21-11-17, 11:32 PM
| #154 | ||||||||
| مراقبة عامة ومشرفة منتدى الروايات المنقولة  
|  آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه " الروآيه لا تليهكم عن الصلاة والعبادة اللهم بلغت اللهم فاشهد ======= ==== == = السلام عليكم ورحمة الله وبركاته كيفكم ي عسولات قبل مانزل البآرت حبيت أشكر متابعيني بالمنتدى المجاور على الردود المميزه الي صدق تفتح النفس وتشوق الواحد يكمل فديتكم والله ردودكم اسعدتني بالحيل الله يسعدكم ولا يحرمني منكم ي أحلى متتابعين لنوني وشكر خاص للمشرفه فيتووعلى مجهودها ونقلها لروايتي ادلع اسمش من قدش فديتش والله تستاهلي ============ ===== == = ((11)) ؛؛ ؛؛ ؛؛ طلع من السوق وهو يمشي بخطوات سريعه مقهور وحالته حاله ...ذلحين يحاسب الفين وعليها في شوية ملابس ....قرب من السيارة وفتح الباب الي من جهة شدن بعصبيه رمى الأغراض جنب رجولها وهو متنرفز حده وبسرعه اتجهه لبابه وركب بس انصدم من الي يسمعه من عمته :ليه يمه كذا شدون تقول حلفت من الفلوس ليتك ماحلفت والله راتب أبوها مقد صرفته ... رفع نظره للمرايا وقال بقهر: ماعليه ي عمه شدن كنت بموت من ضحكي عليه اخخ تدبس يستاهل ... قال آيش مايبي يسوي عرس مفلس.... يمه يمه على نظرات الحقد الي بعيونه ....على كم ريال دفعه طنشته ...وجلست اطالع الناس بفضول... ياسرأول ماحرك السيارة قال : ي عمه بودش المستشفى بطمن عليش أبد صحتش ماهي عاجبتني نوفه برفض: ذلحين والله ماسريت أول ماوصل البيت ان شاءالله شدون تقيس لي الضغط ياسر بستنكار: أنا بنزل معش وبقيس لش وخلي شدن بالي هي فيه شدن عضيت شفتي بقهر اخس ي الحنون ي الواصل قال ايش هو يقيس لها وأنا انشغل بالي انا فيه احس الكلمه قهرتني أفضل شيء اسوي نفسي ماهو فاهمه واطنش ================ ======== === == = الرياض ،، ،، قالت بقهر يوم شافته دخل وهو معصب : من جدك بعدك رايح جاي له أكيد مثل العاده مسوي مصيبته وشارد ابو مصعب بعصبيه : شكله صدق مسافر بس الي قاهرني سيارته الي مسفوطه جنب البيت بروح له بعد شوي وأشوف الجوهره بحقد عساه الموت ان شاءالله ليته مايرجع من ذي السفريه قالت بسخريه: بالله وش بتسوي لو حصلته يعني الحين بقنعني إنك راح تخليه يملك عليه خلاص تدبس ولدي وخلاص ريح عمرك ماهو كل ساعه ساحب السواق ورايح له ابو مصعب بحده: ابي ابرد قلبي شوي سود وجهي قدام أخوي بس بإذن الله معاد يدخل بحسابه فلس حتى يعرف يتأدب وهو ذاك الوقت يرجع ويعرف كيف قدره الجوهره بقهر : كله كلام مثل العاده ي صقر ماغيرك دلعه وخلاه يسوي بلاوي بدون مبالاه لكن ماراح فيها غير عناد ابو مصعب بزعل: لا تزيديها علي ي الجوهره كل وقت وأنت تذكري لي عناد الجوهره وقفت بقهر وهي تتوعد فيهم : لا بزيدها عليك ولاشيء وانا صادقه ماراح فيها غير اولدي ابو مصعب وقف وهو معصب بيروح له وبيشوف قصته الجوهره بسخريه : لا صقر ماهو من جدك بترجع تروح له وأنت توك جاي ابو مصعب بضيق: عندي مشوار وبعد بمر عليه وكاد أحصله لأنه أكيد راح يعيد هنا الجوهره بقهرمشت لغرفتها وهي تقول بتضجر: ولدك تفرق معه عيد ولا شيء ورفعت يدها وهمست يارب خلصنا منه قريب ================ ====== === == = اصايل يالله لها يومين وهي تسمع ذا الدق عندها فضلول تعرف مين ...بس خايفه ...وبعد خايفه من تحذير مصعب طالعت باب الغرفة وهذا بعد ماخف ...ماتدري وش تسوي له يومين رافض الأكل ....وقفت خليني اروح اسوي له شوربة...وان شاءالله يرضى يأكلها ....راحت للمطبخ وحضرتها له وطلعت وهي حامله الصينيه بيدها تفأجات بوجوده بالصاله .قالت بعصبيه وهي تحط الصنيه على الطاوله : وشلون تطلع كذا وشعرك مبلول يعني تبي تمرض زياده انقهرت يوم سفها ومارد عليه راحت للغرفة وأخذت منشفه ورجعت له مدت يدها : خذ نشف شعرك مصعب ببرود يناظرها: أقول شغل الإهتمام المزيف ذا ما يمشي علي تكفين لا تسندري رأسي فيه اصايل بقهر: المسأله ماهي تزيف من باب الإنسانية بس وخذ نشف شعرك لمصلحتك وكل هالشوربه سويتها لك مصعب بعصبيه : ترى متعود امرض دايم وأقوم عادي لا تسوي فيها صايل وهي مصممه تعطيه المنشفه: ايه كان ماعندك حد يهتم فيك مصعب بحده سحب المنشفه ورماها : ايش تبيغي بالله آلحين اصايل قفلت عيوني بصبر حاولت أمسك اعصابي و جلست جنبه ومديت يدي وقربت الطاوله ومديت له الملعقه وقلت بهدوء ظاهري: تكفى كل لك شوي ماهو عشاني عشان نفسك وخلي العناد آلحين استغربت يوم مد يده وخذ الملعقه. .. حسيت بفرحه يوم أخذها سندت ..ظهري على الكنبه ....وانا اطالع فيه هالانسان غريب ....ولا فهمته أبد ...كان طول ماهو يأكل مسرح وأبد ماهو معي ودي أدخل مخه وأعرف وش يفكر فيه.. بعض مرات احس بشفقه عليه ....وبعد ودي افهم وش سالفة امه وشلون ماتت...قلت بفضول : مصعب وشلون امك ماتت امس كنت تهذي تقول أستلمتها جثه بس فزيت مصدومه ...من الصنيه الي انرمت بالأرض ابتعدت بسرعة بس حسيت بيده تمسكني بقساوه طالعته شفت عيونه تحولت وكل شيء فيه تحول هزيت رأسي مابي أعرف. ..خلاص والله مصعب بفحيح : قلتي لي تبي تعرفي صح اصايل بلعت ريقي وهزيت رأسي : لا لا مابي أعرف شيء فكني تكفى مصعب نزل نفسه شوي وقال بهمس يخوف: لا لازم تعرفي أنتي سألتي لازم تحصلي جواب بس تكفين كرري السؤال لوسمحتي لتأكيد وكاد ماسمعتك زين اصايل عرفت اليوم إنه نهايتي بذي الدنيا ...أفضل شيء أستسلم وما أقول شيء ويعصبه زياده ..قفلت عيوني يوم هزني : يالله عيدي سوألك اسمعك اصايل والله مابه خلاص الليله ترددت اعيد سؤالي بس أبد ماراح انفك منه عآرفه مصيري إن تكلمت وإن سكت نفس المصير بس وكاد لو عدت السؤال يفكني من شره ومايتفكر اني اعانده قلت بتلككك: امممكك أشلون ممماتت مصعب ضغط على معصمها : ليه تبي تعرفي طيب اصايل الله يقلعني ويقلع ذا الفصول قلت بخوف: لا بس خفت لك يد مصعب ردد كلامها : خفتي لي يد انا اذبح أمي أنا بموت عشان اشوفها أقوم اموتها مسك رقبتها وخنقها وصرخ بعصبيه : بيكون لي يد بموتك ان شاءالله اصايل كنت أحاول افك يده أو ارخيها بس مافي طابق يده على رقبتي ورافض حسيت برجولي تتراخى عرفت انه فعلاً بيكون موتي على يده طالعته ابيه يحن علي...بس ماكنت أشوف في عيونه غير الحقد والعصبيه استسلمت لمصيري ...وماحسيت عاد بشيء غير بسواد وشيء يكتم تنفسي ..... مصعب يوم شافها تراخت بين يدينه ..فكها وهو مفزوع ...شافها قدامه تتطيح على الأرض صرخ وهو يرفعها : اصايل اصايل هزها يبيها تصحى بس مافي رد حس اطرافه كلها ترجف والدنيا سودة بوجهه وشلون يقتلها ..... مسكها بين يدينه يحسها صارت ريشه من خفها عرف إنها ماتتت لا لا انا مو مثلهم لا لا اصايل تكفين اصحي اصايل قومي تكفين خذي راحتك واسألي على الي تبيه اصايل الله يخليك قومي رجع نيمها على الأرض وهو يشوف وجهااا باهت صرخ بصوته كله : اصايل لااااااااااااا | ||||||||
|  |
|
21-11-17, 11:33 PM
| #155 | ||||||||
| مراقبة عامة ومشرفة منتدى الروايات المنقولة
| . أول ماوصلوو نزل معاهم وهو قلقان على عمته قال من غير مايناظر فيها : جيبي القياس بسرعه شدن حسيت بقلق وخوف على أمي بسرعه رحت اجيبه مثل ماطلب وأنا اسمع أمي تطمنه مديت يدي وناولته وجلست جنبها وهمست لها بخوف: يمه وش الي تحسي فيه بالضبط ياسر وهو يضبط الجهاز : مدي لي يدش يجعلني أخذ ضيمش نوفه بعتب وهي تمد يدها له : يمه ياسر مافيني شيء اقلقت بنيتي علي وابتسمت لشدن الي وجها مخطوف سمه مثل العاده ارتفاع بسيط والحين ياسر يطمنا ان شاءالله ياسر عقد حواجبه وهو يشوف ضغطها مرتفع قال بقلق: ي عمه لازم نروح المستشفى وهم يضبطونه لش نوفه برفض : ذلحين والله مالي روحه وأعرف نفسي مافيني شيء ولو تبي تريحني بس كلم أبو خالد وشوف لك إي عذر له يمكن يهجد شوي ولعاد يدق ويتعبني مثل ذلحين ... شدن بعتراض : يمه ليه يهجد حرام عليكم تحرموني من الي ودي فيه ياسر عض شفته بقهر يكره حماقتها ذي ذلحين عمته تعبانه وحالتها حاله بسبب ذا الموضوع وهي بعدها تبي عرس وكلام فاضي احتقرها يحب البنت ..الي تتميز بخجلها ماهو كذا في الوجه أشر لها تلحقه : تعالي ابيش شوي وابي اناولش أغراضش بعد شدن طالعت امها مستغربه لأول مره يطلب يكلمها خافت يسوي شيء فيها هزت رأسها بلااااااا ياسر بصبر : تعالي شوي بس ابيش بموضوع يخصنا وطالع عمته طبعاً بعد اذنش ي عمه نوفه همست لها: روحي يمه عشاني وشوفي وش عنده شدن طالعتها متردده وخايفه ...شافت يده المدوده لها انصدمت ...رجعت طالعت أمها وهي ماهي مصدقه ياسر يمد يده لا لا في شيء اليوم وقفت بتردد ومدت يدها له ...ومشت معه وكل شوي تطالع أمها ...قالت وقلبها قارصها ...ماهي مرتاحه له ..: عشان أخذ أغراضي بس طلعت معك سكت يوم سفهني مثل العاده ... أول ماطلعووا للحوش فك يدها بقوه وهو يطالعها بستحقار: ذلحين بهالطريقه يقال تضغطي علي واسوي لش عرس شدن فتحت فمها بصدمه ومسكت كتفها الي وجعها من نفضته ليدها قالت بقهر وهي تتألم : يجعل يدك الكسر ان شاءالله قول آمين ياسر مسكها من كتفها مره ثانيه وسحبها معه لابعد شيء في الحوش مايبي عمته تسمعهم وقال بتهديد: شدن ذلحين بكلم عمش وأنتِ بنفسش تقنعيه والرفض يكون منش شدن وهي تحاول تفك نفسها منه : ذلحين ساحبني معك عشان ماتقدر تقول ذا الكلام قدام عمتي خلك رجال وقوله وبصرخه فكني وجعتني ياسر مد يده وسكر فمها وهمس لها بعصبيه: أقسم بالله ي شدن إذا تممتي ذا الزواج مثل مايبي عمش والله لا اخليش تندمي على ذا العناد وشوفيني حلفت شدن دفت يده وهي تحس بطعم الدم بفمها وشوي وتصيح ...ليه يكرها لهاالدرجه وش مسويه له ..عشان يبي يحرمها من الي ودها فيه وتحلم به ..يعني يكفي اطرت بذي الزواجه الي ماكانت على البالولا على الخاطر يقوم يسوي كذا معاها ويحرمها من كل شيء ...طالعته وهي تشوف الحقد والكرهه بعيونه ياسر بكرهه لها: يالله اخلصي علي تبي تتممي ذا الزواج مافي حد غيرش خسران تبي تعقلي وتكبري عقلش وتحاولي تقنعي عمش ويأجله تكوني كسبتي نفسش وكرامتش شدن بدون حس : ليه تكرهني كذا وش مسويه لك ياسر انصدم من سؤالها وقال بقهر: ذلحين تسألي وش مسويه ناسيه انش أكبر سبب بيني وبين عفاف يكفي ذا الشيء الباقي ماراح اذكره لانه مايهمني شدن بصدمه وهي تأشر على نفسها : أنا السبب بينك وبين ابله عفاف يعني أنا قلت لك ارفع سلاحك وأنا قلت اصمل على رأيك ولا تنازل على الأرض ياسر بعصبيه وهو يطالع لجهة الصاله خايف عمته تطلع : أولاً تخسين وتعقبين تمشيني و ثانيا ناسيه الفتن الي تسوينها كانت مهما صغرها بنظرش ي شدن والله سوت مصايب بيني وبينها شدن صاحت بقهر : والله كذاب ماسويت شيء بينك وبينها لا تحطها بذمتك وطالعت باب الصاله وهي تصيح بصوتها كله يمه يمه تعالي اسمعي وش يقول ياسر تورط مسك فمها بسرعه يبيها تسكت بس انصدم يوم شاف عمته طالعه من الصاله وهي مفزوعه نوفه أول ماسمعت صوت شدن بسرعه طلعت من وقت ماطلعووا وهي ماهي مرتاحه ... بس انصدمت وهي تشوف ياسر كيف يسكر فمها قالت بعصبيه: لا تسكتها بذي الطريقه قول وش مسوي وماتبيها تقولي هذا الي بيناولها الأغراض ويبي يكلمها على انفراد اتاري هذي عمايلك فيها ياسر بتوتر وهو يطالع شدن يبيها تسكت من صياحها المبالغ فيه بنظره... ليته ماكلمها ندمان حده قال وهو يحاول يهدي على عمته عشان صحتها : مابه إلا الخير وصحتش ي عمه لا تفكري في تفاهات نوفه قربت من شدن وتضمها: بنتي تصيح وتقول تفاهات وش مسوي لش ي شدن قولي شدن وهي تصيح منهاره وتأشر على نفسها : يمه في ذمتش أنا سبب طلاقه من مرته يقول أنا فتنت بينهم والله ماسويت شيء الكل يتهمني بشغلات ماهي فيني نوفه طالعته بصدمه: ذلحين مناديها عشان تقولها أنتِ سبب طلاقي خاف ربك ياسر أنت عارف السبب ايش ولا تحطها في ذي اليتيمه ياسر وهو يحاول يبرر: ي عمه ماهو كذا فهمت بنتش غلط أنا كان قصدي نوفه بحده وهي تقاطعه: اسمع ذا الحكي الي بقوله لك ي ياسر أنا صح نصيتك وطلبت منك تأخذها بس مدام توصل تسوي فيها كذا أنا كنت خايفه عليها من عمها ومرته بس طلعت غلطانه ليتني خليته يأخذها ولا ذي المشاكل وذلحين الي ابيه منك بدل ماتكلمه عشان تقنعه يأجل العرس تكلمه عشان انك بطلق بنت أخوه شدن بصرخه. وهي مصدوم من كلام أمها: لا لا يمه تكفين لو طلقني بروح له والله بروح له مابي اروح لا لا ياسر لا تسمع كلام أمي خلاص يمه يمه ماقال شيء كذب الي قلته عنه طالعت ياسر الي اعطاهم ظهره وطلع من غير مايرد نوفه بحده وهي تشوف ياسر طلع من غير مايعلق: يعني ذلحين عزيتي نفسش والله ي أهلش انهم احن لش من ياسر الي انغريت فيه شدن وهي خايفه ومتوتره ماتبي أهل أبوها تكرههم بالحيل مسكت يده أمها : تكفين يمه ماتتطلبي من ياسر يطلقني الله يخليش أنا بقول لعمي اني مابي اسوي عرس وإذا قال لا مايصير يتأخر كذا بقوله بروح لبيته كذا بدون عرس ...وأنا جالسه عندش وش يدريه فينا إني عندش أو في بيت ياسر نوفه بحده : لا تضيعي نفسش عشاني خلاص أنا ذلحين عرفت إني أخترت لش الشيء الي بيتعسش بدل مايريحش شدن ضمتها وهي منهاره: رجيتش يمه مابي افارقش ذا الي يريحني بس غيره مايهمني وياسر ماعلي منه ولالي عاد خاطر بذا العرس خلاص نوفه أبد ماعجبها استسلامها بذي الطريقه أول مره تصير كذا قالت وهي مغبونه عليها: وصلتش لطريق أوحش من الي كنت خايفه منه حقش علي يمه ومثل قولش مالش بالعرس الي مثل كذا واهم شيء انش عندي قالت كذا وهي تبي تهديها إلا أبد ماهي عاجبها نصيب بنتها يكون بذي الطريقه تمنت ان ياسر يرضى فيها ويقدر يسعدها | ||||||||
|
| |
|
21-11-17, 11:34 PM
| #156 | ||||||||
| مراقبة عامة ومشرفة منتدى الروايات المنقولة
| . . جثه قدامه على السرير ... مايدري وش يسوي ...وصل فيه ان يقتل نفس .. حط وجهه بين يدينه وهو يجهش بالصياح ...مصعب قتلت نفس ي مصعب ...صرت مثلهم ما أنت أحسن منهم إلا اردى رفع رأسه وطالع ...وجهاا الي أبد مافي حياة قال بغصه: اصايل ليه سألتي حذرتك من قبل مابي يصير الي صار .. مد يده ومسك يدها وهو يضغط عليها نزل رأسه ليدها وقال وهو يصيح رجيتك تصحين ...والله ماقصدت ولا كنت بوعي ...شهق بوجه قالها ...عادل بعصبيتك ذي حد بتروح روحه بيدك ..رفع نظره لوجها ... وهو يلمسه بس أبد ماتوقعت أنتِ الي بتروحي ضحيه رفع نفسه ونزل رأسه بين رجوله وهو ...يصيح ...مايدري وش يسوي يدق على عادل ولا أبوه لا عادل لا ...بيجلس يرد عليه اللوم وبيوجعه زود ماعنده غير أبوه يدق عليه ...ويقول له عن هذي المصيبه سواها ...رفع رأسه وطالعها بأمل بس كانت مثل ماهي عليه ... وقف وهو يدور الجوال بعيونه ...تذكر انه حاطه بالشاحن قبل يصير الي صار ... بسرعه سحبه وفتحه جلس ينتظر يفتح وهو متوتر وخايف حده لف يطالعها شافها حركت جفونها وفتحت عينها وصكرتها بسرعه رمى الجوال وركض لها وهو يصيح بفرحه: اصايل تسمعيني اصايل تكفين ردي علي شفت عيونك يوم فتحتيها هزها بيأس ..وهمس اتخيل شكلي يوم ماشاف أي حركه ثانيه منها قال بغصه اصايل تكفين طمني قلبي ...بس عقد حواجبه بشك يوم حس انها ماسكه تنفسها بالقوه يعني صاحيه وتلعب عليه قال بشك: اصايل تسمعيني اصايل كنت شوي وأموت صدق ...ماسكه نفسي بالقوه وماصدق وهو يصد عني عشان شوي أتنفس صحيت من وقت ..ماحملني وحطني على السرير كنت اسمع صياحه ومنادته لاسمي بس خفت اوضح اني صاحيه ...يسوي شيء أكبر من الي سواه ويمكن ودي اشوي انتقم ... يوم ارعبه بس يوم اتبعد عني فتحت عيني اشوف وين رآح بس انصدمت يوم شفته واقف نهايه الغرفه وكنه لمحني حاولت ارجع اسوي عمري في دنيا ثانية بس يوم ركض وقرب مني حسيت بتوتر ..ومعادني قادره أكمل ...بس حسيت براحه يوم رجع وبان بصوته انه فقد الأمل ... بس يوم قال صاحيه عرفت اني انكشفت فتحت عيني بشويش وانا خايفه طالعت يمين يسار وكاد تمشي عليه اني توني صاحيه : وين أنا مصعب قرب منها وقال ببحه بانت بصوته :لايكون صاحيه من مبطي والعبي علي اصايل طنشت سؤاله وسوت عمرها مو فاهمه شيء ولا هي حوله :ابي أمي وينها مصعب رفع نفسه شوي وصدق انها توها صاحيه حمد الله انها صحت قال بحزن عليها: تبين أمك بوديك لها ولا يهمك خذيه وعد مني اصايل بغت تقوم ترقص من فرحتها ...انها بتروح لأمها بس خافت يكشف كذبتها مسكت نفسها شوي وبتوتر وهي تطالع عيونه الحمرا.. من صياحه أخر شيء توقعته انه عنده قلب ويحس ويصيح بعد ذي الي ماهي قادره لحين تستوعبه قالت : مشكور وصدت للجهه الثانية ماتبي تطالع فيه مصعب وقف وقال : ابلشتيني الليله ليلة عيد وأنا جالس اصحي فيك حسبي الله على العدوو اصايل فتحت عينها بصدمه توه تغير فكرها عنه رجع لشخصيته الي تكرها قالت بقهر: الحين أنا ابلشتك ناسي مين متسبب في ذا الشيء مصعب نزل نفسه شوي وقال بتهديد: هالمره لو فضولك زاد ذبحتك احمدي ربك هالمره جت سليمه المره الثانية روحك معاد بترجع صدقيني اصايل طالعته بخوف ..وش الي قلبه كذا ... فجأه .. مصعب رفع نفسه وقال بجمود: بروح اطلع ثوبي وبأخذ اغراض من السوق وأنتِ اي أحد يدق على الباب ياويلك تردي عليه فاهمه.... ================== =========== ===== == = الجنوب من وقت ماطلع من عندهم وهو متضايق وحالته حاله ركب سيارته ..وجلس فيها ...مايبي يدخل البيت وأمه تزيد عليه ...رفع جواله وفتح رقم عفاف عض شفته بوجع ...وده يسمع صوتها وده يشكي عليها ايش الي صار له بعدها ...بس هي وجعته أكثر ..منهم كلهم بس آه ماقدر ينساها... رمى الجوال وهو مقهور من الحاله الي وصل لها ...نزل رأسه على الدركسون ...وهو ضايقه به الوسيعه ...كل مايتذكر تصرفات شدن وحركاتها الي ماترضي أي شخص ...كيف يقدر يتمم ذا الزواج ويسوي الي يطلبه عمها ...رفع رأسه يوم اندقت الدريشه فتحها وابتسم بألم : هلا يبه ابو ياسر وهو مستغرب: وش مجلسك بالسياره والله اني فزعت يوم وصلت وشفتك بذي الحاله أصيح عليك ماترد ياسر فتح الباب ونزل وسلم فوق رأسه : تطمن يبه مافيني شيء والحمدلله على سلامتك ابو ياسر : الله يسلمك ومسك يده تعال تعال وراي أول مادخلو المشب قال بشك إلا قولي في حد مضايقك جابر ولده تعرضووا لك ياسر جلس مقابل له وقال بضيق: يخسوون يتعرضوا لي ابو ياسر طالع لجهة الحوش مايبي زوجته تجي وتخرب عليه ومايعرف عاد يقدر يتكلم معه: أجل قول وش الي ضايقك وهاد حيلك كذا ولا تنكر ترى واضح عليك وأنا ابوك ياسر عض شفته وقال بضيق : مابيها يبه بس ... ابو ياسر صغر عيونه : بس عمتك ماتبي تزعلها صح ياسر هز رأسه من غير مايرد ابو ياسر سكت شوي وبعدها قال : شوف والله ان قلبي يتفطر على حال أختي لو صار الي بقولك عليه بس بعد حالك ماهو عاجبني تضيق بي الدنيا وأنا اشوفك بذا الحال وصلت له بسبة شيء ماتبيه وبتردد كمل شوف انا اعرف ان خالها المصري كان يشتغل هنا شوف لو تقدر تتواصل معه ويجي يأخذها لامها تنفك بعدها ولا عليك حجه عند عمتك ياسر يدور على خالها...اي والله جابه ابوه وكاد يوم امها تدق تطلب تروح عندها وتطلب الطلاق وانفك وقتها فعلاً مالي حجه عند عمتي قال بفرحه:يبه وين مكان دوامه تكفى يبه عجل علي ابو ياسر : والله اني ماعرف وين ومن سبع سنوات ذا الكلام من بعد موت ابوها سمعت حد من الي يعزون يقول دقوا على خالها يوصلها لأمها أهل أبوها مافيهم خير وقتها قلت لنوفه قالت ماني عاجزه عن تربيتها وذي السالفة مابيها تنفتح وفعلاً على يومها ولعاد حد قال عن أهل أمها شيء وبعد يمكن سافر انتهت إقامته هنا ياسر عض شفته بقهر ذلحين معطيه امل وفجأة يقوله ذا الكلام من سنوات وبعد مسافر قال بغيض : طيب يبه ليه قلت لي وش ذلحين استفدت منه أنا ابو ياسر : قلت لك عشان تسأل عن خالها يمكن تدل له طريق وتنفك منها والله يعز علي اقول عنها كذا لهامعزه ذي البنت عندي ياسر وقف وهو وده يذبح عمره من كلام ابوه والله ماغير زود عليه قال وهو بينفجر: الله يسامحك يبه ماهو تقول احتمال سافر وشلون أدور عليه ابو ياسر وقف معه وقال بتعب : بريح شوي قبل الفجر ورانا عيد وأنت الله يحلها لك من عنده ياسر قفل عيونه وهو يحاول يصبر عمره ....اعطاه امل وفي النهايه رماه لسابع ارض هز رأسه وهو يهمس شكل مافي خلاص منش ي النشبه ....بس قال بأمل أخير وهو يشوف ابوه معطيه ظهره: يبه ماتذكر وين يتشغل فيه ولا ايش اسمه بالضبط على الأقل شيء بسيط يمكن يدلنا له ابو ياسر طالعه وقال: وش يدريني عنه أنا سمعت عن وجوده هنا من الي كان موجود بالعزاء ماقالي وين يشتغل ولا وين بالضبط بالسعوديه ولا ايش اسمه ياسر بيأس : حتى لو كان مقيم بالسعوديه أكيد سافر مدام معاد سال عنها ابو ياسر : أكيد انه معاده موجود إلا كان فعلاً سأل ياسر اشر لابوه : خلاص يبه روح ريح والله يسامحك على ذا الفصل بس سويته فيني ابو ياسر : دور دور عليه وكاد تلقى له مكان وتنفك ياسر اشر على بلعومه: والله ان ذي النشبه وقفتن هنااا لي ومامن خلاص منها لما اغدي ابو ياسر بضحكه : والله ان عمتك تدري لا تذبحنا جميع ياسر عض شفته: آه من عمتي | ||||||||
|
| |
|
21-11-17, 11:35 PM
| #157 | ||||||||
| مراقبة عامة ومشرفة منتدى الروايات المنقولة
| . . نزل من سيارته وهو حامل بيده الأغراض الي اخذها من السوق ...أنصدم وهو يشوف سيارة ابوه وقفت قدامه ...ليته تأخر شوي مايبي يقابله يدري وش بيقول له وبيجلس يهاوشه وهو أبد ماهو رايق الحين وبعد خايف يطلب يدخل معه وينكشف زواجه ابو مصعب نزل معصب : اخيراً حصلتك يعني هنا ماسافرت مثل عادتك بعد مصايبك مصعب بوقاحة : ليه ايش فيه عشان تدور علي ابو مصعب بقهر: الحين لك وجهه تسأل ليه أدور عليك ... بعد الي سويته ليه كذا ي مصعب كسرتني وفشلتني قدام الرجاجيل مصعب ببرود: يبه لا تكبر الموضوع ابو مصعب بصدمه قاطعه : الحين رافض بنت عمك بوسط الرجاجيل وتقول لا أكبر الموضوع بس ماعليه صدقت ماله داعي يكبر مدام عناد بنخوته أنقذ الموقف وخطبها وعزها وعزنا الله يرفع قدره مصعب بصدمه: وشلون عناد خطبها والله ماتتمم ذي الخطبة ابو مصعب بعصبيه: تخسى تقدر توقف بوجهه وانا موجودومن الحين اقولك دبر عمرك ولا ريال بيتحول لحسابك وتحرك وهو معصب وأشر للسواق يحرك بسرعه ... مصعب كان مصدوم حده ...الحين يبي يكسرهم يقوم عناد يحشر نفسه ...والله ماسكت لهم والله وبعد بيقطع مصروفه ماهمه قد ماهمه ذي الخطبة تخرب دخل البيت وهو معصب حده رمى الاكياس وصرخ بقهر : وشلون كذا وشلون آه ذا الي ماحسبت حسابه طالع أصايل الي واقفه جنب باب المطبخ تطالعه قال بقهر وهو يأشر على نفسه : ماعرفت انتقم منهم ماعرفت تسرعت وتسرعت واجد ودي اعرف ليه يحشر نفسه في شيء ماله فيه الحين يقال مسوي فيها الفازع يبطي عظم يأخذها وانا موجود والله لا اقلبها عليهم وأحوسهم حوس أصايل كنت مرعوبة وأنا اشوفه قدامي يصارخ... ندمت اني طلعت من الغرفة .بس حزنت على القطوه وطلعت اعطيها أكل تحركت بسرعه بدخل الغرفة واقفل على نفسي وضعه أبد مايطمن وغبيه لو جلست معه وهو بذي الحاله بس وقفت يوم قال : جهزي عمرك بنطلع من هنا طالعته مصدومه من كلامه : وين مصعب بعصبية صرخ وهو يرمي الجوال : ماهو من مصلحتك تسألي يالله اخلصي علي...طالعت الجوال الي طاح قريب مني وانا مفزوعه يالله ليه كذا حاقد على الجوالات كل يوم يكسر له جوال فزيت من صرخته : يالله تحركي دخلت الغرفه ركض أخذت شنطتي الي فيها ملابسي ولبست العبايه وانا أفكر وين بيوديني الحين معقول بيرجعني لاهلي ليت والله طلعت له شفته جالس بالارض يحاول يصلح جواله والله بعد الضربه الي جته مافي أمل انه يصلح قلت بشماته : لا تتعب نفسك الضربه قويه كانت مصعب طالعها وقال بحقد: اقسم بالله لأعطيهم الضربه الموجعة ورجع رمى الجوال من يده بقهر عساه مايصلح ان شاءالله أصايل عقدت حواجبي وانا مستغربه يعطي مين الضربه الموجعه على قوله قلت بتردد:الحين بترجعني لأهلي صح ولا وين رايحين بالضبط ودي اعرف عشان قلبي يرتاح مصعب أشر لها: تحركي قدامي بدون صوت ولا مصيرك مثل ذَا وهو يأشر على الجوال أصايل طالعت وين مايأشر حسّيت بجسمي كله ارتجف ...يارب انك تستر علي من ذا الرجال وجنونه في ذي الليله تحركت معه وأنا متردده طلعنا من البيت وركبنا السياره وعلى طول حرك بسرعه جنونية حسيت برعب صرخت بدون حس: مصعب والله بموت خفف السرعة حسيته ماهو معي أو الصدق مطنشني قلت بمحاوله ثانيه عشان أمك الله يخليك انك تهدي شوي حسّيت برعب يوم طالعني ورجع يطالع الطريق بس خفف السرعة حسّيت براحه شوي بس آه وين تجي الراحه وانا مدري لوين رايحين أول مادخلنا حي فخم بالحيل قلت بفضول: حد تعرفه هنا مارد علي رجعت سكتت وانا طالع المباني الفخمة ...غير غير عن الحاره الي مسكني فيها...ويوم وقف قدام فله او بالاصح قصر ... مصعب بحده: أنزلي أصايل طالعته وانا مذهوله: لايكون ذا لك ومسكني بذاك البيت الرمه مصعب بعصبيه: والله ماغيرك رمه وانزلي ساكته كم مره قلت لك أسألتك التافهه ذي بتجني عليك أصايل استاهل أنا جبتها لنفسي نزلت معه وانا التفت يمين ويسار ..دخلنا الحوش اقصد الحديقة يالله كل شيء فخم فخم يالله مين مصممه له ...عندي فضول اعرف مين مصمم ذَا البيت وذوق مين بدون حس قلت:الي صممه ذوقه عالي سكتت يوم جحدني بنظره مشيت ورآه ودخلنا للفله اقصد القصر ... شفت صاله كبيره وبوسطها درج طالعت لبدايته من فوق لا لا لا شيء فوق الخيال ...حسيت بحقد عليه الحين عنده ذا العز كله وجالطني بذاك المكان حرام عليك ...مشيت معه شوي وانصدمت من الي أشوفهم قدامي جالسين بالصاله الثانيه يعني جايبني عند أهله معقول ذولا أهله حسيت الخوف راد عندي يوم شفتهم يطالعونا منصدمين ... إلا شعورياً مسكت بيده خايفه ...طالعني همست له مين ذولا تكفى طمن قلبي همس لي :الحين تعرفين وقفت بصدمه وهي تطالع الي واقفه جنبه قالت بقهر وهي تطالع زوجها : من ذي الي جايبها ولدك ي صقر ابو مصعب وهو مصدوم أكثر منها قرب من مصعب وقال بعصبية: من ذي ساحبها وراك مصعب ببرود مستفز: ===== === == = كتتتتتتت حلو لعيونكم & نونــي بنت الجنوب & استودعتكم الله الذي لا تضيع ودائعه "الوتر احبتي" {الله يرحمك يامن أوجعني فراقك } | ||||||||
|
| |
|
21-11-17, 11:47 PM
| #158 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 36 ( الأعضاء 10 والزوار 26) فيتامين سي, yasser20, امواج الخريف, حنيني ليك, Hajar88 r, حررره, رسوو1435, عاشقه الحفر, ليله طويله قراءة ممتعة لكم ...... وردود ممتعة لنا وللغاليه نوني ..... | ||||||||
|
| |
|
21-11-17, 11:53 PM
| #159 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 46 ( الأعضاء 15 والزوار 31) فيتامين سي, آيفا رمضان+, shatoma, ام تنسيم, منيتي رضاك, yasser20, امواج الخريف, حنيني ليك, Hajar88 r, حررره, رسوو1435, عاشقه الحفر, ليله طويله | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
.png)
العرض العادي
