23-09-18, 11:21 PM
| #611 | ||||
 
|  أهلين الله يعينك على نفسك يا شادن خيالها واسع عقل زيرو مافي الله يعوض ياسر ويجزيه خير انه ما ذبحها لحد الحين أتوقع راح تصير أحداث يبيله يتركها عند نوفه وتعيد صياغتها وتعقل لو جلست زياده معه جننته وأرتكب فيها جريمه والا يأدبها ويرجعها مصر عند أمها بتمشي على الصراط المستقيم أصايل شكله طفح الكيل عندها أدبت الجوهره وبردت حرة مصعب الاحداث متطوره ومتصاعده الا في حياة الشموخ وعناد ما راضيه تتعدل متأخره يا الشموخ انا منصدمه من الشموخ كيف شخصيتها تغيرت غرورها وعنجهيتها وشوفة النفس وين راحت فجأه ننتظر الاحداث الجايه بفارغ الصبر شكرا كاتبتنا | ||||
|  |
|
25-09-18, 12:00 AM
| #612 | ||||||||||
| نجم روايتي  
| ههههههههههههههه ولله ضحكت من قلبي ع افكار شدن مجنونه البنت دي يعني ياسر يحاول بالطيب معاها بس البنت مصره تطلع الجانب الشرير منو احس هالمره ياسرحيخطفها تاني ويربيها مظبوط | ||||||||||
|
| |
|
25-09-18, 09:06 AM
| #613 | ||||
| له ياياسر طلعت مش رجاال وحرقت البنت ...مش حراام عليك.😬🤥 قهرتني...رفعت ضغطي...شو هالكذب يانااس...انا نفسي اعرف كم عمرهااا...اذا صغيرة ويطلع منها كل هيك ..بس تكبر شو راح تساوي...؟!!!!!الله يعينك ياياسر كيف رح تطلع من الورطه..😲 | ||||
|
| |
|
28-09-18, 10:20 PM
| #615 | ||||
| نجم روايتي 
| يعنى بالرواية كلها ما وجدتى غير شدن لتكون بنتك🙄 راجعى نفسك مرة أخرى 😂 لا أجد وصف يعبر عن أفعالها حلال فيها ما فعله ياسر بأول زواجهم ده عقل غير موجود بالمرة لا تحسب نتيجة أفعالها متهورة بغباء لو من يويسر ارسلها لوالدتها الحقيقيه على اول طائره ذهاب بلا عودة بلا رفعة ضغط 😌 يمكن ينصلح حالها دللتها نوفة كثيرا أصبحت لا تعرف الصواب من الخطأ و تتبلى على الرجل وتصدق حالها 😏 أما عناد فمازال مستمر بعناده ولا يريد مسامحت الشموخ رغم تغيرها واصايل ومصعب مادامت الجوهرة موجودة فلن تهدأ الأمور وسيظل هناك شد وجذب بينهم جميعا من الرائع متابعتك عزيزتى بالتوفيق بالقادم 🤗😍🤗🤗🤗😍🤗🤗🤗😍🤗🤗 | ||||
|
| |
|
03-10-18, 01:05 AM
| #618 | ||||||||
| مراقبة عامة ومشرفة منتدى الروايات المنقولة  
| اللهم اني استغفرك وأتوب إليك اللهم صل وسلم على نبينا محمد صلو عليه === == = { 37} ======== === == شافها ماتكلمت تطالعه بس بخوف صرخ بعصبيه : قولي متى حرقتش انطقي بسرعه ترى مافيني صبر والله نوفه صرخت بعصبيه وهي تدفه عنها : ابعد عنها لا تخوفها يكفي سواتك بها صدق غلطت يوم اعطيتك بنتي ياسر مطنش حكي عمته وكلام أبوه الي يحذفه عليه وبسرعه سحبها من يدها وصرخ وهو يمسكها بشعرها بعصبيه : قولي متى حرقتش قبل ماحرق عليش هالبيت كله شدن انهارت تصيح بخوف وهي تصرخ وتمد يدها لأمها : يمه فكيني منه يمه بموت ابو ياسر بسرعه قرب من ياسر وابعد يده عن شعرها وصرخ بعصبيه : والله لو تمس شعرها منها ذبحتك بمكانك نوفه بعصبيه وهي تدفه وتسحب شدن منه وتصرخ بصوتها كله: مبارك شفت سوات ولدك بعينك وطالعت ياسر بقهر والله لا ابلغ عليك الشرطه واخليهم هم الي يأخذون حقها منك ياسر رجع يتهجم يبي يمسكها وده بس تفهم وتعترف بس ماعطوه مجال ابو ياسر دف ياسر بقوه وصرخ : خلاص يكفي الي صار منك لا تزودها الحين وقولي وشلون لك قلب تسوي فيها كذا ياسر حس الدنيا سوده بوجهه وهو يسمعهم يتهمونه ورافضين يصدقونه ولا معطينه فرصه يخليها تعترف بكذبتها صرخ بعصبيه وهو يطالعها تصيح وراء عمته : متى حرقتش بعرف متى بس وهو يرفس الطاوله الصغيره الي عليها دلة القهوة أم ياسر بسرعه صرخت وهي تقربت منه وتحاول تمنعه مايتهور زياده ويروح فيها من أبوه ابو ياسر صرخ وهو يشوف نور ركضت للغرفه وهي خايفه: ياسر احترم نفسك وقدرنا ولا تسوي هالحركات الي مالها داعي وتخوفها وتخوف خواتك ياسر وهو يبعد أمه عنه وصرخ بقهر : أجل خليهاا تتكلم قبل اموتها نوفه بقهر صرخت : تموتها الدنيا فوضه ويالله ي شدن تكلمي عشان ينكتم ويعرف سواته ياسر عض شفته بقهر وهو يتنفس بسرعه : ايوه ياللا تكلمي بسرعه ابو ياسر بعصبيه صرخ : تبيها تتكلم عن سواد وجهك الحين حرقتها بس عشان رافضه الطلاق وقطع كلامه يوم صرخت شدن تمنعه يكمل وهي منهاره : خلاص خلاص ماصار شيء وتمسكت في أمها وهي تحاول تخبي وجهاا بصدرها ماتبي تشوفه يمه تكفين خلينا نروح يمه خلاص انا مسامحته وطالعت ياسر بخوف يوم صرخ وقال : عشان رافضه الطلاق وطالع شدن وقال بعد مسامحه وكور يده وضرب الجدار الي وراه وهو يقول كذبت الكذبه وصدقتها وانتم عايمين على عومها نوفه صاحت بقهر وهي ترفع صوتها : بنتي ماتكذب والحين الي تبيه بس تطلع من حياتك ومسامحتك ي خبث قلبك عليها حرام والله الي صار فيها منك يالي ماتخاف ربك والقهر وين ممرض والله ي هذي المهنه حرام تكون لك يالله يمه قدامي والله فوق يأخذ حقش منه وطالعت أخوها الي قال : تمهلي ي نوفه وخلينا نسمع منه أول لأن مستحيل اسكت عن هالسالفة وحق شدن بتأخذه منه نوفه صاحت بقهر : بعدك تبي تسمع منه ي مبارك خلاص بنتي ربي يأخذ حقها ولدك مصيرها يحصلها بالدنيا قبل الأخره ياسر بسرعه تقدمهم وصرخ بعصبيه وهو شوي ويفقد عقله : خلاص الحين أنا الظالم وهي المظلومه وبعد مسامحتني خلاص هي الملاك بعينش الحين وأنا الشيطان الي سترت عليها وشفقت عليش وعليها يوم تنحرمي منها وصبرت على جنونها ودلاختها وقلت ماعليه ياسر عمتك تستاهل تحمل ولاتوجع قلبها .. بفراق بنتها خذها وانكتم على عيوبها الي مافي رجآل عاقل يرضى بها شاف عمته بتتكلم بس صرخ وهو يقاطعها ورفع يده وهو يقول : اوش اوش خليني اقولش وش صار معي بعد العرس سودت وجهي بنتش مبارك صرخ بعصبيه : وش ذا الكلام تقوله ام ياسر صرخت مصدومه وهي تطالع نوفه شدن بسرعه ابعدت عن أمها و قربت من ياسر وهي تحاول تمنعه يكمل : عند وجهه الله انك تسكت نوفه يوم قال سودت وجهي طالعت وجه شدن كان مخطوف قالت بخوف يوم شافتها ركضت يمه وهي تحاول تسكته طالعت ام ياسر يوم صرخت شافت عيونها كلها ملامه لها بلعت ريقها وقالت : ياسر وش تقول بنتي سودت وجهك شلون ورفعت يدها وهي تطالع أخوها ورجعت طالعت ياسر وقالت ياسر لا تظلمها انا أفداك ترى كلمتك بتقضي عليها ياسر صرخ بقهر : الحين أنت الي بقضي عليها هي الي جنت على حالها خلاص معاد ينفع وطالع شدن يوم صرخت وتمسكت فيه وهي تطالعهم بخوف : تكفى تسكت وأنا بعترف ياسر دفهها بقوه على الأرض وطالع عمته وقال : تبيين تعرفين وشلون حقيقة بنتش ي عمه الي معميه عيونش عنها ذي السنوات كلها ابو ياسر بعصبيه : ياسر تكلم بسرعه وش الي صار نوفه بحسره :ان كان ظلم الله فوق يأخذ حقها منك وان كان حقيقه صار من بنتي شيء يسود الوجه تأخذ جزاها ياسر طالع شدن وهي بالأرض تطالعه بخوف أشر عليها بحتقار وقال : ماعمري ظلمت ي عمه مثل بنتش هال**** بدل ماتعز نفسها وتقدر الجميل لا هربت ب ثاني يوم من عرسها وجلست يومين عند ناس غرب عنها ويعلم الله وش صار بها في هاليومين والمصيبه وين ان الي حصلها بالشارع رجال وأخذها معاه ابو مبارك صرخ وهو مصدوم: هربت بثاني يوم عرسكم وشلون تسكت كذا ام ياسر ضربت على صدرها : هذي ي نوفه الي عوضتي بها ياسر هذي الي فضلتيها على روحش كانت بتسبب لش فضيحه ولنا جميع شدن حست الدنيا تلف عليها الكلام يوجع حيل الي يقولونه جالسين صرخت يوم شافت أمها مصدومه وماتكلمت أبد : كذاب كان شايب والله كان طيب يمه وداني عند حريمه ماسوى شيء يأذيني وبعدها زوجته رجعتني لياسر يوم قالت انه يخطف البنات ويخليهم يشحتوون وقتها أنا بنفسي دقيت عليه أساليه بعد والله ماكذب هذا الي صار كله نوفه هزت رأسها مصدومه من الي تسمعه منه ومن شدن هربت وجلست يومين مايدري عنها طالعت ياسر وقالت وهي ترجف :ليه ماقلت لي من أول ياسر قرب منها وقال بحسره : تدرين ليه عشانش وعشان صحتش جلست يومين بنهبل امشي الشارع ادورها وافكر وش يقولون عنا الناس وعمها الي وثق فيني وفيك وتخيلت كل مصيبه تحصل لها ولما عجزت بلغت الشرطه يدورنها معي ..لما زوجة الرجال دقت علي ودلتني بمكانها ..وكل يوم ي عمه جالس على اعصابي أخاف صورها او مسوين شيء فيها وناوين يهددوني فيها طالعها يوم صرخت :والله ماصورني والله وطول ماهو كنت عندهم نايمه وبعدها دقينا عليك وجيت وأخذتني ياسر لا تكذب وتقلبها علي ياسر بقهر طالعها : أنا الي أكذب الحين طالع عمته وقال ياعمه خذي بنتش أنا الي مابيها مدام وصلت الكذب وهالحرق بيدها يعلم الله مالي يد فيه وخليها تحلف قدامش الحين ومالها طلعه إلا تحلف وجلس بالأرض على ركبه وقال وهو معصب : احلفي اني الي حرقتش ابو ياسر طالعها وقال بحده : ماتساهلين الحرق بس إلا الذبح حلال بش وطالع نوفه وقال وهو يأشر عليها بقرف بنتش هربت وراحت لناس ماتعرفهم نوفه (مابي قصة النايفه تنعاد ) نوفه سكرت على اذونها ماتبيه يكمل ابو ياسر طالع ياسر بقهر وقال صدق انك ماهو رجآل يوم سترت عليها كان قلعتها من البداية شدن صرخت بخوف :لا لا ي خال والله مظلومه وبسرعه وقفت ومسكت في أمها الي دفتها عنها ورجعت طاحت بالأرض وهي تصرخ بألم نوفه طالعتها كانت مصدومه من الي سمعته حست الدنيا تدور فيها مسكت بكتف ياسر وقالت وهي تحاول تكذب السالفه : شردت من عندك وجلست يومين ماتدري شيء عنها طيب وشلون ياسر ماقدرت تكمل طالعت شدن وقالت صدق وشلون سويتي كذا وليه ماقلتي لي ياسر بعصبيه: عارف انش ماراح تصدقيني وبتطلعي لها مبررر نوفه بقهر عضت شفتها وقالت وهي مطنشه حكي ياسر :شدن ليه وجعتي قلبي كذا وش ذي الجرأة الي بش عشان تشردين من رجلش وتروحين لناس غرب عنش أنا كذا ربيتش ياسر بقهر : ماراح تقولش شيء يوم تكذب ماتقدر تتكلم وبقهر قرب منها وهو يهز كتفها اعترفي قولي لها الي صار معش وهز رأسه بقهر بغيت استر عليش بس ماهو وجهه حد يستر عليش يال***** شدن صرخت وهي تصيح منهاره : ايه يمه شردت لأني مابيه وخفت منه يوم اخلف الوعد ومارجعني بعد العرس عندش والحين حرقت نفسي عشان مابي أكمل معاه وبرجع اعيش معش وطالعت ياسر خلاص اعترفت اني ظلمتك وكذبت فيك الحين طلقني وفكني وخلني ارجع مع أمي ام ياسر كانت تسمعها وهي مصدومه ولدها تعذب كثير عشان شدن وعشان نوفه قربت من نوفه وقالت : تحملنا منش ومن بنتش بمافيه الكفايه بس لما هالسالفه وخلاص و ياسر بيطلقها وبيفك عمره وعلى ماظن مافيه ملامه الحين عليه ولعاد لش وجهه تعتبين عليه شدن طالعتها وقالت : ايه ابيه يطلقني وبرجع لأمي مابي ولدش وهالشيء صار مني كله عشان مابيه نوفه مسكت بالجدار الي وراها وقالت بضعف : وأنا مابيش تعيشين معي ياسر دق على عمها بسرعه خله يجي يأخذها شدن صرخت معترضه : لاااااااااااااااا يمه تكفين لاااااااا وهي تقوم وتمسك فيها بس نوفها رجعت دفتها وهي تطالع في مبارك الي قال :لا والله ماهو احسن من النايفه الي بس يفكر بس يسوي شيء يسود وجيهنا لا والله ماله عيشه بينا نوفه حست بخنجر يطعن قلبها مدام أخوها قال كذا أكيد بتنحرم من شوفتها طول عمرها مثل مانحرمت من شوفة أختها وماشافتها إلا جنازة طالعت ياسر وهي تحاول تقسي قلبها لانها عارفه خلاص معاد لشدن جلسه مدام مبارك فيها قالت وهي تبلع الغصه : تحملها لما عمها يجي أنا يحرم دخولها بيتيي وقول لعمها تقولك نوفه معاد فيها تتحمل الأمانه خلاص سلمتك هي والله يقدرك أكثر منها عشان تتحملها قاطعها أبو ياسر وقال بصرخه:تحرم ماتجلس ساعه فيك ي الجنوب كله وبدل مانتظر عمها ياسر يوصلها وقلعتها مثل ماقلعت الي من دمي ولحمي عاد هذي ماعليها حسوفه غريبه من يومها بينا شدن تحس الي فيه حالياً حلم أكيد حلم مستحيل تقول كذا عنها مستحيل تتخلى عنها كذا وبعدين ايش سوت عشان ذا كله ..ليه ماهو مصدقينها انها راحت ورجعت وماصار فيها شيء ... يوم سمعت كلام خالها مبارك صرخت معترضه وهي تزحف وتمسك برجول أمها : تكفين يمه تكفين ماتبعديني عنش يمه لا ترميني لعمي الله يخليش نوفه طالعتها وقلبها يتقطع عليها بس طالعت أخوهاالي قال بعصبيه : والله ي نوفه لو قلبش يحن لها ماغير افضي الرشاش برأسها وبعدها عارفه وش راح يصير نوفه انحت وهي تبعدها عنها وقالت بحسره :تدرين انش قلبي وبغيتش عندي يعلم الله بس سواتش قضت عليش وعلي بعدش وطالعت ياسر خذها الحين مثل ما قال أبوك وقفت واعطتهم ظهرها وبسرعه طلعت من البيت شدن انهارت وهي توقف وبسرعه تركض وراها وتصرخ وهي منهار : لا يمه لا يمه مابي اروح لعمي ابو ياسر صرخ بعصبيه وهو يمنعها تروح وراها وطالع ياسر وصرخ : بسرعه خذها وقلعها من هنا قبل اسوي شيء نندم عليه جميع ياسر مسكها وقال بهمس :عجلتي على عمرش ام ياسر وهي تحاول تهدي في زوجها : خلاص بيسفرها ويفكنا انت بس ريح قلبك لا يصيرلك شيء بسبتها هالكذوب وبقهر تقول حرقها آه ضيعت ولدي ياسر طالع أمه من شوي تهدي في أبوه والحين تزود عصبيته قال بضيق: خلاص يمه تكفين ابو ياسر طالع ولده الي شكله بيعترض ومايخليها تروح قال بسرعه : والله ثم والله لو تفتح فمك ان دمها يطشر قدامك الحين ياسر طالعها وقال :مابعد كلامك كلام يبه وصرخ بصوته نورر جيبي لمي اغراض شدن كلها ومسكها بيدها بقوه ومشاها وراه وهي تصيح وتصرخ معترضه شدن مسكت بصدر ياسر يوم قربت من باب الشارع وعارفه لو طلعت منه مالها رجعه أبد قالت وهي منهاره حدها :تكفى ارحمني وخلك احسن منهم والله معاد اسوي فيك شيء وخلاص والله ببدأ معك من جديد مثل ماطلبت ياسر ابتسم بقهر :تبدين معي من جديد الحين لا مشكوره مابي اي حياة معش وهز رأسه وقال تمنيت تطلعين من حيايتي باي طريقه بس أبد ماتمنيت بهذي النهايه وطالع أبوه الي صرخ وهو واقف قدام باب الصاله وهو يأشر عليها وش تنتظر طلعها بسرعه ورمى الشنطه بالأرض وقال هذي كل شيء لها ياسر همس لها:اوش معاد ينفع صياحش الحين وبسرعه راح للشنطه وأخذها ومسك يدي شدن وسحبها وطلعها السياره بالقوه وهي تحاول تنزل وتروح بيت أمها بس قفل الباب وبسرعه ركب وحرك السياره بسرعه جنونيه وهي تصرخ وتصيح أبد ماتوقعت هذي النهاية ...طالعت ياسر وقالت بصوت مبحوح من كثر الصراخ : ياسر تكفى سوي اي تبي فيني اضربني اذبحني بعد بس لا توديني لعمي الله يخليك ياسر بصرخه : شدن انكتمي مابي اسمع صوتش أبد وخليني اركز على الطريق من كثر المطر ماشوف شيءورفع جواله ودق على عمها بس مارد .... شدن يوم رفع جواله يدق خلاص انتهيت والله دعيت الله يقفلون الطريق من زود المطر ويمكن وقتها أقدر احصل فرصه اقنع ياسر مايردني ...انتفض جسمي يوم ضرب صوت الصواعق بقوه والمطر زاد يالله احس السماء تشاركني بعد دعيت الله يزيد ويصير اي شيء يمعنع سفري ..وبذات فرحت يوم ياسر رفع جواله يدق مره ثانيه وقال : لايكون عمش مسافر بعد مايرد اففف يارب مايرد يارب مسافر وبعد سفريته برا المملكه يارب واثق اني بقنع ياسر بس احصل فرصه تاخير بسيط الحين هو معصب وماراح ينفع حسيت بشوية أمل ..سكت شوي مابي عاد اصيح واعصبه زود ...ايه شدون تقدرين تفكين عمرش مستحيل تستسلمين لهم كذا ايه مستحيل أنا يوم طلعت من بيت عمي حلفت مارجع له ايه ماراح ارجع طالعت ياسر الي يسوق بعصبيه دعيت الله يحنن قلبه علي ...يوم المطر زاد واحسه معاد يشوف شيء قلت بخوف : ياسر وقف بنروح فيها بس عضيت شفتي يوم طنشني أكيد بيطنش يبي ينفك مني بسرعه مافيه ينتظر | ||||||||
|
| |
|
03-10-18, 01:06 AM
| #619 | ||||||||
| مراقبة عامة ومشرفة منتدى الروايات المنقولة
| { الرياض } من وقت ماغير رأيه انا ندخل الفله واتجهه للحارة القديمه ..الي ساكنه فيها أمه وانا حاطه يدي على قلبي ..خايفه يخليني بلحالي هناك ودي يرجعني شقتي ..بس هنا لا كل شيء مرعب بالنسبه لي هنا ...ومخيف بلعت ريقي يوم وقف قدام البيت قلت بخوف : ناوي تردني لذا البيت مصعب طالعني وقال وهو كأنه ماهو عاجبه كلامي :لا يكون ماهو عاجبك بيت أمي بعد ماشفتي الفله والعز هزيت رأسي وقلت : لا مو كذا لاتفهني غلط وبعدين أنت أكثر واحد تدري اني مافكر في المظاهر مصعب بسخريه ميل فمه وقال : أجل وشهوو اتحفينا مدام اصايل اصايل عزالله كدينا خير مدام كذا تغيرت نبرة صوته للسخريه لأني عارفه وراها مصيبه تصيرر طالعت البيت من برا برعب ورجعت طالعته وقلت : اخاف أجلس فيه هذا بس الي اقصده مصعب طالعها وقال:تطمني مراح تجلسي فيها بأخذ غرض منه ونطلع اصايل عضيت شفتي وانا اطالع ..البيت بخوف مابي أنزل اتذكر ..وشلون حبسني ...هنا بداية زواجنا ..مابي هذيك الذكريات ...تنعاد علي بس مابيدي حيله نزلت وراه وأنا اتلفت يمين ويسار طالعته وهو يفتح الباب دخل ودخلت وراه وأنا اقرأ المعوذات ..طالعت المكان قدامي ..تذكرت أخر لليله كان هنا لي معاه ..والحوسه والتكسير الي صار منه طالعته يوم قال:انتبهي الزجاج بكل مكان منثر همست بسخريه:بركاتك طالعته يوم صغر عيونه رفعت كتوفي وقلت يالله اشوف وشلون تنكر عضيت شفتي يوم طنشني ودخل الغرفة بلعت ريقي وانا اتذكر كرهي لهالغرفة بذات .. يارب صبرني وطلعني من هالبيت سالمة طالعته وهو معطيني ظهره..نغزني قلبي معقول بيسوي لي شيء بهالمكان المرعب ..هزيت رأسي من افكاري السودة ماهو وقتها أبد طالعته بتوتر يوم قال بسخريه وهو يطالعني :صرتي شجرة بمكانك ابتسمت بتوتر وسميت بالله ودخلت لفيت بسرعه بخوف يوم سكر الباب وجلس على ركبه يفتح الخزانه القديمه الي وراء الباب وطلع ظرف وبعدها طلع المسدس وقلبه بين يدينه وطالعني قلت بسرعه وأنا اصرخ بخوف : مصعب تعوذ من ابليس والله ماسويت شيء رفع حاجب وقال :خايفه اصايل بلعت ريقي وانا اطالع الدريشه الي مسكره حتى لو صرخت مافي حد بيسمعني هزيت رأسي بكذب وقلت وانا انتفض : طيب رجعه مكانه .... مصعب أشر لها تقرب منه وقال :خايفه اقتلك اصايل ماقدرت اتكلم بعدت شوي يوم أشر لي اقرب وشلون اقرب والمصيبه ذا بيده مصعب ابتسم بوجع وقال :حتى انت مفتكرتني مجنون وماتوثقي في تصرفاتي لهالدرجه اصايل عضيت شفتي وقلت :لا تفهم غلط بس ليه جايبني هنا ومطلع المسدس الموقف يرعب غصب مصعب مصعب ابتسم بسخريه وقال : عمرك طويل ان شاءالله لا تخافين اصايل والله مابيه يحس بخوفي بس كان غصب عني قربت منه وجلست جنبه يوم نزل المسدس وسحب من الظرف صور وجالس يطالع فيها رفع عينه لي و طالعني وهو زعلان قلبي تقطع عليه ...ليتني قويت نفسي وفكرت شوي يعني وش بيسوي فيني ...بس كذا غصب عني اخاف منه ...ويوم طلع المسدس مليون فكرة جتني والصدق للحين خايفه من جوه هذا لا يبدأ بجنونه علي ..مديت يدي وحطيتها على كتفه وهمست وأنا اطالع صورة أمه : الله يرحمها وترى قد شفتها من قبل مصعب همس : ادري وطلع صورة ثانيه وقال وهو يقلبها بين يدينه ودي أخذ كل هالصور معي للبيت بس اخاف يدين الحثاله تطولها نزلت دموعي يوم قال كذا يالله وشلون متعلق فيها لدرجة يخاف على صورها من الجوهرة قلت بحزن عليه :مصعب تدري انك توجعني يوم اشوفك بهالحاله مصعب طالعها وقال بغصه :ايه بدليل خوفك مني وصرخ بقهر وهو يقربها منه وش شايفتني بذبحك لهالدرجة ماتحسين بالأمان معي وهذا وأنا اثق فيك لدرجة مقدر احكي الي بقلبي إلا عندك اصايل قلت بسرعه وأنا امسك وجهه بين يديني وأحاول اهديه : مصعب انا ماخاف منك بس اخاف عليك لو تتعب يوم تجي هنا وتتذكر اشياء توجعك وبذات يوم أخذت المسدس خايفه تتهور وتضيع نفسك خفف مسكته لي وقال بسخريه واضحه بصوته:ايه صدقتك مره ونثر الظرف قدامي وصرخ هالاشياء ماتوجعني فاهمه هالاشياء هي الي تبسطني اصايل بخوف: طيب رجع المسدس مصعب هز رأسه وقال :لا فيه حساب مع واحد كلب لازم اصفيه وشكله جاء وقته خلاص اصايل صرخت بخوف : مصعب لاااااا مصعب بحده : انكتمي والله ي اصايل لو شفتك قايله لأحد اذبحك فاهمه اصايل بخوف : مصعب وشلون اسكت وأنا عارفه انك بتذبح واحد مصعب عض شفته غلطان يوم خلاها تجي معاه قال وهو يرجع المسدس : خلاص ارتاحي شوفي هارجعته اصايل فرحت يوم رجعه وهزيت رآسي بدون ماتكلم لأني عارفه لو تكلمت بيعصب وبيعاند ويرجع يأخذه ..طالعت الصور قدامي وهو يلمها بيرجعها بسرعه مديت يدي ورفعت صورة لفتني صاحبها فتحت عيني وانا ادقق بالملامح طالعته وقلت : هذي صورتك صح مصعب طالعها وقال بحده: ايه اصايل ابتسمت بدون شعور يالله كان عمره مايتعدى 12 سنه ومسوي فيها رجآل ابتسمت وقلت :يالله كنت نتفه وش طولك الحين مصعب ميل فمه بسخريه : مزودين لي كمية الحليب اصايل ابتسمت وضربته بالصوره : ظريف بس لا عاد تعيدها مصعب مد يده يبي يأخذ الصورة : يالله اردك البيت اصايل بسرعه خبيتها وراء ظهري وقلت : لا هذي لي وضحكت شوف وشلون شاد حيلك كان ورافع كتوفك يقال رجال وضحكت بصوت عالي مصعب رفع حاجب وقال :مره شكلي يضحك كان بعني اصايل اففف موده قلب خلاص لو ايش معاد يغيره تمسكت فيها وأنا اضمها لصدري :والله ماتأخذها هذي بحتفظ فيها عندي مصعب طنشها وقف وطلع من الغرفه اصايل دخلتها بشنطتي ومشيت وراه وانا مقهوره ..والله زعلان مني . يوم قفل باب البيت همست له: على هونك ارفق علي مصعب طالعها بقهر وأشر لها تسكت اصايل بلعت العافية من نظرته خلاص عرفت ان يومي كله تنكد ...ومحاولاتي كلها فاشله انكتم أحسن ...طلعت السياره معاه وردني البيت ...قبل أنزل مسكت يده وقلت : مصعب تكفى ماترجع تأخذ المسدس الله يخليك والله بموت من قلقي عليك ارحمني مصعب سحب يده وأشر لها تنزل بدون صوت أخذت نفس الله يصبرني بس ونزلت وهو حرك السيارة بسرعه جنونيه ..همست الله يحفظك ودخلت البيت وأنا ادعي العجير والهوانم الي معاهم مااشوفهم قدامي ..كان البيت اوس ولا حركه ...ابتسمت براحه وطلعت غرفتي ودخلت وقفلت الباب ... فكيت العبايه ومسكت الشنطه وطلعت صورة مصعب ..والله عرفته من عيونه ..بس إلا ملامحه متغيره حيل علي ...تذكرت زعله مني وبعد خايفه حيل من المسدس ..معقول بيرجع يأخذه أخذت جوالي وفتحت الواتس فرحت يوم شفته متصل بسرعه كتبت له (لاتزعل مني ) وماجبت له سيرة المسدس أبد عشان مايعصب بس فتحها وطنشني ..وباقي متصل مدري مع مين لاهي ... حطيت الجوال وأنا احس بعطش ..طلعت من غرفتي ونزلت الدرج وقفت بمكاني وأنا اسمع ابو مصعب وهو يوشوش بالجوال:بعد المغرب خلي السواق يوصلك المطار ترى كلها ملكه عائليه مايبي لها تجهيز مسبق مافي حد بيحضر وحنا ماراح نتأخر كلها يومين والملكه بعد اسبوع يمدي ترجعين ماله داعي نأجل السفر سحرر أنت اكثر وحده عارفه ليه حددت الليله نسافر مباشره عشان ماتشك فيك ولا فيني طالعني وشكله توتر ...وبنفس الوقت وده يذبحني ومين هذي الي تلحقه للمطار معقول سحر هي سوسو آه هالشايب وراه بلاوي الله أعلم فيها حاولت اتذكر اسم سوسوو يوم عرفتني بنفسها بس ناسيه مشيت للمطبخ وأنا متردده أقول لأبوه عشان المسدس الي معاه ..بس خفت منه يسوي فيني شيء يوم يدري بعدين خلاص رجعه قدامي بس وش يضمن مايرجع يأخذه ... اصايل قولي له قبل تصير مصيبه أكبر وأنت مثل العاده تتحملين مصعب وجنونه ...اهم شيء لا يقتل أحد وقتها حسره صدق ..طلعت من المطبخ ..تلفت يمين ويسار ماحصلته ... طالعت جهة غرفته قربت منها ودقيت الباب بس مافي أحد رد ...عرفت انه طلع .. جلست على الكنبه وأنا خايفه وقلقانه على مصعب معقول يسويها ويقتل ...ليت عندي رقم ابوه والله لا ادق عليه واقوله ... طلعت غرفتي ومسكت جوالي ودقيت على مصعب بس مارد ..كنت ادور بالغرفة وأنا قلقانه حدي ومية فكره تجي في بالي حطيت يدي على وجهي وأنا احس بحرارة شابه فيني رفعت رأسي وقلت يارب أنت اعلم بالي أنا فيه يارب اصرف مصعب عن كل شيء فيه اذيه له | ||||||||
|
| |
|
03-10-18, 01:07 AM
| #620 | ||||||||
| مراقبة عامة ومشرفة منتدى الروايات المنقولة
| بعد صلاة المغرب وقف .جنب محطه وجنبها مسجد وطالعها بعجز سكتت شوي ورجعت تصيح : خلاص اهجدي صياحش ذا معاد بيفيد ويالله انزلي عشان نصلي شدن مسكت بيده وصوتها مبحوح من كثر الصياح : ياسر تعبت وانا اترجاك تكفى لا تطلعني من ديرتي والله احس قلبي بيطلع من مكانه يوم عرفت اني خلاص طلعت من الجنوب تكفى رجعني وسوي الي تبيه فيني ياسر دف يدها بقساوه وقال:ماهي ديرتك من الأصل ومفروض من زمان تطلعين منها شدن بتعب :عارفه ماهي ديرتي بس تكفى ردني لأمي وبخليها تسامحني بس أنت ردني الله يخليك ياسر طالعها وقال :صدقيني روحتش ازين لش ولا مصيرش بالتراب ابوي مايثني كلمته شدن بقهر صرخت : ياويلك من ربي اتهمتني وخليت الكل يشك فيني ياسر صرخ بعصبيه :مين الي اتهم الثاني وتذكري كنت ساتر عليش وبلعت حركتش ومافي رجآل يعديها بس قلت ماعليه صغيره ماتفهم وقتها كانت خايفه مني مديت يدي لش بس مع الأسف صديتي وزدتي بحركاتش وكذبش الحين تحملي الي حصل لش ولا تعتبي وتنقدي على أحد هذا جزاش من زمان ولازم تأخذينه وتذكري شيء واحد مافي حد يبيش بينا خلاص انتهى شدن قاطعته بقهر وهي تصيح :حرام والله تقارني كذبتي بالي سويته فيني وعارفه كلكم تكرهوني بس أمي تحبني ياسر طالعها وقال : ماقدرتي حب امش لش لا قهرتيها المسكينه وفتح الباب وقال والحين بصلي وبشوف لش المكان عشان تنزلي تصلي بعدي شدن عرفت انه مستحيل يسمع منها خلاص طالعت قدامها الطريق مقطعه ويخوف ...ماغير هالمحطه قدامهم وكل شيء ظلام وراها كان ... وشلون تقدر تروح للعذاب بعمرها تذكرت وش كان تسوي مرة عمها وجدتها ..تذكرت صراخهم عليها وعذابهم لها قفلت على اذونها وهي تصرخ يمه ليه ليه ارخصتيني كذا شافته جاي وياشر لها تنزل ..نزلت ياسر قرب منها وقال :ادخلي صلي وانا انتظرش هنا لا تخافين شدن همست وأنا اصيح : خوفي ماهو من هالمكان خوفي من الي رايحه له ياسر أشر لي مايبيني أكمل عضيت شفتي و دخلت توضت وصليت وأنا احس رجولي تضرب في بعض من كثر الخوف ايه خايفه وخايفه من كل شيء من المكان ومن المصير الي رايحه له برجولي طلعت وطالعته وهو مسند عمره على الجدار ينتظرني طالعني وقال :صليتي هزيت رأسي وقلت : ياسر عند بيت الله اطلبك ماتردني ياسر قرب منها ومسك يدها وقال وهو يمشيها للسياره :معاد ينفع ي شدن خلاص حتى لو سامحتش أنا أهلي وجماعتي ماراح يسامحونش افهمي ي بنت الناس معاد لش رجعه لهالديرة شدن صحت يوم ردني ..أول ماحرك السياره قلت بسرعه: طيب ردني لأمي بمصر بس لا ترجعني لعمي ياسر طالعها وهو مصدوم :عمش يردش لها هو ولي أمرش الحين أنا خلاص كلها ايام وتوصلش ورقة طلاقش شدن مسكت يده وانا اترجاه لأخر مره : تكفى قبل تطلقني سفرني مصر ياسر سحب يده وقال :شدن ليت تعزين نفسش وتسكتين لأني والله معاد فيني صبر عليش وبعد مابي اسمع عاد تصحين طفشت خلاص من وقت ماطلعنا وأنا متحملش ارحميني شوي يكفي الي سويته فيني وخليتي أبوي يمد يده علي وأنا مظلوم شدن كتمت صياحي ..وأنا مستسلمه للي بيصير لي ..خلاص لازم ارضى بمصيري ليتني ماتهورت ليتني مديت يدي له يوم مد يده لي ..آه عارفه ان ليت معاد راح تنفع قفلت عيوني ..وأنا اتمنى اسكرها معاد افتحها إلا أنا بحضن أمي ...وينتهي هالكابوس كله طالعت ياسر يوم قرب شوي من المحطه ونزل أخذ اغراض ورجع وقال وهو يناولني عصير : خذي شدن طالعت يده وقلت بغصه : مابي ياسر حط قدامها الأغراض وقال :وقت ماتبين خذي لش ماردت عليه ..زفر براحه ..ماتوقع تسكت ..يحس براحه انه أخيراً انفك منها بس بنفس الوقت يحس بتأنيب الضمير انه فتن عليها ...بس هي الي حدته ..على هالشيء ياما اعطاها فرص ..وتوقع لو يلين معاها يمكن تريحه شوي ..بس لا ابتلت عليه والله العالم لو سكت عنها ومشى كذبتها مثل كل مره مايدري وش يطلع منها بعدين أفضل شيء فعلاً ترجع لأهلها ..وكاد يعرفون يربونها أفضل من عمته ...الي من دلالها لها افسدتها وخلت كل تصرفاتها تهور في تهور تذكر عمها هذا بعد مايرد دق عليه وزفر براحه يوم رد عليه : هلا والله طالعها وقال : هلابك وشلونك وش مسوي هههههه اي مره وحشتها تقول وحنا الحين :بخير والله نسأل عنكم وعدت شدن بزيارة ابتسم بضيق : ماعليه شدن بنفسها جايه لك زيارة بنت أخيك صامله إلاتجي يمك وحلفت علي إلا اوديها : انا افد خشمها والله بنت أخي الواصله إلا اعطني هي بسلم عليها قال بسرعه : نايمه الحين خاف يعطيها تفضح الدنيا بصاحيها قفل عيونه بصبر نشب له هذا : نوم العافيه إلا كم باقي وتوصلون طالع الساعة وقال : والله ي طويل العمر ان شاءالله حول ثلاث ساعات ونوصل : يالله حنا بنتظاركم بحفظ الله شدن طالعت وهي تصيح : ليه تكذب عليه وتقول ابي ازوه ليه ماقلت له انكم طردوتني ياسر طالعها ورجع طالع الطريق وقال : لمصحتش شدن طالعت الدريشه : لمصحلتي ترموني بالنار والله ماسامحكم كلكم ياسر : كلي لش شيء واسكتي شدن بقهر رميت كيس الأغراض : مابي شيء ياسر بعصبيه : شدن وبعدين @ @ @ {الجنوب } نور من وقت ماطلعت شدن وهي تصيح ماتتخيل حياتها بدونها ...طالعت أختها حور الي قالت : اففف ماعجزتني أنت من العصر وانتي مسويه مناحه خلاص حشرة وتقلعت من البيت نور حقدت عليها ... وقالت بقهر:لهالدرجة ماعندش قلب حور بقهر: نور شدن كان من اول لازم تطلع من حياتنا لا تنسين وش سواتها فينا فاضحتنا بكل مكان والحين سمعتي أمي وش قالت اتهمت ياسر بالكذب بس ربي حطها بوجهاا وياسر فضحها قدام الكل لدرجة عمتي نوفه طردتها نور بقهر: انكتمي لا تسمعش عمتي ترى بالعافيه ابوي جابها من بيتها خايف عليها حور رفعت حاجب :مايهمني ماقوت عودها إلا هي نور : حرام والله حالتها تحزن ماغير تصيح وأبوي حالف شدن ماترجع حور رجعت طالعت الجوال :لو أنا مكانها برقص من فرحتي ان الله فكني من بنت مثلها وأبوي معاه حق بكل شيء سواه نور طنشتها وطلعت قربت من عمتها نوفه وقالت بهمس :عمه اسوي لش شيء تأكلينه نوفه طالعتها بحزن وقالت : إلا يمه بروح بيتي ابو ياسر وهو يحلف عليها : والله الليله تباتين هنا ماراح اخليش ترجعين بيتش وهذي حالتش نوفه طالعته وقالت بحزن:وش بيصير لي أكثر من الي صار ابو ياسر عض شفته وطالع حرمته ورجع طالعها وقال :عارف وجعش ي نوفه بس صدقيني جلوسها بينا بيوجعنا كلنا نوفه رفعت يدها وهي تبيه يسكت : خلاص ي مبارك من وقت ماشدن طلعت من هالباب عرفت مصيرها مثل النايفه معاد بشوف زولها والحين معاد ينفع الحكي ابو ياسر بحده:والله الي يسوي سواتهم يستاهل نوفه مسكت رأسها :تكفى ي مبارك لا تزيدها علي خلني ارجع بيتي الحين وماعلي شيء ان شاءالله وقفت وقالت خلاص الي يحبني اسم شدن معاد ينذكر قدامي ابو ياسر : خلاص ي نور روحي مع عمتش الليله باتي نوفه بسرعه قالت: ماعلي خلاف تطمن واعطاتهم ظهرها وطلعت وهي تمسح دموعها الي رافضه توقف ...دخلت البيت وجلست قريب من الباب وقالت وهي تصيح :حياتي انتهت ي بعد قلبي بعد ماطلعتي منها ي حبيبة امش والله مالي عيشه بدونش بس القوي الي حكم وقبلها حكمتي على عمرش ي بعد قلبي رحتي ي شدن مثل ماراحت النايفه .... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
.png)
العرض العادي
