29-06-18, 12:42 PM
| #501 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
|  السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين وأخيرا طليتي علينا كاتبتنا العزيزة اشتقنالك ولأبطالنا بشوق لمعرفة بقية الأحداث وهل بيستمر الوضع على ما هو عليه مع أبطالنا أكثر أم حان الوقت لتتغير الأحوال وربما المشاعر والعواطف بانتظاااارك موفق بإذن الله ... لك مني أجمل تحية . .. التعديل الأخير تم بواسطة أميرة الوفاء ; 29-06-18 الساعة 01:34 PM | ||||
|  |
|
30-06-18, 02:20 AM
| #505 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| سبحان الله واستغفر الله اللهم صل وسلم على نبينا محمد ( صلو عليه ) @ @ (30) @ @ @ @ صرخ : يارررب لطفك .... حست بقلبها وقف وهي تسمع صوت الرصاصه ركضت بسرعه وهي ماتدري وشلون لبست العبايه صرخت على أختها : عنود لا تلحقيني بسرعه دقي على الشرطه ... طلعت لبرا حست براحه يوم الرصاصه كانت مصوبه لفوق وابوها بخير قدامها ..بسرعه قربت منه بجراءة وقالت بعصبيه وهي تمسك الرشاش وتصوبه ناحيتها وتطالع في ابوها اللي ينتفض من عصبيته ومن خوفه : ماهو كل مره بتضبط معك ي ولد مبارك ولو ذي المرة ناوي خذ روحي قبلهم وصرخت بصوتها كله عجلي على الشرطه ي العنود ذي الاشكال مايرجع لهم عقلهم غير بالحديد اللي يربيهم يحس قلبه وجعه أكثر وهو يسمعها تعجل بجية الشرطه التفت لجارهم وهو يقول :عز الله بيجوون وبيتلونك الله يعجلبك وننفك من شرك آلا حد بعقله يجي يم بيته ويهدده قدام خلق الله يحس الصدمه الجمته عفاف حب حياته تحرض بعد عليه ..حاول مايصدق انها متفقه مه اخوها وقال من تدبيره الكلب ..بس لهنا لا فعلاً كان مخدوع فيها وبقوه نزل الرشاش وقال بعصبيه وهو يطالع ابوها :والله اليوم مااخطي شبر غير روحه تطلع بس ماحس بنفسه إلا بالارض والرشاش فلت من يده صرخ بسبه قويه **** وهو يحاول يقوم ..ويلتقط الرشاش قبل يصل له سلمان بس كان اسرع منه وبسرعه أخذه ورفعه لفوق وقال بروح الانتصار : تخسى وتعقب تأخذ روحي وصوب عليه الرشاش و طالع أخته وهي واقفه بين الرجال قال بعصبيه : بسرعه للبيت وخلي ذا الرخمه لي طالعه وهو بالارض جاي يم بيتنا وتهددد ياسر دف الرشاش من وجهه وقام بعصبيه :دايم فعايلك ماهي برجوله دايم الغدر طريقك إلا لو رجال ماجيت من وراي كان وجهه بوجهه وطالع عفاف طلعوا حريمكم ارجل منكم ي ال.... سلمان بعصبيه رجع وجهه الرشاش له بس ابوه وقف بوجهه وقال بعصبيه: تضيع روحك عشانه ياسر طالعه بسخريه يوم نزل الرشاش مد يده وقال : جيب رشاشي حرام لو ينطق كان قال منقود عليك تخلي ذا الخايس يحملني سلمان ضحك بصوت عالي مستفز :الخايس بنظرك خلاك تلف حول نفسك من القهر وبعدني ي ياسر والله لا احرق قلبك ياسر دف الرشاش من يده بسرعه وقرب منه بتهور وهو يصرخ :حدك عاد وهجم عليه أبو .. مسعود بسرعه تدخل وأخذ الرشاش وهو يرفع جواله يبي يعجل بالشرطه ..قفل جواله يوم شافهم واصلين لهم أشر عليه بسرعه وقال : والله اني شاهد انه جاي يم حرم بيته ويهددد ولا احترم محارم ومايبي غير يزهق ارواح برئيه بتهوره @ @ @ @ صرخت بقهر : وشلون مايرد ارجعي دقي عليه قالت بخوف : يمه وشلون حتى لو رد علينا وش ينفع أكيد انه بعيد عنا ويويسر ضيع نفسه خلاص ام ياسر صرخت بقهر: اكتمي الله يأخذش وطالعت شدن الي بحضن نوفه قالت بحقد : لو صار بولدي شي والله مااسامحش ي نوفه نوفه بقهر عضت شفتها وقالت:مقدره حالتش إلا ردي بيكون شيء ثاني والله شدن بقهر نطت من حضن امها:يالله تبلي علينا حبيبتي ولدش متهور ومقعد الدنيا ومجلسها عشان عجيزة المنتهيه الحين خليه يستفيد يوم رقبته تطير ويعرف وشلوه كل ماصار شيء رفع رشاشه ارواح الناس ماهي برخيصه له وطالعت امها والله يمه مره رفعه علي وكان بيذبحني به ام ياسر صرخت بقهر: سكتي بنتش ي نوفه نوفه حطت يدها على فهما وبحده سكتتها :شدن وبعدين معش وبعدين الله يلوم اللي يلومها الحين خلاص اسكتي لا تزيديها شدن رجعت حطت رأسها بحضن امها وهمست قهرتني بس تحط عليش يمه وأنتِ ساكته لها ورفعت رأسها وطالعتها وقالت بتردد:مااستفدت شيء يمه من ذي الزجيه ابيه يطلقني سكتت وهي تسمع صرخة حورررر .. : سجنوه لاااااااااا وطيحت الجوال وصرخت يمه العنود داقه تقول ألشرطه أخذت ياسر طالعت أم ياسر يوم صرخت بصوته كله: سواها خلاص ورط حاله آه ي حسرة قلبي على ولدي قربت من نوفه وهي منهاره الحقيني وأنا اختش ولدي ضاع ضاع خلاص وش يرده الحين شدن بعدت شوي عن أمي يوم قربت منها وطاحت جنب رجولها حسيت بخوف ياسر قتل ...والحين سجنوه ... طلعت نور وحور اللي يصيحون وبعد أمي نوفه ..وقفت وابتعدت عنهم وانا افكر مين قتل جابر ولا سلمان اخخخ لو عفاف اكون انفكيت من عفاف ومن ياسر دخلت الصاله ..وجلست ...اتخيل ياسر وهم يقصووونه ..حسيت برعب يمه ..غبي ضيع عمره ..يمكن هذا من دعواتي عليه ...ايه ربي اخذ حقي منه ومن عفاف بعد آه ي هي ذلتني ببيتهم ذا مابعده وقفت على حيلي وطلعت للحوش ماشفت حد شكلهم كلهم راحوا بيت ام ياسر بسرعه لحقتهم ..قابلت خال مبارك جاي بسرعه ركضت يمه وقلت :دريت ولا مادريت مبارك بقلق : وش عندش عساه خير شدن وانا اطالع جهة الباب حق الصاله وين خير ولدك ذبح جابر مدري سلمان المهم حد من عيلة عفاف والحين الشرطه تلوه وخالتي منهاره داخل بتموت تدق عليك من بدري ماترد سكتتت يوم شافته يركض لبرا مثل المجنون ..رفعت كتوفها بقهر طيب أسال اي مركز راح وايش شبب المشكله يالله روح مثل الابلهه..طنشت ودخلت لهم كشرن يوم شفتهم باقي على مناحتهم قلت بستخفاف :خلاص ربي يعوضش ي خاله يمدش تجيبين غيره ولا معاد يمديش سكت يوم امي نوفه طالعتني بعصبيه حطيت يدي على فمي قبل تهاوشني بس انقهرت يوم قالت حور: شدن ماهو وقت سماجتش انقلعي لبيتكم وفكينا شدن ي خبر ارووح ويفوتني ايش صار جديد صدق خبيثه هالبنت ... طنشتها وقربت من نور وقلت بهمس :خلاص لا تصيحين نور طالعتها بقهر وقالت: ماتوقعتش كذا قلبش قاسي ياسر ماندري وش يصير به وانتِ ولا همش شدن صديت عنها بدون مارد ..ودي اقولها اخوش ماخلى عندي قلب ولا فيه شيء يشفع له يخليني احزن عليه .... | ||||
|
| |
|
30-06-18, 02:28 AM
| #506 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تلفتت يمين ويسار بطفش ... نطلها هنا ومارجع سأل عنها من امس ماتبيه يسأل بس على الأقل يفكر انها بدون جوال ويأخذ لها عشان لو قدر الله صار شيء عليها تقدر تدق ..تكره إهماله آه كله.. عشان ايش يرضي ..الجوهرة الغبي مايدري بخططه كلها فاشله ...طالعت مقبض الباب وهو يتحرك كشرت ولفت وجهها بزعل .. فتح الباب ودخل ..شافها قدامه جالسه رد السلام وحط الاغراض ..على الطاوله وجلس قدامها ميل فمه بسخريه يوم صدت وقال:بلاش ي عسل الزعل اللي ماله داعي اصايل طالعته بقهر :عارفه اني ماسوى شيء عندك بس ي خي خلاص روحي طقت من فعايلك ومن بلاويك الي مقبل عليها الحين تفتكر اللي بتسويه بيمر تسذا سهلات مصعب رفع كتوفه ببرود :شوفي مافيني على حنتك وقلك اللي ماله داعي مافيك تتحملي تفضلي ي بعد قلبي دقي على أبوك يجي يأخذك اصايل عضت شفتها بغيض تكره يوم يقول كذا عارف بوضعها مع ابوها ..وكيف يقهرها فيه ..وقفت تروح لغرفتها أفضل ..بس وقفت يوم مسك يدها يمنعها تروح طالعته بقهر :مصعب .... وقف وقابلها وقال بحده:الحين جاي ومتعني وهذا اسلوبك معي ليه كذا حابه تنفريني منك اصايل ضحكت بسخريه:جاي ومتعني لا لا صراحه مره تعبت نفسك ليه ي قلبي كان خليتك معاها ومع حكاية الزواج الفاشل الي مقدم عليه وانت من غير ماتبيني لا تحطها الحين فيني وانا الي منفرتك مصعب ابتسم بخبث:وش يدريك انه فاشل وكاد تنجح خطتي احسن من زواجي منك إلا صدق بنظري زواج فاشل وبقوه وطالع بطنها بس وش يفكني بالله مدام غصب حالفه تكملي اللي ابوك بدأ فيه اصايل حطت على بطنها وقالت:صدقني ولدي مالك فيه شيء ولا راح يكون عائق لك مع عبيروه اوه اقصد (بيبي ) مدري على وشهوو بعد ذا الدلع شينه واسمها بيبي مصعب جلس وجلسها معاه وهي ماهي راضيه وقال بوقاحه: تكفين احكي لي عن بيبي ذي وكيف ان شاءالله انها حلوة بس حق هالتعب وتحملي للزفت مرة ابوي واحصل شينه اصايل عضت شفتها بغيض وش تسوي فيه طالعت الطاوله قدامها تبي ترميه باي شي يبرد قلبها ..بس بسرعه حست روحها متكتفه وهو يقول:قلت لك ماهو كل مره بتضبط معك اخذ روحك لو سويتي اللي في بالك اصايل دفته بقوه عنها وقفت واشرت للباب : برااااااا مصعب رفع حاجب وطالع الباب وقال بوقاحه : اممم ماهو قبل ماتوصفي لي بيبي بالتفصيل وعقد حواجبه مستغرب :وش يعرفك بعد بدلعها اصايل بلعت ريقها بخوف ..تذكرت انه مايدري بروحتها مع الجوهره لبيتهم ..قالت بتوتر: شفتها عند خالتك جوجو وعرفت دلعها مصعب بحده :تخسى ذي خالتي اصايل فرحت يوم رجع قلب عليها ونسي سالفة بيبي وكيف شفتها طالعته يوم قال :قلتي شفتيها في بيتنا امم افتكرت غيرانه وجالسه تجيبي اخبارها وابتسم بخبث عضيت شفتي بقهر وقلت : ايه مره غيرانه وبموت وانا اجمع عنها اخبار وقفت بقوم بس رجع جلسني وقال بستفزاز : مابعد وصفتي لي شكلها هالبيبي زفرت بضيق وانا ودي اذبحه حطيت يدي على شعري وشديته بقهر :مصعب والنهايه معك اليوم ي خي تزوج طلق مالي دخل فيك بس لاتجلس تطلب من اشياء تقهرني وتضايقني مصعب ضحك بصوت عالي: ليه طيب تقهرك وتضايقك وانتِ أكثر وحده عارفه اني مااابيك اصايل زفرت بضيق وحطت يدها على وجهاا :يالله رجع وقال مايبيني لمتى بتحمل ..بعدت يدها وطالعته وقالت بصرخه كلها غبنه :تصدق غبيه لو ضيعت وقتي معك اكثر من كذا وقربت منه وقالت بتشفي تصدق وين نهايتك بالسجن مثل أمك وبعدها بيحولونك للمصحة مثلها واذكرك وبعد بتطلع جثه مثل ماصار لها مدام معطي الجوهر..... ماحست إلا بيده تطبق على فمها وجه الي قلب أحمر وبسرعه هجم عليها اصايل حسيت بغلطتي بس والله من حر مافيني رفعت يدي وأنا احاول ابعد يده بس أبد ماغير شد زياده وهو شاد شعري ومقربني منه وكاتم نفسي مصعب وقلبه نار :بهالسهوله تحكين عن أمي تدرين انها ماانرمت في السجن إلا ظلم عمي ظلمها ظلمها من البدايه والخبيثه كملت عليها في النهايه اصايل هزيت رأسي ابيه يفهم ان هذي مقصدي وخايفه عليه يتورط معاها ..آه غلطت يوم عرفته اني ادري بسالفة سجن أمه ..قبل تدخل المصحه ..بس وين وجههه يخوف وبعد مافيني اوضح له واقدر اتكلم حطيت يدي على صدره ابيه يبعد عني قفلت عيوني يوم صرخ: الحين يقال تشمتي بسجنها وهزها بقوه وهو يشد على شعرها مين قالك ي الحيوانه مينننننن اكيد الزفت وأكيد فهمتك انها سوت المصايب اللي اتهموها فيها بس كلكم ماتجيوون موطى رجولها اصايل حسيت الدنيا تدور فيني يوم هزني بقوه ..وشلون اقوله اني سمعته يوم صارت هوشه بينه وبين ابوه وقتها قال (سجن امي ماراح يروح كذا يبه وبعدها دخولها المصحه بعد ماراح يروح صدقني والله لا أخذ حقها منكم جميع ) وقتها انصدمت صدمة عمري يعني أمه ماهي مجنونه بس ..إلا بعد دخلت السجن يالله وش مصايب بعد وراء هالعيله صرخ بعصبيه : امي شريفه فاهمه شريفه من كل التهم والي يحكي عنها هو المبتلي ي العفيفه والشريفه اللي أبوك رماك علي إلا وراك بلى ومصيري اعرفه منه الرخمه الي ماعرف يربيك عارفه ليه ماتقبلتك لما الحين وحتى هالولد مابيه لاني عارف زوجك لي بهاالطريقه الرخيصه حتى ريال مادفعته فيك إلا يبي يتخلص منك قربها منه وقال بصوت مرعب( أمي طاهره ) وغير عن الي في بالك اصايل كانت ندمانه حدها انها قالت كذا بس هذي التهم الي قالها لها ..وبعد كلامه الاخير والله معاد يهمها دفته بقوه ...وقفت بس صرخت يوم مسكها ولف كتفها ..سمعت صوت عظامها تحت يده بدون رحمه صرخت بالم وهي تترجاه يرحمها ... مصعب صرخ بعصبيه:ليتك قد كلامك اصايل وهي تتألم وماهي قادره تتكلم أبد قالت تذكره :لاتنسى الروح الي بتسببب بنزوله وبيكون لك حسره صدق وقتها والله ي مصعب ماارحمك مصعب اعطاها كف قوي وصرخ:لا تذكريني بغبائي وشلون وثقت فيك وشلون خليتك زوجه لي كلكم نفس بعض خسيسات معاد امي اللي صدق شريفه وانظلمت والي حثاله مثلك عايشه حايتها بالطول والعرض .... اصايل انصدمت من الكف اللي جاها ومن كلامه الغريب وش ذا القذف الجديد عليها... ومين الحين اللي قال امه ماهي شريفه ليه جالس يرمي كلام مثل كذا بسرعه ركضت لغرفتها ..وقفلت الباب عليها بالمفتاح ..وهي تسمع صراخه وتهديده ..سندت ظهرها على الباب وتهاوت على الأرض وجلست بالارض ...وهي تصيح منهاره ..تسببت لنفسي مشكله كبيره معاه..انظلمت كثير بالي قاله عنها هي تحتقر الي يسون هالشيء..ويتشمتون مثل مايقول وبعدين وش دخل الشرف ويتهمها تسذا ..معقول امه كان يقولون عنها شيء ماهو زين وهو فهم تسذا ..وبعدين وش سالفة دخول امه السجن وش قضيتها وبعدها المصحه آه حياتهم كلها غموض وبلاوي وراهم ... غلطت هالمرة غلطه كبيره ..وهالمجنون ماراح يعتقها بيسود عليها عيشتها أكثر وأكثر .... كل ماتذكر قذفه لها وان ابوها رماها عليه عشان يبي يتخلص منها لان وراها مصيبه قلبها ينعصر من القهر ( هذا الي روحك رخصت له ) رفعت يدها تبي تدعي عليه مثل ماقهرها وذلها ... بس نزلت يدها بخوف عليه وهي تستغفر استغفرالله استغفر الله حطت يدها على وجهااا وصاحت بقوه (مابي هالحب الي يذل) | ||||
|
| |
|
30-06-18, 02:42 AM
| #507 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| { الديره } جالسين بالصالة على قهوة المغرب " " همست لها: ان شاءالله رد عليتس بس ابتسام بضيق: ذي المره شكلها غير ي شمسه طول حيل وهو مطنش شمسه : ماعليه قلبه كبير والله ومصيره يحن عليتس بس انتِ دقي عليه وارسلي بس له عشان يعرف انتس تبيه لا تسوي مثله وتطنشي ويكبر الجفا بينكم حياة بسخريه:اسمعي بس كلام شمسه تراها مره مرضيه رجلها وماشاءالله مطيبه خاطر عواد ومريحته ي حليلها شمسه حسيت بقهر من كلامها وبعد هذي وشلون سمعتنا وحنا نتساسر قلت بسخريه :بسم الله علي الله يحفظنا بس من عينتس لا تصيبنا ام عواد طالعت شمسه :ايه ربي يحفظس يمه اليوم دق عليتس عواد ادق عليه جواله يعطيني مقفل ابتسام : يمه ي حبيبتي بعض مرات المكان اللي هو به مابه ارسال لا تحاتين شمسه وقفت بسرعه قبل تحرجني مثل كل مره ولا الست حياة تطول لسانها ... مافيني اتحملها زود دخلت شقتي ...وجلست بالصاله فتحت التي في..جلست اقلب بطفش تلفت ادور جوالي ...ماحصلته وقفت ورحت لغرفتي ادوره حصلت قدامي على السرير قربت منه وأخذته عقدت حواجبي يوم شفت مكالمه من عواد وبعد رساله فتحتها { استحي على دمس وردي ابتس ضروري الحين } قفلت الجوال بقهر ..على اسلوبه دق مره ثانيه وهو بيدي رديت وانا معصبه : مابيني وبينك شيء وسكت وانا ندمانه اني رديت عليه ليتني خليته ينحرق من تطنيشي له عواد قفل عيونه بقهر :شمسه لمتى ذا الاسلوب الخايس شمسه فتحت عيني بصدمه أنا اسلوبي خايس عاد انت وشهوو عضيت شفتي وماتكلمت ..الحقران معه ومع أخته أفضل عواد بهمس : شمسه معاد فيني قوه اتحمل حركاتس اللي مالها داعي شمسه بحده: عواد تكفى مابي اكلمك لا تزيدها علي ولا تفكر بيوم بنسى اللي سويته لي عواد بعصبيه:في داهيه تاخذس وقفل بوجهااا شمسه حسيت بغيض منه ..داق ويسب ..طيب غصب يعني اكلمه مابي اسمع لا صوته ولا اشوفه بعد ماقدر انسى اللي سواه فيني نكد علي الله ينكد عليه ... اخذت جوالي وطلعت للصاله ..صليت العشاء وطفيت الانوار وتمددت على الكنبه فتحت المنتدى ..وجلست اقرا روايتي اللي خليتها من فتره ..حسيت بحوع ..رحت للمطبخ وسويت لي سندوتش واخذت عصير من الثلاجه ورجعت للصاله بس انصدمت من اللي الظل الي اشوفه يتحرك بالصاله .. صرخت بدون حس بس بسرعه حسيت شيء كتم فمي وقال بهمس :انا عواد حسيت روحي رجعت لي يوم قال انا عواد ..طالعت عيونه بخوف ..صحت غصب عني يالله على الخوف اللي حسيت فيه ابتعدت عنه وصرخت بقهر: مجنون انت جاي تسذا تتسحب تقول حرامي خلعت قلبي انقهرت زود يوم ضحك وقال : دواس عشان تتأدبين صرخت بعصبيه: كيف جيت بدون ماحس فيك ودي اعرف عواد ابتعد عنها وقال وهو معطيها ظهره : مالك دخل شمسه كنت مصدومه من جيته من ساعتين يكلمني كان ..وش رجعه زفرت براحه يوم دخل غرفته وضرب بالباب بقوه ..وبعد مستغربه وشلون ماسمعت الباب ..طالعت الاكل اللي انكب بالارض بقهر بسرعه نظفته ونفسي انسدت من الأكل معاد سويت مره ثانيه رجعت أكمل روايتي بدون نفس بعد ..قفلت الجوال ..جيت بقوم إلا شفته بوجهي طالع من الغرفه وهو ينشف شعره ..ويقول باسلوب خايس :سوي شيء أكله وأنا بنزل اخذ علوم أمي وابتسام طالعته كان شكله متغير مسمر حيل وذقنه ماهو مرتب مثل كل مره ..وكان ودي اقوله بعد حبيبة القلب حياة اليوم مشرفتنا لاتنسى تذكرها بس انقهرت يوم قال: كبسه مابي شيء ثاني من خرابيطكم قلت وأنا اشر على المطبخ : عندك المطبخ شوف لك شيء واكله يوم ترجع انا صاحيه من الفجر وتعبانه بنام عواد بحده : شمسه انا طلبتس أنتِ شمسه بعناد : وأنا بنام واعطيته ظهري بس وقفت يوم وقف بوجهي وقال بهمس يخوف : اقسم بالله لو ماتسوين بيكون حسابي معتس ثاني وانصحتس لوجهه لله ماتخليني اصغر علقي معتس بزياده لانه ماهو بصالحتس أبد وبصرخه قومي بواجباتس كلها وخليتس مره ترا عواد صبره قليل ومافي حد عارفني قدرتس شمسه جلست وقلت بسخريه : ليتك تستاهل بس كان ماقصرت معك ولا خليتك تعرفني وش من واجبات علي عواد بخشونه مد يده ومسك وجهاا بخشونه وقال :شمسه تكفين لا ينفذ صبري مابي اوجعتس والله مثل ماتوجعيني شمسه صرخت بقهر وهي تدف يده : اي وجع تحكي عنه مافي وجع مقابل الوجع اللي سبتته لي استح عواد استح واقلب وجهك هالساعه عني صرخت من قوة الكف اللي جاها : آآآآه مسكت دموعها وهي تطالعه مصدومه ماتوقعت أبد هالكف عضت شفتها وقالت :برفووو عليك هالمره اثبت لي فعلاً انك تدورسعادتي وانا اللي اوجعك الحين مين الي وجع الثاني وقربت منه وضربت على صدره بقهر قول مين الي له سنوات يتجرع الوجع عواد بعصبيه: ومين تسبب بذا الشيء ماهو حصادة لسانتس ذي و يكفي صديقي خسرته بسبتس مافيني اطالعه ولا هو بعد يقدر يطالعني بعد سواتس انسحبت للغرفه ورمت نفسها على السرير وصاحت بقهر ..وش رجعه آه هالمره ذبحها حيل والله الكف الي أخذته بيدفع ثمنه ... مسحت دموعها شمسه لا تصيرين ضعيفه خليتس قويه ايه انا قويه من يومي وماراح اخلي اللي كان ابوي يسويه فيني يجي عواد يعيد بعد ايه مستحيل اسكت له ... هذاك أبوي وفرض علي احترامه اما عواد والله لا اخذ حقي منه • • قالت بحسره : يمه عناد وش فيك كذا متغير وشكلك تعبان لا بارك الله فيها من زوجه شكلها أبد ماهي مريحتك ماهو قلت لك من البداية عناد بضيق: يمه بتزوج الجوهرة بصدمه : وشهوو عناد : باسرع وقت يمه تكفين اخطبي لي الجوهره وهي باقي مصدومه رفعت يدها وقالت : عناد حبيبي ممكن افهم وش صار على طول كذا بتتزوج عناد بضيق: يمه عبير باقي ماانخطبت صح ابيها شافها بتتكلم قال بسرعه تكفين يمه ارجعي اخطبيها ابي الزواج باااقرب وقت الجوهره بقهر :بعد وشهوو بعد مافشلتني منها ومن أمها ي الظالم طالب شوفه شرعيه وبعدها تكسر قلبها عناد بقهر: أكثر وحده تدرين يمه اني انحطيت بموقف صعب وحميتي منعتني اكمل ذا الزواج لاني عارف وش بيصير الجوهره بعصبيه: والحين ماتدري وش بيصير لو أخذتها اولها عمك صقر بيزعل منك تجيب مرة على بنت أخوه عناد بدون مبالاة : عمي صقر ماقصرت معاه يكفي أخذت بنت أخوه بعد ماولده رفضها هذي تشفع لي عنده الجوهره وهي مصدومه وتبي تفهم وش السالفه : عناد الحين ابيك تفهمني وش تغير وخلاك تطلب عبير مره ثانيه بعد مارفضتها بنفسك عناد وقف وقال:يمه نسقي موعد معاهم ونروح نخطبها ويالله بحفظ الله الجوهره خلاها وهي مصدومه ماقدرت تتكلم ...تذكرت مصعب ابتسمت بخبث بتكمل لعبتها مع مصعب وبعدين تصدمه صدمه مابعدها صدمه هين ي ولد المجنونه والله لا أخليك تأخذ سرير أمك بالمصحه وطالعت الفله بتملك ..ومصيري بعد اطلع الشايب أبوك بس ذا للمقبره باذن الله وضحكت بصوت عالي كله خبث | ||||
|
| |
|
30-06-18, 02:43 AM
| #508 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخل المركز وهو معصب وقلقان شافهم ماخذينه للتوقف ..قرب منهم بخطوات سريعه ضربه على وجههه من قهره عليه ضيع نفسه : لمتى وحنا نرقع عمايلك الحين شوف وش راح يصير لك ياسر نزل رأسه بقهر والله مايهمه سجنه ولا يهمه شيء غير انه يبرد قلبه بسلمان رفع رأسه وهو يسمع أبوه يهاوشه قال بصبر: يبه أنت ماتدري بشيء تكفى لا تزيدها علي وخلني انا ادبرها والحين فلتوو مني لكن هين انا وراهم لو يقصوني فيهم ابو ياسر حس براحه يوم سمعه باقي يهدد يعني ماهو نفس اللي قالته شدن له تعوذ من ابليس واستغفر بصوت عالي وقرب منه وقال وهو فرحان: يعني ماانصبت فيهم وهو يتلفت يدور جابر ولده : وينهم ذولا بعد وطالعه بقنعهم يتنازلون وطالع ابو مسعود وهو جالس بعيد شوي كشر بوجهه وقال: مدام ذا المنافق هنا صدقني قضيتك متعقده ياسر بعصبيه وغيض : مايهمني تنازلهم وبتهديد والله لو طلعت لا اخذ روح ذا قبلهم وهو يطالع ابو مسعود ابو ياسر طالع العسكري اللي التفت لهم قال وهو صاك على سنونه : انكتم وخلني ادورهم وينهم فيه وابتعد يدور بعيونه جابر ولده ... على الله يقدر يقنعهم .. شافهم طالعين برا المركز بسرعه لحقهم وهو يسرع بخطواته وقال بصوت عالي : ي ابو سلمان وهو يرمي عليه شماغه : عليك وجهه الله انك تدمح الزله قال بعصبيه وهو يرجع يرد له شماغه :والله لاااخليه يعفن ونشوف كيف يقدرر يتهجم على محارمنا ابو ياسر قرب منه وهو يسلم فوق رأسه وقال وهو يحاول يهديه:انا في وجهك ي ابو سلمان انك تتنازل قبل تخطي هالمكان وابشر باللي يرضك ولدي مستقبله بيروح مدري كم يحكمون عليه بسبة رفعة هالسلاح سلمان بتشفي:يستاهل وليته يحط بقاضي يعرفه العلوم المهايطي فوضه هي كل مره يرفعه ويرمي ابو سلمان طالع ولده وقال: يالله ي سلمان وولدك ي مبارك والله لو تجيب لي الجماعه كلهم ماتنازل ذي المره مبارك رجع وهو مقهور لتوقيف قرب من الشباك وقال .... : عجبك الحين طلعوا من المركز قضيتك ذي المره ماراح تمر مثل الاولى الحين بالتوقيف بكره بيحولونك وقتها راح تتحكم وتنسجن ومعاد وراها شوفه إلا بموعد ليه ضيعت نفسك كذا ليه وطالع الشباب الي جنب ياسر يوم وقفوا وهم يهدون عليه : ي عم ولدك ماعليه شيء وصدقني بيطلع منها بس يجي الي يتوسط مثل حالنا الحين نتظر اللي جاي يطلعنا ابو ياسر قال بحسره : وين يطلع ذا انتم قضيتكم يمكن بسيطه واحد من الشباب قال بقهر وهو يطالع خويه :الغبي ذا حلف علينا نفحط وحنا جينا معه نعزز له انكبنا كلنا معه الله يأخذه ياسر بضيق : يبه انا فدا راسك روح الحين وصدقني انا قدها وطالع ابو مسعود اللي باقي جالس قال بقهر وهو يكور يده ويضرب الشباك الفاصل بينهم ذا وش مجلسه ماهو خلاص نكبني وش يبي بعد ابو ياسر بقهر :يالله انادي العسكري يفتح لك الباب واطلع كفخه ودبلها سنوات وش بتضر على الي بيصير معك وطلع وهو زعلان ومعصب @ @ @ @ @ همست لامها : يمه خذيني معش مستحيل اجلس هنا وياسر مسجون قال بقهر يوم سمعتها قالت مسجون :بسم الله عليه من السجن وان شاءالله جابر يجيبه معه نوفه طالعت شدن بعتب: لا تنقدي عليها ولدش ان شاءالله الحين يجي وتقر عينش به ولا يهمش جابر عقله كبير شدن بلقافه ماهو بوقتها: يمه ذي المره جابر غبي لو يطلعه ام ياسر وهي تصيح بقوه: راح ولدي راح نوفه كتمت فمها وقفتها معاها: يالله نسترخصش وطالعت نور لو وصل ابوش واخوش خبريني نور على طول قالت : ابشري وتلفتت يمين ويسار تدور جوالها قالت بصوت علي شدن شوفي جوالي عندكم شدن بسخافه :اخدمي نفسش نور وقفت وهي مقهوره لحقتهم نوفه سحبت شدن من يدهاوهي معصبه :يعني ماتعرفين تسكتين ماتشوفين كيف حالة امه وبعدين وش اللي صار وخلاه يسوي كذا اكيد فيه شيء كبير شدن بلعت ريقها خوف من امها طالعت نور وقالت : يمه انا قلت الصدق الشايب ذا بيروح بسبة ولد اخوش كل مره مسكين يصوبه بمكان يعني ضروري يعذبه في باقي الايام الي له بذي الدنيا اتوقع الحين يمر بحالة خوف من ولد اخيش نوفه بقهر صرخت : ماصوبه هالمره علامش ماتفهمين نور بقلق: ايه عمتي صادقه ماصوبه هالمره والحين ابوي بيجيبه مع مثل ماوعد أمي شدن : خلوكم من ذا الحكي كله والله انه صوبه بس خالي مبارك مايبي يقول قدام امش ي نور افتحووا عقلكم شوي وفكروا بالله خالي له حول ثلاث ساعات لا خبر ولا علم وضربت على خدودها يمه ولد اخيش ذا فضحني الحين يقولون عني زوجة خريج السجون آه ي فضيحتي مابقي شيء على الدراسه وبيعايروني صديقاتي من الحين يمه اقولش بنقل من المدرسه ولا اتعقد منهم هذي اخر سنه لي بأخذ معدل يدخلني الجامعه آه ي حسرة قلبي مستقبلي ضاع نور تطالعها مصدومه من هالتخريف تقوله نوف صرخت بعصبيه : اكتمي قبل اهفش بكف على فمش الحين عضت شفتها وهي شاكه في كلامها حطت يدها على وجهاا وهي تستغفر الله وتردد:الله يستر ويسامحش مثل ماطيحتي قلبي خلتهم وراحت توضى تبي تصلي العشاء وتدعي الله يفك ياسر من هالمصيبه نور حست بخوف لو صدق كلام شدن واخوها فعلاً صوبه جلست جنبها وقالت بقلق: مصيبه لو صدق صوبه شدن وطت صوتها وقالت : زين لو صوبه بيأخذ كم سنه ويطلع يرمح مابه شيء المصيبه لو قتله وابوش مخبي عنا والله ان رقبته تطير بالساحة اخوش اتركب جريمه ي نور وكلنا انفضحنا خلينا ننقل من المدرسه سكت يوم نور صرخت : اي مدرسه الله ياخذش واخوي بيقصووونه وبسرعه ركضت لبيتهم وهي منهاره تتخيل رقبة اخوها بالساحه مثل ماقالت شدن ام ياسر وقفت بخوف وقالت : اخوش به شيء صح نور وهي ترجع وتصيح: يمه ياسر شكله قتل جابر حور صرخت بخوف : ايششششش ام ياسر حست الدنيا سودت بعيونها و تدور فيها معاد قدرت تتحمل اللي تسمعه قالت بلسان ثقيل : (قتــــــله ) • • كتتتتتتتت & نونـــي بنت الجنـوب & (سبحان الله وبحمد سبحان الله العظيم) استودعتكم الله الذي لا تضيع ودائعه (الوتر احبتي ) "الله يرحمك يامن اوجعني فرقاك " | ||||
|
| |
|
30-06-18, 10:56 AM
| #510 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر
| السلام عليكم ورحمة الله وبركاته شدن نفضت يدي منها ولا أظن أنها في يوم راح تعقل المصيبة اللي هم فيها لم تتفهم ظروفهم صح شافت الويل من ياسر ويا ما قهرها بحكاية عفاف وإصراره على إرجاعها وما قدر أنها زوجته وهالشي يجرحها وقسى عليها بسببها لكن كان لازم تتفهم أمه وقلبها المحروق على فلذة كبدها والورطة اللي ورط نفسه فيها والمصير اللي ينتظره هي لا وجدتها فرصة تتشمت وتتمسخر ما دري متى تعقل فعلا تفكيرها تفكير بزر هل يأتي يوم ونشوفها تتصرف بحكمة أما ياسر فهذا ما جنت يداه متسرع متهور بكل شي رافع السلاح ويهدد أصايل متى يأتي اليوم اللي ترتاح فيه كل واحد يرميها على الثاني لا أحد يلام كثر والدها هي أخطأت لما ذكرت أمه وماضيها ومصعب الحالة اللي هو فيها وكل عقده بسبب اللي مرت به أمه شمسة لم تستطع تجاوز ماحدث يوم طلقها عواد مجروحة منه وفعلا صعب عليها تتجاوز ما حدث بسهولة لذلك لازم يتفهم تعاملها معه فالخطأ كان منه تسلمين ع البارت بانتظار بقية الأحداث موفق بإذن الله ... لك مني أجمل تحية .  .. | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
العرض العادي
