دخيل عيُونك السُّود يكفيكْ ذبَحت قلبي مِن غَلاك وملكته / للكاتبة عازفة الحنين

[لامارا]

[dılız]

الروايـة فيها شي غـريب !
يعني البدايـة كانت تمشي تمـام، بعدين صرنـا ماندري شلـون صار هالحدث ومين المُسبب !

مثل حدث ياسميـنْ و وضحى الضاحي، شلون دخل عقاب عليهم وهم في غرفة مخفية وصعب يلاقيها و وين خالها يوم دخل ! ترى انلحس مخّي وأنا افكر بهالموضوع 😩💔
وبعدين ياسميـن شلون انصابت أو ليش هي بالمستشفى ؟!
وبعد زوج سُعـاد فجأة مات ! طيب وين أخوه اللي كان يلاحقه وش اللي صار وكيف ! 😟
وفي العزاء شفنا ردة فعل حريم عمامها بس وين ردة فعل بنت عمها اللي اخذت طليقها ؟
وبرضُو أبو ياسميـن، ليـه يروح بالسيـارة مع بنتـه رهَف لبيتهم الجديـد إذا كان بيت جدهم مايفصلهُم غيـر جدار ! 🤕
و هَديـل متى كلمت رعد عشان تقول له السالفة ورفض ! حتى ردة فعلها وجدها يقول لها عن موافقته على رعد، ماكانت نفس ماتخيلتها على الاقل تقول مو وقته وخاصة جرحها من هالعايلة ماندمل .. وبعدين شلون مايسشيرها حتى لو تمم على طلبه كُون هو أخو طليقها السابق، ويدري بجرح عايلته لها ! ويمكن تنعاد الكرّه، المفروض الجد قال القرار قرارها بهالموضوع، خاصة وأنو مامضى على عدتها غير أيام 🚶🏾‍♀.
ومين هذا اللي تكلمه وماتبي أحد يعرف ! معقولة يكون لها أخو أو خال صار شي ومايبغي أحد يعرف بوجوده عشان ماتصير مشاكل لهَديل ! ومن كلامها عن ندى ورفضها لزواج اخوها منها لها علاقة بهالشخص أكيد .
.
.
روايتـك جميـلة بس فيها تخطّي لأحداث مهمـه ☹💔 تمنيت لو بقيتِ على نفس الأسلوب في بداية الرواية، لأني اندمجت معاهم ومع الغموض اللي فيها 🥺✨.
وأتمنى مايكون انتقادي يكسر قلمك، لأنك مُبدعة بس تحتاجين تراجعينها مرّه ثانية عشان تكون بالصورة المطلوبة وماتتركنا بتساؤلات صعب نلاقي اجوبتها ✨.
وياليت كلامك اللي في بدايـة الرواية مايكون تسليك لنا نحنّا القرّاء، وتكملينها لين النهاية خاصة ومثل مافهمتك انها شبة مكتملة عندك 😟 وأنا معك لين النهاية ✨🧡.



* كنت راح أرسل هالتعليق للكاتبة نفسها في المنتدى اللي تنزل فيه، بس للأسف الرواية كانت مغلقة .. أتمنى يوصلها كلامي وتكملها ): .