بنت عمته " الجوهره " وعنده ثلاث ابناء " يزن ، غاده ، ايلاف " شخصيته عصبي جداً ، ولـا يهتم لـ اي شخص وما يحب احد يتحكم فيه حتى ابوه ! وهذا الي سبب مشكله عائليه بينهم ! طلب منه ابوه يدرس اعمال ويقابل حلال ابوه لكن سلطان رفض ودراس تخصص ثاني وحتى بعد التخرج رفض يتوظف بشركة ابوه وتوظف بوظيفه حكومية بـ احد الوزارات .. () وعد ٢٣ جامعيـة شخصيتها هاديه وذوقها انيق جداً وشكلها يعطيها عمر اصغر من ٢٠ .. مي ٢٥ منفصله من زوجها بسبب مشكلة " بـ اذكرها بعدين مع الاحداث " ورافضه تماماً ترجع له ، ملامحها ناعمه جداً تحب تهتم بـ اناقتها وستايلها .. وعلى ان كثير تقدمو لها بس هي رافضه فكرة الزواج تماماً !! عايله ام باسل .. زوجها ما يملك شهاده وكان يتنقل بين وظايف القطاع الخاص بدخل جداً قليل .. وبسبب الديون ولعب الـ ***** دخل السجن قبل ٦ سنوات . ام باسل ٤٥ سنه كان شكلها يوحيّ ب انها اكبر من المشاكل والهموم الي تعانيها من بدايه زوجها .. باسل ٢٨ سنه . كان يملك جمال فريد يشبه لـ خاله ابو سلطان مره .. عنده بزنس صغير بدا فيه من راتبه الشهري لانه موظف بـ احد الشركات بـشهادته الجامعيه ودخله نوعاً ماً زين . نواف ٢٦ .. اعلامي بـ احد القنوات شخصيته صارمه قليلاً عكس اخوه باسل .. على ان له محبين ومتابعين كثير الا ان شخصيته بالواقع لاتمثل شخصيه نواف الاعلاميه .. نجوى ٢٥ .. تشتغل في احد البنوك ببريده واثقه من نفسها بزياااده وشخصيتها نوعاً ماً مستفزه .. واهلها ما يردون لها طلب بـ حجة انها اخر العنقود + البنت الوحيده . عايله ابو يوسف الاخ الثاني لـ ام باسل .. ابنائه " يوسف، رغد " بعد وفاه زوجته ام يوسف قبل سنتين انتقل لـ فرنسا عند عياله الي يدرسون هناك () يوسف ٣٠ محامي ويدرس ماستر علوم سياسيـة .. ملامحه حاااده جداً ، شخصيته قياديه بزياااده . رغد ٢٦ ملامحها جميله بس هي ما تهتم ابدد ومكدسه نفسها بين المكاتب والكتب .. تدرس جراحة في احد افضل الجامعات باقي لها كورس وتتخرج . التعديل الأخير تم بواسطة فيتامين سي ; 30-03-22 الساعة 10:11 AM | ||||
|
| |
|
17-01-22, 10:35 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت 1 في جامعـة الملك ****** .. كانت تمشي وبالها مشغول بالتغيرات الي صارت فجاءه بحياتها .. ! وبنفسها يارب صبرني يارب انتي اعلم بنيتي وليش وافقت على هالزواج يارب انت اعـ قاطعها صوت مو غريب عليها سارة بصددمة : ابتساااااااام ابتسام تلقائياً ابتسمت : هلااا هلاا ساره ضمتها بقوه : ما اصددق عيوني الحمدلله واخيراً شفتك بخير !! وينك اختفيتي فجاءه ! اتصل عليك ما تردين ! جيتك بالبيت مرتين قالو مو هناااا !! تنهدت بخجل لانها وما قالت الي صار معها لـ صديقتها سارة ! ابتسام بتوتر : يوه حكاااية طويله ساره : اهم شي انتي بخير ابتسام : ايه الحمدلله بس صارت ظروف صعبه فجاءه واعتذرت على نهاية الترم ساره : شصاير ؟ خوفتيني ؟ ابتسام : تعالي للكفتريا احكي لك .. ساره ابتسمت : بس بـ احط كتابي بـ بالوكر واجيك ابتسام : اوك انتظرك هنااا اتجهت ساره للمبنى بتحط كتابهاا وابتسام جداً خجلانه من صاحبتها من وين ابدا ؟ ش اقول لها ؟ ملكت وثاني اسبوع انزفيت ؟ اُف ياربي اكييد بتزعل ومعها حق اكيد ! ما بين كانت ترتب الكلام وافكارها صوت ساره بمرح : يلا يلا نسمع اعذارك ابتسام بمرح : متاكدة بتعذريني ساره : امممم اشوف في بيت سلطان " ابو يزن " كانو يلعبون بالصاله بهدوء بس وجودهم ازعج سلطان وبتأفف وانزعاج : يلااا على غرفكم ازعجتوني يزن : بابا سلطان بحدة ما له خلق يتكلم اكثر : لا تناقشوني يلاااا واتجهو للدرج برعب من ابوهم العصبي دايماً وزادت عصبيته بعد ما تزوج !! ام يزن كانت تراقب الموقف وبقلبها يارب احفظ عيالي يارب حننّ قلب ابوهم عليهم يارب ونزلت دمعتها تلقائياً وهي تتذكر ان ايامها معدوده .. فتره وبتفارق هالبيت وهالحيااااه .. بتترك وراهاثلاثه قطعه من روحها وقلبها يزن ما اقدر اشوفه دكتور ما اقدر اشوف اليوم الي بيحقق فيه حلم الطفولة .. كان دايماً يقول لي ماما بـ اصير دكتور واعالجك لا تخافين .. و غاده ما شفتها عاروس وام لـ عائلة وتحقق امنيتها ويصير عندها اطفال كثير مثل ما كانت تقول لي دايماً اذا كبرت بـ اتزوج واجيب اطفال كثير يلعبون مع بعض .. و ايلاف ما شفتها وهي تمشي ما مسكت يدها وشديت عليها ومشيتها خطوه خطوه .. بـ ارحل من هالحياه وكثير اشياء ما شفتها ولا بـ اقدر اشوفها بـ اترك عيالي الصغاار الي ما بعد شبعت منهم .. ادري بيفقدوني كثير .. ادري بينكسر قلبهم بـ مواقف كثير بتواجهم بالحياه ويستشعرون فقد الام .. وركزت نظرها لـ سلطان وبحسره : بـ اتركهم لك يا سلطان ربيهم مثل ما تبيّ ، كنت دايم تقول عني جاهله وما افهم شي .... وركزت نظرها لـ سلطان وبحسره : بـ اتركهم لك يا سلطان ربيهم مثل ما تبيّ ، كنت دايم تقول عني جاهله وما افهم شي .. كنت دايم تستحقرني قدام عيالي دايم تحسسني اني اقل منك وما انفع ام لعيالك لاني " امية " !! تخاف يطلعون علي بـ الجهل ولا يواصلون بالدراسة ودرجة " الدكتوراه " مثلك .. لا تخاف بـ ارحل عندكم انا ادري انك انجبرت فيني ٨ سنوات بس الفرج قرب الله بياخذ امانته .. ربيهم على الدين والصالح والعلم النااافع .. ربيهم على الاحترام مهما كانت اختلاف الشخص المقابل .. ربيهم وعلمهم طولت البال والصبر لا تخليهم مثلك العصبيه تمشي بدمهم . لا تخليهم نسخة منك تعبتني ٨ سنوات لا تخليهم يتعبون روح غيري .. مسحت دمعتها بسرعه وهي تشوف سلطان يناظر لهااا .. !! في الجااامعة .. ساره بهذول : مستحييييل !! ابتسام بتوتر : والله هذا الي صار !! سارة : انتي مستوعب ش سويتي؟ ابتسااام : ساره تكفين لا تردديني خلاص اتخذت قراري وانا على ذمة سلطان .. !! سارة : وبنت خالتك !!! ما توقعتها منك يااا ابتسااام !! ابتساام : ساره والله بنت خالتي قاطعتها بحده ساره : انتي لسى تحبين سلطان ؟؟ وما صدقتي خبر مرض زوجته علطول ابتسام عصبت لان ما تحب ابد احد يشكك بـ نيتها !!! ابتسام بصرخة وصوت عالي : ش تقولين انتي؟؟ هذاك كان كلام مراهقه ما له اي معنى ساره : ايه ايه واضح ما له معنى وانتي على ذمته هالحين ابتسام تحاول تكتم غضبها : ساااره !!! اقسم بالله مو عشان كذااا قلت لك بنت خالتي مريضه سرطان والمرض اكل جسمها ما في ولا نسبة ١٪ تعيش !!!!! والله والله ما اخذته الا عشان يزن وغادة وايلااف وفكرة الخطبه كلها من ام سلطان وضغطت علي امي وابوي ووافقت ساره : مهما كان حرام احرقتو قلب المره وهي الي فيها مكفيها منتظرين شوي اذا قصدكم العيال !!! ابتسام بعصبيه : شفيك انتي علي !! والله هي بنفسها جت للبيت وقالت لي وافقي تكفين هو بكل الحالات بيتزوج يبي احد يساعده ع تربيه العيال وانا اضمن عيالك عندك وافقي وربيهم انتي معه تكفين !! ساره : لاحول ولا قوه الا بالله وجلست وضربت الطاولة بقهر ؛ اللهم لا اعتراض اللهم لا اعتراض احترق قلب المره ابتسام : وقلبي يحترق الف مره !! وبشفافيه : ساره العيشه مع سلطان واضحة !! ما صار لي متزوجته وكل يوم مشكلة !!! ساره بصدمة : امدى مشاكل ؟؟؟ ابتسام بـ سخرية : من ثاني يوم زواج يصارخ علي سارة بتعذر : يمكن عشان وضع زوجته وكذا اعصابه ابتسام : لالاااا ام يزن تقول هذا طبعه من تزوجته قسم ساااره انا بوضع لا احسد عليه فتكفين لاتضيقينها علي !!!!! تابع للحوار .. ابتسام : لالاااا ام يزن تقول هذا طبعه من تزوجته قسم ساااره انا بوضع لا احسد عليه فتكفين لاتضيقينها علي !! سارة : فهمت الموضوع بس مع هذا يا ليتكم ماجلين الزواج ومخلينها تعيش ايامها الاخيره مع عيالها وزوجها ابتسام : بالعكس تقول لي والله ما ارتاح بالي الا بعدد ما جيتي لهالبيت واشوف عيالي كيف متقبلينك .. ساره : لاحول ولا قوه الا بالله ، الله يصبر قلبهاا ابتسام : امين يارب والله من طلعت من ذاك البيت رجعت لي الحياه ساره بحزن : وانتي كيف بتضيعين شبابك وحياتك مع واحد مثل سلطان عشان العيال؟ ابتسام بقلة حيله : والله يا ساره ما قدرت اردها وهي تبكي عندي وامي وابوي احس الكل يبي يحملني مسوؤلية تربيه عيال " الجوهره " ساره : مسوؤليتك صعبة والله ابتسام : ربك يعينك ش اسوي .. دموعها احرقت قلبي وهي تتكلم وخايفه من زوجة اب تقسى على عيالها خايفه من سلطان بيوم يعصب عليهم ويطقهم بالها مشغول ع عيالها اكثر من مرضهااا .. ساره : الله يعييين وبحزن : ما تخيلت كل ذا يصير معك انتي! ابتسام بحزن ودموعها بعينها تحاول تتجاهلها : ربك موجود .. في بيت سلطان 🌸 سلطان قرب منها وبـ استغراب : شفيك انتي؟ الجوهره بقلبها " كل ذا ويسالني ش فيني " وبتوتر : ولا شي .. سلطان : ما له داعي العيال كل شوي يشوفونك تبكين الجوهره بقلبها " وانت هذا همك " : خير ان شاء الله .. سلطان : اذا الله كاتب لك عمر بتعيشينه مع عيالك واذا الله بياخذ امانته اللهم لا اعتراض هذا حال الدنيا . الجوهره : ونعم بالله . سلطان : واذا وجود ابتسام مضايقك اخذ لها شقه الجوهره بتسرع : لالالا الا ابتسام لا تبعدها عن عيالي تكفى سلطان : انا موجود وانتي لك طولة العمر ان شاء الله .. الجوهره : الله يخليك سلطان اذا لي خاطر عنك لا تزعل البنت حرام عليك توها صغيره ووافقت عليك عشان تربي العيال سلطان بحده : عيالي انا اربيهم الجوهره : تساعدك اكيد انت الخير والبركة .. سلطان بعصبيه : لو حلف امي ما اخذتها ، اصلاً هي بزر تبي من يربيها وبسخرية : قال ايش قال تساعدني !! الجوهره بقلة حيله : لاحول ولا قوه الا بالله ! سلطان بتذكر : هي ما رجعت من الجامعه؟ الجوهره بتوتر خايفه يعصب على ابتسام : اكيد على وشك توصل .. سلطان بحده : اذا داومها كذا دايم يا تترك الجامعه يا تفارق هالبيت .. من وين لها وقت اصلاً تقابل العيال نضحك على انفسنااا ، اذا هذا اولها ينعاف تاليهااا .. !!! الجوهره تنهدت وبصمت : يارب يارب هدي النفوس يارب حنن قلبه على زوجته وعياله يارب نزلت دمعتها ومسحتها بسرعه بعشوائيه .. 💔 في بيت ابو " مشعل " ابو مشعل : كلمتيها اليوم ؟ ام مشعل : ايه بالجامعه مداومة . ابو مشعل : لو تترك الجامعه افضل لها وتقابل عيال سلطان .. ام مشعل : الا مستقبلهاا ، ياكثر البنات الي متزوجات وعندهم عيال . ابو مشعل : انتي تعرفين بنتك تقدر ؟ وبسخرية : هي زين قبلتها الجامعه ام مشعل : اكييد الوضع هالحين تغير ابو مشعل : نشوف .. بيت سلطان .. ابو يزن . نزلت من السيارة وهي تحط الكتاب فوق راسها وبنفسها الله يكفينا حر جهنم .. !! فتحت الباب وهي منزله راسها بترجع المفتاح بالشنط صوت سلطان : زين شرفتي رفعت راسها وبتصنع برود على انها تخاف منه بس سمعت نصيحة الجوهرة " خلك قوية بالذات قدامة ، انتبهي تضعفين او تبيني خوفك له ولا بتصيرين مثلي ! " ابتسام : كانت عندي محاضره الرابعه سلطان : ولايكون كل يوم كذا ؟ ابتسام : بس يوم الاحد باقي الايام اخلص ١٢ .. سلطان استحقار : كويس وكمل طريقه . ابتسام غمضت عيونها واستنشقت بعمق وبنفسها خليك قويه يا ابتسااام .. كملت خطواتها بسرعه للدرج تبي غرفتها بس بعد هاليوم الطويل وكلامها مع ساره ورده فعلها واستحقار ومعاملات سلطان كل شي صعب !! وبنفسها : ليش وافقت انا ؟ كنت مبسوطة في بيت ابوي كان اكبر همي الدراسة والجامعه . اطلع مثل ما ابي ، انام مثل ما ابي بس هالحين كل شي محسوب علي ! وفوق هذا معاملة جداً سيئة .. !!! ياررررب بس !! في القصيم تحديداً " بريدة " جالس على الرصيف ويناظر للرايح والجاي ويفكر انا لازم ازيد دخلي خواتي كبرو وطلباتهم زادت والي اكسبه من سوق الخضرة ما يغطي الاحتياجات الايجار الكهرباء طلبات المدرسة طلبات المطبخ ملابس و قاطع حبل افكاره : يالاخو متعب : هلا هلاا الشاب : ابي كيلو تفاح وكيلو برتقال متعب : ابشر ابشر وقام بسرعه يحط الاغراض وحاسبه وناظر للفلوس وبقلبه : الله يجعله يوم خير وبركة ورجع لمكانـة .. يفكر بوظيفه ثانيه ممكن تزيد دخله ولا تاثر على شغله بالسوق الخضار . في بيت ابو متعب .. () اروى نزلت الصينيه : يلا الغداء حصه : كل يوم نفس الشي كل يوم اروى تنهدت لان حصه مراهقه وطلباتها كثيره : احمدي ربك يا قلبي غيرك ما عنده قطعه خبز حصه بتذمر : الحمدلله بس ابي من المطعم اليوم !! اورى : اذا نزلت مكافئتي وعد اطلب لك بس هالحين نهاية الشهر ما معي ، ومتعب طلبات البيت تكفي حصه : وعد ؟ اروى : وعددد يلا تعالي وقولي لـ امل تجي حصه : طيب اروى بدت تاكل وهي تفكر انا لازم اساعد متعب مكافئة الجامعه ما تغطي احتياجاتي الشخصيه .. بعد دقيقتين دخلو حصه وامل واتجهو للسفره يتغدون بهدوء .. في غرفه ابتسام صحت على صراخ سلطان : الساعه ٨ وبعدددك ناااايمه !!! جلست بسرعه وهي تعدل بيجامتها وترفع شعرها بتوتر وكانها طفل ينتظر عقاب امه .. !!! سلطان قرب منها وبحده : شوفي يا بنت الناس ، اذا هذا روتينك وهذي حياتك لا تتعبين ولا اتعبك فارقي لبيت اهلك !!!!! من الصبح للعصر بالجامعه ومن تجين تنامين لهالوقت !! متى تشوفين العيال ؟ متى وبسخرية : تنتبهين لهم ؟؟ ابتسام بتوتر : سلطان انا اليوم كنت تعبـ قاطعها بصراخ : ما ابي اسمع اعذار سخيفه قد المسوؤلية اعقلي !! ولا فاارقي لبيت ابوك وبحده : سااامعه ! ابتسام غمضت عيونها بخوف : طيييب . اخذ شماغه وطلع وقفل الباب بكل قوه الجوهره تحت فزت من الصوت وتعرف سلطان اذا طلع معصب يقفل الباب بقوه !!!!! وبنفسها يارب استر !!!! يزن شاف سلطان مع الدرج : بابا بابا سلطان بحده : مشغول ب اطلع يزن : طيب انا كمل طريقه ولا سمع ش كان يبي يقول ... !!!! الجوهره الي كانت جالسه قريب من الدرج وسمعت الحوار الي اوجع قلبها ! ليش يا سلطان ليش !! اسمع ولدك ايش يبي دقيقه والله ما تضيع وقتك !! سلطان اتجهه للحديقه وهو معصب مرض زوجته اثر على حياته الاسرية مره وفوق هذا زواجه من ابتسام !! وعياله طلباتهم ما تخلص !! تنهدت لا اله الا اللله واتجهه لسيارته يبي يبعد عن البيت والازعاج !! غرفه ابتسام .. () واقفه قدام المرايه وهي تسترجع كلام الجوهره ونصايحها لا تصيرين ضعيفه ! خليك قوية واجهي سلطان بكل ما فيك لا يتغلب عليك !!! رفعت شعرها بيدينها الاثنين يارب ساعدني على هالوضع !!!! في القصيم 🌟 كان يحسب شكثر كسب اليوم وبقلبه : الحمدلله بيع اليوم احسن من دايم يالله انك تديمه كذا وازود .. !! حط الفلوس بجيبه واتجهه لسيارته القديمه !! الي كل اسبوع تخرب عليه فجاءه ونص دخله راح عليها وفتح الباب ومرت سياره ***** 2017 من جنبه تنهدت يالله مثل ما رزقتهم ارزقني !! وتم يناظر للسياره الى ان اختفت وبنفسه ماشاء الله ، باذن الله يجي اليوم الي اشتريها باذن الله وركب سيارته واتجهه لخواته .. في بيت ابو متعب . فتح الباب وبصوت عالي : اروى اروى دخل بالصاله مستغرب هدوء : امل حصه زاد استغرابه !! قرب من غرفتهم وفتح الباب بشويش وشافهم نايمين بالارض بجنب بعض .. تنهد بـ ابتسامة : الله لا يخليني منكم وقفل الباب واتجهه لغرفته وبنفسه : اول مره ادخل البيت وما احد يستقبلني رفع يده وشاف الساعه وبصدمة : اوه !!! ما الومهم لما نامو اجل !! الوقت تأخر مره فتح غرفته وشاف ورقه على فراشه " متعب عشاك بالمطبخ لما تاخرت تعشينا ونبي ننام ، خواتك " ابتسم من قلب واخذ الورقه وحطها بدرجه يحب يحتفظ بـ اي شي منهم .. في الرياض بـ احد الاحياء " بيت ابو سلطان " وعد نزلت وبصوت عالي : يمه يمااااه ام سلطان : انا بالمطبخ وعد دخلت وبعجله : اليوم نبي نتغدا عند ابو يزن ام سلطان : غداء ؟ وعد : يس تو ارسل لي على الواتس ام سلطان تنهدت : ما اتوقع ابوك يوافق نروح وعد بنرفزه : يمه والله ما يصير !!! خلاص سالفه وراحت وسلطان ولده الوحيد بعدين محتاجنا بذات هالايام !! ام سلطان بقلة حيله : وانا بدي شي؟ شوفت عينك !! ابوك عنيد وولده مثل طبعه !!! وعد : انا اكلمه واقنعه ما عليك وب اقول لـ مي تكلمه معي ام سلطان : على خير .. في بيت سلطان " ابو يزن " واقف عند باب المطبخ : يا ويلك تفشليني قدام اهلي ! الجوهره : ما عليك يا ابو يزن كل شي لذيذ وحلو سلطان بنظره استحقار : ايه ايه علميها السنع ابتسام ما قدرت تستحمل اكثر !!! نزلت الصحن بكل قوه على الطاوله وقربت منه على ان داخلها يرجفّ من الخوف !! لكن تتصنع القوه !! ابتسام : انا اعرف السنع قبل لا اجي بيتك وقربت منه : سالفه كل شوي تستحقرني وتقلل من احترامي ترا انا مو من الشارع انا بنت ناس ومتربيه واعرف السنع !! فما يحتاج تكرر وتعيد وتزيد بهالاسطوانه ! وطلعت وبصوت قصير : عاد اسمع من يتكلم عن التربيه هه سلطان جن جنونه من ردها !!!!! وما قدر يتمالك نفسه بعد همستها قرب منها ومد يده يبي يسحبها مع شعرها بس يد الجوهره كانت حاجز بينهم !!!!! نهاية الفصل.... التعديل الأخير تم بواسطة لامارا ; 02-03-22 الساعة 09:50 PM | ||||
|
| |
|
02-03-22, 10:13 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 2 سلطان بصراخ : بعددددي يدك يالجوهره !!! ابتسام وقفت برعب تحس رجولها مو قادره تشيلها !! سلطان بحاله غضب ما حس بنفسه دف الجوهره بكل قوه عن طريقه ومسك ابتسام مع شعرها ولف وجهها بكل قوه ابتسام مسكت يده : اهه شعري وبصوت باكي : بعدددد عنيّ شدها بكل قوه ونزل راسه لمستوها : ش قلتي قبل شوي ؟ ابتسام بخوف : ما قلت شي سلطان لف يدها بقوه ابتسام صرخت بكل قوه ونزلت دموعهاا سلطان بحده : من انتي يا **** عشان تتجرأين تقولين لي كذا الجوهره بصوت تعبان جداً: تكفى يا سلطان عشاني هالمره !! تكفى بصوت تعبان : عشاني يا ابو يزن سلطان مهما كان لها تقدير واحترام وخصوصاً بوقت مرضهاا !!! دفها : انقلعي يا ****** ابتسام انهارت تماماً وراحت لغرفتها ركض تبي تكلم ابوها يجي ياخذهااا ما عد فيني صبر اكثر !!! فتحت غرفتها واتجهت للجوال بسرعه وبحثت عن اسم امهاا هي تمسح دموعها والله ما اجلس عند هالـ ****** والله ام مشعل : ياهلا ياهلا ابتسام : يمه ارسلي لي السواق بسرعه يممممه ام مشعل : بسم الله شفيك يا بنيتي ؟ ابتسام ببكى : يمه تكفييين بسرعه والله ما اقدر اجلس دقيقه عنده !!!! ام مشعل : استهدي بالله يا بنيتي وقولي لي شصار؟ ابتسام : اذا جيتك اقول لك وقفلت بسرعه واتجهت لغرفه الملابس بتجهز شنطه صغيره على ما يوصل سواق اهلها .. سلطان ساعد الجوهره ووصلها للصاله وجلسو والهدوء والتوتر يعم المكان !! سلطان : انا ليش وافقت على هالزواج !!! بزر يبي لها تربيه الجوهره بضعف : الله يخليك راضيها سلطان قطاعها بحده : ااايييش ؟؟؟ تستهبلين انتي بالي ما يحفظها هالـ ******* الجوهره : اهلك على وشك الوصول والله لو خالتي درت بتزعل سلطان ضرب على جبينه وبقهر : الله يـ ******** لو جت امي وما شافتهااا !!!!!! والله بتسوي لي سالفه ما لها اخر !! " مو خوفاً من امه كثر ما هو يداري خاطرها لانها كبيره بالعمر ومريضه " الجوهره : طيبّ خاطرها بكلمة ترا ابتسام والله مـ قاطعهم صوت ابتسام الي ملامحها حمرا من البكي : مو لازم يا ام يزن هذاي رايحه لبيت اهلي وب اترك البيت له مثل ما تندمت على الموافقه اكيد هو تندم على الخطبه وصوتها بدا يضعف : مثل ما بدينا بالمعروف ننتهي بالمعروف يا ابو يزن !!! الجوهره الي مرضها زاد يوم عن يوم وما صارت تستحمل المشاكل : تكفين طالبتك طلب ابتسام تعدل حجابها : بالي اقدر عليه؟ الجوهره : تكفين اصبري لين تروح خالتي وبعدها وعد انا والسواق نوصلك بيت اهلك ابتسام : اعذريني يا ام يزن وبـ استحقار : ما لي جلسه بهالبيت !! ام يزن : تكفين يا ..... تابع للحوار .. ابتسام : اعذريني يا ام يزن وبـ استحقار : ما لي جلسه بهالبيت !! ام يزن : تكفين يا ابتسام والله خالتي مريضه لو درت ان بينكم مشاكل بتتضايق زود !! سلطان واخيراً نطق بعد طول صمت : اجلسي بعد الغداء انا اوصلك الجوهره : هه ابو يزن بنفسه يبي يوصلك تكفين !!!!!!! ابتسام ما قدرت تردها وصوتها تعبان كذا وبقلبها يلا عشانها وبعد الغداء اروح ل اهلي .. وناظرت لـ سلطان ب استحقار ورجعت لغرفتها سلطان يتمالك اعصابه : والله لولا امي لعرفت اتصرف معك انتي واغراضك !! ابتسام نزلت شنطتها عند الباب عشان بعد ما يروحون اهل سلطان تروح لا اهلها والواضح ان سلطان يبي يطلقها بالمعروف لان قال لها انا اوصلك بس هالمره عشان امي ... !!! يعني ما عنده اشكاليه اشوا !! ما لي خلق مشاكل زود بعددد .. !!! اتجهت تبدل ملابسها وتتجهز وتضغط على نفسها اصبري يا ابتسام !! كلها ساعتين .. الجوهره نزلت راسها وبصوت تعبان : اههء يارب سلطان قرب منها : شفيك؟ الجوهره : راسي يألمني مره سلطان انصدم من شكلها مره وجهها مره اسود : بنروح للمستشفى الجوهره : لالا ما يحتاج صداع عادي امس ما نمت زين سلطان : يا ام يـ قاطعته : والله يا سلطان ما فيني شي ب انام شوي وبعد الغدا صحوني سلطان : الي تشوفينه وسند يدها وساعدها لتوصل غرفتها الجوهره الي تحسّ بصداع جلست على السرير علطول .. سلطان خايف مره !!! اول مره من تعبها يصير وجهها كذاا ؟؟ يمكن عشان تضايقت من موقفي مع ابتسام ؟ الا الا اكيييييد ولا هي قويه وبتستحمل المرض ان شاء الله . انسدحت وغطاها سلطان وكان يبي يطلع شدت على يده سلطان حسّ قلبه بشعور غريب واللّتفت لها : سميّ يا ام يزن ؟ الجوهره : تكفى يا سلطان عيالي ما اوصيك عليهم تكفى لو فارقت قاطعها بحده : استهدي بالله شهالكلام انتي هالحين تعبانه ارتاحي نامي ومسك يدها وبحنان : لا تفكرين كذا والعيال بعيوني وباذن الله انتي معناا لا تفكرين بسلبيه الجوهره : اخاف تغمض عيني بيوم وافارق هالبيت اخاف يجي اليوم الي عيالي ينادو ماما ولا احد يرد عليهم اخاف يجي اليوم الي تدخل فيه من الدوام وما احد يستقبلك وبدا صوتها يضعف : عيالي صغار ما شبعت منهم والله سلطان توترت مره : اذكري الله يا مرهّ والاعمر بيد الله ويمكن يومي انا قبل يومك ، ما في اعتراض على قضاء الله وقدره .. وتنهد : اقري اذاكرك ونامي وباذن الله على الغداء نصحيك طيب الجوهره : ان شاء الله وطلع من الغرفه وضايق صدره مره !! فعلاً الجوهره بتطلع من حياتنا ؟ اللهم لا اعتراض .. وطلع من الغرفه وضايق صدره مره !! فعلاً الجوهره بتطلع من حياتنا ؟ اللهم لا اعتراض .. وبعيد عن الكذب والمجاملة ، انا ما حبيتها بيوم بس مهما كلن بيننا عشره واحترام وعيال .. طول الـ ٨ سنوات ايقنت ان الزواج مو لازم يقوم على الحب بالعكس فيه اشياء كثير ممكن تكون سبب لـ استمرار الزواج واولها " الابناء " والاحترام ، ولو قل في بعض الايـام .. بس ٨ سنوات عايشه معي والشهاده لله ما قد ارتفع صوتها على صوتي ، ولا قد راددتني وكانت دايماً الزوجة المطيعه والام الحنونه الجوهره كانت تفكر بعيالها ويمكن تكون هذي لحظاتها الاخيره بهالحياه .. ويمكن الله ياخذ امانته قبل لا تشوف عيالها وتودعهم .. !!! ابتسام اتصلت على امها وقالت سلطان بيوصلني بعد ساعتين .. ام مشعل : يارب انك تهدي النفوس بهالساعتين .. بعد ما قفلت من امها تنهدت بضيق اللهم لا اعتراض تزوجت بشهر بـ اتطلق بعده بـ اسبوعين وانقلبت حياتي فوق تحت .. وتواسي عمرها : يلااا نصيبك يا ابتسام بهالحياه كذا .. نزلت تحت للمطبخ تبي تشوف الخدم ش سوو من تجهيزات لان اكيد اهله على وشك الوصول .. وهي نازل شافته طالع من غرفة الجوهره ناظرت له بـ استحقار وبادلها بنظرات وترتها واتجهت للمطبخ وبنفسها : ما عليك منه ! اصلاً هو بنفسه قال لي اجلسي في بيت ابو سلطان .. وعد : الله يخليك مي : عشان احفادك طيب كم لك ما شفتهم ؟ وعد : ايلاف ما قد شفتها صح ؟ مس بتمثيل للصدمه : صدق يبه حفيدتك ما شفتهااا ؟؟؟؟؟؟ ابو سلطان بقهر : كله من ابوها ما صرت احب ادخل ذاك البيت وعد : يلا بليييز بابا بس ساعه ونرجع والله نشوف الجوهره وعيالها ونرجع مي : هاه شقلت ؟؟؟ ابو سلطان : ما ادري ب افكر مي بحماس : يس يس وقامت باست راسها ابوها وبحماس : يلااا وعددد ابو سلطان : ما وافقت مي بضحكة : ما نعرفك حنّا ؟ لو ما لك نيه قلتها لنا بالبند العريض لاا بس من بـ افكر يعني موافق !! وعد بضحكة : نعرفك لا تحاول وطلعو بسرعه قبل لا يغير رايه وهم متحمسين لان ما دخلو بيت اخوهم من ٤ سنوات .. وسلطان حب يجمع العائله عشان الجوهره لان على كلام الدكتور تعيش ايامها الاخيره ، صح ان الاعمار بيد الله لكن المرض اكل جسمها ... وهي تحب اهله مره ودايم تزودهم قبل مرضها و ولاده بنتها ايلاف .. عند باب ابو يزن .. تنهد ابو سلطان مهما قسى يبقى سلطان ولده الوحيد .. ام سلطان ابتسمت من قلب لها سنه ما زارات بيت ولدها على ان يفصل بينهم شوارع كلهم بنفس الحيّ .. فتح لهم سلطان واستقبلهم بكل حب وقبل راس ابوه رغم التوتر الي بينهم .. بعد السلام وتبادل الاخبار وعد : وين ام يزن؟ سلطان : تعبت شوي وبغرفتها نايمه . مي : وابتسام ؟ على صوت ابتسام طلعت من المطبخ : ياهلاا ياهلاا شرفتونا ونورتوناا .. ام سلطان : هلا بك زود وسلمت عليهم بكل حب وذوق رغم الخلاف الي بينها وبين سلطان.. سلطان : حياك يبه ام سلطان : ما في احد غريب اجلسو معنا ! ابو سلطان الي يفضل الجلسه مع بناته وزوجته بوجود سلطان : ابشري يا ام سلطاان .. سلطان تنهد بقهر كان يبي يكلم ابوه بموضوع انفصاله من ابتسام !! جلسو وكانو يتبادلون اطراف الحديث من اخبار العيال لـ اخبار الشغل .. ابتسام : عن اذنكم بـ اشوف شصار على تجهيزات الغداء مي : اذنك معك ياقلبي .. وهي تمشي للمطبخ والكل يسولف فجاءه استوقفها هدوء البيت صوت غادة بصراخ : بابا بابا سلطان وقف : سميَ يا ابوي غاده بتوتر : امي اصحيها ما ترد علي اقول لها جدي هنا ما ترد ولا تفتح عيونهاا ابتسام غمضت عيونها : لا يارب لااا ياااااارب لاااا سلطان وقف بخوف ما يبي يروح للغرفه ويشوفها !!! لااا مستحيييل هي قالت لي ب انام شوي !!! ان شاء الله ما فيها الا العافية متردد يروح يشوفها يمكن حتى انا ما ترد عليّ !!! ام سلطان استجمعت قوتها : لا تخافين يا ياقلبي امك تعبانه وبتنام شوي واللتفت لـ مي : تعالي ساعدني اتجهت لـ امها بخوف : سمي يمه الكل خايف ومتردد هم يدرون انها تعبانه وايامها قليله بس ما احد مستعد لـ فارقها هالحيين .. !! وعد استجمعت قوتها وقامت بهدو واتجهت للغرفه وبنفسها يارب احفظها ياااااارب لا تفجع عيالها وتفجعنا ياااااااارب فتحت الباب واتجهت بهدوء للسرير وبصوت متردد : الجوهرة ام يزن شافت ملامحها البارده من التعب توترت وبصوت اعلى : الجوهره مسكت يدهاا تبي تشوف النبض بس سرعان ما تركت يدها وبخوف انا لله وانا اليه لراجعون . وجلست بالارض بخوف وتوتر وهي تشوف غاده غاده بطفوله وما تعرف المعنى حرفياً لـ كلامها : ماتت امي؟ وعد مسكت غاده مع يدها وسحبتها لحضنها : ادعي لها بالرحمه ادعي لها بالجنه نزلت دموعها : ادعي لها ياغاده سلطان على دخوله سمع كلام وعدد وقف بصمود : !!!!!!!! وبنفسسه ماتت الجوهره !!! تقدم بخطوات ثقيله جداً لـ سريرها وشاف ملامحها الباااارده ! في بيت ابو يزن .. عم الهدوء والحزن بكل ارجاء المنزل غاده ويزن واقفين ومصدومين ليش عماتي يبكون ؟ ليش ابوي جالس بالارض ؟ ليش خاله ابتسام تبكي بالصاله ؟؟ وسط الهدوء صوت بكاء ايلااف بكل ارجاء المنزل .. قامت ابتسام بصعوبة وهي تتذكر وصيت ام يزن ع عيالها رفعت ايلاف من سريرها الي بالصاله وضمتها على صدرها وتمسح شعرها بحنان خلاص يا امي خلاص ياقلبي .. سلطان بصعوبة مد يده ورفع الغطاء على وجهه الجوهرة .. بس استوقفه صوت يزن : ليش بابااااااا وسحب الغطا من وجهه امه وبطفوله : ماما نايمه ليش تغطي وجهها ما تحب هي كذا سلطان سحب يزن لصدره ونزلت دمعه حاول يتجاهلها كثير بس ما قدر !!! يزن بصدمة : تبكي بابا ومسح دموع ابوه بيده الصغيره ابو سلطان جالس بعجز يشوف احفاده قدام جثه امهم ولكن مو ما عرفين ش صاير .. ! حسّ بتوتر وهو يشوف ولده يبكي بحضن ولده الصغير .. !!! وانقل نظره لزوجته " ام سلطان " بحضنها غاده وتبكي : الله يغفر لك يا ام يزن الله يغفر لك وعد ضامه رجولها لصدرها وتبكي بصوت مسموع اول مره تمر بموقف كذاا ، حسّت الدنيا صغيره صغيره ما تسوى لا خلاف ولا مشاكل ما احد يدري متى يومه ؟ ما احد يعرف متى يفارق الحياه ؟ اليوم جاييّن نزورها ونجلس معها لـكن المنية كانت اقرب منّا لها .. ابتسام ياااارب ياااارب اغفر لها وارحمهااا وكان بحضنها ايلاف الي هدت شوي بعد ما شالتها .. ابو سلطان بعجز : سلطان يا ابوك خد عيالك وروحو فوق يزن : لااا ابي مامااااا سلطان : خلونا نشوفها ومد يده بتوتر ليد الجوهره : خلونا نشوفها للمره الاخييييره . ابو سلطان : لاحول ولا قوه الا بالله . ام سلطان : مي خوذي غاده لغرفتهاا غاده : لاااا ابي بابا وماما ام سلطان بقلة حيله : لا حول ولا قوه الا بالله . مي انسحبت للصاله حست الغرفه تضغط عليها شافت ابتسام بحضنها ايلاف وتبكي اتجهت للباب بتطلع للحديقه ونزلت دموعها بغزاره وتنهدت ياارب ارحم موتنا وموتى المسلمين يارب اغفر لهم يااارب اربط على قلب اخوي سلطان وعياله يااارب ياااارب وجلست على الدرج عند الباب ونزلت راسها وبكت بـالم على زوجة اخوها والي بحسبت اختها .. الساعه ٢ الظهر .. وصلو الاسعاف واخذو ام يزن وبدو بـ اجراءات الغسيل والدفن .. سلطان جالس بالصاله وعياله بجنبه وهو يشوفها طالعه بالحاملّ غمض عيونها : ياااارب اغفر لها يااارب ارحمها ياااارب يزن : وين بتروح ماما ؟ غاده : بتروح للمستشفى ما تشوف الاسعاف سلطان سكت بتوتر : الله يرحمها ابتسام اخذ ايلاف لغرفتها بتنومها .. ثاني يوم العصر .. كان العزاء الرجال في بيت ابو سلطان والحريم في بيت سلطان . غاده بهمس : ليش كل الحريم لابسات عبايات؟ وعد بحزن : تكبرين وتعرفين يا ماما .. ابتسام كانت بحضنها ايلاف وبجنبها يزن نايم على كتفهاا .. ام مشعل كانت تتأمل بنتها وبنفسها : يارب ساعدهااا يارب وللحظة حستّ بالندم ابتسام بعدها صغيره . وهذا الترم اكيد تبي تعتذر بين هالظروف وين لها خلق تدرس ؟ الله يعين ويسااااعدد .. انا الي اقنعتها بهالزواج .. في قسم الرجال .. سلطان كان ينتظر اليوم يخلص يبي يشوف عياله بـ اسرع وقت .. سلطان : اجرنا واجرك ، جزاك الله خير وعلى انه مواصل وتعبان بس مضطر يقابل الكل لـ بعد صلاه العشاء .. في القصيم .. اروى : وين ؟ متعب : في شركة منزله اعلان وظايف اروى : وشغلك هالحين؟ متعب : اذا طلعت من الدوام اروح لسوق الخضرة اروى : طيب انا ابي اتوظف متعب : ايش؟ اروى : متعب والله عندي وقت فراغ ودي اشتغل واساعدك قاطعها بحده : ناقصك شي؟ كم تبين انا اعطيك اروى : متعب اسمـ قاطعها : اروى اخر مره تجيبن طاري هالموضوع واي شـي تبينه قولي لي ؟ وطلع وهو معصب على انها ما قالت شي ! بس هو متضايق لانه يشوف الحاله الماديه جداً سيئة .. اتجهه لـ الشركة المعلنه وهو كله امل يقبلونه على انه شهاده ثانوي فقط الجامعه ثالث مستوى وترك بعد وفاه ابوه ، وبعده بـ اشهر توفت امه وزادت المسوؤلية عليه .. حصه : شفيه متعب طلع معصب؟ اروى : قلت له ب اتوظف وعصب علي امل : ليش غريبه اروى : يقول الي تبينه قولي لي حصه : اف منه !! غصب الا يحمل نفسه مسوؤليه كل شي حتى انا فاضيه لو نسوي مشروع بالانستقرام ونساعده امل بحماااس : اي والله فكرررة اروى : اقول لك متعب راااافض امل بتافف : اذا رجع نكلمه كلنا بعد مرور ساعتين .. طلع من الشركة وهو متضايق لان ما قبلوه لان شهادته ثانوي .. على انه كان تخصصه اداره اعماله بس ما كمل للاسف .. !!! فكر يا متعب فكر وين ممكن تحصل وظيفه تقبلك بهالشهادة ؟؟ نهاية الفصل.... | ||||
|
| |
|
03-03-22, 10:33 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 3 في الليل في بيت ابو يزن .. بعد ما راحو الحريم كلهم بـ استثناء اهل سلطان الي فضلو ينامون عند ابتسام والعيال هاليومين .. دخل البيت والتعب واضح على وجهه ابتسام من شافته نزلت ايلاف واتجهت لـغرفتهم بسرعه سلطان لاحظ قومتها بسرعه وبنفسه معقوله وسط كل الي صار لسى زعلانه علي ؟ اُف يااارب ام سلطان : شلونك يا امي ؟ سلطان تنهد : ما عليّ ، عيالي وينهم ؟ ام سلطان : بغرفتهم وعندهم عماتهم سلطان : زين الحمدلله ، يلا عن اذنك تعبان ابي انام ام سلطان : اذنك معك .. اتجهه لغرفتهم وهو يحس بصعوبة كيف بـ اكلم ابتسام ؟ مستحيل اقول لها اجلسي بعد واجرح كبريائي مره ثانيه !! تنهد وفتح باب الغرفه وشافها تنزل ملابسه على الكنب والروب بيدها وواضح ما انتبهت لدخوله سلطان : احمم اللتفت له وبـ احراج : جهزت ملابسك سلطان استغرب تصرفها وهو كان متوقع انها زعلانه !! بهدوء : شكراً ما كان له داعي تتعبين نفسك . ابتسام بنفسها والله ما تستاهل اي شي بس تقديراً للظروف الي تمر فيها .. اتجهه سلطان ياخذ شور وابتسام نزلت تاخذ ايلاف عشان تنومهاا عندهاا . بغرفه عيال سلطان .. بعد ما نامو وعد بهمس : انا بـ انام مع غاده . مي : انا بـ انام تحت عند امي وعد : طيب مي طلعت بهدوء واتجهت للحديقه بتمشي شوي بعد هاليومين الطويله على كل العائله .. رفعت يدها وبخشوع : يارب اغفر لها وارحمها برحمتك يارب اجمعها مع عيالها بالفردوس الاعلى يارب . بغرفه ابو يزن .. طلع وهو يحس بتعب من امس مو نايم ابتسام بتوتر : تعال هنا اجفف شعرك عشان التكيف سلطان : ما يحتاااج واتجهه لسرير ابتسام ضربت برجولها الارض بقهر ما يستاهل قسم . سلطان من حط راسه على المخدة نااام بعمق لانه فعلاً تعبااااان . ابتسام صلتّ الوتر ودعت على سجدتها ان الله يغفر لـ الجوهره ويحننّ قلب سلطان ويصلح الحال بينهم .. وبعده اتجهت لسرير تبي تنااام لان بكرا اخر يوم عزاء .. بعد مرور يومين 💕 انتهاء العزاء على خير ، واهل سلطان رجعو لبيتهم بعد اصرار من سلطان بحجة وقول " انا وابتسام ننتبه لهم ما عليكم " ع ان ام سلطان كان ودها تعيش شهرين او ثلاث عند احفادها بعد موت امهم .. لـكن سلطان عارض وبشدده . يوم جديد بعد ايام العزاء كان البيت هدوء نزلت ابتسام وبيدها ايلاف واتجهو لـ الصاله سلطان كان جالس ينتظرها قبل لا يطلع لـ دوامه يبي يكلمها بموضوع ضروري .. ابتسام : صباح الخير سلطان : صباح النور ابتسام : خلصت اجازتك ؟ سلطان : ايه ، اذا فاضيه بـ اكلمك بموضوع مهم ابتسام جلست : نعم ؟ سلطان : انعم الله عليك ، من الاخر انتي ما قصرتي قابلتي العيال طول ايام العزاء ابتسام وكانها عرفت باقي كلامه تنهدت : ولو ما سويت شي ! سلطان بالم : قبل وفاه الجوهره اذا تذكرين قلت لك بعد الغداء اوصلك لـ اهلك ! والى الان انا عندد كلمتي ، اذا تبين الانفصال من هاللحظة ما عندي اي مشكلة ! ابتسام ناظرت لـ ايلاف بتأمل وبنفسها : كيف تتركينها لـ الخدم ؟ غاده الي ما تحب احد يدرسها غيرك انتي وابوها كيف بتتقبل الحياه؟ ناظرت للبيت وبنفسها مية سوال وسوال سلطان : مو لازم تردين علي هالحين فكري ومتى ما قررتي قولي لي وتاكدي انك مو ملزومه بالعيال ولا بالعيشه معي ؟ ابتسام هزت راسها بـ ايجاب لانها فعلاً محتاجة تفكير بقرار مصيري مثل كذا !!! في القصيم بيت " ام باسل " اخت ابو سلطان الوحيده .. حالتها الماديه مُتوسطه زوجها مسجون قبل ٦ سنوات بـ تهمة " ******* " وعايشه هي وعيالها " باسل ، نواف ، نجوى " بالصالـة .. () ام باسل : الله يصبر قلبه والله عياله يكسرون الخاطر باسل : زوجته الثانيه مو عايشه معهم ؟ ام باسل : الا والله مو مقصره طول ايام العزاء مقابله الحريم والعيال . باسل : الله يعين ووقف ام باسل : وين ؟ باسل : ابي اريح لي ساعتين قبل الدوام ام باسل : اخوك وينه؟ باسل : ايه صح اتصل علي بس نسيت اقول لك يبي ينام عن صديقه " علي " ام باسل : ما يترك حركاته اخوك ذا باسل : خليه ينبسط هاليومين اجازته على وشك تخلص ام باسل : الله يعين . اتجهه لغرفته يبي ينام وراحت ام باسل للمطبخ تجهز العشاء لعيالها " في الليل في بيت " سلطان " بعد ما نومت غاده ويزن وايلاف جلست تفكـر بكلام سلطان ومحتاره جداً القرار مصيري !! وصية الجوهرة ما زالت تردد بـ اذنها " عيالي امانه عندك " وتذكرت معامله سلطان السيئة ؟ تكملين معه عشان عياله ؟ ولا تنفصلين وترجع حياتك الطبيعيه عند اهلك ؟ تعبت من التفكير ونامت على الكنب الي بغرفة العيال .. الساعه ٢ في الليل .. () دخل سلطان وهو تعبان بعد يوم عمل طويل اتجهه لغرفة عياله قبل لا ينام يبي يتطمن عليهم فتح الباب بشويش وطاحت عينه على ابتسااام نايمه على الكنب استغرب وقرب منها ولـاول مره يتأمل ملامحها من قرب كذا .. كانت ملامحها بريئة جداً وبنفسه تكفين ابعدددي عني تكفين لا تكملين معي .. انا مستحيل بيوم بـ احبك او بـ اعاملك زين لا تضيعين عمرك معي وتندمين بعددددين .. قرب منها وبهمس : ابتسام ابتساااام ابتسام فزت بسرعه : هلا وتعدل الروب بسرعـه سلطان : شفيك نايمه هنا ؟ قومي يلا لغرفتنا ابتسام بضياع : هاه يلاا وقامت بصعوبـة على ملامحها النوم واتجهت لـ غرفتها سلطان جلس على نفس الكنب وكان يتأمل عياله .. تنهد من اول يومين يالجوهره اواجهه صعوبة ، كنتي الام وكل شي لهم بهالحياااه ، الله يعيني على الايام الي جايه ابتسام اتجهت لسرير ونامت علطول لانها كانت فعلياً تعبانه سلطان جلس شوي بغرفه عياله بعدين صل الوتر واتجهه للسرير يبي ينام .. في القصيم تحديداً بيت متعب .. () دخل وانصدم من وجود خواته كلهم بالصاله ! متعب رفع ساعته يبي يتاكد من الوقت وانصدم الساعه ١ !!! متعب بتوتر : شفيكم ؟ امل : ما في شي ، بس نبي نكلمك بموضوع اذا ممكن ؟ متعب زاد استغرابه : سميّ ؟ اروى : اجلس اجلس .. متعب : لا تخوفوني !! اروى : لالا ما في شي يخوف بس انت اجلس متعب نزل جزماته عند الباب ودخل بعجلة : اسمعكم اروى : متعب اسمع ولا تعصب نعرف انك من الصبح لليل تطلع ومو مقصر معنا ابد بس متعب تنهد : الشغل مره ثانيه؟ حصه : ايه وهالمره كلنا نبي نشتغل !! امل : ايه نفتح متجر بالانستقرام طبخ ولا وسيطة للمواقع الاجنبيه ولا اي شي اروى : كلنا نتسااعد والله بنت جيران " رنا " عندها متجر ******* وتقول الحمدلله دخله زين !! متعب : خليكم من المتاجر والشغل انا من بكرا بـ ادور لي وظيفه اروى : متعب !!!!! متعب وقف ما يبي يناقشهم اكثر : الي عندي قلته ، شغل لا خليكم بدراستكم وشهايدكم افضل لكم . اروى : بس متعب : تصبحون على خير .. واتجهه لغرفته تارك خواته مقهورين لان ما في مبرر لـ رفضه ابداً .. !! يوم جديد .. () في القصيـم .. دخل نواف وبيده اغراض بالمطبخ ام باسل : هلا هلاا نواف : هلابك يالغاليه . ام باسل : يا وليدي ليش مكلف على نفسك نواف : لا كفاله ولا شي وانا جاي شفت متعب على الطريق وماشاء الله الخضار طازجة ام باسل : الله يرزقه ويوفقه يارب .. نواف : يمه ما لهم خوال ولا اهل ؟ ام باسل : والله ما ادري بس اذكر لهم عم كان يزورهم بعد وفاه ابوه نواف : ما ادري والله ما قد شفت احد عندهم .. ام باسل : بس ترجع اختك من دوامها نبي نروح نسلم عليهم نواف : يمه اذا محتاجين شي انا بالخدمة ام باسل : ادري فيك ما تقصر يا وليدي بس اروى مستحيل تاخذ اي شي .. نواف : الله يعين ، عاد انتي شوفي ادا ناقصهم شي منّا ولا منّا اجيبه عند باب بيتهم مو لازم يعرفون انه منّا . ام باسل : يصير خير . في بيت سلطان .. () اتجهت لمكتب سلطان الخاص طقت الباب مره ما وصلها رد !! طقت مره ثانيه ما وصلها رد تقدمت وفتحت الباب وشافته موجود بالغرفه !!! سلطان بحده : بأذن مين تدخلين؟ ابتسام بتوتر : طقيت وشكلك ما سمعت سلطان : لا سمعت ! ومره ثانيه اذا ما وصلك رد من ثاني مره لا تدخلين ! ابتسام تنهدت : ان شاء الله ، هالحين ممكن ادخل ؟ سلطان : بسرعه عندي شغل ! ابتسام بتوتر تقدمت : سلطان انا فكرت بكلامك الاخير سلطان بنفسه تكفين لا تجلسين معي تكفين لا تكملين معي ... ابتسام : وصية الجوهره بقلبي وعقلي ومستحيل ابعد عن عيالها فـ قررت اكمل معك الحياه بحلوها ومرها سلطان من غير اي رده فعل : تمام ابتسام انصدمت كانت متوقعه رد اللّطف من كذا !! سلطان بجلمود : اذا خلص كلامك تفضلي وتذكري ان هذا قرارك انتي ! ابتسام انسحبت لان للحظة كان ممكن تغير رايها !!! وبنفسها معقوله ذا بشر طبيعي ؟ الله يرحمك يالجوهره !! وبنفسها انا لازم اتغير مستحيل اسمح له يعاملني كذا !! انا مو مربيه او خدامة عنده .. انا زوجته على سنه الله و رسوله !! في بيت متعب .. اروى : ياحي الله خالتي ام باسل حياك حياك ام باسل : الله يحييّك اروى : شلونك شخبارك ؟ ام باسل : بخير الله يسلمك يارب . اروى بتساؤل : وين نجوى ؟ ام باسل : والله رجعت من الدوام تعبانه ونامت اروى : ياقلبي الله يعين .. شوي دخلو امل وحصه وسلمو على خالتهم ام باسل الي كانت صديقه امهم ، وجارتهم من زمااان .. ام باسل دايماً كانت معجبه بـ اروى وتتمنى تكون زوجة لـ نواف او باسل بس كلهم رافضين الزواج بحجة ان باقي صغار على الزواج على ان أعمارهم تتراوح ما بين ٢٦ الى ٢٨ ! في فرنساا .. لبست حجابها وكانت طالعه بعجله ابو يوسف : وين يا بنيتي ؟ رغد : للمكتبه ابو يوسف : هالوقت ! رغد : تو تذكرت الدكتور طلب منا نبحث عن شغله وما حصلت المعلومه كامله بالكتب الي عندي ابو يوسف تنهد : انتظري انا بـ انزل معك الوقت متأخر رغد : لالا ما يحتاج يبـه نص ساعه وارجع هذاهي المكتبه قريبه ابو يوسف تنهد : حافطك الله يا بنيتي . فتحت الباب وزادت خطواتها تبي توصل المكتبه بسرعه .. على انها متعوده على اجواء الغربة لـكن ما زالت تخاف اذا تاخر الوقت وكانت لحالهاا .. كانت تمشي بسرعه وعلى وشك الوصول للمكتبـه فجاءه حست بجسم طويل يقطع طريقهااا وفجاءه حست بيده تلتف على رقبتهاا غمضت عيونها من الرعب .. ما تبي تفتح وتشوف من هو او ليش مسكها شنطتها بيدها علطول طاحت بالارض لانها تعرف مقصد " السارق " الفلوس او المجوهرات فـ تركت الشنطة بـ استسلام .. " الحوار بالانجليزي طبعاً لـكن بـ اكتبه بالعربي " فهد : ابتعد عن الفتاه !!!!!!!! السارق : ابتعد انت اولاً وانا سوفا اترك الفتاه في حال سبيلها . فهد جن جنونـه : لن اطلب الشرطة تستطيع الذهب !! السارق ضحك بسخرية : ضمانتي الفتاه .. هل تريد اللاحق الضرر بها ؟ وشدد على رقبتها بكل قوه والسكين بيده الثانيه رغد صرخت بقوه : اههه وحاولت تبعد عنه لان من الحوار استنتجت بـ اي وضع هي !!! شد عليها بقوه وسكتت من الالم فهد بعصبيه : ابتعد عن الفتاااه .. السارق : اذهب من هنااا الان انت والذي معك ، وشد شعرها بـ استحقار : لا عليك سوفا اتركها فهد : حسناً نبتعدد من هناا ولكن تترك الفتاه !! السارق : ابتعدد هيا الان !!! فهد بدت ترجع خطواته وراا الى بدايه الشارع والسارق خطواته ترجع للخلف يتلفت يبي تاكسي .. من حسن حظ رغد وقف له تاكسي السارق بهمس : امشي معي طبيعي الى باب السياره اذا ركبت اهربي تمام ؟ رغد الي تحس رجولها مو شايلتها من الخوف : تمام تقدمو من السيارة .. و ركب التاكسي وقفل الباب بسرعه وبصرخة : بسرررعه . رغد جلست على رجولها مو مستوعب الي صار بدت تبكي بصوت مسموع معقوله عدا الموضوع وانا بخير؟ قبل دقيقه كنت عرضه للسرقه او الخطف او الموت فهد جا يركض يبي يشوف ش صار لها لانه يحمل نفسه المسوؤلية : هل تتألمين من شي ؟ رغد كانت بحاله مزريه وتلقائياً تكلمت بالعربي : لا الحمدلله وتداركت نفسها وتكلمت بالانجليزي لا وحاولت تقوم بصعوبه فهد انصدم انها عربيه !!! مد يده وساعدهاا وقفت واتجهت لـ اقرب كرسي .. فهد : اجلسي هناا بـ اجيب مويا وارجع تمام ؟ () فهد : اجلسي هناا بـ اجيب مويا وارجع تمام ؟ رغد توسعت عيونها : سعودي بعدد !! فهد اتجهه لـ اقرب ماركت مفتوح واخذ مويا ورجع لهاا ركض .. رغد حاولت تستجمع نفسها وتعدل حجابها اخذت شنطتها وكانت بـ ترجع للبيت فهد وقف قدامها فجاءه : المويا رغد ببكا : لا شكراً فهد : اعتذر والله ما كنت اعرف انه يبي يسوي كذا ولا سامحته بالي اخذه مني !! رغد بخوف تتلفت وراها بصمت فهد : وين بيتك ؟ رغد : قريب من هنااا فهد : اوصلك سيارتي هنا ؟ رغد رفعت عينها بصدمة وبنفسها يارب احفظني من هالعيناات يارب. بعد عنه وزادت بخطواتها فهد : لو سمحتي أ قاطعته بحد : بعددد عنيَ يااا ********* فهد انصدم من رده فعلها وبنفسه بسم الله شفيها ذي !! هذي جزاتي ابي اساعدها !! رغد كملت طريقها بسرعه وبنفسها الـ ****** يستغل الفرص قال ايش قال اوصلك بسيارتي الـ ******* اعرفك اناا فهد بنفسه : حمدلله والشكر . كمل طريـقه لشقته الي في بدايه الشااارع .. في بيت ابو يوسف .. () دخلت بهدوء واتجهت لغرفتها علطول ما تبي تقابل ابوها او اخوها لان اثار البكي واضحة جداً على ملامحها ومن حسن حظهاا ان يوسف ما بعد رجع وابوها نايم .. عند فهد دخل شقته وقفل الباب كويس وتنهد : الحمدلله عدا على خير ولا صار فيها شي بسبتي ! بدل ملابسـه واتجهه لـ السرير بكرا وراه يوم حافل بـ يقدم لـ محاضرة اضافيه للمبتعثين وتحديداً تخصص جراحـه .. في الرياض .. () دخل من الدوام معصب من ضغط الشغل وشاف غاده نازله وبيدها قطعه شوكليت سلطان بصراخ : ابتساااام ابتسام قامت بسرعه واتجهت لمصدر الصوت : هلا سلطان قرب من غاده وسحب الشوكليت : اظن يا ام يا متعلمه ما يصير الطفل يمشي بالبيت وياكل !!! غير ان انا مااانع هالاشيااء وبين الواجبات سناكات صحيه فقط !!! ابتسام بنفسها كل ذا عشان غاده تاكل شوكليت ؟ حمدلله والشكر .. سلطان قرب منها وفتح يدها ونزل الشوكليت : فهمتي النظام ؟ ابتسام ببرود : طيب . كمل طريقه للدرج وهو معصب جداً لازم ابدا معها من الالف واعلمها كيف تربي عيالي وتنتبه لـ اكلهم وجدول تمارينهم اُف بس !!!! غاده رجعت لغرفتها وبعيونها دموع مقهور ابسط الاشياء ابوها مانعهم منها .. ابتسام رجعت للمطبخ وبنفسها هذا صاحي او مريض ؟ يحسسني عايشين بمعكسر مو بيت !!!!!! اُف الله يعينك يا ابتسام شكلك ما شفتي شي !!! يوم عن يوم انصدددم فيه اكثر ! كيف الجوهره عاشرته ٨ سنوات !! في القصيـم .. () ام باسل : نجوى نجوى نجوى نزلت بعجله : شفيك يمه ؟ ام باسل : خالك جاي نجوى اتسعت عيونها فرح : صدددق !! ام باسل : ايه والله كلمني يقول عندي شغل بالقصيم ونبي نجلس عندكم نجوى بفرح : ياهلابه .. واتجهت للمطبخ تجهز قهوه **** يحبها خالها ابو سلطااان مره .. في بيت متعب .. () دخل وهو متضايق جداً من الوضع الي هو فيه ٤ شركات كلهم رفضوه اليوم .. !! اروى : متعب ؟ متعب : هلا اروى : شفيك سلامات ! متعب : لا ولا شي بس تعرفين الجو حر هالايام اروى : ايه والله ، الله يكفينا حر جهنم متعب : امييين ، وين البنات ؟ اروى : بغرفتـهم جالسين متعب : طيب جهزي القهوه وتعالو نجلس بعد الصلاه بالحوش برا .. اروى : ان شاء الله ابشر واتجهت للمطبخ تجهز القهوه وبتقول لخواتها .. () في الرياض .. () في مجلس ابو مشعل كان دايماً عزومات وضيوف عند ولده مشعل بحكم مركزه الاجتماعي .. دخل مشعل وهو معصب : ولدك هذا وينه ؟ ام مشعل : بغرفته يرسم مشعل تنهد بغضب : لاحول ولا قوه الا بالله ، المجلس فل رجال وولدك جالس يرسم بغرفته !!!!! ام مشعل : يا وليدي لا تضغط عليه ما يحب ش يسوي !! مشعل : انا اتفاهم معه . بالغرفه ... () كان مشغل موسيقى هاديه ويرسم برواقان فجاءه قاطع حبل افكاره صوت مشعل الحاااد : تستهبل انت !!!! نادر : عفواً؟؟ مشعل : تحت الكل يسال عنك تفشلت ما ادري ش اقول !!!! وانت بكل بساااطة جالس ترسم نادر ما يبي يناقش اكثر : طيب خلاص انا انزل شوي مشعل قرب منه : شفيك يا نادر شفيك !!!! والله ما كنت كذااا !!! نادر ما يحب احد ينقاشه بذات هالموضوع : خلاص يا ابو رفيف قلت لك هالحين انزل .. تنهد مشعل بقهر على اخوه الانطوائي ! ما يحب يجلس مع احد ولا يسولف مع احدد !! هذا طبعه من زمان بس مع تقدم العمر زايد مره !!! نادر ما يحب يختلط بذات مع معارف اخوه مشعل الي ما يخلصون ودايم مجتمعين عندهم .. ! نهاية الفصل.... | ||||
|
| |
|
03-03-22, 10:56 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 4 يوم جديد على ارض فرنساا () ابو يوسف : متى رجعتي امس ؟ رغد بتوتر نزلت الخبز : ما ادري بس ما طولت ابو يوسف : كنت انتظرك والله بس غلبني النوم ونمت رغد ابتسمت : عوافي يالغالي وبتذكر : ايه صح يبه ابو يوسف : سمي ؟ رغد : فيه دكتور بيلقي محاضره اضافيه بعد العصر بـ احضرها لا تنتظروني على الغدا ابو يوسف : خير ان شاء الله . اخوك وينه ؟ رغد وقفت تعدل حجابها : والله ما ادري من صحيت ما شفته يلا مع السلامه ابو يوسف : فمان الكريم . بـشقه الدكتور فهد الـ ****** كان يراجع وللمره الاخيره لان عنده زياره بالمستشفى لـ امه ومنها بيطلع للكليـة .. () وهو طالع استوقفه صوت سيف : قهوتك فهد فهد بـ ابتسامة : تاخرت على الوالده والله سيف بخيبه امل : نتقهوى اذا رجعت فهد : ان شاء الله ولبس الكاب واتجهه لسيارته .. في القصيم .. () ابو سلطان كان بطريـقه لبيت اخته واستوقفه الشباب الي على الطريق خضار وشاي جمر وتمور ابو سلطان للسواق : وقف هنا هز راسـه بـ ايجاب : ان شاء الله نزل ابو سلطان بخطواته الواثقه رغم تقدمه بالسن .. شافت متعب من بعيد ورفع يده : شلونك ابو محمد متعب الي متعود يشوفه من كان صغير: هلا هلا ابو سلطان ابو سلطان : شلونك شلون الاهل ؟ متعب : بخير يا جعلك بخير ابوسلطان يناظر للخضار : ماشاء الله ، الله يزيدك من فضله ورزقه متعب تنهد : اللهم امييين . امر ياعمي شتبي احط لك ؟ ابو سلطان : والله ما ادري حط لي من التفاح كيلو ووو الخ متعب : ابشر وبدا يحط له من كل شي موجود عنده وهو مبتسم وبنفسه الحمدلله .. ابو سلطان : يعطيك العافيه يا وليدي متعب : الله يعافيك ويطول بعمرك . واخذ الاكياس لـ سياره ابو سلطان ابو سلطان بـ احراج : ما له داعي تتعب نفسك السواق موجود متعب بـ ابتسامه : ما به تعب وحنّا اهل جمايل ام باسل على راسي والله . ابو سلطان ابتسم وركب سيارته متعب رجع لمكانه وحط الفلوس بجيبه وبنفسه ماشاء الله يا ***** الله يزيدكم ويرزقنا .. في بيت ام باسل .. () ام باسل : ياهلا ياهلااا ابو سلطان : هلا بك وسلمت عليه ام باسل بعتب : ليش مكلف على نفسك ؟ ابو سلطان : شفت متعب على الطريق قلت اخذ منه خضار وفواكه طازجة ام باسل بحب : الله يوفقه وبتذكر : ذكرني بالليل اقول لك شي بخصوص متعب ابو سلطان : شفيه ؟ قاطعتهم نجوى : خالي القهوه ابو سلطان بضحكة :يلا يلا جايين هالحين . في فرنسااا ... () بدا تجمع الطلاب بالساحه الخارجيه والتنظيم بكل مكان رغد كانت مبسوطه جداً لان البروفيسور عربي وتحديداً سعودي وسط اعجاب كبير من زميلاتها الغير عربيات بـ انجازات البروفيسور فهد الـ ****** على مستوى فرنسا بـ " الجراحه " بعد لحظات صار فيه اصوات واثاره اعجاب من البنات رغد شدها الصوت ورفع راسها بتشوف ش صاير ؟ وكان كل ذا بسبب دخول البروفيسور !! فهد دخل بخطواته الواثقه الي تجبر الموجودين النظر لـه .. تقدم للمكان المخصص لـه وهو متعود على الاجواء والهمسات الي يسمعها دايماً .. () فهد بـ اسلوب واثق رحب بالجميع وشكرهم على حضورهم وممنتن جداً للوقت الي اجتزئوه من يومهم لحضور المحاضره .. () فتح الاوراق الي بالشنطه ونزل النظارة الشمسيـه ورفع راسه بـ يبدا بالمحاضره رغدد انصدمت !!! مستحيييييل !! الا الا والله نفس الصوت وركزت بالعيون .. ! والله هو ! و بـ شمئزاز وهي تتذكر كلامه امس !!! طلع هو البروفيسور !!!! تمنت انها تقدر تطلع بس ما تقدر لان هي الي اقنعت صحباتها يجو معها هنا !!! فهد كان يتكلم بـ اخلاص ويقدم كل معلومه ممكن تفيد الخريجين او الي يحظرون للماستر او الدكتوراه كان يحاول يتكلم بالمختصر والمفيد رغد من الاشمئزاز كانت تناظر له بـ استحقار وبنفسها الناس مخدوعه بالمظاهر الحمدلله والشكر .. بعد انتهاء المحاضره الي الكل تمنى انها تطول بـ استثناء رغد .. ! بدا تجمعات الطلاب والطالبات حول فهد وتقديم الشكر والبعض يطرح بعض الاساله .. () رغد : يلا بنطلع ؟ زميلتها ايمان : لا بلييز بدنا نسلم على الدكتور فهد رغد بتوتر : يوه زحمه مره ايمان بنتاخر !! ايمان : تعالي تعالي رغد بتمنع : لالا خلاص روحي بروحك انتظرك هنا ايمان تنهدت بعصبيه : يلا امشي وسحبتها مع يدهاا رغد ما تبي تفتح لنفسها باب اساله خصوصاً ان ايمان انسانه شكاكه مره واسالتها ما تخلص !! بعد ما راحو الطلاب .. ايمان : شكراً دكتور ما قصرت فعلاً استفدنا كثير فهد بـ ابتسامة : العفو ولو .. ورفع عينه وانتبه لرغد الي تناظر لـه بـ استحقااار !! فهد بنفسه معقوله هذي هي !!! ش جايبها هناااا !!! فهد بتساول لـ ايمان يبي يعرف ايش وضعها : تخصصكم جراحة ؟ ايمان : ايه انا احضر للماستر وهذي الدكتوره رغد الـ ****** تحضر رساله الدكتوراه رغد غمضت عيونها بقهر ما تبي يعرف عنها اي شي فهد : ماشاء الله ، بالتوفيييق واي شي يصعب عليكم انا بالخدمة وناظر لـ رغد بـ ابتسامة سخرية وكمل طريقه .. () ايمان للحظة شكت : تعرفينه ؟ رغد بتمثيل للصدمة : لااه !! في القصيم .. () نواف : شرايكم بعد العشاء نروح للمزرعه ؟ نجوى بحماس : اييييه بلييز من زمان ما طلعنا لها ابو سلطان : كيفكم والله . ام باسل : خلاص اجل ب اجهز زمزميه قهوه ناخذها معنا باسل : بـ اكلم ( **** ) يشوف لنا الوضع قبل لا نوصل نواف : ما عليك مرتب كل شي قبل يومين كنت فيها نجوى : نطول ؟ ابو سلطان : انا بكرا الصبح عندي شغل بعنيزه لازم ارجع نواف : وانا دوامي بعدد . نجوى بتافف : يلا ننبسط الليله ولنا رجعه بالويكيند ابو سلطان : خير ان شاء الله .. علاقتهم مع خالهم مره حلوه وابو سلطان يشوفهم عائلته الثانيه ودايم يزورهم بشكل مستمر .. في الرياض .. () في بيت سلطان تحديداً نزلت من السياره وكانت واثقه ان ما في احد موجود غير اخوها بالبيت فـ ماخذه راحتها مره !! فتحت لها الشغاله ونزلت عباتها ومدتها للشغاله واتجهت للمرايا الموجوده على اليسار عدلت شعرها الطويل وزادت من عطرها الممُيز دائماً ... () ابتسام كانت تبدل لـ ايلاف ملابسها وتساعد غاده على تسريح شعرها ونست ان وعدد على وشك الوصول .. !! وعد اتجهت للصاله بما انها مو غريبه بيت اخوها وهي تمشي حستّ بـ احد يتحرك بالصاله كان واقف عند الشباك المطل عند الحديقه قربت منه بشويش وهي تظن انه اخوها سلطان !! وعدد بخفه ضربته على كتفه وبهمس انوثي : ش عنده الحلو ؟ هنا مشعل حس الدم توقف بعروقـه من الصدمه !!!! اللتفت لها وبتوتر : احمم وعد انصدمت صدمة عمرهااا !!!! فيسها قلب احمر وعيونها دمعت علطول وحست الثواني طويله جداً !! على ان مشعل نزل عيونه بالارض ورجعت خطواته ورا بسرعه استدرك الوضع وسحب نفسه علطول من الصاله وطلع برا البيت بكبره !! وعد الى الان مصدومة !! كيف كيف ونزلت دموعها بـ احراج وخجل !! كيف لبسي كذا !! لا عبايه ولا حجاب مو اقل من عتب مشعل لـ نفسه !! الواحد يتصل قبل لا يجي مو يدرعم فجاءه !! حتى لو بيت اختك !! هذاهي عندها ضيوف !! وتذكر كلمتها ؟ معقوله ذي من خوات سلطان ؟ ايه اكييد عشان كذا كانت ماخذه راحتها وتظن اني اخوهااا !! وجا طيفها في باله ماشاء الله ملاك مو بنت واستدرك نفسه استغفرالله استغفرالله ، الله يستر عليها اماا وعد جلست بعد ما استجمعت نفسها ومسحت دموعها قبل لا تجي زوجة اخوها " ابتسام " وبنفسها فشله !! ش بيقول عني هالحين اتمشى وكانه بيتنا ! اكيد اخ ابتسااام .. !! بالمزرعـه بعد ما راحو العيال يتمشون ونجوى كانت تصور وتسولف مع صحباتها ... () ام باسل بهمس : ابي منك خدمة صغيره يا ابو سلطان ابو سلطان بحميه : انتي تامرين ! ام باسل : ما يامر عليك عدو تنهدت بخجل : وللله ما ادري من وين ابدا ابو سلطان : شدعوه يا نوره !! اخوك انا امري بس ام باسل : متعب ولد جيرانا قبل اسبوع كنت عندهم واخته تقول ما بقى شركة ما قدم عليها الا رفضوه ابو سلطان : بيترك سوق الخضره يعني ! ام باسل : لالا وين ، بس يبي وظيفه مسائيه تزيد من دخله اذا في مجال توظفه عندك لو امن هو راضي ما عنده مشكله ابو سلطان : وش شهادته ؟ ام باسل : الي معه ثانوي بس درس سنه تحضيريه والتمريض ما كمل فيه من ثاني مستوى حول لـ اداره اعمال وما باقي له كثير عن التخرج بس من وفاه ابوه ترك كل شي ! ابو سلطان بذهول : ماشاء الله يعني دراس اداره ؟ ام باسل : وامه كانت تقول معدله ماشاء الله ٤،٥ ابو سلطان بتعجب : اذا على كذا يكمل و بوظفه بـ احسن منصب ! ام باسل : ما يقدر يا ابو سلطان الولد يبي يوفر لـ خواته حياه كريمه ويشتغل ليل ونهار ابو سلطان بتفكير : مع هذا انا بـ اكلم ****** يشوف له وظيفه زين على حسب موؤهلاته ام باسل : الله يرضى عليك ويوفقك يارب .. ابو سلطان بتساؤل : ايش هو من ولد ؟ ام باسل : والله الكل يمدح بـ اخلاقه وصدقـه رجال ثـقه ما عليك .. ابو سلطان : على خير بكرا بـ اكلم ***** و هو بيرشح له المكان الافضل . في بيت سلطان .. () كانت وعد تلعب مع عيال اخوها وتحاول تنسى الي صار ابتسام : وعد فيك شي ؟ وعد بتوتر : لااه ابتسام : تـ قاطعها صوت سلطان بحده : ابتسام !!!!!! ابتسام غمضت عيونها وبنفسها اجمعي صبر يا ابتساااام !! سلطان : ابتساااام ابتسام بنبره غضب : يلا جاايييه وطلعت له عند الصاله سلطان : ماشاء الله جالسه هنا ويزن بالمسبح لحاله !!! ابتسام : لحاله ؟؟ والمربيه ولا ما شفتهااا ؟؟ سلطان بغضب : انتي مسوؤله عندهم ابتسام بغضب : والله ما عرفتا لك مره انا مسوؤله ومره انا ما اعرف اربي سلطان بغضب : انتي هـ قاطعتهم وعد : استهدو بالله يجماعه وجهت كلامها لسلطان : ولدك ازعجها يبي المسبح وايلاف تبكي فـ قالت للمربيه تنتبه له ! سلطان بحده : هي وش شغلتها هنا ؟؟ مقابلاتك وتسولف هذا شغلها ابتسام : ايلاف كـ قاطعها بحده : لا تعتذرين بـ اعذار سخيفـه ابتسام اتجهت للدرج وهي تحاول تكتم دموعها من القهر !!! وعد قربت من سلطان وبصدمة : شفيك تعامل البنت كذا ؟ حرام عليك مو كفايه تركت دراستها عشانهم !!! سلطان بتوتر : ....... تابـع الحوار ... () وعد قربت من سلطان وبصدمة : شفيك تعامل البنت كذا ؟ حرام عليك مو كفايه تركت دراستها عشانهم !!! سلطان بتوتر : تذكري ما احد اجبرها بشي ! ولو تبي بيت اهلها تروح هالحين وعد بصوت عالي شوي : شفيك انت ؟ وش تروح لبيت اهلها ؟ تراها زوجتك !! مو على كل شي تافه بتهاوشها كذا !! سلطان تجاهل كلامها واتجهه لمكتبـه وبنفسه ؟ انا كنت حريص لهدرجة قبل وفاه الجوهره ؟ او وجود الجوهرة تنتبه لكل شي ؟ او عشان انا مو متقبلها بحياتي و اتعامل معها كذا ؟؟ سلطان بحيره : اُف يارب !!!! وعد جلست عند ايلاف بنفسها الله يهديك يا سلطان الله يهديك !!! والله ابتسام ما تستاهل !! بعد مرور يومين .. () بالقصيم دخل متعب وبصوت عالي : اروى حصـه امل وينكم طلعت له اروى من المطبخ وبيدها فوطه وصحن وبتوتر : شصاااير !!! متعب : ابشررررركم ابشررركم حصلت وظيفه ولا وظيفه زينه بعدد اروى بصدددمة : احلللف متعب : والله والله وبدت يرقص بـ استهبال من الفـرحة على دخول حصه وامل راجعين من بيت ام باسل .. () امل بضحكة : شفيكم متعب : حصلت وظيفه ابشركم امل تقدمت له بفرح وضمته : جددد ؟؟؟ متعب : شفيكم والله حصه : الحمدلله الحمدلله .. متعب : وخمنو عند مين ؟ حصه : بنك ؟ امل : قطاع خاص اكيد !! متعب : عند ابو سلطان اروى بعدم تصديق : اخو ام باسل ؟ متعب : ايه اليوم اتصلو علي من شركة ******* وقالو لي بكرا جيب ملفك وباذن الله الوظيفه مضمونه اروى : يا جعله بالجنه البارده ووالدينه يارب .. () متعب : امييين يااارب .. في فرنساااا .. () يوسف : يبه انا اجلس عندهااا انت روح تونس مع عمي وعمتي اسبوع اسبوعين ابو يوسف : ما ارجع الا مع بنتي ! رغد : يبه والله انا مطوله باقي ٣ سنوات !! واقرب اجازه بعد ٦ شهور ! ابو يوسف : خلاص نروح بعد ٦ شهور ؟ يوسف : على راحتك انا والله ودي تروح لـ اهلك وناسك تتوتس وترجع لنا ابو يوسف : انا مرتاح هنا واخواني بخير مع عيالهم .. يوسف : الي تشوفه يالغالي . بـعد مرور ٣ سـنوات 💞 وهنا البدايـه الفعليـه للاحداث والشخصيات ... () والبارتات السابقه ما كانت سوا تعريف بالشخصيات ونبذه بسيط للاحداث .. () 💛 على ارض فرنساااا .. () دخلت بعجلـه لـ الكلاس بسبب زحمه الطريق تاخرت 8 دقايق .. () فهد : كم الساعه ؟ طالبه : 9:08 فهد : وانا متى دخلت ؟ الطلاب : 9:00 فهد تقدم للباب وبنبره غريبه : 8 دقايق يا استاذه رغد ؟؟ رغد بـقهر : كان فيه زحمه مره عشان ******** فهد رفع حجابـه : هذا مو عذر ابد تقدرين تطلعين بدري وتتفادين تاخر زحمه الطريق رغد بنفاذ صبر : ادخل ولا ؟ فهد : تفضلي واخر مره ما تكرر وجهه كلامه للكل : ما احد يدخل بعدي تمام ؟ ورجع يكمل الشرح .. رغد جلست وتضرب رجولها بالارض بقهر !! من سوء حظها اخذت هالماده عند فهد ! ومن اول المستوى وهو مستقعد لها ويحاول يحرجها من عرف انها طالبه عنده !!!! في القصيم تحديداً بيت متعب .. () في نفس المكان لـكن مع ترميم واثاث جديد صار بحاله افضل .. ! اروى طلعت من المطبخ بعد ما خلصت الغدا وكانت بـ انتظار اخوانها () متعب كان جداً ملتزم بعمله وحصل على ترقيه قبل سنه بمنصب افضل من السابـق .. () وحصه طالبه امتياز في مستشفى الـ ********* كـ ممرضة .. وامل انقبلت تخصص علم نفس اكلينيكي مستوى ٦ .. () اروى تناظر للساعه وبنفسها بـ اخذ لي شور سريع قبل لا يرجعون واتجهت لغرفتها .. () في حي قريب من بيت ابو متعب () باسل : يمه متى تكلمينها ؟؟ ام باسل بـ ابتسامة : هاليومين باسل : لك اسبوع تقولين لي هاليومين ام باسل : شفيك مستعجل ؟ وين الي ما يبي الزواج باسل بتوتر : هذا كلام اول هالحين ابي اتزوج وابي استقر ام باسل بضحكة : شايفها منا ولا منا ؟ باسل بسرعه : لا والله حتى ما قد سمعت صوتها ام باسل بضحكة : ياجعلها من نصيبك . باسل بنفسه ياااارب الله يسمع منك واريحّ قلب متعب ... !!!!!!!! تنويـه .. () باسل ومتعب كانت علاقتهم سطحيه لـكن اخر ٣ سنوات تغير الوضع وصار متعب من اقرب وافضل اصدقاء باسل ! نهاية الفصل.... | ||||
|
| |
|
03-03-22, 11:22 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 5 في بيت ابو سلطان .. () وعد : يمه تكفييين خلاص والله تعبت ! ميه مره اقول لكم مستحيل اخذه لو اخر رجال بهالحياه !!! ام سلطان : يا امك الرجال شاريك ولا وين تحصلين واحد يخطبك ٥ مرات !!! وعد : يمه ٤ مرات مطلق ، واضح ماخذ الزواج تسليه وبعده يطلق بنات الناس ؟؟ ام سلطان : لا اله الا الله !!! الرجال كبر واكيد تعلم من اخطائه وبعدين يمكن العيب من الحريم مو منه !! وعد بـ انفعال : بالله ؟؟ ليش يمه دايم تحاولون تبرونه من افعاله ؟ طلق اربع ٤ بنات ؟ مو حرام عليه ؟ ولا عشانه رجال عااادي والكل يحط السبب ببنات الناس ومشعل لاااا كامل ما يخطي ولا يظلم ووقفت وهي معصبـه : غيرو هالفكرة غيروهااا ، مو كل شي على البنت المسكينه الي بتتحمل كلام المجتمع عنها عشان واحد مريض و ****** ماخذ الزواج والطلاق لعبه ؟؟؟ ام سلطان : هدي هدي شفيك عصبتي !!!!!! وعد بـ انفعال : من تخلف المجتمع من التفكير الغبي يعني اذا تطلقت البنت ؟ ليش نظرتهم سيئه لها ؟؟ ش سوت المسكينه ! ام سلطان / يا امك الوحده تصبر على زوجها ولا يجيها كلام الناس قاطعتها وعد بقهر : للليش تصبر للليش يمه ؟؟؟؟ كم عمر بنعيش عشان تصبر على مريض ومـ **** و **** عشان ما تصير مطلقه والناس تتكلم فيها ؟؟؟؟؟ كيف يمه بنتعايش مع هالمجتمع وامثال مشعل كثير ياخد بنت الناس كم شهر ويطلقها بسبب تافه وطفولي ؟ هي عليها تستحمل كلام الناس ونظرتهم السيئه وهو من ثاني يوم يروح يخطب ويتزوج ؟ ام سلطان سكتت ما تدري ايش تقول لها .. () وعد بصوت باكي : صديقتي احلام زوجها معيشها عيشه ما احد يصبر عليها قلت لها انفصلو بالتفاهم حرام تضيعين عمرك معه توك صغيره تدرين يمه ش قالت لي ؟؟؟ وعد مسحت دمعتها بقهر : تقول لي ياااا وعددد خاااايفه من كلام النااااس خااايفه من اخواني ؟؟؟ تنهدت بقهر : متخيله بتضيع عمرها وشبابها مع واحد ما يستاهلها اتجهت بغرفتها وبقهر : الرجال ملاك منزل والبنت الي تستحمل ضريبه زواج فاشل سوا صبرت وكملت او تطلقت وتبهدلت !!! حسبي الله .!! ام سلطان : الله يستر اذا ما اجبرها ابوها هالمره !!! لانه يشوف مشعل الرجل المثالي بهالحياااه .. !!! وعد دخلت غرفتها وقفلت الباب ونزلت دموعها لان صديقه عمرها تعاني من حياتها وخايفه من الطلاق وبالمقابل اهلها يقنعونها بالزواج مر رجال مطلق ٤ مرات !!! وبنفسها الله يا **** ما عنده كرامة ! ٤ مرات ارفضه على مدار ثلاث سنوات ومع هذا مصر يخطب بعد ! ومسحت دموعها وتظاهرت بالقوه : مستحيل اخذه لو اخر رجال بهالحياة مستحيل اكون بيوم على ذمة مشعل الـ**** ! في بيت ابو يزن .. () على طاولة الطعام .. () الكل بـ انتظار سلطان ينزل عشان يتغدون .. ايلاف مدت يدها بتاخذ قطعه ابتسام : ياماما انتظري ابوك ونزلت الي بيدهااا صح ان ايلاف صغيره وما تعرف ايش يعني انتظار الاب ضروري على طاوله الطعام .... () لـكن ابتسام تحاول تتفادى اي شي يعصب بسلطان لانها تعبت من المشاكل والزعل كل فتره في بيت اهلها ويرجعها تأنيب الضمير وطيف وصايا الجوهره على عيالها .. () وحلف ابو مشعل لو جته مره ثانيه زعلانه ما ترجع لـ سلطان ابد !! سلطان : شلون الدراسه اليوم ؟ يزن وغاده : كويسه ، حلوه . سلطان : يلا يابابا تغدو ، بسم الله وعم الهدوء وجو التوتر الي تعودو عليه اذا سلطان موجود .. ! فجاءه حذف سلطان الملعقه على صحن زجاج غاده بخوف رفعت راسها يزن كانت منتظر صرخت ابوه وهوشـه كالعاده !! اما ابتساااام ... () فـ كملت اكلها الي بيدها لانها وصلت لمرحله تتجاهل سلطان وكلامه وهوشه عشان راحه بالها !!!!!! سلطان : شهاللططططبخ ؟؟؟؟ وسحب يدها الي مدتها بتاخذ " سلطة " وبحده : لما اكلمك ترفعين راسك وتكلمين زي النااااااس !!! ابتسام ناظرت له وببرود : ايش تبي ؟ سلطان جن جنونه : انتي متعمده تنرفزيني صح ؟ كم مره اقول لك الـ ****** ما احبه بالاكل ؟؟؟ ابتسااام : والله هذا طبخي الي مو عاجبه ، المطاعم فاتحه ابوابها وسحبت يدها بقوه !!! سلطان بغضب وقف وسحبها بقوه وبصرخة : من انتي عشان تكلميني كذاااااا ؟؟ ابتسام تستجمع قوتها : بعدددد عنيّ !!! سلطان مد يده يبي يضربها كف استوقفه صوت يزن بصراخ : لاااااااااااا بابا ناظر له بصددددمة ولـ اول مره يعلق احد من عياله على تصرفاته مع ابتسااام .. !!؟ يزن نزل من الكرسي واتجهه لـ ابتسام وضمها مع خصرها وبصوت باكي : لاتضرب ماما ابتساااام كل هالموقف ما اثر فيها كثر رده فعل يزن الي نزلت دمعتها تلقائياً سلطان اتجهه لمكتبه بخطوات متسارعه وهو يفكر كيف تسوي كذا يا سلطان قدام عيالك ؟؟؟ كيييف كيييف !! حسبي الله عليك من مره ! اما بالصاله .. () ابتسام ضمتَ يزن وبكت بحرقه وبنفسها لا تفكرين يا ابتسام تتركينهم عند هالـ ****** !! قربت منهم غاده وايلاف وجلست ابتسام بالارض تبكي وعلى انهم اطفال صغار الا انهم تاثرو في بكاء امهم وبكو معها وجلسو بحضنها وحولها .. () سلطان قرر يطلع يتمشى بالحديقه لان ضاق خلقه مره !! مو عشان ابتسام هه !!! عشان عياله لانه حريص على نفسياتهم وتربيتهم مره .. () وهو طالع شاف هالمنظر قدامه !! سلطان قرر يطلع يتمشى بالحديقه لان ضاق خلقه مره !! مو عشان ابتسام هه !!! عشان عياله لانه حريص على نفسياتهم وتربيتهم مره .. () وهو طالع شاف هالمنظر قدامه !! للحظة نددم على تصرفه معها وبنفسه بس هي تستاهل .. !! سرعت خطواتـه للحديـقه وهو يفكر ؟ لهدرجة عيالي تعلقو فيها ؟ اكييد يا سلطان اكيييد البنت سخرت حياتها وشبابها عشانهم ؟ طيب انا ليش ما اتقبلها مثلهم ؟ ليش وجودها قدامي لو ساكته ينزفزني ؟ ليش اتخلق ميه عذر وعذر عشان اهاوشها ؟؟ اف يااارب !!! في بيت ابو سلطان .. () مي كانت طالعه على ان الوقت تاخر شوي .. () وكان السواق بـ انتظارها وطلعت بعجلـه وكانت بتفتح الباب استوقفها صوت حاد .. () يوسف : وين يابنت العم هالوقت ؟ مي بـ احترام : عندي مشوار ضروري ! يوسف : ما يتأجل لبكرا ؟ ما تشوفين الساااعه كم ؟؟ مي ناظرت لـ بنظره " شعليك منيّ " وبسخرية : للاسف وفتحت الباب يوسف غمض عيونه وتنهد بعمق يحاول يضبط اعصابـه .. مي بنفسها اُف شدخله ذا بعدد !! فجاءه تشوف الباب الامامي ينفتح ويركب يوسف .. !! مي : عفوا ؟؟ يوسف : ما يصير تروحين الساعه ١ لحالك مع السواق .. مي ضحكت بسخرية : هههه ايش شايف قدامك طفله ؟ يوسف اللتفت لها وبدت نبره صوته تتغير : لك الحشيمه والاحترام يا بنت العم . بس من خوفي عليك .. ! مي : لا اله الا الله !! يوسف الله يعافيك تفضل انزل لا تاخرني ! يوسف انصدم !! وبنبره غريبه : مب نازل واذا بتطلعين مشوار انا هنااا وسند راسه وفتح جواله !!! على ان ردها استفزه بس حاول يضبط اعصابه ويسكت عنهاا !! مي انقهرت منه مره بـ اي حق اصلاً هو يركب معي ؟؟ كريه كريه كريه !!! حاولت تكتم غضبها لانها طالعه تجيب دواء لـ خالتها المريضه بـ ****** . يوسف بنفسه اف ليش سويت كذا ؟ بـ اي حق اصلاً انت موجود هاللحظة بهالمكان ؟ انت هنا عشانها بنت عمك !! ما يصير تطلع هالوقت لحالها مع السواق ؟ بعدين انت اصلاً ما تعرف هي وعد ولا مي ؟؟ " يوسف كان عنده اجازة وقرر يزور عمته وعمه بالسعودية " بسياره مي ويوسف ... () هدوء حتى وصلو الصيدليـه . فتحت الباب بتنزل استوقفها صوت يوسف : انزل انا ؟ مي : لا شكراً واتجهت للصيدليه وبنفسها يارب صبرنيّ !!! يوسف بنفسه : اُف شفيك انت !! تنهد وهو يحس ان فعلاً ما له داعي ابدد .. !! مي اخذت دواء خالتها وهي طالعه بعجلـه .. سمعت اصوات ضحكات شباب قريبه منها .. مي اسرعت خطواتها للسياره وبنفسها ان شاء الله يوسف ما ينتبهت ولا يسوي لي سالفه !! بحكم ان السياره بعيده شوي عن الصيدليه مي بنفسها الله يستر لان بدو يسمعونها كلمات ما تليق لا بـ اخلاقنا ولا ديننا .. !! واحد من الشباب تجرا يقرب منها ومد يده لانها كانت مكمله طريقها ولا اهتمت لهم الشاب مد يده : وين ياحلو بس قبل لا يوصل لـ مي !!!! كانت فيه يد اسرع منه يوسف بغضب : يااا ******* ولف يده بكل قوه الشااااب صرخ بـألم !!!!! مي اتسعت عيونها بذهول وصدمة وبنفسها الله يستر الله يستر !!! يوسف قرب منه وبحده : ما عندك خوات ما تخاف على عرضك ؟ ما تخاف من ربك يا ******** فجاءه قربو منه شابين الي كانو مع الشاب الي بيده ... () ودخلو فيه مضاربه وكان المنتصر دايماً يوسف الا ان اخذ له كم لكمه بس الي ساعده طوله الي يميزه وجسمه الرياضي .. !! مي تقدمت وبجرأ غير متوقعه منها مسكت يد يوسف وبرجا : تكفى يوسف خلااااااااص يوسف اللتفت لها وبغضب : روحي للسيااااااره بسرررعه مي فزت من صرخته واتجهت للسياره بخوف لان الشر يتطاير من عيونه !! بعد مضاربه دامت دقايق انسحبو الشباب ركض لسيارتهم يوسف تنهد بغضب ومسح الدم الي على طرف فمه وبنفسه الله ياخذ هالاشكال الله ******** !!! اتجهه للسياره وهو يعدل قميصه ركب السياره وقفل بكل قوه مي فزت من الصوت بخوف .. () يوسف : نرجع للبيت ؟؟؟ مي بخوف : بيت خالتي عشان اوصل لها الدواء اذا ممكن ؟ يوسف : ايه عادي وده يصرخ يهاوشها بس بنفسه ش دخلها ؟ نزلت بـ ادب واحترام واخذت اغراضها ! هم الي تعرضو لها ؟ مع ذلك ما تكلمت وصارخت وسوت سالفه كملت طريقها للسياره بكل احترام !!!! مي بتوتر : يوسف يوسف : هلا مي مد يدها : بلاستر ومناديل معقمه يوسف : شكرا واخذ لان فيه اثار دم بوجهه .. مي بنفسها جالسه تستشعر نعمه الاذكار ، سبحان الله كيف الله سخر لي يوسف بهاللحظة واصر يجي معي هالوقت ، اللهم لك الحمد . وصلت الدواء لبيت خالتها ورجعو لـ بيتهم بـ اسرع وقت .. نزلو واتجهه يوسف للملحق وهو يحسّ بتعب بعد الي صار مي : شكرا يوسف وهو يمشي : عفواً . والموضوع انتهى هنا وهاللحظة اوك ؟ نهاية الفصل.... | ||||
|
| |
|
04-03-22, 01:07 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 6 بيت ابو سلطان .. () كانت ليله ثقيله على " وعد ، مي " بغرفه وعد صلت الوتر ودعت ربها بـكل خشوع ان يكتب لها الخير ويبعد مشعل عن طريقها للابد .. () بغرفه مي كانت جالسه تفكر بالي صار وكانه حلم مر بسرعـه الحمدلله ان يوسف راح معي ولا كان شسويت مع ناس ****** ! لطف ربي ورحمته كبيره كبيره يا مي سبحانه . في بيت سلطان .. () دخل الغرفه وكانت هدوء !!! استغرب وينها هالوقت ؟ لكن سرعان ما عرف الاجابه لما شاف مخدتها مو موجوده على السرير فـ عـرف انها عند عيالها .. !! وبنفسه : احسن بعددد بدل ملابسه ونااام بسرعه لان طول اليوم ارهق نفسه بالتفكير .. اما عند ابتساااام .. () ما قدرت تنام من التفكير .. تمدى سلطان كثير ، وابوي اخر مره قال لي اذا جيتني زعلانه ما لك رجعه لبيت سلطان لانه ما يعرف قيمتك ولا كل يومين والثالث مزعلك .. !! تحسّ نفسها كبرت على الانفعالات والزعل للحظـة . لـكن تصير اشياء فوق طاقتهااا اشياء تضيق خلقها لدرجة ما تقدر تنام ! وبنفسها ليش مو متقبل وجودي ؟ معقوله ٣ سنوات ما اثرت فيه ؟ ناظرت نفسها بالمرايه الي قدامها ؟ قبل لا تتزوجين الكل كان يقول لك ياحظ الي بيتزوجك ؟ سعيد الي بياخذ ابتسام ووو الخ ؟ اطراء من خالاتها وبناتهم لـكن هذا انا تزوجت ولي ثلاث سنوات وزوجي ما يناظر لوجهي اصلاً مو طايق وجودي بالبيت .. وقتي صار بين الاطفال ودراستهم واشراف على الخدم !!! ما كنت متخيله بيوم حياتي بتوصل لهالنقطهه !! اصحى من النوم واكبر همي الغداء ! و دراسـه الاطفال ؟ بديت انسى اهتماماتي قبل الزواج بديت انسى حق نفسي علي .. متى اخر مره خصصتي يوم لـ راحتك ؟ متى اخر مره طلعتي مع صحباتك ؟ وقتك تكرس لـ عيال سلطان حتى انشغلتي عن اقرب الناس لك ! كل البنات متزوجات ويطلعون ومبسوطين ليش انا غير ؟ تنهدت بضيقه خلق واخذت الروب ونزلت تحت تسوي لها عشاء خفيف لانها طول اليوم ما اكلت شي .. () وطول الوقت تفكر بحياتها وايش هو التغير الي ممُكن يسعدها ويغير من نفسيتها ؟؟ صباااح جديد .. 🌸🍃 صحى يوسف وصلّ وجلس بغرفته لان عمه مستحيل يصحى هالوقت ... () بدل ملابـس يبي يزور عمته بالقصيم يومين ويطلع بعدها لـ " فرنساا " لان اجازته على وشك .. طق الباب استغرب : تفضل دخلت الشغاله ومعها صينيه فطور ! استغرب : ما طلبت فطور اناا !! الشغاله : قالت لي مدام مي يوسف : اها اوكي شكراً حطي الفطور هناا نزلت الفطور وطلعت علطول .. يوسف بنفسه : يعني الي امس مي مو وعد ؟ يلا عاد جا في وقته الفطور قبل لا امشي .. لفت انتباه ورقه صغيره بجنب كوب العصير مد يده وبنفسه : شسالفه ؟ فتح الورقة " شكراً لـ تفهمك وشكراً لموقفك الي مستحيل انساه الله يسعدك ويجزاك الجنـه " ابتسم تتلقائياً وبنفسه هههه ، الله يستر عليها حط الورقه بجيبه وكمل فطوره تنهد : الحمدلله اخذ شنطته ومفاتيح سيارته وطلع .. () في بيت متعب .. () قفلت الباب بعد ما ودعت خالتها ام باسل .. () ورجعت للصاله وخدودها حمرا من الاحراج .. !! حصه : شفيك اروى وجهك كذا ؟ اروى بتوتر : لا ما فيني شي حصه مسكت يدها وبنبره غريبه : كل ذا وما فيك شي ؟ اروى : تخطبني لولدها باسل وسرعت خطوتها لـ غرفتها حصه ضحكت بفرح وبصوت عالي : ججججددد !!! واتجهت ورا اروى وضحكاتها ملت البيت بفرح : ماااا اصدددق باااسل عاااد اروى : حصصه تكفييين !! لا تبدين بملاقتك حصه : يا ربي ما اتخيلك ابدد انتي وباسل وضحكت بفرح اروى : ترا ما وافقت ولا لبسني الخاتم شفيك خطبه خطبه حصه : ايه عادي اكيد بتوافقين وبضحكة : على انه فارس احلامي ايام الطفوله انا وبنات الحاره ههههههه اروى ضربتها بخفه : ياااكرهي لملاقتك يختي حصه بضحكة : فكري فكري واستخيري وان شاء الله من نصيبك امل دخلت ع اصواتهم : شفيكم ؟؟ حصه بضحكة : تخيلي بس باااااسل الوسيم يبي يصير نسيبنا ان شاء الله امل اتسعت عيونها وبفرح : كذذذابه !! حصه : والله وبضحكة : ههههههه ياربي ما اتخيل اروى عاروس امل : ولا انااا والله هههههه اروى بعصبيه : اطلعي انتي وياااه طلعو وهم يضحكون على وجهه اروى الخجلان ..!! في بيت ام باسل .. () دخل باسل والفرحه على ملامحه وبصوت عالي : يمااااااه يمااااه ام باسل طلعت بعجله : شفييك؟؟؟ باسل قرب منها وباس راسها : ابشررك يمه ابشرك ابوي يبي يطلع ام باسل ما استوعبت : ابوك يبي يطلع ؟؟؟ باسل بفرح : اييييه يالغاليه باذن الله الغالي يبي يطلع وينور بيته !!! ام باسل مو مستوعبه : كيييف وشللللووون باسل : ما قلنا لك من زمان بس هالحين يوم الله فرج عن ابوي وبيطلع ب اقول لك تعالي اجلسي ام باسل : شمسوين !! باسل طلع صرافـه : فتحت انا و نواف هالصرافه من يوم ما دخل ابوي السجن كنت اودع مكافئي انا نواف كل شهر واحد وبعد ما توظفنا ٧٥٪ من الراتب نحطه بهالصرافه والمشروع الي تشاركنا فيه انا ونواف كل ريال كان بهالصرافه والحمدلله جمعنا المبلغ ام باسل بذهول : ليش ما قلتو لي ؟ ليش ما عندي خبر باسل : ايام الجامعه كنت اخاف انك ترفضين الفكرة وبعد الوظيفه فضلنا انها تبقى بيني وبين نواف لهاليوم .. ام باسل نزلت دمعتها : الله يطول بعمركم ولا يحرمنا منكم يارب ويسخر لكم عباده من حيث لا تحتسبون .. باسل : والله ما نلحق جزاكم مهما نسوي عسى الله يسعدكم ويخليكم لنااا .. ام باسل حست الارض مو سايعتها من الفرح اولاً زوجها وشريك حياتها يبي يطلع من السجن .. ثانياً ثمرة تربية عيالها جالسه تجنيها بكل حب .. وكيف فكرو بـ ابوهم من قبل كم سنه .. وكيف قدرو يسددون مبلغ كبير مثل كذا ؟ على ان ابو سلطان كان قادر يدفع من ثاني يوم لكن حلف وتحريم ابو باسل قبل كم سنه ان ما يدفع له ولا ريال .. ومن بعدها تكفل بمصروف لـ اخته وبيتها وساعد عيالها بالوظايف ... () وعاشو حياه كريمة رغم الظروف .. نواف كانه لقاء مباشر وما قدر يوصل لباسل ويبشره ان المبلغ اكتمل وابوهم يبي يرجع يشرف بيته .. () في بيت متعب .. () قالو له حصه وامل عن خطبة ام باسل لـ " اروى " متعب بـ فرحه : الله يتمم على خير يارب والله باسل رجال ما يتعوض .. اروى طلعت من المطبخ بعجله واتجهت لـ غرفتها ما تبي تتجاهل متعب منحرجة منه مره .. متعب : يااازين الخجلانـه امل بضحكة :هههههه لا يغمى عليها بس ! عند نواف .. () اول ما انتهى البث فتح جواله وشاف ١١ مكالمه من باسل !! و ٢ رسالتين فتح الرسايل بسرعه واتسعت عيونه " ابشرك بدت اجراءات خروج ابوي باذن الله كلها كم يوم وبينام ببيته عند عياله " وقف بعجله وكان بيطلع زميله : وين ؟ نواف مر من جنبه وضربه بخفه : ابوي بيطلع يا يا احمد بيطلع واتجهه للباب بسرعه احمد ابتسم بفرح : الحمدلله الحمدلله لانه زميل نواف من سنين ويعرف ان ابوه بالسجن وهذا الشي كاسر ظهر نواف كثير ! حتى ما يفكر يتزوج وابوه مسجون بسبب الديون !!! في بيت سلطان .. () جالسين يفطرون بهدوء .. ابتسام : بعد اذنك اليوم بـ اطلع سلطان من غير اهتمام : اطلعي ش عليك منك عطني بابا الخبر ابتسام بنفسها الشره على الي تسالك مو عليك ... !!! قامت بهدوء وهي مفكره بعده مشاوير لـ " نفسهاااا " غاده : افطري ماما ابتسام: شعبت حبيبي ووجهت كلامها لـ يزن وغاده وايلاف : انا بـ اطلع ويمكن اتاخر ابوكم بيدرسكم اليوم و ام عماد بتجهز ملابس المدرسه وحطت يدها على راس غاده : ماما انتي الكبيره انتبهي لـ اخوانك واذا احتجتي شي اتصلي علي اوك ؟ غاده : ان شاء الله .. ابتسام : يلا استودعتكم الله وصعدت بسرعه لغرفتها اخذت عباتها وطلعت ... سلطان كان يراقب الموقف بصمت وبنفسه شعندها غريبه .. اكيد بتروح لـ اهلها .. ! في القصيم .. () نجوى بحب : يمه خمنيّ من يبيك عند الباب ؟ ام باسل بتساول : مييين ؟؟ ناظرت للساعه ٢ الظهر من بيجي ! نجوى تنهدت : يوسف ولد خالي ام باسل بفرح : يوووووسسسف واتجهت للباب بسرعه وبنفسها الله يديم الاخبار الزينه ياااارب !! استقبلته بكل حب وترحيب لـ ابن اخوها المغترب من سنين .. () يوسف : شلونك من التعب ام باسل : بخير الله يسلمك شلونك وشلون ابوك واختك ؟ يوسف : كلنا بخير وابشرك انا قدمت على وظيفه هنا وان شاء الله كلها شهرين وتتخرج رغد ونرجع كلنااا ام باسل دمعت عيونها بفرح : اللهم لك الحمدد ، واخيييراً بترجعون لـ ديرتكم واهلكم وناسكم عن هالغربه الي بعدتكم عنّا .. بيت ابو باسل .. () نجوى بالمطبخ تجهز القهوه والضيافه الخفيفـه لـ يوسف وبنفسها اُف كل ما يكبر يحلى زود .. اتجهت لغرفتها وبنفسها لازم يشوفني يوسف هالمره بـاي طريقه وبدلت ملابسها وعدلت شعرها وحطت روج باللون اللحميّ وشوي مسكرا ، ما حبت تحط شي اوفر عشان امها ما تلاحظ وتسوي لها سالفه .. بالمجلس .. () يوسف : وين العيال ؟ ام باسل : على وشك الوصول يوسف : والله اني مشتاق لهم ولجلستهم ام باسل : ان شاء الله تعدي هالشهرين وترجعون لنا بالسلامه وبتساؤل : وين ان شاء الله مفكرين تسكنون ؟ يوسف : تدرين قلب ابوي هنا وده بالقصيم ، لـكن ما ندري عن وظيفه رغد وين ، انا مقدم بالرياض وبالقصيم والله يقدم الي فيه الخير .. ام باسل : هنا ولا بالرياض اهم شي انكم حولنا وبخيير .. () يوسف : ان شاء الله ياعمه ان شااء الله .. على ارض فرنسااا () بالجامعه تحديداً كانو يمشون للكلاس ويسولفو مع بعض .. () رغد بتاافف : والله الماده صعبه مستحيل اجيب علامه زينه فيها ايمان : اجل انا ش اقول درجاتي بالحضيض ومع هذا متأمله ان هالكورس اخلص رغد : هههههه هين انتي لا احساس ولا ضمير .. وبتسأول : ما تعرفين مدرس خصوصي لمادة ******** ؟ قاطع عليها صوت تكره جداً فهد وهو يمشي : اذا تبين انا بالخدمة وكمل طريـقه ولا اللتفت لها .. ايمان بصدددمة : سمممعتتتتي ايييش يقووول ؟؟ امشي امشي وبصوت عالي : دكتور دكتور رغد بصدمة : ش تبين فيه مستحييييل ادرس عنه مستحييل !! ايمان : السلام عليكم فهد : وعليكم السلام ايمان : ايوه دكتور اذا تقدر نبي ناخذ عندك حصص اضافيه بالجامعه تشرح لنا النقاط الصعبه . فهد : ابشرو بالمحاضره بكرا احدد معكم وقت رغد : لا شكراً انا ما ابي خلاص . فهد ببرود : ع راحتك ، بخدمتك يا ايماان ايمان بفرح : شكرا يا دكتور شكرا كمل طريقه فهد وبنفسه هين يا رغد انتي وهالغرور الي فيك !! ايمان : غبيه انتي ؟ حاصل لك يشرح لك الدكتور فهد وغد بغضب : اسكتي بالله ايمان اُف منه وبدت تتحلطم : شدخله ؟ انا وصاحبتي نسولف انت شعليك ؟؟ اُف !!! كريه ومغرور في بيت ام باسل .. () ام باسل : اخليك يا امي ارتاح شوي على ما يجون العيال ونجهز الغداء يوسف : ان شاء الله . دخل نواف وبصوت عالي : يماااه يممممه ام باسل تعرف سبب هالفرحة وبصوت عالي : تعال انا هنا يا ابوي تعال نواف دخل ومن الفرحه ما انتبه لوجود يوسف بالجهة اليسار من المجلس قرب من امه وضمها وباس راسها ولـ اول مره قدام امه تنزل دموعه نواف : بيرجع ابوووي بيرجع الغالي ام باسل باست راسه بحب : باذن الله باذن الله يا ابوي ومسحت دموعه بيدينها : لا تبكي يا نواف لا تكسر ظهري بعد هالعمر .. نواف مسح دموعه بعشوائيه : دموع فرح يالغاليه والله فرح فرح وفجاءه حسّ بيد على كتفه يوسف : ما ودك تسلم علينا نواف اتسعت عيونه وبصدددمة : يووووسف ووقف بسرعه وضمه بكل حب نواف : من وين طلعت والله ما انتبهت لك يوسف : ما الومك والله ، الله يطلعه لكم بالسلامه نواف : الله يسلمك ويخليك وابعد عنه : شلونك شخبارك والله لك فقده من غير شي تنهد يوسف : هانت هانت قريب باذن الله بنرجع اتسعت عيونه بفرح : يالله لك الحمدلله بيلتم شملنا بعد كل هالسنين يوسف : الحمدلله نواف بـ احراج : تفضل تفضل ام باسل : بـ اشوف الغذاء .. وطلعت والفرحة تعتلي ملامحها .. عند ابتسااام.. () اول شي سوت راحت لمشغل قصت شعرها لـ كتفها وصبغت شعرها باللون البني البندقي الغامق .. واتجهت لـ مول ******** وبدت تتسوق وبدا شعور الرضاء عن الذات يرتفع عندها وبنفسها من اخر تسوقتي بـ ارتياح كذا ؟ اتوقع ايام تجهيزك لعرسك وضحكت بمراره على نفسها .. () وهي طالعه شافت محل ******* للمجوهرات فـ قررت تدلع نفسها ودخلت المحل اخذت كم قطعه انييقه تناسب ذوقها الرفيـع .. () فجاءه وصلتها رساله من سلطان استغربت فتحتها " وين انتي بـ ارسل لك صرافه مع السواق " ابتسام بنفسها هه بدددري !! ارسلت له " ما ابيها شكراً " وبنفسها الله يطول بعمر ابوي بس ! مو مقصر كل شهر يحول لي مصروف مثل اول وازود .. () واتجهت لـ كوفي وطلبت قهوتها المفضل قبل زواجها ايام الجامعه .. لما وصل الطلب دمعت عينها وهي تتذكر جلستها مع صديقاتها بهالكوفي .. كان هذا طلبها المفضل كانت تستمع بـكل لحظة .. وتعهدت مع نفسها من هاللحظة بيتغير وبيرجع كل شي مثل اول وافضل !!' نهاية الفصل..... | ||||
|
| |
|
05-03-22, 12:14 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 7 في بيت سلطان .. تاخر الوقت وما بعد رجعت !! استغرب كان وده يتصل بس تذكر اسلوبها بالمسج واضح بعدها زعلانه منيَ !!! وبنفسه : الله يستر بس .. وما مرتَ ثواني الا دخلت وبنبره هدوء : السلام عليكم سلطان : وعليكم السلام ، بدري ؟ اتجهت لغرفه الملابس : من عمرك تعالي ميري ودخلت الشغاله ويدها مليانه اكياس !! سلطان اتسعت عيونه وبنفسه هه تعرف تتسوق ذي ؟ لها ثلاث سنوات معي ما قد شفتها طالعه طلعه بروحها عشان تتسوق !!!! دايماً مع عيالها .. () ! ورجعت للمره الثانيه وبيدها اكياس مجوهرات ******* و ساعات ****** ابتسام : شكراً . واتجهت لـ دوره المياه وهي متجاهله سلطان تماما .. سلطان يرجع يكمل قراءه كاتبه .. وبعدد مرور نص ساعه تقريباً .. طلعت بروب قصير نوعاً ماً واخذت جهاز التجفيف وبدت تجفف شعرها القصير .. وابتسمت ابتسامة رضا عن شكلها جلست قدام المرايا وحطت مرطب وهي تتأمل شعرها وداخلياً مبسوطه وكيف تغيير اللوك يأثر على النفسيه كذا ؟ حطت روج خفيف وبنفسها سعيده جداً .. () سلطان قفل الكتاب : اذا خلصتي ابي انام ؟ ابتسام : بتنام ! سلطان رفع عيونه لها ومستغرب : ايه بـ انام وسرعان ما تغير الاستغراب الى اعجاب بس ما حب يوضح لها بالعكس حاول يتجاهل كل شي .. ابتسام اصلاً ما كانت تنتظر منه اي رده فعل .. ابتسام وقفت بتافف واتجهت للباب .. سلطان : ما له داعي حركات الطفوله تنامين عند عيالك اليوم يزن يقول لي ماما زعلانه تنام عندنا ابتسام ببرود : واذا قال ، انا مرتاحة هناك . وطلعت وقفلت الباب بقوه .. سلطان ما زال مصدوم ابتسام مو ابتسام والله !!!!!!!!!!!!! الله يستر ش نهايه هالتطورات ! في بيت ابو باسل .. () في الليل صحى يبي مويا وفكر اكيد نجوى نايمه والمطبخ مو بعيد ! فتح الباب واتجهه للمطبخ وبنفسه بيت عمتي مثل ما هو وهو متجهه للمطبخ شاف صوره تجمعه مع نواف وابوه وباسل ابتسم : ياقلبي يا عمتي !! دخل المطبخ وكان يدور الاكواب فجاءه حسّ بصوت انوثي : هنااا يوسف رفع عيونه بصدمة ومن استوعب الموقف نزل عيونه بسرعه .. يوسف : خلاص شكراً واتجهه لباب وبنفسه شفيها ذي مجنونه ولا صاحيه ! خير طالعه لي بالبيجامه ! الله يصلح الحال بس !!!! فجاءه سمع صوت طق الباب بنفسه الله يستر اذا ما شافوها اخوانها !!! فجاءه انفتح الباب ونزلت المويا عند الباب ورجعت يوسف بصوت مسموع : لا اله الا الله بس !!! مو اول مره تضايقه نجوى بصرفتها وبنفسه :اُف لو تدرين انك بحركاتك ذي ابد ما تلفتين انتباهي ! بالعكس تطيحين من عيني زود !!! صباح جديد 🌸🍃 في بيت سلطان ... () على الفطور نزلت ابتسام متاخره وبالعاده هي الي تستقبل عيالها وسلطان الصبح .. !! نزلت وهي لابسه بيجاما باللون البنّك والابيض وشعرها ستريت وكانت حاطه روج خفيف ومسكرا .. ابتسام بنشاط : صباح الخير غاده بذهول وفرح طفولي : الله ماما شعرك حلو ؟ ابتسام قربت منها وباستها على خدها : انتي الحُلوه والله انتي يزن بغيره : ماما شعرك حلو ابتسام بضحكة : قلب امه والله وباستها مع خده بلطف .. ايلاف كانت تناظر لهم بغيره بصمت وقربت منها : وه حبيبه امها ما شفتها امس شلونك ياقلبي ؟ ايلاف تبعد شعرها بطفوله عن وجهه : تمام غاده : بابا قول لها شعرك حلو وتبوسك مثلنا ابتسام اتسعت عيونها بصدمة وهي تناظر لـ ايلاف وما تجرأت ترفع راسها تشوف رده فعل سلطان سلطان بـ احراج : احمم ، انا شايفها من امس وانتو نايمين وقلت لها حلو صح ابتسام ؟ ابتسام ببرود : ايوه .. غاده : ماما ابي مثلك ابتسام : ياماما انتي صغيره على الصبغه اذا كبرتي ان شاء الله . سلطان كمل فطوره وهو يحاول يسترق النظر لها وبنفسه شفيك اول مره تشوفها ؟ هذاهي مقابلتك من ٣ سنين .. بس لـ اول مره يشوفها بهاللوك .. اول زواجهم وجود الجوهره بحياتهم كان عائق ما كان ودها تكشخ وتهتم قدامها وهي تعيش ايامها الاخيره بعدين وفاه الجوهره والعزاء ومسوؤليه الاطفال خصوصاً ايلاف صغيره ! ومع الاسام بدت تنسى نفسها واهتمامها .. () في القصيم .. () اروى بـتوتر : ما ادري كل ما استخير احس بـ ارتياح كبير امل رقصت بفرح : واخييييييراً حصـه : بـ اقول لمتعب اروى : لالالا متعب علطول يبي يقول لباسل ! امل : اجل ؟ اروى بتوتر : يعني يومين كذا وقولو له ، ما صار المره خاطبتني من يومين والثالث ارد فشله حصخ بضحكة : يقالي الثقيله يعني هههه اروى : حصصصصه .. حصه : امزح امزح في فرنسااا .. () ايمان : تكفين حنَا المستفيدين ! رغد : بنمشي من غير شرحه صديقني ! ايمان : طيب ش خسرانين ؟ دكتور شاطر واسلوبه بسيط وحلو والماده موسهله ، يلااا تكفين رغددد!! رغد : لا يعني لاااا ايماااان : انا بـ اروح له شوي اذا طلعو كل الطلاب انتي خليك هنااا هه حاصل لك فهد يشرح لك وترفضين !! في فرنسااا ... () رغد جالسه على المقاعد الي برا تنتظر صديقتها ايمان .. وطلعت كتاب تدرس تضيع الوقت الطويل .. بعد مرور ٥٠ دقيقه .. قاطع عليها صوت ايمان : هاي رغد : واخيييراً ايمان جلست وبحماس : تخيلي تخيلي عطاني رقم جواله وقال لي نتفق بكوفي رغد اتسعت عيونها بذهول : ااااييييششش قلت لك قلت لك قليل ادب ايمان : لاااا شفييك انتي تفكيرك راح بعيد يبي يشرح لي ! رغد بقهر : ايه انتي صدقي صدقي وبنفسها : اُف كيف يوازن بين هالشخصيتين !!! الدكتور الشاطر المحترم الي الكل يحترمه ويهاب وجوده ! وبين الرجال الـ ****** الي يستغل الفرص عشان يجلس مع بنت !! استغفرالله استغفرالله !! رغد اللفتت لها وبحده : ليش ما يشرح لك هنا ؟ ايمان : اتصلو عليه المستشفى امه تبي تشوف رغد : امه بالمستشفى ؟ ايمان بحزن : ايه تخيلي مريضه ***** ولها اكثر من سنه بالمستشفى رغد : الله يشفيها ويعافيها وبجديه : مع ذاك انتي انتبهي لنفسك ! يبي يشرح لك بالجامعه افضل ما له داعي كوفي وما ادري ايش ايمان : يوه يا رغد مكبره الموضوع مره ! عادي كوفي مكان عام !! رغد بنرفزه : طيب على راحتك اخذت كتبها وطلعت .. ايمان غمضت عيونها وابتسمت اُف ياحظي بس وبنفسها ش البس ؟ وبحماس قامت واتجهت للسكن القريب من الجامعه لازم يشوفني بـ احسن صوره .. في بيت سلطان .. () بعد الغداء كانو جالسين بالصاله وشوفي دخلو الشغالات ومعهم ورد بكذا لون سلطان هز راسه بـ استغراب : ايش المناسبه ؟ ابتسام : الورد حطوه بالغرفه هنا وجيبو لي كل الفازات الي بالبيت .. واللتفت لسلطان : صحباتي بيزوروني اليوم سلطان : وليش ما عندي خبر ؟ ابتسام وهي قايمه : هه صار عندك خبر .. سلطان بعصبيه : اكلمك انااا وين رايحه !! اللفت له وبرود : نعم وتقدمت خطواتها له : اسمعك ايش تبي ؟ صحباتي وبيزوروني في بيتي وين المشكلة بالموضوع سلطان توتر من قربها وثقتها لـ اول مره بالكلام ! بالعاده تنزل راسها او تتوتر !! سلطان : وين المشكله اذا قلتي لزوجك ابتسام بعدت عنه وبسخرية : لا ترد السوال بسوال ومشتّ .. وبنفسها كانت مصدومة من القوه الي فيها !! يعني ضغط كل هالسنين كانت نتيجته برود وتبلد كذا ؟ يعني وصلت لمرحله ما اقدر اعيش بشخصيه خلقها سلطان فيني ؟ معقوله قدرت ارجع مثل اول بيوم وليله ؟ معقوله جلست صراحه مع نفسي كانت هذي النتيجة ؟ ابتمست بسخريه وكملت طريقها .. ! في القصيم .. () ام باسل : عساك ارتحت يا امي يوسف : ايه الحمدلله ما حسيت الا الساعه ١١ انصدمت توقعت اصحى بدري ام باسل : اكيد نمتو متاخر حتى باسل ما صحى يوسف : ما عنده دوام ؟ ام باسل : الا بس اخذو اجازه اليوم هو نواف بنطلع نتغدا بالمزرعـه يوسف بـ احراج : ليش تكلفون على نفسكم ام باسل : لا كلافه ولا شي وقامت بصعوبه : بنجلس لليل ان شاء الله .. يوسف : خير ان شاء الله . لان انا بكرا ماشي ام باسل : بدري يا ابوي ؟؟؟ يوسف : والله ودي اجلس بس ما اقدر عندي اشغال بسيطه ودي اخلصها قبل تخرج رغد عشان ارجع مره وحده ام باسل : ان شاء الله ياقلبي ان شاااااء الله . في الرياض .. () مشعل قفل الجوال والعصبيه تتطاير من عيونه للليش للليش تررررفضني !!!!!!!!!! اذا هذا ردك للمره الخامسه هين ياااا وعددد هيين يا بنت عبدالله والله وبالله وتالله ما تاخذين غيري لو على جثتي هين و وقف بعصبيه يبي يطلع من المكتب والمكان كله !!!! انا مشعل الـ ******** انرفض وللمره الخامسه بعددد !! قلت زمان صغيره وتفكيرها على قداها بس هالحين السالفه عنااااد هين يا بنت عبدالله .. في بيت متعب .. () امل بتفكير : اوف من وين نبدا تجهيزات بس ؟ اروى : لا اله الا الله .. !! انتظرو انتو شفيكم مستعجلين كذا ؟ خلونا نحلل اول شي ونملك بعدين نفكر بهالاشياء حصه : ان شاء الله كل شي تمام وبتملكون على خير امل بحماس : الملكة صح ش نلبس ش نسوي اروى وقفت : اللهم الصبر وطلعت لان كلام خواتها ما ينتهي ويتكلمون بـ اشياء بدري عليها .. حصه : ايه الملكة اكيد خالتي تبيها قريب امل : ايه اكييييد بعد نتايج التحليل حصه : بتكون عائليه حنّا وهم بس ! امل : ايه اكييد وبتفكر : اصلاً اهل ام باسل بالرياض ما اذكر نجوى قد قالت ان لهم قرايب هنا حصه : ياااكرهي اروى بتعيش مع نجوى امل : ان شاء الله يجيبها نصيبها وتروح عن اروى لان العيشه معها مستحيييييله حصه بقهر وهي تقلد نجوى : بنسافر هالصيفيه لـ ****** وانا اقترحت على باسل ونواف ووافقو وهي نصابـه حدها دبي والكويت وترجع اروى بصوت عالي : اتوكو عندكم الحشّ بخلق الله ، وقومو خلصو شغلكم بس ! في فرنسااا .. () كانت جالسه تذاكر اتصلت عليها ايمان وتحاول تقنعها تجي معها رغد : مستحيل !! لا تحاولين ايمان : والله شرحه اليوم مره حلو استوعبت كثير رغد : لا تتعبين نفسك ، وبالتوفيق ايمان : اسمعي اسمعي رغد : ايش ؟ ايمان : خليك على الخط واسمعي الشرح رغد بتفكير : لا لا ايمان : لا اله الا الله ، انتي اسمعي الشرح واذا ما جاز لك قفلي الخط انا ب انزل الجوال على الطاولة وبعجله : يلا يلا جااا مع السلامه ونزلت الجوال على الطاوله وحطت ورقه فوقه عشان ما ينتبه له .. فهد : مساء الخير ايمان : هلا دكتور فهد : معليش تاخرت شوي ايمان : لالا عادي .. تفضل فهد جلس وبتساؤل : وين وقفنا اليوم ؟ ايمان اشرت للكتاب : هنا وتذكرت رغد على الخط : ص *** فهد تنهد : يلا بسم الله عند رغد نطت تاخذ كتابها بنشوف شرحه .. !!! وبدا فهد يشرح نقطه نقطه وبكل اخلاص واحترام .. () في القصيم .. () بالسياره قدام باسل و يوسف وورا نجوى وامها ونواف عنده شغل يبي يجي بسيارته .. () يوسف وباسل يسولفون بحماس عن ذكرياتهم .. ونجوى كانت مستمعه بكل حب ام باسل : نجوى يا امك صبيّ لـ يوسف قهوه ، اليوم ما تقهوى نجوى : ابشري يوسف : لالا ما له داعي اذا وصلنا اتقهوى باسل : اذا مزاجك عليل بالقهوه تقهوى مطولين شي مدلت له الفنجال وبهمس : تفضل اللفت لها ومد يده واهذ الفنجال وفجاءه حسّ بـ اصابعها الناعمه تحاول تلمس يده يوسف انصدم من وقاحتها !! مو كذا ؟ وبوجود امها واخوها شهالبنت !! وسحب يده وترك الفنجال . وطاح من يدها الفنجال وانكب شوي على يدهاا نجوى بالم : اههه يوسف بتمثيل : اسسسف معليش واخذ منديل ومده له باسل اللتفت لها : خفيفه ان شاء الله خفيفه ام باسل : اشوف لالا شوي وجهت كلامها ليوسف : يدك فيها شي ؟ يوسف بكذب : خفيف ام باسل : الله يصلحك شلون انكب نجوى بالم : ما ادري طاح من يدي فجاءه اه يألمني يوسف بنفسه : تستاهلين احسن . في فرنسااا .. () فهد : المساله تحتاج كتابه طلع قلم من جيبيه وسحب الورقه الي على الجوال ولاحظ الاسم بسرعه بس سوا نفسه ما انتبه وكتب المساله ولاحظ ان ايمان توترت وغيرت مكان الجوال !!! وكتب المسأله وبدا يشرحها ايمان : ايوه فهمتها دكتور فهد بصوت عالي : وانتي رغد فهمتيها ولا اشرحها لك مره ثانيه !!!؟ ايمان اتسعت عيونها بصدمة وخجل !!! اما عند رغد الي كانت منسجمه بالشرح انصدمه صدمه عمرهااا واول شي سوته قفلت الخط ما تبي تسمع اي كلمة !!! نهاية الفصل..... | ||||
|
| |
|
11-03-22, 12:05 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 8 عند رغددد .. () مسكت الجوال وبنفسها مو مستوعبه ش بيقول عنيّ هالحييين شلون احضر عنده بالكلاس بكرررا واحط عيني بعينه !! كله من افكاااار ايمااان الغبيه ياربي ش بسوي !! المشكله بكل ثقه امس اقول لا شكرا واليوم اسمع شرحه !!!! عند فهد وايمان .. () ايمان بتبرير : دكتور رغد كان ودها تجي بـ قاطعها : لا تتعذرين لها يـ ايمان ! وضحك بخفه : ما ادري ايش مشكلتها معي ! ايمان : لا مشكله ولا شي وبكذب : هذي شخصيتها فهد بنفسه هه ايه هين هذي شخصيتها !! فهد : بكذا خلاصنا دروس اليوم بكرا ان شاء الله نكمل و وقف وبتذكر : قولي لها الدكتور فهد ما ياكل والله ايمان بـ احراج : ان شاء الله . واول ما راح ايمان بنفسها اف والله بتذبحني رغددد !!!!!! اف يا ليت منزله الجوال تحت ولا بالشنطة !!! فهد وهو يمشي وبنفسه نشوف ش نهايتها معك يا رغد الـ ****** !! في الرياض .. () الساعه ٩ بدا وصول صحباتها الي كانت على تواصل معهم على الجوال فقط ساره ضمتها بكل شوق : وحشتيني والله وحشتيني وسلمو على بعض كلهم وتبادلو الاخبار على السريع ابتسام بـ احراج : حياّكم تفضلو تفضلو واتجهو لـ الصاله الي كانت مجهزه الضيافـه من والى والورد بكل مكااان والشموع .. كانت الجلسه جداً انيقه ومرتبـه وتليق بذوق ابتسام .. () وتدريجياً بدا يزيد العدد الى ان اكتمل بعد ساعه تقريباً الكل كان موجود والكل ممنون لـ ابتسام على هاللحظة الي جمعتهم بعد فراق سنوات ... ()، كانت سعيده جداً وصوت ضحكتها هي وصحباتها ملئ المكان .. في بيت ابو سلطان .. () ابو سلطان : فشلتيني مع الرجال كم مره ارده وعد : يبه الله يطول بعمرك مشعل مو نصيبي !! ام سلطان : لا والله انتي حاطه في بالك مثل ما طلق زوجاته بيطلقني ! ابو سلطان بصدمة : هذا عذرك يا بنت عبدالله ؟؟ وعد ناظرت لـ امها بـصدمة : لا لا والله يبه !!! استخرت وما ارتحت والزواج قسمه ونصيب !! ابو سلطان : والله ما ادري عنك يااا وعدد ! وعد غيرت الموضوع بتهرب : الا عمي ابوي يوسف متى يرجع ؟ ابو سلطان بفرح : قريب ان شاء الله قريب وعد : عن اذنكم عندي شغل ابو سلطان : اذنك معك وعد بنفسها يارب ابوي ما يعلق على الموضوع !! والله بياخذ السالفه بعناد وانا ما اقدر ازعل ابوي .. !!!! في فرنسااا .. () فهد كان ينتظر الكلاس بفراغ صبر يبي يحرجها ! هين يا رغد الـ ******* اما عند رغد () اول شي جا في بالها تتظاهر انها تعبانه عشان ما تحضر كلاس بكرا !! لانها حرفياً متفشله منه ما ودها تشوفه ابدد !! في بيت سلطان ... () بعد ما ودعت صحباتها بكل حُب اتجهت لـغرفتها والابتسامة على وجههّا ما فارقتها .. () بدت تنزل الاكتسواز بهاللحظة فتح سلطان الباب : السلام عليكم .. ابتسام ما رفعت راسها : وعليكم السلام .. سلطان ناظر لها بتركيز وبنفسه هه صاير تعرف تلبس زي الناس ! بدل ملابسـه واتجهه للسرير : عجلي ابي اناااام بكرا عندي دوام بدري ابتسام : طيب . في فرنسا صباح جديد .. () ابو يوسف استغرب ما بعد قامت ! اتجهه لغرفتها : رغد رغددد رغد بتوتر : ياربي شبسوي !! تظاهرت بتمثيل التعب : حياك يبه حياك .. ابو يوسف : بعدك نايمه ما عندك دوام ؟ رغد بتوتر : احسّ بصداع فضيع ما اقدر اداوم .. ابو يوسف : سلامات سلامات ما تشوفين شر وجلس على الكرسي الموجود : ايه كله من الارهاق والتعب لك كم يوم سهرانـه .. !! رغد بتمثيل : يبه هذا اخر كورس وصعب شوي ابو يوسف تنهد : بعد الفطور بنروح للمستشفى رغد بتوتر : لالاا ما يحتاج يبه صداع وبيخف .. ابو يوسف : ايه ان شاء الله ومع هذا بنروح نتطمن بالمستشفى رغد : يبه والله ما فيني شي ابو يوسف : خلاص قلت نروح يعني نروح شويه فحوصات ما تضرك وتطمنا !!! تنهدت بقهر اُف ومن وين بـ القاها انااا !!! بـ نبره زعل : طيب يبه . في القصيم .. () يوسف : العشاء انا بـ اطبخه لكم باسل بضحكة : تعرف تطبخ انت ؟ يوسف : الغربه تعلم يا ولد العمه ههههه باسل : انا صراحة خايف على نفسي فلذالك بـ اطلب من مطعم يوسف بضحكة : ههههههه لالا مااا عليك وناظر لساعته : اوف فيه سوبرماركت قريب؟ نواف : شيك على المطبخ اول ابو عادل ما قصر مجهز كل شي . يوسف : وين المطبخ ؟ نواف : اول ما تدخل على يدك اليمين يوسف : فيه احد داخل ؟ " يقصد نجوى " نواف : لالا ما اعتقد راحت تمشي هي وامي عند اسطبل الخيل . يوسف : حلو واتجهه للمطبخ وهو يغني برواقان وتأثير جمعه الاهل والاجواء اللّطيفه بالمزرعـه اثرت على نفسيته مره .. في فرنسااا .. () نزلو من السياره واتجهو للبوابة الرئيسية لمستشفى ******* رغد بنفسها حسبي الله كله منه الكريـه ولا كان داومت وهالحين بالكلاس .. !! رغد : ارتاح يبه هنااا انا اشوف الرسبشن ابو يوسف : بـ اروح معك رغد : لالا يالغالي لا تتعب نفسك خليك مرتاح هنا وانا ما بطول ان شاء الله .. ابو يوسف : خير ان شاء الله .. رغد كانت جالسه بالانتظار لـ الفحوصات على انها تعرف ان ما فيها شي كل ذا تمثيل .. !! ابو يوسف تمللّ من الانتظاار وقرر يقوم يطلع برا بالحديقة .. () وهو يمشي سمع اصوات هواش حاااااده ... !!! استوقفه الصوت والحوار ... () فهد : وين الدكتور المسوؤل وينه وكان يمسك كل ممرض يمر ويصارخ عليه بهستريا : ويييينه ؟؟؟ بـاااااي حق يدخل امي العمليااااات بـ اي حق الممرضة بتبرير : سالت حالتها بوقت متاخر وما قدامنا الا غرفه العلمياااااات .. ! فهد قرب منها ولو ما كانت ممرضة تفاهم معها بطريقته قرب منها وبصراخ : وارقاااام جوالاتي ؟؟؟ وعنوان سكني ؟؟ وايميلاتي ، وبصرخة هزت ارجاء المكان : كل معلوماتي عندكم ليش ما اتصلتووور ليش ماااا قلتووو لي للللييييششش ابو يوسف قرب منه ومن ملامحه عرف انه " عربي " ومن الجواز الي بالملف الي بيده تاكد انه سعودي بعدد !!! فهد مسك الدكتور المناوب : والله والله لو صار لـ امي شي بتندمو كلكم والله !!!! فجاءه حس بيد رجل كبير تمسك يده وبحنيه : استهدي بالله يا وليدي ؟؟ اللفت له فهدد وشاف بتفاصيل وجهه الحنون ونبره صوته : هدي اعصابك يا وليدي هدي اعصابك !!! فهد حاول يضبط اعصابه احتراماً للرجل الي واقف قدامه : وضرب الدكتور بخفه على صدره : انا هنااا وسوا نجحت او ..... وما قدر يكمل ! تنهدت يتجاهل دموعه : والله لـ اقدم عليكم شكوى والله . وبـ انهيار : كيف تتصرفون بعدم مسوؤليه كذا مية مره قلت لكم قبل اي قرار يخص امي كلموني قولو لي .. كيف تدخلونها عمليه نسبه نجاحها ٢٥٪ بالمية كيييف .. !! ابو يوسف : تعال يا وليدي تعال ارتاح هناا .. وبعد ما جلس فهد اتجهه ابو يوسف لـ ثلاجة المويا ورجع له : سمّ يا ابوي اشرب وهدي اعصااابك .. فهد : كيف يدخلونها ولا حتى اتصلو علي ! ابو يوسف : انا ما اعرف ايش مرضها ولا ايش العمليه بس الي اعرفه ومتاكد منه ان رحمه الله فوق كل شي .. استودع الله امك وصحتها وعمرها والله كريم .. وتنهد : لو الله كاتب يصير لها شي والله يا وليدي لو كنت موجود وميه دكتور المكتوب مامنه مهروب مثل ما يقولون .. يوسف حسّ كلام هالرجال هدا من عصبيته وغيرت نظرته للموضوع شوي هالحين هي فعلياً بغرفه العمليات مهما صارخت وهاوشت ما يتغير شي .. ابو يوسف : فيه مسجد قريب من هنا ، صل لك ركعتين وادعي لها يوسف وقف : ان شاء الله وقرب من ابو يوسف وباس راسه بكل تقدير : جزاك الله خير .. ابو يوسف : الله يرضى عليك ويطول بعمرك امك .. () واتجهه للمسجد وهو يفكر بـ امه بـاي حاله .. ! عند رغدد .. () وهي طالعه وصلها مسج من ايمان " الدكتور فهد اعتذر عن محاضره اليوم " رغد تنهدت بقهر : شهالحظ استغفرالله .. بس تعبت ابوي على الفاضي ! واتجهت لصاله الانتظار الرسميه وشافت ابوها جالس اتجهت له وبكل حب : ابشرك يبه كل شي تمام ابويوسف : الحمدلله الحمدلله . رغد : يلااا عازمتك على احلى غداء ابو يوسف : الله لا يخليني منك بس .. !! في القصيم .. () ام باسل كانت جالسه بروحها والابتسامة على ملامحها معقوله " سليمان " بيرجع لبيته وعياله ؟ بعد فراق كم سنـه ؟ اما نجوى نفذ شحن جوالها ورجعت تجيب البطارية المتنقلـه .. () وهي داخله سمعت صوت يوسف اتجهت للمطبخ وشافته واقف يشيك على الثلاجة والادرج نجوى بتسرع : يوسف يوسف تنهد صبرك يارب !!! نجوى بكل وقاحه قربت منه وبنبره استعطاف : انت ليش ما تستوعب ؟ ما عنددددك قلب ما تحسّ ؟؟ كم سنه وانا انتظرك ؟ يوسف كان يبي يطلع ووقفت بطريقـه .. يوسف : ابعدي عني يا بنت الناس .. ! واستري نفسسسك !! نجوى قربت زود !!!!! بهاللحظة دخل باسل وكان يبي يسال يوسف شصار يروحون ولا كل شي موجود .. !! نجوى بغنج : انا متأكده انك تحمل لي مشاعر بس تكااابر ! والله انااا احبك واموت فيك وبغنج : اعطي حبنا فرصه فرصـه وحده !! والله انا طول هالسنين ارفض كل الي تقدمو لي عـ ..... باسل بصرخة هزت ارجا البيت : يووووووسسسسسف !!!!!!!!!! بالقصيم .. () يوسف تمنى هاللحظة يموت ولا يشوف نظره باسل صديق طفولته ولد خالته كذا .. ! نجوى فزت برعب من صرخت اخوها !! باسل قرب منه : هذي ثقتنا فيك يا يوسف هذي نهاية الثقه وضربه بكل قوه يوسف كان يقدر يضربه ويرد عليه بـنفس طريقته !!! بس ما يبي يزيد النار حطب على حسب تفكيره ما عرف ان بتفكيره هذا ظن باسل ان بينهم شي وما عنده كلام ومبرر !! شده بقوه : ما عندك حميّه ؟ ما تخااااف على عرضك ********* عليك وعلى الي يأمن اهله عند واحد ******* مثلك نجوى كان بتدافع : بـ بـاااسـ اللفت لها وبحده : بعدك واقفه هناا وشد شعرها : ش بينكم يا ******* من متى يا ********** للحظة نجوى وبتفكيرها الغبي ظنت ان كذا تقدر تجبر يوسف فيها وبـ حبها !!!!!!!!!! وبكذب وتمثيل : من سنين يوسف اتسعت عيونه بصدددمة !!! باسل شد شعرها بقوه : يااا ******** هذي نهايه ثقتنا فيك نجوى بدموع كذب : وعدني يتزوجني وعددددني يستر علي باسل اتسعت عيونه وضرب راسها بالجدار : صاااار بينكم شي ياااا ********* يا ******* يوسف بصدمة : والله ما صاااار شي والله ما بيننا اي شي والله قولي له نجوى قووولي تكلمي نجوى بكذب وصراخ : وين وعودك لي بالزواج ؟؟؟؟ وين كلاااااااامك الحلو لي ؟؟؟؟؟؟ وكل كلام بس ما لك نيه تتزوجني بس تتسلى وتضيع وقت معي يوسف قرب منها وكان يبي يضربها : لا تكذبين لا تتبلين علي وجهه كلامه لـ باسل : والله والله ما صار بيننا اي شي نجوى : وكلامك امس بالليل وين راح باسل شد يوسف ولكمه على وجهه : ياااا ***** ، ******* عليك وعلى ***** ياا **** ما عندك حميه ودفه بكل قوه بالارض وبدا يضربه بشكل هستري !!!!!!!!! يوسف كل الالم الي يحس فيه مو كثر الالم النفسي الي بصددددره !!!! كميف حطتني بهالموووقف ؟؟ كككيييييف تكذب وتتبلى علي وعلى نفسها كذذاا ؟؟ كيف تقول هالكلام لـ اخوهااا ؟؟ كيييف وكان مصدوم من الموقف وباسل طايح ضرب فيه باسل : وانتي يا ********* و اتجهه لها وبدا يضربها بكل قوه ما تستحين يا ********* ما تخافين ربك ******** بهاللحظة يوسف انسحب والالم بكل مكان بجسمه بس ما همه ابدد اتجهه لباب وطلع ما يبي يشوف وجهه عمته ووجهه نواف كيف كيف احط عيني بعيونهم بعد كلااااام هالـ ********* معقوله نجوى رخـ******* لهدرجة ؟ معقوله لهدرجة هي انسانه ****** ؟؟ كان يمشي ولا له وجهه يبي يبعددد عن هالشيطان الي بالمزرعـه !! اما باسل ضربها لين طاحت مغمى عليهاااا بالارض وجلس بالارض وبصراخ : لللييييششش لللييششش تسوون فينااااا كذاا ... وجلس بالارض وبصراخ : لللييييششش لللييششش تسوون فينااااا كذاا هذي اخرر التربيه هذي اخرررر ثقتنا فيكم ؟؟ وبصرخة : للليييييشش يا يوسف للللليييشششش يا ******* على صراخة دخل نواف وانصددم من حالتهم !!!!!!! نجوى مغمى عليها بالارض وباسل قميصه مقطع وجهه فيه اثار لكمات ودم ويصراخ بـ اسم يوسف ؟ نواف بخوف : شصاار شفيكم نجوى نجوااااا ردي علي نجوى واتجهه لـ الثلاجة واخذ موياا ورش عليها بخفه نواف بخوف على اخته : نجوى تسمعيني نجواااااااا باسل ببرود : خلها ان شاء الله تموت ونرتاح منها نواف رفع راسه بصدمة!!!!! وحاول يستوعب .. !!! وبنفسه شيقول ذا البنت بتموت رفع راسها وبحنيه : نجوااا نجوااا الله يخليك ردي علي ورش عليها شوي مويااا وبدتت تتحرك عيونها شوي نواف تنهدت : الحمدلله وبتساؤل : وين عباتك باسل وقف بصعوبه ومر من جنبها ودفها برجله نواف وقف بعصبيه : شفيك انت باسل اشر عليها و بـ استحقار : الحقـ***** ذي سودتّ وجههّا الله ********** نواف قرب منه وبحده : شسالفه يا باسل ! اللفت لها باسل وبستحقار : قولي له عن الغراميات الي بينك وبين هالكــ **** يوسف قولي له الي بينكم من كم سنه نواف بذهول : مستحيييل مستحييل اكيد فيه خطاا !! باسل : هه شايفها بعيني لاصقه فيه وتسولف عليه وعاجبه الوضع نواف : لالالا مستحيل نجوى مستحيييل ومع يوسف لااا باسل : ما له داعي تكذب الوضع هي اعترفت وهو سكت من الاحراج ما له وجهه يبرر .. !! ويقول اي شي هالـ ******* نواف جلس بالارض من الصدمة : لا لا مستحييييييل .. يوسف ونجوى لاااااااااااااااا .. اما عند يوسف .. كان مصدوم شلون عندها الجراءه ؟ معقوله فيه انسانه طبيعي تسوي كذا ؟؟ معقوله فيه ناس دنـ**** كذا ؟؟ كيف اقدر اواجهم واقول لهم الصدق ؟ لالا السوال المهم ()! بيصدقوني ولا بيصدقون اختهم ؟ غمض عيونه وجلس على الطريق وميه سوال وسوال فيه باله .. !! وتذكر فجاءه ان معه مفتاح البيت وقف بسرعه واتجهه للطريق للعام بيشوف اي احد يوصله يبي ياخذ اغراضة وجواز سفره قبل لا يرجعون ... () نهاية الفصل.... | ||||
|
| |
|
| أدوات الموضوع | |
| انواع عرض الموضوع | |
|
|
3Likes
العرض العادي
