13-12-17, 02:01 AM
| #203 | ||||||||
| مراقبة عامة ومشرفة منتدى الروايات المنقولة  
|  اللهم اني استغفرك واتوب إليك اللهم صل وسلم عليكم نبينا محمد " صلوو عليه " • • • البارت باسم الحلوه ((ام نورر)) يالله ي قلبي انبسطي البارت باسمش على انه عندش شطحه وحده بس ماعليه لعيونش فدوه • • • { 14 } • • • بحده: الو الو بخوف وتوتر وهي تسمعه ايه بتحاول تطلع نفسها نور شكلها ماراح ترجع حطت يدها على عيونها يقال يشوفها بس من توترتها ماتدري وش تسوي أخذن نفسي قوي وقالت: بس بسألك ليه أخذت رقمي من نور ياسر أخر شيء فكر فيه انها تدق عليه مصدوم حده من وقاحتها واتصالها عليه وبعد تتهمه انه أخذ رقمها قال بعصبيه: الحين أنا أخذت رقمش وش ذا الكذب بعد شدن وهي تطالع جهة الباب تبي نور ترجع عشان تثبت له صدقها: والله ماكذب قالت لي نور ياسر قاطعها بعصبيه: وأنتِ مصدقتي خبر على طول داقه فرحانه أكيد شدن بقهر وفي نفس الوقت متفشله :المهم الحين يالله احذف رقمي من عندك مايشرفني يكون موجود بجوالك ياسر صرخ بقهر:خفي علينا اي رقم الله يأخذش ونور قولي لها ترجع البيت بسرعه قسم لوجيت ماتسلمون الثنين شدن حست بغصه فشلها ويدعي عليها والحين يبي يهاوش نور أكيد إلا يضربها بعد قالت بسرعه: نور ماهي جايه ويالله قفل واحذف رقمي لا تنسى ونزلت الجوال ...وقفلت بوجهه وهي ..مقهوره من الموقف الي انحطت فيه ...طلعت تدور نور تبي تحذرها ماترجع ذلحين البيت .. تلفت يمين يسار.. تدورها ماحصلتها ...بسرعة طلعت للحوش ..بعد ماحصلتها.. والله انها راحت للبيت الغبيه اخخ ليه استعجلت أخوها متحلف فيها ...قربت من الباب الفاصل ...وأنا ودي أطمن عليها ...مديت يدي بتردد.. وفتحته ي دوب افتحه إلا اشوف ياسر في الحوش ...وشكل ينتظر نور ... رجعت لوراء شوي..وين راحت ذي مدام ياسر واقف ينتظرها ...أكيد مارجعت البيت مشيت شوي لوراء البيت ادورها ...ماحصلتها بعد ..حسيت بقلق قلت وأنا شوي ارفع صوتي : نور اطلعي ولمصلحتش الليله خليش عندي ترى يويسر يتحلف بش افف حسيت بقلقي زاد عليها يوم ماردت ... لايكون شردت ذي البنت من الخوف يمه وين راحت لا هي في بيتهم ولا هنا ...صرخت انا دي باسمها مره ثانية . نور نور وينش فيه بعد مالها حس تراجعت لوراء ورحت للباب الفاصل وتشجعت وفتحته .. وشفت ياسر واقفه بمكانه مثل ماهو ومعطيني ظهره بس هالمرة يكلم بجواله .. بلعت ريقي وتقدمت شوي وقلت وأنا متردده: ليتك تقول شيء عشان تتطمن وتطلع من المكان المستخبيه فيه رجعت لوراء يوم لف لي وشكله انصدم بوجودي ... ياسر لف وهو مصدومه أخر شيء توقعه تجي لهنا بنفسها بعد الكذب والتزيف الي صار من توو قال بعد ماقفل من الي كان يكلمه : جايه بنفسش بعد وش ذي الوقاحه الي وصلت بش ي قوة عينش شدن هزت رأسها بلاااااا: جايه ابي نور قلقانه عليها والله مدري وين أختفت ياسر بسخريه وهو يناظرها من فوق لتحت بتصغير : قلتي لي جايه تدوري نور يالله يالله كملي كذبش المستمر وبصرخه ماتملي أنتِ وقرب منها ومسكها من كتفها بقوه وقربها منه وقال بصوت كله حقد وكرهه وش تبي مني ملاحقتني بالجوال وهنا و بكل مكان ي بنت افهمي مابيش ولا ابي اشوف وجهش ويالله انقلعي عن وجهي قبل اخذ عمرش واكوفنش مثل نور شدن كنت احس نفسي مصدومه من مسكته لي ومن كلامه... أول مافكني تراجعت.. لوراء وأنا احس بالذل والإهانه.. وبعد ليت بفايده جيتي لهنا الي خايفه من صار نور انضربت ...منه رجعت طالعته شفته يطالعني بحقد وكره فضيع ... قلت وأنا امسح دموعي الي نزلت غصب عني : راح تندم والله ياسر فتح عينه بصدمه وأشر على نفسه : راح اندم على ايش ان شاءالله رفع يده بتحقير يالله يالله تحركي من هنا وخلي عند شوية خجل ثاني مره وايه بعد لاتقصرين قولي لعمتي نوفه ولا اوصيش شوية زيادة من عندش ولا اقولك مايحتاج توصيه عزالله بتزودي وتكثري ذي المره شدن انسحبت وانا باقي مصدومه ...ذلني ياسر اليوم بقوه ..دخلت غرفتي ورميت نفسي على السرير وأنا اصيح منهاره أول مره احس بغبنه على حالي مثل كذا ..ايش سويت له ...عشان كذا يعصب علي ويسمعني كلام يجرح ...وبعدين متى لاحقته أنا كان قصدي اطمن على نور ...وكنت ابيه يتكلم وتسمع صوته وتطمن وتطلع خايفه عليها والله ...حطت يدها على وجهاا ...وهي تصيح كل مره يفهمني غلط ..حسبي الله عليه @ @ @ @ @ في بيت ام سعيد قالت بصدمه وهي تمد الفنجان: سأل رجلش على خالها ام سعيد وهي تأخذ الفنجان منها: ايه والله سأله وقالي قلت يمكن يبيه يحضر عرسه قالي ايه هذا كلامه يبي يفرحها ويسويها مفاجأة لها نوفه ابتسمت مجامله: ايه طول عمره ياسر يحب يفرح الي حوله الله يسعده ام سعيد : على قولش والله ان عفاف خسرته قامت مع أهلها ضده نوفه : كل شيء نصيب ام سعيد : يالله وكاد خيره لبنتش عشان يأخذها إلا قولي وين ناوين تحجزوا القاعه تكفين وأنا اختش خليها قريبه من هنا لا تبعدوا المكان والكل يعتذر مايحضرلش نوفه وهي مقهوره من ياسر يسأل عن خالها ليه وقفت مافيها عاد تجلس ...وأم سعيد بتلاحظ عليها ام سعيد وهي مستغربه: وين وين ي نوفه باقي ماجلسنا وبعد نتظر ام ياسر تقول جايه نوفه بتوتر : ماعليه خليني اروح شدن لحالها بالبيت وام ياسر مطوله ام سعيد ابتسمت : الحين تزوجيها وتنفكي من مسؤوليتها نوفه بحده : ي زينها من مسؤوليه على قلبي وابيها بعد ماتزوج تجلس عندي ام سعيد ضحكت : ايه ذلحين ذا الكلام خليها بس تتزوج وتقولش بروح مع رجلي يمه وأنتِ تعبش يروح على الفاضي شوفة عينش بناتي تزوجوا ومعاد اشوفهم إلا بالحسره ماغير أمل الصغيرة الي بقت لي نوفه وهي تلبس نقابها: مازوجتها غريب يهج بها زوجتها ولد أخوي الباب بالباب ويالله اشوفش على خير طلعت من عندها وهي تغلي ياسر يسأل عن خالها ليه ...سالفة يفرحها وذا الكلام كله مايمشي عليها ...شافت سيارته واقفه يعني هنا بسرعه اتجهت لبيتهم ودخلت عليهم سلمت على أم ياسر الي لابسه عبايتها وقالت وهي تدور ياسر بعيونها: وينه ولدش ام ياسر : وش تبي بعد منه يكفي الي سوته بنتش ذلحين ودبغ أخته سبتها الله العالم وش قايله له نوفه متى نرتاح من مشاكل بنتش نوفه بقهر : الحين ضربه لاخته بعد تحطيها على بنتي خافي الله في ذي اليتيمه كافي كل مصيبه تحطوها فيها ام ياسر بعصبيه: والله هي تخاف الله فينا كل مره جايبه مصيبه البنت ي قلبي جلست عندها شوي ي دوب تطلع من عندها جاي اخوها ومخليها تعض الأرض شوفة عينش وهي تأشر عليها وهي تصيح بحضن اختها نوفه بعصبيه: طيب وينه ياسر ام ياسر بقهر: وش تبي فيه بعد خلاص زواج وزوجتيه وش باقي نوفه طالعت أمل : وينه يمه اخوش لو بغرفته ناديه ابيه ضروري أمل بدون نفس: مدري عنه من يوم دبستيه في بنتش ماغير طايح ضرب فينا حسبي الله ونعم الوكيل نوفه : استغفرك يالله وطلعت وهي معصبه دورته في بيت الشعر ماهو فيه ... رجعت البيت وهي تتحلف فيه مصيره يجي وتلقاه هين ي ياسر ...دخلت البيت وهي معصبه دورت شدن ماحصلتها بالصاله راحت لغرفتها ..فتحت الباب شافتها نايمه استغربت نومتها كذا بدري قربت منها وهمست الله يأخذ حقش من كل حد ناوي يقهرش .... .... | ||||||||
|  |
|
13-12-17, 02:02 AM
| #204 | ||||||||
| مراقبة عامة ومشرفة منتدى الروايات المنقولة
| قلت وأنا تعبانة من كل شيء خلاص الدفتر وقعته يعني زوجته رسمي : تكفين ميمه خذيني معك والحين كلمي السواق خليه يهج فينا للمجمعه الجدة بصدمه وهي تحط يدها على رأسها: وش الي تقوليه وين أخذك به الحين والضيوف موجودين ورجلك ينتظر عشان يشبكك قومي يمه غسلي وجهك وخليها تصلحك والله يصلح حالك بعد الشموخ عضت شفتها وهي تطالع الكوفيره ماتبيها تسوي لها ...وهي جالسة مبلطه مانفع فيها شيء طرد وطردتها وسوت كل شيء وهي مثل ماهي عليه تنتظرها ..طالعت ميمتها وقالت بقهر: بنزل كذا وخلي أمي تتفشل من الحريم على الأقل يبرد قلبي شوي فيها الجدة وقفت وهي مستنكره كلامها رفعت عصاتها بحده: والله لو ماتسنعي في منطوقك ذلحين اسنعك بذي بيدي وضرب امك ولاشيء لو فكيتها عليك اسحتي على وجهك ذي أمك وشلون تقول كذا عنها • • بالمجلس يحس نفسه متوتر ...وقلبه قابضه من ذي الزواجه الي جت بسرعه.. ولا هي على البال ولا في الحسبان ...طالع عمه وابتسم مجامله ...فيه شيء مخليه متوتر ومتردد ابو مصعب بهمس: عمك يقولك البنت تحتريك بالمجلس عشان تشبكها قوم وهو بيدلك لمكانها أمك لا تنتظرها أبد تراها طالعه وهي تتهددد وتحلف انها ماتدخل بشيء حس بضيق أكثر وتوتره زاد ...رفع جواله ودق على أمه أول مارن قفلت بوجهه ...يالله وش ذي الزواجه الي من أولها كذا طالع أبوالشموخ يوم قال: يالله ي عناد لو حاب تشوفها مثل ماقال عمك عناد طالع عمه صقر بتوتر تذكر الشبكه مع أمه ...ابتسم بوجهه وهمس لعمه : خلي أمي تلاقيني بالشبكه تكفى دق عليها لا اتفشل معاهم ومشى معاه أول مادخل للمدخل الي يودي للغرفه الي جالسة فيها تلفت يمين يسار يدور أمه ...بس شاف حرمه قدامه متلثمه وتأشر لهم يقربون عقد حواجبه ...مين تكون ... ابو أميره بجمود: هذي عمتك ام الشموخ عناد بتوتر ابتسم : ي هلا والله ومد يده مايدري وش يسوي ناقد على أمه في هالموقف مخليته لحاله ... ام أميره بخجل مدت يدها : تفضل عروستك في انتظارك وطالعت بنتها بتهديد تحذرها أبو أميره وده يرجع للرجاجيل بس خايف من بنته تسوي شيء يدري فيها وفي لسانها قرب منها وقال بتحذير وهو يطالعها كيف منزله رأسها : وهذا رجلك ي الشموخ قومي سلمي عليه الشموخ رفعت رأسها شوي وشافته واقف قدامها ماهو هذا الي تتمناه ..تمنت هاللحظه يدخل عليها شخص ثاني عاشت ...طول عمرها تحلم به وتتخيل كيف يكون يوم تشوفه ..بس ي حسره الي دخل عليها "ولد الجوهرة"نزلت رأسها بدون ماتتكلم عناد أول مارفعت رأسها وطالعها فتح عينه وهو يتأكد ..حس نفسه مصدوم بالحيل هذي الي شافها ايه هذي هي وقتها انبهر من جمالها ..بس ماعرف مين من ضيوف أمه ...ابتسم وهو ماهو مصدق انها صارت زوجته ...حس لسانه انلجم ماقدر يتكلم أو يقول شيء .... ابو أميره بضحكه : ي رجال تكلم قول شيء البنت واقفه لها ساعه عناد عض شفته متفشل وهو يطالعهم بخجل ي ناس من حقه ينلخم ..أخر شيء توقعه الي شافها الحين تكون عروسته أبو أميره بضحكه : لا شكلك ماراح تتكلم طيب تفضل أجلس جنب مرتك والله يفك عوق لسانك عناد ابتسم وهو متوتر حده ومد يده لها وقال : كيفك يالشموخ ...حس انها طولت ومدت يدها... وبعد استغرب.. من نظرتها لابوها وبعدها.. مدت يدها شك ..من حركتها انها غصب عنها سلمت عليه ...وبذات يوم ماردت ماغير نزلت رأسها وجلست جلس قريب منها ووعينه ...على الباب وده أمه تدخل بسرعه خجلان من ابوها وأمها ولا عارف يقول شيء ولا يتكلم حتى شبكه ماهي معه يالله على هالموقف السخيف الي حطته فيه أمه وبعد حركتها ضايقته... وخلته يتراجع عن شيء يقوله لها طالع ام الشموخ يوم قالت : اطلع ي ابو اميره امه والحريم بيدخلون ابو أميره طالع زوجته ورجع طالع الشموخ وهو يحذرها ما تغلط بعد مايطلع : ان شاءالله عناد حس بفرحه يوم قالت ان أمه داخله وأول ماشافها وقف لها بحترام ... وقرب منها ..وسلم فوق رأسها وهمس لها : والله قلت انك ماراح تفشليني الله يطول بعمرك ي الغاليه الجوهرة طالعته بعتب وهمست له:ماني راضيه بس بعد مايهون افشل ولدي وهي تمد يدها بعلبة الشبكه خذ اشبك زوجتك ومبروك عليك وطالعت الشموخ بعدم رضى عناد اخذها منها وهو متوتر من وجود النسوان بالغرفه ...كذا فجأة امتلت وزاد خجله أكثر ابتسم للمره الكبيره بالسن وهي جايه وتدعي لهم وتبارك بصوتها كله حس براحه بشوفتها تذكر جدته الله يرحمها ... الجده قربت منه وهي تعاينه زين : مبروك يمه خذت زينة البنات وبيني بينك بعد أنت مزيون طول بعرض الله يحميك وتستاهل بنيتي عناد قرب منها وسلم فوق رأسها بحترام : الله يبارك فيك أشر لها تجلس وقال عشان ماتتعبي الله يطول بعمرك بس حس بالضربه على كتفه عقد حواجبه مستغرب ردة فعلها الجده بحده: اقوى منك ومن مرتك بعد ي العاجز عناد ابتسم لها والله طلعته من جوو التوتر والخجل الي هو فيه : اسف وحقك علي وسلم فوق رأسها الجده : ابعد ابعد خلني اسلم على بنيتي شكلها تقول جدتي طاقتها سوالف مع رجلي وناسيه تبارك لي الشموخ كنت معصبه حدي .. وبذات استخفافه مع جدتي عصبني زود .. مسوي نفسه محترم ... طالعت جدتي بعتب يوم طيحت مع الميانه على طول ..ويوم قربت مني تسلم وتبارك همست لها بقهر: تكفين ي ميمه سوي اي شيء وطلعيه ترى وجوده مسبب لي كتمه الجده رفعت نفسها وهي ناقده عليها وقالت بصوت عالي : يالله يمه تعال اشبك زوجتك وأجلس جنبها وهي تطالعها بزعل ام أميره بعتراض: لا يمه يشبكها يوم نزفهم للصاله قدام الكل تفضلوا ي حريم عشان نزفهم الشموخ وهي ودها تنهي ذي المهزله قالت بقهر : هنا يشبكني ولا بلاش منها ذي الشبكه وطالعته بتصغير مثل الي تقول وشلون انزف معه وارزه قدام صحباتي الي كان عارفين اني بكون لمين وصرت لمين .... عناد جت عينه بعينها فعلاً شكلها أبد ماتبيه وكلامها ذا اثبت له حتى لو ماعترضت هو كان بيعترض دخوله ..وزفته بين الحريم ام أميره بحده: الشموخ وشلون هنا والضيوف وصديقاتك كلهن برا ينتظرون زفتك الجدة بسرعه تدخلت : مايخالف ي ساميه هنا وش زينه يالله يمه عناد اشبك مرتك الجوهرة بغرور طالعت الشموخ : يالله يمه اشبكها هنا وفك عمرك من زحمة الحريم والزفه كلها بعد عناد بضيق فتح.. العلبه وأخذ منها الشبكه بمساعدة امه... قرب منها وشبكها ... الجده بصوتها كله: كلووششششش معايه ي حريم كلووششششش .... عناد ابتسم مجامله للجده وهو وده يطلع بسرعه الشموخ كانت متوتره حدها من قربه حست بضيق من اصوات التصفيق والصراخ من بنات خالتها وبعد جدتها ماهي مقصره زعلانه منها بالحيل تدري انها ماهي راضيه عن ذي الزواجه كلها ليه ذي الفرحه بالله ولا السالفه عناد وخلاص ام أميره بصوت عالي: تفضلوو ي حريم للصاله وخلوههم يجلسوا مع بعض شوي شافت الشموخ تطالعها مصدومه وتبي تعترض بسرعه ..قربت منها يقال ترتب لها شكلها وتبارك لها همست لها والله ثم والله لو تقلي ادبك لاااااعيد الي سويته من توو وافشلك قدام رجلك...ومسكت يد امها يالله يمه خليهم يجلسوا مع بعض شوي الجده وقفت بتعب وقالت وهي تتسند على عصاتها : صدقت يمه ليتني جلست على طول احس رجولي وجعتني من الوقفه آه انغريت بنفسي شوي الله يعافينا بس عناد ابتسم لها وقال : لا والله إلا غطلت بحقك ماتوقعت منك هالروح الحلوه وخفة دم الجده قاطعته بضحكه وهي تحط الطرحه على وجهااا يقال مستحيه : هوو الشموخ رجلك معجب فيني شكله وسحب عليك عناد طالع الشموخ يوم رفعت عينها لجدتها مثل الي تحذرها ماتزيد الحكي معاه .. انتقد تصرفها الجده : يمه لا تأكليني بعيونك رجلك لك و يالله بطلع وطالعت عناد الله يعنيك على غيرتها بنتي نار في الغيره الشموخ بقهر: ميمه خلاص الجده طلعت مع بنتها وهي تدعي الله يهدي عليها همست لبنتها : الله يستر بنتك لا تفضحنافي الرجال • • بعد مافضت الغرفة قال بعتب وهو يطالعها تناظر الباب :لو سكتي كنت أنا الي برفض اطلع للنسوان بالصاله بس مع الأسف استعجلتي شوي وطريقتك في الكلام أبدماتعجب الشموخ ابتسمت بسخريه يقال انحرح ويعاتب طالعته بكرهه: هذي أنا وهذي طريقتي في الكلام عجبك ولا تفضل هي كلمه قولها وريح رأسك عناد انصدم من وقاحتها أبد ماتوقعها كذا وقف وقال بسخريه :هذي بدايتها الله يستر من تاليها الشموخ وقفت وقابلته رفعت رأسها له وطالعته بدون خجل : لا بدايه ولا نهايه ليه ماتريح عمرك مارد عليها كملت بوقاحه وش رأيك في بنت ماتبيك عادي تكمل معاها عناد سبحان الله يوم شافها قال ليت ربي يرزقني وحده بجمالها ويوم حصلها هي نفسها يكون كذا ردها عليه قال بصوت فيه ضيقه : لا ماأكمل معاها بس بطريقه غير الي تتمناها الشموخ عقدت حواجبها مستغربه :وشلون يعني مافهمت عناد بسخريه : بتفهمي بعدين وتحرك بيطلع الشموخ بسرعه وقفت بوجهه تمنعه يطلع : هي كلمه وخلاص ينتهي كل ذا عناد طالع عيونها وقال : صح كلمه وينتهي كل شيء بس أنا ماودي الحين ينتهي في وقته حلووو الشموخ بسرعه وهي تمنع خروجه : تكفى قولها وعد مني بقول أنا الي رفضته وغصبته يسوي ذا الشيء لا تشيل هم ان ابوي راح ينقد عليك عناد حس بقرف منها و من كلامها وده انها تسكت قال وهو يطالع الباب يخاف حد يسمع صوتها : بينقد علي صدق يوم اسمع كلامك وانفذه ولاتنسي المره الثانيه بتكون لك تنعافي بملكتك الشموخ حست بقهر تحسه ماهو سهل توقعت تقول له ذي الكلمتين رآح يطلقها على طول خبيث ذكرها بمصعب يوم رفضها قالت بقهر: ماعليك لا تشيل همي وخلهم يقولون الي يبونه أناطول عمري مافكر في كلام الناس عناد مد يده وضرب على خدها بستحقار : لا أنا ماهو مثله صعب احرج أبوك ..على اني عذرته الحين يوم رماك .وأنتِ من دمه ... الشموخ دفت يده بقرف .. وجلست وهي مصدومه من معايرته لها في أول لقاء لهم تحسه الجمها أول ماطلع صرخت بقهر ...توقعت غير عن كذا كان عندها فكره عنه انه ضعيف شخصيه وتقدر تقنعه يفكها منه بس طلع العكس وشكله كله خبث آه وش ارتجي منه ولد الجوهره أكيد نسخه منها | ||||||||
|
| |
|
13-12-17, 02:04 AM
| #205 | ||||||||
| مراقبة عامة ومشرفة منتدى الروايات المنقولة
| صرخ بعصبيه وهو يشوفه كيف يتجاوز بطريقه مفزعه ...وسرعتة الزيادة الي بتضيعهم ... رفض يخليه يسوق قال بخوف وعينه على الطريق : مصعب بنروح فيها بسبة جنونك مصعب وهو يطالع ساعة السيارة ومعصب حده: ملك الكلب وقضى عادل بقهر: مدام عارف الوقت ماراح يسعفك ليه بتضعنا وصرخ يوم لزق بالشاحنه مصعب انتبههه مصعب قدر يبعد شوي ويالله قدر يتحكم في السياره طالعه بعصبيه : خلاص لاتموت علينا وخوفك ذا هو الي يوترني عادل وهو يأخذ نفس : مصعب تكفى اركن السياره على جنب وخلني اسوق لا نروح فيها بسبة شيء منتهي مصعب لأول مره اترجاك مصعصب صرخ بقهر: لو كلمتني بس وكاد كان سعفني الوقت بس والله ثم والله لا اخليه يطلقها غصب عن خشمه وترجع بنته مذلوله له وهذاك الوقت اشوف يقدر يرفع رأسه ابو البنات عادل صفق يد بيد يوم سمعه يغرد بشي غيره الي يطلبه فصل خلاص . وأفصل شيء يسكت لا يزيد عليه ...ويضيعهم صدق ومهما قال وتكلم بدون فايده ..جلس يستودع الله انفسهم ويدعي انهم يوصلون بالسلامة ...أول مادخلوا الرياض حس نفسه شوي مرتاح وماهو...مصدق ساعتين وأقل بعد وصلوا يالله... اي جنون هذا ...قال بخوف وهو يشوفه يسوق بين زحمة السيارات: مصعب انتبه الخط كان فاضي بس الحين شوف كيف الزحمه والله ماراح تلحق شيء صدقني سوق بركاده تكفى تعرف خطوط الرياض وزحمتها مصعب طالعه بغيض:صدقت ماراح الحق شيء وضرب الطاره بقوه بس والله ثم والله ماتتهنى معه وترجع لابوها الواطي عادل هز رأسه بقهر يالله ..وش يصبره عليه قال بأخر أمل وهو يشوفه كيف يشطف مابين السيارات : طيب خلاص هدي ياخي وشوف كم تصوير الحين من ساهر الله يسامحك بس مصعب طنشه وكان همه يصل لبيت عمه وكيف ينتقم منه...طول الطريق وهو مقهور كيف خلوه يسافر ويخططون من وراه ...والزفته اصايل لو كلمته كان عرف منها وقدر يلحق يسوي شيء ...أول ماوصل بيت ..عمه وقف السيارة ونزل بس انقهر يوم شاف الحارس والسواق ينظفون قال وهو يتنفس بقوه :وينه بابا بسرعه انطق السواق بخوف وهو يبعد شوي: تعبان وفيه نوم مصعب ضرب يد بيد بقهر رفع يده بتهديد: قوله التعب باقي ماجاه وبعدها صدق ينام نومه مابعدها حياة السواق بخوف اشر للحارس يكملون شغلهم ومايأخذون ويعطون معاه... عادل وهو متسند على باب السياره قال براحه وهو يشوفه جا بسرعه عرف ان عمه ضيوفه راحوا وبعد ماقابله مصعب قرب من السيارة وركلها برجله بقوه وصرخ بعصبيه: هالمرة فلتوو بس هين وراهم عادل بسرعه قرب منه يوم شافه بيركب مكان السايق ومسكه من كتفه : تكفى خلين اسوق الروح غاليه والي يسمعك يقول تبيها الله المستعان مصعب ركب قدام من غير مايتكلم حس بنفسه يضيق عليه دخل يده بجيبه وطلع البخاخ وبخ منه وسند رأسه على المراتبه وقلبه يغلي .. عادل طالعه بشفقه: ليه تتعب نفسك وأنت تدري بصحتك يعني كل مره كذا ي مصعب تعصب وتسوي مشاكل مع أهلك وبعدها ماغيرك يتعب مصعب اشر له بيده:وصلني البيت وأنت ساكت عادل أفضل شيء مايخليه يروح البيت ...وهو بذي الحالة : اقول مصعب وش رأيك نروح الإستراحه ونسويها مفاجأه للشباب ونخسرهم عشى بعد مصعب فتح عيونه وطالعه بقهر:بالله حالتي الحين تسمح لروحة استراحه وصلني وصلني البيت ولا اقولك وقف السياره وبأخذ لموزين يوصلني وأنت انقلع للإستراحه عادل بسرعه: لا لا بوصلك خلاص أول ماصولووا بسرعة نزل مصعب فتح باب السياره وهو يصرخ ويلوح له بالجوال : مصعب جوالك مصعب بسرعة رجع وسحبه من يده وقال : توكل ولا تفكر بس تلحقني عشان تفزع عادل عض شفته بقهر ليت يقدر يدخل ويمنع المصيبه الي بيسويها صاحبه ..وليت بعد رقم عناد موجود عنده ويخليه يطلع ..من البيت بذات الليله وهو يدري بعناد ماهو صاحب ...مشاكل بس مصعب يطلعه من طوره ...قرب من غرفة السواق ودق الباب عليه انتظر شوي وشافه طلع وهو فيه النوم : نعم بتوتر وهو يطالع جهة الفله : بسرعه اعطني رقم عناد ابي ادق عليه ضروري محتاجه يطلع بسرعه ابيه ولا دق على الخدامه تقوله السواق بصوت ثقيل من النوم: بابا عناد خلاص يسكن برا بيت ودقيقه اجيب جوال اعطي رقم عادل حس براحه عناد عزل منها ...يعني ماراح يتلاقون وكذا حالته بسرعه تحرك وهو متطمن شوي • • جالسة بغرفتها تتابع التلفاز ...بس أول ماسمعت صوته العالي وقفت بفزع ...يالله وش رجعه مرتاحه منه ...بس أكثر شيء خوفها يوم سمعت صوت أبوه العالي بعد مستحيل.. تجلس تنتظر مكانها وماتدري وش يصير .. بسرعه لبست الجلال تحسبن وفتحت باب الغرفة وقربت من الدرج بدون ماتنزل جلست تطالعهم بدون ماينتبهون لها.. انصدمت وهي تشوفه مثل المجنون يكسر التحف واي شيء يجي بيده ..لأول مره تشوفه بذي الحاله يصارخ وعلى من على أبوه صرخ بعصبيه وهو يطالع الجوهرة جايه تركض من غرفتها : يبه ماهو من مصلحتكم جميع تتم ذي الزواجه واشر على الجوهرة ويده ترجف اقنعي زوجك ولدك احسن لهم يصرفون نظر عن ذي الزواجه ابو مصعب بعصبيه : وشلون يعني اقوله يطلقها وهو توه مالك عليها تفتكره مثلك بيسود وجيهنا مصعب يلف بجنون يدور شيء يبرد قلبه فيه : ايه يطلقها ولا بتسود وجيهكم صدق وقرب من الجوهرة الي تطالعه بخبث وبدون ماتتكلم عليه يحاول يحذرها بس رافضه ترد هجم عليها وده يذبحها بس أبوه وقف بوجهه وهو يدفه عنها صرخ بقهر : يالله على هالحب اذكر كنت ترمي أمي وتتسب في وجعها والحين هذي النكره تحميها وتصير لها ظهر الجوهرة صرخت بعصبيه من وراء زوجها: والله ماغير أمك النكر اصايل حطيت يدي على فمي وشهقت آه كلمتها هذي بتسوي مصيبه اليوم قفلت أذوني من صرخة مصعب وبسرعه تحركت ونزلت وأنا أحاول امنعه : وش تقولي ي روح أمك لو فيك امك خير عيديها الجوهره بسرعه مسكت برجلها بخوف مصعب بعصبيه قرب معها وصرخ: أمي نكره ي الحثاله ابو مصعب أول ماشافه بيرجع يهجم عليها بسرعه اعترضه وهو بالقوه يقدو يمسكه وبمساعدة زوجته الي نزلت بوقتها صرخ بصوت عالي وهو ينهر الجوهرة : روحي غرفتك بسرعه ذا عقله ماهو فيه بسرعه مصعب وهو يدف اصايل ويبعد أبوه مايبها تفلت من يده صرخ وهو منهار: الليله أخر يوم بعمرك مدام جبتي سيرة امي على لسانك الوسخ وصرخ بصوته كله ي قذره طالع ابوه وهو منهار طلقها يبه ولا بتخسرني اصايل تالمت من الدفه بس تحملت على عمري وقمت بسرعة ورجعت وقفت بوجهه وانا أحاول امنعه بس يوم قال لابوه طلقها طالعت عمي وانا اترجاه انه يكذب ..عليه ويقول بطلقها ..بس عشان يهدى مصعب ماهو بوعيه أبد إلا حد عاقل يسوي سواته كنت اشوف صدره يهبط وينزل من قوة عصبيتة بيروح عمره ولا بيروح حد فينا من الي يسويه قفلت عيوني وعضيت شفتي من رد ابوه لا لا لا تكفى : في ستين داهيه وطلاق ماراح اطلقها عشانك مصعب طالع اصايل الي واقفه بينه وبين أبوه وقال بوجع بان بصوته : شفتي يخسرني أنا عادي بس الجوهرة لا تدرين ليه لاني ولد النايفه عدوته اصايل حسيت بشفقه من نظرته الي طالعني فيها لأول مره احن عليه كذا على انه غلطان من أوله لأخره والي يطلبه منهم جنون ..بس صوته قطع قلبي قلت بهمس :ماعليه أنت اهدى الحين ويصير الي تبي مصعب بتهديد رفع يده : بيصير ولو ماصار يتحمل هو ولد زوجته .. ومسك اصايل وسحبها معاه بقوه اصايل تحملت على نفسي ومافتحت فمي بكلمه طول ماهو ساحبني وراه ...احس مكان يده انحفر بكتفي ..أول مادخلنا الغرفه بسرعه سحبني له وقربني منه وقال بصوت يفزع: ليه ليه تحشري حالك كل مره قلت لك تنثبري بغرفتك ماتنزلي اصايل بلعت ريقي وبتلككك: ك ن تتت مصعب هزها بقوه :تموتي لو ماحشرتي نفسك اصايل وأنا احس رأسي افتر من هزته : نزلت عشان مابي يصير شيء أكبر مصعب بصرخه افزعتها :لو تصير جثه بذا البيت ماتنزلي فاهمه اصايل قلت بخوف وأنا أحاول ابعد يده شوي : ابشر مصعب فكها وجلس على السرير وهو يزفر بتعب طالعها بقهر: ليه ليه مادقيتي علي وقلتي بموعد الملكه اصايل لا لا لا هنا فعلاً ذا ماعنده عقل قلت بصدمه من كلامه: وشلون ادق عليك وأنا ماعندي جوال مصعب بصرخه : تصرفي كمية غباء فيك ماتعرفي تدبري حالك يعني ماغير فالحه كل وقت فازعه لحد اصايل بقهر : وشلون بتصرف وحضرتك كاسر جوالي وبعد رقمك ماهو عندي بس سكتت يوم فز وقرب مني مصعب وهو معصب رجع .. مسكها .. وسحبها بالجلال الي لافته عليها : طيب ليه يوم دقيت عليك مارديتي صايل وهي فاتحه عيونها بخوف:كنتتت نايمه مصعب بصرخه وهو يضغط عليها بقوه: قولي سويتي نفسك نايمه كان لحقت سويت شيء وبصرخه اعلى كله منك ضيعتي علي كل شيء اصايل حسيت بنخنق من مسكته قلت بصوت مكتوم : أقولك كنت نايمه مادريت بتصالك تكفى بموت وانا أحاول اسحب يده عشان يرتخي الجلال الي لافته على رقبتي واقدر أخذ نفس مصعب بعصبيه : كذابه النوم ماهو حولك بس كذا نخوله من عندك قربها منه وقال بتهديد والله ثم والله لو ثاني مرة اطلبك وتصرفيني اذبحك اصايل هزيت رأسي وقلت :ابشرر مصعب بقهر: مثل الخبله ماعندك إلا ابشر وتسوي عكس الي اقوله اصايل والله فعلاً خبله وأنا ساكته على سواتك فيني ابتعدت عنه وبعدت الجلاله وحذفته بعيد عني وأنا اطالعه بخوف وحذر يارب يطلع ويفكني .. طالعت الساعة شوي وتجي ثلاثه وين يطلع شكله مامن فكه منه الليله ...أول ماسحب منشفته من الدولاب.. ودخل الحمام وأنتم بكرامه ارتحت شوي وكاد تهدى شوي شياطينك ...بس جلست أفكر معقول كله ذا حب لبنت عمه... طيب ليه ماتمم الملكه والي فهمته هو خربها على عمره ورفضها آه ودي اعرف هالسالفة ..الي ماهو فاهمه منها شيء غير تلاطيش من كلام أبوه ..خليني اقوم اسوي له شيء يأكله يمكن يهدى شوي ... التعديل الأخير تم بواسطة فيتامين سي ; 13-12-17 الساعة 02:35 AM | ||||||||
|
| |
|
13-12-17, 02:15 AM
| #206 | ||||||||
| مراقبة عامة ومشرفة منتدى الروايات المنقولة
| قرب منها وهو خجلان من تصرفات ولده معاها مسك يدها وقال بأسف: اعتذر منك مسحت دموعها المزيفه وقالت بخبث وهي تشد على يده : صقر أنت ماتعتذر أنت شيء كبير بنظري ولو تبيني أروح واعتذر من ولدك وأنا ماهو غلطانه ابشر الحين اقوم وتحركت بتقوم ابو مصعب بسرعه مسكها وهو يرجع يجلسها : يخسى ويعقب تعتذري منه وبخليه يجي يعتذر منك غصب عن خشمه الجوهرة ابتسمت بسخريه : صقور حبيبي لا نلعب على بعض مين يعتذر مصعب وغصب عنه بعد أنت ناسي انك طارده ولا طلع ولا قدرت تطلعه ولدك قوي ومافي حد يقدر عليه قالت كذا وهي ناويه تستفزه وكاد يقوم ويطردها ويصمل على رأيه حتى يطلع من البيت ويفضى لها مثل أول وتعرف كيف تلف عقله بعيد عن اي مشاكل وضغوطات ثانيه ابو مصعب انقهر زود مصعب مخليه ضعيف شخصيه قدامها وانه ماله كلمة قال بتبرير: حزين على البنت الي معاه وين يروح فيها وأنا قاطع عنه المصروف الجوهرة ابتسمت على جنب وقفت وهي مقهوره بس ماتبي توضح له : قلت لي حزين عليها اوك صقر خلنا نقفل هالسالفة وتطمن أنا ولدك ما ازعل منه وخلاص اعصب عليه بوقتها وماحقد ي بعد رأسي تدري قلبي كيف حنون ابو مصعب انبسط وقال بسعاده : الله يجبر خاطرك اي والله انك حنونه ولوغيرك مايتحمل الي يصير الجوهرة بخبث : خاطري تعرف تجيره ي صقر ابو صقر بضيق يوم عرف مقصدها وقف الجوهرة بقهر وهي تطالعه : هذا أنت كل ماافتح معك السالفه تتهرب خلاص مابي شيء منك والله يعيني اعيش تحت رحمة ولدك ابو مصعب بضيق : ي الجوهرة وشلون اكتبه باسمك والله الناس تأكل وجهي كفايه أخوي لو دري بينقد علي الجوهرة بقهر : والله ماضيع حياتي غير أخوك ابو مصعب بعتب: الجوهرة مايصر تقولي عنه كذا الجوهرة بعصبيه : إلا يصير ونص بعد بس خله يطمن إذا قدر يتدخل في حياتك مع ام مصعب أنا يبطي فاهم الجوهرة غير تأخذ حقها من فم الاسد ماهو من أخوك ابو البنات وطلعت من الغرفة وهي معصبه ...شافت اصايل طالعه من المطبخ وبيدها صنية أكل قالت بقهر : ايه الكل مأخذ راحته بذا البيت خلاص معاد له صاحب اصايل زفرت بضيق وطنشتها بس وقفت يوم قالت :ضيعي حالك معاه بس أكلي فيه وهو داخل خارج معصب عليك ومخليك مسخره له وللكل عالم غريبه تحب الي يذلها اعوذ بالله من شر ذي المره تحركت ورقيت الدرج وانا اسمعها تنادي باسم شغالتها والله اشفق عليها تصحيها من عز نومها عشان تسوي لها كاس عصير ولا شيء بسيط تقدر تسويه بنفسها ...الله لا يحطنا بيد ماترحم ..اول ماشفت الباب ...حق الغرفه ...آه خلينا من الجوهرة وخدامتها خليني في المصيبه الي داخل الله يصبرني ...طالعت الأكل الله يستر لا يرميه بوجهي ... سميت بالله ودخلت ابتسمت بعباطه وأنا اشوفه ينشف شعره بالمرايه ويطالعني بحقد ..يارب استرها معي ...قلت وأنا احط الأكل على الطاوله الي قدام الكنبه : تعال كل شكلك ماهو متعشي وبنفسي وين ذا فاضي يأكل ماغير هاوش بهاوش حياته بلعت ريقي يوم طالع الأكل ورجع طالعني وقال :سؤال فيه حد طلب منك اصايل هزيت رأسي بلااااا مصعب صرخ بعصبيه: طيب ليه جايبته ابتسمت بتوتر: خفت تكون جيعان قلت اسوي لك قبل انام مصعب قربه منها وهو باقي ينشف شعره رمى المنشفه عليها وقال بسخريه: اخس ي الزوجة المثاليه ماتنام قبل تعشي زوجها سحب كاس العصير وبلعه مره وحده اصايل بعدت المنشفه من على وجهي وبقهر زفرت : هذا جزاي وأنا اطالع يده الي ماده لي وفيها الكاس قلت بقهر أكثر بتعحز يعني لو تنزله على الطاوله مصعب قرب الكاس من وجهاا وقال بتهديد : تطولي لسانك الليله بذات بترجعي لابوك بتابوت اصايل فتحت عيني وأنا مفزوعه تابوت مره وحده حسبي الله عليك حاولت اسوي نفسي عادي سحبت الكاس من يده وقلت وأنا اشر على الأكل :سم بالله وكل مصعب بحده: اطفحيه أنتِ اصايل عساك ان شاءالله ماتأكل جلست على الكنبه وعيني منه ...جلس على السرير ورفع جواله وطالعه شوي وطالعني وهو مصغر عيونه يمه وش فيه لا يكون تذكر اني رفضت اكلمه ..نزلت رأسي مابيه يحس ان عيني منه قفلت عيوني يوم قال:تعالي تعالي بعدني ماحاسبتك على الفصل الي سويته معي قبل اسافر ... لا لا ليه تذكرت أبد ماهو وقت هالسالفة بلعت ريقي وقلت بعباطه : اي فصل نام نام شكلك مره تعبان مصعب اشر لها تقرب منه: تعالي هنا اصايل كنت اطالع يده وهو يأشر لي اقرب له ياربي حد يروح للموت بنفسه صمدت بمكاني وقلت بخوف: قول اسمعك ترى الغرفه صغيره مره مصعب بحده : لا مره دمك خفيف اصايل ضحكت بتوتر: بعض ماعندكم مصعب بصرخه: بنت تحركي اصايل لو عاندت ماهو في صالحي أبد ..حاولت امشي له وأنا اقدم خطو وأخر خطوه بس ارتجف جسمي يوم قال وهو يطالع ساعته :لا يا شيخه كم يبي لك وتوصلي لي عشان بحسب لك اصايل تقدمت بسرعه وأنا اسوي نفسي قويه مصعب بسخريه: الحمدلله وانتِ وصلتي كنت شايل همك المشوار بعيد وأنا غلبتك معي اصايل حسيت بقهر من مسخرته علي أخذت نفس وقلت وأنا معطيته جوه : ماعليه اهم شيء وصلت ولله الحمد مصعب رفع حاجب وطالعها من فوق لتحت وقال بوقاحة : ياربي وش سويت عشان ابتلي فيك أبد مافي رجال بكامل قواه العقليه يتمنى ولا يختار زوجة تكون مثل حالتك وهو يطالعها بتصغير اعطيني شيء حلوو فيك اصايل تراجعت لوراء وأنا مجروحه حيل من كلامه أبد ماتوقعت يقولي ..ذا الكلام وبذات.. ذا الوقت استاهل أنا خليت.. نفسي ضعيقه ..قدامه لما استقوى علي ابتسمت على جنب وقلت وأنا أحاول اشفي غليلي : تطمن مافي حد بيعتب عليك اللكل يدرك بحالتك انك ماهو بكامل قواك العقيله وكملت وهي باقي تحس قلبها شاب يعني حتى أنا حرام أكون زوجة لك مافي زوجة بذي الدنيا كلها تبي تأخذ واحد شوي ويحجزون له مكان أنت خابره مصعب وقف وقرب منها الذبح فيها حلال على هالرد بس يوم ابتعدت عنه وركضت لنهاية الغرفة تذكر وش صار قبل فيها أخذ نفس طويل وقال وهو صاك على سنونه ويأشر للباب : اصايل براااااااااا شافها تطالعه قال بقهر والله لو اعد لثلاثه بتموتي بيدي اصايل والله يوم وقف قلت فعلاً برجع لابوي بتابوت بس يوم اشر للباب ماصدقت أبد اعطيته ظهري وسحبت الجلال وطلعت للصاله ...اول ماقفلت الباب سمعت سبه قويه ...قفلت عيوني بصبر تلفت يمين يسار في الممر حق الغرف ...مشيت لوحده من الغرفه مديت يدي على المقبض كانت مقفله ...وش دعوه مقفلينها ...تقدمت شوي من الغرفة الي في النهايه على جهة اليمين مديت يدي وفرحت يوم انفتحت دخلت وتقدمت شوي ... كانت مظلمة مديت يدي ودورت مكان النور فرحت يوم حصلته بسرعه فتحته شفت قدامي سرير نوم مشيت شوي وهفتني ريحة عطر رجالي فخم وريحته مميزه ...طالعت بفضول ..معقول هذي الغرفه لابو مصعب قبل يغير غرفته تحت ..وقفت جنب الدولاب وفتحته بفضول .... شفت ثياب معلقه وكانت طويله مره وعريضه شوي لا لا لا مستحيل هذا مقاس أبو مصعب قصير ودب قفلت الدولاب وجلست على السرير وأنا احس بعدم راحه وشلون اجلس بغرفة رجال ..بس وين اجلس بالله انزل الصاله بحصل نسخة مصعب قدامي اربعه وعشرين ساعه مسنتره بالصالة يالله لو يجي صاحب الغرفه ويحصلني وقفت بسرعة يوم تخليت الموقف.. يدوب افتح الباب واطلع ...إلا مصعب بوجهي يطالعني ويطالع الغرفه الي طلعت منها .... @ @ كتتتتتتتتتتتتتتتتت وش رأيكم فيني عسولات الكت خفيف ذي المره شفتووا كيف قلبي كبير ومارضيت اسوي كتت قوي وتجلسووا معصبين علي هههههه • • & نونـــي بنت الجنوب& استودعتكم الله الذي لا تضيع ودائعه سبحان الله وبحمده سبحان الله العظيم "الوتر احبتي " (الله يرحمك يامن اوجعني فرقاك ) | ||||||||
|
| |
|
13-12-17, 02:19 AM
| #207 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 43 ( الأعضاء 8 والزوار 35) فيتامين سي, ريما الشريف, better tomorrow, jollay, منيتي رضاك, Sou-sou31, Sōym sd قراءة ممتعة لكم ...... وردود ممتعة لنا وللغاليه نوني ........ | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
.png)
العرض العادي
