13-08-18, 10:25 PM
| #552 | ||||||||
| مراقبة عامة ومشرفة منتدى الروايات المنقولة  
|  الله أكبر الله أكبر الله أكبر لا اله الا الله والله أكبر الله أكبر ولله الحمد اللهم صل وسلم على نبينا محمد "صلو عليه" @ @ @ البارت { 33 } • • : ي بعد حيي تفضلي تفضلي ابتسمت بفرحه يوم سمعت ترحيبه تقدمت شوي وهي عينها على أخوها ... اللي مصغر عيونه في بسام ...وكأنه مستنكره رجعت طالعت بسام الي فاك خشته بعباطه تمنت أخوها ماهو موجود تحس عمرها مستحيه بالحيل ..بس قربت منه ومدت يدها على طول سحبها وجلسها جنبه وقال وهو فارحان انه شافها : عواد تقلع حست بفشله ..والدنيا سودت بوجهاا من خباله بذات يوم شافت عواد يطالعها وهو يتحلف فيه همست له : بسام بسام وهو ماسك ضحكته: وش نسوي أخوك عذول مايفهم لازم نقولها له بالوجهه الغثيث عواد وقف وقال وهو صاك على سنونه بقهر : الحين صاير غثيث وعذول وطيب اللي من شوي يقول خلاص مابي أختك ومن هالكلام بسام طالع ابتسام اللي صغرت عيونها وتطالعه بتهديد قال بتمسكن : مشكله لو بتصدقينه ابتسام بزعل طالعت عواد :قايل تسذا ي عواد عواد ضحك بصوت عالي وهو يشوف نظرات بسام الي يترجاه رفع يده وقال : خلاص لاتموت علينا ماراح اقولها وش قايل بالضبط بسام بقهر : لا ماشاءالله الحين يقال ضبطت الوضع ماغير كبرت السالفه أكبر عواد بجديه قال وهو يأشر عليهم بجديه :أنت وهي صفوا الي بينكم وفكونا لانه مافي حد فاضي لكم انا كلها ساعات ومسافر وأمي مافيها حيل تحمل مشاكلكم بسام بقهر : والله ان تسافر لاتعمر بينا اطلع منها أنت بس عوذه منك عواد ضحك وطلع من المجلس ....وتوجهه للصاله شافها جالسه تعدل حالها في مراية المدخل انصدم من وجودها معقول كل ذأ عشان ابتسام قرب منها وقال بسخريه لاذعه : ماشاءالله على قلب الأم لهادرجه جالسه تنتظري طلوع ابتسام تطمني ترا داخله عند رجلها ماهو عند حد غريب وبعد عيب عليتس توقفين تسذا تحتريها طالعت بالمرايا وابتسمت بسخريه وقالت :بسوم واصوله فعلاً بحسبة بناتي ومايرتاح قلبي لما اشوفهن مرتاحين وافعالي ماتهمني لو نقدت عليها عواد رفع حاجب وقال :اتاري متزوج عجيز وأنا مدري مدام ذولا بحسبة بناتس مخليتهن لفت له وقالت بغرور : عجيز عجيز مايهم بس والله انك تموت وتنال رضى هالعجيز لكن تبطي وأنا بنت أبوي عواد عض شفته بقهر وكور يده وقال بحده وهو يطالع وراه يخاف حد يسمهم من الي جالسين بالصاله:ابطي ي شمسه هين بتتحسفين على ذا الكلام يطلع منتس شمسه ميلت فمها بسخريه وتحركت صوب الصاله كشرت يوم شافت باقي حياة موجوده ودها تطلع غرفتها بذات ماتحمل وجود عواد وأخته مع بعض ..بس عارفه خالتها بتنقد عليها همست يارب صبر من عندك جلست جنب خالتها الي همست لها :عواد يمه خاطره ضايق ولهو ولدي الي أعرفه ان كان شي بسبتس يمه عشان خاطري فرحي قلبه وادمحي زلته وخليه يسافر وهوو... شمسه قاطعتها : لا فديتس زعلان عشان سفره ماهو مني ي خاله ولدس بعيني وماراح أقصر معاه ام عواد بضيق:الله يرضى عليتس يمه وطالعت ولدها الي أبد ماهو عاجبها وحالته ماتسر من يوم مارد شمسه على ذمته بعض مرات تتمنى انه مارجعها ...صح ماكان مستانس حيل قبل يرجعها بس وضعه ماهو مثل تسذا الحين ضايق حده وهي ضايقه من ضيقته قالت بعتب : شمسه يمه صبي لرجلتس قهوة وذوقيه من حلاتس شمسه ابتسمت مجامله وقفت وأخذت الدله وفنجان وقربت منه ومدت الفنجان له بس رفض يمد يده عضت شفتها ..وطالعت حياة الي تسرح شعر بنتها ماتبيها تنتبه عليهم بس هذي وين يفوتها شي ...رجعت طالعته وترجته بعيونها يأخذه ولا يفشلها ..ارتاحت يوم مد يده بس ماأخذ الفنجان سحب يدها وجلسها جنبه واخذه منها الفنجان وقال بصوت واطي :لا تجاملي على حساب نفستس كان قلتي لها مابي اقهويه ترا كل شيء مكشوف وأم عواد فطينه تلقطها وهي طايره شمسه بهمس : عواد تكفى لاتزودها الحين عندنا شقه تلمنا لو بخاطرك شيء قوله عواد همس :اوك مدام عندتس وقت نتفاهم هذي مطلبي وقفها معاها وهو يشوف الأعتراض بعيونها شمسه طالعت الكل منحرجه وهو يمشيها وراه يالله وش نهايه ذا ..يعني مايفهم أول مارقت الدرج معاه سحبت يدها وقالت بحده :ضروري هالحركات قداهم وبسرعه دخلت عواد دخل وراها وبسرعه مسكها قبل تدخل غرفتها وجلسها على الكنبه وقال بحده :من توو قايله اقول الي بخاطري أجل اسمعيه شمسه طالعته بقهر:ماهو مستعده أبد أسمع اي شيء منك بذات هالوقت عواد بعصبيه صرخ : لمتى طيب شمسه عقدت حواجبها بقهر :مدام خاطري مجروح منك ي عواد والله عواد مد يده وسكر فكها وقاطعها :تراي رجال وماهو حرمه مثلتس تحلف علي فاهمه ورضاتس مابيه عساتس ماتهنين بعد واعطاها ظهره ودخل الغرفه وثواني شافته طالع وبيده شنطه سفر قلبها نغزها ماتدري ليه ...يمكن خافت من غضب ربها ..لو يسافر وهو كذا معصب بسرعه وقفت بوجهه ساده طريقه وقالت : ليه ماشي الحين باقي على موعد سفرك وبقلق لا تروح وأنت غضبان علي عواد قال بعصبيه :كلامتس مالي رد عليه غير أني يوم ارجع مابي اشوفتس هنا والي يعوفني اعوفه ولا أسال عنه وعلى ماأظن مجربه عواد ومد يده وابعدها عنه واعطاها ظهره بيطلع شمسه انصدمت ...من رده ماتوقعت يقول هالكلام.. ..قالت وهي تشوفه معطيها ظهره : اي مجربته عدل وقف وقفل عيونه وقال بقهر :أجل سوي الي طلبته منتس قبل أنا اتصرف بطريقتي وصدقيني ماراح تعجبس وطلع وضرب بالباب بعصبيه شمسه قفلت عيونها من صوت الباب جلست على الكنبه ..وهي مصدومه ومقهوره ...عواد للمره الثانيه يطردها من حياته ...وكل مره يتفننن بطريقة طردها ..كسرها للأخر .. الحين ترجع لبيت أبوها وترجع لعذابه واستبداد زوجة أبوها ولا تشوف ظلم أبوها لها ولخالتها أم سميره لا لا هالمره ي عواد بتحملني غصب عنك ...ولا أخلي أحد يتكلم فيني أنك عفتني للمره الثانيه .... حطت يدها على وجهاا ..وشلون يعني اجلس وهو مايبيني يالله وش السوات لا راحه عند ابوي وكلام الناس ولا بجلستي عند عواد الي للمره الثانيه يطردني من حياته .... @ @ @ بالمجلس قالت بزعل : ليه تطنشني طيب كان رديت وقلت اللي بخاطرك بسام بضحكه : تراي للحين زعلان منتس وماردني غير اسمتس بس قلت ي رجآل وين عاد تحصل وحده اسمها ابتسام وتطقم مع اسمك ابتسام صرخت بقهر : بسام ماهو وقت مصاختك والله بسام بقهر : أجل وش تبيني اقول ي ابتسام والله تعبت منتس ومن تأجيلك لموعد الزواج قلت خلاص شكل البنت ماتبيني وشلي فيها المره بدالها مره ولاتذل عمرك ابتسام قاطعته : لا ي شيخ على طول مابيك بسام والله كرهت عمري هالفتره تكفى لعاد تسويها حتى لوزعلتك رد وبرد قلبي فيني بعد ماراح ازعل بس تطنشني لا هذا الي يذبحني بسام سند ظهره وقال بغرور :يحق لك صراحه كان بيفوتك رجال طول بعرض وقبلها فعايله الي تشهد له ابتسام كشرت : وه بدينا بسام ضحك بصوت عالي .... ابتسام بسرعه قالت : تكفى لا تبدأ خبالك ترا امي تتأذي من صوت ضحكتك بسام سكت وقال : ليه أمك وراء الباب عشان تسمع ضحكتي ابتسام بقهر : ي شيخ صوتك يلعلع بالبيت كله وكل ماطلع من عندك تقولي تكفين قولي له يقصر من صوته ترى أذوني توجعني وهالله هالله الركاده زينه بسام أشر على نفسه : الحين خالتي تقول عني كذا يالله فدوه لعيونها الحين بس قولي الزواج الاسبوع الجاي يناسبك ابتسام قلبها وقف وصرخت بصدمه : وشهوو مجنون بسام وش اسبوع الجاي يعني مافي تجهزات وحجوزات ترى مسوي كل شيء سهلات بسام بقهر قاطعها : طيب متى ناويه حضرتس ابتسام مسكت يده : بسام تكفى خلني بس أكمل جامعتي السنه الجايه مرحله صعبه لانها أخرسنه لي بالجامعه تكفى مابي شيء يشغلني بسام ابعد يدها وقف بزعل: تبيني انتظر سنه والله لو تموتين ماطاوعتس والزواج بعد شهر حابه تمام ماهو حابه الله يرزقني باللي احسن منتس ويرزقتس باللي احسن مني شافها فتحت عينها بصدمه وبتتكلم قاطعها وقال هذا الي عندي موافقه الزواج بعد شهر عشان على قولتس الحجوزات اهلاً وسهلاً ماهو حابه مثل ماقلت لتس ينتهي اللي بينا واعطاها ظهره ابتسام حست بقهر تكره هالصفه فيه لما تكون الكلمه الأخيره له ..وقفت وقالت قبل يطلع : عادي عندك تطلقني بهالسهوله ي بسام قال وهو معطيها ظهره:اللي يدور اعذار مايناسبني لو كان مين وطلع بدون حتى مايسلم ابتسام جلست وهي مقهوره ..لا هي راضيه على موعد الزواج ولهو راضي يقدر انها اخر سنه وماتبي شيء يشغلها .... ليتها ماطاوعت أخوها وافقت على الملكه يمكن هالشيء ماصار حتى لو افترقوا أهون عليها ولا تحمل لقب مطلقه وهي بعدها حتى ماسوت عرسها ...طلعت للصاله وهي مقهوره دورت بعيونها على شمسه وعدها تنتظرها هنا ..بسرعه انسحبت لغرفتها وهي تدعي الله أختها حياة ماتنشب لها عارفه بكرهاا لبسام ..وتبي ريحه عشان هالزواج يخرب وتزوجها لولد زوجهاا الي دبلت سبدي فيه | ||||||||
|  |
|
13-08-18, 10:26 PM
| #553 | ||||||||
| مراقبة عامة ومشرفة منتدى الروايات المنقولة
| الجنوب ،، كانت مصدومه وهي تسمعها تقول شروطها وش ذي الشروط الي ماترضي أحد قالت بقهر وهي ناقده عليهم : ي وجهه الله ي عفاف وشلون يتنازل عن الارض لاخوش وبعد بيع وشراء وهو ماشاف ريال منكم خافوا الله عفاف وقفت :هذا شرطنا يتنازل بالأرض بيع وشراء لسلمان وقيمتها الي معترضه عشانها ترا كنت دافعتها أنا وماتجي شي قدام رميه بالرصاص على أخوي وأبوي وبعد وكاد يتأدب معاد يوسوس له شيطانه و يحمل هالرشاش على اي شي تافهه افلته على الخلق ام ياسر بسرعه قالت وهي تطالع نوفه :وش عليش أنت مانبي ريال في الأرض خليهم بس يتنازلون قبل ولدي يتحول والله معاد بشوفه غير بعد سنوات وظيفته بتروح بعد وطالعت عفاف الله يطعني عنش يمه موافقين والحين أبوه يسلمك اوراق الأرض وبيخليه يوقع عليها غصب عنه ومايصير خاطركم إلا طيب ويجعلني اروح قبلش والله مانسى لش ذا المعروف وطالعت أمها عز الله ربيتي الي تقدر الكبير وترحمه نوفه حست بقهر على ذا الاستغلال ..بس فعلاً مابيدهم شي غير يرضخون لهم بس ياسر وشلون بيوافق ..عارفه عقليته والله عنده يخيس بالسجن ولا يتنازل بالأرض وبذات لو دري بجيتنا لهم @ @ @ بالمجس قال بعد ماسمع كلامهم وشروطهم : تم الصك باذن الله بكره بيدك ي سلمان والأرض باسمك سلمان بخبث : ولدك يمكن مايوافق ابو ياسر بحده : قلت لك بعون ربي اعتبر الصك بيدك وطالع الرجاجيل يالله ي جماعه وطالع جابر وقال ماقصرت وهالجميل مانساه لك ربي يقدرني وارده لك جابر بقهر :مابيك ترده ابيك تبعد شر ولدك عنا وعن ولدي وطالع الرجاجيل والله ي جماعة الخير ماتنارلت إلا عشانكم دخلتكم علي تسوى عندي الكثيرر أما ياسر ماله قدر عندي والأرض ماتجي شي قدام تهجمه على بيتي وعلى محارمي ... ابو ياسر بقهر توه مقفلين هالسالفه الحين يفتحها مره ثانيه ليه قال بصبر :والله من حقك تزعل ومثل ماقلت لك جميلك ماينتسى حتى لو مالي خاطر يكفي قدرت هالوجيه السمحه وقرب منه يبي يسلم فوق راسه بس جابر بسرعه رفع يده معترض وقال :بينا ورقه تتسلم لولدي وبس ومابي منكم لا سلام ولا كلام بعد اليوم حتى لو ربي كتب علي بالموت لا حد فيكم ي عائلةال ....يحضر عزاي واشهدوا ي جماعه على كلامي ابو ياسر طالع الجماعه وهو متفشل يوم رده تعوذ من ابليس وقال بطولة بال : طولة العمر لك ولك ماطلبت وهذاني اقولها قدام الرجاجيل ...... ويالله بحفظ الله نتلاقى بكره بالمحكمه وبخلي ياسر بنفسه يسوي مخلاصه لك بالأرض .... @ @ @ يحس بضيق ...وتعب ..من امس ملابسه ماغيرها وشلون نسي يقول لابوه يجيب له ملابس يوم جاه اليوم ...عض شفته بقهر من هالحال هو فيه ..بس في نفس الوقت وده بعد يبرد قلبه بجابر ولده ..عشان لو انسجن ينسجن عشان شي يسوى ماهو طلقه اطلقها بالجوو ..طالع اللي متوقف معه من أمس عقد حواجبه يوم شاف يده تنزف قال بستفاسر :ذي من الهوشه طالع يده بالم :اي بالله ومن البارح ينزف كل ماوقف رجع يصب بسرعه ياسر قرب منه وقال وهو يطالع الجرح :وشلون ماطلبت علاج له ليه كذا ساكت على الاقل طلبت اسعافات وعالجتك أنا قال الي متكي جنب الزاويه : اسمعوا بس جرح بسيط ترا لا تدلعه علينا الحين ياسر طالعه بعصبيه:لو هو بيدك ماقلت كذا ضحك بوقاحه وقال:يالله نشوف ابداعك بس بالعلاج ياسر وقف بقهر وقرب منه : وش رايك تشوف الابداع بشي يخليك تنسى اسمك بعد وقف وقابله وقال بتحدي :نشوف وش يطلع معك ياسر بسرعه قرب منه وهو ناوي عليه بس وقف بوجهه الي يده تنزف وهو ينادي : ي عسكري كلها ثواني وجاء العسكري...وافترقوا عن بعض وياسر قال بقهر : جيب اسعافات الولد يده تنزف خلني اشوفها له ... @ @ @ طالعت أمها يوم وصلت قامت بسرعه وقربت منها وقالت بفضول : هاا وش صار أكيد طردوكم صح والله اني قلت بتتفشلون الحمدلله يارب وأنا مارحت معاكم نوفه وهي تفسخ العبايه رفعت حاجب ماهو عاجبها كلام شدن قالت بحده :لا الحمدلله بكره بيروحون يتنارلون وخليش من الكلام الي ماله فايده لا اسنعش شدن بصدمه : ايشش ليه الخبلان يضيعون حقهم كذا نوفه بعصبيه : شدن ماهو وقت خبلاش الحين وبعدين ليه شاده حيلش على ياسر هالقد شدن بقهر :افف الحين يرجع نوفه تعوذت من ابليس :شدن ابعدي عني هالحزه انا فدا عمرش والله اني تعبانه والضغط مليون شدن بقهر راحت غرفتها ..وهي مقهوره ماتمنى خروجه أبد ...ارتاحت منه ومن كل شيء يسويه فيها ...فكرت تسوي شيء يمكن تنقذ روحها من طلوعه بسرعه طارت بعقلها فكرة ...بس حست بترددد وخوف بعد بس بتهورها المعتاد فتحت الواتس وطلعت رقم العنود لان الزفته عفاف مسويه لها حظر ...وماعندها إلا رقم العنود (( قولي لعفاف عيب عليها وعليكم بعد تضيعون حق ابوكم كذا ليه أهلك يخافون من ياسر هالكثر للمره الثانيه روح ابوكم بتزهق بيده وهالشيء مايرضى اي مسلم وهذا عقوق يتسمى حق ابوكم يروح كذا وعاد أنتم وضميركم )) سوت ارسال ورمت الجوال وهي تتمنى يصير الي تتمناه من هالرساله .... يارب يغيرون رأيهم بعد مايقرون رسالتها ويصحيوون على دمهم شوي والله لو بس يرمي كلمه عن أبوي ماسامح مابالكم بالي يرمي رصاص ...سمعت صوت أمها تناديها قفلت عيونها بخوف اخخخ لو تدري وش سوت والله ماغير تذبحها بذات وهي متحاميه بالحيل مع يويسر حبيب قلبها ..... وقفت وهي ترجف بتشوف ايش تبي منها ..... @ @ @ (الرياض ) على 3 الفجر أول شافت نور البرق من الدريشه فرحت ودها بالمطر ...بس ي حسرتها حتى لو جاء مطر وهي محبوسه هنا ...وش تبي تستفيد ولا بعد خاطرها مكسور من عناد ومن أهلها ...وشلون جاهم قلب يسافرون من غير حتى مايعزمونها ولا على الأقل يقولون لها طالعت جهة مكتبه من وقت مادخل ماطلع منه فكرت بخبث ودها كذا تتسلى عليه وتنقم منه شوي بعد سواته هو وأمه فيها ...اتجهت للمطبخ وكان خاطرها بموكا بارد ..فكرت تسوي له واحد لأول مره تشاركه شيء تسويه ...بس ياترا راح يعجبه ولا بيرميها بوجهااا.. سوته وحضرته بكوبين .. وحطته بتبسي صغير ..وحملته اتجهت لمكتبه.. قبل تفتح الباب حست بتردد...آه اخذت نفس عميق وقوت نفسها وسمت بالله وفتحته طالعته قدامها جالس على مكتبه ومشغول بالملف الي بيده ..وشكله مرهق بالحيل ..بس حست بقهر يوم طالعها ورجع طالع الملف تحركت يمه ومدت يدها بالموكا وقالت بتوتر:سويت لي وحسبت لك يارب تحبه بس عناد طالع الكوب الي بيدها مادته له رفع حاجب وقال بحده:مابي منك شيء ويالله فارقي خليني أكمل الي بيدي الشموخ حست بقهر ودها ترميه بوجهه بس مسكت نفسها بالقوه ... اعطته ظهرها وتحركت بتطلع بس وقفت يوم قال :والله لو تحفرين الأرض معاد بيني وبينك وصل وحركاتك هذي كلها عشان اهون عن فكرة الزواج من الحين أقولك ارتاحي ماراح تغيرين شيء الشموخ لفت له وطالعته والغصه ذبحتها صح هي غلطت بس بعض مرات يظلمها كثيرر يوم يتهمها بأشياء أبد ماهي في بالها ...ودها تصرخ بوجهه مثل قبل بس معاد ينفع عناد كسر كل شيء فيها .. تحركت بتطلع بس وقفت يوم وقف بوجهاا وأخذ الكوب من يدها ..انصدمت ...ماتوقعت يشربه والي صدمها أكثر يوم مد يده ومسح الدمعه اللي نزلت على خدها وهمس لها : والله ثم والله ماراح اخلي لك من أسمك نصيب لأن سواتك أبد ماتنغفر قفلت عيوني بألم ليتني ابعدته عني ولا سمعت الي قاله فتحت عيني وأنا اتظاهر بالقوه ايه قويه والي فيه أنا حالياً انا سبته وبكون قده وماراح اضعف أبد طالعت جهة الدريشه يوم وصلنا صوت الرعد رجعت طالعت عناد يوم قال : شكلها بتمطر بسرعه طلعت وحطيت كوب الموكا على الطاوله انسدت نفسي منه واتجهت لغرفتي ...وصحت بوجع حسيت صياحي اليوم غريب لدرجه ماهو قادره امسك نفسي مثل العاده وكل ماسمعت صوت المطر حسيت ان السماء بعد تشاركني دموعي لأول مره احس فعلً ظلمت حالي بغبائي .... | ||||||||
|
| |
|
13-08-18, 10:27 PM
| #554 | ||||||||
| مراقبة عامة ومشرفة منتدى الروايات المنقولة
| (( الرياض )) فتحت عينها على صوت الرعد ...فزت بخوف تخاف من صوت الرعد بقوه تذكرت أمها واختها شمسه يوم تروح لها ..كلها دقايق وسمت ..صوت المطر ينزل بغزاره ... طالعت جهة غرفتها.. حمدت الله ان مصعب نام هنا ..ولا كان بتموت من خوفها ...جلست تستغفر ..كلها ثواني وسمعت اذان الفجر ..رددت وراه وقامت توضت ..وصلت ورجعت مكانها وهي متلحفه بالجلال ...وخايفه من صوت الرعد اللي.. من فتره لفتره ..وصوت الريح شكلها عاصفه قويه ...وبعد المطر ينزل بغزاره ..تخوف ..يارب اجعله صبيب نافع يارب طالعت جهة الغرفه ودها تروح وتجلس عنده ولا تجلس لحالها هنا ...عندها خوف غريب من العواصف ...معاد فيها تتحمل تجلس لحالها وقفت واتجهت للغرفه وفتحت الباب وهي تحاول مايطلع لها ..صوت ...ارتجف جسمها من برودة الغرفه ..طالعت جهة الدريشه وكان البرق يلمع فيها ... استغفرت الله وجلست على السرير وهي تحاول مايحس بوجودها رفعت نفسها شوي وسندت حالها على ظهر السرير ...وطالعت وجههه نايم ولا يدري بشي ..معقول صوت الرعد مايسمعه ...ارتجف جسمها كله يوم ضرب الرعد اقوى من قبل بدون حس صرخت : يمه فز جالس مفزوع من صوتها : وش فيه اصايل عضت شفتها بقهر من نفسها ومن خوفها الزايد وش تبرر له الحين قالت بصدق : الجوو برا به عاصفه ومطر قوي وانا والله اخاف مصعب طالع جهة الدريشه و رجع تمدد وحط يده على وجهه وقال : ماعندك سالفه وشهوله الخوف هذا خير من ربي اصايل طالعته مصدومه يوم سمعت شخيره هذا توه يتكلم وشلون رجع نام بهالسرعه ..صغرت عيونها الله اعلم به من متى مواصل على هالنوم قالت بصوت واطي : مصعب قوم صل ترا اذن والناس صلوو بعد بس أبد ماهو يمها سحبت المفروش وغطت نفسها وهي تحس ببرد ذبحها ...حاولت تقفل عيونها تبي تنام ... بس عيا النوم يجيها ..وهي تفكر بالرسايل الي رسلتها للجوهره طالعت مصعب وهمست :الله يستر وش تسوي فيني لو عرفت قال بصوت ثقيل من النوم : ايش مهببهه فزت مفزوعه وقالت بدون حس : من متى صاحي أنت مصعب طالعها بنص عين : قولي وش مسويه وخايفه من عقابه اصايل بتوتر :مافي شي ومدام انك صاحي قوم صل مصعب جلس وقال :صدقيني بعرف وش مسويه من وراي وانصحك تقولين لي أفضل ماكتشف مثل سواتك قبل ترى باقي عقابك ماوصلك اصايل آه ياربي وش ذا الحظ الي علي كل ماجلست مع هالرجال سويت لنفسي مصيبه من اصله وش مدخلني لمكان هو فيه ..يعني كان مقدر اتغلب على خوفي ...قلت بتلعثم :مافي شي أقوله لك مصعب قام من السرير بدون مايرد عليها اصايل اخذت نفس عميق يوم طلع من الغرفه يارب يطلع من البيت ...وراح تتغلب على خوفها اهم شي يطلع وتنفك منه ومن تحقيقه ... رجعت تمددت وطالعت.. الدريشه ... وهي تسمع صوت المطر القوي ...يالله رحمه من عندك ويارب تسخر مصعب لي يارب وتفكني شره وتبعد الجوهره عن حياتي ...قفلت عيونها يوم حست بوجوده بالغرفه ويقول : جوعانه لفت له وقالت :لا لا برجع انام مصعب جلس على طرف السرير :وش رأيك نطلع نفلها بهالجوو اصايل جلست وهي مفزوعه أشرت لدريشه: مابك عقل صح وش نطلع شوف الجوو رعد ومطر غزير تبينا نموت أنت مصعب كشر بوجهه: وش ذا التعقيد بالله وموت مره وحده عاد الحين العالم كلها برا وانتِ خايفه تموتين ياربي كان امنيتي اتزوج وحده تحب المغامره مثلي ماهو وحده تخاف اصايل أشرت للباب : بتروح روح الله يستر عليك وان شاءالله بيبي تطلع تحب المغامره مثلك وتتعوض فيها وكشرت بوجهاا بقرف مصعب ابتسم بخبث: بيبي مقد جاء وقتها الحين أنتِ على ذمتي وراح تطلعي معي غصب عن خشمك يالله البسي شي دافي مافيني بعد تمرضين علي ي العجيز يكفي التحلطم الي بسمعه اصايل بقهر:مصعب ليه ماهو مقدر خوفي حرام عليك ي خي حس ولو شوي مصعب وقف بعناد وقرب منها : بتجهزين ولو شلون اصايل عضت شفتها بقهر ...هذا مايفهم أبد وراح تتعب نفسها على الفاضي وقفت وهي كارها عمرها أخذت عبايتها وقالت بعصبيه: جاهزه مصعب عقد حواجبه: البسي شيء دافي افضل لك اصايل بعناد : مابي ويالله خلينا نطلع وفكنا ورفعت يدها بتهديد اقسم بالله لو صار فيني شيء والله مااسامحك مصعب بقهر: بدت العجيز بتهديدها يالله بس قدامي وقلد صوتها والله مااسامحك اصايل سميت بالله وطلعت معاه وانا قلبي بيوقف من الخوف ..بذات يوم طلعنا من باب العماره طالعته ابيه يرحمني بس وين مسك يدي والمطر يصب بغزاره علينا قلت بخوف :مصعب لا تتهور وتضيعنا شوف الجوو كيف بس مارد علي ماغير فتح لي الباب وركبت وانا ارجف طالعته وقلت وانا احس سنوني تضرب في بعض من الخوف والبرد :مصعب تعوذ من ابليس وخلنا نرجع الجوو مايساعد أبد الطلعه فيه ذا تهور بعينه ونتسمى منتحرين بعد مصعب بطفش : هالجو مايبي جلسة البيت يبي الثمامه بعد والتطعيس الي يحبه قلبك وفكينا خلاص والله لو تموتي مارجعتك البيت اصايل يوم قال تسذا وقف قلبي أفضل شيء ماارد عليه عشان مايعاند زود أول ماتحرك بالسياره والبرق يلمع بالسماء واحس الشارع ماهو واضح من قوة المطر ...يارب احفظنا يارب من مغامرت هالمجنون ....قفلت عيوني بقهر يوم قال :وش تبين فطور بدون حس صرخت : أنت عديم احساس وش فطوره بالله الحين بذا الجوو مابي شي غير ارجع البيت مصعب بقهر عض شفته: أنتِ ماهو وجهه أحد يطلعك والله اصايل : طيب رجعني مصعب بحده صرخ : لااااااا اصايل ارتجف قلبي يوم صرخ علي .. طالعت الطريق وانا مقهوره ...بس صرخت بخوف يوم حسيت بسرعته : مصعب لا تهور ترا السكه كلها زلق بس أبد مارد عليه طالعت قدامي بحذر واأنا خايفه احس اي وقت بنصدم ...بذات وانا اشوف العالم كلها مشغله فلشر ..وذا المجنون يزاحم بين السيارات بس هديت شوي يوم بدأ الجوو يهدا والمطر تقل قطراته ...بعدها بدقايق وقف قدام مطعم ...ونزل أخذ فطور ...ورجع وشعره مبلل وملابسه بعد ... قلت بقلق: الحين تمرض مصعب طالعها وقال :خايفه علي اصايل طالعت قدامي وقلت : لا خايفه ابتلش فيك مصعب بقهر عض شفته ومارد عليها ... اتجهه لثمامه وهو يتحلف فيها ...والله لا يعرف وشلون يرد عليها ...وماراح يبرد قلبه إلا لاسمع خوفها وصراخها ... وكلها دقايق وصلووا الثمامه مصعب ابتسم بخبث وبدأ بالتطعيس وهو يسمع صراخ اصايل هدا شوي وقال : دواك عشان ثاني مره تتوبي ماتطولي لسانك علي اصايل مسكت على بطنها بوجع وطالعته : مجنون ناسي اني حامل مصعب بدون مبالاة : ماراح يصير لك شيء لا تكبرينها تراك صدعتي رأسي بهالطفل اصايل هزت رأسها بحسافه ماعنده قلب على ولده وشلون علي ... أول ماوقف السياره ..نزل ورتب المكان وأشر لها تنزل نزلت وهي متضايقه ...وبعد بطنها يوجعها جلست وهي معصبه مصعب رتب الفطور ومد يده وسحب نقابها وقال: ماهو ناويه تروق العجير ونشوف ابتسامتها اصايل وهي تعدل طرحتها :مابه أمل تروق العجيز من فعايلك الي تسود الوجهه مصعب ضحك بصوت عالي : مدي يدك الحين وماعليه مالك إلا طيبة الخاطر ولا يهمك اصايل رفعت حاجب وابتسمت :أنت يجي منك شي يطيب الخاطر دايم موجعني مصعب سكت شوي وهو يطالعها وقال :سمي بعد الفطور ... قال مصعب :لازم نغير المكان العالم بدت تجي وانا مابي ازعاج اصايل طالعته برعب : لا لا مصعب لا تبعدنا عن الناس ورفعت عيني للسماء وشكلها بترجع تمطر مصعب بدون مايرد عليها قام وأخذ الأغراض وأشر لها تقوم وتركب السياره اصايل ودها ترميه بكوب الشاي الي بيدها وقفت وهي تدعي الله يعطيها الصبر ركبت السياره وفعلاً ابعد أكثر وأكثر .. أول ماوقف السياره قالت بسخريه: حلفت ماتنزل عزبتك وفرشتك لانه شوي ويجيون عالم ونبدأ المغامره حقتك من جديد مصعب صغر عيونه بقهر: اقول انزلي بس بدون كثرة حكي ماله داعي اصايل نزلت وجلست على مرتفع شوي وانا اطالعه يرتب بالمكان الي يبينا نجلس فيه ..بذمه وضمير ...بس أنا صراحه استمتعت بمكاني ذا اكثر اشر لي اجي بس صديت عنه وماقمت بس طالعت الحصى الي رماه علي أخذته ورديته له ...وكلها ثواني ورجعه لي وبعد رجعته له بسرعه بس شكله عصب وقال : ترى امسخت تعالي ابي استشيرك بسالفه وقفت وانا انفض يدي من التراب وقربت منه وجلست مقابلته وقلت بقلق : خير اللهم اجعله خير مصعب ابتسم : ي حبكم ي الحريم للأخبار مسرع جيتي اصايل وقفت بقوم بس مسكني وهو يضحك : ي شين الزعول بس اصايل سحبت يدي و صديت وأنا أمثل الزعل ...على أني احب جوه وهو كذا مروق .. بس مدري وش فيني ماسكه معي اتغلى عليه مصعب : خلاص اسف ي هوو اعطينا وجههه طالعته وقلت بدلع : لو تموت ماراح اعطيك مصعب قام لسياره وكلها ثواني ورجع وقال :طيب لو اعطيتك هذا وهو رافع الجوال اصايل كان بنط من الفرحه بس مسكت نفسي وقلت بثقل: كلها ايام ويلحق اخوياه المسكين وينتهي بخاتمه وخيمه وعشان تسذا ماراح اقبله رحمتن به المسكين مصعب ابتسم وجلس جنبها : لا هالمره أول ماعصب ابعديه عني لاني والله خسرت من كثر ماأخذ بهالجوالات لك صايل رفعت حاجب: لا ي شيخ يقال انا الي اكسرها مصعب : والحين تبينه ولا لا ادخل شريحتي الثانيه فيه صدعتي رأسي اصايل بسرعه سحبته من يده :لبعدك تأخذه مصعب ابتسم وقال بدون حس : تصدقين احس بسعاده غريبه علي مدري وشلون اشرحها لك اصايل حسيت بفرحه وبعد بخجل من كلامه مصعب المغرور بنظرها يقول لها تسذا بدون حس قالت : ابعد عبير عن حياتنا وبنعيش بسعاده صدق مسكت يده وقلت وأنا اترجاه مقدر اشوفك تأخذ غيري مصعب ارحم حالي ولو ماهو عشاني عشان الي في بطني لايجي على هالدنيا وحنا هذا حالنا يوم شفته يطالعني بدون مايتكلم شديت على يده وقلت بعيش بستقرار معاك ممكن هالشيء تحققه لي مصعب كشر بوجهه وسحب يده وقال بحده :. هذا موضوع مفروغ منه اصايل زواجي منها لازم عشان أقدر اكسر خشم الجوهره وحياتي معاك مابعد قرررت وش يصير عليها اصايل ودها تنتف شعرها من القهر قالت بغيض : بالله زواجك وش دخله بنتقامك من الجوهره لو انها بنتها قلت ماعليه بيكسر قلب أمها بس هذي بنت صديقتها وش دخلها بالجوهره وحياتك معي مدام ماعاجبتك ليه تجي عندي والحين مطلعني معك خلاص ابعدني من حياتك للأبد مصعب بعصبيه : مدام ماتعرفين شيء خلاص خليك منكتمه وساكته والحين لا تنكدين علينا بشيء اصايل بقهر : وشلون انكتم واسكت وأنت بتتزوج علي ... وبعد ماهو راضي على زواجك مني مصعب والله بموت ناقصه عمر من الي تسويه فيني مصعب بقهر : يعني أنتِ حالفه كل ماشفتيني مروق تنكدين علي ليه كذا اصايل صديت بقهر بدون ماارد عليه وقمت عنه وبعدت شوي وجلست ..بدون حس نزلت دموعي مصعب بيطلعني من حياته متى مدري بس بعد مايعلقني فيه زود ... رفعت رأسي وشفته مقبل علي صديت مابي اسمع منه شيء يوم جلس جنبي جيت بقوم كارها وجوده الحين بس مسك يدي .. وقال بهدوء : ياليت مانخرب الجوو علينا ي اصايل عشاني لو اليوم بس اصايل طالعته ماتدري وش ترد عليه هزت رأسها بدون صوت ..ودها تروح ولا تجلس معه وهي عارفه وشلون يكرهاا ...بس بدون حس مسكت فيه بخوف يوم سمعت صوت الرعد وقالت برعب : شكله بيمطر مره ثانيه وحنا بهالمكان لحالنا ...... مصعب مسكها وهو يطمنها : اصوله وش ذا الخوف الغريب الكل يستانس بالمطر معاد انتِ صايل : مصعب تكفى خلينا نحرك على الأقل خلينا بينا الناس ماهو هنا لحالنا بهالمكان مصعب هز رأسها بلاااا:هنا نأخذ راحتنا أكثر هناك ازعاج وصوت صياح الاطفال ينرفز صراحه مأحب اسمع صراخهم وصياحهم اصايل ياربي قويني يارب ..ولين رأس هالعنادي الي مو حاس بخطورة الي حنا فيه جت في رأسي مية حاجه رآح تحصل لنا تعوذت من ابليس مصعب حس برجفتها حزن عليها وقال : يالله مشينا اخاف تموتين علي ... مافيني بعد اتحمل روح تزهق بسبتي وضحك بستفزاز .. اصايل طنشت الي قاله كله وقفت وانا فرحانه وبسرعه رحت لسياره وركبت ..وأنا عيني منه ...أخذ الأغراض وركب وحرك السياره ...وقال بضحكه : لهالدرجه الخوف فيك اصايل بخوف يوم نزل المطر بغزاره مثل ماتوقعت : يالله بسرعه خلينا نطلع من هالمكان مصعب : ابشري وسكت وهو يسمع صوت جواله رفعه وقال بكرهه: الجوهره وش تبي الحين من هالصباح اصايل حسيت الدنيا سودت بوجهيي يوم قال الجوهره بس ارتحت يوم صمته وقال:مابي انكد على عمري بسماع صوتها ..... ودي اصرخ من فرحتي ...يالله كنت بروح فيها لو قالت له عن الرسايل طالعت المكان فاضي حولنا باقي يالله كان بيدفني هنا ولاحد داري عني .... قلت بحيله : وش رأيك تقفل جوالك مره وحده خايفه من البرق يقولون ماهو زين والجوال مفتوح وبسرعه مديت يدي وأخذت الجوال وقفلته اففف ياربي استرها معي ....بس انقهرت يوم قال : الحين أوصلك واروح اشوف ايش عندها وطالعني بنظره كلها خبث ماهو من مصلحتي اطنشها حسيت روحي بتطلع من نظرته ...يارب يصير شي ويعطله مايروح لها يارب .... قلت بسرعه وانا متوتره : مصعب مابي ارجع البيت الجوو مايصلح له قعدة البيت مصعب بصدمه طالعها : اسمعوا الي تتكلم ياربي من الي من تووو صاجتني تبي ترجع وخايفه وحالتها حاله اصايل بلعت ريقي وقلت بتوتر : كنت اتدلع عليك بس والحين يالله وين ناوي تغديني اليوم من الحين اقولك ابي افخم مطعم فيك يالرياض مصعب عقد حواجبه مستغرب من حالتها الي قلبت فجأة قال بشك: كله عشان ماروح للجوهره اصايل بسرعه قالت: لاااااا بس مابي ارجع الشقه واجلس لحالي بهالجوو فيها تدري بخوفي مصعب هز رأسه برفض : اولاً ماهو وقت غدا الحين باقي وبعد لازم اروح اشوفها وخليها عشاء بوديك احسن مطعم اصايل هزيت رأسي بدون مارد عليه ..مابيه يشك أكثر ادري بعقله داهيه ...جلست افكر بحيله ثانية ...بس ي حسرتي ماطلع معي شيء وبعد خفت يشك زود خليني اسكت احسن وتجي مثل ماتجي يارب استرها معايه | ||||||||
|
| |
|
13-08-18, 10:28 PM
| #555 | ||||||||
| مراقبة عامة ومشرفة منتدى الروايات المنقولة
| في المركز "" طالعه بصدمه :تنازل ابو ياسر : ايه تنازل ولد خالتك ماقصر لم السالفه بينا بس قدامها شروط هالتنازل وبينا كلمه نطلع من هنا للمحكمه تنازل عن الأرض ياسر بعصبيه : والله ماتنارل عنها لو يموت وخلوني انسجن ابو ياسر بعصبيه قاطعه: والله ان تنازل وغصب عنك والله ماتسبب لي مشاكل مره ثاينه وتفشلني بين جماعتي وفكر بأمك ي العاق بتروح فيها ماغير تصيح وحالتها حاله ياسر جاء بيتكلم بس قاطعها ابوه يوم قال: والله ان رفضت لااغضب عليك وطول ماهو انا عايش مايجي لساني على لسانك وعاد اختار الحين ي أنا ي الأرض ذي الي سبتت لنا مشاكل من يوم أخذتها وخربت على جابر انه يشريها شوفها الحين جته ببلاش بعد ياسر كور يده بقهر سووها فيه وأخذو ارضه وبعد غصب عنه ..وبدون فايده بعد حتى قيمتها ماندفعت له ....ليته يوم استلم جمعيته ماحولها على حساب عفاف واعطاها قيمة القرض اللي طلعته له عشان يأخذ ذي الأرض ..ليته تمهل وماسدد لها وكاد أهون عليه بس الحين خسران فلوسه وأرضه بعد طالع ولد خالته الي قال : ياسر والله بالعافيه قدرت الم السالفه إلا هذي فيها سجن الله اعلم كم مدته والحين مدام جابر وثق فيك وتنازل قبل تنازل له بالأرض خلك احسن منهم واسمع كلام أبوك بدون مشاكل لان اللي بوسعي سويته وصدقني لو جلست يوم ثاني هنا مااقدر اسوي شيء وقتها وبيطلع الموضوع من يدي وعشانك والله ماسك المكتب من يومين حتى نوم مانمت مابي أحد يمسكه بدالي ويشوف قضيتك ويحولك على طول .. ياسر تحرك مع أبوه وهو مقهور ..وفعلاً توجهووا.. للمحكمه شاف قدامه سلمان وده يدعس وجهه ..بس مسك نفسه بالقوه عشان خاطر أبوه ..بعد ساعتين من الانتظار وقعوا على ورق التنازل وخلاص الارض صارت باسم سلمان والي قهره أكثر حاط مبلغ عليها وهو مادفع ريال واحد ..حس بقهر وهو يشوف نظرة الانتصار بعيونه أول ماطلعوا ..قال قبل يروح سيارته: أخذتها بخسه وقلة مرجله ومصيري ارجعها سلمان ضحك بستفزاز:اقول لا تهايط أكثر يكفي اللي صار لك من وراء هياطك ورفع ورقة الارض طلبناها منك بقدر وحشيمه ورفضت وأخذنها منك غصب عن خشمك يالي ماتقدر ياسر حس الدنيا سودت بوجهه بس حس بالي مسكه قبل يروح له طالعه وقال بقهر: يبه فكني بس ابي ابرد قلبي الارض عندهم وخلاص بس ابرد قلبي وصرخ يبه فكني ذا مافي حد يعرف قدره مثلي وهو وهالشايب معاه ابو ياسر بعصبيه : والنهايه ي ياسر لمتى وأنت كذا وسحبه للسياره بالقوه وهو يصارخ عليه @ @ @ @ فتحت عينها بصدمه يوم أمها خبرتها بطلوعه : لا لا لا طلع بهالسرعه نوفه بعصبيه وهي ناقده عليها: رجلش طلع مفروض تفرحي ماهو تقولين كذا ويالله قدامي نروح نسلم عليه الحمدلله يارب انه طلعه لنا شدن فيها قهر وهي تشوفه فرحة أمها فيه تحسها تحبه أكثر منها ايه تحبه حيل وتغليه بس هي صايره متغيره عليها أكيد بدت تمل منها قالت بقهر : ايشش اروح اسلم عليه لا لا روحي انتِ يكفي وبعدين خلاص أنا بطلب الطلاق منه مستحيل عاد اعيش معاه وهو خريج سجون وع ماتخيل بس ماحست إلا بالكف الي خرسها حست الدنيا سودت بوجهاا وبعد مصدومه حدها أمها نوفه تمد يدها عليها وعشان مين عشان يويسر قالت وهي منهاره تصيح :تضربيني عشانه نوفه صرخت بعصبيه : لسانش طال بزياده وابوش لو هوو حي ماكان راح يرضى بنته تكون كذا تربيتها بس والله ي شدن سكت لش كثير بس توصل تقولين كذا عن ياسر وهوو الي نقذش من عمش لا وقتها بعرف وشلون اربيش شدن قالت بعصبيه وهي منهاره : الله يأخذ هالياسر اللي اخذ عقلش وخلاش ترخصيني له كذا بس والله لا ارجع لأمي الي صدق ماراح ترضى تسوي فيني الي تسويه والله لا اسافر لها نوفه انكسر قلبها يوم قالت كذا وبعد مصدومه اول مره تذكر أمها ولا تقول بتسافر لها بس قوت قلبها وطنشت وقالت بعصبيه :قدامي بس ساكته قبل أنا بنفسي ادق على عمش واخليه يأخذش لأمش وسحبتها من يدها بقوه ومشتها معاها بعصبيه أول ماوصلوا لباب بيت مبارك قالت بتهديد : والله لو تغلطي بكلمه قدامي على ياسر ولا على حد منهم ماراح تلومين إلا نفسش ويالله امسحي دموعش ذي وسلمي على رجلش وتحمدي له بالسلامة خليش سنعه يكفي سواد وجهه من فعايلش شدن مصدومه في أمها حدها ..أكيد فيه غلط في الموضوع ...ايه في غلط في شي مغير أمي سويت مثل ماقالت لي ..مسحت دموعي ودخلت معاها كان الكل متجمع وخالتي جالسه جنبه تصيح وتبوس فيه ... أمي ردت السلام على طول طالعنا وجت عيني بعينه بدون شعور مسكت في أمي .... === == = كتتتتتت & نونــي بنت الجنوب & سبحان الله وبحمده سبحان الله العظيم "الوتر أحبني " الله يرحمك يأمن أوجعني فراقك | ||||||||
|
| |
|
15-08-18, 10:07 PM
| #558 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| السلام عليكم ورحمة الله وبركاته بـــــارت راااائــــع تسلــم أنـاملـكـ نونــــي .. بانتظـــااار القــــااادم ومــا يحملــــه مـــــن أحــداااااث موفق بإذن الله ... لك مني أجمل تحية .  .. | ||||
|
| |
|
20-08-18, 02:42 AM
| #559 | ||||
| السلام عليكم ورحمة الله وبركاته كل سنه وانتو طيبين بارت جميل من زمان وانا عاوزا اشكرك على مجهودك فى الكتابه نونى واسلوبك الرائع بس نسيت الباس ورد تبع العضويه وسجلت من جديد تحيه خاصه ل فيتامين سى الله يوفقكم جميعا وعيد سعيد عليكم | ||||
|
| |
|
21-08-18, 12:08 AM
| #560 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر
| كل عام وأنتم إلى الرحمن أقرب كل عام وصحائف أعمالكم بالحسنات اثقل .. كل عام وهمتكم للجنة تكبر .. كل عام وأنتم بألف خير وصحة وسلامة وعافية ..   .. | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
سلمت اناملك 
العرض العادي
