25-10-18, 01:04 AM
| #681 | ||||||||
| مراقبة عامة ومشرفة منتدى الروايات المنقولة  
|  اللهم أني استغفرك وأتوب اليك سبحان الله والله أكبر والحمدلله اللهم صل وسلم على نبينا محمد "صلو عليه" @ @ @ معليش حبوبات لو فيه حرف زايد شطح مني ولا حرف ناقص ترى من طول البارت كسلت اراجعه ههههههه وايه بعد لا أحد يقول البارت قصير هنا بتكون لي صدمه وأكيد نونــي ماتهوون عليكم ههههه ====== === = { 39 } == = رديت السلام وأنا عيني منه ..طالعت خالتي يوم قالت :هلا هلا يمه وقرت عينتس بجية عواد ابتسمت لها مجامله وجلست ..جت عيني بعينه حسيته يطالعني ..مدري اشلون .. كأنه متوتر او مصدوم ام عواد : وشلونه ابوتس ي شمسه شمسه بلعت الغصه الي ذابحتني وقلت :بخير ماعليه خلاف يسأل عنكم ام عواد طالعت عواد وبضحكه قالت : بغى ينهبل علينا يوم قلت له شمسه ماهي فيه مأخذه عقل الشيخ عواد فعلاً كان بينجن .. يوم قالت له أمه انها راحت بيت أبوها بغى قلبه يوقف ..معقول سوتها .. انقهر من نفسه كثيرر ..وشلون قدر يقول لها روحي بس طول هالمدة ماراحت إلا اليوم ..وش معنى وتوه بيروح لها إلا يشوفها قدامه حس قلبه بيطير من فرحته ..بس ماعجبه كلام أمه ماحب تفضحه كذا قدامها وتشوف عمرها زود عليه رفع حاجب وطالعها ورجع طالع أمه وقال:المرة العاقله تأخذ الاذن من رجلها ماهو سرداحي مرداحي تسذا تطلع ولا أنا غلطان ي يمه شمسه انقهرت حدي منه يوم رمى الكلام وجهه لأمه عشان يحرجني والحين أكيد أمه ماراح تفشله هذا حبيب قلبها عضيت شفتي من ردها ونظرتها الناقده لي أنا ناقصه الحين :افااا يمه مايصير تسذا حنا مانخطي إلابامر رجاجيلنا طالعته بقهر وقلت : ولدتس مايرد على جواله وكنت بروح أسلم على أبوي وعارفه اني ماراح ابطي ام عواد وهي زعلانه : بس مايصير لازم تخبرين عواد قبل تطلعين عادي كنتي احتريته لما يرد عليتس وبيت ابوتس ماهو بطاير شمسه عضيت شفتي ابيه يتكلم يدافع عشان أمه تسكت بس لا ماغير ابتسامته الخبيثه على وجههه نزلت رأسي ومارديت لا عليه ولا على أمه ودي اختلي بعمري ماهو فاضيه لهم يكفي الي فيني بس متفشله أقوم والله ماغير خالتي تمسكها علي سنه قدام ابتسام ماعجبها أبد كلام أمها وعواد بسرعه قالت وهي تضيع السالفه ورفعت جوالها بتمثيل :عواد شوف صرفه مع خويك ذا ترى جننني مره كل وقت يدق اففف شكلي بخلعه عواد بطفش : تقلعي انتِ ورجلتس ذا البثر ماهو فاضي لكم وطالع شمسه الي أبد مستغرب سكوتها دايم ترد له الكلمه وتوجعه أكثر مايوجعها وبعد يحس انها كانت تصيح وقف وقرب منها وهو يمد يده لها شمسه أول ماوقف قدامي رفعت رأسي وطالعته ورجعت طالعت يده الممددوه ..طالعت خالتي ودي ارده واطنشه بس استحيت من وجود أمه وقفت ومديت يدي بتوتر ..مسكني بتملك ..تحرك ومشيت معه اول مارقينا الدرج سحبت يدي بس رفض وشد عليها وقال بهمس :رايحه بدون اذني ليه عجبتس الحين التهزيئه المحترمه من أمي شمسه بغصه:فيك الخير ماغيرك فضحني قدامها وتكتفت وأنا اقوي عمري وقابلته عيب تسأل والله تذكر وش قايل لي قبل تروح ورقيت الدرج قبله ودخلت شقتي عواد ابتسم ودخل وراها طالعها وقال :ماتذكر شيء شمسه عضت شفتها ماتبي تصيح قدامه لأول مره تحس بصعفها قدامه ..لفت وجهاا ماتبيه ينتبهه لها أول ماشافها بتدخل غرفتها بسرعه تقدمها وقال وهو واقف قدام باب الغرفه مانع دخولها :اسف وفعلاً يوم رجعت وماحصلتس بغيت أنهبل والله وكنت جاي وأخذتس بنفسي من بيت أبوتس بس حظي حلوو سبقتيني شمسه كنت اطالعه وأنا مصدومه من كلامه معقول ذا عواد ..الي اعرفه مستحيل يعتذر ولا يتنازل ويعترف بالي يحس به ..نزلت رأسي مابي اطالع عيونه ولفيت وجهي عواد عقد حواجبه وهو يطالع خدها الأيسر أحمر قال بحده : وش ذا شمسه بسرعه طالعته وقالت بتوتر : ايش وبسرعه لفت وجهي وأنا احط يدي مابيه يشوفه عواد مسك وجهاا وقال بقهر :عمي شمسه هزت رأسها وابتعدت عنه وجلست على الكنبه وهي تقول :عواد تكفى لا تسأل عواد عض شفته بقهر ..وقال وهو يجلس قدامها على ركبه : وشلون وليه مد يده شمسه قاطعته وهي تصيح منهاره : عواد تكفى خلاص ارحمني ولا تسأل الله يخليك عواد قال بحده: وشلون ماسأل تذكري انك زوجتي ومسؤول..... شمسه قاطعته :ترى والله ولا شيء ابوي الي سواه فيني من الي تسويه أنت لا تطلع نفسك الحين مافي حد ذبحني وجع قلبي غيرك عواد عض شفته بقهر وقف وراح لغرفته بسرعه وقفل الباب بقهر .. ماهو قادر يرد عليها معاها حق باللي تقوله ..مسوي فيها أكثر من كذا بس مايدري وشلون يخليها ترضى عنه أبد ماهي معطيته فرصه ..كل مره تصده وبعد عدم صبره وعصبيته تخرب عليه تعوذ من ابليس طلع من الغرفة دورها بعيونه بالصالة ماهي موجوده اتجهه لغرفتها ... ومد يده بيفتح الباب ..بس انصدم من تقفيله قال بهمس :شمسه مايصير كذا افتحي بس ابي اطمن عليتس ماردت عليه احترم خلوتها بنفسها وابتعد عن الباب ..رمى نفسه على الكنبه وعينه على الباب وده تطلع ويتفاهم معاها ..تعبان أكثر منها ... وبعد فيه قهر ..من عمه ..وشلون يمد يده عليها هالمرة راجع وهوو ناوي يصلح الي بينهم بالي يقدر عليه ... | ||||||||
|  |
|
25-10-18, 01:05 AM
| #682 | ||||||||
| مراقبة عامة ومشرفة منتدى الروايات المنقولة
| { جدة } شدن مسحت دموعي ...وأنا مقهوره وشلون أمي كذا تطنشني ياسر متوقعه منه ..بس أمي وشلون قدرت ..رجعت دقيت على نور ..فرحت من قلب يوم سمعت صوتها صرخت فرحه : نوررر :شدون حياتي وشلونش قلت وأنا اصيح : حالي مايعلم به إلا ربي تكفين ي نور روحي لأمي وقولي لها ترد علي والله بموت لو جلست هنا ولا كلمي خالي مبارك يرجع بكلامه ويرحمني نور وهي تطالع الباب خايفه لا حور تجي وتكشفها وتقول لأبوها لانه حذرهم معاد يردون عليها ولا يتواصلون معاها خير شر قالت بغصه : ي عمررري عليش والله بس مقدر اخاف من أبوي لو قلت له شيء لانه محذرن.... وسكتت ماتبي تجرحها زود شدن :محذركم ليه طيب وش سويت والله مظلومه والله ماشردت إلا خوف من ياسر يومها وماصار لي شيء والله مثل ماياسر فهمكم والله يكذب تكفين روحي لأمي ي نورر تنقذني من عيال عمي ومرته بموت والله لو جلست عندهم زود نور بحزن : شدن حبيبتي والله نفسي اساعدش وحاس بش بس مقدر خايفه من أبوي وياسر وانتِ أكثر وحده تعرفين خوفي من ياسر شدن صرخت بقهر : وشلون طيب اتحمل حرام والله ليه خالي مبارك وأمي مايبوون يصدقوني وصدقوا ياسر على طول ليه ماعطوني فرصه ابررر لهم نور بقهر وحسره : ليتش ماشردتي كان موقفش قوي وأبوي كان بيوقف ياسر عند حده بس ... شدن بصرخه قاطعتها : والله ماشردت إلا خوف من اخوش وماصارفيني شيء وخلاص هذي السالفه وانتهت بس ياسر رجع فتحها وانتقم مني وسكتت وهي تشوف عمها داخل عليها ويصرخ :شردتي مع مين وكيف وصرخ بصوتها كله وشلون ي ال**** من عند رجلك والحين رماك علي وأنا ابتلي فيك لا والله أذبحك ام خالد قبل دقايق كانت جايه يوم زوجها غصبها تروح تشوفها يقال عشانها مريضه راحت بس وقفت وهي تسمع صوتها وهي تكلم ..لفتها كلامها بسرعه نادت ابو خالد وخلته يسمعها بنفسه فرحت من قلب يوم قال وأنا ولد أبوي الحين جايبها وراها مصيبه وفتح الباب بقوه ودخل ابتسمت بخبث وقالت وهي داخله وراه :قلت لك وراها بلى الحمدلله ربي كشفها من أول يوم لها بهالبيت الطاهرر شدن وقفت بسرعه على السرير وابتعدت للزاويه وأنا احلف بخوف :والله مظلومه ي عم تكفى اهدى عشان افهمك ابو خالد قرب من شدن وصرخ وهو معصب :تفهميني سواد وجهك آه الحين الي ربتك ورجلك طردوك وأنا ابتليت فيك وهو يسحبها من شعرهاا وش الي تفهميني به وصرخ بقهرر ايششش وطاح فيها طق وهي تصرخ بصوتها كله ام خالد تطالعها بشماته ..بس يوم حست شوي وتروح بين يدينه خافت على رجلها لايبتلي فيها بسرعه مسكته وهي تصرخ :خلاص بتموت حسن اهدى شوي فك البنت بتروح فيها والله وصرخت بصوتها كله وهي تنادي ...خالد ...صفاء الحقوو علي ... صفاء جت تركض طالعت أبوها وشلون طايح طق في شدن انصدمت وقفت وهي مفزوعه من المنظررررر توه مرفع فيها ودابل كبدهم بها والحين بين يدينه يطقها ... ام خالد صرخت بعصبيه :ماهو وقت تناحتك تعالي وساعديني نفكها من يد أبوك ولا عز الله أبوك راح فيها صفاء بسرعه قربت من ابوها ويالله قدرت هي وأمها يفكون شدن من يده ..: بابا خلاص بتموت والله ابو خالد بعصبيه وهو يرجف تفل عليها وقال:ليتها تموت وكاد غسلت عاري وبسرعه دف صفاء وبيرجع يكمل عليها قلبه مابرد بس وقفووا بوجهه شدن كانت تصيح بالم وجسمها كله يرجف ماعمرها انطقت مثل كذا ...تذكرت طق ياسر ولا شيء قدام هذا الجبروت الي حصلته اليوم بسرعه وقفت وهي تبي تشرد تطلع من الغرفه خايفه منهم بس بسرعه مسكها ورجع يصفق فيها ويالله قدرو يفكونها من يده ...طاحت بالأرض وهي تحس رجولها ماهي شايلتها من الوجع الي تحس فيه ... ام خالد وهي تدف زوجها وتقول : خلاص اهدى شوي وبعدها تفاهم معاها اما كذا والله بتروح بين يدينك وانت بتروح رقبتك بسبة شيء تافههه وطالعتها بكرهه وقالت( الله يأخذك ماغير جبتي لنا المصايب يكفي أبوك سود عيشتنا وغثنا والحين ابتلينا بخلفته ) صفاء وهي ماسكه ابوها وتهدي عليه:. بابا خلاص ارحم نفسك شوي الحين ضغطك أكيد مرتفع ابو خالد طالعها وطلع من الغرفه وهو يمشي بسرعه أخذ السوط الي مركون بالمخزن ورجع للغرفه وهو يدف زوجته وبنته عشان مايمنعونه وقفل الباب وقال ببحه بانت بصوته :بعرف وين شردتي وايش صار لك بالضبط وبسرعه رفع السوط وضربها بكل قوه شدن صرخت بالم وهي تصيح : آآآآه يمه الحقيني آه بموتتتتت وهي تحاول تحمي نفسها وتتكور على حالها بس قوة الضربات اي تجيها تخليها تلتوي بمكانها أكثر من مره ابو خالد طاح فيها طق وهو يصرخ : بعدك تبين أمك بعد ماسودتي وجهاا والحين رمتك علي أكيد الحين حجدتك خلاص وش تبي في وحده مثلك قولي بالضبط مع مين شردتي ومين الي لعب عليك ... ام خالد وهي متوتره وخايفه بذات مع صرخات شدن المتواصله قالت :بسرعه ي صفاء دقي على أخوك يجي يشوف صرفه لذا الباب قبل ابوك مايجرم فيها صفاء بسرعه ركضت و أخذت جوالها ودقت على أخوها ويدينها كلها ترجف قفلت منه وهي تقول : جاي جاي يمه قفلت عيونها وهي تسمع صراخ شدن مسكت بيد أمها وهي تقول : وش الي صار بالضبط خلى ابوي كذا ينجن ام خالد بقهر دفت يدها وقالت بعصبيه: ماهو وقتك الحين اقولك وش صار وبسرعه قربت من الباب وقالت تكفى ي حسن افتح الباب الله يخليك صفاء عض شفتها : يمه والله ذبحها اسمعي صراخها وشلون ام خالد بتوتر : دقي على اخوك مره ثانيه بسرعه صفاء بسرعه رجعت دقت بس قفل بوجهاا ..نزلت الجوال وهي تقول بقهر: وقتك خالد بس سكتت وهي تشوفه جاي يركض يمهم وهو مشمر الثوب و مفزوع : وش فيه وسكت وهو يسمع صراخ شدن طالع الباب بصدمه ام خالد بسرعه قربت منه وهي تمسكه وتدفه للباب : تكفى اكسره ولا سوي اي مصيبه البنت بتروح بين يدين ابوك وبيبتلي فيها خالد كان مصدوم قال :وش السالفه طيب وليه ابوي يضربها كذا ام خالد بقهر: بموت ياربي ماهو وقت اسألتك أنت بعد صفاء بخوف وقلق : خالد تصرف بسرعه وصرخت بخوف يوم معاد سمعت لشدن صوت قالت بصرخه والله ذبحهااااا ام خالد وهي تلطم : لا ياااااربي أبو خالد فتح الباب وصرخ بتهديد وهو يقفل الباب بالمفتاح : اقسم بالله لو حد يدخل لها ولا يعطيها حتى لقمه وحده ذبحته ام خالد قالت معترضه : البنت معاد لها صوت على الأقل خلنا نشوفها قبل تقفل عليها ابو خالد بعصبيه : ليتها تموت خالد بقهر : يبه مايصيرر كذا وبعدين ليه هالضرب كله خاف الله فيها ابو خالد بقهر دفه عنه بقوه وقال : أنت انكتم فاهم وبنت أخوي وأنا اعرف اشلون اربيها خالد طالع أمه وقال بعصبيه : يمه شوفيها وشلون حالها ام خالد بقهر : وشلون وهو قفل عليها قدام عيونك خالد أول ماابوه دخل غرفته بسرعه قال وهو يبتعدشوي من الباب : أنا بعرف اشلون افتحه وبسرعه حط حيله بالباب بس رفض ينفتح طالع امه بعجز وعض شفته ... صفاء قربت من أمها : ماما مافي حد يقدر يقنع بابا غيرك ام خالد بسرعه راحت لزوجها ودخلت الغرفة طالعته وهو جالس على السرير ومعرق وجههه أحمر من العصبيه قالت بخوف منه : حسن مافيها شيء انك تربيها بس تكفى الحين خلين ادخل الغرفه اشوفها بخير اولا اعطني المفتاح الله يخليك ابو خالد صرخ بعصبيه : اقسم بالله لو ماتبعدي من وجهيي لا أذبحك ام خالد وقفت وجت عينها على الدرج الي جنب السرير شافت المفتاح مرمي عليه مدت يدها بخلسه وسحبته وطلعت وهي تركض لجهة الغرفة وفتحت الباب و دخلت وراها صفاء وقربوا من شدن وهم مفزوعين ..شافووا يدينها ورجولها كلاها علايم وبعد رقبتها ..شوها على الأخر صفاء هزت رأسها وقالت بخوف : مستحيل هذا بابا وسكتت وهي تسمع صوت خالد الي يقول وهو واقف قدام الباب : هاا طمنوني وشلونها ولا لبسوها العبايه اوديها المستشفى ام خالد وهي ترفعها بمساعدت صفاء وطلعت له وقالت بصوت واطي : اسكت أبوك لا يحس علينا وي غبي وشلون تروح فيها المستشفى عشان أبوك يطيح بمشكله وتحقيق وقلة حيا خالد وهو مقهور: طيب وشلون نخليها كذا يمه حرام والله ام خالد بقساوه : ماعليها خلاف والحمدلله بخيرر بس مهدود حليها من الضرب وطالعت صفاء الي مصدومه وخايفه اطلعي ياللا خليني اقفل الباب قبل يحس علينا صفاء طلعت من الغرفة وقالت بخوف : خالد بابا شوها على الاخر ذبحها بالطق قسي عليها مره خالد بقهر : يمه وشلون ماقدرتي تفكي البنت من يده قبل يقفل الباب ام خالد بعصبيه : ياللا حط حيلك أنت بعد علي أسال اختك صفاء وشلون ماقدرنا عليه وياللا ارجع مكان ماكنت فيه قبل أبوك يعلق معاك ...شافته بيعترض بس قالت بحده خالد مالك دخل عمها ويبي يربيها والبنت غلطانه وخلاص انتهينا لا تكبرها الحين ماهو وقتك فزعتك خالد قال بقهر : طيب وش السبب ام خالد بعصبيه : خالدددددد والنهايه معك فارق عن وجهي الحين خالد وعينه على الباب حق الغرفة : مصيري بعرف يمه ليه أبوي مسوي فيها كذا وطلع وهو معصب | ||||||||
|
| |
|
25-10-18, 01:05 AM
| #683 | ||||||||
| مراقبة عامة ومشرفة منتدى الروايات المنقولة
| الشموخ يوم طول سكوته وقفت بطلع ..خلاص روحي طقت وانا أبرر فتحت الباب بس قبل ماطلع قال : الحين يعني قلبه متقطع عليك وجاي يبي يفزع لك ولا وشهوو بالضبط الشموخ حسيت بقهر لفيت له وقربت منه وضربت على المكتب بقوه وسندت يديني وقلت وأنا صاكه على سنوني :وقح عناد وقف وهو يدف الكرسي بعصبيه وقرب منها وقابلها وقال بقهر :أنا الوقح الشموخ ضربته على صدره وهي تبعده عنها وهي تصرخ : تعبت من عقلك المريض خلاص عندك مية حل عشان تتخلص مني بس رافض مدري وش تبي بالضبط عناد بصرخه اعلى من صرختها :الحين علقي مريض وانا شايف زوجتي تخوني قدام عيوني وجلس على الكنبه وهو يحط يده على رأسه وقال بغصه ليتني أقدر اطلقك كان مانتظرت الشموخ عضت شفتها وقربت منه وجلست جنبه وقالت بحزن عليه وعلى حالها :عناد حياتنا مع بعض مستحيله تكفى اعتقني لوجهه الله أنا معاد فيني اتحمل والله تعبت خلاص عارفه الغلط علي كله وأنت مافي مثلك ..سكتت يوم طالعني بس قويت نفسي وقلت عناد والله فعلاً مافي حد خسران غيري أنت بتشوف حياتك مع عبيرر بس أنا بحمل لقب مطلقه وبخسر رجال سنافي تكفى لعاد تذلني أكثر وتسمعني كلام يوجعني أكثر طلقني وشوف حياتك مع عبير الي راح تسعدك وتنسيك الوجع الي سببته لك عناد قال بضعف :متأكده راح تنسيني الوجع الي سببتيه لي وراح تنسيني الشموخ الشموخ انصدمت من رده ماتوقعت يقول كذا حسيت بعمري حقيره بقوه صدق عناد مايستاهل الي صار له مني ..بس خلاص معاد ينفع مسحت دمعتي الي نزلت وقلت : يارب تخليك أسعد حد بهالكون واسفه والله على سببته لك والله انك ماتستاهل بس الشيطان هو الي لعب علي وخلاني اسوي الي سويته فيك بس هالغلطه بدفع ثمن عمري عشانها خلتني خسرت شيء بندم عليه طول عمري وقفت معاد فيني أكمل مشيت شوي بس وقفت وطالعته وقلت : ليتك تعطيني وتعطي عمرك فرصه قبل طرف ثالث بحياتنا وصدقني الشموخ بتكون لك كل شيء حسيته يطالعني بقهر وحزن بنفس الوقت بس قال : راح اطلقك هزيت رأسي ب يأس واعطيته ظهري بطلع قبل افتح الباب وقفت وأنا اسمعه يقول :لا تفرحي ماهو الحين ولا بهالسهوله راح اطلقك بس أكيد بيجي هاليوم انتظريه تمام قفلت عيوني بصبر ولفيت له وقلت : راح انتظره هاليوم ومصيره يجي وارتاح وطلعت وقفلت الباب وراي ورحت لغرفتي رميت حالي على السرير وصحت بقهر ..جية تغريد ماراح تمر كذا وبتخلي عناد يقسى أكثر من كذا ليت معي جوال وأكلم امي عشان معاد ترسلها ... وتسبب لي مشاكل أنا في غنى عنها أنا يالله أتحمل موضوع ملكته هالاسبوع الله يستر بس لا يعجل بعد بالزواج ويسوي الي في باله ويسكنها هنا .... بس من هالناحيه متطمنه شوي عارفه دلع وغرور عبيرر مستحيل ترضى .. .. @ @ @ @ { الجنوب } صحي من النوم ..وهو يحس بصداع .. بس زين انه قدر ينام ..مد يده وأخذ جواله يشيك عليه ..صغر عيونه وهو يشوف مكالمتها عض شفته بقهر ..وش يقول لها ..آه تذكر تهديد أبوه ..بس أبد قلبه ماطاوعه يطنشها رجع دق عليها جوالها مقفل ..رجع دق مره ثانيه نفس الحكايه ...افف شدن وقت تقفيلش للجوال حس بقلق ..بس تعوذ من الشيطان وقام أخذ دش وتوضى وصلى الي فاته ..وطلع من الغرفة وهو ناوي يروح لعمته .. شاف الصاله فاضيه استغرب دايم امه والبنات جالسين ..طنش وطلع واتجهه لبيت عمته نوفه دخل من الباب الفاصل ..اتجهه الباب الصاله ودقه على خفيف ودخل ..بعد ماسمع صوتها ترحب فيه استبشر خيرر ..توقع تقابله بالرشاش سلم عليها وجلس طالعها وهو مستغرب أبد ماسألت عن شدن وشلون عمها استقبلها قال :عساش ماهو زعلانه مني انا افداش قاطعته نوفه وهي تقول بوجع ومكابره :ماراح ازعل منك مهما كان أنت رجال وبنت رجلي غلطت بحقك وزين منك تحملتها هالمدة وعارفه لو الحين ماكذبت فيك كان مافضحتها بس جنت على حالها الله يصلحها ياسر مصدوم حده قال : وأنا ولد أبوي بنت رجلش ي عمه معادها بنتش نوفه وهي تمد له بالفنجان : هذي الحقيقه يمه بنت رجلي وأشرت على بطنها هالبطن ماحملها عشان تكون بنتي ولا أناغلطانه ياسر ماهو مصدق الي يسمعه معقول بهالسرعه تقسى عليها كذا وتنكرها قال : بس ي عمه وشلون هانت عليش تنكريها كذا نوفه قاطعته : يمه خلاص راحت بخيرها وشرها والحين شدن محظور اسمهها بهالعايله مثل وسكتت مافيها تكمل تحس شوي ودموعها تنزل ياسر بضيق: قصدش مثل عمتي نايفه نوفه بحده : ياسر جاي تسلم علي ولا تبي هرج زايد وقليل منفعه ياسر وقف وقال وهو مصدوم حده في عمته ماتوقع أبد بتكون بهالبرود قال :تذكري ي عمه حبها لش وتعلقها فيش وانا عارف ماسوت هالشيء إلا عارف قصدها ترجع لش نوفه طالعته بسخريه وقالت: اسمعوو مين الي يحكي ياسر حبيبي انت الي فتنت عليها طيب وبصرخه وهي تصيح وش تبني اقول يمه روح جيبها لي قلبي موجوع عليها ولا اني قادره اعيش بدونها لا انوجع وأموت بحسرتي ولا اشوف مبارك يدوسها ويذبحها قدامي مثل ماسوى في النايفه وجعني وخلاني بحسرتي عليها لما الحين لا خليها بعيده عني خلاص ومهما كان عمها مستحيل يرخص عليها شيء ولا يأذيها أول حطوو حيلهم فيها عشان زواج ابوها من غير سعوديه والحين متأكده ان حسن تغيرر وبيراعيها أحسن من وجودها قدام أبوك وبتشوف حياتها عند عمها مثل ماشافت النايفه حياتها الله يرحمها وسكتت وهي تحس بضيقه تذبحها شافته بيطلع قالت بغصه : طلقتها ياسر ياسر طالعها وهز رأسه بلااااا وبسرعه طلع وهو مقهور من نفسه ..صدق صدق الي سواه ماهو مرجله ...ليته فكر في العواقب قبل ينطق بس طلعته من طوره وقتها ومعاد فكر أبدد ركب سيارته ..وجلس يلف فيها بدون هدف تفكيره كله بشدن ..!رفع جواله ورجع دق عليها بس نفس الحكايه مقفل ... سند رأسه وهو يتذكر كلام عمته فعلاً ..شدون معاد لها رجعه مدام أبوه في السالفه وأفضل شيء عيشتها بيت عمها بس وشلون يقدر يطلعها من تفكيره ....أجل يطلقها مثل م قال أبوه وقتها يمكن معاد يحس الي يحسه الحين ... طالع جواله الي رن ..فرح يفتكر شدن بس خاب ظنه يوم شاف رقم خويه ... | ||||||||
|
| |
|
25-10-18, 01:06 AM
| #684 | ||||||||
| مراقبة عامة ومشرفة منتدى الروايات المنقولة
| {جدة } ابعدت عني المفر ش وعيني على الباب بخوف كل ماتذكر.. الي سواه فيني.. ارجع اصيح تحركت شوي حسيت جسمي شب نار علي كله يعورني وقفت وأنا دايخه ..رحت للحمام (الله يعز القارئ) وقفت قدام المغلسه وأنا اغسل وجهي طالعت جسمي فزعت من المنظر يدي كلها خطوط من الضرب عضيت شفتي بحسره على الي وصلت له ..سندت حالي شوي على الباب وأنا دايخه بسرعه غسلت وجهي وتوضيت ..وطلعت لبست عباتي وصليت وتمددت على السجادة وانا اضم نفسي بخوف والم ..سمعت صوت المفتاح يتحرك بالباب..بسرعه وقفت ..ورحت لزاوية الغرفه وجلست وتكورت على نفسي واطالع الباب بخوف وقلقبس حسيت براحه يوم شفت الخادمه داخله وهي بيدها صينية أكل وقالت وعينها على الباب : ياللا اكل سرعه عشان فيه شوي وارجع اشيله انا وقربت مني وهي تطالع جسمي هزت رأسها وهمست مافي قول لماما وبابا طيب انا جيب لك أكل وقت نوم كله بيت خلاص وحطت يدها على يدي وهي تلمس مكان الضرب وهزت رأسها وهي حزينه وقالت هنا وجع كثير رفعت اصبعها لفوق وقالت : الله فوق صحت منهاره الغريبه شفقت بحالي والي انا من دمهم دمروني .. وكررت كلمتها وقلت وأنا اصيح: فعلاً الله فوق يأخذ حقي منهم طالعت الأكل وقلت خذيه الحين مابيه هزت رأسها برفض : لازم يأكل عشان يصير قوي ومافي تعب شدن هزيت راسي وقلت : وشلون بصير قويه وأنا محطمه من كل مكان حتى أمي رمتني بسهوله لعمي عضت شفتها ورفعت كوب العصير :ياللا اشرب هذا بس طيب شدن أخذت منها ويدي ترجف شربت شوي وانا ماهو قادره ...حسيت بطني قلبت علي ..بسرعه ركضت للحمام ..واستفرغت وانا احس روحي بتطلع ..لان بطني فاضي طالعتها كانت واقفه وراي وماسكه فيني لا اطيح غسلت وجهي وساعدتني اطلع نيمتني على السرير وهمست لي :انا روح الحين وبكره يوم كل بيت ينام أجي اشوفك خلاص مسكت فيها مابيها تروح بس قالت وهي خايفه وعينها من الباب : انا لازم اروح شدن قلت بغصه : لا تروحين خليش جنبي أنا خايفه هزت رأسها : مقدر سوي مشكله ماما وبابا وبعدين يطردني انا فيه بيبي صغير لازم شغل شدن قلت وانا اصيح :طيب خلاص روحي ودي امسك فيها بس فعلاً راح اسبب لها مشاكل وهي تسعى ورا... رزق عيالها .. مقهوره على جوالي الي أخذه مني ..كان تصرفت صحت بقهر وشلون تتصرفين تدقين على أمشي الي معاد ردت عليش ولا على ياسر الي أنتظر هاليوم يوم يتخلص منش @ @ @ @ @ { الرياض } قفلت من عند أمي ..وأنا مقهوره من الي سواه ابوي في شمسه حسبي الله على مرته ..النسخه الثانيه من الجوهره دقيت على شمسه بس ..ماردت علي .. ي عمررري أكيد ضايقه الحين .. طالعت الساعه بالجوال وصغرت عيوني بقهر الخايس مافكر حتى يستنكر عدم وجودي بغرفته معقول مقد رجع غريبه شوي والساعه تجي وحده ...طلعت من الغرفة وأنا احس بطفش تلفت يمين يسار الجناح كله هاجد رجعت طالعت جهة غرفة مصعب الباب مقفول..نزلت وقابلت بوجهيي العجير اففف ماهو وقتها أبد ..بسرعه طنشتها واتجهت للمطبخ بس وققت يوم قالت :يقولون عزلتي من غرفة مصعب وضحكت بسخريه طالعته بقهر وخقلت : وش دخلتس بالله اعزل انثبر بغرفته وش لتس بينا أنا ورجلي الجوهرة وقفت وقربت منها وهي تقول :من حقك والله تعزلي من البيت كله معك رجال ماينطاق الله يصبرك عليه بس اصايل ابتسمت بخبث :لا تطمني ماعليتس ماراح اعزل من هالبيت ومصعب الي يسويه فيني على عيني ورأسي عندتس شيء ثاني بسرعه سطريه ويجيتس الرد الجوهره بسخريه ميلت فمها: على عينك ورأسك ايه والدليل ضفيتي قشك وطلعتي من غرفته اصايل زفرت بضيق : اللهم طولك ي روح الجوهرة قربت منها وقالت بخبث :انصحك لوجهه الله مصعب ذا الي مغربله عمرك عليه ترى وراه مصايب ومافي حد يدري فيها غيري ولو حابه تشوفي بنفسك عندي الي يثبت والله لا يشيب رأسك اصايل ابتسمت وقلت وأنا اشر بيدي علامة دائرة :لايكون قصدك سيدي مثل الي ماسكه عليك الجوهرة قربت منها وقالت بقهر : ايوه بالضبط بس السيدي الي عندي يخلي رقبته تتحدر بالسيف الأملح وابتسمت بشماته يوم شافت وجهاا انخطف اصايل حسيت الدنيا سودت بوجهيي تذكرت المسدس ..معقول مصعب قتل حد وهذي ماسكه عليه شيء بسرعه طلعت الدرج ..وأنا مرعوبه وجسمي كله يرجف ..بسرعه مسكت جوالي ودقيت رقمه بس مارد علي ..جلست ادور بالغرفة رايحه جايه ..قلبي منطوف عليه ..آه معاد فيني أتحمل رجعت دقيت نفس الحكايه مايرد ... نزلت تحت بسرعه وأنا ادورها بعيوني بستسفر منها وش صار بالضبط ..وليه قالت كذا أكيد فيه شيء ..ماقالت هالشي من فراغ .. بس ماحصلتها ..اتجهتت لغرفتها ودقيت الباب ماردت علي ..عارفه انها داخل بس الخايسه مطنشه ..بسرعه سحبت الجلال الي على الكنبه وطلعت للحوش ..جلست على الدكه وعيني على البوابه ..ليت أبوه هنا وكاد قدر يتصرف ولا يسوي شيء .رجعت دقيت رقمه هالمرة اعطاني مقفل ....لا لا لا هنا بموت والله تخيلت بس مصعب يقتل ..والله يسويها فعلاً والدليل وجود المسدس بخزنته يالله لطفك فيني مافيني عاد أتحمل حسيت بتقلصات بطني حطيت يدي على بطني وهمست اركد يمه ماهو وقتك أبد آه حسيت ظهري وجعني من الجلسه مصعب تأخر مره رجعت دقيت نفس الحكايه مقفل ..مشيت بالحوش شوي وأنا استغفر رفعت الجوال ... وطالعت الساعه يالله الساعه 3 يارب سترك ورحمتك .. ..الله يسامحك ي مصعب على هالقلق والخوف ..الي مسبهه لي رجعت امشي رايحه جايه ..وعيني على البوابه انتظر دخوله ..آه حسيت بتعب وبعد بخوف الدنيا هوس ولا صوت ولا حركه أكيد مين الحين برا بيته غيري (مجنوني ) رجعت جلست على الدكه نزلت رأسي على ركبتي وصحت ... بس سمعت صوت البوابه وهي تفتح رفعت راسي وشفته قدامي وهو داخل بسرعه ركضت له وقربت منه ومسكت فيه وانا اصيح وقلت وأنا منهاره : ليه ليه سويت بعمرك كذا ليه ضيعت حالك بموت والله بموت سبتك حرام عليك مصعب مسكها وهو مستغرب منها قال وهو يهدي عليها : بسم الله وش فيك اصايل طالعته وأنا اتفحص شكله كان ثوبه عليه تراب وبعد وجهه الي فيه علامه على خده الأيسر تأكدت انه مسوي مصيبه قلت وانا خايفه من رده :سويت الي في بالك خلاص مصعب قال بحده :بنت وش تقولين وبعدين وش مطلعك بالحوش بهالوقت والسواق بغرفته افرضي طلع فجأة ودخل الحوش وشافك اصايل كنت مطنشه كلامه كله وانا ادقق بوجهه قلت بهمس :قتلت مصعب مسكها من يدها ومشاها معاه ودخلها وقفل الباب وطالعها وقال : بنت بلى جنون قتلت مين ولا شفتي المسدس بيدي خلاص طلعتيني مجرم اصايل عضيت شفتي ومديت يدي ولمست وجهه مكان الضربه وقلت : ومتهاوش بعد مصعب دف يدها وقال : مالك دخل واعطاها ظهره وطلع الدرج اصايل هزيت رأسي بموت من حسرتي والله لحقته وأنا اتخطاه بعرف وش صار له : مصعب تكفى طمني وش صار بالضبط بموت من قلقلي والله ارحمني على الأقل وقولي وش صار معاك مصعب :ريحي عمرك وطلعيني من بالك اصايل بقهر وانا اشوفه يدخل غرفته لحقته وقلت :صاحي انت وشلون ماقلق عليك وانت كل يوم حاط عمرك بمصيبه وسكتت وانا اطالعه واقف مبلم يطالع الغرفة مصدوم طالعني وقال :وشهوو انسرقنا اصايل طالعت الغرفة وبلعت ريقي بس قويت عمري وتكتفت وقلت : ايه بس ماهو سرقه مثل ماتفتكر إلا حق ورجع لصاحبه مصعب عقد حواجبه وهو ماهو فاهم قال : وشلون اصايل رفعت رأسي بغرور وقلت :استقريت بغرفة لحالي وأخذت الي يلزمني من غرفتك عندك مانع شيء مصعب هز رأسه وقال وهو يأشر على الباب : خلاص مدام أخذتي الي تبين فارقي وخليني أخذ راحتي بغرفتي وقرب من الدولاب وطلع له ملابس ومنشفه اصايل عضيت شفتي بقهر الحين هذا رده المهم ماعلي فيه خليني بالمصيبه الكبيرة الي سواها قربت منه وقفت بطريقه وقلت :تضاربت مع مين وبعد تأكدت الرجال مامات بيدك وحد صورككك طمني مصعب الله يخليك مصعب عقد حواجبه وقال : وش تخربطي انتِ من أول تقولي قتلت والحين مين مصورني بعد اصايل تذكرت كلام الجوهرة خفت اقوله ويسوي مصيبه ولو فعلاً ماقتل الحين بيقتلها هي خليني اسكت احسن واصرفه قلت : طيب مع مين متهاوش مصعب رفع رأسه لفوق وزفر بضيق : يالله الصبر من عندك ونزل رأسه وطالعها اصايل الله يرحم أمك تعتقيني لوجهه الله والله تعبان حدي اصايل : ايه تعبان من التعارك والمصايب الي تسويها مصعب هز رأسه وقرب منها وقال وهو يمسك يدها ويمشيها ويطلعها برأ الغرفه وصرخ بقهر: ماينفع معك إلا كذا وقفل الباب ... اصايل طالعت الباب مصدومه للمره المليون هالرجال يطردني من غرفته .. رحت لغرفتي وأنا باقي كلام الجوهرة بعقلي يدور ..ايش معني قالته لي الحين وبعد حالك مصعب الي رجع فيها ماتطمن ليتي علاقتي معاه اليوم كانت تمام كان عرفت وشلون اطلع منه الحكي ....وقفت وانا القلق بيذبحني ..يالله صبرني على هالرجال ابتليت به طلعت من غرفتي ورحت لغرفته فتحت الباب شفت الغرفة فاضيه ..باقي يأخذ دش حضرته جلست على السرير ..انتظره كلها دقايق وطلع حسيته انصدم من وجودي..بس طنشني وجلس ينشف شعره وقال ببرود : فيه خرابيط باقي ماقلتيها اصايل هزيت راسي وقلت :ريحيني وقولي مع مين تهاوشت والي تهاوشت معه بخير مافيه شيء وانا والله بطلع ومعاد برجع لغرفتك مصعب جلس على السرير وقال :شوفي لي بندول رأسي يوجعني ومسك على فكه اصايل : رأسك ولا فككك بالضبط مصعب طالعها بحده وقال: اصايل والله تعبان حدي ومافيني اتحمل غثاثتك وترى بعد باقي ماحسابتك على كلامك قدام الجوهرة اصايل بقهر قربت منه و جلست على الأرض قدامه وصحن بضعف : لمتى بتحمل مصعب حرام عليك ارحمني من وقت ماتطلع وأنا أجلس على اعصابي اخاف من اي مصيبه تسويها وتورط نفسك وحطت يدها على بطنها ارحم هالطفل الي جاي وهو ماله ذنب بالي تسويه مصعب قفل عيونه بقهر وقال : وقته الحين ي اصايل اصايل بعصبيه : ايه وقته ونص مصعب طالعها وقال وهو ماسك نفسه بالقوه : ياللا اجل اخلصي وش تبين اصايل مسحت دموعها وقفت وجلست على السرير وقالت :بعرف وصار بالضبط ولا تحاول تنكر حالتك الي جيت فيها أكبر دليل مصعب عض شفته بصبر وقال :تهاوشت انا واحد كلب اعطيته المقسوم الي ينتظره وخلاص انتهت السالفة فيه شيء ثاني ودك تعرفينه اصايل بخوف وقلق: هوشه هوشه عاديه ولا فيها دم ومووت مصعب زفر بضيق وقال : هوشه عاديه اصايل بقلق :قول والله مصعب بصرخه: اصايل والنهايه وراي بكرة دوام وشلون تفهمين اصايل وقفت وقالت بقهر : اي دوام ذا الي تروح له من الصبح وماترجع إلا اخر الليل وحالتك حالة ومتهاوش مدري مع مين مصعب عرف انها ماراح تعتقه والله بتجلس تثرر على رأسه لمه تبثره دف المفرش وقام ومسكها من كتفها ومشاها معاه وهي متعترضه فتح الباب وطلعها ورفع يده بتهديد : ياويلك ترجعي تفتحتي هالباب ولا أقولك بقفل الباب بالمفتاح اشوف كيف تقدري تدخلي وقفل الباب بوجهااا اصايل عضيت شفتي بقهر وصرخت : يقال الحين ميته وراك إلا بعرف اي مصيبه بتودينا لها رحت لغرفتي وانا معصبه ..جلست وأنا اتذكر كلام الخبيثه الي لعبت بعقلي ضربت على رأسي اصايل بالعقل لو هو قاتل أحد كان بيرجع كذا البيت طبيعي وبعد بينام حسيت بشوية راحه ..بس شكله الي رجع به مايطمن ايه عادي متهاوش مثل اي أحد تهاوش وماشاءالله زوجك اخلاقه مره عاليه ..حطيت رأسي وانا ادور النوم ضربت المخدة بيدي أكثر من مره وأنا اصرخ بقهر الخايس حتى ماقال مجامله ارجعي غرفتي صغرت عيوني وقلت ايه ماصدق هين مصعبوه انا وراك بخليك تلف وراي ماتحصلني ..ابتسمت بسخريه نامي اصوله والله مايدري بتس وين وبيخليتس تلفين حول نفستس من الي بيسويه فيتس .... | ||||||||
|
| |
|
25-10-18, 01:07 AM
| #685 | ||||||||
| مراقبة عامة ومشرفة منتدى الروايات المنقولة
| { جدة } اليوم الثاني حطت يدها على كتفه وقالت :شوف ضربك لها ماراح ينفع بشيء خلاص شيء وصار بس عندي لك حل دق على زوجها وخله يأخذها ويفكنا تكفى ي حسن مافيني أتحملها خايفه على بنتي تخربها ولا خله يطلقها ابو خالد طالعها بعصبيه وقال وهو يقاطعها : مالي وجهه أدق عليه وبعدين لو طلقها ببتلي فيها ام خالد بخبث : ماراح تبتلي فيها زوجها لااي شايب ولا عامل من الي عندك ابو خالد بقهر : وش تقولين أنت مفتكره هالشيء سهل وضرب يد بيد ال**** كيف هربت وليه طالعها وقال بغيض وشلون سمعتي بالجنوب الحين سودتها الله يأخذها ام خالد بحقد : قلت لك دق عليه وتفاهم معاها وخله يقلعها من هنا وقفت ترى مافيني اتحملها على وساختها هذي عندي بنت بزوجها مابي شيء يشووه سمعتنا ابو خالد صرخ بقهر : اقولك مالي وجهه ادق عليه مابي اسمع منه شيء اخاف بعد من مبارك يقهرني بالكلام ونزل رأسه وقال بغصه ماتوقعت أبد هالشيء منها .... @ @ @ @ ( الرياض ) صحيت على صوت الجوال ..مديت يدي وأخذته شفت رقم أختي شمسه ابتسمت ورديت وقلت : وش ذا الازعاج : وش ذا الدلع نايمه للحين ماشي منتس جلست وأنا ارفع شعري : وش اسوي طول الليل سهر إلا اخبارتس وعلومتس :علومي على حالها قلت بحزن : شمسه حبيبتي ماعليتس بالي سواه أبوي فيتس والله ضايقه حدي من وقت ماقالت لي أمي قالت بغصه: تدرين فيني قويه ومافي شيء يأثر فيني قلت بتردد: وشلون عواد قاطعتها وقالت :قصدتس النسخه الثانيه لابو محمد عقدت حواجبي وقلت : شمسه تدرين بحظنا وشلون قايل بس حاولي تتفاهمي مع عواد والله يحبتس وأنت أكثر وحده عارفه بهالشيء بس غروره مضيعه شمسه بضيق :اصايل حبيبتي ماعليتس فيني اهم شيء أنتِ طمنيني عليتس وعلى الحلوو الي جاي ابتسمت بسخريه وقلت : ماشيء حالنا كل يوم نعيش مغامره جديد مع أبوه وسكتت وأنا اشوف البابانفتح وكان مصعب اعتذرت منها وقفلت رفعت حاجب وأنا اشوفه يطالع الغرفه بسخريه سندت ظهري وقلت :عسى عجبتك بس طالعها وميل فمه بسخريه : طول عمرك ذوق اصايل عضيت شفتي بقهر يتمسخر حضرته : وش تبي طيب جاي غرفتي وأشرت للباب برااااا ورفعت حاجب ماهو لحالك تعرف تطرد مصعب ضحك وقرب منها وقال : هبله المهم جاي اودعك بسافر اصايل مسافر بسرعه نطيت وقفت وقابلته : مسافر ليه بتشرد ولطمت على وجهي يمه يمه والله انها صادقه بالي قالته مصعب وهو مصدوم من حالها :اصايل اشرد ليه اصايل بخوف : ليه مسافر طيب مصعب : أبوي دق علي يبيني أكمل الشغل هناك لانه بيطول وهو ماهو فاضي بيرجع اصايل بشك : متأكد مصعب هز رأسه وقال : ويقولون أنا المجنون اصايل بقهر : خليتني مجنونه مثلك مصعب ابتسم وقال : أجل حياك بينا وطلع وهو يضحك على تعبير وجهااااا اصايل بسرعه لحقته وقلت و أنا باقي استفسر : متأكد مصعب مافي شيء مصعب طالعها وقال : انتبهي على نفسك فاهمه واي شيء يصير معك خبريني على طول وبتحذير ماهو كل وقت تدقين فاهمه ماهو ناقص رجتك اصايل تكتفت بزعل: ماراح ادق عليك مصعب قال وهو يلبس النظارة الشمسيه : احسن وأشر لها باي اصايل استفزني ال****** @ @ @ بعد اسبوعين == = شدن طول هالفتره حالي مايعلم فيه غير ربي ..بالغرفه محبوسه ماعمري طلعت منها ..وخلاص تعبت من كثر الطق من عمي ..طول وقته وهو يحقق معي ..بس أنا رافضه اتكلم لأني عارف مهما بررت ماراح يصدقني مثل أمي وياسر وبعد تذكرت كلام ياسر يوم حذرني قالي لا تقولين ولا تكلمين ايه بسوي الي قاله آه خلاني ادور على ياسر وحياتي معه بشمعه على قولهم ..واليوم صدمني جاء وهو يهدد يقولي بيدق على ياسر عشان يطلقني مدري على وشهوو ناو ي طالعت مرة عمي يوم دخلت هي والشغاله الي بيدها صينية أكل قالت بتذمر : شوفي سكوتك ذا ماراح يفيدك بشيء قولي لعمك وش الي صار بالضبط صدقيني ماراح يرحمك إلا لما تقولين الحقيقه مايبي يدق على رجلك وينصدم بشيء ثاني اعطيه الي صار معك بالضبط ابتعدت لنهاية السرير وأنا أكل اظافيري بخوف وهزيت راسي برفض .. ام خالد قربت منها وقالت بحقد :قسم بالله لو يغير العقاب ماراح تسلمين وترى الخايس رجلك بعد شكله مايبيك حتى سؤال ماسأل عنك هذا دليل انه مايبيك وبتجلسين عله على قلوبنا أحسن لك أحكي وقولي وصار معك بالضبط تعرفي عمك دمه حار وماراح يمهلك أكثر عن كذا وترى للحين بالعافيه نقدر نرده عنك إلا هو ناوي يذبحك طول الوقت وهو يضربني وتقولين تردينه عني طالعت صديقتي الجديده الي متعاطفه معي وصارت لي أفضل منهم كلهم ورجعت طالعت أم خالد حسيت برعب تكورت على نفسي بخوف وانا اخبي وجهي مابي أشوفها اكرها ... تنفست براحه يوم صرخت :عساك ماتكلمي وطلعت وقفلت الباب بالمفتاح .. صرخت بوجع : يمه وينش انا فدا خشمش ابيش تنقذيني منهم | ||||||||
|
| |
|
25-10-18, 01:08 AM
| #686 | ||||||||
| مراقبة عامة ومشرفة منتدى الروايات المنقولة
| اصايل طالعت الجوهرة وشلون مختبصه بعرس ولدها وطول اليوم تحط وتشيل كتمتنا بهالبخور من صباح الله ..يقال فرحانه الحمدلله .. ومصعب ماهو موجود ..يمكن هالسفريه خيره وأحس بعد أبوه صرفه بطريقه حلوه لانه أكيد خايف لو موجود أكيد يسوي مصيبه من مصايبه ويعلق مع الجوهرة وحنا مو ناقصين والله مافي أحد متأذي غيري وغير ابوه من مشاكلهم هو الجوهره الي ماتخلص ... تذكرت مرته الي كان خاطبها مصعب ..ي حرام وش وضعها اليوم وليه كذا تزوج عليها بهالسرعه ..اذكر انه تزوجها بعد زواجي من مصعب ..يعني مالهم كثير مع بعض ...وقت ماشفت الجوهرة قريبه مني حطيت رجل على رجل يقال اقلدها :إلاماتشوفين الكوفيره تأخرت الجوهرة طالعتها بقهر :لاااا أنا معطيتها الوقت الي تجي فيه .. ولا يكون ناويه تحضرين وتبينها تجهزك وبعد لا تصدميني وتقولين بترقصي لولدي اصايل ميلت فمي بسخريه وقلت وأنا احط يدي على بطني : والله مافيني حيل احضر وارقص إلا ماكنت راح أقصر كم جوجو عندنا بالله الجوهرة بخبث :لا اصايل صدق احضري على الأقل انتِ من أهل رجلي وبتمثيل مافي حد بيشرفني وخواتي كلهن بجده اعتذروا معاد الكبيره بس جايه وطالعت الساعه ياللا يمديك تجهزين والله باقي بدري اصايل الخايسه تلعب علي جالسه وأنا والله اودي احضر احب الاعراس ..بس وش يفكني من مصعب ..تعوذت من ابليس وقلت : لا لا ماحب الاعراس الجوهرة طالعت ابو مصعب الي دخل عليهم قربت منه وقالت وهي تمسك يده بدلع :صقور اقنعها الله يخليك ودي حد يحضر من هالبيت اصايل رفعت حاجب يوم طالعني كأنه ماهو عاجبه ابو مصعب قال ببرود :على كيفها تبي تحضر ولا تنطق اصايل عضيت شفتي وأنا ادعي عليه انطقت عظامك ي المخرف ..بس وقفت وقربت منهم وقلت بخبث : جوجو لا تحاتين سوسو ماراح تقصر معك وطالعت ابو مصعب الي وجهه انخطف لعبت بحواجبي ..كلها يالشايب أجل انا تكلمني بذا الأسلوب الجوهرة وهي تتذمر : وين سوسو مشغوله في بنتها ياللا اصوله تكفين تعالي اصايل والله ي النشبه وش فيها ذي بعد ناشبه لي إلا أحضر ..بس فكرت أقهر مصعب مثل مايقهرني ايه بنتقم منه ..إلا حتى مافكر يسأل عني ولا عن صحتي من يوم ماسافر مارفع الجوال ..ناسي انه عنده مره ..ابتسمت وقلت :تمام بس يمديني اروح السوق أخذ لي فستان الجوهرة بسرعه قالت : ولا يهمك الحين بخلي الي يصمم لي دايم يرسلك لك صور فستانين وانتِ اختاري ويجيك لما البيت بس اعطيني مقاسك بالضبط اصايل قلت وأنا اسوي عمري ثقيله : لا لا مشكوره مايمدي والله عاد وشلون يفصل بسرعه شوفي الساعه كم شوي ويأذن الظهر الجوهرة بحماس : يفصله لك بساعتين ولا اقولك عشان نظمن افضل اخلي السواق ومرته يودونك السوق وأنت اختاري الفستان الي يعجبك والحساب علي اصايل رفعت حاجب وقلت : بعد الحساب عليك وطالعت ابو مصعب يوم قال : مين قدك الجوهرة راضيه عنك اليوم الشمس من وين طالعه الجوهرة بخبث وهي تمسك بيد صقر : وش اسوي صقور والله احبها هالبنت بس رجلها هو الي يقلبها علي وهي شويه لسانها طويل اصايل حسيت ان صقور ماهو مصدقها واحسه يرقع لها ...مثل الي يقولها من فتره مكفختك والحين تحبينها ...بس طنشت اهم شيء اقهر مصعب ..مثل ماقهرني وهو يقول ماله دخل فيني ..أجل بوريه وبعيش حياتي على كيفي وبطلعه من رأسي وبريح عمري من همه ومن مشاكله ... وخلينا نعيش مثل أجواء الجوهرة يمكن نغرق بالعز والدلع الي هي فيه ... طالعتها وشلون تدلع على الشايب مدري وش ناويه عليه كشرت وععع الله لا يقولها اصير مثلها .... @ @ @ @ { الجنوب } زفر بضيق يوم أبوه سأله بلع اللقمه وقال : يبه بطلقها ريح عمرك بس اعطني وقت قلت لك مايصير اطلقها بهالسرعه ابوياسر وقف وهو معصب :والله ي سلمى لو ماتعقلين ولدك لا اعرف وشلون اتصرف معه ام ياسر وهي تطالع ياسر : ي مبارك خلاص قالك بيطلقها واجلس كمل أكلك وعين من الله خير ابو ياسر بعصبيه : ولدك ذا مايخلي حد له نفس يأكل وطلع وهو معصب له شهر جاي وهو كل يوم كل يوم نور تذكرت أخر مره كلمتها شدن وشلون سمعت الصراخ من وقتها وهي جالسه على اعصابها بس خايفه تقول لأحد وتنفضح انها تواصلت معاها طالعت ياسر بصدمه يوم سألها : عندش أخبار عن شدن حست برجفه بجسمي خفت اقوله وش صار اخر مره كلمتها تعلق معاه وبعد يمكن أمها تقول لأبوها هزت رأسها بلااااااااا ياسر وقف وقال بقهر : الخبله مقفله جوالها ودي اعرف ليه ام ياسر بقهر : بعدك تدق عليها يعني ماتشوف ابوك وشلون معصب منك ياسر بقهر : يمه مافي أحد فيكم فاهمني ام ياسر بقهر: ايه مره مافي أحد فاهمك والله انها بتكبر بينك وبين أبوك بسبتها وقول أمي ماقالت @ @ @ الشموخ أخذت شور وطلعت ..نشفت شعري وخليته مسدول ..عشان ينشف طلعت من الغرفه وطالعت جهة غرفة عناد لما الحين نايم المعرس ... رحت للمطبخ سويت لي كوب قهوه تركيه وطلعت للصاله ..وأنا أفكر بعرس عناد الي غاصبني إلا أحضر ..رفعت الكوب وأخذت رجفه منه وبالي راح في الي صار بعد ملكته وبعد زيارة أمه لنا طبعاً هالاسبوع كله غاثتنا رايحه جايه ..يقال تتفق مع عناد على كل التجهيزات ماتبي شيء ينقص على قولها وتنفضح ..احسها تتعتمد تغيضني بس أنا أكابر على عمري واسوي انه مايهمني وأنا بموت من القهر بس الي قهرني أكثر يوم عناد صدمني بطلبه بعد ماطلعت أمه قال :لو ناقصك شيء للزواج مستعد اوديك تتقضين طالعته مصدومه اي زواج يبيني استعد له طنشته ومارديت عليه ...قرب مني وقال :مالي مزاج أخذ واعطي معك بالكلام زواجي وبتحضريه غصب عنك فاهمه طالعته وأنا مقهوره وقلت : وش تبي تستفيد منه لو حضرت ميل فمه وابتسم : كذا مزاج الشموخ عضيت شفتي وأنا امنع دموعي وقلت بصوت مكسور :تبي تذلني يعني قدامها وقدام الحضور عشانك أخذت علي وخليتني أحضر بعد كله ذا انتقام من جية تغريد للمره المليون أقولك يعلم الله مادري بجيتها وكانت مفأجاة لي عناد وقف وقال بعصبيه :لا تأخذين وتعطين الموضوع منتهي بتحضرين وبس هذا الي عندي ناقصك شيء امشي قدامي ماهو ناقصك انثبري مكانك وخليك جاهزة لليلة العرس ولا بتصرف معك تصرف ماراح يعجبك وماهو من صالحك كل وقت اهددك واذكرك وش بسوي لو رفضتي الشموخ طالعته بحقد: ماراح انسى لك هالشيء ي عناد عناد قرب مني وقال بحقد :قولي يارب بس انا اقدر انسى الي سويتيه فيني (يالخاينه ) الشموح حسيت الأرض تحتي اهتزت من كلمته قلت بغصه :ودني السوق ماعندي شيء البسه ولو اعطيتني خبر من قبل كان فصلت كم عندنا عناد بيتزوج عناد ابتسم بخبث وقال : صح كم عناد عندك واحد وهالله وهالله ابيك ترفعين رأس عناد تعرفين انتِ تخصي المعرس والعين كلها عليك الشموخ طالعت عيونه ادور عطف لو شوي فيها بس لا كان يطالعني بحقد وبلذة الأنتقام قلت :العين علي بتكون شماته ي عناد عناد رفع يده بدون مبالاة: الي بتكون تكون وياللا لا نتأخر الشموخ بسرعه لبست عباتي وأنا حالفه ماوضح له انكساري وذلي أكثر عن كذا طلعت معه للسوق ..وأخذت افخم فستان واغلى بعد ..ابيه يعترض ..شيء بس لا كان يدفع بدون مايقول شيء ..وبعد أخذت اغراض لي ..نسيت عناد وقهره لي ..وطلعت غيضي كله بالتسوق ..وأخذت الي ناقصني لسنه بعد كذا كنت أخذ بنفس الوقت انتقم ..صح انتقامي ماهو شيء قدام الي سواه فيني بس هذا الي طلع معي وقدرت عليه ..بس كان يقهرني أكثر يوم يدفع من غير مايسأل ...بس صدمني يوم قالي وحنا بالسياره مروحين للبيت :تصدقين عبير وافقت تسكن معك بالشقه وطالعني وقال توقعت تعترض بس والله كبرت بنظري يوم وافقت بدون حتى ماتشوف الشقه وش مساحتها ولا سألت كبيره صغيره هالبنت عينها مليانه عكسك الله كريم عوضني وقتها ماخليت دعوه عليها ولا عليه من القهر الي قهرني فيه يعني صمم وبيسوي الي براسه يسكنها معي وشلون هذي تجي اهدي اهدي ي الشموخ عناد جالس يستفزك يبيك تعصبين وقلبه يبرده انه قهرك بعينك أنولك الي تبي خلاص يكفي قهر والصياح الي صحته قدامك صديت وطالعت الشارع وقلت وقلبي يغلي : الله يسعدكم ويارب الشقه يوم تشوفها على الطبيعه تعجبها ونشوف وقتها عينها مليانه او لا عناد وهو يوقف عند الاشاره سند نفسه شوي وقال وهو يطالعها : واثق فيها كثيرر الشموخ اففف حطيت الكوب وانا نفسي منسده هزيت رأسي بقهر : وشلك تفكرين به وبكلامه خليك منه وشلون مافكر والحين رايحه اتجهز لزواجه آه وش ذي الحياة ... طالعته يوم طلع من غرفته وتوه صاحي من النوم عاقد حواجبه ومعصب ..قلت بسخريه : وش به العريس معصب روق ي شيخ الليلة ليلة العمر طالعتي والقهر واضح عليه ورفع يده لخشمه وقال : اوشش واصله لهنا ورمي نفسه جنبي على الكنبه وأخذ كوب القهوه وشربه الشموخ طالعته وقلت : ماهو من الذوق تأخذ قهوتي قول انك تبي وبقوم اسوي لك عناد طالعها وهو مسند رأسه على الكنبه وقال :جاهزة اوصلك الشموخ صديت وقلت : بدري على الكوفيره الحين عناد :بعدها بنشغل وماراح افضى الشموخ ودي اقوله احسن انشغل وكاد ارتاح من هالروحه بس انا عاهدت نفسي ماوضح له ضعفي وان زواجه مأثر فيني .. وقفت وقلت : تمام نص ساعه بس عناد هز رأسه بدون مايتكلم الشموخ دخلت غرفتي ..وجلست على السرير وطلعت الي بقلبي كله ..صحت لما حسيت رأسي وجعني ..ليه مايحس انه يوجعني ليه مايحس انه كذا بيشمت فيني الكل .. تعبت وأنا اوضح له وعجزت من عناده المصيبه ان بعض صديقاتي الي بالجامعه مثل ماقالت تغريد بعضهم صديقات عبيرر وأكيد بيحضرون مسكت على رأسي احسه يوجعني من كثر الصياح ...آه وليته نفع هالصياح ماغير يعاند ويتلذذ بالي يسويه فيني رحت غسلت وجهيي أكثر من مره وغيرت بجامتي وجهزت الفستان والأغراض بدون نفس ..أكيد بدون نفس إلا وحده صاحيه تحضر وتجهز لزواج رجلها لبست عباتي وطلعت شفته باقي متمدد على الكنبه جيت وجلست على الكنبه الثانيه بدون ماتكلم ..طالعني وجلس وقال : اخذ دش بس تمام هزيت رأسي بدون ماتكلم وش يبني اقول تمام انتظرك عشان توديني لكوفيره اتجهز لعرسك آه ليت ماهو ماسك علي شيء قوي اقسم بالله ماكان خضعت له كذا ..طالعت جواله الي خلاه على الطاوله ..فرصتي اكلم أمي واطمنها علي ..لأني عارفه زعلها علي وعلى الي صار فيني بس ترددت اخاف يطلع ماهو ناقصه شكوك وكلام يقهر .... طالعت الساعه شوي وتجي 3 كلها دقايق وطلع وهو لابس ثوب وحاط نظارته الشمسيه على شعره المبلل وقال وهو يقفل ساعته :نمر نتغدا بمطعم اوكيه وبعدها اوديك الشموخ فتحت عيني بصدمه اي نفس بأكل بالله فيها وأنا عارفه بعدها لوين رايحه هزيت راسي وقلت : لا ودني المشغل وأنت روح المطعم وتغدا وخذ رأحتك عناد: ماتغديتي انتِ الشموخ يمه على الحنون تكفى ارحمني قلت بهمس : مالي نفس عناد قرب منها ونزل نفسه شوي وقال بستفزاز :لهالدرجة زعلانه عشان زواجي الشموخ صغرت عيوني بقهر شوفوو الخبيث بس مسكت نفسي وقلت وانا امثل البرود :عناد قلت لك مايهمني من الأول الحين يعني بفكر عناد رفع نفسه وقال بقهر: طيب ياللا قدامي الشموخ مشيت معه وانا مبسوطه اني قهرته لو شوي ...كلها دقايق وفعلاً وقف جنب مطعم طالعته بقهر يالله اسم على مسمى خلاص قال مطعم يعني مطعم اففف نزلت معه وانا كاره عمري ..طلب لي على ذوقه انقهرت وقتها صدق وقلت : عناد حتى في الأكل ماتبي تأخذي رأي عناد رفع حاجب وقال : الي يعجبني يعجبك الشموخ : يعني السالفه تملك عناد هز رأسه وابتسم وقرب نفسه شوي وهو يتسند على الطاولة وقال : يحصلك انتِ عناد يشاركك الي يعجبه الشموخ رفعت حاجب وهمست :الثقه عاليه واجد عندك انقهرت زود من ابتسامته وكلها دقايق وجاء الاكل ..على الأكل الي طلبه حسيت عمري أكلت أكثر منه ...هو ماغير أكل لقمتين وقف أكل وجلس طول الوقت يطالعني حسيت عنده شيء بيقوله بس متردد ... سبب لي توتر حطيت الملقعه وقلت وانا أخذ فاين امسح يدي: الحمدلله شبعت طالعته يوم وقف على طول كأنه ينتظرني اشبع وقال : أجل ياللا مشينا اتجهنا لجهة المغاسل وغسلنا وطلعنا بعدها للمشغل طالعته قبل مانزل وقلت :عناد على طول قاطعني وهو يطلع جوال من الدرج وقال : خذي هالجوال عشان تقدري تكلميني منه يوم تكملين دقي علي وبرسل لك سواق أمي يأخذك للقاعه وبتحذير والله لو اعرف بس انك داقه على رقم غير رقمي ياويلك فاهمه يالشموخ خلني اوثق فيك لو مره هزيت راسي وقلت بحسره وأنا أخذه منه : تطمن ونزلت ..وأنا استغفر الله ابي ربي يقويني .. @ @ @ @ اصايل آه وصلت البيت بعد مااااخذت لي فستان دخلت وشفت الجوهرة بوجهي كشرت ي ناس كذوب الحين يقال فرحانه اني بحضر قالت وهي مستعجله : ياللاا الكوفيره تنتطرك وياللا يمديها تجهزك بنتأخر على القاعه قلت ببرود : عادي روحي وانا راح أجي أول ماجهز الجوهرة وهي معترضه هذي فرصتها : لا لا رجلي على رجلك اصايل حسيت بغثيان منها وش فيها ذي كذا ناشبه اليوم فيني قلت : طيب تمام أخذ شور بس وانزل ... الجوهرة هزت راسها : تمام على بال ماتكمل من عنود بس تكفين متأخرين عشان باقي بعد بروح اشوف عبيرر اصايل عنودد احخخخ ذي الخايسه الي قهرتني هذاك اليوم ... ياربي اكره عالمهم هذولا بس وش اسوي بنتقم من مصعب على تطنيشه لي @ @ @ @ الشموخ طالعت نفسي بالمرايا ..بعد ماكلمت مكياج ولبست ابتسمت بحزن ..الحين هالكشخه ..عشان أحضر عرس زوجي ..عضيت شفتي وأنا امنع دموعي يارب صبرني ..أخذت جوالي ودقيت على عناد يرسل لي السواق مثل ماقال ... وكلها نص ساعه ودق علي وقالي اطلع ..لبست عباتي وطلعت انصدمت من وجوده بالسياره قدام الباب ..فتح الدريشه وأشر لي أقرب مشيت يمه وانا باقي مستغربه قال بيرسل لي ..السواق ======= === == كتتتتتتت خفيف لعيونكم & نونــي بنت الجنوب & سبحان الله وبحمده سبحان الله العظيم "الوتر أحبتي " (الله يرحمك يامن اوجعني فراقك ) | ||||||||
|
| |
|
25-10-18, 01:10 AM
| #687 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 65 ( الأعضاء 15 والزوار 50) فيتامين سي, البرنسيسة موني, ام عبوديي, better tomorrow, شيماء انس, ام تنسيم, نجمة مساء, نور كان بيروت, Deem4, ريما الشريف, الورد الامل, امواج الخريف, sandi1, 4sttaa, العزوف 22 قراءة ممتعة لكم ..... وردود ممتعة لنا ....... وللغالية نوني ....... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
