14-10-18, 11:35 PM
| #652 | ||||||||
| مراقبة عامة ومشرفة منتدى الروايات المنقولة  
|  سبحان الله واستغفرالله والحمدلله اللهم صل وسلم على نبينا محمد "صلو عليه " =========== ==== == { 38 } ===== == = صرخ وهو مفزوع :بسم الله الرحمن الرحيم يبه علامش يبه تسمعيني .. طالع زوجته وقال وهو يحمل شدن قولي لخالد يجيبك المستشفى وركض بسرعه وركبها السياره وركب وحرك وهو مفزوع من اول وهو مستغرب من هالزيارة المفأجاة ..والحين بعد طيحتها ذي تأكد انه صاير لها شيء لف رأسه وطالعها شافها مثل ماهي لا تحركت ولا شيء أول ماوقف قدام المستشفى حس بصياحها طالعها وهو فرحان انها فاقت ...بس أبد ماهي معاه تهذي بكلام ماهو فاهمه بس الي فهمه منها وهي تهذي اناااا مظلومه يمه ...وابي امي ..... ياسر تكفى ردني شك انه فيه شيء كبير حصل لها ..وجيتها هذي وراها مصيبه ..تذكر الأتصال ..الي جاه قبل يزوجها ..تعوذ من إبليس وهو يطرد هالأفكار عنه ونزل ... ========= ==== == اليوم الثاني {الرياض } """ حسيت بهمسه فوق رأسي :يالغبيه وش منومكم هنا فتحت عيوني وطالعته وكشرت بزعل يعني الحين مايدري ليه نايمه هنا سحبت المخده من تحت رأسي وحطيتها على وجهي مابي اشوفه قدامي بس سحبها مني وقال بضحكه: افااا لهادرجة ماهو حابه غرفتي ومستمتعه بالنومه هناا بزعل ترى عضيت شفتي بقهر وقلت : مصعب فارق عني وخلني أكمل نومي مصعب : اوكيه كملي نومتك بس اطلعي الغرفه فضحتينا والله وهو يتلفت يدور الخدم ولا الحيه بعد ماهو ناقص كلام منها وبضحكه وهو يطالع ساعته معاك وقت تنامين على بال ماطلع من الدوام قاطعته اصايل بقهر وهي تجلس معصبه : ايه بعدها تطردني يوم ترجع هذا قصدك صح مصعب ابتسم بستفزاز:لو قصرتي لسانك مافي احد يطردك بس لو طولتيه هالمره ماتنامين بالصاله بحوش البيت اصايل حسيت بزعل صدق لهالدرجة بنظره مذلوله رفعت يدي وقلت : تسهل وغرفتك معاد داخلتها وقول اصايل ماقالت مصعب رفع حاجب : ي شيخه هياطي على قدك اصايل بقهر : مصعب ماهو قلت عندك دوام خلاص فارق مصعب ابتسم وجلس مقابلها وقال :طيب قومي افطري معي بكلم الخدامه تجهز لنا فطور اصايل طالعته وأنا ودي اذبحه من تقلب مزاجه وشخصيته رجعت تمددت وقلت بقهر : مابي أفطر معك مصعب :اف ماعرفتك زعول كذا اصايل مارديت عليه قفلت عيوني ادور النوم الي طيره من القهر الي سببه لي وبعد من شوفة الجوهرة يوم طلعت من غرفتها همست بقهر كملت والله .. بس فتحت عيوني ... على صوتها وهي تقول بسخريه واضحه :ماشاءالله زوجتك ي مصعب قالبه لي الصاله غرفة نوم لها مصعب رفع حاجب وقال :حلالها البيت كله لها وين ماتحب تنام عندك شيء الجوهرة بعصبيه :لا لا ماهو حلالها البيت هذا له قوانين فاهم المكان هذا ماهو للنوم ورفعت يدها تأشر لفوق الغرف وش كثرها بالدرور الثاني يعني ماحلت لها تمدد غير هنا قدام الرايح والجاي مصعب بعصبيه :قلت لك مالك دخل تنام ولا تجلس بالمكان الي تحبه واشوف كيف تقدرين تفتحي فمك عليها والبيت بيتها ومافي أخد غريب غيرك الجوهرة ميلت فمها بقهر وقالت:بس ماهي حلوة أبد ترى مصعب صرخ بقهر : قلنا خلاص انكتمي الجوهرة جلست وهي معصبه والله لا تبرد قلبها اصايل زفرت بقهر يالله لمتى بتتحمل الحين بدأ مشوار مصعب والزفته ذي ..بس شوفوا الخبيثه كيف قلبت السالفه وقالت :اوه قبل انسى ترى معزوم على ملكة عناد الاسبوع الجاي حسيت قلبي بيوقف من الخوف ..يوم قالت كذا الحين ذا بيجن طالعت مصعب بسرعه بس انصدمت من رده يوم قال : ماشاءالله بالبركه آه أخذت نفس براحه الحمدلله يارب هجده واهده يارب الجوهرة عضت شفتها بقهر :الله يبارك فيك مصعب صغر عيونه وقال:إلا ليه بيأخذ على بنت عمي وحده ثانيه وهي توها ماكملت معه حتى السنه الجوهرة بخبث ابتسمت ايوه كذا الحين تبدأ تستفزه طالعت اصايل وقالت :مصعب مفروض أنت أخر واحد تسأل هالسؤال ولا ناسي وشلون سحبت عليها بليلة ملكتها مصعب طنشها ورفع يده يطالع ساعته كملت بخبث وقالت : وبعد مارتاح معاها او يمكن ماحبها مثل حالتك ولا نسيت أنت بعد كنت تبي تتزوج اصايل لا لا لا لا شوفو الخبيثه وشلون قلبتها علينا طالعت مصعب وأنا انتظر يقوم يكفخها ولا يرد عليها برد يبرد قلبي ..بس الخايس ابتسم وطالعني وقال بكل برود :أجل معاه حق حسيت الدنيا سوت بوجهي من كثر عصبيتي بدون حس صرخت :معاه حق أجل والله مافي حد متحملك ولا راح يتحملك مثلي والحين الخايسه هذي ترمي علي كلام بدل ماتوقف بوجهاا وتدافع عني تقول معاه حق هذا أخرت صبري يعني الجوهرة بقهر : مافي حد خايس غيرك احترمي نفسك واحمدي ربك ومصعب متحملك إلا هالعز كله ماشفتيه إلا معاه إلا عند أبوك وراك الويل القرويه اصايل صرخت بقهر : قرويه وأفتخر فاهمه وانكتمي أحسن لتس لأني أبد ماهو فاضيه لتس وطالعت مصعب الي يطالعني بدون مايتكلم بس وقف وقرب مني وقال :برفوو اعطيتيها طبق من ذهب احيك صراحه واعطاني ظهره وطلع وهو معصب الجوهرة بعد ماطلع مصعب ابتسمت بسفزاز وحطت رجل على رجل وقالت : ي حرام ليه تعطيه في الوجهه كذا هو صدق معاك حق مافي أحد يتحمله بس ماهو كذا تصدميه في طريقه احلى لدرجة عور قلبي وقمت ضدك وأنا أكثر وحده عارفه ان معك حق اصايل عضيت شفتي بقهر ي ناس اذبحها قلت بقهر : يعني مكفاتس الي جاتس مني ي العجيز الجوهرة بقهر:لو فيك خير قربي وشوفي وش يحصل لك والله هالمرة ماسكت عنك اصايل والله فيني امردغها بس خايفه على ضناي با يصير له شيء هذاك اليوم كنت بموت من الم ظهري وجلست ادعي الله يعديها على خير قلت وأنا أحاول امسك نفسي : مابي اوسخ يدي فيتس زود إلا كان عرفتس قدرتس واعطيتها ظهري وطلعت الدرج وانا معصبه ..قربت من غرفة مصعب بس ترددت ادخل ..بسرعه ابتعدت ودخلت الغرفه الي جنبها ..فتحها كانت فاضيه ما غير سرير صغير مركون بالزاويه وشكله قديم حيل ...استغربت فخامة البيت وهالغرفه كذا حالها ..وبعد ..كئيبة حدها حسيت بخوف منها ..بس ماعندي غيرها اجلس فيها ..غرفة مصعب ماراح ادخلها بعد الي سمعته منه والغرفه الثانيه طبعاً محظورة مدام لولد الجوهرة كانت ...طلعت من الغرفه وقفت عند بدايه الدرج وانا انادي الخدامه ابيها تنظفها لي وبجلس فيها ..لما انقلع من هالبيت ومن حياة مصعب ...شفتها جايه أشرت لها تلحقني بس حسيتها مصدومه يوم دخلت ورايه الغرفه وقالت بسرعه :هذي وسكتت عقدت حواجي بفضول وقلت :وش فيها وقلت بخوف يوم شفت وجها مخطوف لا يكون مسكونه بس الخدامه هزت رأسها وقالت بحزن:هذي ماما هنا سجن لا لا هذي تخربط وش تقول قلت بستفسار : مين ماما وايش سجن ذا بعد بس حسيتها مرتبكه طالعت الباب وقربت مني وقالت بهمس ماتبي أحد يسمعها :هذا كان بابا صقر هنا يسجن ماما حسيت بصدمه وقلت : مين مامت مصعب قصدك هزت رأسها بدون صوت طالعت الغرفه بحزن وهمست يسجنها هنا بذا المكان وانا اتلفت بخوف هزت راسها وقالت:يوم يبدأ حالة جنون وصراخ يجي هنا غرفه عشان مايطلع برا هزيت رأسي وقلت ياناس ي عالم ماهو قلت لكم مصيري مثلها ...والحين بعد بجلس بالغرفة الي يحبسونها فيها ..طالعتها يوم قالت بابا مصعب بعد موت ماما جلس هنا تعبان بلعت ريقي ..بخوف وقلق ..ياربي احسن شيء اطلع من الغرفه هذي واريح نفسي لأني خايفه من رد فعل مصعب ..يوم يشوفني جالسه فيها قلت لها :طيب فيه غرفه مفروشه هنا غير غرفة ولد الجوهرة هزت رأسها وقالت : كله باقي غرف فاضي مافي ماما جوهرة تقول تجيب بيبي يسوي اثاث كشرت بقهر الله يقلعها عجوز قريح باقي تفكر تجيب بيبي ..عشان تحط اثاث قويت نفسي وقلت :تمام أجل ياللا ننظف هذي الغرفه وبس حسيتها متردده وقالت وهي تحذرني : بابا مصعب قاطعتها وقلت وأنا اطالع السرير المرعب ماعلي فيه وخليه يتذكر وش صار لامه يمكن يرفق بحالي بس حسيت بخوف وتردد ..طالعتها وقلت يالله نروح نرتب غرفه ثانية ..من الغرف الفاضيه ابتسمت لي وهزت رأسها وطلعت وهي تأشر لي الحقها ...مشيت وراها ودخلت الغرفه الي كانت اول حده على يدي اليمين ودخلت بعدها طالعت العرفه كانت ..فعلاً فاضيه من اي قطعة اثاث ..ميلت فمي بقهر وشلون بنام الحين فكرت اجيب الكنبه الي بغرفة مصعب أشرت لها تلحقني ..فتحت غرفة مصعب وقلت لها روحي نادي وحده ثانيه معتس عشان تشلينها بس ردت بحماس : مافي مشكله انا اشيل ابتسمت لها وساعدتها شوي وهي تجرها وطالعت مفرش السرير بعناد سحبته وأخذت بعد مخدته ..واخذت شاحن وطالعت شاشة البلازما وفكرت بخبث حتى انتِ بعد بأخذتس ونشوف وش يطلع معك ي مصعب ..بسرعه جمعت مكياجي واغراضي الشخصيه كلها وطلعت المهم رتبت الغرفه بالي اقدر عليه ..طالعتها وهي تشتغل بحماس ي قلبي عليها احبها هالميري افضل الخدم في هالبيت قربت من الباب ماشفت فيه مفتاح طالعتها وقلت لها :جيبي مفتاح الغرفة هذي ضروري والحين روحي قولي لوحده تجي تساعدني عشان نجر طاولة البلازما حسيتها انصدمت أشرت لها : يلاااا يلااا ميري مافي وقت شوي ويرجع مصعب هزت راسها وبسرعه طلعت وفعلاً سوت مثل ماطلبت منها وبعد لحقت بالتسريحة هو رجال وش يستفيد منها .. طالعت الغرفه حسيتها شبهه فاضيه ابتسمت بخبث والله لو اقدر لا اشيل هالسرير والدولاب بعد بس هين مصيري اشيله واخليك تجلس كذا أجل أنا اجلس على البلاط وأنت مريح ي ولد النايفه .. بسرعه أخذت ملابسي كلها وطلعت من الغرفة وقلت وانا اقفل الباب : انبسط سيد مصعب بغرفتك ورحت لغرفتي الجديده وشكرت ميري قبل تطلع جلست على الكنبه وأنا أفكر بالغرفة الي كان تنحبس فيها .. ام مصعب على قول ميري .. معقول ابو مصعب كذا قاسي لدرجة يحبسها حسيت بخوف من مصيري ..بهالبيت ...وبعد قلبي يتقطع عليها وشلون يحبسها تسذا بدون رحمه تمددت وأنا احس بتعب من المجهود الي بذلته ...ابتسمت بخبث وأنا اتخيل شكل مصعب يوم يرجع ويشوف غرفته شبه فاضيه .. خليه يتأدب ويثمن كلامه والقهر وين الزعل له وأنا في ستين داهيه ...طالعت الباب بقهر اخخ ميري ماجابت لي المفتاح بريح شوي وبنزل أخذه منها | ||||||||
|  |
|
14-10-18, 11:37 PM
| #653 | ||||||||
| مراقبة عامة ومشرفة منتدى الروايات المنقولة
| فتحت عيوني ..وتلفت يمين ويسار وأنا اتذكر ياسر رماني لعمي ..وبعدها ماحسيت بنفسي ماشفت أحد بالغرفه ... جلست على السرير وأنا اصيح ..صرت وحيده فعلاً ..رجعت تمددت وأنا احس جسمي يرجف ..وبعد دموعي رافضه توقف ..قفلت عيوني ..وأنا انادي أمي مابي شيء غير أني ارجع لها ..فزيت بخوف يوم الباب انفتح ودخلت منه الممرضه وقربت مني وهي تأخذ ابرة المغذي من يدي وبعدها قالت : مدام ابعدنا عنك المغذي لازم تأكلين صار لك هبوط من الجوع بلعت ريقي بخوف وهزيت رأسي برفض .. : لا مو من الجوع بس أبي أمي حسيتها طالعتني بصدمه وقالت وهي تستفسر : أمك وينها طيب وسكتت وهي تقول او اسفه قلت بسرعه : بسم الله عليها الله يعطيها طولة العمر بس بعيده عني وزعلانه مني الله يخلش ساعديني ارجع لها حسيتها تطالعني وهي ماهي فاهمه علي حطت يدها على كتفي وقالت برسلك أكل وبعد شوي والدكتور ويمر عليك ويشوف صحتك مسكت بيدها وقلت : تقدرين تساعديني ارجع لها تكفين قبل عمي يرجع الله يخليش حسيتها خافت مني وسحبت يدها وطلعت وقفلت الباب .. صحت بقهر ..مافي أحد فاهمني تفتكرني مجنونه وفعلاً بنجن بدون أمي ..فكرت اشرد من المستشفى واحجز لنفسي وارجع الجنوب ديرتي هزيت رأسي وانا منهاره وشلون ي شدن تقدرين تسوي هالشيء لحالش يعني مايكفي الي صارلش قبل ..كلها دقائق .. وجابوو لي أكل ..بس أبد ماحط فمي وشوي ورجعت الممرضه الي من توو وقالت :الدكتور بيجي يشوفك جلست ولبست طرحتي ونقابي الي مركونه على الدرج .. الي جنب السرير حسيت الدنيا تدور فيني رجعت تمددت ..وغطيت جسمي بالمفرش ..شفت الممرضه وهي تأشر لي يعني خلاص هزيت رأسي بدون ماتكلم وكلها ثواني وشفت الدكتور داخل علي وقال : كيفك دحين بلعت ريقي وقلت :بخير هز رأسه وقال وهو يطالع الملف ورجع طالع صينية الأكل :تبين تطلعي من هنا لازم تأكلي يقولون انك رافضه الأكل صديت وانا مخنوقه ياناس ياعالم هذولا وشلون يفهمون أنا مابي أكل ولا أبي شيء غير أمي نوفه عضيت شفتي بدون مارد لأني لو تكلمت بصيح ومابي افضح عمري قدامه ... طالعته يوم قال :طيب ليه خايفه ي شدن الممرضه تقول انك خايفه وتهذين بكلام ممكن تشرحين لي وش صار معاك وايش الي خلاك تنهاري وتتعبني كذا آه وش أقوله فيني خوف واحس بوحده وغربه ...صديت بدون ماتكلم بس رجع يسأل :طيب الدوار خف عليك شدن رجعت طالعته وقلت : مافيني شيء بس بطلع من هنا عشان برجع وسكتت مقدرت أكمل حسيته يترجاني بعيونه أكمل بس مافيني اخاف اقول شيء يفتكروني اهذي مثل ماقال قبل وبعد أخاف فعلاً يكتب لي خروج وارح بيت عمي وأنا عندي أجلس بالمستشفى ولا اروح لبيت عمي قفلت عيوني وأنا اتخيل مرته .. ايه أفضل شيء أسكت وأكلم ياسر هو الي بينقذني .... طالع الممرضه ورجع طالعها بشفقه وقال :طيب على راحتك بس ماوصيك لازم تأكلين شيء عشان نكتب لك خروج وطلع والممرضه طلعت وراه جلست وسحبت شنطة اليد ..ادور جوالي بسرعه أخذته بس عضيت شفتي بقهر يوم شفته مقفل أكيد فضي شحنه ...وقفت ولبست العبايه ..بطلع ادور لي شاحن ...بس شفت عمي جاي ولده خالد شايل اغراض بيده ومعاه وحده متغطيه ودي اشرد منهم ..مابي شيء منهم بس وقفت مكاني وطالعتهم بخوف وتوتر يوم قال عمي :علامك يبه طالعه من الغرفه بلعت ريقي ورفعت الجوال وقلت :ابي شاحن قال بأسف وهو يمسكها من يدها ويدخلها الغرفه وقال :والله الغلط مني ماشيكت على جوالك قبل اطلع وقلت مدام انك نايمه بروح البيت ارتاح شوي واجيب بنت عمك تجلس معك لما يكتبون لك خروج شدن طالعت بنته وأنا اتذكر وشلون كانت تخبر علي أمها وبعدها أخذ عقاب حق سنه ..مسحيل انسى سواتها فيني الحقيره .. بلعت ريقي وأنا ودي أقوله تكفى لا تجلس أنت ولا بنتك بس خايفه يزعل وهالشيء ماهو في صالحي آه يمه وينش كنت أقول الكلمه ولا أفكربالي قدامي لأني عارفه وراي سند بس الحين يمكن يصفقني مثل ماكان يسوي يوم تحرشه مرته .. ابو خالد طالع بنته : قربي وسلمي على بنت عمك قربت وسلمت علي بدون نفس ..طالعت عمي يوم قال : والله فرحت بجيتك بس سبحان الله مدري وش صار لك فجأة شدن يالله وش أقوله الحين بس انصدمت حدي يوم قاله ولده خالد :أول مره اشوف أحد يزور أحد من اقاربه ويطب مغمي عليه يبه وراها بلى هالزيارة مثل ماقلت من شوي كان نفسي اتفل بوجهه واقوله ي قليل المرجله وش دخلك للغرفه وأنت مو محرم علي ..تذكرت غيرة ياسر .. وجنونه ..ي ترى لو شافه بينجن وبيعصب مثل العاده ولاخلاص معاد شيء يلزمه فيني ابو خالد طالع ولده وقال:الله العالم وش مسوين فيها ورموها كذا وطالعها وقال مصيري اعرف بس الحين ابيك ترتاحي شدن كان ودي اصرخ واقوله لاتظلمونهم عزوني أحسن منكم بس ..أنا الي جنيت على عمري ماحسبت نهايتي على يدي بتكون .. طالعت بنته يوم زفرت وهي متملله : بابا ليه اجلس عندها وهي مافيها غير العافيه شوف بعينك خليهم يكتبون لنا خروج ونطلع احس بضيقه من جووو الغرفه من دحين وشلون بتحمل افف وبعد تدري اليوم جمعة صديقاتي عضيت شفتي بقهر ..ليت فيني قوه بس اقدر ارد عليش برد يسكتش ي الخايسه ابو خالد طالع الغرفه : والله من حقك يبه المستشفى كله يجيب الضيق بس وش نسوي لازم تصبرين عشان بنت عمك شدن حلوو هذي بدايتها ..يالله ي شدن الجاي اقوى واقوى بلعت الغصه وقلت:مافيني شيء ي عم خليها تروح معاك ابو خالد : طيب مدام تحسين نفسك بخير الحين بطلع اكلم الاستقبال يكتبون لك خروج شدن قلت بصرخه : لااااااا حسيته طالعني وصغر عيونه بشك قلت بتلعثم : اقصد بعدني تعبانه بس انقهرت يوم ولده قاطعني وهو متملل :ايه مره تعبانه واضح عليك بعد لسانك وش طولها يبه أنا بطلع اخليهم يكتبون لها خروج مافيها إلا العافية ولا السالفه تعب على الفاضي يقال حنا فاضين لها صفاء بسخريه : مدري عن بنت عمك يقال مافيه إلاهي عشان ننشغل فيها ابو خالد وهو عينه منها قال :روح يبه وخلهم يكتبون لها خروج وبالبيت راح افهم منها وش صار معاها بالضبط شدن حسيت بدموعي تنزل ..مابي اروح والله بنتهي عندهم عارفه إذا ذي بدايتها وش نهايتها ...وبعترض مابي اطلع لو بطلع بروح لأمي مابي اروح بيتهم ..تذكرت تحذير ياسر لي ..اني ماتكلم ..طالعت عمي والله لو تبطي ماتأخذ مني كلمه ... | ||||||||
|
| |
|
14-10-18, 11:39 PM
| #654 | ||||||||
| مراقبة عامة ومشرفة منتدى الروايات المنقولة
| {الجنوب } قفلت بعد ماطمنها انه قريب صار وشوي ويوصل ان شاءالله .قالت وهي تطالع حور الي طلعت من المطبخ : يمه الغداء جاهز مابقي وقت واخوش يقول يوصل حور : غريبه تأخر كذا ولا يكون العله مسكت فيها ام ياسر : لا يقول ريح له كم ساعه حور جلست مقابله امها وهي تزفر براحه خلاص اخيراً انفكينا من هالشدن شافت أمها نزلت رأسها متضايقه وقفت وجلست جنبها وقالت وهي حاطه يدها على كتفها : يمه يجعلني قبلش ليه متضايقه خلاص بلى وانتهينا منه ام ياسر طالعت بنتها وقالت بضيق :والله ان صوته متضايق حده الله يسامح نوفه وابوش ياما قلت اني مابيها من قبل حق ياسر ولدي واعرفه ماتليق به الي مثل شدن وهو ي عمري تحمل فوق طاقته حور :خلاص الحين نشوف الي تليق به ولا يهمش وزفرت بقهر :بس قولي يمه الله يعتق ياسر من عمتي نوفه وماتجلس تحن عليه عشان يردها تعرفينها لزقة عنزروت ام ياسر طالعتها وقالت بثقه:شدن مالها عاد دخله لهالبيت مثل ماصار في النايفه خلاص ونوفه عارفه أخوها ...مستحيل عاد تطلب منه يرد شدن وترى بعد نوفه بنفسها ماهي بعيده عن ابوش مدام زعلت عليها خلاص اسمها اتمسح مثل مامسحت الي من دمها ولحمها ...وشلون شدن وسكتت وهي تشوفه داخل عليهم رد السلام وسلم عليهم قال بتعب :لو ينفجر هالبيت لاحد يصحيني ام ياسر وقفت معترضه طريقه : يمه حبيبي الأكل جاهز كل وبعدها نام على راحتك ياسر بضيق :مابي شيء يمه الله يعافيش بس ابي انام ام ياسر هزت رأسها وطالعت حور الي قالت بعد مادخل غرفته :الحين ذا من جده زعلان على فراق شدن توقعت يجي وهو يرقص من زود فرحته ام ياسر جلست بقهر وقالت :والله اني كنت حاسه بدأ يتعلق فيها والحين لو ماطلعته من طوره مكان فضحها وتحلصينه الحين ندمان حده بس معاد يقدر يسوي شيء مدام ابوش تدخل والحين همه انه يبعدها عشان ماتتأذى من ابوش ماهو عشان ينفك منها حور بقهر : متعلق في شدون افف على ذوق ولدش يمه وش شاف منها عشان يتعلق فيها مافيها شيء ام ياسر بحسره : تعرفينه اخوش تذكرين وشلون عفاف كان مدلعها وهي بعد ماهي في جمال شدن شدن بصدمه : يمه حتى لو شدن أجمل من عفاف بس ابد مفروض ما تقارني بينهم حرام عليش هذيش عقل ورزانه وفلوس وقدرت تكسب ياسر حتى وهي أكبر منه بكثير بس ابوها واخوها نكدو عليهم وخربووا حياتهم مع بعض بس شدن يمه مافيها شيء غير جمال خربته باخلاقها ام ياسر بقهر :بنطرش انتِ هالحكي بس ولدي والله انه يبيها واذكرش حور وقفت وهي مقهوره وتسب في شدن الحين النتفه هذيك الي مافيها شيء حلوو تفر عقل ياسر كذا الله يأخذها ماهو خلاصين منها لا بعيده ولا قريبه ========= === ياسر أخذ شور بارد ..وبعدها رمي نفسه على السرير ..وحط يده على رأسه وهو يطالع السقف ..ويفكر وشلون حالها لو يموت ماينسى رجفتها وهو ماسكها ونظرتها له ماتبيه يروح ..طول الطريق وهو يفكر يرجع يأخذها ..بس خلاص عرف مصيره ومصيرها مدام السالفه كذا كبرت ..عارف انه هو السبب انه فضحها ..بس طلعته عن طوره ..وخاف بعد مدام اخترعت كذبة الحرق ..يمكن تسوي شيء أكبر وتورطه ..عض شفته وهو مقهور من نفسه طول عمره يحلم انه ينفك من هالبنت ..من يوم هي صغيره وهو ماهو طايقها ..وطول عمره يتهاوش مع عمته عشانها ..وياما ضرب خواته عشانها ودخلت حياته بالقوه ..وصارت على ذمته وكره عمره وكره حياته كلها ..والحين زعلان ليه طلعت منها آه مايدري وش الاحساس الي يحسه مهما حاول يفرح انه تخلص منها ..فيه شيء يوجعه عليها ..زفر بضيق وجلس وطالع الغرفه تذكر حركاتها الغبيه ابتسم بدون شعور ..هز رأسه وهو يحاول يطلعها من باله افف شدن خلاص رجع تمدد ..وهو يدور النوم ..الي رافض يجيه تقلب يمين ويسار ..وهو يفكر وشلون يقابل عمته نوفه بعد الي صار ..وبعد شدن رافضه تروح من باله يحس انها ماهي بخير ..ومستحيل تتقبل العيشه معاهم ..رمى المخده بقهر وهو يصرخ : خلاصصص شدون حتى وانتِ بعيده ماهو مرتاح ..طالع جواله فكر يدق عليها يمكن يرتاح ..بعدها يوم يعرف وش صار عليها ..بس فكر وش نهاية ذا كله ..أكيد بيرجع يعلقها وتتأمل انها ترجع وهو عارف مصيرهم مع بعض ... افضل شيء يطلع يجلس مع أمه وكاد شوي ينسى ..طلع من الغرفه شافهم يتقهووون قرب من أبوه وسلم عليه وطالع أمه يوم قالت:فديتك تبيني احط لك غداء تونا رفعناه هز رأسه بلااا وجلس وهو يأخذ كاس الشاي طالع أبوه يوم قال بحده: أمك تقول انك زعلان والحين تأكدت بنفسي يوم شفت حالتك لا يكون زعلان عليها الي ماتسمى ياسر ندم انه طلع من غرفته هز رأسه وقال بضيق : لايبه بس كنت تعبان من مشوار الطريق شوي وبعدين أكلت بالطريق وطالع أمه لا تقلقين علي مافيني إلا العافيه ابو ياسر صغر عيونه وقال :قولي بس طلقتها وقلت لعمها حتى زياره معاد يجيبها لنوفه ولا ذبحته وذبحتها ياسر اخذ نفس وهو يدعي الله يصبره : لا يبه ماطلقتها وعمها مايدري بشي وقال بتحذير تكفى يبه لو دق عليك ماتقوله بالسالفه بس قوله خلاص نوفه تعبت والبنت مفروض انت الي تراعيها وهي ولدي مافي نصيب بينهم تكفى يبه ماتقوله شيء مابي شدن تتأذى وقف وسلم فوق رأسه طلبتك يبه ماتردني ابو ياسر بعصبيه دفه عنه وقال بصرخه :ماتبيها تتأذى بعد وشهوو بعد ماكان بتشوهه سمعتك ي الفاهي آه والله لو ماخوفي من ربي لا افضي بها الرشاش قليلة الخاتمه واحفر قبرها بيدي من متى حنا عندنا بنات يشردون من رجاجيلهم ياسر بقهر : خلاص يبه راحت بخيرها وبشرها ويبه صدقني ماسوت كذا إلا من خوفها مني وقتها انا قسيت عليها إلا شدن مستحيل تسوي شيء مثل ماتفتكر ولو اني ماهو واثق منها ماخليتها هالمدة على ذمتي ابو ياسر بصدمه وهو يطالع حرمته :تسمعين الي اسمعه بعده يدافع عنها ام ياسر قربت منه وهي تهدي عليه : ماعليه ي مبار ك الحين خلاص ربي فكنا منها ابو ياسر بقهر : وشلون انفكينا منها ولدش بعده ماطلقها وطالعها وقال بتهديد والله ثم والله لو تفكر بس ترجعها اقسم بالله مطرود من هالبيت ولا انا أبوك ولا أعرفك ياسر بقهر : بطلقها يبه تطمن بس مابي عمها يشك بشيء بنتظرر شوي تكفى يبه افهمني ابو ياسر طلع وهو يهارش: بنشوف ايش نهاية الانتظار ولو انك رجآل ماتنتظر حريقه تحرقها هي وعمها جلس على الكنبه وهو مقهور من نفسه .. ليته مسك نفسه ولا فضحها كذا ..ندمان حده طالع أمه الي جلست جنبه عض شفته .. وتمدد على رجولها ورفع رأسه وطالعها وقال : تعبان يمه ومقهور حدي مدري وش اسوي ام ياسر وهي تأشر على قلبه :دوس عليه يمه لان خلاص طريقكم مسدود ياسر قال بتوتر وهو يجلس مثل المقروص : وش قصدش يمه أنا احب المخبوله شدون لا يمه كل السالفه ان الي سويته فيها ماهي رجوله بس واحس بندم وبعد حزين على عمتي هذي الي موجعني لا يروح بالش بشي ثاني يجعلني قبلش ام ياسر أشرت له يرجع يحط رأسه على رجولها رجع حط رأسه وقفل عيونه قالت بحزن عليه:آه على حظك يمه مع النسوان مافي حد منهم يستاهل ياسر ولد سلمى ياسر ابتسم بحزن وقال :عمتي وشلونها ام ياسر وهي تحط يدها على شعره : مدري عنها من وقت ماصارت السالفه لاجت ولا حنا رحنا لها معاد نور راحت شوي ورجعت ياسر جلس وقال : أجل بروح اشوفها ام ياسر مسكت فيه : لا يمه والله ماغير تزيد وجعك وبعد بشوفتك الحين بتعب هي خليها لما تبرد السالفه شوي وبعدها روح وطيب خاطرها ... شافته بيعترض قالت ياسر اسمع كلامي لو مره .... ============= ===== === = { جدة } أول ماعمي وقف السياره ..وطالعني وقال خليك أنا بساعدك مسكت بالباب مابيه يفتحه ولا أبي أنزل بس وقويت نفسي وطالعته يوم فتحه وقال : على هونك قدمت خطوة وأنا مرعوبه ..طالعته بنته يوم قالت :بلى دلع وشوي وتقولي شيلني عموو الله يأخذش أنا وين وأنتِ وين ..بس طنشتها وهمست لعمي :احسني تعبانه لو ارجع المستشفى يكون أحسن الو خالد طالعها وعقد حواجبه : لا لا وش تقولين هنا بترتاحي أكثر امشي بس وراح تتحسني شدن عضيت شفتي بقهر مافي شيء ينفع ومكتوب علي أدخل هالبيت ...أول مدخلنا طالعت سبب خوفي وقلت بهمس :يمه ابو خالد طالع زوجته وقال :تعالي ساعديها وديها غرفتها ام خالد بكره وتعالي :والله مكثر الخدم بهالبيت نادى على أي وحده فيهن توديها لغرفتها ابو خالد زفر بعجز وهو ينادي الخدامه تساعدها .. شدن طالعت الخادمه ..يوم مسكت يدي وهمست لي :تعالي معايه صحت بخوف وأنا رافضه هذي الحياة تذكرت أمي وشلون كانت تعاملني وشلون هذولا يعاملوني ..مشيت معاها ..ودخلتني غرفة جنب الدرج ..وقالت بهمس وهي تطالع الباب :بابا قال غرفة فوق بس ماما رفضت قالت هنا مشيت وجلست على السرير الي بالزاويه وأنا اطالع الغرفه الصغيرة ..قلت بغصه :مابي غرف فوق ولا هنا أبي ارجع لأمي وطالعتها يوم قالت :يالله نوم عشان ترتاحي رفعت نفسي وثنيت رجولي وحطيت رأسي عليها وأنا اصيح بغبنه وخوف .. رفعت رأسي وطالعتها وقلت لها وأنا امسح دموعي :أبي شاحن جوال هزت رأسها وراحت وشوي وجابت لي الشاحن وطلعت ..بسرعه قمت شحنت ..وماصدقت والجوال يفتح معي على طول ..دقيت رقم أمي صحت زود يوم ماردت علي ...رجعت دقيت رقم ياسر ..بعد مارد طحت بالأرض وأنا اصيح بقهر ..بس ارتجف جسمي يوم شفت مرة عمي داخله علي وتطالعني بقرف وبنفس الوقت بشك رفعت نفسي وجلست على السرير ونزلت رأسي ..مابي اشوفها .. ولا ابيها تحس بالي أنا فيه ..ضميت يديني في بعض اخفف من رجفتي ..بس احس بقلبي بيوقف يوم قربت مني وقالت بحقد دفين :سعيت اني اطلعك من حياتي والحمدلله قدرت بس أبد ماتوقعت الأيام بتردك لي رفعت رأسي وطالعتها بخوف وقلت وانا احس لساني ثقيل علي :انااا م اا بي ارجع رفعت نفسي لنهاية السرير يوم قربت مني بتمسكني ..بس بسرعه مسكت يدي وقربتني منها وقالت وهي صاكه على سنوونها :حسك عينك اسمع لك نفس بهالبيت خلال اليومين الي جالسه فيها معنا فاهمه ولو عمك قال تعالي أجلسي معانا ولا اي شيء يقوله ويعرضه عليك ارفضي وهزتني وهي تصرخ فاهمه ودقي على رجلك قولي له خلاص انتهت زيارتي لبيت عمي تعال خذني ودفتني بقوه وقالت بقهر أنا ناقصه بلاوي تتحذف علي أخر عمري آه احس ظهري وجعني ..تمددت وعيني على الباب خايفه ترجع وتضربني ضميت نفسي وجلست اصيح .... | ||||||||
|
| |
|
14-10-18, 11:45 PM
| #655 | ||||||||
| مراقبة عامة ومشرفة منتدى الروايات المنقولة
| { الرياض } الشموخ مسكت على رأسي وأنا احس بصداع ذبحني وقفت ورحت للمطبخ ..وسويت لي قهوة بس رن جرس البيت استغربت ..عناد معاه مفتاح طلعت من المطبخ وقربت من الباب وأنا اقول بخوف وقلق: مين : افتحي ي الشموخ انا تغريد حسيت بصدمه تغريد وش ذكرها فيني خربت علاقتي وعلاقتها من بعد مارفضت أخوها فتحت الباب .. وأنا متوتره حدي ..خايفه من عناد قربت مني وهي تسلم عليه بشوق كنت مصدومه من زيارتها ... المفاجأة قالت بعتاب وهي تأشر على الصاله :لايكون ماتبين بعد تقولين لي تفضلي قلت بسرعه وانا متوتره : تفضلي تفضلي وقفلت الباب وأنا خايفه يارب عناد يتأخر بس هذا وقت جيته ..الله يستر بس دون حس سألتها :مين جابك تغريد رفعت حاجب وقالت:سلطان بس خلاص ي الشموخ اخوي معاد يعتبرك إلا أخت له وكملت بضحكه اف الظالمة كذا الزواج يخفيك حتى جوالك مقفلته والحين الله يعافي أمك هي الي دلتني على عنوانك وسكت شوي وقالت ليه الشموخ كذا شكلك متغيرر ونحفانه حيل الشموخ ابتسمت بتوتر وقلت وأنا اصرف : وحشتيني والله بس انشغلت شوي وجوالي خربان ومقد تصلح وماعليه يتصلح بس وراح ابثرك تغريد رفعت حاجب : من متى تنتظرين جوالك يتصلح ي الشموخ الي اذكره كنتي ترمي الجوال جديد وتأخذي الي على الموضه ينزل وش الي تغير ولا بالاصح وش الي صار لك الشموخ طالعت الباب بقلق ..ودي تروح قبل يجي عناد بدل تقليبها للمواجع ابتسمت وانا مابيها تحس علي وقلت بكذبه : لا أول كنت مقفله جوالي عشان شهر العسل تغريد بسخريه : كله ذا الشهور وتقولين شهر عسل الشموخ بقهر : ايه وعناد قالي مابي أحد يزعجنا ومن يومين الجوال انكسر ولانه غالي علي عشانه هديه من عناد عشان كذا مابي افرط فيه وانتظره يتصلح ي اليوم ي بكره تغريد بسخريه : اففف مسرع حبينا هالعناد ونسينا وهي تغمز لها الشموخ وقفت بعصبيه : تغريد بلى كلام فاضي انا الحين متزوجه واحب زوجي وياليت تحترميني ومعاد تجيبي هالسيره لو سمحتي تغريد بقهر وقفت وقابلتها وصرخت عليها : ي مجنونه بلى تمثيل زايد و اي حب تحكي عنه وهو بيتزوج عليك شافتها مصدومه قالت قبل تتكلم ترى أمك حكت لي كل شيء وقالت انتِ اقرب صديقه لها روحي لها وكاد تقدري تقنعيها تخليها ترجع بيت أبوها وتفك عمرها منه ومسكتها من كتوفها الشموخ لا تذلي عمرك له وتشوفيه قدام عيونك يحرق قلبك بوحده ثانيه وبعدين وهي تطالع شقتها وتقارنها بفلة ابوها وشلون راضيه تتنازلي لهالمستوى الله ياخذ مصعب ماسوى فيك خير وبحسره ليتك رضيتي بسلطان الي للحين يتمنى رضاك خطب وفسخ خطيته يقول ماقدر يظلم البنت وقلبه متعلق بغيرها الشموخ هزيت رأسي وأنا اتخيل عناد وش يسوي لو يسمع الي تقوله قلت وأنا ماسكه دموعي مابيها تنزل : خلاص تغريد اسكتي وبعدين انا راضيه بالي يصير فيني وعلى عيني ورأسي الي يسويه فيني عناد وخلوه يتزوج مال أحد شغل وبصرخه وأنا ابعدها عني خلاص افهمو عاد انا راضيه تغريدصرخت بقهر : مجنونه لو ترضي بهالذل ليه ودي اعرف الي اعرف الشموخ عزة نفسها فوق كل شيء وبعدين ليه هالهزيمه بشخصيتك ماهو الشموخ الي اعرفها قربت منها ومسكت وجهاا شوشو تكفين احكي لي وش صار لك وليه كذا مهزومه لعناد وغيره يتمنى ظلك الشموخ هزت رأسها وهي ماتبي تسمع شيء ثاني عاد : تغريد حبيتيي خلاص تكفين وقالت وهي تبتعد عنها الله يسامحك ماخليتني اضيفك تغريد وقفت بوجهااا : الشموخ اي ضيافه الحين بالله اسمعي مني ونفذي الي أقوله لك وفكري الي راح يأخذها بتشوف عمرها عليك والله وعارفتك وقتها ماراح تقدري تستحملي و تسكتي وبتقهري نفسك من الحين ي الشموخ عزي حالك وبشك إلا لوماسك عليك شيء هنا كلام ثاني الشموخ بتوتر : وش ماسك بالله خليك من هالكلام تغريد قاطعتها : أجل وشهوو وسكتت شوي وقالت ولا يكون تعاقبي مصعب على سواه فيك ترى صدقيني ماهو مفكر بك وأمك تقول حتى مرته حامل الشموخ زفرت براحه يوم قالت كذا بس بعد انقهرت من كلامها هي أبد مصعب معاده في بالها ولا تفكر فيه مثل ماتقول قالت بتحذير : تغريد مابي اسمع هالسيره أبد ولا بتزعلي مني وقتها وحطي شي واحد في بالك مالي شغل عاد بمصعب واحترميني شوي وتذكري اني على ذمة رجال احسن من مليون مصعب ولا غيره تغريد بعصبيه : مالت والله على هالرجال الي ماقدر النعمه الي بين يدينه رايح ويخطب وليت حد يستاهل بس الشموخ : تغريد تكفين مابي عاد اسمع شيء وبعدين انتِ ماتدري بشي خليك ساكته وغيري هالموضوع تغريد قربت منها ومسكتها : وش الي مدري عنه قولي طيب فضفضي يمكن اقدر أساعدك الشموخ نزلت دموعي غصب عني وش تبيني اقول لها كذبت وسويت مصيبه لعمري ..مسحت دموعي وقلت : الحين بسوي لك احلى كوب عصير ليمون ب نعنان عصيرك المفضل تغريد صرخت بقهر : الشموخ وش عصيره الحين اسمعيني لمي اغراضك ويالله اوصلك لبيت أبوك تكفين خلي عناد يعرف وش خسر وقتها والله لا يندم ويتحسر عريس الغفله الشموخ آه ليت ي تغريد بهالسهوله ... تغريد يوم شافتها سكتت قالت بسرعه : يالله تكفين والله امك لا تفرح ترى حدها واثقه فيني اني اقنعك وأنا وعدتها انك تجي معي الشموخ أخذت نفس وقلت وانا بنهي السالفه قبل تصير لي مصيبه من عناد : تغريد حبيبتي خلاص لو حابه تجلسي عندي ونسولف في شيء ثاني حياك اما غيره ماعندي وقولي لماما الشموخ مرتاحه حدها لا تشغلي بالك عليها ولا اقولك انا بروح لها لما يجي عناد وبقولها بنفسي تغريد بحسره عليها: هذا اخر كلام عندك حرام والله تضيعي عمرك وفيه غيره يتمناك وشوفي بنفسك جاي وهو ماسك يده على قلبه عشانك يقول مافي رجآل يقدر يقهر الشموخ وأنا موجود الشموخ بعصبيه : تغريد لو سمحتي كم مره اقولك سيرة أخوك ماتجيبيها قدامي فاهمه وانا الحمدلله ماراح اضيع عمري مع عناد والزواج هذا شيء خاص بينا وانا اللي غصبته يتزوج إلا هو مايبي تغريد سوت طرحتها وقالت بزعل: صدق ماتستاهلين الي باقي قلبه عليك الشموخ عضيت شفتي ومارديت عليها ..طالعت الباب يوم تحرك المفتاح فيه عرفت ان عناد رجع الله يستر لا يكون شاف سلطان قدام باب العماره بسرعه قربت من الباب يوم دخل وقلت : عندي ضيوف ارجع تغريد سوت نقابها وقربت منها وقالت بهمس : فكري ورد لي خبر وطلعت بسرعه بعد ماعناد ابتعد شوي عن الباب عناد طالعني وقفل الباب ..بلعت ريقي وانا ناويه أكذب عليه قال : مين ذي قلت بهمس : صديقتي جت زيارة وراحت عناد صغر عيونه وقال :طيب مين من صديقاتك بالضبط الشموخ ماهو قادره انطق اسمها لاني عارفه بينقلب وحش واروح فيها قلت وانا اصد عنه مابي يوضح له خوفي وتوتري : ماهو ضروري تعرف مين بالضبط خلاص صديقتي وجتني زارتني وراحت وطالعته وأنا اقوي عمري ولا هذي بعد محرمه علي واعطيته ظهري بروح لغرفتي بس قفلت عيوني يوم مسكني من كتفي بقوه وجرني له وقال :جتك زيارة أخت سلطان ولا جتك توصل لك رسالة مدام ماعندك جوال والتواصل صاير بينكم شبه معدوم حسيت الدنيا تدور فيني من قوة كلامه قلت وانا ابرر له : لا تظلم نفسك أبد ماجابت لي سيرة أخوها وبعدين كم مره افهك واقولك السالفه هذيك كلها كذب من عندي انا ألفتها عناد بعصبيه : وش سبب الزيارة طيب وليه هو بالضبط الي موصلها الشموخ الله يسامحك يمه ليتك مارسلتيها قلت بسرعه :أكيد بيوصلها لانه ماعندها سواق بس سكتت يوم صرخ بعصبيه أكثر : ي سلام ماعندها اخوان غيره ولا خلاص مدام جايه لك يتبرع بتوصيلها المحترم الشموخ افضل شيء أسكت لاني عارفه اي كلام ماراح يفيد ماغير يعصبه أكثر دفني عنه وطحت على الكنبه وصرخ مثل المجنون وهو يحوس بالصاله قدامي :وش الي افهمه الحين ي الشموخ قولي انتِ ابيك تبررين لي يالله اسمعك الشموخ كنت بخوف أطالعه مدري وش ابرر له ولا أقول له ..انتفض جسمي يوم جلس يهدد ويتوعد فيني سكتت عنه ولا رديت بشيء لأني عرفت شيء بعناد إذا رديتي عليه يزيد ويعاند وإذا سكتي يخليك ويرجع يحاول يعتذر حتى لو بطريقه غير مباشره بس وقف قلبي يوم قرب مني وجلس قدامي على ركبه ومسك يديني وقال والغصه واضحه بصوته :عارفه بالنار الي بقلبي وأنا اشوف واقف قدام بيتي عارفه قد ايش موجع الشموخ ليه سويتي فيني كذا وش سويت لك وش تشوفينه فيه عني وصرخ بقهر آه لو تدرين وشلون مسكت نفسي بالقوة وأنا اشوفه واقف قدام البيت والله ودي اكسر وجهه بس خفت من الفضايح وسمعتي الشموخ هزيت رأسي وأنا انفي الكلام الي يقوله وقلت بصدق وأنا اقاطعه : عناد والله العظيم مافي شيء بينا ومثل ماقلت لك كله كذب وأنا مستحيل اضر عمري قبل كل شيء ي عناد بس سكتت يوم حط يده على فمي يمنعني أكمل وقال بحقد: بخليك تبكين بدل الدموع دم ولا ماكون ولد ابوي ودف يدي وقف ودخل غرفته وسكر الباب بقوة .... وخلاني بحسرتي أنتظر وش راح يصير فيني أكثر ..يالله لمتى بتحمل هالشيء .. ارتعبت يوم طلع وقال : تعالي وقفت وأنا خايفه قربت منه جرني من يدي ودخلني الغرفه وقفل الباب وقفت بخوف اطالعه ..تحرك وجلس على كرسي مكتبه ويطالعني بدون مايتكلم أشر لي أجلس وقال وهو ماسك نفسه بالقوه :قولي اسمعك الشموخ طالعت الباب بخوف عناد قال بعناد : والله مالك طلعه من هالغرفة غير تقولين وش الي بينكم الشموخ نزلت رأسي وأنا أفكر وشلون اتخلص من هالمصيبه رفعت رأسي وطالعته يوم قال : عادي م وراي شيء انتظرك ساعه ساعتين ان شاءالله عشره الوقت الي تبينه وسند حاله على الكرسي وقفل عيونه ..حسيته ماهو طبيعي أبد اليوم | ||||||||
|
| |
|
14-10-18, 11:47 PM
| #656 | ||||||||
| مراقبة عامة ومشرفة منتدى الروايات المنقولة
| { الديره } دقيت على حمودي ..وقلت له تعال بروح لعند خالتي وأبوي ...تجهزت ونزلت قابلت خالتي ..وابتسام يتقهووون قربت منها وسلمت عليها وقلت :بترخصتس ي يمه أخوي ينتظرني برا ام عواد بحب :روحي يمه الله يحفظتس سويت نقابي وقربت من ابتسام وهمست لها تكفين لو دق عليتس ردي مابي أخوتس يدق عليه من الجنوب لما هنا عشان يقولي خليها ترد علها رجلها .. ابتسام ابتسمت وقالت : ماعليتس ضبطت الوضع وفريت عقله شوي عشان ارتاح هالفترة شمسه ابتسمت وقلت :والله ي بسام على انه بثر بس وناسه احمدي ربتس عليه ي الظالمه ابتسام أشرت للباب وقالت : أخوتس يحتريس لا تتأخرين عليه ... ضحكت عليها وطلعت ..وشفت الشيخ حمودي قدامي منتظرني وبيده كورة ..يالله ودي يوم اشوفه بدون هالكورة قربت منه وسلمت عليه وقلت له :يارب على هالتعلق بهالكورة تطلع لاعب كذا وارفع رأسي فيك محمد بغرور وهو يوريها وشلون يلعب بالكوره : شوفي بس وشلون بالله هالحركه مافي حد قدر يجيبها كلهم بيموتون وهم يحاولون يقلدوني بس يبطوون شمسه تلفت يمين ويسار : امش الله يفضحك شوي وتقولي خليتس حارس مرمى لي محمد رفع نفسه وهو يحاول يخشن صوته : تخسين وتعقبين أقولتس تسذا يعني لهالدرجه شايفتني تسذا بنظرتس والله اني ارجل من رجلتس ذاك المغرور وقال وهو يقلده ودي اوصيك على أختك بس باقي بزر شمسه حسيت بقهر من عواد وشلون تسذا يقوله صدق يوم قال عنه مغرور قلت : ماعليك فيه رجآل وغصب عنه خشمه محمد بقهر : شايفني بزر الخايس خليه بس ينزل الملعب وبثبت وشلون اني أرجل منه ابتسمت له المراجل عنده وشلون الواحد يتحدى الثاني بلعب الكورة هههه ي عمري ي محمد حطيت يدي على رأسه وقلت : كفوو من يومك وبهمس امش قبل ماغير رأي فيك محمد طالعها وقال : وش تقولين شمسه : ي قلبي أنت ماقول شيء المهم شوي كذ وتعال عشان ترجعني وترى هاا ماهو تنساني فاهم محمد : والله من بعد البيت ي جبانه شمسه :بس عيب تخليني ارجع البيت لحالي ي السنافي محمد وهو شايف عمره : ماعليتس ادخلي بس لا تفضحينا شمسه اخخخ ناقعني لي ساعه وهو يهرج فوق رأسي والحين صرت انا الي بفضحه دخلت البيت ...و قابلت خالتي الي بسرعه قربت مني وهي ترحب فيني سلمت عليها وبعدها شوي وجاء أبوي وسلم عليه .. وجلس وقال :وشلونه عواد اليوم دق عليتس استغربت سؤاله لايكون شاكي عليه بشيء قلت بتوتر : كل يوم يدق ابو محمد بستفسار : وشلونه معتس عسى مابينكم مشاكل شمسه ماشاءالله ي الأب الحنون يقال لو قلت لك الحين وش بينا بتوقف بصفي قلت بسخريه : مابينا شيء سمن على عسل تطمن يبه وسكت وأنا اطالع العقرب زوجته يوم نزلت من الدرج وقالت :ايه واضح سمن على عسل دليل مخليتس وهاج قلت بقهر : مخليني وهاج خدمه لوطنه ماهو لشيء فراغ مثل تفكيرتس ام محمد قربت منها وسلمت عليها وقالت بخبث : طيب على هونتس لا تزعلي مني تسذا وطالعت زوجها اف ي ابو محمد بناتك مايقبلون مني كلمه ودي أعرف وش سويت لهن ابو محمد بعتب وهو يطالع شمسه : اعتذري من عمتس تمزح معتس وأنت هبيتي فيها شمسه حسيت بقهر ليتني ماجيت طالعت خالتي أم سميره وهي تأشر لي بعيونها عشان اعتذر بس طنشت وقلت : تعالي ي خاله عندي علوم لتس واجد وبعد نسيت اقولتس بس قطعت كلامي يوم أبوي صرخ وقال : وأنا ولد أبوي تعصيني هذا أخر تربيتي فيتس شمسه طالعته وقلت : ماعصيتك يبه وبعد ماغلطت عليها عشان أعتذر منها هي الي ترمي كلام ماله داعي بس تجمدت مكاني من الكف الي جاني حسيت بدوار وطالعت خالتي الي مسكتني وصرخت عليه : خاف ربك توها جايه هذا الترحيب عندك وعند الخبيثه ذي ابو محمد بعصبيه : اسكتي قبل يجيتس شيء أكثر منها وهالي تدافعي عنها عاصيه وطالع شمسه وقال طلبت منتس تعتذري بكل طيب رفضتي والحين جاتس المقسوم و أعتذري قبل يجيتس اللي أكثر منه شمسه حاولت اجمع نفسي وقلت وأنا منزله رأسي : اعتذر منتس وطالعت أبوي وأعتذر منك بعد يبه وسلمت على خالتي وطلعت بسرعه وانا اصيح كنت أمشي بسرعه وأن اسمع صراخ محمد علي يبيني أوقف ..بس ماقدرت اتكلم وبعد مابيه يدري باللي صار عارفه وشلون يزعل ويتأثر لو صار شيء لنا من طرف أمه وقفت بالحوش ..وحاولت أمسح دموعي الي رافضه توقف ..أخذت نفس أكثر من مره ..عشان ابين طبيعي ..بس حسيت حالي مخنوقه حدي ..جلست شوي وغصب عني رجعت اصيح ..حسيت نفسي شوي هديت مسحت دموعي وأخذت نفس أكثر من مره ..وأنا أحاول اجمع نفسي ..وقفت وتحركت لجهة الصاله ودخلتبس كانت الصدمه قدامي ...وجود عواد وهو جالس بينهم جت عيني بعينه ... متى رجع ذا أمس يوم كلمني ماقالي أبد انه بيرجع ... حسيت بفشله وأنا اتذكر وشلون قبل يسافر طردني ... قويت نفسي وقربت منهم ورديت السلام ....... ========== ==== كتتتتتتتت حلوو لعيونكم & نوني بنت الجنوب & سبحان الله وبحمده سبحان الله العظيم " الوتر أحبتي " "الله يرحمك يأمن وجعني فراقك " | ||||||||
|
| |
|
14-10-18, 11:55 PM
| #657 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 95 ( الأعضاء 18 والزوار 77) فيتامين سي, نوررررر, شيخة الوشاحي, نور كان بيروت, ام عبوديي, هضاب, lola10, انيقة الذوق, امواج الخريف, Jory200, قدر فيه امل, الترف 44, ريما الشريف, nsr7531, جلال محمد07, منيتي رضاك, عمانية ❤, داليا انور قراءة ممتعة لكم ...... وردود ممتعة لنا ...... وللغاليه نوني ....... | ||||||||
|
| |
|
15-10-18, 12:13 AM
| #658 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 102 ( الأعضاء 21 والزوار 81) فيتامين سي, better tomorrow, نوررررر, صحراءالوطن, قدر فيه امل, هضاب, 4sttaa, منيتي رضاك, lola10, نور كان بيروت, شيخة الوشاحي, امواج الخريف, ام عبوديي, انيقة الذوق, Jory200, الترف 44, ريما الشريف, nsr7531, جلال محمد07, عمانية ❤, داليا انور | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
