24-01-18, 12:28 AM
| #271 | ||||||||
| مراقبة عامة ومشرفة منتدى الروايات المنقولة  
|  سبحانك اللهم إني كنت من الظالمين ، اللهم صل وسلم على نبيا محمد " صلو عليه" الروايه لا تلهيكم عن الصلاة والعباده اللهم بلغت اللهم فاشهد • • 18 • • حطيت يدي على فمي وشهقت بقوه وأنا مصدومه وبدون حس سحبت جواله بسرعه من يده .. ورميته بالأرض ..وأنا مقهوره بس استوعبت الي سويته يوم شفته فز ..واقف قدامي وهو معصب ويطالع الجوال بصدمه ..ورجع طالعني ونظرته أبد ماتبشر بعدت لأخر شيء باالغرفه وأنا ابرر حركتي .. أشر ت ..على الجوال الي مرمي بالأرض وقلت : وشلون تطالعها وهي مطلقه صرخت بكل صوتي يوم قرب مني واعطاني كف خلاني ادوخ بمكاني ..بس حاولت اقوي نفسي عشان اقدر اواجهه ياسر وهو معمي من العصبيه : وش دخلش اطالعها أو لا وبعدين ليه تجسسي علي وصرخ بصوت اعلى وش تبين مني أنتِ ناشبه لي في كل شيء ..والحين توصل بش المواصيل تأخذي جوالي من يدي وترميه قدامي قلت والدموع بعيوني واحس وجهي مولع من الكف الي أخذته : أنا العروس ومفروض تطالعني أنا ياسر قاطعها وهو يسحبه له بعصبيه و مسك شعرها بقوه وقربها منه وقال وهو صاك على سنونه:قلتي لي عروس بس ماشوفش أبد ولعاد تقارني نفسش فيها فاهمه لانش خسرانه معاها هذي عفاف فاهمه هذي حبيبة ياسر وشغل التجسس واللقافه والله لو ماتبتي منها بطول عليش يدي والله مارحمش شدن بخوف تطالع عيونه ..هزت رأسها وهمست:خلاص توبه ومالي دخل بينكم بس تكفى فكني جالس تعورني ياسر بحقد : اعورش بعدش ي شدن بعدش ماشفتي شيء وفكها بقوه وهو يبعدها عن طريقه وجلس على ركبه وهو يتفقد جواله طالعها وقال بعصبية: ليته تكسر والله والله كان بيصير بش نفس المصير بس ربي رحمش قلبه بين يدينه يتأكد رجع مكانه وهو معصب :مدري متى برتاح منش شدن ابتعدت شوي وجلست ..على السرير وهي تطالعه ..وشلون رجع يطالع بالصور بدون مايراعي مشاعرها ..حطيت يدي على خدي مابي صوت صياحي يطلع له ..ايه زوجة عمي يوم كنت اصيح تزيد علي ..وهذا شبيها بالضبط وعشان كذا اسكت احسن عشان صياحي يمكن يستفزه ..مسحت دموعها الي تنزل بدون صوت ياسر طالعها ورفع الصوره بوجهها :برجعها وبتصيري خدامة تحت رجولها شدن انصدمت بقوه من كلامه و صرخت بدون حس ونست الي قدامها ياسر الي مايرحم : مايهمني ترجعها او لا بس اني اصير خدامة تحت رجولها لا والله اذبح عمري ولا اوصل لهالمستوى عندك ي روميو زمانك وعند جوليت تبعك ياسر وقف وهو فاقد اعصابه تتمسخر على عفاف وعليه ..بدون حس مسكها وطاح فيها ضرب ...كان يشوفها كيف تلتوي تحت يدي من قوة الطق ..وصياحها وصراخا المتواصل..بس أبد ماشفع لها عنده قلبه محروق منها طلع كل كبته فيها يوم شافها شوي وتموت بيده ابتعد ..وصرخ بكل صوته:قلت لش مية مره خليش بحالش حاولت امسك نفسي قبل شوي واعطيتش فرصه تبعدي عني ..بس لا رجعتي فوق شينش الي سويته وحركتش الزفت الي من توا تطولي لسانش علي وياما حذرتش تبعدي عن شري بس لا راسش والف سيف تحشري نفسش بكل شيء الحين اجلسي بها وموتي بمكانش شدن كنت اصيح منهاره من الي صار معي ..فجأة هجم عليه كيف مدري ...وطقني طق ماعمري ذقت مثله ...حاولت احمي وجهي وجسمي كله من ضربه ..بس ماقدرت ..حسيت رأسي ثقيل من قوة الضرب الي تعرضت له ..وشوي وينقطع نفسي بس فجأه ابتعد عني ..حاولت أكتم صياحي يوم صرخ بصوته العالي:اقسم بالله لو اسمع لش نفس بالغرفه برجع اطقش اكثر من هالطق وقرب مني ونزل نفسه شوي وقال بعصبيه اذبحش ولا يهتز فيني شعره فاهمه اخذ بش قصاص مايهمني هزيت رأسي وحطيت يدي على فمي أكتم صياحي ..كنت مصدومه ..من الي صار معي ..ماتوقعت واحد بالميه ان بزواجي من ياسر ..بيصير معي كذا الحين هالضرب كله بس عشان دافعت عن نفسي وكرامتي ..ابتعدت نهاية السرير وسحبت المفرش ..وأنا ارجف خايفه بالحيل منه شفته طلع من الغرفه وقفل الباب رجعت انهرت .. ماهو مصدقه أبد الي سواه فيني ..تذكرت حكي خواته عن ضربه الحين حسيت فيهم ... كان جسمي يرجف كله .. وصياحي رافض يوقف مرعوبه حدي من الي صار معي ..آه يمه وينش ..حاولت اقفل عيوني مابي هالواقع أبد ياسر ..عيشتي معه مستحيله.. الي ابيه برجع لأمي بس ..ايه برجع لها لو اهرب من هالفندق .... • • طلع من الفندق وهو معصب حده ..وده يتخلص من هالمصيبه ويرتاح..يحس قلبه محروق وأبد ماراح يبرد ..بدون حس رفع جواله ودق رقم عفاف ..قفلت بوجهه ..بسرعه رسل لها(عفاف تكفين ردي بموت دونش والله ) رجع دق أول مافتحت الخط قال بسرعه : عفاف الله يخليش اسمعيني ولا تقفلي بردش لي والأرض متنازل بها لأهلش ومابي بعد قيمتها اعتبريه هديه مني لكم بس ارجعي لي قالت بصوت حزين:تأخرت واجد ياسر عض شفته بندم:والله اني متحسف وكرهت عمري بسبة هالأرض الي فرقتنا عفاف بقهر :خلك مع عروستك وانساني خلاص ياسر بعصبيه:اي عروس واي زفت اقولش بردش لذمتي ومستعد ادفع لش مهر والارض فوقها تنازل وش تبي أكثر أنا مستعد عفاف وقلبها محروق : قالوا لي سافرت تقضي شهر العسل بجدة يالله أخذت البنت الي اصغر منك وبتدلعها .. ياسر قفل عيونه بقهر: عفاف تكفين انسي زواجي واعتبريه غلطه وتهور عفاف بألم : الله أكبر كيف ذبحتني هالغطله زوجتك البزر تمشي وتتكلم في البيوت عن دلعك لها ومبسوط من صغر سنها وربي عوضه بدل العجيز اللي أكبر منه ..صاحت بألم ياسر قفل قبل اقفل بوجهك وتذكر مابقي شيء وتنتهي عدتي ولعاد يجوز تكلمني وخلاص طلعني من حياتك وعيش مع البزر الي اخترتها بدالي وزفرت بقهر مسفرها بعد حاولت اكذب الكلام يوم وصلني وقلت ياسر مستحيل يسوي كذا ولا يقدر يبدلني بوحده مثلها تافهه ..بس الحين لا تأكدت عيش حياتك بشهر عسلك معاها الله لا يردكم ياسر عض شفته بقهر وشلون تفهم انه الي سواه غصب عنه وان الكلام ذا كله كذب في كذب ..وهالشيء مألفته شدن ..بس من تأنيب الضمير وهو الي ذبحه .. وخلاه يقدم على هالشيء ..اشلون يفهمها أكيد بينزل من نظرها زود يوم يقولها انه تكلم بعرضها وبعرضه بعد يوم حكى عن عمته بالشينه قال بالم: عفاف خليش من هالتفاهات اللي ماتفيد وشدن بقص لسانها لو كذبت مثل كذا عاد وعلى ماأظن أكثر وحده عارفة كذبها وفكري قبل تنتهي العده وباقي عند كلمتي الارض لش قفل عيونه بقهر يوم قفلت بوجهه نزل الجوال ورماه بقهر...ضرب الدركسون بقهر ...رفع يده وهو يحس بالم فيها عضها بقهر وهو وده يصرخ من حرقة ..قلبه ماهو قادر يتحمل ..ولا قادر يتقبل شدن يكرهاا ولا عمره كرهه أحد مثلها ..سبحان الله من يوم هي صغيره رفض يتقبلها ...والحين بعد مطلعه حكي جديد حضرتها ..وده يرجع ويربيها على هالحكي بس تعوذ من إبليس ..وحرك سيارته لانه يدري هالمرة يمكن تموت بيده ... | ||||||||
|  |
|
24-01-18, 12:29 AM
| #272 | ||||||||
| مراقبة عامة ومشرفة منتدى الروايات المنقولة
| المجمعه • • زفرت براحه يوم الغرفه فضت يالله ...غصب بنات خالتها فكوا عنها ..وبعد بالقوه قدرت تصرف أميره معاهم ..أخذت جوالها ..وفتحت رقمه ..وضغطت عليه وهي متردده ..ومقهوره منه بعد..يوم فتح رسالتها ومارد ولا عبرها ...بس لازم تنفذ خطتها وتبرد قلبه فيه وفي نفس الوقت تنفك منه ..قفلت عيونها وهي متوتره تخاف يطنش يوم طول مارد بس أول ماسمعت صوته الثقيل من النوم فزت بفرحه انه رد :الو قالت بتوتر وهي تطالع الباب : معليش صحيتك من النوم قال بجمود :اخلصي ايش عندك الشموخ حست يقهر ماعمره أحد كلمها بها الأسلوب الخايس بس حاولت تصبر نفسها عشان تنال الي تبيه لانها عارفه العناد ماينفع معاه مأخذ من اسمه كثير حضرة السيد : الي ابيه منك تكلم أبوي وتقوله مابي عرس عناد تعدل بنومته ورفع نفسه شوي وهو مصدوم : وشلون الشموخ زفرت بصبر:سهله ترى دق عليه وقول مابي اسوي عرس عناد رفع حاجب وقال :يعني اقوله أخذها لبيتي كذا مخبوله أنتِ الشموخ وقلبها يوجعها : ايوه عليك نور قوله كذا وأنا راضيه اروح معك بدون عرس لاني مابي هالعرس خير شر عناد ابتسم بسخريه:صاحيه أنتِ للي تقوليه الشموخ بقهر : الله وكيلك بكامل قواي العقليه عناد عقد حواجبه: ليه طيب مكن اعرف لأنه مستحيل تبي تلغي العرس بدون سبب قوي الشموخ ودها تقوله مايشرفها تنزف وأنت عريسها بس عارفه انه الكرامه بصوب وهو بصوب ..وبيعاند وبيسوي العرس قالت بسخريه: مابي اخسرك عناد بقهر انها تعيره انه ماهو قادر على مصاريف العرس : مين قالك اني بخسر الحمدلله الخير واجد الشموخ بسخريه:من خير عمي واجد عناد عض شفته بقهر :والله فعلاً ماتستاهلي العرس والخساير أنتِ حقك يجيبك بعد السواق لبيتي ماهو أنا اتعنى لك الشموخ عضت شفتها بندم ..اخخ وشلون غلطت كذا قفلت عيونها بقهر .من لسانها المنفلت بدري عشان تعرفه قدره أول شيء ...تضمن روحتها لبيته ...وتعرف كيف تخليه يفقده عقله.. ويرجعها لابوها مطلقه ..وقتها متأكده ان ابوها ماراح عاد يرخصها ويرجعها له ..عارفه حبه لها وقدرها عنده ...وعارفه عناد اجبن من انه يقول الي بتسويه معاه قالت بتمثيل كله خبث : اسفه ماقصد وعادي ان شاءالله اجي على رجولي بعد لبيتك اهم شيء العرس يلتغي ويالله اعطني فكره تفكني وتفك من العرس وهمه الله يخليك عناد عناد قفل عيونه بصبر ..وش يفكر بعد قال بقهر : فكري باي مصيبه واعطيني خبر وبعدها بكلمه الشموخ بسرعه: لا ابيك تفكر معي وياليت بعد من بكره اكون ببيتك الله يخليك عناد طلبتك عناد فتح عيونه بصدمه : و ش ذا الغباء ماتبيني وتبي تجي لبيتي بسرعه الشموخ قالت بنبره كلها تمسكن : معاد طقت بيتنا بعد الي صار خلاص عناد ماعمري طلبت أحد تكفى ماتردني الله يخليك وبعد اسفه على الي صار مني واشكرك على الكف الي اعطيتني هو رجع لي عقلي وخلاني افكر صح عناد اطلب الي يرضيك بسويه عشانك بس عناد مصدوم ويحس عقله تشتت وحيرته .. بالحيل جالسة تعتذر وصوتها غير عن الي يعرفه قال بهدوء عكس قبل:طيب ممكن افهم أنا قبل أبوك ليه ماتبي عرس الشموخ وهي ودها تقفل كاره صوته قالت بكذب: قلت مابي اخسرك وبعد عارفه ماما والله ماترحمك بتخسرك وبتفضي جيبك كله وبعدها بروح فيها أنا لا شهر عسل ولا شيء من الديون اللي بتكون على ظهرك عناد بصدمه : بعد تبي شهر عسل الشموخ قالت بنرة دلع : ليه سيد عناد ماهو ناوي تسفرني شهر عسل وبتمثيل انها تبي تصيح ولا ماستاهل ايه أكيد بنظرك ماستاهل بعد ماولد عمي رخصني وخلاني علكه بين افواه الناس عناد استبشر خير من كلامها و ابتسم غصب عنه قال وهو يحس مزاجه كله انقلب :إلا بسفرك واختاري بعد المدينه بنفسك ومن بكره بحجز التذكره وياليت بعد معاد تعيدي هالكلام أنتِ بتعيشي معي معززه مكرمة واللي يقول عنك كلمه اعرف كيف اخليه يثمنها الشموخ حست بطنها تقلب عليها قرفانه حدها منه قالت وهي ماسكه نفسها بالقوه: اوك مشكور عناد صدق انك رجآل والحين بقفل وبكره أول مارجع الرياض بدق عليك تجي ونكلم ابوي مع بعض اوك عناد يحس نفسه مبسوط ..حتى هو مايبي العرس وصدعنه ..وده تكون معه بسرعه الحمدلله جت منها ...قال برواق : ابشري اعطيني بس الوو تشوفني عند بابكم ان شاءالله ولو تبيني جيت لك المجمعه الحين ورحنا لأبوك جيت الشموخ بقرف: لا لا اليوم بجلس مع ميمه عناد ابتسم يوم جابت طاري جدتها:فديتها والله قريبه منك اعطيني اكلمها وحشتني العجيز بالحيل الشموخ قفلت عيونها بصبر لزقه صدق قالت بتصريفه:لا لا استحي عناد تجلس تعلق علي عشان كلمتك وتقط علي حكي قدام البنات تكفى لا تسبب لي إحراج عناد ابتسم :ي لبي الي يستحون اوك بقفل الحين وقبل يقفل قال ايه هالمره بسامحك رحتي بدون شوري بس المرة الثانيه ماضمن لك الشموخ وجع ان شاءالله بعد.. لك وجه قالت بقهر: ان شاءالله ماطلع عن شورك معاد فيها تمثل خلاص بطنها قلبت عليها زياده قالت بسرعه باي عناد وقفلت ورمت الجوال على السرير بقهر ...يالله بطنها قلبت عليها وهي بس تتكلم معاه بالجوال اجل اشلون لو راحت لبيته هزت رأسها وهي ماهو متخيله تعيش معاه لو يوم واحد ...تقرف من اسمه وشلون تقدر تناظر وجه بعد • • من وقت ماقفل من عندها ..وهو مبسوط وقلبه يدق بسرعه من الفرحه الي هو فيها .. ماتوقع تتغير كذا بسرعه ..توقع بيتعب معاها وكان يفكر يلغي الزواج بكبره ..بس ردته الكلمه اللي اعطاها لابوها وعمه ..بس الحين لا كل شيء تغير يحس الفرحه غمرت قلبه الموجوع منها زفر براحه يالله كلمه منها وجعته وكلمه منها غمرته فرح..فكر يدق على أمه ويقول لها ..اللي بيصير معاهم بس لا لا راح تسوي مشكله أكيد خليه يحطها بالأمر الواقع .. | ||||||||
|
| |
|
24-01-18, 12:30 AM
| #273 | ||||||||
| مراقبة عامة ومشرفة منتدى الروايات المنقولة
| رجع الفندق.. وهو ضايق ..وحالته حاله..وكل مايتذكر كلام عفاف ..يحس قلبه يحقد على شدن زيادة ..فرقت بينهم ..بكذبها ..تمشي وتألف كذب فتح الغرفه ..وطالعها بقهر ...وهي نايمه على السرير ..جلس على الكنبه وسند رأسه وهو يزفر بضيق مايدري وش يسوي ..يفكر يطلقها ويرجعها لعمته ...بس وش يفكه من عمته والوعد الي قطعه لها ...طالع جهتها..يالله حتى الملامح أبد ماهي الي يحبها يحب الطويله وشدن قصيره يحي السمراء وشدن بيضاء وبياضها زايد بعد ..ويحب الشعر الاسود الكاحل والناعم مثل شعر عفاف ..وشدن شعرها مايل للبني أكثر ..وللخشونه ..هز رأسه وهو مقهور من نفسه وشلون يجلس يطالع فيها كذا ويجلس يقول الي يحبه والي مايحبه يكفي انه أبد ماهو متقبلها ..والله لو ملامحها على ذوقه بعد مايتقبلها يكرها لشخصها ولكل شيء فيها ...نزل رأسه ..بين يدينه وضغط عليه.. بقوه الصداع ذبحه ...وفيه النوم بس ماهو قادر ينام رفع رأسه وطالع السرير ..وشلون ينام وحضرتها نايمه عليه ...فكر ..يرميها من السرير ..ويخلي كل عظم بجسمها يتكسر ..بس تعوذ من ابليس ..وقف راح للجهه الثانيه وتمدد وهو يفكر بكره يروح يدور شقه مفروشه غير هالفندق خويه حجزه له..يقضي فيها هالشهر ...أخذه إجازه .الإجازه أبد مافي باله بس وده يختلي فيها ويربيها ...ويبرد قلبه شوي طالع جهتها وهو يتحلف فيها ..والله لا يخليها تندم انها خططت للزواج منه ....يحس بقرف بنومته معاها في مكان واحد ...حاول يقفل عيونه ..بينجن لو مانام يومين وراء بعض عيونه ماذاقت النوم .. تقلب وتقلب لما غفى .... @ @ @ @ الرياض • • لها حول ثلاث ساعات تنتظر ..متى يرجع يدق حضرته ...بدت تنعس ..وخايفه تروح ويرجع يدق ..ولو طنشته ودق وماردت بعد تقفيلة الوجهه ..اف بيولع فيها يوم يرجع .. فكرت تدق على شمسه وتسألها ..وش صار معاها ..الله يسامحك ي عواد فيك كل شيء حلو بس طلاقك لها ..بسبب كلمة تافهه قالتها ..وبعدها رجعت وخطبتها وقفت بنصيبها ... حسيت قلبي تقطع عليها يوم تذكرت كيف رجعت لنا مطلقه ..أول يوم بعرسها ..بس الحمدلله طلعت من اللي فيه.. بس يوم رجع حجر عليها ..رجعت تعبت ...على ان أهل البيت مايجيب سيرة طلاقها منه أبد حتى أبوي يوم جاء وقالها ترى عواد خطبس ماقال لها بيردتس لعصمته البيت كله .مسوي انه ناسي اللي سواه وانه بس خطيبها ويبيها وهي ماتبيه عشان بس ماتحس بنقص وتتضايق .... طالعت الجوهره الي طلعت من غرفتها وقفت ماتبيها ..تشوفها جالسه ..جنب التلفون وتشك بشيء ... الجوهره بخبث: يالله لو دريت انك هنا كان طلعت تونست معاك جالسة على هالجوال من الطفش اصايل ابتسمت مجامله :حسيت بطفش من الغرفة قلت انزل شوي الجوهرة بخبث وهي تطالع التلفون :يالله ي قدمكم أنتِ ومصعب مين بالله عاد يكلم بالتلفون الأرضي ترى فيه جوالات وهي ترفع جوالها الآيفون اصايل حسيت بقهر من كلامها وبعدين وش يدريها اني كنت أكلمه ..اكيد خدامتها قايله لها ...قلت بتصريفه :جوالي خربان وقالي مصعب بيأخذ لي بداله بس مثل ماانتي عارفه طول الوقت ردح ورزح معاتس ولعاد فضي يأخذلي غيره الجوهره ميلت فمها بسخريه وقالت: يعني بالله الحين مشاكله معي اشغلته مايأخذ لك اصايل قولي شيء يدخل العقل اصايل وقفت بقهر هذي وش تبي توصل له: تصحبي على خير الوقت تأخر وفيني النوم والله الجوهره وهي تأخذ الصحن من الخدامه : افااا وأنا حاسبه لك اجلسي وهذا بيخليك تصحصي وناولتها كوب الكافي اصايل خجلت منها ورجعت جلست ...أخذته من يدها ويدوب ارفعه بذوقه ..إلا اشوفه ..واقف بنص الصاله يطالعني حسيت بصدمه توه مكلمني.. يقولي بدبي ...طالعت الجوهره كانت ...تطالعني بابتسامه فيها خبث ..معقول تدري بجيته ...حطيت الكاس على الطاوله وقفت وأنا خايفه منه الحين وش يفكني يوم جاا وشافني جالسه مع عدوته الذوذه ...بس انصدمت يوم قرب مني وقف و قال : كيفك وهو يمد يده مديت يدي وأنا ارجف :هلا الحمدلله بخير وشلونك أنت مصعب طالع الجوهره ورجع طالعها وقال ببرود: يسرك حالي واعطاهم ظهره وطلع الدرج اصايل استغربت توقعت يفجر الدنيا بصراخه ويسوي مصايبه المعتاده ..بس يطلع كذا لا لا هذي غريبه وماقد سواها طالعت الجوهرة الي هي بعد شكلها مستغربه قلت بستفسار: تدري بجيته الجوهره ابتسمت بخبث: وش يدريني وروحي له قبل يرجع لنا ويقلب البيت بدوشته المعتاده ورفعت الكوب وأخذت منه رشفه وهي تطالعها ضحكت بصوت عالي مستفز : خايفه تطلعي له ماعليك شكله شارب شيء مهديه روحي امان اصايل حسيت بقهر من مسخرتها علي ..صدق شكله شارب شيء لاعب بحسبته لعب ...طلعت الدرج وانا متردده ..قربت من الغرفه وأنا اقوي نفسي على المواجهه والله ماهو خايفه منه ...اني قفلت بوجهه على خوفي منه لا يفصل علي عشان جلستي مع زوجة ابوه ...رفعت يدي وهويت على خدودي الي احسها مولعه من توتري وخوفي ..سميت بالله وفتحت الباب ..ماحصلته بالغرفه ..أكيد يأخذ شور جلست على الكنبه وعيني على باب الحمام الله يكرمكم ...متى يطلع يالله ..ي مصعب مواجهته قفلت عيوني ..يوم سمعت صوت ..الباب ينفتح طالعته بخوف شفته قدامي واقف وينشف شعره ابتسم لي ...فتحت فمي مصدومه ..يبتسم لي لا لا مبدلينه والله ماهو الي اعرفه .. مصعب وهو يرمي المنشفه عليها:وش ذي الفهاوه فيك وبعد هذا استقبال توقعت تفرحي بشوفتي وهو يقلد صوتها وينك مخليني لحالي ولا مفكر فيني تذكر إني زوجتك اصايل لا لا لا بموت والله وبعد يمزح ويسولف وهو شايفني جالسه معاها ومقفله بوجهه بعد قلت وأنا تحت تأثير الصدمه:فيك شيء مصعب بعتب : زعلان لأنك مافرحتي بجيتي وهذا وأنا غايب لي حول إسبوع اصايل فتحت عيني وأنا ماهو مصدقه بعد يعاتب قلت بسرعه : الحمدلله على السلامه بس ليه ماقلت لي انك قريب من هنا مصعب : ابيها مفأجاة لك بس طلعتي عديمة ذوق وقفلتي بوجهي والحين استقبال بارد اصايل بلعت ريقي وقلت : أنت استفزيتني سكت يوم قرب مني وجلس على نفس الكنبه وقال وهو يأشر على نفسه: أنا استفزيتك متى اصايل هزت رأسها بتوتر وبخجل من وجوده قالت وهي تفرك يدينها في بعض: مصعب لا تحاول تستغبي علي ترى واصله حدي منك مصعب ابتسم لها وقال: صح صادقه في ذي انا استفزيتك اجل أنا الي مفروض اعتذر منك وقف وفتح شنطته الصغيره وطلع بوكس قرب منها وقال بهمس : هذا اعتذاري لك وياليت تقبليه اصايل طالعت البوكس الي بيده رفعت راسها له وقالت وهي مصدومه:مبدلينك والله ليتك سافرت لدبي من زمان والله لو دريت انك بترجع كذا كان رسلتك أنا بعد مصعب ضحك : هههه افتحيه طيب وخلي كثرة هالحكي صايل فتحته وهي متوتره وماهي مصدقه الي هي فيه :انصدمت وهي تشوف جوال ايفون نفس جواله الي أخذه بس اللون يختلف ..طالعته وهي ماهي مصدقه جاب لها جوال مره وحده وهو الي حرمها منه ماقدرت تتكلم او تفتح فمها بكلمه تخاف تتكلم تخرب على عمرها ... مصعب بهمس : مافي مشكور اصايل وهي تطالع الجوال ماهي مصدقه ابد انها ترجع تمسكه بيدها طالعته وقالت: الي أنا فيه الحين حلم صح مصعب هز رأسه بلاااااااا وهمس لها: واقع ولازم نعيشه بكل لحظه حلوه ومد يده لها نجي ننسى الماضي ونعيش مرتاحين اصايل كنت ماهو مصدقه الي يصير واللي يقوله مستحيل ..هذا مصعب ..وبعد قلبي ماهو مرتاح له ..طالعته بتأكد من كلامه ...خايفه حيل منه .. قلت وأنا ناويه اختبره واتأكد من صدقه فعلاً ناوي يبدأ صفحة جديده معي من غير مشاكل ومن غير وجع رأس وصراخ وتهديد : غريبه ماعصبت يوم جيت وشفتني جالسة مع الجوهرة مصعب كشر بوجهه وقال :بكبر عقلي هالمره لأني لو دقققت بالي يصير بتروحي فيها وأنا مابي هالشيء لأني والله كل ماازعلك اتضايق اصايل حسيت برعب ..لايكون دري بروحتي وجالس يفلم علي ..والله خبيث ..واحسه يلعب علي جالس يبني اقوله أنا ..وافضل شيء اقوله ولا اجلس كذا على اعصابي بلعت ريقي وقلت بخوف :مصعب مصعب بهمس:امري اصايل حسيت بتردد مابي اضيع هالروقان هزيت رأسي وقلت :ليتك خبرتني بجيتك مصعب ابستم: لايكون ناويه تحتفلي تراك بعيده عن هالاجواء وشكلها بتكون حسره علي اصايل صغرت عيونها: ليه حكمت علي وأنت ماجربتني مصعب بسخريه : واضح اصايل وقفت وقالت بزعل: أجل خلينا الذوق والاحتفالات لك يالله ابدع ي ابو الرمانيسه الي مقطعتك مصعب بغرور: يحصلك أنت اني اتنازل واحتفل معك اصايل اكره هالنبره المغروره بصوته قلت بقهر: رجعنا وسكت وأنا اشوف ابتسامته المستفزه وقفت بقوم مصعب بسرعه مسكها وقال بضحكه : خفي علينا ي الزعول اصايل طالعته : لا تطمن مازعلت واليوم بذات مابي ازعل وهي ترفع الجوال بكلم أمي واهلي على راحتي مصعب :أكيد مشتاقه لهم وهم بعد مشتاقين لك مدري وش الحركة الي كنت مسويها أني أخذ جوالك منك غباء صح اصايل حسيت بتوتر من كلامه : ايه عارف أنت كم لي منهم مده الله يسامحك بس مصعب ميل فمه بسخريه:معك حق والله بس وش تقولين فكرت ان لو جلس معك الجوال بينكشف زواجي منك بلحظة تهور لو دقيتي على ابوي وبيخرب علي ملكتي من بنت عمي .. اصايل مدري ليه تضايقت يوم قال كذا معقول أنا اغار عليه يالله مابي هالشيء مصعب ماله أمان قلت بضيق : مالكم نصيب مع بعض مصعب بحقد :باقي ماانتهينا اصايل بديت أصدق الجوهرة انها فعلاً هي الي رفضته حسيت ضيقتي زادت كنت أتمنى رد غير ذا الرد منه عشان أفتح معاه صفحة جديده ..وأنا مرتاحه ..زفرت بقهر وأنا امد الجوال له : يالله علمني به هذا أبد ماعرف له كان جبت لي مثل جوالي الي كسرته آه كل ماتذكر احقد عليك مصعب عض شفته وقال :الحين ذا ماهو عاجبك وتبي مثل الكسره تبعك اصايل رفعت حاجب:لو سمحت لا تغلط والله بنظري احسن جوال بس آه الله يسامح الي حرمنا من بعض مصعب بسخريه:حرام حالتكم مره تقطع القلب اصايل ابتسمت .. وأنا احس بوناسه الليله غير مأخذه راحتي معاه في الكلام ..بدون صراخ بدون عصبيه بدون جوو الصمت والقلق الي بعض مرات يعيشني فيه .... | ||||||||
|
| |
|
24-01-18, 12:31 AM
| #274 | ||||||||
| مراقبة عامة ومشرفة منتدى الروايات المنقولة
| بخبث ابتسمت له: والله ان قلبك مشلوع عليها والدليل حجرت عليها ولا رضيت تتزوج وأنت أكثر وأحد عارف ان عمي مايرفض لو قلت تبي تتزوج وأنت خاطب بنته اقصد ترجع طليقتك بالاصح رفع الفنجان بتوتر :ليتس تسكتي بس الحب ماتستاهله ولاتفتكري باقي لها مكانه بقلبي وبعدين وش لتس بالله ليت حياة اعطتس شوي دايم بصف أخوها ماهو مثلتس واقفتن ضده قالت بقهر: ماغير حياة ضيعت حياتك معاها وزفرت بتعب من أخوها آه ي عواد ليه ماتبي تفهم اقسم بالله البيت كله مايذكرها باالطلاق وسمعت بنفسي عمتي واصايل يقولون لها خطيبك مايقولون لها طليقك دليل انها انوجعت حيل منك ومافي حد بيذكرها بااااللي صار وترجع تتعب وهي بعدشكلها ماتبي تتذكر اللي سويته فيها عواد بسخريه : مافي حد عارفها قدي لا تجلسي تجيبي كلام فاضي من عندتس عشان تبرري لها والكل ينوجع إلا شمسه ولا هي فارقه عندها ابتسام بقهر من تبلد أخوها : عواد والله انك تظلم شمسه يكفي طلاقك لها في أول ليلة لها معاك ورجعت خطبتها وحجرت عليها وقفت لكل أحد يخطبها بكل بجاحه ولا كأنك مسوي شيء بس تصدق الحجه ماهي عليك الحجه على عمي اللي مفروض مايخليك تملك عليها مره ثانية وجاي بقوة عين يقول لها تراه يبيتس وبيرجع يخطبس وأنا موافق واعطيته الكلمه قدام الرجاجيل وليتك بعدها قدرت لا طولت هالخطبه وخليتها سنوات ملطوعه كذا لا تحركت ولا شيء عمرك وعمرها راح بسبب عنادك عواد بغيض: ماشاءالله كنتي حاضره ولا هي قالت لتس وش قال لها عمي وبعد شاغله نفستس بحسبة اعمارنا الله المستعان عل الفضاوه الي أنتِ فيها ابتسام : اصايل الي قالت لي هي ماتجيب سيرتك قدامي أبد لا بخير ولا بشر وخلك من التمسخر الحين ويالله أبد معاها ونيتك زينه عليها عواد عض شفته بقهر : أنتِ أكثر وحده عارفه ايش سوت ولا تبيني اسمعها وهي تشكي على حياة وتقول ماتبيني و اللي سويته مايشفي غليلي والله بعده قلبي محروق ابتسام بسخريه: وأنت ماشاءالله تقوم تعجل باالزواج وترميها في أول لليلة يقال تنتقم وتخليها كذا في بيت أبوها وفي النهايه تتمسخر عليها قدامنا وتقول رجعتها لذمتي عشان القطار لا يفوتها وتعنس تصدق الكلام كلها وصلته أختك طبعاً وبقهر أنت قلته قدامها عشان عارف انها بتوصله لها صح وعارف لسان حياة وبعدك تقول قلبك محروق خاف ربك في هالبنت ولا تستغل قساوة عمي على بناته ومرض امها اللي كانت بتوقف بوجهك وبوجه عمي االظالم عواد وقف وقال بقهر:ابتسام لا تزوديها معي وخلاص انتِ ماتعجزي عن شغل المحاماة عنها ابتسام بقهر: ايوه هذا أنت يوم اقول الحق وانك غلطان يوم تسمع كلام حياة تزعل ومايعجبك عواد رفع يده وقال بعصبيه : ابتسام قلت لتس لا تزوديها معي تراه قافله ابتسام وقفت ومرت من عنده وقالت : كيفك سوي اللي تبي بس ترى نفسيتها تعبانه وبسبتك وبسبة عمي يوم رجع ورخصها لك عواد صرخ بعصبيه: ابتسام انقلعي عن وجهي ام عواد طلعت من غرفتها بمساعدة بنتها الكبيرة وهي مفزوعه: علامه صوتك عالي يمه عواد بسرعه قرب منها ومسكها وقال : مابه شيء يمه بس بنتس ابتسام كثيرة حكي حياة وهي تبعد الطاولة عشان امها تجلس : يبي لها تكسير رأس وشلون تتطول لسانها عليك عواد بعتب طالعها وطالع امه: حياة مين قالتس طولت لسانها علي ماصار إلا كل خير إلا أم عواد ماودها تروح المزرعه الجوو برا يرد الروح ام عواد بضيق: مابي اطلع مكان معاد الصحه مثل قبل وبنبرة حزن ليتني اشوفك مرتاح بس اخوانك كلهم زوجتهم وشفت عيالهم وأنت الكبير فيهم لا شفت لك ضنا ولا زوجة ماغير مطيح حظك وحظ بنت عمك بسبب شيء بينكم الله اعلم به بس والله اني اعتب على عمك ابو محمد اللي معطيك جوك ضيعك وضيع بنته معك عواد بضيق من هااالسالفه أمه ماهي مقصره فيه طول وقتها تسمعه نفس الكلام مسك يدها ورفعها وسلم عليها وقال : يمه كلها ايام وتجي لبيتي وان شاءالله تشوفي عيالي حياة بسخريه: عجوز قريح رافضه تجي إلا بعرس ماكفاها العرس اللي قبل صار ام عواد بحده: عيب عليتس تقولي تسذا عن بنت عمس وتبشر بالعرس والله عواد بسرعه قال: مين قال ان به عرس على قول حياة يكفي الي صار قبل بس أنا منتظر جناحي يكمل واجيبها البيت هذا اتفاقي مع عمي | ||||||||
|
| |
|
24-01-18, 12:32 AM
| #275 | ||||||||
| مراقبة عامة ومشرفة منتدى الروايات المنقولة
| جدة • • فتحت عينها وهي تذكر الي صار معاها ... جلست وهي تحس برأسها يعورها أكيد من كثر ماشده وبعد جسمها كله مكسر تكسير ..بس انصدمت وهي تشوفه نايم جنبها حطت يدها على فمها وهي تمنع صوت شهقتها العاليه..كيف نام وماحست عليه ...يالله لهالدرجة نومها ثقيل ..وقفت بسرعه ..وراحت للحمام ...طالعت وجهها كان فيه علامة حمراء عند طرف خدها عضت شفتها بقهر ...شوها ..غسلت وجهااا وتوضت وطلعت صلت الفجر ..والظهر ..والعصر وجلست ..على الكنبه ..وهي تصيح بدون صوت ..حياتها كلها تلخبطت ..لاصلاة بوقتها ولا أكل تحصله ومن غير الخوف ساد نفسها..بس تحس نفسها هزيله وجسمها محتاج شيء تأكله ولا تشربه ..مشت لناحة الثلاجه الصغيره اللي بالزاويه حصلت فيها عصير ومويه ..أخذب عصير ورجعت مكانها .. ..ماتدري وش تسوي ..كل ماتذكر الي صار معاها ..ترجع تنهار ..ماخلت دعوه عليه إلا دعتها ..طالعت جواله على الطاوله ..بس انقهرت يوم تذكرت انه ينفتح بصمه..فزت بخوف يوم قال بصوته الثقيل:جهزي عمرش بنطلع من هنا ومره من عندها ودخل الحمام حسيت بفرحه برجع لأمي أكيد ..وقفت وأخذت فستاني المرمي بالزوايه اخذت كيس الملابس الي جابه لي امس بس أبد ماكفى ولا جاا حتى ربعه ..دورت بعيوني لشيء احطه فيه ..شفت شنطة ياسر مرميه جنب الدولاب قربت منها وفتحتها شفت ملابسه .. مديت يدي وطلعتها كلها..وفضيت مكان للفستان.. وأخذته وحطيته وحاولت اشده.. ورجعت ارتب اغراضه وملابسه وبعدها قفلت الشنطه ..بس رفضت تتقفل ..حاولت وحاولت رفضت ..اخر أمل عندي اني ارمي نفسي عليها وفعلاً رميت نفسي بكل قوه ...وجابت نتيجة ابتسمت بنتصار ..بس تجمدت بمكاني من صرخته : وش تسوين ي مهبوله طالعته بخوف وقلت وأنا فوق الشنطه : رفضت تتقفل ياسر عقد حواجبه:وش لش بشنطتي شدن بخوف وتوتر وبتلكك :ع ش ان فستاني ياسر قرب منها وهو يأشر على الشنطه بصدمه :فستانك الوسخ مع ملابسي النظيفه شدن بلعت ريقها :لا ماهو وسخ ياسر كشر بقرف :ماهو وسخ وهو جلس عليك يومين الله ياخذش على عيشة القرف الي عايشه فيها وقرب من الشنطه ورفعها بسرعه على السرير وفتحها وطلع فستانها ورماه على الأرض ودعس عليه بوقاحه وتحقير وقال وهو يطالعها بحقد : ودي انش مكانه والله وداسه بقهر واسوي بش مثله شدن طالعت فستانها وشلون يدوسه حست بغصه ذبحتها ...ابتعدت عنه وأخذت العبايه ...ولبستها وهي تطالع الفتسان ليتها سمعت كلام امها واخذته ايجار ..ولا صممت انها تشتريه ..كانت خلته هنا ولا أخذته معاها وتخيله يدفع قيمته دبل لو دق صاحب المحل ..نزلت نفسها وحملته بيدها وجلست تطالعه وهو يصلي الفروض اللي فاتته بس انصدمت بعد ماكمل صلاته أخذه جواله وقرب منها ومد لها وقال : تبي تكلمي عمتي نوفه شدن فزت بفرحه : اي والله بكلمها ياسر ميل فمه وهو يقلب الجوال بيده : امم بشروطي تقدري تكلميها شدن عقدت حواجبها مستغربه: وشلون ياسرقال بتهديد : كلميها بس ياويلش لو فتحتي فمش بكلمه عن الي يصير بينا شوفيني حذرتش ي شدن والله هالمره ماارحمش لو تقولي غير الكلام الي بقوله لش الحين طالعته بخوف :طيب ماراح اقول لها شيء بس تكفى خلني اكلمها ياسر قال بتحذير :ياويلش تغلطي بشيء ودق رقمها وهو يطالعها بتحذير أول ماسمع صوتها ناولها الجوال وقال بهمس :مثل ماقلت لش شدن وهي تسمع صوت نوفه قالت والغصه ذبحتها : يمه طالعته واقف جنبها ويهددها بعيونه نوفه بفرحه : عيون امش يجعلني افداش اعطيني علومش ان شاءالله تسر شدن صاحت ماقدرت تتكلم نوفه بقلق: يمه شدن علامش يمه ياسر مسوي شيء تكلمي يمه لا تخلعي قلبي تراه منطوف حده عليش شدن طالعت ياسر بخوف شافت التهديد بعيونه بلعت ريقها وقالت :لا لا بس فاقدتش ودي ارجع لش نوفه وقلبها ماهو مرتاح: يمه فديتش مدام ياسر وده يعيش معش مثل ماقالي خلاص انسي الاتفاق الي كان بينا وعيشي حياتش مع رجلش وياسر وعدني لاتخافي يمه شدن فتحت عينها بصدمه من كلام امها متى كلمها وكذب عليها ..وبعد وشلون امي تصدقه كذا وتبيني بعد انسى جيت بكذبه وبقول اللي صار كله وماعلي منه .. بس شفته يأشر على رقبته ..يمه مجرم ولا له صله باالإنسانيه..يالله بصبر وكلها ساعات ان شاءالله ..اكون عندها واقول لها كل شيء قفلت من عندي امي وناولته الجوال ياسر بخبث يطالعها: برافوو عليش كذا تمام وزفر براحه يالله الحين ارتاح من زن عمتي مدام كلمتش وتطمنت على حبيبة قلبها شدن طنشته ونزلت نفسي للارض وأخذت الفستان على يدي ياسر بقهر طالعها ورجع طالع الفستان وهي شايلته .. حمل شنطته وقرب منها واخذ الفستان منها بقوه ورماه عند رجوله ومره من فوقه وهو معصب: قدامي قبل اكفنش به شدن طالعت الفتسان بصدمه وشلون تخيله والله امها بتهاوشها حرام دافعه فيه مبلغ وقدره .. .. يالله وشلون تخليه كذا قالت بقهر: وشلون اخليه بس سكتت يوم صرخ عليها عشان تمشي قدامه ... طلعت وقلبها محروق ..عليه .. يالله كل شيء يهون اهم شيء ترجع لأمها.. وبتقول لها كل شيء صار لها وبتقول لها بعد انه رفض يأخذ الفتسان الي أخذته لها ...ركبت الاصنصير وهي خايفه منه وخايفه بعد من الي راكبه معاه جلست تستغفر وهي تحسب قلبها .. بيوقف زفرت براحه أول مافتح الاصنصير آه اخيراً .. طالعت ياسر يوم.. ناولني الريموت وقال بهمس : اطلعي للسياره وأنا بروح للاستقبال اخذته منه وطلعت للسياره مثل ماقالي وأنا احس بحرارة الجوو ..تذبح بالحيل حر ورطوبه يالله ي زين جوك ي الجنوب ...اللهم لك الحمد على نعمة الجو الي حنا فيه...جلست انتظره بالسياره ...حسيت بطفش افف طول بالحيل وش يسوي ذا ..آه اشك انه يماطل بطلوعه ...عشان يبيني افطس من ذا الحر ...أخذت فاين ودخلته تحت النقاب وأنا امسح العرق من وجهي يالله احس وجهي ..ولع نار .طالعت ناحية الفندق وأنا كاره عمري..فرحت من قلبي يوم شفته طالع وهو حامل الشنطه بيده وحاط يده على جبهته شكله الشمس وجعته بعيونه وهو بعد خلقه مايشوف ..يستاهل العمى بعد ماهو بس ضعف نظر ...استغفرت ربي ..دايم أمي تهاوشني يوم اتريق بالمرض حرام ..بس والله قلبي محروق منه أمس ضاربني ..واليوم داس فستاني قدامي ومااحترمني ولا احترم مشاعري قاسي ومتخلف ..طالعت الدريشه يوم ركب مابي اشوفه شغل السياره وفتح التكيف على طول ..وهو متضايق من حرارة الجووو ...ليت ربي يذوقك بعد حرارة جهنم على الي سويته فيني....احس بحقد عليه وفيني قهرر منه ...جلست اتابع الطريق هالمره مافي لوحه بتفوتني بعرف وين المخارج بالضبط الي توصلني لديرتي فديتها ...بس انصدمت يوم وقف جنب عماره مكتوب عليها شقق مفروشه طالعته وقلت بسرعه قبل ينزل: لا تقول ماراح نرجع ابها ضحك بسخريه :ابها بعيده عنش شدن بصدمه: اشلون ياسر بحقد: والله لا اذوقش القهر والحسره واخليش تعرفين وشلون العب معي ونزل وهو يسمع صياحها ضحك بتشفي بعدش ي شدن ماشفتي شيء شدن كنت اصيح منهاره ...قلت يالله الفرج جاء وبيردني لأمي ..اتاريه بس بيغير الفندق ..ايه البخيل ماهو قادر يدفع زياده قال اخذ شقه ارخص ..حسبي الله عليه ..يالله وشلون اجلس كذا له وهو يعذبني ..طالعت الشارع وأنا افكر بفكره فيه تهور ودي انزل واشرد عنه ...وبحصل الناس الي فيهم خير يوصلوني لأمي ..ايه مره صديقتي تقول ضاعت وفيه اسره فيهم خير رجعوها لأهلها ..بسرعه فتحت الباب وبتهور نزلت .... • • كتتتتت & نونـــي بنت الجنوب & • • استودعتكم الله الذي لا تضيع ودائعه " سبحان الله وبحمده سبحان الله العظيم" "الوتر احبتي " (الله يرحمك يامن وجعني فرقاك ) | ||||||||
|
| |
|
24-01-18, 12:33 AM
| #276 | ||||||||
| مراقبة عامة ومشرفة منتدى الروايات المنقولة
| البارت ونزل ي حلوين وطويل بالحيل وان شاءالله يكون مرضي للجميع ولا تحرموني تعليقاتكم الحلوه مثلكم دمتم في سعاده يارب & نوني بنت الجنوب & | ||||||||
|
| |
|
24-01-18, 08:56 PM
| #278 | ||||
| نجم روايتي 
| ياسر ده مفترى والقوى عليه ربنا 😒 هو لا يتقبل شدن نهائيا واجبر على الزواج منها ولكن ذلك لا يبرر له أن يعاملها بهذه الطريقة ويقسوا عليها ويضربها ليست رجوله ده ضعف ومن حقها تثور لما وجدته يرى صور عفاف اللى باعته من أجل قطعة أرض احزننى حركة الفستان وكسرت نفسها الكل يعاملها كأنها لا تحس هى صغيره ويتيمه ونوفه يمكن دللتها ولكن لا تؤذى احد ولكن نوفة أخطأت لما تركته يأخذها وصدقت أنه يريدها معه لم يكن هذا الاتفاق وهى ايضا لم تشرح لها ما هو الزواج وحقوق الزوج وكيف تعامل زوجها تضحك على نفسها من أجل أن تبقى معها وتطمئن عليها وهى سلمتها لمن لا يرحم هل سستتغير فى يوم ما معاملة ياسر لشدن ويراها بصوره مختلفه ام صعب يحدث وهل ستهرب ام لا أما الشموخ فتخطط للطلاق من الآن وعناد مفكر انها تغيرت لماذا لا تعطيه فرصه لتتعرف عليه الغرور متمكن منها ومصعب يا ريت لا يضيع اصايل من يده وحالتهم تستقر والجوهره غير سويه بالمره احسنتى عزيزتى 👏 اسلوبك ممتع بالكتابه 😍😍 | ||||
|
| |
|
24-01-18, 11:21 PM
| #279 | ||||
 
|  السلام عليكم أخلاق شدن وسلوكياتها طبيعيه لفتاه فعمرها والدتها كبيره في السن عطتها كثير من الدلع حبها لها جعلها ترى كل ما تفعله شدن صحيح أكيد سيده فعمرها حرمت من الاطفال وتجيها طفله اكيد بتدلعها وتتغاضى عن اخطائها وتحبها حب يفسدها حب أمها اعتقد هو الي أفسد شدن شدن صغيره تحتاج من يأخذ بيدها ويساعدها لتغيير بعض سلوكياتها شدن فرحت بالزواج لانها اعتبرت الزواج فستان وكوشه وحفله رقص وغناء ولم تعلمها امها ان الزواج مسؤوليه وأمها أنانيه ظلمتها بالزواج من ياسر فقط لتضمن بقاء شدن معهاوهي تعلم بحبه لزوجته عفاف وياسر ظلم شدن بتعامله معها يفترض ان يقدر انها صغيره في السن ويتيمه تحتاج من يقف معها نوفه وياسر لم ينصفو شدن وما فعله ياسر قلة رجوله منه عندما تبلي علي شدن المفروض يستحملها ويقوم سلوكها لان هو المخطئ وهو من خلق هذه المشكله من الاساس وحياته خربانه عند عفاف من أول شدن مالها ذنب في فشله فزواجه منها | ||||
|
| |
|
25-01-18, 05:02 PM
| #280 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| مساء الخير .. شو هالقسوة من ياسر .. و القادم أعظم يا شدن .. مو متقبل تصرفاتها الطائشة .. و مصر يرد لها الصاع صاعين .. وبيعيشها الشي اللي هربت منه لو أخدها عمها .. صغيرة شدن عن تحمل هالحياة القاسية اللي بيتوعد فيها ياسر .. ورغم أن عفاف اللي سوته فيه مو قليل .. وهي اللي اختارت عايلتها عليه و أهانته قدام الرجال .. لكنه تجاهل كل ذلك ونساه .. ومستعد يتنازل عن كل شيء حتى ترجع له .. يعني ل هالدرجة اعماه حبه لها .. حتى ما يهتم لجرح كرامته .. أما شدن فما في شي يشفع لها عنده .. ويحملها مسؤولية اللي صار له وعفاف .. رغم أن الأمور بينهم خربانة من البداية .. وعفاف هي اللي باعته وانهت اللي بينهم .. مشكلة ياسر أنه عصبي بزيادة .. وما يحكم عقله في حل حتى أبسط الأمور .. وشفناه كيف تعامل مع والد عفاف تلك المرة .. ووكمان في تعامله مع خواته على طول يلجأ للضرب .. يا ترى بتقدر تهرب منه ..؟ مصعب ما كنت مطمنة لهدوءه .. قلت هو الهدوء اللي يسبق العاصفة .. ومو مصعب اللي يفوت لها .. شي مثل هذا وهو يشوفها .. جالسة مع عدوته اللذوذ .. الجوهرة اللي كم مرة حذرها وهددها تجتمع فيها .. لا لا لا سكوته وراه شي .. xننتظر ونشوف نهاية هذا الهدوء ..؟! فرحان يا عناد .. هي تخطط لتفك منه .. وهو مبسوط وبكلمتين منها .. نسى أنها مو طايقته ورافضته .. بنشوف شو بيصير بعد .. ! بانتظار القادم .. موفقة بإذن الله .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ ؛؛؛؛؛؛؛؛؛؛؛؛؛؛ .. | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
