آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-10-17, 12:56 AM
| #72 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  . . اللهم اني استغفرك وأتوب إليك اللهم صل وسلم على نبيا محمد "صلو عليه" "الروآيه لا تلهيكم عن الصلاة اللهم بلغت اللهم فاشهد" • • • السلام عليكم حابه أشكر المشرفه فيتوو والمنتدى المجاور على منحهم لروايتي وسام التميز اسعدتوني بالحيل والله يوم شفته فرحت من قلبي حسيت تعبي مايروح كذا وبعد أشكر المتابعين هنا وهناك كلكم على رأسي والله لايخليني منكم ي أجمل متابعين لنوني واحس بوناسه وأموت ضحك يوم اشوف الشطحات على المقطتفات الله يسعدكم يآرب • • • ((6)) فتح عينه بصدمه :رحبت بالموضوع شدن نوفه عقدت حواجبها بزعل :وش ذا الي تقوله ي ياسر والله لو اني داقه على ولد أختي كان افضل لي بس ماردني غير أبوه الاقشر حسبي الله عليه ياسر قفل عيونه بصبر:اسف ي عمه بس والله مصدوم وباقي ماهو مستوعب ومثل مانتي عارفه توي مطلق وبعد موافقتها صدمه لي بحد ذاتها نوفه قاطعته :ياسر مقدره وضعك كله وحاسه فيك بس بموت لو تروح عني بنتي ومن الحين أقولك أملك وربي يستر عليك ياسر عقد حواجبه :وشلون نوفه بسرعه وهي ودها تنتهي ذا الموضوع :بس أملك وخلي عمها يقتنع انها على ذمة رجآل وبعدها شوف حياتك وبنتي عندي ولا عليك منها حتى مصرف مابيه منك خذها كلمه مني ياسر حس ان كلام عمته كله جنون قال بضيق :متى جاي عمها نوفه بوجه : على كلامه بيوصل الليله ياسر زفر بضيق : يصير خير نوفه مسكت يده :تكفى يمه عشاني ماترجع في كلمتك ياسر قرب منها وسلم فوق رأسها :ياسر مايرجع في كلمه يقولها خليش واثقه نوفه ابتسمت بحب له:عساني مانحرم منك ي سنايدي وتكفى لا يطلع الكلام لحد حتى لأمك لما يجي عمها الليله ويصير خير ياسر هز رأسه بضيق وهمس وهو يأشر على خشمه : ابشري وطلع ...راح للبيتهم شاف أمه قدامه عرف انه فيه مصيبه منتظرته ماتوقف ذي الوقفه إلا فيه شيء ام ياسر بسرعه قربت منه وهي معصبه: لو تموت ماتأخذها فاهم وضربته على صدره مجنون لو تسوي ذا الشيء ياسر رجع لورا وهو مصدوم كيف عرفت وعمته قايله ان ذا الكلام بينه وبينها لما يجي عمها .. ام ياسر بقهر:نوفه لها يومين تلف وراك اتاريها تبي تدبسك في شدن والله ماتأخذها هذي أهلها وعافوها تجي تأخذها أنت لا والله وانا خطبت لك خلاص شافته ساكت مايتكلم صرخت بصوتها كله : ماتعرف تعتذر منها انا الحين بروح لها وبوقفها عند حدها ذي النوفه تبي تمشي العالم على كيفها يمه نور جيبي عباتي بسرعه ياسر قفل عيونه بصبر وهو يمسك يدها :يمه مين وصلش ذا الهرج آلحين ام ياسر بعصبيه:مين غيرها الست شدن داقه على نور وقايله لها انك الليله بتخطبها من عمها وحضرتها فرحانه أكيد مصدقت إلا شدن من بيطالع بوجهاا ياسر بقهر كور يده :ذي حتى بشيء يخصها ماتسكت يآرب الصبر من عندك وشلون يقدر يتزوجها الله يسامحك ي عمه على ذي التدبيسه كله منه ليته فكر قبل يطيح بفخه ام ياسر بعصبيه:ياسر الحين خلنا من ذا كله الي ابي أعرفه الي قايلته شدن صدق ولا تكذب مثل عادتها نقالة الحكي ياسر عض شفته بقهر ليته كذب يمه قال بعجز ويحس تفكيره كله توقف : شيء وانكتب لي مابيدي حيله واعطاها ظهره وهو يسمعها تهاوش بصوتها كله همس ليتش يمه تقدري تمنعي ذا الزواج ...والله بكون ممنون لش • • • • عند شدن قفلت من نور وهي تطالع امها ...الي شكلها سمعتها وهي تكلم ...قالت بخوف:هي سألت وش تبي في ياسر قلت لها نوفه بقهر قربت منها:آلحين يعني حلوه منش تقولي لها وش ابي منه شدن بلعت ريقها :يمه هي سألت تبيني أكذب يعني وبعدين أكيد بيقول لأمه وماراح يجي يخطب إلا عندها علم نوفه صرخت بعصبيه:قلتي أختصرها عليه وأقولها أنا بدل مايقول لها هوو قفلت عيونها بصبر وهي تسمع صوت باب الشارع يدق بقوه أشرت بقهر شفتي وش جنينا من لسانش طلعت وهي تحاول تستعد للمواجهه ...وبتحاول تقنعها وتفهمها. فتحت الباب بعصبيه: تستغلي اولدي ي نوفه وتبي تدبسيه في ذي البزر وش عندش يوم تبي تزوجيها منه نوفه بصبر:تفضلي ونتفاهم مايصير صوتنا يطلع ام ياسر بقهر:على وشهوو نتفاهم عليه شدن ماتأخذ ولدي على قطع ارقبتي خلي ذا العلم عندش وروحي العبي على غيره ودبسيه به ولدي بعيد عنش وعنها نوفه بقهر :احترمي حالش وشدن ذي الي ماهي عاجبتش تسوى الكل عندي تراي ماسكه نفسي بالقوه وتعرفيني عند شدن اجن قال بصوت تعبان: يمه انا الي طلبتها منها هي مالها دعوه وادخلوا الصاله لا تفضحونا صوتكم واصل للجيران لفت له معصبه :جاي وراي عشان تثبت لي أنك تبيها كذوب وباين عليك ياسر بضيق:اي يمه ابيها وخلاص أمشي البيت يكفي فضايح نوفه أشرت عليه: اسمعي ولدش بنفسه قال انه يبيها ليه ذا العصبيه كلها وحاطه علي الحين وعلى بنتي ام ياسر بعصبيه صرخت: ماهي بنتش اصحي ولا بتكون بنتش خلي ذا الشيء برأسش نوفه حست كلامها ذبحها قالت بوجع: والله لو جبتها من بطني ماراح اغليها ذا الغلا الي اغليها وطالعت ياسر خذ أمك والله يستر عليك ياسر مسك يد أمه وهو يحاول يطلعها معاها وهمس لعمته :الوعد الليله ان شاءالله وحقش علي مثل ماوجعتش لااطيب خاطرش عض شفته وسكت وش يقول لو عمته بوضع غير كذا كانت فهمت عليه وش يقصد يدري فيها فطينه حمد الله انها ماهي معه نوفه رجعت لصاله شافت شدن تصيح قربت منها مفزوعه : بسم الله عليش يمه ليه ذا الصياح كله شدن وهي تصيح:ليه تكرهني أمه كذا وش مسويه لها وشلون لو صرت زوجة ولدها والله شكلها من طقة أهل ابوي خايفه يمه نوفه ضمتها : يمه ماتكرهش بس مصدومه الحين وبعدين مين قالش بتروحي لها عشان تخافي منها شدن هزت رأسها:لا لا من أول تحذر بناتها مني بس لو تبي شيء تعرفه تخلي نور تدق علي نوفه بعتب:وأنتي بالخدمة حتى لو سالفه تخصش ماعندش مانع توصلي على طول الحين لو قايله لهم سالفه بينه وبين أمي وماعندي علم عنها ماهو كان ذا الشيء كله ماصار شدن لمتى وانا اعلم فيش بدون فايده شدن :يمه خلينا من ذا كله آلحين و قولي ان شاءالله عمي مايجي ولا اتزوج ياسر مدام ذي البدايه ينعاف تاليه نوفه ضمتها وهمست لها :ليته يمه بس الي متأكده منه انه بيجي والله يستر من جيته قلبي ذا المره قارصني بالحيل عضت شفتها ماتدري تواسيها ولا تواسي نفسها • • • • • في الرياض ؛؛ ؛؛ قالت بقهر وهي تحط صحن الحلا على الطاوله : مدري على وشهو ناوي ذا المصعب عناد بهدوء: ماعليه يمه روحي معه عشان عمي بس ولا تفكري بمصعب أبد وتذكري ان عمي دايم مايقصر معي ولا معاك الجوهره مدت له فنجان القهوه وقطعه من الحلا : المصيبه بيجيب لي وحده نفس طينته بالغرور والكبر والله بتصير عله على سبدي بذا البيت انا يالله متحمله مصعب تجي وحده نفسه بموت ناقصه عمر عناد بجديه: يمه بيتي مفتوح لك باي وقت وانتِ عارفه ذا الشيء الجوهره بقهر أشرت بيدها: وين بيتك مثل ذا القصر عايشه بوه وبعد تعبي وكل ذا وصلت له انسحب كذا لا والله انا له والي برأسه يسويه وعمري ماطلعت من شيء خسرانه يجي مثل مصعب مريض نفسي يخسرني الي بنيته عناد بضيق: اجل الله يعينك إلا يمه وش صار على موضوع خطبتي أشوفك مطنشه وين فرحتك أول الجوهره بضيق: عناد أبد ماهو وقتك الحين خلني بالي فيه وبروحتي الليله لبيت الشموخ والله لو الي ماهو في بالي كان مارحت ولا مشيت له بشيء المريض ذا بس وش اسوي ماهو من مصحلتي ازعل صقر عناد وقف وطالع الشغاله الي نازله من الدرج والشنطه بيدها : خلي السواق يطلعها السياره الجوهره بزعل: خلاص كل شيء شلته مابقيت شيء مثل الي تقول مالي رجعه لذا البيت عناد ابتسم : فعلاً مالي رجعه لذا البيت ماغير اسلم عليك بس الجوهره :مصيرك تندم حد يخلي ذا العز ويسكن بشقه ودي اعرف ليه ماطلعت مثلي حاست بوزها طلعت مثل أبوك غاوي فقر عناد ابتسم : يالله بحفظ الله وراي بكرا رحلة قنص مع اخوياي تبي شيء مني قبل اروح الجوهره بعتراض : ودي افهم وش مستفيد منه ماغير بذا البر هاج بعمرك خلك من رحلة القنص وسافر معي غير جوو بكرا رحلتي لجده بحضر حفله لوحده من صديقاتي مسويتها بفندق على البحر ومره وحده اتفق مع أم عبير تأخذ بنتها وتشوفها النظره الشرعيه عناد بزعل:يمه أنتِ الي وشهو مستفيده من ذا الشيء تسويه كل مره مسافره مكان إذا عمي ساكت انا روحي طقت والنظره الشرعيه في بيتها هنا ماهو اسافر وهي تسافر وشهوله ذا العنا كله وشغل التحرر ذا يمه كله ماهو عاجبني الجوهره وقفت وهي تتهرب ماتبيه يبدأ فلسفته : روح الله يستر عليك مافي وقت وراي روحه مع العله مصعبوه التعديل الأخير تم بواسطة فيتامين سي ; 24-10-17 الساعة 08:24 AM | ||||
|  |
|
07-10-17, 12:57 AM
| #73 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . . في الرياض ؛؛ صحت من النوم وهي تطالع المكان الغريب عليها تذكرت هي عضت شفتها بقهر من ذا الحال وصلت له وحطت يدها على رقبتها بألم ...وشلون نامت ... طالعت الدريشه فيه نور خفيف باقي ...شكلنا قرب المغرب يالله ...وش ذا النوم كله ..أخر شيء تذكره بعد الفطور ...راحت غسلت وتوضت ودخلت الغرفه بشويش ... شافته باقي نايم يالله ذا نومه أثقل من نومها ...هي دايم تعاني من ثقل نومها تحسبت بشويش تبي تأخذ العبايه عشان تصلي أخذتها ...ويادوب تطلع تذكرت جوالها رجعت بشويش تتسحب جهة التسريحه مكان جوالها مدت يدها بس فزت من الصوت الثقيل الي جا من وراها : ياويلك تأخذيه فتحت عينها بصدمه وشلون ماتأخذه :على ماظن انه جوالي مصعب انقلب على ظهره وقال بحده :هي كلمه وحده ياويلك تأخذيه وتكفين لا تردي بذات ذا الوقت وانا صاحي من النوم ماضمن لك وش ردي يكون عليك وأشر على الباب{برااااا} اصايل عضت شفتها بقهر ودها تقوله إسلوبك زفت في كل حالتك ...طلعت وهي ودها تذبحه ....وشلون يمنعها تأخذ جوالها على الأقل تعرف الوقت ...تعوذت من إبلس وصلت الي عليها وجلست تستغفر وتدعي الله يغفر لها طالعت جهة الغرفه لاقام صلى ولا شيء ...الله يفكني شرك قريب ...وحسبي الله ونعم الوكيل ... وقفت وجلست على الكنبه ...وجلست تذكر اذكار المساء شوي إلاشافته طالع من الغرفه ورمى نفسه على أول كنبه كشرت ...الله لا جابك ...ودها تقوم وتدخل الغرفه بس خايفه تنشب معه ...خليها تطنشه ولا كأنه موجود قال بصوت ثقيل:سوي اي شيء اصايل فتحت عينها بصدمه وش تسوي المطبخ يصفر طنشته ماردت عليه ولا تحركت من مكانها بس كلها ثواني وشافت جوالها مرمي قدامها فزت واقفه وهي خايفه ... صرخ بعصبيه:ودي بخشتك جاا عشان تفهمي يوم اتكلم معك ماتطنشي اصايل كل همها الحين جوالها تطالعه بحسره ليه كذا رماه ليتها ردت عليه وكاد كان اعطاها مدام طلعه معه من الغرفة ...حست بقهر وغبنه وهي تطالعه كيف مفكك نزلت نفسها تبي تأخذه وتحاول تجمع قطعه بس رجعت اعتدلت بوقفتها من الصرخه الي جتها :قومي سوي اي شيء وخلي ذا الكسره عنك ولا لحقتك فيه اصايل طالعته بقهر :ودي اعرف وش اسوي والمطبخ فاضي ولا تبيني أخذ عباتي واطلع اتقضى لك مصعب وقف وقرب منها ومسك كتفها بعصبيه:تتمسخري حضرتك اصايل حست بتوتر وخوف لفت وجهاا عنه من غير ماترد عليه وهي تتألم بس مستحل تظهر ألمها قدامه خليها تشوف أخره مصعب بقهر مد يده ولف وجههها بقوه وقال وهو صاك على سنونه:تبي تعيشي بسلام طولة لسان مابيها أكره ماعلي المره تطول لسانها ولا تلعب بعقل الرجال وتخليه خاتم بيدها لا ينش ولا يهش يصير بالاصح خيخه ابعدي ذا الشيء عن رأسك لأنك لو تموتي مستحيل تحصليه انا مصعب فاهمه مليون مثلك مايقدرون علي اصايل عقدت حواجبها من كلامه ...دايم لاتكلم ماتفهم عليه تحس يغرد بعيد ...عن موضوعهم الي هم فيه بس لازم تفهمه صرخت بقهر:الحين مين قالك بتحكم فيك ولا بخليك خاتم بيدي حط شيء في بالك ماتهمني أبد مصعب ضرب خدها بشويش :اعطيك معلومات بس وعشان ماتفكري بذا الشيء تراي صاحي لكم ي النسوان الله يفكنا شركم اصايل بعدت يده عن وجها ...وهي متقرفه من أخلاقه ياربي وش ذا الحظ الي رماني على ذا الانسان إلي كله عقد زفرت برأحه يوم أعطاها ظهره ...جلست بالأرض وهي تحاول تجمع جوالها وترجعه مثل قبل ...بس عضت شفتها يوم شافت الشاشه مشطبه تشطيب ومسوده ...حست بغبنه عليه ...الحين كيف تصل لأهلها ...وذا الرجال شكله مافي أمل يجيب لها بداله ... شافته طالع وهو ينشف وجهه وشعره ...قالت بقهر وهي رافعه جوالها:ليه كذا سويت فيه بالله الحين كيف اوصل أهلي مصعب بكل وقاحه : ذا المطلوب ابيك تنقطعي عن العالم الخـارجي كله وماعندك إلا أنا تنشغلي فيني ورمى المنشفه عليها ودخل الغرفه اصايل مسكت المنشفه بيدها وهي معصبه..ذا لو سكتت زياده بيتفرعن ...تحس عقلها ضرب من كلامه المتناقض وافعاله الي بتشيب رأسها وهي توها ..وقفت بعصبيه ولحقته الغرفه شافته واقف قدام المرايا المنهريه ويضبط نفسه قالت بعصبيه:أنت ليه تزوجتني بالله مدام كذ نفسيه مصعب طالعها بالمرايا وابتسم بستفزاز:اممم هديه وشلون اردها والنفسيه ذا لو قلب ماهو بصالحك اصايل حسيت بحقد وقهر الله يسامحك يبه اسمعه كيف الحين مالي معه يوم بدأيعاير ويذكرني إنك معطيني له هديه قلت بعصبيه:صدقني لو أبوي يدري بأخلاقك كان مارماني ذي الرميه وأبوي وأعرفه مايعطي إلا حد واثق به بس ذي المره انعمى ورحت فيها أنا مصعب قرب منها وهو يحاول يمسك اعصابه: ي حلوه لو فيك خير عيدي ذا الي قلتيه تووو وأخلاقي ماهو أنتِ الي تحكمي عليها .... اصايل تحس بخوف منه يوم يقرب ولا يوم يتكلم بذي الطريقه تحس ذا الآدمي كومة أحقاد أفضل شيء تبتعد عنه وعن شره قالت بمحاوله أخيره وهي تمد بجوالها:صلحه بطريقك مصعب أخذه منها ورماه بالجدار وصرخ بعصبيه:قلت لك مليون مره مابيه معك افهمي عاد اصايل قفلت اذوني من صرخته ...يالله مجنون تنفست براحه يوم طلع وسمعت صوت الباب تقفل الحمدلله طلع وفكني من شره بس ...فتحت عيني بصدمه يوم سمعت صوت المفتاح يعني بعد مقفل علي ولا عندي نسخه ...طالعت الجوال الي راح بدون ذنب .. هزيت رأسي وانا أتخيل نفسي مكانه يالله وش الدبره الحين لا أقدر أكلم أهلي وأقول لهم عن ذي المصيبه حطت على رأسي ولا أني اقدر اطلع من ذا البيت وهو مقفل علي ...جلست بقهر بالأرض حتى لو الباب مفتوح وين اطلع وين أروح ماعرف شيء بذا المكان كله .... • • ركب سيارته وهو معصب ...يكره زن الحريم ... زوجة أبوه عوفته بكل الحريم ...وبعدين مجنون يخلي معاها جوال عشان تقدر تجيب رقم أبوه وتدق وتخبره عن زواجه منها وتخرب عليه إنتقامه ...اتجههه للإستراحه دخل شاف قدامه عادل ممددد على جواله رد السلام وجلس عادل ناظره بنص عين:هلا بالعريس ليه جاي مصعب رفع حاجب: لايكون أنت الي مستأجر ذي الإستراحه وأنا مدري عادل عدل جلسته:يالله بدينا بالتمنن إلا صدق ليه جاي وأنت عريس توقعت ماشوفك لمدة شهر مصعب ببرود:الله شهر كامل وبعدين انكتم لايسمعك حد عادل بضحكه:اي شهر العسل الي يحكوون عنه اخويانا الله ي الدنيا كنت مخاويني واعزب مثلي الحين فضلت لحالي الاعزب فيكم دنيا حظوظ مصعب تلفت يمين يسار وهو صاك على سنونه: قلت لك انكتم لاأحد يدخل ويسمعك عادل : وين كلهم مشغولين معاهم تيس جالسين يشوونه ومسوين عليه حفله هههه ماهو شايفين خير وبذات أنت قطعت عنهم ذي اليومين ويالله قدروا يلعبون على خوينا الضعيف عشان يقنع ابوه يعطينا هوو مصعب بطفش: عادل خلاص اسكت شوي بثرتني الي يسمعك يقول سألك وش مسوين بغيابي عادل حك دقنه : افااا مصعب : اسمع الي ابيه منك الليله بنروح لعمي ابيه يقدم الملكه أبيك تجهز نفسك وتجي معي عادل فتح عينه بصدمه: توك معرس تبي تملك على بنت عمك بذي السرعه مصعب وقف واتجهه للثلاجه الي بالزاويه أخذ عصير وقال بكل برود:مالك دخل عادل صغر عيونه: وش ناوي عليه مصعب مصعب طالعه بقهر:تبي تجي معي ولا انقلع لا تجلس تحط وتزيد بشيء مالك فيه ولا أقولك ليه تجي كله كلام بس اليوم عادل بقهر:روحه ماراح اروح معك حتى لو ملكتك ولا بسعى بشيء فيه دمار لعيله كامله مصعب وقف وهو معصب:الحق علي الي معتبرك سندي ومعطيك وجهه أكثر من الللازم عادل وقف وقابله : مصعب تكفى أجلس وخلنا نتفاهم مصعب دفه عن طريقه وطلع معصب ... • • • • • • في الجنوب دخل البيت وهو يسمع صوتها عالي وتسب ماخلت ولا بقت قال بحده: علامش ي مره صوتش واصل للجيران أم ياسر وقفت : جيت وجابك الله تعال تعال أختك بتموتني ناقصه عمر وذا الثور مطاوعها تقول أمه ماهو أنا أمه وفرض عليه طاعتي ابو ياسر وهو يحاول يفهم: قولي وش الي صار بالضبط عشان افهم ام ياسر بقهر : يقال تبي ياسر يأخذ شدن شفت انه عقلها طار استخفت واقعدت خلاص ابو ياسر بصدمه طالع ولده الي منزل رأسه ولا طالعه أبد من وقت مادخل : ياسر الي تقوله أمك صدق ياسر رفع رأسه بضيق:اي يبه وخلاص اعطيت عمتي كلمه ومالي رجعه فيها لو على رقبتي ابو ياسر جلس وقال بعد تفكير وهو يسمع زوجته تسب وتهاوش في ياسر وأخته : والله ان تربية نوفه تنشرا بالذهب ويمكن ربي عوضك بدل قهرك من طليقتك وأهلها وبعدين البنت صغيره تقدر تكسبها على كيفك ماهو مثل طليقتك أكبر عنك وتفرعنت عليك ام ياسر صرخت معترضه: اي عوض الي تتكلم عن ي مبارك أقولك بيأخذ شدن بالله وين العوض فيه حور بقهر: والله ان أمي صادقه ابله عفاف تسواها نور همست لها: انكتمي لا تخلي ياسر يعصب علينا الحين حور همست لها : وين يعصب شوفي كيف حزين وبعد مصدوم حسبي الله على عمتي حملته فوق طاقته خلته ينخرس بعد ابو ياسر وقف وقال بحده: اسمعي ي مره مدام ياسر موافق خلاص انتهى الموضوع والله ثم والله لو تطولي لسانش على نوفه وبنتها لاقصه لش وارميش بيت أهلش ولا مفكر بش ذبحتينا بصراخش ام ياسر صفقت يد بيد : حتى ذا مصدق انه بنتها يارب الطف فينا وياويلي على حالك يمه إذا طاوعت ابوك وعمتك ياسر وقف وهو تعبان لحق ابوه: يبه اليوم جاي عمها وعمتي تبيني اطلبها الليله تكفى لاتسري تكد خلك موجود مع وصوله مافيني عليه شوي واموته واريح نفسي واريح عمتي منه ابو ياسر ضرب على كتفه : خلك من ذا الكلام الي مايفيد الدنيا فوضه تقتله عشان زواجك من بنت أخوه والله انك ماتحصل مثلها وعوضك على يدها ياسر عض شفته بقهر: اي عوض يبه قول موتي على يدها ابو ياسر بجديه: الحين رايح لنوفه بفهم منها كل شيء ولا تشيل هم • • • • في الرياض جالس بوسط الصاله وهو متكشخ على الأخر ومبتسم بخبث حده مبسوط الليله أول خطوه في انتقامه.. والله ي عم لاقهرك في بنتك مثل ماقهرتني بأمي ابتسامته توسعت يوم شاف الجوهره طالعه من غرفتها وهي معصبه ...حلوو ذا المطلوب ...يشوفها معصبه ومقهوره ...شافها جلست مقابله له وحطت رجل على رجل وقالت بكل خبث:المفروض تخلي خالتك تروح معك ماهو انا مصعب رفع حاجب وبسخريه: وذي تجي لازم تروحي معي أنتِ غيرك مافيش الجوهره بخبث أكثر وهي ناويه تقلب مزاجه وتبرد قهرها:إلا قولي هي من بعد ماماتت أمك أبد ماجت وشافتك وعلى علمي ماعندها عيال مفروض أقل شيء تقربك منها وتكون لها سند مصعب حس بقهر وذكرياته مع أمه تنعاد عليه وكيف أهلها طردوها بذنب مالها فيه هو مصدقها بس هم لا لا والكل تخلى عنها وزوجها لأبوه الي مايرحم بسبة أخوه الخايس ...وقف وهو يحاول يكابر على مشاعره ومايظهر ان كلامها وجعه : ليتها قريبه كانت ماقصرت وكان اشكالك مايمشي معي خطوه الجوهره حست بقهر من رده: وقح مصعب بيرد عليها ويخليها تثمن ذي الكلمه بس شاف ابوه طالع من غرفته أبد ماهو وقته يعلق معاه مشى قبلهم وهو وده يفجر فيها ذكرته باشياء تقهره بذات... صوت أمه يتكرر عليه وهي تصيح عنده وتقول مظلومه كله من عمك طلمني وشكك أهلي فيني كله عشان ينتقم من أخوي .....مدري وش بينهم رحت فيها أنا ...والحين وحيده مالي حد غيرك عارف أنك صغير ولا تقدر الحين تأخذ حقي منهم بس واثقه فيك بتأخذ حقي يوم تكبر رفع يده وضرب الجدار الي قدامه بقوه وهو يهمس بغضب:بأخذه منهم وبذات من أخوك الي رماك لناس ماترحم .... ((يتبع )) | ||||
|
| |
|
07-10-17, 12:58 AM
| #74 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . طالعت أختها بابتسامه كلها خبث:تكفين تعدلي زين ترا الجوهره وصلت وكاد تغير رأيها وبدل ماتخطب عبير لعناد ترجع تخطبك ويفرح قلبك الي ضايق وقربت منها بوقاحه وهي تحط يدها على قلبها اوف اوف بيقفز من مكانه حالك أبد مايسر مع ولد الجوهره ودي اعرف وش معجبك فيه أميره بقهر دفت يدها وطالعتها بعصبيه:وقحه قليله عليك كم مره قلت لك لا تسوي ذي الحركه وتعيدي ذا الكلام الشموخ بضحكه :وش فيك كذا معصبه علي تراي ابي مصلحتك ومابي قلبك ينكسر يوم يأخذ عبيروه أميره بعصبيه وصلت حدها منها:اقسم بالله كلمه ثانيه ي الشموخ بقول لابوي وهو يتصرف معك ماتخافي ربك أنت ملزقتني بالرجال بالغصب عيب عليك والله الشموخ طالعت نفسها بالمرايا بكل غرور:ياشين المكابره بس ولفت لها وهي تدور بغرور وش رأيك فيني كيف بالله الفستان راح تموت الجوهره من ذوقي الغبيه مسويه نفسها هاي على الفاضي أميره بقهر: امشي بس انزلي سلمي عليها لها ساعه جالسه وأنتِ حضرتك ماغير تناظري نفسك بذي المرايا قلة ثقه الله يعنيك على نفسك بس الشموخ بقهر :أميره تكفين لا تجلسي على رأسي انزلي قبلي تراك سديتي نفسي أميره طلعت وهي ضايقه حركات أختها أبد ماتعجبها غرورها وإعجابها بنفسها زايد عن حده الشموخ طالعت نفسها نظره أخيره ابتسمت بغرور ورمت بوسه :فديت الجمال الي الكل يغار منه نزلت وهي متجهه للمجلس دخلت شافت الجوهره متربعه وسط المجلس قربت منها وهي تمشي بتعالي ...تدري بكرهه مصعب لها ..وهي أكيد بتكرها مدام مصعب مايطيقها خير شر ...مدت يدها بغرور :هاي عمتوو الجوهره بقهر مدت يدها وهي تطالعها من فوق لتحت عمت عينك ان شاءالله طالعت أمها وقالت بضيق :مدام جت الشموخ خلينا ندخل بالموضوع مصعب حاب يقدم الملكه وحنا جاين نأخذ رأي البنت موافقه على تقديم الملكه الشموخ بفرحه بس حاولت ماتظهرها آه أخيراً ي مصعب مابغينا .. طالعتها بتعالي ورجعت طالعت أمها تبيها تتكلم ام أميره وهي ماهي راضيه عن مصعب وعن ذي الزواجه كلها ودها بنتها ترفض بس عجزت وهي تقنع فيها :على وشهوو مستعجل الملكه ماراح تتم إلا لما تكمل أول سنه جامعه مثل اتفاقنا من قبل مافي شيء تغير الشموخ بقهر قاطعت أمها : ماما ماراح يضر ام أميره جحدتها بنظرها وحذرتها تسكت ماتكمل ... الجوهره ابتسمت بخبث وهي تشوف نظرة أمها : مافي بنات عاد يستحن مدام بنتك راضيه على وشهوو معترضه أم أميره حست بفشله من رد بنتها وبعد قهرها رد الجوهره :الكلام عند ابوها والله يكتب الي فيه الخير الشموخ وقفت بزعل وطلعت من المجلس ...ليه أمها ماهي راضيه على مصعب ...حرام عليها لمتى بتنكد عليها كذا ..شافت أختها أميره داخله عليها صرخت بقهر:جايه تنكدي علي زود صح يالله انبسطي ادري فيكم كلكم تكرهونه أميره بقهر:الله يفشلك فشلتي أمي والله انها تتحلف فيك وش فيك كذا فضحتي حالك قدامها الحين وش تقول عنك مشفوحه على العرس الشموخ بقهر سحبت العقد من رقبتها ورمته بعصبيه :مالك دخل وفارقي عن وجهي والكلام مع بابا وسكتت وهي تشوف أمها جايه وهي معصبه:لا لا صدق معاد به حيا كذا تفشليني قدامها الشموخ قفلت عيونها بصبر:ماما خلاص يكفي ام اميره بعصبيه :الحين عجبك ردها بالله الشموخ: ماما قلت لك الكلام عند بابا خلاص خلينا نسمع ايش يقول وبعدها يصير خير ام أميره طالعت أميره مصدومه :سامعه وش تقول أختك أميره قربت من أمها ومسكتها:خلاص روقي الحين وبنسمع ابوي ايش يقول ابو أميره صرخ بصوت عالي: بنات وينكم فيه أميره بسرعه طلعت تركض وهي تطالعه من الدرج:هنا يبه ابو أميره :قولي لشموخ تنزل ابيها بسرعه أميره : ابشر يبه ودخلت وهي تقولها ام اميره بسرعه قربت من الشموخ وهي تحذرها : ياويلك توافقي فاهمه الشموخ نزلت بسرعه وقربت من أبوها وضمته بدلع ابو أميره ابتسم لها بحب: اخخخ وش اسوي يوم تتزوجي والله ان البيت بيصير بعدك ظلام الشموخ استبشرت خير من كلام ابوها وقالت بابتسامه كلها خبث:بابا باقي مطولين على الزواج جالسه على قلبك ابو أميره بجديه:لا ي روح أبوك الليله جاي مصعب وأبوه يبوون الملكه الاسبوع الجاي والزواج وقت ماتحددي أنتِ قلت لهم بشاور البنت ويصير خير الشموخ قالت بفرحه: موافقه يبه وطالعت أمها الي تناظرها بحده وهي تحذرها ام أميره بسرعه تدخلت: الله يهديك ي راشد اي ملكه وش متفقين عليه من قبل ليه الحين طرا عليهم ملكه فجأه ابو أميره بحده:علامك كذا مشتطه البنت ماراح تروح بعيد لولد عمها وبيصونها الشموخ بقهر : بابا هي كذا ماما دايم معترضه على مصعب وماتبيني اتزوجه ودي اعرف ليه تكره ام أميره بضيق: كيفكم أجل أنت وبنتك وطالعت بنتها بقهر والله لا ترجعي متندمه ذا انسان مريض وأنت ي راشد عارف بعلة ولد أخوك لايحبك ولا يحب ابوه وبعد موت أمه كمل الي باقي بعقله ابو أميره عصبته ذكرته في الماضي الي يحاول يتناساه صرخ بعصبيه : وش علته بسم الله عليه صاحي رجال طول بعرض ولا به نقصان وامه الله يرحمها راحت بخيرها وشرها ام أمير بعصبيه: النقصان بعقله وأنت عارف وامه عارف كيف كان حياته معاها كلها جنون ومشاكل وبيطلع عقده على بنتي والله ذا الشيء بيصير ي راشد وقول ماقلته يكفي أختي الله يرحمها ماتحملته وطلبت الطلاق من أخوك بسبة فعايل ولدها ابو أميره بعصبيه أكثر: لا تجلسي تقلبي بالماضي وبعدين وش النقصان الي بعقله ماغير زعلان على فارق أمه والحين الحمدلله رضي بالمكتوب والولد طبيعي مابه شيء لاتخوفي البنت وطالع بنته ماعليك بكلام أمك والله مثل مصعب ماتلاقي بذا الزمن الشموخ وقفت بزعل: بابا انا راضيه به حتى لو هو مريض مثل ماتقول ماماولا تأخذ في بالك وتزعل نفسك مستحيل اصدق ان مصعب راح يضرني ام أميره بعجز مسكت على رأسها : والله انا الي بنجن الشموخ طلعت غرفتها وهي مبسوطه أهم شيء ابوها بصفها ...تذكرت خويتها مسكت الجوال ودقت رقمها وقالت بدلع يوم سمعت صوتها: الوو كل ذا زعل ولا تغلي ي حلوو قالت بقهر : ي قوتك ي شيخه بعد ماطردتيني جايه تدقي عادي مثلك ماشفت أبد الشموخ بضحكه مستفزه: وش اسوي احبك وابتسمت بخبث وبعزمك على ملكتي الاسبوع الجاي على مصعب حست بخبث صديقتها يعني خبري أخوك : مبروك وزين وأنتِ دقيتي عشان مره وحده بعد اعزمك على خطبة أخوي سلطان الشموخ حاست بوزها : عشتووا متى امداكم تخطبون له بقهر : عن اذنك أخوي ينتظرني بالسياره وراي سوق عارفه أنتِ اغراض الخطبه حوسه ويالله يمدي نكمل الله يهديه عجل علينا ومافيه صبر ذا السلطان الشموخ بغرور: ماهو منه يحاول ينسى وضحكت بسخريه حست بقهر بدل ماتقهرها قهرتها: عن اذنك وقفلت • • • • • بالجنوب ؛؛ ؛؛ قالت بتوتر وهي تسمع صوت عم شدن يصارخ على ياسر : عمك ماراح جيبها على خير هالمره ي شدن شدن وهي ترجف ومقفله اذونها ماتبي تسمع صوته وهي تصيح منهاره نوفه حزنت عليها ومفروض ماتقول قدامه كذا قربت منها وضمتها وهي تحاول تطمن نفسها قبل تطمنها : خير خير ان شاءالله يوم سمعت صوته بدأ يعلى أكثر عن قبل وبعد الشتم الي قاله فكتها ولبست العبايه وطلعت وقالت بحده: عيب عليك ي أبوخالد تقول عني ذا الهرج بنت أخيك جالسه عندي من هي بزر ومخيلتها في عيني وابديها عن نفسي ومربيتها أحسن تربيه أبوخالد طالع ياسر ومبارك : قولوا لها مالي حكي معاها انا الي ابيه بنت أخي بس ويالله خلوها تجهز طيارتي بعد ساعتين ماهو فاضي أخذ واعطي معاكم ياسر عض شفته بندم هو السبب لذا كله يالله ماهو قادر يمسك اعصابه أكثر من كذا بذات يوم بدأ يغلط بعمته وده يسطره بس عارف ماراح تنضر غير عمته ابو ياسر بحكمه : قلنا لك ي أبو خالد تفضل المجلس وعين من الله خير وصدقني بنت أخيك بتروح معك بس الحين أدخل واسمع ايش حنا بنقول وبعدها الله يكتب الي فيه الخير ابو خالد بعصبيه : شوف أنا مالي بالطويله جاي لبنت أخي وراجع وراي طياره ياسر بقهر وهو وده يذبحه : بتدخل وتسمع حنا وش نبي وبعدها يصير خير نوفه بذل : تكفى ي أبو خالد ان كان لك معزه لاخوك انك تدخل وتسمع الموضوع ابو خالد زفر بضيق : عشان الغالي بس إلا جلسه ببيتك مالي بعد سواد الوجهه انا الغلطان الي مخليها عندكم وانتم لكم ماضي يسود الوجه ماهي غريبه عليكم بس الله يسامح أخوي هو الي بلانا فيكم ياسر قرب وهو ناوي عليه ويخليه يثمن كلامه بس نوفه وقفت بوجهه : تكفى يمه لا توجعني أكثر خله يقول الي يقوله في واحد يأخذ حقنا طالعت أخوها شافت وجهه أحمر من العصبيه فكت ياسر وقربت منه وهي تتذلل له تكفى ماترد عليه بنروخ فيها انا واليتيمه تكفى ي مبارك اصبر ورد ولدك عنه مابي تزيد المشكله ابو ياسر همس لها وهو مغبون من الكلام الي قاله: عشانش بس ياسر حس بقلبه يتقطع من كلامها ...ومن القهر الي يشوفه بعيون أبوه ...يعني ضروري يكمل الي صار زمان يالله هم يالله قادرين ينسوون الي صار قام ورجع الماضي بتهوره وخلى الي يسوى والي مايسوى يتكلم على أبوه وعمته ... دخلووا المجلس وعلى طول قال ابو ياسر وهو شافق على حال أخته إلا بعد كلامه والله وده يجيب الرشاش ويفضيه برأسه : اسمع ي أبوخالد عيال الحرام ماخلوا حد بحاله مدري وش موصلين لك عن بنت أخيك وأختي بس والله اقولها لك انه ظلمهم بنت أخيك طلعتها من ذا البيت بس لمدرستها وانا متكفل بروحتها مع بناتي من زمان ولا يطلع منها العيب ابو خالد قاطعه بحده: مالي بذا الكلام ي مبارك ابي بنت أخوي وبس الحين ياسر آه يبه لو تدري مين موصله قال بسرعه وهو يسمع بكي عمته ويبي ينهي ذا الموضوع: أبو خالد انا طالب يد بنت أخوك على سنه الله ورسوله والمهر الي تطلبه انا سداد وتكفى بلا زيادة حكي تراي حدي ماسك نفسي بعد كلامك نوفه طالعت ابو خالد بخوف من رده ..تحس ذي المره راجع وهو ناوي بالشر عليهم بذات يوم ذكراها بسالفة اختها الله يرحمها ويسامحها وياسر عصبيته ماهي وقتها همست له: لاتخرب علينا بتهورك ابو خالد انصدم بالحيل ماتوقع أبد انه راح يطلب يدها وبذات الحين قال بحده:ماهو بوقته أبد وقف يالله ماعندي وقت ابو ياسر وقف بوجهه وهو يتطرح عليه بشماخه: طلبتك قول تم وماتكسر قلب ولدي تراه يبيها من قبل ابو خالد بحده: وين يبيها من قبل وهو متزوج مبارك لا تحاول تكذب عشان أختك ابو ياسر وهو يحاول يمسك اعصابه عشان نوفه يسوي ذا الشيء إلا ذا مفروض مايتذلل له إلا يطرحه مكانه : طلق من زمان ويبي بنت أخوك تكفى أنك توافق ارفق بحالها وبحال زوجة أخوك شوف كيف حالها والي وصل لك الشين بيلقاها مصيره وربي فوق يأخذ حق كل مظلوم وأنت ماقصرت قبل وماحرمتهم من بعض ونفذت وصية اخيك الحين جاي تالي تأخذها أبو خالد فكر بعقل فعلاً لو رجعت معه زوجته بتسوي النون ومايعلمون وعارف كرهها لاخوه وبنته وزوجته والحين هوو جاي بدون تفكير ...من عصبيته أفضل شيء يوافق على الأقل يخليها وهي على ذمة رجآل ومحدن يقدر يلومه بعدها قال بجمود: لو هي موافقه ماعندي مانع ابوياسر : انتظر ذا الاسبوع تطلع نتيجة التحليل وبعدها أملك لها والله يستر عليك ومن الحين ضيافتك علي وحياك الله في بيتي وبنسى الي قلته ي ابو خالد وخلنا حبايب عشان الحين بينا نسب أكثر عن قبل أبو خالد ببرود: بشوف البنت أول وكاد ماهي موافقه ويتغير كل شيء وأخذها واتوكل نوفه بسرعه قالت: موافقه وماراح تحصل أفضل من ياسر طول عمره شايل همنا وسند لنا قالتها وهي تدقه تذكره انه ماعمره فكر يرسل حتى مصروف لبنت أخيه والحين جاي من كم كلمه سمعها فارد عضلاته الله يخس الرجآل الي مثلك أبوخالد ماعجبه كلامها قال بتهرب : قولي لها بسلم عليها طيب أبو ياسر طالع أخته : روحي وأنا أخوك ناديها تسلم على عمها ويسمع موافقتها بنفسه ياسر وقف وهو باقي ماهو مصدق الي صار والي بيصر بعد : عن إذنكم ابو ياسر بضيق: خذني معك وطالع ابو خالد سلم عليها وحنا منتظرينك بالبيت حياك الله وطلع همس لنوفه وهي طالعه : والله عشانش إلا كان دفنته بمكانه على الي قاله نوفه مسحت دموعها :الله لا يخليني منك ودخلت الصاله وضمتها بفرحه ... وافق يمه على زواجك وبتجلسي عندي يجعلني قبلش شدن باقي ماهي مصدقه : تقوليها صدق يمه نوفه بفرحه : اي والله اني صادقه وجلست وهي تتنفس براحه بغت روحنا تطلع الله يسامحه ويخليك يامبارك مثل ماأنت بلعت الضيم من كلامه وماكسرت قلبي وقفت معي صدق الأخ أخ شدن جلست قريب منها وقالت : اففف متى يسافر طيب نوفه : بعد الملكه شدن بخوف: افف بيجلس يطول يعني خلاص مدام وافق يروح نوفه : الله يعين نتحمله اسبوع لما تطلع نتيجة التحليل ويملك لك والله يرده من وين ماجااا وقومي يمه تجهزي واطلعي لعمش يبي يسلم عليش شدن بفزع : ايشش معاد إلا هي طلعه ماهو بطالعه له نوفه : يمه ي شدن لازم تسلمي عليه ولا بيقلب علينا تكفين ماصدقنا وهو يهجد شدن بخوف : يمه خايفه منه يأخذني معه نوفه : صدقيني ما راح يأخذيش اعطى كلمه لخالش مبارك وبعد يبي يسمع موافقتش على ياسر بنفسه وقفت معاها تشجعها تقوم تسلم عليه عشان يروح بيت أخوها وتنفك منه خايفه منه بالحيل مصيبه ذا الرجال لو فتح فمه قهرهم الله يقهره وجعها وجع أخوها حسبي الله ونعم الوكيل شدن تحس بجسمها كله يرجف ...من سنوات ما شافته والحين تروح كذا بكل برود تسلم عليه صعبه صعبه بالحيل .. وبعدين من زين الماضي الي عاشته معاهم ماتنسى وشلون يهاوشها عشان زوجته يوم تعلم عليها ..طالعت أمها بتردد : يمه خايفه خليه يروح بيت خالي مبارك ويفكنا نوفه مسكت يدها : ماعليه يمه كلها دقيقه بس سلمي واطلعي تكفين لا يمسكها علينا ماهو بناقصين وادعي الله تطلع نتيجة التحيل بسرعه وننفك منه ومن شره شدن مسكت فيها بقوه : بشرط تدخلي معي نوفه ابتسمت لها وهزت رأسها ومشت معاها للمجلس شدن أول مادخلت حست الدنيا سوده بوجهاا تذكرت الماضي كله ...حست بقلبها يوجعها مسكت في أمها ورفضت تمشي يمه ... نوفه حست برعب بذات ان أخوها بعد طلع خايفه لايأخذها منها ...وتفكير شدن يتحققق ...ودها تسحبها وترجع تركض للصاله وتقفل عليها ...بس تعوذت من ابليس وقوت نفسها وهمست لشدن: قربي سلمي على عمش أبو خالد وقف وهو يرحب: هلا هلا في بنت الغالي هلا اقربي يبه والله ان لش وحشه شدن قربت بتردد مدت يدها وهو سحبها وضمها وسلم فوق رأسها حسها ترجف بيده والخوف بعيونها قال بابتسامه : افااا كله ذا خوف مني تفضلي أجلس جنبي واعطيني علومش كلها نوفه عضت شفتها بقهر يمه يمه على ذا الحنان نزل فجأه عليه شوي واصدقه وبعد اللجهه الجنوبيه توه يتذكرها و طلعت معه حسبي الله عليك حتى سؤال ماتسأل عنها ...طالعت شدن الي رافضه تطالعه وعينها منها ...قلبها تقطع عليها تحس شري وبتموت من خوفها أبو خالد : هاا شدن قولي وشلون عايشه مع زوجة ابوك ان شاءالله مرتاحه نوفه عيونها طلعت من سؤاله ودها تفجر به المجلس شدن وهي ترجف قالت بخوف: أمي مافي مثلها ومابي غيرها وقفت بسرعه وركضت ومسكت فيها خلاص روح بيت خالي مبارك نوفه حست بنتصار بذات من نظرات الصدمه الي على وجهه قالت بحده: بيت أخي مفتوح لك ي ابو خالد تفضل وهي تأشر للباب ابو خالد وقف وهو متفشل وطلع ...وهو قرفان وده يملك لها ويرجع جده وراه اشغال على قد شعر رأسه والبنت شكلها لسانها طويل أفضل شيء سواه انه وافق ماله بالصدعه يكفي زوجته وعياله مشيبين رأسه نوفه ضمته وهمست لها: قلت لش ماهو كفوو يأخذش مني شدن : اففف متى يفارق الجنوب كلها • • • الرياض تحديداً الحاره القديمه حست بخوف وهي تسمع صوت بالحوش ... همست بحسبي الله عليك من رجـآل ...تاركني لحالي فزت بخوف وهي تشوف مقبض الباب يتحرك ...يمه لايكون حرامي بس يوم سمعت صوت المفتاح حست براحه ...أول ماشافته جاي وهو كاشخ ويلعب بالسبحه بيده بطريقه مستفزه قالت بقهر : ماشاءالله توك تجي وأنا شوي وأموت ضحك برواق : اف بنت الديره جبانه غريبه دايم تكون قويه خربتي سمعة بنات ديرتك اصايل صكت على سنونها بقهر : به صوت برا مدري وشهوو روح شوف ترا شوي تجيب أجلي مصعب بكل برود:يتهيأ لك مابه شيء ماغير الخوف لاعب بحسبتك اصايل بعصبيه: ثاني مره لاتفكر تقفل علي عشان اقدر اتصرف لو به شيء صار مصعب رفع حاجب: ايوه وش بعد من طلبات شافها تناظره والقهر بعيونها ابتسم وأشر لها بيده تعالي تعالي عندي موضوع بقوله لك....... اصايل قربت منه بتردد وهي تهمس الله يستر ايش بيقول لها مصعب طالعها وقال ببرود : ملكتي الأسبوع الجاي على بنت عمي اصايل فتحت عينها بصدمه: • • كتتتتتتتتتتتتتتت بإذن الله لنا لقاء قريب نونـي لا ابيح ولا احلل من ينقل روايتي بدون ذكر أسمي ولا احلل اللي ينقلها على الانستقرام حتى بذكر أسمي استودعتكم الله الذي لا تضيع ودائعه سبحان الله وبحمده سبحان الله العظيم "الوتر أحبتي " (الله يرحمك يامن اوجعني فراقك ) | ||||
|
| |
|
07-10-17, 10:10 PM
| #75 | ||||
| السلام عليكم البارررت جميييييل وتم كشف علاقة مصعب اللي هو واعتقد انه أمه أخت نوفة و وبوياسر ومصعب ولد أختهم انه صار شي زمان اللي خلا نوفة وأخوها مايعترفون با أختهم بس مصيره يرجع لخواله اما شدن راح تفسد كل شي بتسراعاتها وطول لسانها ترا ف شبه بينها وبين مصعب بطوله اللسان ههههههههه ننتظر اللي راح يصير لها فالأحداث القادمة اما أصايل الله يعينها ويساعدها ع حقد ونفسية مصعب اهم شي تثبت قوتها وأنه مايعني لها شي وتوريه ذا الشي ولما يخبرها بزواجه شموووخ تستاهل اللي راح يجيها استغفرالله مستفزه لدرجة مش طبيعية هههه ليت من يكسر رأسها وغرورها اللي الحبيب مصعب هههه ياسر نتيجة افعاله اللي صار يتحمل اللحين شدن بس ي ويله لو أذاها هههه قلبي. شدن ولقافتها رواية جميله واحداث أجمل شوووكرررا نوني ع هيك رواية وشكرا أعمق جدا لفيتامين سي عالنقل الجميل ننتظر البارت القادم 💜 | ||||
|
| |
|
09-10-17, 02:28 PM
| #78 | ||||||||
 
| نوني الله لايحرمنا ابداعك حبيبتي فرحت كتير لما شفتك منزله الروايه التالته ماشاءالله عليكي حبيت كل رواياتك 😘 تسلمي فيتامين سي على النقل جزاكي الله خيرا 💝 بانتظار البارت القادم على احر من الجمر 💖 | ||||||||
|
| |
|
| أدوات الموضوع | |
| انواع عرض الموضوع | |
|
|
20Likes
.png)
العرض العادي
