آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-09-17, 07:05 AM
| #11 | ||||||||
| مراقبة عامة ومشرفة منتدى الروايات المنقولة  
|  Part 8 وجدان ابتسمت بخبث : اها ، يعني تقصد أن ما عندك مانع تاخذ من العايله لكن بشرط ما يكونون اهلها متخلفين ومعقدين سلطان : تقريبا وجدان ضحكت : طيب شرايك في ساره بنت عمي عبد الرحمن ؟! سلطان : قلت لك مابي من العايله وجدان : بس عمي ومرت عمي مو متخلفين ولا معقدين ، يعني هي تفهم في اشياء احنا مانفهمها ، عقلها منفتح للي يصير في العالم ، بعكسنا ، يعني عز الطلب سلطان : بس لو اخذتها جدك وابوك بيجلسون يتحكمون فيها سوي كذا ولا تسوين كذا ، بحكم انها بنتهم ، اما اذا اخذت غربيه فما لهم كلمه عليها وجدان : امممممم صح كلامك ، عاد انا ما اعرف احد ولا امي تعرف يعني من وين نجيب لك الغريبه ؟! سلطان : الله يخلي خالاتي وجدان كأنها استوعبت وابتسمت : تبي وحده من بنات خالاتي ؟! سلطان : اشتغلت الخطابه وجدان ، لا مابي وجدان : ليه طيب !! سلطان : بس كذا مزاج ، مابي ، ابي وحده غريبه وجدان وقفت بطفش لانها تبيه ياخذ وحده تعرفها : مالت عليك وعلى الغريبه معك سلطان ضحك ولا رد عليها وجدان جت بتمشي بس رجعت : تعال علي رجع ؟! سلطان : اي رجع من ساعتين وجدان : اجل بروح له وانت خليك ي ابو الغريبه مشت وجدان لغرفة علي طقت الباب ودخلت وجدان : هااااااي علي رفع رأسه وابتسم لها : هلا والله ، اشتقت لك ي السنفوره وجدان عقدت حواجبها بإنزعاج : لا تقول سنفوره علي ضحك : انتي سنفوره بعد شنسوي فيك ؟! وجدان : افففف توه سلطان مطفرني وجيت اجلس معك لا تسوي لي مثله علي ابتسم : تعالي تعالي ما عاش الي يطفرك وجدان ابتسمت ودخلت وجلست على سريره : وش تسوي ؟! علي طالع الاوراق الي قدامه على المكتب : والله جالس اكتب وجدان بثقه : طبعا النسخه الاولى راح تكون من نصيبي لاني اخت الكاتب علي ضحك : انتي ليش كل شايفه نفسك وبس ؟؟ وجدان : يحق لي دام علي اخوي علي ابتسم بثقه : بهذي صدقتي وجدان : مشكلة الثقه في عايلتنا علي : اها قلتي لي ثقه اجل !! وجدان ضحكت وهو بعد وجدان : بنات عمي خالهم بيسفرهم تركيا علي : كالعاده مثل كل سنه عمك يرفض وجدان تنهدت : والله حرام عليه فوق انه مهملهم وحارمهم من امهم وما يطلعهم وحاكر عليهم اعظم منا وبعد مو راضي يسافرون مع امهم وخالهم ، والله حرام ، على الاقل انا عندي امي عندي انت وسلطان ، بس هم حتى حمد ما يجلس معهم كل عند أمه مثل ما قلت علي تنهد وهو يتسند : الله يعينهم ، ما بيدنا شي نسويه لهم وجدان : افففففف بعد كم اسبوع بتخرج ، و بجلس بالبيت مثل بيان ونوف علي ما رد وجدان بضيق : طموحي وأمنية حياتي وطفولتي اني اصير مهندسة ديكور علي : بالشغف والفكر تقدرين تغيرين طموحك من هذا التخصص لتخصص تتواجدين فيه في مكان مخصص للنساء ، يعني تماشين طموحك وفكرك وشغفك على تفكير و هوا اهلك وجدان : بس انا شغفي واحد ، شغفي الهندسة وبس ومستحيل اغير هذا الشغف ، وبعدين اهلك مو قابلين حتى ندخل جامعة أو كلية وانت تقول لي تماشين طموحك على هوا اهلك !! هم رافضين فكرة أن البنت تكمل دراستها ، حدها شهادة الثانوية وتجلس بالبيت علي : انتي اذا غيرتي شغفك وصار مثل ما قلت لك فأبوي ممكن يوافق وجدان : مستحيل ، انت تعلمني في ابوي وجدي !! اذا ابوي وافق جدي ما بيوافق علي : شدراك يمكن يصير العكس !! مثل حال وظيفتي ، كنت متوقع أن اذا ابوي يوافق جدي ما يوافق بس صار العكس وجدي اقنع ابوي وجدان تنهدت : خايفه على مستقبلي ، في هذا الزمن غلط تظل البنت بدون شهادة جامعيه وبدون وظيفه ، اهلك واقفين في وجه مستقبلنا وامانينا وطموحنا واقفين في وجهنا بكل شي علي : معليش ي خيه اصبري إلا ما يجي يوم وتلين قلوبهم ويتغير فكرهم وتفكيرهم ومعتقداتهم ويغيرون الي في أنفسهم كله ، لأن أنفسهم كلها على بعضها صارت غلط بسبب تفكيرهم والمعتقدات الي زرعوها في أنفسهم وجدان : تعبت انا خلاص صبرت ١٨ سنه مقدر اصبر اكثر احس اني بجن اذا عشت في هالبيت اكثر علي ضحك بسخريه : وشو يعني تبين تتزوجين عشان تتخلصين من هالعيشه ؟! وجدان بإندفاع : طبعا لا ، مجنونه انا عشان اصير نسخة امي الثانيه ، تتألم على حال عيالها بسبب تفكير ابوهم ولا تقدر تسوي لهم شي !! انا ما عندي الصبر الي عند امي عشان اصبر على تخلف جديد علي : مو كل الرجال مثل جدك و ابوك و عمومك ، اصابع يدينك مو سوا ، الحين انا وسلطان صرنا مثل ابوي ؟! وجدان : انا وحده تعقدت ، بالنسبه لي اعيش في هالحجيم والتخلف طول حياتي في بيت ابوي ولا اطلع من بيت ابوي لبيتي ومملكتي واذوقه بطريقه احدث و ارقى علي : صدقيني ترى بتتعبين اذا ظليتي على تفكيرك هذا وجدان : مابي شي انا من الدنيا إلا أن الله ياخذني له وارتاح ، لا انا الي عايشه مثل الناس مع هالتطور ولا انا الي مرتاحه علي بحده : وجدان شهالكلام !! مابي اسمعه منك مره ثانيه ، سامعه ؟! وجدان سكتت ووقفت علي : وين بتروحين ؟! وجدان بهدوء : بروح اذاكر طلعت وجدان وراحت لغرفتها وبدت تذاكر لان الا ختبارات بعد اسبوعين . . يوم السبت " بيت زهير " بدور دخلت البيت تركض : اللحقوا اللحقوا بيان وحمد بخوف : شصاير ؟! بدور : خالي في بيت جدي ومعه عمومي وابوي حمد تسند : خبر قديم ، روعتيني فكرت عندك شي الحين بيان : ي برودك ي حمد ، وانا اقول ليه جالس اليوم في البيت حمد : يعني وش تبيني اسوي !! بدور جلست : لا تسوي شي استريح بس صاروا بدور وبيان يطالعون بعض بتوتر ، اول مره خالهم يجي يواجه ابوهم وجدهم في موضوع يخصهم مايدرون اذا بيوافقون او لا بعد نص ساعه ما تحملوا البنات وهم جالسين على أعصابهم بيان : حمد قوم روح بيت جدي شوف وش صار معهم حمد : اصبروا شوي اكيد خالي الحين بيجي يبشرنا بموافقتهم بدور : اشك انه بيوافق حمد : ليه ؟! بدور : ابوك وجدك صعبين في هالمواضيع حمد : حسستوني انتي وهي انه جاي يناقشهم في موضوع عيشتكم معهم سكتوا البنات وبعد عشرين دقيقه جاهم ابوهم زهير طالعهم شوي وبعدها تكلم : اسمعوا ان عرفت ان وحده منكم نزلت النقاب والقفاز ولا العباه تحرمون تسافرون مره ثانيه تركهم وركب البنات طالعوا بعض بعد ما ركب يحاولون يستوعبون كلامه وفجأه صرخوا الثنتين ولموا بعض وهم يناقزون حمد طالعهم وابتسم ابتسامه جانبيه على فرحتهم وتركهم طالع لخاله بدور بعدت عن اختها ومسكت جوالها بسرعه : بقول للبنات ، وااااااااااه مبسوطه بيان : وانا ببشر سناءوه قبل لا يروح لهم خالي . . شهر رمضان تاريخ ٢٧ الساعه ١١:٥١ م " بيت سعاد " ريتاج بتوتر : يلا نواف بسرعه جيبه نواف سحب اللاب توب من طاولة مكتبه : صار لها شهر من انرصدت النتايج توكم تطلعوهم !! سندس : ي خي كنا خايفين ولما استعدينا نفسيا جينا نطلعهم " سحبت اللاب منه " شكرا مع السلامه طلعت تركض وطلعت وراها اختها دخلوا غرفتهم وكانوا البنات متجمعين فيها ساره بتوتر : انا اول وحده ها سندس : هي هي هي انا الي جبته انا الي أطلعها اول وحده ساره : طيب انا بعدك ريتاج : لا انا رحت معها انا بعدها " سكتت شوي وبعدها ردت بخوف " لا خلاص انا اخر وحده وجدان : يلا اخلصوا علينا انتي وهي سندس : طيب طيب دخلت سندس الموقع وحطت اسمها وكل شي وبسرعه فتح معها لان محد يدخله بعد مرور هالوقت الطويل من تنزيل النتايج سندس صرخت : ٩٧ يااااااااااااااااه ساره : يلا يلا طلعي نتيجتي يلا سندس : لحظه طلعت سندس وصارت تطلع نتايج البنات وكلهم كانوا نسبهم عاليه بين ٩٣ و ٩٨ وجدان رجعت على ورى وتسندت وهي تتنهد : النسبه العاليه ما منها فايده دامي ما بدخل الجامعه بيان وكأنها ما صدقت على الله احد فتح هالموضوع : بنات ما تدرن وش يصير اذا جلستوا اكثر من اسبوعين في البيت ، و الله احس اني بموت مو قادره اتحمل ، ابي ادرس ابي اشتغل ، اسوي اي شي بس ما اجلس في البيت كذا لا شغله ولا عمله نوف : منجد تحسين إن في شي ناقص فيك بس ما تدرين وشهو وجدان ماحست بنفسها الا ودموعها تنزل من كلامهم البنات كلهم انتبهوا لها واستغربوا ردة فعلها . . . انتهى | ||||||||
|  |
|
15-09-17, 07:07 AM
| #12 | ||||||||
| مراقبة عامة ومشرفة منتدى الروايات المنقولة
| Part 9 بيان : حياتي وجدان شفيك ؟! بدور قربت منها ولمتها وجلست تبكي سندس : وجدان شفيك وش صار لك ؟! ساره : حبيبتي انتي لا تخوفينا عليك بدور رفعت سبابتها عند فمها تبيهم يسكتون لأنها تعرف ليه بكت وجدان بعد خمس دقايق بعدت عن بدور ومسحت دموعها واعتدلت بجلستها وسحبت طرحتها وقفازاتها بتلبسهم ريتاج : بتروحين ؟! هزت راسها بإيجاب بدور : تبيني اوصلك بيتكم ؟! تنتحت وجدان تزين صوتها ووقفت : لا ما يحتاج ، باي بنات طلعت وجدان وبدور تنهدت سندس : شفيها ؟! بدور : يعني ما تعرفون وجدان ؟! هي أمنية حياتها تكمل دراستها برى وتصير مهندسة ديكور ، والحين حتى دراسة هنا في السعوديه ممنوع نوف : كلنا عندنا طموح مثلها بس ما سوينا كذا بدور : ايوه كلنا نقول حلمنا نكمل دراستنا ونصير كذا ولا كذا بس هذا يظل مجرد حلم احنا ما نتعمق فيه لان احنا عارفين انه مستحيل يتحقق ، بس وجدان تعلقت بهذا التخصص وبهذا الحلم والطموح لدرجه كبيره وهذي النتيجه البنات كلهم سكتوا وساره انكسر خاطرها على البنات اقل شي ممكن يسوونه هو الدراسه واهلهم بيحرمونهم منها . . " بيت منصور " علي وامه كانوا جالسين في الصاله وانتبهوا لوجدان وهي داخله وباين من وجهها أنها كانت تبكي وفاء : وجدان ، وجدان لفت لها وجدان : هلا يمه وفاء : تعالي حبيبتي تعالي قربت وجدان منها وسحبتها امها جلستها جنبها وحاوطت وجدان بذراعها وقربتها منها لين ما صارت لاصقه فيها حبتها في منطقة الصدع : وش فيك ي قلبي ؟! وجدان نزلت راسها : مافيني شي وفاء : لا فيك ، قوليلي ليش كنتي تبكين ؟! وجدان : ما كنت ابكي وفاء بحنيه : افا تكذبين على امك ؟! وجدان سكتت شوي وبعدها رفعت راسها ولفت لأمها ومسكت يدها : يمه تكفين ابي اكمل دراستي تكفين كلمي ابوي ، ابي ادرس والله اذا ما درست بموت والله ، انا عايشه للحين بس عشان احقق طموحاتي وأثبت جدارتي ، والله لو ماعندي طموح وامل كان والله من زمان مت وانا عايشه هالعيشه ، تكفين يمه تكفين وفاء وعلي طالعوا بعض بقل حيله وفاء لفت لها وحضنتها : إن شاء الله يمه إن شاء الله علي ناظر اخته وتنهد لين سمع صوتها تبكي وقام ما تحمل وفاء صارت تمسح على شعرها وتلعب فيه : خلاص ي قلبي ولا يهمك إن شاء الله بكلم ابوك وبتدرسين وبتتخرجين وبتصيرين مهندسه قد الدنيا ونفخر فيك ، خلاص ي قلبي خلاص وجدان بعدت عنها ومسحت دموعها : منجد بتكلمين ابوي ؟! وفاء : اي إن شاء الله وجدان ماردت وقامت لغرفتها بسرعه . . يوم العيد بعد صلاة العيد بساعه " بيت زهير" كان حمد واقف قدام المرايا الي عند مدخل الصاله وينسف الشماغ ابتسم ولف لخواته : كيف بس ؟! بيان عضت طرف شفتها وقفلت عينها اليمين وهزت راسها : ي ويلي دخت بدور : طالع مزززز بيان قربت منه لحد ما لصقت خشمها في صدره حمد دفها : وجع وش تسوين انتي !! بيان ضحكت : لا بس ريحة العطر تهبل اول مره اشمها فيك بدور : ههههههههههه غبيه حمد ابتسم : اي هذا عطر جديد توي شاريه انتبه للبس بيان ومسك يدها ورجعها على ورى عشان يشوف لبسها زين : شهالزين شهالكشخه !! بيان بإبتسامه عريضه : احم احم طالعه عليك دائما كشخه حمد : اكيد مافي شك بدور تخصرت : لا !!! وانا بنت البطه السوده مالي مدح ؟! حمد طالع بيان واشر على بدور بيده : صايره تحتك واجد اختك على فكره بيان بضحكه : واجد بدور لفت عنهم وباين انها زعلت ومشت عنهم قبل ما تبعد مسك يدها وسحبها : انتي ليش صايره زعوله كذا ؟! بدور : ما زعلت ازعل عشانكم !! مين انتوا اصلا حمد : لا تزعلين ، والله انك طالعه احلى منها بس احب اغيضك وش اسوي !! بيان : لا !!!!! تراضيها على حساب زعلي ؟! حمد : وجع ، انتوا مو مال مدح ودلع ، الي يشوفكم يقول ذولي حريمي اراضي هذي و ادلع ذي ، ما تنعطون وجه بدور : مو كل يوم يحصل لنا مدح ودلع منك حمد بتلسيك : يلا يلا اللبسوا ترى تأخرنا ، ابوي بيعصب علي اكيد المجلس امتلأ الحين . . " بيت منصور " وجدان لبست الحلق وبعدت عن المرايا بكم خطوه وابتسمت برضا عن شكلها أعطت نفسها بوسه من بعيد : فديتني اجننن ي ربي احبني ولبست عبايتها بسرعه ونزلت تركض رايحه بيت جدها . . " بيت عبد الرحمن " جميله : متأكد انك مستعد تروح ؟! عبد الرحمن طالعها لثواني وبعدها تنهد : كفايه قطيعه ، تعبت من هالوضع ما ردت عليه وطلعت من الغرفه ونزلت وانتبهت لعيالها بيطلعون ساره انتبهت لها : يلا يمه مع السلامه جميله : اصبروا لحظه كلهم لفوا عليها جميله : حنا بعد بنروح معكم ، اصبروا نروح كلنا مع بعض مشاري وأخوانه كلهم صاروا يطالعون بعض مستغربين هاني بفهاوه : قصدك بحنا ، انتي وابوي ؟! فارس ضربه على راسه : شهالسؤال الغبي ، اكيد مشاري ابتسم ورجع للصاله وجلس : اوك ننتظركم حنين : بتروحون معنا ماما ؟! جميله : ايوه ي قلب امك حنين نقزت : هييييييييه ابتسمت لها امها وركبت مشاري سحبها وحضنها وبعدها اخذ يدها يبي يعضها : بعضك انا بعضك حنين وهي تحاول تروح بعيد عنه وكل شوي تاخذ نفس وتتكلم بصعوبه من الضحك : لا لا لا مابي لا فلتت من يده بصعوبه بعد ما عضها وصارت تمسح مكان العضه وهي تضحك ساره : تعالي حنين بحط لك مكياج على ما يخلصون امي وابوي حنين ابتسمت بفرحه وراحت لها تركض مشاري : هي لا تحطين بوجه البزره شي ، خليها طبيعيه صغيره وبريئه حنين لفت له بقهر : انا مو صغيره ساره : لا تتدخل في شغلات البنات ي مشاري مشاري طالعها بقهر وهي رفعت حواجبها بإبتسامه مستفزه صدت وحطت لحنين ايلاينر ومسكرا وبلاشر وروج ساره : الله شحلاتك تهبلين " سحبت القبعه الفرنسيه البيضا المتناسقه مع لون فستانها الوردي الفاتح المتداخل معه الابيض ولبستها إياها " كذا صرتي اجمل " وبغرور ممزوج بإغاضه لمشاري " روحي وري اخوك مشاري ابداعاتي حنين راحت لمشاري وهي مبسوطه : شوف صرت حلوه مشاري : لا انتي قبل شوي احلى ، روحي لها خلها تمسحه حنين : اصلا انت ما تعرف البنات ، انا كذا احلى ، صح فارس ؟! فارس : لا ، انتي في كلا الحالتين تلوعين الكبد ساره انفجرت ضحك : حيوان انت ، ما عليك منه انتي كذا حلوه هاني : الا حلوه ما عليك منهم حنين : اي لانهم مو حلوين فيشوفون الناس كلهم مو حلوين مثلهم ساره وهاني انفجروا ضحك هاني : اعطتكم في نص الجبهه مشاري : افا ، انا تقولين عني كذا !! حنين طنشته ولا ردت شوي ونزلوا امهم وابوهم ومشوا . . " بيت الجد " اندق الجرس واستغربوا هم لأن الابواب كلهم مفتوحين الجد : علي روح شوف يمكن هذا الباب تقفل ولا شي علي : ابشر راح علي للباب وشافه مفتوح ، راح لقسم الحريم وطلع هو الي مقفول فتح الباب وجا بيروح لقسم الرجال بس انصدم بعمه عبد الرحمن عادةً كل سنه يجون عيال عمه لكن عمه وزوجته ما يجون بس على طول ابتسم بفرحه بجيته يعني اخيرا الاوضاع بتتحسن : هلا عمي هلا ، أسفرت وانورت قرب منه وباس رأسه : كل عام وانت بخير عيدك مبارك عبد الرحمن : وانت بخير وصحه وسلامه وايامك سعيده ماشاف نفسه علي إلا وهو راجع على ورى بسبب حنين الي تذكرته وجت له ركض وحضنته من رجلينه بقوه ورجع على ورى ضحك بسرعه : هلا حنين ، لحظه شوي حنين بعد شوي عن الباب : حياكم تفضلوا دخلوا وكان بيمشي لقسم الرجال بس استوقفه صوت عمه : علي حنا بندخل للصاله بنسلم على جدتك وعمتك ، انت ناد جدك هنا للصاله علي ارتبك وطالع عمه وبعدها لعيال عمه وشاف نفس النظره بعيونهم علي تنحنح : إن شاء الله مشى علي للمجلس وراح لجده الجد : ها الباب مقفل ؟! علي : اي باب الصاله الجد هز راسه بدون ما يرد علي فرك يدينه بتوتر ما يدري كيف بيقوله : ااااءءءء جدي الجد لف له : نعم علي : يبونك في الصاله الجد : مين ؟! علي : روح وبتشوف مقدر اقول الحين الجد وقف : خير ان شاء الله ، رح قهوي الضيوف علي : إن شاء الله . عبد الرحمن : جميله شوفي لنا طريق دخلوا جميله وبناتها ساره أول ما شافت البنات صرخت : بناااات وحشتونييييييي اول وحده جت لها سندس وسلمت عليها : بلا كذب قبل اربع ايام انتي هنا ساره : بس وحشوني البنات الا انتي الوحيده ما وحشتيني سندس انتبهت لزوجة خالها وابتسمت بإحراج وسلمت عليها : هلا خالتي كيفك ؟! كل عام وانتي بخير صاروا البنات يجون يسلمون عليها وهم مستغربين انها جت جميله : الا وين ام نواف وخالتي ؟! نوف بإبتسامه : كلهم في مجلس الحريم جميله : طيب حبيبتي ناديهم و بنات ادخلوا داخل شوي لان عيال عمكم بيدخلون البنات هزوا روسهم ودخلوا في الغرفه الي جنب غرفة جدهم وجدتهم عشان ياخذون راحتهم أما نوف نادت امها وجدتها وابتلشت وهي جالسه مع الحريم هي الي تضيفهم وتسب في البنات لأنهم خلوها بروحها مع الحريم . طلعوا سعاد والجده للصاله واتفاجأوا بوجود عبد الرحمن الجده أول ما شافت عبد الرحمن دمعت عينها مشتاقه له اخر مره شافته قبل ٢١ سنه لما كان صغير توه شباب في بداية حياته الزوجيه عبد الرحمن قام بسرعه وراح لأمه وحضنها وجلسوا يبكون الاثنين الجده صارت تحبه في اي مكان تطيح عليه عيونها وكأنه رجع صغيرها المدلل : ي قلب امك ي روحها انت ، ي قو قلبك ي عبد الرحمن ي قو قلبك ، كيف طاوعك قلبك تقطع امك ٢١ سنه ؟! كيف قدرت بكل مره تنزل عيالك عندنا ولا تنزل تسلم على اميمتك ؟! كأن ما عندك ام متشفقه لشوفتك عبد الرحمن باس راسها : غصب عني ي يمه غصب عني الجده : لا تقطعني ي يمه ، ما شبعت قطيعه وانا امك ؟! قاطعهم دخول الجد وقف منصدم من وجود عبد الرحمن ترك عبد الرحمن امه واتجه لأبوه قرب منه واحنى راسه بيحب راسه بس ابوه بعده ما استغرب عبد الرحمن من ردة فعله وسكت صالح ( الجد ) وهو يحاول يغالب شوقه لولده : شجابك ؟! عبد الرحمن نزل راسه شوي وبعدها رفعه : جيت اعايدكم و........ " سكت لثواني وبعدها استرسل بكلامه " وجيت اصلح الي انكسر ونرجع مثل قبل صالح : بكل بجاحه تقول جاي تصلح الي انكسر !! " بحده " عبد الرحمن ، الي طلع من شوري ماله مكان عندي عبد الرحمن بصدمه : تطردني يبه !! صالح : اي اطردك ، وليه ما اطردك ؟! مو انت الي طلعت من هالبيت بإرادتك ؟! مو انت الي تكبرت على عاداتنا وتقاليدنا ؟! وانت تعرف الي ما ياخذ بعاداتنا وتقاليدنا ماهو مننا ، انت بدون تقاليدك ولا شي ، والحين مثل ما طلعت قبل ٢١ سنه من هالباب بإراداتك تطلع منه اليوم بكرامتك احسن لك عبد الرحمن طالع امه وهو منصدم من كلام ابوه ما توقع يكون هذا كلامه جميله بلعت ريقها وصدت لعيالها وشافتهم يناظرون جدهم وابوهم بنظرات الم وضيق مهما كان هم ما يسمحون لأي احد يهين كرامة ابوهم قدامهم ، بس الي جالس يهينه مو اي واحد ، هذا جدهم ، ما يقدرون يتكلمون أو يقولون شي فارس تنحنح ونغز اخوانه عشان يطلعون وطلعوا مايبون يشوفون اكثر من الي شافوه راحوا لقسم الرجال ودخلوا المجلس وسلموا على الرجال وعمومهم وجلسوا علي جلس جنب هاني : وش صار ؟! عسى بس لان جدي ؟! هاني وأخوانه تبادلوا النظرات ولا ردوا علي فهم عليهم وتنهد : اكيد اذا جا عمي مره ثانيه وثالثه جدي بيلين وبترجع العلاقه مثل قبل مشاري بأمل : إن شاء الله فارس : عمومي يدرون إن ابوي موجود ؟! علي : اي بس ما يقدرون يدخلون والرجال موجودين على الاقل يغطون وجود جدي على ما يرجع مشاري تنهد : يلا اجل انا ماشي علي : وين !! تو جاي مشاري : عندي كم مشوار بقضيهم وبجي فارس وهاني وقفوا : وحنا بنجي بعد مشاري : لا انتوا خلكم ، ارجعوا مع ابوي ، ما بروح البيت ولا بيت جدي احمد هاني : طيب جلسوا فارس وهاني وشوي وجا جدهم وصاروا ينتظرون اتصال ساره تقولهم انهم بيمشون بس طولت بعد ساعه اتصل هاني على ساره وقالت لهم أنهم من زمان طلعوا والحين هم في بيت جدهم احمد هاني لف لفارس بعد ما قفل : راحوا لبيت جدي احمد من زمان فارس : والحين حنا بنجلس هنا يعني ؟! هاني : دق دق على مشاري خله يجي ياخذنا ، اصلا احنا الغلطانين الي قلنا بنجي معه ، لو حنا جايين بسيارتنا احسن فارس تأفف ودق على مشاري وجا اخذهم بعد ساعتين . . الساعه ٩:١٥ م " بيت عبد الرحمن " طلعت جميله من الحمام ( الله يكرمكم ) وشافت زوجها جالس بثوبه ومرخي جسمه على الكنبة ومرجع راسه على ورى ومقفل عيونه وبجنبه الشماغ والعقال وقفت شوي تطالعه وبعدها تنهدت وقربت منه سحبت الشماغ والعقال وحطتهم على جنب وجلست جنبه وحطت يدها على فخذه فتح عيونه الحمرا ورفع راسه وزفر سحبت يده وشبكت اصابعها بأصابعه : لا تضيق صدرك ولا تفكر كثير ، طبيعي تكون هذي ردة فعله كونه رجال متمسك بعاداته وتقاليده ولو كانت خاطئه أو جاهليه ، هذي اول مره تقابله من طلعت من البيت بذيك السنه ، فلازم ما تتضايق من هذي الردة الفعل ، حاول مره ثانيه وثالثه ولو يتطلب الأمر المره المئه وواحد ، في النهايه بيرضخ وبيلين مهما كان الزعل الي يحمله الاب اتجاه ولده ، مشاعر الاب تتغلب على هذا الزعل ، انت لا تيأس كفايه زعل ٢١ سنه اسعى لرضى ابوك ولو كان بكل مره تروح له ويطردك بس لا توقف لحد ما يرضى عليك ، واذا تبي انا اروح معك كل يوم انا مستعده عبد الرحمن ابتسم وسحب يدها الي مشتبكه بيده وباسها : الله يخليك لي . . . انتهى | ||||||||
|
| |
|
18-09-17, 01:08 AM
| #13 | ||||||||
| مراقبة عامة ومشرفة منتدى الروايات المنقولة
| Part 10 " بيت منصور " علي طق باب غرفة وجدان وبعد ما اذنت له دخل وهو مخبي يدينه ورى ظهره علي بإبتسامة : كيفك ؟! وجدان ابتسمت هي الثانيه وعرفت هو ليش جاي مثل كل سنه : كويسه علي : دوم يا رب , أي وش عندك ؟! وجدان : والله ابد جالسه على اللعب في اللابتوب من الطفش علي : الحين انتي ما نعستي ؟! صار لك يومين مو نايمه حتى غيبوبة العصر ما دخلتيها معنا هههههه وجدان : اذكر الله لا انام وما اقوم علي ضحك : لا تخافين ما يصير فيك شي ذيبه , المهم " طلع يدينه من ورى ظهره وكان جايب باقة ورد احمر صغيره وكيس حجمه وسط وداخله صندوق حجمه وسط على شكل مربع " تفضلي , كل عام و انتي بألف خير والعمر كله يا رب وجدان ابتسمت ووقف وحضنته : وانت بخير وصحه وسلامه علي حط يده ورى ظهرها : صغيرتنا كبرت وكملت 19 سنه وجدان استحت : اي علي : يلا انا بروح الحين , تراي سابق سليطين يقول هو اول من بيهديك السنه وسبقته وجدان بضحكه : لا حبايبي امي وابوي سبقوكم وامي هي اول من هدتني وعايدتني علي حك مؤخرة راسه : برضو سابق سلطان ههههههه وجدان ضحكت : الله يخليكم لي علي قرص ارنبة خشمها : ويخليك لنا صغيرتنا " ابتسم بحنية " يلا تصبحين على خير وجدان : وانت من اهل الخير طلع علي وبعد خمس دقايق جا سلطان ومعه هديته سلطان : وسبقت عل......... قطع كلامه لما انتبه للكيس والورد سلطان : افا وجدان ضحكت : اهم شي وصلت سلطان رفع كتوفه: على قولك " قرب وباسها " كل وعام وانتي بألف خير عقبال مية سنه وجدان : يمه بسم الله علي 100 سنه , اتحلل وانا لسى عايشه سلطان ضحك : غبيه , يلا خذي هديتك وانقلعي بروح انام وجدان ضربت كتفه بخفه : وجع كملها ي خي , ابد اسلوب وذوق ما في الله يعين زوجتك بس سلطان : احمدي ربك جبت لك هديه , يلا بروح انام , بس ترى هديتي احلى من هداياهم كلهم " بغرور " تعرفين ذوق اخوك حلو دائما في المقدمه , يلا نامي طلع سلطان ووجدان تضحك على دفاشته راحت للطاوله وسحبت هديتها الي من عند علي وجلست على السرير وطلعت هديتها الي من عند سلطان وفتحتها وكانت عباره عن ايفون 7 احمر مع غلافين له وحاط ورقة كاتب فيها " قلت لك انها احلى من هداياهم واتحداك تنكرين , ولا تقولين ايفون 8 لا افقع وجهك ترى هذا مو رخيص طفرني اعتبريها عيدية وهدية ميلادك , وعلى فكره للحين اذكر يوم امي ولدتك , خرشتينا و اشغلتينا بيوم العيد الله يشغلك ما خليتينا نتهنا فيه حتى عيادي ما جمعنا انا واخوي وكله على حسابك مالت عليك " وجدان ضحكت وهي كانت متأكده مليون بالمئه انه بيكتب هالكلام لانه كل سنه يكتب نفس الكلام وهو كذاب لما سألت امها قالت لها انهم حصلوا عيادي كثيره لان خالهم اخذهم معه لجماعته رجعت الهدايا في الكيس واخذت هديتها الي من علي وفتحت الصندوق وكانت ورقه مطبوعه وباين انها مصوره بجوال من لابتوب وكانت هذي الصوره فيها بياناتها في فراغات وعرفت انها تسجيل للجامعه وجدان صرخت مو مصدقه وصارت تناقز على السرير وبعدها رجعت للصندوق ولقت فيها كتاب بعنوان ( طموح مقيده ) وكان حاط ورقه ومصمغها على كتاب وكاتب فيها " النسخه الاولى مثل ما تبين " لما شالت الكتاب لفت انتباهها علبتين بشكل مستطيل مخمل وكأنها علبة لذهب فتحتهم وشافت العلبه الاولى فيها خلخال و الثانيه فيها سوار كف وكلهم ذهب وانتبهت لميتين ريال مدبسه فيها ورقه ومكتوب فيها " كل عام و انتي الى الله اقرب ولفعل الطاعات ارغب وللجنه اسبق عيدك مبارك " ابتسمت وهي فرحانه بالهدايا كلهم عزيزين على قلبها وحتى هدية امها وابوها كانوا عزيزين على قلبها بكل سنه تحس بمعزنها عند اهلها بسبب مشاعرهم الي يقدموها لها كهديه معنويه قبل ما تكون ماديه وحتى لو ما كانت مشاعرهم مباشره مثل سلطان بس كفايه انها تعرف قدرها عندهم . يوم ثاني صحت وجدان وبعد ما صلت نزلت بسرعه ولقت اهلها كلهم موجودين في الصاله الا ابوها وقفت قدام علي : الحين الورقه الي حاطها منجدك ولا تستهبل فيها ؟! علي ضحك : لا منجدي وجدان بصدمه : ابوي وافق ؟! وفاء وعيالها صاروا ينقلون النظرات ما بينهم سحبتها امها وجلستها : اسمعي حنا قدمنا لك لكن بس في جامعة الدمام ومثل ما تبين هندسه , لكن ابوك ما يدري , انا كلمته وما وافق لكن انا واخوك قدمنا لك في الجامعه , اذا قبلوك بتروحين بدون ما يدري ابوك في بداية الامر وبعدين ببدأ امهد له الموضوع و اقوله وجدان انصدمت اكثر : كيف اروح ادرس بدون علم ابوي وموافقته ؟! ما اقدر , حرام والله سلطان انقهر : الحين انتي تبين تدرسين ولا لا ؟! اذا تبين تدرسين تاكلين تبن وتروحين بدون علم ابوك لين ما حنا نقوله واذا مره مو عاجبك الموضوع اجلسي في البيت لين تخيسين وجدان : ما اقدر ادرس بدون موافقته والله غلط وفاء بضيق : ادري غلط والله ادري بس الي يسويه ابوك بعد غلط , خلاص ما اتحمل اشوفه مقفلها عليكم من كل جهة واسكت , انا بقوله بعدين وبحطه قدام الامر الواقع بعد ما انتي تبدين دراسه واكيد هو ما بيقدر يقول شي علي : وبعدين ترى للحين ما طلعوا دفعات القبول , يمكن يقبلوك ويمكن لا , بس حنا الحين حاطين امل انهم يقبلوك عشان كذا من الحين نقولك هالكلام سلطان : اجل ما فتحتي الجوال الي شريته لك وجدان لفت له مستغربه : ليه شفيه ؟! سلطان : حملت لك مواقع التواصل الي عندي وفتحت لك حسابات فيها وجدان شهقت : ابوي ما يرضى سلطان : امي الي قالت لي احملهم لك لان ابوي وافق وفاء وجعها قلبها وحاسه ان الكتمه الي فيها تزيد ما تبي تتعامل بهالاسلوب وتكسر كلمة ابوهم قدامهم وعشان كذا هي كذبت بشأن الجوال , كفاية سالفة الجامعه , هي تدري انه غلط كبير تسوي كذا وخصوصا ان عيالها يدرون انه غصب عن ابوهم وهذا اكبر غلط لانهم اذا شافوا امهم ما تبالي برأي زوجها وموافقته العيال يستهينون بقدر ابوهم واهميته وما يحسبون له حساب ولا يحترموه لان امهم تمشي كلمتها عليه قدامهم , وهذا الي ما تبيه بس ان شاء الله تكون هذي اول مره واخر مره بس هي ما تبي بنتها تكون ما تفهم في شي خصوصا في هذا الزمن البنت الي ما تتماشى مع تطور جيلها ما تسوى شي لان اذا مو فاهمه في هالاشياء فهي تعتبر جاهله وهي ما تبيها تكون اقل من بنات جيلها بشي بس لازم عيالها ما يعرفون بأن ابوهم ما يدري انها حملت لها هالبرامج لازم وبتحرص انهم ما يدرون وجدان بحماس : جد ؟! الله بروح انزله ركبت وجدان ركض ونزلته وجلست جنب سلطان وجدان : تعال كيف ننزل صوره ؟! نسيت كيف سلطان رفع حجاجاته : وش بتنزلي ؟! وجدان : عادي بنزل صورة بزر سلطان ضحك : لا ي غبيه لا تنزلين صور تافهه بعدين يصير حسابك بايخ حاله حال حسابات البزران وجدان : ي خي كيفي انا ابي انزل صورة بزر , حسابي ولا حسابك ؟! سلطان : لا تخليني الحين احذفهم لك كلهم , ترى انا الي منزلهم لك علي : الحمدلله والشكر بزران وجدان : افففففف طيب خلاص بنزل شي فيه محتوى بس علمني كيف انزل صور سلطان : تدخلين هنا بيطلعون لك الصور اختاري مثلا ذي وهنا تكتبي الكلام وتضغطي على ذي وبس تنزل الصوره وجدان : اه صح تذكرت الحين وانت قلت من هنا يغيرون تأثيرات الصوره سلطان : اي وجدان : انزين ذولي وشو ؟! سلطان : هذا السناب جات وذا الوتساب تعرفيه طبعا كان عندك بجوالك القديم وذا تويتر وذا الفيس بوك بعلمك عليهم بعدين بس ترى مدري ليش بعلمك الفيس بوك صار قديم ومايدخلوه الحين الا الشياب و المصريين علي : ترى الفيس بوك افضل من مواقع التواصل ذي ولا يصير قديم وفيه كل جديد مثل التويتر سلطان : خلاص درينا انك تحب الفيس بوك , وبعدين مو شي غريب دائما الي يحبون القراءه والادب ما يدخلون الا الفيسبوك مدري ليه وش العلاقه علي وقف : انا اقوم عنك انت انسان تافه وفاضي والي يجلس معك يصير اعظم منك سلطان : اسفين استاذ علي لازم نصير مثقفين عشان لا نصير تافهين بس للأسف انا ما اثقف نفسي فما اوصل لرقيك علي : استغفر الله , انت ليش لسانك كذا ؟! ليش ما تعرف تحكي ؟! سلطان مارد عليه وعلي هز راسه بيأس ومشى اما وجدان جلست على جوالها وهي مبسوطه بالبرامج الي نزلهم لها وجدان : تعال هذي الحسابات انت الي خليتهم يطلعون عندي ؟! سلطان : أي , يقولون انت مسوي لهم فولو او انت الي متابعهم , اما الي هنا لا الانستا هو الي يطلع لك الحسابات والصور حتى لو انتي ما تتابعيهم وجدان : امممممم , طيب لو سمحت سلطان ممكن اذا جيت تعلمني تعلمنيى عادي ما تحسسني اني بزر جالس تعلمه ؟! سلطان ضحك : طيب اسف . . بعد يومين " بيت زهير " زهير وهو يسلم على بناته : انتبهوا لأنفسكم , مو تروحون منا ولا منا لحالكم او مع بنات خالكم , ما تمشون الا مع امكم وزوجة خالكم او مع خالكم وحمد , سامعين ؟! والعباه والنقاب لا اشوفكم منزلينهم , بسأل عنكم من حمد كل يوم , واتصلوا كل يوم بيان : ان شاء الله طلعوا البنات وراحوا يسلمون على البنات وعلى جدتهم وجدهم على ما يخلص حمد من سلامه على ابوه الي توصياته حريصه جدا كثيره جدا طلع حمد وراحوا لبيت خالهم عشان بعد خمس ساعات رحلتهم استعدوا لكل شي وبعد ساعه مشوا للمطار . . " بيت عبد الرحمن " جميله مسكت يد زوجها وابتسمت له : ان شاء الله بيرضى هالمره عبد الرحمن تنهد : ان شاء الله نزلوا عبد الرحمن وجميلة وانتبهت لهم حنين حنين : ماما وين بتروحون ؟! جميله : بنروح مشوار قصير وبنرجع حنين : مشوار ايش ؟! جميله ابتسمت لها : مشوار حنين : طيب عادي اروح معكم مشواركم ؟! عبد الرحمن ابتسم ونزل لمستواها وباسها : المره الجايه ان شاء الله حنين : لا ابي اروح معكم , طفشانه ابي اطلع هاني الي كان موجود وعرف انهم بيروحون بيت جده : تعالي حنين انا بروح معك الكورنيش او قرية الالعاب اذا تبين حنين لفت له بفرحه : والله ! بتروح معي الالعاب ؟! هاني : اذا خليتي الماما والبابا يروحون لحالهم ايوه الحين اروح معك حنين لفت لأمها وابوها بسرعه : خلاص روحوا انا بروح مع هاني الالعاب جميله طالعت هاني وابتسمت له بإمتنان ورد لها الابتسامه طلعوا عبد الرحمن وجميله ولف هاني على اخته : يلا روحي قولي لساره تلبس وتبدل لك عشان نطلع حنين بفرحه : طيب راحت تركض لغرفة ساره وفتحت الباب بدون ما تطقه . . . انتهى | ||||||||
|
| |
|
13-11-17, 03:34 AM
| #14 | ||||||||
| مراقبة عامة ومشرفة منتدى الروايات المنقولة
| Part 5 حطت ساره راسها على الطاوله وغمضت عيونها وضربت رجل ريتاج من تحت عشان تلفت انتباه الاستاذه وتطالعها ريتاج صارت تطقطق بالقلم لين انزعجت الاستاذه ولفت لها وانتبهت لساره : ي بنت ، ي بنت ، من ذي ؟! ريتاج : ابله هذي ساره الطالبه الجديده من شوي كانت تقولي أنها تعبانه الاستاذه قربت من ساره وهزتها : ساره قومي اذا تعبانه روحي للإسعاف لا تنامين لي هنا رفعت راسها ساره وهزت راسها وهي عافسه ملامحها ووقفت وسوت نفسها دايخه وجسمها غير متزن وبسرعه مسكتها ريتاج الابله : خلاص ريتاج روحي انتي معها واذا صارت احسن ولا جوا اهلها لها ارجعي ريتاج : أن شاء الله استاذه طلعت ساره وريتاج ساندتها على نفسها لين مابعدوا عن الفصل وكل وحده منهم اعتدلت بوقفتها ساره : يلا وينه ؟! ريتاج سحبتها : تعالي راحوا للمعمل الي جالسين فيه البنات ساره لفت لريتاج : اسمعي حنا بنقول أن الاداره تبيهم كلهم ريتاج : اي اوكي ، أساسا هم كل يطلبوهم الاداره يعني بتصدق الاستاذه بس انا ماراح ادخل لانها تعرفني اني دايم معهم ساره : طيب دقت الباب ساره ودخلت : السلام عليكم عذرا ابله بس الاداره طالبين بدور ووجدان الحامد وسندس الميان البنات طالعوا بعض مستغربين أن ساره هي الي منادتهم وأنهم مو مسوين مصايب الاستاذه ناظرت البنات وتنهدت : كالعاده ، مدري متى بتعقلون ، الله يصلحكم بس " أشرت على الباب " تفضلوا قاموا البنات وطلعوا مع ساره سندس : شصاير ؟! وجدان : جد طالبينا ولا تسخرين ؟! بدور انتبهت لريتاج الي واقفه بعيد عن المعمل بشوي وصرخت بصوت واطي : منحشتنا ، الله من زمان ماسحبت على الحصص ، يلا يلا تعالوا نروح ورى المدرسه مشوا البنات بإتجاه ريتاج وهم ماشين انتبهوا للمساعده مقربه منهم وجدان : يوووه جت الغثيثه وبتعرف الحين أننا منحاشين ريتاج ضحكت وطلعت بطاقه الاذن بالخروج من مخباها وهي تلوحها قدامهم : تقدرون تقولون زرفتها من ابله شدن بتكتيك البنات ابتسموا : كفو ساره احنت ظهرها وسوت نفسها ملتويه على بطنها جت المساعده وشافتهم : ها بنات الحامد والميان " معروفين في المدرسه " اشوفكم جالسين تتمشون ، ما وراكم حصص !! ريتاج : لا استاذه بنت خالي توها طالبه جديده ومسكينه تعبانه وتبينا نكون معها بما أن ما تعرف احد هنا واول يوم لها في المدرسه ذي المساعده : من الي أذنت لكم تطلعون ؟! بدور : استاذه شدن المساعده وهي تطالع ساره وبعدها البنات بشك : متأكدين ؟! اروح اسألها يعني ؟! البنات اختبصوا بس شافوا أن ريتاج وساره مرتاحين وعرفوا انهم مخططين لهالشي وجدان : ابله حرام عليك بنت عمي تعبانه ووقفت كثير ريتاج : اي استاذه اكيد روحي اسأليها اذا مو مصدقتنا ، اجل كيف بتصير عندنا البطاقه لو ما هي اعطتنا إياها !! المساعده طالعتهم شوي شاكه فيهم بعدها تنهدت : طيب روحوا مشوا البنات ولما نزلوا الطابق الثاني اعتدلت بوقفتها ساره سندس ضربت اختها : ي غبيه انتي وش سويتي لو راحت وسألت ابله شادن !! ريتاج : ي الخبله لعبت عليها ونفس الكلام الي قلته للمساعده قلته لها بس كنا نبي منها بس البطاقه وقلنا لها أن ابلتنا نست ما تعطينا بطاقتها وهي الي اعطتنا البطاقه وجدان : تقولي زارفتها ريتاج : قلت لك تقريبا زارفتها بدور : بلاك ما تعرفين الزرف " سحبت ساره من يدها " يلا امشوا قبل لا احد يشوفنا نزلوا البنات وراحوا ورى المدرسه وكانت هذي بداية الحصه السادسه فأخذوا راحتهم وجلسوا حصتين لما صاحت صافرة نهاية الدوام ركبوا ياخذون اغراضهم طبعا البنات عرفوا بنات فصلهم على ساره وأنها بنت عمهم والي راح تكون نصيرتهم في الايام الجايه بس وصوهم لا يعرفون الاستاذات الي لسى ما دروا عنها . . الساعه ٤:٥٥ م بيت منصور وجدان : تخيل سلطان اليوم وش سوينا ؟! سلطان : سحبتوا على الحصص كالعاده وجدان : اي بس تخيل كيف !! ساره بنت عمي اليوم نقلت لمدرستنا والخبله جت وقالت أن الاداره طالبينا وطلعنا الا هي مسويه نفسها تعبانه ولأنها جديده ماتبي تكون لحالها وننزل ونجلس ورى المدرسه لنهاية الدوام ولا احد درى عنا سلطان : خطيرات انتوا ، ينخاف منكم كلكم اجتمعتوا وجدان : تعرف ابله حكيمه ؟! سلطان : شعرفني فيها وجدان : الي قلت لك عنها اننا طاقين صحبه معها سلطان : اي شفيها وجدان بضحكه : لما قلنا لها أن ساره طالبه جديده معنا ضربت على راسها وهي تقول اجتمعتوا بنات العم والعمه والله يعيننا على مصايبكم ، لاننا قد قلنا لها عندنا بنت عم بعمر ريتاج بس مو معنا بنفس المدرسه سلطان ضحك : ما الومها وجدان ضحكت : لا وازيدك من الشعر بيت الغبيه كانت مهربه جوالها وقطعة النت ولما رحنا ورى المدرسه شغلتهم وجلسنا نطقطق على خلق الله في الانسغ..... شسمه ذا الي علمتني عليه ؟! سلطان : الانستغرام وجدان : اي هذا هو وبعدها شاهدنا لنا فلم في جوالها ههههههههههههههههههههههههه ههههههههههههههههههههههههه هههههههههه تخيل ، لا وفي بنتين كانوا هربانين مثلنا جلسوا معنا شوي وقاموا وبعدين انقفطوا الا حنا الحمدلله محد درى عنا سلطان : خبله بنت عمك ذي ، اول يوم لها وطالبه جديده ومسويه كل هذا ، وش كان بيصير فيها لو انكشفت !! وجدان بضحكه وهي تمد لسانها : يلا عدت الحمدلله سلطان : انتبهوا المره الجايه ولا تسوون شي زي كذا لا فصل نهائي لان اكثر من مره كتبوكم تعهد وكذا مره يفصلوكم ٣ ايام واحمدي ربك أن امك تغطي عليك وابوك ولا درى على كثر مافصلوك ولا كان شفتي شغلك مثل بنات عمتك مساكين ، ولا تنسين انتوا الحين اخر سنه ، انتبهوا وجدان بلعت ريقها بخوف من الفصل : أن شاء الله . . " بيت زهير " بيان دقت بدور تبي هي الي تكلم ابوها تقدمت بدور : يبه ، مر شهر بيان عقد حواجبه : مر شهر على ايش ؟؟ بدور : مر شهر من زيارتنا لأمي ، نبي نروح لها زهير طالعهم ببرود : خلوها لبكرى بدور وبيان طالعوا بعض بغبنه بدور : اجل يبه بكرى اذا جا لنا ولد عمتي ياخذنا من المدرسه بخليه يوديني لأمي ، وحمد يودي بيان الظهر زهير ما رد عليها وعرفوا أنه موافق وارتاحت خافت ينفجر فيها ويصرخ عليها ويرفض ركبوا فوق وجلسوا بيان : على الاقل بكرى احسن عشان ناخذ راحتنا بدور : كان ودي اروح يوم الجمعه من الصبح بس مشتاقه لأمي بيان ابتسمت : اي صح ، خلنا نروح يوم الجمعه من الصبح ولا نرجع الا عشر ١١ يعني وقت أطول بدور بتعابير حزن : بس انا مشتاقه لأمي وما اقدر اصبر بيان : صبرتي شهر ما تصبرين كم يوم ؟! بدور : مدري بيان بحسم للموضوع : بنروح يوم الجمعه مو بكرى . . يوم الجمعه الساعه ٩:١٥ " بيت ابو مروه ( جد حمد ) " نزلوا من السياره وكانوا بيدقون الجرس بس نزل اخوهم وطلع مفتاحه وفتح الباب طالعوه مصدومين وهو ابتسم لهم حمد : ما بتدخلون ؟! بدور : انت من وين لك المفتاح ؟! حمد : خالي اعطاني اياه ليان : ليش وانت ما تجي الا مره في الشهر ؟! بدور : صح ابتسم ومارد عليهم ودخل ودخلوا وراه وقف عند باب الصاله الداخلي : ادخلوا سووا لي طريق دخلوا البنات واول ما دخلوا شافوا بنت خالهم وصرخوا : سنااااااء وهي الثاني صرخت ولموا بعض بقوه سمعهم حمد وهو برى وضحك : مهابيل بعدوا عن بعض وتذكرت بيان : صح حمد يبي يدخل سناء : انتظروا بلبس جلالي راحت ودخل حمد شوي وطلعت امهم وراحوا لها يركضون وحضنوها مشتاقين لها كثيييييير بعدت امهم وسحبتهم للصاله وجلستهم مروه : شخباركم ي بنات ؟! بدور ابتسمت : كويسين مروه : ما شاء الله اشوف نفسيتك احلى من لما جيتي الشهر الي فات بيان : اي مو لان يمه ساره نقلت معهم المدرسه ومسوين بلاوي في المدرسه ومبسوطين على الخراب مروى : ساره بنت عمك عبد الرحمن ؟! بدور ضحكت : اي مروى : انتوا متى تعقلون ؟! اذا استدعوني ما راح اروح ، كل يوم والثاني طاقتها المدرسه عشانك ، أعقلي أعقلي بدور ضحكت وهي عارفه ان امها ماتبي تروح بس تروح عشان نفس السبب الي تفتعل هي المشاكل عشانه دخلت سناء و جلست معهم و تذكرت شي و بسرعه لفت لحمد سناء : صح تذكرت ، وين الي وصيتك عليه ؟! حمد رفع حجاجاته : نعم !! وش الي و يصيتيني عليه اصلا ؟! سناء : بوكس المفاجآت حمد : وليش أن شاء الله اجيب لك بوكس المفاجآت ؟! سناء ضوقت عيونها : هممممممم ، نسيت الرهان الي كسبته !! حمد صد وهو يبتسم : اصلا الرهان حرام سناء صرخت بإنفعال : مالي شغل انا كسبت الرهان و كان انك تجيب لي بوكس المفاجآت حمد لف لها : طيب رحمتك ، بس لا تصدقين عمرك ما راح اجيب لك البوكس ، مالك الا عصير سن توب سناء بقهر : نحيييس مروه ضحكت : خلاص و لا يهمك ي بنت اخوي انا اجيب لك هالبوكس ، وانت اذا مو قد الاتفاق لا تلعب معها حمد ضحك : خل تولي كل يوم تبي شي بيان وبدور رافعين حجاجاتهم متعجبين من الي يسمعوه و يشوفوه بدور : هي اصلا متى تشوفك عشان كل يوم تطلب منك شي وتمون عليك ؟! سناء حطت رجل على رجل و ابتسمت بخبث وهي تطالع حمد الي ما يبي خواته يدرون عشان لا يجبرونه يجيبهم معه سناء : اخوك العزيز كل يوم يجينا ، و ترى مو توه ، يمكن صار له ٤ خمس سنوات كذا على طول يجينا كل يوم بيان وبدور شهقوا حمد سحب الخداديه و رماها على سناء سناء بعدتها وهي مكشره : وجع حمد : توجعك بيان : و ليش أن شاء الله ما تجيبنا معك ؟! حمد : تكفين يعني ابوك بيرضى تجون معي بدور : ليش ابوي يدري انك تجي هنا كل يوم ؟! حمد ضحك : لا ، اصلا ابوك فاهي ترى ما يدري عن اي شي يصير في البيت و الدليل عدد المرات الي يفصلوك فيها و لا مره عرف بدور : منجد ، وجدانوه ما انكشفت لان امها تغطي عليها أما انا لان ابوي ما يحط باله علينا و فاهي مثل ما قلت و بنات عمتي هم الي ياكلونها كل مره مروه : عيب هذا ابوكم بيان بعدم اهتمام لكلام امها : شرايكم دامه ما يدري عننا كل يوم نجي ساعتين وقت ما يكون برى البيت ونرجع قبل لا يرجع ولا راح يدري عنا مروه بحده : لا مابيكم تجوني من ورى ابوكم بدور : يمه هذا حمد يجي من ورى ابوي مروه : تفكرين راضيه عن هالشي ؟! بس هو الي كل يوم يجي بكيفه ، بطرده يعني ؟! حمد طالع امه و حس أن كرامته انخدشت بس سكت و ما تكلم بيان : وين خالي و مرت خالي ؟! سناء : امي تسوي الفطور و ابوي نايم بدور : وفداء و جسوم وينهم ؟! سناء : نايمين بعد ، امس سهرانين و هم يشاهدون المنيونز بدور وقفت بلعانه : بصحيهم مروه وقفت : اتركي عيال اخوي ينامون براحتهم لا تزعجينهم ، انا بقوم اجهز الفطور مع مرت خالكم ما ردت بدور على امها و راحت ركض لغرفة بنات خالها و الي نايم فيها جاسم ما يحب ينام بغرفته و ازعجتهم لين صحوا و هم ميتين نعس . . بعد كم اسبوع " في المدرسه " ساره : يلا بنات روحوا ريتاج : اخاف ننكشف بدور : ما بننكشف كيف ببنكشف اصلا ، هي شدراها و هي ما تعرفنا ، يعني بلاوينا ما توصلها دخلوا البنات لغرفة المسوؤله عن بيانات الطالبات وتكلمت وجدان وجدان : ابله حنا كلنا من عائله وحده و نبي نغير ارقام اهالينا الى رقم عمتي الصغيره لان هي مو متزوجه و جايبه لها سواق وحنا بنروح و بنجي معه و هي الي لو صار اي شي بتجي لنا هنا ، و هذا طلب من جدتي لان امهاتنا ما يقدرون يجون و عمتي بدلهم الاستاذه سألتها : كيف كلكم من عائله وحده ؟! وجدان : هذي بنت عمي وهذولي بنات عمتي خوات الاستاذه : و كيف اتأكد من صحة كلامكم ؟! بدور : احتفظي بالارقام الي راح نغيرهم سألتهم الاستاذه عن أسمائهم وطلعت ملفاتهم و تأكدت ان ذولي بنات عمتهم من اسم امهم و بعدها غيرت الارقام لرقم عمتهم الصغير الي هي ( ساره ) الاستاذه : بس ترى لو صار اي شي و ما رد علي هذا الرقم بدق على الارقام الي تغيرت وراح احذف هذا الرقم من بياناتكم وارجع الأرقام القديمه سندس هزت راسها : اوكي عادي انا متأكده انك ما راح تحتاجين ترجعين الارقام لان خالتي قدها طلعوا البنات و هم متحمسين و يضحكون و اتفقوا على كل شي بيصير بكرى . . يوم ثاني " في بيت عبد الرحمن الساعه ٦:٥ ص " دخلت ساره غرفة مشاري و هي تهز فيه تبيه يقوم : مشاري لا توقف قلبي ، قوم مشاري لف الجهه الثانيه بإنزعاج : افففففففف اليوم عندي اوف شتبين ساره : ادري و عشان كذا انا جايه مصحيتك مشاري : لعانه يعني ؟؟ ساره : مشاري المسأله مسألة حياة أو موت إذا ما صحيت بيروحون فيها بنات عمومي و عمتي مشاري عقد حجاجاته وقام : ليش ؟! ساره : انا اليوم ما بروح المدرسه و هم بيهربون قبل الدوام و بجيبهم البيت بدون ما يدرون امي و ابوي ويرجعون المدرسه قريب نهاية الدوام و انت الي بتوديني آخذهم مشاري عصب : نننععععممممم !!! مجانين انتوا ولا عيال ؟! بهايم والله ، انتوا بنات انتوا !! ماني رايح و خلهم يخيسون في المدرسه ساره : لكن هم معهم جوالاتهم و ملابسهم و كل شي مشاري : ما بروح عشان تتوبون عن حركات الزحف ذي ساره بغبنه : مشاري انا خايفه عليهم ، هم ينتظرون بس ارن و يهربون و اذا دقيت عشان اقولهم انك ما بتجي بيفتكروني جيت لهم و بيهربون و بيتورطون مشاري بعصبيه : الله يلعنك انتي وهم ي المجانين ، روحي اجهزي مشت ساره وهو قام وهو يتأفف ويسب في بنات عمومه و اخته الزاحفين و جهز و مشوا بعد ما شافتهم امهم و كذبوا عليها بإنهم بيروحون يفطرون برى وصلوا المدرسه و ينتظرون يشوفونهم نازلين من سيارة واحد من عيال عمومهم أو نواف . . انتهى | ||||||||
|
| |
|
13-11-17, 03:35 AM
| #15 | ||||||||
| مراقبة عامة ومشرفة منتدى الروايات المنقولة
| Part 6 وصلوا مشاري وسارة المدرسه و ينتظرون يشوفونهم نازلين من سيارة واحد من عيال عمومهم أو نواف لين ما انتبهوا ل٤ بنات نزلوا من سيارة سلطان وبإيد كل وحده منهم كيس مشاري زفر بعصبيه : هذا سلطان ولد عمي ديور مشاري وراح ورى المدرسه . . " في المدرسه الساعه ٦:٣٠ ص" دخلوا البنات وراحوا ورى المدرسه ينتظرون الاتصال من ساره شوي وحست وجدان بإهتزاز في جيبها طلعته وشافته اتصال من ساره رجعته لجيبها ولفت للبنات وجدان : يلا بنات من الي بتبدأ ؟ ريتاج بخوف : بنات انا خايفه ننكشف بدور ضربتها بقهر : انتي جبانه كل خايفه تنكشفين ، انتي اول وحده بتنقزين ريتاج : يمه السور رفيع سندس : اجل ليه الكرسي الي هنا ؟! اخلصي يلا انقزي لا نتأخر وننكشف منجد ريتاج بلعت ريقها : طيب طيب فتحت عباتها ورفعت مريولها لخصرها وربطته عشان تقدر تنقز بأريحية بالضاغط وقفلت عباتها وركبت الكرسي ساره انتبهت لها وهي فوق السور وصرخت : هذي وحده منهم لف مشاري مكان ما تطالع وشاف وحده متعلقه في السور وخايفه تنقز لان السور رفيع مره مشاري بقهر : مجانين البنات صرخوا : يلااااا ريتاج غمضت ونقزت بسرعه وتعورت رجلها وبسرعه نزلت لها ساره وركبتها السياره وهي تعرج انتبهوا بعد شوي أن الشناط والاكياس جالسه تنرمي من ورى السور بعدها صاروا البنات وحده ورى الثانيه تنط وركبوا السياره بعد ما حطوا الشنط في شنطة السياره مشاري بعصبيه : انتوا خبلان ؟! مافيكم عقل ؟! عيال ؟! كيف طرت عليكم هذي الفكره ؟! ترى اذا انكشفتوا انا بطلع منها مالي دخل البنات ماردوا وهم قلوبهم تصفق بقوه من الخوف ساره : افففففف مشاري ماله داعي هالكلام ، بسرعه امشي قبل لا احد يشوفنا ، ارجع من طريق ثاني لحد يشوف السياره مليانه بنات ويشك مشاري : اقسم بالله لو منتو بنات عمي وعمتي كان والله اخليكم تنلطعون في الدوام وتنكشفون ساره : مشارييييي خلاص مشى مشاري وشوي ما سمعوا الا صوت بكي كلهم لفوا للصوت وشافوها ريتاج سندس حضنت اختها بدور : رتوج حبيبتي شفيك ؟! ريتاج من بين شهقاتها : رجلي توجعني وخايفه من امي ومن وخيلاني ونواف وخايفة منه " تقصد مشاري " ، خايفه من الكل ساره طالعت مشاري كأنها تحمله الذنب لأنه جلس يهزئهم ويصرخ عليهم سندس : حبيبتي انتي أن شاء الله ماراح يصير شي لا تخافين ، خلاص ريتاج وجدان : رتوج حياتي خلاص ترى والله بصيح معك بدور ما تحملت وصرخت بدون ماتحس على نفسها : اوووووه خلاص بلا دلع ، ويعني ورجلك توجعك ؟؟ ترى كلنا رجولنا توجعنا ، وبعدين ليه تخافين منه ؟! ترى هو الي بيودينا بيت عمك ولو ما هو جا كان الحين حنا انكشفنا وشوفي وش صار فينا ، ومن حقه يصرخ علينا لان احنا غلطنا ، خلاص عاد ، جزانا وأقل من جزانا وجدان همست لها : وجع قصري صوتك لا تصرخين ، وبعدين حتى لو كنا غلطانين ما له حق يصرخ علينا وبعدين لا يصدق نفسه علينا ، والله وصلوا البيت مشاري فتح الباب وقرب راسه في الوسط بين المرتبتين ويناظر قدام : اسمعوا انا بنزل احاول اشغل امي وانتوا ادخلوا مع ساره من الباب الخلفي البنات هزوا روسهم وهو نزل دخل وسوا الي قاله ودخلوا البنات وعلى طول للدرج لغرفتها وهي طلعت من الباب الخلفي ودخلت من الباب الامامي وسلمت على امها وركبت قفلت الباب بالمفتاح وتسندت على الباب وزفرت : وه الحمدلله عدت على خير سندس : بتعدي اذا رجعنا البيت بدون محد يكشفنا بدور بتجاهل لكل شي : اقول سويره ، انا جوعانه امس ما تعشيت واليوم ما فطرت وبموت جوع وجدان أشرت عليها بكفها : شوفوا هذي حنا في ايش وهي تفكر ببطنها بدور : ي ختي جوعانه اكلي من غداي أمس ساره : طيب اصبري امي بعد شوي بتركب تنام وانا بركب لكم فطور أو ننزل تحت ريتاج : لا لا لا ي شيخه خلنا هنا في غرفتك اامن وجدان : اي صادقه ساره : براحتكم ، الزبده ماودكم تفصخون هالمريول ؟! بدور : الا والله انا مت من الحر من الملابس الي تحته سندس : اي والله حتى انا ريتاج : اقول سويره ساره : هلا ريتاج : متأكده أن جوالك فيه شحن فيه ابراج ؟! يستقبل مكالمات ؟! عشان لا ننكب ي قلبي ساره : لا ماعليك مضبطه اموري وجدان : كويس البنات قاموا ونزلوا مراييلهم لانهم كانوا لابسين تحته ملابسهم بعد ساعتين نزلت ساره وسوت لهم فطور وركبته وجلسوا يفطرون ومبسوطين شوي وسمعوا جوال ساره يدق ساره رفعت جوالها وحطت سبابتها على فمها : اشششش ، هذي المدرسه رفعت وهي تحاول تزين صوتها : الو / وعليكم السلام ي هلا / اي نعم انا عمتهم وخالتهم / اي مو لان أمس كننا بإستراحه ورجعنا متأخرين وتعرفين بعد الاستراحات تعب من المسبح واللعب والنوم متأخر / حركات البنات ودلعهم / اي يصير خير / فأمان الله سكرت ساره وكلهم انفجروا ضحك بدور : ممثله ولا اروع ههههههههههههههههههههه ساره : لا و اسمعوا وش تقول ، تقول بس اختي هذا مو سبب مقنع للغياب وماراح يقبلون الاعذار حتى الطبيه وجدان شهقت : احلفي ، الحيوانه ساره : ماعليكم الواسطه الي قبلتني هي الي راح تقبل الاعذار " وغمزت " سندس ضحكت : كفو عليك ريتاج : بس تعالوا من وين بنجيب لهم اعذار طبيه ؟! ساره : من مستشفى خاص ريتاج : اي بس كيف بنجيبه واهالينا ما يدرون أن حنا ساحبين اليوم ساره : اي والله صح ، ما فكرت فيها ، لكن ما عليكم بخليهم يعطوني ٥ لكل وحده واحد وجدان : اي اش.... قاطعها فتحت الباب القويه والدفشه كل البنات شهقوا وحاولوا يتسترون هاني وفارس وقفوا مصنمين متفاجأين مو مستوعبين ساره استغربت وجودهم وقامت بسرعه ودفتهم بيدينها على ورى وقفلت الباب فارس صحى من فهاوته : من ذولي ؟! ساره : انتوا اصلا وش جابكم هنا ؟! مو كنتوا في المدرسه ؟! هاني : بلى بس كانوا بيودونا رحله للكلية التقنيه وحنا سحبنا عليهم محد بيلاحظ ساره يتعجب : ليش اليوم يوم النحشه العالمي!! فارس : ليش من الي منحاش بعد ؟! هاني : تعالي صحيح مين الي معك ؟؟ ساره : بنات عمومي فارس : احلفي !! اما وش جابهم في هالصباح !! ما عندهم مدرسه ؟! هاني بصوت عالي : ليكون ذول الي تقصدينهم انهم منحاشين ؟! ساره : اسكت فضحتنا ، نحشناهم انا ومشاري فارس شهق : ي خطيرين ، كيف نحشتوهم ساره : هم نقزوا من سور المدرسه واحنا اخذناهم وجبناهم هنا هاني : ي بهيمه الحين بيتصلون على اهلهم وبيروحون فيها لانهم شافوهم رايحين المدرسه ، وبعد من حلاة وطيبة عمومك وعمتك ، ي ويلهم صدق ساره : للأسف حبيبي محنا اغبياء ، غيروا الرقم الي في السجل لرقمي ودقوا علي وكلمتهم فارس : يمه منكم تخوفون ما يطوفكم شي هاني : بس بعدين وش بيسوون ؟؟ ساره : بنرجعهم انا ومشاري للمدرسه في وقت نهاية الدوام ويروحون بيتهم وبس فارس : هاهااااااااي حبيبتي مشاري راح في سابع نومه ساره : عادي بصحيه بعدين ، المهم وش كنتوا تبون مني ؟؟ هاني : كننا جايين نخرب عليك نومك بس انفجعنا بالبنات الي عندك ساره : نذول ، المهم تعالوا ترى امي ماتدري ولا ابيها تدري ترى انا ومشاري دخلناهم بالتهريب هاني ضحك : خبلان وزاحفين ساره : المهم لا اسمعكم قايلين لأمي او ابوي ، هي تجربه ، والله المساكين مشاري هزئهم وصرخ عليهم حتى وحده منهم صاحت فارس بتنعيم لصوته ويحرك يده مثل البنات بدلع : يااااااي انا دلوعه انا رقيقه انا مقدر على التهزيء والصراخ هاني انفجر ضحك ساره ضربت يد فارس : وجع ما ارضى على رتوج هاني : رتوج مين ؟! ساره : ريتاج بنت عمتي هاني وفارس بنفس الوقت : ووووووووع هاني : شهالاسم الخايس فارس : عمتي ما دورت تسمي الا رتاج ؟! عدمت عليها الاسامي يعني ؟! ساره : اقول كلوا تبن ، اسمها احلى من أسمائكم المعفنه ، فانس ، هاني ، يلا انقلعوا مناك تركتهم ودخلت الغرفه فارس : زق والله هاني : توك تدري ، مش بس نلعب بلاك أوبس . " في غرفة ساره " ساره : سوري بنات هذا توأم الغثاثه فارس وهاني ما كانوا يدرون انكم هنا معليش بدور بصراحه : طيحوا قلبي والله ، لا وجالسين يطالعون بعد ساره انحرجت : معليش والله ، ما علينا منهم ، بروح اجيب البروجكتر ونشاهد لنا فلم محترم وحلو . على الساعه ١٢:٤٠ م صحت ساره مشاري وراحوا للمدرسه وبعد خمس دقايق صاحت الصافره ولما صار التجمع كبير نزلوا البنات ودخلوا المدرسه وجا لهم حمد واخذهم ولا احد درى . . الساعه ٤:٣٠ م ساره : يلا عاد هاني ودني المستوصف يلا ، بتروح علينا درجات ترى هاني تأفف : اففففففف خلي فارس ولا مشاري يودونك ساره : مشاري بيعصب اذا قلت له ، كفايه التهزيء الي حصلته منه ، واليوم هو الي ودانا وجابنا ، اما فارس ما يرضى انت اطيب منه عشان كذا جيت لك هاني : ي الللللللله ، خلاص خلاص روحي اللبسي ساره ابتسمت بقوه : حبيبي اخوي راحت ساره لبست وراحوا للستوصف واخذوا على كل سكليف ٥ ريال وأخذت خمس سكليفات لها وللبنات بأسمائهم وكل وحده بعذر الم بطن ولا رجل ولا راس . . يوم ثاني " في المدرسه " ساره : شكوا ؟؟ البنات ضحكوا بدور : ابدا ، اصلا لما قلت لبيانوه تحسفت ، تقول ليتني جربت معكم هالشعور ساره طلعت السكليفات من جيبها ووزعتهم عليهم : هذا السكليف ، اخذتهم من المستوصف وجدان وهي تقرأ الورقه : يعطيك الف عافيه سويره ساره : يعافيك ي قلبي بدور : بنات بموت بموت مو قادره ساره : شفيك ؟! بدور : صار لي اسبوع جالسه اذاكر في هالكيميا الزفت ، خايفه من الاختبار مره ، مو حاله ذي ، الي يشوفني يقول هذي تذاكر للنهائي ، مسببه لنا رعب هالابله الحيوانه سندس وهي تاكل بعدم اهتمام : حتى انا خايفه منه ، بس والله ولا فتحته ، بذاكره بكرى وجدان شهقت : ي غبيه ورى بكرى الاختبار ريتاج : شي غريب عليها يعني اختي ؟! دايما تذاكر قبل الاختبار بيوم وجدان : اي بس هذا كيميا وابله مدينه ، هذي وحده ما ترحم في الاختبارات ابد يعني هذا وجهي اذا فلحت فيه سندس : حظي واعرفه ، احل وبس وآخر شي اعديه ، حبيبتي انا حظي ماشي معي سيده مب مثل حظوظكم بدور : اللعن يومك على هالحظ سندس طلع عيونها : وجع ، اتفلي اتفلي لا تسحديني اتفلي بدور : ابشري " تفلت عليها وهي تضحك " سندس وهي تمسح وجهها بقرف وبتعابير الي بتبكي : ووووععععع الله يقرفك البنات كلهم بضحكه وتقزز : ييييععععع بدور : هههههههههه انتي قلتي اتفلي سندس : اتفلي تفله عاديه مو معها ريقك ي الوسخه بدور : والله عاد انتي قلتي اتفلي وانا تفلت ، انا كذا تفلتي سندس : وسخه وقفت : بروح اغسل وجهي ، لا تتحركون . . مرت شهور وشهور ولا جديد صار مع ابطالنا بس بدأ علي يشتغل على كتابه الاول للخواطر ( طموح مقيده ) وقريبا بيصدر الطبعه الاولى وبيعرضه في معرض الكتاب في البحرين واذا لاقى اقبال عليه بيعرضه في المعارض الي بتنشأ في دول الخليج . . قبل الاجازه الصيفيه بشهر " بيت اخو مروه ( ابو جاسم ) " جلس ابو جاسم ولف عليهم وهو مبتسم : حجزت لنا لتركيا كلنا بنروح رابع العيد ومابنرجع الا ١ ذو القعده إن شاء الله سناء وفداء وجاسم صرخوا وهم مستانسين وفرحانين ابو جاسم طالع تقاسيم وجوه بنات اخته وعرف انهم تأثروا : ترى انا قلت حجزت لنا كلنا كلهم طالعوه مافهموا كلامه ام جاسم طالعت بيان وبدور وابتسمت : حجزنا حتى لكم ولأخوكم بعد سناء صرخت : الله ونااااااااسه لسى ما أعطوا اي ردة فعل ابو جاسم : شفيكم ؟! بدور : ابوي ما بيوافق تغيرت ملامح ابو جاسم لعصبيه : ليش على كيفه هو عشان ما يوافق ؟! كل سنه نسكت له ، لهنا وبس ، السنه بتسافرون معنا برضاه ولا غصبا عنه ، اذا هو ما بيسفركم انا بسفركم ، انا دامي اصرف على امكم واسفرها فماني عجزان اصرف عليكم واسفركم انتوا بعد البنات سكتوا وهم عارفين ان حتى لو خالهم كلم ابوهم مستحيل يقدر يخليه يوافق . . " سيارة حمد " بيان : قال لك خالي أنه حجز لنا لتركيا ؟! حمد : اي قبل ما نمشي قال لي بدور : مستحيل ابوي يوافق حمد : قال لي خالي أنه بيكلمه بدور : وانت مصدق أن خالك يقدر يقنع ابوك !! حمد : اي ، شوفي هو لما كلمني خالي شفته متضايق ومعصب ، وخالي سكت عن ابوي ١٤ سنه وانتوا تعرفون خالي يسكت ويسكت ويسكت لين ما ينفجر ، والظاهر أن جا الوقت الي ينفجر فيه البنات ماردوا حمد : لا تخافون دام الموضوع استلمه خالي فهو محلول بيان : هذا في حال إن خالي انفجر بعدم دراية جدي للموضوع حمد : خالي بيكلم جدي قبل ابوي ترى بدور : شدراك ؟! حمد : خالي ما يخبي شي عني ويقول لي عن كل شي بدور تنهدت : أن شاء الله يقدر يقنعه ويوافق حمد : حتى إذا ما وافق ترى بيسفركم غصبا عنه بيان : تستهبل !! والتصريح من الي راح يسويه ؟! حمد سكت . . " بيت منصور " وجدان : مرتاح في شغلك الجديد ؟! سلطان : يعني ، اذا تبين الصدق ، هذي الوظيفه اريح بكثير من وظيفتي القديمه بس انا احبها وودي لو ارجع لها وجدان : اهم شي الراحه سلطان ، اذا انت مو مرتاح في وظيفتك هذي فأنا بعذرك ومن حقك تقول بترجع لوظيفتك القديمه بس اذا مرتاح مالك حق تقول تبي ترجع لها سلطان تنهد : ما بتفهمين شعوري ، محد بيفهمه ، المهم ما علينا ، بقولك شي وجدان : وشو !! سلطان ابتسم وهو يقول : ابخلي امي تخطب لي وجدان صرخت : احلف !! سلطان ضحك : والله ، الشقه قامت عظم وجدان ابتسمت بوناسه : الله اخيرا ، ي الله والله فرحت لك ، طيب تبي وحده من العايله أو من برى ؟! سلطان بإندفاع : طبعا من برى ، ناقص تخلف وتعقيد انا وجدان ابتسمت بخبث : اها ، يعني تقصد أن ما عندك مانع تاخذ من العايله لكن بشرط ما يكونون اهلها متخلفين ومعقدين سلطان : تقريبا وجدان ضحكت : طيب شرايك في ساره بنت عمي عبد الرحمن ؟! سلطان : قلت لك مابي من العايله وجدان : بس عمي ومرت عمي مو متخلفين ولا معقدين ، يعني هي تفهم في اشياء احنا مانفهمها ، عقلها منفتح للي يصير في العالم ، بعكسنا ، يعني عز الطلب سلطان : بس لو اخذتها جدك وابوك بيجلسون يتحكمون فيها سوي كذا ولا تسوين كذا ، بحكم انها بنتهم ، اما اذا اخذت غربيه فما لهم كلمه عليها وجدان : امممممم صح كلامك ، عاد انا ما اعرف احد ولا امي تعرف يعني من وين نجيب لك الغريبه ؟! سلطان : الله يخلي خالاتي وجدان كأنها استوعبت وابتسمت : تبي وحده من بنات خالاتي ؟! سلطان : اشتغلت الخطابه وجدان ، لا مابي وجدان : ليه طيب !! سلطان : بس كذا مزاج ، مابي ، ابي وحده غريبه وجدان وقفت بطفش لانها تبيه ياخذ وحده تعرفها : مالت عليك وعلى الغريبه معك سلطان ضحك ولا رد عليها وجدان جت بتمشي بس رجعت : تعال علي رجع ؟! سلطان : اي رجع من ساعتين وجدان : اجل بروح له وانت خليك ي ابو الغريبه مشت وجدان لغرفة علي طقت الباب ودخلت وجدان : هااااااي علي رفع رأسه وابتسم لها : هلا والله ، اشتقت لك ي السنفوره وجدان عقدت حواجبها بإنزعاج : لا تقول سنفوره علي ضحك : انتي سنفوره بعد شنسوي فيك ؟! وجدان : افففف توه سلطان مطفرني وجيت اجلس معك لا تسوي لي مثله علي ابتسم : تعالي تعالي ما عاش الي يطفرك وجدان ابتسمت ودخلت وجلست على سريره : وش تسوي ؟! علي طالع الاوراق الي قدامه على المكتب : والله جالس اكتب وجدان بثقه : طبعا النسخه الاولى راح تكون من نصيبي لاني اخت الكاتب علي ضحك : انتي ليش كل شايفه نفسك وبس ؟؟ وجدان : يحق لي دام علي اخوي علي ابتسم بثقه : بهذي صدقتي وجدان : مشكلة الثقه في عايلتنا علي : اها قلتي لي ثقه اجل !! وجدان ضحكت وهو بعد وجدان : بنات عمي خالهم بيسفرهم تركيا علي : كالعاده مثل كل سنه عمك يرفض وجدان تنهدت : والله حرام عليه فوق انه مهملهم وحارمهم من امهم وما يطلعهم وحاكر عليهم اعظم منا وبعد مو راضي يسافرون مع امهم وخالهم ، والله حرام ، على الاقل انا عندي امي عندي انت وسلطان ، بس هم حتى حمد ما يجلس معهم كل عند أمه مثل ما قلت علي تنهد وهو يتسند : الله يعينهم ، ما بيدنا شي نسويه لهم وجدان : افففففف بعد كم اسبوع بتخرج ، و بجلس بالبيت مثل بيان ونوف علي ما رد وجدان بضيق : طموحي وأمنية حياتي وطفولتي اني اصير مهندسة ديكور علي : بالشغف والفكر تقدرين تغييرين طموحك من هذا التخصص لتخصص تتواجدين فيه في مكان مخصص للنساء ، يعني تماشين طموحك وفكرك وشغفك على تفكير وهوا اهلك وجدان : بس انا شغفي واحد ، شغفي الهندسة وبس ومستحيل اغير هذا الشغف ، وبعدين اهلك مو قابلين حتى ندخل جامعة أو كلية وانت تقول لي تماشين طموحك على هوا اهلك !! هم رافضين فكرة أن البنت تكمل دراستها ، حدها شهادة الثانوية وتجلس بالبيت علي : انتي اذا غيرتي شغفك وصار مثل ما قلت لك فأبوي ممكن يوافق وجدان : مستحيل ، انت تعلمني في ابوي وجدي !! اذا ابوي وافق جدي ما بيوافق علي : شدراك يمكن يصير العكس !! مثل حال وظيفتي ، كنت متوقع أن اذا ابوي يوافق جدي ما يوافق بس صار العكس وجدي اقنع ابوي وجدان تنهدت : خايفه على مستقبلي ، في هذا الزمن غلط تظل البنت بدون شهادة جامعيه وبدون وظيفه ، اهلك واقفين في وجه مستقبلنا وامانينا وطموحنا واقفين في وجهنا بكل شي علي : معليش ي خيه اصبري إلا ما يجي يوم وتلين قلوبهم ويتغير فكرهم وتفكيرهم ومعتقداتهم ويغيرون الي في أنفسهم كله ، لأن أنفسهم كلها على بعضها صارت غلط بسبب تفكيرهم والمعتقدات الي زرعوها في أنفسهم وجدان : تعبت انا خلاص صبرت ١٨ سنه مقدر اصبر اكثر احس اني بجن اذا عشت في هالبيت اكثر علي ضحك بسخريه : وشو يعني تبين تتزوجين عشان تتخلصين من هالعيشه ؟! وجدان بإندفاع : طبعا لا ، مجنونه انا عشان اصير نسخة امي الثانيه ، تتألم على حال عيالها بسبب تفكير ابوهم ولا تقدر تسوي لهم شي !! انا ما عندي الصبر الي عند امي عشان اصبر على تخلف جديد علي : مو كل الرجال مثل جدك و ابوك و عمومك ، اصابع يدينك مو سوا ، الحين انا وسلطان صرنا مثل ابوي ؟! وجدان : انا وحده تعقدت ، بالنسبه لي اعيش في هالحجيم والتخلف طول حياتي في بيت ابوي ولا اطلع من بيت ابوي لبيتي ومملكتي واذوقه بطريقه احدث و ارقى علي : صدقيني ترى بتتعبين اذا ظليتي على تفكيرك هذا وجدان : مابي شي انا من الدنيا إلا أن الله ياخذني له وارتاح ، لا انا الي عايشه مثل الناس مع هالتطور ولا انا الي مرتاحه علي بحده : وجدان شهالكلام !! مابي اسمعه منك مره ثانيه ، سامعه ؟! وجدان سكتت ووقفت علي : وين بتروحين ؟! وجدان بهدوء : بروح اذاكر طلعت وجدان وراحت لغرفتها وبدت تذاكر لان الا ختبارات بعد اسبوعين . . يوم السبت " بيت زهير " بدور دخلت البيت تركض : اللحقوا اللحقوا بيان وحمد بخوف : شصاير ؟! بدور : خالي في بيت جدي ومعه عمومي وابوي حمد تسند : خبر قديم ، روعتيني فكرت عندك شي الحين بيان : ي برودك ي حمد ، وانا اقول ليه جالس اليوم في البيت حمد : يعني وش تبيني اسوي !! بدور جلست : لا تسوي شي استريح بس صاروا بدور وبيان يطالعون بعض بتوتر ، اول مره خالهم يجي يواجه ابوهم وجدهم في موضوع يخصهم مايدرون اذا بيوافقون او لا بعد نص ساعه ما تحملوا البنات وهم جالسين على أعصابهم بيان : حمد قوم روح بيت جدي شوف وش صار معهم حمد : اصبروا شوي اكيد خالي الحين بيجي يبشرنا بموافقتهم بدور : اشك انه بيوافق حمد : ليه ؟! بدور : ابوك وجدك صعبين في هالمواضيع حمد : حسستوني انتي وهي انه جاي يناقشهم في موضوع عيشتكم معهم سكتوا البنات وبعد عشرين دقيقه جاهم ابوهم زهير طالعهم شوي وبعدها تكلم : اسمعوا ان عرفت ان وحده منكم نزلت النقاب والقفاز ولا العباه تحرمون تسافرون مره ثانيه تركهم وركب البنات طالعوا بعض بعد ما ركب يحاولون يستوعبون كلامه وفجأه صرخوا الثنتين ولموا بعض وهم يناقزون حمد طالعهم وابتسم ابتسامه جانبيه على فرحتهم وتركهم طالع لخاله بدور بعدت عن اختها ومسكت جوالها بسرعه : بقول للبنات ، وااااااااااه مبسوطه بيان : وانا ببشر سناءوه قبل لا يروح لهم خالي . . شهر رمضان تاريخ ٢٧ الساعه ١١:٥١ م " بيت سعاد " ريتاج بتوتر : يلا نواف بسرعه جيبه نواف سحب اللاب توب من طاولة مكتبه : صار لها شهر من انرصدت النتايج توكم تطلعوهم !! سندس : ي خي كنا خايفين ولما استعدينا نفسيا جينا نطلعهم " سحبت اللاب منه " شكرا مع السلامه طلعت تركض وطلعت وراها اختها دخلوا غرفتهم وكانوا البنات متجمعين فيها ساره بتوتر : انا اول وحده ها سندس : هي هي هي انا الي جبته انا الي أطلعها اول وحده ساره : طيب انا بعدك ريتاج : لا انا رحت معها انا بعدها " سكتت شوي وبعدها ردت بخوف " لا خلاص انا اخر وحده وجدان : يلا اخلصوا علينا انتي وهي سندس : طيب طيب دخلت سندس الموقع وحطت اسمها وكل شي وبسرعه فتح معها لان محد يدخله بعد مرور هالوقت الطويل من تنزيل النتايج سندس صرخت : ٩٧ يااااااااااااااااه ساره : يلا يلا طلعي نتيجتي يلا سندس : لحظه طلعت سندس وصارت تطلع نتايج البنات وكلهم كانوا نسبهم عاليه بين ٩٣ و ٩٨ وجدان رجعت على ورى وتسندت وهي تتنهد : النسبه العاليه ما منها فايده دامي ما بدخل الجامعه بيان وكأنها ما صدقت على الله احد فتح هالموضوع : بنات ما تدرن وش يصير اذا جلستوا اكثر من اسبوعين في البيت ، و الله احس اني بموت مو قادره اتحمل ، ابي ادرس ابي اشتغل ، اسوي اي شي بس ما اجلس في البيت كذا لا شغله ولا عمله نوف : منجد تحسين إن في شي ناقص فيك بس ما تدرين وشهو وجدان ماحست بنفسها الا ودموعها تنزل من كلامهم البنات كلهم انتبهوا لها واستغربوا ردة فعلها . . . انتهى | ||||||||
|
| |
|
13-11-17, 03:37 AM
| #16 | ||||||||
| مراقبة عامة ومشرفة منتدى الروايات المنقولة
| Part 7 وجدان ماحست بنفسها الا ودموعها تنزل من كلامهم البنات كلهم انتبهوا لها واستغربوا ردة فعلها بيان : حياتي وجدان شفيك ؟! بدور قربت منها ولمتها وجلست تبكي سندس : وجدان شفيك وش صار لك ؟! ساره : حبيبتي انتي لا تخوفينا عليك بدور رفعت سبابتها عند فمها تبيهم يسكتون لأنها تعرف ليه بكت وجدان بعد خمس دقايق بعدت عن بدور ومسحت دموعها واعتدلت بجلستها وسحبت طرحتها وقفازاتها بتلبسهم ريتاج : بتروحين ؟! هزت راسها بإيجاب بدور : تبيني اوصلك بيتكم ؟! تنحنحت وجدان تزين صوتها ووقفت : لا ما يحتاج ، باي بنات طلعت وجدان وبدور تنهدت سندس : شفيها ؟! بدور : يعني ما تعرفون وجدان ؟! هي أمنية حياتها تكمل دراستها برى وتصير مهندسة ديكور ، والحين حتى دراسة هنا في السعوديه ممنوع نوف : كلنا عندنا طموح مثلها بس ما سوينا كذا بدور : ايوه كلنا نقول حلمنا نكمل دراستنا ونصير كذا ولا كذا بس هذا يظل مجرد حلم احنا ما نتعمق فيه لان احنا عارفين انه مستحيل يتحقق ، بس وجدان تعلقت بهذا التخصص وبهذا الحلم والطموح لدرجه كبيره وهذي النتيجه البنات كلهم سكتوا وساره انكسر خاطرها على البنات اقل شي ممكن يسوونه هو الدراسه واهلهم بيحرمونهم منها . . " بيت منصور " علي وامه كانوا جالسين في الصاله وانتبهوا لوجدان وهي داخله وباين من وجهها أنها كانت تبكي وفاء : وجدان ، وجدان لفت لها وجدان : هلا يمه وفاء : تعالي حبيبتي تعالي قربت وجدان منها وسحبتها امها جلستها جنبها وحاوطت وجدان بذراعها وقربتها منها لين ما صارت لاصقه فيها حبتها في منطقة الصدع : وش فيك ي قلبي ؟! وجدان نزلت راسها : مافيني شي وفاء : لا فيك ، قوليلي ليش كنتي تبكين ؟! وجدان : ما كنت ابكي وفاء بحنيه : افا تكذبين على امك ؟! وجدان سكتت شوي وبعدها رفعت راسها ولفت لأمها ومسكت يدها : يمه تكفين ابي اكمل دراستي تكفين كلمي ابوي ، ابي ادرس والله اذا ما درست بموت والله ، انا عايشه للحين بس عشان احقق طموحاتي وأثبت جدارتي ، والله لو ماعندي طموح وامل كان والله من زمان مت وانا عايشه هالعيشه ، تكفين يمه تكفين وفاء وعلي طالعوا بعض بقل حيله وفاء لفت لها وحضنتها : إن شاء الله يمه إن شاء الله علي ناظر اخته وتنهد لين سمع صوتها تبكي وقام ما تحمل وفاء صارت تمسح على شعرها وتلعب فيه : خلاص ي قلبي ولا يهمك إن شاء الله بكلم ابوك وبتدرسين وبتتخرجين وبتصيرين مهندسه قد الدنيا ونفخر فيك ، خلاص ي قلبي خلاص وجدان بعدت عنها ومسحت دموعها : منجد بتكلمين ابوي ؟! وفاء : اي إن شاء الله وجدان ماردت وقامت لغرفتها بسرعه . . يوم العيد بعد صلاة العيد بساعه " بيت زهير" كان حمد واقف قدام المرايا الي عند مدخل الصاله وينسف الشماغ ابتسم ولف لخواته : كيف بس ؟! بيان عضت طرف شفتها وقفلت عينها اليمين وهزت راسها : ي ويلي دخت بدور : طالع مزززز بيان قربت منه لحد ما لصقت خشمها في صدره حمد دفها : وجع وش تسوين انتي !! بيان ضحكت : لا بس ريحة العطر تهبل اول مره اشمها فيك بدور : ههههههههههه غبيه حمد ابتسم : اي هذا عطر جديد توي شاريه انتبه للبس بيان ومسك يدها ورجعها على ورى عشان يشوف لبسها زين : شهالزين شهالكشخه !! بيان بإبتسامه عريضه : احم احم طالعه عليك دائما كشخه حمد : اكيد مافي شك بدور تخصرت : لا !!! وانا بنت البطه السوده مالي مدح ؟! حمد طالع بيان واشر على بدور بيده : صايره تحتك واجد اختك على فكره بيان بضحكه : واجد بدور لفت عنهم وباين انها زعلت ومشت عنهم قبل ما تبعد مسك يدها وسحبها : انتي ليش صايره زعوله كذا ؟! بدور : ما زعلت ازعل عشانكم !! مين انتوا اصلا حمد : لا تزعلين ، والله انك طالعه احلى منها بس احب اغيضك وش اسوي !! بيان : لا !!!!! تراضيها على حساب زعلي ؟! حمد : وجع ، انتوا مو مال مدح ودلع ، الي يشوفكم يقول ذولي حريمي ارضي هذي و ادلع ذي ، ما تنعطون وجه بدور : مو كل يوم يحصل لنا مدح ودلع منك حمد بتلسيك : يلا يلا اللبسوا ترى تأخرنا ، ابوي بيعصب علي اكيد المجلس امتلأ الحين . . " بيت منصور " وجدان لبست الحلق وبعدت عن المرايا بكم خطوه وابتسمت برضا عن شكلها أعطت نفسها بوسه من بعيد : فديتني اجننن ي ربي احبني ولبست عبايتها بسرعه ونزلت تركض رايحه بيت جدها . . " بيت عبد الرحمن " جميله : متأكد انك مستعد تروح ؟! عبد الرحمن طالعها لثواني وبعدها تنهد : كفايه قطيعه ، تعبت من هالوضع ما ردت عليه وطلعت من الغرفه ونزلت وانتبهت لعيالها بيطلعون ساره انتبهت لها : يلا يمه مع السلامه كلهم لفوا عليها جميله : حنا بعد بنروح معكم ، اصبروا نروح كلنا مع بعض مشاري وأخوانه كلهم صاروا يطالعون بعض مستغربين هاني بفهاوه : قصدك بحنا ، انتي وابوي ؟! فارس ضربه على راسه : شهالسؤال الغبي ، اكيد مشاري ابتسم ورجع للصاله وجلس : اوك ننتظركم حنين : بتروحون معنا ماما ؟! جميله : ايوه ي قلب امك حنين نقزت : هييييييييه ابتسمت لها امها وركبت مشاري سحبها وحضنها وبعدها اخذ يدها يبي يعضها : بعضك انا بعضك حنين وهي تحاول تروح بعيد عنه وكل شوي تاخذ نفس وتتكلم بصعوبه من الضحك : لا لا لا مابي لا فلتت من يده بصعوبه بعد ما عضها وصارت تمسح مكان العضه وهي تضحك ساره : تعالي حنين بحط لك مكياج على ما يخلصون امي وابوي حنين ابتسمت بفرحه وراحت لها تركض مشاري : هي لا تحطين بوجه البزره شي ، خليها طبيعيه صغيره وبريئه حنين لفت له بقهر : انا مو صغيره ساره : لا تتدخل في شغلات البنات ي مشاري مشاري طالعها بقهر وهي رفعت حواجبها بإبتسامه مستفزه صدت وحطت لحنين ايلاينر ومسكرا وبلاشر وروج ساره : الله شحلاتك تهبلين " سحبت القبعه الفرنسيه البيضا المتناسقه مع لون فستانها الوردي الفاتح المتداخل معه الابيض ولبستها إياها " كذا صرتي اجمل " وبغرور ممزوج بإغاضه لمشاري " روحي وري اخوك مشاري ابداعاتي حنين راحت لمشاري وهي مبسوطه : شوف صرت حلوه مشاري : لا انتي قبل شوي احلى ، روحي لها خلها تمسحه حنين : اصلا انت ما تعرف البنات ، انا كذا احلى ، صح فارس ؟! فارس : لا ، انتي في كلا الحالتين تلوعين الكبد ساره انفجرت ضحك : حيوان انت ، ما عليك منه انتي كذا حلوه هاني : الا حلوه ما عليك منهم حنين : اي لانهم مو حلوين فيشوفون الناس كلهم مو حلوين مثلهم ساره وهاني انفجروا ضحك هاني : اعطتكم في نص الجبهه مشاري : افا ، انا تقولين عني كذا !! حنين طنشته ولا ردت شوي ونزلوا امهم وابوهم ومشوا . . " بيت الجد " اندق الجرس واستغربوا هم لأن الابواب كلهم مفتوحين الجد : علي روح شوف يمكن هذا الباب تقفل ولا شي علي : ابشر راح علي للباب وشافه مفتوح ، راح لقسم الحريم وطلع هو الي مقفول فتح الباب وجا بيروح لقسم الرجال بس انصدم بعمه عبد الرحمن عادةً كل سنه يجون عيال عمه لكن عمه وزوجته ما يجون بس على طول ابتسم بفرحه بجيته يعني اخيرا الاوضاع بتتحسن : هلا عمي هلا ، أسفرت وانورت قرب منه وباس رأسه : كل عام وانت بخير عيدك مبارك عبد الرحمن : وانت بخير وصحه وسلامه وايامك سعيده ماشاف نفسه علي إلا وهو راجع على ورى بسبب حنين الي تذكرته وجت له ركض وحضنته من رجلينه بقوه ورجع على ورى ضحك بسرعه : هلا حنين ، لحظه شوي حنين بعد شوي عن الباب : حياكم تفضلوا دخلوا وكان بيمشي لقسم الرجال بس استوقفه صوت عمه : علي حنا بندخل للصاله بنسلم على جدتك وعمتك ، انت ناد جدك هنا للصاله علي ارتبك وطالع عمه وبعدها لعيال عمه وشاف نفس النظره بعيونهم علي تنحنح : إن شاء الله مشى علي للمجلس وراح لجده الجد : ها الباب مقفل ؟! علي : اي باب الصاله الجد هز راسه بدون ما يرد علي فرك يدينه بتوتر ما يدري كيف بيقوله : ااااءءءء جدي الجد لف له : نعم علي : يبونك في الصاله الجد : مين ؟! علي : روح وبتشوف مقدر اقول الحين الجد وقف : خير ان شاء الله ، رح قهوي الضيوف علي : إن شاء الله . . . انتهى | ||||||||
|
| |
|
14-11-17, 12:42 PM
| #17 | ||||||||
| مراقبة عامة ومشرفة منتدى الروايات المنقولة
| Part 8 عبد الرحمن : جميله شوفي لنا طريق دخلوا جميله وبناتها ساره أول ما شافت البنات صرخت : بناااات وحشتونييييييي اول وحده جت لها سندس وسلمت عليها : بلا كذب قبل اربع ايام انتي هنا ساره : بس وحشوني البنات الا انتي الوحيده ما وحشتيني سندس انتبهت لزوجة خالها وابتسمت بإحراج وسلمت عليها : هلا خالتي كيفك ؟! كل عام وانتي بخير صاروا البنات يجون يسلمون عليها وهم مستغربين انها جت جميله : الا وين ام نواف وخالتي ؟! نوف بإبتسامه : كلهم في مجلس الحريم جميله : طيب حبيبتي ناديهم و بنات ادخلوا داخل شوي لان عيال عمكم بيدخلون البنات هزوا روسهم ودخلوا في الغرفه الي جنب غرفة جدهم وجدتهم عشان ياخذون راحتهم أما نوف نادت امها وجدتها وابتلشت وهي جالسه مع الحريم هي الي تضيفهم وتسب في البنات لأنهم خلوها بروحها مع الحريم . طلعوا سعاد والجده للصاله واتفاجأوا بوجود عبد الرحمن الجده أول ما شافت عبد الرحمن دمعت عينها مشتاقه له اخر مره شافته قبل ٢١ سنه لما كان صغير توه شباب في بداية حياته الزوجيه عبد الرحمن قام بسرعه وراح لأمه وحضنها وجلسوا يبكون الاثنين الجده صارت تحبه في اي مكان تطيح عليه عيونها وكأنه رجع صغيرها المدلل : ي قلب امك ي روحها انت ، ي قو قلبك ي عبد الرحمن ي قو قلبك ، كيف طاوعك قلبك تقطع امك ٢١ سنه ؟! كيف قدرت بكل مره تنزل عيالك عندنا ولا تنزل تسلم على اميمتك ؟! كأن ما عندك ام متشفقه لشوفتك عبد الرحمن باس راسها : غصب عني ي يمه غصب عني الجده : لا تقطعني ي يمه ، ما شبعت قطيعه وانا امك ؟! قاطعهم دخول الجد وقف منصدم من وجود عبد الرحمن ترك عبد الرحمن امه واتجه لأبوه قرب منه واحنى راسه بيحب راسه بس ابوه بعده ما استغرب عبد الرحمن من ردة فعله وسكت صالح ( الجد ) وهو يحاول يغالب شوقه لولده : شجابك ؟! عبد الرحمن نزل راسه شوي وبعدها رفعه : جيت اعايدكم و........ " سكت لثواني وبعدها استرسل بكلامه " وجيت اصلح الي انكسر ونرجع مثل قبل صالح : بكل بجاحه تقول جاي تصلح الي انكسر !! " بحده " عبد الرحمن ، الي طلع من شوري ماله مكان عندي عبد الرحمن بصدمه : تطردني يبه !! صالح : اي اطردك ، وليه ما اطردك ؟! مو انت الي طلعت من هالبيت بإرادتك ؟! مو انت الي تكبرت على عاداتنا وتقاليدنا ؟! وانت تعرف الي ما ياخذ بعاداتنا وتقاليدنا ماهو مننا ، انت بدون تقاليدك ولا شي ، والحين مثل ما طلعت قبل ٢١ سنه من هالباب بإراداتك تطلع منه اليوم بكرامتك احسن لك عبد الرحمن طالع امه وهو منصدم من كلام ابوه ما توقع يكون هذا كلامه جميله بلعت ريقها وصدت لعيالها وشافتهم يناظرون جدهم وابوهم بنظرات الم وضيق مهما كان هم ما يسمحون لأي احد يهين كرامة ابوهم قدامهم ، بس الي جالس يهينه مو اي واحد ، هذا جدهم ، ما يقدرون يتكلمون أو يقولون شي فارس تنحنح ونغز اخوانه عشان يطلعون وطلعوا مايبون يشوفون اكثر من الي شافوه راحوا لقسم الرجال ودخلوا المجلس وسلموا على الرجال وعمومهم وجلسوا علي جلس جنب هاني : وش صار ؟! عسى بس لان جدي ؟! هاني وأخوانه تبادلوا النظرات ولا ردوا علي فهم عليهم وتنهد : اكيد اذا جا عمي مره ثانيه وثالثه جدي بيلين وبترجع العلاقه مثل قبل مشاري بأمل : إن شاء الله فارس : عمومي يدرون أن ابوي موجود ؟! علي : اي بس ما يقدرون يدخلون والرجال موجودين على الاقل يغطون وجود جدي على ما يرجع مشاري تنهد : يلا اجل انا ماشي علي : وين !! تو جاي مشاري : عندي كم مشوار بقضيهم وبجي فارس وهاني وقفوا : وحنا بنجي بعد مشاري : لا انتوا خلكم ، ارجعوا مع ابوي ، ما بروح البيت ولا بيت جدي احمد هاني : طيب جلسوا فارس وهاني وشوي وجا جدهم وصاروا ينتظرون اتصال ساره تقولهم انهم بيمشون بس طولت بعد ساعه اتصل هاني على ساره وقالت لهم أنهم من زمان طلعوا والحين هم في بيت جدهم احمد هاني لف لفارس بعد ما قفل : راحوا لبيت جدي احمد من زمان فارس : والحين حنا بنجلس هنا يعني ؟! هاني : دق دق على مشاري خله يجي ياخذنا ، اصلا احنا الغلطانين الي قلنا بنجي معه ، لو حنا جايين بسيارتنا احسن فارس تأفف ودق على مشاري وجا اخذهم بعد ساعتين . . الساعه ٩:١٥ م " بيت عبد الرحمن " طلعت جميله من الحمام ( الله يكرمكم ) وشافت زوجها جالس بثوبه ومرخي جسمه على الكنبة ومرجع راسه على ورى ومقفل عيونه وبجنبه الشماغ والعقال وقفت شوي تطالعه وبعدها تنهدت وقربت منه سحبت الشماغ والعقال وحطتهم على جنب وجلست جنبه وحطت يدها على فخذه فتح عيونه الحمرا ورفع راسه وزفر سحبت يده وشبكت اصابعها بأصابعه : لا تضيق صدرك ولا تفكر كثير ، طبيعي تكون هذي ردة فعله كونه رجال متمسك بعاداته وتقاليده ولو كانت خاطئه أو جاهليه ، هذي اول مره تقابله من طلعت من البيت بذيك السنه ، فلازم ما تتضايق من هذي الردة الفعل ، حاول مره ثانيه وثالثه ولو يتطلب الأمر المره المئه وواحد ، في النهايه بيرضخ وبيلين مهما كان الزعل الي يحمله الاب اتجاه ولده ، مشاعر الاب تتغلب على هذا الزعل ، انت لا تيأس كفايه زعل ٢١ سنه اسعى لرضى ابوك ولو كان بكل مره تروح له ويطردك بس لا توقف لحد ما يرضى عليك ، واذا تبي انا اروح معك كل يوم انا مستعده عبد الرحمن ابتسم وسحب يدها الي مشتبكه بيده وباسها : الله يخليك لي . . "بيت منصور " علي طق باب غرفة وجدان وبعد ما أذنت له دخل وهو مخبي يدينه ورى ظهره علي بإبتسامه : كيفك ؟! وجدان ابتسمت هي الثانيه وعرفت هو ليش جاي مثل كل سنه : كويسه علي : دوم يارب ، اي وش عندك ؟! وجدان : والله ابد جالسه اللعب في اللابتوب من الطفش علي : الحين انتي ما نعستي ؟! صار لك يومين مو نايمه حتى غيبوبة العصر ما دخلتيها معنا هههههههههههه وجدان : وجع اذكر الله لا انام وما اقوم علي ضحك : لا تخافين ما يصير فيك شي ذيبه ، المهم " طلع يدينه من ورى ظهره وكان جايب باقة ورد احمر صغيره وكيس حجمه وسط وداخله صندوق وسط شكله مربعي " تفضلي ، كل عام وانتي بألف خير والعمر كله يارب وجدان ابتسمت ووقفت وحضنته : وانت بخير وصحه وسلامه علي حط يده على ظهرها : صغيرتنا كبرت وكملت ١٩ سنه وجدان استحت : اي علي : يلا انا بروح الحين ، تراي سابق سليطين يقول هو أول من بيهديك السنه وسبقته وجدان بضحكه : لا حبايبي امي وابوي سبقوكم وامي هي أول من هدتني وعايدتني علي حك مؤخرة راسه : برضو سابق سلطان ههههههههههه وجدان ضحكت : الله يخليكم لي علي قرص أرنبة خشمها : ويخليكي لنا صغيرتنا " ابتسم بحنيه " يلا تصبحين على خير وجدان بإبتسامه : وانت من أهله طلع علي وبعد خمس دقايق جا سلطان ومعه هديته سلطان : وسبقت عل........... قطع كلامه لما انتبه للكيس والورد سلطان : افا وجدان ضحكت : اهم شي وصلت سلطان رفع كتوفه : على قولك " قرب وباسها " كل عام وانتي بألف خير وعقبال مية سنه وجدان : يمه بسم الله علي ١٠٠ سنه ، اتحلل وانا عايشه سلطان ضحك : غبيه ، يلا خذي هديتك وانقلعي بروح انام وجدان ضربت كتفه : وجع كملها ي خي ، ابد ذوق واسلوب ما في الله يعين زوجتك بس سلطان : احمدي ربك جبت لك هديه ، يلا بروح انام ، بس ترى هديتي احلى من هداياهم كلهم " بغرور " تعرفين ذوق اخوك حلو يعني دائما هو الي في المقدمه ، يلا نامي طلع سلطان ووجدان تضحك على دفاشته راحت للطاوله وسحب هدية علي وجلست على السرير وطلعت هدية سلطان وفتحتها وكانت عباره عن ايفون ٧ احمر مع غلافين له وحاط ورقه وكاتب فيها " قلت لك احلى من هداياهم واتحداك تنكرين ، ولا تقولين ايفون ٨ لا افقع وجهك ترى هذا مو رخيص طفرني ، اعتبريها عيديه وهدية ميلادك ، وعلى فكره للحين اذكر يوم امي ولدتك ، خرشتينا واشغلتينا بيوم العيد الله يشغلك ما خليتينا نتهنا فيه حتى عيادي انا واخوي ما جمعنا وكله على حسابك مالت عليك " وجدان ضحكت وهي كانت متأكده مليون بالمئه انه بيكتب هالكلام لانه كل سنه يكتب نفس الكلام وهو كذاب لما سألت امها قالت لها انهم حصلوا عيادي كثيره لان خالهم اخذهم معه لجماعته رجعت الهدايا في الكيس واخذت هديتها الي من علي وفتحت الصندوق وكانت ورقه مطبوعه وباين انها مصوره بجوال من لابتوب وكانت هذي الصوره فيها بياناتها في فراغات وعرفت انها تسجيل للجامعه وجدان صرخت مو مصدقه وصارت تناقز على السرير وبعدها رجعت للصندوق ولقت فيها كتاب بعنوان ( طموح مقيده ) وكان حاط ورقه ومصمغها على كتاب وكاتب فيها " النسخه الاولى مثل ما تبين " لما شالت الكتاب لفت انتباهها علبتين بشكل مستطيل مخمل وكأنها علبة لذهب فتحتهم وشافت العلبه الاولى فيها خلخال و الثانيه فيها سوار كف وكلهم ذهب وانتبهت لميتين ريال مدبسه فيها ورقه ومكتوب فيها " كل عام و انتي الى الله اقرب ولفعل الطاعات ارغب وللجنه اسبق عيدك مبارك " ابتسمت وهي فرحانه بالهدايا كلهم عزيزين على قلبها وحتى هدية امها وابوها كانوا عزيزين على قلبها بكل سنه تحس بمعزتها عند اهلها بسبب مشاعرهم الي يقدموها لها كهديه معنويه قبل ما تكون ماديه وحتى لو ما كانت مشاعرهم مباشره مثل سلطان بس كفايه انها تعرف قدرها عندهم . يوم ثاني صحت وجدان وبعد ما صلت نزلت بسرعه ولقت اهلها كلهم موجودين في الصاله الا ابوها وقفت قدام علي : الحين الورقه الي حاطها منجدك ولا تستهبل فيها ؟! علي ضحك : لا منجدي وجدان بصدمه : ابوي وافق ؟! وفاء وعيالها صاروا ينقلون النظرات ما بينهم سحبتها امها وجلستها : اسمعي حنا قدمنا لك لكن بس في جامعة الدمام ومثل ما تبين هندسه ، لكن ابوك ما يدري ، انا كلمته وما وافق لكن انا واخوك قدمنا لك في الجامعه ، اذا قبلوك بتروحين بدون ما يدري ابوك في بداية الامر وبعدين ببدأ امهد له الموضوع و اقوله وجدان انصدمت اكثر : كيف اروح ادرس بدون علم ابوي وموافقته ؟! ما اقدر ، حرام والله سلطان انقهر : الحين انتي تبين تدرسين ولا لا ؟! اذا تبين تدرسين تاكلين تبن وتروحين بدون علم ابوك لين ما حنا نقوله واذا مره مو عاجبك الموضوع اجلسي في البيت لين تخيسين وجدان : ما اقدر ادرس بدون موافقته والله غلط وفاء بضيق : ادري غلط والله ادري بس الي يسويه ابوك بعد غلط ، خلاص ما اتحمل اشوفه مقفلها عليكم من كل جهة واسكت ، انا بقوله بعدين وبحطه قدام الامر الواقع بعد ما انتي تبدين دراسه واكيد هو ما بيقدر يقول شي علي : وبعدين ترى للحين ما طلعوا دفعات القبول ، يمكن يقبلوك ويمكن لا ، بس حنا الحين حاطين امل انهم يقبلوك عشان كذا من الحين نقولك هالكلام سلطان : اجل ما فتحتي الجوال الي شريته لك وجدان لفت له مستغربه : ليه شفيه ؟! سلطان : حملت لك مواقع التواصل الي عندي وفتحت لك حسابات فيها وجدان شهقت : ابوي ما يرضى سلطان : امي الي قالت لي احملهم لك لان ابوي وافق وفاء وجعها قلبها وحاسه ان الكتمه الي فيها تزيد ما تبي تتعامل بهالاسلوب وتكسر كلمة ابوهم قدامهم وعشان كذا هي كذبت بشأن الجوال ، كفاية سالفة الجامعه ، هي تدري انه غلط كبير تسوي كذا وخصوصا ان عيالها يدرون انه غصب عن ابوهم وهذا اكبر غلط لانهم اذا شافوا امهم ما تبالي برأي زوجها وموافقته العيال يستهينون بقدر ابوهم واهميته وما يحسبون له حساب ولا يحترموه لان امهم تمشي كلمتها عليه قدامهم ، وهذا الي ما تبيه بس ان شاء الله تكون هذي اول مره واخر مره بس هي ما تبي بنتها تكون ما تفهم في شي خصوصا في هذا الزمن البنت الي ما تتماشى مع تطور جيلها ما تسوى شي لان اذا مو فاهمه في هالاشياء فهي تعتبر جاهله وهي ما تبيها تكون اقل من بنات جيلها بشي بس لازم عيالها ما يعرفون بأن ابوهم ما يدري انها حملت لها هالبرامج لازم وبتحرص انهم ما يدرون وجدان بحماس : جد ؟! الله بروح انزله ركبت وجدان ركض ونزلته وجلست جنب سلطان وجدان : تعال كيف ننزل صوره ؟! نسيت كيف سلطان رفع حجاجاته : وش بتنزلي ؟! وجدان : عادي بنزل صورة بزر سلطان ضحك : لا ي غبيه لا تنزلين صور تافهه بعدين يصير حسابك بايخ حاله حال حسابات البزران وجدان : ي خي كيفي انا ابي انزل صورة بزر , حسابي ولا حسابك ؟! سلطان : لا تخليني الحين احذفهم لك كلهم ، ترى انا الي منزلهم لك علي : الحمدلله والشكر بزران وجدان : افففففف طيب خلاص بنزل شي فيه محتوى بس علمني كيف انزل صور سلطان : تدخلين هنا بيطلعون لك الصور اختاري مثلا ذي وهنا تكتبي الكلام وتضغطي على ذي وبس تنزل الصوره وجدان : اه صح تذكرت الحين وانت قلت من هنا يغيرون تأثيرات الصوره سلطان : اي وجدان : انزين ذولي وشو ؟! سلطان : هذا السناب جات وذا الوتساب تعرفيه طبعا كان عندك بجوالك القديم وذا تويتر وذا الفيس بوك بعلمك عليهم بعدين بس مدري ليش بعلمك الفيس بوك صار قديم ومايدخلوه الحين الا الشياب و المصريين علي : ترى الفيس بوك افضل من مواقع التواصل ذي ولا يصير قديم وفيه كل جديد مثل التويتر سلطان : خلاص درينا انك تحب الفيس بوك ، وبعدين مو شي غريب دائما الي يحبون القراءه والادب ما يدخلون الا الفيسبوك مدري ليه وش العلاقه علي وقف : انا اقوم عنك انت انسان تافه وفاضي والي يجلس معك يصير اعظم منك سلطان : اسفين استاذ علي لازم نصير مثقفين عشان لا نصير تافهين بس للأسف انا ما اثقف نفسي فما اوصل لرقيك علي : استغفر الله انت ليش لسانك كذا ؟! ليش ما تعرف تحكي ؟! سلطان مارد عليه وعلي هز راسه بيأس ومشى اما وجدان جلست على جوالها ومبسوطه بالبرامج الي نزلهم لها وجدان : تعال هذي الحسابات انت الي خليتهم يطلعون عندي ؟! سلطان : اي ، يقولون انت مسوي لهم فولو او انت الي متابعهم ، اما الي هنا لا الانستا هو الي يطلع لك الحسابات والصور حتى لو لو ما انتي تتابعينهم وجدان : امممممم ، طيب لو سمحت سلطان ممكن اذا جيت تعلمني تعلمني عادي ما تحسسني اني بزر جالس تعلمه ؟! سلطان ضحك : طيب آسف . . . انتهى | ||||||||
|
| |
|
14-11-17, 12:43 PM
| #18 | ||||||||
| مراقبة عامة ومشرفة منتدى الروايات المنقولة
| Part 9 بعد يومين " بيت زهير " زهير وهو يسلم على بناته : انتبهوا لأنفسكم ، مو تروحون منا ولا منا لحالكم أو مع بنات خالكم ، ما تمشون إلا مع امكم وزوجة خالكم أو مع خالكم وحمد ، سامعين ؟! والعباه والنقاب لا اشوفكم منزلينهم ، بسأل عنكم من حمد كل يوم ، واتصلوا كل يوم بيان : أن شاء الله طلعوا البنات وراحوا يسلمون على البنات وعلى جدهم وجدتهم على مايخلص حمد من سلامه على ابوه الي توصياته حريصه جدا وكثيره جدا طلع حمد وراحوا لبيت خالهم عشان بعد خمس ساعات رحلتهم استعدوا لكل شي وبعد ساعه مشوا للمطار . . " بيت عبد الرحمن " جميله مسكت يد زوجها وابتسمت له : ان شاء الله بيرضى هالمره عبد الرحمن تنهد : ان شاء الله نزلوا عبد الرحمن وجميله وانتبهت لهم حنين حنين : ماما وين بتروحون ؟! جميله : بنروح مشوار قصير وبنرجع حنين : مشوار ايش ؟! جميله ابتسمت لها : مشوار حنين : طيب عادي اروح معكم مشواركم ؟! عبد الرحمن ابتسم ونزل لمستواها وباسها : المره الجايه إن شاء الله حنين بزعل : لا ابي اروح معكم ، طفشانه ابي اطلع هاني الي كان موجود وعرف انهم بيروحون بيت جده : تعالي حنين انا بروح معك الكورنيش أو قرية الألعاب اذا تبين حنين لفت له بفرحه : والله ! بتروح معي الالعاب ؟! هاني : اذا خليتي الماما والبابا يروحون لحالهم ايوه اروح معك الحين حنين لفت لأمها وابوها بسرعه : خلاص روحوا انا بروح مع هاني الالعاب جميله طالعت هاني وابتسمت له بإمتنان ورد لها الابتسامه طلعوا عبد الرحمن وجميله ولف هاني على اخته هاني : يلا روحي قولي لساره تلبس وتبدل لك عشان نطلع حنين بفرحه : طيب راحت تركض لغرفة ساره وفتحت الباب بدون ما تطقه ساره كانت تشاهد فلم رعب ومشغلته على البروجكتر مثل ما تحب عشان تطلع الصوره اكبر ومقفله الستاير ومطفيه الانوار وسمعت فتحت الباب القوية وصرخت بفزع ووقفته ولفت لحنين : وجع ان شاء الله ما تعرفين تطقين الباب !! شتبين ؟! حنين : هاني يقولك بدلي لي واللبسي عشان نطلع ساره بفهاوه : ليه وين بنطلع ؟! حنين : بنروح الالعاب ساره : مع ابوي ؟! حنين : لا مع هاني ، قال لي اذا ما رحت مع ماما وبابا هو بيوديني للألعاب وانتي بتروحين معنا ، الحين حنا بنروح ساره : على كيفكم تقررون ؟! لا و واثقين اني بروح ، ماني رايحه لمكان ويلا اذلفي برا خلني اكمل فلمي حنين بعصبيه : لكن بقول لمشاري ساره : قولي له عشان هو الي يوديك وتفكينا ، يلا اطلعي مو فاضيه لك طلعت حنين بقهر من الغرفه بدون ما تقفل الباب وراحت لهاني وقالت له ان ساره مو راضيه تروح معهم وركب لها طق الباب وفتحه على طول : قومي اللبسي بنروح الالعاب ، انا واعدها اني اوديها ساره : انت الي واعدها انا مالي دخل هاني :وانا بروح معها لحالي ساره : خلي مشاري يوديها هو متعود ياخذها معه حنين : لا انا ابي اروح مع هاني هاني تأفف : ي ليييييل ، خلاص انا بروح معها ما يحتاج تروحين معنا بس قومي بدلي لها ساره اعتدلت بجلستها : الا وين فارس ؟! هاني : نايم ساره : صحيه خله يروح معكم هاني : الحمار توه نايم قبل ساعتين ، خرب نومه ساره : اجازه وش وراه قامت ساره لغرفة حنين وطلعت لها فستان ومشطتها وراحت مع هاني الالعاب . . " بيت الجد صالح ( ابو منصور ) " اندق الجرس وفتحت الخدامه دخلوا عبد الرجمن وجميله وكان الجد بس موجود كانت انظار الجد على الباب بفضول من الي جايهم بس سرعان ما تغيرت نظرته من فضول لغضب بعد ما شاف الضيوف الغير مرغوب فيهم تقدمت جميله وسلمت على راسه : يعطيك العافيه عمي تبعها عبد الرجمن وانحنى على راس ابوه بس هالمره ما عارض عبد الرحمن رفع راسه لزوجته وابتسم بمعنى هذي بشارة خير ان شاء الله الجد طالعه بنظرات حاده : شتبي جاي ؟! ما كفاك الكلام قبل كم يوم ؟! عبد لرجمن : بس يبه خلاص والله تعبت على هالحال ، ما اتحمل قطيعه بعد , يبه والله اني ما اتهنى بنومي وانا عارف انك موب راضي علي الجد : ما تهنيت بنومك 21 سنه ؟! كان انتظرت بعد لين ما اموت وبعدها نام وخذ راحتك ، متطمن ، الابو وراح الله لا يرحمه ارتحت من همه وهم زعله ، والام وكل يوم جاي تزورها ، وش تبي بعد عشان تهنى بنومك ؟! عبد الرحمن عرف انه جالس يتشره وهذا بداية الغيث : لك طولة العمر يبه ، محشوم الجد : الحين قولي وش تبي جاي ولا تيسر على بيتك الله وياك عبد الرحمن : ابي رضاك بس الجد بسخريه : وليه انت مسوي شي يزعل ؟! ابد خلعت عادات اجدادك وتقاليدهم بس , ما سويت شي الا اذا هذا بعد تعتبره شي كبير وذنب فهذا شي راجع لك ي ابو مشاري عبد الرحمن ابتسم ، حتى عتابه وزعله يلامس قلبه عرف انه ما راح يطلع من البيت اليوم الا وابوه راضي عنه بسبب طريقة عتابه وتشرهه عبد الرحمن : لا والله ، والله انها عز وفخر اربي عيالي عليها ، هذي العادات والتقاليد هي الي شدت عودي واسست الرجال الي قدامك ، ما عاش من يخلعها وينزل من قيمتها الجد طالعه بدون ما يرد بس لاحظ عبد الرحمن ملامح ابوه الي لانت بعد كلامه هذا قرب وباس راسه : قدرك ي الغالي فوق وعالي , والله اني ما كنت اسوى شي بدونك وبدون رضاك علي ودعواتك لي ولعيالي ، ما اطلب منك الا الرضا ، مدري كيف صبرت هذي السنين كلها وانت زعلان علي ، يبه رضاك ورضا امي بعد رضا الله والجنه ، انا مدري يومي متى يحين ، الواحد مو ضامن عمره ومابي الله ياخذ امانتي وانت غضبان علي انتبه لحدة نظرة صالح وعرف مدى تأثير كلماته على ابوه عبد الرحمن مسك يد ابوه وباسها : سامحني يبه حقك علي ، سامحني الجد : ما اسامحك الا لما تأكد لي انك تعلمت الدرس وبتربي عيالك وتمشيهم على عاداتنا وتقاليدنا الصح وتحرص على انهم يتمسكون فيها عبد الرجمن انصدم ، أي درس الي يقول عنه ؟! زعل وقطاعه 21 سنه واخر شي يقول درس ؟! لا ومستعد بعد انه يستمر هذا الزعل عشان عادات وتقاليد جاهله ومبدأها غلط وما تنفرض على هذا الجيل المتطور المتعلم والواعي بس هو مايبي يعاند مثل المره الاولى ولازم يسايره عبد الرحمن : ان شاء الله يبه ، كل الي تبيه يصير ، بس اهم شي رضاك الجد نزل راسه : روح الله يرضى عليك دنيا واخره عبد الرحمن ابتسم إبتسامه عريضه ولف لمكان ما كانت واقفه جميله وتو يلاحظ انها انسحبت من بداية نقاشه مع ابوه تقدم لأبوه بلهفه وشوق وباس راسه ويده وحضنه وصارت دموعه تنزل شقد اشتاق لهالحضن شقد اشتاق لشعور الرضا ما عرف معنى كلمة رضا الوالدين الا لما فقدها فقد رضا ابوه وكان يحس بألم غير طبيعي وثقل يجثم على صدره لهالسبب ويحس ان ماردت له روحه الا بعد ما نطق ابوه بجملته الاخيره الي اثلجت صدره صالح اخيرا ابدا تفاعل ورفع يده ببطئ وطبطب على ظهره بهاللحظه دخلت فوزيه ( الجده ام منصور ) بتوجس لما شافت جميلة وقالت لها أن عبد الرحمن داخل مع ابوه يتناقشون شافت هالمظر قدامها وابتسمت براحة ما توقعت انه بيرضى كانت كل مره اذا كلمته بخصوص عبد الرحمن يعطيها ظهره وما يرد عليها لين ما تعبت وسكتت وبين كل فتره والثانيه ترجع تكلمه في نفس الموضوع انتبه لها عبد الرحمن وابتعد عن ابوه وابتسم بهدوء واتجه لأمه وباس راسها وسحبها وجلسها على الكنب شوي الا ودخلت جميله وشافتهم جالسين يسولفون وفرحت توقعت هي أنه بيرضى لكن بعد ثلاث مرات اربع بس قلب الاب مهما كان يقسى على عياله من طبعه كرجل شرقي ما تحكمه عاطفته بسهوله ، يرجع يلين بسرعه لأنه يبقى اب . . . انتهى | ||||||||
|
| |
|
21-11-17, 12:50 AM
| #19 | ||||||||
| مراقبة عامة ومشرفة منتدى الروايات المنقولة
| Part 10 " بيت منصور " كانت وفاء جالسه في الغرفه وتنتظر جية منصور شافته دخل سلم وبدل واخذ الروب وبيدخل للحمام ( اكرمكم الله ) وفاء : منصور منصور لف لها بدون مايرد وفاء : ابي اكلمك بموضوع مهم منصور : خليه لبعدين وفاء : لا الحين منصور : قلت لك بعدين مابطير انا وفاء وهي عارفه أن هالموضوع السخيف بالنسبه له مهم وخطير : وانا اقولك الحين لان الموضوع ما يتأجل منصور تنهد ورمى الروب على السرير وجلس جنبها : تفضلي ، غردي شعندك وفاء : سلطان منصور : شفيه ؟! وفاء : هو شرى لأخته ايفون هدية عيد ميلادها منصور بإستخفاف : اي ؟! وفاء : وانا قلت له يحمل لها برامج التواصل منصور صرخ بعدم استيعاب : وشووووووو !!! جنيتي انتي ؟! وفاء حاولت انها تتمالك نفسها وتظل قويه قدامه وهي خايفه منه : اهدا ، ما في شي يستاهل العصبيه والصراخ منصور بعصبيه : للمره الثالثه ي وفاء للمره الثالثه تعصين كلامي وتمشي الي براسك وبراس عيالك ، طرطور انا عندك بالبيت مالي كلمه ؟! وفاء ما تحملت تمسك اعصابها وتسكت : وللمره الرابعه والخامسه والمليون ، اذا شفت هالشي لمصلحة عيالي ، اعصي كلمتك وكلمتي تمشي عليك وعلى عيالك ، انت لو رجال تعرف مصلحة عيالك وحريص عليهم ما قلت لك شي وسكتت وكان شجعتك لكن انت الي تسويه مو حرص ولا خوف هذا تخلف ، خلاص تعبت وانا اشوف عيالي جاهلين وضايعين في هالعالم واسكت ، تعبت وانا اشوفك تضيع مستقبلهم وانا ساكته ، بنتك شوي وتتعقد اذا ظليت كذا بتجيها عقده أنا متأكدة " تكلمت بتهور " ويكون بعلمك سجلتها في الجامعه واذا قبلوها بتروح برضاك ولا غصبا عنك ، دامني اشوف انها لمصلحتها بتروح منصور صرخ ووفاء خافت بس كالعاده ما بينت ، اي شي يوقف عند عيالها لازم تحارب عشانه منصور وهو يصرخ ويضرب أصابعه بمنطقة صدغها : انتي جنيتي ؟! صار في عقلك هذا شي ؟! تبين تمشين كلمتك وبس ؟! تبين تقهريني وبس ؟! وفاء بعدت يده : ليه بزران جالسين نلعب عشان ابي اقهرك ؟! انا ما يهمني امشي كلمتي قد ما تهمني مصلحة عيالي ، منا ورايح مصلحة عيالي فوق كل شي ، مابسمح لك توقف في وجه مصلحتهم ، ابوهم ولك رايك وكلمتك تمشي علينا كلنا غصبا عنا صح ، بس اذا كانت هذي تدمرهم ومو لمصلحتهم مستحيل نلتزم فيها منصور صار صدره يعلى ويهبط من العصبيه : روحي نادي بنتك وفاء : شتبي فيها ؟! كلامك معي انا مالك شغل فيها منصور صرخ : قلت لك ناديها وفاء : اعتبر الموضوع انتهى ، وبنتي بتدرس وبتعيش مثلها مثل بنات عمرها وجيلها ، وعيالي مالك دخل فيهم منصور : انتي تعرفين حكم خروج البنت من البيت بدون رضا الاب ؟! وفاء : اي اعرف منصور : اجل اشوفك فاتحه هالموضوع مره ثانيه ومفكره تخليها تدرس كان الا احش رجلك انتي وبنتك وفاء : ما هو على كيفك ، مو كل شي تبيه نطبقه وحاضر ولبيه ، خلاص لهنا وبس ، قوانيني وكلمتي تمشي على الكل ، انت الي اجبرتني أتعامل بالطريقه ذي وتعرفني اني ما احبها بس الوضع يتطلب هالشي طلعت وفاء من الغرفه وصفقت بالباب وتركت منصور جالس محترق بمكانه من الغيض والعصبيه جلس على وضعه لعشر دقائق وبعدها اخذ نفس عميق ودخل ياخذ له دش بارد يبرد النار الي تسعر بداخله . . . " في الطياره " كانوا مروه ( ام حمد ) عند النافذه وجنبها زوجة اخوها وبجنبها زوجها جالسين كلهم جنب بعض ووراهم حمد عند النافذه وبجنبه جاسم وفي الطرف فداء ووراهم سناء وبدور وبيان كانوا البنات يسولفون ويضحكون واصواتهم عاليه مبسوطين لانهم اول مره بيسافرون مع بعض حمد لف لهم : وجع انتي وهي قصروا حسكم فداء الي متحسره تبي تروح تجلس معهم بس ماتقدر لان بس ثلاث مقاعد : وانت شعليك خلهم على راحتهم ، والله ، لقافه حمد : والله انتي الي صرتي ملقوفه ي بنت المتوسطه فداء كشرت ولفت له : بنت المتوسطه !! على فكره هذي بنت المتوسطه على قولك تسواك حمد انفجع وطلعت عيونه والبنات انفجروا ضحك على كلمتها حمد : تسوين مين ؟! فداء طالعته من فوق لتحت بغرور : اسواك حمد : لا والله ؟! توه بيمد يده بيضربها بخفه كمزح الا مسك يده جاسم الي عمره ٦ سنوات وجالس في الوسط بينهم جاسم صار يتكلم بسرعه بطريقه تضحك : خلاث هدي بالله هدي بالله هدي بالله حمد : سحب يده وماسك ضحكته : المشكله انك بزر وفوقها بنت ما اقدر اسوي لك شي ، فما انزل نفسي لبزر فداء عطته ضحكه تقهره فيها : هاهاااااااااي احسن حمد رغم أنه اغتاض بس ضحك ولف للبنات : وانتوا اركدوا شوي ، عيب ، منتوا جالسين لحالكم في الطياره بيان ابتسمت له : طيب اسفين حمد : وحطوا النقاب ترى في شباب جنبكم البنات كلهم لفوا جنبهم يشوفون وصح كانوا شلة شباب جالسين بالمقاعد الي جنبهم ثلاث قدام وثلاث ورى حمد عصب : الله يلعنكم ي قليلات الادب ، وبكل بجاحه لافين يشفوفوهم البنات لما حسوا على روحهم ضحكوا حمد : وبعدين معكم !! استحوا على وجوهكم وسدوا حلوقكم واللبسوا النقاب يلا سناء : وش فيك انت حنا اذا وصلنا تركيا بنفتح وجوهنا وبيشوفونا بعد يعني مافرقت حمد : بلا نقاش ويلا اللبسوا النقاب وبعدين اذا وصلتوا لتركيا الزفته افتحوا وجوهكم مثل ما تبون البنات تأففوا وكل وحده طلعت نقابها ولبسته فداء بصوت قصير : وجع كرييييييه حمد سمعها وطالعها بنص عين ولف للنافذه شوي ورجعوا البنات يسولفون ولهوا مع السوالف وعلا صوتهم انتبه حمد للشباب أن عيونهم عليهم من اول وانقهر بس ما يبي يسوي مشكله وقف وقال لفداء وجاسم يبدلون اماكنهم وقال لبيان الي كانت على الطرف تجلس مكانه بحيث يصير جاسم على الطرف وهم جنبه وهو جلس مكانها وصار حمد في الطرف جنب بدور الي في الوسط بين حمد وسناء هزء حمد البنات وسكتوا وهم مقهورين منه . . . " في بيت سعاد " سلطان كان جاي يجلس مع نواف ومعهم مشاري الي مايدري إن امه وابوه في بيت جده نواف حط جواله على جنب : ابشركم قررت اخطب قريب ان شاء الله سلطان تفاجأ : و الله !! تدري اني قبل فتره بس مكلم امي ابيها تخطب لي مشاري : ما شاء الله ، يلا موفقين نواف ابتسم : يلا صف جمبنا مشاري بتمثيل تعابير حزن : والله ودي وانا اخوك بس لسى ما تخرجت سلطان تفاجأ : بالله !! وانا افكرك تخرجت وموظف الحين مشاري : لا ، اخر سنه لي هذي بعد خمس شهور بتخرج وان شاء الله اللقى لي وظيفه بسرعه ، الفتره هذي صايره فرص العمل قليلة نواف : لاااااا شدعوه ، خلصوا شركات البلد ؟! مشاري : هذا الي أسمعه من الشباب نواف : ما عليك منهم ، تلقاهم متكاسلين ويقدمون في شركه شركتين واذا ما ردوا عليهم قالوا مافي توظيف ، الي يبي الوظيفه يعرف مشاري : مدري والله نواف : انت وش تخصصك ؟! مشاري : محاسبه نواف حط يده على صدره : خذها مني ، وظيفتك عندي اضمنها من الحين مشاري : تقولها صادق ؟! نواف : اي والله مشاري : عندك واسطه يعني ؟! نواف ابتسم : وش فيك مشاري نسيت ؟! انا موظف وين ؟! مو في شركة عمي !! مشاري ابتسم : اوه صح ، يعني خلاص اعتبر وظيفتي جاهزه ؟! نواف : افا عليك بس مشاري : ما تقصر والله ، يعطيك العافيه نواف : مابيننا هالكلام وانا اخوك . . . " بيت منصور " نزلت وجدان من غرفتها بعد ما كانت جالسه على جوالها الي صارت مدمنه عليه وما تستغني عنه بعد ما كان بالايام يضيع ما تدري عنه ولا تجيب خبره شافت امها جالسه في الصاله وظلمه والنور جاي من بعيد من موزع المطبخ وغرفة الالعاب سابقا استغربت وقربت لأمها : يمه فزت وفاء من صوتها لانها كانت سرحانه وجدان : بسم الله عليك يمه ، شفيك ؟! وفاء تنهدت : مافيني شي بس روعتيني جالسه في ذا الهدوء وجدان جلست جنب امها : طيب ليه جالسه لحالك وفي الظلمه ؟! وفاء : بس حبيت اختلي بنفسي شوي وجدان عقدت حجاجاتها بإستنكار : تختلين بنفسك في الظلمه ؟! وفاء انزعجت وبتعكر مزاج : اوووووه تحققين معي انتي ؟! قومي شوفي واحد من اخوانك يودينا بيت جدتك خالاتك مجتمعين هناك وجدان انصدمت ، عادةً خالاتها كل يومين او ثلاث يتجمعون الا هم ما يروحون الا يوم في الاسبوع ، غريبه امها قالت بتروح وجدان : منجدك بنروح بيت جدتي ؟! وفاء : لا امزح معك " صرخت بصوت واطي " قومي اخلصي علي وجدان فرحت وبنفس الوقت مستغربه عصبية امها وتصرفاتها ووقفت : طيب طيب ركبت غرفة سلطان ما شافته راحت لغرفة علي وقال لهم يجهزون والحين بيوصلهم وهو بعد مستغرب انهم بيروحون . . . " تركيا " وصلوا لتركيا بالسلامه ودخلوا غرف الفندق وكل وحده صارت تهاوش الثانيه على الاسره البنات كلهم في غرفة وحمد ومروه في غرفة وخالهم وزوجته وجاسم في غرفة وكان حمد لسى منفس سناء قربت وضربت كتفه بخفه وابتسامه : خلاص عاد فكها ، مو لذي الدرجه بيان وبدور طلعت عيونهم من حركتها وانصدموا اكثر لما شافوا ردة فعل حمد العاديه وكأنه متعود حمد : يعني الي سويتوه ابد ما يستحق هذا كله سناء : لا حمد سكت وطلع وهو مقهور وسناء ما اهتمت وراحت تتروش بدور لفت لبيان : يمه ي جراءتها سناءوه والله لو حنا نسوي كذا مع ولد عمتي أي نسوي كذا ؟! الا لو بس نكلمه الا شنقونا شنق ابوي وعمي بيان بتفكير : بدور منتي ملاحظه أن حنا قبل ما نعرف أن حمد كل في بيت خالي ما كنا نشوف بنات خالي وحمد يتعاملون مع بعض كذا ؟! بدور : الا صح ، لان اساسا كان حمد اذا رحنا لهم ينزل يجلس ساعه ويمشي وحنا كنا نستغرب انه شهر كامل ما يشوف امي وبعدين يجلس معها بس ساعه طلع عشان بنات الخال ما ياخذون راحتهم معه قدامنا بيان : انا الي ابي أفهمه بس كيف خالي وامي سامحين لهم يتعدون هالخطوط بدور : منجد حتى لو متفتحين فهذا حرام شرعا اصلا بيان طالعتها : تصدقين ؟! يمكن لان حنا ما نفهم في شي فهذا راينا ، اكيد أن الي يسوونه عادي بس من تربية ابونا لنا خلّ هالافكار تدخل براسنا بدور : اي صح يمكن عشان كذا ولا هو اصلا عادي ما فيها شي لو سوينا كذا مع عيال عمومك بس اهلنا متخلفين عشان كذا وهذا حال بنات صالح ( الجد ) بسبب تفكيرهم المتخلف صاروا ما يميزون الصح عن الغلط . . . " في بيت جدة وجدان " كانوا وفاء وامها وخواتها كلهم جالسين في غرفه ما يبون أحد يدخل عندهم ويتناقشون والبنات جالسين في الصاله والعيال مو موجودين وفاء بضيق : طلعت من عنده وصدري ضايق ، ندمانه على الي سويته ، ما كان المفروض اضرب رايه بعرض الجدار اختها ام كريم بقهر : لا تندمين ولا شي الي سويته هو الصح ، انا من اشوف عيالك ينكسر خاطري عليهم ام اسراء : اصلا حنا مستغربين كيف صابره على المر لك ولعيالك للحين ، والله لو انا اسوي مثل ما سوت زوجة اخوه تطلقت ولا وأخذت عيالي معي بعد ، اذا انفجرت اذا مو عشاني عشان عيالي ام تركي : زين ما سويتي ولا تندمين ولا تفكرين حتى ، الى متى بتظلين ساكته عنه ؟! لين ما تجي لعيالك عقد نفسيه ؟! والله حرام عيالك شباب مثل الورد يضيعون بسبة ابوهم وجدهم ، ومو كاسر خاطري اكثر الا هالمسكينه وجدان والله حرام الي يسووه في هالبنات والله حرام وفاء ضحكت بسخريه : بس ابوهم وجدهم ؟! الا حتى تدخل من عمتهم وعمهم ابو حمد ام كريم : اسكتي والي يرحم والديك قال ابو حمد قال ، انتي على كلامك ولا داري عن عياله ضايعين لا ام ولا ابو ولا حتى اخو ام تركي : اسمعي انتي خطيتي الخطوه الاولى لما وقفتي بوجهه وخليتي علي يشتغل بالبحرين ، كملتي الخطوه الثانيه لما سمحتي لوجدان تستخدم البرامج المتطوره ، والخطوه الثالثه لما سجلتيها في الجامعة ، الحين الخطوة الرابعه والأهم انك تاخذي لك بيت مستقل وفاء شهقت : وبيتي ؟! ام اسراء : خبله انتي خبله ؟! متى بتتعلمين من توجيهاتنا لك متى ؟! احنا كل الي نقوله لمصلحتك انتي وعياليك ، احنا بنفسنا مو راضين على وضعكم وعيشتكم ام تركي : انتي لازم تطلعين من بيتك وتسكنون في بيت غيره ، ان شاء الله لو تعيشون في شقه ، ما اعتقد بتكون صغيره عليكم لو اخذتوا شقه فيها ثلاث غرف وصاروا علي وسلطان مع بعض وفاء : بس ليش اطلع ؟! مافي مبرر اني اطلع من بيتي ، الحين انا في بيت ملكي ويوسعنا ومرتاحه وش لي اروح واخذ لي ايجار ولا واضيق على نفسي ام كريم : خذي لك ملك مو ضروري ايجار وشقة بثلاث غرف لكم واجد زينه ، وانتي لازم تطلعين عشان تتخلصين من التدخلات وانتي المفروض هالخطوه تسوينها من لما كان سلطان صغير من بداية حياتك عشان انتي تربين عيالك على كيفك بدون تدخلات ، بس خلاص العيال كبروا وطاح الفاس بالراس ، بس لسى تقدرين تغيرينهم وتمشينهم على راحتك وتفتحي لهم المجال ام تركي : بعد ما تشوفين عيالك بدوا يتفتحون ويفهمون بالي يصير في هالدنيا والتطور الي يصير ، ارجعي اسسسي حياتك مع زوجك من الصفر وترجعين سلطته وكلمته عند عيالك ، لان غلط تظلي انتي المتسلطه طول عمرك ، لما تحسي أن زوجك اقتنع ومايقدر يغير من الي بنيتيه تو بعدين اسمحي له يتدخل فيهم امهم بعد صمت طويل : ي يمه اذا مو مقتنعه بكلامهم لا تطبقيه ، قلبك اذا مو مرتاح لهالكلام امشي على شوره ام كريم بغيض : يمه وش هالكلام ؟! تبينها تظل على هالعيشه وتضيع عيالها زود ماهم ضايعين ام اسراء : يمه كلامنا هذا لمصلحتها قبل مصلحة عيالها ، بعدين اذا تزوجوا وفهموا للدنيا متأخر بيحطون اللوم عليها ليش انها سمحت لأبوهم يتمادى لين ما وصلوا لهالحال ام تركي : صح كلامك ي خيه ، وبعدين يمه اسمحي لي على كلمتي بس ما وصلهم لذي الدرجه الا كلامك هذا ، وفاء انتي لازم تحطين هالشي في بالك ، بعدين بأي حق بتواجهين عيالك اذا قالوا لك هالكلام ؟! وفاء سكتت وهي خافت من كلامهم وهي في قرارة نفسها تعرف ان كلامهم صح والمفروض هالشي تسويه من زمان دقايق بس ودخلوا عليهم البنات وكلهم سكتوا اسراء : ليش سكتوا لما دخلنا ؟! هممممم اكيد تحشون فينا ام تركي بسخريه : اي تصدقون ؟! وجدان : عادي حسنات ببلاش من يحصل له ؟! دانه : اي والله وفاء تذكرت شي : الا صح ، سلطان يبي اخطب له ويبي بنت غريبه ، وانتوا خبركم فيني ما اعرف احد ، شوفوا لي بنت حلوه خلوقه إسراء بإندفاع : حاط مواصفات ؟! وفاء : لا والله بس قال إنه يبيني اخطب له إسراء بإبتسامة عريضه وفرحه : انا عندي له وحده خالتي تجنن تجنن ، والله لو عندي اخو اخذتها له ام إسراء عقدت حواجبها : منهي ؟! إسراء : صديقتي اشجان ام إسراء ابتسمت : اي والله اشجان تهبل ما شاء الله حيا وجمال واخلاق وهدوء ورزانه إسراء بغرور ومزح : كفاية انها صديقتي وجدان : خفي علينا بس ، وعشانها صديقتك ما نبيها لأخوي إسراء : اقول بس اخوك واجد عليه اشجان وجدان تخصرت : لا والله !! إسراء سوت مثلها : اي والله !! ام إسراء متجاهله لوجدان وبنتها ومزحهم التافه بالنسبه لها : اذا تبي تشوفيها نعزمها مره هي واهلها أو نروح لهم انتي شرايك ؟! بس خذيها مني ، البنت تجنن وما عليها كلام إسراء بحماس وقفت : عندي صورها ومقاطع بعد نصورها وهي ما تدري ، ما يحتاج تروحون أو تجي راحت ركض وجابت جوالها وشغلت فيديو وكانت جالسه اشجان وتتكلم مع صديقتهم وتسولف وسمعت صوت ضحك إسراء ولفت لها وانتبهت انها تصور اشجان برقه ربانيه : وجع إسراء بلا بياخه وقفي تصوير واحذفي الفيديو ، ترى والله بزعل عليك ، تعرفوني ما احب احد يصورني وانا مدري احس نفسي مغفله انتهى الفيديو وروتهم صورها هي معها وصور لحالها من الي ترسلها لهم وكم مقطع إسراء : شرايك فيها خالتي وفاء بتردد : هي حلوه بس مدري يعني وجدان : امي قصدها يعني اخلاقها وتصرفاتها دانه : خالتي شفيك ورتك مقاطع لها وهي مع صديقاتها ، يعني دام مع صديقاتها كذا فهذا اسلوبها الطبيعي وجدان : اي صح يمه وفاء : مو مخطوبه هي ؟! إسراء بحماس : لا ، اصلا انا كنت ابيها لواحد من عيال خالاتي بس عشان تظل قريبه مني على طول وفاء : بنت مين ؟! إسراء : بنت ال........... وفاء : خلاص اكلم ابوه واشوف وش يقول ام تركي : ليه ولدك بنت هو عشان تشوفين ابوه يوافق تاخذينها له ولا لا وفاء : يمكن يبيني اخطب له وحده ثانيه وجدان : لا والله !! حتى لو يبي يمه ، لا خير !! ، ابوي بيزوجه وحده تفكيرها مثله ومثل عمي وجدي ام كريم : صادقه بنتك سكتت وفاء وهي مو متقبله كلامهم . بعد ما رجعوا للبيت ودخلوا سمعوا صوت صراخ منصور وسلطان قربوا اكثر ووصلوا للصاله وشافوا منصور ماسك سلطان يضربه ويصرخ عليه وتفاجأوا . . . . انتهى | ||||||||
|
| |
|
21-11-17, 12:51 AM
| #20 | ||||||||
| مراقبة عامة ومشرفة منتدى الروايات المنقولة
| Part 11 بعد ما رجعوا للبيت ودخلوا سمعوا صوت صراخ منصور وسلطان قربوا اكثر ووصلوا للصاله وشافوا منصور ماسك سلطان يضربه ويصرخ عليه وتفاجأوا سلطان سحب نفسه من يد ابوه بقهر : انا مو بزر عندك عشان تجلس تحاسبني وتسوي الي تبيه وانا اقولك حاضر وعلى امرك ، ما اسمح لك تسوي معي كذا وفاء بصدمه من الي تشوفه : وش صاير هنا ؟! منصور بعصبية وتجاهل لسؤال وفاء : بلا قلة ادب وهات جوالك سلطان : نعم !!! تحلم تأخذه ، انا ما سويت شي ولو سويت محد له دخل فيني انا حر بتصرفاتي ، اذا وجدان وعلي يسكتون احتراما لك !! فأنا لا وانا قليل ادب محد له شغل فيني ، ولا تمد يدك ثاني مرة تركهم واقفين مكانهم مصدومين من عصبيته وفورانه وراح لغرفته وفاء : شفيه ؟! منصور : ولدك القليل الادب والتربية جالس يكلم بنت ، ما آخذ جواله وادخل على محادثات البرنامج إلا وهو يكلم بنت كان سلطان مار من عندهم لأنه بيطلع بعد ما اخذ مفتاح سيارته من الغرفه : وانت اصلا بأي حق تاخذ جوالي وتفتشه ؟! اخذته وصرت تفتشه قدامي كأني مراهق بلعتها وسكتت ، اما انك تستغفلني اني ناسي جوالي وانا بالحمام وتاخذه تفتشه ، سلامات ؟! اصغر عيالك انا !! ولو كلمت بنت ؟! انقلبت الدنيا ؟! أبو هالعيشه القرف طلع سلطان وهو معصب و وجدان ندمت انها هي الي سببت هالشي لأخوها وهو ما دافع عن نفسه ولا قال إن هذي وجدان تقدمت وهي بتقول لأبوها بس علي فهم السالفه على طول من نظرتها ومسك يدها يمنعها تتكلم وسحبها معه . في غرفة علي وجدان : شفيك ساحبني ؟! كنت بقول لأبوي شي علي : انك انتي الي كان سلطان يكلمها ؟! وجدان هزت راسها وهي تفكر أن سلطان قاله : اي بس ليش ما خليتني اقول !! علي : ابوي الحين معصب ولو قلتي له كان عصب اكثر وكان ضربك وحرمك جوالك ولا اعطاك اياه بعد الي شافه وجدان ناظرته وهي مستغربه كلامه ، الموضوع ما يستحق هذا كله . . . " بيت عبد الرحمن " الساعه ٢ الفجر ساره : تدرون نفسي في ايش ؟! ه اني وفارس : ايش ؟! ساره : اسكريم ميد هاني : الناس يصير نفسهم في باسكن ، رولز ، بينك بيري ، وانتي للحينك على ميد !! فارس : والله انه اطلق منهم ساره بتعابير تمسكن : فارس حبيبي اخوي خلنا نروح وناخذ لنا هاني : خليه هو يجيب لك ما يحتاج تروحين ساره : لا ، نفسي اطلع طفشت فارس صغر عيونه وهو يضحك بخبث بمعنى عنده فكره خطيره هاني وساره ابتسموا وهم متحمسين : وش عندك ؟! فارس : قوموا الحين نروح الكورنيش عند البحر الجو حلو وناخذ كل شي تغيير روتين والله هاني : بس انا جوعان ومافي مطاعم فاتحه الحين !! ساره : شرايكم تروحون وتشترون اندومي وحب ( فصفص ) وشبسات وشوكولاتات واسكريم وتجون ، وانا بجهز الزهره والدومنه واذا رجعتوا بسوي الاندومي وناخذه معنا هناك فارس : لا سلامات !! ناكله ونروح ساره : طيب المهم يلا روحوا ، وانا بشوف الباقي يمكن يجون معنا هاني : تمام ركبت ساره طقت باب غرفة مشاري ودخلت وشافته صاحي ويشاهد بلابتوبه ساره : مشاري وقفه ورفع راسه : هلا ساره : بنروح للكورنيش بعد شوي بتجي معنا ؟! مشاري : من انتوا ؟؟ ساره : انا وفارس وهاني وحنين وبشوف امي و ابوي اذا بيروحون مشاري : مدري ، روحي وبعد شوي تعالي وبعدين بقرر اروح ولا لا ساره رفعت حجاجاتها وما ردت وقفلت الباب ومشت لغرفة امها و ابوها وهي متأكدة انهم صاحين ومعهم حنين لأنها تسمع صوتها وهي تحت وتشوف امها شابكه على الواتس طقت الباب ولما اذنوا لها دخلت : اااءءء يمه بنروح الكورنيش بعد شوي انا وفارس وهاني واحتمال مشاري ، بتجون معنا ؟! عبد الرحمن : استأذنتوا ؟! ساره عضت طرف شفتها بإبتسامة خجل وهزت راسها بلا بس تكلمت بسرعه : احنا قلنا اكيد ما بتمانعون وبتجون معنا بعد حنين صرخت وهي تناقز : اي اي اي نروح نروح يبه نبي نروح عبد الرحمن : لكن حر اليوم جميلة : لا والله الجو حلو ، وعند البحر يصير يرد الروح ساره : ها شقلتوا ؟! جميلة لفت لها وهي ما اخذت برأي عبد الرحمن : اي بنروح ساره ابتسمت : طيب طلعت و عبد الرحمن طالع جميلة وهي ابتسمت بوجهه ما كأنها سوت شي : ليش ما نروح ؟! وهو ما سوا شي غير أنه ابتسم جميلة لفت لحنين : يلا حنين روحي لسارة خلها تبدل لك وانا بروح اجهز للطلعة سارة راحت لغرفة مشاري وقالت له أن الكل بيروح وقال إنه بيروح معهم وجميلة سوت الشاي والقهوه وجهزت السناكات . . . " بيت منصور " دخلت وجدان غرفة علي بعد ما أذن لها وتكلمت بخوف : علي سلطان لسى ما جا وأدق عليه مايرد ، دق عليه يمكن مايبي يرد علي لاني سبب المشكله ، شوف يمكن يرد عليك علي تنهد : تعبت وانا ادق اخر شي طلع لي مغلق وجدان تجمعت الدموع بعيونها : ليش ما يرد ؟! اكيد زعلان مني علي : انتي مالك دخل في الموضوع ، لا تحطين هالشي في بالك ، وبعدين هو لو زعلان منك ويبي يقول لأبوي أن هذي انتي كان قال ، بس انا اعرفه هو ما قال لأنه يبي يعلم ابوي أن الي يسويه غلط وما يبين له أن هو مو راضي عن هالشي ولا يسمح له يتعامل معه بالطريقة ذي ، يعني بالأحرى هو كان ينتظر دقة بس وينفجر في ابوي " تنهد " الله يصلحه وجدان بدت تصيح : بس انا خايفه عليه علي ابتسم ابتسامه خفيفه وهادية ومحببه لقلبها : لا تخافين ، اكيد هو في بيت عمتي أو عمي عبد الرحمن واذا مو عندهم بيكون عند خويه يوسف وجدان مسحت دموعها وهدت تدريجيا من ابتسامته وهدوءه الي دايم كان يحسسها بالسكينه والطمأنينه ماتدري ليش تحسه هو امانها بعد ابوها حتى هو احن عليها من سلطان الي علاقتها معه أقوى بس يظل علي معزته في قلبها غير يمكن من شخصيته الهادئه واللطيفة وجدان : انا بكلم بنات عمتي وسارة بسألهم علي : لا لا ، بعدين يقولون لأهلهم ويخافون عليه ، انا بكلم مشاري و نواف ويوسف خويه وبشوف مع واحد فيهم ولا لا وجدان : طيب علي اتسعت ابتسامته : لا تزعلين ، روحي الحين غرفتك ونامي واذا صحيتي بتشوفيه هنا لا تخافين وجدان : لا ابي اشوفه اول أو اتطمن هو وين علي بضحكه : ي عيني على الأم الثانيه ، زين حبيبتي ولا يهمك اذا عرفت هو وين بقولك ، ولا بخليه يكلمك غصبا عنه بعد وجدان : طيب . . . " بيت عبد الرحمن " وصلوا هاني وفارس وسوت لهم ساره الاندومي واكلوه كلهم مع بعض وقاموا بسرعه يلبسون وراحوا للكورنيش كانوا يلعبون زُهره ( لودو ستار على الواقع ) مشاري وفارس في فريق وهاني وساره في فريق وكل شوي يناظرون في الالعاب الي جنبهم يتأكدون أن حنين موجوده تلعب فيها اما جميلة وعبد الرحمن يتمشون عند البحر لحالهم عبد الرحمن اخذ نفس طويل وابتسم : الحمد لله الي رزقني راحة البال بعد طول السنين جميلة ابتسمت : الحمد لله عبد الرحمن : تصدقيني لو قلت لك ما ردت روحي إلا لما ابوي رضا عني ؟! جميلة : وكيف ما اصدق وانا شاركتك الالم نفسه ؟! عبد الرحمن براحة كبيرة : اكبر نعمة ربي انعمها علي بعد والديني والامان هي انتي وعيالي الله لا يحرمني منكم جميلة مسكت يده : ولا يحرمنا منك ويخليك لنا ذخر وسند عبد الرحمن سحب يده بضحكه : مب قدام الناس عاد جميلة ضحكت : ما في احد الكورنيش فاضي عبد الرحمن بإحراج : حتى ولو ضحكت جميلة ومشت . بعيد عن عبد الرحمن وجميلة في جلسة عيالهم هاني وهو يفصفص : فارسوه ي كلب ي ويلك تقصني ي ويلك فارس جلس يضحك : الا والله بقصك ابي ادخل انا ، قربت وانا ما قصيت اصلا ما اقدر ادخل سارة تاكل الشبس وتاركة النقاب جنبها وجالسه مرتاحه ورايقه : خله خله يقصك أنت توك طالع وهو واصله ، أن قصاك انا اقصه انا وراه مشاري : واذا انتي قصيتيه انا اقصك ساره : حبيبي حلم ابليس بالجنة انا وين وانت وين مشاري : الحين اجيب الستات و اوصل لك هاني : هههههههههههههههههههههههه الاخ يفكر نفسه يلعب لودو تجي الستات بسهوله ، هذي تموت ولا تطلع لك سته ساره بضحكه : اي والله فارس : اللعبي اللعبي بلا هذره فاضيه وصبي لي قهوه مشاري اللتفت لجهة الألعاب وما شاف حنين فز و وقف بسرعة بخوف : وين حنين ؟! كلهم لفوا للألعاب مالقوها ساره : يمه صح وينها مشى فارس بخطوات سريعه : نادوها ما اعتقد بعدت لأني توي شايفها قبل شوي تلعب ساره بخوف : يمكن انخطفت ، لا ، يمه ، اختي هاني لف لها : جالسه بمسلسل امريكي انتي ؟! غبية مشاري مشى متجاهلهم وحاس ان قلبه بيوقف من الخوف وان جاته ام ركب يسحب رجلينه تسحب ما يدري كيف جالس يمشي اصلا وصاروا يمشون وهم يصرخون بأسم حنين . . . " بيت منصور " وفاء بعصبية وغبنة : وبعدين معك انت وبعدين ؟! لمتى بتظل كذا ، ترى عيالك بيكرهوك والله بيكرهوك منصور : طبعا بيكرهوني إذا ما يعرفون مصلحتهم ويفكروني اضرهم وفاء : طبعا تضرهم ، اجل الي تسويه انت صح ؟! في فايده لهم غير انهم صاروا كأنهم ورعان ما يعرفون يتصرفون ومعقدين !! منصور : انتبهي لكلامك ي حرمه وفاء صرخت : تشوفني جالسه اقول شي غلط !! ولدك للحين ما جا ما ندري وينه فيه ، ندق عليه جواله مغلق ، ما تخاف عليه ؟! زين ما يأنبك ضميرك على الي سويته فيه ؟! ما تحس بالذنب أنه طلع بسببك ؟! منصور : هو طلع بسبب بنت الحرام ذيك وفاء : استغفر ربك ي رجال استغفره جالس تقذف ف الناس ، انت متى تحس يا ربي متى تحس !! منصور : اشوف لسانك طايل هاليومين وفاء : اكتشفت ان عندي لسان اخيرا ولازم استغله لصالحي منصور : اجل يبي له قص سكتت عنه وفاء وجلست لخمس دقائق ودموعها تنزل خايفه على ولدها للحين ما جا ما تحملت وقامت فجأه وهي تصرخ على منصور : والله والله لو يصير لولدي شي ما تلوم الا نفسك ذنبه برقبتك منصور : مو جايه شي لا تخافين هذا عفريت وفاء ودموعها تنزل : انت من وش قلبك ؟! قولي بس من وش ؟! حسبي الله ونعم الوكيل حسبي الله ونعم الوكيل فيك طلعت وفاء وضربت بالباب وراها وراحت لغرفة علي وهي تصيح دخلت وفاء غرفة علي وقام علي بسرعه وهو خايف من بكي امه ، اول مره يشوفها تبكي ، طول عمرها كانت صابره على كل شي حتى على ضرب ابوه لها واذيته له ولأخوانه علي : بسم الله عليك يمه ، شفيك ؟! وفاء بوسط بكاها : وين اخوك ؟! ما جا ؟! لسى جواله مقفل ؟! علي ابتسم بتطمينها : لا تخافين ، كلمت يوسف وقال لي أنه معه وان جوال سلطان خلص شحنه وما يبي يشحنه عشان محد يزعجه وفاء هدت شوي : زين ليش ما جا للحين ؟! علي : يمه ما تعرفين ولدك يعني ؟! وفاء : الله يصلحهم ويهدي النفوس بينهم ، وليش لما عرفت ما جيت قلت لي ؟! علي : كنت احسبك نمتي فما حبيت ازعجك وفاء : انام وانا مدري ولدي وين !! صاحيه انا !! علي بإبتسامة لطيفة : طيب يمه دامك تطمنتي عليه روحي نامي وبكرى أول ما اصحى بروح له اقنعه يرجع اوعدك وفاء : طيب انتبه لنفسك حبيبي ، تصبح على خير علي قرب منها وباس راسها : وانتي من أهله لما طلعت امه من الغرفة راح لوجدان وقال لها عن سلطان وين وخلاها تكلمه من جوال يوسف . . . " الكورنيش " فارس دق على مشاري : ها ما شفتها ؟! مشاري برجفة صوته الي خانقته العبره : لا فارس : ما اعتقد بعدت ، اكيد أنها هنا قريب مشاري : لو قريبه كان شفناها ، البنت فجأة اختفت فارس بهت لون وجهه : ليكون كلام وجدان صح وانخطفت ماري : وتصدق انت هالسخافات !! كيف يخطفوها والكورنيش فاضي ما في الا حنا وكنا جنبها بعد فارس بتوتر : طيب قفل بشوف هاني وساره دق على ساره وهاني ونفس الشي ورجعوا لمكان ما كانوا جالسين يشوفوا يمكن راحت تتمشى ورجعت ساره وهي مقطعه نفسها بكى : الحين وش بنقول لأمي و ابوي ؟! والله لو يدرون توقف قلوبهم مشاري جلس على الارض وهو مو قادر يوقف على رجلينه من عظم المصيبه والموقف ، هذي حنين حبيبة قلبه ودلوعته اكثر واحد يجلس معها ويعطيها على قد جوها هو جلس وحط راسه بين يدينه ومنغبن بقوه هاني كان مركز نظره على شي بعيد وما شافوه الا رايح يركض لمكان معين كلهم لفوا له مستغربين ومو منتبهين للشي الي طاحت عيونه عليه شافوه وقف بعيد تقريبا وهو يأشر بيدينه وبعدها تقرب وجنبه شخص قصير وهيئته صغيره جدا جدا لما قربوا منهم شافوه جاي ومعه حنين مشاري حس كأن مويه بارده انكبت على صدره واثلجته ، حس ان ردت له روحه قام بسرعه واتجه ناحيتها ونزل لمستواها وحضنها بقوه وهو يرص عليها هاني : اتركها الحيوانه ذي فارس : وين شفتها ؟! هاني : هي كانت جايه لنا اصلا هالبقره الغبيه ساره مسحت دموعها وارتاحت بقوه : ليش تقول عنها كذا وين كانت ؟! بعد مشاري عنها وسألها : وين رحتي ؟! شفيك ؟! جاك شي ؟! احد اخذك ؟! شفتي أحد ؟! . . . انتهى | ||||||||
|
| |
|
| أدوات الموضوع | |
| انواع عرض الموضوع | |
|
|
4Likes
.png)
العرض العادي
