07-04-18, 02:20 PM
| #411 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
|  الذين يشاهدون محتوى الموضوع الآن : 21 ( الأعضاء 4 والزوار 17) أميرة الوفاء, lolo ahmed, Smartgirlkidny, ام تنسيم | ||||
|  |
|
08-04-18, 01:32 AM
| #412 | ||||||||
| مراقبة عامة ومشرفة منتدى الروايات المنقولة  
| اللهم إني استغفرك وأتوب إليك اللهم صل وسلم على نبيامحمد "صلوعليه" • • {26} • • البارت باسم الحلوه (كالقمر) • • والله لخلي عزتك تحت موطاي تمشي وعينك ما تعدي مواطيك ابيك درس لكل خاين ونساي وافهمك قدك وقيمة مباديك والله لهينك لين تبكي تبي رضاي ذليل تكسر عيون منهو يراعيك "منقول " • • حست قلبها يدق بخوف ..وهي تشوفه ماد لها الجوال ..وين القوه اللي فيها بس تذكرت اللي بتكلمه لو يدري والله مايتردد بقتلها ...بس كابرت ومدت يدها ..طالعت عيونه اللي كلها استحقار لاتبالي ي الشموخ ..يكفي ثقتك بنفسك وعارفه ..حالك انك انسانه نظيفه .. ومستحيل تكوني مثل مايفكر هوو عضيت شفتي يوم قال ونبرة التحدي باين بصوته (دقي أشوف) أول ابيه يوعدني انه مايقول شيء لأبوي عارفة بعصبية أبوي وعارفة بعد بطيبة عناد بقدر اقنعه سميت بالله وقلت بتردد: قبلها تعطيني وعد عناد بسخريه نزل نفسه شوي وقال : وشهوو الشموخ ابتعدت بتوتر وقالت: اوعدني ماتقول لأبوي عناد بقرف منها : لك عين بعد تطلبي هالطلب الشموخ بترجي:صدقني أبوي ماراح يرحمني لو دري وأنت مستحيل تسبب ب... عناد قاطعها بكف على وجهااا وصرخ بعصبيه : بعدك تستغلي طيبتي ي الشموخ الشموخ بقهر وهي حاطه يدها على وجهاا :لا تفتكر كل مره بسكت لك ي عناد ترى سكت لك أول كنت مقدره وضعك بس الحين لا ماهو أنا اللي اسكت على المذله عناد بشمزاز منها: ماشاءالله فيك خير ي شيخه عادي عندك تسطري امجادك (المقززه ) عشان ماتسكتي عن المذله الشموخ لا تضعفين ولا تنكسري قدامه وضحي له عادي الموضوع قالت بقهر وهي تحس خدها شاب نار عليها وجسمها يرجف من القهر والعصبيه اللي فيها قالت وهي شاده على الجوال بيدها: بدون مادق يالله مشينا للرياض وصلني بيت أبوي وطلقني قدامه ونحطه بالأمره الواقع عشان مايفكر يردني لك ولا يسأل وشهو السبب وعاد كذا مافي حد فينا يتضرر عناد قاطعها وهو يضحك بقهر : هههه مهبوله وربي وقرب منها ومسك وجها بقساوه وربي البيت ي الشموخ لا اذلك وخشمك ذا اللي رافعته بدوسه واسمك ذا مالك نصيب به ... الشموخ بقهر دفته ورمت الجوال : وش تبي مني خلاص ي رجال افهم مابيك ومغصوبه عليك وشفتني بنفسك اتفق مع صديقتي عشان أخذ اخوها الي ابيه ويبيني وش عاد اسوي عشان انفك منك خلاص ماينجبر قلب على قلب افهم عاد عناد يحس قلبه يغلي ..وده يطلقها لانه يكذب لو يقول لها عاد مكانه بس يطلع كذا خسران وينولها اللي في بالها تبطين والله رفع يده وقال :هالحكي كله ردي له بعدين ي الشموخ والله لا أخليك تثمنيه وأخذ جواله اللي رمته بالأرض .. وقال بعصبيه جهزي نفسك بنمشي الحين معاد لنا جلسه هنا الشموخ حست براحه يوم قال كذا اكيد بيردها لبيت أبوها ..مدام قررر يمشوون الحين ...وتهديده ذا كله مايهز فيني ...بسرعه أخذت اغراضها ولبست العبايه وهي تشوفه جالس مكانه ..أول ماطالعها وقف وتقدمها ...وتحرك قبلها .. أول ماركب السياره قال وهو يطالعها بكرهه:حتى نفسك مابي اسمعه لاني كاره كل شيء فيك الشموخ ميلت فمها بسخريه ميته عليك وعلى سواليفك ..... والله هذا اللي ابيه ... ميلت رأسها ..وهي تفكر ..وشلون بتنفك من تحقيق امها وابوها يوم ترجع لهم مطلقه...مايهمها بتصرفهم وبترميهم لعناد ..وبتحط عليه اللوم كله بسيطه بالحيل ..وعارفه أبوها مستحيل يروح يقوله ليه طلقت بنتي ... وحتى لو قاله واثقه بعناد مستحيل يفضحها ..طالعته... بنص عين .. تحس معصب حده وماسك نفسه بالقوه ...تكذب لو ماتحس بندم على اللي سوته ..ودها كان تتخلص منه بطريقه افضل من هذي وماتحرحه كذا بس ماحصلت ..والله مايستاهل اللي سوته فيه بس ماعند حل غيره وخلاص يالشموخ ..ماهو وقت تأنيب ضميرك صار وانتهى ..بس فعلاً احس قلبي موجعني عليه ..معقول لأني تعودت عليه هالفتره ...عضيت شفتي وقلت :اسفه عناد بس عناد طالعها بعصبيه وقال :ولا كلمه ولا به شيء يبرر فعلتك الوسخه ي **** الشموخ طالعت الطريق وقلت بقهر انا استاهل ..عبرتك ... @ @ @ @ {الجنوب} • • قالت بخبث :عزمتيهم أهل ياسر كلهم عفاف بقهر :وش تبين فيهم عنود بحقد: بمسخرهم لش عفاف بكره لهم :لعاد تجيبي سيرتهم لي بالله وتكفين لا تعزميهم عنود : خلاص عزمتهم اقولش عفاف وقفت وهي معصبه:وش له تتصرفي من رأسش عنود عضت شفتها :تكفين لا تعصبي علي بس ودي اقهرهم شوي بذات نور رأس الحيه وبتردد عزمت شدن عفاف صرخت : ايششش شدن عاد ي العنود ليه طيب عنود بتوتر وخوف من عصبيتها قالت تبرر: عشان ابرد قلبش شوي متفقين عليها أنا وصديقاتي نمسخرها بوسط الضيوف عفاف سكتت شوي وقالت وهي الفكره عاجبتها قلبها محروق حده منها قالت بحقد: وشلون عنود ابتسمت بفرحه يوم شافت عفاف تجاوبت معاها :لا هذي عندي خليها لش مفاجأة | ||||||||
|
| |
|
08-04-18, 01:32 AM
| #413 | ||||||||
| مراقبة عامة ومشرفة منتدى الروايات المنقولة
| طلع اورق الأرض وقال : بتنازل لها وليت ترضى سليمان بخبث وعينه على الورق اللي يقلبه بيده:صدقني لو تنازلت بها بترضى وبعد عندي لك شور ي خوك على التنازل تكون رضيتها صدق ياسر استبشر خير وقال : وتم من الحين سليمان :لو تخلي مرتك تكلمها يمكن يلين رأسها شوي ومع تنازل الأرض تعرف انك شاريها بس يوم تكلمها تقول لها انك بتطلقها ..ومستحيل ترضى بوجودها بينكم ياسر يخلي شدن تكلمها ..لا لا صعب يخاف تخرب عليه يدري بعقلها الصغير ولسانها المتبري ..لا لا ياسر خليها تكلمها يمكن تكون ردة عفاف على يدها وبيساوم شدن ..انه يردها لأمها وأكيد راح توافق ..طالعه وقال : خير ان شاءالله وحرك سيارته بعد ماسلم عليه واتجههه للشقه ..دخل وشافها قدامه نايمه على الكنبه ...تأملها شوي وابتسم بخبث ..لو تسوين اللي ابيه ي شدن والسالفه تضبط على يدش بكون شاكر لش من قلبي ...تنهد آه وطالع جواله ..وده يقوم يصحيها مستعجل يبيها تكلمها لا لا ياسر تمهل شوي ..وقف ودخل الغرفة تمدد على السرير وهو يفكر وشلون ينقع شدن تكلمها ..وبعد قلبه ماهو مطمن يعرف شدن ويعرف غبائها خايف تطين الدنيا عليه.... بذات يوم توعدها انه بيطلقها يخاف ..تخرب عليه قفل عيونه وهو يحس بصداع وبعد الأرض وشلون أبوه يرضى وهقته هالشدن بس ان شاءالله تنحل على يدها وأبوه اي مبلغ يرضيه وينسيه الأرض ..ولا يأخذ له جيب اللي وده فيه ويقدر يلف عقل أبوه فيه يدري به يموت بالفلوس والسيارت .. @ @ @ @ @ صرخت بقهر :دقي مره ثانيه مافيني عمتش ترجع وتجلس تنشد عن بنتها نور بعجز : يمه والله جواله مقفل ام ياسر حست بقلق : يمه لايكون ولدي به شيء نور بقهر : قولي الله يستر بس على المسكينه اللي معاه هالمره خايفه عليها ياسر خبيث ومتهور .. حور وهي تطقطق بجوالها رفعت رأسها وقالت:لا تخافين عليها هذي تطلع منها الله يفكنا قريب منها هي وذي العمه اللي بس حاطه عباتها على رأسها وجايه تسأل وطالعت امها يمه بقولش بروح ازور عفاف وبعد عنود رسلت على لي تعزم على ملكتها .... الاسبوع الجاي وتقول بعد رسلت لش ي نور بس مارديتي عليها ام ياسر : ملكة عنود ماشاءالله متى انخطبت حور بقهر: كلهن انخطبن وتزوجن معاد أنا وذي الخبله قدامش الحين موافقه اروح لهم ولا لا ام ياسر طنشتها وطالعت نور: دقي لي على أبوك ابيه يروح يدوره نور بخوف : يمه خايفه يعصب علي ام ياسر بحده: اقولش دقي حور وقفت بقهر : بروح يمه من الحين اقولش ام ياسر بعصبيه: حور فارقي عن وجهي قبل اقوم لش حنا وين وأنتِ وين نور دقت رقم أبوها قفلت عيونها يوم صرخ عليهاو قفل طالعت أمها : قلت لش معصب راحت فيها أنا والله اف متى الله يفكنا من ذا الياسر ومشاكله ام نور بسرعه سحبت الشبشب من رجلها ورمتها وهي تصرخ عليها بعصبيه: عساش البلى تدعين على ولدي قدامي نور وهي تصد الشبب : يمه استغفري @ @ @ {الديره} • • تدور بالمطبخ ..تبي شيء تأكله ولا نفسها بالغدى اللي سوته امها نفسها هافتها على شورما بهاالظهر جلست على الكرسي وسندت على الطاوله وهي تذكر كيف أخر طلعه لهم مع ..بعض وسألها وش نفسك فيه ..قالت له شورما استغرب وقتها وقال : قايل بدلعك وموديك افخم مطعم فيك يالرياض وتقومي تطلبي بس شورما :تلوميني ليه اسرح به شوفي نفستس وبعدين انقدي علي طالعتها مفزوعه : بسم الله من متى هنا وماحسيت عليتس سميره جلست وقالت بسخريه :ساهيه ماالومتس ..قربت نفسها شوي وقالت تصدقين اليوم دق علي وافي وتخيلي وش قايل لي وفكتها ضحك هزت رأسها ماهي قادره تتكلم اصايل عقدت حواجبي مستغربه الضحك الهستيري اللي هي فيه : وش قايل يخليتس بذي الحاله ولا عدتس شمسه كل ماانصدمت ضحكت مثل المهبوله سميره عضت شفتها وسكتت شوي وقالت بعد صمت : يقول طلقها ويبي يردني لبيتي شفتي وقاحه مثل تسذا اصايل بفرحه : ي غبيه مفروض تفرحي انتس انفكيتي منها وبيردس لبيته سميره مسحت دمعه نزلت منها غصب : عشان كلها شهر يجلس يراضي فيني ويوم أبد الين له يطق على مره جديدة هذا وافي وهذي فعايله خلاص صارت مكشوفه قدامي ومابه شيء يشفع له عندي كسر قلبي هالمره حيل يوم أخذ بنت جارنا ...قليلة الخاتمه اصايل وقفت وجلست جنبها ومسكت يدنيها بحنان : ي عمري فرصتس ذي لا تضيعيها وبعدين يقولتس طلقها وشلون يجيب عليتس مره جديده بالله والي ماتسمى شوفها وش استفادت خليها الحين تجلس بحسرتها وأنتِ بيردس له معززه مكرمه سميره هزت رأسها وهي ترفع يدها: ماهو أول مره يسويها ي اصايل مره تزوج وحده ماهي من ديرتنا بعد وتصبرت وقلت ماعليه ي سميره مدام طلقها ماهو لازم تروحي لبيت أبوتس وخليتس عاقله ولاتشمتي الناس بتس وكلها شهر بس وتزوج اللي خابرتها يعني الحين بيردني ونفس الحكايه بتنعاد معاد قلبي يقوى خلاص وافي معاد خلى له شيء ينذكر ... اصايل بدون شعور: نذل سميره طالعته وبسخريه: انذل من اللي عندتس بعد اصايل وقفت وهي تتهرب :تصدقين نفسي هافتني على شورما وش رايتس تقومين تسوينها لي من زمان عن طبخس سميره طالعتها وقالت:متى ناوي يجي اصايل توترت أكثر بس قالت بتمثيل على انها ماهي فاهمه قصدها : مين بسم الله عليتس بس قومي اطبخي لي ولا حابه تطلع بوجهه ولدي يرضيتس ي خالة فهد سميره ابتسمت على جنب: بتسميه فهد ...متفقين عليه ولا لحالتس مقررره اصايل عضت شفتها غصب تدخله بكل شيء قالت وهي تتهرب : أكيد متفقين سميره : طول صح وترى اليوم سمعت ابوي يكلمه ويقوله اعطني عنوانك بجيبها بنفسي اصايل حسيت بصدمه من كلامها : وشهووو لها الدرجة رخيصات بعين أبوي سميره صغرت عيونها: يعني بينكم شيء اصايل بقهر: ابوتس ذا بموت منه والله ليه تسذا يسوي فينا والله ذي المره ماسكت له واعطتها ظهرها وبتطلع من المطبخ بس وقفت يوم شفت ام محمد واقفه قدام الباب وشكلها تسمع حكيهم : عيب عليتس تتحكي عن ابوتس تسذا مهما كان يبي مصلحتس وبعدين وهو صادق وش له تجلسي يكفي الزحمه الي حنا فيها وهي تطالع سميره اللي واقفه وراها اصايل بقهر : ليتس تنكتمي وماتحشري حالتس بشيء مايخصتس فيه والبيت لنا فيه أكثر منتس ي الخبيثه ام محمد بخبث وهي عارفة ان ابوها بالصاله ويسمعها : عيب عليتس ي اصايل اللي تقوليه لي مهما كان انا بمقام امتس اصايل تحركت بتروح بس هذي واقفه بوجههاا قالت بغيض: ابعدي ترى قافله معي ام محمد ابعدت شوي ومشت وراها وهي تطالع ابوها اللي جالس يتقهوى قالت بخبث : وش قلت لتس الحين عشان ذي العصبيه كلها ابو محمد بحده : وش فيه وطالع اصايل ام محمد جلست وحطت رجل على رجل : مدري عن بنتك اكلتني بقشوري وأنا ابي مصلحتها ابو محمد وهي يطالع اصايل اللي معطيتهم ظهرها بتدخل غرفتها صرخ بعصبيه : اصايل اصايل وقفت وقفلت عيونها بصبر الحين وش يفكها منهم ..لفت له وقالت : سم يبه ابو محمد بحده:جهزي نفستس الحين بتقهوى ونروح اصايل عضت شفتها بقهر يعني كلام سميره صدق قالت معترضه : ماراح اروح مكان خلاص كفايه ترخيص فينا ابومحمد طالع ام سميره اللي طلعت من غرفتها : عقلي بنتس قبل امسي عليها بشيء لا يرضيتس ولا يرضيها دبلتي سبدي بهالبنات العاصيات الله ياخذتس وانفك من وجهتس ي ام البنات اللي مابه حد صاحي منهن كل وحده السنع أبد ماهو يمها ماغير مفشليني وانا كل يوم ساحب وحده لرجلها وطالع سميره وأنتِ بعد وافي مر علي وقال يبتس تردين له وأنتِ رافضه خليني بس اخلص من اختس وبعدها يصير خير سميره بسرعة انسحبت للغرفه بدون ماترد ... ام سميره بخوف قربت من اصايل وقالت بهمس وهي تدفها للغرفه: يعني مالقيتي تعاندي ابوتس إلا الحين يكفي المشاكل الي صايره امس بسبتس والحين شوفي قلب بعد هالضعيفه اللي رجلها طير عقلها .. اصايل بقهر : يمه ابوي بيجلطني حرام عليه اللي يسويه فينا لمتى يعني ام سميره بقهر: وش اسوي امس حلف علي بالطلاق يوم اعترضت على روحتس خفت على حالي وعليكم اصايل وهي تصيح:قولي خفتي على حالتس ماهو علينا ودايم حنا الضحيه ام سميره وهي تصيح معاها : من حقتس تقولي تسذا يمه بس وش اسوي لمين اروح وابوتس مستغل ذي النقطه ابوي وامي ماتوا وتدرين اني وحيدتهم ولا عندي اخ ولا اخوو اروح له وخوالي وعمامي الي مات منهم واللي حي كلن بديره وكلن يالله نفسي نفسي وين تبيني اروح له انا وخواتس الصغار تبيني اتبهذل أخر عمري اصايل صاحت بقهر ..وشلون تروح له بنفسها وهو بنفسه قال مايبيها ..وبعدين وشلون اعطاه العنوان وهو مايبيها .. قفلت عيونها يوم سمعت تهديده وصراخه على أمها ...وقفت وهي مغبونه لبست عباتها وطلعت وقالت بقهر:جاهزة يبه وان شاءالله انه يردني وتعرف بنفسك اي رجال زوجت ابو محمد طنشها وطالع زوجته وقال : يالله أنتِ بعد تجهزي اصايل جلست على الكنبه يعني المشوار لذي الزفته وقال حجه انفك من اصايل مره وحده واخذها لزوجها بس للحين مستغربه وتفكر وشلون يعطيه العنوان وهو بنفسه قال خلاص انتهى اللي بينه وبينها ..وبعدين بأي وجهه بتقابله ..بعد ماطردها ..وبعد رفضه لحملها ...هزت رأسها وطالعت أمها اللي وقفت وراحت غرفتها وسميره بعد انسحبت ..من بداية المعركه هذولا هم كل وحده اجبن من الثانيه ولا في حد يقدر يوقف بوجهه ابوها ..قبلها شمسه طلعت مكسوره والحين الدور عليها ..وبعدها سميره متأكده انه ماراح يخليها في حالها. | ||||||||
|
| |
|
08-04-18, 01:33 AM
| #414 | ||||||||
| مراقبة عامة ومشرفة منتدى الروايات المنقولة
| شدن تحس عظامها كلها تألمها .. أجرم فيها بقوه حسبي .. الله عليه ...ذي المره مجنونه لو تسكت له..شافته طالع من غرفة النوم ..حست بتوتر وخوف الله يستر لا يكون ناوي بعد عليها ... قالت بتردد يوم شافته جاء وجلس قدامها ويطالعها بسخريه :طلقني وبدق على عمي يجي يأخذني لا تخاف أمي نوفه معاد بتحرجك يأخذني من هالشقه بدون حتى ماشوفها ياسر ضحك بصوت عالي :اطلقش كذا بدون مقابل وقف وجلس جنبها وطالعها شدن حست قلبها وقف يوم جلس جنبها عندها عقده صارت منه ..اللي سواه فيها ماهو قليل جت بتقوم بس مسك يدها ورجع جلسها بقوه طالعته وهي تدور الرحمه بعيونه بس أبد ماحصلت غير الكرهه والحقد نفس النظره اللي كل مره بس هالمره ازود بكثير ياسر بهمس :تتوقعين لو طلقتش عفاف ترجع لي بهالسهوله شدن هزت رأسها وهي تحاول تسحب يدها منه بتوتر :م درري ياسر رجع رأسه على ظهر الكنبه وقال وهو يطالع السقف: ماتدرين حتى أنتِ ماهو واثقه برجوعها لي شد على يدها بقهر شدن بلعت ريقها يوم شد على يدها تحسه بيفرمها بين اصابعه قالت بألم :جالس تعورني يكفي اللي سويته فيني ياسر طالعها وقال بهمس : يكفي ي شدن على سويتيه فيني تقولين يكفي أنا لو ذبحتش محدن بيلومني بس هالمرة بكبر عقلي واتفق معش ولو نجح ذا الاتفاق صدقني بسامحش على كل شيء ولو مانجح اخخخ وقتها والله ثم والله مافي شيء يبرد قلبي من صوبش شدن وهي تطالع يدها اللي تحس الدم وقف بعروقها من كثر ماهو شاد قالت وهي تحاول تتحمل الم يدها قاطعت كلامه :اوعدك لو رديتني لأمي بدق على عمي ويأخذني وقتها قلبك يبرد يوم يتنفك مني ياسر ابتسم بسخريه:متأكده ان عمتي نوفه بترضى لا بتسوي اي مصيبه عشان تجلسي يمها وبترد تطلبني يعني أبد مابه فكاك منش وعشان كذا قرررت اخليش على ذمتي حتى عفاف ترضى علي وبعدها بأخذها وبنقلع من الجنوب كلها وأنتِ وعمتي عساكم تنحرقوا شدن حسيت بكره لذي العفاف اللي ذلنا عشانها قلت بقهر : طيب خلاص فك يدي وبخلي عمي يجي هنا بدون ماروح لأمي ياسر ابتسم بحقاره وقال: ليه ادق على عمش وابلش فيه بتفق معش وبعدها اشوف ومتأكد بتونس حيل لو صارت الأمور مثل مابي بذات مابقي إلا شيء قليل مدام تنازلت بالأرض باقي بس شيء واحد بس واضمن رجعة عفاف شدن فتحت عيني بصدمه وش يقول ذا يونس نفسه ليه شايفني مهرج له يونس عمره ويسعدها بعيد عني وبعدين الأرض تنازل فيها وأبوه طيب قلت وأنا اذكره: أبوك راح يحرمك أنت عارف وشلون خالي مبارك لازعل لاتزعله بسبة عفاف ياسر ابتسم :لا تطمني فديتش أبوي دواه عندي وبخليه ينسى الأرض وطوايفها محدن يعرف له غيري وعفاف بترجع لي صدقيني بس أول تنفذي اللي ابي عقدت حواجبي مستغربه كيف بيقنعه قلت بفضول :وش بتعطيه تخليه يرضى عنك ياسر طالعها وطول بنظرته وقال :بدمش اللقافه حتى في اتعس حالاتش الحين اقولش ابيش تنفذي اللي اطلبه منش تقومي تشغلي حالش في ايش اعطي أبوي شدن عضيت شفتي بقهر صدق اني ملقوفه وش علي منه هو وأبوه اهم شيء انفك منه ومن شره وارجع لأمي ..طالعته يوم اتبسم لي فتحت عيني بصدمه ..ياسر يبتسم لي لا لا صدمه صراحه جيت بسأله وش سر ذي الابتسامه بس تذكرت انه ضمن ردة عفاف وعشان كذا الأخ فرحان بس حسيت يوم شدني له وقال عورتش صح وهو يمسك مكانه ضربته اللي على كتفى ويطبطب عليها شدن لا لا لا ي الحنون خف علينا وبعد بنفس الوقت مصدومه يوم شفت نظرته لكتفي احسه فعلاً متأثر قلت وبدون حس : معقول صرت طيب وحزين علي انك ضربتني ياسر ابتسم بسخريه وقف وقال :بصير طيب لو نفذتي اللي ابي اطلبه منش شدن قلت بسرعه : طلبك تم قول ايش ياسر أشر لها تلحقه الغرفه شدن مشت وراه وهي متردده خايفه منه ..تحسه ماهو طبيعي . بذات يوم سألني ان ضربه عورني أو لا العاده يضرب ويزيد ماهو يطبطب دخلت الغرفه وأنا اكتشفها بعيوني مره عاديه عكس ألغرفه اللي كانت بجده ...طالعته يوم أشر لي اجلس جنبه على السرير قلت بتردد: قول اسمعك من هنا ماهو لازم أجلس جنبك ياسر هز رأسه برفض وقال :تعالي شدن قربت منه بخوف ..تحسه ناوي عليها شكله بيذبحها ويرميها في المنور مثل القصه اللي قرتها ..ايه أكيد بلعت ريقها وقالت بخوف: تكفى لا تتهور وراي عم وأم ورفعت يدها اقصد ماهي ام وحده ثنتين وحده سعوديه وحده مصريه ياسر طالعها بسخريه هز رأسه بقهر أبد مافي أمل بعقلها قال بصبر وهو يمد جواله لها : ماشاءالله بعد ماهن من دوله وحده صراحه متميزة بقوه بعد شدن بثقه : ايه متميزة بقوه وغير عن الكل ورفعت رأسها تقلد حور بس بلعت ريقها يوم ناولها الجوال وشكله بدأ يعصب أخذته منه وهي فرحانه : الله يخليك يارب والله اني قلت ماراح تخليها بنفسي بكلم أمي وحشتني حيل ياسر بسرعه رفعه لفوق وقال بهمس :ابيش تكلمي (عفاف) شدن وقفت بسرعه وقالت بصدمه : ايششش ياسر بسرعه مسك يدها ورجع جلسها وقال وهو ماسك نفسه غصب:اللي سمعتيه تكلميها وبنفسش تقولين لها اني مغصوب عليك والأرض خلاص تنازلت فيها لأخوها عشان ترد لي وقولي لها ان متفقين على الطلاق شدن طالعته وأنا مقهوره ..هي صح صغيره وماهي قد ياسر بس مستحيل تنزل نفسها كذا قالت برفض : والله لوتموتني ماسويها وانقلع أنت وعفافك ذي اللي ميت عليها تحس شوي ويذبحها من نظرته لها بس طنشت بس وقفت واعطتها ظهرها بس ماامداها تتحرك إلا سحبها بقوه وقال بمحاوله أخيرة وهو وده يذبحها :بسوي لش اللي تبين وبنفسي بردش لعمتي اوعدش شدن وقفت محتاره توافق أو لا بس وشلون تنزل نفسها لها وع تكلم عفاف بس مدام قال ينفذ لي اللي ابيه رجعت و جلست على السرير وحطيت رجل على رجل ورفعت رأسها بغرور :طيب موافقه ..بس قبلها عندي شرط ياسر ودها يفرمها فرم على هالجلسه والنظرات قال بصبر: تفضلي قولي شرطش ومن الحين موافق شدن بثقه: غصب عنك توافق وشمقت بوجهاا وهي واثقه بس ارتجفت بخوف يوم قال بهمس حاد : اخلصي علي شدن رفعت حاجب : ي سلام احس انك ماهو راضي وبعدك مادريت بشرطي ياسر زفر بصيق وهو يهمس :اللهم طولك ي روح الحين قلتي شرطش عشان تقولين كذا شدن بتمثيل وقفت: لا لا شكلك ماهو عاجبك وأنا ماحب اغصبك على شيء ماتبيه خلاص بكيفك انا بروح الصالة وياويلك تلحقني ياسر بقهر عض شفته وقال بحده : اجلسي مكانش وقولي وش عندش وتكفين لا تخليني افصل عليش صدقيني ماهو بصالحش ولا بينعاد الي صار فيش شدن تذكرت ضربه الحقير يذكرني ويهددني حسبي الله عليك من رجال بس سويت نفسي ماهو هامني تهديده ورجعت حطيت رجل على رجل وقلت :اممممم قول انك موافق طيب من قلبك عشان أقدر أخذ واعطي معك ياسر صغر عيونه وابتسم بقهر:يالله موافق هااه ان شاءالله طلعت من قلبي ست شدن شدن ميلت فمها :امم مدري احس ماهو من قلبك بس يالله بمشيها لك ياسر بعدم صبر: شدن اخلصي علي شافها تطالعه بخوف قفل عيونه وقال : بسرعه شدن قبل افقد اعصابي تكفين لا تطوليه معي شدن تكذب لو تقول ماخافت منه قالت بسرعه:ابي جوال آيفون اكس وابي السوق وابي اتعشى برا وابي ياسر قاطعها بقهر: خلاص على هونك قلتي شرط واحد ماهو كذا استغلال شدن وقفت : كيفك لو ماهو موافق أنت اللي بتخسر عفاف وقالت وهي ناويه تقهره أكثر وكاد تروح عليك بعد وتأخذ غيرك تدري ابله وعندها دراهم واللي حافي مكسب له يأخذها ياسر بقهر : طالباتش كلها تم بس كلامش ذا لو ينعاد اقسم بالله بيكون اخر مره فيها تنطقين شدن انقهرت من تهديده بس طنشت وقالت : الحين تطلعني وتأخذ لي جوال وتروح فيني لأمي ياسر بخبث: بعد ماتدقين عليها ابشري بعزش شدن : لا لا عارفه بعدها بتشوتني اعرفك خاين من يومك ياسر وقف بقهر وقال بعصبيه: تقلعي قدامي الله يأخذ عقلش شدن والله لا ابرد قلبي فيك هين قالت وهي ترفع يدها : لو سمحت غير طريقتك معي يعني حاسدني على عقلي عشان تدعي علي كل مره بهالدعوه حرام عليك وش ذنبي ان ربي خلق لي عقل يوزن بلد ياسر طالع اصبعها ومسك وشد عليه وقال : كم مره قلت لش لعاد ترفعي اصبعش بوجهي وعقلش ذا ودي ادخله واعرف وشلون يفكر غباء مع وقاحه شدن طالعت عيونه ورفعت يدها تعدل له النظاره وقالت:انتبه لا تطيح ماهو ناقص خساير وهي تبتسم بخبث ياسر هز رأسه بعجز من ذي البنت الله يصبره بس حتى تسوي المهمه اللي يبيها منها وبعدها بالي مايردها رفع حاجب يوم قالت:بعد السوق بروح لأمي ياسر : بعد ماتنهي مهمتش باللي مايردش | ||||||||
|
| |
|
08-04-18, 01:34 AM
| #415 | ||||||||
| مراقبة عامة ومشرفة منتدى الروايات المنقولة
| كشرت بوجهي على اسلوبه الوقح ..قلت اذكره : ترى باقي مصلحتك ماقضت ف ياليت شوية احترام ياسر هز رأسه وقال : يالله قدامي ساكته ومصلحتي ان شاءالله قاضيه وطرق بعد وطالعها بتحدي ... شدن اعطيته ظهري ولبست عباتي وقلت وانا احس حالي المتحكمه ..والله لا انفضك نفض اليوم ولا اخلي لك ريال ..وبعدها نشوف مصلحتك ي العاشق على طول.. تقدمني بدون.. مايتكلم بس احس الانتصار والثقه بعيونه ..مالت عليه وعلى العجيز اللي موت نفسه عشانها ..قال ايش ادق عليها والله معاد بقي إلا هي ... ادق عليها واتذل لها ..أنا شدون حبيبة أمها تنزل نفسها للهبله عفاف @ @ @ الرياض • • كنت مسنده رأسي وأنا اسمع دلع زوجة أبوي ..آه ي هي لاعبه فيه لعب ..ومشيته على كيفها ..حسبي الله عليها تنهدت بقهر ..آه وشلون بيكون شوفتي له بعد ماطردني ي فيني قهر منه ...يقوم يعطيه العنوان ويخلي الغلط مني ...تنهدت بقهر يوم أبوي قال : وصلنا الرياض ..وذا مايرد تدلي بيت رجلتس ي بنت أنا شكلي ضيعت الوصف وطالع زوجته الله يهديتس اشغلتيني بالسواليف معتس وضيعت الطريق اللي قاله لي.. اصايل عضيت شفتي بقهر بعد يبيني ادله قلت بصدق: يبه لا تسألني عن مكانه لو يبيني كان رد خلاص عاد افهم ام محمد بخبث: وكاد نايم أكيد إلا ماراح يطنشك وطالعت اصايل عيب عليتس تشكي بالرجال وتدخلي بنيته الحين بدل ماتدوري له عذر قدامنا تقومي تقولي تسذا اصايل قلت وأنا ودي اذبحها الحين هال***تعلمني الأخلاق : الحمدلله والشكر بس اللي يسمعتس يقول شكتت بخلاقه وقلت عنه شيء شين قال ايش لا ادخل بنيته ام محمد بقهر:ليتني اعطيتس بس دروس من عندي تعرفي كيف تدلعي رجلستس ويصير يدور وراتس مثل ابوتس الحين مايقدر يخليني ولا لا ي ابو محمد ابو محمد طالعها وابتسم :الله يخليتس لي ي أم محمد والله انتس فخر صايل بطني قلبت علي ..على الجوو الي هم عايشينه صديت اطالع شوارع الرياض ..وانا ادعي الله يضيع ولا يلقى له طريق ..ماودي ارجع لمصعب كسر قلبي على حبي له ...عضيت شفتي ايه هذا بلاي حبيته عديم الاخلاق والرجوله بعد ..حطيت يدي على بطني وقلت ايه مابه رجوله وهو أنكر ضناه قلبي ..وجعني يوم رن جوال أبوي ... أكيد هووو...حسبي الله على شيطانه مدري على وشهوو ناوي .. ابو محمد فتح الخط بسرعه وهو يرحب: هلا والله ماعليه ماعليه الحين وصلت الرياض وينه فيه بالضبط والله ضيعت ي بوك ايه ايه عرفت طيب مابي اتعبك تجي للمكان اللي انا فيه اوصف وأنا بدل ...ولو دخلت للحي سالت الجيران ...ماراح يقصرن ..لا لا وأنا أبوك ..ايه ايه خلاص ولا يهمك عارفه مايرد هذي عادته وأنت المنقذ دايم لو ابيه .. بحفظ الله سلملي على شيبانك اصايل شكيت انه يكلم مصعب ... احس غير مصعب والله قلت بشك: يبه اللي تكلمه مصعب ابو محمد بحده: انكتمي وخليني اركز بالطريق والوصف اللي عطاني مابي اضيعه اصايل عضيت شفتي ..بغبنه ..احسني ضايعه ..وبعد اخاف ارد ولا أقول شيء واستفسر زود يقوم يعصب علي وبعد أمي ماهي جنبي وبذات بوجود الحربايه اللي جنبه مقدر اتكلم ...وهي طول الطريق شحن وكلام يدبل السبد كلها نص ساعه ودخلنا للحي اللي ساكنين فيه..حسيت قلبي يوجعني حيل مدري كيف بقابله .. ي سوادة وجهي منه ..الحين بينقص من قيمتي زود @ @ @ { الجنوب} قال بغيض : لمتى بالله طالعته بخبث وهي ترفع الفستان : وش رأيك أخذ هاللون والموديل ذا ولا أخذ الموديل الثاني تتوقع يطلع علي ايت احلى فيهم .. ياسر قفل عيونه بصبر وقال وهو صاك على سنونه: شدن أنا وش دخلني تشاوريني اي واحد عاجبش به خذيه وريحيني شدن :يعني عفاف ماكان تختار لها ياسر عض شفته: وش جابش لها بالله شدن بحزن : صح نسيت أنك تكرهني ياسر :اللهم طولك ي روح شدن طنشته ورجعت تختار ..زفرت بضيق وقالت : لو أمي نوفه معي ماكان احترت كذا ياسر حس انها تماطل ..وراح تضيع وقته على الفاضي ..قرب منها وقال وهو يأخذ منها الفستان :صدقيني ماهو حلوو عليش احسه مره اوفر خذي هذاك وهو يأشر على وأحد معروض قدام الباب لونه بيج ساده ومديله ناعم شدن كشرت معترضه : لا وع هذا ماهو حلوو واحسه موديله قديم أبي شيء يكون شيء ممميز وبعد رايق هذا اوفر ياسر رفع الفستان اللي هي محتاره فيه : الحين هذا رايق بنظرك بالله والي اخترته اوفر حرام عليش شوفي ذا شغله أكثر عن اللي مختاره لش شدن ميلت فمها :امممم يعني ماهو حلوو خلاص اختار اي شيء ثاني بس تكفى مابي اللي معروض قدام الباب ياسر همس : يارب اعطني الصبر شدن سمعته وقالت بضحكه : يارب جحدها بنظره خلتها تأشر على الفستان ..وهي تقول:هالمره بأخذ اللي تختاره حتى لو كان يفشل مثل اللي اخترته قبل ياسر عصب من قلب وقال بقهر:قدامي بسرعه والله مافي حد يسوي لش جميل شدن وهي تطالع في الخلق : اقصر صوتك لا تفشلني وبعدين لاتنسى الجميل أنا بسويه لك ياسر بحده : بسرعه اختاري وهو يسبها بنفسه .. شدن أخذت الفستان اللي اختاره لي أول ..كذا عناد فيه ..حسيته انصدم يوم قلت خلاص ابي ذا ..صدق هو حلوو واعجبني بس حبيت كذا انرفزه مدري عندي هوايه تعصيب يويسر بذات لا جلس يرفع بنظارته يخاف تطيح لا عصب احس هالحركه بدون حس يسويها بعد ماحاسب قرب مني وقال :حالفه تفلسيني أنتِ شدن هزيت رأسي بلاااا وصديت يقال زعلانه ..طلعنا من السوق وركبنا السيارة ..أول ماحرك السيارة قال :والحين باقي الجوال وتتم كل شروطش شدن صديت بزعل ولا تكلمت .. هذي فرصتي مابي اضيعها ... خليني أخذ حق الضرب اللي أكلته آه كل ماتذكر احقد عليه... واكرهه ياسر ببحه بانت بصوته: شدن اكلمش شدن بتمثيل:اخاف تأخذلي جوال تجلس تذلني مثل الفستان تقول فلستك ياسر طالعها ومن غير مايتكلم وقف عند محل الجوالات وجاء بينزل قالت بسرعه: تكفى طقم لي نفس لون جوالك طالعها ورفع حاجب :وش ذا التقليد شدن سكت شوي وقالت : ابيه ذكرى منك ياسر ماتوقع ردها أبد نزل بدون مايرد ..مايبها تتعلق فيه..غريبه هالبنت ..بعض مرات يشك انها تبيه ..وسوت هالاشياء عشان تتزوجه ... هز رأسه وهو يبعد عنه هالافكار ..هذي مهبوله وماتدري الله وين حاطها ... واي كلمه ماتثمنها وأنت معطي لكلامها اهميه الحين البزر ذي تلخمك بكلمه تافهه مثلها ... | ||||||||
|
| |
|
08-04-18, 01:36 AM
| #416 | ||||||||
| مراقبة عامة ومشرفة منتدى الروايات المنقولة
| كلها دقايق وشفته ... جاي ورمى علي كرتون الجوال .. رفعته... وانا اقلبه بين يديني وقلت بفرحه : ماهو مصدقه والله لا اكشخ به بين صديقاتي وبشك :لايكون ماهو نفس جوالك طالعها بسخريه ..بدون مايرد شدن فتحته وطالعته وهي تقلبه بين يدينها ...كشرت وقالت : ماهو مثل لون جوالك بس ماعليه اهم شيء جوال آيفون اكس ياسر تنهد بضيق: متى تدقي عليها خلاص معاد فيني صبر بعطيش رقمها شدن طالعته وبلعت ريقها ..اخخخ لو يكشف كذبها أكيد بيذبحها قالت بتوتر : أول ودني لأمي وبعدها ادق عليها ياسر بقهر : ماهو كذا الاتفاق تدقي على عفاف وبعدها تقلعي لأمش شدن بلعت ريقي وقلت بمحاوله أخيره:لا مااتفقت معك كذا اروح لأمي وادق من هناك ولو تبي قدام أمي بعد عشان معاد تحرجك وش رأيك والله فكره تتخلص مني مره وحده ومن أمي بعد ياسر عض شفته بعصبيه:قلت لش لا تدقي وبعدها اوديش باللي مايحفظش ولا ناوي تخليني انشب مع عمتي بالعقل راح ارضى تخليش تدقين عليها ياسر اخخخ على اخلاقه الخايسه يبي مصلحه مني ويدعي عليه ويدري ان اللي يطلبه ماهو عقل واحد صاحي وعنده ضمير سكت شوي ..وبعدها قلت بخبث : خلاص ودني لبيت اهلك وادق من هناك بس ماارجع للشقه وكملت بتهديد ولا ترى معاد بدق عليها وبدبل كبدك فيني عاد كيفك وقتها تحملني ياسر بعصبيه: والله ي شدن اني ماسك نفسي بالقوه عليش لاتحديني على شيء مايرضيش الحين شدن بتحدي : عشان مصلحتك بس ولا أنا مايهمني خلاص تعودت على اللي تسويه فيني وهي ترفع يدها اللي فيها علامة اصابعه وقت ماشد عليها بقوه ... ياسر حاول يكظم غيضه ..وبعد يوم شاف علامه بيدها حس بحزن عليها آه لا عصب يفقد وعيه ومايدري وش يسوي ... قال بتهرب : أنتِ بشرتش بيضاء وحساسه يوضح فيها اي شيء شدن رفعت حاجبي الحين السبب لون بشرتي قلت بحقد : يقال حصلت لك مخرج الحين طالعها من غير مايتكلم ...واتجهه لبيت أبوه ... وهو يدعي الله يعطيه طولة البال شدن فرحت من قلب ...يوم وافق الغبي مصدق اني بدق ...والله اني بروح بيت أهله واشرد لأمي وبعدها يقابلني يويسر والعجيز تبعه ... أول ماوصلنا طالعت بيت أمي وأنا ودي اطير له ...نزلت قبله وأنا عندي أمل اشرد لبيتنا ..وفعلاً سويتها وركضت بسرعه ..بس وين يده.. كانت أقوى مني ..لفني له وقال بخبث : ماحزرتي ي حلوه نفذي اللي اطلبه وبعدها بوصلش بنفسي وحذرها بعيونه انها تمشي بدون ماتسوي فضايح بالشارع شدن عضيت شفتي بقهر ..حاولت اسحب يدي منه ..بس رفض تمنيت أمي تطلع ...وتفكني ..بس ي حسرة قلبي ...دخلت معه وأنا مغصوبه أول مادخلنا على طول امه هبت فينا: وينك اللي ماتستحي ولا تنخي قلبي وجعني عليك وأنت مع هالبزر شكلها خذت عقلك ونستك حتى أهلك هذا أنت من يومك تمشي وراء الحرمه وتسيرك عفاف كنت عاذرتك بس ذي البزر تلف علقك ي حيف بس شدن عضيت شفتي بقهر ..هيا الحين انا وش سويت فيها ولا ضربها لي بعد قلت بغيض: والله لا اقول لأمي انش ضربتيني ام ياسر طالعت ياسر الي شكله بيحقق معاها عشان ضربها لها قالت بتوتر :وش اسوي كان يمه بتطلع وتفضحنا عند عمتك وتعرف نوفه أنت شدن بقهر : حلوه ذي الحين خايفه من أمي تقومين تضربيني والله لا اقولها شد على يدي ياسر وطالعني بحده وقال : والنهايه ام ياسر بقهر : ليه ماترد علي ياسر : يمه والله تعبان خليني الحين وبعدها بقولش كل شيء وتطمني الاشكال ذي ماتدخل رأسي ولا تلعب به .. وطالعني ورفع حاجب وجع ان شاءالله يقال فجرها الحين هين والله مااسكت فكيت يدي منه وقلت بعصبيه : ايه أكيد مااعحبك ذوقك جاي على عجوز النار اللي بتموت عليها ... قلعتك أنت وهي والله ماأنفذ اللي تبيه مني ياسر بعصبيه سحبها للغرفه ... وهو يتهدد فيها يبيها تسكت ..مايبيها تفضحه قدام أمه انه طالب تدق على عفاف بصرخه : يعني لازم اللكل يدري ولا ماترتاحين شدن بسرعه ابتعدت بخوف ورفعت يدها بتهديد : والله لو سويت فيني شيء أني مادق عليها وهذني حلفت ياسر قفل عيونه وكور يده وده يبرد قلبه ..بس تذكر مصلحته زفر أكثر من مره وهو يتعوذ ..تصير ياسر تصبر كلها دقايق وتنقلع عنك شدن يوم شفته جلس وهو يتعوذ بصوت عالي عرفت انه شيطانه هجد فسخت عباتي وجلست على السرير وقلت ببرود : جيعانه ونطيت بقهر ليه ماعشيتني بمطعم كان من شروطي يالله ودني للمطعم ولا ماراح .... ياسر بعصبيه صرخ: شدن وبعدين شدن ارتجفت بمكاني وقلت وأنا اتمسكن : حرام عليك هذا أقل شيء تسويه لي ..يكفي اني برجعك لعفاف وأنا بحمل لقب مطلقه وأنا صغيره وبرجع لأمي و ي عالم عمي لو دري أكيد بيأخذني له وزوجته تضرني هي وجدتي تخيل مع بعض مايرحموني راح يذوقوني الضيم يجعلني أخذ ضيمك ياسر رفع حاجب وقال بسخريه :جدتش ماتتت وترى انا حضرت دفنها بعد حاولي مره ثانيه ودوري لش كذبه احسن من كذا شدن عضت شفتها وقالت : اخخخ نسيت وبهمس يالله لم تضبط معنا ياسر قرب منها وقال: ايشش شدن بجراءة قربت منه وقفت قباله وقالت: طيب يرضيك عمي يضربني ويعذبني ياسر عقد حواجبه يحس وراها بلى قال :شكلش ماراح توفي بالاتفاق شدن هزت رأسها : لاااااا بدق عليها بس الحين مافيني احس اني تعبانه وبعد مجروحه من امك ياسر صغر عيونه : أمي وش دخلها بالله بالسالفه اللي ابيها منش شدن بحقد: ضربتني والله وأسال نور ياسر زفر بصوت عالي : اففف ي شدن تعبت والله جوال وأخذته لش والسوق وديتش وأخذتي اللي تبيه وش تبي بعد شدن بلعت ريقها وقالت : خلها بكره عشاني الله يخليك مافيني الحين ياسر مايدري ليه يحس انها تلعب عليه وجالسه تطول بالسالفه معقول تحبه وماهي قادره تسوي هالشيء بدون حس قال : تحبيني ي شدن شدن طالعته مصدومه من سؤاله ابتعدت وقالت بخبث : ايه ياسر عض شفته هذا الي مايبه والله انه حاس من زمان ..قال بقهر : ليه ليه حرام عليك روحي متعلقه بغيرش شدن غبي صدق قلت بتمثيل : وش اسوي قلبي هوو الي سيرني ... تحاسبني عليه بعد ياسر بسرعه اعطاها ظهره وهو يقول : خلاص شدن اسكتي وطلع من الغرفه شدن جلست على السرير وهي ميته ضحك اخخخ قال احبه قال ..يمه الي معذب قلوب البنات غبي مصدق نفسه ... يالله قلعتك وخليني اخطط بفكره حلوة وشلون اشرد لأمي حبيبة قلبي @ @ @ أول ماوصلنا لللفله قلت بقهر : يبه حتى ماهو في استقبالنا وشلون أنزل ابو محمد وهو ناقد: اي والله ليته بس طلع وسلم علي إلا انا مابي ضيافته مشغول حدي باللي جاي عشانه ام محمد بسرعه : حرام عليكم ي جماعه أكيد عنده عذر منعه ..والبيت بيتها وتنزل عادي ودي بعد أنزل معاها عشان اتعرف على أهل رجلها اصايل كشرت بوجهي وجع ان شاءالله راح تتفقي مع تؤامتس الجوهره سبحان الله نفس الأخلاق ... ابو محمد وهو يطالع الباب: مافي وقت ورانا سوق ومشاوير خليها مره ثانيه وانزلي ي اصايل وسلمي عليه وأنا واقف لما تدخلي بيتس لا تحاتين ام محمد وهي تترجاه : تكفى ي ابو محمد خلينا ندخل معاها ودي اشوف هالقصر آه ي حسرتي على نفسي حاشرني مع ثلاث ضراير ببيت واحد ابو محمد طالعها : مره ثانيه وطالع اصايل اللي بعدها جالسه قال انزلي وأنا ابوك وراي مشوار اصايل قلت بغصه: يبه وشلون انزل تسذا بدون حد يستقبلني على الاقل أنت انزل معي ابو محمد بيتكلم بس قاطعته زوجته وهي تقول : تكفى لا تردها تكفى خلني اشبع بمنظر البيت من داخل الله يخليك ونتعرف عليهن وش بي يضرك به اصايل حسيت بقهر ذي وين وأنا وين وبعدين شكلها ناويه تفضحني فعلاً كأنها ماهو شايفه خير والسيد وزوجة ابوه يمسكونها علي ذله ..هم يبغون فرصه عشان يذلوني ... قلت وانا ناويه اغيضها : خلاص يبه توكل ماله داعي البيت بيتي مثل ماتقول خالتي أم محمد قلتها بسخريه ..وانا فيني غل منها ومن مصعب اللي طاردني وبنفسه يتواصل مع أبوي بس انقهرت يوم قال ابوي :تسني انزل معتس وكاد اطمن عليتس وخالتس بعد تتعرف عليهن ابتسمت بسخريه الحين ودك تطمن علي ولا خايف من زعل الهانم نزلت وأنا اسمع اعتراض العقرب قلت قبل اقفل الباب: توكل يبه وتطمن ماتعطينا إلا للرجاجيل ثقه ..ومشيت وأنا فيني هم الدنيا دخلت من البوابه ..احس بغربه يالله كأني بدون أهل ..زفرت بضيق وعيني على الباب ودي يطلع على الأقل يستقبلني بدل ما أدخل عليهم تسذا ...طالعت السواق يوم طلع من غرفته حسيت بخوف ورعب يوم طالعني وشكله انصدم بوجودي رفع يده ومدري وش يقول ..بسرعه ركضت للباب ..الرئسي للبيت وفرحت يوم حصلته مفتوح دخلت ... ..حسيت برجولي تجمدت ومعاد فيني احركها ..وأنا اشوف الجوهره ومصعب يضحكون مع بعض ... لا لا لا صدمه ....حسيتهم حسوا علي على طول الجوهره وقفت وجت يمي وهي تبي تتأكد من الي دخلت كذا عليهم رفعت نقابي قبل توصلني جت عيني بعين مصعب الي شكله انصدم من وجودي رجعت لوراء يوم شفت نظرته لي ماتبشر بخير .... • • كتتتتتتتت &نونـــي بنت الجنوب & سبحان الله وبحمده سبحان الله العظيم استودعتكم الله الذي لا تضيع ودائعه الوتر أحبتي { الله يرحمك يأمن اوجعني فرقاك } ان شاءالله طويل ومرضي الجميع وعوض شوي تأخيري عنكم الله يسعدكم يارب ولاتنسوني من دعواتكم امر بضيقه مايعلم فيها غير ربي | ||||||||
|
| |
|
08-04-18, 01:46 AM
| #417 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 33 ( الأعضاء 9 والزوار 24) فيتامين سي, منيتي رضاك, شهرزادك, hala baker, Sōym sd, Sou-sou31+, ام عساف, انيقة الذوق, Smartgirlkidny قراءة ممتعة لكم ..... وردود ممتعة لنا ..... وللغاليه نوني ..... | ||||||||
|
| |
|
08-04-18, 03:05 PM
| #418 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر
| شدن ناوية تخل بالاتفاق بعد ما نفذ ياسر شروطها هالبنت هي اللي بتجيب نهايتها بنفسها على يد ياسر ما راح يفوت لها حركتها تلك وبالأخير تدعي أنها تحبه وهو صدقها بو محمد هو اللي مسبب الغبينة لبناته وهو يرميهم على رجالهم وهذا اللي خلاهم يدلونهم ولا اهتم يأخد حق المظلومة بل هن سبب المشاكل بنظره وهذه العقربة أم محمد ممشية خططها عليه بنجاح وهي اللي بتشجعه على قراراته وتصرفاته معهن سلمت أناملك على الفصل الجميل ربي يسعدك وييسر أمورك بانتظار القادم موفقة بإذن الله  .. | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
