30-06-19, 02:24 AM
| #1204 | ||||||||
| مراقبة عامة ومشرفة منتدى الروايات المنقولة  
|  اللهم إني أستغفرك وأتوب إليك سبحان الله والله أكبر والحمدلله اللهم صل وسلم على نبينا محمد (صلوعليه ) @ @ @ { 53 } @ @ مد يده ومسك يدها وقال وهو عارف وش اللي بيصير : شدون أنا ..... دفت يده وقفت وقالت بكبرياء مجروح :خلاص عرفت ردك وقف وقابلها وجا بيتكلم قاطعته وهي تحط يدها على شفته تمنعه يتكلم ماتبي تسمع رفضه لرجعتها :قلت لك خلاص عرفت ردك لا تبررر عآرفة أنت مستحيل توقف بوجه أبوك وعارفة بكل شيء بتقوله وعارفة المواجهه صعبه قدام أبوك واعطته ظهرها وهي تأخذ شنطة اليد وتسوي نقابها ردني لشقة أهل أمـي قالتها بغصه تكذب لو تقول ودها ترجع أبد ماودها ترجع او تجلس ثانية هناك لا المكان مكانها ولا البلد كله بلدها تحس بغربه بينهم ناس ماتعودت عليهم فجأة قالوا لها ذولا أهلك ...شافته ماتحرك من مكانه يطالعها بدون مايتكلم قالت بغصه :ياسر يالله ردني للشقة مافيني أجلس هنا أكثر وأنا عارفة اني ثقيله عليك قرب منها وقال وهو يمد يده ويبعد النقاب من على وجهاا وقال بأبتسامه :وأنا بعد مافيني أخليك هنا وارجع أبها بدونك ومين قالك انش ثقيله علي طالعته تستوعب .... أبهـــا لا لا نطت من الفرحة ...مسكت فيه وقالت وهي للحين ماهي مصدقه :صدق بترجعني معك أبها أبها يا ياسر صدق اللي تقوله ولا تكذب علي وتلعب بمشاعري تكفى لو تبي تنتقم مو كذا لا تلعب بمشاعري بشي أتمناه تكفى ورحي متعلقه فيه ضحك عليها وقال :انتقام مره وحده يالله على العقل اللي موجود براسش وضيعش وضيعني معش طالعته للحين ماهي مصدقه يعني بترجع لحياتها اللي تحبها جلست على السرير وهي تحاول تستوعب رفعت رأسها وطالعته وهي مبسوطه ماهي مصدقه ولا قادره تعبر عن اللي تحس فيه عضت شفتها تمنع دموعها تنزل .... وأشرت على نفسها وهمست وهي تحت تأثير الصدمه : أنا برجع أبها أنا برجع لأمي رفعت عينها له تطالعه ماتدري كيف تشكره حس قلبه ارتاح يوم شاف فرحتها حتى هو يحس براحه والضيق اللي كان يحس فيه كله رآح صح بيواجهه... مشاكل ومصايب من أبوه ..بس مابيده حيله قلبه مايقويه يخليها وهي محتاجته ...طالعها يوم قالت والقلق واضح بصوتها : طيب وأبوك وشلون زفر بضيق يالله كأنها حاسه باللي يفكر فيه قال بهدوء :الله كريم وقفت وهي تسحب النقاب اللي رماه على السرير : يالله آجل ردني لأمي نوفه مافيني عاد أتحمل غيابها فتح عينه بصدمه من طلبها: شايفة بيت عمتي نوفه في الحارة الثانية شدن هزت رأسها بلاااا: طيب يالله قوم احجز سوي اي شيء اضمن رجعتي للديرة مابي أجلس كذا بقلق ابتسم على جنب وقال :خليك واثقه لو ياسر قال كلمه مايرجع فيها وخلينا نفلها يومين بمصر وبنرجع لا تخافين لاحقين على النكد شدن عضت شفتها بقلق وخوف من كلمته الآخيرة :خايفه أبوك يغير رأيك بذي الفترة اللي بنجلسها قال بضيق وهو يتخيل المشاكل اللي بتصير بهذا القرار اتخذه :ماعليه لا تخافين وأبوي حالياً ماراح يدري بشيء قالت بتردد: طيب يالله دق على خالي وقول له شدن معاد بترجع لأهلها بترجع معي عشان مايجي يدورنا هنا مدام عارف وين الفندق اللي نازل فيه وقف ومسكها من يدها وجلسها وقال وهو يطمنها :مايصير كذا أقول له واجب تروحين وتسلمين عليهم وتطمني لا تخافين والله ان ترجعي معي لو ربي اعطانا عمر خلاص وفكيها حس برجفة يدها بيده عقد حواجبه وقال :ليه كذا قالت ودموعها تنزل :خايفه من اللي بيصير وخايفه بعد أهلي اللي هنا يرفضون رجعتي معك مدري فيه شيء مقلقني حيل هز رأسه :لا لا مافي أحد يقدر يمنع رجعتش معي ناسيه اني زوجش ويالله خلينا ننسى اللي فات ممكن طالعته وعيونها مغرقه دموع ...خايفة من فرحتها تتحول لقهر ماراح ترتاح إلا لما تركب الطيارة هزت رأسها بدون صوت ..يستاهل مين يبدأ معاه ياسر مهمها صار منه بس وقت لشده ماتحصل غيره يوقف معاها ومافي أحد تضمن حياتها معاه غيره قالت بصدق: والله تستاهل لو تبي روحي ترخص لك على وقفتك معي حس بفرحة بقلبه من كلامها ...يالله مافكر كلمه منها كذا تفرحه .... @ @ @ @ صحت من الصبح ...رضعت ولدها وهمست لأمها وقالت لها ان عمها ينتظرها بالسيارة بتروح للمستشفى ...ركبت السيارة جنب عمها سلمت بهدوء ...رد عليها وسأل عن عادل الصغير ...همست له :ماعليه طالعت الدريشه وهي تدعي الله يبشر قلبها بقومته ولا بخبر يطمنها عليه .. أول ماوصلووو ...حست بقلق وخوف ...خايفه من الدكتور لايصدمهم بشيء قبل تنزل طالعت عمها : لو تم تحويله ترا بسافر معه هز رأسه وقال : ابشري ...سمت بالله ونزلت معاه ...أول ماشافت عادل طالعت عمها يوم قال :والله ي عادل انه أكثر من أخو له الله يطول بعمره من وقت الحادث وهو ماخلاه تذكرت اللي بينهم صار ...آه يامصعب شوف اللي قلت عنه صاحب خاين واقف على رجوله ليل نهار يحتري خبر يطمنه عنك ...هذا ماينقال عنه خاين هذا صاحب وفي ونادر اليوم تحصل مثله ...الله يسامحك ويقومك بالسلامة وتصلح اللي بينك وبينه ... قلبي انقبض يوم عادل انتبه لنا وجاء مقبل علينا وهو مسرع بخطواته قلبي وقف ...لا يكون مصعب به شيء ...بس حسيت بسعادة الدنيا كلها حولي يوم قال : ابشرك ياعم مصعب فاق وابعدوا عنه الأجهزة بسرعة ركضت لغرفته وأنا اسمع عمي يقول والفرحة واضحه بصوته : الله يبشرك بالخير الله يبشرك بالخير ... قربت من الغرفه فتحت الباب ...وأنافرحانه وقلبي بيوقف من الفرحه والسعادة اللي احس فيها مصعب صحي يارب لك الحمد بس انصدمت ...يوم شفته قدامي نايم مثل آخر مره شفته فيها بس هالمره بدون إجهزة متصله فيه ...قربت منه مسكت يده وهمست : مصعب بس أبد ولا حركه ..طالعت ناحية الباب يوم عمي دخل ودموعي نزلت مافيني اتكلم احسني مصدومه توقعت اشوفه قدامي صاحي على كلام عادل قلت وأنا اصيح : وشلون عادل يقول صحي أبد ماحس فيني قرب منه وقال وهو يلمسه وهمس له والغصه بصوته : مصعب ياروح أبوك ماتبي تفرحني بقومتك يالله فرحت صديقك باقي أبوك وزوجتك مافيني أكتم صياحي من الغصه اللي اسمعها بصوت عمي ومن صدمتي بسرعة عمي قربني منه وضمني وقال وهو يطمني : ليه ذا الصياح وعادل بشرنا قلت وأنا مخنوقه :وشلون يقول صحي شوفة عينك مايحس فينا سلم فوق رأسها وقال : يابوي مفروض نحمد الله شوفي ولا جهاز عليه والحين عادل يقول معطينه مسكن عشان يرتاح وينام لأن ضلوعه توجعه ماقدر يتحمل الوجع يعتبر مثل المخدر لا تخافين رفعت رأسي وأنا احاول اصدق الي يقوله وقلت : طيب ليه مصدقنا وهو يصحى يرجعون يخدرونه بذي المسكنات بس كنت بشوفه وهو صاحي ابتسم لها يطمنها وقال : تبينه يتوجع لمصلحته والحين شوي يصحى وبنفرح كلنا بشوفته بس لازم نصبر ونحمد الله عضيت شفتي وابتعدت عنه وقربت من مصعب مسكت يده وقربت شوي وهمست له:مصعب قوم عدول منتظرك وأنا بعد شديت على يده أبي اي حركه منه تطمني بس مع الآسف مافي اي حركة طالعت عمي اللي يحاول يخبي دموعه عني وقلت : خلي عادل يرجع البيت وأنا بجلس معه اليوم كله هز رأسه برفض :لا لا مايصير القسم كله رجآل واصحاب مصعب كل وقت موجودين صعب صعب وجودك معاه قلت برجى : تكفى ي عم سوي اي شيء لو تنقله جناح خاص اهم شيء مافارقه تكفى طلبتك واصحاب مصعب آكيد ماراح يجيون إلا وقت الزيارة وقبل وقت الزيارة برجع البيت تكفى حسيت بحركة يده بيدي طالعته مصدومه مصدومه ماهو مصدقه انه تحرك صرخت بفرحة : مصعب آخيراً صحيت بكيت من فرحتي وطالعت عمي صحي صحي والله يا عم من الفرحة كنت اخربط بالحكي وارفع يده بيدي وأقول شوف تحرك شوف أبو مصعب قرب منه ونزل يسلم عليه بفرحه وماقدر يمسك دموعه الي نزلت وقال بصوت مبحوح :والله يافرحتي ماتنوصف بقومتك يبه وشلونك الحين قالت بتعب وبصوت مبحوح :الحمدلله ورجع قفل عيونه بتعب اصايل بسرعة قالت : مصعب تسمعني هز رأسه وقال وهو يالله يتنفس وبصوت تعبان وثقيل :ارجعي البيت مع أبوي حست انه سمعهم جيت بتكلم وبعترض بس سكتت يوم قال : مافيني والله اخذ واعطي معك روحي البيت كسر قلبي الله يسامحه عضيت على شفتي وطالعت عمي يوم قال : : ارتاح بتروح الحين وطالع اصايل تطمنتي عليه يالله خليني اوصلك وبعد مصعب يرتاح عادل يقول الدكتور محذرنا مانتكلم معه كثير حسيت يوم قال عادل فتح عينه مصعب وقال : لايدخل الغرفة مابيه انصدمت من كلامه يالله هذا وهو بذي الحالة وبعده كذا أخلاقه طالعت عمي اللي قال وهو مصدوم : وش تقول الله يهديك تبيني اطرد الرجآل رجع قفل عيونه وقال :سوي اللي طلبته يبه هزيت رأسي وهمست له : مصعب الرجآل ماقصر معك فتح عينه وطالعني بتهديد ..حسيته لو فيه حيل يقوم يذبحني ...بسرعة ابتعدت ومسكت يده عمي وقلت : سوي اللي يطلبه منك وعادل راح يعذره طالعته شفته رجع قفل عيونه ولا علق على كلامي احسه مايبي يشوفنا بس تعوذت من إبليس وابعدت عني هالافكار الرجال توه طالع من غيبوبه وتعبان ولا هو طايق عمره وأنا أشرهه واعتب عليه .... وعادل الله يصبر قلبه على اللي يسويه فيه مصعب .... | ||||||||
|  |
|
30-06-19, 02:25 AM
| #1205 | ||||||||
| مراقبة عامة ومشرفة منتدى الروايات المنقولة
| جلس عنده وقال بتوتر وهو يطالع اللي موجودين بالإستراحه :وصلني خبر ان مصعب صحي طالعه وقال ببرود :حلوو عشان نعيد الاكشن ونكسب ذهب من وراه خليك فطين وابتسم بسخريه وهو يهز رأسه أموت واعرف وشلون الجوهرة مخليتك رجل من رجآلها وأنت كذا جبان اتوقع غلطة عمرها وجالسة تدفع ثمنها زيد عض شفته بقهر من تنقيصه بهالشكل وقال :عزيز صدقني قومته مصيبه علينا عزيز زفر بضيق وهو يطالع الموجودين :يالله من اللي بيورطنا اليوم غيرك طيب قام وش فيها مايقوم شافنا شيء عرف ان حد لاعب بسيارته خليك مرتاح مدام مافيه شيء يدينا زيد بتوتر وخوف :مصعب مو هين والله مو هين وأنت أكثر واحد عارف انه كان ماسك علينا سيدي يطير رقابنا اعتدل بجلسته وقال: لو سمحت رقبتك ورقبة العجيز أنا وشهوله تجمعني معكم عض شفته بقهر من برود زيد وقف وقال : صادق اللي يده بالمويه ماهو مثل اللي يده بالنار ضحك بسخريه وقال وهو يأشر بعيونه على الموجودين : اهجد ي ولد ترى مافي حد بيجيب رقبتك غير لسانك ذي نزل نفسه شوي وقال بهمس :وربي لو تورطت عليه وعلى اعدائي وأنت عارف وش اقصد ترى مانت بعيد عنا وطلع زيدحس بعصبيه من كلامه الزفت ذا يهدده بسرعة وقف ولحقه بس مشى قبل يوصل له بسرعة رفع جواله ودق على الجوهره أول ماسمع صوتها الضعيف قال بعصبيه : لا تسوين فيها الحين المسكينه الضعيفه والله لو اسمي ينذكر بس وربي روحتس أخذها وتأكدي شيء واحد بس التعامل مع زيد شيء صعب جداً وخليتس قده ولا والله لعبت بحسبتس أكثر ماهي ملعوبه جلست وقالت بقلق وخوف : ايش صار بعد رفس الكفر بقوه وقال وهو صاك على سنونه : الزفت خويك يهددني قفلت عيونها وقت حركات زيد الغبيه يكفي يعني السيدي اللي تصور من وراء غبائه قالت بقهر : خلاص بشوفه الحين وبخليه يحترم حاله في شيء ثاني رفع حاجب وقال :المبلغ اللي طلبته منك يتحول فتحت عينها بصدمه : اي مبلغ طلبته مانتهينا ابتسم بخبث وقال :شكلك مافتحتي الرساله شوفي بنفسك وبعدها حولي أوكيه قالت بقهر : عزيز وبعدين ترى خلاص امسخت مهمه وطلبتها منك واعطيتك المقسوم ماهو مره مرتين وعليها فشلت ليت تمت حق ذا الاستغلال ميل فمه وقال :اوكيه يصير خيرر وتحملي اللي بيصير ودها تذبحه استغلها على الآخر وراح تفلس من وراه قالت وهي مغلوبه على أمرها والقهر واضح بصوتها :تم اعتبرها بحسابك ..وقفلت بوجه رمت الجوال ومسكت رأسها بوجع شدت عليه بيدنها بقوه وصرخت بقهر آه وشلون كذا صار ليه فجأة تلخبطت علومها ليه كل شيء صار قدامها يهدد حياتها وش الثغره اللي صارت عضت شفتها ابن الكلب بس اللي صور لو تعرفه راح تقتله وبعدها ترتاح وترجع لها قوتها ... أخذت الجوال ودقت على زيد وقالت بعصبيه : عزيز لا تقرب صوبه أبد بذات ذي الفتره فاهم حتى اشوف اي مصيبه توديه في داهيه ونفتك منه للأبد جا بيتكلم بس قاطعته يوم صرخت عليه وقالت: لا تفتح فمك ابتعد بدون كثرة حكي وصدقني خوفك ذا ماراح يفيد بشيء وقفلت بوجه طالع الجوال بقهر الحين الزفته ذي تصرخ علي آه أنا استاهل سلمت رقبتي لها ..تذكر وشلون أول باعها واعطى السيدي مصعب بس كان السيدي اللي مصوره كان لها صوت وصورة وهو ماهو واضح أبد ..فيه ولا حتى صوته طالع وبعدها ضبطه وماخلى شيء يدينه يوم سلمه لمصعب بس مايدري مين غافله وصورهم مع بعض وهم مع العامل يوم يخبرهم ... وسلم السيدي لمصعب.... اللي مايرحم وده ينتقم منهم الأثنين حس عقله بينجن من كثر التفكير يالله كيف يسوي وينقذ نفسه ...فكر يسافر بس أمه وخواته وشلون يخليهم وهم بدون سند ومعتمدين عليه بكل شيء ...وبعد ماعندي فلوس للسفر مفلس للآخر ارسل للجوهرة يبي مبلغ يقدر ينقذ فيه وأهله الله يحفظهم ... شوي وصلته رسالة من الجوهره فتحها وكان مكتوب فيها ( بدل ماتجلس تطلب مثل الكلب الذليل روح دور على الخاين اللي بينا وكاد وقتها يوم تطلب اقدر اعطيك وتعبتر مكافأة لك ماهو كذا فاشل ولك عين تطلب ولاتفكر تهدد اوكيه ) عض شفته بقهر فعلاً كلب ذليل لك صرت ولا أقدر اهدد لأني غرقان مثلك ....... @ @ @ @ طلعت من الحمام بعد ما أخذت شور تتمنى تحصل رآحه بس وين تجي وذولا ينهشون فيها من كل مكان ولا فيهم أحد صاحي يفكر معاها وشلون يطلعون من المصيبه اللي متورطين فيها ..طالعت بشرتها بالمرايا ...وجهااا تعبان حده ...ابتسمت بألم وشلون يعني بوقف كذا ...طلعت من الغرفة وصاحت على الخدامه تسوي لها قهوه ...جلست على الكنبه وريحت ظهرها ....سمعت صياح ولد مصعب قالت بحقد ..ذا متى نخلص من صياحه ناقصين حنا ...أول ماسمعت الباب يفتح لفت وجها شافت صقر واصايل معاه سبتهم بصدرها وقفت وقالت بقلق كله تمثيل : عساه بخير طمنوني عنه خسارة راحت علي نومه ودي كنت معاكم رحت وقربت من صقر ومسكت يده ..آسفه حبيبي تأخرت في بيت ولدي غصب عني وأنت عارف ابتسم لها وشد على يدها وقال : معذوره وابشرك مصعب بخير اليوم صحي وتكلمنا معاه بس يبي له شوية راحه والكسور اللي بجسمه تجبر بإذن الله ينور بيته صدمه صدمه صدمه لها ..صحي لا لا بذي السرعة بلعت ريقها وحاولت ماتوضح صدمتها وقالت وهي مبتسمه ابتسامة مزيفه : يارب لك الحمد الله يبشرك بالخير وربي فرحت وقربت من اصايل وسلمت عليها وهي تقول الحمدلله على سلامة رجلك هزت رأسها وقالت : الله يسلمك وابتعدت عنهم واتجهت لغرفة أمها وقربت منها وضمتها بقوه وقالت وهي فرحانه حدها : صحي يمه صحي أم اصايل بفرحة : الحمدلله يمه ربي يطمنتس برجعته لبيته اصايل بسعادة : يارب يمه يارب وطالعت شمسه اللي قالت وهي شايله ولدها : الحمدلله على سلامته وخذي ذا النشبه ولا نيمته جنب أبوه ماغير صياح فجر طبلة اذوني فتحت عينها مفزوعه : بسم الله عليه وعلى أبوه ام صايل وهي تضحك : اندبل سبدها بصياحه شمسه قالت بتعب : آه مابغينا ننفك اصايل ميلت فمها وقالت : دبل سبدها بصياحه ولا اشغلها عن شيخ الشباب شمسه رفعت شعرها بغرور وقالت :ولا مليون مثل ذا النشبه معتس يشغلني عن شيخ الشباب اصايل فتحت عينها :الله الله على هونك ورفعت ولدها وهي تبوسه وغيرت صوتها مثل البيبي روحي مانبيتس وخلي شيخس الشايب ذا ينفعتس وماراح نقولتس خاله ... @ @ @ أول ماحس بوجود عادل تظاهر بالنوم مايبي يقابله أبد او يتكلم مجروح حده منه أول ماقرب منه سمعه يقول بهمس :عارف ياصاحبي انك زعلان مني وانه أبد ماهو وقت ذا الحكي بس تصدق فرحت يوم دريت باسم ولدك علي باقي تغليني يا مصعب بس قلبك قاسي علي وأنا مظلوم ليتني غلطت بحقك كنت يمكن اعذرك فتح عينه وقال بصوت مبحوح :سميت عليك ماهو غلا تنفيذ للوعد اللي بينا عادل فرح يوم فتح عيونه بس يوم تكلم ذبحه باللي قاله أبد ماتوقع أول كلام له بعد اللي صار له يكون كذا حط يده على كتفه وقال :وافي سكت يوم شاف وجهه مصعب تغير وبدأ نفسه يضيق بسرعة ضغط الزر وجت الممرضه وبسرعة شافته وراحت تركض للدكتور على طول جا وشافه وقال بعد ماركب له اكسجين :ممنوع الكلام معاه اي كلام يتعبه حالياً عادل هز رأسه وابتعد لنهاية الغرفة وجلس على الكنبه يطالعه ارتاح يوم نفسه انتظم ...هز رأسه بحسره شكله فقد مصعب للآخر ... وماراح يخليه حتى حالتة تستقر وبعدها يبتعد عنه | ||||||||
|
| |
|
30-06-19, 02:27 AM
| #1206 | ||||||||
| مراقبة عامة ومشرفة منتدى الروايات المنقولة
| تحس عمرها طايره من الفرحة وهي بحضن أمها همست :آه يمه ماهو مصدقه قالت بعتب :حملتي نفسك فوق طاقتها لو تسمعي الكلام بس رفعت عيونها لأمها وقالت :خلاص اللحين معاد فيني أتحمل وبسمع الكلام فتحت عينها بصدمه :تقولينها صادقه وش مسوي فيك ابتعدت عن حضن أمها وقالت وهي تعتدل بجلستها : ماسوى شيء بس أنا ماتحملت الضره طالعتها بشك :متأكده هزت رأسها وقالت : ايه وبغصه إلا عناد مافيه منه بس الله يسامحه دخل اللي ماتسمى حياتنا وخربتها وأنا ماقويت العيشه معاه وهي بينا أمها بقهر قالت :للحين ماني عارفة ليه تزوج عليك وأنتِ ماينقصك شيء زين ودلع ودلال لو يحفى مايحصل مثلك بس الحمدلله الله فكك ماخلفتي منه فراقه بيكون هين بدل مافي بزر يتبهذل بينكم طالعت أمها وهي ودها تقول اي زين واي دلع واي دلال وش فادني فيه يوم خربت حياتي بيدي وقفت تتهرب من ذي السالفة وقالت : بروح اشوف الست أميرة وش مهببه لنا بعد الوجبه الدسمه اللي طفحناها طلعت من المطبخ وبيدها القهوه والحلا قالت : كل شيء زين للزين آه ي الشموخ ماهو مصدقه أنك قدامي قربت منها وأخذت الدله وابتسمت بحب لها حتى هي ماهي مصدقه انها بينهم ومرتاح من جوو الضيق والإهانه والتعب ... وقالت وهي تبعدالافكار اللي توجعها : إلا قولي وش أخباره منصور ذا اللي أخذ قلب الأميرة ابتسمت بخجل وقالت وهي تناولها قطعة الحلا : اخباره باقي ماعندي اللي أقولها لك الشموخ ضحكت عليها وقالت بخبث : يالله يومين بس وتدبلين سبودنا فيه طالعت أمها مافي حد بيأكلها غيري وغيرك يمه ... أم أميرة ضحكت وقالت : نتحملها الله يعين فترة الملكه وكلها فتره ويتم الزواج وتهج معه بوزت بزعل : الحين أنا بثره وثقيله على قلوبكم ضمتها الشموخ بحب وقالت بصدق : وربي فرحانة لك والله يجعل حظك أفضل من حظي طالعتها وعقدت حواجبها :فيك شيء هزت رأسها وقالت بمكابره : وش فيكم الكل يسأل فيني ومافيني شوفوني مافيني شيء وش زيني أم أميرةبحسره : وش زينك لا والله إلا حالتك ماتسر وجهك صاير وش نحفه وتعبان ومصفر وحالتك حاله وزنك نزل نصه حسبي الله عليه ولد الجوهره على اللي سببه لك جت بتتكلم قاطعتها لا تبررين له ترا واضح كل شيء وعارفه انك تكذبين بس خلي ملكة أميرة تعدي وبعدها لي كلام وقفت وقالت بضيق : ماهو قلت لك خلاص بينتهي كل شيء يمه بس تكفين خليني انهيه أنا بطريقتي مابي مشاكل قالت بضيق وحزن عليها : طيب خلاص اجلسي تقهوي وفكينا من سيرته هزت رأسها بلاا: معليش يمه تعبانه وبروح انام يومين مواصله وابتعدت وهي تسمع أميرة تقول : يمه حرام عليك كان سكتي على الآقل ترتاح توها واصله مالها وقت وبسرعة ضيقتي خلقها بذا الحكي راحت للغرفة طاحت على السرير تصيح بقهر رن جوالها ..طلعته من الشنطه شافت رقم عناد قفلت عيونها يالله أبد مافيها ...ترد عليه بذات ذا الوقت ..بس أفضل شيء ترد عليه ماهي ناقصه مشاكل معاه ..راح تصبر حتى ينتهي كل شيء بطريقتها وبالشيء اللي ناويه عليه ..فتحت الخط وقالت بصوت مبحوح : هلا سند رأسه على مقعد السيارة وقال: وشلونك ابتسمت بسخريه بعد يسأل : الحمدلله : الحمدلله على السلامة نورت جدة بوجودك نزلت رأسها ولعبت بأظافيرها بتوتر تخاف منه حيل وتخاف من تهديده وتسلطه عليها وعارفة انه يتمسخر عليها : الله يسلمك قال وهو يحس عمره متضايق وهي بعيده عنه : مبسوطه بجدة رفعت رأسها وقفلت عيونها وزفرت بضيق يالله بدينا قلت بصبر : أكيد يكفي جنب أهلي اللي .... ضحك بصوت عالي وقال بقهر وهو يقاطعها :مبسوطه معاهم ياويلك يوم يدرون باللي سويتيه من وراهم صدقيني هالرآحه ماراح تحصلينهاااا صرخت بقهر : عناد حتى وأنا بعيده وأنت مصر تذكرني ليه كذا وش سويت لك قال بحقد : وش سويتي ذبحتيني صرخت منهاره وهي تقاطعه : خلاص يكفي يكفي تعبت وربي تعبت وبقولها لك والله معاد تشوفني وأنا اللي بقول لأبوي وبريحك مني للأبد وقول الشموخ ماقالتها بس اصبر علي حتى تنتهي ملكة أميرة صك على سنونه وقال بحده : لاترفعي صوتك علي وبعد لو تقولي لأبوك شي ذبحتك فاهمه صدقيني والله ماراح يرحمك وبعد ملكة أختك بجي لك وبترجعين غصب عنك ضحكت بسخريه : اللحين يقال أنت رحمنتني صدقني مهما سوى معي مارآح يوصل لللي سويته فيني من ضرب وشتم وإهانه وكله ظلم بسبب غلطه سويتها ويعلم الله اني ماخطيت بس كله بسبب غبائي ومن الصدمه اللي كنت فيها صرخ بقهر : اي صدمه عشان ولد عمك تركك تقومين تسوين سواتك مافي مبررر يالشموخ للآسف ولا لك مخرج وصدقيني لو قلتي لأبوك بتعيشي منبوذه أكثر منتي مبوذه حالياً فاأحترمي حالك وأحضري وجبي مع أختك وبعدها ارجعي بيتك قالت بضعف ودموعها تنزل من الكلام القوي الي يقوله : عناد ارحمني وشلون ارجع وأنت ماتبيني واشوف الحقد والكره بعيونك كل وقت قفل عيونه يحس قلبه يتقطع عليها بذات وهو يسمع صياحها قال بدون حس : طيب لا تصيحي زادت بصياحها قال بصوت مبحوح : شموخي قفلت بوجه تكرهه يوم يقهرها ويخليها تنهار وبعدها يرجع يعيشها لحظات تفرحها وبعدها يوجعها بكلام ابشع من اللي قبله هذا حالها مع عناد رمت الجوال يوم رجع رن صرخت بقهر وهي تحط المخده على اذونها ..ماراح ارد عليك ماراح ارد عليك وخلاص يا عناد انتهى انتهى كل شيء ... طلع لغرفتها بعد ماقالت له أميرة الي صار من أمها قرب من غرفتها سمع صوتها وهي تصرخ منهارة فتح الباب وهو مفزوع ... قرب منها وبسرعه ضمها وقال : بسم الله وش فيك يبه صاحت بحضن أبوها مافيها تتحمل والله تعبت عناد اليوم خلص على الصبر اللي باقي عندها ضمته بقوه وقالت وهي فاقده اعصابها :يبه مافينني والله يارب أموت وارتاح من اللي أنا فيه لا أنا قادره احكي ولا قادره اصبر قال بخوف وقلق : يبه ليه تقولين كذا وش فيك طالع الجوال مرمي بالأرض عرف ان زوجها وراء انهيارها قولي وش مسوي فيك والله ماغير أذبحه الحين برد للرياض وأخذ حقك أم أميره وأميره يوم سمعوو صوته عالي بسرعة راحو للغرفة وبسرعة أميرة تدخلت يوم شافت حالتها وقالت :خلاص يبه ويمه خلوني معاها وراح تهدا أم أميره بسرعه قالت وهي معصبه : وش نخليك معاها شوفي حالتها حسبي الله عليك ياولد الجوهره وبسرعة طالعت الجوال وهو يرن أخذته من الأرض وردت عليه وقالت بعصبيه : الله يأخذك على اللي سويته في بنتي صرخت الشموخ يوم أمها ردت :لا يمه تكفين وحاولت تسحب الجوال من يدها بس رفضت وكملت سب فيه : يالحافي قلتها من أول ماتنفع لبنتي مفروض يأخذها رجآل كفووو ماهو مثلك عايش على ظهر زوج أمك الشموخ بسرعة قدرت تسحب الجوال وتقفله صرخت منهاره : ليه يمه ليه تستفزيه كذا قال أبوها وهو ماهو فاهم : من ايش خايفه لا تستفزه أمك الشموخ صرخت منهارة : يمه يكفي يكفي والله مافيني خلاص يارب أموت يارب وترتحون مني كلكم أبوها صرخ بعصبيه : الشموخ وش ذا الكلام مسكت بصدر ابوها وقالت : موتي والله أفضل والله أفضل لي ولكم مسك يدها وقال بقهر وغبنه : قولي وش مسوي فيك والله اذبحه قبل يقهرني فيك أنتِ وأختك عندي شيء كبير واللي يقرب صوبكم اذبحه هزت رأسها وهي منهارة حدها وفاقده تركيزها بالحكي : ماسوى شيء أنا استاهل اللي سويت بعمري كذا يبه والله غلطه مني ماكنت احسب نهايتها كذا بس طلع عكس اللي ابيه ورجعت تصرخ موتي أفضل موتي أفضل لي ولكم عناد ماله ذنب ولا لكم ذنب الذنب ذنبي أنا وطالعت أمها ليه كذا جرحتيه ليه تراه نادر وجوده أميره يوم شافت أبوها وجه تغير بسرعه قفلت فمها بيدها وهي تقول : يبه ماهي في عقلها ماتدري وش تقول خلاص اطلعووا تكفون خلوني معاها ابتعد عنها مثل المقروص وقال بصوت مرعب : وش سويتي بسرعة تدخلت أمها وهي خايفه من المصيبه اللي سوتها كلام بنتها مايطمن وسكوت عناد بالجوال بعد مايطمن قالت بسرعة : وش سوت الله يهديك مسكت بكتفه يالله يالله لغرفتك وهي تهدا شوي وبعدها تعرف تحكي يالله أميرة خليك جنب أختك أميره بسرعه قالت وهي تطلعه مع أمها : ايه يبه روح الحين لغرف..... ماقدرت تكمل من الصرخه اللي صرخها وهو يبعدهم عنه : ابعدووو عني كلكم وطالع الشموخ وش سويتي وأنا أقول الرجآل صابر على ضيم والقهر واضح عليه وتصرفاته ماهي تصرفات عناد اللي الكل يشهد على رجولته وأخلاقه زادت بصياحها صرخ بقهر وخوف من الي بيعرفه قولي وش سويتي ولا ذبحتك بمكانك طالعت أمها وأميرة بخوف ماكان ودها تخبره بذي الطريقه ولا بذي السرعة تحس عمرها اليوم بينتهي بس هي تبيه ينتهي خلاص تعبت مافيها قالت وهي تصرخ منهاره : كذبت اني أكلم أخو صديقتي حس الدنيا دارت فيه وصرخ مصدوم : ايششششش طاحت عند رجوله وقالت وهي منهاره تصيح : والله مظلومه يبه والله السالفة كذا بس مقدرت تكمل حكيها من الرفسه اللي جتها خلتها تفقد توازنها وطاحت بالآرض بسرعة طاح فيها ضرب وهو يصرخ : تكلمي اخوو صديقتك أنا تسوين فيني كذا كانت تحاول تبرر وتصرخ بس مافيها الضرب الي يجيها مخليها حتى عاجزة انها توضح له استلمت للضرب بدون ماتدافع عن نفسها هي موته وترتاح بعدها كانت أمها وأميره يحاولون يفكونها منه بس ماقدروا عليه كان يصرخ ويقول بغبنه وقهر الرجآل : الرجآل الحافي بنظرك يا أمها اللي ربيتيها صان بنتك وخلاها على ذمته للحين إلا لو حد غيره رماها من أول ماعرف بمصيبتها قالت وهي مصدومه وبعد خايفه تحس إنها راح تفقدها اليوم وعلى يد مين يد أبوها قالت : تكفى ي راشد طلبتك تبعد عنها تكفى وتخلينا نفهم صرخ بعصبية : وش نفهم باقي بنتك خلت سمعتنا بالأرض أميرة تصيح بصوت عالي وتحاول تحمي الشموخ من الضرب اللي يجيها من أبوها غلطة عمرها يوم فضحت عمرها عند أبوها ليتها حكمت عقلها ولا سوت الي سوته أم أميرة يوم شافت خلاص بنتها بتطلع روحها بذات مع استسلامها ولا ساعدتهم عشان تقدر تفك عمرها من يد أبوها صرخت بصوت عالي : راشد بتموت والله بتموت وصدقني الموضوع عكس اللي أنت فاهمه تقولك كذبت عشان ماكان تبيه وأنت غصبتها عليه تذكر هالشيء وبنتي وعارفة مستحيل تسوي شيء يشوه سمعتنا صرخ بعصبيه وهو يرجف : ماغصبتها هي وافقت عليه عشان تداري على مصيبتها ال****** حس قلبه بيوقف ابتعد وهو تعبان حده مصدوم كانت تحس بكل ضربه بجسمها وبكل سب يطلع من فم أبوها بس خلاص اليوم حكمت على نفسها تكون نهايتها راح ترتاح وعناد يرتاح تتذكر تحذير عناد لها عشان ماتقول لأبوها بس لو ماقالت له بتجلس تتعذب طول عمرها وهي معاد فيها اختصرت على عمرها ومعاد تبي ذي الدنيا غلطه وراح تدفع ثمنها بحياتها بعد ....حاولت تتكلم وقالت وهي تعبانه من قوة الضرب اللي حصلته شافته ابتعد عنها قالت قبل يطلع : تبي ترتاح وتريحني جيب مسدسك وارمى علي رصاصة الرحمه بنتك معاد فيها يبه تتحمل العيشه ضرخت أمها وهي تقول : وش تقولين يالمجنونه حنا يالله قادرين نهديه يفك عنك @ @ @ {مصر } فرحانه من الوعد اللي وعدها فيه انه مايتخلى عنها للأبد ابتسمت يوم قال : تصدقين للحين ماهو مصدق اني أنا وأنتِ نتكلم بهدوا مع بعض بدون كلام مستفز منك وحركاته خبله تفقدني اعصابي ابتسمت له بدون ماتتكلم حتى هي ماهي مصدقه اليوم هي اسعد وحده بذي الدنيا اخيراً رضي يرجعها معاها قالت :مدام طيبت خاطري وافقت والله ياياسر ماراح تشوف مني اللي يرضيك وشدن ثانية ابتسم وقال وهو يرفع يده : يارب قالت بخجل : طيب وش يرضيك وأنا اسويه عض شفته وقال : وربي صعب عليش عقدت حواجبها وقالت : ليه طيب صعب جربني لو مره ابتسم وقال : اوكيه اللي يرضيني ابيش تكوني كذا راكده وكلامش تثمنيه قبل تقولينه وبعد مو اي حكي تنقليه وطبعاً الكذب ثم الكذب ذا بعد تخلينه مره عشان جاب لنا مصايب ورفع حاجب وقال هاا ست شدون تقدرين تنفذين ذا الشيء ولا صعب عليش شدن بسرعة قالت : على ان صفات بعضها موفيني بس تم ياسر فتح عيونه وقال : اعطيني شيء ماهو فيك وأنا بعتذر منش ياراعية الصفات الحميده شدن وقفت وقالت : تم تم اي شيء تطلبه تستاهل ننفذه المهم الحين يالله خلينا نروح نخبر أهلي اللي هنا اني برجع معك ياسر عقد حواجبه وقال : ليه كذا متخوفه منهم ماهو قلت لش مين يقدر يمنعش وأنتِ معي شدن ماتدري ليه خايفه تحس رجوعها لأبها في شيء بيخربه قالت وهي ودها ترتاح : يالله بس خلينا نروح ونخبرهم وبعدها ارجع معك الفندق مابي اجلس عندهم حس بضيق وقال : شدن السفر باقي منه لسى بتمشى بمصر وأهلك بنروح لهم بعدين ونخبرهم باقي إجازتي مطوله شدن بخوف وقلق : خلينا نروح وننهي كل شيء وبعدها نسافر اي دوله ثانية نكمل فيها الإجازة حقتك بس هنا مابي أجلس احسني بموت من الخوف باي لحظه حد بيمنع رجوعي معك تكفى ياسر نسافر اي مكان ثاني بس ابعدني من هنا شافته يطالعها بدون مايتكلم قالت : طيب وش رايك بتركيه ودي ازور طرابزون ذي امنيه ابيك تحققها لي ولا دبي ولا ماليزيا ايه ماليزيا يمدحونها كثير ولا اقولك اندونسيا كثير راحو لها فتح عينه مصدوم : كل ذي الدول الحين بتروحين لها قالت : لا اختار وحده بس ابعدني من هنا يكفي اللي بيصير لي يوم ارجع معك الديره والمشاكل اللي بتحصل حس انها فعلاً خايفه ومتضايقه ومهما طمنها ماراح ترتاح وهو صراحه مايبي شيء يكدر عليهم عاجبه حياته معاها ويحس براحه وأبد ماهو ندمان انه حاول يتقبلها بحياته ويبدأ معاها من جديد ... مسك يدها يطمنها وقال : ابشري باللي تبينه الحين نروح لهم وبعدها أحجز ونسافر للمكان اللي ودش فيه والمشاكل لا تخافين قلت لش أنا قدها وقادر احميش وأبوي مصيره يرضى تطمني ... هزت رأسها وهي تحس بغصه ذابحتها نزلت دموعها غصب ابتسمت يوم مسح دمعتها وقال بعتب : ليه كذا تبيني ازعل هزت رأسها بلااااا وابتسمت له ... وقف وقال : يالله خلينا نودع أهلش وبعدها وكاد ترتاحين ونعيش مثل الخلق من صياحش وقلقش الزايد لبست عباتها وهي خايفه وقلبها يدق طلعت معاه أول ماوصلوو العمارة حق أهلها طالعته وقالت : قلبي مقبوض وخايفه هز رأسه بعجز من خوفها قال بصبر: شدون ليه مايرضون ترى مالك معاهم غير يومين وبعدين يعتبرونها زيارة لهم وقبل كل شيء مالهم كلمه معش مدام انش على ذمتي ويالله انزلي وسلمي عليهم وقولي لهم رجعت بقراري اني استقر هنا بستقر مع زوجي نزلت معاه وهي خايفه ...أول مافتح لهم الباب قال أخوها: اهلاً اهلاً لك وحشه ي بت وانتِ مكملتيش اليوم بعيده عنا ابتسمت له بتوتر على طول خالها قال وهو يأكل : تفضل ياياسر دي حماتك بتحبك وتعالي يابت ده والله نفسي أجلس معاك وتعرفيني أكتر رفع يده يشكره : عليك بالعافيه توني متعشي شدن كشرت ماتبي تتكلم مع خالها كذا ماترتاح له بسرعة ركضت لجدتها يوم رحبت فيهم وسلمت عليها دورت بعيونها لخالتها مالها أثر بس توترت يوم شافت أمها طالعه من المطبخ وبيدها الشاي ...نزلت عينها مافيها تشوفها تحس بينهم مسافه حطت صينية الشاي وقالت وهي ترحب بياسر : ازيك عامل ايه اليوم كله بطوله وحنا كان نتظركم افتكرنا تجووو على الغدا ابتسم لها وقال وهو يطالع شدن : ماعليه مره ثانية اليوم قضيناه برا انا وشدن وحبينا نشوف مصر قال خالها بلقافة :ان شاءالله بس عجبتك مصر دي الخير كله والله مش عاوز ارجع جده بس العيشه نعمل ايه ده السفر مكتوب علينا ياسر ابتسم له وهو يالله قادر يبلعه من لقافته : اكيد عجبتني ولا ماكان جلست فيها للحين ضحك بطريقه مستفزه وقال: اللي يسمعك بيقول جالس من مده ده يومين يا رجآل وقف ياسر وقال :يومين ويكفي الحمدلله ويالله ياشدن ودعي أهلك وخلينا نمشي ورانا طياره وقف خالها مصدوم : إيه مين اللي يمشي معاك ==== = كتتتتتتت & نونــي بنت الجنوب & سبحان الله وبحمده سبحاه الله العظيم (الوتر أحبتي ) "الله يرحمك يأمن وجعني فراقك " كتتتتتتت & نونــي بنت الجنوب & سبحان الله وبحمده سبحاه الله العظيم (الوتر أحبتي ) "الله يرحمك يأمن وجعني فراقك " التعديل الأخير تم بواسطة فيتامين سي ; 02-07-19 الساعة 03:00 AM | ||||||||
|
| |
|
30-06-19, 02:59 AM
| #1207 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 52 ( الأعضاء 8 والزوار 44) فيتامين سي*, ضواء القمر, زينه 4*, نور علي عبد, منيتي رضاك, Yara1, Jory200, زهرة النوبة قراءة ممتعة لكم ....... وردود ممتعة لنا ........ وللغاليه نوني ............ | ||||||||
|
| |
|
30-06-19, 10:30 AM
| #1209 | ||||
| ابدعتي نوني الفصلين ربيع شكل اجواء العيد والعطله ربيعيه عندك 🍹 رغم اكشن الشموخ بس عنجد قطعت عرق وسيحت الدم ...منيح اللي حكت بكفيها قهر وذل وعناد اسم ع مسمى راسه حجر اخو مصعب بالتناحه 😂😂😂 تسلم ايدك لاتطولي علينا ياحلوة💐 | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
