03-03-18, 03:30 PM
| #351 | ||||
|  واخييييرا وصلت لاخر بارت وان شاءالله ابدا متابعه الروايه معاكم بس ابغى اعرف وقت نزول البارت يالله ياشدن مستفزه وكميه غباء فيها وخيالها واسع جدا ومقتنعه انها هي الصح والا تفسره صح بس شكل طلعتها هذي وكلام سعد ممكن سمعه ياسر راح تكون نهايتها ويرجع شوي عقلها وانها كان بتخرب سمعه بنات مالهم ذنب الا انها ما تحاسب على تصرفاتها ياسر غلطان بعد ماعنده اسلوب غير الضرب والضرب مايجيب نتيجه بذات في حاله شدن وما اتوقع عفاف ترجع له اصايل ارحمها واحزن عليها جهه من ابوها وجهه مصعب الله يعينها بس مع الحمل مافي روحه لامها او انه يرجعها عشان مايحس بالذنب بس احتمال انه يتقبلها في حياته ومايطلقها اتوقع الشريط الا بيهدد فيه الجوهره عن سهراتها وسفرياتها وممكن تكون مختلطه او زي كذا عناد راح يكتشف الشموخ مهما كان هو محامي ومارخ تمره عليه هذي الطريقه بغباء شمسه تحزن امها وعواد وابوها بس مع موت امها عواد راح يوقف معها ويحن عليها وينصلح حالهم واستمري يامبدعه يعطيك الف عافيه ولك مني اجمل تحيه🌹😘 | ||||
|  |
|
04-03-18, 12:24 AM
| #353 | ||||||||
| مراقبة عامة ومشرفة منتدى الروايات المنقولة  
| السلام عليكم مقتطفات البارت { 23} • • هزت رأسها وقالت :لا فديتك جيب الشنطه ولا هنت بعد جوالي • • قال بفخر : شهيد ان شاءالله وتفتخري فيني • • ونزل نفسه شوي وسحبها من يدها ...وبسخريه عروس وابي اونسها • • سكت وماتدخلت ..ماراح تقنعها تروح له عارفه انه بيغثها ..كلهم مثل بعض • • حسيت ان ((السالفه فيها إن)) قلت بشك :انتهى الزعل اللي بينكم صح ~~~~~~ ~~~ ~ | ||||||||
|
| |
|
05-03-18, 02:07 AM
| #356 | ||||||||
| مراقبة عامة ومشرفة منتدى الروايات المنقولة
| . اللهم إني استغفرك وأتوب إليك • • اللهم صلى وسلم على نبينا محمد (صلوعليه) • • { 23 } • • بعصبيه قرب منها يوم شاف ولد جارهم معطيه ظهره وداخل بيتهم قال بهمس غاضب:وش مطلعش ذي الوقت {شدن} بدون شعور التفت ادور لولد جارنا بس مدري كيف اختفى ..يعني ياسر ماشافه ايه أكيد ماشافه مدام ..يسألني عادي قلت بسرعه وأنا أحاول اقوي نفسي : بروح لأمي ياسر سحبها معه للبيت وهو معصب أول مادخلها الحوش بسرعه ضربها كف خلاها تلف حول نفسها ..وصرخ بعصبيه : الحين وش يقول عنش حالفه يعني تفضحيني بالجنوب كلها بسبب تهورش يعني ماسدش هروبش بجده جايه هنا وتكملي مشوار فضايحش شدن طالعته وأنا ماسكه خدي بقهر .. وبعد ماني قادره ابرر له ...صح أنا غلطت يوم طلعت به هاالوقت ..حسيت به يوم شدني وراه بقسوه وبسرعه دخلني غرفته وقرب مني وهو يتحلف : والله ثم والله بسبة عملتش ذي انش ماترجعين لعمتي وحطي ذا الشيء في بالش تروحي تسلمي عليها وتنقلعي هنا وأنا بنفسي بربيش واعلمش وشلون تعرفين ان لتصرفاتش حد وبقهر سحبها من شعرها وقربها منه الحين وش بيقول عنا شدن هزت رأسها بخوف وقالت بكذب: لا من أصله ماشافني ولا شفته بس سكتت من صرخة ياسر :غبي عندش شايفتني وأنا بنفسي شفته داخل بيتهم يعني شافش يالله فكني من شره هالليله ...أجل شافه بس ..لو يدري انه كلمني بعد وش يصير .. قلت وأنا احاول ابعد يده عن شعري ودموعي تنزل :تكفى ارخي يدك والله انك جالس توجعني ياسر ضربها على فمها وصرخ :اوجعش بعدش ماشفتي الوجع ي شدن والله ماشفتيه أبد وهز رأسه بقهر ذلحين وش يقول عني بالله شدن بكذب : اقولك ماشافني وشكله مانتبه وأنت بعد شكلك تهيأ لك انه به حد ياسر فتح عينه بقوه : تهيأ لي بنفسي شايف الرجال داخل بيتهم وتقولي يتهيأ لي قربها منه وقال وهو صاك على سنونه اذبحش الليله واريح عمري من ذي العيشه معش فكها وهو ينتفض من عصبيته هالمره زودتها حيل وبتفضحه مشى بخطوات سريعه للدولاب وفتحه وطلع الرشاش ورفعه بوجهاا وهو يتنفس بسرعه ... شدن بخوف من اللي تشوفه بيده بدون شعور ركضت للزاويه وهي وتصرخ :وجهه الله عليك تنزله وافهمني تكفى ياسر بعصبيه : اكتمي قبل انفضش به شدن أول ماشافته قرب منها والجدار وراها يعني مابه أمل تهرب طاحت عند رجوله وهي تذلل له : تكفى والله معاد بعيدها تكفى فكني لوجهه الله الله يخلي لك امك وابوك وعفاف تكفى لاتروح نفس مظلومه والله انك فاهم غلط ياسر انصدم يوم قالت عفاف طالعها بقهر ورفسها بقوه وقال وهو حاط الرشاش بين عيونها : والله ثم والله لو سمعت كلمه ولا جاااااء وقالي شيء لا اذبحش بدون تردد جلس على ركبه قدامها وهو ماسك الرشاش بيده ومتسند عليه شافها قدامه ترجف ..من الخوف ..قال بهمس مرعب :تدرين بنفسي بدق على عمش وبقوله بوساختش وانش واقفه مع رجال غريب وبعيوني شفتش هالمره ماظلمتش أبد شدن للحين ماهي مصدقه انها باقي حيه يالله روحها بتطلع يوم حطه بين عيونها بس يوم نزله حست بشوية راحه بس الكلام اللي يقوله ارعبها بعد مسكت يده بخوف وهي تترجاه :والله مظلومه والله كنت رايحه لأمي وأنت مدري وشلون لمحت الرجال والله العالم بنيتي تكفى ماتقول لعمي شيء تكفى لا تحرمني من أمي والله ماغير يذبحني ياسر مسك فكها بقوه وصرخ : ليته يذبحش ومايكون موتش على يدي والذمه تبرا تهورش بيضيعش ويضيعني معش شدن جت بتتكلم بس صرخ قاطع كلامها :مابي اسمع حسش وأمش الي تقولي رايحه تشوفيها والله بعيده عنش شوفتها إلا خمس دقايق ومعي بعد وتنقلعي قدامي والله ي شدن مدامش على ذمتي وأنتِ بهالهايته لاصعب اخليش لما انفك منش والكل يدري بطلاقي عاد هذاك الوقت هيتي على راحتش مالي عاد صله بش بس مدام باقي لي عليش سلطه لا اذبحش ولا توسخي سمعتي بكلمه فاهمه علي شدن كانت تصيح بقوه وبالم ..وبعد كلامه اوجعها حيل ..تحس ذي المره صدق مظلومه كيف كذا يشك فيها ويوجعها بكلامه وبعدين ليه يمنعها عن امها وهي اللي سوته الحين عشان تشوفها ..حست بطعم الدم بفمهاصبرت وماتكلمت..خايفه تقوله بوجعها يوجعها أكثر ..طالعت عيونه تدور الرحمه بس لا شافت الكرهه والحقد ..حست بالم برقبتها يوم دف وجها بقوه وقف وقال بعصبيه : الاولى مشيتها بمزاجي والثانيه بعد ي شدن بمشيها بس الثالثه هذا بين عيونش وهو رافع الرشاش بوجهاا ولو بش خير أشوف تطلعي برا ذي الغرفه بدون شوري {شدن } انتفضت وهي تشوف الرشاش بوجهاا ي وجهه الله ..ي ذا الرجال ماعنده غير ذا الرشاش اولاها جابر وتالي أنا .. هزيت رأسي طوع له نزل الرشاش وابتعد عني ..وهو يسب ويهدد ويتوعد فيني ..والله صدق ذي المره توبه معاد اسوي شيء خلاص مدام حط المصيبه ذا بين عيوني ذي المره مابه حياة وأمي مصيري ارجع لها ..بمثل عليه الطاعه حتى يطفش وعارفه وقتها بنفسه بيرجعني لها الحين يقال يعاقبني لو منعني عنها والله لاأنت ولا عشره مثلك يمنعوني عنها بس هين يويسر والله لا أخذ حقي منك مسكين يفتكرني جابر بسكت له اخخخ تشمت على جابر ..والحين جاني نفس اللي جاه ....بلعت ريقي يوم مر من عندي متجههه للحمام .. وقفت وأنا احس باقي جسمي يرجف وقلبي يدق بسرعه ..طالعت للدولاب مكان ماحط الرشاش..ودي اخذه وانفضه به ..وارتاح منه ومن تسلطه علي.. جلست على السرير ..أفضل شيء أنام قبل يطلع ويرجع يسمعني كلام ولا يمد يده حطيت يدي على فكي وأنا احس بألم وسنوني تضرب علي ..الله يوجعك مثل ماوجعتني أخذت فاين ومسحت شفتي ..وانا اتحسب عليه ..يالله روحي عيت تهدا ..كل ماتذكر الرشاش قلبي يوقف..قفلت عيوني يوم سمعت صوت باب الحمام الله يعزكم يتحرك بس فزيت جالسه من الصرخه اللي اتوقع حتى أهل أحد رفيده سمعوا بها :تقلعي من السرير قبل اقلعش بطريقتي وقفت على طول وأنا اطالع السرير من زين سريرك ودي اقولها بصوت عالي ..بس خايفه منه حيل جلست اطالع الغرفه بحيره وين انام ياربي...انقهرت يوم شفته تمدد ويتحرك بالسرير براحه وأنا واقفه تقول (شيخ غفر )قربت منه بقهر ومديت يدي وسحبت مخده بقوه ..طالعني بعصبيه رفعتها وأنا ابرر: بنام عليها ولا تبيني اقوم ورقبتي ملتفه بها الصوب وأنا اميل رقبتي على جنب اليسار ياسر بقهر: لفوو راسش ان شاءالله انخمدي وأشر على الباب لو بش خير تعديه شدن عضيت شفتي بقهر ..ورميت المخده بالزاويه وجلست عليها أفكر بحالي .. لازم اسمع كلامه عشان يطفش مني ايه ومااوضح له اني متضايقه بجلستي هنا وعدم روحتي لأمي لو وضحت بيجلس يعاند وبيحرمني منها وأجلس تحت تهديده ... | ||||||||
|
| |
|
05-03-18, 02:09 AM
| #357 | ||||||||
| مراقبة عامة ومشرفة منتدى الروايات المنقولة
| اليوم الثاني ،،، {اصايل} لابسه عبايتها ..وجالسه تنتظر متى يجي ..طالعته يوم دخل ..وقفت بسرعه بدون ماتتكلم او هو يتكلم .. مشت معه ..وهي عازمه على اللي في بالها مستحيل تجلس له ..بعد ماطردها ركبت السياره ..وريحت رأسها على الدريشه وقالت بصوت ضعيف :الديره ي مصعب ..مارد عليها واتجهه للبيت أول ماوصلوا ..نزلت وهي ضايقه ولا ودها بدخول ذا البيت اللي ماشافت فيه شيء زين ..بس لازوم تأخذ اغراضها وبعد جوالها الي ماتدري عنه من امس طالعت يده الممدوده صوبها عشان يساعدها تمشي طنشته ومشت ..قبله تمد يدك الحين ..بعد وشهوو آه بس ...وقفت يوم شافت الجوهره بوجهها ترحب وتهللل ..طالعت مصعب وابتسمت لها بتشفي وهي ودها تغيض مصعب قالت بعد ماسلمت عليها :تسلمي والله على ذالاستقبال الله يخليتس يارب ورفعت حاجب تغيضه ..شافت وجهه تغير أشر لها تمشي ..تحسه ماسك نفسه بالقوه ... طنشته وجلست على أول كنبه صادفتها بتعب ..حست بوجع شوي بظهرها .. بس تحملت على نفسها ..وحاولت ماتوضح له ..طالعته ببرود يوم قال : يالله غرفتك عشان ترتاحي اصايل هزت رأسها وقالت :لا فديتك جيب الشنطه ولا هنت بعد جوالي وطالعت الجوهره الي طالعتهم بفضول مصعب وعدني بزياره لأمي وبروح لها مصعب عض شفته وهو ماسك اعصابه بالقوه طالع الجوهره يوم قالت :مايصير تروحي لأمك وأنتِ شكلك كذا تعبان ريحي ذي اليومين وبعدها روحي لها ولاتبيها تقول مصعب معذب بنتي وطالعت مصعب وهي تبتسم بخبث مصعب ميل فمه بسخريه وقال : أنتِ اطلعي منها بس وهي تعمر اوك والحفله اللي سويتها توو ماتمشي علي وطالع اصايل بقهر ارجعي السياره والحين انزل اغراضك واجي اصايل ابتسمت بقهر ..هذا اللي قدرت عليه ي مصعب ..آه وش ابي منه بالله وقفت وأنا احس الوجع يزيد علي ... سلمت على الجوهره ..وطلعت وأنا عارفه ان ذا أخر لقى لي فيها وبكل شيء ..يخص ذا البيت ..مصعب ذي المره كسرني ..بغى يروح ولده وش بعد ذي بيسوي أكثر ... جريت خطواتي وأنا احس بتعب جلست على أوك كرسي صادفني بالحوش .. جلست انتظره ...يطلع شفته جاي ويمشي بعصبيه ..والشنطه بيده ابتسمت بسخريه ...طالعته يوم ناولني الجوال وتقدمني ...تحركت بعده وركبت السياره ..وهو على طول حرك مسكت على بطني يوم شفت سياقته وتهوره وأنا ماهو ناقصه يوجعني أكثر قلت : ترى حدي تعبانه ارفق بي شوي طالعها وهدى السرعه ... ريحت رأسي وقفلت عيوني .. اتخيل وشلون بقول لأبوي ..وشلون يفهم عارفه عقلية ابوي ..المتحجره والبنت غلطانه لو هي مظلومه ... حسيت بطفش رفعت جوالي ..شفت أكثر من مكالمه لأمي ..قلبي نعزني ...جيت برفع الجوال وبكلمها.. بس طفى شحنه ..عضيت شفتي بقهر وقته الحين ..طالعت قدامي شفت سلك الشاحن ..على طول شبكته حسيت بقلبي مقبوض ..أكيد به شيء انتظرت شوي ...ابيه يشحن عشان يمدني اكلم ...على راحتي طالعته يوم قال :انسي شيء اسمه مصعب والي في بطنك لو ربي كتب له .. خلي ابوك يصرف عليه ويربيه وكاد يتوب من ذي العطاي اللي مالها داعي ماغير تفشخر بغير سنع حسيت بطعنه بقلبي من كلامه عارفه انه وقح ..وسليط لساني بس ماتوصل انه يبترا من ولده ..وجالس يتمخسر على ابوها ..عشان عطاني له لأول مره احس بكرهه من ناحيته قلت وأنا اكتم غيضي :تطمن ولا تشيل هم .ماعرف حد اسمه مصعب ولدي الله يجيبه على ذي الدنيا بسلامه ويبشر بالي بتكون له أم واب ريح قلبك ماهو في حاجتك لاأنا ولا هوو مصعب طالعها بقهر وقال بحده:ولا يحصل لي الشرف انك تعرفيني والولد حلال عليك اصايل طنشته ولفيت رأسي ..مابي أخذ واعطي معه عارفه ماراح اخلص ..مع ذا المريض فعلاً مريض خد يرفض نعمه ربي رزقه بها ...قفلت عيوني ..احاول انام .. لما نوصل الديره مصعب لازوم البعد عنه وعن اي مشاده كلاميه معاه لان بالأخير مافي حد بيتضرر غيري طالعته يوم قال بحده : اعتدلي بجلستك فتحت عيني ولفيت له شفت انه بيوقف عند محطه استويت بجلستي ..ورفعت العبايه على رأسي ..وقف السياره وبعدها نزل..وكلها دقايق وطلع بيده كيس به عصير ومويه ودخان..كشرت بقرف ..مجنون ذا بيضيع حاله ..من توو أخذ من بخاخه والحين صدره يوجعه ويقوم يدخن حسيت قلبي وجعني غصب عليه..آه ليت قلبي يقدر يقسى عليه ...أول ماحرك على طول اخذ البكت ..وطلع حبه وحطها بين شفاته واشعلها ونفث منها .. حسيت بضيقه ..وبدون حس قلت: توك مأخذ من البخاخ مصعب طالعها بيرود: مالك دخل وضحك بسخري ولا خايفه على البيبي توه لا تخافي ماراح يضره شيء اصايل فتحت عيني على وسعها من رده آه ليه انصدم ..بالله ذا مصعب وذي اخلاقه ...رفعت يدي ..بدون مبالاة كيفه يضره نفسه..وهو بعد من متى ماضر حاله ..دايم حالته متخبطه من حفره لدحديره ..أخذت جوالي وفتحته ..دقيت رقم أمي ..بس ماردت علي ..طالعت وقلت بقلق:أمي داقه عليك وأنا بالمستشفى اتصالها ماهو مريحني مصعب طالعها وقال بوقاحه:ماتشرف تدق رقمي اصايل بدون شعور رميته بالجوال وصرخت بقهر وأنا اشوفه يطالعني بعصبيه وبنفس الوقت مصدوم ماتوقع مني هالتصرف صرخت بعصبيه : إلا أمي لا تغلط عليها اسكت عن حقي أنا اوك بس أمي لااااااا مصعب صرخ بعصبيه: ي حيوانه ***** وهو ماسك فمه ..ويطالع الدم بين يدينه بسرعه انحنى ونزل نفسه شوي واخذ الجوال الي طاح بين رجوله وبسرعه فتح الدريشه ورماه ...تحت نظرات اصايل المصدومه ... وقف على جنب ...يبي صرفه لذا الدم ينزل .. اصايل عضت شفتها بقهر وقالت : هذا حدك والله ماتقدر إلا على ذا الجوال مصعب صرخ بعصبيه: اقدر عليه واقدر عليك بعد وعلى أهلك وطوايفك كلهن اصايل طالعت شفته المجروحه كيف تصب دم حسيت بعد قلبي مابرد بذات بغلطه المستمر بأهلي ..بلعت الغصه ماتبي تصيح قدامه ماتبي توضح له كسرها خلاص كفايه بكت قدامه بمافيه الكفايه والحين مستحيل تنوله مراده خلاص ي ااصايل صبرتي الكثير والحين مابقي غير القليل ... طالعته يطرف عيني وهو يطالع الجرح بالمرايه الاماميه وهو معصب حده ..صرخ بقهر وهو يسحب فاين : عجبك الحين وش يوقف ذا الدم اصايل لفيت وجهي وقلت بتشفي : دواك مصعب وده يذبحها بس مسك نفسه بالعافيه ..خلاص كلها ساعه وشوي ويرتاح منها ..حاول يوقف الدم الجرح جاا على طرف شفته ..يحسها انتفخت بسرعه انقهر ..يوم رفض يوقف الدم نزل وسحب علبة المويه وغسل أكثر من مره عنده أمل يوقف من المويه البارده ...نشف فمه بالفاين ورجع ركب وقال بعصبيه: والله لو ماهو الحاله اللي أنتِ عليها إلا كان عرفت كيف اربيك وبقهر أكثر طالت وشمخت تمدي يدك علي ..ي الرمه ... { اصايل} مارديت عليه..يكفي اللي صار طالعته بطرف عيني ..بعده فمه ينزف ..وكل وقته يرفع الفاين وينظفه .. توقعت يمد يده علي ..ماتوقعت يكون حده انه بس يعصب شوي ويسكت والله الضربه اللي اعطيته كانت قويه .. وبعد فيني حره على جوالي ..أنا يالله قدرت املكه بعد جوالي القديم ... | ||||||||
|
| |
|
05-03-18, 02:10 AM
| #358 | ||||||||
| مراقبة عامة ومشرفة منتدى الروايات المنقولة
| الجنوب ؛؛ { شدن } فتحت عيني على صوت دق الباب بسرعه جلست وأنا اطالع حولي..باقي بمكاني بالزاويه ..وشلون نمت وماحسيت على عمري ..آه على اللي صار معي قبل ساعات ..طالعت ناحيته ..كان نايم على السرير وشكله منزعج من صوت الدق..وقفت ورحت للحمام الله يعزكم ..وأخذت شور وأنا اتخيل لو انه فضي بي رشاشه واللحين من الأموات ..عضيت شفتي بقهر وأنا اتذكر عقابه لي..وشلون يمنعني من أمي ..نشفت ولبست وطلعت شفته جالس وهو عاقد حواجبه وجههه ..أبدمايبشر ..بخير طالعني بحده وقال : تجهزي أمي محضره الغدا ورفع يده بتهديد والله ثم والله لو اسمع منش كلمه تافهه مثل العاده دفنتش مكانش .. طنشته وفرشت السجاده وصليت .. وبعدها ..تجهزت ..وطلعت قبله عناد له احس اني مخنوقه من ذي الغرفه طلعت شفت أمي قدامي وقفت وأنا مصدومه ..من وجودها ..بسرعه ركضت لها وطحت اصيح بحضنها ..مافيني اتكلم وهي تضحك وفي نفس الوقت احس انها بتصيح هي تهمس لي بحنان :عساني أخذ ضيمش يمه خلاص اهدي شوي شوفيني قدامش حاولت تبعدني بس رفضت ابعد لزقت فيها زياده احس بالأمان الي فقدته .. نوفه بقلق وهي منزله رأسها تبي تشوف وجهاا قالت بخوف : لا تخليني انشغل عليش قولي يمه وهي تطالع نور اللي واقفه جنبهم اشرت لها تبي تستفر منها ... نور هزت رأسها ..وهي ماهي عارفه وش فيها ... ام ياسر وهو تحاول تبعد شدن : علامش كذا تصيحي قولي شدن مسكت في أمها زود ودفنت وجهاا بصدرها... بس حست بيد تبعدها كانت قويه شوي طالعته بصدمه ماتوقعت يطلع بذي السرعه قال وهو يسحبها يمه ويبتسم بقهر : متشاقه لش ي عمه طول سفريتنا ماعندها غير سيرتش وطالعها بنظره ..يعني لو تزيدي ولا تفتحي فمش ياويلش حاولت تبعد يده اللي ماسكها وشاد عليه بقوه ..بس عجزت وتخاف توضح لهم ..وقتها عارفه ماراح تسلم بعد الرشاش اللي انحط بين عيونها توبت تعانده ولا ترفض له طلب ..حتى تنفد اللي في بالها وبنفسه يستسلم ويرجعها لأمها نوفه طالعتها بشك : علامش قولي وطالعت ياسر قلبي ماهو مطمن أبد ياسر عقد حواجبه وقال : الله يسامحش بس وطالع شدن قولي لو بش شيء عشان عمتي ترتاح شدن هزت رأسها بلااااا ام ياسر وهي تصرخ : نور جيبي العصيده بسرعه أكيد اخوش فقدها ويالله ي جماعه الغداء برد وطالعت ياسر والله يوم صحيت اصلي الفجر ...إلا أبوك يبشرني يقول ياسر وصل شايف سيارتك قدام البيت والله ان قلبي وقف يمه من الفرحه وعاد بعدها أنا ونوفه قمنا بالغدا الزين بدون مانزعج العرسان ياسر قرب منها وسلم فوق راسها :يجعلني قبلش ام ياسر : بسم الله عليك يالله يمه يالله تغد ياسر دور بعيونه على أبوه ماحصله : وين ابوي ام ياسر : ذلحين جاي يقول تغدوا وبيلحق ياسر جلس على الكنبه : لا والله مايدخل الزاد بفمي بدونه بنتظره مايضر وطالع شدن اللي رجعت مسكت في عمته وجلست جنبها على الكنبه وتهمس لها ..صغر عيونه خايف تهبب ..شيء ...يحس بقلبه محروق منها والله لا يبرد قبله صدق هو يبي الفكه منها بس لا ..بعد عن عينها ذا الشيء يكفي الفضايح وهي معي ..اجل لو مخلي لها الحبل ..وقف وجلس جنبها وهو يضحك بقهر :ي عمه شكلش بتسوي فيني شغل العمات اللي يخلي الواحد يلف حول نفسه نوفه طالعته وبسخريه:والله لو سويت فيها شيء ابشر بشغل العمات وازود بعد وطالعت شدن غرفتش فقدتش يمه وكل شيء بالبيت فقدش ياسر سحب شدن له وقال :عاجبش ي شدن اللي تقوله عمتي يعني كنها بتأخذش معاها يرضيش ذا الشيء بالله بعد الوعد اللي اتفقنا عليه شدن حست بخوف وهي تطالع عيونه رمشت أكثر من مره مثل البلهاء .. مصدومه من ذا التمثيل ..والكذب اللي يقوله شوي وتصدقه والله صراحه صاير مبدع أكثر منها بالكذب ياسر عض شفته ..بقهر يبيها.. تتكلم ماغير تطالع فيه الغبيه ..بلا منطق ...هز ها شوي من كتفها يبيها تفتح فمها ..نظرات عمته ماهي مريحته وهو حالف يمين يربي عمته مع دلوعتها طالع عمته يوم طول سكوت شدن وابتسم بسخريه: بنتش فقدت النطق مره وحده والله مدري اني كذا اقلب حسبتها طالع نور اللي واقفه قدامهم رفع حاجب وقال بحده: علامش نور هزت رأسها : أبد بس بسلم على شدن من أول انتظرها تعطيني وجهه عض شفته بقهر ..فيها من دلاخة شدن قال بسخريه يوم شاف شدن وقفت وضمتها : ماشاءالله الله يديم المحبه بس وقف على طول يوم شاف ابوه دخل قرب منه وسلم عليه وبعد شدن سلمت وبعدها اللكل جلس على الأكل ياسر طالع عمته يحسها ..شاكه بشيء ودها تجلس مع شدن لحالهم ..بس بعيد عليش وقف على طول وهو يسمع اعتراض امه وابوه يبونه يأكل :الحمدلله شبعت وطالع شدن اللي بعدها جالسه .. وبعد واعد شدون نطلع نتمشى .. ونزل نفسه شوي وسحبها من يدها ...وبسخريه عروس وابي اونسها نوفه بسرعه: بعدها ماشبعت خلها تأكل وبعدها الله يستر عليكم ياسر ابتسم : لاحقه على الأكل بنطلع الجوو مايتعوض أبو ياسر بعتراض : وش ذحين يطلعك الجوو شكله بيمطر ياسر : ماعليه يبه ابو ياسر بتحذير: السودة لا تطلع به برد ينزل وضباب هالوقت شدن كنت مصدومه ..من اللي يقوله متى اتفقنا نطلع ..وقفت وانا مجبره ..وطالعت أمي بغصه فرحت يوم نطت نور وقالت : بروح معكم شدن بسرعه : ياليت والله وطالعت أمي وأنتِ يمه يالله معنا وطالعت ام ياسر اللي مشغوله بذي العصيده وانت ي خاله بعد خلونا نطلع جماعه ..حسيت بشده يده على يدي كن الكلام ماعجبه ياسر بسخريه: حلفت عليش يعد تعزمي ابوي وحور شدن طالعت حور : لا حور ماتحب جلستي وبعد مانبي نفسيه بالجلسه نبي نتونس حور وقفت بزعل ورمت الملعقه وراحت لغرفتها .. ياسر عصب من قلب بس مسك نفسه وهو يسمع عمته نوفه تهاوشها هين ي شدن همس لها : بسرعه روحي البسي عباتش ويالله ولا اقولش تعالي نغسل على بال ماتجيب نور لش العبايه شدن حسيت بضيق من لزقته كذا فيني يعني معاه بكل مكان حتى بالمغاسل همست له بقهر: لا كذا أوفر ياسر عض شفته بقهر بدون مايرد طالع نور اللي وقفت وهي تتذمر : اخر عمري صايره خدامه لك ولمرتك وقربت منه وهمست له ماعرفتك يويسر من متى ذا الحب لذي النتفه معك تمشيه وحركات نسيت وسكت يوم شافت نظرته تغيرت حطت يدها على فمها تمنع تمنع كلمتها .. ياسر زفر بضيق وأشر على الغرفه : بسرعه روحي جيبي العبايه وسحب شدن مع للجهة المغاسل .. أول ماوقف قدام المغسله قال بقهر وهو يطالع جهة الصاله:يعني ماتوبي شدن عقدت حواجبها :وش سويت ذلحين قلت طلعه ومتفقين عليها وأنت عارف انك تكذب ومشيت معك بكذبتك ولا عارضت قلت ماتروحي لأمش مارحت وشوفها كيف ناطف قلبها علي وش تبيني أسوي أكثر عند كذا حرام عليك والله كثير اللي تسويه معي ياسر عض شفته بقهر : قلتي كثير اوك مجنون لو يطولها معاها في الكلام والشعب كله موجود .. خليه بس ينفرد فيها طالع نور الي متسنده على المدخل الجبسيه وتقول بسخريه: اجيب العطر والبخور للعرسان ولا ماله داعي ياسر اشر لشدن تأخذ العبايه وتمشي معه شدن همست لنور : تكفين تعالي معي اخوش بيأخذ عمري والله نور بهمس وهي تطالع ياسر بخوف :يكفي ضحيه وحده تبيها ثنتين ليه وش ذا الخبث عندش شدن بقهر صغرت عيونها: حسبي الله عليش غصب تخوفيني بدل ماتهوني علي نور بشماته اشرت لها: روحي ي قلبي بدعي لش مثل ماربي فك العجيز منه يفكش بعد .. شدن ودي اضربها من قهري ..بدل ماتفزع وتجي معي جالسه تتمسخر علي ..انتفضت من مكاني يوم صرخ : ساعه انتظرش وبعدين مازانت لكم السوالف إلا الحين شدن طالعت نور اللي انتفضت أكثر منها وبان الخوف عليها قالت :وش اسوي بها هي ماسكه فيني تبي تجي معنا تكفى ياسر خلها تجي ولا تكون عينها بطلعتنا ويصير فينا شيء بسبتها نور بسرعه ركضت وهي تقول:الله يفكني شرذي الطلعه والمجاسره معاكم ياسر اشر لها تتحرك قدامه ..وبسرعه ماعطاها فرصه ترجع تشوف أمها بسرعه طلعها للحوش ..وبعدها ركبوا السياره .. { شدن } يالله اليوم تستر علي من شره ياربي ماهو مصدقه انه بيمشيني حاسه ان به شيء وراه ...بس فتحت عيني يوم شفت صاحب السياره اللي وقف حد ياسر يتحرك ونزل منها انصدمت وأنا اشوف سلمان أخو عفاف تذكرت اللي صار قدام المدرسه قبل خفت ينعاد جيت بنزل بس ياسر مسك يدي وقال بحده: انثبري مكانش حتى اتفاهم معه... جلست اطالعهم بخوف ..بس اللي صار انهم تكلموا شوي وبعدها ياسر سلم فوق رأسه انصدمت ..من الحركه شفت ذاك ركب سيارته وذا ركبي يمي قلت بستفسار : عكس ماتوقعت ياسر طالعها بحده وقال:مالش دخل شدن حسيت ان ((السالفه فيها إن)) قلت بشك :انتهى الزعل اللي بينكم صح طالعني بعصبيه وصرخ :والنهايه معش شدن تكتفت بزعل ...وش ذولا ناوين عليه لايكون بيردها طالعته وقلت: ي وجهه الله لا يكون بتردها ياسر بعصبيه:ايه بردها عندها شيء شدن صرخت بعتراض : نعمم والله مارضى بالضره ياسر بقهر عض شفته : الحين مين الضره صدق شدن تكتفت وقالت : بشرط تردها قبلها ردني لأمي وأنت معاها كيفكم بس تجلس تخليني تحت تسلطك وتجيبها على رأسي لا مارضى أبد ياسر بسخريه طالعها: خليها بس ترجع تنور حياتي وابشري بردش لها وماعليش حسوفه الله لايردش شدن ولا يردك ان شاءالله .. لفيت وجهي وأنااطالع المطر اللي بدأ ينزل بقوه حسيت بوناسه ..ونسيت ياسر والعجيز تبعه وأنا اطالع اللي يبيع ذره على الفحم وجنبه ابريق الشاي .. قلت بفرحه :بسرعه واحد ذره وكوب شاي جحدني بنظره قهرني فيها يعني الواحد ..مايأخذ اللي وده فيه... اففف | ||||||||
|
| |
|
05-03-18, 02:11 AM
| #359 | ||||||||
| مراقبة عامة ومشرفة منتدى الروايات المنقولة
| { الديره } " " وقف السياره قدام بيتهم حست بقلبها وقف يوم شافت الزحمه قدام بيتهم طالعته بخوف:وش صاير عندك علم ؟ ومسكت يده بخوف وقلق مصعب عقد حواجبه مسك يدها يطمنها وقال وهو مستغرب مثلها :خير خير ان شاءالله نزلت ..وهي تشوف أخوها محمد جاي يركض يمهم .. قالت بخوف : محمد وش فيه محمد بحماس طفولي : خالتي منيره توفت وشمسه تصيح وأمي ماتصيح تقول باقي امتس وترتاح اصايل دفيت محمد عن طريقي ودخلت مفزوعه من ذا الخبر ...شفت ابوي وعواد قدامي واقفين بنص الحوش على طول ابوي تقدمني يوم شافني اركض وأنا اصيح وقف بطريقي وقال : تصبري يبه ترى بالعافيه أختس صحت والحين غصب خلتنا ندفنها ..حالتها ماتسر هزيت رأسي وأنا مافيني اتكلم ودخلت للصاله شفت النسوان متجمعين قدامي يالله موقف صعب ..اللي أنا فيه وعلى طول يوم شافتني شمسه انهارت تصرخ : أمي راحت ي اصايل خلتني وراحت من لي غيرها قربت منها ..وضميتها وأنا اصيح معاها حسيت بيد أمي تبعدني عنها وتعاتبني عشان اهدي عليها ..كنت اصيح أكثر عنها اصيح كل شيء صار معي ..اصيح خالتي واصيح مصعب الي عارفه اني فقدته للابد وبرجع لعيشتي هنا ..وبرجع لابوي وتسلطه علينا ...واصيح ضاني اللي مهدده بنزوله ..واصيح كلي شيءصار معي وبيصير ...بعد طالعت أمي يوم قالت : هوو الحين بدل ماتهدي عليها تقومي تزودي عليها ليه تسذا وحنا يالله قدرنا نخليها تسكت شوي هزيت رأسي وأنا مافيني اسكت بسرعه رميت حالي بصدرها وهمست لها وأنا اصيح: يمه بموت والله أم سميره :يمه تصبري والموت حق علينا يمه ..وكلنا قلوبنا اوجعتنا على فراق خالتس بس وش نسوي ذا مكتوب عليها وحنا ماندري وش لنا اصايل جلست جنب شمسه اللي صياحها يقطع القلب... حسيت بتعب ..وظهري رجع يضرب علي ..خفت يرجع لي النزيف قدام الحريم وقفت وهمست لأمي : بروح لغرفتي احس بشوية تعب ... { شمسه } طالعت اصايل يوم وقفت ..وراحت هزيت راسي لخالتي يوم همست لي : تكفين يمه قومي معي وكلي شيء حطيت لتس أكل انتِ واصايل بالغرفه همست بغصه : مابي ي خاله نفسي منسده ولا فيني حيل وسكت مافيني اتكلم عاد آه يمه ..وشلون حالي عقبتس من أمس وأنا ماني مصدقه اللي صار .. طالعت المعزين ..اللي يسلمون عليها وكل ماوحده قربت منها وتهون عليها ولا تعزيها ..تحس نفسها تنهار زود قلبها مكسور بالحيل ..يارب صبرني يارب مافيني اتحمل فراقها .ولا أنا قادره استوعب ..ان معاد بشوفها ..حطت يدها على قلبها تحسه ..يوجعها وشلون قدرت تخليها وتسمع كلامهم كانت رمت كلامهم ولافكرت وجلست معاها ..هي اللي صدق تحتاجها وتحس بحقد على عواد ..لو ماجلس يماطل كانت وكاد لحقتها .. حست بضيق وتعب وقف ودخلت غرفتها ..رمت نفسها على السرير وهي تصيح وجع وحزن اللي فقدته شيء ماهو بسيط فقدت اعز مخلوق مافي حد يجي بغلاها ولا حد يوازي محبتها بقلبها ..صرخت بوجع آه يمه وش بسوي بعدتس بالله الحين ..مين لي غيرتس يمه عواد ولا ابوي ..اللي ماجابوا لي غير المضره وحتى أخر سواتهم فيني ماخلوني اشوفتس يمه آه ي وجع قلبي ...بعدتس ام سميره دخلت وراها الغرفه شافتها منهاره ..قربت منها وجلست وسحبتها وهي تهدي عليها .. ضمتها لصدرها وهي تصيح حزن على حالها : ي عمري يمه حالتس أبد ماتسر ..وهاللي تسويه ي قلبي ماينفعتس بشيء ماغير تضري حالتس تسذا امتس راحت لرب كريم وهالحين ماعندتس إلا الدعاء والحين رجلتس يبي يشوفتس وأنتِ رافضه هو وش ذنبه بالله ودي أعرف شمسه وهي تصيح : كنت حاسه والله وماخلوني يمها وبذات عواد قهرني حيل ولا ابي اشوفه منعني من شوفتها قبل تموت كنت اقله يالله ودني لها جالس يماطل وماجابني إلا يوم روحها اطلعت .. ام سميره بحزن : يمه ذا الكلام كله مابه منفعه ..وامتس مريضه وحالتها ماتسر من مبطي والموت وكاد راحتن لها صح صعب علينا فرقاها بس يمه حالتها تسان تحزن بعد والحين اطلعي لعواد يبي يعزيتس ابوتس يقول ضروري يبي يشوفتس شمسه هزت رأسها برفض:مابي اشوفه ولاابي اسمع اسمه بعد وطالعت اصايل اللي دخلت قلت بغصه: قولي لأبوي يخليني بحالي يكفي اللي صار اصايل قربت منها وجلست يمها وهي تمسك يدها :أبوتس ماراح يرتاح إلا بطلوع روحنا وطالعت أمها يمه تكفين قولي له يفك شوي عنا امها بحده: الحين وقت ذا الكلام ي اصايل ليت سميره اعطتس من عقلها بس اصايل بحسره : وش جاب لها ذا العقل بالله ماغير مرميه هي وعيالها عندنا ورجلها عند الثانيه ام سميره بحده: اصايل قدري حالة اختس على الأقل وخليتس عاقله واقنعيها تسمع كلام ابوها وتطلع لرجلها اصايل سكت وماتدخلت ..ماراح تقنعها تروح عارفه انه بيغثها ..كلهم مثل بعض ام سميره ودها تقولا بتهديد ابوها بس ماقدرت ..وخايفه عليها منه لو عاندت قالت بمحاوله : يمه الرجال جالسن بالمجلس يبي يعزيتس بس كبري عقلتس واطلعي له وفكي نفستس من مشاكل وأنتِ عارفه وش أقصد بوه شمسه حست بقهر ..حتى وهي في ذا الحاله ابوها مايرحمها ..ويمشي ورا عواد وهو معمي ..الحين وش يبي منها بالله ..وقفت وأنا مغبونه ..لبست شيلتي وطلعت ماشفت الضيوف اللي كان موجودين رأحوا حتى أهل عواد ..معاد به حد غير ام محمد وأبوي ..كشرت يوم شفتهم :وراتس تأخرتي على رجلتس تسذا تبيه ينقد علي وطالع اصايل اللي طلعت وراها وقال بحده : الرجال نزلك وراح حتى جلسه ماجلس غريبه وش فيه قولي مسويه به شيء شمسه زفرت بضيق ..الحين وقت محاسبة اصايل طالعتها بحزن ومشيت متجهه لمجلس ..أول مادخلت حسيت بقهر وأنا اشوفه منزل رأسه ومنشغل مثل العاده بجواله ..رديت السلام وجلست بطرف المجلس .. عواد رفع رأسه وطالعها ورد السلام وقف وجلس جنبها وقال :عظم الله اجرتس والله يرحمها ويصبر قلبتس شمسه طالعته وقلت بغيض :حرمتني منها ومن شوفتها بسيب انتقام تافه والحين جاي بقوة عين تعزيني عواد زفر بضيق :لا تحطي اللوم علي وش يدريني بالقدر شمسه ماقدرت تمسك نفسها صاحت وهي تقول :كنت اصيح عليك ودني لها ورفضت انتقامك وجعني حيل ليته جاا بشيء ثاني ولا أنك تحرمني من أمي عواد حس قلبه بينفطر عليها ..فعلاً ندمان حده ليته خلى عناده ذيك اللحظه مافي يبرر ولا يقدر يقول شيء وقف و قال بضيق :جاي اودعك رايح الحاق للحد الجنوبي والواحد مايدري وش يصير معه ... وبيحيني ترى مالي يد بموتها وليتس تفكري بعقلتس ولا تظلمين شمسه طالعته ومسحت دموعها : ابيحك على وشهوو بالضبط على طلاقك لي ولا على انك حرمتني من شوفة امي قبل ترحل عن ذي الدنيا قولي على وشهوو بالضبط عواد وقف وطلع ظرف من جيبه وحطه بيدها وقال :استودعتك الله ولا تحطي علي أكثر ي شمسه واعطاها ظهره وطلع شمسه وقفت ولحقته : عواد وقف من غير مايطالعها ... شمسه تقدمته وقابلته ومدت ظرفه :مالي حاجه عندك خذه الله لا يعوزني عليك طالعته بحقد ..وكرهه عواد طنشها وطنش يدها المدوده ومشى وهو يحس بوجع بقلبه ليتها تفهمه ...بدون مايبرررر .. بس وقف يوم قالت : ماراح اسامحك ي عواد أبد وترجع على كفن ان شاءالله مثل ماحرمتني من جنتي طالعها مصدوم لها الدرجه تكرهه قال بفخر : شهيد ان شاءالله وتفتخري فيني رفعت كتوفها وقالت : خلي أمك تفتخر بشهادتك صرخ بعصبيه: الحين وشلون تكلمي رجلس هاللون طالعته مصدومه متى طلع ..وماحست فيه طالعت عواد اللي وقف بوجهه وقال: • • كتتتتتت انتظروني قريب بإذن الله &نونـني بنت الجنوب & سبحان الله وبحمده سبحان الله العظيم استودعتكم الله الذي لا تضيع ودائعه "الوتر أحبتي " "الله يرحمك يأمن اوجعني فرقاك" | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
