آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-09-17, 02:13 AM
| #21 | ||||||||
| مراقبة عامة ومشرفة منتدى الروايات المنقولة  
|  السلام عليكم ورحمة الله وبركاته حيالله نوني حيالله الحامل والمحمول مشاء الله نوني بداية راااائعه شوقتيني لأجواء الجنوب والسوده أجواء وطبيعه تجنن ياسر شخصيه عصبيه ومتهور كان بدل مايوصل الأمور مع أبو عفاف للسلاح يحاول يكسبه بالطيب ومهما كان هذا رجال كبير وأبو زوجته ولجل عين تكرم مدينه لكن هو الله يعينه على نفسه عفاف موقفها صعب بين نارين زوجها وأبوها لكن تصرف ياسر مايشجعها تترك أهلها من أجله خاصه بعدكلامه وسواته مع أبوها ومهما كان الزم ماعليها ابوها وأهلها وكمان عفاف غلطت بمعايرته بالفلوس اللي أخذها منها سلف حتى يكمل بها شراء الأرض وهو قائل لها بيردها من جمعيته وشرطها مالها حق به وأتوقع إنه ماراح يوافق يسار وبيطلقها شدن ذكرتني بجوري لكن لأن فيها شوي منها لكن والله إن جوري أرحم منها في آه ياعذابي شدن ملقوفه ومسحوبه من لسانها ماتقدر تمسك نفسها ساعات أقول غبيه كيف تتكلم بحريه وتنقل كلام الناس وتسبب مشاكل واللي يقهر زياده كذبها على ياسر لما قالت لأمها سبها لكن هين ياشدن دواك ياسر نوف أعتقد دلعت بنتها لأنها وحيدتها ولأنها حرمت منها وأتوقع عمها بياخذها أو بيزوجها لواحد من عياله ولأن شدن ماتطيق أهل أبوها وأمها ماتبغاها تروح من عندها ممكن تستفزع بياسر وياسر يمكن يفزع لها ويتزوجها حتى تفضل عند أمها على طول ومنها ياسر بيرتاح وبياخذ راحته في بيته ومنها بيربيها لما تسير تحت سلطته مصعب ماحبيته أناني وقليل أدب عناد شكله طيب وأحسن واعقل من أمه نور وحور كل وحده أردى من الثانيه بدل مايعقل شدن يزيدن النار حطب تسلم يمينك نوني منتظرين بقية الأحداث لاخلا ولا عدم منك يارب | ||||||||
|  |
|
09-09-17, 10:49 PM
| #22 | ||||||||
| مراقبة عامة ومشرفة منتدى الروايات المنقولة
| آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه الروايه لا تليهكم عن الصلاة والعبادة اللهم بلغت اللهم فاشهد & & & $البارت الثالث $ & & & ام ياسر وهي معصبه : ماعليك مين الي قالي الحين وقولي وصار بالضبط ولا تحاول تكذب إنك رفضت وطنشت شرطها ياسر بقهر: يمه مين الي قالش وصل لش الهرج ام ياسر بعصبيه أكثر : الحين يهمك يعني تعرف بقولك شدن الي قايله لنا كل شيء صار بينكم .. ياسر فتح عينه بصدمه : شدن الي قالت لش وشلون ومتى ام ياسر صرخت : آلحين خلك من كيف قالت لنا وقولي الحين الي برأسك ذا عقل عشان توافق على شرطها ياسروهوصاك على سنونه بقهر:بعد بنت ال***** موصله لكم إني موافق كور يده بقهرناويه.. على عمرها ذي البنت... وبسرعه طلع من البيت معصب... وهو يسمع صراخ عليه ...اتجهه لبيت عمته ودق الباب بقوه ...وكلها ثواني وانفتح الباب ... وشاف عمته واقفه تناظره مفزوعه صرخ بعصبيه : وش الي ناويه عليه بنتش ي عمه قولي لوين بتوصل وش الي تبيه مني ومن حياتي مع مرتي ... نوفه عقدت حواجبها وهي مستغربه من طرقه للباب ومن دخلته وآلحين من الكلام الي يقوله قالت بحده : عسى خير وش بعد هي مسويه لك ي ياسر ومن متى شدن له شغل بحياتك ثمن كلامك شوي ياسر بعصبيه : آلحين انا الي أثمن كلامي وبنتش الي موصله لاهلي الي صار ولا عليها موافق على شرطهم تجيب شيء من رأسها بعد .. نوفه بصدمه :يمه وش ذا الكلام صدقني امك فهمت غلط وشدن شفتها بعينك منعتها ماتروح بيتكم يوم رجعنا من عند مرتك ياسر بقهر بعد تدافع عنها قال وهو صاك على سنونه: ي عمه بنتش ذي ناويه تجيب أجلي قريب وأمي لا فهمت غلط ولا شيء.. ماغير ربي شدن من نقلة الحكي والهرج الفاضي ولا ربيتها لش ولا علي بحد لأهل يسألون عنها ولا حد يردها نوفه بحده :ياسر انتبه لحكيك وسمحت لك مره تغلط عليها هالمره ماراح اسمحلك أبد .. وبعدين مين معطيك السلطه عشان تربيها شافته بيرد قاطعته وهي رافعه يدها تأشر للباب : آلحين افلح وبأخذ حقك منها ..وكلامك الي قلته ماراح اعتب عليك فيه عشان حالتك ذي إلابعرف ارد عليك... شدن كنت بمكاني اتراقص من الخوف ...ياربي مسرع قايله له أمه ...اوف وش يفكني آلحين من أمي نوفه. ...الله يأخذك ي ياسر ي دوب رضت عني ...آلحين تزعل عليه . .ياربي وش حشرني بينهم ...يوم سمعت صوت خطوات أمي مقبله للصاله بسرعة طرت لغرفتي ...وانا اتمنى معي مفتاح عشان اقدر أجل المواجهه معاها...رمشت أكثر من مره وانا اشوفها واقفه عند الباب تناظرني بعصبيه ...رفعت يدي وانا أحاول ابرر لها:يمه يمه والله ماغير أخته قالت لي تقولش أمي وش صار وانا على نيتي علمتها وشكلهم مزودين بالحكي عشان كذا جا ياسر وهو مشتط لأن كلامي الي قلته أبد مايزعل لهالدرجة نوفه بقهروهي تسمع تبريرها التافهه : آلحين هم الي مزودين بالحكي ماهو أنتي .. شدن هزيت رأسي بقوه: لاااااااا . نوفه بعصبيه :وش اسوي لش آلحين كم مره قلت لش خليش من ياسر وخواته وأمه كم لي احذرش منهم ليه هالعناد كله شدن قاطعتها:والله يمه هم الي ارسلووا لي ..على الواتس نوفه بزعل طلعت من الغرفة ..يآربي مشاكلها زادت ..ومافيها تعصب عليها ...ماترضى عليها أبد ..وبعد أمانه ماتقدر تزعلها او تضايقها ..بس مدام كذا ساكته بتزيد هالحاله عندها ...طفشت من كثر مايشكوون منها حريم الحارة ...ماتدري وش تسوي ..معاها ...شافتها مقبله عليها صدت بزعل .... شدن قربت منها وهي متردده : يمه انا افداش آخر مره توبه توبه معاد رآح اقرب منهم ومن مشاكلهم من زينهم حتى مشاكلهم مافيها حماس وسكتت يوم شافت نظرة العصبيه زادت بعيون أمها .... نوفه بقهر: آلحين كل الي صار هذا بينهم ومشاكلهم مافيها حماس خافي ربي وش ودش يصير بعد أكثر لهم ...حرام عليش والله ياسر شوي وينجلط منش ومن عمايلش فيه ... شدن حاست بوزها من سيرته: والله ماغيرهوو يقلبش علي حرام عليه والله وش مسويه له تقول انا الي مفتنه بينه وبين مرته هو الي عرق الحماس طق عنده فجأة ورفع السلاح بوجهه الشايب وبغى يغدي من هالدنيا والله خالي جابر مايستاهل نوفه صرخت وهي مقاطعتها :الحين صار خالش جابر بعد شدن افلحي عن وجهي تراها وصله منش ومن عمايلش الي تسود الوجه شدن طالعته مصدومه وبنفس الوقت مفزوعه من صرختها عليها ...لأول مره كذا تصرخ عليها قالت والعبره خانقتها : آلحين كل ذا عشان ياسر أجل خليه ينفعش مدت يدها اعطيني رقم عمي بدق عليه يجي يأخذني مدام وصلت لكذا .... نوفه فتحت عينها بصدمه من كلامها ...لأول مره تقول لها كذا ...قالت بحده : روحي غرفتش ساكته مدام باقي ماسكه نفسي عنش وتهديدش بعمش مايخوفني لو تبي الرقم آلحين اعطيتش..ولا اقولش بكرا من الصبح بدق عليه بنفسي يجي يأخذش ويعرف وشلون يربيش ..انا عجزت منش ومن لسانش الطويل ....... شافتها مشت لغرفتها ..من غير ماترد ...زفرت بضيق ...هذا الي ماتبيه لو فعلاً تروح لعمها وتفقدها بتروح فيها ....تعوذت من إبليس وقفت ...واتجهت لغرفتها ....مستحيل تخليها تنام وهي زعلانه منها بس وقفت. ...متردد ه خليها شوي تخاف ....ويمكن تتربى حست قلبها... يتقطع عليها ...وهي تسمع صياحها ....الله يجعلني قبلش يمه ويسامحك ي ياسر .. شدن كنت اصيح بحرقه ...لأول مره أمي تصرخ عليه كذا ... وبعد بتعطيني رقم عمي بالسهولة ...انا قلت كذا عشان تسكت وماتزيد علي ...الله يأخذك ي ياسر مثل ماقلبت أمي عليه تذكرت عمي ...يمه لو فعلاً تسويها وتدق عليه ..وقفت وانا اصيح خايفه ...بالحيل ..طلعت للصاله دورت لها ماحصلتها .. بسرعة رحت لغرفتها ...شفتها تصلي ...جلست على الأرض انتظرها....وانا دموعي عيت توقف ...أول ماسلمت بسرعه قربت منها وطحت على صدرها وانا اصيح بحرقه : يمه يمه آسف تكفين يا يمه ماتدقي على عمي والله توبه معاد اعيدها نوفه فاتحه عيونها مصدومه من الحاله الي هي فيها قالت بخوف : يمه شدن هدي ماهو كذا شافتها زادت بصياحها ابعدتها شوي وطالعت وجهاا يمه شدن لو ماتسكتي بزعل منش والله شدن وهي تصيح : يمه ياسر بيفرق بينا والله قلبي حاس بكذا نوفه بحده: يمه وش ذا الهرج ياسر جاا معصب من الي قليته وهو مايبي أحد كان يدري ....وانتي ماقصرتي مابقيتي حد إلا قايله له شدن وهي تشهق من كثر صياحها: يمه لاتدقي على عمي والله آسفه وياسرالهم ومشاكله مالي فيها أبد ..اوعدش .نوفه ابتسمت بحنان : يجعلني قبلش يمه وشلون يهون علي اسوي كذا كنت معصبه ...وآلحين خلاص مدام عرفتي بغلطش مسامحتش لا ياسر ولا مليون ياسر يفرق بينا حطي هالشيء برأسش وصغرت عيونها وتهديدش بعمش ليت ماسمعه ثاني ولأ انا الي بزعل هالمره وانتي عآرفه زعلين شين شدن رجعت ضمتها بفرح: توبه والله توبه يمه ماتخيل ارجع لمرته القشراء وأمه ... نوفه : أمه ماتت وخلاص هالسيرة تقفلت وضمتها بحنان محدن يفرق بينا غير الموت يمه ....يجعلني فداش ... @@@@@@@@@@@ @@@@@@ @@@ @@ @ عند ياسر مسك الجوال وهو متردد ...بيدق عليها وخايف ماترد عليه مثل العاده ..بس لازم يتفاهم معاها لازم ترد عليه ...الليله ولا بيروح لها ويخليها تقابله غصب عنها ...ويتفاهم معاها عشان هالشرط الي قسم ظهره ...دق رقمها وهو عارف انها ماراح ترد عليه فتح عينه بصدمه يوم سمع صوتها قال بسرعة :أخيراً حنيتي علي ورديتي اهون عليش كذآ :اخلص علي ياسر ماعندي وقت أخذ واعطي معك ياسر بزعل : آلحين كم لي ماقد سمعت صوتش وتقولي لي كذا ليه كل ذا ي عفاف عفاف بقهر: تسأل ليه كذا يعني آلحين ماهو مستوعب الي سويته فيني وفي أبوي الله يعينك على نفسك بس ... ياسر قفل عيونه بصبر: عفاف عآرف اني غلطان وغلطان واجد بعد بس والله كنت معصب ومدري وش الي طار بعقلي وماعرفت اتصرف وآلحين لش ولابوك الي يرضيك بس بعيد عن الشرط الي قلتيه لعمتي وبعتبر نفسي ماسمعته ولا دريت به عفاف بحده : ماعندي غير الشرط ولا تزيد وتعيد شرطي تنفذه جيتك بنفسي للبيت وماخليك تتعنى لي بعد وان رفضت والله ثم والله ماتشوف زولي عاد ومايردني إلا المحكمه ... ياسر بعصبيه : عفاف والنهايه معش وش بتستفدي لو تنازلت عن الأرض لأهلش عفاف بعصبيه : ايه اصرخ زود لأني مأخذيت منك غير الصراخ والعصبيه والقساوه ياسر فتح عينه بصدمه: انا قاسي معش خافي الله حرام عليش هالظلم والله اني مبديش عن الكل عفاف بقهر: ياسر طول عمرك عصبي ودايم تحب المشاكل مع أهلي .. وآلحين غلطك كبير وماراح ارضى إلا بشرطي وماعليك إلا تنفذه وبس .. .. باسر بقهر : آلحين يقال تكسري ظهري بهالشرط وتخلي الي مايحكي عني يحكي يكفي البرز شدن ماراح تخلي ولا تبقي حد بالجنوب إلا تقول له ... عفاف بقهريوم تذكرت جية شدن مع عمته : من جدك ياسر يوم تجيبها مع عمتك مجنون والله ياسر بقهر :والله انش صادقه ليتني رفضت وعارضت جيتها ماقصرت طولت السالفة وخلت حتى أمي تدري بشرطش عفاف عضت شفتها بقهر :ماشاءالله مسرع حسبي الله على ذي البنت يبي لها من يربيها صراحه .. ياسر بضيق:عفاف خلينا من شدن الحين وخلينا بمشكلتنا تكفين اطلبي غير هالشرط وخلينا نرجع لبعض كفايه ... عفاف قاطعته بحده:لا تطول السالفة وانت مشكلتنا بيدك حلها وقفلت بوجهه بوقاحه .... ياسرنزل الجوال بعصبيه ..بعد تقفل بوجهي ...ارسل لها ((ورب البيت ي عفاف الأرض ماراح اتنازل عنها خليها بعقلش ولا تفتكري بهاالطريقة تضغطي علي)) رمى الجوال بعصبيه وصرخ ماهو رجآل لو مشيتي كلمتش علي .... التعديل الأخير تم بواسطة فيتامين سي ; 24-10-17 الساعة 07:23 AM | ||||||||
|
| |
|
09-09-17, 10:50 PM
| #23 | ||||||||
| مراقبة عامة ومشرفة منتدى الروايات المنقولة
| اليوم الثآني في المدرسه جلست جنبها وقالت بهمس خايفه أختها تسمعها: أقول شدون غريبه اليوم ساكته حتى فطور مافطرتي وانا مأخذه لش على حسابي شدن طالعتها بنص عين: الله يفكني شرش بس ... نور بهمس : بنت تفتكري انا الي قلت لياسر شدن بقهر: ومن غيرش مسحوب لسانه منه وحضرته جاي يفرد عضلاته .. نور : اوفف الي يسمعش يقول ماشاءالله الي عندها مكان للسر وماهو ثواني بس ويكون عند خلق الله جميع .... شدن عضت شفتها بقهر: بعد لش عين تراددي اصرفي شرش عني وخليني اشوف المصيبه ذي بيدي ... نور سحبت الكتاب من يدها : خفي علينا ي الدافوره الإختبارات النهاية باقي منها حول الشهر .. وبقولش أمي الي قالت له شافتها ماهي مصدقتها حلفت بصدق والله اني ماقلت لياسر ولا شفته من أمس مقفله على نفسي الغرفة خايفه منه وهامه الحين يوم ارجع من المدرسه وش بيسوي معي هذاك اليوم ضربني ضرب مابعده وحذرني منش بس انا الغبيه ماتوب شدن بعصبيه: يحذرش مني ليه وش شايف علي والله أخوك معقد ..بالحيل ....وفارقي خليني اذاكر امس اخوش صدع رأسي منه ومن صوت هواشه يقال ذابحه حد من أهله ماهو كم كلمه تافهه مثل وجهه.قايلتها وهو كبرها نور بزعل: شدن ياسر حياته خط أحمر مايحب حد يتكلم عنها وانتي ماشاءالله ماتقصري ي دوب بس يحصل معه شيء ماتخلي أحد إلا قايله له ...وبعدين من وجهة نظرش تشوفيها تافهه بس هولااااا شدن بطفش قاطعتها : نور شوفي اختش هناك لو تجي وتسمع الي نقوله والله بتنكبش عند اخوش يالله فارقي لها واطلبي رضاها عشان مصلحتش ...وسكتت وانا أشوف ابله عفاف تمشي من يمنا وراحت تكلم أختها الي تدرس معانا في نفس المدرسه همست : ابله عفاف داومت متى ماشفتها في الطابور ... نور بضحكه : ايوه ولا تنسي الحصه الرابعه علينا يعني كلها دقائق وتنورنا ...ي حلوو شدن حست بوزي افف الله يصبرنا ..طالعت نور بقهر :افف دق الجرس ...وقفت وانا مابي ادخل الفصل ..ماحب شرحها ولا المادة تبعها .بس عندي فضول وشلون بتتعامل مع نور وحور ..بعد سوات اخوهم معاها..دخلت الفصل ..وجلست مكاني وانا انتظر بحماس لابله عفاف متى تدخل لنا ...همست لنور الي جلست جنبي : افف تأخرت ... نور طالعتها بسخريه : ماعمرش انتظرتيها بهالحماس خفي على نفسش من هاللقافه ... شدن صغرت عيوني بقهر ...ودي ارد عليها بس سكتت غصب عني وانا اشوف ابله عفاف ...دخلت الفصل ...وهي تتمخطر ي ارض ماعليك إلا هي يمه على الكبر الي برأسها ... بعصبيه صرخت :بدون صوت لو سمحتووا والي حاب يستعبط ويتكلم يشرف برا من آلحين شدن هسمت لنور : ياربي حتى سلام ماسلمت وسكتت من الصرخه الي جتني : شدن احترمي الكلام الي أقوله شدن بخوف :آسفه ابله ابله عفاف بقهر وهي تذكر كلام ياسر انها ناقله الي صاروخلت سالفتهم على كل لسان رفعت يدها وقالت : شدن براااا بسرعه مالي بوجع الرأس ... شدن حست بظلم وشلون تطردها كذا بدون سبب طالعت لنور وحور ...تبيهم يفزعون لها بس شكلهم خايفين لا ينطردوا هم بعد ..ويتفشلون بدل ماتشوف كيف بتعاملهم انقلبت السالفة عليها وش ذنبها وايش دخلها بعد تحط حرتها فيها..قالت بقهر: ابله ماسويت شيء ظلم اطلع من الفصل كذا بدون سبب عفاف تعوذت من إبليس وقالت : خلاص انثبري مكانش ولا اسمع لش صوت ولا والله هالمره مايردش إلا الباب شدن جلست وهي مقهورة ...أشلون كذا تفشلها ..قدام الطالبات وهي ماسوت لها شيء ...توقعت تتمنذل بنور وحور بس هي لا حست نفسها ماسكه حالها غصب ...في الصيحه ....ودها ترجع لأمه نوفه وتقول لها وش صار ....معاها ....وتخليها تربي هالعفاف الي ذلتها قدام زميلاتها .... @@@@@@@@@@@@@@@@ @@@@@@@@@@@@ @@@@@@ @@@ @@ @ عند ياسر ... جالس بالكوفي حق المستشفى ... رفع الكوب وأخذ منه رشفه ..وهو يتذكر مكالمته لعفاف ... بدل مايهدي الوضع يحسه زاده ...زفر بضيق ....وهو محتار وش يسوي ...يرضى بشرطها ويتفشل بين جماعته ..ولايرضى بالطلاق الي طالبته ....وينحرم منها ...طالع خويه الي جاي يمه ... : وش فيك ضايق عسى ماشر ياسرهز رأسه : مافي شيء وقولي ايش أطلب لك راكان رفع حاجب : علي هالكلام قوله لحد ثاني بيصدقك اما انا لا ياسر زفر بضيق : ماعليك مشكله بسيطه وان شاء الله تنحل راكان عقد حواجبه :المشكله تخص العمل ولا خاصه ياسر: خاصه راكان : محتاج فلوس ياسر ... ياسر وقف وهو يتهرب مايبيه يضغط عليه ويقول له : الحمدلله الخير واجد عن اذنك ...بشوف الي علي @@@@@@@@@@@@×@@@ @@@@@@@@@@@ @@@@@@ @@@@ @@ @ رجعت البيت وهي تصيح شافت أمها قدامها ...رمت نفسها بحضنها وهي منهاره ... نوفه قالت وهي مفزوعه: يمه شدن وش فيه وش صار معش يمه قولي لي حد تعرض لش حد مسوي معش شيء وقولي بسرعه طيحتي قلبي شدن وهي تصيح بقهر: طردتني وفشلتني والله إني ماسويت شيء نوفه عقدت حواجبها مستغربه : مين يمه الي طردش شدن وهي تصيح بقوه: ابله عفاف بدون سبب يمه والله ماقلت شيء لها ماغير هبت علي كذا من وقت مادخلت الفصل نوفه بقهر :مين تكون عشان تطردش هذي اخرتها واقفه بصفها وتسوي فيش كذآ ابعدتها ومسكت الجوال دقت عليها ماردت طالعت شدن آلحين بروح أتفاهم مع ياسر واخليه يوقف مرته عند حدها ماتوصل انها تطردش من الفصل قدام زميلاتش وتفشلش ماعاش الي يذلش وانا موجوده.... شدن حسيت بفخر وانا اسمع كلامها ...ايه يمه خذي حقي كله منها مشيت مع امي وانا فرحانه بالحيل والله مايفوتني هالموقف ...طلعنا من البيت شفت ياسر نازل من سيارته .... على طول امي نوفه قالت: والله ي ياسر لو ماتوقف مرتك عند حدها وتخلي الضعيفه بحالها لا اوريها وجهي الثاني وأنت تعرفه ياسر وهو يتلفت متفشل خايف حد يسمعه طالع شدن بغيض كله من هالسوسه تلاحق عمته وخلت عقل عمته يطيرمن محله ولعاد تقدر هي بالشارع ولا بالبيت قال بغيض: عمه الله يهداش بالشارع وتصارخي بصوتش كله هالبزر فقدتش عقلش لهالحد أمشي ادخلي نتفاهم نوفه بقهر : ماغيرمرتك الي تبي تفقدني عقلي آلحين وش ذنبها عشان تطردها قولي وش ذنبها المدرسه مدرسة ابوها وانا مدري والله ثم والله لو عاد ..تعرضت لها بتشوف شيء ماشافته هالمره والله ماتردني إلا الإدارة اشكيها فيها .... ياسر صغر عيونه بقهر آلحين هالعصبيه عشان كم كلمه قالتها لشدن يالله ي عمه ي هي لاعبه بحسبتش هالنتفه قلت وانا اهدي فيها : مايصير خاطرش إلا طيب ي عمه وآلحين تفضلي تغدي معانا وعيني من الله خير وحق بنتش بيوصلها ...وعفاف بنفسها بتدق عليش وتعتذر نوفه بزعل : مابي لا غداك ولا ابيها تدق علي ..أمشي ي شدن ياسر لحقها مايهون عليه زعل عمته ...بس الباب تقفل بوجهه قبل يوصل ..وقف مصدوم وهو يسمع كلامها ... أول مادخلوا البيت قفلت الباب بقوه و قالت بسخريه : قال ايش تدق تعتذر خليها ترد عليه يمه بعدين يقولها تعتذر منش الله يأخذ حقي منها ... .ياسر عض شفته بقهر يوم سمع وش قالت ...والله لوعليه يطردها من الجنوب كلها ....آلحين حتى في ذي بتشمت عليه ...دخل البيت وهو معصب ...شاف أخته حور تحط الغدا قال بحده: وش الي صار بين عفاف وشدن بسرعه انطقي .. حور بشماته:خليها تربيها هالشدن مايعرف لها غير عفاف ابو ياسر بحده: وش عليش على هالضعيفه حاطه حيلش عليها بدل ماتصيري لها أخت صاير ضدها نور بقهر من حور :ماعليك يبه حور تغار من شدن طول عمرها .وابله عفاف زعلتها وهي ماتستاهل ولا غلطت بشيء صراحه ي ياسر زوجتك جت حاطه حرتها فينا من غير سبب ياسر بعصبيه : انتي انكتمي محد سألك وتستاهل على قول حور خليها تربيها ..وليت تأحذ حقنا جميع منها قليلة الأدب . ام ياسر بدقه له : خليك بس من كلام النسوان وقول وش بتسوي ترا قلت لابوك وقال لو بينزل نفسه يتنازل عن الأرض ويفشل عمره بين جماعته ... ياسر عض شفته بقهر أمه دايم تزيد عليه بدل ماتهدي عليه : قلت لش يمه تنازل ماراح اتنازل وعفاف بترجع بعد لي وهي راضيه ابو ياسر طالع زوجته بعتب من متى هو قال كذآ ولاعمره يفكر يتدخل بينه وبين مرته : الليله نروح لهم ومعانا الجماعه وان شاء الله خير.. وصدقني جابر يوم يشوف الرجاجيل بمجلسه بيطيح الي برأسه آلحين ي بوك اجلس تغد وعين من الله خير ... ياسر بضيق : ان شاءالله خير يبه وطالع الغداء وقال عليكم بالعافية تغديت بالمستشفى .... ام ياسر بقهر : ايه موت نفسك جوع عشانها وهي ماشاءالله ماغير تبلع في بيت أبوها وصايره عرض الباب ذا وأنت اجلس بها رجآل أخر زمن الزعل لنسوان وانا أمك ابو ياسر بحده: وبعدين يعني خليه براحته ...وهي الله ينعم عليها بالصحه والعافية وطالع ياسر روح يبه ريح لك شوي وبعد المغرب نروح لهم ... @@@@@@@@@@@@@@@ @@@@@@@@@ @@@@@@ @@@ @@ @ بعد شهر :: :: في الرياض قالت بسخريه : سمعتي وش صار هالفتره أميره عقدت حواجبها مستغربه : بسم الله وش صار الشموخ بشماته: ولد الجوهره خطب وسحب عليك ي كبرها على قلبك أميره بصدمه من كلام أختها وصل فيها تقول لها كذا حاولت تمسك اعصابها بقدر ماتقدر: وخطب يعني ايش صار الله يوفقه ويسعده ان شاءالله يستاهل عناد .....كل خير الشموخ ميلت فمها بأبتسامه وقحه: كذا بهالسهوله الله يسعده أشرت على قلبها هذا ماهو محروق .. أميره بعصبيه: وينحرق ليه بالله وش دخلني فيه الشموخ بضحكه : على هونك ي قلبي وبلاش العصبيه هذي ترا ماراح تقدم ولا تأخر ولد الجوهره أختار بنت صديقة امه يعني راحت عليك يالله ماعليه حسافه ربي فكك منه ... أميره هزت رأسها بعجز من تفكير أختها التافهه: الله يشفيك بس وينظف قلبك ....رجعت تطالع جوالها الشموخ ضحكت بصوت عالي : غبيه مفروض تفرحي له وانتي انفكيتي منه ...الشاحت ذا وه يفشل ..صراحه حزينه على عبير ...ذي الي بيأخذها ...اممم تعرفيها صح معانا في الجامعه ...مره ماهي حلوه بس لايقه عليه أميره وقفت بقهر من تفاهة عقل أختها : اروح أحسن الشموخ أشرت بيدها بدون مبالاة...... | ||||||||
|
| |
|
09-09-17, 10:51 PM
| #24 | ||||||||
| مراقبة عامة ومشرفة منتدى الروايات المنقولة
| ام ياسر بقهر: ليته يسمع كلامي ويخليني اخطب له أمل بنت جيرانا ...وش رايش فيها بالله نوفه : آلحين بدل ماتصلحي بينهم تقومي تزوديها .. ام ياسر: صدقيني معاد به صلح هالمره واذكرش ان الطلاق حاصل ياسر من بعد جلسة الجماعه بمجلس ابوها وفشلته قدامهم يهدد لو ماتراجعت عن طلبها ..معاد لها رجعه وآلحين ينتظرها تعقل وتكبر عقلها وبيرجع يكلم الجماعه ويروحون معه ويشوف وش يصير معاهم هالمره ي ترجع ي يطلقها ..ويفكنا شرها هي وأبوها نوفه بحكمه:ليت مبارك ماكلم الرجاجيل هذاك اليوم وراح لهم والسالفه باقي مابردت ..ليت مخلي الأمور شوي تهجد مثل آلحين قد لها حول الشهر يعني لو راحوا ان شاءالله خيروفيه أمل تطخ عن الي برأسها ام ياسربعصبيه : من متى حنا نمشي كلمتنا على رجاجيلنا ي نوفه وعساها ماترضى عشان اكسر رأسها ب بنت سعيد والله أتمناها من زمان له ..صغيره وبها الزين ماهو مثل العجيز عفاف لاخلقه ولا أخلاق وهو مستخف عقله عليها نوفه بعتب: خافي الله ولا تهرجي عنها بذي الطريقه ..وعفاف مافيها شيء ينعاب ...وبعدين لا تحكمي عليها ماقد كملت السنه مع ولدش عشان تعيبي على أخلاقها ام ياسر بقهر : هذي وماقد كملت السنه وهذي سواتها هي وأهلها والله أحمد الله انها ماحملت وابتلش ولدي معاها نوفه هزت رأسها بضيق: استغفرالله العظيم شدن ..طالعت الكتاب بطفش ..اليوم علينا آخر ماده وبكره أخريوم خلاص الحمدلله وتبدأ الإجازة ..ومتشوقه حيل لرمضان ...قفلت الكتاب .وطلعت للحوش تفاجأت بوجود ام ياسر عندنا.افف فاتني وش صار بينهم ي ترا من متى هنا .فتحت عيني بصدمه يوم قالت ام ياسر : هاا بتروحي معي لبيت ام سعيد واخطب أمل لياسر ولا رحت لحالي نوفه بحده: استخفيتي والله وش خطبه الرجآل يبي مرته وانتي تبينا نروح نخطب له حرام عليش .جلست اسمع كلامهم .. شدني موضوع ان خالتي تزوجه الله حماس ....مابعده ..ليت تزوجه ويبرد قلبي في ابله عفاف .....بس عاد مالقيتي إلا أمل صغيره مره عليه ...وهو قده شايب كبير عنها ..قربت منهم وجلست ...بس سكتووا يوم شافوني جلست ...عضيت شفتي بقهر ..لهالدرجه معاد فيه ثقه ... نوفه بحده : شدن ارجعي غرفتش وكملي مذاكره شدن :كملت الحمدلله ام ياسر بقهر :طيب روحي شوفي لش شغله ولا روحي للبنات شدن بقهر .: قولوا انكم تصرفوني وبس ..مديت يدي وأخذت معمول وفنجان قهوة ابي اماطل عشان اسمع نهاية السالفه .... بس طرت واقفه من صرخه أمي ..دخلت غرفتي ..وانا أفكرفي زواج أمل وياسر ...والله حرام صغيره مره وبعدين صديقتي وطيبه حيل حرام تنظلم بياسر ... @@@@@@@@@@@@@@@@ @@@@@@@@@ @@@@ @@ @ الرياض اليوم الثاني :: :: قفل..الجوال وهو مستغرب. .وش يبي فيهم الشايب .. طالع مصعب الي مشغول بجواله ..يآربي من يوم نقل لبيت أمه وهو أخلاقه بخشمه ليته يرجع بيت أبو بدل هالوحده ساكن فيها ...وقف وقرب منه وجلس وهمس له تصدق مين الي قفلت منه توو ..... طالعه ببرود : مايهمني عادل عض شفته بقهر من برود خويه :الشايب داق عليه يقولي أعطني رقم خويك الي أنقذ ولدي .... مصعب رفع حاجب وقال : هالشايب ماراح أخلص منه صرفه عادل بحده : وشلون الرجآل طالب رقمك تقولي اصرفه وشلون مصعب بطفش : تراك اذيتني ولو رسلت له رقمي ذبحتك عادل طنشه ...وارسل الرقم ..وهو يطالعه ...ابتسم بخبث هين والله لاخليه ينشب لك بعد ...وفعلاً كلها دقايق ودق جواله قال بأبتسامه واسعه : مين داق عليك شوف مصعب صغر عيونه بقهر : لا يكون سويتها وارسلت رقمي له عادل وقف وهو ماسك ضحكته : الظلم ظلمات يوم القيامة شوف بس مين الله يهداك ...دايم تظلمني مصعب فتح الخط وهو مقهور : الووو رد بحماس عليه: السلام عليكم مصعب : عليكم السلام : معي مصعب مصعب أخذ نفس : ايوه مصعب معاك خيرفيه شيء الشايب بفرحه: معك ابومحمد ان شاءالله انك عرفتني يا السنافي انشهد انك رجال ولد رجآل والله اني ماهو عآرف اجازيك على الي سويته يالنشمي ... مصعب طالع عادل بحقد آلحين وش يفكه من هالشايب ...قال بطفش: هلا فيك ي عم أكيد عرفتك ..وتسلم واللهو الي سويته واجب واي أحد مكاني بيسويه من غيرتردد .... الشايب : اسمع ي بوي ولدي بيرخصونه اليوم ان شاءالله ومسوي عزيمه كبيرة وأبيك تحضرها وآلحين بخلي ولد اخوي يرسل لك العنوان ...ولا جيت لي بنفسي قولي وين مكانك مصعب قفل عيونه بصبر وهو يتحلف في عادل: اعذرني ي عم مشغول حدي خلها مره ثانيه وابشر بعزك ... ابو محمد بسرعه :والله ان تحضر ولا زعلت منك مصعب بعد يحلف عليه عرف انه ماراح يخلص منه وناشب له عض شفته وهو يدعي الله يصبره : تم ابو محمد بفرحه : آلحين بيرسل لك العنوان وإذا مادليت دق بس وبنفسي اجي يمك وأخذك ... مصعب بضيق : اوك خليه يرسله وبدل عنوانك ان شاءالله ابو محمد بترحيب: ي هلا فيك بتنورالديره مصعب هز رأسه مكانه بعيد وماله مزاج يروح بس ويش يسوي مع هالنشبه : تسلم ي عم وقفل منه وقفز بخفه مسك برقبة عادل: رسلت له رقمي ي ال******* عادل وهو يحاول يصرخ ماهو قادر :ما رس لتتت له مصعب بصرخه وهو معصب : ي شيخ بصدقك آلحين عادل وهو يحس بكتمه : م ص عبب فكككني بموت مصعب اعطاها بوكس بكتفه وفكه وهو معصب ... عادل مسك كتفه بالم وهو يصرخ : حسبي الله عليك ي الظالم شايف نفسك انك معضل وتحط حيلك فيني ... مصعب أشر بتهديد انه بيعيطه الثاني بس على طول صرخ عادل : روق ي رجآل مصعب بقهر : ليه أعطيته وانا محذرك عادل وقف وهو ماسك كتفه بألم : نشب لي وش اسوي كل وقت يدق يقولي ارسل لي رقم السنافي وبهمس مايدري فيك حتى بيت ابوك مطرود منه مصعب صغر عيونه بقهر وطلع من البيت .وهو يسمع صراخ عادل ..راح البيت أول ماوصل دخل شاف عناد قدامه بالحوش جالس ويكلم صقره الي واقف على يده إبتسم بحقاره وهو يناظر الصقر: تبيع عناد من غير مايطالعه : الصقر يبي له صقار ... مصعب عض شفته بغيض: ماعليك وكاد اني أخبر منك فيه عناد رفع حاجب: الصقور واجد روح خذلك ((لزام ))مابيعه بكنوز الدنيا واعطاه ظهره ومشى مصعب بسخريه : بعرض عليك مبلغ وكاد تغير رأيك عناد وقف وقال:قلت كنوز الدنيا كلها ماتغنيني عن لزام ولو تبي طير حر أبشر بكلم خويي يشوف لك وأحد مصعب طالعه بسخريه وقال : مابي غيرالي بيدك عناد رفع حاجب: بعيد عنك ... مصعب طالعه بحقد ...ودخل البيت شاف زوجة أبوه جالسه قدامه ...ميل فمه بابتسامة كلها حقاره للي قدامه جلس على الكنبه بقوه وقال : وينه صقرك اليوم غريبه دايم جالس معك الجوهره ببرود وهي تطالع اظافيرها:عاذرته مشغول مصعب ضحك بوقاحه : ههههه كويس وانتي عاذرته إلا كان بتكون نهايته وخيمه .. الجوهره بقهر من وقاحته لازم ينكد عليها بس تعرف كيف تخليه يموت بقهره: بسم الله عليه قلبي مايطاوعني الله يخليه لي ولا يحرمني منه وبمشماته ..قولي وش رجعك أبوك يقول جالس بيت أمك ... مصعب ببرود ظاهري وهو وده يقوم يفرك خشتها الأرض : على كيفي وقت ماجي أجي عندك مانع الجوهره طالعته بسخريه ومدت يدها وأخذت فنجان القهوة مصعب :بقولك عرضت على ولدك سومه طيبه في طيره بس رفض حاولي تقنعيه يبيعه مني الجوهره ببرود: قلتها بنفسك رفض وشهوله ارجع أكلمه مصعب رفع حاجب اوه مستقويه مره هي ولدها خلاهم بس مده رجع وهم كذا لا لا طلوعه من البيت ماهو في صالحه ....وقف وقال ببرود : أنتم الخسرانين الجوهره بخبث :مدام حنا في عز أبوك مستحيل نخسر الله يطول بعمره ويبعد عنا كل شر ومن فيه شر .... مصعب طالعها بحقد :والله ماغيرك شر طلع لغرفته وهو وده يذبحها ويريح نفسه منها ...رمى نفسه على السرير ..وهو يتذكر عزيمة الرجآل....زفر بضيق افف آلحين انا فاضي لعزايم ...قفل عيونه بصبر يوم جواله رن ...نزل يده وطلعه من جيب بنطلونه. ..ورفعه شاف رقم عادل ...زفر بقهروهو يفتح الخط : نعم عادل بضحكه: وش رايك نمشي الحين تعرف يبي له مشوارمكانه وحنا آلحين قريب من المغرب يعني يالله يمدي .. مصعب عض شفته بصبر: العزيمه لي ولا لك ودي اعرف عادل : عزمني قبلك امش بالله خلنا نروح والله اني متشفق ودي اشوف البزر كيف حاله .... مصعب زفر بضيق: الله يصبرني عليك بس يالله اجهز وامر لك قفل بوجه ورمى الجوال ...وجلس ...وهو ضايق ماوده يروح هالمشوار ...بس عارف ماله خلاص منهم ..أخذ شور ..ولبس الثوب وتكشخ بالشماغ ..ونزل وهو يلعب بالسبحه بيده ...شاف ابوه قدامه قرب منه وسلم عليه ابو مصعب قال وهو مستغرب من هالاخلاق نزلت على ولده: ماشاءالله والي متغير فيك اليوم مصعب ابتسم على جنب : ترببت يبه وحط يده على خده مكان الكف عشان يذكره .. ابو مصعب وهويتهرب : وين رايح مصعب : مشوار خاص وهو يطالع الجوهره .....فيه شيء تبي تعرفه أكثر ابو مصعب هز رأسه بيأس من ولده رفع يده: الله يستر عليك روح ..وارجع لهنا هذا بيتك مصعب عض شفته بقهر : وهذاك بيت أمي وبيتي ولا نسيت . @@@@@@@@@@@@ @@@@@@@ @@@@@ @@@ @@ @ في الجنوب :: :: : واقف جنب الإشارة...وهو يفكر ..يحس الأمور تعقدت زود هو راكب رأسه وهي بعد يحس بكرهه للأرض ..بس بعد يحسها عيبه بحقه حرمه تحكمه وتمشي كلمتها عليه ..طالع الجوال يوم وصله صوت المسج ... مد يده وأخذه فتح المسج فتح عينه بصدمه وهو يقرأ محتواه ((هذي أخرتها ي ياسر تقولي اتنازل عن شرطي وأنت رايح تخطب بنت جيرانكم أمل البزر الله يحرق قلبك مثل ماحرقت قلبي )) مصدوم حده متى راح.. خطب بنت جيرانهم دق عليها يبي يتفاهم معاها ويعرف مين الي قال لها هالكلام قفلت بوجهه ...عصب زود رجع دق نفس الحكايه قفلت ارسل لها ((طيب ردي وخلينا نتفاهم ماهو ترمي كم كلمه كلها كذب وماتكوني قدها))وكلها دقائق وصله ردها ((ياسرلا تحاول تنكر المدرسه كلها تتكلم عن خطبتك من أمل هذي أخرتها والله وأنا بنت أبوي معاد إني راجعه حتى لو تنازلت عن شرطي ماهو أنا الي تجي على رأسي مره ولا تدق ماراح ارد عليك)) رمى الجوال بعصبيه واتجههه لبيتهم وهو مقهور حده متى راح خطب ولافكر بعد يتزوج عليها يموت ويعرف مين الي مطلع هالكلام ..الكذب @@@@@@@@@@@@@@@ @@@@@@@ @@@@ @@ @ الرياض :: :: أول ماوصلوا الديره ..استقبلهم الشايب وعيال أخوه وصوت الرصاص وهم يرحبون فيهم قلطوهم للمجلس الكبير ...والي كان به ..الرجاجيل ...ينتظرونهم .. عادل أول ماجلس طالع مصعب الي جلس جنبه و أبد ماهو رايق همس له: ياخي فكها شوي عيب الرجآل عازمك وجالس يرحب فيك من وقت ماوصلت وانت ماغيرقالب خشتك مصعب بهمس: عادل ترا مقفله معي اسكت شوف ذي الزحمه تقول عرس ...غربلنا هالشايب ... عادل بقهر: انت ماهو كفوو حد يعزمك ويقدرك ...وسكت وهو يمد يده الي يقهويه ..وهمس لمصعب قوم خلنا نسلم على الولد مصعب .. وقف معاه ورحوا جهة الولد الي ممددد على الكنبه وسط المجلس قرب منه وجلس: كيفك اليوم ي بطل البزر بخجل: بخير بس هذي باقي تعورني وهو يأشر على رجله المكسوره مصعب ابتسم له بحزن : ماتشوف شر وهذي يبي لها شوي وتخف ..خلك رجآل ... ابو محمد : الفضل لله ثم له ي محمد هذا الي نقذك .وقرب منه وسلم فوق راس مصعب الي أبد ماتوقع ... ورفع صوته بالمجلس : اشهدوا علي ي جماعه اني عطيت بنتي لهالرجال الكفوو ولا أبي فيها ريال واحد وليت أطلع من جزاه مصعب طالع عناد بصدمه من الي قاله الشايب همس له : كيف يقول ماعنده غيرهالولد الحين هالبنت من وين طلعت .... .... @ @ @ نتوقف هنا ولنا لقاء قريب بإذن الله نوني لا ابيح ولا اسامح الي ينقل روآيتي بدون ذكرآسمي ومابيح الي ينقلها على الانستقرام حتى بذكر آسمي " سبحان الله بحمده سبحان الله العظيم " " الوتر أحبتي " الله يرحمك يامن اوجعني فراقك ... | ||||||||
|
| |
|
09-09-17, 10:52 PM
| #25 | ||||||||
| مراقبة عامة ومشرفة منتدى الروايات المنقولة
| مساء الفل ي حلوين البآرت نزل قراءة ممتعه للجميع ولا تحرموني ردودكم الي تسعدني حيل وتحمسني للكتابه أكثر استودعتكم الله الذي لا تضيع ودائعه نوني بنت الجنوب | ||||||||
|
| |
|
12-09-17, 02:47 PM
| #27 | ||||
| السلام عليكم ورحمة الله وبركاته انا دخلت بس مشان اشجعك بس موش راح اقراها الا لما تخلص اصل بعد الترقب و الانتظار في الرواية الفارطة حرمت اقرا رواية لسة بتتكتب اعمل ايه بقا يا نوني ما عند صبر مشان انتظر البارت حتى ينزل لذا موفق بإذن الله ... لك مني أجمل تحية . | ||||
|
| |
|
15-09-17, 06:17 PM
| #28 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته صباح النور وهذا مقتطفات من البآرت الرابع ياعسولات والي يجيب المحادثه تخص مين البآرت راح ينزل باسمه يالله ابي حماس عشان البآرت كامل عندي وبنزله على طول اليوم الي بعد ان شاءالله بس حابه اشوف توقعاتكم لمين المحادثات الي صايره وابي اسم حلوه فيكم بسرعة ذكائها تنور لي البآرت @@ @@ @@ مسكت يدها بأسف : لا تعتبيي علي اني ماقلت لش حسبته قايل لش مثل العاده ...وبعد قطعت عنش ذي الفتره والله ماغير جالسه بالبيت خايفه بضيق أبد ماهو وقت تشكي آلحين هي في مصيبه مايعلم فيها غير ربي @@ @@ @@ @@ @@ سكتت شوي وقالت بتردد :إلا عندي حل لو صار بتنحل ذي العقده بسرعه : موافقه على اي شيء .. @@ @@ @@ @@ قال بصوت حاد: ليه ماجبت أبوك ولاحد من أهلك يحضر ملكتك. بقهر منه: لا تبي تروح معنا ان شاءالله @@ @@ @@ @@ أفضل شيء أرسل له ...ولو ماجابت فائده الرساله هذاك الوقت بيحاول يدق عليه .... :تخيل لو تدري والله ماغير ..تفضي ...السلاح برأسه ولا تردد :زفر براحه وهميه وهو يحاول يقسي قلبه .. @@ @@ @@ @@ : آلحين هالزواج المستعجل وش نعتبره بالضبط .... ((اللهم صل وسلم على نبينا محمد )) صلو عليه في ذا اليوم الفضيل | ||||||||
|
| |
|
15-09-17, 07:01 PM
| #29 | |||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|  اقتباس:
مساء السعادة والرضا » ام ياسر ونوفة » نور وشدن » مصعب وعادل » عصرت مخي لكن ما عرفت  ..، بس يمكن عادل وعناد 😞» ياسر  يعطيچ العافية فيتو  | |||||||||||
|
| |
|
16-09-17, 02:29 AM
| #30 | ||||
| السلام عليكم اولا أحب اشكر نوني عالبارتات الجميلة والأكثر م رائع وأشكر الأخت فيتامين سين ع النقل للبارتات شكررررا من القلب أتوقع اللي رسل بالرسالة فالجزء اللي يقول لو عرفت رمتك بالرصاص انه ياسر بعد قهره من شدن وانه عرف انها أهي اللي متكلمة وقايله انه خطب أرسل لعمها رساله اعتقاد لا اكثر اما جزئية الزواج السريع فاعتقد انه مصعب ويمكن يكون عناد هههه بس الجزئية فالمقتطف الاول انها شدن ونور كذا تحليل ماعتقد ام ياسر تكون كذا مع نوف هذا رائي 🙃 ننتظر البارت بحماس كبيررررر 🌹❤ | ||||
|
| |
|
| أدوات الموضوع | |
| انواع عرض الموضوع | |
|
|
20Likes
.png)
العرض العادي
