20-03-19, 11:46 PM
| #1021 | ||||||||
| مراقبة عامة ومشرفة منتدى الروايات المنقولة  
|  اللهم إني أستغفرك وأتوب إليك سبحانك اللهم إني كنت من الظالمين اللهم صل وسلم على نبينا محمد ( صلوو عليه ) @ @ {49} @ @ صرخت من قوة الوجع ...الي حسيت فيه تمسكت بالباب ...وأنا اطالع ميري أشرت لها ...وأنا مقفله عيوني من قوة الوجع عضيت شفتي وأنا احاول اتماسك شوي ...دقي رقم مصعب مره ثانيه بس آه ...نفس الحكاية مايرد ... صرخت يوم جتني ضربه بقوه بظهري حسيتها اقوى من قبل ..بدون شعور صرخت وأنا اصيح منهارة ..خايفه حيل تمسكت بميري يوم مسكتني وهي تقول : مافي خوف ماما هذي ولادة همست بالم لأني عارفه بموت بمكاني ومصعب ماوصل : كلمي السواق بسرعة ركضت بسرعة وهي تصرخ باسم الخادمة زوجة السايق ...حاولت اجلس على السرير ...جلست استغفر ...يوم شوي هدي عني الوجع وادعي الله يساعدني ....طالعت ميري الي رجعت وهي تقول : ماما وين عبايه عضيت شفتي وأشرت لها على الغرفة الثانيه بسرعة طلعت ورجعت وساعدتني البسها مسكت فيها يوم رجع الوجع اقوى واقوى همست لها وأنا اشوف الدرج قدامي : ماهو قادرة أمشي ارجعي دقي على مصعب وبعدها خذي الشنطه الي بالدولاب فيها كل اغراض الولادة .. هزت رأسها : طيب ماما الحين لازم يساعد عشان تنزلين وبعد روح اجيب شنطه وبعد يدق على مصعب وشلون تفهم هذي آه ماهو قادرة أبد ...بس سويت مثل ماطلبت وقدرت يالله أنزل الم الم فضيع أول ماطلعت من البيت الحمدلله فرحت يوم السواق قرب السيارة ..دورت بعيوني لمصعب ...احتاجه حيل ....فكرت ادق على أمي بس مابي اقلقها وهي بعيده عني ...حاولت اصبر ...واقوي نفسي وأنا اكررر الله يسامحك يامصعب حتى بذي اللحظة ماحصلك ...ركبت السيارة ...وميري طلعت معي وطول الطريق تهدي علي ..وتقول ماتعور الولادة أبد ..ودي اصرخ واقولها طيب الي احس بوه وشهووو ...بس والله وجودها معي ماراح انساه صدق فيها إنسانيه ماحصلتها بااااقرب حد لي قلت وأنا احس بخيبه : ارجعي دقي على مصعب هزت رأسها وقالت : ماما بابا مصعب مشغول هذا مسكين شغل واجد خلي انا موجود مافي خوف عضيت شفتي بقهر بوشهوو مشغول بس أكيد بتدافعي عليه مدام واقفه دايم بصفه ...طول الطريق وانا احس الوجع يخف عني فكرت بكلام أمي يوم تقول عادي هالوجع مدام دخلتي بالتاسع فكرت ارجع همست لميري : خف الوجع شكلي برجع البيت هزت رأسها بلاااااا وقالت : لازم مستشفى ماما عشان نطمن يمكن ولادة بس الم يروح ويجي عضيت شفتي وأنا افكر بكلامها ان عندها حق وأنا ماعندي خبره هذي أول ولادة لي .... أول ماوصلت المستشفى الوجع والالام بدت ترجع ..حسيت بخوف وبوحده وجسمي كله بدأ يرجف بذات يوم رجع لي الوجع اقوى اقوى من قبل هنا معاد صبرت صرخت صرخة الظاهر الي بالمستشفى كلهم سمعوووووواااااااا....... حسيت بيد ميري وهي تهدي علي بس معاد فيني خلاص ...وجع أبد مايتحمل ....صرخت وأنا انادي أمي محتاجتها حيللللللللل ......... @ @ @ @ أول ماوصلوو المزرعه طالعها وقال :لايكون خايفه هزت رأسها بلااااا وهي تطالع المكان حولها ونزلت وهي مستغربه للحين ماهي مصدقه انه يملك مزرعة ...مشت وراه ..بتردد صراحه جووو المزرعة مخيف بذات بالليل ...طالعته يوم قال وهو ينزل الجوال :هذا بعد مايرد همست بخوف : مين طالعني وقال : العامل شكله نايم وماعندي إلا انط ..طالعت السور الي محاوط المزرعه وشلون عالي مره حسيت بخوف عليه قلت بسرعة: عناد عالي مره دق عليه مره ثانية هز رأسه بلااااا وقال : متأكد انه نايم وماراح يرد وبسرعة رفع ثوبه على خصره ورفع نفسه وبدأ يتسلق الباب وطالعها وقال :ثواني بس رفعت نظري له وأنا طالعه برعب ..أول ماتسلق الباب بس بخفه قفز وفتح الباب وقال وهو يزفر وينفض يده : اوفففف مابغينا دخلت وأنا اطالع المكان بترقب ..طالعته وقلت بصدق : أول مره ادري ان عندك مزرعة بس سكتت يوم طنشني واتجهه للمبنى الي بالزاويه وقال : تعالي وراي مشيت معاه وأنا اضم العبايه علي .. بردانه حيل الجووو بدأ يبرد بالمره ...أول مادخلت الملحق طالعت الصاله كانت كامله من الاثاث والديكور فخم مره طالعته وقلت بصدق :حيل مهتم بالمزرعه وين هالذوق بالديكور في الشقه . جلس على الكنبه وقال :الشقه مدة مؤقته بس يكمل بيتي الي جالس اعمره ونطلع منها ...ليه أخسر نفسي جلست وقلت بسخريه : ماشاءالله ليه ماقلت هالكلام لعبير يوم غيرت اثاث الشقه من أول وجديد ولا تشوف الي اخذته ماهو خساره رفع حاجب وقال :ماحبت الاثاث وحبت تغيره وعادي نقدر ننقله لو باقي جديد فيها شيء ذي بعد الشموخ هزيت راسي بلااااا وأنا مقهورة يوم جلس يعطي مببررات لها .... وقف وقال وهو ياشر : لو حابه ترتاحي عندك الغرفه هذيك طالعت وين يقصد واعطاني ظهره وطلع وقفت واتجهت للغرفة ودخلت ..جلست على السرير ...وأنا أفكر ...بحياتي وبالي أنا فيه حالياً فسخت العبايه ...وأنا احس ببرودة زايدة بالغرفة عكس الصالة طالعت جهة الدريشه كانت مفتوحه والستاره بس الي مقفله ..مشيت ناحيتها وسكرتها ...وأنا ارجف احس ببرد فضيع ...تلفت يمين ويسار ادور ..دفايه بشغلها ماهو قادرة اتحمل جوو الغرفة بهالطريقه ...بس ماحصلت طلعت للصاله بعد ماحصلت طلعت لبرا وأنا ادور عناد بعيوني شفته واقف بعيد وشكله يضبط جلسه له صحت بأسمه بس أبد مالتفت حتى يمي عقدت حواجي معقول ماسمعني ولا مطنش حضرته ...دخلت الغرفه وأخذت الشيله وطلعت وقربت منه وقفت وراه وقلت : عناد التفت وحسيته كان بعالم ثاني قال ببحه بانت بصوته : هلاااا عضيت شفتي وقلت : من أول انادي عليك ماسمعتني عناد رجع طالع لقدام وهو يحمل الحطب بيده وقال بهدوء : ماسمعتك ورجع طالعها وقال : ايش تبغين الشموخ بتردد : بس بسألك لو فيه دفايه جووو الغرفه أبد مايتحمل والحين بعد الجوو بدا يبرد أكثر وأنا اضم نفسي احس البرد دخل عظامي عناد عقد حواجبه وقال : إلا فيه تعالي لحقته أول مادخل بسرعة اتجههه للغرفة الثانيه وطلعها وراح لغرفتي وشغلها وقال : شوي بس وتدفى الغرفة هزيت راسي وأنا ...ودي أقوله لا تطلع خلك معي بس مستحيل أقول له ...كذا لاني عارفة رده جلست جنب الدفايه بالأرض وأنا افرك يديني في بعض ...راح بالي في الي صار بيني وبين عبير ابتسمت بخبث يوم تذكرت صياحها ... أول ماحسيت بدفى شوي وقفت وجلست على السرير طالعت الساعة الي بالجدار كانت شوي وتصل وحده تمددت واندسيت تحت المفرش وأنا أفكر ...الحين عناد يبينا ننام هنا ولا شلون ...مستغربه معاد رجع وقال يالله نرجع البيت قفلت عيوني وأنا اتمنى اجلس هنا على طول وارتاح من عبيررر وأمه وغثاهم الي مايحتمل أبد | ||||||||
|  |
|
20-03-19, 11:50 PM
| #1022 | ||||||||
| مراقبة عامة ومشرفة منتدى الروايات المنقولة
| أول ماطلعت من غرفة الولادة على طول ميري تلقتها والممرضه ناولتها البيبي ...أول ماتمددتت على السرير بمساعدة الممرضه طالعت ميري وقالت بصوت تعبان ومبحوح من كثر الصراخ : مصعب للحين ماجا.... هزت رأسها وقالت : مافي رد مشغول اكيد ماما خلي الحين مصعب شوفي بيبي حلووو مثل أنت سمسم عضيت شفتي بألم ..وصديت فيني قهر حتى بذا الوضع مخليني لحالي ...وينه ليه مايرد من الليل والحين قرب الفجر وينه لذا الوقت ...أشرت لها تعطيني جوالي من الشنطه بدق على أمي ...ثواني دورت وطالعتني وقالت ماما مافي جوال عضيت شفتي شكلي ماخذته من الخوف نسيت عنه ...قلت بتعب : طيب اعطيني جوالتس ناولتني هوو وقالت هذا رقم بابا مصعب قلت بقهر مابي بابا مصعب دقيت رقم أمي انتظرت ترد ماردت أكيد نايمه هالوقت .. رسلت لشموس الي بعد ماردت ..طاحت دموعي وأنا احس عمري وحيده صدق ...طالعت ميري هي الوحيده الي وقفت معي ...أشرت لها تناولني ولدي ...ابتسمت بحب وأنا أقربه مني ضميته وصحت وبنفس الوقت احس بفرحه وهووو بين يديني ... طالعت ميري الي فزت وقالت : بابا مصعب يدق ابتسمت بسخريه وماتكلمت فتحت الخط وناولتني هوو بس رفضت أخذه منها فهمت ورفعت الجوال وقالت له اني ولدت طلب يكلمني بس رفضت وهو على طول شكله فهم وقفل .... طالعت ميري وهي تقول : ليه ماما كذا بابا كان مشغول صرخت بقهر : لا تقولي مشغول ثاني مره وقفلت عيوني من الوجع اللي حسيته رفعت يدي وناولتها ولدي وقلت لها اسكتي الله يخليتس مابي اتكلم أخذته مني وقالت : اسفه مافي يزعل خلاص أنت ارتاح شويه بس وبعد انا يجي بابا مصعب يروح بيت يسوي حليب واكل ويجي طيب أنت مافي يزعل مو زين انت ولادة وجلست تمسد على شعري دموعي عيت تكف حاولت اصبر بس ماقدرت ماتوقعت حتى بهاللحظة أكون وحيدة لا أمي لا خواتي ..قفلت عيوني بتعب ...ودي انام شوي بس مرهقه ومنهد حيلي على الآخر فتحت عيني على رنة جوال ميري ..ابتسمت بسخرية يوم وصفت له واعطته رقم الغرفة ...رجعت سويت نفسي نايمه مابي اشوفه فيني قهر منه وقت الحاجه ماحصله كلها دقايق ودخل على طول قرب مني وقال وهو يمسك يدي : وشلونك الحين ومبروك علينا رفضت افتح عيوني عشان يفتكر أني نايمه بس كأنه حس أني صاحيه قال : عارف انك زعلانه وبتشرهين علي وياكثر شرهتك بعد وربي ماراح نخلص من هنا لسنه انقهرت يوم ابتعد عني وهو يتمسخر حضرته وقال لميري اعطيني البطل ذا فتحت عيني وقلت بعصبيه وبذت وانا احس كانت ردة فعله باردة توقعت يكون فرحان أكثر : ولدي لحالي فاهم أنا الي تعبت وشفت الموت وأنت ماتدري بشي هايت صايع وتوك تتذكر رفع حاجب وطالع ميري وقال : هذي ولدت توها متأكدة انقهرت يوم سفهني وجلس يكلم ميري قلت بقهر: قول بسم الله لا تعطيني عين وأنت ماتدري اني شفت الموت لا يغرك شكلي الحين رجع ولده بمكانه وقال ببرود يذبح : طيب ايش المطلوب بتعترضي على شيء ربي كتبه عليكم وبعدين وش ذي المقابله الزفت تدرين وشلون دخلت بالعافية طلعت عيوني لما وصلت لك وبعدين يوم دقيتي كنت مشغول بشيء مهم حيل وطالع ميري الحين هذا مستشفى خاص وكذا معاملتهم زفت اصايل صديت بزعل ....مقهوره منه وقت الحين تشرهه على المستشفى وخدماته وبعد مابي اللي يقهر أكثر تبريره الي مثل وجهه يعني فيه الي أهم مني أول ماصاح ولدي اشرت لميري تقربه مني على طول قال مصعب : اسمه عادل فتحت عيني بصدمه وشلون يسميه عادل بعد الي صار بينهم أبد ماتوقعت ... نزل رأسه وقال :أخذنا وعد على بعض كلن فينا يسمي بالثاني من يوم كنا صغار والحين لأني وفي ماهو مثله وباقي على عهدي معاه اسمه عادل حسيت بغصه بصوته ليته يفهم انه ظالمه .. ماتكلمت ولا اعترضت ...هزيت راسي وقلت : تمام عادل مثل ماتبي طالعه وابتسم وقال : النايفه بعدك بإذن الله ورجع طالعني لو جايبه توأم ماهو احسن النايفه وعادل عضيت شفتي بقهر اسمعوو وش يقول .... ابتسم وقف وقال : لا تعصبين راضي بعادل الحين بس النايفه بعده وعد من الحين اعطيني كلمة طالعت ميري وقلت : حبيبتي قولي له يطلع برااااا ميري ابتسمت وطالعت مصعب مصعب قال لها وهو مبتسم : قولي لها بتجيبين النايفه غصب عن خشمك ميري كشرت : لا بابا حرام بيبي صغير يدخل مدرسة وبعدين يجي بيبي ثاني مصعب قال بستهبال : عشانك بس ميري وطالع اصايل صدق فرحان ويحمد الله على هذي النعمه الي اعطاه قرب منها وقال : ياأم عادل بروح أخذ لك اللي طالبته مني ميري وراجع تمام هزيت راسي بلاااا: بطلع من هنا كلم الدكتور فتح عينه بصدمه : بلا جنون الحين توك ولدتي اصايل حسيت بضيق فعلاً مابي اجلس هنا مسحت دموعي وقلت : بطلع وبس مصعب طنشها وصى عليها ميري .... وطلع حابب يسوي لها مفاجاة ويجيب أمها ... وكاد ترضى عنه شوي ... أول ماطلع من المستشفى دق رقم أبوها بس مارد ...وشلون يوصل لرقم أمها تذكر رقم محمد دق عليه أول ماسمع صوته قال بفرحة : حمود صرت خال يالله افرح محمد بفهاوه : خال وشلون مصعب بقهر : يعني اصوله ولدت محمد نط بفرحه : صدق ليه طيب الزفته ماقالت لي انها حامل مصعب بطفش : اوووه أنت مشوارك طويل اعطني رقم أم اصايل بسرعة محمد : عيب مقدر اعطي حد غريب رقم أهلي مصعب بقهر : حمود وش اللي عيب زوج بنتها أنا ترا مرجلتك ذي ماهي وقتها محمد : جيب اثبات أول انك محرم لها ي حبيبي أنا خليف أبوي مصعب بهمس : ياشين من أخلف والله محمد بقهر : سمعتك وربي والحين يالله تعال لي خليني ازور اصوله واشوف ولد أختي مصعب صرخ بقهر : محمد وربي لو ماعطيتني بزعل منك محمد ببرود: ازعل مايهمني مصعب عرف وش يجيب رأسه ذا الولد الغثيث : شفت آخر شيء نزل بالسوووني محمد بسرعة قال :050............ مصعب رفع حاجب وقال : ايوه كذا يالله تقلع وقفل بوجهههه ودق عليها على طول أول ماسمع صوتها الي أول مره يسمعه او يكلمها ...قال : الوو قالت بصوت تعبان : مين معي عض شفته وقال : مصعب مسكت على قلبها بخوف : بنتي فيها شيء مصعب : لا تطمني ي خالة وابشرك ولدت وجابت ولد صرخت بفرحه : اللهم لك الحمد والله يطمنك يمه وشلونها الحين عساها هي وضناها كلهن بخير مصعب ابتسم وقال : بخير الحمدلله والحين تجهزي وانا جاي يمك أخذك لها وبسويها مفاجأة ابتسمت وهي فرحانه : يمه لاتعب عمرك الحين بدق على شمسه ورجلها ماراح يقصر أنت بس خليك جنب بنتي وضحكت يوم حست انه بيعترض وتطمن بكمل المفاجأة معك والله ابتسم وهو فرحان حده يحس عمره حبها من وقت ماسمع صوتها على انه ماعمره شافها ولا طلعت له المرتين الي جالهم ماشافووو بعض ...فيها أخذ الاغراض الي وصته فيها ميري وبسرعة اتجههه للمستشفى ..... @ @ @ فتحت عينها وهي ماتدري وشلون نامت دورته بالغرفة ماحصلت له أثر ابتسمت بسخريه من متى ينام بنفس الغرفة ياااالشموخ وقفت وابعدت المفرش وراحت توضت وصلت الفجر ..ولفت الشيله عليها وطلعت دورته بالصالة ماله أثر بعد طلعت وهي تطالع المكان بترقب معقول باقي عند الاسطبل من البارح مجنون والجووو كذا آه برد يذبح ....بس واو منظر المزرعه بالصباح شيء ثاني ابتسمت وأنا اسمع صوت العصافير ..رجعت تلفيت يمين ويسار ادوره ...لمحته جالس من الناحية الثانيه قربت منه أول ماقربت زين شفته جالس ومعطيني ظهره والصقرر بيده تذكرت كلامه بداية زواجنا يوم يقول بعرفك على صاحبي وجلس يحكي لي عنه بس آه خربت على عمري وعليه طالعني أول ماحس بوجودي جلست وقلت وأنا مبتسمه لطيره : وش اسمه عناد طالعها وقال : قلت لك قبل امداك تنسين الشموخ عضيت شفتي وقلت :نسيت ولفيت وجهي خايفه لو فيه عمال طالعته يوم قال تطمني كلهم صرفتهم مافي أحد خذي راحتك على الآخر طالعت الحليب العدني الي على الجمرررر مديت يدي وصبيت لي ابي شي يدفيني شوي سألته : من الليل هذا مكانك عناد هز رأسه : ايه الشموخ : ليه مانمت وبعد ماتخاف تمرض بذا الجووو عناد طالعها وقال : مشتاق لصاحبي ورفع طيره وقال وهو بعد مشتاق لي وشلون اخليه وقربه من خشمه وقال آسف بعدت عنك هالفتره وانشغلت عنك بشيء تافهههه الشموخ احسني ثقيله عليه ولاهو بطايقني ولا هو طايق كلامي أبد وكلامه كله دق بدق .... حتى اللي مع طيره حطيت بيالة الحليب وجيت بقوم بس مسك يدي وقال : افطري وبعدها روحي كملي نومك هزيت راسي بلاااااا بس شد على يدي وقف وقال وهو يساعدني عشان اوقف : بوريك بخيلي راح تنبسطي امس بالليل ماشفتيها زين عضيت شفتي وأنا مساكه دموعي مشيت معه لجهة الاسطبل أول ماقربنا بدون شعور ابتسمت للخيل الصغيرة الي تلعب جنب أمها ..طالعته وقلت بسعادة : عناد تجننن هذي لي صح بس سكتتتت يوم شفته يطالعني بسرعة قلت آسفه بس تحمست .... عناد ابتسم وقال : جتك هي وأمها بعد انصدمتتتتت وقلت بدون شعور : هي وأمها وسكت شوي وقلت لااااا صعبه هز رأسه وابتسم : ناويه تردين هدية عناد لك الشموخ دموعي نزلت من السعادة الي احس فيها بس طير السعادة كلها يوم قال : بس ماوصيك حبيها عشان تحبك على اني اشك ان عندك قلب ابتعدت عنه ودخلت الاسطبل وقربت منها صح كنت احس بخوف بس طالعته وقلت : عندي قلب وبثبت لك هالشيء بس عناد بسرعه قال : ابعدي عنها باقي ماتعودت عليك عاندته وحطيت يدي عليها بسرعة جفلت صرخت بخوف بس بسرعة عناد قرب ومسكني وجرني لبرااااا وقال بعصبيه : قلت لك بتجفل منك باقي ماتعودت عليك ماهو كذا على طول لازم تتعود ويبي لها وقت بعد الشموخ يالله جسمي كله يرجف قلت وأنا مفزوعه : يمه كان بتفرمني تحتها مابي هديتك خلاص عناد ابتسم وقال : ماعليه تتعودي قلت لك والهديه ماترد الشموخ اعطيته ظهري بدون مارد بس قال :قلت لك اني عازمك على الفطور كان نفسي ارجع الغرفة لاني خايفه يسمعني كم كلمة تضايقني ...بس كبرت عقلي وقبلت عزيمته جلست مقابله للاسطبل ابتسمت وانا اشوف المهره الصغيره تلعبب ي عمرررري كشرت بوجهي يوم شفت أمها شوي وتذبحني ....ابتسمت بدون شعور يوم شفت عناد مقرب منها ويكلمها ويلعب بيده على ظهرها وبعدها ركب وأشر لي فتحت عيني بصدمه يوم قال : وش رايك تأخذين لفه عليها هزيت راسي بلاااا: مستحيل تبيها تموتني ابتسم وقال : ماعليك الحين هجدتها وصدقيني ماراح تأذيك ولازم تتعرفون على بعض ولا ناسيه انها صايره ملكككك كان ودي اقوله مابيها تكون ملكي ابيك أنت ملكي رفعت يدي وقلت : هي ملكي خلاص بس من بعيد لبعيد الروح غاليه بس الحلوة هذي وهي تاشر على المهرة بدربها أنا وبنصير اصحاب ابتسم وقال : طيب تعالي يالجبانه وقفت وأنا بثبت له اني موجبانه قربت منه ودخلت داخل الاسطبل حسيت قلبي بيوقف يوم قرب مني وهو راكب الخيل قلت بخوف : عناد ابعد بعيد عناد نزل وقال : اضمن لك الحين ماراح تسوي شيء اركبي لاتخافين بعدت بخوف : روح زين وطنشته وهو يضحك بصوت عالي قربت من الاسطبل الأخير شفت خيل ابيض بلحاله محبوس طالعت عناد ورفعت صوتي : عناد طالعني اشرت على الخيل وقلت : ليه ماتخليه يطلع معاهم مسكين مكتوم بلحاله عناد ترك الخيل وقرب منها وقال بحزن : تعبان رجله مكسور ه واكثر من واحد قال لي ريحه واقتله بس ماهان علي هذا أكثر واحد سمعني وتحمل همومي كلها .... وشلون اسوي فيها كذا حزنت عليه يوم قال كذا قلت بتردد: زوج أمك سبب همومك طالعها وقال: الكل ماقصر فيني معاد عمي صقرررر هو الوحيد الي احتواني بس ولو اسوي ايش مطلعت من جزاه هذا وربي مكان الغالي حسيته يقصدني مع الي جمعهم بكلامه .... ابتعدت وأنا أقول : وش ذا الفطور الي طول عناد رفع حاجب وقال : الاغراض بالمطبخ تنتظرك انصدمت توقعت موصي العامل يجيب لنا من براااا صغرت عيوني وقلت : مين عازم الثاني عناد رفع نفسه بغرور وقال : أنا بس مايضر لو تسوينه انتِ أخذت نفس وقلت : أمري لله بسويه وهزيت راسي بحسره لو نمت اصرف لي آه أشر لي بيده وهو يضحك وقال : يالله يالله بس حدي ميت جوع وابتعدت عنه وأنا احسني مبسوطه أول مره يكون الجوو شوي هادي بيني وبينه حتى لو شوي كلام يرميه بس مايضر بتحمل اهم شي ماخرب علي حالي ذي السعادة اللي احس فيها ..... دخلت المطبخ وحضرت الأكل بحماس طالعته يوم دخل وقرب وذاق من الشكشوكه بس عفس وجههه وقال : فيه كبده ليه ماسويتي صغرت عيوني بقهر :الحين ليه ماقلت ان به كبده اففف حضرت من الي قدامي شفته عناد رفع كم بلوزته وقال : أنا الي بسويها يالكسوله وطلع الكبده من الثلاجة وكانت مقطعه جاهزه طالعت الشكشوشه بحزن وبنفس الوقت مقهوره على حماسي وأنا اسويها : اخخخ وذي مين بيأكلها حرام طالعني وابتسم وقال: ماغيرك رفعت راسي بغرور : ايه بأكلها واشوف تحط يدك فيها...... جلست اساعده بتحضيرها ...وكنت ارتب بعده كل شيء بس صرخت بقهر : عناد وش ذا حست الدنيا طالعني ورجع يحوس بالكبدة بعدها حضرنا الفطوور وطلعنا برا طبعاً عناد أبد ماله نيه يدخل من وقت ماجينا هنا وهو مسنتر برا فطرنا ...وكان احلى فطور ذقته بحياتي ..وبعدها قال عناد : حابه نمشي ولانكمل اليوم هنا كله بدون حس قلت : لا حابه اكمل اليوم كله وبعد ولو تقدر نقضي اليومين هذي كلها هنا وطالعته وقلت بصدق ماودي ارجع هز راسه وقال : تمام وقف وأنا بسرعة أخذت السفره ورحت للمطبخ جيت بطلع سمعته وهو يتكلم من الغرفة وكان صوته واصل لي : خلاص عبير قلت لك جوالي طفي شحنه ومانتبهت إلا تووو والحين هذا انا شحنت ودقيت عليك اطمن :خلاص ولا يهمك بنقضي كم يوم هنا لعيونك :يالله وشلون الحين يعني كذا بيطول زعلك :عبيرررر لو لي خاطر عندك لاتخليني اقفل وأنا متضايق ... خلاص قلت لك اليوم بس وجاي جلست على الكنبه متضايقه حدي ...مهما فرحت لازم شيء ينقص سعادتي ..مدري الومه ولا الوم حالي على دخول عبير حياتنا ...طالعت الغرفة بترددد ماقدرت ادخل وهو فيها واخاف ادخل يطلع وقتها صدق بينكسر خاطري ...انتظرت يطلع ماطلع من الغرفة ..تمدددت على الكنبه ... وأنا امسح دموعي ...ماعمري فرحتي تمت حتى لو ماخربت على عمري يجي الي يخرب علي .. وش ذا الحظ استغفر الله ..بس جلست وأنا اقول ليه اعطيها فرصه تنكد علي والله باقي مقد وصلت لخبث الشموخ سميت بالله ودخلت الغرفة والأخ باقي يكلمها طالعته بتحدي وجلست على السريررر وقلت بخبث :عناد طولت مره طفشت حسيته انصدم من كلامي ...وبعد توتر وهو يكلمها بس كشر بوجههه يوم صرخت وصوتها وصلني ابتسمت بخبث وقلت وأنا احاول ارفع صوتي عشان يوصلها :الحين فيني اقبل هديتك وبعد بأخذ لفه عليها رفع حاجب وكأنه عارف حركاتي بس صرخت عبير وقالت : أخذت لها هديه سيارة فتح عينه وقال : اي سيارة وطالع الشموخ بحده يبيها تسكتتتت قربت منه وقالت وهي تسمعها صوتها : ايه أخذ سيارة عندك شيء لو غيرانه خليه يأخذلك بعد ابتسامتها توسعت يوم سمعت صرختها وبعدها قفلت الجوال بوجههه طالع الجوال ورجع طالعها وقال بحده : ليه هالحركات الشموخ وقفت وقالت وهي ترتب شعرها بالمرايا : خليك عادل مفروض اليوم يومي وأنا مومستعده افرط فيه لو دقيقه هذا حقي وربي اعطاني هالحق عندك شيء وقف وقابلها وقال :لا لا حكيك ذا مردود عليه وبقولك مالك حق عندي مجرد مصرف ومثل ماقلت لك وجودك مؤقت فقط الشموخ حسيت بغيض ضربته على صدره وقلت بقهر :ليه ليه كذا تقتل كل شيء حلووو بينا عناد ابتعد عنها وقال وهو معطيها ظهره : آخر وحده تقول هالكلام أنتِ وطالعها وقال جهزي حالك بنروح لأني ماهو مستعد اجلس هنا واخلي عبير زعلانه هناك ماراح ارتاح الشموخ قويت نفسي وطالعته بغرور وشموخ : تمام أنا جاهزة ولبست عباتي وانا حاول واكابر مابي دموعي تنزل وتفضحني ....طلعت بعده شفته بالسيارة ينتظرني ...أول ماركبت على طول دق على العامل عشان يرجع ....صديت عنه وميلت رأسي على الدريشه ...وقفلت عيوني مابي اتكلم معاه ..وهو على طول مد يده وفتح القران حسيت براحه بعدها ...ومدري وشلون غفيت وماحسيت فيه إلا وهو حاط يده على كتفي ويهزني على خفيف : الشموخ وصلنا طالعته واستويت بجلستي ...ونزلت ومشيت معاه أول مادخلنا هبت عبير بوجهناااا تصيح وعيونهاا منفخه وحالتها حالة ....طنشتهم ودخلت غرفتي وقفلت الباب وتمددت على السرير وأنا مبسوطه وانا اسمع صياحها يارب من هالحال واكثر يارب حاولت ارجع اكمل نومي .....وانسى وجودهم بحياتي ..... | ||||||||
|
| |
|
20-03-19, 11:54 PM
| #1023 | ||||||||
| مراقبة عامة ومشرفة منتدى الروايات المنقولة
| اليوم الثاني طالعت مصعب اول ماوصلنا البيت كان مره متحمس ...عكس أمس ...وكان محضر لي الغرفة الي تحت تفأجت يوم شفتها ..أول مادخل وهو حامل عادل صديت عنه بزعل حط عادل بسريره وقال : ياهووو للحين زعلانه ماعرفت قلبك كذا حقود دايم اصايل والتسامح مبدأها صغرت عيوني الخايس كأنه يتريق علي ضحك وقال : عندي لك مفأجاة بتخليك ترضين علي اعتدلت بجلستي وانا اتمددد بتعب وطنشته وقف على راسي وقال : دقايق بس وراجع لك وأشر على عادل انتبهي له تمام وحط يده على رقبته بذبحك لو يصير له شيء ابتسمت بسخريه انهبل ذا ياشينه بس لا حب وياشينه لا كره ...طالعت عادل وابتسمت ماتوقعت يالنتفه أبوك بينهبل فيك كذا ...الله يسخره لنا بس ويهديه تتمنى تشوفه على طول كذا فرحان و الحقد والانتقام يخليه عنه .... أشرت لميري تقربه مني ...بس صرخت من الي اشوفه قدامي : يمههههههه جيت بقوم بس ماقدرت جلست اضحك وابكي مشاعري متلخبطه ...قربت مني وضمتني بقوه وهي بعد صاحت معي ...وبعد صياح وعناق وقفت أمها وأخذت عادل وهي تسمي عليه وتصيح بنفس الوقت مصعب ابتسم وقال وهو يمسك كتف عمته اللي للحين يحسها خجلانه منه عكسه يحس عمره يعرفها من زمان :أنا اقول اصوله لمين طالعه تحب الدراما اتاريها ماراحت بعيد .... اصايل طالعته وهي صدق مبسوطه ماتدري وشلون تشكره على هذي المفاجاة وبعد متسغربه وشلون أخذ على أمها كذا بسرعة .... أم صايل وهي تبوس عادل : والله يمه دموعي الحين من فرحتي بشوفته وطلعت اصايل الحمدلله يمه ربي طمنش عليش وطالعت مصعب : مبروك يمه وعساه يتربى بعزك مصعب ابتسم : الله يبارك بعمرك ام اصايل نزلت نفسها وحطت عادل بمكانه وهي تسمي عليه وقالت : مصعب حابين نطردك شوي ترى اختها منطوف قلبها على شوفتها والحين على اعصابها تنتظر اصايل بصرخه : شموس معتس بعد طالعت مصعب برا يالله خلني اشوف أختي مصعب عض شفته وقال : لا لا ماتوقعت كذا رد الجميل منك ومن بنتك وهز رأسه بتحسف فيه إسلوب ارقى من كذا والله ونزل نفسه وحمل ولده وقال :اشبعووو في بعض وقفت بوجههه أمها وقالت : وين وين ماخذه مصعب طالعها ورفع حاجب : اب ولده بيطلعون يتمشون فيها شي ذي بعد صرخت بصدمه : ايشششش وطالعت بنتها الي هزت راسها بيأس وقالت : خذي شوي من جنونه انا تعبت مدت يدها وأخذت الولد منه وهي تقول : وربي الحين صدقتس يمه مصعب صغر عيونه وقال : عسى بس الي صدقيته كان خيررررر ام صايل وهي للحين مفزوعه من الي كان بيسويه: لا والله يمك مابه خيررر اعقل يمه والولد مايصير يطلع وهو بذا السن شوفه وشلون لحمه وكل شيء يضره وأنت بتروح تتمشى معه بعد مصعب طالع اصايل وقال : تمام لحين ماراح اخذ واعطي معاكم عشان أختك ورجلها اللي صارو متحف برا اصايل ضحكت على تريقته بشمسه وعواد طالعت أمي اللي قالت : وشلون بيعتدل من جنونه وأنتِ تضحكين له ومبسوطه على هباله عضيت شفتي منحرجه بس صدق صدق ماتوقعت يسوي هالشيء عشانها ...احسن شيء سواه لها من يوم تزوجته ...وبعد السعادة الي تحسها بصوته وحركاته هذي بعد مفرحتها دعت له من قلبها ... أول ماشافت اختها صرخت بفرحة وهي تقول : ياعمــرررررري شمسه قربت منها وضمتها وبعد السلامات .... شمسه جلست جنبها وقالت وهي تفسخ العبايه :قسم بالله يوم شفت رسالتس بغيت انجن وحمدت الله ان عواد موجود ... ابتسمت اصايل وهي فرحانه حدها طالعت أمها اللي قالت : توجعني بلحالتس يمه هزت رأسها وهي تمنع دموعها وقالت : الحمدلله يمه ربي سهلها وقفت وقالت : الحمدلله الله كريم واللحين بروح احضر لتس شيء تأكلينه وتقوين عظمتس بوه قالت وهي صدق مبسوطه :وربي مابي شيء يمه بس خليتس جنبي على قد الوجع الي شفته بس وربي شوفتكم نستني كل شيء ومسكت يد شمسه وهي تطالع بطنها : الله يسهل عليتس بس وربي وجع يذبح شمسه بخوف : يمه قلبي وجعني قالت أمها وهي ناقده عليها : وشلون تخوفي البنت تسذا وهي توها اصايل ابتسمت لها وقالت : طيب اسفه خلاص يا شموس مايعور ابد بس شكت ابره كذا لا شكت سكين لا شكت سكتت يوم امها سكتهاا : وبعدين يعني وطالعت شمسه : ماعليتس يمه منها جبتهن كم والحمدلله ماصار فينا شيء وكله ينتسي يوم تشوفي ضنانتس قدامتس بخيررر والحين خليني اروح اسوي لتس شيء ورفعت يدها بتهديد اصوله ياولتس تخوفينها هزت رأسها وهي مبتسمه وهي تحس بسعادة ماهي قادره توصفها .. وقالت :شموس بتجلسون هنا لما أكل الاربعين مالي شغل شمسه وقفت وحملت عادل : ايه هين أبوي بيرضى الحين اصايل بقهر : ليه مايرضى أنا تعبانه ومحتاجه وجودكم جنبي وبكلمه وأكيد ماراح يردني شمسه طالعتها وقالت :والله كان بيجي معانا بس رجوله وجعته هالفتره ومايقدر يمشي عودت خالتي عيت عليه اصايل بقلق : من ايش توجعه شمسه :من فتره طاح وتعور وبعدها خلاص صار توجع بستمرار اصايل بعتب : ليه ماقلتوو لي شمسه : مانبي نقلقك عليه وسكت شوي وقالت تصدقين أبوي متغير والله معاده مثل أول أبد وكل مايشوفني يجلس يقول أنا عارف مين اعطيت بناتي ومهما صار منهم تقصير بس رجآل مثل اللي يقول لا تحقدون علي اصايل نزلت راسي : ايه آخر مره كلمته قالي لاتزعلين علي ولا تسودين وجهي من رجلتس وتجلسي تعيدي وتزيدي عليه طريقة تزوجي له رفعت راسها وقالت الله يسامح مصعب حط هالشي براسه وأفتكر أنا الغلطانه شمسه ابتسمت لها وقالت : ماعليتس الحين من ذا كله ويالله احكي لي وشلون امورتس معاه وبخبث اللي اشوفه غير الكلام اللي وصلني منتس اصايل ابتسمت وقالت بصدق :وربي للحين ماعرف اشرح حالتنا مع بعض مره كذا ومره كذا شمسه نزلت راسها وقالت : سامحي مثلي وعيشي حياتس وربي بعدها ارتحت ماجنيت من الحقد إلا التعب اصايل غمزت لها : يمه يمه اسمعوو بس مين اللي ينصح شمسه تنهدت :وربي صدق يوم اعطيته فرصه تغير عواد وصار شيء ثاني بس الله لو يفكني من أخته حياة بكون صدق مبسوطه بس الحين الحمدلله معاده مثل أول معاها وبالاصح هي بس مندسه بغرفتها مع بنتها بذات يوم صارت خالتي تهاوشها الحمدلله صرت منفكه منها | ||||||||
|
| |
|
21-03-19, 12:04 AM
| #1024 | ||||||||
| مراقبة عامة ومشرفة منتدى الروايات المنقولة
| بعد اسبوعين ( الجنوب ) رجع البيت وهو تعبان حده ...من امس مقد نام أول ماشاف أمه قدامه ابتسم لها وقرب منها وسلم فوق رأسها مسك يدها وقال : عساش اليوم احسن هزت رأسها وقالت : الحمدلله يمه احسن وناولته فنجان القهوة ياسر أخذه منها و طالع نور وقال :روحي جيبي جهاز الضغط وطالع أمه الي بتعترض بقيسه لش عشان بطمن يمه شاف وجها مخطوف عقد حواجبه طالع وين ماتطالع شاف ابوه داخل والشر بعيونه لا لا أبد ماهو وقته والله ماهو ناقص يسمع كلمه تغثه بهالوقت ..بس الحمدلله جاء ورد السلام وجلس مقابل التلفاز وحطه على قناة الأخبار ..تنهد براحه وطالع نور يوم قالت : تفضل أخذه منها وبدا يقيس لأمه وحصله مرتفع عض شفته وقال ليه يمه كذا صغطش وش قايل لش تريحين نفسش سكت يوم قال أبوه : وشلون تبيه ينزل وهذي سواتك يالفاهي قفل عيونه بصبر وتعوذ من إبليس وأخذ الجهاز وقف وقال : ماعليش إلا العافية واتجهه لغرفته بس وقف يوم قال أبوه شلون عندك قلب تخلي الي باقي على ذمتك ببيت رجال غريب عليها وبعد اليوم واصل ولده وتعرف مين ولده ومصايبه وفعايله الي تسود الوجهه وبحده اكثر قلت لك مانت قادر تلم الي ماتسىمى وتقلعها بقدر أنا ولا تفضحنا أكثر وقتها والله ماراح ارحم فيكم أحد وسكوتي اللحين مقدر حالة أمك بس بغى ينجن يوم دري بجود ولد خاله طالع أمه الي نزلت رأسها بسرعة طلع واتجههه لبيت خاله...مستحيل يخيلها معاه بنفس البيت .أول ماوصل نزل ودخل شاف خاله جالس ببيت الشعر يتقهوى قرب منه وسلم عليه وبعدها سأله ان شاءالله أبوه هدي عن موضوعه وقف وقال : الله كريم ..ياخال اتجهه للصاله وصيح على عمته طلعت وطلعت وراها شدن عقد حواجبه وهو يشوف وشلون متغيره بوجودها مع عمته وزنها اللي خسرته وجهااا الي بهت بالفترة الي راحت يحس الحين الحياة رجعت لها أجل وشلون لو تفارقها وش يصير فيها ...أكيد بترجع تتعب ..بس مدة بسيطة قضتها معاها تغيرت والراحه بانت عليها ..... سلم على عمته الي صيح عليها خاله تذمرت وهي تقول : هالرجال أبد مايهجد من طلباته وطلعت طالعها وقال : وشلونش هزت رأسها : بخير سكتت شوي وقالت جاي تخبرني بموعد السفر تنهد بوجع وقال :أمر الله ياشدن عضت شفتها وقالت بأخر محاولة : طيب لو كلمت خالي مبارك بنفسي يمكن يوافق ومسكت يده مقدر اروح مكان ماعرف أحد فيه ومقدر اخلي أمي والله لو خايف أني بضايقك وانكد عليك بحياتك اوعدك ماتحس بوجودي والله وحتى لو تزوجت أمل والله ماازعل ولا أفتح فمي بس تكفى خليني جنب أمي مقدر اعيش دونها ياسر ياسر شد على يدها وهو يتذكر كلام أبوه من شوي قال بحزن عليها :لو ينفع الكلام مع أبوي كان بنفسي خليتش تكلميه بس اوثقي فيني للأخر صدقيني ماراح أخليش إلا لما اطمن عليش وأشوف وضعش وشلون هناك وتأكدي يوم أني بسفرش لأمش ماهو خايف عشان تضايقيني او من هالكلام اللي توش قلتيه لااااا بس والله خوف عليش من اللي بيصير لش .... شدن سحبت يدها منه وهي ماهي قادرة تتقبل انها تروح مكان ماتعرف فيه شيء وأهل ماعمرها شافتهم قالت بقهر : لو صار فيني شيء ماراح اسامح أبوك ولا بسامحك أنت بتصرفني عشان تأخذ أمل الخاينه قولها وبس .... ياسر عض شفته وقال : شدن قولي لي ايش بيدي وماسويته وأمل هذي والله مادريت عنها ومايهمني إلا أمي وعارف وشلون صحتها وهالسبب هوو اللي غير كل حساباتي نوفه دخلت وسمعه أخر شيء قاله قالت وهي معصبه من كلامه: الحين بتحاول تقنعني ان ماعندك غير هالحل ومسكت شدن وضمته بنتي ماراح تسافر فاهم ماراح تسافر ... قاطعها بقهر يوم باقي مستمره تحمله كل شيء : ياعمه لا تقولي شيء وأنتِ عارفه وضعي وشلون قايل مع أهلي وضع أمي ولو طلقتها وخليتها عندش بعد ماراح يسكت أبوي وعارفة وشلون المشاكل بتكبر وبعد لاتنسي ولد رجلش بالبيت وهو عزابي صعب جلوس شدن هنا الناس بتأكل وجهينا وأبوي من غير مايحتاج تشويش ...ورفع حاجب وقال بدقه :ولا لو ماتزوجتي كان الحل بيدش سكت يوم شافها نزلت راسها وماقدرت ترد عليه وقف وقال :خلاص انا اشوف سفرها أفضل شيء وطالعها بحزن ماوده والله بس خايف عليها من أبوه وبعد خايف على أمه صحتها أبد ماتطمن ولا هي حمل أخذ وشد مع أبوه ومشاكله ولو صار فيها شيء بيعيش طول عمره ماراح يسامح نفسه شدن طالعت ياسر يوم وقف وقال كلامه الآخير حست حتى هو يبي الفكه منها تحس كلامه تغيررر حيل عن قبل قالت بسرعة : يمه أنا بسافر وطالعته متى موعد السفر نوفه صرخت بقهر : بنتي ماراح تسافر وبطلق وبرجع أخذهاعندي ويالله فارق مالك شيء عندي وروح تزوج وخلي أبوك يرضى عنك ويبعد عنا ياسر فتح عينه بصدمه :عمه صاحيه على هذا الكلام وش تتطلقي يعني ابوي بيخليش تسوين هالشيء ولا الموضوع سهل على قولش اروح اتزوج وأبوي بيخليش مع شدن حرمش من أختش وهي من دمش مابالش بوضع شدن وبذات لو فعلاً طلبتي الطلاق وصار والله وقتها لا يحط عليها أكثر وبتزيد المشاكل شدن صرخت بقهر : خلاصصصص بسافر وبيرتاح أبوك وطالعت أمها ماراح اخليش تتطلقي سبتي وأنا اللي بسافر خلاص يمه واعرفي اني مسامحتش جت نوفه بتتكلم بس قاطعتها شدن : واوعدش بزورش ورجعت طالعت ياسر وقالت : متى حجزت ياسر نزل رأسه وقال : بعد يومين ويالله عشان يمديش ترتبي اغراضش شدن ضمت أمها الي تصيح وقالت : لااااا بجلس مع امي الليله ياسر بعتراض : لااااااا وبحده يالله وطالع عمته الي بتتكلم بس قال بسرعة : عارفه اني ماراح ارضى بوجودها بنفس البيت الي فيه ولد خالي لا تحرجيني أكثر وطالع شدن يالله نوفه نزلت رأسها وصاحت بقلة حيله ماتبيها تفارقها أبد ...ضمتها وهمست لها : يمه الحين روحي مع رجلش وانا اشوف ابو سعود واجي الليله ابيت عندش بالشقه هزت رأسها ...تحس عمرها ثقيله صايره وفعلاً سفرها وابتعادها عنهم أفضل شيء قالت :لاتعبي نفسش خليش مع رجلش تعبان وصعب تخلينه بلحاله وأنا بجي اودعش قبل اروح المطار وراحت غرفتها وأخذت عباتها وسلمت على أمها الي تصيح وطلعت ...أول ماطلعت شافت سعود بوجهاااا طالعت ياسر يوم همس بسبه قويه وطنشه ماسلم عليه بس هذاك وقف وقال بستفزاز :وشلونك ياولد العمه ياسر تعوذ من إبليس وطالعه : اهلين ومسك يد شدن وجا بيطلع بس قفل عيونه وهو يسمعه يقول : قالوووو تزوجت الثانيه وبعد الثالثه بالطريق ماشاءالله طالع علي بهذي تطفش بسرعة بس انصحك لا تكدس عليك الحريم طلق وبعدها فكر اخطب لا تجيب وحده فوق راس وحده وجع راس أسال مجرب وأخوك مجرب الله ياخذهن مايجي وراهن إلا وجع الراس وأشر على راسه شوف قرعت منهن ياسر عض شفته بقهر من سخافته ..ومن عدم احترامه ان شدن معاه ويقول هالكلام ... شدن شد على يدي وهمس لي : يالله حسيت برعب فعلاً الحين عرفت ليه ياسر متوتر وحالته حاله من وقت مادري بوجود هذا بالبيت ..فعلاً وقح ومايقدر وجودي مع ياسر أنا الحين الي مستحيل اجلس هنا بعد ماسمعت كلامه .... نوفه صاحت بقهر وهي تتحسب على أخوها صح مقهورة من كلام ياسر وتحسه استعجل بالسفر بس عارفه انه على حق وجود شدن هنا بيتعبها ويوجعها... واخوها ماراح يخليها بحالها ...وبعد لو سكنت معاها مع وجود ولد رجلها الناس بتأكلها تحس بندم ليتها ماستعجلت بالزواج ...بس رجعت استغفرت ربها زوجها ماقصر معاها واقف بصفها وبصف شدن بس من وقت مادري برجوع ولده من برا وهو متوتر ويلمح بكلام كأنه يقول صعب وجودهم مع بعض بنفس البيت وبعد هوو ماهو محرم عليها عشان تسكن معاهم ...وهي عارفه .. أخلاق ولده و تدري بعد بالمشاكل القديمه الي بينه وبين ياسر أفضل شيء سفرها مثل ماقال ياسر والله يسخر لها أمها حست بقلبها وجعها وضربت على صدرها بحرقه أنا أمها ...... آه شدن ليتني ماستعجلت وضيعتش كذا .... والحين لو طلبت الطلاق أخوي بيرد اللوم عليش أكثر وأكثر وعلى قول ياسر بضرش كذا أكثر من اللي أنتِ عليه الحين .... @ @ @ أول ماوقف السيارة نزل وبسرعة ركب معاه رد السلام سفهه وعلى طول مد يده من غير مايلتفت له .وعلى وجهه ابتسامة انتصار انقهر يوم سفهه بس مسك نفسه عشان يقدر ينتقم منهم هوو بعد بسبب اللي سواه معاه هز راسه وقال : لا ماراح اعطيك كذا طالعه وقال :المطلوب رفع يده وقال : للمرة الثانية يامصعب اخدمك وانقذك ياليت تعرف هالمعروف لأني محتاج ترده لي بس ماهو الحين بالوقت المناسب مصعب عقد حواجبه وقال : ماذكر به مره أول عشان يكون هذا الثاني بندر رفع حاجب وقال : أسال خويك عادل يخبرك بالأول .... اما الثاني ماظن راح تنساه ومد يده بالسيدي ونزل بسرعة طالع السيدي بيده وهو يفكر بكلامة وش علاقة عادل ...فكر يدق عليه ...بس غير رأيه تذكر رسالته اللي أرسلها له ( مبروك عليك عادل وتراني وفي بعد بس الله يكرم ) وقتها فهم مقصده انه هووباقي على وعده وبيسمي ولد عليه ..ضرب الدركسون وقال بقهر مابيك توفي بذي أبيك كان توفي بالشي اللي كان بينا بس مع الآسف ..... اتجههه للشركة ...وهو اليوم ناوي عليها بس ينتهي من العزيمه ...اللي مسويها ...اليوم أول ماوصل نزل ودخل الشركة حصل عزيز بستقباله قال وهو مبسوط : بشر الموظفين فيه مكافأة لهم ابتسم يوم قرب منه يخم فيه ضحك على هباله ودخل مكتبه حصل أبوه عقد حواجبه مستغرب وقف وقال : أنتظرك من أول : ايش فيه أبو مصعب قرب منه وضمه وقال : وربي رافع راسي فيك مصعب ابتسم ببرود وطالع أبوه يوم ابعده شوي ومسكه من كتوفه وقال : عروض تجيني ماكانت تنعرض على الشركة خليتها تقوم وأنا كنت مفتكر اني بعلن إفلاسي فرحان فيك يامصعب ورجع ضمه وبعدها قال بغصه :ليت تعرف شيء واحد بس انك اغلى شيء عندي مهمها صار بيناااااا وابتعد عنه وطلع ... مصعب انصدم من حالة أبوه ماتوقع يسمع منه ذا الكلام اللي بينهم كان على طول شد وعناد طالعه وهو معطيه ظهره جلس على الكرسي وقال بهمس : بتغليني أكثر اليوم يوم تعرف حقيقة اللي مخليها في الأوله | ||||||||
|
| |
|
21-03-19, 12:12 AM
| #1025 | ||||||||
| مراقبة عامة ومشرفة منتدى الروايات المنقولة
| فتحت عينها بصدمه وهي تسمعه :لا تقول وبعصبيه صرخت وشلون حصله الزفت طالع زيد الي متوتر حده وقال بخبث :اممممم مدري وشلون المهم وصل لمصعب كيف وشلون ماندري والحين أنا داق عليك احذرك الجوهرة بحرقة قلب : نفذ الي طلبته منك فتح عينه بصدمه : بدري ماتفقنا كذا بعصبيه صرخت : ماهو أنت الي تحدد الوقت فاهم نفذ الي طلبته منك ابتسم بمكر وقال : طيب هدي ياحلوة ويالله قبل أنفذ اشوف كذا تحويل محترم من شخصك حس انها بتتكلم قال وهو يقاطعها عشان الحماس ولووو هذي روح والروح غاليه ولا حولتس للي جالس جنبي الحين لا يهش ولا ينش الجوهرة بقهر صرخت : الله يأخذه الغبي مافي حد حط رقبتي تحت يد مصعب غيره عزيز :ولوووو مايقدر يحط رقبتس تحت يده وأنا موجود يالله يالله ي حلووة لا تتتأخري بالمطلوب منتس ولا صدز ضعتي والشايب العايب بحذفتس من الباب وضحك مافكرتس تسذا خطيرة أجل مصايب وراتس هاللون الجوهرة حست بقهر من كلامه بس مطره تتحمله مافي حد من رجالها غيره قلبه قوي ... وينفذ بدون ماتهز له شعره ....قالت بصبر : نفذ ويوصلك المبلغ ضحك بصوت عالي وهو يأخذ نفس معسل : لا يا حلوة ماحزرتي تحويل بعدين تنفيذ ولا تبين تقليع الحين لأني ماهو فاضي أخذ واعطي معتس تدرين فيني ماحب البخييييل وطالع زيد الي مرتبك ابتسم بخبث بيلعب عليهم الأثنين وبيأخذ منهم الأثنين يوم ماردت عليه قال : الووووو تسمعيني عضت شفتها بقهر : اسمعك عزيز وهو ينفث دخان المعسل : حلووو أجل اسمعي زين بعد أنا ماهو مخلي ديرتي وساحبتني لهنا وفي الآخير تسذا الكلام مايصيرر ماحب التعامل مع هالنوعيه أبد الجوهرة قفلت عيونها بصبر : أجل ثواني ويكون المبلغ بحسابك ابتسم بخبث : أجل ابدي تحضيرات العزاء اللي بتقوم بفلة صقررررك وبسخريه ماتبين بعد نقضي على الشايب مع ولده ويكون جمله وترتاحي ويفضى لتس الجووو وبدل الفله يصير لتس قصر ابتسمت وهي تتخيل فعلاً هالمرة يصير الي تبي وترتااااح منه للابد ...قالت بحقد : مصعب اللي أبي راسه بس عزيز : أجل تجهزي للعزاء الجوهرة ابتسمت بتشفي :جاهزة هالمناسبه أنتظرها من زمان وقبل تقفل قالت قول للخروف الي جنبك لعاد يوريني وجههه ولو يفتح فمه بكلمه بالي بينا صار ذبحته بعده طالعه وقال : وشلون يقدر يفتح فمه والسيدي يدينه قبل يدينك بلا غباء ياا العجيزززز اففف شكلي بموت قبل مصعب من غبائك وضحك بصوت عالي مستفزز زيد حسده وده يكون مثله قولي ويقدر يكلم الجوهرة بذي الطريقه وماتقدر تسوي له شيء سبته بنفسها سبه قويه ودعت عليه بس مافيها غيررر تتحمل قالت بقهر: انجزززز واخلص علينا ولا تكثر حكي وتستظرف قال بخبث : كلها فك صاموله بس والرجال يطيررررر بح وبالسيدي بعد الجوهرة بنتصار : وينك عني من زمان عزيز بغرور طالع زيد : مع الآسف حطيتي مع ناس هز رأسه بتحسف المهم الحين وش تبين أكثر أمري تدلللي بس كثري الاصفار الجوهرة قالت بحقد وكره : ابيه يموت مابي غير موته فاهم موته ي عزيز موته وأبشر بالملبغ اللي بتكون الاصفار وش كثرها جنبه وقفلت بوجههههه جلست تلف بالغرفة رايحه وجايه ماتدري وش تسوي مصيبه لو السيدي يضل عنده رقبتها بتروح فيها ...وبتنكشف ...آه وشلون وثقت بزيد كذا وعرفته بكل شيء ...توقعت رجآل ويعتمد عليه ...بس على قول خالد ماراح يحلها إلا عزيز اابتسمت بخبث أنت الي جنيت على حالك يا مصعب وبعد على يد مين على يد ولد خال اصولتك الي ماترضى عليها قال ايش ام عادل الله يأخذكم جميع ....ولا جية أهلها اللي حامت سبدها ماصدقت وهم يفارقون طلعت للصالة واتجهت لمطبخ وهي تطالع الخدم حولها يحضرون للعزيمه الي مسويها مصعب بمناسبة ولده من وقت ماولدت زوجته وهو اليوم والثاني مسوي عزايم ابتسمت بسخريه يارب تلحق بس ... تتمم عزيمتك أشرت لشغالتها قربت منها قالت بحده : اتركي اللي بيدك وسوي قهوي بسرعة واللحقيني للصاله خلت اللي بيدها وقربت من ميري وقالت مدام جوجو معصب مره مدري ايش فيه ... ميري كشرت وقالت : عشان بس يجي بيبي لبابا مصعب هي كل يوم معصب ويسوي مشاكل بغرفة اصايل لها يومين حزينه حدها ..أهلها رجعوو الديرة وحاولت فيهم... بس عواد اعتذر عشان موعد سفره وبعد أبوها تهاوش مع أمها يوم تأخرت ... عليه ماحبت تضغط عليهم زود ... بس اللي مفرحها ان مصعب وعدها يوديها لهم الفتره الجايه ...ابتسمت وهي تذكر وشلون صاير حبيب ومحترم الأخ وكل ماجت تغلط عليه على طول يقول لاتنسي اني أب احترميني شوي ... طالعت ولدها النايم ابتسمت بحب ..ياعمري والله على هالوجهه ..بس ليتك طالع لأبوك اخخ طلعت لجدك صقر بذات القرعه هذي وابتسمت وحملته ياقلبوو الي يتمغط ياناس بأكله هو وقرعته ذي ...رن جوالي حطيت عادل وأخذت الجوال شفت رقم مصعب قلت بهمس : هلا سند ظهره على الكرسي وقال : وشلون عادل ميلت فمي وقلت : بخير يسلم عليك وترا ام عادل بعد لها رب ماغير تدق وتسأل عنه وتقفل ليه تسذا وين العدل ابتسم وقال : أم عادل ذي زعلان منها فتحت عيني بصدمه وقلت بستهبال : ياكافي الشر وش سوت معك ابتسم على خبالها وقال : وشلون الخدم مجهزين كل شيء ولا به شي ناقص لاتفشل الليله ترا عازم كل الي اعرفهم وبعد معارف أبوي مابي اتفشل تكفين اصوله عارف انك تعبانه للحين بس اشرفي عليهم اصايل مسكت ضحكتي أبد ماعرفته والله الحين ذا مصعب لا لا ماصدق الرجال صاير حبيب صدق بعد ماصار أبو حتى عازم اصحاب أبوه من متى قلت بتريقه : تصدق فعلاً صرت محترم ضحك بصوت عالي وقال : محترم من مبطي بس مافي أحد يفهم .... اصايل ابتسمت له وقلت : طيب لا تشيل هم بنفسي بشرف عليهم ولا يهمك يا أبوعادل هز راسه وهو يطالع السيدي بيده آه لو تدري وش الي مفرحني الليله ...اني بقضي عليها والمناسبه هذي عصفورين بحجر واحد وابتسم بمكر اول ماصاحت باسمه قال: هلاااا صايل عقدت حواجبها : وينك اصيح عليك ماهو معي مصعب : مافيني شيء يالله بقفل وطالع عزيز اللي دخل وقال وربي تعذرت أهلي الليله عشان احضر عشا ولد الغالي وسحبت على أهلي عشانه وبتريقه إلا متى بنتهي هالعزايم تسويها لولدك ي رجال ورانا أهل حنا ماهو فاضين مصعب وقفت وقال : ماعليه بعد هالعزيمه بعطيك إجازة عزيز قرب منه وقال بفرحه كلها تمثيل :والله لا اخمك اللحين على هالخبررر ضحك مصعب وقف وضرب على كتفه وقال: الله يعزك .... وطلع عزير ابتسم بخبث ومكر وقال بهمس : وأنت الله يرحمك وارسل رسالة ((تم التنفيذ ومتأكد بنجاح )) رسلت له بسرعة( وشلون ) ارسل لها ( اففف يذبحني الغباء اللي فيتس بس بطر أرجع اشرح لتس ياطويلة العمر ارتخاء بسيط في كفران السيارة وبعدها شويه بس مجرد مايسرع بيطيرررررر ويطيررر وبح بعدها ولا تنسى نبي حلاوة زيادة عن روح المرحوم كان عبيط الله يرحمه ) رسلت له فيس يضحك وكتبت جنبه (قلتها عبيط وجنا على نفسه الله لا يرحمه ) ارسل لها ( حرام مايجوز وفيس ساخر ) رسلت له ( متأكد انه ماراح ينتبهه للكفران سيارته ويقدر يتجنب اللي ناوين عليه ) ارسل لها (فيس يفكر وبعدها كتب مصيبه والله لو حس ) رسلت ( وشلون طيب ) رسل لها( وقتها نقول الله كتب له عمر جديد ) رسلت وهي معصبه ( عزيز لا تجننني قلت لك ابي موته فاهم ) رسل لها ( ادعي انه ماينتبهه إلا قد اسرع فيها وقتها ماراح يقدر يتحكم صدقيني وبسخريه ادعي بس ولا تضيعي وقتس بكثرة القلق وأفكار مالها داعي قلت لتس أنتِ مع عزيز وصدقيني عزيز مايحط يده بشيء إلا يجيبه ) أول ماطلع السيارة حرك بسرعة جنونيه فرحان حده الليله يالله يتخيل وشلون موقفها قدام أبوه بس لازم أول يوجب ضيوفه وبعدها بيتلذذذ بنهاية الجوهرة قدام عيونه... حس بالسيارة تميل فيه يمين ويسار وماهو قادر يتحكم فيها حاول يتحكم فيها بس مقدر وفجأة كل شي حوله اسود وبدت تفلت من يده حاول وحاول بس ماقدر بذات مع السرعة الي ماشي فيها مايقدر يتحكم بالسيارة وعلى طول السياره لفت فيه أكثر من مره وقلبت ......... عند الجوهرة طالعت الساعة وهي تنتظر الخبر وبنفس الوقت تحس بخوف ومتوترة ...لو صار عكس الي تبيه مصيبه وتنكشف ...جلست تلف بالصالة رايحه وجايه رجعت طالعت الساعة اففف رافض الوقت يمر بسرعة طالعت الباب يوم دخل أبو مصعب ارتبكت أكثر حطت الجوال وقربت تستقبله وتأخذ عنه الشماغ وقالت بكذب : حياااا الله شيخي طالعها وابتسم : تصدقين احب هالكلمه منك ابتسمت بخبث وقالت : مفروض كل شيء تحبه مني صح صقوررر جلس على الكنبه وقال : ان اشهد صبت له فنجان قهوة وناولته وقالت : مصعب اليوم مسوي عزيمه كبيرة لايكون ماقال لك شرب من القهوة وقال : إلا عندي خبر الله يهديه ويفكه من شر نفسه وربي من وقت مامسك الشركه احس صارت تجي على الشركه عروض أكثر ودخل للحين ماهو مصدق هالتغيرر صاير له بس الله يهديه يوم جيت امدحه قالي وأنت الصادق يبه من بعد ماعمي انقلع الله يسامحه متهمه انه يسرق وأخوي واثق فيه انه مايضرني أبد بس وش يفهم مصعب لاحط شيء براسه الجوهرة ابتسمت بخبث تطمن حبيبي ماراح تفرح كثيرر بهالتغيررر صاير لولدك ..طالعت جوالها يوم رن حست بتوتر طالعت صقر وأخذت الجوال شافت رقم زيد قفلت بوجهه وقالت بتوتر : افف ماهو وقتك أبد سوسو وطالعته وقالت ماحب اللي يدق علي وأنا جالسه معك أبو مصعب توتر يوم قالت سوسو ..قال بسرعة : اقفلي جوالك أفضل وريحنا الجوهرة مستحيل لازم بذت هالوقت ماتقفله صمتت الجوال وقالت : ماعليك إلا طمني عنك وش صار بسفريتك الي طولت ورفعت يدها بدلع ماحسابتك باقي انشغلنا بعادل الصغير ياحبي له وبخبث ليته سماه على أسمك بس كان حبيته أكثر أبو مصعب ابتسم على ذكر عادل وقال : وينه بس والله فقدته الجوهرة حست بحقد وكره قالت وهي ودها تذبحه : يالله لاتصرف بسرعة بسرعة وشلون قضيت المدة الي راحت كلها ابو مصعب بتوتر : الله يسامحك الفترة الي راحت سافرت ورجعت ماجلست بها على طول وش فيك اليوم طايحه تحقيق الجوهرة صغرت عيونها : ايوه صح رجعت بس كان ماتجلس مده بسيطة وترجع تسافر يعني هالشهرين قضيتها رايح جاي وأنا انشغلت شوي مع عناد وحريمه وأنت اخذت فرصتك ضحك بتوتر وقال : قولي عناد حريمه لاعبين بحسبته هههههه الجوهرة ميلت فمها وقالت : مافي حد لاعب بحسبته غير بنت أخوك إلا بنتي بيبي وش زينها طالعه لأمها مايجي منها غير الزين .... ارتبك حده وش فيها جالسه طول الوقت تقول اسمها يحس انها ترمي عليه لايكون تدري تعوذ من إبليس يوم بدا يوسوس وقف وهو يتهرب وقال : يالله بروح اريح شوي الليله عندنا ضيوف الجوهرة حطت رجل على رجل وقالت : ليته سمى عليك بس الله يسامحه ابو مصعب طالعها وقال بضيق ماحب تكرررها لذي السالفه : بإذن الله الثاني الجوهرة ابتست بسخريه اي ثاني الله يسلمك انقهرت يوم شافت اصايل طلعت من غرفتها وعلى طول عمها طار لها يسلم عليها انقهرت تحس المعامله تغيرت بعد ماجابت هذا الولد حست بحقد أكثر وأكثررر بعدها اتجهه للغرفة لحقته وهي تقول : جايه معك بس سكتت يوم رن جواله بيده فتح الخط وقال : هلا عزيز صرخ : ياعم مصعب مسوي حادث وتوفى فيه طاح الجوال من يده وهو يصرخ : وش تقول عزيز بخبث : والله هذا اللي وصلني أبومصعب وهو يركض : يارب لطفك يارب لطفك اصايل يوم صرخ عمي طلعت من المطبخ وأنا مصدومه من حالته بسرعة قربت منه وقلبي مقبوض قلت بخوف : ايشش فيه بس عمي بسرعة ركض للباب والجوهرة قربت مني وقالت وهي تضمني : تصبري مصعب اعطاك عمره صرخت بصوتي كله : لاااااااااااااااااااا وبقهر دفيتها عني وأنا اصرخ بسم الله عليه وركضت لغرفتي وأنا أقول توه يكلمني تكذبون وربي تكذبون ..أخذت جوالي ودقيت اعطاني مقفل ..كنت بنجن بسرعة أخذت العبايه وقلت لميري وهي تحاول تمسكني خلي بالك من عادل وبسرعة ركضت طالعت الجوهرة اللي لحقتني وهي تلبس العبايه صرخت عليها تكذبين فاهمه تكذبين مصعب ماماتت مصعب توه مكلمني وقال جاي فاهمه توه مكلمني الجوهرة حاولت تمسكها وقالت بتمثيل خبيث : ياعمرررري اتمنى هالشيء بس الحقيقه غيررر اصايل دفتها والجوهرة بسرعة سوت الطرحه وطلعت وهي تصيح على السواق وركبت مع اصايل وهي يقال تهديها بس اصايل كانت رافضه اي كلمه تسمعهااااا منها ... اصايل مسحت دموعي الي تنزل هزيت راسي وانا اقول مستحيل يكون مات مستحيل ايه اكيد به غلط أكيد طالعتها وقلت بقهر : لاتفرحي مصعب حي فاهمه حي وبيفرح بولده الجوهرة قالت وهي تصيح بتمسكن : الله يسامحك مين يفرح بالموت خلاص ي عمررري لا تتكلمي كذا اصبري الحين والموت كلنا بنذوقه اصايل صرخت وأنا اقفل اذوني مابي اسمع صوتها : لا تقولي مات فاهمه مصعب مامات أول ماوقف السواق قدام المستشفى نزلت بسرعة تركض وهي تدور مثل المجنونه بس أول ماشافت صديقه عادل يصيح بالزواية وقفت وهي تحس الدنيا تلف فيها تلفت يمين ويسار وهي تحاول تكذب الخبر للحين شافت أبو مصعب يصيح بحرقه ولد الجوهرة ماسكه وهو يهدي عليه وبعد شباب كثير متجمعين حولهم عرفت وقتها انه فعلاً (مــــات ) والخبر اللي مكذبته صدق طاحت بالأرض وهي تصرخ بحرقة ........ === == كتتتتتتتتتتتتتت (حبيباتي قلبي معاكم ) & نونـــي بنت الجنوب & سبحان الله وبحمده سبحان الله العظيم (الوتر أحبتي ) "الله يرحمك يأمن وجعني فراقك " قراءة ممتعه للجميع وهالله هالله تصبرووو وأنا اختكم | ||||||||
|
| |
|
21-03-19, 12:34 AM
| #1026 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 109 ( الأعضاء 14 والزوار 95) فيتامين سي*, أنفاس الأنين, تأملات, The silver face, اهات الانتظار, امال س, أخت الشهيد., jollay, هضاب 12, نجمة مساء, dj boub, سمورة76, ام لتيني, Sōym sd قراءة ممتعة لكم ..... وردود ممتعة لنا ...... وللغاليه نوني ........ | ||||||||
|
| |
|
21-03-19, 12:55 AM
| #1027 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 112 ( الأعضاء 18 والزوار 94) فيتامين سي*, bobosty2005, حنيني ليك, نجمة مساء, Sōym sd, امال س, RoRo CANDY, شيخه فهد, نولا ٢٠٠٠, Norah9898, أنفاس الأنين, تأملات, The silver face, أخت الشهيد., jollay, هضاب 12, dj boub, سمورة76 | ||||||||
|
| |
|
21-03-19, 03:41 AM
| #1029 | ||||||||
| مراقبة عامة ومشرفة منتدى الروايات المنقولة
| حبيباتي لا تزعلوو مني عشان موت مصعب بس غصب عني عشان الاحداث الجايه لازم كان تتطلب موته إلا أنا ماحب أموت واحد من ابطال الروايه وأنتم عارفين هالشيء برواياتي اللي قبل اتمنى الكل مايزعل مني حتى انا متضايقه مثلكم بذات على اصايل اللي مافرحت بس مثل ماقلت لكم الاحداث حكمت بموته ماهو أنا والحين حاولو تنسووو موت مصعب وافرحوو ب عادل & نوني بنت الجنوب & | ||||||||
|
| |
|
21-03-19, 04:40 AM
| #1030 | ||||
| حرام يا نوني بلاش كده ده عسل الرواية بكيتينا عليه ده حتى البارت ما تمتعت به من اوله و انا استنى خبر موت مصعب كان عندي امل انه مو هو راح نشوف الاخداث الي جاية الي خلتك تموتي حبيبنا و لو اني زعلانة منك قلتلك حلال عليك جميع الابطال بس سيبي مصعب | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
