28-01-18, 05:23 PM
| #282 | ||||||||
| مراقبة عامة ومشرفة منتدى الروايات المنقولة  
|  صباح الفل ي احلى متابعين وشلونكم مع البرد ههههه حنا جونا غيوم ورذاذ يرد الروح اللهم لك الحمد ي حبايب قلب نوني انتظروني الليله مع المقتطفات وبكره البارت بإذن الله وبعد وش رأيكم فيني وأنا ماتأخرت عليكم هالمره باااالبارت << وحده تحب المديح لا اوصيكم ههههه | ||||||||
|  |
|
28-01-18, 07:07 PM
| #283 | |||||
| نجم روايتي 
| اقتباس:
| |||||
|
| |
|
29-01-18, 12:32 AM
| #284 | |||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| اقتباس:
مساء النور والسرور .. بانتظارك نوني .. ماشاء الله عليك .. الله يوفقك وييسر أمورك .. ؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛ .. | |||||
|
| |
|
29-01-18, 03:14 AM
| #285 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته وهذي مقتطفات البارت { 20 } وهالمره ماراح اوصيكم بالشطحات ماشاءالله عليكم ماتقصرون بدون توصيه ههههههه • • فتحت عيني بصدمه : وشلون تبيني أفكر وأنا اشوفك ميت عليها حرام عليك • • صرخت وهي مصدومه: مجنونه والله • • رجعت تركض للبيت وهي تصرخ بصوتها كله :. طردته يبه طردته • • بستفزاز: وش مسوي الزفت مخلي أمه كذا معصبه • • حسيت بقهر صديت بوجهي وأنا ودي اقلب الطاولة عليه • • وقف سيارته وقال بصوته الحاد : روحي من الجهه الثانيه ماتشوفي كيف السيارات @ @ يالله حبوبات ابدعوا وترى ماكثرت لكم عشان ودي هالمره حد يجيبها واشوف اسمه ينور البارت وانتظروني الليله بإذن الله ينزل البارت كامل ومن الحين أقولكم طويل بالحيل | ||||||||
|
| |
|
30-01-18, 12:54 AM
| #286 | ||||||||
| مراقبة عامة ومشرفة منتدى الروايات المنقولة
| اللهم إني أستغفرك وأتوب اليك سبحان اللهم إني كنت من الظالمين • • اللهم صل وسلم على نبيا محمد "صلوو عليه" • • البارت باسم الحلوه " ورده معطره " • • (19 ) • ركضت وهي تتلفت لورا.. خايفه يطلع ..ويلحقها معاد فيها تركض يالله ..وقفت وانحنت شوي وهي تلهف بقوه ..خلاص تحس نفسها ..انقطع .. بس احسن شي تطمنت شوي انها بعدت عن مكانه .. ..مشت جنب السوبر وهي خايفه .. رفعت رأسها وشافت اسم السوبر .. فكرت ترجع وقفت محتاره ..يوم حست بظلمة المكان ..وقف قلبها يوم شافت ..شلة شباب جاين يمشون وهم ..يضحكون بصوت عالي بغى يغمى عليها ..من الخوف رجعت تركض بترجع هالمره بدون تردد لياسر ..بس حست باللي يركض وراها صرخت بصوتها كله ..بس انصدمت يوم وقف بوجهاا ..وقال بحقاره : وين وين ي حلوو صرخت وهي مفزوعه وتحاول تركض : ابعد عني بسرعه ركض وراها وهو يصرخ بصوته كله ينادي صاحبه : نبيل بسرعه تعال بسرعه امسك معي الغزال الشارد هادا شدن كنت اركض بكل قوه .. بس وين معاد قدرت يوم سحب عباتي على طول طحت بالأرض وأنا اصرخ وماسكه بغطاي وشاده عليه..حسيت روحي بتطلع بين يدينهم صرخت وصرخت حتى نفسي انقطع ...حسيت بقوتي كلها تنهار .. مابي اروح ضيحه لهم ..آه أنا سبب نفسي دعيت.. الله يسخر لي ياسر ولا اي أحد فيه خير حاولت اقوي نفسي وارجع أقوم بس طار عقلي .. يوم نزل وجلس على ركبه قدامي وقال وهو تعبان : ي بنت وش دي السرعه الي عليك وطالع خويه انقلع جيب السياره بدل وقفتك كدا البنت دي أبد ماهي سهله طالع شكلها وقال وهو يرفع اصبعه الصغير كدا منك وكده عنيفه شدن يوم قال كذا خلاص عرفت مصيري استغلت كلامه مع خويه ورجعت وقفت بسرعه ..بس ماقدرت على طول مسكني طحت على الأرض وأنا اصرخ بكل صوتي .. اعطاني كف على وجهي وهو يكتم نفسي ... حاولت اصرخ ماقدرت يالله هالشارع لهالدرجة فاضي ..حسيت بيغمي علي ..لا لا شدن قوي نفسش ولا بيضيعونش تخيلت أمي نوفه لو درت بتموت حاولت ادفه واضربه برجولي والحمدلله قدرت ارخي يده عن شوي ورجعت اصرخ .. وأنا اشوف واحد جاي من بعيد ... نزل الي بيده وجاهم يركض : فكها ي كلب فكها وهو يضربه بالعصا.. الي معاه على ظهره بقوه شدن حسيت روحي ردت لي وأنا اشوف الشايب الي طلع مدري من فين ..بسرعه استغليت ضربه له وقفت . وراه وانا اصيح منهاره تكفى احميني منهم تكفى ..ي عم وكنت بعد خايفه عليه لانه كبير بالسن لا يضربونه ويرجعون يأخذوني معاهم ...بس شوي روحي ردت لي يوم شفتهم يركضون وهم يسبوون فيه ..ويتحلفون انه بيرجعون له قلت بخوف وتوتر : تكفى ي عم خذني معاك قبل يرجعون طالعها وهو معصب: ايش مطلعك هادا الوقت من بيتكم ولا خلاص مافي لعاد حيا ولا تربيه وهيا شوفي ايش صار معاكي شدن معاه حق بكل كلمه يقولها والله قلت وأنا اصيح : أنا هاربه من زوجي ماهو من عند أهلي الشايب بصدمه: من زوجك كيف شدن وأنا اصيح واتلفت وراه خايفه يلحق على ياسر لأن المكان ماهو بعيد اللي نزل يحجز فيه شقه : تكفى امش خايفه منه يلحقني و يضربني والحين ابيك توديني لامي بس الله يخليك ي عم الله يخليك لا تخليني هنا لحالي ولا ترجعني لزوجي الشايب بحيره : طيب وين امك دي عشان اوديك لها دحين شدن هزت راسها : أمي ماهو هنا أمي في ابها ابيك تسفرني لها وأمي راح تعطيك حق مشوارك وتعبك وبعد انا بعطيك الله يخليك لاتخليني وبسرعه رفعت كم عبايتها وفكت الأسواره الذهب اللي بيدها خذ هذي بس خذني معاك الشايب بحزن عليها وهو يطالع اللي ناولته بيدها : ي بنتي مابي منك شيء ابي اردك لها بس وامشي دحين معي وربك يحلها ان شاءالله من عنده شدن مشيت معاه ..بس وقفت بنص الطريق وقلت : زوجه و بنات ولا ساكن لحالك الشايب ابتسم : ايوه تطمني البيت كله بنات عدي واغلطي الي قدامك ماخلف إلا بنات اللهم لك الحمد شدن تنفست براحه ..اللهم لك الحمد يارب يالله للحين ماهو مصدقه اني انفكيت من الشله الفاسده ولا بعد انفكيت من يويسر وحطيت بيد هالشايب الطيب ... • • طلع وماحصلها بالسياره .. انصدم ..وين راحت ذي ركض مثل المجنون يدورها ماحصلها .رجع ركب سيارته وهو معصب وحالته ..حاله جلس يتهدد ويتحلف فيها ... لوحطت بيده بيدبحها عينه على الشارع يدورها ..ماحصلها مايتوقع لو واحد بالميه انها تغامر وتسويها .. تذكر تهديدها له يوم ضربها انها بتشرد عنه ماتوقع انها راح تنفذ الي قالته هين بس تطيح بيده ..مشى شوي وشاف شباب يركضون ..قلبه نغزه ..لا يكون تعرضوا لها وصار فيها شيء ..تلفت يمين ويسار ..ماحصلها وقف السياره ونزل وهو يدورها بين الامكان الضيقه ..بعد مالها أثر حط يده على رأسه ..من هذي المصيبه اللي أبد ماهي على البال أنا تسوي فيني كذا ي بنت****** هين خليش بس توقعي بيدي ..تذكر عمته وأبوه وش يقول لهم ..أفضل شيء يبلغ الشرطه ...ويشوف ايش يحصل ولو فقد الأمل مره بيقول لأبوه ويشوف وش الدبره ..اما عمته يتوقع تفضي عليها الرشاش وبعد قلبها مابرد وبتتهمه بضياع بنتها آه من بنتها ..حس بقهر وبغبنه من الي هو فيه ..رفع رأسه وقال بغصه تذبح : يارب الطف فيني ودلني على مكانها ولا تفضحني ..رجع السياره وهو يمشي على مهل يدورها مالها أثر أبد ... @ @ @ دخلت معاه البيت القديم ..او بالأصح ينقال عنه خرابه.. أبد ماتوقعت بجدة بيوت كذا ..تكون شافت قدامها حرمه كبيره شوي بالسن ..وضخمه حيل ..وبشرتها مايله للسواد أكثر ..طالعت الشايب شكل العائله كلهم كذا لون بشرتهم .. حست بخوف يوم قربت منهم وقالت وهي معصبه: حسن وبعدين معاك الشايب بحده: فارقي عن رجهي دحين ودخليها عند البنات صرخت بصوتها كله : لايكون بعد جايب الثلاثه على رأسي فاضله وينك تعالي شوفي الي اشوفه الرجال كبر وخرف الشايب بعصبيه: اقصري صوتك دا قبل اكتمك والبنت اقولك دخليها عند البنات حتى اقولك وش قصتها شدن كنت خايفه حدي احس نفسي ورطت حالي أكثر ..طالعت اللي طلعت وهي مشمره الاكمام وبيدها سطل مويه ..وتطالعنا مصدومه .. بلعت ريقي بخوف وتوتر ..ابتعدت يوم حسيتهم يطالعوني كلهم ودي ارجع المكان اللي هربت منه وكاد احصل ياسر ..على خوفي منه .. بس والله يعتبر رحمه مع هذولا الثنتين قدامي شكلهم شرير ماهو مثل الشايب الطيب الشايب طالع شدن وقال: روحي الغرفه بسرعه وأنا اشحن جوالي واخليك تكلمي أمك ونتفق كيف توصل لك قلت بخوف : اللحين كلمها الشايب بحده : دحين ماعندي رصيد ي بنتي افهمي عاد ويالله روحي الغرفه خليني اتفاهم مع هدولا المهبل شدن يوم قال كذا قلبي وقف من الخوف يعني ايش بيصير ..مشيت وأنا اسمع اصواتهم احدت واللي بعد زاد الخوف عندي يوم قال الشايب(والله لو أخوك السكران تعرض لها اذبحه ) فاهمه ي فضيله لا لا بعد فيه سكران بذا البيت ..آه وش اللي سويته بعمري يالله يمه ..ودي اوصل لش أول مادخلت الغرفة اللي اشر عليها ..شفت قدامي ثنتين بنات صغار مره ..بالمهد ..وثلاث بنات ثانين كانت اعمارهم حول الخمس والست سنوات نايمين بعد .. يعبترون كلهم صغار بالسن .... جلست بالفرشه الأخيره وأنا عيني على الباب ..يالله اصواتهم عاليه مره مدري وش بينهم ..يالله انك تلطف فيني .. ودي اطلع من ذا البيت ..وادل طريقي لياسر .. ايه عارفه مكان الشقه ..ماهو بعيد عن هنا لا لا شدن أنتِ غامرتي وسويتي كل ذا عشان تنفكي منه اصبري والشايب فيه خير بيوصلش لأمش أكيد التعديل الأخير تم بواسطة فيتامين سي ; 09-02-18 الساعة 06:38 AM | ||||||||
|
| |
|
30-01-18, 12:55 AM
| #287 | ||||||||
| مراقبة عامة ومشرفة منتدى الروايات المنقولة
| طلع الصبح عليه وهو ..باقي يدورها .. فقد الأمل يحصلها ويحس بتعب وبعد خايف لو اختطفت ماشردت مثل مايظن ..خلاص رأسه بينفجر راح وسوى بلاغ ..الاسم والشارع الي كانت فيه ... رجع الشقه اللي أخذها ..عنده أمل ترجع المكان اللي هربت منه... رأسه داخ من كثر اللف ... والتفكير خايف خايف حده عليها ..لا يصير فيها شيء من الي في باله ..حط يده على عيونه اللي تحرقه ..يحس عنده بداية سخونه ..دور بدرج السياره حبوب ماحصل ..مشى وهو يدور صدليه قريبه لازم يشرب دواء ولا بتزيد عليه ويدري بمرضه يهده هد أبد ماهو وقته لازم يشد نفسه عشان المصيبه الي وقع فيها @ @ @ @ الديرة مدت الملعقه لأمها وهي تهمس : يمه حبييبتي عشاني بس هالملقه وبغصه يمه دواتس قوي لازم قبله شيء نزلت المعلقه يوم رفضت تفتح فمها وهي تطالعها بحزن ..حالتها تدهورت .. بزيادة وأبوها أبد مايهتم فيها ..طالعت جوالها اللي يهتز مقفله.. النغمه عشان امها ماتنزعج .. بسرعه أخذته .. وجلست على الكنبه اللي نهاية الغرفة وردت وهي تهمس: هلا والله : ي عمرري الي ترحب فيني بقولتس اليوم ريم مسويه عزيمه وتقول تدق عليتس ماتردي شمسه : قولي لها معليش والله كنت أفطر أمي عضت شفتها منحرجه وهي تسمع ريم تقول: لا لا ناس تردي عليهم وناس لا ليه ي كافي وش مسويه فيتس ي العنز زعلانه منتس بالحيل ترى ضحكت بصوت عالي : ي الخبله مادرت عنتس وعن زعلتس بعد ماقلتي لها عنز شمسه بقهر: اف ي الفتانه بدل ماتزيني العلاقه بينا اعطيني الريم وحلال عليها تقول اللي تبي ريم أخذت الجوال وقالت بعتب: خلاص قلت لتس زعلانه مابي اكلمتس شمسه ابتسمت : ي عمري اللي زعلانه والله كنت مشغوله مع أمي يعلم الله ريم بحزن: انشديني عنها عساها احسن يارب شمسه طالعت أمها بحزن: ان شاءالله الله كريم ريم : بقولتس ي عمري الليله عندي عزيمه لشيخ عواد طيب لا تنسي شمسه يوم قالت أسم عواد قلبها عورها طالعت أمها وقالت : والله ماقدر اعذريني عشان ريم بسرعه قاطعتها : لالا كلمت خالتي ام سميره قالت بتجلس عندها وأنتِ تجي بدالها لا تحاولي ترى ضبطتس من كل النواحي وعشان ما تدوري عذر والباب بالباب ترى يعني يمديتس تروحي تطمني وترجعي اي وقت وكملت بتهديد ولا بزعل منتس حرام عليتس ابيتس تفرحي معي وتشاركيني هالفرحه ي شيخه صرت أم بعد عشر سنوات شمسه معاد عرفت تتكلم مدام خالتها بتجلس عند امها وبعدين خجلانه تردها ابتسمت وقالت : الله ينولتس بره يارب وتشوفي فيه اعلى المراتب ان شاءالله جايه لعيون عواد ريم ابتسمت بخبث: قصدتس عواد ولدي ولا عواد أخوي شمسه قاطعتها بقهر: ريم ريم ضحكت : امزح معتس يمه اكلتيني @ @ @ @ الجنوب قالت بعيض : ولدك كنه فرحانه بذأ العرس الخايب اشوفه لا يدق ولا يسأل ابو ياسر وهو ينفض يده من الأكل :الله يسعده ام ياسر بقهر: مصدقين ذي البزر تقدر تسعده ابو ياسر : تراي أخذتش وأنتِ بزر لاتنسي ام ياسر بعصبيه : تقارن عقلي بعقلها ذي المهفه ابو ياسر وقف : أنتِ ماوراش إلا المشاكل وأنا وراي سفره لطائف فيها دراهم ام ياسر بقهر: وين الي وعد ياسر انه معاد يسافر برا ابها ابو ياسر : ولدش ماوراه إلا الخساير تبيني اخلي المبلغ الزين اللي عرضه علي واسمع كلام ولدش ام ياسر : كيفك عاد المهم بقولك ترى أختي كلمتني تبي نور لولدها منيف وقلت لها بكلم ابوها وارد لكم خبر عشان تيجيون وتخطبونها رسمي ابو ياسر بصدمه :ولد اختش خريج السجون يأخذ بنتي نور ام ياسر بقهر : حدك عاد تراه غلط وخلاص الحمدلله تاب وخذ جزاه والحمدلله ربي هداه والشباب كلهم عليهم هفات الله يهديهم وبس ابو ياسر بحده: قولي لأختش تنهي ذي السالفه قبل تبدأ ولا بزعلش أنت وأختش عاد منيف لنور معاد إلا هي ام ياسر بدون مبالاة رفعت يدها وقالت: روح زين بس الحق على زبونك لا يأخذه ابو سعيد عنك وصاحت بصوتها كله: حور بسرعه جيبي عباتي بروح لأختي عازمتني على الغداء وهي تطالعه عشان تقهره @ @ @ جدة • • فزت على صوت الباب ..يالله وشلون قدرت عينها تغفي شافت ..الحرمة الثانيه الي كانت مشمره الاكمام ..واقفه قدام الباب وتطالعني بدون ماتكلم ..وقفت بخوف وقلت بتوتر: بروح الحمام بتوضى واصلي ممكن قالت بقهر: تعالي الطريق فاضي قدامك وسكت شوي وهي تطالعها بحده : قبلها قولي لي وش قصتك مع زوجي هزت رأسها بخوف ماقدرت تتكلم ولا تقول شيء أشرت لها تتحرك بيدها : يالله روحي الحمام وبعدها ارجعي الغرفة ولا تطلعي فاهمه وبعرف قصتك معاه هزيت رأسي بدون ماااتكلم ... مشيت معاها ودخلت الحمام الله يعزكم وبسرعه غسلت وجهي وتوضيت ..وطلعت قلت بتوتر يوم شفتها واقفه تنتظرني قدام باب الحمام ..القبله وين ..اشرت لي بيدها الحقها الغرفه بدون ماتتكلم ..لحقتها وبعد نفس الحكايه اشرت مكان القبله بدون صوت ... وطلعت وقفلت الباب بقوه..دورت بعيوني للبنات اللي كان موجودت ماحصلتهن أبد ...صليت الفجر والظهر وجلست مكاني ..انتظر متى الشايب يجيب جواله وأكلم أمي..مثل ماوعدني ..خايفه اطلع ادوره ولا أسال عنه اطيح بيد الحرمتين أبد شكلهم مايطمن وبعد خايفه من السكران الي قاله الشايب فزيت من مكاني وأنا اشوفها راجعه لي ..وبيدها كوب عصير ..أخذته منها بخوف ..وفي نفس الوقت فرحت فيه لأني عطشانه حدي ... @ @ @ @ فتح عينه ..مفزوع من دقة الدريشه تعدل بجسلته وفتحها وهويحس رأسه ثقيل ورقبته بعد توجعه وجسمه كله مكسر وتعبان قال بقلق: فيك شيء ي الأخوو تلفت يمين ويسار بعيونه ..تذكر اللي صار معاه ..قال بتعب : لا لا بس أخذت مسكن وغفيت رجع قفل الدريشه وهو مقهور طالع ساعته نقد على نفسه ..وشلون قدر ينام هالساعه وهو مايدري عنها شيء .. والله غصب عنه عينه قفلت ..وهو ينتظرها بالسياره قدام العماره الي استأجر فيها الشقه ويوم أخذ البندول ومن قوة السخونه اللي عنده خلته ينام بدون مايحس تعدل بجلسته وأخذ جواله ونزل من سيارته متجهه لشقته .. وبسرعه أخذ شور وهو يتمنى حرارته تنزل عشان يقدر يركز ..غير ملابسه وصلى ونزل يدورها وبعد بيشوف ايش صار في الشرطه ..قلبه فز يوم جواله رن بيده افتكر خبر عنها بس ..كانت عمته نوفه ..صمته ودخله بجيب ثوبه ... وهو يستغفر .. ويدعي الله يدله عليها .. @ @ @ الديره • • صلت العشاء ..وتجهزت وطلعت من غرفة امها طالعت خالتها وقالت بقلق: تكفين ي خاله خلي عينتس منها لما أجي بس وأنا ماراح اطول ام سميره :هوو يمه توصيني عليها الله يسامحتس بس روحي يمه وطالعت محمد يمه وصلها وهمست سرعه الحقي عليه قبل تنزل امه والله معاد تحلصي الي يوصلتس شمسه تحركت وأنا اشر لحمودي يجي معي طلعت للشارع ..وأنا احس بهواء يطير عباتي شكلها بتمطر ..شفت السيارات الكثيره قدام بيت ريم استحيت امر من عندهم وقفت محتاره لفيت وطالعت محمد الي يمشي وراي الغبي بدل مايكون قدامي بس انصدمت من الي وقف سيارته وقال بصوته الحاد : روحي من الجهه الثانيه ماتشوفي كيف السيارات قدامتس ولا وكاد ماعندتس مانع حسيت بقهر من كلامه ومن محمد الي تعلق بسيارته يبي يركب ..أشرت لمحمد يمشي بس الغبي وين ملتهي يتفحص السياره ..وهو مبهور : جديده ي عواد صح اخخ والله موتر ودي في دوره عضيت شفتي وأنا منحرجه بذات يوم نزل عواد وقال:ايه جديده اركب واجلس فيها حتى ارجع يوم قال كذا حسيت الدنيا سودت بوجهي.. لا لا يكون هو بيدخلني ..قلت بقهر وأنا احاول اخفض صوتي خايفه صوتي يطلع وتصير سالفه بعد: محمد وجع ان شاءالله بس وين الأخ مطنش قفلت عيوني يوم قرب مني عواد وأشر لي الحقه قلت بهمس وأنا اشوف حريم يدخلون من الباب : شوف حريم عادي يدخلون بدخل معاهم وأنا بكامل حجابي ماعلي في أحد عواد بحده :مع نفسهم بس أنتِ لا ماعندنا حريم تمشي قدام الرجاجيل ومفروض هالشيء منتس ماهو أنا اللي أقوله حسيت بتردد ودي ارجع البيت بس خفت تصير سالفه .ويشكي على ابوي ..وتعرف أبوها دايم بصفه معمي عيونه هالعواد مهما غلط مايشوف غلطه مشيت وراه وأنا احس دموعي مغرقه عيوني والغصه ذبحتني .. أول ماوصلنا الباب الخلفي على طول هزه كان مقفل ..زفر بضيق وطلع جواله ودق وكلها ثواني وقال بحده: ابتسام افتحي الباب الي وراء ..بسرعه وقفل وهو معصب ليتني ماقبلت هالعزيمه استاهل الي يصير لي خليت أمي وجيت ..وبعد هذولا تأخروا ..مايفتحون... طالعته واقف قدامي وبيده المسبحه يحركها بيده بعصبيه .. نزلت نظري للارض وأنا انتظر متى هالباب ينفتح .. زفرت براحه وفرحت من قلبي يوم سمعت صوت الباب ينفك بسرعه دخلت وأنا اسمعه يتكلم مع أخته مدري وش يقول لها ... دخلت البيت وشفت بوجهي ريم ترحب فيني سلمت عليها وهمست لي: مين قدتس الليله جايه مع العاشق الولهان وجاين من باب الطورئ طالعتها وأنا ناقده عليها : اقول اعقلي صرتي أم وبعده عقلتس مخفه وتخيلاته مالها داعي ومدام باب طورئ خليه مفتوح على طول ريم وهي تأخذ منها العبايه: اقلطي ي عيوني وخليتس من هالعصبيه وتطالعت أختها الي جايه وهي تنافخ بقهر قالت بخبث : هاوشك العاشق ابتسام بقهر: كله عشان شمسته سمعت كم كلمه محترمه بس تهون عشان بنت العم شمسه حسيت اني منحرجه منهم وحدي متفشله من اللي سواه عواد .. جلست وهي تتحلف في محمد المفهي ذا ..آه وابوي شاد الظهر فيه وهو ارخمه .. | ||||||||
|
| |
|
30-01-18, 12:55 AM
| #288 | ||||||||
| مراقبة عامة ومشرفة منتدى الروايات المنقولة
| صرخت وهي مصدومه: مجنونه والله افتكرت يوم قلتي لي وحنا بالطريق انك تكذبين ماتوقعت هالشيء صدق بينكم والحين بعد تدقي عليه وتقولي له تعال الشموخ بعد مانزلت الجوال طالعتها ببرود ظاهري: مالك شغل الشموخ بصدمه: وشلون تقولين له تعال ابوي موجود خلنا نسوي الي اتفقنا عليه وبدون أبوي عنده علم وشلون تصدمونه كذا وبعد هو وشلون يطاوعك كذا الغبي جالس يمشي معاك باللعبه اللي هو الوحيد فيها خسران غبي مايدري ان لهفتك ذي وراها بلى الشموخ بسخريه: حن قلبك عليه بقهر صرخت كان قلتي تبيه وانفكيت منه والحين انكتمي خلاص معاد ينفع وتكفين لا تدخلي في حياتي وحياته أميره فتحت عينها بصدمه من كبر الكلام الي تقوله اختها هزت رأسها : لا لا لا أنت عقلك به بلى والله أشرت على الجوال وهي تقول بعصبيه : بسرعه دقي عليه وقولي له لا يجي ولا اللحين بنزل وبقول لأبوي عن كل شيء الشموخ بعصبيه: قلت لك مالك دخل فاهمه وأنا كيفي مابي العرس خلاص يكفي أميره لا تزيدينها علي أميره جلست على السرير وهي تحاول تقنعها : الشموخ أمي أبوي وش بيقولون بالله وأنتِ بكل وجهه ساحبه الرجال معاك وداخلين على ابوي تقولون له مانبي ذا العرس طيب والمعازيم واهلنا اللي جاين بعد يومين الشموخ بحقاره: الحين خلاص فقدتي الأمل وكان عندك أمل في كل تأخير سكت من قوة الكف الي جاها اميره وهي تصرخ بعصبيه: حقيره وراح تظلي طول عمرك بهالحقاره الحين أنا خايفه على مصلحتك تقومي تقولي كذا وتفكري فيني بهالطريقه وسكتت وهي تسمع الجوال يرن اشرت عليه وقالت بعصبيه :ماشاءالله هو بعد الظاهر معكسر عند بيتنا على طول وصل ردي وخليه يفارق الشموخ كانت ماسكه خدها وهي باقي مصدومه الحين أميره تسوي معاها كذا وتوصل فيها انها تمد يدها عليها ...تستاهل مفروض ماقالت لها وصدمتهم كلهم حاولت ترد ماقدرت • • أول ماوصل بيت أهل أبو الشموخ ..رفع جواله ودق رقمها وقال بتوتر وبنفس الوقت بفرحه ..من أمس مانام وينتظر ذي الللحظه بس ماردت استغرب توها تقول له تعال ..رجع دق مره ثانيه .أول ماسمع صوتها قال بسرعه :عند بابكم زفرت بضيق وهي تطالع أختها أميره المعترضه على قرارها :اوكيه نازله لك اللحين عناد عقد حواجبه وقال :لايكون باقي أبوك ماعنده خبر الشموخ وقفت وقفلت عيونها بصبر: عناد وش متفقين عليه نعطيه الخبر مع بعض أنت بس خلك مكانك وأنا طالعه لك ومثل ماقلت لك خلى كل شيء علي شافت أختها وقفت بوجها قالت بقهر : ابعدي عن وجهي ودفتها ونزلت تركض قبل تسوي شيء وتخرب عليها عناد قفل من عندها ..وهو مايدري وش يقول له مثل ماقالت بيخلي كل شيء عليها ..تذكر أمه آه لو تدري ..بتقلب الدنيا عليهم ..هي يالله وافقت غصب..والحين يصدمها ويقول لها بيأخذها بعد بدون عرس..حس بتردد من ذي الخطوه مايبي يردون اللوم عليه ويطلع التقصير منه ..وبذات ابوها مايبه ينظر له انه أقل منهم وماقدر في مصاريف وتكاليف العرس ..طالع جواله يوم رن باسمهاا نزل على طول ..ودخل أول ماشاف الباب انفتح ..ويسمع همسها وراء الباب : ادخل حياك دخل وهو متحمس عشان يشوفها ..شافها قدامه لابسه بجامة بيت عاديه جداً ..ورافعه شعرها وجهاا حيل تعبان ..غير غير عن يوم الملكه ويوم شافها في بيت عمه صقر .. وبعد خدها الايسر أحمر ..شك ان ابوها الي مد يده عليها ..بس جميله بكل حالتها ..بدون حس رفع يده ومسك خدها مكان الاحمرار وقال بهمس:عادي خلينا نلغي ذي الفكره وأنا مستعد اسوي لك عرس ولا تفكري بشيء وبسفرك مثل ماوعدتك الله بيفرجها علي ان شاءالله وأبشرك بتسلم قضيه بحصل فيها الي فيه خير لاتهمين ماراح ينقصك شيء الشموخ حست بيده على خدها ..نار صبرت ماتبي تحسسسه بقرفها منه ..قالت بضيق وهي تنزل يده : ماراح يلتغي شيء ويالله ابوي جالس ببيت الشعر وهي تأشر عليه عناد عض شفته وهو يطالع وين ماتأشر له شافها مشت قدامه تحرك وهو منحرج مايدري وش يقول له يكفي جاي بدون موعد .. أول ماقربوا لبيت الشعر طالعته وقالت بهمس: تكفى لا تزعل لو عصب ولا رمى كم كلمه يمكن تضايقك و صدقني بقنعه بس أنت خليك صبور شوي وكبر عقلك شافته بيعترض قالت بهمس عشاني عناد عناد عقد حواجبه وهو متردد أول مادخلوا شافه قدامه حس انه انصدم من دخولهم عليه كذا .. رد السلام وقرب منه وهو يسلم عليه الشموخ بسرعه قالت يوم شافت الصدمه بوجهه ابوها : يبه وش رأيك بذي المفأجاة أبو أميره طالع عناد ورجع طالعها بشك يحس انه ماهو مرتاح لبنته أمس وهي صراخ وصياح واليوم داخله معه وهي تضحك عادي قال وهو يطالع عناد: احلى مفأجاه تفضل يبه اجلس حياك والله اني فرحان بجيتك عناد جلس وهو متوتر حده طالعها مايدري وش يقول بس انصدم يوم قالت الشموخ بدون مقدمات : يبه عناد ماهو جاي يجلس جاي يأخذني معه وأنا موافقه ابو أميره ابتسم وهو يطالع عناد : العرس مابقي شيء منه ليتك تصبر شوي بس ماعليه ماراح اردك وأنت قصدت مجلسي خذها شوي وردها وبضحكه وأنا بغطي عليك عند أمك لا تخافين الشموخ هزت رأسها بتوتر وهي تطالع عناد : لا يبه الي أقصده اروح معه بيته الليله ومابي ذا العرس أبوه أميره بصدمه من كلام بنته :وش ذا الكلام خلاص اسبوع ويأخذك بيته مابقي شي مثل ماقلت لك والعرس بيصير وان شاءالله ماينقصك شيء وطالع عناد ماراح اقصرمعاك بشي وكلنا يد وحده وهذي بنتي بعد لو اتكفل به كله فداها عناد حس نفسه منحرج هذا اللي خاف منه جاا يتكلم بسرعه قاطعته الشموخ وقالت : يبه عناد ماله دخل أنا اللي مابي عرس وبروح مع زوجي كذا فيها شيء ذي بعد ولا بعدك ناوي تكمل مشوار الغصيبه والتحكم وفرض الرأي عناد رفع حاجب أبد ماعجبه طريقتها بالكلام مع أبوها وبعد وش قصدها يعني بعدها مغصوبه وقف بقهر بيطلع بس الشموخ وقفت بوجهه منعته أبو أميره بعصبيه وهو يشوفها كيف واقفه بوجهه : أقول بلا قلة حيا وطول لسان وطالع عناد وأنت تسهل ويوم يتم العرس خذها ولا تردها بعد الشموخ وهي معترضه طريق عناد : والله اني قبله وسكتت وهي تشوف أمها داخله عليهم وهي تصارخ حست بحقد على أختها يعني قالت لها أم أمير بعصبيه قربت منها وضربتها على وجهها بقهر : صدق الي تقوله أختك وطالعت زوجها مجنون لو توافق عناد بسرعه تدخل وسحب الشموخ وراه وهو مقهور من تصرف امها ... وبعد يوم قالت له : ايه دافع عنها ماهو أنت اللي لاعب بعقلها يحس نفسه تورط بينهم وبعد كلام امها وجعه حيل ليته ماجااا ولا طاوعها بذات يوم امها طالعته وقالت بعصبيه: أنت وشلون قنعتها تلغي فكرة العرس كل ذا بخل ترى ماراح تخسرك أبوها بخيره الله يطول بعمره وماراح ينقص شيء عليها .. الشموخ بسرعه ردت قبل يرد : لا تحطي عليه هذا قراري أنا وكلمته وقال ماعنده مانع يأخذني مدام أنا راضيه وبصرخه مابي عرس مابي منكم شيء عاد افهموا خلاص وطالعت عناد الي ساكت يالله اطلع وأنا جايه وراك وطالعت أبوها اللي يطالعهم بدون مايتكلم عناد طالع أبوها الي سكت فجأه ولعاد اعترض تحرك بيطلع بس وقف يوم قالت امها: لها الدرجه ماهو قادر على المصاريف وقدر يقنعك وشلون غسل مخك ي الخبله امس وأنتِ رافضه واليوم كذا تروحي معه وش مسوي لك بيرد بس سكت يوم صرخ أبو أميره : ساميه اسكتي احسن لك قبل تطلعي من هالبيت قبلها وطالع عناد تفضل انتظر زوجتك بالسياره والحين تجيك واعتذر بالنيابه عن كلام خالتك عناد طلع وهو مقهور ...من كلام أمها ..هذا الي خايف منه صار... ركب السياره وحرك بسرعه جنونيه مايبي ينتظرها ..بعد الكلام الي سمعه الشموخ طلعت تركضي لغرفتها و لبست العبايه وهي معصبه وتهدد شافت اختها لحقتها للغرفه طالعتها بحقد: يعني يوم تقولي لها بتظني انها تمنعني والله مافي أحد يمنعني وأخذت الشنطه الصغيره الي جهزتها من قبل ونزلت بسرعه ..وطلعت شافت أبوها وامها بالحوش طنشتهم وطلعت للشارع بس انصدمت وهي تشوف انه ماله وجود رجعت تركض للبيت وهي تصرخ : طردته يبه طردته ابو أميره بحده أشر لها : بنفسي بوصلك له يالله قدامي أم أميره وقفت معترضه : وين توصلها أنت بعد بدل ماتعقلها ..تمشي معاها بجنونها وضربت بخدها ياربي وش نقول للناس المعزومه كذا كنسلنا العرس بدون سبب يكفي فشلتنا يوم الملكه أبو أميره بعصبيه: اكتمي وعساه مايتم هالعرس وأنتِ يالله قدامي وأشر لها تتحرك ودق على السواق عشان يطلع من غرفته وبسرعه طلعت وهي تسمع صياح امها ..حست بقلبها موجوع .. بس لا لازم تسوي كذا ...وانتقم منهم جميع على الي سواه فيها ... ركبت وركب ابوها قدام جنب السواق ..علمتهم بمكان الحي وبمكان الشقه .. بعد اقل من ثلث ساعه وصلوا ..أول ماوقفت السياره نزل ابوها وهي نزلت همس لها : ليت ذا القرار أخذتيه يفيدك ولا ينقص من قيمتك عنده الشموخ همست بوجع: قيمتي نقصها ولد أخوك الله لا يسامحه وأنت ماقصرت بعده أبو أميره اشر لها تحرك ..مشت حست بأبوها يمشي معاها ..انصدمت توقعت يروح .بس وقف بعيد شوي يوم وصلت للشقه قربت ودقت الجرس وهي خايفه ومتوتره .. عناد فتح الباب وهو ضايق بس انصدم يوم شافها قدامه طالع أبوها الي واقف بعيد شوي وبسرعه اعطاه ظهره ... ابتعد شوي وهو يأشر لها تدخل بعد مادخلت وقفل الباب همس وهو مصدوم : ولا واحد بالميه توقعت تجين الشموخ طالعته بحقد: ليه كذا هربت هذا وأنا معتمده عليك مع الأسف خيبت ظني من أولها عناد زفر بضيق: مابي تحصل بينكم مشاكل أكثر وفعلاً هم صادقين ليه نكنسل العرس الشموخ بقرف طالعت الصاله : وين غرفتي برتاح حدي تعبانه من اللي صار عناد رفع حاجب وأشر لها وهو ماهو حاب طريقتها في الكلام .. تحركت وهي تحمل شنطتها بس وقفت يوم تذكرت ماهو في مصلحتها تزعله طالعته وقالت : اسفه عناد قرب منها وقال بهمس: ولا يهمك بس وش رأيك الليله نقضيها بأحلي فندق فيك ي الرياض الشموخ ودها تفل بوجهه معاد الي هي بس تحملت على نفسها وقالت بقرف: طيب موافقه بس قبلها أكشخ ناسي اني عروس عناد ابتسم : تفضلي خذي رأحتك الشموخ أول مامشت متجهه للغرفه جوالها رن طلعته من شنطتها اليد وهي تشوف رقم امه ردت وهي تمسح دموعها : هلا يمه قفلت عيونها من صراخ امها العالي:خلاص سويتي الي بالك وش الي سواه ولد الجوهره وقلب دماغك كذا قولي وش اللي عماك به قالت بغصه: ماسوى شيء وأنا الي عرضت عليه أم أميره : طيب العرس كيف الشموخ قفلت عيونها بتعب من ذي السيره: يتكنسل مثل ماطلبت وبسرعه قبل امها تعترض الغي كل شيء وحنا مسافرين لمدة شهر يعني لا تحاولي تضغطي علي ...ويتم العرس ذا الاسبوع عضت شفتها يوم الجوال تقفل بوجهاا جلست على السرير فتحت الواتس ورسلت للأميره ( قولي لبابا لا يزعل مني وماما بعد بطريقتك خليها ترضى واثقه فيك ومسامحتك على الكف ) قفلت الجوال ورمته وطاحت على السرير تصيح بألم انصدمت يوم شافته دخل عليها بسرعه استوت بجلستها وقالت وهي تبرر : ماما زعلانه مني عناد قرب منها وجلس قال بضيق : عندك فرصه ترجعي لبيتكم وترضي أمك الشموخ مسحت دموعها وقفت وقالت برضيها وبرضي بابا بعد وسكتت وقالت بنفسها بس خليني انفك منك لو طاوعتهتم بتدبس فيك طول عمري ..رجعت طالعته بحقد والله لا أحرق قلبك واخليك ترجعني لبيت أبوي معمي ...ولا مأكون الشموخ عناد وقف على طول وقال وهو مايبي يحرجها :بطلع وأنتي خذي رأحتك وأنا بعدك بتجهز ونروح ومد يده وحطها على رأسها وقال الدعاء وهمس لها الله يجعل هالليله بداية خير علينا وهو وده يعتذر على ..الكف الي أعطاها قبل .. بس تردد مايبي يذكرها اعطاها ظهره وطلع الشموخ طالعته بكرهه قال ايش يتجهز مصدق نفسه عريس ولد الجوهره دخلت الحمام وفكت الدش وهي تحس بدموعها تخالط المويه النازله ..صاحت لما تحس نفسها بيغمى عليها ..قوت نفسها وطلعت بعدما لبست .. وبعدها حطت مكياج يخفي التعب الي بوجهاا وطلعت حصلته بالصاله .وقف على طول أول ماشافها وقال بابتسامه عريضه : هلا بالعروس يالله بتجهز وينحتفل على راحتنا ودخل الغرفه وتكشح وطلع شافها تناظر الارض همس لها : وش تفكرين فيه لو ندمانه مستعد اردك لبيت ابوك ويصير كل شيء مثل ماكان الشموخ كان تفكيرها بعيد بالحيل عن اللي يقوله لازم تسافر لازم هالاسبوع ماتكون هنا ..ولا عارفه أمها من بكره الصبح بتجي تسحبها من شعرها ..إذا الليله مشتها لها بكره ماراح تخليها وبيصير العرس الي مابقي منه غير ايام غصب عنها لازم تختفي لازم رفعت رأسها وطالعته كيف كاشخ قالت : يجي نسافر الليله ونكسل الروحه للفندق عناد بصدمه : نسافر باقي ماحجزت والله الشموخ : ماهو لازم برا المملكه نروح ابها نروح جدة اي مكان اهم شيء اطس من الرياض وبعطي خبر أهلي اني برا المملكه عناد جلس جنبها وقال وهو محتار ومايبي يردها بعد في أول لليله لهم مع بعض قال : ابشري أختاري وين ويالله مشينا بس انك تكذبي عليهم انت برا المملكه ذي كبيره حيل الشموخ وقفت وهي متقرفه من جلوسه جنبها : ماعليك بيصدقونها أهلي وعارفتهم ودي اسافر جدة عناد وقف وقابلها : تم ونزل شماخه وهو يضحك الطريق مايبي ذي الكشخه الشموخ عضت شفتها يارب صبرني يارب على الي مقدمه عليه..وقوني على نجاح خطتي همست له وأنا ارفع الجوال: قفل جوالك بسرعه وفتحت الواتس ورسلت لأميره( ساعة ونركب الطيارة عناد مسويها لي مفأجاة سفره برأ المملكه بوسيلي ماما وبابا لا اوصيك ) وقفلت جوالها ومدت يدها وأخذت جوال عناد من على الطاوله رفعت عينها وطالعت عناد الي يطالعها مستغرب وهي تأخذ جواله وتقفله قدام عيونه وبدلع مزيف : عرسان ومانبي صدعة رأس | ||||||||
|
| |
|
30-01-18, 01:06 AM
| #289 | ||||||||
| مراقبة عامة ومشرفة منتدى الروايات المنقولة
| كنت اطالعه كيف يضحك ياربي ..ماهو مصدقه الي يصير معي ..طالعت الأكل وقلت وأنا فرحانه: تصدق لأول مره اطلع معاك اتعشى وأكل وانا مرتاحه مصعب ابتسم بسخريه: لا لا تأخذي راحتك كثير ترى خسيتي شوي عن يوم تزوجتك تكفين لا ترجعين الكم كيلو اصايل حطيت الملعقه وقلت بفرحه : صدق خسيت آه تصدق الحسنه الوحيده في زواجي منك اني نحفت يارب ينزل بعد شوي عشان اخذ الي نفسي فيه مصعب بستفزاز:ترى ماهو كثير لا تفرحي شوي يعني اصايل رفعت كتوفها: ماعلي منك خلاص اعترفت اني خسيت وبس والحين اطلب لي اسكريم مصعب فتح عينه بصدمه:يعني الحين يقال ماتبي تأكلي وتبيني اطلب لك اسكريم اصايل ميلت فمها: ايه نفسي فيه وبعد مكافأه لي عشان قدرت أنزل من وزني مصعب : مدام خاربه ي قلبي كلي ذا العشاء طلبته وبعدها اطلب لك ولا يهمك وكافئي نفسك على رأحتك اصايل طالعت الأكل وأنا والله ودي فيه مديت يدي وسميت وأكلت ..طالعت.. مصعب الي وقف أكل قلبي نغزني اخاف منه لا سكت كذا فجأه وسرح قلت بتوتر: ليش بطلت أكل مصعب ابتسم على جنب و قال : بسوي فيهم العجب تعرفي كيف بحوسهم واحد واحد قال ايش عرس وتجهيز وضحك بقهر شفتي الصاله كلها ورود وخرابيط قال ايش لعرس عناد واستقبال على الفاضي وسند نفسه على الطاولة وقال بخبث ماراح يتم هالعرس عندي ضربه قويه تكسر رأس الجوهرة ولدها اصايل لا لا لا هذا الي مابيه يالله توني امدحه استاهل حسدت نفسي .. قلت بقهر : تراني معاك اوك مصعب عقد حواجبه وقال بعدم فهم: وشلون صايل بقهر وهي تأخذ فاين وتنظف يدها وهو مقهوره : مقطع نفسك عشانها قدامي مصعب مهما كان لازم تحترم وجودي مصعب ابتسم :صدق خبله لو تفكري كذا اصايل فتحت عيني بصدمه : وشلون تبيني أفكر وأنا اشوفك ميت عليها حرام عليك تقول نبدأ صفحة جديده ونسى الماضي والحين جالس قدامي تهدد وتتوعد فيهم عشانها قولي وش فيها عشان تكون ميت عليها كذا مصعب صك على سنونه وقال:قصري صوتك لا تنسين حنا وين اصايل حسيت بقهر صديت بوجهي وأنا ودي اقلب الطاولة عليه حسيت بيده تمسك يدي طالعته وبسرعه سحبت يدي بقوه وانا معصبه مصعب ابتسم : افااا ليه طيب كان قلتي مابيك تمسك يدي وأنا بفهمها ماهو كذا وقال وهو يقلدها ترى عندي مشاعر مثلك اصايل صغرت عيونها بقهر عارفه انه يتمسخر عليها :والله المشاعر بصوب وأنت بصوب مصعب قرب نفسه شوي وقال بهدوء : اصبري اصايل شوي بس وصدقيني في النهايه راح تنبسطي وتنفكي من كل شيء يوجعك اصايل مدري ليه قلبي نغزني من كلامه قلت بدون حس وأنا امسك يده وعيوني دمعت غصب عني : أنت مريض فيك شيء فيه صح قول وش فيك بعد سفريتك متغير والحين كلامك اثبت لي مصعب ابتسم وشد على يدها وقال : افاا ليه كذا وبعد ليه ذي الدموع الحين اصايل وهي تمسح دموعها :لانك قلت بنفك من كل شيء يوجعني ومافي غيرك وسكتت ماتبي تكمل وتزعله مصعب عقد حواجبه :يعني أنا المقصود بالي يوجعك لا تطمني ان شاءالله اعيش أجلس عله على قلبك بعد اصايل بسرعه : ان شاءالله مصعب ابتسامته توسعت : صدق اصايل من قلبك ذا الكلام اصايل ابتسمت بخجل غبيه جالسه تفضح نفسها قدامه هزت رأسها وقالت وهي تتهرب : نروح مصعب وقف ومد يده لها : يالله اصايل طالعته ما تتخيل حياتها بدونه طلعوا من المطعم وأول ماركبوا السياره قالت بضيق: تصدق ماودي ارجع البيت مصعب بهدوء :نتمشى شوي ولا يهمك وين تبين بالضبط اصايل بضيق : أفهم علي مابي ارجع أبد ي مصعب مابي مشاكل ودي اعيش مرتاحه ليت نبعد عن الرياض وطالعته تجي نروح الديره اهلي وحشوني حيل وبعرفك عل أمي راح تحبها مصعب : هالفتره مقدر اعطيني اسبوع بس ارتب أموري ويصير الي ودك فيه اعودك اصايل عرفت قصده ليه يأجل اسبوع بقهر: وشهوله نتظر إسبوع نروح بكره مصعب بخبث : بتعرفي بوقتها ويالله وين ودك الليله تتمشي اصايل صديت بزعل وطالعت الطريق أنا جالسه اخطط ابعد هالأسبوع حتى يتم زواج عناد من الشموخ ونرتاح من المشاكل وهذا رأسه والف انه يخرب عليهم احس بقهر وغيض منه قلت بعصبيه : رجعني البيت مابي اروح أي مكان مصعب بستفزاز: والله احسن شيء فيني نوم دايخ اصايل بقهر صرخت:مصعب مصعب ضحك بصوت عالي وقال: صدق اصوله والله اوعدك الاسبوع الجاي اوديك لأهلك وبعدها نسافر مكان تختاريه أنتِ ها وش رأيك اصايل طالعته وأنا مابي انكد على نفسي الليله معاه قلت وأنا اتهند : على أمرك مصعب بضحكه: ايوه كذا الحرمه الي فيها خير صراحه أبوك ذا بحبه على رأسه يوم اشوفه على الهديه القيمه اصايل حسيت بقهر احسه يتمسخر علي: مصعب ماهو كنك تتمسخر مصعب طالعها ورجع طالع الطريق: لا والله صادق بكلامي اصايل .. حسيت بفرحه غمرت قلبي زود يالله ماهو مصدقه اللي الي يصير معي ..سكتت مابي ارد ولا أتكلم اخاف اخرب على عمري ..والسعاده اللي اعيشها تطير ....طالعته بحب وشفقه مصعب مدري كيف دخل قلبي ..على انه مافي شيء يشفع له ...وماعمري عشت معاه شيء حلو غير اليومين هذولا .... دعيت الله يديمها علي | ||||||||
|
| |
|
30-01-18, 01:07 AM
| #290 | ||||||||
| مراقبة عامة ومشرفة منتدى الروايات المنقولة
| جده • • قالت وهي تقطع الطماطم : دحين رجع وهو معصب ليه تاركينها نايمه ويبيني اسوي لها عشاء وبكره نمسح تحت رجولها قالت بشماته: تستاهلي أخيراً جت عليك التلاته وقلبي يبرد شوي إلا البنت مالها حس أبد رفعت السكينه وقالت بغيض: سعاد لا تقهريني ترى اروح ادبحها وادبحه بعد ضحكت بستفزاز: روحي لو قدرتي فضيله بخبث:اسكتي بس شربتها عصير وحطيت به منوم البنت مدوخه حدها وبعد عندي خطه خطيره بس خلي حسن ينام وبعدها نتفق ونطلعها من هالبيت ابتسمت بيأس: وين حسن شكله ميت عليها وبعدين متى حطيتي لها المنوم ومن جابه لك فضيله بخبث: عندي من زمان واعطيتها الظهر ودحين صحت رقيه تقول بس رجعت نامت وحسن عصب علينا ليه مخلينها نايمه وهي جيعانه وطلب نسوي أكل لسنيوره حقته عضت شفتها بقهر : آه شفتي كيف جمالها ولا بياض بشرتها آه ي حسرتي حسن بيحبها أكتر مني قالت بقهر : ماشفتها ولا ابي اشوفها خليني بعيده عنها احسن لو حطت بيدي ادبحها مثل مايقهرني حسن حسبي الله عليه مثل ماقهرني يوم جابك ودحين ساحب له بنت مدري وش اصلها وقد بناته فضيله بعصبيه :سعاد والنهايه معاكي وش دي الغيره مني ماهو خلاص اتفقنا أنتِ متل أمي وأنا متل بنتك فطوم بعصبيه: متى اتفقنا أني متل أمك ترى مابينا فرق فضيله: حرام عليك والله بينا عشرين سنه وكملت بقهر شوفي دحين في ايش نفكر وفي ايش نتعارك ومخلين المصيبه هادي بالغرفه سعاد بخبث: حطي لها بعد منوم وخلينا ننفك الليله بعد منها فضيله بخبث: لا لا الليله لازم تكون واعيه للي بقوله لها بس أنت خليك معايه ونتفق على كل شيء واوعدك الليله ماتبات هنا شعاد بغيض: في داهيه @ @ @ قفلت الجوال وطلعت من الغرف تركض تدور صقر شافته قدامها بالصاله قالت وهي تحت تأثير الصدمه : الحقني ي صقر أخذها معاه ابو مصعب مستغرب الي تقوله : وش تقولين ي مره الجوهرة بصدمه : أمها داقه علي تقول ولدك أخذها معاه لعب بعقلها وجننن بنتها فضحني والله كيف يأخذها كذا والناس الي جاين موجبين وش نقول لهم وهي تأشر على الهدايا الي موجوده بالصاله أبو مصعب وقف وقرب منها وهو يحاول يهديها عشان يفهم وخايف على الي في بطنها : اهدي عشان افهم وش الي صار بالضبط وتذكري انك حامل بعد مافيني اخسره ترى الجوهره طالعته وهي منهاره : عناد خذها معاه وبصرخه خذ بنت أخوك معاه بيته كذا بدون عرس وش يقولون صديقاتي وأهلي وش يقولون قولي وامها تقول بعد سافروا خلاص يعني مخطط من قبل بدون علمي ومخليني اتعب واجهز كل شيء على الفاضي أبو مصعب بصدمه: وشلون يأخذها كذا وشلون عناد يسوي كذا أكيد فيه شيء الجوهره صرخت : مدري مدري وين جوالي وينه وبسرعه صرخت على الخدامه تجيب لها الجوال من الغرفه بتدق عليه أبو مصعب وهو يأخذ الجوال ويعطيها: خذي دقي عليه من جوالي وسكت وهو يشوف مصعب داخل وراه وزوجته همس لها تكفين أهدي الحين وخليه يتوكل غرفته وبعدها سوي الي تبيه الجوهره صرخت : وين اهدى اقولك أخذها كذا معاه وش الناس تقول عنا ياربي فشلني اصايل طالعت مصعب يوم قال :وش فيها ذي بعد تصارخ كذا حسيت بقلبي نغزني ..ياربي مايصير شيء وهالليله تتنكد ..قلت بهمس وأنا امسك يده: ماعليك فيها يالله بس خلنا نطلع للغرفه مصعب فك يده منها وقرب منهم وقال بستفسار مستفز : وش صار ان شاءالله حق ذا الصراخ كله ان شاءالله فيه شيء يستاهل بس مثلاً ولدك مات الجوهره بصرخه : صقر خلي ولدك يبعد عني في ذي الساعه ونزلت الجوال وبقهر صرخت الزفت ذا مايرد مصعب بستفزاز: وش مسوي الزفت مخلي أمه كذا معصبه الجوهره طالعته بحقد : تدري وش مسوي أخذ بنت عمك لبيته بدون عرس مصعب بصدمه من الي يسمعه وشلون صار كذا غباء منه يوم أجل السيدي الي بيهدد به الجوهرة عشان تقنع ولدها يكنسل الزواج صرخ بعصبيه: وشلون يأخذها كذا والعرس مابعد صار الجوهرة يوم شافت مصعب عصب قالت بتشفى : خذها خلاص وش نسوي صايل فتحت فمي بصدمه شوفوا الخبيثه بعد ماعصبته هدت والعصبيه الي توو رأحت وتقولها بكل برود عكس الي كان شوي وتحرق البيت بالي فيه .. فتحت عيني بصدمه أكثر يوم قال مصعب : بعد عليه يأخذها دقي دقي على ولدك وخليه يجي قبل افضح كل شيء واخلي وجهه بالأرض الجوهره أشرت لفوق بستفزاز : بح طار فيها خلاص مصعب قرب منها وقال بعصبيه : سوي اي مصيبه وخليه يرجع ولا أخر لليله بتكون لك بذا البيت ابو مصعب وهو خايف عليها دف مصعب بقوه عنها وهو يهدده ويصارخ عليه الجوهره صرخت وهي تندس وراه : صقر الحقني من ولدك بموت منه اصايل بسرعه ابتعدت ماتبي تعلق معاهم يكفي هذيك الليله أكثر وحده تضررت هي .. جلست على الكنبه وتطالعهم والخوف ذبحها بس وقفت يوم مصعب طلع الدرج يركض .. طالعت ابو مصعب والجوهره وقالت بخوف : لايكون بيجيب المسدس تكفى ي عم خذها من هنا وروح قبل ينزل تكفى بضيع بسبب عصبيته ابو مصعب بعصبيه: مايقدر يسويها والله اذبحه قبل الجوهره ابتسمت بخبث وجلست رجل على رجل تنتظر نزوله اصايل كنت مصدومه من برودها والخوف أبد ماهو جنبها طالعت ابو مصعب وأنا اترجاه انه يسوي شيء بس يوم سمعت صراخ مصعب وهو نازل فقدت الأمل خلاص مصعب وهو منهار : وينه وينه مين اخذه وهو يقرب من اصايل ويمسكها بقوه مين دخل الغرفه مين بغيابي كم مره حذرتك ماتخليها مفتوحه اصايل بخوف وجسمها كله يرجف ماتدري عن ايش يتكلم وكان منهار حده مافمهت شيء منه هزت رأسها وهي تطالع ابوه تبيه يفزع لها بس أبد ماتحرك من مكانه ماعمرها شافت مثل خبثه مصعب صرخ بعصبيه وهو يهزها بقوه : قولي وين السيدي اختفى اصايل وهي تصيح بخوف وبعد جالس يألمها كان عنيف بالحيل بمسكته لها قالت بوجع : والله ماعندي علم فيه حسيت بدفته لي يوم ضحكت الجوهرة بصوت عالي بسرعه قرب منها بس كان يد ابوه اسرع دفه عنها وهو يصرخ : والله لا ابلغ عليك الحين الشرطه وخلهم يتلونك ي العاق خلاص معاد لي طاقه اتحملك اصايل قفلت على اذوني وانا اسمع صراخهم وتهديد مصعب والخبيثه راحت لغرفتها تركض وهي تضحك بصوتها كله . ..وقفلت على نفسها ياترى متى دخلت الغرفه ..واخذته ..وبعد وش فيه هالسيدي يخصها ..طالعت مصعب الي جالس يتحدى أبوه عشان يدق على الشرطه قربت منه وقلت له. مجنون بيأخذونك اعتذر منه قبل يدق عليهم بنفضح والله مصعب مافي حد بيروح فيها غيرك مصعب صرخ بقهر وهو يبعدها : ابعدي عني وخليه يدق دق يبه دق عليهم وخليهم يسجنوني مثل ماتبي عشانها ماهو أنت خلاص بعت الأول والاخير عشانها الخاينه طالعت عمي بترجي : تكفى ي عم الحين أنت معصب وهو معصب اوعدك يهدى ويعتذر منك صرخت بقهر مصعب خلاص لا تستفزه أكثر وأحترم أبوك ابو مصعب وهو يجلس على الكنبه بتعب : تعبت منه ومن مشاكله ورفع جواله ودق على الشرطه وسوى بلاغ وقفل وقال هذولا هم الي بيربونك أنت يبي لك تكسير رأس وكاد يرجع لك عقلك اصايل كنت اسمع مكالمته للشرطه وعيني على مصعب الي واقف يطالع ابوه بدون مايتكلم حسيت قلبي يتقطع عليه قربت منه وهمست له :تكفى اعتذر منه وخله يسحب بلاغه عندك فرصه بس سكت يوم صرخ: انقلعي غرفتك ولو نزلتي ذبحتك اصايل وشلون اطلع غرفتي والشرطه كلها دقايق وتجي تأخذه ..قربت من عمي وأنا اتذلل له : تكف ي عم تفكى انك تلغي ذا البلاغ تكفى ابو مصعب صرخ بعصبيه. ابعدي عني وان شاءالله أنتِ بعد بطلعك من هنا وطلع البرا وهو مسرع بخطواته طالعت مصعب الي كان ساكت والعصبيه الي من توو كلها راحت ..شكله مصدوم من الي سواه ابوه ...قلبي وجعني يوم ناظرني ورجع طالع الأرض قربت منه وقلت وأنا خايفه يصدني : تكفى الحقه سوى شيء وكاد يغير رأيه ولا تكبر السالفه مارد عليه أبد ماغير يطالعني ضربته على صدره ابيه يحس ان الشرطه شوي وتوصل ..قلت بقهر وأنا اصيح : مصعب انت مستوعب الي صار مصعب سوي شيء الحق عمرك ..بس أبد ماتحرك حسيت بقهر وعجز بنفس الوقت انهرت اصيح بصوتي كله ..وشلون أب يبلغ على ولده رجعت مسكت يده وقلت وأنا منهاره : مصعب عشاني تكفى سوى شيء الله يخليك بس سكت يوم صرخ أبوه عند الباب : يالله ي الرخمه اطلع ينتظرونك برا ولا خليتهم يتلونك صرخت وأنا منهاره يوم شفت مصعب تحرك بيمشي وقفت بوجهه وأنا معترضه طريقه : والله ماتروح وطالعت ابوه بقهر وشلون تسوي بولدك كذا حسيت بمصعب يوم نزل نفسه شوي وهمس لي : • • كتتتت سؤال هل تشوفون اللي سواه أبو مصعب صح ؟ عندي فضول اعرف رأيكم وبعد عندي سؤال ثاني هل طول البارت مناسب ولا تحسووونه طويل ويرهقكم طوله • • & نونــــي بنت الجنوب & ((لااحلل اللي يأخذ افكاري وتعبي وينسبها لنفسه )) سبحان الله وبحمده سبحان الله العظيم "الوتر أحبتي " "الله يرحمك يامن أوجعني فرقاك " | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
.png)
العرض العادي
