30-06-18, 11:03 AM
| #511 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
|  الذين يشاهدون محتوى الموضوع الآن : 30 ( الأعضاء 6 والزوار 24) أميرة الوفاء, شرق9999, الصلاة نور, humdard, حب المطر, امواج الخريف [imgr]https://encrypted-tbn0.gstatic.com/images?q=tbn:ANd9GcSkvRS6UnJof3e6TtLmbmzZdrnw8drMR SGuw2EcN98DqW0EYC2e[/imgr] | ||||
|  |
|
30-06-18, 08:18 PM
| #512 | ||||
| السلام عليكم ورحمة الله وبركاته تسلمين على الفصل  اصايل مسكينةمتى تتعدلل احوالها _الجوهرةشيطان في صورة انسان _شدن  مخبولة حالتها حالة الناس في موقف وهي ولا على بالها كل همها كلام الناس _ياسر  تهوره راح يخليه يندم _ طبعا مصعب يستاهل الجلد على مايسوي في اصايل _شمسة لاتعيق وفي الخير شكرا وبانتظارك | ||||
|
| |
|
03-07-18, 03:15 PM
| #516 | ||||
| نجم روايتي 
| شدن دى مصيبة تحتاج جهاز تحكم بلسانها كل اللى فى بالها كلام الناس ويتحرق ياسر 😂 وبكلامها شكل والدته ستصاب بجلطة وياسر متهور واخيرا تخلص من تأثير عفاف ده كان واجع رأسنا عفاف عفاف 😌 واصايل حظها سىء وتعبت من والدها ومصعب ربنا يعوضها خير أما سى مصعب بصراحة تفكيره مش صح وسوف تؤذيه الجوهرة 😈بزيادة وتلعب به وهو مصمم انه يبقى اسير انتقامه وسيخسر الكثير وعناد يريد الزواج وموعود بالتصادم مع مصعب بكل زواجه و الشموخ سيقهرها عناد نتيجة تهورها واتهمت نفسها بأبشع تهمة لزوجة وتريد أن يصدق انها كذبت عليه باحلامك يا شوشو خلص الكلام 🤐لترى الوجه الآخر له😎 الدلع لم ينفع معك وشمسه لن تتراجع أو تتنازل لزوجها مصرة على تعنتها😮 تميز من فصل لفصل تستحقى كل الشكر على مجهودك الرائع😘 بالتوفيق عزيزتى 👏👏👏👏👏👏👏👏👏👏👏👌👌👌👌👌👌👌👌👌👌👌👌👌👌👌👌👌 | ||||
|
| |
|
10-07-18, 12:01 AM
| #517 | ||||||||
| مراقبة عامة ومشرفة منتدى الروايات المنقولة  
| اللهم اني استغفرك وأتوب إليك • • اللهم صل وسلم على نبينا محمد "صلو عليه" • • {31} • • صرخت مفزوعه يوم أمها اغمى عليها طالعت نوررر: كله منش سرعه جيبي مويه نور ركضت تجيب مويه وجلست جنبها بالارض وهي تصيح منهاره : يمه يمه حبيبتي اصحي والله شدن قايله لي هالكلام ابوي مادق ولا جا خبر منه بس فزعت من الي قالته حور وهي تصيح : يمه تكفين اصحي صرخت بصوتها كله انقلعي نادي عمتي نوفه سرعه نور راحت بيت عمتها نوفه تركض قابلت شدن بوجهاا ابعدتها عنها وهي تصيح بصوتها كله : عمه نوفه الحقي علينا شدن بسرعه ركضت بفضول بتشوف وش فيها نوفه طلعت من غرفتها مفزوعه نور وهي منهاره : اميييي طاحت وماترد علينا نوفه ركضت بسرعه لبيت اخوها وهي تدعي الله يلطف في حالهم .. دخلت على صرخة حور : انقلعي ي شدن ماهو ناقصين تموت علينا من الكلام اللي تطلعيه جالسه شدن بقهر : انا وش قايله عشان تعصبين علي الحين نوفه بحده : اسكتوو الثنتين قربت منها وهي تحط مويه وتمسح وجهاا وتسمي عليها فتحت عيوينها : بسم عليش قومي وانااختش ولدش مابه شيء تطمني وطالعت البنات وحده فيكم تكلم مبارك عشاه يطمنها على ياسر وتتأكد بنفسها شدن فزت بفصول : الحين ادق عليه حور اعترضت :لا لا انا بدق عليه ماهو ناقصين يكفي المصيبه الي قايلتها لنور خلاص افهمي عاد شدن كشرت بوجهاا وطالعت امها الي طالعتها بحده انسحبت تروح بيتهم افضل ... لها هذولا ماهو وجههه احد يفزع معاهم ... كان عندي فضول اعرف ..ايش يقول لهم.. خالي مبارك يوم يرجع بس نظرات.. البنات ونظرات امي ..ماخلتني اجلس يالله وش الجديد ..يعني اكيد بيقول ..لهم انه قتل واحد منهم ..يارب عفاف يارب عفاف اففف العجيز ام سبع اروح مايصير فيها شيء .. مايروح فيها غير ابوها الضعيف جابر وانا من هالرشاش معه ..الله ينصرنا ي عموو جابر على هالياسر الظالم وبنتك المفتريه ... رجعت وجلست على الدكه بنتظر خالي مبارك وراح اعرف قبلهم ..وش صار بالضبط موتي حره ي حورر بعرف قبلش اخذو روحش يارب رفعت عيني للسماء يوم بدت تمطر على خفيف طالعت جهة باب الصاله بس مستحيل ارجع لهم خليني انتظر وبس ...انتظرت وانتظرت حسيت بطفش وقفت إلا خالي يفتح الباب قربت منه بسرعه وانا أسال بفضول : هاا وش صار عليه ومين قتل فيهم بالضبط مبارك حط يده على كتفها وهو حزين عليها :تطمني مابه شيء صار ورجلش بيرجع لش ان شاءالله وادخلي من المطر اخاف تمرضين ومثل ماقلت لش رجلش ماعليه خلاف حاجه بسيطه وابو مسعود كبرها وجابر دواه عندي اعرف كيف اخليه يتنازل شدن ابتسمت مجامله ..وانا ادعي يحكمون عليه ..بدل السنه عشره قلت بسرعه بدون تفكير: يعني لا جابر ولا عفاف ماتووا يالله وشلون الحين يطلع منها انصحك لا تدخل وخل ياسر يعفن بالسجن جابر هذي المره الثانيه روحه بتروح الثالثه صدقني ماتخطي ابو ياسر بصدمه : وش تقولين الله يهديش شدن عضيت شفتي وانا اسب نفسي على هالتهبيب هببته ... بلعت ريقي ويقال اصلح الي قلته : قصدي يعني مفروض ياسر يتأدب معاد يرفع الرشاش بوجهه حد وبسرعه مثلت اني اصيح ي خال ولدك قبل يومين رفعه بوجهي شوف له حل مع هالرشاش ابو ياسر بحده: خلاص الرشاش اللي معه تصدر الحين ولاتزيدينها انتِ بعد شدن اعطيته ظهري وميلت فمي وانا اقلد صوته لا تزيدينها انتِ بعد يارب ولدك يعفن بالسجن ..واعيش كذا بحريه @ @ @ @ اليوم الثاني الرياض • • على الفطور قالت بخبث : ماشاءالله اليوم صاحي بدري مصعب بضيق : مانمت من اصله الجوهرة ميلت فمها وقالت :ليه عسى ماشر مصعب طالعها وقال بمكر :لو فاضيه نروح السوق نأخذ شيء لعبير عشان ابيك تعطيهم موعد الليله نروح لهم ابتسمت بخبث : الليله تخطب مصعب من جدك وش ذا الاستعجال مصعب اخذ فاين ونظف يده وقال بحده :ايه الليله ولا فيه اعتراض وانا مدري وقدم شوي وقال لايكون بيبي رافضتني وماتبيني اتفشل ادري بغلاتي عندك الجوهره ابتسمت بمكر : ماشاءالله تعرف بعد اسم الدلع تبعها لا لا انت مره رايح فيها مصعب رفع حاجب : طيب فتحتي معاها الموضوع ورفضت الجوهرة : ي قلبي ليه تتخيل شيء من رأسك وبعدين هي تطول عشان ترفضك بس أجلها عشاني لمدة اسبوع بس وسكتت وهي تشوف ابوه طالع من غرفته وقفت وقالت وهي ترحب فيه: هلا هلا باللي طول بالنوم وطالعت مصعب وصاير ولده انشط منه وش خليت للشباب ي ابو زايد وحطت يدها على فمها اوه اسفه اقصد ابو مصعب شافت وجهه مصعب اللي قلب من القهر كملت بخبث أكثر لا تزعل مصعب بس امس سويت سونار وطلع معي ( ولد ) وحلفت اسميه زايد مصعب بصدمه وقف وهو يطالع بطنها الي أبد ماهو ظاهر عليه علامات حمل الجوهره بسرعه حطت يدها على بطنها وقالت : حملي كذا مايبان بس ليت اسمع مبروك لو متأخره بس ماعليه ودي اسمعها منك وضربت كتفه بطريقه مستفزه بيجيك ولد واخ في نفس الشهر ولا اممممم انا قبل زوجتك اولد اوفف لخطبت في الحسبه ولا بعد ماتدري اني زوجتك حامل اوه اقصد الي رميتها مصعب يحس ببركان يثور بقلبه ...طالع أبو الي منشغل بالأكل ومطنش الي تقوله اخذ نفس طويل اهد مصعب اهد أبد ماهو وقت الزفته هذي تطلعك من طورك قال وهو قلبه يغلي نار : مبروك والله يكثر عزوتنا واعطاها ظهره ورجع طالعها وقال الليله لا تنسين الجوهره ابتسمت بخبث وهي تجلس :الاسبوع الجاي أخر كلام خلاص لا تزيد ورفعت يدها تمام مصعب زفر بقهر : تمام وتحرك وهو معصب يعني سالفة الحمل صدق ماهو كذب مثل ماكذبت عليه اصايل وقالت له شكلها تكذب عشان تستفزه ....طلع من الفله وبسرعه ركب سيارته وراح لشقته وهو يتحلف في اصايل وشلون صدقها يعني تدري بعد في نفس الشهر كلهن الله يقلعهن الثنتين لعبووا عليه • | ||||||||
|
| |
|
10-07-18, 12:02 AM
| #518 | ||||||||
| مراقبة عامة ومشرفة منتدى الروايات المنقولة
| وصل الشقه ودخل وهو معصب .. دورها بعيونه ماحصل لها أثر يعني باقي حابسه نفسها بهالغرفه يعني بعجز عن طلوعها .. قرب من الغرفه وصرخ : ي زفت اطلعي قبل اكسر هالباب عليك اصايل الي توها غفت ..صحت مفزوعه وهي تسمع تهديده ضربت على خدودها بخوف ياربي وش رجعه ..قفلت عيونها يوم صرخ يهدد ..مافيها تفتح له وهو تسذا حالته مجنونه وبتغامر بعمرها لو تواجهه وهو تسذا ... بسرعه وقفت وقربت من الباب بس يوم بدأ يدفه ويضرب فيه بجنون ابتعدت بخوف ..وهي تطالع الباب متى ينفتح عليها جسمها كل يرجف ..يوم شافت الباب شوي ينفتح بسرعه قربت منه وفتحته وقالت بصوت مرعوب : هذا انا فتحت مصعب بسرعه قرب منها وصرخ وهو يمسك وجهها بحده : ليه ماقلتي بحمل الزفته اصايل بخوف كذبت :وش يدريني بحملها مصعب بعصبيه صرخ : لا تكذبي تدرين وبعد بنفس الشهر تولدن لهالدرجه انا مغفل كذا بينكم اصايل حطيت يدي على صدره وانا احاول اهديه : مصعب انا ايش دخلني في اللي يصير لزوجة أبوك وأنت أكثر واحد عارف ايش نوع العلاقه بينا تكفى لا تحملني شيء مالي فيه مصعب وهو صاك على سنونه :قلتي لي ان هالحمل كذب والحين تقولين مالك شغل اصايل بتعب : مصعب قلت لك الي كنت حاسه فيه ومدري الحين انه تسذب ولا صدز ارحمني الله يخليك مصعب فكها وجلس على السرير وهو يتنفس بقوه ..طالعها وضرب على صدره بقوه : ذا شاب نار لو جابت ذا الولد ضعت أكثر ماهو ضايع الحين ابوي خاق عندها وهي كذا اجل لو جابت له ولد بدالي الي دايم بنظره فاشل ولد عدوته اصايل يوم حسيت انه صوته بدا يضعف قربت منه بتردد وحطيت يدي على كتفه وقلت بصوت واطي :مصعب لا تتعب نفسك وتفكر في اشياء تتعبك تسذا خلها على ربك الله كريم قادر من عنده يكشف كذبها وخبثها لابوك صدقني بس انت لا تتعب نفسك مصعب طالعها وقال بصوت حزين : اصايل ذا موجوع حده وهو يأشر على صدره اصايل مسكت يده : مصعب عشاني لعاد تفكر فيهم وخلنا نعيش هنا براحه وخلك من هالزواج المدبر اللي ماراح إلا يوجعك أكثر وأكثر تكفى اسمعني مصعب سحب يده بقوه وهو يتذكر وش قايله عنه أمه فز واقف وصرخ بعصبيه: أخر وحده انتِ تعلمني وش اسوي وش مااسوي فاهمه ومعايرتك لي في أمي اقسم برب العزه ماراح تعدي كذا اصايل فتحت عيني مصدومه ..وش قلبه تسذا قلت بسرعه : اسفه والله مااقصد شيء بس وقتها خايفه عليك لايكون يصير فيك مثلها لاتنسى هذي الجوهره مصعب بعصبيه كتم فمها مايبيها تكمل وقال بحده: وانا مصعب فاهمه مصعب ورفع يده بتهديد اسفك ذا مايشفع لك عندي واعطاها ظهره وطلع من الشقه اصايل أول ماسمعت باب الشقه يتقفل بقوه وقفت وقفلت على نفسها باب الغرفه تخاف يرجع اي وقت وهي نايمه ويسوي شيء فيها مجنون وماتضمن تصرفاته تمددت على السرير ..وهي تفكر متى ترتاح من ذا كله متى ... | ||||||||
|
| |
|
10-07-18, 12:03 AM
| #519 | ||||||||
| مراقبة عامة ومشرفة منتدى الروايات المنقولة
| الديره • • طلعت من غرفتها ..تلفت يمين ويسار ماله أثر بالصاله ..طالعت ناحية غرفته شكله باقي نايم ...زفرت براحه مافيها تواجهه بعد الي صار بينهم ..اخذت جلالها ونزلت تحت ..صارت الجلسه مع حياة ابرك من وجودها معاه في مكان واحد نزلت من الدرج ..استغربت الصاله فاضيه دايم هالوقت خالتها موجوده .. اتجهت للمطبخ ...شافت ابتسام معطيتها ظهرها ردت السلام طالعتها وقالت :هلا عليكم السلام شمسه سحبت كرسي وجلست وسألت بستفسار : ماهو كنها خالتي طولت بالنوم اليوم ابتسام نزلت رأسها بحزن :امي ماهي نايمه راحت مع حياة ام سلطان توفت شمسه بصدمه : وشهوو توفت يالله مافيها شيء كانت ولا مريضه وانا مدري ابتسام قاطعتها :لا ماهو مريضه توفت بحادث ولدها بالعنايه شمسه بحزن : يالله الله يرحمها ويشفي ولدها الحين اريج راح تموت مابقي شيء من زواجها هي وسلطان ابتسام وهي تحط كوب الشاي قدام شمسه وسحبت كرسي وجلست مقابلتها :الله يكون بعونها وسكتت شوي وقالت بغصه تصدقين خايفه لا يصير فيني مثلها ..بسام رافض يرد شمسه عقدت حواجبها : بسم الله عليتس وعليه حاولي بس انتِ وماعليتس بيرد ابتسام بقهر: تعبت ي شمسه والله ماتوقعت صدته تسذا قويه الي اعرفه بسام الضحكه دايم على وجهه وقلبه طيب بس مدري وش صار له وتصدقين من كثر مارسل له واتس حظرني :هالمره طفش ومن حقه يحظرتس من حياته بعد المره العاصيه هذي جزاتها شمسه فزينا من صوت عواد الحاد طالعت ابتسام الي وجهاا انخطف وبان عليها الخوف ..نزلت رأسي وميلت فمي بسخريه وأنا اسمعه يقول:الرجال فينا لهم طاقه يتحملون دلع المره بس لو زاد والله مافي حد يتعب غيرها مثل حالتس الحين متحسفه رفعت رأسي طالعته وقلت : فعلاً بذات اللي مثل بسام يستاهل تتعب عشانه ابتسام رجال يحبها ويبيها ومانقص من قيمتها ابتسمت بتشفي يوم شفت وجههه حمر ويشد على يده دليل على عصبيته وقفت وانا مبسوطه اني رديت له وبردت قلبي مريت من جنبه وهمست له: اللي مثلك (ماعليهم حسوفه ) طالعته بتحدي يوم وقف بوجههي ومنعني اطلع عواد رفع حاجب وقال وهو يأشر على خدها :مابعد طاب شمسه طالعت جهة ابتسام اذكره بوجودها ولا عادي عنده بعد يمد يده قدامها رفعت نفسي شوي وهمست له : ماهو الي يمد يده على حرمه ضعيفه ..عادي عنده اي شيء حتى لو مد يده عليها قدام أحد هو رخيص رخيص بنظرها صدقني وقتها ماتفرق عواد دفها عنه وطلع وهو معصب .. شمسه حسيت بالم بكتفي يوم ضرب بالباب طالعت ابتسام اللي شكلها مفزوع ولا هي عارفه ايش بينا بالضبط اشرت لها ترجع تجلس :اجلسي ي قلبي وكملي قهوتس وبسام مصيره يرجع لتس لا تخافين ولو مارجع هو الخسران ورجعت جلست قابلتها وانا اسحب حبة معمول واصب لي فنجان قهوه ابتسام طالعتها بشك : ايش قلتي له وخلتيه تسذا يعصب شمسه ببرود ظاهري رفعت الفنجان وقالت :مافيه شيء لا تحطي في باللك المهم الحين وش رأيتس نروح لاريج ابتسام :تمام خلي أمي وحياة يرجعن وبعدها نروح شمسه حسيت بضيق ابتسام أبد ماهي معي متضايقه مره افضل شيء اخليها على راحتها وقفت وقلت :طيب اول ماتجهزي اعطيني خبر وكفايه بلع بها الحلاااااا زعلتس غريبه انتِ وضحكت عليها وطلعت من المطبخ انصدمت من وجود عواد قدامي بالصاله ..مشيت بسرعه لجهة الدرج بس وقفت يوم قال بحده: شمسه جيبي قهوه ولا ذي بعد بتعاندي فيها بدون مااطالعه رجعت للمطبخ ..وسويت دلة قهوه غير اللي ابتسام تتقهوى منها وحضرتها له بصحن ..وحطيت جنبها رطب عارفه انه يحبه وخايفه يرجعني اجيبه اختصرها على عمري .. وقبل اطلع طالعت ابتسام :صدقيني مافي رجال يستاهل تسوين في عمرتس عشانه تسذا خليتس مثل صديقتس وطلعت شفته فاتح التي في وفاتح على قناة العربيه حطيت القهوه على الطاوله واعطيته ظهري :خلي عندتس ذوق وصبي وناوليني زفرت بضيق ورفعت الدله مع فنجان القهوه وصبيت له وناولته ..بس بدل مايتناول الفنجان مسك يدي وجلسني بالقوه لدرجة الفنجان نصه اتكب منه علي صرخت بقهر.: وش ذي المهزله بالله ..وطالعت طرف اصبعي الي لونه تغير وصار أحمر عواد رفع حاجب وقال :عشان ثاني مره تتأدبي ونظرات التعالي ذي تخليها عنتس ترا مافي حد انكسر خشمه مثلتس تذكري ذا الشي ي بنت العم شمسه حسيت بقهر من كلامه ..طول عمره مغرور وشايف نفسه ..هذا هو عواد قلت بغيض : وفرحان وأنت كسرت خشم بنت عمك ماشاءالله على المرجله اللي تتعز بها ي ولد العم عواد طالعها بغرور : رجال غصب عنتس وماهو أنتِ اللي تحكمين على مرجلتي جايه الي تقدر هالشيء الله لا يعوق بشر شمسه ابتسمت وانا اقدم نفسي شوي و اسحب فنجان قهوه واصب لي وقلت بسخريه : ايه ومتى نقول مبروك عساه قريب بس عواد اخذ الفنجان من يدها وناولها الفاضي وقال :قريب وعارف انتس ماراح تقصرين وراح تقومين بالواجب لان بنت مساعد ماهي شينه وراح تحبيها واجد شمسه تذكرت كلام أبوي يوم قاله قدامي وقتها ارتبك يعني صدق خاطب بنته سعاد ابتسمت بقهر وقلت:صادق سعاد مابها عيبه وبتصير أكثر من أخت عواد قاطعها وقال:ماهي سعاد بشاير شمسه انصدمت يوم قال بشاير لا لا مستحيل قلت بدون حس :بشاير وين صغيره مره عواد بخبث:عز الطلب ابي صغير وبعد حياة تقول اجمل خواتها شمسه اجل حياة الي قايله لك عنها هي جميله وبس إلا كلها جمال ودلع ..سويت نفسي ماهو مهتمه ..تستاهل بعد بشاير الله يسعدكم مع بعض بس من الحين عندي شرط عواد وهو يناولها الفنجان الفاضي : صبي واعطني شرطتس شمسه :تطلعني من البيت وتسكني في بيت لحالي عواد هز رأسه برفض : لا هذا بيتس من قديم لو به سكن برا بيكون لها بس أنتِ مستحيل على الأقل عشان أمي شمسه وقفت وانا مقهوره هذا الي بنتقم منه بدل مااقهره هو قهرني طالعته يوم قال: لو انتس مره صاحيه ماتخلين رجلتس لحاله يتقهوى اجلسي وشوفي علومه شمسه بقهر :من زين علومه عاد المهم انا بروح لااريج شوي مع ابتسام عواد هز رأسه بدون مايتكلم شمسه وقفت بس طالعته يوم مسك يدي وقال : لا بشاير ولا عشره مثلها يجيوون مكانتس فتحت عيني بصدمه من الكلام اللي يقوله وفي نفس الوقت حسيت بتوتر سحبت يدي وقلت : لا تظلم حالك معي تراي انا في بيتك جسد بلى روح عواد رفع حاجب وقال : افاا ي بنت العم مايأثر فيتس روحتي لغيرتس المهم ترى انا هالزواجه رفضتها قبل وانتهى الموضوع لايكون في بالتس شيء عواد مايبي غيرتس شمسه اعطيته ظهري وطلعت غرفتي بسرعه من غير ماارد عليه ..وش يبي يوصل له عواد مره يقول بيتزوج ومره يقول لا ..حسيته يلعب معي وجالس يتلذذذ طالعت عمري بالمرايا وهمست ..شمسه لا يأثر فيتس أبد انتِ قويه وطول عمرتس بتظلي قويه خليتس منه | ||||||||
|
| |
|
10-07-18, 12:04 AM
| #520 | ||||||||
| مراقبة عامة ومشرفة منتدى الروايات المنقولة
| في شقة عناد • • واقفه بالمطبخ تسوي لها أكل .. تحس روحها طقت وهي محبوسه بذي الشقه ...ودها تروح لأهلها .. اللي ماتدري وش اخبارهم ..جالسه هنا مقطوعه من كل شيء لا جوال ولا تواصل اجتماعي ...يوصلها لاحد سمعت صوت باب الشقه يفتح شكله رجع من مكتبه وجهه الفقر وقفت بتحدي اليوم غصب عنه يروح فيها ... بيت أهلها هي ماسوت هالاشياء كلها غير تنفك من وجهه ماهو تنحبس بهالشقه فتحت باب الغرفه وقفت بتحدي تطالعه طالعها شوي وصد عنها وتمددد على الكنبه بتعب ... الشموخ قربت منه وقالت :بروح لأهلي تعبت من هالعيشه عناد اعطاها ظهره وقفل عيونه الشموخ بعناد قربت منه وقفت فوق رأسه وقالت بقهر: ماراح اسكت على هالظلم معيشني فيه واعرف شيء واحد اني مغصوبه عليك وعلى عيشتي معك ومستحيل وراء هالحبسه اني اللين لك لا تحط في بالك ان يوم بيصفى بينا واعيش معك بسلام ابتعدت بخوف يوم طالعها وصرخ وفز واقف مقابلها : وشهووو متوقعه اني انتظر اعيش مع وحده حثاله مثلك الشموخ ابتعدت شوي بس مسكها بقوه من شعرها وقربها منه وقال بصوت كله حقد وقرف منها :لا منتظر اشوفك مذلوله وانتِ الصادقه بذات يوم عبير تنور هالشقه وتخدميها وغصب عن خشمك الشموخ بصدمه فتحت عينها وكررت الاسم : عبيرررر مين عبير عناد دفها عنه ورجع جلس على الكنبه وطالعها وقال: عبير بنت صديقة أمي الليله رايح اخطبها رسمي وسكت شوي وهو يشوفها تطالعه بصدمه ابتسم بخبث ومد يده ومسك يدها وجلسها قريب منه وقال :وش رايك تخطبينها لي بنفسك اممم اعجبتني الفكره الشموخ قاطعته بغصه : اخطب لك هذا شيء من انتقامك عناد رفع حاجب وقال : لا ابيك تنولين ذا الشرف انك تخطبين لعناد بنفسك الشموخ جت تقوم وهي معصبه بس رجع جلسها غصب وقال بحده قبل تعترض :بتروحين خلاص جازت لي الفكره خليك جاهزة وضحك بتشفي بنت راشد بتروح تخطب لرجلها وش تتوقعي يقولون وش النقص الي فيها يخليها تنذل له كذا ولا بيقولون مره وتسمع كلام زوجها الشموخ طالعت عيونه تدور نظرة الحنان الي فقدتها معقول ذا عناد الغبي بنظرها كان قالت بغصه : من حقك تنتقم بس مو كذا عناد ومسكت يده بذل تكفى ارحمني وفكني من هالخطبه روح مع أمك ولا تستغل ضعفي وخوفي من أبوي وتهديديك لي عناد دفها عنه بشمزاز وقال بحده :الكلام انتهى خليك جاهز بعد المغرب شافها بتتكلم قال وهو يقاطعها ولا كلمه زياده ويالله ابعدي عن وجهي الشموخ رجعت الغرفه مثل المجنونه الي يطلبه منها مستحيل ..الشموخ وش الي صار وقلب عليك السالفه زفرت بضيق وهي تمسح دموعها الي نزلت غصب عنها رفعت رأسها وقالت يالله مابي هالشيء يصير لي والله ... رفعت رجولها ونزلت رأسها عليها وهي تصيح بحرقه ... رفعت رأسها وهي تمسح دموعها بدل هالصياح ي الشموخ فكري بخطه تبعده عن طريقك بدون ماتضرررين ضربت مفرش السرير بقهر اي خطه تنفع مع هالأدمي ...ليت بس يرجع جوالي وقتها اعرف انقذ نفسي ..منه الحقيررر حطت يدها على ...شعرها وهي ودها تقطعه من القهر ...اللي هي فيه وشلون اروح معه ومع امه الخبيثه عضت شفتها بغيض ..وهي تفكر كيف تقدر تخيله يبعد هالفكره من راسه ..فكرت وفكرت بس عارفه ماراح ينفع فيه شيء هالعناد ... ابتسمت بخبث يوم طارت بعقلها فكره ليه ماتروح ..إلا يمكن تنفك من هالحبسه وتشوف حل لمصيبتها هذي ضحكت بصوت عالي غبي يفتكرني بغار ولا بقطع نفسي عشانه ابشر عناد بروح وبخطب لك وبعدها بنفك من وجهككككك ...ايه تقدر تأخذ جوال.. اي وحده لو من خدمهم ...وتقدر تكلم اختها .. أميره تخيلها ترسل ابوها وقتها راح تطلع قدراتها في التمثيل وتعرف كيف تمثل على أبوها وتلف عقله لف .. | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
