16-11-18, 11:47 PM
| #744 | ||||||||
| مراقبة عامة ومشرفة منتدى الروايات المنقولة  
|  مساء الفل ازيكم ي حلوين صراحه مقهوره وزعلانه منكم وش بالله عجبكم في شخصية اصايل عشان الكل يذكر اسمها وبنتي طيب وين موقعها صراحه شكلي من قهري من اصايل ذي ببعد شخصيتها هي ورجلها المجنون بدبر لهم طلوع يليق فيهم ويبرد قلبي ودي أعرف مأخذين الجوو على وشهو هالثنائي لا تقولون غيرانه منها عشان بنتي لا بس الموضوع ومافيه ان بنتي البطله ومفروض الكل يحبها ويسحب على الباقي المهم بكره بإذن الله موعدنا مع البارت &نوني بنت الجنوب & | ||||||||
|  |
|
17-11-18, 09:57 PM
| #747 | ||||||||
| مراقبة عامة ومشرفة منتدى الروايات المنقولة
| اللهم اني أستغفرك وأتوب اليك سبحان الله والحمدلله والله أكبر الله صل وسلم وعلى نبينا محمد (صلو عليه ) الروايه لا تلهيكم عن الصلاة والعباده الله بلغت اللهم فاشهد ====== === عندي شيء بقوله ويمكن بعد كلام كثير طبعاً كلامي يخص الي بالمنتدى المجاور أولاً اشكركم على تعليقاتكم وردودكم والله انكم مكسب لنوني بس لاحظت بعض التعليقات صايره تجيني من بعض البنات بعد بالبارتات الأخيره وعندي تعقيب عليها الي يقول سرعي الاحداث والي يقول الاحداث بطيئه ومافي جديد بين حياة الابطال ..ترى هذي طريقتي بالكتابه وفيه كثير متابعيني من قبل ويعرفون أسلوبي ماحب انط من حدث لحدث حتى لو أجلس بالحدث الواحد أكثر من بارت يمكن تشوفنه مملل بعض الشيء بس مقدر اغير طريقتي كل حدث عندي يأخذ حقه حتى لو طولت الروايه .. حابه تتابعي الروايه وهي بهالشكل حياك الله ماهو حابتها ولا حابه الاحداث الي تقولون عنها بطيئه وتطالبون بتسريعها عاد هنا على راحتكم مقدر أجبر أحد يكمل معي لأني صراحه صرت اتضايق وماحب أحد يفرض علي شيء ويمكن بعد الجديد الي تدورين عليه ماتلقينه بروايتي وتضعي وقتش مع نوني على الفاضي واماااااا بالموقع الثاني الي منقوله لها الروايه طبعاً مقدر اقول اسمه هنا ياليت شوية ذوق في مطالبة البارت ترى بعض تعليقاتكم مالها داعي وتجرح الكاتبه ولو شفت مافي احترام في مطالبة البارت ثاني مره بخلي الي تنقل الروايه توقف نقلها وبقولكم شيء واحد الكتابه مزاج ماهو غصب عنك تنزلين بعض مرات تخلوون الكاتبه كأنها تشتغل عندكم .. عادي مافيها شيء طالبو بتقديم البارت بس مثل ماقلت شوية احترام بالاسلوب وصدقوني لو فاضيه أنا أكيد ماراح اقصر معاكم اماا الي يرد بلطف وذوق اشكركم حبايبي ردوكم كلها اشوفها الله يسعدكم يارب مثل ماتسعدوني ======= == { 41 } • • صرخت بخوف وأنا اشوف الشاب الي دخل ورجعت طالعت صديقة الجوهرة ..حسيها مصدومه أكثر مني ..بسرعة تراجعت لوراء ..بخوف ...يوم عرفته ..هذا صاحب مصعب ايه صاحبه قد شفته أكثر من مره معاه وبعد صورهم دايم مع بعض حسيت الدنيا لفت فيني وش يسوي هنا وهذي بعد ..تقول صاحبة الجوهرة ..معقول كذبت علي ..ومتفقه معاه ..معقول يخون مصعب ..ولا يبي ينتقم منه فيني ...صرخت بكل صوتي : الحقوني ورفعت يدي وأنا مرعوبه تكفى تكفى مالي ذنب لو مصعب مسوي لك شيء بس سكتت يوم قال : لا تخافي أنا اساعدك رددت كلمته وقلت : تساعدني عادل بقهر : ايه وتطمني ماراح يقدرون يسوون فيك شيء وجاي عشان احميك من هذولا وطالع البنت الي واقفه بسرعه ابتعدت وهي تقول : مالي ذنب الجوهرة هي الي قالت اسوي كذا وطلعت تركض بلعت ريقي يعني هنا عشان يحميني هزيت رأسي ماهو فاهمه شيء بذات ..والبنت هذي ركضت وش قصتها .شفت الجوهرة جايه بعد وهي تصرخ عليه : ايش تبي من زوجة ولدي بس صرخ عليها وهو يقول :الحين زوجة ولدك ومن توو جحدتي حضورها بعد يال*** ** مخططك ما يفشل الجوهرة وهي تدعي على زيد وصالح وشلون صار كذا أول مره تصير معاها دايم تخطط وتنجح قالت بتوتر : وش مخططه ذا بعد يالله تقلع وخليني أخذ البنت شوف كيف مرعوبه تعالي حبيبتي ماراح يقدر يأذيك عادل كور يده بقهر وهو وده يسطرها قال :خايفه عليها الحين ومن شوي تبي ترميها لزيد الحقير لكن هين والله حركتكم الوسخه هذي ماراح تعدي كذا وتذكري كلامي وطالع اصايل ياليت ثاني مره ما تطلعي معاها اي مكان وانا الحين ويالله عشان أوصلك البيت اصايل وشلون يوصلني البيت ..كيف اركب معه بدون محرم مستحيل بس نقذني من أفكاري يوم قال : بكون أمشي وراء السواق لما توصلين البيت لا تخافين اصايل ارتحت شوي ..بس بعدني مذهوله حدي من الي صار ومن الي سمعته وشفته ..طالعت الجوهرة بقهر كانت ناويه علي ..شفت خوي مصعب يوم ابتعد وقال :تفضلي اوصلك للسيارة الجوهرة بعصبيه : تقلع قبل ابلغ عليك الشرطه عادل طالعها وقال : ايوه هذا الي ابيه يالله بلغي الشرطه وبقهر ليت مصعب موجود كان دفنك مكانك ي ال******** وفيني ادق عليه الحين واقوله بس خايف علي صاحبي مايتساهل يبتلي في وحده حقيرة مثلك الجوهرة طلعت بسرعة ..وهي معصبه وشلون دري ذا ..تموت وتعرف عضت شفتها بقهر ورسلت لزيد ( تقلع وأختفي هالفتره تمام ) رسل لها على طول ( ودي اعرف مين خبره ) ردت عليه وهي مقهوره حدها (مدري والحين اختفي فاهم وياويلك لا تقول عني ) اصايل كنت امشي وراء وأنا مرعوبه .. وخايفه حدي ..يالله وش بيسوون كان فيني حسيت بخوف ..ماقدرت اطلع مع الجوهرة نفس السيارة ..خايفه تغدر فيني بعد ..وقفت وطالعت خوي مصعب الي كأنه فهم قال بسرعه وهو صاد بوجههه:لا تخافين بكون وراء السياره وماتقدر تسوي شيء لا هي ولا الكلاب الي معاها ..وطالع السواق اي حركة منك ترى على طول ابلغ الشرطه قال بخوف وهو يطالعه : أنا مافي معلوم ايش فيه عادل بحده : للبيت بسرعة السواق طالع زوجته الي مرعوبه مثله وهو يهز رأسه الجوهرة بقهر : لا تخوف سواقي ومالك كلمة عليه فاهم عادل بعصبيه :تقلعي ساكته قبل أجرم فيك هنا الجوهرة بعصبيه وبنفس الوقت بخوف :قلت لك مالي دخل ولا تنسى مصعب مشاكله كثيره مع الكل ويمكن حد يبي ينتقم منه لا تحطها فيني عادل صرخ عليها : قلت لك مابي اسمع صوتك والحين مثل ماقلت لك حسك عينك تسوين حركة كذا ولا كذا ترى سيارتي حاده سيارتك .. الجوهرة بقهر : بثمنك هالحركة ي كلب مصعب اصايل بموت من بقاحتها ... وقاحتها بعد لها عين ترادد الرجال طالعت عادل الي تفل عليها وهو يقول :وانتِ وش تكوني ي الحثاله بس الجوهرة سبته وطلعت السياره وهي تصرخ على السواق ...يتحرك ضميت نفسي وأنا اصيح ..وش كان رايح يصير فيني كله بسبتي ايه بسبتي كم مره حذرني منها مصعب والحين آه لو يدري وش بيسوي فيني أكيد راح يطلقني ...بذات مع فزعة خويه ذي مستحيل مصعب يسكت ..ويتوقع اني فضحته عند خويه ..آه وأبوي بعد لو يدري طالعت الجوهرة بحقد وكرهه وقلت :والله ماخلي حقي منك الجوهرة وهي ترسل بالجوال سب لخويتها الي شردت وخلتها بدون ماتطلعها من السالفة طالعتها وقالت ببروود مصطنع : ليه وش سويت فيك اصايل طنشتها وصديت اطالع سيارة خوي مصعب تطمنت شوي ..أول ماوصلنا نزلت الجوهرة وهي تهدد في عادل ..انها ماراح تسكت ..حسيت بخوف اني ادخل معاها نفس البيت وبذات عدم وجود مصعب ..يعني ماهو بعيده تسوي شيء فيني ..بس وين اروح بذي الساعة نزلت وانا متردده بس وقفت يوم نزل خوي مصعب و قال وهوصاد للجهة الثاني : أختي لو سمحتي لا تقولين لمصعب شيء أبد صدقيني لو دري راح يقتل الجوهرة والي ساعدوها و رقبته بتطير ياليت هذي السالفة تتقفل هنا وصدقيني هذي ماراح تقدر تأذيك تطمني أنا حولك واخوياها الحين خايفين أكثر منها هزيت رأسي وأنا اتخيل مصعب لويدري دخلت ..البيت وأنا ادورها بعيوني شفتها واقفه قدامي بتحدي قربت منها وأنا اضربها بالشنطه على وجها واصرخ منهاره : وش كنتي ناويه عليه ي ال***** قولي *** وش تبين تسوين فيني ي ال***** والله لا أخذ حقي منك صرخت وهي تدفني عنها :والله مالي دخل شوفي رجلك مع مين متعارك غيري وحاب ينتقم منك وكملت بخبث آه دقيقه دقيقه الحين فهمت لا يكون صاحب مصعب جاي وهو متفق معاك ويوم انفضحتوو بوجودي سويتوو هالفلم علينا آه ي قهري كنت على نيتي انتظرك متى تطلعي من القاعة مادريت بنيتك الوسخه وابتسمت بشماته وينك ي مصعب تجي تشوف مرتك مع مين وعضت شفتها ي الوقحه بزواج ولدي وأنا أقول ليه غيرتي رأيك فجأة حسيت برجولي تهاوت بالأرض ماهو مصدقه الي صار لي وبعد هالكلام تقوله كبيرر صرخت بجنون :الحين قلبتيها علينا ي ال***** خوييي مصعب ربي رسله لي لو لا الله ثم هو كان كملتي حقارتك فيني ولو أموت ماجزيته ..بوقفته معي صدق انه رجآل صحت بقهر وأنا اقول آه ليت مصعب موجود صدق و يشوف وش صار فيني ...منك ويعرف وشلون يربيك قربت منها بخبث وقالت : ايه الحين تبين مصعب بعد مافضحتك مع صاحبه ماتمشي علي هالحركات بس والله لا يوصل له ولا مااكون ام عناد اصايل بقهر فسخت جزمتي ورميتها عليها وأنا اصرخ : ي حقيره ي وسخه أنا انظف منك الجوهرة ركضت لغرفتها وهي للحين مرعوبه يالله وشلون قدرت تفلت ..بس حدها قلقانه من خويي مصعب .. ..كسرت كل شي قدامها من القهر وشلون ضاعت هالفرصه من يدها ..دقت على زيد مايرد رجعت دقت على صالح رد عليها قالت بقهر :شوف مين الي وصل لعادل ولو طلع زيد الي خبره ليتك تخلص عليه بدون ماتشاورني وكاد قلبي يبرد وقفلت قبل يرد عليها ... اصايل قلبي محروق ..منها ..الله العالم وش ناويه عليه والحين اتهمتني بشرفي.. حسبي الله عليها .. طالعت الصاله وأنا احس بضيق تذكرت اني لحالي بهالبيت بسرعه وقفت وركضت لغرفتي وقفلت الباب على نفسي ..وأنا اصيح للحين ماهو مصدقه اني بخيرررر بسرعه تخبيت تحت المفرش وجمسي كله يرجف يالله وش كان بيسوون فيني صرخت بخوف وأنا اضم نفسي ودي ادق على أبوي يجي ويأخذني ... بس عارفة رآح يجحدني ...وبيتحجج مثل العاده =========== ===== == عادل شاف رقم مصعب ينور الشاشه ..رمى الجوال بقهر ..وش يقول له بالله شرفك كان بيضيع ..لازم يرتاح شوي عشان يقدر يتكلم معاه ويصرفه ..قفل عيونه وسند رأسه وهو يتذكر اتصال صالح له : اسمع زوجة مصعب حضرت العرس سوي اي شيء قبل زيد يوصل لها كنت بدق على مصعب بس عارف انه مسافر وقلت اتصالي مارح يفيد مدام انه بعيد قال وهو مستغرب : وش تقول أنت وبعدين مستحيل تكون حاضره كان قالي مصعب قال بتوتر : أقولك الجوهرة داقه علي بنفسها تبيني اتحمل المصيبه الي مدبرينها لها والحين زيد رايح للقاعة ويبي الكل يروح وبيخدعون البنت مدري كيف باقي خطتهم قال وهو ماهو مصدقه ويتلفت يمين ويسار يدور سيارته وكاد عرف انه يراقب زيد ويبي يضيعه : صالح لا يكون تلعب علي وتضيعني عشان زيد : عادل زوجة مصعب هي الي بتضيع لو مالحقت عليها الجوهرة ناويه نيه خبيثه الله العالم ايش هي بالضبط عادل تأكد من كلامه لأنه فعلاً الجوهرة طلعت مع سواقها وزيد بعد واقف لا قربت منه ولا جت صوبه وكأنه ينتظر غيرها ..قال بسرعة :طيب وشلون اقدر ادخل قال بسرعة : دبرها من عندك أنا الي علي بلغتك وياويلك تقول عني بروح فيها صدقني بس ماقدرت اسكت وقول لمصعب صالح اعطاك معروف وراح يحتاج ترده بيوم من الايام وقفل عادا للحين مصدوم وبعد شاك انه كذاب خليه ينزل ويشوف بنفسه نزل من السيارة ..وتوجهه لسيارة الجوهرة وفتح الباب وقال بحده : وين زوجة مصعب الجوهرة : وش تبي وصرخت بصوتها كلها مين أنت وشلون تتجرأ تفتح الباب كذا عادل بحده وهو صاك على سنونه : وين زوجة مصعب أقولك صرخت وهي تطالع السواق بلغ الشرطه بسرعة وهي تصرخ ساعدوني عادل بعصبيه من صوتها الي واضح عليه الكذب والخوف : زوجة مصعب وين وطالع السواق اذبحك تدق الجوهرة صرخت : احترم حالك وابعد قبل مابليك الحين عادل بيرد بس سكت يوم جوالها رن بسرعه مد يده وسحب الجوال من يدها وهي تصرخ معترضه عشان يرجعه فتح الخط وهو يسمعها تقول بصوت خافت : جوجو الحين بغرفة العروس دقايق وخلي زيد ينزل ... بسرعة مافي وقت البنت بتطلع رمى عليها الجوال واتجهه للقاعة وهو يسأل الحارس وين بالضبط غرفة العروس ...نشب له الحارس ..شوي بس قدر يكذب عليه ..انه من أهل العروس وجاي يأخذ باقي الاغراض ..للعروس ..ودخل وفعلاً مثل ماقال له صالح .. | ||||||||
|
| |
|
17-11-18, 09:58 PM
| #748 | ||||||||
| مراقبة عامة ومشرفة منتدى الروايات المنقولة
| ( الفندق ) قال بعجز : يالله عبيرر وبعدين معاك لك ساعة وانتِ تزيدي وتعيدي بنفس السالفه صاحت بقهر وقالت بقه : عناد احس اني بنظلم معك لا تكذب علي وتقول ماتبيها عناد رفع حاجب وقال : متي قلت اني مابيها عبير بصدمه : يعني مو فتره وتطلقها مثل ماقالت خاله جوجو عناد بحده : عبيرر لو تبين تعيشي معي بسلام شيلي الشموخ من رأسك وسيرتها لا تجيبها لا بزين ولا بشين ولعاد تصدقي شي إلا مني عبير قالت بغصه : تحبها طيب ليه تزوجت عليها عناد استغفر الله بصوت عالي وقال :عبيرر حالفه تخربين على عمرك من البداية عبير طالعته وهي معجبه فيه وتخاف تخسره فعلاً ليه تخرب على عمرها ابتسمت بخبث مصيري اطلع الشموخ من راسك ي عناد قالت : لا مستحيل اخرب علي وعليك وأنا عارفه مافي حد بيسعدني مثلك مووو عناد ابتسم بحزن وهو مقهور من نفسه وشلون ظلمها معاه كذا قال بضيق : الله يقدرني واسعدك .... ========== ==== == = الشموخ أخذت شوربارد ..وكاد يطفي حرقة قلبي بس هيهات هيهات شي يبرد نار قلبي .. صليت الفجر ..وعليت على التكيف ..على الأخر وتمددت على السرير ..جلست اتقلب واتقلب ..بس النوم مجافيني من كثر ما أفكر وش يسوون الحين آه ..من كثر القهر الي احس به عضيت المخده وأنا اطلع كل غيضي كتمت صرختي آه نبهني رنة .الجوال استغربت..مين بيدق ..أخذته انصدمت .. يوم شفت رقم ( عناد ) داق وش يبي .. ولا ماكفاه شماته فيني وناوي يكمل .... رميته بقهر من يدي ولا رديت عليه ... غطيت نفسي بالمفرش وأنا احس ببرد ذبحني ..و جسمي يرجف فجأة .. ============= ===== == من بعد مانامت عبير طلع من الغرفة والحين واقف قدام الفندق ...مقهور منها يدق ماترد عليه وده يسمع صوتها وكاد يرتاح شوي ..ويرتاح قلبه همس يالله ردي ردي تكفين ...وبعد وده يطمن عليها ...و متضايق يحس عمره استعجل حده ..وماغير عبير انظلمت معه تفكيره أبد .. ماهو معاها ..طول جلسته ...معاها ...وهو باله بالشموخ ..حاول يضغط على نفسه ويخلي نفسه عادي ...ومايزعلها ولا يحسسها بشي بس غصب عنه ...الشموخ بتفكيره .. طالع سيارته فكر يروح يشوفها ..بس عبيرر بتفقده لو تأخر وبتسأل وين رآح ..وبترجع تصدع راسه رفعه عينه لشباك الغرفة وهو يتنهد : ليتك صدق تنسيني الشموخ مثل ماقلتي ي عبير رجع الغرفه ..وفتح الباب وهو مايبي يزعجها ...تمدد على السرير وحط يده تحت رأسه وهو يفكر ..طالع عبير وهي ... نايمة ولاهي.. داريه بشيء حولها ... ========= ==== == { جده } قالت بقهر : ماما ايش الهرجه دحين ام خالد وبالها بعيد : دحين خلي بس أبوك يطلع من مشكلة التحقيق وحطت يدها على راسها بتعب وقالت يالله من امس ماهو نايمه الله يأخدها جت وجابت مصايبها معاها صفاء بتذمر : شوفوو صرفه أهل خطيبي جاين ومابي مشاكل ماما تصرفي وخليها تنقلع من البيت كلووو ام خالد بحقد : تطمني ي روح ماما معاد فيه مشاكل وبعرف وشلون أقدر اخلي أبوك يقلعها وبقهر انت بس اقعدي مع خالد وخليه يطلع الي براسه انا أخاف أكلمه يعاند أكتر بلى بشكلوو مقفل رأسه وحالف يمين يرجع الماضي ...ناوي يدبحني وبقهر ضربت على خدها المهبول بس ينتظر زوجها يطلقها ... والحين بخلي أبوك يقلعها لا اي مكان وبقوله خلاص رجعت لزوجها وبيرجع يهجد وينسى الهرجه مثل أول .... صفاء بقهر : الحين ذا من جده بعده يفكر فيها من هي طفله وهو وهالحب الي طفشنا بوه وين الي زعل وحقد وعصب يوم تزوجت وحلف لا ينتقم منها وبعد يوم جت كان معصب منها ايش قلبوو كدا ام خالد بقهر:يوم دري انه فيه مشاكل وزوجها بيطلقها رجع له الأمل ... بس لبعدوو ياخودها قالت بقلق : ماما خايفه بابا يرفض طلوعها من البيت وحد يشوفها من أهل طارق ويجلسون يسألون عنها ونتفشل شروق وهي تضم قطتها لصدرها وقالت بستفزاز : صفاء خايفه تتفشلين ولا يهونو يوم يشوفون جمالها صفاء بعصبيه :دحين تشوفيها جميله هذيك هي وشعرها المنكوش شروق :والله جميله وبقوه بعد شفتيها انتِ كيف تشبه ديك الفنانه مي عز الدين وطالعت أمها آه ماما ليت بابا مثل عمو أخذ مصريه نطلع كد حلوين شافت أمها تطالعها بعصبيه رفعت يدها وهي تقول آسفه آسفه خلاص بس صدق وش عجبه طارق فيكي والله هو أجمل منك صفاء صرخت بقهر : ماما خليها تنقلع ام خالد بطفش: اهجدي انتِ وهي ترى حدي مقهوره لا تزيدونها علي وفكوني من كتر هرجكم فوق راسي وخلوني اريح ساعتين وبعدها نروح المستشفى نشوف البلوه الي هناك ونفكر وشلون نطلع أبوك من هالسالفه وطالعت شروق بتهديد شغلك معاك بعدين بخليكي تثمني هرجك تاني مره شروق ابتسمت بدلع وقالت : ماما أحوووبك أم خالد رفعت الشنطه الي بيدها بتهديد شروق صرخت وهي تقوم :خلاص خلاص ======== === == ( دبي ) قال بقهر : لي ساعتين أنتظر اتصالك وادق ماترد ليه كذا فجأة قطعت ومنيف بعد يقول ماترد عليه عادل للحين وهو مصدوم من الي صار قال بضيق : كنت اتابعه وخفت اغفل عنه بس مع الآسف مرقابتي راحت على الفاضي جاء وقف وراح بعدها بدون ما يقرب حتى من سيارة الجوهرة مصعب رمى بكت الدخان الي بيده وصرخ وهو يقاطعه : وشلون ي عادل جاي كذا أكيد بينهم شي لا تجننني عادل كور يده آه لو تدري وش ناوين كان عليه : مصعب مثل ماقلت لك الجوهرة راحت مع سواقها وزيد وقف شوي وحرك وش اسوي أكثر من كذا مصعب وبقهر متى جاي أنت مصعب وهو يدور بالغرفة صرخ : خلك الحين من جيتي وقولي وين صالح الكلب عادل عض شفته لو تدري وش مسوي معك صالح والله لا تشيل جميله طول عمرك قال بضيق : مدري مصعب كور يده وضرب الجدار بقهر وقال بعصبيه : فيه ثغرة صارت أكيد منيف غلط وصالح دري وحذرهم تعرفه جسوس الكلب عادل حس كلام مصعب يضيق عليه زود قال بتعب : مصعب انصحك تفك عمرك من زيد والجوهرة طريقهم ظلام من الحين أقول لك أحذر منهم هذولا يدخلون وسط بيتك بدون ماتقدر تمسك عليهم دليل مصعب بقهر : عادل قفل بسرعة عادل قفل وهو يهمس ..ضيعت نفسك وبتضيع زوجتك بعد مصعب يدور بالغرفة..وهو معصب ..ليه كل مايحاول يدبر لها شي تطلع منها ...حاول يخليها تأمن له بس ماقدر يتحملها وطلعته من طوره وقلبت عليه ... ولما الحين يحاول ..يقدر يمسك شي واحد عليها بس كل مره يفشل أكيد فيه خاين يوصل لها مستحيل بتكون بهالحذر .... معقول عادل ..هوو الي يساعدهم ..لا لا لا مستحيل هز رأسه وهو يبعد هالفكرة .. دق على منيف وهو يقوله الي صار .... بس بدون حس قال : منيف خلي عينك من عادل منيف بصدمه قال : وشهوو مصعب قفل عيونه وقال :مثل ماسمعت وأنا كلها يومين وجاي ============= ===== == = (المستشفى ) أول ...ماوجهه لي ..السؤال بلعت ريقي وقلت بخوف وأنا اتذكر التهديد الي جاني من عمي ووعد زوجته لي .إلا تهديد عمي مايهمني ..قد مايهمني وعد زوجته لو بعدت التهمه عنهم ..تذكرت وش صار بينهم من قبل مايبدأ التحقيق قال بحقد : اقسم بالله لو تقولي بس اسمي ذبحتك وذبحت الي ربتك على المعصيه والحين وفي الأخير عيت ترضى بوجودك وحذفتك علي طالعته بخوف وقلت :لا تغلط على أمي وردني لها مابي اعيش معاك ي الظالم صرخ بقهر: بعد لسانك طويل ي ال****** تقدمت أم خالد وهي تقول بخبث : أبو خالد ارفق عليها شوي حرام عليك وحطت يدها على شعرها ترتبه : خليكي عاقله كدا واجحدي وقولي طحت قولي اي مصيبه بس اسم عمك مايجي بالتحقيق أبد وبعدها صدقيني أنا بنفسي بردك لأمك صدقيني دي المره أنا الي بوصلك لها وأفك من عمك صحيت من سرحاني وقلت بتوتر : طحت وتعورت قاطعها وهو يطالع التقرير قدامه : اممم بس الي واضح بالملف انك متعرضه لتعذيب وضرب ومستحيل الي فيك يكون سبببه طيحه هزت رأسها وقالت وهي تصيح :لا لا وهي ودها تقول له الحقيقه طالعت بالممرضه الي واقفه جنبه وقالت بهمس :خلاص تعبت خليه يروح الله يخليك مسكت يدها وقالت بحنان : ي قلبي قولي الي صار معاك بالضبط عشان نقدر نساعدك صدقيني حقك كله راح يجيك لا تسكتي أبد شدن هزت رأسها بخوف ...... ورفضت عاد تتكلم مستحيل تخسر روحتها لأمها حاولو فيها تقول شيء رفضت بعدها طلعوا ..وأول مالغرفة.. فضت وقفت بحماس .. لبست العبايه ..وطلعت وأنا ادورهم ...شفت زوجة عمي قربت مني وقالت بحده: يالله عمك كمل إجراءات خروجك وينتظرنا بالسيارة قلت بشك وأنا أسمع تبرة صوتها أبد ماتطمن: باقي على وعدك صح ام خالد ودها تصرخ عليها بس سكتت وهي مقهوره تخاف تغلط عليها تقوم تفضحهم ..قالت بغيض :أكيد حبيبتي وبنفسها خلينا بس نطلع من دي المستشفى وبعرف وين أوديك وننفك من وجهك وعصبت يوم شافت خالد جاي يمهم وهو معصب بسرعة تقدمت له وقالت بتهديد :اقسم برب الكعبه لو تفتح فمك ذبحتك تقلع قدامي وخلينا نطلع من هنا بدون مشاكل خالد طنش كلام أمه وطالع شدن وقال :ليه سكتي عن حقك كدا صدقيني بيتمادوو معاكي شدن حسيت بخوف من كلامه ومنه بعد ابتعدت مقدرت ارد عليه خالد هز رأسه بحسره وقال وهو مقهور :ضيعتي حقك والله وراح يضيع أكتر بعد وقولي خالد ماقال خليك قويه أنا معاك ام خالد بقهر وهي تدفه: ناوي تفضحنا أنت خلاص انهبلت وطالعت شدن هيااا قدامي وماعليك فيه | ||||||||
|
| |
|
17-11-18, 09:59 PM
| #749 | ||||||||
| مراقبة عامة ومشرفة منتدى الروايات المنقولة
| بعد ماوصلو البيت ... شدن حسيت بخوف أول مادخلنا الحوش مسكت بيد أم خالد وهمست مابي عمي يسمعني : يجعلني أخذ ضيمش وصليني لأمي الحين أم خالد دفتها بقوه عند رجول زوجها وقالت : ابعدي عني بلى بشكلك وطالعت زوجها بعصبيه وقالت : من الحين أقولك ي أبو خالد والله ماتدخلها البيت شيل هالحشرة من قدامي قبل ادوسها شدن كنت مصدومه حدي ..صدق خالد يوم قال ضيعت حقي ...آه وش الي خلاني اصدقها أبو خالد بقهر وهو يشوفها مرميه عند رجوله : وين احطها أم خالد بحده: شوف لها اي دبره لها بس تجلس عندي لا مستحيل أجلس مقابلتها ماتحمل من الحين أقولك ولا أخذت عيالي ورحت لابيت أهلي وبعدها شوف كيف تقدر ترجعني ولاتنسى خطبة صفاء وبعدها وصايف مابي مشاكل بينا شدن كنت اطالعهم وهم يتحاذفون بالكلام.. عني حسيت بغبنه ..على حالي وعلى الي وصلت له الحين حتى عمي راح يرميني ..آه قلبي وجعني يوم قالت مرة عمي : عندي بنات واخاف عليهم ي أبو خالد وعارف وشلون السمعه تضر العائله جميع أبو خالد طالع بشدن وهو كارها وده يقتلها ماهو بس يطردها ..بس مابيده حيله ماعنده غير يتحملها قال بصرامه وهو ينهي السالفه :خلاص هذي تنقلع الملحق وبخفي حتى ذكر اسمها بهالبيت وان شاءالله من هالملحق ماتطلع إلا جنازة لقبرها أم خالد بعتراض ماهي راضيه بهالحل خايفه من خالد تبي تقلعها من جدة كلها :ماسويت شي اسمنها بالبيت كده كده جالسه عندنا أبو خالد بعصبيه صرخ : ماعندي غير هالحل بهالوقت حتى الزفت يطلقها وازوجها حتى لو جاني شايب وطالع شدن بعصبيه تقلعي قدامي الملحق أم خالد قالت بدون رحمه : لا الملحق حرام فيها وديها غرفة الخدامة القديمه الي الحين صارت مخزن كراكيب لايقه عليها أكتر أبو خالد بحقد : حتى هذي حرام فيها رفسها بقوه وقال بصرخه : قدامي الله يآخذك قريب شدن كنت مرعوبه ..من كلامه يزوجني شايب آه ياسر وينك ..والله انك فقيده بحياتي صدق ماكنت مقدره النعمه الي كنت عايشه فيها مديت يديك لي ..وأنا رفضت ..بس صرخت من قوة الرفسه الي جتني ..بغفله ..حسيت بندم ليه ماشكيت عليه ...صدقتها الحقيره بس صرخت بألم أكثر يوم جرني من شعري بدون رحمه للمكان الي يبي يوديني له ..آه روحي بتطلع من كثر ماااصرخ ...سحبني بقوه وخلاني أوقف على رجولي وقال بعصبيه وهو يأشر على غرفة نهاية الحوش : هذا مكانك جرني بقوه وفتح الباب ورماني بالأرض طالعت المكان وأنا مصدومه ..من شكل الغرفة بالاصح مخزن ..كله اغراض قديمه مرميه بالأرض وتراب بكل مكان طالعته يوم أشر بيده وقال بسخريه : هذاك حمام الي بالزاويه.. وان شاءالله هذا مكانك من اليوم يالله وشلون نهايتي بهالمكان قلت وأنا منهاره اصيح قهر وجع وألم من الضرب مسكت برجوله وأنا اترجاه : تكفى ي عم وشلون اعيش هنا حرام... صعب والله بس رفعت يدي احمي وجهي من الصفعه الي جتني وبعدها دفني بقوه صرخت يوم طحت على يدي حسيتها انكسرت وصرخ بكل صوته وهو يقول :حرام عيشتك بهالمكان وماهو حرام الي سويته فيني طول عمري رافع راسي ي شدن وتجين أخر عمري توطيه وتفضحيني بين جماعتي بالجنوب ..رموك لي مثل الكلبه ابتعدت وأنا ازحف ..بخوف وأنا اشوف يرتجف من كثر عصبيته ..كنت مرعوبه حدي توني.. طالعه من المستشفى من قوة الضرب ..الي حصلته خايفه يزيد علي يكفي يدي بموت منها بس الحمدلله ابتعد ..وقال وهو يرفع المفتاح بيده : بقفل عليك هنا ولا أحد داري عنك وبخفيك عن العالم والحمدلله هنا مافي أحد يدري ان عندي بنت أخو ليتك لحقتي أبوك وفكيتيني بس ي حسره بلاني فيك وراح وكمل بحقد دفين أبوك كان مسبب مشاكل بحياته و بعد موته الله لا يرحمه على الي سواه فينا حسيت بقهر وهو يحكي عن أبوي كذا وهذا وهو أخوه ..بس مابيدي شيء ..ومقدر ارد عليه ..وأكثر شي مخوفني وشلون يحبسني هنا بموت وفعلاً مافي حد بيدري فيني قالها ياسر من قبل صدقيني مافي حد بيسأل عنك أحترمي حالك وقدري النعمه الي انتِ فيها بس رفضت وعنادت والحين شوفو وش مصيري ... قلت بخوف وانا أحاول استعطفه : وشلون تحبسني راح أموت والله اسمع عندي حل ردني لياسر وهو يتصرف ولا أقولك ردني لأمي والله ماراح تردني لك ابو خالد ابتسم بحقد وقال : لا لا مستحيل اردك لها عشان تزيدي بهياتك ي ال***** أبيك تموتي بهالمكان وتعفني بعد وأشر للباب هذا ماراح ينفتح إلا وقت مايجيبون لك أكل بس .... وطبعاً الأكل بكيفي وقت ماأمر بوه لك وان شاءالله أخليك تأكلي اظافرك من الجوع ..وطلع وقفل الباب أكثر من قفله شدن بسرعه قربت منه وانا اصرخ واضرب على الباب بيدي اليسار .. تكفى ي عم مقدر اخاف اجلس هنا ..تكفى ي عم بموت والله بموت ..كنت اصرخ واصرخ بس مافي أحد يسمعني حسيت بتعب تهاويت وجلست بالأرض ..وأنا منهاره اصيح ..من خوفي وشلون بقدر أعيش .. بهالمكان ..الوسخ والقذر ...وبعد الم يدي الي ذبحني .. تلفت يمين ويسار .. بخوف مافي شيء ..نظيف كل المكان كراكيب ..حسيت شيء يمشي تحتي ... فزيت واقفه ... وأنا اصرخ مفزوعه شفت فار يركض قدامي ..كنت بموت بمكاني ..:من قوة الصدمه صرخت بصوتي كله ابي حد يجي ويساعدني بس مع الآسف .. ماغير صدى ..صوتي يرد .. بسرعة .. ابتعدت.. لنهاية الغرفة ..وأنا عيني تدور يمين ويسار خايفه حدي ..لا يطلع لي شيء ثاني سحبت كنبه صغيره ...وسحبت طرحتي من على رقبتي ونفضت التراب ...بيد وحده وأنا أتالم وجلست وانا رافعه رجولي حطيت راسي على رجولي... وصحت وأنا احس بذل وخوف مابعده ..جلوسي بذيك الغرفه أهون من هالمكان بكثيررررر ..وشلون بتحمل ..هالمكان ولمتى بعد بجلس فيه ..رفعت راسي لفوق وقلت وأنا اصيح يارب رجعني لياسر يارب أنت أعلم بحالي ..قفلت عيوني بالم يوم نزلت يدي ..رجعت رفعت وأنا ماسكتها باليد الثانية ........... | ||||||||
|
| |
|
17-11-18, 10:00 PM
| #750 | ||||||||
| مراقبة عامة ومشرفة منتدى الروايات المنقولة
| فتح عينه وهو مايدري متى غفت عينه مد يده وأخذ جواله عقد حواجبه ..وهم يشوف الساعة باقي شوي وياذن الظهر ..طالع عبير بعدها نايمة.. رجع دق على الشموخ هالمرة الجوال مقفل .. حس بقلق ابعد المفرش ..وبسرعة لبس ثوبه وطلع .. اتجهه لشقته ...أول ماوصل نزل وهو يمشي بخطوات سريعة ..دخل الشقه وهو يدورها بعيونه .. مالها أثر بالصاله .. أكيد نايمة ..بسرعة تحرك صوب غرفتها ..أول مافتح الباب لفحه برودة التكيف ..جاء بيرجع يقفل الباب مايبي يزعجها بس وقف يوم سمع صوت انيين خافت فتح النور ..وقرب منها وعقد حواجبه ..وهو قلقان كان وجهااا أحمر ومعرق ...مد يده لسعته حرارة خدها ..قال بخوف : شموخ بس ماردت عليه رفع شعرها عن وجها وقال بخوف شموخ تسمعيني ارتاح يوم فتحت عينها وطالعته قال بسرعة : عندك حرارة قويه يالله اوديك المستشفى كانت تسمع صوته وهي تحس إنها تحلم جالسه فيه إلا عناد الحين ماهو يمها أبد تحس جسمها مكسر وتعبانه حدها أول مره تكون بهالتعب ..بس يوم سمعت صوته يتكرر عليها رجعت فتحت عينها وهي تتأكد من وجوده فعلاً كان جالس قدامها ويكلمها ..بس ماتدري وش يقول رجعت قفلت عيونها ... وقف وأخذ العبايه وقال وهو حزين عليها: بساعدك تلبسين عباتك وجلس جنبها ومسك يدها شموخ تسمعيني يالله بساعدك عشان تقومين الشموخ رجعت فتحت عيونها وهي يالله قادره قالت بتعب :ودني لأمي مابي المستشفى عناد هز رأسه ونزل نفسه عشان يساعدها تقوم وقال : ماعليه اوديك المستشفى أول وبعدها بوديك لأمك أوعدك ... الشموخ أول ماحطيت رجولي على الأرض حسيت الدنيا تلف فيني ولا أنا قادره أوقف مسكت فيه وقلت بتعب :والله مافيني حيل على روحة المستشفى ودني لأمي بس وبأخذ مسكن وبطيب بعدها صدقني لو شفت أهلي بطيب وبنسى كل شيء يوجعني عناد قلبه وجعه من كلامها ..هز رأسه مايبي يأخذ ويعطي معاها وقال : أبشري ولا يهمك ساعدها تلبس العبايه ومشاها معاه وهو يسمع اعتراضها على روحة المستشفى ... ======= === = بالفندق صحت من النوم ..ابعدت المفرش وهي تدوره بعيونها ..ماله أثر بالغرفة ..انصدمت صدمة عمرها توقعت أول ماتصحى تشوفه قدامها او تصحى على صوته ...مثل ماحلمت هاليوم يكون مميز بس خاب أملها ...مدت يدها وفتحت جوالها ودقت رقمه ...مارد ..بعدها أخذت شور وغيرت لبسها وجلست تنتظره ..رجعت دقت أعطاها مقفل .. عضت شفتها بقهر وغيض ..جلست تدور بالغرفة رايحه جايه ..وهي مره تسبه ومره تدعي على الشموخ ... طول حيل ..فكرت تدق على أمه ايه مافيه غيرها تعرف له ..دقت رقم الجوهره أول ماسمعت صوتها قالت وهي تصيح :جوجو بموت والله من الي سواه فيني ولدك قالت بصوت ثقيل من النوم : بسم الله ايش فيه :صحيت ماحصلته أمس موصلها معي والحين أكيد راح لها ورجعت تصيح بقهر حطت يدها على راسها الي يوجعها آه الي مرت فيه امس شيء كثير عليها قالت بطفش من صياحيها : خلاص بيبي الحين بدق عليه وبربيه لك وأخليه يرجع لك عبير وهي تصيح : مدام ميت عليها كذا ليه تزوجني الجوهرة عضت شفتها وقالت : ي عيوني والله لا اجيب لك حقك منه ولا يهمك والحين يالله ي حلوه اطلبي لك شي تأكليه ودلعي نفسك وماعليك فيه وصدقيني بيرجع يدور رضاك عبير بقهر : يدور رضاي قولي يدور رضاها ودي اعرف على وشهوو ميت عليها لاجمال ولا أخلاق الجوهرة ابتسمت بسخريه : ايه مره مابها جمال اقول بيبي كلي وعيني من الله خير وصدقيني بيجي وبيطلب رضاك وماوصيك أثقلي لا تسامحيه على طول عشان يعرف غلطه وقفلت من عندها وهي تقول أكبر همي انتِ الحين آه أنا وين وانتِ وتفاهتك وين وعضت شفتها بقهر كل ماتذكر كلام خويي مصعب تموت من القهر كله من غباء زيد وصالح ...ضيعوو عليها فرصتها ======= === = بالمستشفى مركبين لها محلول عشان حررتها تخف رفعت عينها بملل: خلاص خلهم يبعدونه مافيني شي الحين عناد أخذ نفس وهو يصبر نفسه : شموخ اصبري شوي عشان صحتك وبعدين ليه مستعجله كذا هو بينتهي وبنطلع خلاص الشموخ بوجع طالعته وقالت : طيب وجع قلبي وش يخففه جاء بيتكلم قاطعته وهي تقول بضعف : لو تبي راحتي اطلع وصدت وهي تلوم نفسها ليه قالت له كذا بس والله غصب عنها ..زواجه وجعها أكثر من الوجع الي تحس فيه ..ليه ماعطاها فرصه وهي رآح تثبت له ..صدقها معاه ..رفعت يدها اليمين ومسحت دمعتها وهي تردد وش يفيد الحين العتب ي الشموخ طار من يدك خلاص ... قفلت عيونها يوم سمعت صوت الباب ودها تصرخ وتقوله اطلع من حياتي كلها .. كافي الي صار لي منك ..حتى صحتي معادها مثل أول .. بعد ساعة رجع الغرفة ...وقرب منها بعد ماابعدت الممرضه المغذي من يدها ..ساعدها تقوم ومسكها وطلعوا من المستشفى .. اول ماحرك السيارة قال : وشلونك الحين ان شاءالله ارتحتي بعد المغذي الشموخ من غير ماتطالعه : أحسن بكثير عناد : اممم مدام تحسين نفسك بخير وش رأيك نمر مطعم ونتغدى ميت جوع من امس ماأكلت شيء قال كذا يبيها توافق عشان يطمن انها أكلت قبل يروح لعبير الشموخ طالعته بصدمه وقالت بسخريه : ي هوو تراك عريس لو كنت ناسي وش مطعمه الحين عناد طالعها وقال :متذكر مايحتاج الشموخ سندت راسها بتعب : ودني لأمي بس عناد بيعترض قاطعته الشموخ : عناد أنت هالفتره جالس مع زوجتك خاف ربك فيني مجلسني بلحالي بهالشقه والحين تعبانه مافيني أجلس فيها وحيده عناد قاطعها وقال: بجلس معك الشموخ طالعته وسكتت شوي وقالت بغصه : ورحلتك لشهر العسل عضت شفتها تمنع دموعها تذكر وشلون أول ماتزوجها كيف كان مدلعها وهي ماهي طايقته والحين تعض اصابعها ندم عناد طالعها ورجع طالع الطريق وقال : تتأجل لما تطيبين الشموخ وهي تحس دموعها على خدها : عناد لا تزودها علي ودني لأهلي وقت ماترجع من سفريتك تدل بيت أهلي وبعدين كلها حرارة وخلاص الحمدلله الحين مافيني شيء وبرتاح أكثر لو جلست عند أهلي وبصوت مخنوق والله محتاجتهم حيل عناد قبض على الطاره بقهر .... يالله الحين وش يسوي بعمره ماغير ظلم الثنتين معاه قال بجمود : بوديك وبخليك ترتاحي هالفتره عندهم بس أول مارجع ترجعي معي على طول ولا.. الشموخ وهي تقاطعه : تطمن برجع معك وبتكمل انتقامك مني على الأخر عناد طالعها ورجع طالع الطريق ...آه ليت مثل ماتفكري ي الشموخ ... الشموخ قالت بتعب : أول ودني الشقه بأخذ كم غرض عناد هز رأسه بدون صوت ..اتوجهه للشقه وكلها دقائق وصلو ..وأول مادخلووا قال عناد وهو يشوفها اتجهت لغرفة النوم :طيب انزل أخذ شيء تأكلينه قبل تروحين لهم الشموخ من غير ماتطالعه : لااااا بأخذ بس أغراضي وبطلع بسرعه عناد وده يقول لها تكفين لا تروحين ..خايف من روحتها ..أبد ماهو مطمن لها ..بس قال بقلة حيله وهو يجلس على الكنبه : انتظرك الشموخ دخلت الغرفه بسرعه جمعت .. أغراضي الي بحتاجها ..هالفتره طالعت الجوال المرمي بالأرض طنشت .... ..وطلعت شفته متمدد على الكنبه وحاط يده على عيونه قلت بهمس : جاهزة انصدمت يوم طالعني كانت عيونه حمرا.. وبها حزن غريب أول مره اشوفه بعيونه دايم اشوف العناد والقوة ..بدون حس سألت وأنا احط يدي على رأسه اشوف حرارته : فيك شي تعبان لا يكون عديتك بس سكتت يوم حسيت بحرارته طبيعيه عناد مسك يدها وجلس وقال بغصه :مافيني إلا العافية يالله مشينا وطالع الشنطه الي بيدي حملها منها وقال جوالك معك الشموخ هزيت رأسي بلاااا حط الشنطه وراح للغرفه وجاء وناولني وقال : اشحنيه اوكيه وخليه على طول مفتوح طيب اي وقت ادق عليك وردي تمام لا تخليني اقلق صديت وقلت : ماله داعي تقلق وبعد الجوال ماحتاجه مدام عند أهلي عناد أخذ نفس وقال بضيق : شموخي لا تعانديني الي فيني يكفيني والله تعبان حدي حسي فيني لو مره انصدمت يوم قال (شموخي ) أول مره ينطق اسمي كذا مديت يدي وأخذته .. منه بدون ماتكلم وتحركت قبله وطلعنا السيارة ..وطول مسافة الطريق ماتكلمنا مع بعض ....أول ماوقف السيارة قدام بيتنا طالعت البيت وقلت بغصه : ماتوقعت بشوف بيت أهلي طالعته وقلت حرمانك لي من زيارة أهلي ذبحني والي سويته فيني ذبحني أكثر ي عناد بس أعرف شيء واحد ماعمري لمتك تدري ليه لأني أنا مقدرت النعمه الي كنت فيها وأقولها لك مااستاهلك وترى ( ممنونه لك وأنت سترت علي ) وعضيت شفتي امنع دموعي وقلت وشفتي ترجف الله يوفقك مع عبيررر وليت قلبك يحن وتطلقني صدقني ماراح أقدر اتحمل أشوفك معاها ولو تبي تأخذ ذنبي كمل الي ناوي عليه ..ونزلت بدون ما أعطيه فرصه يتكلم ..دخلت الحوش ... مسحت دموعي ..وقويت نفسي ودخلت البيت ..شفت أهلي متجمعين على السفره يتغدون ..حسيتهم انصدموو من دخلتي عليهم ...ابتسمت ..على صراخ أميرة الي ركضت وضمتني وأمي وهي تقول راشد تشوف الي اشوفه .... صحت غصب عني يوم أمي سحبتني من حضن أميرة وضمتني لصدرها قلت بوجع :آه يمه ام الشموخ وهي تصيح :عيون أمك ابعدتها شوي وهي تطالع وجهاا الذبلان قالت بحسره : ليه سويتي بعمرك كذا ليه قبلتي على حالك الذل وحنا موجودين ونقدر نكسر عينه ونأخذ حقك يس صار العكس كسرتي عيونا ليه يمه خليتنا بهالموقف يوم وقفتي بصفه الحين وش مستفيده بالله ماغير حرقة قلب لك ولنا وقالت بقهر شوف ي راشد بنتك وشلون نحفت والله ماتردها له من الحين أقولك الشموخ عضيت شفتي مدري وش أقولها لو عنادت وجيت مثل ماتقولين أتوقع فعلاً بصير ذليله أكثر وهالاستقبال ماراح تستقبلوني فيه وراح بنفسكم ترموني له بعد مايقول لكم بسواد وجهي ...طالعت أبوي الي واقف يطالعني بعتب قربت منه ورميت نفسي بحضنه وصحت وطلعت الي بخاطري كله وكل مايهديني ارجع اصيح نفسي أقول له ..وكاد يصدقني وانفك ..من الخوف والرعب والتهديد الي مسويه لي عناد بس مافيني اصدمه .... قال وهو مقهور عليها :اوشش يبه وهدي شوي وقولي لي وش مسوي فيه ال****** والله أطلع حقك من بين عيونه واعرفي شي واحد حتى نومي ولقمتي ماهو متهني فيها وانا داري أن بنتي ضايقه بس مثل ماقالت أمك كسرتي عينا يوم وقفتي بصفه ومعاد قدرنا نسوي شيء وأنت راضيه الشموخ حاولت امسك نفسي وقلت وأنا امسح دموعي :ييه تطمن هالصياح كله عشان فقدتكم بس إلا عناد ماقصر معي بشيء والحين جابني لكم وبجلس عندكم شهرر وضحكت بمكابره بتملوون مني اخخخ وراح تدقون عليه تقولون له تعال خذ مرتك أم أميرة بقهر :ايه هالشهر يبي يخليك هنا عشان ينفك منك ويقضي ذا الشهر مع زوجته الثانيه عساه مايتهنى ولد الجوهرة آه الحافي المنتف مايستاهلك والله الشموخ نزلت رأسها وقالت بغصه : ماما انا طلبت منه يوديني لكم وبعدين عناد ماهو منقص عني شيء أم أميرة بقهر ضربت كف بكف :اسمعو بعدها تدافع عنه متزوج عليك ي الخبله افهمي وش تبين فيه وطالعت زوجها من بكره تروحي مع أبوك المحكمه وتخلعيه الشموخ ابتسمت بألم ..ليتها بهالسهوله يمه مثل ماتقولين ... أميرة قربت من الشموخ وقالت بعتب وهي تطالع أمها وأبوها :اممم تعالي تعالي ي بعد قلب أختك عندي سواليف واجد لك ومشتها معاها لفوق وهي تقول آه وحشتيني حيل وهمست لها انسي كل شيء يوجعك الشموخ دخلت الغرفة وهي تطالعها بشوق آه وحشتها حيل ..طالعت أميرة وقالت : ماهو مصدقه اني رجعت لها .. أميره وهي تمسك يدها : ي قلبي انتِ والله وش رأيك بعد نطير لميمه مدام باقي اسبوعين على الجامعه صدقيني راح نفسيتك تتغير الشموخ بحماس : ياليت والله فقدتها واحس اني محتاجتها ..... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
