18-04-19, 01:42 AM
| #1131 | ||||||||
| مراقبة عامة ومشرفة منتدى الروايات المنقولة  
|  لها يومين ماذاقت النوم من كثر القهر والعصبيه اللي فيها ...وكل ماتدق مقفل جواله ...أكيد بيقفله بعد مالهف المبلغ ...رفعت الجوال وبدت تجرب تدق عليه أول ماسمعته يرن قالت بقهر اخيراً ي ***** أول ماسمعت صوته صرخت بعصبيه : الحين مات هاا يال******* أنا اللي بموت من القهر قفل عيونه وطالع خويه وقال : اوه السبه ذي كبيره والله وفيها حق صرخت بعصبيه : عزيز وش اتفقنا عليه صرخ وهو يقاطعها : وش اسوي ولد رجلتس ذا أبو سبع ارواح سويت الي علي بس الرجال ربي كاتب له عادي سلم هالمرة المرة الجايه اجيب لتس خبره ليه العصبيه الحين الجوهرة بقهر من بروده : أنت كفوو تجيب لي خبره والله مااانت قدها بس انا استاهل وثقت فيك بزياده وقالت وهي تقلد صوته بقهر اعتبريه ميت ومن هالكلام المأخوذ خيره بس كله من كبيرك يالتعبان عزيز ميل فمه وقال :اووه شكلك ناويه جلد والله مدام باقي مستمره بالسب بشكيك وأخليهم يعلقونس من كراعينس على ذا السب تسبيني فيه الجوهرة بعصبيه : لك عين بعد تشكيني لكن اقسم بالله لا ادفعك كل ريال اعطيتك هوو عزيز قال ببرود مستفز : طيب تمام انتطرك وياليت تستعجلي عندي مهمه كبيره بسويها ومابي انشغل بتفاهتك خلينا نفضها سيرة الجوهرة قفلت بوجهه وهي معصبه حدها ذا اللي بيجنننها ...ماعمر حد تعاملت معاه وكلمها كذا الكل يخاف منها ويحترمها ...رفعت جوالها يوم رن شافت رقم عبيرر قفلت عيونها بيبي مو وقتك أبد بس اطرت تفتح الخط ماهي ناقصه لسان سوسو لو طنشت بنتها ...قالت بمجامله : هلا بالحلا صرخت بدلع : تعالي الحين وشوفي صرفه مع ولدك مالي شغل مقدر اتحمل أكثر من كذا الجوهرة عضت شفتها بقهر أخذت نفس بطولة بال وقالت :اهدي بيبي مايصير ذي العصبيه عشان اللي في بطنك بس وابشري بس يجي عمك صقر واشوف وضعه وشلون واجي عبير : راح تجي اوكيه وقفلت الجوهرة عصبت من قلب دلعها صاير زايد وماراح تتحمله..هزت رأسها اوه يالجوهرة وقته الحين تنشغلي بسخافة عبيرر .... طالعت صقر يوم دخل الغرفة قالت وهي تتمنى يبشرها بخبر موته : وشلونه مصعب ابعد الشماغ بتعب وجلس وقال بحزن : مثل ماهو وحالة زوجته بعد تكسر القلب اليوم هبت علي وسمعتني كلام وجعني أكثر من الوجع اللي بقلبي وبعدها رقدوها ب مهدي حالتها أبد ماتسر الجوهرة بحقد وكره لهم الاثنين يارب يأخذهم جميع قالت بكذب : الله يصبر قلبها ويقوم مصعب بالسلامة يالله ياصقر صياح ولده عادل قطع قلبي كأنه حاس بالي في أمه وأبوه وماغير خالته رايحه جايه فيه وهو رافض يسكت ... أبو مصعب هز رأسه بغصه وقال :الله كريم قادر على كل شيء ... الجوهرة :نام لك شوي من الصبح وأنت واقف على رجولك أبوه مصعب هز رأسه بتعب : وين أقدر انام ومصعب حالته كذا وبعد الحين خويه بيجيب لي اغراضه الي كانت بالسيارة تحس الأرض لفت فيها لف ....ليه ماعملت حساب ذا الشيء قالت بتوتر وخوف : ايش من أغراض طالعها وقال : مدري بس يقول المحفظه وبعد فيه اوراق بالسيارة اكيد تخص الشركه ومدري وش فيه بعد وقفت بتوتر لازم تسوي شيء جت بتطلع بس وقفت وقالت بستفسار : مين من اخوياه اللي جاي طالعها مستغرب من سؤالها قال :ليه تسألين هزت رأسها بتوتر : لا بس بخلي الخدامه تجهز ضيافه وبعرف كم عددهم سكتت ماتدري وش تقول وش تبررر هز رأسه وقال : عادل الي جاي وماظنتي بيجلس أكيد بيرجع المستشفى أبد ماخلاه جالس عند باب غرفته والله انه حبيب وفي لمصعب لا لا لا صدمه عادل ..ماغيره مصيبه ...وقعت فيها الحين وشلون ..:تبقدر تتصرف ...طلعت ...وهي تسمعه يمدحه بسرعة دقت ...رقم عزيز بس قفل بوجهاا الله يقلعه ...رجعت دقت رقم زيد ..جاها صوته قالت بعصبيه : حلفت معاد اطلب منك خدمة من كثر خيبتك بس وش اقول حدني الزمن طالع عزيز اللي يقول له حطه اسبيكرر وقال : وش تبين قالت بقهر : سوي اي مصيبه بس امنع عادل لا يصل صقر تراه جاي بالطريق عزيز أخذ الجوال وقال :الحين توكلين هالمهه هالفاهي الجوهرة بقهر :ماشاءالله وكلتك قبل وشفت ابداعك ضحك عزيز بصوت عالي وقال :اسمني ماقصرت طرحته لك بالعناية وياعالم يمكن مايقوم ولا لو قام فاقد عقله الجوهرة وعينها على باب الغرفة قالت وهي صاكه على سنونها :اعطني زيد بسرعة عزيز وهو ياخذ نفس من الحشيش اللي يشربه : حلفت ماغيري يخدمك امري تدللي يالعجيززز الجوهرة قال غصب عنها وهي منذله له :عطل جية عادل باي مصيبه حتى لو تلحقه بخويه وترقده جنبه عزيز ابتسم : لا كذا كثيرر وش قايلين لتس بالله اشتغل بالمرور عشان امشي واوقف الي ابي الجوهرة صرخت بقهر : اعطني زيد بسرعه عزيز ضحك وقال :لااااا صاحبي مشغول وقفل بوجهااااا صرخت من القهر بس بسرعة كتمت صرختها خايفه من أخت اصايل لا تسمعها .... وبعد صقر ... أفضل شيء تروح لبيت عناد لو صار شيء ولا شيء تكون في حمى ولدها ...دخلت الغرفة شافته قدامها متمددد قال : وين ابطبتي فركت يدها بتوتر وقالت : امم صقر لازم اروح لبيت ولدي الحين عقد حواجبه مستغرب : الحين الجوهرة : ايه صايره مشكله بين عبير وعناد ودقت الحين علي عبير ورايحه اشوفهم ولو بس ماراح اعرف ان سوسو بتزعل مني لو طنشت كان مارحت وخليتك ارتبك يوم جابه سيرة سوسو قال بسرعة : روحي روحي شوفيهم .... الجوهرة هي تلبس العباية : اسفه حبيبي بخليك لحالك وهزت رأسها ابلشت نفسي بذي الزواجه .... وطلعت كلمت السواق وبسرعة راحت لبيت عناد وهي خايفة وحالتها حالة ....فكرت تنتظر عادل برا وتقدر تأخذ من الأغراض بس مستحيل يعطيها عارفة مين عادل هذا يفدي بروحه عن مصعب ... @ @ @ حطت يدها على شعرها وهي تمسده لها : يمه ماتعبتي وأنتِ جالسة تسذا صدقيني جلتس هنا ماراح تنفع يالله لغرفتس ارتاحي واعدتس كل شوي نجي نشوفه طالعته .... ودموعها تنزل بحرقه ...كان بعالم ثاني ماتتخيل تشوفه بذا الضعف طالعت أمها وقالت بوجع : ودي المسه بس عشان اطمن مسكتها من كتوفها : ماعليه يمه بتطمني والله الله كريم وبيفرح قلبتس صدقيني الحين يالله ارتاحي شوي مشت مع أمها وقلبها موجوع حده دخلت الغرفة ونامت على السرير بمساعدت أمها جت بتتكلم بس أمها قالت : يمه ارتاحي ومن الصبح بكره بنروح ونشوفه ومن ساعة لساعة فرج .... همست : وشلونه عادل أمها وهي تغطيها : بخير ماعليه عنده شمسه تحوفه لا تشيلي همه .... همست بتعب : خليها تجيبه الحين فتحت عينها وقالت : يمه وين تجيبه اللحين والزيارة أنتهت الحين نامي وارتاحي ومن بكره بتجيبه لتس طالعت أمها وقالت بغصه : حي يمه مصعب بس خايفه افقده ماراح اتحمل ضمتها وهمست لها : الله يقر عينتس فيه يمه وابعدي اي افكار توجعتس وتأملي يمه خير الله كريم وقادر يرجعه لتس ولبيته | ||||||||
|  |
|
18-04-19, 01:55 AM
| #1132 | ||||||||
| مراقبة عامة ومشرفة منتدى الروايات المنقولة
| طلعت للصالة شافت أمه وعبير قدامها ..تفأجات بوجود أمه .....طنشت وراحت ...للمطبخ من غير حتى ما ترد السلام سوت القهوة مثل ماأبوها يحبها وحضرت جنبها ضيافه ...وطلعت وهي حاملة الضيافة ...اتجهت للمجلس وهي تحس ب نظرات عناد عليها .. قفلت عيونها بقهر يوم أمه قالت : كفار حنا عشان ماتسلمين الشموخ طنشني طنشي وكبري عقلك شوي وترتاحين من ذا العذاب ....وأبوك كلها يومين ويأخذك معاه تحملي مابقي شيء ....حست برعب لو قالت له هنا ...ياترى فعلاً بيأخذها معاه ولا راح يتبرى منها ....أفضل شيء ...تقول له انها بتسافر معاه وهناك لاوصلوا وقتها تقدر تتكلم بذات بوجود أمها وأختها .... حست بعناد وراها رفعت حاجب وحطت الضيافة وجت بتطلع بس وقف بوجهاا وقال وهو عاقد حواجبه : مين جاي ابتسمت بسخرية لسؤاله مين بيجي غير أبوها يعني قالت ببرود مصطنع :خليها مفأجاة عناد ميل فمه وقال: وش ناويه عليه الشموخ ابتسمت :كل خير حبيبي لا تشيل هم صغر عيونه من سخريتها بالكلام قال بحده :تتوقعي رآح اسمح لك تقولين له الشموخ قربت منه وقالت بهمس : ليه ماتسمح عناد بعصبيه :تبين تفضحينا كله عشان مفكرة أخو صديقتك يجي يخطبك الشموخ ابتعدت وقالت وهي معطيته ظهرها :وش لك تنفضح لو فيه فضيحه لي وحدي ومالك دخل بعدها انخطب انقبر مالك كلمة علي عناد بقهر :لا وأنتِ الصادقة الفضيحه بعد طايله أبوك وبعدها صدقيني ماراح تقدرين توصلين للي في بالك الشموخ طالعته وقالت :قلتها بنفسك طايله أبوي أنتِ وشلك وطلعت من المجلس لحقها وقال بعصبيه : ماراح اسمح لك فاهمه طنشته ودخلت الغرفة وصفقت الباب بوجهه طالع أمه وعبير وهو معصب حده طلع برأ الشقه مافيه يتحمل نظراتهم ...له وشلون فشلته قدامهم همست لها :اخخخ شفتي كيف ولدك ميت فيها لدرجة تغلط عليه مايقدر يسوي لها شيء أما انا ياحسرة بس يصرخ علي ... الجوهرة أخذت رشفة شاي وهي حدها مستانسه من شوي كلمت صقر ولا جاب لها سيرة عرفت ان عادل ماعطاه السيدي قالت بخبث :خليك من ذا كله سمعتي عناد وش قال لها قال بتفضحينا ولا مفكرة أخو صديقتك يجي يخطبك السالفة فيها إن خلينا نركز في الكلمه ذي ونعرف وش وراها وايش السببب فاهمه بيبي نركز هنا لآن المشكله بينهم شيء كبيررر .....والله أعلم وذا أخو صديقتها مين وابتسمت بمكر ورفعت يدها : يومين بس وأجيب خبره .... عبير ابتسمت بفرحه وهي ترمي نفسها بحضنها وقالت بدلع:ايلافيوووو جوجو ====== بالغرفة حاولت تهدي نفسها شوي ...وقامت رتبت شكلها عشان تستقبل أبوها بعد مارتبت شكلها جلست على السرير تنتظر ... ..مستغربه شوي وتجي 11 وأبوها ماجاء مسكت الجوال ودقت عليه ...بس تعذر منها انه كان جالس مع عمها وبعدها انشغل ...قفلت وابتسمت بحزن ،، على اللي صار لمصعب ...أول مادرت بخبر حادثه والحالة اللي ...هو فيها كانت فرصتها تتشمت ...بس ماقدرت ...مهما كان ولد عمها ودمهم واحد ...بس وكاد عقاب له ،،، على اللي سواه فيها وفي أبوها ... سندت نفسها على ظهر السرير ...ورفعت رأسها وهمست ..طيب والعقاب اللي أنا فيه ...متى ينتهي ولا ماينتهي إلا لما افضح نفسي عند أبوي... والله أعلم برد فعله ...مثل عناد ولا اقوى ،،،،، حسيت بمقبض الباب يتحرك ...طنشت ومافتحت الباب ...شوي وصلني صوته : شموخ افتحي طنشت وصديت للناحيه الثانية بس يوم قال أبوك بالمجلس,,,, فزيت واقفه ...طرت للباب وفتحته وبسرعة اتجهت للمجلس ..وأنا اسمع الزفت أمه تقول على هونك لا تطيحي على وجهك أول مادخلت شفته قدامي بسرعة ركضت له ورميت نفسي بحضنه وأنا اصيح همس لي : ياعين أبوك علامك كذا تصحين همس الشموخ :صياحك مايطمن هزيت رأسي بلااااا وقلت :وحشتني بس أنت وماما وأميرة وبعد ليه تآخرت كذا عض شفته مقهور على حال بنته ...تغيرت حيل حتى نظرتها ماعادها نظرة الشموخ ..كل شيء فيها هزيل ....حقد على عناد أكثر .... مستحيل يسكت على هذي المهزله ماهو مستعد يخسرها حط يده على كتوفها وقربها منه وجلسها جنبه وطالعها بشفقه وهو يرفع خصلات شعرها النازل على وجهااا قال بغصه : آسف يبه طلعت من بيت عمك ورحت لواحد كنت بقابله عشان موضوع بيع الفله بس حلف علي ومسكني للعشا فتحه عينها بصدمه :بابا بتبيع الفله نزل رأسه وقال :ملفس حدي وماعندي إلا ابيعها وبعدين خلاص أنا استقريت بجدة هنا مالي سكن حزنت عليه حدي الله يسامح اللي دهور حالتك كذا همست له : طيب اخبار ماما زفر بضيق وقال : قلبها يأكلها عليك وبذات مع وضعك مع زوجته الثانية وسكنكم في بيت واحد كل يوم تقول وشلون الشموخ تتحمل بنتي واعرفها..وهي صادقه واضح يالشموخ قد ايش متأذيه منهم ومستحيل اسكت أكثر من كذا وسكت يوم عناد دخل .... الشموخ عضيت شفتي وطالعت عناد حسيت بعيونه تهديد مبطن وبنفس الوقت ابتسامه خبيثه بلعت ريقي وقلت بكذب : بابا تطمن أنت وماما أنا مبسوطه حدي وطالعت عناد وكملت بسخريه مايقصر زوج الثنتين رفع حاجب وقال : ولوو لازم من العدل ولا تبيني أخذ آثم وسكت ماحب يدخل عليهم المجلس هي وأبوها وبذات وهو عارف حقد أبوها عليه ...بس خاف تقول شيء له ...وهو مايبي ذا الشيء أبد ...وبنفس الوقت يلوم حاله لمتى بتكون كذا بينهم الحياة لهو راضي يعتقها ولا راضي يسامحها ....حتى هي معاد فيها تتحمل وبترمي نفسها بالنار أكثر وأكثر عارف أبوها ماراح يعدي الموضوع كذا ..هز رأسه بقهر حتى بعد اللي سوته فيك ياعناد بعدك خايف عليها أبو أميرة صد بزعل وطالع بنته وقال :الحين يومين بس اطمن على ولد عمك وماشي لجدة تجهزي تجي معي تغيرين لك جوو وتشوفي أمك وأختك وبعد تحضرين خطبتها اللي تأجلت بسبب حادث مصعب الشموخ طالعت عناد وقالت بتوتر : اوكيه أبو أميرة وهو يقربها له ويضمها وحشته حيل قال : ودي أخذك معي على طول والله عناد حس بقهر من كلامه بس مسك نفسه سند ظهره وقال : ماشاءالله الله يتممم لبنتك وطالع الشموخ بتحدي بيشوف وشلون تقدر تسافر ... وقف أبو الشموخ وقال : أنا بمشي الحين بسرعة الشموخ وقفت ومسكت فيه وقالت بغصه : لا تروح وتخليني وطالعت عناد ودها تقول له وترتاح من ذا العذاب وبنفس الوقت خايفه لايزيد عذابها شافت بعيونه تحذير وبنفس الوقت تحدي لها نزلت رأسها وقالت وهي متوتره ومرعوبه من رد فعل أبوها : يبه أجلس ب ... بسرعة عناد تدخل وقال : ياعم باقي بدري ومأخذيت ضيافتك على أكمل وجه أبو أميرة بجمود : ضافتك وصلت عناد بعتراض : لا وش دعوة أبو أميرة وهو يطالع الشموخ : يبه مقدر اطول بروح انام ورايه قومه من الصبح عشان لازم انهي كل شيء قبل السفر وخليك جاهزة اي وقت ادق عليك واقولك نمشي وطالع عناد مثل اللي يقوله ماراح تشوفها عاد عناد أبد مارتاح له بذات لنظرته مثل اللي يتوعده بشيء .... الشموخ طالعت عناد وقالت وهي رافعه رأسها بشموخ تبيه يشوف كيف هي قويه وتقدر مهما حاول يكسرها أبوها سند لها صح الحين قطع عليها ماخلاها تقول اللي تبي بس تشكره على هالتدخل لان لا الوقت ولا المكان مناسب ومافيها تشمت عبير والجوهرة عليها قالت بثقه : أنا جاهزة يبه لو تبي الليله نمشي ماعندي شيء سكتت يوم عناد قال : والجامعه رفعت حاجب وقالت : بأخذ إجازة ولا أجلت ترم مايضر عناد حس بقهر أبد جية أبوها هذي ماهي وقتها بس هين لو خلاها تسافر طلع من المجلس وخلاها هي تطلع أبوها ابتسمت بتشفي ..تحب تشوفه بذا الوضع ..سلمت على أبوها واتفقت معاه وطلع أول ماقفلت باب الشقه طالعته قدامها بالممر ينتظرها قال بعصبيه : ماهو موافق ميلت بوقفتها وقالت ببرود مستفز : على عناد استغفر الله بصوت منخفض وقال بصبر :سفرية مع أبوك ماراح تسافرين الشموخ ميلت فمها وقالت وهي تدخل المجلس : وليه عناد عض شفته بقهر ولحقها وقال : كذا انحنت و أخذت الضيافة اللي أبوها رفض يمد يده عليها ..بس حست فيه وهو يسحبها بقوه ويقربها منه وقال وهو صاك على سنونه :افهمي شيء واحد وقت ماتطلعي من هالبيت بيكون بمزاجي أنا وأنا بنفسي اللي ارميك له ماهو اللي يجي يأخذك الشموخ رفعت يدها وهي تحاول تفك نفسها وقالت بقهر : مريض والله عناد بعصبيه : المريض والله قادر يخليك تلفين حول نفسك وشوفي كيف تسافري الشموخ بعناد : بسافر وبحضر خطبة أختي وبعدها بنفسي بقول له كل شيء بس ينتهي موضوع أميرة عناد ابتسم على جنب وقال بخبث : أجل لو تمت خطبة اختك ذي اللي فرحانين فيها ماكون ولد أبوي والله لا أفضحك قبل تصير ذي الخطبه الشموخ فتحت عينها بصدمه من وقاحته قالت بقهر : توقعت كل شيء منك بس ماهو بذي الطريقه وش ذنبها تخرب عليها أميرة طول عمرها تحترمك عناد بحقارة : تتحمل ذنب أختها الشموخ عضت شفتها ودموعها نزلت ياربي متى بتتحمل هالذنب ولمتى بتدفع ثمنه ....وغيرها بعد بيدفع ثمنه عناد ابعدها عنه وقال : لا تستفزيني عشان ماطلع احقر شيء عندي الشموخ بغصه : عناد ودي بشوفة امي وأختي لا تحرمني تكفى من هالسفرية قاطعها وقال بقساوة : أنا لي القرار وقت مااقرر تشوفينهم ماهو كذا خبط لزق أبوك يعرض عليك وأنت وافقتي على طول حتى بدون ماتشاورين لهادرجة بعينك صغيرر الشموخ عرفت ان الكلام معاه ضايع طلعت من المجلس وأتجهت .. لغرفتها وقفلت الباب عليها وسندت ظهرها على الباب ونزلت للأرض تصيح بحرقه ....معاد تقوى والله اللي يصير لها ... """""" بسرعة يوم شافت عناد ...رآح للغرفة وقفل الباب طالعت أمه وقالت : من اللي سمعناه فهمتي صح مثل مافهمت تبي تسافر والسيد رافض عضت شفتها بقهرر...هذا لمتى بيخليها عله على قلوبنا الجوهرة بخبث : السفرية ذي صدقيني بعدها ماراح تشوفين وجهااا .... عبير بقهر : ايه هين ولدك يقدر على فراقها الجوهرة ابتسمت بحقد : لو مو هالمرة المرة الجاية صدقيني حطيتها برأسي وبجيب خبرها عبير هزت رأسها وقالت ...بيجي يوم وأقدر اكسبك ياعناد وماراح أخليك تشوف غيري ..وذي الدخيله علينا بتقلعها بنفسك حطت يدها على بطنها وهمست ...متى تجي ياروح ماما وقتها نقدر على بابا ....طالعت الجوهرة يوم قالت : روحي شوفيه فرصتك ولا اوصيك بالدلع خليه يحس انك جنبه ولا تجيبي سيرتها اوكيه انسي الشموخ عنده حتى لو النار تحرق قلبك حرق وقفت بتردد تخاف منه وقت مايكون معصب .. يتحول ويصير شخص ثاني ....دخلت الغرفة شافته جالس على السرير ويطالع الأرض رفع عينه لها ونزل رأسه ..قربت منه بدلع وقالت :عسى ماشر طالعها وقال :عبيرر تكفين لا تسألين عبير عضت شفتها وقالت : بطمن عليك عناد وقف وقال : اطلع أفضل بسرعة مسكت يده وقالت : آسفه ماراح تسمع صوتي رجع جلس وهو يزفر بعصبيه ...طول الوقت عينها منه متسغربه جا لغرفتها دايم لو عصب يطلع من البيت ولا يروح غرفة المكتب ..بس بعد مرور نص ساعة ابتسمت بمكر وقربت منه وقالت بخبث :يارب انك هديت شوي طالعها بنص عين وصد تشجعت أكثر وقالت : خليها تسافر وصدقني والله حياتنا بتصير وش زينها لا مشاكل ولا مصايب وسكتت شوي صدقني المصايب الي جايه ماراح تقواها وسواتها مافي حد يتحملها وبذات وأنت دمك حار وحطت يدها على فمها وقالت : استغفر الله يارب عقد حواجبه لفته طريقة حكيها قال بستفسار : اي مصايب تقصدين هزت رأسها بخبث وقالت :استغفرالله عناد مقدر اتكلم خلاص عناد اعتدل بجلسته وقال بعصبيه : عبيرر تكلمي وش عارفه عنها وبصرخة تكلمي عبيرر قالت بتمثيل وهي مرعوبه : عناد خلاص لاتخوفني كذا عناد شوي ويفقد اعصابه قال : بسرعة قولي وش تعرفين عنها ولا خليتك تنطقين بطريقتي عبير يوم شافت وشلون رافع يده حست برعب صدق قالت بصدمه : يعني وشلون راح تمد يدك عناد هز رأسه بقهر : عبيرر اخلصي علي مابي افقد اعصابي عليك عبير رفعت يدها وقالت بخبث وحقاره وناسيه قذف المحصنات وش عقابه :مدري بس احسها ماهي خاليه ومصيرها تنكشف عناد بعصبيه مسكها من فكها وقال بقهر : لو اسمعك تعيدي ذا الكلام اعتبري نفسك مطلقه فاهمه مطلقه عبير فتحت عينها بصدمة ...الحين مفروض يعصب على الشموخ ماهو عليها قفلت عيونها يوم طلع وضرب بالباب بقوة طلعت وراه بسرعة وهي تصرخ :اشوف وش يطلع معك طالعت الجوهرة وقالت بقهر والله هذا ماينفع معاه شيء معمي ومنتهي يفهم بالمقلوب اللحين أقوله حكي حريقة بدل مايروح يذبحها يعصب علي الجوهرة بطفش من مشاكلهم اللي ماتخلص : وش صار عبير بقهر جلست جنبها وقالت :يادوب بس اجيب سيرتها هب علي الجوهرة لطمت بوجهاا : وش قايله لك من شوي لا تجيبي سيرتها أبد عشان تقدري تكسبيه بيبي وشلون تفهمين عبير بقهر : مقدر مقدر قلبي محروق منها ماهي معطيته وجهه وهو ميت عليها وأنا اسوي كل شيء عشانه وهو مايطيقني واحسه يجاملني والله ورفعت يدها يوم جت بتتكلم لا تقولين يحبني لا تكذبي علي أنا عارفة كل شيء بسرعة الجوهرة ضمتها وهمست لها وهي تمسد على شعرها : وربي لااجيب لك حقك كله منها اعطيني بس مهله وصدقيني بنفس هالمكان جالسه تصحين راح تحتلفي وقولي ماقلت ...ابعدتها شوي ومسحت دموعها بكف يدها وقالت بيبي ياعمري روحي اللحين ارتاحي ماهو زين لك العصبيه وقفت وقالت بحقد وربي ماراح اخليهم الاثنين ودخلت غرفتها .... الجوهرة هزت رأسها بطفش مالت عليك بس ...والله لو دريت مازوجتك لولدي صدعتي رأسي ورأسه المسكين ...أنا ناقصه أنشغل بمشاكلك التافهه ،،،،،طالعت جوالها وهي تنتظر اتصال مهم .....رفعت رأسها وقالت :قدرت تطلع منها مصعب هالمرة ابتسمت بخبث الجاي اعظم ياروح أبوك بخليك تتمنى الموت ذا اللي فلت منه ....أول مارن جوالها طالعته وقالت وهي تزفر ..أخيراً فتحت الخط وقالت بحقد :تقدر توفر لي حد يعطي عادل علقه محترمه تخليه يفقد صوابه وتجيب السيدي ولا لا اخلص لو ماتقدر ومثل اللي دايم ترسلهم لا تخليني اضيع وقتي معاك قال بحده :وش يدريك ان السيدي معاه الله يشغلك اشغلتني هالفترة الجوهرة صكت على سنونها وقالت بقهر :متأكده اخلص ولا بتروح فيها معي وقفلت بوجههه رن جوالها مرة ثانية طالعته وهي متأكده انه هوو رجع يدق بس شافت رقم عزير عضت شفتها بقهر وش عنده ذا اللحين فتحت الخط وقالت بعصبيه : نعممم قال بضحكه خبيثه :أقول من تووو متصله ومزعجتنا وخايفه و بتموين من رعبك والحين طالعة مع الشايب كيف قدرتي تلعبي عليه يوديك الفندق والشايب المخرف ذا بعد ناسي حالة ولده ورايح معتس فندق ..ياخبثك ياشيخه .....وشلون قدرتي عليه مع هالظروف .... فتحت عينها بصدمه وقاطعته :أنا طالعه معاه فندق قال بخبث وهو يعلي صوته ويطالع زيد اوه شكلنا علقنا الشايب مع جوجو قال بتمثيل :اوه آسف آسف شكلي غلطان صرخت بقهر : عزيز .مين اللي شفتها مع صقر ..... ===== == كتتتتتتت ...... امممم عارفة اللحين الشماته اشكال واللللوان من جمهور المجنون ..بس تصدقون وش اللي خلاني اغير رأي عن فكرة موته تعليق ...بالمنتدى المجاور تقول ماتبي حزن فقدت زوجها من فتره ...هنا وقفني ذا التعليق قلت عشان خاطرها بغير فكرتي والحين ادعو لزوجها يابنات الله يرحمه ويجبر قلبها مصابها كبيرر ...الله يصبرها يارب ويالله الحمدلله على سلامتة ذا المجنون وربي انه بيرجع يحوسني بس ماعليه نوني له بتقصف عمره لكم واشهدوو عليه ياجمهوره لو غلط لا أحد عاد يلومني باللي بسويه فيه وهذا آخر انذار لكم عقلو ولدكم ولا أنتم عارفين نوني تبي بس إشارة عليه ====== == سبحان الله وبحمده سبحان الله العظيم ( الوتر أحبتي ) "الله يرحمك يامن وجعني فراقك " | ||||||||
|
| |
|
18-04-19, 02:11 AM
| #1133 | ||||
| عارفه نونى بقولك شئ اول مره اعترف فيه اخويا مات من فتره سوى حادث واتوفى فى الحال الناس كانت بتدعى ليه بالثبات والرحمه والمغفره وانا بقول يارب يكون فى غيبوبة ويصحى حتى بعد ما اندفن وصارت تحت التراب اقسم بالله العلى العظيم من حرقة قلبى كنت بدعى يكون حى ويقوم من قبره متخيله وصلت لدرجه من الجنون كل إللى يشوفنى يقول خلاص اتجنت عشان كدا موت مصعب فى الروايه أثر فينى | ||||
|
| |
|
18-04-19, 03:07 AM
| #1136 | ||||
| صباح النور نوني بجد فرحتيني برجعت مجنونا ده انا اقبلت ع قراءة البارت بنفس مفتوحة ده انا من فرحتي حتى المواقف المحزنو ما حسيتها بارت حلو و مفرح ربنا يقوم مجنونا على خير و شدن ربنا يحنن قلب ياسر عليها اتصور زوج امها مو كويس و ده يخلي ياسر يرجع بيها شفتي يا نوني الفرح كيف تخلي الواحد منفائل بس شموخ هي الي مو لاقية لها حل اتصور عناد راح يصدق عبير و يغلط فيها مما يخلي الكاس عندها يفيض و تكشف كل شيء لابوها او احتمال اكتشاف الجوهرة لخيانة زوجها و سوسو لها تكون بصالح شموخ و مرسي مرة ثانية ع عودة حبيبنا و موفقة دايما حبيبتي | ||||
| |
|
18-04-19, 10:28 AM
| #1138 | ||||
| [QUOTy200;14155889]عارفه نونى بقولك شئ اول مره اعترف فيه اخويا مات من فتره سوى حادث واتوفى فى الحال الناس كانت بتدعى ليه بالثبات والرحمه والمغفره وانا بقول يارب يكون فى غيبوبة ويصحى حتى بعد ما اندفن وصارت تحت التراب اقسم بالله العلى العظيم من حرقة قلبى كنت بدعى يكون حى ويقوم من قبره متخيله وصلت لدرجه من الجنون كل إللى يشوفنى يقول خلاص اتجنت عشان كدا موت مصعب فى الروايه أثر فينى[/QUOTE] انا لله وانا اليه راجعون الله يرحمه و يغفر ذنبه و ربنا يجبر قلبك جبر يليق بجلال وجهه و عظيم سلطانه و يربط على قلبك كما ربط على قلب ام موسى | ||||
|
| |
|
18-04-19, 10:36 AM
| #1139 | ||||
| ان شالله هذا الحادث خير لمصعب و يتشافى و يوخذ حقه و حق امه من الجوهره و يكشف خبثها و نواياها العاطله و يعيش هو و اصايل و ابنه مرتاحين و يعرف انه عادل مظلوم اما بالنسبة لعناد اما بعامل الشموخ مثل الخلق و العالم او بطلقها ليش معذبها و معذب حاله يا اخي سامحهاو عيشوا حياتكوا و امه رح تقلب ع عبير بعد ما تكتشف انه صقر متجوز امها سوسو و رح تنكسر شوكتهن الثنتين و شدوووون ان شالله تتأقلم مع امها و اخوانها و ترتاح او يرجعها ياسر معه و يواجهه ابوه و يعيشوا سوا مرتاحين سلمتي نوني مبدعه كعادتك ♡♥♡♥♡ | ||||
|
| |
|
18-04-19, 12:17 PM
| #1140 | ||||
 
| مساء النور والسرور بارت رائع يانونه الجميله رجوع مصعب ريحنا كثير اكيد لانه بيغيره للافضل سواء برجوعه لزوجته وخوفه على ولده او تقويه علاقته بعادل صديقه حتى يمكن له ربط بامه وتبرئتها الي يمكن تأثر على تبرئة شدن ورجوعها ياسر بدى يرتبط عاطفيا بشدن وهذا اكيد بيمنعه من الطلاق عناد متعب جدا واخذ من اسمه وعندي توقع استغفر الله ان عبير حامل قبل ما تاخذ عناد وهذا لو اكتشفه بالاضافة لزواج امها من ابو مصعب بعجل بالانفصال عن عبير الشموخ فرصة لو سافرت في معرفة ابعاد موضوعها مع عناد بهدوء ننتظر جديدك حبيبه بالتوفيق سلام | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
