آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-10-17, 08:17 PM
| #103 | ||||||||
| مراقبة عامة ومشرفة منتدى الروايات المنقولة  
|  حبيباتي هذا كلام الكاتبه السلام عليكم صباح الخير اسفه على التأخير انا وعدتكم ان البارت ينزل امس بس يعلم الله بحالتي امس كنت تعبانه بالحيل لدرجه ماقدرت امسك جوالي واعتذر منكم ويالله اليوم قدرت ادخل المنتدى واخبركم واليوم بإذن الله ينزل البارت بس انتهي من تعديله تشوفنه قدامكم ان شاءالله والتوقعات والردود لي عوده لها بإذن الله ودي لكم | ||||||||
|  |
|
26-10-17, 10:11 PM
| #104 | |||||||||||||
| نجم روايتي ومشاركة بمسابقة الرد الأول وابنة بارة بأمها 
|  اقتباس:
.gif "Eh S(7)") ويعطيك العافيه فيتو | |||||||||||||
|
| |
|
26-10-17, 10:28 PM
| #105 | ||||||||
| مراقبة عامة ومشرفة منتدى الروايات المنقولة
| . اللهم اني استغفرك وأتوب إليك سبحان الله وبحمده سبحان الله العظيم اللهم صل وسلم على نبينا محمد "صلو عليه" • • .((8)) • • • طالعت أمي نوفه متردده اشرت لي اتحرك ... شفت نظرة الاستحقار بعيونه ...طنشت ومشيت لجهة عمي قربت منه ونزلت نفسي شوي وسلمت فوق رأسه وبسرعه ...رجعت لأمي الي جلست على الكنبه جنب الباب .. جلست جنبها ومسكت فيها اوضح لعمي ماتقدر تأخذني منها ... ابو خالدوهو يرحب : هلا هلا بنت أخوي ومبروك والله يسعدك ان شاءالله مع رجلك تعالي تعالي اجلسي جنبي شدن مقدرت ارد عليه ..احس بتوتر بذات مع نظرات ياسر الي وقف وهو قرفان ...وقرب جهتنا ..حسيت الدنيا سودت بوجهي ...جسمي كله يرجف بس حسيت براحه يوم سلم فوق رأس أمي نوفه وقال بصوت حاد:عساك مرتاحه نوفه بهمس وهي تطالعه : الله يرضى لي عليك يمه شدن ابتعدت عن أمي شوي بخوف من نظراته يالله مره ماهو بطايقني حتى صوته وهو يسأل أمي حاد ... طالعت عمي بقهر هو الي حدني عليه ...إلا انا وين وذا الرجال وين...شخصيتي ... بعيده كل البعد عن شخصيته ...تنفست براحه يوم قال :يالله مع السلامه طالعت عمي الي فز واقف وقال : وين وين ي ياسر أجلس بنتفق على امور الزواج والحفله ياسر بحده وهو يطالع عمته : اي امور خلاص المهر وعندك وش بقي ابو خالد بحده وهو يرجع يجلس : المهر مايتدخل في القاعه والعشاء كلها باقي ما اتفقنا عليها ياسر طالع عمته يبيها تدخل وينفك من ذا الرجال ويطلع يحس بضيق ...من المكان ومن الي دخلت عليه وينقال انها زوجته ومحسوبه عليه ...الحين ذي البزر تكون زوجتي يالله على القدر الي لعب لعبته معي الله يسامحش ي عمه على ذا الفصل سويتيه معي ولا الاصح هو الي نكب عمره حاول ياخذ نفس وقال بصبر :بنتفق بس ماهو الحين ابو خالد عقد حواحبه: متى بالله وطيارتي بعد ساعتين وماعندي وقت ارجع غير لليلة العرس انا رجآل عندي التزامات ولا انا حق روحه و نوفه بسرعه تدخلت خايفه ياسر يطين الدنيا بعصبيته لان وجهه مايبشر بخير : ماعليه ي ابو خالد تسهل وانا بتكلم معه بالموضوع وماراح نتمم شيء غير يوم نأخذ رأيك فيه ولا يهمك الحين تسهل الله يستر عليك ابو خالد مافيه عاد يجلسون يدقون عليه كل وقت وينشب مع مرته وغيرتها من نوفه ... قال وهو يبي ينهي كل شيء : الحين نتفق ماراح يضر شيء وطالع ياسر الي واقف خلك رجال واجلس واحترم وجودي واسمع الي بنطلبه منك وانقتِ ي شدن طلباتك كلها رجلك يسمع شدن طالعت ياسر الي وجهه حمر من كلام عمي ... والله على كرهي لعمي ...بس مدري احسه يبرد قلبي في ذا المغرور... جلست وانا احس ذا وقتي انتقم منه على كرهه لي وبعدين فعلاً فكره ماهي بطاله ...اسوي عرس واجلس بالكوشه ..مدام مصيري انكتب له ...ليه مافرح بالعرس مثل اي وحده تلبس فستان وتكشخ وتكون مميزه ...بذي الليله ..وانا من اصله جالسه عند امي جالسه بس مايضر اني افرح ...حطيت رجل على رجل اقلد حركة صديقتي لاجت تقهر حد وقلت وانا اطالع عمي :ابي قاعه تكون فخمه مو اي كلام وطالعت امي يمه ابي القاعه الي تزوجت فيها بنت معيض تذكريها نوفه بهمس وهي تتحلف فيها: شدن فكينا حركاتش الي مالها داعي وبعدين نتفاهم وعدلي ذي الجلسه وضربتها على ركبتها تبيها تنزل رجلها مقهوره منها ابد ماتوقعتها تسوي كذا شدن لو سمعت كلام أمها ماراح تستفيد شيء وحقها بيروح كله من ذا الياسر والله لا تخسره ...عفاف سوى لها عرس لا صار ولا استوى وفي النهايه جحدته ...وهي ماهي بناقصه عنها بعدين حابه فكرة جلوسها بالقاعه ولمت صديقتها حولها احساس ممتع ...ولا راح تحرم نفسها ...عشانه ...قالت بعناد : يمه ودي فيها من زمان وايه بعد المطربه الي بعرس وسكتت يوم صرخ ياسر معصب : لا لا بالله زودتها بنتش يمه موكذا ابو خالد بحده وهو يطالع ياسر: علامك معترض وفي ايش زودتها ماطلبت غير حقها ولا تفكتر بتأخذها كذا خلاص مدام أخترتها تكون زوجه لك تحمل طلباتها ولا فيه شيء بينك وبين عمتك وانا مدري نوفه طالعت ياسر وهي تترجاه يسكت لا يخرب عليهم ويعرف عمها هي الي طالبه منه يتزوج بنت أخوه .. ياسر طالع عمته وعض شفته بقهر ..بعد يقول اخترتها الله ياخذها ذي مين يفكر يرتبط فيها نشبه بكل مكان ...طالع عمته وهز رأسه لها مثل الي يقولها ...ماهو كذا الاتفاق ...اشرت له بعيونها يجلس عشانها جلس وهو يحاول يكتم غيضه وقهره ابو خالد : كملي وانا عمك وش تبي بعد شدن من غير ماتطالع ياسر :يعطيني فلوس الفستان والتجهيز امي ماعندها ومابي اضغط عليها يكفي متحمله كل مصروفي ..وطالعت امها الي قرصتها حست بالم بس خليها تربي عمها وياسر جيمع ابو خالد حس بعد بكلامها انها تقصده مد لها بظرف : ماقصردفع المهر وهذا هو خذيه وتجهزي منه وخذي الي يعبجك ولا تبخلي على حالك بشيء ولو نقص شيء عليك انا موجود بس .. الوو .. تشوفين طلباتك كلها عندك ولا يهمك ي بنت أخوي ماطلبتي غير حقك نوفه تحس بقهر من حركات شدن ذلحين هذا الاتفاق الي بينهم ...اي قاعه واي فستان يتكلمون عنه ..طالعت ياسر الي متأكده مليون في الميه انه ماسك اعصابه عشانها الله يجعلني افداك على صبرك ي هي ناويه على شدن بس ينصرف عمها ...وقفت ومسكت يد شدن : ماعليه ي ابو خالد شدن محد بيقصر معاها هذي الغاليه علينا كلنا ويالله شدن سلمي على عمش خليه يتسهل وراه طياره لا يتأخر عليها شدن طالعت امها تحسها معصبه منها ...تدري بغلا ياسر عندها ...بس هي ودها تفرح وتونس عمرها .. ابو خالد بحده: شوف ي ياسر بنت أخوي الي تبيه تم ولو انت ماهو قادر مثل ماقلت انا ماراح ارخص عليها شيء ياسر حسه انه يقلل من قيمته ..الله يقلع إلا بنت أخوك هين شغلها عندي قال وهو يحاول يصبر نفسه على ذي المصيبه طيح عمره فيها: تبشر ولا راح يجي مني قصور ان شاءالله وليت لو ماعليك أمر ابي زوجتي لحالها شوي شدن انصدمت ماتوقعت يطلب ذا الطلب ... أبد يبيها لحالها لا مستحيل طالعت امها تبيها تفزع بس انصدمت منها وقفت وقالت: حقه ي ابو خالد وخلنا نخليهم على راحتهم ابو خالد وقف وقال بتحذير: حقه وماقلنا شيء بس هالله هالله في شدن ي ياسر تراي ماوفقت إلا عارف مين معطي قرب منها وسلم فوق رأسها استودعتك الله وموعدنا لعرسك ان شاءالله جاي ومع العيال بعد وتتعرفي على بنات عمك شدن ماتدري وش يقول ...تكرهه وماتطيقه بس والله بذي اللحظه ودها تقول له لا تروح وتخليني معاه لحالي طالعت أمها الي طلعت من المجلس ودها انها لحقتها بس من فهاوتها جالسه ...هزت رأسها بتوتر وابتسمت له يوم ضمها وهمس لها: لو مغصوبه عليه قولي والحين الي ملك لك يطلقك منه ياسر سمع كلامه لها حس بأمل ...ليتها تقول خله يطلقني بتسوي جميل فيني ماراح انساه لها ... شدن فتحت عينها بصدمه يطلقني ...لا لا بروح معك لو تطلقت وذا الشيء مابيه ..بعدت شوي وطالعت ياسر الي يطالعها بنظره غريبه عليها مثل الي متحمس يسمع ايش تقول هزت رأسها وقالت : لا مابي اتطلق ابو خالد ابتسم لها : مدام راضيه الله يوفقك يالله بحفظ الله ودعها وطلع ....وهو متردد يحس في ياسر وعمته شيء ماهو مرتاح ... شدن وقفت شوي تطالعه وهو رايح بعدين استوعبت انا بتحون فعلاً لحالها معاه لازم تطلع وتفك نفسها من ياسر...ي دوب تحركت إلا حست بوقفته بوجهاا ويده تقفل الباب ...حست الدم نشف بعروقها .....والقوه والي تحس فيها راحت هزت رأسها مثل الي تقول مابي شيء منك لا قاعه ولا عرس بس تكفى خليني اروح لأمي قال بسخريه وهو يطالعها كيف تطالعه بخوف : قلتي تبي فستان وقاعه ودقاقه شدن لاول مره تطالعه من قرب وتدقق بملامحه ...حست بخوف بدون حس : بروح لأمي ياسر وهو صاك على سنونه: الحين تبين امش اقول والله ثم والله لو ماتبعدي ذي الخرابيط من رأسش وتدقي على عمش وتقولي له بنأجل العرس عشان ماهو كل وقت يدق لي وينشب لي يسأل عن ذا العرس شدن بدون حس: مستحيل ادق عليه واقوله كذا اخاف يأخذني معه لا تنسى بيرجع يهدد يأخذني ياسر صرخ بعصبيه: ليته يأخذش وانفك منش شدن بلعت ريقها ...وهي تطالع الباب ودها امها تجي بسرعه ...وتفكها قالت بكذب : خلاص خلاص بدق عليه واقوله بس انت ذلحين روح وعلى طول بدق ياسر طالعها مايدري وش يسوي ...فرق فرق بينها وبين عفاف ...تذكر يوم ملك على عفاف احساسه عكس كذا كان فرحان وطاير من فرحته ...قال بغصه: شكلش بتجلسي لي هنا وهو يأشر على بلعومه وصعب الخلاص منش إلا بطلوع روحي شدن وهي تبي تظهر له انها ماهي خايفه منه قالت بسماجه أبد ماهي وقتها : عادي اشرب ماي تروح الغصه ياسر انصدم من ردها قال بعصبيه: بنت احترمي نفسش ولا والله ثم والله اهفش كف اخليش تعرفي تحكي مثل الناس شدن قفلت عيونها بخوف غبيه صدق نست ان الي قادمها ياسر ماهي نور عشان تتسيمج معاها ...بس استغربت وش يعطيني كف انا وافقت عليه ..عشان ماروح لعمي ومرته الي تكفخني يقوم ذا يبي يكفخ فيني ارتجفت من صرخته وطالعته بخوف قال بصرخه كلها قهر وعصبيه: لا تطالعيني كذا مثل البلهاء شدن طالعت الباب : أمي علامها ماجت ياسر قرب منها استفزته لدرجه وده يذبحها قال بتهديد : والله ثم والله اذا ماربيتش ماكون ياسر وشغل العباطه ذا كله بطلعه من عيوينش وقولي ياسر ماقال هين شدن ابعدت وقالت بقهر : والله لا اقول لأمي عن تهديدك لي ياسر إلا ذا الشيء مايبيه كله ولا عمته تزعل منه يكفي الي سواه فيها قال وهو يحاول يمسك اعصابه : شدن مفروض الي بيني وبينش مايطلع اوك شدن ايوه كذا خلك عاقل قالت بمكر: إلا بقول لها وبعد انك خوفتي ياسر قفل عيونه بقهر ياربي كم عمرها ذي قال بحده: والله ان يطلع حرف ذبحتش وخلي ذا الشيء برأسش شغل الدلع ذا مايمشي عندي واعطاها ظهره وطلع شدن جلست تستوعب الي قاله...يعني مايخاف من عمتي هين طلعت وهي تتحلف فيه والله لا تأخذ حقها منه...شافت امها بالصاله قالت بقهر: يمه ليه كذا مخليتني معه لحالي نوفه بزعل : رجلش مافيها شيء تعودي عليه شدن عرفت انها زعلانه منها قربت منها وطاحت بحضنها تصيح نوفه انفجعت : بسم الله عليش يمه وش الي صار لش شدن وهي تصيح وقالت بكذب : يمه ضربني وهددني بعد نوفه فتحت عينها بصدمه وضربت على صدرها : ضربش وهددش هذي علومك ي ياسر وانا اقول وكاد بيجلس معش عشان تتعودي عليه حسبي الله ونعم الوكيل وقفت معصبه تدور جوالها وبسرعه أخذته ودقت رقمه أول ماسمعت صوته قالت بعصبيه: ليتني خليتها تروح مع عمها ابرك ولا تمد يدك عليها هذي الهقوه بك ي سنايدي حيف والله ياسر مصدوم من الي يسمعه من عمته قال بقهر : انا مديت يدي عليها نوفه وهي تصيح بوجع : تمد يدك على يتيمه الله يأخذني انا الي نزلت من قيمتها بس افتكرت معي رجال ياسر قفل عيونه بصبر وده تصدقه بس ماعطته فرصه يتكلم ذي وش قايله لعمته ومخليتها تعصب كذا قال وهو يحاول يقاطعها : يمه يجعلني أخذ ضيمش انش تهدي وتسمعي مني والله اني مامديت يدي عليها ولا ضربتها قفل عيونه يوم قفلت بوجهه رمى الجوال بقهر ...لمتى بيتحمل ...طيب ي شدن شغلش عندي ...... مقهور توه محذرها ماتطلع شيء بينه وبينها مسرع مانقلت وليت صدق ماغير تأليف المصيبه ماقدر يفهم عمته انه بس هددها وذا الشيء بعد بيزعل عمته ...قفل عيونه بقهر ...محتار مايدري وش يسوي هز رأسه وهمس الله يسامحك ي عمه حملتيني فوق طاقتي | ||||||||
|
| |
|
26-10-17, 10:30 PM
| #106 | ||||||||
| مراقبة عامة ومشرفة منتدى الروايات المنقولة
| . في الرياض رجع من السوق وهو متضايق ... كل مايحاول يقهرهم يقهرونه ... يحس بقلبه نار ورافضه تطفى ... وكاد يوم ينتقم يبرد قلبه .. هين يبه وي عم والله لاأخذ حق الضعيفه الي رأحت بسبتكم ...أول مافتح باب الصاله شافها قدامه تتفرج لتلفاز وقدامها أكل قرب وحط الاغراض على الأرض وجلس قال بسخريه وهو ياشر على الطبق : بس ماغير تبلعي لوين ناويه توصلي وزنك يحسها تعصب يوم يتكلم عن وزنها حتى لو ماردت تغيير وجهاا واضح اصايل طالعت الاغراض الي رماها بالأرض وبعدها طالعته .. وهي كاره وجوده ي زينه وهو ماهو فيه من أخر موقف صار لهم مع بعض ماتكلمت معه ولهو تكلم بعد ماغير يجي ينام ويطلع على طول ...قالت بقهر: مالك دخل خلك بحالك مثل العاده وفكنا مصعب ميل فمه حلوو تكلمت معه أشر على نفسه : انا مالي دخل غبيه مفروض أهم شيء تسعي له انك تكوني بنظري شيء جميل ماهو فيل متحرك اصايل فتحت عينها مصدومه فيل مره وحده عاد طالعت صحن البطاطس ونفسها انسدت وقفت تروح للغرفه أحسن من مقابلته وكلامه السم مصعب يوم شافها وقفت قال بسرعه: وين وين تعالي شوفي اغراضي واعطيني رأيك وابتسم بخبث ملكتي بكرا لو انك ذكيه كان خليتني اصرف نظري عن ذي الزواجه كلها اصايل طالعته بغيض: بنام مصعب اشر لها تجلس : اجلسي اجلسي وماهو لازم تسولفي اسولف انا اصايل بدون حس : من زين سواليفك اجلس اصنت لها مصعب صغر عيونه: الحين سواليفي ماهي بعاجبتك آه ماعليه كلها يومين وتشرف بنت العم وهي الي صدق ودها بسواليفي ماهو مثلك لا إسلوب لا شكل وهو يطالعها بتصغير وتلوميني اتزوج عليك صايل بصدمه وهي تأشر على نفسها : انا لمتك متى ماذكر والله مصعب بسخريه: الزعل واضح عليك مهما انكرتي اصايل بسخريه: ايوه اجلس تخيل بعد حالك ينشفق عليه صراحه وتصدق حاسه انها نفس طينتك وبتليق عليك كثير مصعب وقف وقابلها رفع يده على خدها مكان الكف وقال بهمس: شكله مشتاق للثاني اصايل دفت يده بقهر: سكت لك مره الثانيه صدقني ماراح اسكت. مصعب ضغط على فكها وبابتسامه كلها استفزاز: وش بتسوي بتضربيني مثلاً ولا تبيني ارجعك لبيت أبوك تتوقعي بيوافق يرجعك مع التسعه الي على قلبه ولا بيرجعك لي بعد يالله ليته يخليك عنده عشان اشوف حايتي مع بنت عمي اصايل دفت يده وهي تحس بفكها يألمها وصرخت بعصبيه: والله مختل عقلياً ولا عليك منقود وبدل ماتظلم الثانيه معك تعالج وبعدين فكر تجيب الثانيه حرام تنظلم يكفي انا انظلمت معك سكتت وهي تشوف وجهه انقلب الابتسامه المستفزه او الوقحه بنظرها اختفت وتبدلت... أفضل شيء تنسحب ...مواجهته صعبه بالحيل وهو بذي الحاله ... قال وهو صاك على سنونه ويأشر على نفسه: انا مختل عقلياً قرب منها يوم شافها بتشرد مسكها من شعرها بقوه وهزها بعنف ....صرخ بعصبيه: قلتي مختل أجل على الي بسويه فيك ما أخذ جزا عليه عقلي مختل مثل ماقلتي ولا علي حرج اصايل تحس روحها بتطلع بيده اليوم وشعرها بيطلع من منبته آه الدنيا تلف فيها ....قالت بألم: تكفى ارحمني مصعب صرخ بجنون: ارحمك لا لا مختل لو فعلاً رحمتك اصايل تحسه فقد عقله صدق اليوم بتموت بيده حاولت تفك يده وهي تترجاه بعيونها بس العصبيه معميته تحس نفسها انكتم .. يوم فك شعرها ومسك رقبتها ويشد عليها حاولت تتكلم ماقدرت ... روحها بتطلع بس يوم رن الجوال بجيبه ارتخت يده عن رقبتها ومثل حس على نفسه وفكها ... بسرعه يوم فكها وشردت وهي تكح وتدور نفسها دخلت الغرفه وقفلت الباب وهي ترجف وحالتها حاله حطت يدها على رقبتها .. حست رجولها ماهي قادره تحملها ... جلست عند الباب وهي باقي ماهي مصدقه انها بخير حطت يدها على وجهااا وصاحت بحرقه ....ماتوقعت يصير معاها كذا ..تسمع صوت صراخه وكلامه الي كله ملخبط بس الي فهمته منه : الي ربتني عقلها يوزن بلد فاهمه ي ال****** هم جننوها هم ماغيرهم حطت يدها على اذونها ماتبي تسمع شيء خايفه حايفه بالحيل ...ليت معاها جوال والله ماتتردد وتدق على أبوها ...رفعت يدها لشعرها وهي تحسسس مكان مسكته قفلت عيونها وعضت شفتها بألم ...وهمست بحسبي الله عليك هم جننونها وأنت بتجنني بعدها @ @ @ @ الجنوب لها ثلاث ايام مريضه ... توها اليوم خفت .. مسكت جوالها ودخلت الواتس وأول مافتحت قروب صديقاتها الي بالمدرسه عقدت حواجبها من ردود البنات كلها مباركه كانت طلعت لفوق تشوف مين الي ملكت فتحت عينها بصدمه من الي تشوفه قالت بدون حس وهي تطالع الجوال: عفاف شوفي شدن وش كاتبه والبنات بعد عفاف وهي متضايقه : تكفين يالعنود فكيني من شدن وتفاهتها العنود انصدمت أكثر يوم شافت الدعوه الي مرسلتها نور يعني صدق قالت بقهر : صدق انهم انذال عفاف عقدت حواجبها مستغربه من كلام اختها قالت : ايش فيه العنود بتردد ماتبي تضايقها بس لازم تدري بالي يصير من وراها : اممم من يومين شدن مرسله تعزم على ملكتها وتوني افتح الواتس واشوف رسايلها بالقروب عفاف مستغربه : متى انخطبت ذي الخبله العنود بتردد عضت شفتها: المصيبه ماهو هنا المصيبه مين أخذت عفاف بدون مبالاه : ماعلينا مين تأخذ الله يسعدها ويصبره بس لانه بيروح فيها المسكين العنود عضت شفتها وقالت بعصبيه : قولي الله يأخذه عفاف فتحت عينها بصدمه : وش عليش من الرجال تدعي عليه العنود بقهر: تدري مين ذا الرجال عفاف ماتدري ليه قلبها قرصها قالت بشك: مين عنود العنود بحزن عليها قفلت عيونها مافيها تقول ... عفاف صرخت بدون صبر: بسرعه قولي مين العنود بخوف : مدري مدري عفاف بسرعه قربت منها وهي تسحب الجوال وتطالعه : وهي تشوف مباركة البنات لها وحده من البنات سالت مين العريس ردت عليها ياسر ولد خالي مبارك عفاف طاح الجوال من يدها ... توه مطلقها ومسرع يروح يتزوج ..ويتزوج مين شدن يالله ماهي مصدقه قالت بعدم تصديق: يمكن مزحه غبيه منها مثل مانتي خابره بكذبها تأكدي تكفين العنود بحزن عليها: عفاف والله صدق شوفي بعد نور مرسله دعوه بالقروب ومكتوب اسم أخوها فيها واسم شدن بس مثل مانتِ عارفه كنت مريضه ومامسكت الجوال إلا توو سكتت من صرخة عفاف : اسكتي خلاص مابي اسمع شيء قربت منها وهي تشوفها منهاره قالت بخوف : عفاف تكفين عشاني ماتسوين بنفسش كذا مايستاهل عفاف وهي تصيح منهاره : توه مطلقني متى امداه يخطب ويملك ومين شدن شدن عاد ي ياسر ذي الي تضايق من وجودها وصرخت بقهر كله تمثيل قدامي حسبي الله عليك وعليها العنود ضمتها وصاحت معاها وبهمس: مايستاهل دمعه منش الطماع ويوم شافتها ترجف بيدها طالعتها بخوف لازم تنادي امها وقفت بسرعه وهي تصرخ يمه يمه | ||||||||
|
| |
|
26-10-17, 10:31 PM
| #107 | ||||||||
| مراقبة عامة ومشرفة منتدى الروايات المنقولة
| . . راجع من دوامه وهو قرفان .. وقف سيارته شاف ابوه وهو يتكلم مع جارهم نزل من سيارته وقرب منهم وسلم على الرجال وطالع ابوه ..يوم قال : ابشر الليله بمشي به بعد الفطور اعطه رقم جوالي عشان ادق عليه واتفق معه أول ماراح قال بضيق: يبه قد قلت لك المشارير البعيده ذي خلك منها ابو ياسر : متعود على ذي الشغله وعادك ماتجي على ذي الدنيا وخلنا نترزق وش عليك ياسر بقلق عليه: يبه خلي مشاويرك حول الجنوب ابو ياسر : تطمن ذا الرجال ماهو مبعد يبيني اوديه رجال المع يا مقربها منا كان ودي بمشاور برا الجنوب نكسب منه دراهم زود ياسر تطمن شوي : ليتك تخلي ذي الشغله وانا ماراح اقصر والي تطلعه من ذي المشارير بعطيك من راتبي ابو ياسر : المهم لا تنسى فاتورة الكهرباء ياسر ابوه يموت في شيء اسمه فلوس ماغير يجمع في ذي الفلوس ...ويشتغل مية شغله في وقت واحد ..ولا يصرف على البيت إلا لو انجبر.قال وهومبتسم : ابشر يبه ورن جواله بنغمة واتس طالع جواله وعقد حواجبه وهو يقرأ المحادثه الي وصلته ((مسرع ي ياسر تملك لذي الدرجه انا رخيصه عليك يالله توني بالعده كنت اتوقع اقل شيء تسويه انك تحاول تردني ماهو تروح وتأخذ البزر شدن عاد شدن ي ياسر وهي ماشاءالله مسويه تعزم و مرسله دعوه تعزمني فيها وبتطير من فرحتها بس يالله لايقين على بعضكم )) حس بعصبيه وقهر لهالدرجه وصل خبث شدن عشان ترسل لعفاف دعوه طالع جهة بيت عمته وده يدخل عليها ويذبحها ويريح الناس من شرها لوين بيوصل شر ذي البنت بسرعه كتب لها((مالك حق تحاسبيني وليت معاد اشوف رقمك)) حس بقلبه وجعه يوم ارسل لها كذا بس ماعمره راح ينسى الي سوته فيه وكيف صغرته بين جماعته ... رجع يفكر بخبث شدن يالله هذي اشلون يتحملها تكون على ذمته @ @ @ في بيت ابو اميره ابتسمت بفرحه: يالله ي اميره ماهو مصدقه اني خلاص اليوم بصير زوجه لمصعب اميره ابتسمت لها مهما كان هي راضيه عن مصعب ... بس عشان فرحة اختها : الله يسعدك حبيبتي الشموخ بقلق : ماهو كأنهم تأخروا شوي اميره وهي تناولها المبخره : لا ي قلبي انتِ مستعجله حبتين الشموخ قالت بغرور وهي تأخذ المبخره وتبخر نفسها: بالله وش رأيك اهبل صح اممم تتوقعي شكلي يعجب مصعب اميره : يحمد ربه وين بيلقى مثلك الشموخ ابتسمت برضى قربت من أختها وباستها : اليوم احبك اميره بضحكه : لاني مدحتك تحبيني الشموخ طالعت جوالها يوم رن ابتسمت بخبث وهي تشوف الاسم : اوه اخيراً وطالعت اميره روحي استقبلي تغريد اول ماطلعت اختها وقفت تتأكد من مكياجها وشكلها تحس بفرحه بقلبها ....يالله ياما تمنت ذا اليوم ... اول ماشافت تغريد بالمرايا داخله لفت بغرور وقالت : توقعت ماتجي أبد تغريد : ماهو بقليلة اصل الشموخ قربت منها وسلمت عليها : وحشتيني على انك ماتستاهلي تغريد ابتسمت بضيق وهي تذكر كيف سلطان زعل يوم دري بملكتها : وانتِ اكثر وبحزن تصدقي سلطان حلف يحضر ملكتك الشموخ حست بخوف لا يخرب عليها ذا المجنون قاللت بقلق: ليته مايتصرف بجنون تكفين حذريه تغريد بسخريه: الي يحب ماينلام على جنونه الشموخ بعصبيه: تغريد بلا استهبال وبعدين ماهو خطب وخلاص ارتحنا من ذي السالفه تغريد : تطمني اخوي اعقل من تخيالتك وابوك هو الي حلف عليه يحضر يوم وصلني ومارفض عزيمته إلا هو ماوده ولا يفكر بعد @ @ @ @ بيت ابو معصب قالت بقهر وهي تطالع مكياجها : الله يهدي ولدك ي صقر تقول البنت بتطير ماغير لزم بذي الملكه المستعجله وش يضره لو خلاها بعد العيد الي مابقي منه شيء ابو مصعب بزعل: ي الجوهره ماعجزتي وانتِ تعيدي ذا الكلام لو ماهو حابه تجي مافي حد بيغصبك ويالله انا بمشي تأخرنا عليهم الجوهره بسرعه قربت منه ومسكت يده: لا لا تكفى لا تزعل مني تراك غالي علي وبروح عشانك وعشان مصعب بعد لا تفتكر اني ماحبه بس أنت عارف ودي كان بملكه اكبر من كذا عشان نفرح فيه ابو مصعب بابتسامه: الله يعطيك العافيه على الي يسويه فيك مصعب إلا ودك تفرحي فيه والله انك اسم على مسمى الجوهره بتمسكن : الله يهديه واخذت العطر تعطره يالله قبل يعصب علينا مافيني اسمع كم كلمه توجعني منه ...وطلعوا للصاله ..وبسرعه مسكت يده يوم شافت مصعب جالس على الكنب وهو بكامل كشخته قالت بخبث: صقور ي الغالي لو فاضي بكره بعطي ام عبير خبر عشان ابيك تروح معي ومع عناد ونكلم في البنت ابو مصعب بترحيب بالموضوع : هذي الساعه المباركه الي اروح واخطب لعناد كلميهم ويبشر بعزه والله ان فرحتي ماتقل عن فرحتي بولدي الليله الجوهره ابتسمت بخبث وهي تطالع مصعب وجهه مصعب : الله يخليك لنا ولا يحرمنا منك والله انك بتفرح قلبه وفكت يده وقربت من مصعب وهي تمد يدها : مبروك مقدماً مصعب رفع حاجب وطنش يدها وقال ببرود يقهر: انتظركم بالسياره ابو مصعب عصب طالع الجوهره الي تفشلت قرب منها وقال بهمس: تحملي ذي الليله عشاني و بأخذ حقك كله بس الحين خلينا نختصرها ونملك له ونتمم ذي الليله على خير خايف اشتبك معه يفشلني مع اخوي وانت عارفه بخلاق ولدي الجوهره بحقد وهي تدعي عليه مشت من غير ماترد عليه شافت عناد جالس بسيارته ينتظرهم طالعت ابو مصعب وقالت بقهر: روح مع ولدك وانا بروح مع عناد ابو مصعب ماحب يضغط عليها وافضل شيء الحين بعد مايجتمعون هي ومصعب : على راحتك ركب السياره وهو زعلان قال وهو معصب: ليه كذا تسوي مع خالتك مصعب ببرود ظاهري : ماعندي خاله ولا عندي حد اعترف به غير أمي بس الله يرحمها وبسخريه والحين بعد بنت العم الي الليله بملك عليها ابو مصعب طالعه مصدوم : طيب وانا ماتعترف بي بعد مصعب طالعه وقال بغصه : انت ابوي الي عذبت امي بس ذا الي أعرفه ابو مصعب هز رأسه مايبي يفتح سالفه قديمه توجعهم جميع.قال وهو يتهرب : حرك الله يهديك عمك يحترينا من مبطي والملك طقت روحه مصعب ميل فمه بسخريه هين ي عم شغلي مع بنتك والله لا اقهرك مثل ماقهرتني في أمي ... أول ماصولوا شاف سيارة خويه عادل خاف لا يسوي حركة نذاله فيه ويفضح الدنيا ... عارف خويه ضميره مايصحى إلا في الاخير ..نزل وراح لسيارته فتح الباب وركب وقال بحده وهو يناظر ابوه وعمه الي واقف عند الباب يرحب فيهم : جاي شاهد ولا بتفضح عادل بقهر ضرب الطاره: ودي افضحك وانقذ ذي الضعيفه منك بس ماباليد حيله مصعب صغر عيونه : ايوه و الزبده عادل بضيق : جاي احضر لخويي مصعب بشك : قسم بالله حركة نذاله ادفنك مكانك وتعرفني لو فصلت مافكر ولا من الحين تسهل وفك عمرك وفكني من ضميرك الصاحي عادل : مايهون علي ماحضر ملكتك حضرت ملكتك على الغريبه وبنت عمك ماحضر مستحيل مصعب حس بخوف وقلق طالعه بتحذير لا يخرب عليه نزلوا جميع ...واتجهوو للمجلس وبعد الترحيب قال المملك : يالله ي شهود طلعوا البطاقات و نقول بسم الله مصعب يطالع عمه بحقد ... فرحان الخايس نسي الي سواه مع أمي تذكر امه وهي تصيح وتقوله له تركني يوم الملكه وأبوك فزع لاخوه وتزوجني يقال يداري الفضيحه الي قالها عني عمك ... قهرني وفشل ابوي وأخوي الي ملك لي ..وطردني وحرمني من أهلي ..طلع بطاقته وهو يطالع عادل وعناد الي بعد طلع بطاقته عشان يشهد عارف بيشهد عشان خاطر ابوه أول مابدا المملك يتكلم ... صوت امه يتردد عليه وهي تقول تركني وفشل أخوي بالمجلس قدام الرجاجيل ...... خلا حتى أهلي يتمنوا موتي وحتى ديرتي كلها عافتني وليته على حق ماغير ظلم والله ظلم ..امك شريفه ي مصعب مصدقني يمه وقف وهو يحس بقلبه نار مايقدر عاد يتحمل عشان يأجل انتقامه صح ماراح يبرد قلبه من الي بيسويه بس لازم يذوقه نفس الدقه قال بحقد وعينه مصوبه على عمه : السموحه ي رجاجيل بس بنت ذا الرجال ماهي كفوو تشهدو لملكتها ولا انا املك عليها وتصير زوجه لي وقرب من عمه وهو يشوف الصدمه بعيونه وعيون الجميع ... نزل نفسه شوي وقال بفحيح كله حقد وكره للي جالس قدامه: يوم تركت أمي اخوك فزع لك وملك عليها والحين....... • • كتتتتتت حلوو لعيونكم ههههههه @ @ &نونـي بنت الجنوب& استودعتكم الله الذي لا تضيع ودائعه "الوتر احبتي" "الله يرحمك يامن اوجعني فراقك " | ||||||||
|
| |
|
26-10-17, 11:15 PM
| #108 | ||||
| نجم روايتي 
| مشكوره فيتامين ع النقل والله يعطيكم العافيه نوني ع البارت الجميل شادن وياسر ناقر ونقير وشادن مستحيل تكبر عقلها ولا ياسر يفهم صغر سنها ودلع نوفه لها وإنها عايشه يتيمه مصعب معه قلباً وقالبًا بإنتقامه مع كرهي الشديد لشموخ وتعاطفي مع أصايل ليت بس يخف عليها شوي مصعب وتقدر تحتويه يمكن سلطان ينقذ الموقف ويملك ع شموخ مع ماودي شخصيتها أبد ماتعاطفت معاها بإنتظار الفصل الجاي وأهم شي إن شاءالله تخففين علينا من القفلات الشريره | ||||
|
| |
|
27-10-17, 12:56 AM
| #109 | ||||
| عناد مسكين هو لي سيتدبس في المغرورة شموخ مصعب رد صاع لعمه وضربة قوية قدام الناس ياظي شدن تتير عصبيتي تتعامل كانها بنت ام تمان سنوات ستفقد ياسر عقله بتصرفتها صبيانة وامها نوفة مجرياها في استهتارها لازم تشد شوية عليها كي تستقيم وتتعدل وتعرف بحق الحياة والمسؤلية نوني سلمت يداك بارت جميل متحمسين للاتي في انتظارك | ||||
|
| |
|
27-10-17, 09:52 PM
| #110 | ||||
| نجم روايتي وفراشة الروايات المنقولة 
| تسلمين نوني. ابدعتي جد شدن سبيلها قص السان لا حد يحكي بزر وصغيره نوو. هي كبيره وتفهم بس اللفافه ونقل القال والقيله فيها وهي صفه عديمه تربايه ومن غير ادب يا رب ياسر يفرجها النجوم بعز القليله ويربيها من جديد تستاهل شو ما بجيها تحب الفساد والكذب مصعب حالتك صعبه ما عندك نحوه ومرجله عاللي صارت زوجتك اصايل تطلع مراجلك فيها وتعايىرها. ابوها لعين طلع وخسارته الفزعه اله الشموخ خلي بكسر خشمك تستاهلي تسلمين احلا ناقله فيتامين سي يا عسوله. وكل الناقلات | ||||
|
| |
|
| أدوات الموضوع | |
| انواع عرض الموضوع | |
|
|
20Likes
.png)
العرض العادي
