19-08-19, 02:09 AM
| #1283 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  // اللهم اني أستغفرك وأتوب إليك اللهم صل وسلم على نبينا محمد ( صلو عليه ) @ @ (57) @ @ مصدومه وأنا اشوف عمي وسوسو ........ والجوهرة تصرخ منهاره وهي تقول : لا لا لا وفي بيتي بعد ......... شفت عمي وجهه مخطوف ويطالعني ونظرته كلها عتب ... هزيت رأسي بلااااا ...والله ماقصدت أفضحه وافتكرت حرامي ......بس انصدمت صدمة عمري يوم شفت جوجو سحبت سوسو وطرحتها بالأرض وطاحت فيها ضرب وهي تصرخ : يالخاينه ماجت عينك إلا عليه ليه ليه طيب وأنا أقول ليه صايره متغيره علي اتاريك تلعبين من وراي وصرخت أنا الجوهرة يصير فيني كذا وطاحت فيها طق وسحر تصرخ بألم : صقر ساعدني صقر صقر بسرعة تقرب وهو يحاول يبعد الجوهرة عنها بس عجز صرخ بعصبيه وهو يطالع اصايل بحقد : بدل وقفتك كذا تعالي ساعديني ولا بس تعرفي تفتني اصايل اخخخ كلامه وجعني ... تقربت وأنا يقال أحاول افك بينهم بس ماقدرت والله جوجو استوحشت على سوسو ابتعدت وأنا الهف بتعب يوم صرخ عليى عمي قلت بقهر : ياخي ماقدرت أنت عليهم تصرخ علي وانا اضعف منك وسكت وأنه احسه خايف يدافع عن سوسو لا تستوحش عليه ذي العجيز ياهي قويه الجوهرة وهي منهارة حدها أخر شيء توقعته يصير كذا الحين صديقة عمرها تسوي كذا فيها رجعت طقتها وهي تسمع صراخها ..قالت بعصبية : وش فيه يعجب عشان تحطي عينك عليه ولا تبين فلوسه اللي طول عمرك حاسدتني عليها وماكفاك اللي اعطيك هوو لا طمعتي زيادة يالحقيرة يالشحاته غرقتك بالعز وانتِ ماتستاهلي سحر ابعدتها عنها وهي تدفها وتحاول توقف صرخت بقهر من موقف صقر الضعيف توقعت يقدر يدافع عنها قالت :مالك دخل ابيه ابي فلوسه مالك شيء عندي ومثل ماهو زوجك زوجي وأشوف يقدر ينكر الجوهرة رجعت هجمت عليها وهي تصرخ بقهر : بعد لك عين تردي ال******** وطالعت صقر اتاري اصايل مارمت كلام كذا وطالعت اصايل وصرخت منهارة تدرين ولا قلتي لي اصايل قلت بخوف وتوتر من الموقف : أنا مالي دخل لا تتبلي علي الحين وتدخليني بالسالفة وطالعت عمي صقر اللي ذبحني بنظراته ليته بس يقدر يتقوى على الجوهرة ويفكني سحر صرخت بعصبيه وهي تحاول تبعدها : ايه الكل يدري وبرد عليك وبقولها بوجهك بعد مثل ماهو لك صار لي وخلاص كل شيء انكشف وطالعت صقر صرخت عليه بقهر تكلم قول شيء لو مره اثبت لي انك قد العجيز ذي الجوهرة جنت يوم قالت كذا : عجز الله حالك الحين انا العجيز وانتِ وشهوو بالله بنت بنوت صقر بسرعة تدخل وقال :خلاص ياسحر السواق يوصلك البيت وانتِ خلاص انتهى وارضي بنصيبك الجوهرة هجمت عليه تضربه :خلاص انتهى وتبيني ارضى بالحثالة الي جبتها على راسي ياشايب الفلس صقر بعصبيه :الجوهرة خلاص ترى سكت لك كثيررر وللحين مقدر العشره اللي بينا الجوهرة بعصبية : وش بتسوي بالله حدك الزفته ذي تقدر عليها اما أنا بعيد عليك ولا تفتكر أنت وهي كسرتوني لا وربي مافي حد يقدر يكسرني سحر وهي ترتب شكلها المبهذل : مازفت غيرك وقلبك محروق حرق مهمت قلتي والحين صقور لي وهي تقرب منه وتمسك بكتفه واشوف كيف تقدري تفرقي بينا الجوهرة تفت بالأرض وقالت : كفوك والله لكن قولي ماقلت والله لا توصلك ورقة طلاقك وعليها طلاق بنتك بعد ولا ماكون الجوهرة وقربت منها وقالت وتدرين فيني لا قلت فعلت سحر توترت تدري بقوتها ندمت ندم انها لعبت مع الجوهرة بذات موقف صقر الضعيف ...اثبت لها كل شيء طالعته يوم صرخ والخوف واضح عليه : يلا لبيتك وبعدها نتفاهم طالعته بسخريه وطلعت ...وهي معصبه صقر صرخ بقهر وهو يأشر على اصايل : كله منك اصايل كنت طول وقتي اتفرج على الفلم الأكشن اللي قدامي...بس صحيت على صرخة عمي علي قلت وأنا ادافع عن نفسي : وربي ماقصدت افتن عليك افتكرت حرامي لو دريت أنه أنت كنت سترت عليك مثل قبل....سكت من صرختة العاليه صقر ورطته زود صرخ : خلاص اسكتي أنا ناقص الجوهرة بعصبية صرخت : ليه تسكتها خليه تقول بخيانتك وطالعت اصايل ليه ماقلتي لي ليه ولا حابه تنتقمي مني بسبة المكسح رجلك اصايل بقهر : اقول انشغلي باللي أنتِ فيه وخلي رجلي بحاله وليته بعد يحط على رأسك اربع وبسرعة مشيت اتجهت لللمجلس وأنا اسمع صراخها علي وعلى عمي ...دخلت وأنا اشوف مصعب مرقد عادل على صدرة ..أخذته منه وأنا للحين مصدومة من اللي صار ...فزيت من صرخة مصعب :لي ساعة اناديك وينك فيه وادق على جوالك ماتردين والزفته الخدامة رمت لي عادل وطلعت بدون ماترجع الحمدلله ماوصل له صوت الجوهرة يعني مادري اللهم لك الحمد يكفي اللي صار ماهو ناقصين مصعب ومشاكله اللحين ..بلعت ريقي يالله وش أقول له ذا الحين قلت بتهرب :كنت مشغوله شوي مصعب بحده : في وشهوو مشغوله تدرين فيني مقدر أقوم فيه بلحالي وسكتت يوم شاف الجوهرة داخله عليهم انصدم من صوتها العالي وكلامها قربت من اصايل وقالت وهي منهارة : وش تعرفين عنهم بالضبط قولي ولا تحاولي تنكري ترى رميتي كلام يومها على عبير بس انا الغبيه مافهمت اصايل طالعت مصعب ماتبغاه يدري بالي صار وهذي نشبت لها ليتها انسحبت ولا تورطت معاهم قالت بتوتر : ماعرف شيء ويالله فارقي خلي مصعب يرتاح الجوهرة بصرخة : احسن لك قولي سكتتت من صرخة مصعب :وش فيه وليه طايحه تحقيق معاها اصايل بسرعة قالت وهي تصرف : ماعليك فيها أنت خليك بنفسك بس وبصحتك مصعب صغر عيونه بشك شكلها مسويه مصيبه ماتصرفه كذا طالع الجوهرة يوم قالت :مرتك تدري بلاوي أبوك وساتره عليه والحين سبحان الله جت فضيحته على يدها طالع اصايل بتهديد معقول سوتها وفضحت أبوه أشر للباب وقال بخبث : متأكده هذي تعبر فضيحه مع اللي جاي الجوهرة ارتجف قلبها من كلمته قالت بقهر : فضيحه لأبوك مصعب ابتسم بستفزاز وقال : يالله تقلعي من وجهي قبل تشوفي الفضيحه صدق .. انسحبت الجوهرة وهي تسب وتهددد طالع اصايل اللي واضح عليها الخوف أشر لها تقرب منه بس هزت رأسها بلااااا قال بحده: تعالي يالفتانه اصايل احس برجولي تضرب في بعض من الخوف يالله ليه أنا دايم اتورط ...بلعت ريقها وقالت :مالي شغل والله وماهو طبعي افتن على أحد مصعب بعصبية صرخ : كل ذا ومالك شغل انطقي قولي ايش صار بالضبط سكت يوم ولده صاح بخوف اصايل هزيت عادل وأنا احاول اسكته طالعت مصعب بعتب فزعه بصوته ...أفضل شيء انسحب وحالته كذا جيت بطلع بس وقفت يوم صرخ : قسم بالله لوماتقولي ايش صار بالضبط بيكون أخر يوم لك على ذمتي وهذا أنا حلفت ياصايل وبدون كذب انصدمت حدي ...أول مرة مصعب يهدد كذا يعني طالعته وقلت :بتطلق طلق وأنا بأخذ ولدي وبطلع من هالبيت اللي كله مشاكل وخبث وحقد وتجي رجلك باشياء مالك ذنب فيها وتتورط وتصير أنت المذنب مصعب انصدم من كلامها توقع تخاف مثل العادة قال بقهر :قولي وش صار بالضبط وليه فضحتي أبوي اصايل صرخت بقهر : مافضحته والله اللي صار كنت جايه لك وفجأة شفت خيال خفت افتكرت حرامي مثل الي قبل طب ..رجعت ابي اقول للخادمة تكلم السواق يشوف مين وراء البيت ... صادفت الجوهرة بوجهي ...وطلعت تشوف مين وشافت أبوك وسوسو مع بعض ...وصار الي صار ...واعطته ظهرها بتطلع بس وقفت يوم قال :طيب خلاص اجلسي طالعته بقهر :ماراح أجلس وخلي حلافك ينفعك بس ارتجف قلبها من صرختها : اصايل مو وقت صغر عقلك رجع عادل يصيح قلت بقهر : لا تضرخ فزعته وهزيت عادل وأنا اهمس بس حبيبي والله يعينك بتشوف اللي شافته أمك مصعب أشر لهاتقرب بس رفضت قال بهدوء: اصايل لا تعاندي عشانا حنا الآثنين اصايل تعوذت من إبليس والله كل ماتذكر وشلون حلف علي من توو أول مره اسمعه يقول كذا جلست على الكنبه ...وصديت عنه مابي اشوفه راح بالي لعمي وسوسو وجوجو الله أعلم وش صاير بينهم اللحين ...طالعته يوم قال:نفسي يوم تحصل مشكله بذا البيت مايكون أنتِ سببها فتحت عيني بصدمه على ذا التبلي أشرت على نفسي وقلت : اللحين أنا سبب المشاكل أجل أنت وشهوو مصعب رفع حاجب وقال :يلا أشوف اجحدي اصايل صرخت بقهر : اجحد وشهووو حرام مصعب لا تحملني شيء ماهو فيني يكفي صبري عليك وعلى مصايبك مصعب صغر عيونه بقهر من كلامها الآخير وقال :مصايبي ...وسكت شوي وقال بسخرية صراحة مافي مثلك في الصبر آه بس اصايل طنشته وجلست تهز بولدها ...تبي تنشغل بوه وتخلي مصعب ماتبي تزيد معاه تدري بلسانها وتدري بجنونه .... مرت دقايق ...هدوء لا تكلمت ولا تكلم أول ماغفى ولدها نيمته على الكنبه ....طالعت مصعب يوم أشر لها تنيمه جنبه على السرير ...ترددت ماتبي تقرب منه تخاف يقول شيء يوجعها ...بس أبد ماهو مصلحتها ترفض ..وقفت وأخذت ولدها وقربته منه ونيمته جنبه وغطته ...جت بتبعد بس حست فيه يمسك يدها وقال بصوت واطي : ليه تقهريني ليه ماتسوين اللي ابيه كم مره حذرتك الجوهرة وأبوي ماتقربين منهم ولا تتدخلي بشيء يخصهم اصايل بغصه : ماسويت شيء يقهرك بس أنت دايم تحب تتبلى علي وتدور الزله علي تقول عدوتك وأبوك والجوهرة وربي مالي ذنب باللي صار بينهم مصعب رفع حاجب وقال:أنا ادور الزلة اصايل صديت عنه وقلت وأنا احاول اسحب يدي : مصعب خليني بحالي ورجعت طالعته تصدق أول مره احس انه فعلاً أنا وأنت مانصلح لبعض مصعب طالع عادل ورجع طالعها وقال بسخرية : توك تحسين بعد وشهوو بعد ماجبتي عادل ماينفع اللحين أبد تنثبري على ذمتي غصب عنك اعطيتك أول فرصه بس مع الآسف ماستغليتيها ولزقتي فيني اصايل كلامه وجعني ليه دايم مايرحمني لهالدرجة كرههه وصل ...قلت بقهر وعصبيه وأنا كاره حتى اسمع صوته : والله العظيم لو اني مو متفشله من أبوك يوم أقول له وديني لديرتي بعد اللي صار من توو لا اخليه الحين يوصلني مصعب ببرود مستفز : تقلعي كلميه وشوفيه لو اعطاك وجهه بعد الي سويتيه معاه اصايل صرخت بقهر : ماسويت شيء وقلت لك اللي صار بس أنت ماتبي تصدق وتحب تحملني بكل شيء مصعب : ايه بدليل رميك بالكلام على عبير وعذرك وشهووو تدافعي عن الشموخ اللي مدري مين وين تعرفيها اصايل توترت يوم رجع فتح سيرة الشموخ قلت بتهرب : شفتها هنا مره اففف مصعب عقد حواجبه : كذابه من بعد ما أخذت عناد ماجت بيتنا اصايل بكذب : إلا جت مره وأسال نانوو بعد وبتصريفه : وبعدين وشهو مشغلك بسالفة الشموخ ولا يكون متحسف مصعب طالعها بقرف وقال : عيب البنت على ذمة رجآل وبعدين لو ابي اتحسف كان ماتركتها بكيفي آه وليت بعد تعوضت لا ابتليت مع وجهي يقال انتقم ومافي حد تورط غيري بذا الانتقام اصايل فاهمه كلامه الخايس يقصد زواجه مني بقهر ضربته على رجله برد قلبي يوم صرخ بألم قلت بتشفي وأنا اشوفه يتألم : تستاهل صرخ بألم : ليه ليه كذا ابتعدت عنه وجلست ...على الكنبه وأنا امسح دموعي ..تعبت والله ...منه ودي ادق على أبوي بس خايفه يلومني ويقول وشلون تبين اجي لتس وحالة رجلتس تسذا تعرف أبوها ...ومالها وجهه تكلم عمها بعد اللي صار تصبر شوي وتفهم عمها وبعدها تطلبه ومصعب بقلعته ولا رآح تسأل فيه ...مايستاهل أحد يضحي عشانه سمعته يناديها طنشته والله ماترد عليه ولا راح تساعده ...بس ماقدرت يوم قال والوجع واضح بصوته :اصايل اعطيني المسكن بسرعة الله يسامحك على اللي سوييه بس وقفت وقربت منه وأخذت كيس الدواء وطلعت المسكن ..وصبيت له كاس موية وناولته ..بدون ماتكلم ...انحنيت وأخذت عادل ..عضيت شفتي يوم قال :لا تعاندي وتطلعي من الغرفة اللليله وسكت شوي وهو يشوف العناد بعيونها فكر بخبث يعرف وشلون يخليها تجلس قال : احس بتعب اليوم غريب وأشر على صدره مدري وشهوو بالضبط بس استغرب يوم ماشاف الخوف والقلق اللي دايم يشوفه ...لا لا مايحب يوم تكون كذا باردة معاه قال بمحاولة ثانية واثق بعد انها راح تصيح من خوفها : وصيتي لك لو صار لي شيء لا تعيشي هنا فاهمه خذي عادل وروحي لبيت أبوك وابعديه عن جو هذا البيت وابتسم بمكر الحين تصيح وترجف وتسأله وش يحس وين الوجع بالضبط وتبدأ خوفها وقلقها علي بس اختفت ابتسامته يوم صدت واعطته ظهرها وأكثر شيء صدمه كلامها قلبي ارتجف بس مسكت نفسي غصب مايستاهل كل ماوضحت خوفي وحبي له زاد بتعذيبي ... صديت عنه وقلت : أنت بس موت وبيزين جو البيت لا توصي وبنفسي بسم الله عليه بس حاولت ماوضح خوفي عليه وجلست وأنا أستغفر قلت يوم ولدي صاح رفعت صوتي بقصد : خلاص حبيبي خلاص مابقي شيء ويطلع النور ونطلع من ذي الغرفة الكئيبه خلاص ماما اوش اوش وطالعت مصعب بطرف عيني اخخخ انكتم بعد كلامي الآخير يستاهل مأخذ بعمره مقلب ...أجل انا لزقه مالت بس ... مصعب حس بقهر ...يوم طنشته ..وبعد يحس بندم من تعامله معاها ..بس تستفزه وتطلعه من طوره وتخليه يفقد اعصابه ...طالعها آه لو تدري بغلاك بس بقلبي ..عض شفته بقهر يوم تذكر كلامها قال ايش تكلم أبوه يردها لأهلها بحلامك اصايل أنتِ ملك مصعب مافيك تبعدي عنه ... رن جواله استغرب مين يدق الحين عليه رفعه وشاف رقم بندر عرف ان فيه شيء كبيرر ولا مادق عليه ذا الوقت طالع جهة اصايل فتح الخط وقال بهمس : هلا بندر قال ببرود :عارف ان الوقت ماهو مناسب بس وش اسوي يمكن يوم أقولك باللي صار تتحرك لأن الأولى ماتحركت والثانية طنشتها مثل الأولى ويارب الثالثة يطلع معك شيء على أني فقدت الأمل فيك حس بقهر من كلامة دايم يرمي كلام عليه يستفزه وبعد اي اولى يقصد قالها له يوم اعطاه السي دي والحين كرررها قال بغيض :ان كان قصدك السي دي ترا وضعي هو اللي حكم علي ضحك بسخرية : الحين سالفة السي دي قدرك اللي وقفك طيب نخوتك وين عن الأولى وهي صدق كبيره .... مصعب بقهر : اي أولى تقصد ماعرف لك إلا السي دي بندر طالع صالح يوم همس له :مايدري بسالفة أهله عادل اللي نقذهم تكفى لا تقول له عادل حذرني مايوصله اي شيء عن الموضوع بندر ابتسم بسخرية وقال وهو يصرف :ماعليك الحين عارف مين اللي تسبب برقدتك ذي تراه عزيز وبتحريض من الجوهرة مصعب انصدم قال بصرخة : ايشششششش طالع اصايل اللي جلست مفزوعه عض على شفته وقال وهو مايبيها تفهم يخاف تقول لأبوه وتخرب عليه مثل العادة قال : تعال بكره حياك بندر رفع حاجب وقال : ليت بفايدة وقفل مصعب انقهررر ...استفزه بما فيه الكفاية بالله لو بصحته مكان قضى عليها ...هووو ناقص ذا الحين ينكد عليه كذا ..وبعد وش سالفة عزيز ذا بعد وحادثه طلع تحريض مثل ماتوقع ... طالع اصايل ماوده كان تكون موجوده عشان يعرف الحين وشلون... يقدر يصبر لما بكره ..صرخ بقهر ب آآآه مكتومه ...وضرب على رجله اللي تعوره قفله عيونه بألم حس بيدها وهي تمسك يده تمنعه فتح عيونه وطالعها وقال بتصريفه :روحي نامي في غرفتك همست بخوف وقلق من حالته : مصعب مين دق عليك وكذا قلب حالتك مصعب صد بوجههه وقال وقلبه يغلي من كلام بندر : مية مرة حذرتك لا تحشرين نفسك اصايل عضت شفتها وقالت بقلق غصب عنها : ايش فيه تكفى طمني صرخ بعصبيه : ماهو من توو زعلانه يلا فارقي كملي زعلك وابعدي عني .... ابتعدت عنه ...وهي ودها تعرف وش قال له اللي كان يكلمه ويخليه كذا يقلب ...أكيد قايل له مصيبه يالله متى نرتاح من جوو الأكشن والخوف اللي مسويه فيني ... أول ما أبتعدت عنه ...مسك جواله ورسل له ( ايش عرفك ان عزيز وراء الحادث ) ثواني وجاه الرد (ماهو فاضي جوي مشغول حالياً مثل جوك الحين وبكره وخير ) رمى الجوال بعصبيه وهو يصرخ بسبه ******* اصايل فزيت وأنا اسمع سبته وبعد الجوال اللي تكسر قدامي يالله هذا كم جوال يكسر بالشهر ..مسكت ولدي بخوف ودي اطلع من المجلس وهو كذا حالته بس خايفه يجن بزيادة ...قلت بخوف وأنا اشوفه ماهو طبيعيي أبد : مصعب هدي بس سكت يوم أشر للباب وقال بصرخة : برااااااااا يالله رجع وطردني ...بس أول مره أفرح بطرده لي أفضل شيء اطلع وابعد عنه وهو بذي الحالة أخذت عادل وطلعت وقفلت الباب بقوه ...طفشت وقرفت من جنونه والله ...طلعت واتجهتت للصالة دورت بعيوني للجوهرة وعمي صقر أبد مالهم أثر فكه أفضل شيء ماتصادف معاهم .... طلعت غرفتي وقفلت على نفسي بحذر ...صراحه احس بخوف ...بدونه ...بس اللحين مقلقني مين دق عليه وقلب حاله كذا .... // فتحت عينها ...وهي ماتدري وشلون نامت تمغطت بكسل ...وهي تطالع الدريشه ...وتشوف الرذاذ ...بوزت خربت على نفسها ...وهذا للحين زعلان وعينها من باب الغرفة ..وقفت وراحت للغرفة فتحت الباب بشويش وهي تطالع ناحية السرير ...الغرفة مظلمة عتمه يالله كل ذا نوم ياياسر ..ولا حاب تعاقبني بتطنيشك لي ...مشت بخطوات حذره وقربت من السرير وهمست : ياسر بس مارد عليها عقدت حواجبها ...جلست جنبه ومدت يدها تحركه : ياسر عارفة انك زعلان مني بس سكتت وهي تحس بحرارة جسمه كان مولع حده قلبها وجعها حيل قالت بخوف وهي تقرب منه وتهمس : ياسر تسمعني تحرك بتعب وهو منزعج من صوتها :شدن خليني بس انام شوي وبعدها اقوم ونطلع شدن بقلق : اي طلعه الحين ياسر أنت تعبان قوم كل شيء وبعدها خذ مسكن يخفف عنك ذي الحرارة عضت شفتها يوم مارد عليها ...رجعت همست : ياسر خايفه عليك فتح عينه وهو يحس بتعب قال بصوت مبحوح :مافيني إلا العافية تطمني هزت رأسها بخوف وقفت وراحت للمطبخ وحضرت عشاء من الاغراض المتوفره قدامها وسوت حليب حار ....تمنت عندها زنجبيل ... ورجعت للغرفة وهي بيدها الأكل وقفت على رأسه وقالت : تقدر تقوم تأكل مارد عليها حطت الصحن ...وجلست جنبه وهي تهزه بخفيف : ياسر يلا قوم كل لك شيء تكفى عشاني يالله يحس رأسه ثقيل عليه ...ماهو قادر حتى يرفعه من قوة السخونه اللي يحس فيها...وحلقه بعد يوجعه حيل ...حاول يقوي نفسه .. عشان الخبله ذي تهجد عنه ...رفع نفسه شوي ..وسند ظهره على السرير وهو مو قادر ...يفتح عيونه ...من نورالغرفة طالع الأكل بعدم شهيه ...قال وهو يأخذ كوب الحليب : هذا يكفي وجيبي مسكن وهو يأشر على جيب الجكت هزت رأسها برفض : لا تكفى على الأقل كل لك شوي المسكن بيكون قوي ويبي أكل وتخصرت بقهر ولا تبيني اعلمك شغلك دكتور ياسر قفل عيونه بصبر مافيه على سخافتها الحين قال بحده :شدن أبد مافيني جيبيه ساكته نزلت رأسها بحزن ايش قالت عشان كذا يقول افف دايم يفهمها غلط سوت مثل ماقال واعطته المسكن وهمست : بالعافية جلست تطالعه يوم رجع تلحف ...حزينه عليه حدها ماتوقعت يمرض ...من الجووو ...مفروض يكون متعود ماهو عندنا بالجنوب دايم تمطر ودايم ينزل برد ...طالعته يوم قال وهو يبعد المفرش : لازم أخذ دش عشان تخف الحرارة ولا كذا ماراح تخف على طول وقفت تساعده يقوم مدت يدها له أول ماحط يده بيدها انلسعت من قوة الحرارة يالله مرتفه بطريقه تخوف قلبها وجعها وهي تشوف وجههه محمر وعيونه بعد تعبانه وحمراء همست له وهي تحس بالغصه : خايفه عليك شد على يدها وقال وهو يحاول يلطف الجوو ويطمنها اشر على شعرها وقال : ارفعي ذي الكشه وبكون بخيرر بسرعة رفعت يدها ترتب شعرها المنكوش وقالت وهي منحرجه : من خوفي عليك نسيت ماارتب شعري ابتسم وقال :لا تخافي مجرد برد بس لامت حالها وقالت : أنا السبب قلت لك نطلع والجوو كان ثلوج ... ياسر :مكتوب علي اني امرض لا تلومي حالش الحين ومد يده خربط شعرها وحاول يبتسم شاف الاعتراض بعيونها قال : احبه وهو منكوش شدن ابتسمت له وقالت : ماعرفت لك ابستم وقال : بخف وبنفلها قدامنا الوقت طالعته ...ليه مايفهم ان الحين مايهمها اي تمشيه اللي يهمها تشوفه بخير ومتعافي ... رجعت جلست على السرير ..تنتظره عشان تساعده وقفت ورتبت السرير ..وبسرعة لمت ملابسه اللي مرميه جنب الشنطه وأخذت الجكت المرمي على الكنبه اللي بالزاويه ...وعلقته بالدولاب ...فكرت تأخذ الأكل ...بس يمكن ربي يهديه ويرضى يأكل أول ماسمعت صوت باب الحمام يفتح بسرعه طارت له وهي تشوفه بقلق ...قالت بتأكيد : نشف شعرك زين هز رأسه وهو ينشف وجههه اتجههه للسرير وتمددد بسرعة قربت منه ورفعت المفرش وغطته وهي تقول :للحين ماغيرت رأيك عن الأكل قفل عيونه بتعب وقال : شوي بس انام وبعدها أكل هزت رأسها وهي ماتبي تضغط عليه ... تذكرت وشلون زعلته ...قربت شوي وهمست له : آسفه بس مارد عليها ...شكله رجع نام ...ابتعدت شوي وجلست بالناحيه الثانية من السرير وعينها منه ...مدت يدها بتردد تشوف حرارته تطمنت شوي يوم حست انها خفت شوي عن أول @ @ @ الجنوب قالت بعصبية : شوفي يا أم ياسر ولدش مايبيها يقول لا يخطب ويهج مع زوجته وحنا نجلس نتحمل كلام الناس الي يوجع قبلها أبوكم قال بيحدد الملكه وفجأة اعتذر بسفره والحين ماشوف وصلها مثل ماقال ورجع لا اشوفه يقضي شهر العسل شكله مع بنت المصريه نور حطت القهوة والتمر وهي تسمع كلام أم سعود حست بقهر ذي وش عندها جايه تزود على أمي وتتكلم كذا عن شدن تقول عدوتها قلت بقهر : طيب وش لش يقضي شهر العسل ولا ...سكتت يوم امها صرخت عليها : نورررررر طالعتها وقالت :يعني صدق اللي سمعنا بوه انه ماهو راضي يرجع من مصر عشان خاطرها طيب ليه خطب بنتي مدام كذا متعلق فيها أم ياسر طالعت نور يتهديد وقالت :مين قايل كذا يا أم سعود الولد عشان خاطر عمته راح فيها ومثل ماقال لكم أبو ياسر البنت بتطلق منه ومعاد له صله فيه واللي وصل لكم الكلام يكذب ويبي يخرب على بنتش خطبتها وأنا اختش اسمعي الكلام وطنشيه مايجي من وراه إلا التعب وياسر ان شاءالله انه بيجي وبيملك على بنتش وبيخليها ملكه في بيته أم سعود بشك : واضح بيخليها ملكه في بيته وبدليل من وقت ماخطب بنتي لا جاء ولا قبل بوجهه مايبيها يقول مايواسي البنت بخطبه وهو ماهو كفووو نور بسرعة قالت :طيب وش غاصبكم ترفضه وتريح نفسها جايه وناشبه لنا الحين أم ياسر بحده: نور اسكتي قبل ماقوم لش وطالعت أم سعود العذر والسموحه منش تراه سفيهه ماتقدر الكلمه أم سعود وقفت بزعل : مانشبت لش ياقليلة الأدب وبكلم أبو سعود ونفكها سيره وقفت أم ياسر ومسكت يدها وقالت: ليه تخربي على بنتش من كلام الناس والحين اصبري لما يرجع ياسر ومالك إلا طيبة الخاطر وطالعت نور تعالي تعذري من خالتش بسرعة أم سعود سوت شيلتها وقالت :بنصبر ونشوف بس قولي لولدك بنتي ماهي ميته عليه واعتذار بنتش مابيه نور حسيت بقهر ودي اقولها ياكذابه ميتن على يوسر ومستحيل تفرطون فيه انتِ وبنتس الخاينه طالعت أمي تطالعني بتهديد ..طنشت وأنا اشوفها طلعت فكه ليتش معاد تجي ..شفت أمي رجعت وهي معصبه ...قلت بسرعة قبل تبدأ: يمه وربي ذولا القرب منهم نشبه وحسرة حرام عليكم تدبسون ياسر صح على حقدي عليه بس والله مارضى تصير نهايته كذا أم ياسر بقهر : ياخبله لو وصلت لرجلها كلامش وصله لأبوش وبعدها أشوف كيف تقدري تدافعي عن حالش عند ابوش تدري به انه عارف انش قايمه بصف شدن وبيقول تسوين كذا عشان شدن ترجع نور بقهر:حرام والله اللي سواه أبوي في شدن ودي اعرف وين الغلط فيه بس ....... أم ياسر بقلق وخوف : لازم يرجع قبل الكلام يزيد وأبوك يعصب زود نور فتحت عينها بصدمه : يمه قبلها قلتي لا يرجع ويبعد عن أبوي واللحين تبينه يرجع ماعرفت لش انا افداش تغيرين كلامش بالساعة عشرين مره اثبتي على كلمه عشان نقدر نأخذ ونعطي مع بعض بس كذا مقدر يجيني حول بمخي أم ياسر بقهر وهي ترفع الفنجان : والله لو ماتسكتي وتخلي تفاهتش الحين لااهفش بوه نور قربت منها وهي تضمها : اسفه يمه حقش علي يجعلني قبلش قولي وش ناويه عليه الحين أم ياسر بخوف هزت رأسها : آه مصيبه لو وصل الكلام لأبوش وبيشوش أكثر ماهو شايش بسرعة دقي على ياسر بكلمه وبتفاهم معه نور هزت رأسها : ابشري يمه رفعت جوالها ودقت بس مقفل طالعته أمها وقالت مقفل يمه أم ياسر بسرعة قالت : دقي على شدن أكيد بجنبها نور فتحت عينها بصدمه : ايشششش ادق على شدن وأبوي لو يدري انش كلمتيها بيلحق بش شدن أم ياسر صرخت بقهر من غباء بنتها: معاد إلا هي أبوش يطردني وبعدين وش يعرفه بسرعة دقي عليها نور دقت رقمها بفرحه أخيراً بتكلمها بس نفس الحكاية مقفل كشرت ونزلت الجوال وقالت : افف مقفل جوالها ...حضرتها هايمه مع يويسر وحطت يدها على خذها وقالت : آه مين قال ذولا الاثنين يتفقون يالله صدق الدنيا فيها عجب أم ياسر بقهر : علامهم ذولا مقفلين جوالهم نور بخبث : عايشين شهر العسل اللي تقوله أم سعود ههههه أم ياسر بقلق : ارسلي عليها بذا اللي تسمونهه نور بستعباط : واتس ولا سناب أم ياسر بعصبيه : الله يأخذش الحين أنا وش يعرفني عشان اختار لش ارسلي على اي مصيبه وشوفي وش ترد عليش وهزت رأسها بحسره طبعتش بنت المصريه بكل طبايعها وهجت الله يسامحها نور ابتسمت : آه ياانها وحشتني يمه... فتحت سنابها ...وطالعتها وقالت وش أكتب أم ياسر بسرعة قالت وهي متحمسه : قولي لها تخلي ياسر يكملني اللحين ومدت يدها بتأخد الجوال نور وهي تشوف حماس أمها ويدها الممدوه قالت : على هونش يمه ترا رسالة ويمكن ماتشوفها الحين اركدي شوي أم ياسر بقهر ضربت يد بيد: بموت ناقصه عمر منش ومن أخوش ومرته .... نور ابتسمت ورسلت لها مثل ماطلبت منها ... وقالت وهي تتلفت : يمه وينها حور من وقت ماصحيت ماشفتها أم ياسر : راحت تقول بتسلم على عمتش نوفه وخالش نور عقدت حواجبها : من متى ذا الوصل أم ياسر بقهر : خليش من حور وارجعي شوفي شدن // طول اليوم حابسه عمرها بالغرفة ...وتصيح بقهر وقلبها محروق ....من كلامة عنها قدام عبير تحس بقهر ... مهما كان مفروض يحترمها ..... سمعت اصواتهم بالصالة ...وصوت ضحك عبير لعندها حست بقهر ....تحس انها ترفع صوتها عشان تغيضها ...ياترى ايش قال لها مخليها تنبسط كذا معاد فيها لازم توقفه عند حده وتحذره مهما وصل كرهه لها لا يرخصها ...كل ماضحك عبير يرتفع ويزيد تحس بقلبها ينحرق أكثر وأكثر ...بدون حس وقفت .. وطلعت للصالة شافتهم مع بعض جالسين وقدامهم العشاء ...حست عبير عصبت وعناد طبعاً طالعها ...مستغرب وصرف نظره عنها حست بغربة بينهم أول مره تحس بذا الاحساس ان مالها وجود بحياة عناد أبد وموقفها بايخ وهي كذا واقفه قدامهم عبير بقهر قالت : خير جايه ولا ناويه تخربي مثل عادتك الشموخ حست بتوتر بذات يوم رجع عناد طالعها وكأنه يبي تبرير لطلوعها ودها تصرخ وتقول له لا تعاملني كذا ماتحمل بذات منك مابي اشوف نظرة الكرهه ذي بعيونك كنت احط أمل لحياتي معاك يوم اشوف حبك لي بس اللحين ادورها هالنظرة اللي ارتجي منها السعادة بس مع الآسف معاد أشوف .. غير الكره والحقد قالت بصوت مكسور : عناد وقت ماتكمل أكل تعال أبيك بالغرفة نزل رأسه وقال وهو يأشر للأكل : تعالي تعشي أول وبعدها قولي وش تبين استبشرت خير يوم عزمها بس انقهرت يوم عبير صرخت : آيششش تتعشى عناد لا تجننني ترى اليوم قايل ماتبيها واللحين تعزم عليها انفصام هوو ولا وشهووو بالضبط طالعت عناد بحزن ...مثل اللي تقول له شوف وشلون رخصتني وخليت ذي الحشرة تتكلم عني قوت نفسها وقالت :وقت ماتخلص أكلك الحقني الغرفة واعطيته ظهري برجع لغرفتي عناد طالع عبير بحده ورجع طالع الشموخ وقال : الشموخ طالعته أشر على الأكل وقال : تعالي حياك مفروض مستحيل أقبل عزيمته بعد اللي سمعته ...بس عناد في عبير والله لا أقبل على ان مالي نفس بشيء وقلبي موجوع منه على الآخر ...رفعت حاجب وقلت بخبث : أبشر وقربت منه وجلست جنبه على الكنبه طالعني ورفع حاجب مثل اللي كاشفني اني بغيض عبير همس لي :خلي الشر عنك وسمي وقرب مني صحن المشويات ...وقال :ذوقيه مره طعم طالعت عيونه مصدومه معقول عناد بيرجع يحن علي صح دايم حنيته بالحسرة بس كنت افرح فيها وبعد آخر موقف ماتوقعت عاد احس بحنيته بس فزيت من صرخة عبير : لا لا هايمين في بعض وقدامي وركضت لغرفتها وهي تصيح والله ماجلس لك فيها ... عناد زفر بضيق وقال : يالله اعطيني صبر ابتسمت بخبث وقلت وأنا أشر للأكل :ماعليك مصيرها تفرج كل أنت بس وأخذت لقمة وأكلتها بتشفي وأنا اتلذذ عناد رفع حاجب وقال :الحين يقال تصبريني ماهو كأنك انتِ اساس المشكله اللي حصلت توو ابتسم على جنب وقال ماشاءالله اشوف الشهيه انفتحت مره وحده الشموخ رفعت كتوفي وطالعته ببراءة كلها تمثيل وقلبي يرقص من فرحتي اني قلعتها وجالسه معاه : وش سويت أنت عزمتني وأنا قبلت عزيمتك بس شكلي غلطت وجالس حتى تحاسبني على اللقمه اللي أكلها وجيت بوقف بس قلبي وقف يوم مسك يدي وقال وهو يمنعني : كلي أول شوفي كيف نحفانه يمه يمه وربي بطير من فرحتي ...اليوم عناد مهتم بعد بأكلي ...جلست وقلت :مابي اسوي مشكله بينك وبينها يوم طلعت من غرفتي بس كنت حابه اتكلم معاك بموضوع مضايقني عناد سكت شوي وقال :يعني ماكان رآح يتأجل حسيت بقهر ودي اصرخ بوجهه بس مسكت نفسي وقلت بصبر:أنا آسفه على اللي صار بسبتي عناد رفع حاجب وقال :طيب قولي موضوعك اللي مضايقك وطالع باب غرفة عبير وتنهد بحسره الشموخ حسيت بقهر حسيته مثل اللي يقول لي اخلصي علي بروح اشوفها .... نزلت رأسي وقلت وأنا قلبي مكسور :ابي اطلب منك طلب وياليت تنفذه سكت شوي وأنا احاول امسك دموعي وأقوي نفسي شوي بلعت غصتي بالعافية وقلت : عناد ترى اليوم سمعتك الصبح يوم تكلمت فيني عند عبير تكفى مابيك ترخصني قدامها رفعت رأسي وطالعته عارفة أنت ماتبيني ومغصوب علي حالياً ومدة مؤقته مثل ماقلت واللي اطلبه منك حالياً بس احترمني حتى أبوي ينسى اللي صار وتردني له أنت فزعت لي ياليت تكمل جميلك معي ... تكفى مافيني اسمعك تتكلم فيني عندها لا تغير نظرتي فيك أنا أشوف دايم أفعالك معي كلها رجوله ولو ايش ماقدر اوفيك سكتت شوي وأخذت نفس وهمست ..عناد ارجوك ومسحت دموعها اللي نزلوا غصب عنها ....تبكي فراقه من اليوم ياناس مافيها الحين قلبها وجعها وهي تحكي عن فراقه أجل وشلون يوم يصير .... عناد طول ماهي تتكلم وهو يلوم نفسه آه ماتدري انه مقهور وموجوع عليها أكثر منها وطول اليوم ندمان وللحين ماهو مصدق انه قال كذا ...يمكن من القهر اللي فيه فقد اعصابه وتحكمه بكلامه ..بس مافيه يوضح لها ندمه ...والحين يوم شافها طلعت من الغرفة استبشر وفرح بس مسك نفسه بالعافية عشان مايوضح لها ...آه ذبحته يوم قالت ارجوككك ... قال ببحه : لاتلومني اللي سويتيه مايغتفر مسحت دموعها وقالت : مالومك بس ارحم ضعفي واللي سويته كنت أحاول اريحك مني عناد رفع حاجب وقال بقهر : تريحيني ولا تفضحيني وشلون تقولين كذا لأبوك الشموخ مافكرتي وشلون موقفي قدامه وبذات لو سمع عمي صقر وصل الكلام لمصعب وقتها وش يكون موقفي بالله الشموخ عضيت شفتي من كلامة وقلت بصدق : والله ياعناد ليت تعطيني فرصه بس وتصدقني وتريحنا جميع تكفى خلينا نرتاح عناد ابتسم بسخرية : اصدقك شموخي وش شايفتني غبي وشلون وأنا سامعك بنفسي الشموخ قالت بسرعة وبدون تفكير : مستعده أكلم تغريد قدامك وأسالها لو بيني وبين أخوها علاقة حست وجههه بدأ يحمر ويعصب قالت بخوف عشان بس أثبت لك اني بعد كنت رافضته ومابيه عناد بقهر وهو يشد على يده :يعني كان يبيك الشموخ بلعت ريقها خايفه انها توقع بالكلام ويعصب زيادة قالت بتردد :ايه ورفضته أكثر من مره عناد بسخرية : رفضتيه طيب وبعدين الشموخ حست فيه يتمسخر عليها وبتعقد السالفة زيادة ولا رايح يصدقها قالت : طيب تعال معي للغرفة خايفة عبير تسمع شيء ..ويعد بدق على تغريد وأنا بحلف على القرآن وهي تحلف بعد لو بيني وبين آخوها شيء عناد بعصبية : يمكن هي بعد ماتدري بالعلاقة اللي بينكم الشموخ قاطعته وأنا احلف : اقسم بالله مافي ولا علاقة بينا وربي الكعبه ياعناد اني بريئة وظلمت نفسي وظلمتك معي عناد تنهد بقهر وقال : كلي وتقلعي من قدامي مابي افقد اعصابي وياويلك تدقي عليها أنا ناقص فضيحه يكفي اللي صار منك وعيشه بيني وبينك مستحيله لا تحاولي يالشموخ وتحرجي نفسك أكثر جلوسك معي مجرد فتره ... الشموخ مسحت دموعي اللي نزلت وقفت وأنا احس بعجز سالفتي معاه معقده ومالها حل :طيب مدام أنت قررت بتخليني عندك فتره تكفى على الأقل من باب الإنسانيه لو ماتحمل لي معزه بقلبك انك ذي الفترة تقدرني ولا تكسرني قدام عبير ... عناد آه وده يصرخ ويقول اي معزه تحكين عنها ياشيخه ملكتي القلب كله بدون حس مد يده ورجع جلسها ومسح دموعها وقال بهمس : اوعدك المدة اللي بتجلسي فيها على ذمتي ماراح تشوفين مني إلا كل خير الشموخ حطت يدها على يده وقالت :ياليت تنفذ ذا الوعد لان حنا بالنهاية مفترقين ليه نجرح بعض و ...سكتت يوم حط يده على فمي يمنع أكمل كلامي وقال : تطمني عناد لو وعد نفذ وراح تطلعي من حياتي وأنتِ تذكريني بالخير بس السالفة ذي ماتنفتح تعصبني يالشموخ ودي اصرخ وأقول له طيب وشلون ابري نفسي قدامك ...ومابي اطلع من حياتك أبيك وراضيه فيك وليت بس تصدقني بس مافيني احرجه أكثر يكفي نفذ طلبي الحين وماردني ابتسمت له بس انصدمنا الآثنين من صوتها العالي المستفز فوق رأسنا : عينك بعينها بعد بالله ذولا اشكال حد بيفترقون شكلي أنا الهبله بينكم ومصدقه كلامك فزعتني الله يأخذها دعيت الله ماترجع بكلامها يوم شفتها تلبس العبايه وتلف طرحتها وتصرخ على عناد يوصلها لعند أمها .. بس انصدمت يوم قربت منه وصرخت وقالت وهي تضرب على صدره :وش فيه تحبها أكثر مني لو جيت للشكل احسن من الحشرة هذي بمليون حشرة يا ال******* بس صبرت نفسي وقلت بسخريه : أم المقلب اللي مأخذتيه في نفسك بس سكت يوم عناد طالعني عشان اسكت انسحبت للغرفة مابيه يزعل مني بس وقفت مفزوعه من دق الباب وصوت أمه العالي وهي تصرخ ( افتح عناد ) حسيت قلبي وقف همست اللهم اجعله خير ...لايكون مصيبه صارت لعمي ... بسرعة عناد ركض يم الباب وفتحه ..وهو مفزوع بس انصدمنا كلنا يوم دفت عناد عن طريقها ودخلت وبسرعة صرخت وهي تقرب من عبير : اللحين هذي اخرتها كذا تخونوا العشرة أنتِ وأمك بسرعة عناد أبعد عبير عن أمه وهو يقول بعدم فهم : يمه عسى خير جايه وحالتك كذا الجوهرة وهي فاقده اعصابها : اي خير يجي وراء ذي العقرب وأمها وتهجمت عليها عناد بعدم فهم : يمه وش فيك عليها وبسرعة سحبها من يدها وهو يدافع عنها ومصدوم بنفس اللحظه عبير صرخت بقهر وهي وراء عناد : هييي ماسمح لك تغلطي علي وعلى ماما الجوهرة صرخت منهارة وهي تمد يدها تبي تطولها من وراء عناد :ياللي ماتستحين بعد لك عين بعد سوات أمك تردي وطالعت عناد وهي تدفه عشان يبعد : الخاينه أمها طلعت تخوني مع صقر وشفتهم بعيني في بيتي شفت وشلون غدروا بأمك هذا جزاتي ضفيتهم وسترت على بنتها وزوجتها لك وأنت ماتبيها وعارفة ذا الشيء عناد بصدمة من الكلام اللي يسمعه طالع عبير شكلها بعد مصدومه مثله قال بدافع عنها : يمه شكلها ماتدري باللي صار لا تظلميها وتحطي عليها ومين قالك مابيها بالعكس أفضل شيء سويتيه سعيتي تكون من نصيبي الجوهرة صرخت بقهر : والله الاشكال هذي وسخه وتدري بكل شيء والزفته كانت مشغلتني عن صقر بمشاكلك معاها و الجوو يخلى لأمها وخلك من الكذب والله ماتبيها الشموخ حطيت يدي على فمي امنع صرختي مصدومه حدي آخر شيء توقعته يصير بينهم كذا عمي صقر وأم عبير ... بس انقهرت حدي من دافع عناد الممميت عنها وبنفس الوقت احس بستمتاع وأنا اشوفهم ماسكين في بعض يالله ياشامتي فيهم ...ودي أقول للجوهرة ذوقي اللي ذوقتيني فيه بس خفت من عناد يفشلني قدامهم...بس والله حسيت بمتعه وأنا اسمع الجوهرة تفشل عبير خليها تتأدب مأخذه مقلب بعمرها ...كشرت بقرف يوم صرخت يقال مصدومه : عناد يحبني ويبيني ابتسمت بسخرية توك حبيبتي تحسي جلست على الكنبه وحطيت يدي ...على خدي وأنا اطالعهم بوناسه عبير وهي منهارة من اللي تسمعه ومن تشكيكها بحب عناد لها : ماما ماهي خاينه وأكيد شايبك هوو اللي متبلي عليها ....ولو فعلاً مثل ماتقولي خانك مع ماما أكيد شاف فيها اللي ماهو فيك ولا تحشري حالك بيني وبين عناد ثاني مرة عناد مصدوم حده من اللي أمه قالته عمه صقر يسوي كذا بس عصبه كلام عبير قال بحده: عبيرر الجوهرة بعصبيه :وشهوو اللحين امك اللي كلها عمليات تجميل فيها شيء احسن مني قولي وش فيها الشحاته عبير بدافع عن أمها وطبعاً جمالها وجمال أمها عندها خط أحمر : لو سمحتي ماما جمالها رباني وماهو عمليات تجميل مثل ماتقولي روحي أنتِ اللي كلك عمليات وع عناد صرخ : انكتمي الشموخ حسيت بهواشهم تافهه اللحين السالفة فيها خيانه وغدر وش دخلهم بعمليات التجميل اففف ابيها تولع أكثر بينهم بس تحمست يوم قالت الجوهرة بعصبيه :طلقها ياعناد طلقها واحرق قلب أمها مثل ماحرقت قلبي قلبي رقص من فرحته بكلامها شوي وأقوم أبوس رأس الجوهرة ليت عناد ينفذه بدون ترددد بس انقهرت يوم قال وهو يحاول يهدي على أمه : هدي يمه مو كذا تنحل ولو فعلاً صار اللي صار عبير مالها ذنب عبير صرخت :أنا اللي بطلب الطلاق من ولدك بعد اللي صار منك وماما احسن خليها تأخذ صقرك وموتي بقهرك عناد بقهر قرب منها وقال بتهديد : والنهاية معك والله لو ماتسكتي بعرف وشلون اسكتك عبير وقفت بوجهه بتحدي وقالت وهي تأشر على الشموخ : لا لا عناد ترى مو كل الحريم الشموخ تنذل وتنهان وتسكت لا أنا عبير مستحيل اسكت عن حقي وحق ماما الشموخ حسيت بقهر الزفته بعد لها عين تشبهه نفسها فيني حسيت بقهر يعني تدري حتى بضرب عناد لي ...جيت بنسحب من هالمهزله تصير احس مافيه أحد انحرق قلبه غيري ...وبعد عناد ماعطاني فرصه ارد وارجع كرامتي كسرني وش أقول تكذبين وهالشيء صدق فعلاً مو كل النسوان مثلي يسكتون على الإهانه والمذله ....كان ودي اصرخ واقول لها أنا وضعي معاه مختلف ومقدر اسوي مثلك واقدر اكسر كلامه واوقف بوجهه كذا ... عناد حس بقهر من كلامها طالع جهة الشموخ اللي اعطته ظهرها واتجهت للغرفة بعد كلامها عن الشموخ مالها وجود بحياته قال بقهر :وماهو كل رجال يتحمل تكون وحده مثلك على ذمته عبير بتعالي واستفزاز : احسن شيء تسويه بعد كلام أمك عن ماما مالنا عيشه مع بعض وماما ربي يسعدها مع عمو صقر الجوهرة حست بقهر وصرخت : يسعدها مع عمو صقر لا لا لازم تتربين وسحبتها بشعرها ورمتها بالأرض وهي تصرخ : اشبعي فيه أنتِ وأمك يالحثاله .... بسرعة عناد تدخل وابعد أمه عن عبير وهو يذكرها بحملها ......بس انصدم يوم أمه دعت :يارب يطيح ولا تربطنا مع ذي العائلة الحقيرة وصرخت طلقها لا بركة فيها ولافي شيء يجي منهم ... عبير صرخت بألم وهو تحس شيء ضرب في بطنها وظهرها مع بعض ....صرخت وصرخت بسرعة عناد حاول يوقفها وهو يساعدها حده حزين عليها قال بسرعة وهو يطالع أمه : الله يسامحك يمه وش سويتي أول مارفعها صرخت عبير وهي تمسك على بطنها : ولدنا ياعناد بنخسره لا لا مابي مابيه يطيح وصرخت لاااااااااااا همس بحزن : خلاص اهدي ان شاءالله مافي شيء لا تخافي وجع بسيط ويروح الشموخ طلعت من الغرفة وأنا مفزوعه من صوت صراخها انصدمت من صياح عبير وجها المخطوف بدون حس قلت : وش صار قربت منها وأنا حزينه عليها بس بسرعة رفعت يدها تمنعي اقرب منها وهي تصرخ :ابعدي عني لاتقربي ودفتني بسرعه اختل توازني بس تلاحقت نفسي وسندت على الباب طالعت عناد اللي وجههه مخطوف ومتوتر حده خايف عليها ولهو معي أبد ابتعدت يوم ساعدها تطلع .... بعدها انسحبت لغرفتي وأنا اسمع الجوهرة تهددد وكأن الشيء اللي حصل ماهمها ولا هز فيها شيء ...ياناس مجرمة ... ومافيها ذرة إنسانيه أنا وهي تعتبر عدوتي وشفقت عليها ....بس حركتها الآخيرة قهرتني بس ماعليه ماراح انقد عليها بذات بذا الموقف سمعت صوت باب الشقه ينقفل بصوت عالي شكلها طلعت ....حسيت بتوتر وش بيصير معاها معقول بتفقد حملها ....والجوهرة بتخليه فعلاً يطلقها مثل ماقالت ....بس مستحيل يسويها عناد تعرفه ...ماراح يخليها بسبة أمه وبذات بنظره مالها ذنب ...وقفت وأنا اتعوذ من إبليس مابي افكر كذا البنت اللحين حالها مايعلم فيه غير ربي .... // صحيت الفجر ...على صوت المنبه .. صليت وتذكرت موعد دواء مصعب اللي يأخذه الحين ...جيت اطنش ماقدرت ولا طاوعني قلبي على انه مايستاهل ...تحس بقلبها شايل عليه بعد كلامه الآخير لها ...بس مابيدها شيء حالياً إلا تصبر طالعت عادل بتردد ...وشلون اخليه وانزل ...وبعد خايفه يصحى ويصيح ومافي حد حوله ...حملته وأنا حزينه عليه تبهذل معي ...بسرعة رحت للمطبخ واعطيت ميري عادل وقلت لها تنتبه له ..بس لما أجهز فطور مصعب ...وكلها دقايق وجهز ..أخذت الصحن وانا اشر لميري تلحقني بعادل بس قالت : ماما أنت روح وخليه عندي ...هزيت رأسي وهمست : اوكيه اتجهت للمجلس وأنا ادعي الله ان شياطينه هاجده مافيني من ذا الصبح أتحمل تصرفاته دخلت وأنا اسمي الله ...قربت منه وهمست : مصعب صلي وأشرب علاجك وارجع نام فتح عينه وطالعني وشكله مانام أبد قلبي دق بخوف من نظرته قلت بهمس : مانمت صح هز رأسه بلااااا وتنهد بقهر واضح بصوته همست له بقلق : تعبان صد وقال ببحه : مقهور عقدت حواجبي وقلت :ليه طيب مصعب تنهد وطالعها .... مايقدر يقول لها اللي بخاطره ... اصايل حسيته زعلان حيل قربت منه وقلت : مصعب لا توجع قلبي عليك تكفى قاطعها وقال : خلاص روحي نامي هزت رأسها بلاااا وقالت وهي تحاول تخليه يفك شوي ومتأكده لو رضي عنها بيقول لها عن المكالمة اللي جته وقلبت حاله :ماراح أخليك وبنام هنا على اني مطروده وعضت شفتها ليه دايم تطردني مصعب رفع حاجب وقال : تستاهلي اصايل ابتسمت وقالت بتهديد :بأخذ حقي منك كله بس تقوم لأني ماحب اطلع قوتي عليك وكذا حالك مصعب بسرعة مسك يده صرخت بألم قال بسخريه وهو يخفف مسكته : لا لا قوية مره واثق بتهزميني اصايل وهي تطالع يدها بوجع قالت : أخذتني غدر مصعب ابتسم وهو يمسك يدها ويرفعها شاف احمرار على كفها : عورتك اصايل هزت رأسها بلااااااا وابتسمت وهي تناوله كوب العصير أخذه منها وقال بضيق :قلت لك تحريض ماصدقتيني اصايل انصدمت من كلمته ولا فهمت وش يقصد وخفت اسأله يحس على عمره ويسكت خليه يقول وأنا الله يعيني بحاول افهم وش يقصد هزيت رأسي له ابيه يكمل أخذ رشفه وقال :لو رحت فيها كان حقي بيضيع مثل حق أمي ويكون قضاء وقدر بس الحمدلله ربي اعطاني عمر عشان أخذ حقي منها لا لا السالفة قويه قلت بسرعة :بسم الله عليك مصعب صغر عيونه شوي وقال بحقد وهو يذكر كلامها :الحين بسم الله علي ماهو قلتي موتي راحه وبيزين البيت ورفع حاجب ... اصايل تفشلت من كلامه وقالت وهي تدافعن عنه نفسها : لا تأخذ بكلامي وقت زعلي وبعدين أنت تنرفزني وتطلعني عن طوري ورفعت يدها بتهديد بس باقي على كلامي تقوم من هنا برجع لديرتي مصعب ابتسم بسخرية وقال : كنتي بترجعي أرمله اصايل قاطعته بخوف وهي تمسك يده ماتخيل حياتها بدونه مهما قالت ومهما هددت بس في الآخير ماتقدر تتخلى عنه : يجعلني ماذوق حزنك مصعب سكت شوي وقال : لو ماتحركت وسويت شيء بتذوقيه هالحزن اصايل بخوف : مصعب ايش فيه تدري فيني ... قاطعها وقال بندم :مافيه شيء ويالله ساعديني بصلي افف ياكثر كلامك بس اصايل عضيت شفتي بقهر...ضروري اتكلم وأظهر خوفي ..همست وقلت : أبشر وطالعت عيونه وقلت لا تضر نفسك مهما صار تذكر بس ان بذمتك عادل وبتردد أنا طبعاً لو أهمك مصعب شد على يدها وقال : أنتم أغلى شيء بحياتي اصايل على حزن قلبي بس والله ياكلمته ذي فرحتني وقلت بصدق : وأنت كل حياتنا @ @ @ ( المستشفى ) خبرته الممرضه انها فقدت الجنين والحين هي بخير وقدوا يسيطرون على النزيف ...حس بقهر وحزن بنفس الوقت ...المصيبه مايقدر يسوي شيء أمه اللي تسببت انه يفقد ولده ...يالله على الموقف اللي حط فيه ...تنهد وهو يدعي الله يعطيه الصبر والثبات ... تقدم... بخطواته للغرفة اللي بينقلونها لها انتظر دقايق وشافهم جاين بها على طول ساعدها ونيمها على السرير ...وقال بحزن : الحمدلله على سلامتك وربي يعوضنا وسكت مايدري وشلون يواسيها والمتسببب أمه صدت بحزن وقالت بتعب : اطلع برأ مابي أشوفك وقول لأمك والله ماسكت عن حق ولدي والله يارقبتها ماتكفيني عناد عض شفته مايدري وش يقول لها يحس معاها حق أمه اللي سويته شيء كبير ومايغتفر .. حط يده على رأسها يواسيها بس دفت يده وهي تصرخ : ابعد قرفانه منك ...وزاد صياحها يوم شافت أمها دخلت عليها وهي تركض مفزوعه قالت وهي منهاره : ماما طاح ولدي وأمه السببب ..ضمتها وهي تدعي عليها طالعت عناد بحقد وقالت : والله ماخليها وبلغ عنها الشرطة والله ياحق بنتي مايروح وبخليهم يتلونها تل عناد قدر وضعهم وطالع عبير وقال : بخليك الحين ترتاحي وبرجع بعدها صرخت : لا ترجع مابيك وطالعت أمها ماما خليه يروح مابيه خليه يطلقني سحر بقهر وعصبيه : بيروح ياماما هدي انتِ بس وطالعت عناد بحقد وقالت وهي تأشر للباب :براااا طلع وهو مغبون ومقهور بنفس الوقت ..على ضناه اللي خسره ركب سيارته ...واتجههه لشقته أول ماوصل ...شاف الشموخ قدامه بالصالة ..وقفت على طول وقت ماشفته صد عنها ورمى حالة على الكنبه : ايش صار دقيت مارديت علي طالعها وزفر بتعب :طاح الشموخ عضيت شفتي ...حسيت الدم اللي نزل ماهو بسيط ...قربت منه وجلست وحطيت يدي على كتفه وقلت : تصبر الله بيعوضك طالعها وقال :ماظنتي انه تبيني اتعوض بذات من عبير فتحت عينها بصدمه ماتوقعت رده بيكون كذا جت بترد رفع يده وقال : لانكذب على بعض أكثر وحده تكرهه عبير انتِ واحس الفرحة بعيونك مهما حاولتي تخبيها ... حاولت اصبر على كلامه وقلت بصدق : والله ياعناد مهما كرهي وصل لها مايصل لطفل ماله ذنب لا تظلمني عناد نزل رأسه بين يدينه وقال بوجع :أمي تسببت فيه رفع رأسه وطالعها بحزن ماقد صارت والله لا أقدر أخذ حقه منها ولا اقوى الشموخ مدري وش أقول له فعلاً موقفه صعب والله قالت بحزن عليه مهما وصل جرحه لها تحس فيه :ماكانت بوعيها صدقني اللي صار من عمي صقر وأمها افقدها عقلها اللحين يوم تهدأ بتندم وبتستوعب وش صار سكتت وأنا اتذكر سبها وكلامها قبل تطلع من البيت ماظنتي بتندم ولا تحس قلبها ميت ابتسم بسخرية وقال : أمي تندم مستحيل والحين بعد تبيني اطلقها وهي مالها ذنب وربي اشفق عليها من وقت ماتزوجتها احسني دمرتها وهي ماتستاهل تدفع ثمن اخطاء غيرها بس بحاول اعوضها واتمسك فيها لآخر شيء الشموخ احس كلامه كله دق لي ...حسيت بضعف موقفي ..قدامه ..عناد قاسي حيل ...ومايرحم مهما صار يحملني كل شيء ...حتى لو أنا بعيده عن الموضوع ...وقفت وقلت والغصه ذابحتني : بسوي لك فطور وخذ شور وريح لك شوي شكلك مره مرهق بس سكت يوم رفع رأسه وقال بسخرية واضحه بصوته :ماشاءالله قايمة بواجباتك اليوم كله ذي فرحه عشان الجنين اللي طاح واتوقع يوم اطلقها بتحتفلي وراح تعزمي حتى أمي لآنها تحولت من عدوه لحبيبه بعدت ما تسببت بموت ضناها وطلاقها مني اي قلب عليك يالشموخ ودي اصرخ بوجهه وأقول أنت اللي اي قلب عليك ترمي بالكلام ماتدري وش عواقبه علي قلت بغبنه : معاد أقول إلا حسبي الله ونعم الوكيل ومشيت للمطبخ ..سويت فطور وجلست أفطر ...بدون نفس ...حضرت له وخليته على الطاولة لو حب يأكل ...وطلعت ماشفته بالصالة قدامي ... طالعت جهة غرفته ..وانسحبت لغرفتي بس انصدمت يوم شفته متمدد بثوبه على السرير ... معقول بينام هنا ...أول مره يسويها من يوم المشكله اللي بينا ...جيت بطلع مابي ازعجه وبعد مابي اسمع شيء يوجعني يكفي اللي سمعني هو بس وقفت يوم قال :تعالي اجلسي بغرفتك عضيت شفتي وقربت بتردد وجلست على السرير بس هو فز بسرعة وقف حسيت عمري تفشلت بذات يوم وقف وطلع كان ودي أقول ليه دخلت غرفتي ...مدام بتطلع منها بذي لطريقه .. احس مايبي يجلس بمكان أكون معاه ... تمددت وأنا ادور النوم اللي رافض يجيني .. بس جلست يوم سمعت صوت جرس الباب استغربت مين بيجي الحين ...بس وقفت يوم استمر الدق ...طلعت تلفت ادور عناد بس ماله أثر قربت من الباب وقلت بخوف : مين بحده : أنا افتحي بسرعة قفلت عيوني بصبر يوم سمعت صوتها فتحته وعلى طول دفتني ودخلت وقالت بعصبيه وهي تنافخ : ساعة لما تفتحوا وبعدين ليه عناد مايرد على الجوال ومايفتح لي ساعة هنا ملطوعه ولا مسوي زعلان حضرته وبيقاطع أمه الشموخ بقهر ماعمرها شافت مثلها عديمة احساس قالت بقهر : لاتنسي وش مسويه فيه مطيحه ضناه وتكفين لا تزيدي عليه يكفيه اللي صار الجوهرة طالعتها بسخريه وقالت بخبث : بيني وبينك مافي حد فاز بها غيرك وضربت على كتفها اعطيتك جماله مفروض لو انك من النوع اللي يقدر الجميل بتشليه طول عمرك .. الشموخ انصدمت صدمة عمري من كلامها حسيت بقرف منها ودي اصرخ عليها واسكته بس قاطعتني وقالت بخبث :ماهو من النوع اللي يخدم بدون مقابل ابعدت عبير عن حياتك رديها لي تمام بس وقت ماحتاج بجي اخبرك وشلون تردين الجميل الشموخ جيت برد عليها رد محترم يخليها تثمن كلامها بس ..سكت يوم شفت عناد طالع من الحمام وينشف شعره بالمنشفه ..طالع أمه بعيون حزينه وكلها عتب ...يالله موقفه صعب ..الله يلوم اللي يلومه ... قربت منه وقالت بدموع التماسيح : لا تلومني ماكنت أقصد والله آسفه عناد مدري وشلون تقبل اعتذاري عناد بوجع: اي اعتذار يمه يقبل بذا الموقف عارفه وش سويتي قتلتي روح مالها ذنب الجوهرة وهي تمسح دموعها بتمثيل وقالت : سامحني يمه تكفى والله بموت وماقدرت اجلس بالبيت بعد اللي صار الشموخ كنت اشوف دموعها الخبيثه من توو غير والحين وشلون كذا تحولت ...اقسم بالله انه ماهمها طالعت عناد احسه ماهو قادر يتكلم ... الجوهرة حطت يدها على كتفه وقالت : ربي بيعوضك بس بعيد عن الخاينه وبنتها وأشرت على الشموخ تراها ماهي شينه مهما صار منها سكت شوي وكملت بخبث بس لو نفسك عايفتها حيل وماهو متقبلها عادي بخطب لك ...بدل عبير الف وبدل الشموخ مليون الشموخ ياناس ذي ماتحس وبعد قهرتني يوم رمت الكلام علي ...بس انصدمت من عناد يوم قال : مابي غير عبير وبترجع لبيتها وربي بيعوضنا مع بعض كان ودي يجمعني لو جبر خاطر بس قدام أمه بس والله ماسكت عنه وعن أمه قلت بقهر :ليه عايفني هو يحصل له مثلي الجوهرة بسخرية : ايه بدليل جاب فوقك وحده الشموخ قربت منها وقلت :جابها وقدامي احسن من اللعب وراي حبيبتي الجوهرة عصبت وقالت : بدينا بالمعاير الشموخ :من طق الباب جاه الجواب صرخ بقهر ذولا مايحسوون فيه ولاوشهووو : خلاص كفايه وطالع الشموخ وقال بصرخة : وقت هواشكم الحين وقال بصبر: يمه تكفين لا تزدين بالحكي ترى والله ماسك نفسي ومابي أخذ آثم واللي سويتيه مايغتفر يمه وبصوت محبوح وشلون يمه سويتي كذا وشلون طاوعك قلبك الجوهرة قربت منه وقالت وهي تحاول تضمه : وربي ماقصدت ويمكن يكون شر لك وش يدريك والحين الزفته أمها مرسله تقول بتبلغ علي وأنا مافيني على المشاكل ونزلت رأسها وهي تحاول تستعطفه بجلس عندك ذي الفترة ولا ماراح تتقبلني عادي قول برجع لصقر بعد اللي سواه فيني عناد بقهر من اللي هو فيه بس غصب عنه قال : مافي أحد يقدر يبلغ والبيت بيتك تفضلي وأشر لها تروح للغرفة الشموخ انسحبت لغرفتي وأنا ادعي الله تبلغ عليها .... شوي وعناد دخل غرفتي استغربت طالعته قال بحده : اقسم بالله تطويل لسان مع أمي ماهو بصالحك الشموخ بقهر قاطعته : سمعت وش قالت عناد خلك منصف لو مره عناد قرب منها وقال بتهديد : لا تطوليها الشموخ صاحت بقهر : مالي قدر أبد عندك اي أحد يتطاول علي وقدامك وأنت ماتعرف تدافع بس تعرف تهاوشني أنا بس عناد هز رأسه وقال بقهر : صدق ماحصلت راحه لا منك ولا من أمي اللي جايه بعد اللي صار وهمها حالها و ماهمها انها روحت روح الشموخ بقهر : خليهم يبلغون أجل ويبرد قلبك بس سكتت يوم قرب عناد ونزل نفسه ومسك فكها وقال بتهديد : اخليهم يبلغون عن أمي وش شايفتني الشموخ دفيت يده وصرخت : فكني عناد ابتعد عنها وهو يزفر بقهر وقال : مالك دخل فاهمه واحترمي حالك مدام تطلبي الاحترام وطلع وصفق الباب الشموخ صحت بقهر ...دعيت عليه وعلى أمه من قلب قهرني حيل ..حاط حرته من أمه علي ... @ @ @ ابتسمت له وقلت بتريقه وأنا اشوفه جالس يضبط حاله بالمراية : الله يستر ترجع مكسح اليوم شوية برد طرحك على الفراش يومين ياسر رفع حاجب وطالعها في المراية وقال : مدام شدن لاترمي كلام قاطعته بضحكه وقالت : وش اسوي اشتغلت ممرضه يقال سافرت اتمشى اخخخ ياسر صغر عيونه بقهر :يالله على هالذل الله لا يحط حد تحت رحمتك شدن كشرت وقالت : لااااااا هذا وأنا افكر اصير ممرضه ياسر صرخ معترض : لااااااااا هذي المهنه بعيده كل البعد عنك شدن ميلت فمها وقالت : ياخبثك ماتبي حد يصير مثلك ياسر هز رأسه وقال : لا والله رحمه في اللي بيطيح بين يدك شدن تحمست وقالت : تخيل يويسر اصير ممرضه ونشتغل بنفس المستشفى الله وناسه أنا وأنت كذا مع بعض ورفعت يدها بتهديد بس من الحين أقولك والله مااغطي عنك النظام نظام وأنا بنفسي بخبر عنك لو مااديت وظيفتك بذمة وضمير ياسر هز رأسه بقهر : سبحان الله اللقافه والفتنه موجوده حتى في خيالك شدن صدت بزعل ورجعت طالعته يوم قرب منها وقالت بسرعة وهي ترفع يدها : لا تفكر تراضيني ماراح ارضى طالعها بستخفاف ومد يده وأخذ الجوال ... انقهرت حدها ..بذات من نظرته ...سوت مثله وقلدته وأخذت جوالها ....جلست تقلب شوي عقدت حواجبها وهي تشوف رسايل نور ... قلبها دق بخوف طالعت ياسر ...وقالت : ياسر أمك تبيك ضروري ورفعت الجوال توريه رسايل نور عض شفته هذا اللي خايف منه همس بقلق :شكل أبوي حط على أمي .... الله يستر بسرعة دق على أمه أول ماسمع صوتها قال بخوف : يمه فيك شيء قالت وهي تترجاه : ياسر طلبتك ترجع طالع شدن اللي الخوف واضح عليها قال: يمه برجع ان شاءالله بس الحين طمنيني عنك أول أم ياسر قاطعته وهي تصيح : ماني بخير من اللي راح يصير ياسر عقد حواجبه : يمه وش فيه بالضبط أم ياسر :أم سعود جتتت وتهاوشت ياسر وقف وقاطعها بقهر وهو معصب : من بدايتها كذا شدن بدون حس وقفت معاه وقربت منه وأنا ارجف بخوف أشر لي اطلع .من الغرفة وشلون اطلع والله ماقدر لازم اعرف ايش فيه كتتتتتتت هالمرة صدق صدق خفيفه القفله & نوني بنت الجنوب & سبحان الله وبحمده سبحان الله العظيم ( الوتر أحبتي ) " الله يرحمك يامن وجعني فراقك " | ||||
|  |
|
20-08-19, 01:44 PM
| #1290 | ||||
| الجوهرة صدمه وكرسي فى الكلوب خيانه وغدر من ام عبير حتى فيك مع انك ما بيأثر اي شي كل الصدمات ما هزتك واخرتها اذيتى حفيدك ولسه الى الجاى اقوي وربك بالمرصاد الشموخ كتيير عليك هذه المعامله ولكن الصبر وان لناظره قريب شدوووون وياسر شو اخرت هالهروب من المواجهه والعروسه الجظيدة اي موقف شدووون لما تعرف ان ياسر ابو خطبله يمكن تولع فيهم ههههههه مصعب شو حيعمل لسه موقفه غامض من ناحية الجوهرة بس الله يشفية بسرعه عشان يقدر يحسب الجوهر ة ويكشفها اصوله على طول حظك سئ بتكونى في المكان الغلط هههههه | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
العرض العادي
