13-01-18, 05:36 PM
| #252 | ||||
|  السلام عليكم ورحمة الله وبركاته اولا انى احبك فى الله سجلت مخصوص فى المنتدى كى اشكرك ع اسلوبك الجميل وطريقة السرد فى رواياتك انتظر البارت بفارغ الصبر اعشق رواياتك (اعشق انانيتك ) احلى شى فى رواياتك ان كل الشخصيات فى الروايه ابطال انا اقرء رواياتك اكثر من مره من روعتها احب اقولك شى انا مو سعوديه بس اعشق السعوديه احب ناسها التزامهم تمسكهم بدينهم بعادتهم بتقاليدهم كل شى اعشق فى اهل البلد اعشق لغتك الجنوبيه انا قرات روايه سعوديه من7سنين غيرت حياتى بالكامل جعلتنى اتقرب من الله اكثر واعرف دينى اكثر واتمسك بحجابى الشرع مهما قلت او وصفت اعجز عن وصف مابداخلى اتجاه هذه الدوله اتمنى ان ازورها قريب واخير اتمنى ان تقبلونى عضوه معكم واخت لكم جزاكى الله خيرا. و وفقكى الى مايحبه ويرضاه | ||||
|  |
|
14-01-18, 04:46 AM
| #253 | ||||||||
| مراقبة عامة ومشرفة منتدى الروايات المنقولة  
| . اللهم إني استغفرك وأتوب إليك الله صل وسلم على نبيا محمد "صلو عليه" • • البارت باسم الحلوه & صمت إحساس & لانها أكثر وحده صابت في التوقعات يالله انبسطي ي عسل • • { 17 } • • • طالعته بتوتر ويدي ترجف: ايه ابيها ياسر ابتسم بسخريه.. وحرك السياره وهو يسمع اعتراضها وصراخها ..بس معاد فيه يتحمل صوتها صرخ بعصبيه: انكتمي شدن وهي تصيح : الله يخليك ردني لها ياسر بحقد : والله لو تموتي الليله ماتشوفيها شدن نزلت رأسها تصيح بقهر ...وخوف بعد منه لأول مره لحاله معه صاحت زياده يوم قال بنبره كلها حقد وغل : ياما حذرتك ياما بس لاحبيتي تلعبي معي الحين تحملي وخليش قده طالعته وقلت وهي تصيح بضعف: وش سويت لك حرام تكفى رجعني لأمي واوعدك معاد تسمع سيرتي أبد وبمشي على الاتفاق الي بينا ياسر بقهر: الحين تقولين وش سويت لك وبعد توعدي ..قولي وش الي ماسويتيه بس والله ثم والله ي شدن لا أخذ حقي كله منش والحين اشوف كيف دلع عمتي لش ينفعش شدن كل مايتكلم احس الدنيا تسود بوجهي حقده علي وصل حده ..حسيت نفسي منهاره حدي ..وينش يمه تشوفي الي صار لي ...مسحت دموعي ..وأنا اتأكد من الطريق لوين بيروح فيني ..بالضبط عشان برسل لها وتخلي خالي مبارك يجيبها لي ..تلفت ادور جوالي بس عضيت شفتي بقهر كيف اقدر اوصل لها آه كيف مانتبهت لجوالي اني ناسيته معاها..طالعته وقلت بغصه:مايوصل انتقامك انك تبعدني عن أمي مستحيل حد يقدر يبعدني عنها وليه كل ذا وش سويت ودي اعرف ياسر طالعها ورجع طالع الطريق: أولاً مافي حد عارف قدش الي سويتيه معي يكفي انش خططتي مع عمتي على هالزواج وثانياً ماهي امش اصحي امش راحت وتركتش لمرة ابوش تربيش ولا فكرت وشافت حياتها ونستش رجع طالعها بسخريه تصدقين عندها حق إلا بالله مين يتحمل بنت مثلش ..آه ي حسرتي على حالي بس من هالعوض الي تعوضته شدن كنت اسمعه.. وهو يتكلم ويتحسر ..و مع كل كلمه يقولها يذبحني وينش يمه الي تدافعي عني ولا تخلي حد مثل يويسر يتطاول علي آه ماقهرني زود إلا يوم قال ماهي امش قلت وأنا اصيح: والله أمي وغصب عنك وضربت الدرج الي قدامي بقوه وأنا اصرخ :رجعني الحين لأمي الحين ولا برمي نفسي من السياره وابتليك ياسر مده يده بعصبيه وهو يحاول يمنع يدها من ضربها للدرج بس ماقدر يسيطر على السياره بيد وحده ..حس السياره بدت تفلت من يده بس بسرعها حاول يتحكم فيها و بقدرة الله قدر يوقفها طالعها وصرخ بعصبيه : ي مجنونه كنا بنروح فيها بسبتش وبسبة دلعش الله يأخذش ي معدومة التربيه هين والله لا اربيش واخليش تثمني كل هالحركات شدن كنت ماسكه على صدري من الخوف واطالع قدام ماهو مصدقه أن السياره واقفه ..قفلت عيوني وأنا اتذكر كيف حاست فينا ..نزلت دموعي وأنا اسمع الدعاوي والسب الي يوصلني ..هزيت رأسي لا لا ماهو متعوده على هالكلام ..لا مافي حد غلط علي كذا ..نزلت رأسي ورجعت اصيح ... حسيت بتعب ..وصداع ذبحني رجعت رأسي على المرتبه وقفلت عيوني ...وأنا افكر كيف ارجع لأمي @ @ @ @ نوفه حدها قلقانه ..تدق على ياسر مقفل جواله دقت على أخوها ..ضحك عليها وقال لها تنام اكيد عرسان وبيجلسون لحالهم ..وش لش فيهم بس لا ماهو كذا الاتفاق بينهم...خايفه حدها على بنتها من ياسر...تدري فيه عسر ..الله يستر لا يكون رمت بنتها وضيعتها بدل ماتحميها...هزت رأسها وهي تطرد الافكاره الشيطانيه من رأسها ..وتحاول تثق بياسر أكيد ماراح يضرها...وليت فعلاً مثل ماقال اخوها ..امنيتها ياسر يتقبلها ويريحها بحياتها ..زفرت بضيق وهي تحس بقلبها مقبوض رفعت الجوال ورجعت دقت حصلته نفس الحكايه مقفل ...يالله اشلون يروح فيها لا معاها شنطة ملابس ولا اغراض ..الله يسامحك ي ياسر ليتك قلت لي من أول انك ماهو راضي على الاتفاق الي بينكم ..قامت توضت ..وصلت الفجر..وهي تدعي لها ربي يهديهم لبعض ... @ @ @ طول الطريق يفكر ..في المصيبه هذي معاه وشلون بيقدر يتحملها ..طالعها بقهر..ورجع طالع الطريق ..الشهر الي اخذه إجازه حالف يبرد قلبه فيه ويبعدها عن عمته ..تذكر عمته الحين أكيد ماهي أقل منها خبال ..وابوه راح فيها من صياحها وقلقها المبالغ فيه عليها تنهد بقهر ..وهو يطالع اشارة البنزين مشى شوي أول ماوصل المحطه ..شاف مسجد فرح بينزل يصلي ..الفجر لف بالسياره وهو يكتشف ويشوف في مصلى حريم أولا بس مع الاسف مافي ..طالعها وهي نايمه ...نزل وراح توضى وصلى الفجر ..مع عمال المحطه طلع من المسجد ..وركب سيارته .. شافها مثل ماهي عليه نايمه ..فكه ليتش تنامي ماتقومي قرب من المحطه وفلل السياره .. استغرب كل هالحركه وبعد تكلم مع العامل ولا صحت ...اف لهالدرجه نومها ثقيل ولا تظاهر بالنوم عشان تتهرب ...طالع الساعه وهو طفشان وتعبان ومشواره طويل لجده ... | ||||||||
|
| |
|
14-01-18, 04:47 AM
| #254 | ||||||||
| مراقبة عامة ومشرفة منتدى الروايات المنقولة
| فتحت عينها وهي تحس رأسها يوجعها .. شافت الدنيا نور ..طالعت ياسر وهو يسوق ماتدري هي وين بالضبط قالت بخوف وهي تطالعه : وين حنا فيه وبعد ماصليت الفجر من غير مايطالعها قال بقرف :ارجعي انخمدي واصله معي وصلي يوم نوصل مابقي شيء شدن هزت رأسها : طيب قولي وين فيه وبسكت ياسر بحده :ترى حدي مصدع وماهو طايق حتى نفسي واحسن لش ترجعين تنخمدين ولا تنكتمي ولا اسمع لش حس ولا والله نزلتش هنا ولا بسأل عنش واشوف عمش الي يبي الفكه منش ولا أمش الي رمتش يسألون عنش شدن بقهر صرخت : أمي نوفه مارمتني أمي الحين منحرقه علي اعرفها الحين حالتها ماهي احسن من حالتي حنا مانقدر نعيش بعيد عن بعض وأنت فرقتنا عن بعض ليه كذا قاسي وماتخاف ربك وشلون تقدر تبعدنا عن بعض حرام عليك ياسر ضحك بسخريه: اخخ قطعتي قلبي على هاااادراما صراحه مره قسيت عليش وعليها بس ريحي عمرش الي اقصده امش المصريه ماقصد عمتي متى راح تفهمي انها ماهي أمش شدن بعصبيه: امي نوفه وغصب عن الكل فاهم لا تقهرني الحين وتجلس تقول انها ماهي أمي ياسر طالعها ورجع طالع الطريق وقال بستفزاز:اي مره صدقتش انها امش اقول اسكتي ولا اسمع حسش لما نوصل قال غصب عن الكل قال شدن سكت وأنا مقهوره حدي ..وخايفه منه وين بيروح فيني ..أنا ماعمري طلعت من ابها ..طالعت الطريق وأنا ادور لوحه عشلن تدلني لوين حنا رايحين رجعت سألته مافيني اصبر:اوعدك اسكت بس وين موديني ياسر اشر لها تسكت من غير مايتكلم بس طالعها بصدمه يوم قالت بصوتها كله:لايكون ناوي ترجعني مصر لامي وهزت رأسها لا لا اكيد ماراح تخسر نفسك وتسفرني بس شكلك بتوديني لمكان وتبي تضيعني مثل ماتقول بس حاب تبعدني لأخر مدى عشان أمي نوفه ماتحصلني اعرفك مجرم ياما ذبحت خواتك بالضرب تجي علي وأنا اعتبر عدوتك صرخ بعصبيه وهو يضربها بقوه بيده على وجهاا عشان تسكت : الله يأخذ عمرش على هاللسان الي عليش وعلى هالافكار التافهه مثلش وليت فيني الحين ارجعي لأمش لكن والله لا اسعى لذا الشيء واطيرش من السعوديه كلها ولا ماااكون ولد أبوي شدن حسيت وجهي كله انشل ..ابد ماهو بس فقدت النطق الحواس الخمس كلها..حركت رأسي يمين ويسار ابي استوعب ..الي صار ..مافي حد مده علي غير زوجة عمي هي الوحيده الي ضربتني كذا ماقدرت اصيح ولا اتكلم ...ولا اقول له ليه سويت كذا ..نزلت دموعي بصمت ....وأنا اتخيل اني بحضن أمي ..وان الي فيه الحين كله حلم ومتأكده اني بصحى من ذا الكابوس @ @ @ @ @ الرياض نزلت من الدرج ..بعد ماتلفتت يمين ويسار الله يسامحك ي مصعب شككتني بالمكان وان ولد الجوهره يجي اي وقت ...دخلت المطبخ انصدمت من وجود أبو مصعب بالمطبخ يكلم الخدامه ..جيت برجع بس وقفت يوم طالعني حاولت اقوي نفسي واتكلم لازم اسأل عن معصب قلت بتوتر وأنا الف الجلال علي بخجل :كيفك ي عم رد عليها ببرود :بخير حسيت بصوته البارد أبد ماهو طايق وجودي بالمره بس حاولت اطنش قلت بسرعه يوم اعطاني ظهره بيطلع :مصعب تعرف عنه شيء ابو مصعب لف لها وطالعها وقال بحده:العاق لا تسأليني عنه .. اصايل حسيت بصدمه ..من رده توقعت انه قلقان عليه مدام انه غايب يالله حاقد عليه لهالدرجه بس انصدمت أكثر يوم طالعني بتصغير وقال :الحين الغبي يخلي جمال بنت عمه ويأخذك أنتِ صدق مجنون ولا عليه شرهه وطلع حسيت بقهر من كلامه...هالشايب ..ودي ارد عليه وأقوله ماشاءالله عليك أنت بعد مذوق وأنت مأخذ الجوهره الي كلها نفخ بس مسكت نفسي ...أهلي ماربوني ارد على الكبير وهي بعد مالها ذنب ... طالعت الخدامه يوم قالت: ماما سوي فطور هزيت رأسي بلاااا ورجعت غرفتي ...وأنا افكر بكلام ابو مصعب ...فكرت ادق على اهلي يجيون يأخذوني بس ..لا لا أنا وعدت نفسي مثل ماأبوي رماني له ولا سأل حلفت مارجع له لو اتحمل المرار كل وقت ...وعارفه اني قويه وبتحمل ..طالعت الباب يوم دق استغربت مين الي يدق علي الغرفه ..وقفت وفتحت الباب رفعت حاجب يوم شفت الجوهره قدامي ابتسمت بخبث وهي تطالع المفتاح :قلت اجي اشوفك مدام أنتِ رافضه تجلسي معنا اصايل ابتسمت مجامله وقلت:احب أجلس لحالي هذا طبعي عقدت حواجبي يوم شفتها تطالع الغرفه بفضول الجوهره ميلت فمها :اممم قلتي تحبي تجلسي لحالك على العموم على رأحتك بس لو حبيتي تنزلي حياك انتظرك على الفطور اصايل هزيت رأسي:لا افطري بالعافيه وعيني من بطنها ودي أعرف حامل بأي شهر .. أول ماطلعت معقول تكذب ولا فعلاً حامل رجعت قفلت الباب وأنا اتخيل مصعب لو يدري انها دخلت الغرفه ..آه ليته يرجع بس ..حسيت بقهر منه كيف يخليني هنا بلحالي وهو يدري بأهله ..صدق عديم مسؤوليه ..وبعد فيني حره من أبوه الدب قهرني يوم جلس يقارن بيني وبين بنت أخوه الي مدري وش قصتها هي بعد @ @ @ @ سمعت كلام اختها وافقت تروح لجدتها هالاسبوع ..تغير جوو قبل العرس .. طول الطريق وهي تفكر ..كيف تقدر تقنع ابوها يلغي فكرة العرس وتنزف له بدون عرس ماتبي تتفشل من صديقاتها ..كلهم يدرون انها لمصعب ..من كثر ماتكلم عنه ..مالها مزاج على كلامهم يوم يجيون عرسها ..وطقطقتهم عليها وانها خذت الفقير بنظرها ... وهي طول عمرها بنت رجل الاعمال وكانت بتأخذ ولد عمها ..الي ماهو أقل من ابوها بشيء ...تذكرت كذبتها قبل تطلع على ابوها يوم سألها ان عناد عنده خبر وأخذت الاذن منه ..قالت له انهارسلت له وماعترض حمدت الله انه صدقها ...مجنونه هي تتدق عليه يكفي الكف الي أخذته منه يبيني بعد أخذ الموافقه من حضرة جنابه ..الحين لازم تسوي مصيبه عشان هالعرس مايصير وتروح له بيته كذا وهي متأكده انه ماراح يتحملها ....فتحت جوالها وهي تفتح رقمه الي أخذته من جوال أبوها شافته متصل ارسلت له (لو فاضي دق علي ابيك ضروري )حست بقهر يوم فتح رسالتها ومارد عليها فكرت تدق عليه يوم تكون لحالها | ||||||||
|
| |
|
14-01-18, 04:48 AM
| #255 | ||||||||
| مراقبة عامة ومشرفة منتدى الروايات المنقولة
| حسيت بهزته لكتفي وصوته الحاد: ان شاءالله ميته طالعته وأنا مفزوعه شفته كشر بوجهي وقال قومي وصلنا وش ذا النوم الثقيل الي عليش تلفت يمين ويسار وأنا اتذكر أنا وين ومع مين ..يعني حقيقه ماهو حلم الي أنا فيه حسيت بغصه ذبحتني أول مره يمر علي هالوقت بدون ماشوف وجهه أمي .عدلت جلستي ورفعت يدي لرقبتي وأنا احس بألم فيها ذبحني وبعد فكي يألمني من ضربته الله يجعل يده بالكسر..قلت بخوف:وين وصلنا ودي اعرف ياسر بقرف : ماتعجزي أنتِ انزلي ساكته شدن سكت ونزلت ...عدلت العبايه زين على رأسي وأنا امشي وراه ..بحذر عشان لا اطيح من ثقل الفستان رفعت رأسي وأنا اشوف اسم الفندق دخلنا أشر لي أوقف ..وهو راح يكلم الي بالاستقبال ودقايق ورجع واشر لي اتحرك ..مشيت معه لوين مايروح كنت اتفرج للمكان بفضول ..أول مادخلنا الغرفه كانت فخمه بمعنى الكلمه طالعته مصدومه ..معقول البخيل ذا يطلع منه ..صراحه كل مايجيلي انصدم فيه مره بخامة القاعه والحين بالفندق ...جلست على السرير بتعب وأنا اشوفه ينزل الشنطه الصغيره الي بيده وبسرعه راح للحمام ..طالعت شكلي بالعبايه وأنا افكر وشلون اتصرف مع الفستان الي لابسته وأنا لا عندي لبس ولا شيء ..يالله احس بضيق وحر وقرف منه ..وهذا وأنا منزله القطعه حق الذيل ولابسه بس الي ماسك على جسمي ... تذكرت أمي وهي تقولي عشان تأخذي رأحتش وأنتِ تطلعيي بالسياره وتعرفي تمشي قدام الناس بالشارع كنها حاسه اني ببعد عنها..معقول امي متفقه معه معقول خونت فيني كذا ..هزيت رأسي لا لا امي ماتسويها والحين قلبها منطوف علي اعرفها والله حسيت بتوتر يوم سمعت صوت باب الحمام الله يكرمكم ينفتح ..بدون شعور وقفت بخوف ...وانا اتصدد بالغرفه مابي اشوفه بس طالعته يوم قال :والله لو اسمع حس لش ذبحتش هنا أشرت على فستاني وقلت بقهر: هذا اشلون اقدر اتصرف معه وأنا ماعندي غيار ليتك بدل هالتهديدات تسمعني فيها تدبرلي شيء البسه ياسر طالعها بشمزاز من فوق لتحت وهز رأسه بقهر:دبري عمرش أنتِ والحلفه هذي مسويتها بحالش ..(من فوقش لتحتش قرف ) شدن حسيت بقهر من نظراته اما كلامه الي ختمبه خلاني انعصر مكاني من كثر الوجع ..أنا بالنسبه له( قرف ) قلت وأنا احاول ماصيح :أنت الي مفروض تدبرني وتروح السوق وتأخذ لي لبس ولا مصيبه تفكني من هالفستان ياسر قاطعها بعصبيه:أنا اروح الحين السوق عشان حضرتش ترتاحي اقول انقلعي اجلسي بفستانش وابعدي عن وجهي قبل أخذ اثمش شدن حسيت بقهر وحيره وش اسوي صعب حركتي فيه ..وبعد شكلي غلط وأنا لابسته وبعد لازم أخذ شور عشان افك الي بشعري والمكياج الي حاس وجهي ..جلست على الكنبه المنفرده وأنا افكر وش اسوي ..عضيت شفتي بقهر يوم قفل النور ورفع يده بتهديد وهو ماسك السجاده يبي يصلي :ياليت ماتحسسيني بوجودش لانه ماهو بصالحش أبد طنشته مارديت وهذا وهو بيقابل ربه وكذا اخلاقه وقفت ورحت للحمام الله يكرمكم ..طالعت وجهي ..فزيت بخوف من حقه الرجال يقرف ..يالله الكحل والظل عدم وجهي صحت بقهر مادري وش اسوي ..فتحت المويه وغسلت وجهي أكثر من مره رفض يروج ماغير حاس وجهي زياده ..آه يمه وينش ...ليتش جنبي الحين حصلت صابونه مقفله ومنشفه مرتبه سحبت الصابونه المقفله وفتحتها ...وغسلت وجهي أكثر من مره وبعدها سحبت المنشفه ومسحت وجهي حسيت شوي بدا وجهي ينظف .. وجهي ودبرته بس الفستان ذا كيف...ماعندي إلا اتوضى وبس عشان اصلي ..حاولت افك البنس الي بشعري وعلى طول انفك كويس ماتغلبت فيه مثل وجهي ..توضيت وطلعت رجعت لبست العبايه ..وتلفت يمين يسار ادور القبله على نور الدريشه حسيت بندم ليتني انتظرت شوي قبل اروح الحمام عشان اشوفه يوم صلى ..وين فرش سجادته تلفت يمين ويسار ماحصلت ..اي علامه تدلني للقبله تقربت من النور وفتحته عشان ادورها بس خفت يوم طالعني بحقد قلت بسرعه : وين القبله ياسر بحده من غير مايطالعها:شوفي هناك وهو يشير للعلامه الي موجوده بالجدار اخخ وشلون ماشفتها .. رجعت قفلت النور ..وفرشت السجاده وكبرت وصليت الفجر الي فاتني وبعدها الظهر .. كملت صلاتي وجلست استغفر ..عند أمي ماتخيلني افوت فرض ..ياربي وش اسوي بعمري معاه ...ندمت ندم اني وافقت على زواجي منه..آه كان مافي حل غيره عشان مابعد عن أمي والحين بعد وش استفدتي ي شدن يويسر بيبعدش عنها وبيسعى لهاالشيء لانه عارف مافي شيء يوجعني غير فراقش ..مسحت دموعي الي نزلت ..احس بغربه وبخوف .. وقفت ورفعت السجاده وجلست بعباتي على الكنبه المنفرده ..آه رقبتي وظهري يوجعوني ودي اتمدد طالعت السرير وأنا حاسدته ...وانقهرت أكثر يوم يتقلب براحته ...بعد آه ليت ذي الكنبه كبيره ماهو كذا منفرده طالعت الي ماقابلتها وقفت وابعدت الطاوله الي بينهم وعيني من ياسر سحبتها بشويش وأنا اطالعه بحذر خايفه يطلع صوت ...ولزقتهم مقابلين بعض عشان امد رجولي ويدوب اجلس ..إلا شوي احس رجولي تشنجت رجعت نزلتها وأنا اصيح ...بغبنه من الي أنا فيه...طالعت جواله الي يشحن ..فرصتي ادق على امي وأخليها تنقذني من المصيبه هذي وقعت نفسي فيها وقفت ومشيت وانا احس الفستان مضايقني طالعته بحذر ونزلت نفسي شوي وأخذت جواله بس انصدمت يوم شفته مقفول .رجعته مكانه وأنا افكر كيف اوصل لأمي مستحيل اسكت على الي أنا فيه.. رجعت مكاني وجلست وأنا احس بصداع من كثر ماصحت وظهري مره يوجعني . آه الي أنا فيه مافي حد يتحمله لا ملابس ولا جوال ..انا اشلون خليت جوالي مع أمي تذكرت مكالمة عفاف هي السبب وترتني وخلتني افقد عقلي ....مسكت على ظهري لا لا مستحيل اتحمل الوجع ذا ..طالعت الارض ..ماعندي إلا انام عليها قربت من السرير بأخذ مخده بس انقهرت يوم شفته حاط وحده تحت رأسها وحده على وجهه حسيت بخيبه ...نزلت نفسي وسحبت السجاد الي كانت تحت الطاوله وقربتها من التسريحه ورجعت أخذت خداديه من الي على الكنبه وجلست وأنا اطالع الارض بخوف ..خايفه من اي حشره بالأرض لا لا اي حشرات ي شدن بالفندق مستحيل طمنت نفسي وتمددت ..ياربي وش ذا الذل جلست اتحلف فيه بس الاقي امي وراح اقولها بكل شيء سواه فيني ياسر ..واطلع حقي من عيونه .. | ||||||||
|
| |
|
14-01-18, 04:50 AM
| #256 | ||||||||
| مراقبة عامة ومشرفة منتدى الروايات المنقولة
| الرياض • • صليت العصر وأنا احس بضيقه حدي...جالسه بذي الغرفه ..وبعد فيني خوف من أبوه ..احسه أبد ماهو متقبلني تذكرت كلام الجوهره وهي تعزمني انزل ..ومن طفشي شكلي بقبل عزيمتها ..وبتقرب منها عشان الشياب المخرف ذا يرضى شوي عليه ومايسمني بأي كلمه غيرت لبسي ...وتعطرت ولفيت الجلال ونزلت وأنا ادورها ..بعيوني ...شفتها جالسه .. وكانت عندها ضيفه ...حسيت بخجل يوم طالعوني تحركت ..ودي كان ارجع بس ماقدرت يوم أشرت لي اقرب منهم ..قربت منهم وسلمت على ضيفتها ..الي كانت ايه من الجمال سبحان الله قالت وهي تعرفني عليها:هذي مرة مصعب ابتسمت وهي ترحب: ي هلا والله لو دريت بهالحلوه هادي عندك ي جوجو كان خليت بنتي عبير تجي معي وتسولف معاها بدل الضيقه الي فيها وطالعتها بعتب الله يسامح مين كان السبب بس اصايل انصدمت يوم مدحتني ..كان ودي اقولها والله ماغيرتس مزيون ..وبعد ماشاءالله عندها بنت كبيره والله ماهوواضح ...طالعت الجوهرة الي ابتسمت وقالت :يالله مين قدك ي اصايل ام عبير مدحتك تصدقي ماعمرها مدحت حد ابتسمت بخجل...وأنا اطلعها ...ماقدرت اتكلم ام عبير وهي ترفع الفنجان: والله فيني قهر ليتني خليتها تجي معي وطالعت اصايل هالمره تزوريني مع جوجو وتتعرفي على بنتي الجوهره بدقه:يعني راضيه علينا الحمدلله يارب طلعت روحي عشان تقبلي عزيمتي لك ام عبير ابتسمت: مافيني اقدر ازعل منك على الي سويتيه في بنتي ماهو قليل أنت ولدك اصايل عقدت حواجبي وش مسويه فيها هي ولدها ..شكل كلام مصعب عن ولدها حقيقه ..وأنا افتكرت انه مظلوم .. طالعت الجوهره يوم قالت:والله لو علي ي سوسو كان ماخليته يأخذ غير عبيرر وتدري انه خاطري من زمان تكون من نصيب عناد بس حكم القوي ام عبير رفعت يدها تقاطعها: خلاص جوجو يكفي لعاد تفتحي هالسيره والله تضايقني اصايل ي سلام سوسو وجوجو طاحين تدلع في بعض ..وأنا مثل الاطرش في الزفه...ماهو فاهمه شيء وقفت برجع غرفتي ..بس وقفت يوم قالت الجوهره : وين اصوله طالعتها وقلت: غرفتي الجوهره وقفت ومسكتها من يدها: لا لا لا اليوم معزومه معي أنا وسوسو وطالعتها ولا ايش رايك سوسو ام عبير:احسن شيء والله قلتيه والعزيمه عندي للحلوه هذي اصايل وش يقولون ذولا قلت بسرعه: لا لا خلوها مره ثاينه وان شاءالله ازورك الجوهره قربت منها وهمست لها:لو خايفه من مصعب ترى ماراح يرجع ابوه يقول سافر دبي مع اخوياه يعني ماهو بالديره بعد لا تخافي منه ولا تسألي عنه فليها مثل ماهو يفلها ولا داري عنك ماغير يجي يسوي مشاكل ويروح اصايل حسيت بصدمه بدبي مره وحده ...صادقه والله لا فكر فيني ولا شيء قلت بقهر:البس عباتي وجايه شفت ابتسامه عريضه انرسمت على وجهه الجوهره رحت غرفتي وأنا أفكر برد فعل مصعب لو يدري ..ماعلي فيه مدام ماسأل عني والله مافكر فيه ولا أعمل له حساب ...وخلي اخوياه ينفعونه طالعت وجهي بالمرايه ..كيف باهت ..وهم بكامل كشختهم ..فتحت شنطتي وطلعت روج وكحل وحطيت على خفيف بس عشان يغير ملامح التعب من وجهي ...لبست عباتي ونزلت لهم شفتهم ينتظروني ..طالعت الي لابسينه يقال عنها عبايات كلها الللوان هزيت رأسي وأنا منتقدتهم ..يالله ماعلي والله يهديهم ...ويهدينا جميع ...مشيت معاهم وأنا احس بضيق وأبد ماهو مرتاحه بس فيني قهر من مصعب ..وابي ابرد قلبي شوي...أول ماركبنا مع السواق ..كان ودي أنزل وماروح لبيتها بدون اذنه ..طالعتهم بخوف..وبتردد بس قويت نفسي يعني وين بنروح ..كلها جمعة نسوان وفي بيتها همست للجوهره :بيتها بعيد عن الحي الجوهره بخبث: اي بيت حنا رايحين لمطعم فتحت عيني بصدمه مطعم وبدون محرم لا لا لا مستحيل ارضى..ماتخيل أبد أطلع بدون محرم ...لمكان عام قلت برفض: مستحيل اروح مكان عام بدون رجال الجوهره طالعتها من وراء الثمه بقهر: وش الي مستحيل افف الناس تطورت وأنتِ تبي رجال معاك عيشي حياتك بحريه وخلي التخلف عنك ياربي بنجلط من تفكيرك المتخلف عضيت شفتي بقهر والله التخلف الي تسوونه أنا وشلون طاوعتهم ..ليتني مافكرت انتقم آه ويوم جيت انتقم لعبت مع مصعب همست لها وأنا مابي صوتي يطلع للسواق :خليه يردني وأنتم خذوا راحتكم الله يستر عليكم الجوهره قالت بصوت عالي شوي:سوسو شوفي شغلك معاها أنا تعبت من تخلف هالبنت أخذها ولد زوجي حسيت بقهر يوم رمتني لها ..وبعد تتشرهه ام عبير :افاا ليه ي قلبي ماتبي تكملي معانا اصايل بقهر:افتكرت عزيمتس للبيتس ماهو مطعم ومكان عام ام عبير : ي عمري هذا الي مزعلك ولا يهمك وطالعت السواق وهي تأشر له يرجع فيهم لبيتها اصايل ابتسمت بنتصار وأنا اسمع تحلطم الجوهره بس والله باقي قلبي مقبوض ...وأبد ماهو مرتاحه أول ماوصلنا نزلنا وهي ترحب فينا ...على طول دخلتنا البيت ..فتحت عيني وأنا مبهوره من العز الي هم فيه والله على جمال بيت ..أهل مصعب بس أبد مايجي شيء عند ذا القصر .. طالعت الجوهره ..الي حايسه بوزها وشكل الطلعه ماهي جايزتلها ابتسمت بستفزاز لها ..وجلست الجوهره وهي تفك العبايه بقهر:الحين عاجبك حبسة ذي الجدارن ياربي بس من الي يرفس النعمه يوم تجي له..شكلك من نوعية ولدي الله يصبرني عقدت حواجبي يوم جابت سيرة ولدها اخ لو يسمعك مصعب قسم بالله ماتطلعي إلا بنقاله شفت سوسو جايه والخدامه وراها بالضيافه حسيت بطفش من كثر ماترحب فيني ..احس ترحيبها مبالغ فيه .. طالعت الي دخلت ...بعدهم بشوي وهي تتمخطر بمشيتها ..كانت طويله حيل...وتميل للنحافه .. وبشرتها قمحي .. ام عبير وهي تأشر لبنتها: تعالي ماما سلمي على ضيفتنا سلمت عليها وأنا مصدومه أبد ماتشبهه أمها بالمره ..امها عكسها بكل شيء جمال امها يسحر ماشاءالله حتى موصفاتهم مافيها من بعض ... حسيتها متكبره بالحيل ...طالعت الجوهره الي ترحب فيها وتحلف عليها تجلس جنبها ... حسيت بملل من جوهم .. اشرت للجوهره عشان نمشي ..بس طبعاً الاخت خلت سوسو تتدخل ورجعت تحلف علي إلا اجلس بس وقفت معترضه معاد فيني ..اتحمل وعدتها بعيدها ...ااف طلعت روحي نشبت لي الله يسامحها .. ماصدقت وأنا اطلع السياره ..طالعت الجوهره يوم قالت: حرام عليك الحرمه مكلفه وأنت رديتي عزيمتها اصايل بسخريه: ماتضرها تكلفة العزيمه ماشاءالله تبارك الله الجوهر ه بقهر: آه شفتي كيف ولدي الغبي ضيع على عمره وعلي احسن فرصه وراح أخذ بنت اخو رجلي ليت فيها شيء يستاهل عشان يفضلها على عبير الله ياخذها ويفكنا خربت كل شيء علي اصايل حسيت بكمية خبث فيها بس مايهمني الحين اني اعرف وش قصة مصعب مع بنت عمه قلت بفضول:طيب ليه أخذها وهي كانت لمصعب الجوهره بكذب:مصعب بيموت عشان يأخذها بس هي اختارت عناد وفضلته عليه وفشلته قدام الرجاجيل يوم رفضت تملك على رجلك اصايل انصدمت من الي تقوله..الي فهمته منه انه هو الي رفضها وهذي تقول هي رفضته ...وبعد كلام ابوه اليوم بالمطبخ يقول عكس الي تقوله ..بس حسيتها واثقه من كلامها ..يعني صدق بس أكيد هو ماراح يقول هي رفضتني وشكل ابوه بعد مثله قلت بصدق وأنا ناقده على ولدها: والله ولدك بعد حركته مالها داعي مدام رافضه مصعب وش يبي فيها ولا يدور مشاكل معاه وخلاص الجوهر بقهر : ولدي انحرج من زوجي يوم قاله مدام البنت رفضت مصعب خلنا نخطبها لك اهم شيء بنت أخوي ماتروح لغريب وتعرفي ولدي قلبه طيب مستحيل يرد عمه الي بصفة أبوه صقور ماقصر معي ومع ولدي ولو رفض طلبه عناد كنت بنقد عليه أنا وبزعل منه ..بس البنت وافقت عليه وانصدم وقتها ومعاد عرف يتصرف ويزعل منه عمه وابوها ..وقتها مصعب حقد عليه وكرهني بعد إلا كان يعتبرني مثل أمه ..وسعى لطلاق زوجة صقر الثانيه عشاني مايبي يقهرني بوجودها بس شوفي كيف الظروف تغيرت .. اصايل حسيت رأسي صدع من كلامها ..احسه ملخبط ولا فهمت شيء بس الي فعلاً واضح ان مصعب ميت عشان يأخذ بنت عمه بسب مشاكله واعتراضه وكرهه للجوهره ..بس كلام ابوه شيء ثاني يالله ماعلي ...فيهم حسيت براحه يوم وصلنا نزلت بسرعه ..وطلعت غرفتي ..دخلت وقفلت الباب وأنا اتنفس براحه ... يالله كانت هالطلعه على اعصابي ... | ||||||||
|
| |
|
14-01-18, 04:51 AM
| #257 | ||||||||
| مراقبة عامة ومشرفة منتدى الروايات المنقولة
| . جدة • • النوم رفض يجيه ..على التعب الي كان يحسه ..ماقدر ينام ...وكل حركه كانت تسويها يحس فيها ..أول ماسمع صوت اذان العصر ..قام من سريره ..وهو يطالعها نايمه بالارض حسدها ليته مثلها يقدر ينام هاالنوم وباي مكان مثل حالتها الحين ..طالعها بالفستان .. زفر بقهر وضيق ..أبد ماهو قادر يتسوعب انها زوجته ...ظلم حاله كثير بس آه مافيه بيده شيء الحين ...توضى وغير ملابسه وهو يحاول يسوي ازعاج يبيها تصحى فيه قهر هي نايمه ..ومرتاحه وهو قلبه محروق ..بعض مرات يفكر يسوي اي مصيبه عشان يتخلص منها طلع وهو يتعوذ من ابليس ..أول ماطلع من الفندق فتح جواله ..بيطمن امه عليه ي دوب يفتح الجوال إلا رقم عمته نوفه يدق ابتسم بسخريه أكيد بتوصي في بنتها فتح الخط وقال:ي هلا نوفه وهي قلقانه: ياسر وينكم فيه والله قلبي يأكلني على بنتي وأنت مقفل جوالك وهي ناسيه جوالها معايه ياسر بسخريه ميل فمه:وش بيصير فينا يعني عرسان ومع بعض فيها شيء ي عمه نوفه عقدت حواجبها مستغربه من لهجته قالت وهي ماهي مرتاحه له:والله لو تبي تعيش معاها فعلاً مثل اي عريس هذا الي يسعدني بس لو حاب تلعب ي ياسر ترى والله ماتقدر تقهرها بشي حميتها بقدرة الله وهي صغيره من اهلها والله قادر يقويني بعد واقدر احميها وهي كبيره ومن الحين اقولك بنتي لا تجيني زعلانه والله ثم والله وقتها ماظمن لك سواتي ياسر كان يسمعها وهو يحس بالضيقه تزيد عليه قال بقهر من الي هو فيه ومن تهديد عمته : وثقتي فيني خلاص ريحي نفسش بنتش ماعليها خلاف وبخليها تكلمش يوم ارجع الفندق الحين ماهي عندي طالع أخذ اغراض ناقصتنا نوفه وقلبها مقبوض أبد ماهي مرتاحه له :اي والله وثقت فيك وبعدني واثقه تكفى لا تخيبني ياسر: ابشري ويالله ي عمه اترخصش وصلت المسجد وبنزل اصلي وتطمني بنتش امانه عندي @ @ @ الرياض • • تمددت على السرير..بعد ماصلت العشاء وهي تفكر ..في كلام الجوهره طالعت الباب بطفش يوم دق ..يالله مافيني على غثاثتها مره ثانية .. وأخاف بعد مصعب يرجع اي وقت ويشوفها بالغرفه هنا والله وقتها بيذبحها ويذبحني ..وين يرجع الأخ مصيف بدبي حضرته ..ولا على باله وقفت بكسل ورحت فتحت الباب وأنا اتظاهر بالنوم ..عشان تحس على دمها وماتفكر تجلس ..معي بس انصدمت يوم شفت الخدامه خايفه ..ومتوتره عقدت حواجبي مستغربه : وش فيه : بابا مصعب صرخت بفزع : مصعب رجع لايكون دري اني رحت مع جوهره الشغاله : لالا على تلفون يقول يبغى ضروري ومافي يقول نوم روح انزل كلم عشان مايعصب زفرت براحه يمه يمه مصعب ..حسيت عمري بموت وخوفي تعدا الشغاله بمراحل قلت بغصه: قلتي معصب على التلفون متأكده ..طنشتني ونزلت تركض الله يسامحها وترتني زود..معقول دري بطلعتي ودق يالله ..فيني رعب منه ..زفرت أكثر من مره و قويت نفسي واخذت جلالي ونزلت وأنا ادعي الله ..يقدرني واعرف اصرفه وادور شيء يصدقه ويفكني من شره الليله .. نزلت وأنا اقدم خطوه وأخر خطوه ..قربت من التلفون ورفعت السماعه ويدي ترجف قلت بخوف وأنا مقفله عيوني انتظر صراخه علي :الو بحده بانت بصوته: اخيراً لي ساعه انتظرك عشان تنزلي بلعت ريقي مافيني ارد ..سمعته يردد:الو الو اصايل تسمعيني .. قلت بهمس: ايه :قلت ادق عليك اطمن واشوف الزفت الي عندك سوت فيك شيء ولا رمت عليك من سمها اصايل تنهدت براحه يوم قال كذا جلست على الكنبه وأنا متطمنه بعد الخوف والرعب الي سببه لي قلت بسخريه: لا لا ماشاءالله عليك ماقصرت تسأل عني وبقهر صرخت وينك بالله هايت قال بحده:هيي لا تشوفي نفسك الحين ويقال ترفعي صوتك والله لو اني جنبك كان عرفت وشلون اخليك تدفعي رفعة الصوت ذي ي غبيه الصوت العالي مايمشي معي فاهمه قاطعته بقهر: هذا أنت ماعندك غير المشاكل والتهديد والحين ماحصلت حد شكلك تتمشكل معاه قلت خلني ادق على الي ينقال عنها زوجتي افرغ فيها هوايتي بعصبيه: اصايل وبعدين صحت غصب عني فيني قهر ماقدرت عاد اصبر مسحت دموعي يوم قال :قولي لي سوت فيك شيء والله اذبحها خلاص لا تصيحي أكيد سوت فيك شيء إلا أنتِ مستحيل تكوني كذا زعلانه قلت بسرعه الغبي ذا يفسر كل شيء على انه الجوهرة :ماسوت شيء ومسكينه والله ماتقصر بس سكت يوم صرخ :وشهوو ماتقصر لايكون تجلسي معاها أكيد فضي لك الجوو وهي بعد هذي فرصتها تنتقم مني اذبحك اصايل لو فكرتي تجلسي معاها هذي حيه احذري منها ي الغبيه بلعت ريقي بخوف آه لو تدري بطلعتي معاها بعد قلت وأنا أغير السالفة :متى ناوي تذكر ان معك مره راميها : مدري متى بالضبط الشباب باقي ماحجزوا عوده وأنتِ بس انطقي بغرفتك وماعليك خلاف لا تجلسي تتدللي على رأسي ودي يقفل فيني قهر منه احسه عديم احساس هالرجال :طيب تبي شيء بقفل ابتسم :زعلانه لأني بعيد فتحت عيني بصدمه من كلامه بعد يسأل حضرته قلت بسخريه:لا والله مبسوطه حدي والله البيت هادي لا مشاكل ولا هواش الوضع مستقر ..وليتكم أنت واخوياك ماتحصلون تذكرة عوده وقفلت بوجهههه بقهر ... أول مارجعت السماعه مكانها استوعبت الي سويته ..قفلت بوجهه مره وحده يالله ..دائم كذا اتهور يوم اعصب ..طالعت التلفون وأنا متوقعه اتصاله مره ثانيه ..بس مادق جلست شوي انتظر مادق.. @ @ @ @ جدة ،، فتحت عيني وأنا اطالع الدريشه ..كانت الدنيا ظلام جلست وأنا ماسكه على ظهري يالله جسمي كله تكسر طالعت ناحية سريره ...ورفعت يدي وانا ادعي عليه مايقوم ..قهرني نايم على السرير وأنا منجلطه بالارض... سميت بالله وقفت رحت الحمام وأنا اسحب بالمسخره الي لابسته ..وعيني منه خايفه يصحى وبعد الدنيا ظلام ماشوف شيء ..جلست اتحسس المكان بيدي خايفه اصقع بشيء ويقوم يعصب عليه يبي علي سبب.. الله يبهذلك ي يويسر مثل مابهذلتني ..توضيت وطلعت صليت العصر والمغرب والعشاء ..وأنا حايسه بذا الفستان جلست على الكنبه وأنا اطالع ناحية السرير ..متى حضرته بيقوم ..بس عقدت حواجبي يوم حسيت ان السرير ماعليه أحد ..بذات من النور الي جاي من الحمام وضح لي ..شوي وقفت وأنا امشي على اطراف رجولي بتأكد قربت من السرير بالحيل وأنا امد يدي بحذر واتحسس السرير ..فعلاً ماكان موجود صرخت يمه تركني وهرب ...جلست بالارض اصيح منهاره ..آه ي شدن على ذي النهايه البشعه ...ياربي الطف فيني تركني بلحالي ...فزيت من الصوت الي جا من وراي والنور يفتح بعيوني قفلت عيوني بسرعه ماقدرت افتحها من النور وأنا اسمعه يقول : وش عندش تندبي حظش اجلي الندب لقدام باقي ماشفتي شيء وهو يطالعها كيف جالسه بالارض فزيت واقفه بسرعه وصرخت بعصبيه يوم شفته قدامي: ي الخايس ليه تتركني لحالي ليه ياسر بصدمه وهو يأشر على نفسه : أنا خايس شدن ابتعدت وهي تبلع ريقها لزقت بالدولاب الي وراها وقالت :ليه ليه ماقلت لي انك بتطلع ليه كذا فزعتني حرام عليك بموتت ياسر قرب منها ومد يده وقربها منه بعنف وقال بصوت خلى كل عظم بجسمها يرجف : اقسم بالله لو اسمعش عاد تقلي ادبش علي بهالطريقه بنفذ الي تخيلتيه توش شدن كنت احس بخوف منه هزيت رأسي مثل البلهاء مابي الكف الي أخذته امس ينعاد هالمره بموت بيده لو ربي سترها معي قبل كنت اطالعه كيف يطالعني وأبد ماتحرك من مكانه قلت بصوت يرجف:ط ي ببب اسسفه ياسر نزل نفسه شوي وهو يقول: ايشش عيدي شدن بلعت ريقي ورددت الكلمه: اسفه تنهدت براحه يوم ..شفته ابتعد عني ...وأشر لي على الاكياس:خذي بدلي المسخره ذا عليش الله يأخذش قرفتني به أول مره اشوف عروس تجلس بالفستان قدرش عمى بعينش فرحانه لذي الدرجه شدن فتحت عيني بصدمه من كلامه .وقلت بقهر: يعني بالله لو لقيت غيره ماراح ابدل حرام عليك ساحبني على وجهي لا شنطه ولا شيء معي وبعدك تتمسخر ياسر لف وجهه بقهر ورجع طالعها: يالله صبرني بس وبصرخه انقلعي عن وجهي مابي اشوفش قدامي شدن حسيت بقهر انقلع وين مافي غير ذي الغرفه افف .. بسبتك وبسبة عقلك المتهور صرت مسخره لك ي الخايس ودي اقولها بوجهه بس لا توه محذرني وأنا مابي ازعله الحين ويسوي الي خايفه منه ويرميني هنا يويسر المجرم حسبي الله عليه من رجال ..استاهل أنا اخترته بنفسي وفضلته على عمي ..والله ان كان يمكن برتاح عند عمي احسن من عيشتي مع ذا المتخلف قربت من الاكياس الي رماها على السرير فتشتها طلعت بجامه ..وقميص كشرت بوجهي وأنا ماهو عاجبني ذوقه رفعت بيدي وقلت :وع كان فيه أحلى أكيد بس شكل حالة البخل رجعت لك فجأء سكت من نظرته الي جحدني فيها وصرخ:وش حكايتش معي أنتِ بسرعه ركضت للحمام الله يعزكم وأنا خايفه ضدق وش لي فيه كان أخذت اللبس ساكته ..وبعدها أخذت شور آه حسيت براحه شوي ...وبسرعه لبست بجامتي وطلعت وأنا انشف شعري جلست على السرير ..وأنا اطالع فيه جالس على الكنبه وماد رجله على الطاوله ويطالع جواله ..قلت بتردد : بكلم أمي ياسر من غير مايطالعها:كلميها مين ردش شدن وهي تفرك يدينها:نسيت جوالي ياسر رفع حاجب وطالعها : مشكلتش أجل شدن عضيت شفتي بقهر يعني اشلون . قلت بقهر:لاتخاف برسل لها الخدمه وبترجع تدق علي اكيد ماراح اخسرك قلبها منطوف وراي والله الحين ياسر صغر عيونه بقهر وقال: دبري عمرش جوالي ماراح اعطيش ويالله لا اسمع لش حس والأكل عندش لو حابه تأكلي أنا أكلت برا وياليت تنسيني بالمره ولا تعتبريني موجود هنا عشان أنا ماهو حاب اتذكر المصيبه الي وقعت نفسي فيها فاهمه ولا اعيد عشان يالله العقل الي عليش يستوعب شدن سكت وأنا مقهوره ..حسيت بطفش لا يتكلم ولا يبيني أتكلم ...كنت اناظره بطرف عيني ..ودي اعرف وش يناظر بجواله ..وكذا حزين ..يمه شوي ودمعته تنزل افف يويسر عنده احساس معقول حزين علي عشان غلط علي كثير ..هييي اصحي وش يحزن عليش والله لو يعدمونش قدامه ما يحرك فيه شعره ..آه وش انقص عن صديقاتي تقول كل وحده زوجها طاير فيها من الفرحه انها معاها ويطلعها ويدلعها بذات ثاني يوم زواجها تعيش ملكه ي حسرتي وأنا جالسه ومقابله هالصنم قدامي ليت أقدر ارجع أنام بس مافيني نايمه يوم كامل اعتبر ...تفافت بصوت عالي ..بس أبد ولا ناظرني حتى ولا شال بعد عينه من الجوال يالله الرجال شكله مره متأثره اخخ عرق الفضول طق عندي لازم أعرف وش يناظر ...وقفت وسويت نفسي بأخذ الأكل مريت من عنده وقفت وراه وأنا احاول اشوف الي بجواله بس انصدمت يوم شفت...صورة عفاف..وهي عروس ... • • كتتتتت حلو لعيونكم • &نونـــي بنت الجنوب & استودعتكم الله الذي لا يضيع ودائعه "سبحان الله وبحمده سبحان الله العظيم" "الوتر أحبتي "الله يرحمك يأمن وجعني فرقاك " | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
شكرا كثيرا لك بارت جميل ورائع تسلمين وشكرا فتامين على النقل 
العرض العادي
