05-11-18, 10:55 AM
| #712 | ||||||||
| مراقبة عامة ومشرفة منتدى الروايات المنقولة  
|  انتظروني بكره ان شاءالله ينزل لكم البارت على ان عندي حالة تبلد وفتور غريب أول مره احس به وأنا أكتب ي خوفي حالتي هذي تأثر بالبارت وتنغثون أكثر ماهو منغثين من روايتي وابطالها & نوني بنت الجنوب & | ||||||||
|  |
|
05-11-18, 11:25 AM
| #713 | |||||
| نجم روايتي
| اقتباس:
اييي الحمد لله لان كولش متشوقين لاحداث البارت ويارب يبعد عنج الضيق 💕😘 | |||||
|
| |
|
07-11-18, 12:29 AM
| #718 | ||||||||
| مراقبة عامة ومشرفة منتدى الروايات المنقولة
| استغفر الله وسبحان الله والحمدلله والله أكبر اللهم صل وسلم على نبينا محمد ( صلو عليه ) (الصلاة ثم الصلاة الروايه لا تلهيكم عنها اللهم بلغت اللهم فاشهد ) ========= === لحظه لحظه قبل البارت عندي شيء ودي اعرفه من باب الفضول آه ماهو كأنه زايد هاليومين هالفضول فيني >>> اتاري شدون ماراحت بعيد طالعه لأمها (المهم مين الشخصيه الي تحبونها وتفضلونها بالروايه وتحبوون وقت مايجي دورها ) بشوف مين من بطلاتي محبوووبة الجماهير ( يارب يارب بنتي شدون يارب عارفه الحين كيثر بيقولون في احلامش نوني بنتش محبوبه عندنا طيب نوني تقولكم الي يتمنى حرام امنيه ويارب تحقق أمان ياربي أمان ) ======== ==== {40 } قربت من السيارة ..وأنا متفاجئه ...سميت بالله وركبت طالعته ... وهو بكامل كشخته حسيت ب أمل انه يقولي ..خلاص هونت وجاي وأنا مسامحك ونبدأ من جديد حسيت قلبي يدق بسرعه انتظرت يتكلم يقول شيء بس حرك السياره بدون مايتكلم قلت وأنا ابلع ريقي :غريبه جاي لي بنفسك وأنت قايل بترسل لي السواق وقفلت عيوني أنتظر رده ....يارب مثل ماتوقعت ..بس خابت كل أمالي يوم حسيت بنبرة السخريه الاذعه بصوته :مع الأسف السواق ماهو فاضي وابتلشت فيك أنا وقال بتذمر واضح بصوته إلابه عريس فاضي بالله يقضي مشاوير الشموخ كرررت كلمته ( يقضي مشاوير ) وأنا مصدومه ومعصبه من نفسي على أفكاري الي كان بتخليه يشمت فيني لو كشف فرحتي بس الحمدلله قدرت اخبي صدمتي ...عضيت شفتي بقهر وقلت :أنت غربلت عمرك إلا أنا هالعرس كله مابي أحضره عناد ميل فمه وقال بخبث: ليه ماودك تحضرين وإذا ماهو حابه تردين وتبي تحتفظي بالرد على رأحتك بعد وابتسم بستفزاز اللهم طولك ياروح ...اهدي اهدي جالس يستفزك تكفين أمسكي نفسك لا تفرحين... عناد إذا وصل... للي يبيه ..طالعته وقلت ...وأنا أحاول تكون ..اعصابي بارده: لا وش دعوه احتفظ بالرد ولا يهمك بقولك الي بخاطري وليه وماودي أحضر ي عزيزي عشان لا المعرس من باقي أهلي ولا العروس تقرب لي عاد هنا على ماظن وصلك الرد وليت ترجعني الشقه عناد ضحك بسخريه وقال : والله وصل بس ماعليه اعتبري حالك توك تتعرفين عليهم ماراح تخسرين شيء والشقه بترجعين لها ولا يهمك بس بعد ماتشرفين عناد الشموخ فركت يديني ...في بعض من القهر .. ودي انط عليه وأخنقه واريح عمري ..مستفز بشكل قال ايش اتعرف عليهم ... أخذت نفس طويل وسندت رأسي ..على الدريشه بيأس ...وأنا اتخيل لو فعلاً صار الي فكرت فيه يوم شفته واقف قدام الباب .. انه غير رأيه بأخر لحظه .. وشلون كانت بتكون فرحتي وسعادتي ..بس وشلون يغير رأيه بهالسهوله البنت على ذمته ...طالعته بطرف عيني ..ورجعت طالعت الطريق ... قفلت عيوني متألمه من كلامه يوم قال :مابي اي حركه ي الشموخ تزعلني منك وبعد ماوصيك تتحملين أمي لو قالت شيء ولا تخربين ليلتي تمام ونصير مسخره قدام الكل لا لا معاد فيني أتحمل صرخت بقهر :مدام خايف لهادرجة على لليلتك وشهوله غاصبني أحضر ...ومن الحين أقولك والله ماسكت لو حد غلط بحقي أمك ولا غيرها حط هالشيء برأسك عناد عناد ابتسم وقال بصوت مستفز :ي عيون عناد ليه زعلانه الحين وبعدين مفروض ماتزعلي أنا ماقلت شيء يزعلك رجال ومابي (ليلة عمري )تخرب من حقي ولا لا الشموخ رفعت رأسي وأخذت نفس أكثر من مره يارب يارب قويني يارب عضيت شفتي وطالعته وأنا اتلفت بدور شيء ارميه فيه وقتها يعرف وشلون يتووب يستفزني بس صديت يوم قال : وش تدورين مارديت عليه وطالعت الطريق ...وقلت وأنا متملله : وين القاعه باي مكان عناد وهو منتبه على الطريق :موقعها شوي بعيد ...... هزيت رأسي وقلت وأنا عندي فضول :بتنزف مع العروس طالعني شوي ..وحسيته انصدم من سؤالي بس هز رأسه بلاااااا حسيت بفرحه ..مدري ليه ... ماتخيل أشوفه قدامي يزفها ..لأني وقتها ماضمن رد فعلي وكاد أحرقه ..وأحرقها قلت بسخريه: طيب ي المعرس شغل لنا شيله تحسسني بهالليله العظيمه والمميزة (فرح عناد ) ويكون كذا بارد!!!! عناد وده يرميها من السيارة من القهر الي هو فيه جاي لها وهو يتمنى يشوف ..بس حسرتها ولا تترجاه يهون ولا تسوي اي شيء ..بس ماتكون بهالبروود وبعد تبي يشغل لها شيء يونسها حط اصبعه على المسجل وشغله وهو مقهور وقال وهو صاك على سنوسنه :استانسي الشموخ ابتسمت بألم وهزت رأسها وهي ترفع يدها وتحركها يقال مستانسه وهي ميته من القهر بس انصدمت يوم مد يده ومسك يدها يمنعها وقال بحده :بسسس رفعت حاجب وسحبت يدي وخاطري أنتقم منه :الحمدلله والشكر حتى في ذي مستخصرها علي وماتبيني أفرح لك عناد بقهر قفل الشيله وقال بغيض واضح بصوته: انكتمي الشموخ تكتفت وأنا بقمة وناستي أجل موت بغيضك ..ايه أنا قويه وبظل قويه لا عناد ولامليون مثله يقدرون يهدوون شموخي ================== ======== == {الجنوب } ياسر رجع البيت بعد أمه دقت عليه ..وقالت يجي ضروري ..وصوتها متوتر حس ان أبوه بالسالفة ..وأكيد عشان موضوع شدن ...الي ماراح يتقفل ..حاول يفهم منها قالت بسرعه تجي الحين وخلاص وقفلت بوجهه ..دخل شاف أبوه جالس بوسط الصاله ينتظره ..قفل عيونه وهمس ..هذا الي خايف منه أبد ماعنده استعداد الحين للمواجهه مع أبوه قرب منه وسلم فوق رأسه وهو يتذكر وشلون طلع الظهر زعلان منه ..وقرب من أمه وسلم فوق رأسها وهمس :عسى خير يمه همست وهي توصيه :لا تحاول تعارض أبوك بالي يقوله ترى متحلف فيك وهوو غصبني أدق عليك طالعت زوجها الي قاطعها وقال:بدل هالمساسره مع ولدش خليش مره فاهمه واعيه وفهميه ان يبعد بنت الغريبه من رأسه ويطلقها قبل ننفضح بين جماعتنا ياسر قاطعه وهو متضايق : يبه بطلقها بس قلت لك أبي مده بس لو شرحت لك مقصدي مستحيل تفهمني أنت صامل ..على... ابو ياسر بعصبيه قاطعه : بعد تبيني أفهم مقصدك وأجلس كذا انتظر حتى سمعتنا تطيح بالأرض ياسر والله ثم والله لوحسيت بشوية أمل انك تقدر تردها والله لا ارمي عليك ولا أفكر وتعرفني وشلون إلا سمعت العائله عندي ومد بالجوال وقال بحده دق على عمها الحين وقوله انك بترسل بورقة بنت أخوه هذي الي وطت رأسه وعلمه بفعايلهاخليه يربيها ياسر بعتراض : يبه حرام مايصير كذا والله البنت بترووح فيها تكفى يبه تمهل شوي ومالك إلا طيبة الخاطرررر ويوم شافه بيدق بسرعه تقدم منه وهو يبي يأخذ الجوال ابو ياسر دفه عنه و رفع جواله ودق رقم عمها وطالع ياسر وقال : ماحبيت ادق عليه وأنت ماهو موجود اسمع الحكي الي يسرك الحين ياسر عصب من قلب ورجع قرب من أبوه بس أبوه صرخ وهو يقول : ابعد هناك ولا والله الليله مايصير خير معاد إلا هي تبي الكل يحكي عني وأنا باقي انتظر وش تسوي ي الخسيس أكيد ماعندك دم وتحس بالمصيبه الي سوتها مرتك ال********* إلا لو انك رجال ماسترت عليها ياسر طالع أمه بتوسل يبيها تسوي شيء بس أمه هزت ...رأسها يعني ..مابيدها شيء ماغير تسوي الي ...يطلبه منك .. قال بسرعه : يبه بطلقها بس تكفى قفل الجوال ولا تدق بس قفل عيونه بقهر يوم سمع صوت أبو خالد ..كور يده وضرب الجدار بعصبيه ..أكثر من مره بس لفتته صوت ابو خالد الحاد شك من صوته كأنه عارف قبل يخبره أبوه حس قلبه يدق بخوف عليها لا يكون قالت له .. ليه ي شدن عض شفته وهو مقهور يوم سمع أبوه يقول بعصبيه : اسمع لا سلام ولا كلام اللي بينا انتهى والولد بيطلق بنت أخيك وخلاص هالباب يتقفل قال معترض وهو يحاول يأخذ الجوال من أبوه: يبه مايصيرر كذا تكلمه ابوخالد وهو يحس بحسره وقهر ..سودت وجهه ..بنت أخوه ماقدر ..يرد عليهم يحس لسانه مربوط بس قوى عمره وقال :الله فكنا منكم ومن شركم وبنتي اخي مظلومه وأنا واثق فيها ابو ياسر صرخ بقهر: والله الشر قربكم وقال بحده وهو يطالع ياسر خذ اتفق معه متى ترسله ورقة طلاقها ياسرعصب من قلب وقال : يبه ابو ياسر وقف وقرب منه وقال: والله لو ماتقوله انك بتطلقها لا أنت ولدي ولا أعرفك وسمعة شدن بتوصل للديره كلها وتعرف وقتها وشلون يأكلونك الناس بكلامهم وبذات جماعتنا ماترحم ياسر بقهر همس لأبوه مايبي أبوه خالد يسمع : اعوذ بالله يبه من التشهير وش فيك اصبر شوي قلت لك وخلني اكلمه بهدوء ابو ياسر بحده :ابو خالد لم لحمك واستر عليه بس بعيد عنا ابو خالد كان يسمع كلامه وهو وده يروح يذبح شدن ويغسل عاره بس قال وهو يبي يطفي شوي من ناره: ي مبارك لا تنسى الي دفناه مع بعض ماشفتك لميته ماغير رميتها على ال**** الي ستر على أخوه بسواد وجهااا معه والحين الله العالم ان بنت أخي مظلومه بس تذكر ان حوبتها ماراح تعداكم ابو ياسر طالع زوجته ولده بصدمه من الكلام الي قال يحس جسمه كله انتفض صرخ بعصبيه : يال****** ليتك قدامي كان بالرشاش بوسط صدرك والله ماتخطاها وشوف الي عندك وانشغل به ي ال******* ياسر كان يسمع الي يصير بينهم خاف تطول أكثر وبعد به شيء بكلامه فرحه.. يعني مصدق انها مظلومه وهم الي ظالمينها.. هذا هو المطلوب الحين تطمن عليها.. وماعليه ..عادي يطلع بهالصوره.. قدام عمها اهم شيء شدن ..مايصير لها شيء ..وهو فعلاً ظلمها يوم فضحها ..وهو عارف قد ايش ابوه قاسي ..مد يده وقال بعجز لأول مره يحسه :ابو خالد مثل ماقال أبوي أنا وبنت أخوك انتهى الي بينا وربي يوفقها وخلاص ننهي كل شيء بالمعروف وبنت أخوك مايجي منها العيبه بس الله ماكتب ان نكمل مع بعض بس سكت يوم أبوه صرخ :بعدك تداري عليها يالي ماتستحتي ابو خالد صرخ بعصبيه : طلقها وبزوجها اللي أحسن منك كفوووو ماهو مثلك يال **** وقفل بوجههه مد يده بالجوال لأبوه وقال بغصه : ارتحت فضحت البنت كان قدرت على الأقل أختك ابو ياسر بعصبيه : أختي فاهمه أحسن منك ومن هال******* الي لو حد مكانه غسل عاره وكمل بقهر وأنا ولد أبوي بعد ماهو مصدق فيها والله لو بنت اخوي سوت سواتها ماعندي غير رقبتها اجزها جز بدون قبله ياسر هز رأسه بقهر وقال: يبه الي يسمعك يقول سوت المنكر والحمدلله وعمها فاهم واعي وطلع أحسن منا قاطعه وهو يصرخ عليه : سواتها أكبر منكر ي الفاهي وعمها ماهو واعي مثل ماتقول إلا ماهو رجال وماعنده دم >>>> ودي اذبحه زودها على بنتي الله يأخذه ياسر طالع أمه الي جالسه بدور المتفرج انسحب لغرفته وهو يحس الدنيا ضايقه فيه ...فعلاً يطلقها ويريحها من ...كلام أبوه الحمدلله يارب ..وأبو خالد طلع أفضل منهم حس شوي ضميره ارتاح ..مدام عمها ماهو مصدق فيها ...يعني أمورها في السليم ==================== ======= ==== { جدة } بعد ماقفل من عندهم بسرعه اتجهه لغرفتها وهو مايشوف ...من العصبيه ..فتح الباب بقوه شافها بسرعه تخبت تحت المفرش قرب منها.. قال وهو يرجف بعصييه: داقين علي رجلك وابوه يقولون لي بسواد وجهك وابشرك رجلك بيطلقك بعد وبيرميك علي انا تسوين فيني كذا ي ال******** وطاح فيها ضرب بالسووط شدن مت من الرعب وأنا اشوفه داخل علي والسوط بيده ...بس صدمني اكثر الكلام الي قاله يعني ياسر فضحني وهو محذرني ماقوله ..لهالدرجه وصلت فيه الحقاره ..وبعد يقوله بيطلقني ..بس قلبي وقف يوم سحب المفرش الي لافه عمري فيه وطاح فيني ضرب ...كنت اصرخ واصرخ ..ابي حد يجي يساعدني مثل العاده ..بس هالمره مافي أحد يقدر يوقفه ويمنعه ..من عنفه الي نازل فيه علي ... كنت احس السوط يقطع جسمي ..صرخت وصرخت ..حتى حسيت صوتي انقطع ...كنت اسمع صراخه علي ..بس حسيت من كثر صراخي وصياحي رأسي خدر وكنت اسمع بعد اصوات ..جايه من بعيددد (ارتحت الحين ماتت ..وش سويت بلشت عمرك )بس بعدها معاد حسيت بعمري غفيت ..ورحت لعالم ثاني ..... | ||||||||
|
| |
|
07-11-18, 12:36 AM
| #719 | ||||||||
| مراقبة عامة ومشرفة منتدى الروايات المنقولة
| طالعته واناا متضايقه ومتملله حدي : شوي ونوصل الدمام وش ذي القاعه الي مستاجرها عناد طالعها وقال :اللي قريبه كلها محجوزات ومابقي شيء ونوصل خلاص يعني لهالدرجة مستعجله بتحضرين زفرت وانا معصبه ..صدق تافهه وعديم فايده هالعناد ..وش مستعجله ذي بعد آه بس ... أول ماوصلنا ..القاعه جواله رن رفعه ورد وكانت أمه قال وهو يدورها بعيونه : ايه وصلت قدام القاعه الحين وطالع جهة سيارة أمه قال : تمام تمام جايي يمكم طالعت وين مايطالع شفت امه واقفه قدام السياره ومعاها وحده جنبها وبعد الخدامه يساعدون عبير تنزل من السياره طالعته وقلت وأنا ماسكه ضحكتي الشامته :لو تدري عبيررر انك موصلني وهي جايه مع السواق بتولع وبتخرب ليلتك ي (العريس) عناد وهو عينه منهم قال : من حقها تزعل والله قصرت معاها واجد وطالعها وقال وهو يرفع يده ويأشر على الباب يلاااااا يلاااا أنزلي خليني اسفط سيارتي وأنزل اساعدهم ..... الشموخ ودي ارميه بالجوال الي بيدي قال ايش انزل أساعدهم قلت بقهر : بعد وشهوو تساعدهم ونزلت بس قبل أقفل باب السياره قال :بينا الووو تمام قفلت الباب بقوه ...وأنا اطلع كل غيضي فيه ..وبسرعه تحركت بس طالعته يوم فتح الدريشه وقال وهو يضحك :وش ذنبه هالباب بالله الحين اعطيته ظهري وكملت طريقي للقاعه بقهر .. رجعت طالعته بفضول بشوف يروح لجهة سيارة عبير وفعلاً بيساعدها تنزل ...بس لا صدمني كان واقف وعينه مني ينتظرني أدخل أشرلي عشان ادخل عضيت شفتي بقهر ..ايييييي كشفني اني ارقابه دخلت القاعه ..حسيت بقشعريره بجسمي من الهواء ..الي لفحني ...كانت بارده حيل تلفت يمين ويسار ..مثل الضايعه ... على القهر الي احس فيه ..والغبنه ..بس شيء وأحد مريحني انه ماراح يدخل .... ودعت الجوال بالأمانات وأنا للحين مستغربه ..عناد وشلون ..مأخذه مني ...ولا قال يبيه ..اتجهت للمغاسل وفكيت العبايه وأنا اطالع المرايه ..ابتسمت بحزن ..وطالعت الي حولي يتعدلون ..وهم مبسوطين أخذت نفس ..وأنا حسدتهم على الرأحه الي هم فيها ..تذكرت زمان يوم أحضر عرس أجلس واقفه ساعه قدام المرايه ..أعدل بشكلي ولا أبي اي غلطه وتذمر أميرة على رأسي ..حسيت بدموعي بتنزل آه ي زين ذيك الأيام ..ليتها تعود ...كان بالي مرتاح ورافعه رأسي بشموخ ...ماهو مثل اليوم ..خايفه الخلق تشمت فيني وأنا جايه أحضر زواج رجلي مسحت دمعتي الي نزلت . ...وطلعت بسرعه وأنا احس بالضيقه تزيد علي دعيت الله يجبر قلبي ويصبرني ولا يشمت فيني أحد دخلت الصاله ..قابلت قدامي الجوهرة وهي تكلم بنت جنبها ..وتأشر لها تروح شكلها تبيها تروح لطاوله مخصوصه.. بس حسيتها يوم انتبهت ..لوجودي انصدمت..يعني الحين بالله ماتدري... اني بحضر ..بلى بكش كل الأخبار عندها من ولد أمه هي وهالنظرات ...قربت منها ورفعت.. رأسي بغرور مصنطع ..ومديت يدي أسلم عليه وقلت :مبروك الله يتمم لكم قالت بقهر وهي تتلفت وتهمس :ماصدقته هالعناد يوم قال انك بتحضرين صدق انهبل يوم نفذ الي يبيه الشموخ حركت خصلات شعري النازله على جنب وقلت وأنا ناويه اقهرها زود:افااااا عيب والله علي ولو ماحضرت له وبعدين كم عندي عناد ورفعت اصبعي واحد الله يحرسه وطالعت الي واقفه جنبها وتطالعني وهي متنحه عقدت حواجبي مستغربه ..من نظراتها لي ... بس طنشت .وأنا اقول أكيد الكل بيكون عينه منك ي الشموخ ..تقربت من الطاولة الفاضيه الي بالزاويه في الأخير ..ودي اختفي بعد من أنظار الكل ..ماودي أحد يشوفني ..بس صعب عيونهم بتوصلني وفي الي بيكون شامت وفيه الي مصدوم من حضوري وفيه الي يمكن يحس فيني ومره بموقفي ..سحبت كرسي وجلست سندت ظهري وأنا عيني من الحضورررر ..حطيت يدي على رقبتي وأنا احسني مخنوقه ..تعوذت من الشيطان وجلست استغفرررر ..مديت يدي وأخذت فاين وأنا امسح يدي الي بدت تعرق .. على أني احس ببروده بجسمي كله ..أكيد من توتري ..سحبت علبة مويه من الطاولة وفتحتها وأخذت منها رشفه ورجعتها مكانها ..ولفيت بفضول للجوهرة شفتها تأشر للعاملات ..يوزعن ضيافه ..ابتسمت بسخريه ..شاده حيلها مره ..وأنا اشوف انواع الحلااااا والشكولاتات الغاليه والعصيرات الطازجه على الطاولات ..بس بعد نظرة ...الي كان واقفه جنبها أبد ماراحت عن بالي ... حستها فعلاً مصدومه ..من وجودي ..أكثر من الجوهرة معقول تقرب لعبير وانقهرت ..بس نظرتها ماكانت قهر أو حقد لا نظرتها غريبه ...رفعت حاجب يوم شفت الجوهرة والي كانت تطالعني جايه معاها ..قربو من طاولتي ..صديت عنهم بس طالعتهم يوم قالت ام عناد والخبث بعيونها : ماعرفتك ي الشموخ على اصايل رفعت حاجب وكنت بقولها حد من جهتك ماتشرف اتعرف علي بس انخرست وماقدرت انطق يوم قالت (زوجة مصعب ) حسيت بصدمة عمري ..هذي زوجة مصعب هذي الي ..رفضني وقضى علي بيوم ملكتي .. وراح أخذها ...طالعتها من فوق لتحت ..كانت حلوة حيل وبذات عيونها الناعسه.. مع كثرة رموشها اما صفاء بشرتها وبياضها شيء ثاني ..مديت يدي اسلم عليها ..ورجعت طالعت الجوهرة مثل الي أقولها عارفه ..قصدك ي الخبيثه ..بس تبطين تشوفين الشموخ مهتزه ولدك عجز تجي عليك أنتِ ..وقلت وأنا أشر لها تجلس : تفضلي تشرفت بمعرفتك وابتسمت لها حسيتها جلست بدون ماتكلم ..مدري وش فيها مفهيه كذا ..ومصدومه أكثر مني ... يالله احس حنا الثنتين واقعين بنفس الموقف السخيف .. اصايل جلست وأنا للحين ماهو مستوعبه ..هذي الشموخ الي تركها مصعب ..والله حدي مصدومه من جمالها ...سبحان خالقها ...كل شيء فيها جميل حسيت بغيره لو تزوجها مصعب ..الحمدلله يارب وهو سحب عليها ..آه زفرت براحه هذي كان بتكون ضرتي عز الله كنت الحين مغبونه أكثر من الغبنه الي مسويها لي (الشيخ مصعب ) طالعت الجوهرة الي واقفه وشكلها مقهورة منها والله ان ولدها يبي بالجزمة وشلون يتزوج عليها حد يحصل مثل هالجمال ويدور غيره آه ي الرجآل مدري وش يرضيكم .. وبدون حس وأنا مقهوره منها وعليها قلت : ليه جايه تقهرين عمرتس كان سحبتي عليهم الشموخ بصدمه أبد ماتوقعت واحد بالميه تقول لها كذااااااا قلت وأنا امثل البروود : ليه انقهر ورفعت يدي بدون مبالاة وأنا اقرب نفسي شوي منها واتسند على الطاولة وعيني من الجوهرة الي واقفه فوق رأسي مايهموني والله لا هي ولا ولدها جايه اتسلى وارفهههه عن نفسي شوي اصايل رفعت حاجب وأنا ماهو مصدقتها ..بس حبيت قوة شخصيتها بذات وأنا أشوف الجوهرة وجهاااااا قلب مية لون ..اخخخ ي شماتي فيتس الليله الجوهرة بقهررر قالت : ليه مين مكذب عليك وقايل بنسوي مهرجان عشان تجين تتسلين وترفهي عن عمرك ونزلت نفسها شوي وقالت بتهديد تأدبي أحسن ماخليه يجي ويجرك من شعرك قدام هالعالم فاهمه وتعرفين وقتها الرفاهيه وشلون تكون الشموخ رجعت نفسها لورا.....ورفعت رأسها بشموخ وقالت وهي مبتسمه :أشوف وش يطلع معك أنت ولدك وبتحدي ياللااا دقي اشوف الجوهرة رفعت نفسها وهي مقهوره وطالعت اصايل وقالت: تعالي اعرفك بأختي الكبيره وباقي صديقاتي وطالعت الشموخ بتهديد اصايل ماحبيت أقوم وأجلس اتبعها مثل ظلها قلت بسرعه : هنا مرتاحه بجلستي وصديقايتس اعرفهن خلاص ومن زين الجلسه معاهن الجوهرة وهي صاكه على سنونها بقهر: اصايل قلت لك بنروح لاختي وبعدين وش قلبك كنتي من شوي وش زينك اصايل طالعتها وقلت بقهر :ههيييي لا ترفعي صوتس علي قلت لتس مابي اجلس عند صديقاتس خلاص افهمي عاد الجوهرة وهي معصبه قالت: عساك ان شاءالله وطالعت الشموخ الحين بدق على عناد يأخذك الشموخ ببرود : ياليت تسوين خيررر الجوهرة بمحاوله أخيرة وهي معصبه :ماتبي تجي ي صايل اصايل هزيت رأسي وهي على طول انسحبت وهي معصبه طالعت الشموخ وقلت : لزقه ذي ماتفهم أعوذ بالله بس طنشتني ولا كأني أتكلم معاها ميلت فمي بقهررر ...هذي بعد نفسيه ...اف طالعت الحضورر وأنا متملله ..غير غير عن عرسنا بالديره هناك ..كله حركه وناسه ورقص..هنا الأكثر جالس على الطاولات.. يطالعن بعض بغيض وبتعالي ...وكل وحده فيهن حاطه ..نفسها هي فوق والكل تحت افف طفشت حدي ..والله وهذي ..بعد صنم ماتكلم ولا شيء ماغير تطالع بظافيرها وتلعب فيهن وبالها بعيد.. أنا بعد مع وجهي مفروض أعذرها موقفها صعب .. بس والله تنحسد على الموقف إلاهي فيه ..وشلون ربي مقويها تسذا أنا لو مكانها وأشوف مصعب يتزوج وأحضر زواجه والله أموت بمكاني ..بغيت أنهبل يوم قال بس يبي هالعبيررر الخايسه ماغير ذبحتنا كلنا على رجاجيلنا بس انا الله فكني منها وتدبست فيها هالمسكينه ... مدري ليه احس بشفقه بقلبي عليها ..وبعد أحس هالقوه كلها تمثيل ..شفت الجوهرة جايه يمنا قلت بقهر وأنا ارفع يدي اشر لها ترجع : مناك ياللا ذي زودتها ماتفهم مابي اروح روحي الله يرحم أمك وفكيني انصدمت يوم شفت ابتسامة الشموخ وقالت :شكلها تحبك غريبه توقعت هالأدميه ماتحب أحد اصايل فرحت يوم تجاوبت معي تسولف حركت يدي بدون مبالاة وقلت : لا يغرتس ذا القناع وخليتس على توقعتس فعلاً ماتحب حد بس مدري وش فيها اليوم حالفه ماتعتقني لوجهه الله بس والله هالمرة لا أقوم امردغها وقتها راح تتأدب وبضحكه هي تتكفخ تمشي عدل الشموخ ميلت فمها بسخريه وقالت : يعني مجاملة الي بينكم حالياً اصايل هزت رأسي وقلت : ايه واصله بينا للسماء الشموخ أخذت نفس وقالت: كل هالحضور تحصلينهم يجاملون بعض ومافي أحد طايق الثاني اصايل حزنت عليها حسيت من كلامها انها متضايقه حدها وأنا بعد شكلي غثيتها بجلستي معاها البنت بوضع ..ماتنحسد عليه أبد ..وأنا جالسه اتمسخر على الجوهرة.. جيت بوقف وأنا أقول :معليش شكلي ازعجتس خليني أغير الطاولة وأنتِ خذي رأحتس بس انصدمت يوم مسكت يدي وقالت : لا وين أجلسي على الأقل نتسلى على الجوهرة شوي وضحكت ضحكه حسيتها كلها وجع وقهررررر ..رجعت جلست وأنا اقول : ولا يهمتس الجوهرة ذي مافي حد يحب يقهرها مثلي .... | ||||||||
|
| |
|
07-11-18, 12:36 AM
| #720 | ||||||||
| مراقبة عامة ومشرفة منتدى الروايات المنقولة
| ابتسمت بخبث وأنا أشوف ((سوسو )) ترقص اخخخ لو يدري فيتس الشياب ..فتحت عيني وأنا متعجبه من الي اشوفه رفعت يد الجوهرة وترقص معاها ويتمايلون على بعض طالعت الشموخ الي تطالعهم بنظرات بهاته وقلت :صداقتهم (مستنقع ) طالعتني وقالت والوجع الي تخبيه واضح بصوتها :طال هالمستنقع الي حولهم وخلاهم يتأذون حزنت عليها من قلب أكيد مقهوره انها لعبت بعقل ولدها وزوجته وحده غيرها والله أذتها بقوه حسبي الله عليها هالجوهرة مافي أحد مرتاح منها قلت وانا مغبوونه : ماعليتس منهم وخليتس تسذا شامخه وراستس فوق والله اني معجبه بتس وبقوتس حسيتها طالعتني وكأنها تذكرت شي وتداركت نفسها وقالت بصوت حاد :الحين مفتكرتني مقهوره عشان ولدها تزوج علي لااااا مافكرت مثل ماقلت لك ولا جبت طاريها وطاري ولدها وقربت مني شوي وقالت :جايه اضحك عليهم بس وحلفت مافوت علي هالفرصه هم مفتكرين انهم يقهروني وأنا الي بقهرهم وأنا بنت أبوي هزيت رأسي لها ..وأنا اصد ..معقول فعلاً مثل ماتقول ماهمها ..بس مدري ليه احسها تمثل وتكابررر ..ياللاااا أنا الحين شغلي الشاغل الشموخ وناسيه (مجنوني) لو يدري بحضوري اخخخخ والله ماغير يمسح فيني بلاط هالقاعة أخذت حبة شكولاته ورميتها بفمي وأنا أواسي عمري ...وش يدريه ..خليه الأخ مبسوط (بدبي ) اخذت وحده ثانيه ورميتها بفمي بقهررررر يالله منه حتى ماااايفكر أن عنده زوجه ..كذا لو بالغلط يدق عليها ..أخذت وحده ثالثه ..ورميتها بفمي بس حسيت على عمري ...من نظرات الشموخ ..حسيتها مصدومه من كثر ماسحب من هالشكولاته قلت وأنا منحرجه :طعمها لذيذ وأخذت وحده وناولتها وقلت لها وأنا اغطي على احراجي ذوقي ترى للمعلوميه تخلي الواحد كذا يستمتع حتى لو الي حوله يجيبن الهم ..مدري ليه حسيتها من نظرتها لي .. ودها ترميني بدلة ..القهوه وسلة الشكولاته الي قدامها ..احترمت عمري وانثبرت ..وأنا أصب فنجان قهوه وناولتها ..أخذته مني ...وحطته قدامها صبيت لي وأحد وأخذت منه رشفه ...طالعت فنجانها بطرف عيني ..مثل ماحطته أبد مارفعته سندت ظهري على وراء ...وحطيت يدي على بطني وأنا احس بنغزات ..أكيد من هالفستان الضيق لابسته ...طالعتها يوم قالت وهي تطالع بطني :في اي شهررر حامل ابتسمت وقلت : بالشهررر الخامس ابتسمت ببرود وقالت :الله يقومك بالسلامة همست : اللهم آمين وأنا اطالع الحضور الي اغلبه يأشر على الطاولة حقتنا ..وعينه من الشموخ ..أكيد فضول الحريم المعتاد ..لازم يشوفون مرته الأولى ..طالعتها بطرف عيني وأنا مابيها تحس علي .. بس حسيتها متضايقه حيل وحاسه بالتاشير الي ماله داعي والنظرات الي حولها بس شقهت متفاجئه يوم قامت وقالت :ودي أعزمك معي عشان ترقصين بس وهي تأشر على بطني مستحيل على وضعك هذا بدون حس مسكت يدها أبيها تجلس خايفه حد يفشلها او يقهرها سبحان الله فيني شفقه عليها كأني اعرفها من زمان ولا وحده من خواتي قلت وأنا خايفه تفهمني غلط : وش ترقصين مجنونه وش بيقولون بس سحبت يدها مني بقوه وقالت والغبنه بصوتها : وش بيقولون مره فرحانه لرجلها وأنا فعلاً فرحانه وخلي هالعالم بعد ترتاح وهي تأشر على الكل بتعالي حسيتها تكذب علي وعلى عمرها وعلى هالحضور كله ..وقفت وقلت وأنا أحاول امنعها :ي قلبي الكل عارف انه ماهمك بس لو رقصتي صدقيني بتخلي الكل ينتبهه لك ويجلس يتكلم .. سحبت يدها وقالت وهي عينها على الكوشه :على الأقل تعالي صفقي لي مدام ماتقدري ترقصي أنا اتكلم بشيء وهي ترد علي بشيء ثاني هزيت رأسي ومشيت معاها ..وأنا احس الكل عيونه علينا .... الشموخ كنت كل ماقدمت خطوة احس ..اني بطيح بدون شعور مسكت يد اصايل وأنا استمدت قوتي منها ..تعبت من نظرات الحريم ..الي ذبحوني فيها ..وحلفت اني اوضح لهم انه ماهمني وبعد أبي الجوهرة توصل لولدها ..اني رقصت بزواجه خليه يموت بقهره عضيت شفتي وأنا اسمع تساسر الحريم وتأشيرهم علي ..كل مامريت من عند طاوله ابتسمت يوم قالت اصايل وهي تهمس لي :برقص معتس الليله وهذا ربي يحفظه وبضحكه بس مانقلد سوسو وجوجو ونرفع يدنيا مثلهم ..توسعت ابتسامتي على كلامها ..سبحان الله على كرهي لها وأنا ماشفتها يوم سمعت ان مصعب أخذها ..على ان قلبي الحين انفتح لها ..يمكن لاني طلعت مصعب من بالي ومن قلبي من زمان والي ملكه غيره ..تفتنن بتعذبي والليله كمل علي كلي (مبروك عناد انتقمت على الأخر ) فكيت يدها وابتعدت شوي وأنا اقابلها حركت جسمي شوي وأنا اتمايل .. وهي قدامي ترقص على مهل نسيت العالم كله وتحمست بالرقص ..وانا اسمع الكل يصفق ويصفرررر ..والي يطالعني كنت اطلع قهري كله تخيلت أمي.. لو هي موجوده ..كانت ذبحتني لو شافتني.. قدامها ارقص بعرس ..مين بعرس زوجي ..... تحمست زود يوم قابلتني الدقاقه وهي تغني وترقص معي ... كنت اتنفس بتعب وأنا اقرب من اصايل وامسك يدها وهي تصرخ معترضه وتضحك : لاااااا قلت لتس مانبي نقلدهم بمسكة اليد تكفين بس أول ماوقفت الدقاقه وقفت وانا متسنده على اصايل واتنفس بقوه همست لي :ياااالحبيبه ماهو كانتس تحمستي شوي قلت بقهر: يستاهل عناد اصايل بدون حس قلت : اخخخ ي فيني قهر من هالعناد معتس الشموخ ابتسمت بوجع وقلت : عاد أنا وش أقول وسكتت وانا أشوف الجوهرة مقبله علينا والشرر بعيونها بس اصايل وقفت بوجهاا وقالت بعصبيه: هااااا وش عندتس بالله جايه تركضين على هونتس ارفقي بعمرتس الجوهرة بعصبيه همست : لا تفضحونا وطالعت الشموخ بقهر وش مطلعك ترقصين ولا شوفوني ترى ماهو مقهوره على رجلي هالحركات قديمه وانزلي كفايه لا تفشلين عمرك أكثر عن كذا والحين بدق على عناد يأخذك البيت بزف عروستنا وحنا مروقيين ماهو ناقصين هبل واعطتهم ظهرها وهي معصبه جية الشموخ ... خربت عليها كل شيء كان مخطط له ...وانشغلت فيها ووخربت.. عليها الي ناويه تسويه ..في اصايل الحين مدام كذا تقربوو من بعض مستحيل .. تقدر تختلي باصايل ..قربت من صديقتها وقالت بقهر: انتظري شوي وبحاول اسحبها من هالعله وأنت خليك بس جنبي وقت ماحتاجك تكوني قريبه قالت بقهر : طول عمرها عندك بالبيت يعني مازانت لك تخلين زيد يخطفها إلا هنا بالعرس قالت بقهر وهي تصفقها على كتفها: ي غبيه لو أخذها من البيت أكيد مصعب بيقول انا مافي غيري ..بس هنااا لا بكذب عليه يوم يدري وبقوله انا جبتها معي للعرس وبعدها مدري مع مين راحت قالت بخوف وتردد: والله حتى زيد خايف من مصعب يقول لو يدري اني وراء هالسالفه راح يروح فيها هالمره مسكتها بعصبيه وهي تسحبها لجهة المغاسل : الله يأخذك ويأخذ هالزيد معك تعبت وأنا افهمك وافهم خويك المفهي هذا أقولك لو حد بيروح فيها بيكون صالح وبعد هو مستعد دافعه له مبلغ وقدره غصب عنه يتحملها قالت وهي مرتبكه : مدري والله حتى زيد خايف ويقول لأول مره شكلي بتورط وبعدين صالح على قول زيد كفين يقول كل شيء عنده قاطعتها الجوهرة وقالت بعصبيه وهي تناولها الجوال : دقي على الكلب هذا وأنا بتفاهم معه بنفسي دقت رقمه وناولتها أخذته منها اول ماسمعت صوته قالت بعصبيه : ال**** افهم عاد قلت لك تعال وخلك واقف قدام البوابه وبس ينتهي العرس ادق عليك على طول فاهم وأنا بعرف وشلون أخدعها وراح تطلع لك حتى لو وصلت فيني اغيبها وعيها وأنت تاخذها من الغرفه والكل يفتكر انها وحده من المعازيم وتعبت وحد من أهلها جاي يسعفها بسيطة ترا قال بعصبيه : بتورطينا أنتِ والله وشلون تبيني اخطفها كذا بدون مخطط من قبل وبعدين وشلون تفقدين وعيها مجنونه انتِ وين حنا عايشين فيه الجوهرة بقهر : ي الغبي من الظهر وأنا افهم فيك وأقولك بحط لها منوم بس خليني اختلي فيها وبعد أنت مقفل عقلك مدري وش فيك ي زيد شكلي بغير تعاملي معك وتعرف وقتها ترجع شحات مثل ماكنت وانتبه اي حركة غدر مثل الأولي ماراح ارحمك هالمرة حط بعقلك سامحتك مره وماراح اسامحك مره ثانيه ققفل عيونه بقهر وهي تعايره وده يذبحها عشان تعرف تثمن كلامها ..بس فعلاً بدون دراهمها هو شحات قال وهو مغلوب على أمره :طيب دقي علي وقت ماتبيني أخذها وسكتتت يطالع عادل الي طلع وراه وقال وهو يستفسر : زيد وش فيه سلامات صوتك لما عندي تبي فزعه أبشر والله وجهه انخطف لا يكون سمعه قال بتوتر : لا ي رجال مشكله بسيطة مع الأهل وبهمس بعد ماعادل رجع دخل قال :انا الحين بطلع من الإستراحه بس قولي ان شاءالله عادل ماسمعني فتحت عينها بصدمه: وش مجلسك مع عادل انا وش ش قلت لك اختفي اليوم من الإستراحه الله يأخذك ي ناس ماعمري شفت مثلك ومثل هالزفت قدامي أغبياء قال بقهر وهو صاك على سنونه : مابيهم يشكوون فينني يوم مصعب يدري ابي الكل يشهد أني موجود كنب بالإستراحه ولو تكملين خيرك وتخلين صالح اللي يأخذها اكون لك من الشاكرين قالت وهي تحس عمرها بتموت من القهر : يالله وشلون تفهم اقولك صالح مستحيل يأخذها بينكشف تدري به جبان بس فيه يتحملها لو صار شيء لا سمح الله وقالت بتحذير : انكتم مكانك شوي لاتطلع على طول ولو قدرت تصرف عادل من الإستراحه وبعدها تطلع يكون احسن قال بقهر : تمام بشوف دبره لهالمصيبه بتدخلينا فيها وبقهر ماتعلقيني إلا مع مصعب ي الظالمة ... دخل وطالع عادل ...وهو مرعوب لو سمع الي صار بينهم ..ويوصله لمصعب أكيد انه هالمره راح يذبحه يكفي الي صار له منه اسبوعين شوي وكان بيموت بين يدينه ..قال بتوتر من نظرات عادل : الأهل هذولا مايريحوون أحد يلاااا قدرت اصرفهم بعد صراخ وتعصيب وجع رأس عادل وهو يرمي الورق بالأرض قال : مدام صرفتهم قابلني أجل.... زيد بقلق وهو يرفع ساعته مابقي شيء على موعد طلوعهم على العرس والقاعة بعيده مثل مارسلت له الموقع الجوهرة ..جلس مقابله وقال وهو يحاول مايوضح عليه شيء :بكسر رأسك من الحين عادل ابتسم وقال بسخريه:ي شيخ رأسك مكسر بكل وقت العب بس وخلا عنك الهايط زيد بقهر قال: خويك ترى الي سواه فيني ماهي مرجله لو رجآل ماغدربي بس أنا تنازلت عن حقي إلا كان بخليه يعفن بالسجن عادل بحده: وش دخل مصعب الحين زيد بحقد:عادل والله أنت أكثر واحد تغطي على مصعب ومصايبه الي يسويها عادل بقهر وقف وقال بتهديد: لو سمعتك ثانيه مره تتكلم عن مصعب رجعت الي سواه فيك وأكثر فاهم واعطاه ظهره وطلع وهو معصب زيد تذكر المصيبه الي راح يسويها تخص مصعب قال بسرعه وشلون ماقدر يمسك نفسه : ي رجآل أنت ومصعب على عيني ورأسي اجلس وخلك وأنت أكثر واحد تدري اني مارضى على مصعب وعلى ماظن فعولي تشهد لي وهي يذكره بالسيدي الي سلمه له عادل قال بسخريه : الله يعافي القروش الي خلتك تبيع الي قريب منك بعد وهو يقصد الجوهرة زيد بتوتر : طيب اجلس وخلنا نكمل لعبنا عادل بحده : بروح انام زيد قال وهو يبي يبعد الشبههه عنه : نام معي هنا لاني ناوي الليله ابيت عادل قال وهو يعطيه ظهره: لا وياللا تصبح على خيرر زيد .. أخذ نفس .. افففف أخيراً انقلع ..بينتظر لمدة نص ساعه ويطلع عشان يضمن أكثر روحته ..... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
