06-12-17, 01:14 PM
| #193 | ||||||||
| مراقبة عامة ومشرفة منتدى الروايات المنقولة  
|  اللهم اني أستغفرك وأتوب إليك اللهم صل وسلم على نبينا محمد "صلو عليه" • • • { 13 } • • • بسرعه تحركت وهي ترفع يدها وترده عن وجهاا وتشوفه قدام عيونها يطيح على الأرض صرخت وهي مفزوعه: مجنون بتروحني مصعب قرب منها والعصبيه معميه عيونه وصرخ: والله لاأخليك تثمني هالكلمه اصايل فزت بسرعه وهي مصدومه من الي يصير وقفت بوجهه وهي تصرخ: تعوذ من ابليس مصعب مو كذا مصعب بعصبيه وهو يبعدها: ابعدي عن وجهي خليني اربيها ال****** اصايل وهي تطالع الجوهره الي واقفه تطالعه بتحدي ...كانت مصدومه من هذي القوه فيها قدامها واحد مايفكر مرتين بالي يسويه وهي بعد لها عين توقف بوجهه : روحي غرفتس سرعه ماهو بمصلحتس هالحين توقفي ندا له الجوهره بستفزاز وهي تأشر بحقاره عليه: كل على بعضه مايخوفني يوم شافت مصعب دف زوجته وجا ناحيتها بسرعه ركضت لغرفتها ...وهي تصرخ وتهدد مصعب دف اصايل بعصبيه يبي يلحقها قبل تدخل غرفتها بس وقف يوم اصايل صرخت طالعها انصدم من الدم الي بكتفها ...قرب وهو مفزوع جلس قدامها وهو يشوف قطعة زجاجه مغروسه بكتفها قال بعصبيه وبقهر : ليه توقفي بوجهي ليه وهو يمد يده يحاول يسحب قطعة الزجاجه بس وقف يوم اصايل صرخت بألم: لا لا توجعني مصعب لا تسحبها مصعب عض شفته بقهر وهو يأشر لغرفة الجوهره: الحين الخايسه فلتت وتروحي فيها أنتِ صرخ بعصبيه نانوو جيبي عبايه مدام سرعه اصايل كنت اسمعه يصرخ على نانوو وأنا احس الوجع ذبحني طالعت كتفي ...وكيف الدم ينزل منه بغزاره قلت بخوف وأنا اطالع قطعة الزجاجه : وشلون بيطلعونها الحين شوف كيف عالقه مصعب بتوتر وهو يطالع كتفها: ماعليه بيطلعونها وطالع الدرجه ينتظر نزول نانوو بس مافي صبر عاد وقف وهو معصب بروح اجيبها بنفسي هذي تجلس ساعه لما تنزل حضرتها وبسرعه ركض للجهة الدرج شاف نانوو بوجهه نازله سحبها من يدها وبسرعه تحرك ناحية اصايل مد يده وساعدها توقف وهو متوتر مايبي يأذيها اصايل وهي تطالع كم العبايه : وشلون البسها والزجاجه عالقه بتعور والله مصعب عقد حواجبه فعلاً وشلون راح تنوجع أكثر مد يده وهو يساعدها تدخل يدها بحذر وقال بحزن : ليتك خليتني اسبحها ولا تجلس بيدك وتوجعك أكثر اصايل بخوف وهي تبعد : صدقني بنزف أكثر من كذا خايفه بالحيل مصعب قرب منها وزفر بقلة حيله : حاولي ترفعي الكم مكان الزجاج بيدك لو تقدري اصايل سوت مثل ماقال تحمد الله ان كم عبايتها واسع إلا كانت تورطت ...الله يصبرها لما توصل الالم يذبح مشت معاه وهي تسمع تهديده بمرة ابوه ..آه ليته يسكت ..مافي حد يروح ..فيها غيرها هذيك ماهي... أقل خبث ...من مصعب .. كلهم الاثنين يخوفون ...أول ماطلعوا للحوش شافت ابو مصعب وجنبه رجال طويل وعريض بالحيل .. استحت من شكلها وهي ماسكه بطرف كمها طالعت مصعب بخوف يوم صرخ بعصبيه الله يستر لا يعيد المشاكل الحين وتروح فيها: اقسم برب العزه ماراح تتم هالزواجه وشوف كلام مين يمشي في الاخير وقول لأمك ماهو من مصلحتها اجي وهي باقي بالبيت ابو مصعب وهو ينتفض بعصبيه: روح الله يأخذك ويفكني منك ومن مشاكلك والبيت مالك كلمة فيه مدام أنا موجود عناد طالعه ببرود وقال : ي عم اعصابك ولو ربي كاتب ومقدر بتم هالزواجه ومافي قوه فوق قوه تمنعها وأمي هذا بيتها ولها الحق تجلس فيه كان مشكلتك معي وكان معاك الحق فعلاً مالي حق اجلس في بيتك والحين طلعت وخلاص انتهى مصعب قرب منه بتحدي : والله لو ماالظرف الي أنا فيه كان عرفت كيف عناد وهو يأشر على زوجته الي واقفه بعيد شوي : ليتك تقدرها فعلاً وتروح مصعب بعصبيه : لا تأشر عليها لا أكسر يدك ابو مصعب قاطعه بعصبيه : يالله فارق أنت ومرتك يالله لا اشوف وجهكك بذا البيت يالله مصعب طالع اصايل الي واقفه بعيد عنهم قرب منها وقال بعصبيه: قدامي ورجع طالع ابوه وعناد رفع يده وقال بتحدي لي رجعه معاكم صايل والله مجنون فعلاً ..الحين حالتي كذا وهو جالس يتمشكل مع ابوه والرجال الي جنبه ..وعرفت من كلامهم انه ولد زوجة ابوه ...حسيت بقهر من الي أنا وصلت له بسبته ...وكله كوم يوم ابوه دعى عليه ...يالله جسمي قشعر.. وهو لا حرك ساكن ....لارجع يهدد بقوة عين ..يالله لا تقسي قلوبنا لهالدرجه ...صرخت بألم يوم حرك السياره بسرعه جنونيه : خاف ربك فيني خليت يدي تتحرك والزجاجه ذبحتني زود طنشني وقدم جسمه شوي وفك الدرج الي قدامي وطلع جوال ورماه أول ماوقف عند الإشارة .. دخل الشريحه الي طلعها من محفظته وركبها أول ماحرك السياره على طول جواله رن : عادل شوي وجاي بس حصل لي ظرف بسيط لا لا جاي ياويلك تتحرك لا لا أنا هنا عصبت بجد الحين جرحي بنظره بسيط : وشلون تروح وأنا كذا مصعب بحده:كلها زجاجه ويطلعونها لك لا تعظمين الحاله كنه بينقولنك العنايه المشدده اصايل بصدمه :خاف ربك كل الي أنا فيه بسبتك وصرخت بألم آه سوق على مهل مصعب طالعها ورحع يطالع الطريق: بسبة لقافتك وأنتِ الصادقه واسكتي عشان ماتتألمي أكثر اصايل عضيت شفتي وأنا احس بشي يقطع فيني قفلت عيوني وأنا ادعي الله يصبرني على الي أنا فيه @ @ @ @ في بيت ابو مصعب • • قال بهدوء: ي عم والله ماله داعي ذي العصبيه ولا حاب تتعب نفسك ويرتفع ضغطك على شيء مايسوى وقال بضحكه مصطنعه ترى خلاص تعودت على مصعب لا تشيل هم ابو مصعب بتعب: بيموتني ذا الولد وقول ماقلت ي عناد عناد عقد حواجبه من كلامه : الله يبعد الشر ويجعل عمرك طويل أنت بس هدي الحين ومايصير إلا كل خير ان شاءالله طالع يمين يسار يدور أمه مالها حس قال بستفاسر وهو يشوف الخدامة طالعه من المطبخ : أمي طالعه مكان :لا لا في غرفه عناد زفر بضيق : روحي قولي لها عناد موجود وكلها دقايق وشافها جايه تصرخ بكل صوتها وقف وهو مفزوع ومصدوم من الكلام : مصعب مد يده عليك الجوهره بعصبيه: الحين جاي تسأل كان جلست أكثر عند أهل خطيبتك لما تسمع بخبر موتي ابو مصعب بحده : وش فيك ي مره ماخذتنا بالصوت وفهمينا وش صار الجوهره جلست وهي تحط يدها على وجها بتمسكن تمسح دموعها المزيفه :للحين ماهو مصدقه اني عايشه كنت بروح فيها وهي تطالع عناد فاهم كانت أمك بتروح فيها عناد بعصبيه : يمه وش مسوي لك قولي الجوهرة بخبث وهي تزيد بصياحها : كان بيدبحني بس زوجته انقذتني منه وشوف الضربه جت فيها وتعورت المسكينه وراح يسعفها طالعت زوجها وقالت ولدك ي صقر بموت على يده وأنت ولدي المحترم جالسين تتفرجون حرام عليكم سووا شيء أقل شيء روحوا فيه لا اي دكتور يشوف حالته قبل الكل يتأذى منه أبد حالته معاد تنسكت عليها ولا تنسى بعد ي صقر شكل الجنون فيهم وراثه عناد بقهر كور يده بعصبيه..توصل فيك المواصيل تمد يد يدك على أمي ي مصعب هين والله لا أخليك تثمنها ...بسرعه انسحب من عندهم وهو يسمع ..صياح أمه يحس قلبه وجعه عليها .. أمه تبكي وقدامه طيب ي مصعب سكت لك كثير بس لهنا وبس ..ركب سيارته ينتظره ...والله مايتحرك خطوه قبل يرجع | ||||||||
|  |
|
06-12-17, 01:15 PM
| #194 | ||||||||
| مراقبة عامة ومشرفة منتدى الروايات المنقولة
| أول ماطلعنا من المستشفى .وركبنا السياره قال بصوت مستفز : شفتي كيف سحبوها بسرعه و كلها ست غرز وانتهى الموضوع اصايل طنشته ولفيت وجهي ... مصعب طالعها وقال :احس رأسي يعورني من صراخك أجل وشلون لو هي رصاصه الله المستعان بس اصايل بصدمه طالعته وقالت بسخريه: ماهي بعيده صدقني عني هالرصاصه مدام أنا معاك مصعب عقد حواحبه : يعني حياتك معي معرضه للخطر لا تلوميني أنا لومي أبوك اصايل رجع ويقول ابوك قلت بصدق :كل عيلتك معرضه للخطر مدام عصبيتك تخليك تسوي كذا وشلون ترميها بكاس زجاج مصعب مستوعب الي سويته مصعب بعصبيه : تستاهل وليته جاا فيها بس آه الخبيثه تقدر تنقذ روحها لكن هين اصايل بخوف : مصعب لوين بتوصل حرام عليك صرت كل لحظه أخاف أكثر مصعب طالعها بقهر وقال بتحذير: اصايل لا تتدخلي مره ثانيه عليك تثبري في البيت ساكته وترضي بالي يصير حولك وأنتِ منكتمه ولا أجلسي بغرفتك مافي حد راح يجي صوبك اصايل فتحت عينها بصدمه: قصدك الحين راجعين للبيت ابوك لا لا مصعب ماهو من جدك والله مصعب بحقد: مجنون لو اخلي لها البيت غباء مني كان يوم طلعت هذيك الفتره رجعت الخايسه استقوت لكن والله الحين جالس لها ي أنا ي هي اصايل كنت اسمعه يتكلم وأنا باقي مصدومه بعد الي صار ودعوة ابوه عليه وطرده قدامي وقدام ولد زوجته ويرجع عادي ...قلت بحسره على الواقع الي بعيشه معاهم : الجنون بعينه لو فعلاً رجعنا بيت أبوك انقهرت يوم طنشني ورفع جواله يطالع الي يدق ورجع رماه بعصبيه قلت بمحاوله أخيره امنعه مابيه يتصادم مع ابوه الليله بذات بتكبر السالفة أكبر من كذا :مصعب أنت مستوعب ابوك زعلان منك وشلون تروح كذا قبل تعتذر منه ويقبل اسفك اسمع مني الليله بذات لا تكفى اسمع مني هالمرة وبكره وخير تراه والله زعلان منك مصعب قاطعها بحده : ماهو طول عمره زعلان وش فرقت الحين وخلاص اسكتي كلامك كله ماراح يغير شيء اصايل هزيت رأسي استوعب رده : وأنت عادي عندك زعله عارف دعوه من أبوك تخليك طريح فراش مصعب طالعها بعصبيه:أنتِ ماتوبي يعني لازم تحشري نفسك اسكتي خلاص وأنا مع ابوي نتفاهم وقاطع كلامه رنة الجوال رفعه وقال بعصبيه: حلوو وأنت دقيت لانه باقي ماصفيت حسابي معك عناد بعصبيه: هالمره انا الي بصفي حسابي معك أنت ي ال*** تمد يدك على أمي مصعب ضحك بستفزاز: هايط على قدك يالله اقلب وجهك وقفل بوجهه اصايل كل مره انصدم فيه أكثر طريقة كلامه مع الشخص الي دق عليه فيها استحقار واستنقاص لا ابعد حد طالعت الطريق ..كان زحمه .. الناس فرحانه بالعيد ومتمشيه ..تذكرت يوم العيد عند أهلي كان ذا الوقت متجمعين وهالعيد جايه من المستشفى ومدري لوين راح اوصل مع هذا الادمي الله يستر طالعته بقهر يوم كلم صاحبه وقاله جاي ....طيب وأنا أول ماوقف السيارة قدام بيت ابوه قال بسخريه : اخس هالمره ولد الجوهوة بيثبت لعمره انه رجال يالله خلينا نلعب معه شوي عشان يركد اصايل طالعت وين مايطالع حسيت بخوف يوم شفت سياره واقفه جنب البيت : مصعب خلك منه وخلاص روح الدمام الحق اصاحبك مصعب قاطعها بصرخه: انقلعي البيت ساكته وياويلك تقولي لابوي شيء وضحك بخبث والدمام ملحقين عليه بس خلينا نتونس قبل مع ولد امه اصايل طالعت الي جالس بسيارته وأنا ..ودي اقوله تكفى تسهل ولا تعلق معاه ..هذا شر يمشي على الأرض مشيت للبيت وأنا مالي وجههه ادخل ..بس تحركت يوم سمعت اصواتهم احتدت ..دخلت البيت وأنا ميته من خوفي من شوي كانت بتصير مصيبه وربي ستر والحين شكلها صايره لا محاله .. يارب الطف فينا دورت على ابو مصعب شفته جالس بالصاله الثانيه بسرعه ركضت له ورفعت يدي بتهويل : ي عم الحق والله مصعب ماهو ناوي على طيب عالق مع ولد زوجتك سرعه تكفى الجوهرة وقفت بخوف: ولدي والله ي صقر ماسكت هالمره وراحت تركض للحوش وهي تصرخ على الخدامه تجيب لها العبايه اصايل بسرعه لحقتهم وأنا متوتره حدي بس تطمنت يوم شفت ابوه طلع للشارع... أكيد بيوقف بينهم طالعت الجوهره وهي تصارخ عند الباب وتسوي لثمتها : يمه يمه ولدي والله ذبحه المجرم ابتعدت مابي مصعب يشوفني لانه بسرعه رد له الضربه وخلاه يبعد شوي لورا ويوم رفع نفسه واعتدل بوقفته بسرعه ركضت للغرفه يالله الحين بيعصب علي أكثر وراح يعرف اني قايله لهم ليه ليه وقفت معاهم وحشرت نفسي آه غصب عني مصعب يخلي الواحد مايفكر بتصرفاته قال بصرخه وهو معصب : ي عم قدرك عالي عندي بس ولدك ماحشم وهالمره اكون ماهو رجال فعلاً لو سكت عنه مصعب وهو يمسح الدم الي نزل من شفته: اسمعوا ولد امه وش يقول ماهو رجال لو سكت يالله تعال ورني مرجلتك تعال تعال يالله ابو مصعب وهو واقف بوجهه عناد : عشاني ي عناد انك تروح وحق أمك عندي طلبتك مصعب ونفسه يطلع وينزل من عصبيته:اي حق مأخذين حقهم وزياده هي ولدها العاله وبصرخه اعلى ابعد يبه خليني اعرفه قدره وهو وأمه هالتيس عناد بعصبيه وهن يحاول يبعد عمه بدون مايوجعه : والله ي مصعب ماراح يروح حقها ومد يدك عليها بتثمنه ابو مصعب يطالع الناس الي بدت تقرب منهم قال بتعب وهو ماسك عناد خايف يفكه يرجعون يتماسكون : حسبي الله عليك من ولد شوف كيف خليت الكل يتفرج علينا الله يبارك فيك وإنت ي عناد خلك عاقل مثل ماعهدتك عناد وهو يمسح وجهه بعصبيه: ولدك ي عم طير العقل كله ورفع يده بتهديد إلا أمي ي مصعب إلا أمي مصعب حرك رقبته يمين ويسار وهو يحاول يمسك نفسه بس لا لا هذا رجع يهدد وانقهر يوم شاف الجوهره تدعي لولدها الي وقف بنظرها بوجهه بسرعه هجم عليه وبدأ كل وأحد يضرب الثاني حس باليد القويه الي ابعدته عنه قال بصرخه وهو يطالعه : عادل فكني خليني ابرد قلبي عادل بصرخه : شوف حالة أبوك كيف وبعدك تبي تهاوش خاف ربك فيه ابو مصعب وهو متسند على جارهم ويطالعهم بعجز وتعب رفع يده وأشر عليه: خذه ي عادل وفكني شره واعطاهم ظهره ودخل عناد بسرعه وقف وهو ينفض يده من التراب ورتب ثوبه وقال بتهديد: من اليوم ورايح ماراح اسكت وشوف كيف عادل صرخ: خلاص أنت بعد فارق وفكنا وطالع خويه وقال بقهر ليه تجهد نفسك كذا شوف كيف تنفسك صار صعب مصعب قفل عيونه وهو يحس بنفسه يضيق عليه أشر على السياره عادل فهم منه على طول ركض للسياره وأخذ البخاخ وناوله وقال بعتب وهو يمشيه للسياره :بتموت والله من الي تسويه بعمرك مصعب ركب السياره وسند رأسه على الكرسي وقال بتعب:ليه جيت عادل بعصبيه: انشغل بالي من الظرف الي قلته وجيت اطمن عليك اتاري ظرفك هواش كان بتموت ولا هو راح يموت مجانين الاثنين كل واحد يضرب الثاني ضرب مميت ليه كل ذا الحين مصعب فتح باب السياره ونزل وهو ناوي على اصايل هي الي خلت ابوها يطلع عادل بسرعه فك بابه ونزل وقف بطريقه: وين وين ماراح اخليك تدخل كذا امش خلنا نمشي للدمام الكل مشى معاد حنا مصعب بعصبيه دفه عن طريقه: تسهل لحالك ماراح اروح خلاص عادل وهو يدفه للسياره: مجنون لو خليتك هنا وأنت بذي الحاله امش مصعب ويوم تروق برجعك اوعدك مصعب قفل عيونه بصبر: عادل تعبان فكني شرك عادل وهو يفتح الباب ويحاول يخليه يركب بالغصب : طلبتك اركب ترى هديت حيلي مصعب زفر بضيق وركب وهو يتوعد فيهم كلهم مصيره بيرجع لهم وبيحاسبهم جيمع | ||||||||
|
| |
|
06-12-17, 04:05 PM
| #195 | ||||||||
| مراقبة عامة ومشرفة منتدى الروايات المنقولة
| اصايل كنت بالغرفه انتظر دخوله اي وقت ..مسكت مكان الضماد...وهمست بألم يارب اصرف شره عني ... أنت الوحيد تعلم اني مافيني حيل عاد ..طالعت الباب بتردد ودي اقفله بالمفتاح... بس خفت هالحركه تزيد عصبيته ويفضحنا بالبيت كله كنت أول أقفل على نفسي مافكر بس الحين الكل بيعرف أكيد ..أفضل شيء ..أقوم اصلي ركعتين تهدي بالي وتطمن قلبي شوي ...توضيت وفرشت سجادتي وكبرت ...وبديت اصلي وبعد ماكملت صلاتي جلست مكاني على السجاده ماتحركت ...وعيني على الباب منتظره دخوله علي ...أبد هالوقت مالي قوه على التصادم معاه ..وقفت وأنا اسحب السجاده بيدي اليسار ورميتها على الاريكه أفضل شيء انام يمكن انفك من شره ...قربت من المراية وأنا اطالع شكلي ابتسمت بألم ...وأنا اشوف وجهي تعبان ونحفان سبحان الله من فتره وأنا اسوي المسحتل عشان انحف والحين وزني ينزل بدون ماحس آه ي مصعب بموت والله ناقصه عمر من فعايلك انصدمت وأنا اشوفها في المراية داخله علي وهي معصبه وتقول للشر ارحب ...لفيت وطالعتها بحذر الجوهرة بعصبيه: يالله دقي على رجلك وتقلعي من بيتي مابيكم هنا يالله اصايل فتحت عيني بصدمه ..من الكلام الي تقوله طنشتها وتحركت صوب السرير وقلت وأنا ابلع غيضي : ثاني مره لا تدخلي علي تسذا فيه شيء اسمه استئذان وذوق ويالله برتاح شوفة عينتس يدي متعوره الجوهرة بعصبيه تحركت صوبها وهي تسحب المفرش من عليها بطريقه فيها قلة ذوق : يالله اطلعي من بيتي يالله مابيك فيه اصايل بعصبيه صرخت : لما مصعب يجي اطرديني الحين اطلعي من غرفة زوجي وفكيني الجوهره بعصبيه وهي تأشر على الغرفه: البيت ذا كله لي فاهمه وزوجك مايملك فيه شيء ويالله برا اصايل بصرخه : أجل يوم يجي نتفاهم ولا تطوليها وهي قصيره وطالعت نانووو الي دخلت وهي خايفه : ماما سرعه ينزل بابا تعبان مره اصايل بسرعه ركضت قبلها هذا الي خايفه منه مصعب بيتسبب في موت ابوه والله بتكون له حسره طول عمره .. قربت منه وقلت بقلق: ي عم وش تحس فيه بالضبط ابو مصعب وهو مطنشها ويطالع زوجته : الجوهره جيبي القياس حق الضغط احسه فل وبسرعه كلمي السواق يوديني المستشفى الجوهرة بقهر : الله يأخذ ولدك بيجيب أجلك وصرخت نانوو بسرعه كلمي السواق اصايل بقهر منها ماهو وقتها الحين قلت بسرعة : وين القياس عم وأنا اجيبه لك ابو مصعب بحده صرخ : خلاص نانوو تجيبه اصايل عضيت شفتي يوم صرخ علي .. اعطيتهم ظهري وطلعت لغرفتي ...وقفلت على نفسي هالمره ..مالي مزاج اسمع كلام من زوجة ابوه يكفي الي صار خلاص ... جلست عل السرير وأنا احس بذل من كل النواحي لا زوج فيه خير ولا أهل فيهم خير كنت مستبشره من ابوه طلع نفس الطينه شكل الشر فيهم وراثه ...الله يحميني منهم @ @ @ @ قالت بعتب وهي تشوف أختها تضحك بنتصار : الحين مبسوطه وأنتِ رفضتي النظره الشموخ بخبث : عقبال ماخرب الزواجه كلها الي منكده عيشتي افف احس براحه وأنا خليته ينقلع خايب وضحكت بوقاحه هههه قال ايش نظره له وجهه بعد يطلب والله أحسن من عيلته كلهن وبذات من أمه الي وجهها كله عمليات تجميل مصدقه نفسها انها واو أميرة بقهر من تفكير أختها: ليه كل ذا الرفض ي الشموخ عناد مافيه ولا عيب وأمه وش مشكلتك معاها بالله الشموخ بسخريه: مافيه عيب بنظرك لأنك تحبيه صرخت بقهر بس انا أكرهه واشوفه كله عيوب وأكره عيلته كلهم أميرة بعصبيه وقفت : من يومك وتفكيرك أحمق اي حب واي خرابيط بيني وبين عناد والله العظيم لو اسمع ذا الحكي ينعاد لي تصرف ثاني الشموخ مسكت المخده ورمتها بالأرض وصرخت بعصبيه: واضح واضح مهما اخفيتي ي أميرة وعليها ابوك يقول الملكه بعد يومين وش ذي الحالة تكفين تكلمي قولي شيء يمكن ابوي يحس ويفكر ان ذا الزواج فيه مضره لنا جيمع أميرة بخوف وهي تطالع الباب : اسكتي ابوي جالس باالصالة ومتحامل عليك @ @ @ @ دخل البيت وهو معصب حده ... مصعب الي سواه مع أمه مستحيل يسكت عليه ليتها تطاوعه وتجي معه تسكن هنا ...حط يده على خده وهو يحس بألم مكان الضربه الي وجههه له رمى نفسه على الكنبه بتعب ... قفل عيونه وهو يفكر بالي صار ...وبعد رفض الشموخ للنظرة عصبه ...ماتوقع الرفض أبد كان عنده أمل يشوفها الليله ..يحس حتى أبوها متفشل وهو يعتذر ...حط يده على وجهه وهو يتحسس مكان الضربه ... قطع تفكيره رنة الجوال مد يده وأخذه من الطاولة وقال بصوت تعبان: هلا يمه الجوهرة بقلق: كيفك الحين عورك الله يجعله يجي على نقالة عناد زفر بضيق : مافيني شيء تطمني ولا تدعي الجوهرة بقهر: اعرف خبثه المجنون حسبي الله عليه عناد : يمه الله يرضى عليك ليتك توافقي على شوري وتجي عندي وتفكينا من ذي المشاكل كلها الجوهرة بصدمه : وشهوو اجي عندك اخلي كل ذا العز وأجلس بشقه مفروشه عناد ليتك تشوف الدنيا زين وكيف الناس عايشه وبعد مين قالك عمك صقر بيرضى عناد عض شفته :يمه وش مستفيدة منه العز وانتِ ماهو مرتاحه تجهزي يمه بأجي أخذك على الاقل حتى الأمور تهدى ماهو مطمن أبد عليك الجوهرة :لا تجي ولا وتعب نفسك روحه معك ماراح اروح ويالله قفل خلني اشوف عمك تعبان شوي عناد بقلق: تعبان يالله الحين بوديه المستشفى الجوهرة : لا لا مايحتاج كان بنروح فيه بس يوم أخذ علاج قال بينام شوي وراح يرتاح وتطمن لو تعب السواق موجود أنت لا تجي أبد أخاف مصعب يرجع وترجعون تعلقون في بعض هالمره عمك صقر فعلاً بيروح فيها عناد بضيق: أجل طمنيني عليه الجوهرة : ان شاءالله قفلت من عنده وراحت للغرفه قالت بقهر وهي تشوفه مقفل عيونه: والله لو حالتك غير ذي الحالة كان طلبت منك تطردها لانها عيت تطلع يوم طردتها مستقويه برجلها صقر فتح عينه بتعب:الجوهره تعبان حدي تكفين الجوهره قربت منه ومسكت يده : صقور مقدر اعيش معاها في بيت واحد شوف لك حل ابو مصعب بتحذير: لا تتعرضي لها أبد حتى يجي رجلها ولي كلام ثاني الجوهرة بتمسكن : عشانك صقور راح اتحمل وبخبث متى بس بتكتب ذا البيت باسمي وارتاح عصبت يوم مارد عليها ورجع قفل عيونه يقال الحين نام يتهرب حضرته بس هين ماكون الجوهرة لو ماخليتك تكتبه لي بيع وشراء بعد @ @ @ @ بعد صلاة الفجر رجع و شاف ابو سعيد طالع من المسجد بسرعه نزل من سيارته وقفه وهو يقول : دقيقه ي عم أبيك بموضوع ابو سعيد عقد حواجبه مستغرب: هلا ياسر خير ان شاءالله ياسر ابتسم بتوتر وهو يسلم عليه : كيفك ي عم وكل عام وأنت بخير ابو سعيد بعتب : وأنت طيب إلا وينك ماعيدت معنا هالمره ياسر قال بكذب: عندي شفت وماقدرت اعيد معكم صليت ومشيت على طول ابو سعيد وهو بيمشي: الله يعينكم يالله ي بوي بروح وراي مشاوير للعالم بقضيها ياسر بسرعه قال: لا قبل تروح بسألك ابو سعيد عقد حواجبه: عن ايش تسأل ياسر خايف مايتذكر وقتها صدق راح يتحطم : بسألك عن خال بنت فهد الي حضر عزاء ابوها وطلب يشوفها ابي اعرف وين يشتغل بالضبط ابو سعيد وهو مستنكر : خال شدن وش تبي منه ذلحين وليه تبي تعرف مكانه ياسر يدري بمعزة عمته نوفه عند زوجته ويخاف يقول شيء يندم عليه قال بتوتر: لا بس حاب اتعرف على أهل زوجتي مثل ما أنت عارف وبعد يمكن تفرح يوم تشوف خالها ابو سعيد بحده: البنت متعلقه في عمتك وبعد عمتك متعلقه فيها خلك من ذا الهرج كله لان جية مصطفى بتفتح ابواب مغلقه ويالله بروح اشوف رزقي ياسر الحين اسمه مصطفى وابوه اعطاه اسم ثاني ...حلووو عرف اسمه باقي مكان شغله قال بسرعه وهو يشوفه معطيه ظهره: ي عم ابو سعيد رفع يده: تأخرت ياسر وراي اشغال وناس واعدهم ياسر بقهر عض شفته : ي حبك أنت وابوي للفلوس ذبحتكم ذي المشاوير .....ليته سأله في وقت غير ذا كان يمكن استفاد وطلع منه أكثر وبعدين مايعرفه بذا الثقل يدري فيه كل كلمه يقولها آه بس جت على حظي | ||||||||
|
| |
|
06-12-17, 04:06 PM
| #196 | ||||||||
| مراقبة عامة ومشرفة منتدى الروايات المنقولة
| بعد ثلاث ايام "يوم ملكة الشموخ وعناد " • • صرخ بعصبيه: والله ي الشموخ لو ماتعقلي وتسمعي كلام أمك لا أخليه يملك عليك من هنا وتسري معاه في نفس اللليله بدون عرس الشموخ صرخت وهي منهاره: ماتشرف يصير لي عرس وهذا العريس مابيه افهموا عاد ابو أميرة بعصبيه:الحين هذا جزاه مافي حد رفع رأسي وبيض وجهي بين الرجاجيل غيره والحين ... الجده قاطعته بعصبيه: خلاص روح وأنا بقنعها تتزين الشموخ كانت تصيح منهاره سوت كل شيء بس ماقدرت تمنع ذا الزواج ...ليت أبوها يخليها تنزل وتسمع الشيخ برأيها والله لا ترفضه بس عارفه ان ابوها مستحيل يقتنع وبيجيب لها الدفتر لهنا ... طالعت جدتها وقالت بصوت مبحوح من كثر الصياح: ميمه أموت ولا أخذه الجدة بزعل على حالها: وش نسوي بعاند أبوك ويالله يمه خليها تصلحك مافي وقت شوي وبتطلعي للحريم والعاند ذا كله ماراح يفيدك الشموخ مسحت دموعها : والله ماطلع لاحد الجدة بعتب: عيب عليك الحريم كلهن منتظرين نزلتك وبعد أمه جايه ومعاها أهلها عيب وأنا امك الشموخ صرخت: هذا الي ابيه ابيها توصل له عديم الكرامه الجدة : يمه الي تقوليه عيب والله في حقه بيصير رجلك وله تقديره واحترامه الشموخ رفعت يدها وهي تدعي: الله يأخذ روحه الحين قبل يملك علي الجدة أشرت لخدمتها تقرب منها: روحي نادي الي بتصلحها أول ماشافتها داخله وهي حامله الشنطه بيدها قالت : تعالي يمه ابدي فيها وبنتي عاقلة وبتسمع كلامي الله يهدي عليها الكوفيرا بزعل لها ساعتين ملطوعه برا الغرفه مره يقولون لها تعالي ومره روحي : ان شاءالله بس عروستنا ترضى الشموخ بوقاحه: اطلعي برااا الكوفيره صرخت بعصبيه: من غير ماتطرديني رايحه الجدة وقفت معترضه وقالت بحده: تكفين يمه ماتزعلي وانك تعذريها الكوفيره بحترام للجده :اعذريني ي جده مقدر والله وشوفوا غيري الجده بعجز :يمه مايمدي والله الكوفيره وهي ترجع تلبس الطرحه: معليش اعذريني الجدة أول ماشافت بنتها دخلت: ربي جابك ي ساميه تعالي بنتك غلطت بحقها واجد والله فيني امدها بذي وهي ترفع العصاء بس مابي اعوقها بذي الليله ام أميرة وهي تطالعهم : وش صار الكوفيره وهي تحمل شنطتها: يالليت تخلي السواق يوصلني لان سواقي بعيد بالحيل وأنا مافيني أجلس انتظره ام أميرة طالعت الشموخ وهي تتحلف فيها: وين وين يوصلك باقي ماسويتي شيء الكوفيره بقهر: بنتك طردتني ام اميرة مسكتها من كتفها: عشاني امسحيها بوجهي الكوفيره بزعل: معليش ماقدر الله يخليك كلمي السواق الجدة قربت منها ومسكتها وهي تسلم عليها: يمه عشان خاطري لو لي تقدير عندك وذي العوبه الحين بتعتذر لك وغصب عنها الشموخ كانت مطنشه المهزله هذي بنظرها طبعاً وتفكيرها بعيد ...جالسة تفكر وشلون تخلص نفسها من ذا الزواج ام أميرة : الشموخ اعتذري بسرعه الشموخ طالعتها بغررور: أنا اعتذز ومن هذي روحوا زين ام اميرة قربت منها وضربتها بكل عصبيه طلعت قهرها كله فيها ...خلاص تعبت من أول متحلمه مشاكلها مع زوجها بسبة هذي الزواجه ورفضها والحين الضيوف الي منتظرين طلوعها ... وأهله الي جالسين يسألون متى تنزف ويخلون ولدهم يشبكها.... الجدة والكوفيره كلهم كان يحاولون يفكونها من يدها ....بس ماقدروا الجدة بعصبيه : بتفضحينا ي ساميه أكثر من بنتك ام اميره وهي تنتفض من العصبيه: بتموتني ذي البنت طول عمرها عاصيه بس كله من دلع أبوها والحين شوفي ايش صار بينهم طالعت الكوفيره : الله يخليك بعطيك دبل السعر بس لا نتفشل الكوفيره بضيق : شوفي بسويها بس عشانكم وتقدير لكم وللحاله الي أنتم فيها والسعر ماأخذ أكثر من حقي وتعبي بس الجدة وهي ضامه الشموخ : فيك الخير يمه وطالعت الشموخ الي بحضنها تصيح : قومي يمه امسحي وجهك وتعوذي من ابليس وخليها تزين لك وجهك وخلاص ارضي قبل يجيك شيء اقوى الشموخ قامت وهي مكسورة كلهم صارو ضدها خلاص بترضى وبتأخذ حقها منه هوو ...وبتخليه يندم انه خذاها عديم الكرامه .... @ @ @ @ ابو مصعب فرحان ولده ماهو فيه وبتم الملكه وهو مايدري ..عارف ولده ومشاكله وراح يخربها عليهم ويفشلهم بين الرجاجيل.. طالع أخوه الي دخل قال بابتسامه وهو يناظر عناد: يالله ي خوي معرسنا مستعجل يبي يملك ابو أميره بضيق طالع المملك: سم بالله وأبد @ @ @ @ في الدمام قال بطفش: متى ناوين نرجع عادل ابتسم : الله وين الي زمان نسحبه غصب مصعب ابتسم بثقل : في اشياء تغيرت عادل : ي هوو خف علينا مصعب اخذ جواله وقف وطلع وهو يناظر البحر طلع سجاره واشعلها وبدأ يدخن وباله بعيد ..وش سوت معاها الجوهره يدري بخبثها ...واصايل ماهو قده رمى السيجاره ...وهو يحس صدره يوجعه رفع جواله ودق على تلفون البيت ..انتظره يرن بس مافي حد يرد بيقفل إلا سمع صوت نانوو :الوو مين قال بجمود: انا مصعب وين مدام اصايل نانوو : فوق غرفه مصعب : بسرعه اطلعي لها وقولي لها ابيها نانوو : طيب راحت لها الغرفة ودقت الباب وقالت من وراء الباب يوم ماسمعت صوتها :مدام فيه نوم مدام مدام مصعب يبي أنت اصايل كنت صاحيه ومطنشه الدق بس يوم قالت مصعب يبي أنت فزيت بخوف مصعب وصل لا لا قلت بتلثعم من وراء الباب : وينه نانو وهي تقرب من الباب أكثرعشان تسمعها : تلفون اصايل يوم قالت تلفون ارتحت شوي فتحت الباب وقلت بسرعه: روحي قولي له مدام نايمه سرعه نانوو بتردد : مدام بس اصايل وهي تقفل الباب: سوي الي قلت لك عليه يالله نانوو راحت وهي خايفه منه لا يعصب عليها : مصعب مدام فيه نوم مصعب عقد حواجبه مستغرب يدري فيها تسهر والحين ماجت تسعه قال بقهر: نايمه اوك وقال بتردد إلا وين بابا كبير وكيف تعبان نانوو : لا لا صار زين وفيه يروح الحين ملكة بابا عناد مصعب بصدمه : وشهووو ملكة عناد نانوو بخوف من صرخته: بابا مافي يدري مصعب صرخ: نانوو متأكده نانوو وهي ترتجف ماهي عارفه تتكلم خلت السامعه على الطاوله وبسرعه ركضت للممطبخ تبي خدامة الجوهره تنقذها مصعب بصوته كله : نانوو الوو نانوو الو قفل وهو معصب حده دخل وهو يصرخ: عادل بنمشي الحين ولا دبرت نفسي عادل وقف مفزوع: وش فيك مصعب بدون صبر: عادل يالله تحرك ولا اقولك هاتي المفتاح وأنت دبر نفسك مع الشباب عادل وقف : مجنون لو خليتك تسوق وأنت كذا يالله مشينا والله يعيني على فصلاتك @ @ @ @ @ الجنوب • • قالت بقهر: ذلحين ي نور تروحي أنتِ واختش لأمل تعيدوا عليها وماتقولون لي وش ذا الجور بالله نور بدون مبالاة وهي تلعب بجوالها: شدن بلى عتب ذلحين ماله داعي اقولش أمي قالت يالله بنسير على جيرانا ورحنا معاها بس هذي كل السالفة ولو مقهورة لذي الدرجة خذي عمتي نوفه وروحي لها وفكينا شدن صغرت عيونها بقهر: بعدش تتمسخري علي حسبي الله عليش شكل أخوش قلبش علي نور استوت بجلستها بحماس: إلا على طاري أخوي مادق عليش لأنه أمس طلب رقمش وقلت شكله الأخ بدأ يهيم شدن فتحت عينها بصدمه وهي تأشر على نفسها : طلب رقمي أنا نور ابتسمت بخبث: تطمني فيه تطور شدن ميلت فمها : اف ذلحين بينشب لي نور فكتها ضحك : هههههههههه شدن انقهرت من ضحكها وبعصبيه: ممكن اعرف وش يضحكش ست نور نور وهي ماهي قادره تسكت : قلتي بينشب لش يمه على الثقه الي عندش تراه مأخذه إلا ناوي عليش تعوذي من شره وأنا أختش وخلي ذي الثقه الزايده عنش ورجعت تضحك هههههههه شدن طنشت ضحكها وهي تفكر وش ناوي عليه ..وليه طلب رقمها ...طالعتها بخوف: وش تتوقعي ناوي عليه وبقهر خلاص نور مسخت السالفه وش ذا الضحك كله نور أول ماوقفت ضحك قربت منها وهمست لها: اسمعي وش رأيش تكلمي أنتِ ياسر وكذا تجيبي رأسه اعرفه أخوي خروف يمشي وراء الحرمه يوم تدلعه ناسيه العجيز عفاف كيف لاعبه بحسبته شدن انتفضت من كلامها : وش تقولين ي مهبوله أنا اكلم ياسر واجيب رأسه ليه يحسرة ميته عليه نور عضت شفتها بقهر: أنتِ أبد ماتسمعي بخبث النسوان شدن كشرت بوجها: بعد تبيني اصير خبيثه حسبي الله عليش انقلعي تبين الكل يكرهني بعد نور وهي ودها تقطع شعرها من غباء هذي المخلوقه قدامها : ي غبيه ي **** شدن بقهر قاطعتها: لا تسبي ترى بزعل منش وبطردش نور لطمت وجهاا من القهر : الله يأخذ عمرش قولي آمين شدن بعصبيه: بعد تدعي علي نور مسكت يدها : اسمعي ماهو تبي عرس وتبي قاعة وتبي فستان مثل كل البنات شدن بحسره : إلا ابي بس أخوش رافض توقعي بخل ولا وش قصته نور ودها تنتف شعرها قربت منها ومسكت يدها : شوفي عفاف ماهي أقل منش وصار لها ذا الشيء كله قولي ليه شدن بتفكير: مدري بس صرت اشك انها هي مسويه حق عمرها عرس وأخوش مادفع ريال تدرين فيها عندها رأتب وهو البخل في دمه نور صرخت بقهر: لا لا الله يأخذش افهمي علي شدن بقهر :رجعت تدعي علي يالله من وين احصلها منش ولا من أخوش نور بصبر : اسمعي ي قلبي وافهمي الي بقوله شدن بطفش وهي تحط يدها تحت خدها وتميل رأسها شوي : يالله قولي اسمعش وبسرعه بدق على أمي اشوف ليه تأخرت عند ام سعيد نور ابتسمت بخبث : تدرين ليه يدور رضاها كان لانها عرفت لحالها وعرفت كيف تجيب رأس يويسر واضمن لش أخوي كلمه وحده بس كذا تقوليها بدلع تخليه يركض وراش وكل شيء بيكون بين يدينش بدون تعب شافتها ساكته تفكر هاا وش رأيش بشوري يالله كلميه وأنا جنبش لا تخافي بساعدش وش تقولين له شدن بتردد خايفه بالحيل ...منه ومن ردة فعله يوم يسمع صوتها بتردد: لا لا مستحيل اسويها نور بقهر: أجل أجلسي مقابله عمه نوفه ولا بيصير لش عرس ولا شيء ماغير تشعلي في ذا التنور وتجففي الخبز للغنم شدن بقهر : ناسيه ان بعد ابوش عند غنم وبعد حتى لو صار عرس بجلس عندها تفتكري بروح اسكن عند أخوش مستحيل حنا كذا متفقين نور قفلت عيونها بقهر: ي بنت بلا غباء طول عمرش بتجلسي كذا عند أمش مستحيل من الحين اقولش حاولي تكسبي ياسر وخليه بصفش أحسن لش والله يويسر يدلع الحرمة لو حبها مسكت يدها تكفين شدون حاولي تكسبيه نبي ننفك من مشاكله أمس ضارب حور لما الدم صب من خشمها ليه .. طولت بكاس المويه الي طلبها شدن بقهر : يعني ذلحين تبيني أكلمه عشان مصلحتكم نور : عشان مصلحة الجميع وإذا ياسر قدرتي تكسبيه ننفك من عصبيته وتسوي فينا معروف ...ولا تنسي يصير الي نفسش فيه كله وش رأيش وأخذت الجوال وسجلت رقم ياسر فيه وناولتهاا يالله دقي عليه ومثل ماقلت لش أنا جنبش بساعدش وبقولش وش تقولين له شدن مدت يدها بتردد وسحبت يدها بخوف: لا لا أول اقول لأمي نور بقهر:. وينها عمتي ذلحين مسيره وبتأخر وأنا بروح وصدقيني عمتي بتفرح لو تقربتوا من بعض وبعدين لا تنكري احسش مايله لياسر وفرحانه بذي الزواجه شدن بتوتر: يالله أكذبي وجيبي من عندش نور رجعت مدت الجوال : يالله خذي كلميه وهي تضغط على رقمه رمته عليها وأشرت لها ترفعه شدن طالعته بخوف بذات يوم فتح الخط ماقدرت تمد يدها عضت شفتها وهي تشوف نور تترجاها تأخذه وتتكلم أخذته بتردد رفعته وأول ماسمعته يتكلم : الوو الوو الو من معي طالعت نور بقهر كيف تقول أخذ رقمها والحين مايعرف رقمها قالت وهي تحاول تنقذ نفسها: هذا رقم أمل ياسر عقد حواجبه الصوت ماهو غريب عليه والرقم بعد شايفه وين مايدري ...قال بجمود: لا ماهو رقم أمل بس سكت وهو يسمع صوت صرختها قال الوو قالت بألم وهي تصرخ من الضربه الي جتها من نور: ايوه ياسر معاك ياسر بصدمه :نعممم شدن رفعت يدها وهي تضرب خدها اخخخ وش سوت فضحت عمرهاااااا طالعت نور تبيها تنقذها بس الخايسه شردت بلعت ريقها وقالت بتلعثم: === == = كتتتتتتتتتت حلوو لعيونكم وادعوو الله يسترها مع بنتي من ذا الشرير والبخيل & نونــي بنت الحنوب& سبحان الله وبحمده سبحان الله العظيم "الوتر احبتي " "الله يرحمك يامن وجعني فراقك " | ||||||||
|
| |
|
11-12-17, 03:05 PM
| #199 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته مساء الورد الليله موعدنا ان شاءالله مع المقتطفات على إني شايله بخاطري وزعلانه منكم واجد وبعد ماكان بنزل لا مقتطفات ولا بارت بعد بس وش اسوي مدام توسطت لكم حبيبة قلب أمها واقنعتني يوم قالت نزلي لهم يمه أنا قلبي كبير وسيع وأحب الكل قلتها لها عشانش بنزل الله يطعني عنش فديتها بنتي ماتعرف للحقد طريق شفتوا كيف الأدب والاحترام آه بس لو تبطلو غيره منها وانبسطوا بعد توسطت لكم بعد اسهل المقتطفات وعشانها خليتها مره مره سهله والكل بجيبها متأكده انتظروني & نوني بنت الجنوب & | ||||||||
|
| |
|
12-12-17, 03:25 AM
| #200 | ||||||||
| مراقبة عامة ومشرفة منتدى الروايات المنقولة
| سلام ي حلوين وهذي مقتطفات من البارت {14} وماكثرت لكم ولا صعبتها عشان الكل يعرفها ان شاءالله • • لف وهو مصدوم أخر شيء توقعه تجي لهنا بنفسها • • رجعت البيت وهي تتحلف فيه مصيره يجي وتلقاه • • طالعها وهو مصدوم هذي الي شافها ايه هذي هي • • يخسى ويعقب تعتذري منه وبخليه يجي يعتذر منك غصب عن خشمه • • شفت قدامي سرير نوم مشيت شوي وأنا اتفرج بفضول للغرفه وبعد هفتني ريحة العطر الرجالي الفخم ... • • همس لها : والله قلت انك ماراح تفشليني & نوني بنت الجنوب & | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
.png)
العرض العادي
