29-11-18, 12:14 AM
| #792 | ||||||||
| مراقبة عامة ومشرفة منتدى الروايات المنقولة  
|  اللهم اني أستغفرك وأتوب إليك اللهم صل وسلم على نبينا محمد "صلو عليه " @ @ {تابع البارت } @ @ أبو أميرة استغفر بنفسه وهو يحاول يصبر نفسه مصعب جلس ورفع رجله على الطاوله بقلة احترام وقال وهو يلوح بالملف الي بيده :امممم حاب نخلي أخوك يشوفه ولا حاب تأخذه وتنقلع من هالشركة أبو أميرة بتوتر : احترمي ي مصعب ولا ردي بيكون قوي عليك وطالعه وهو مستحقر جلسته مصعب رفع حاجب وقال بستفزاز : يالله أشوف وش يطلع معك أبو أميرة بحده: مصعب فككك من شري ولا تخليني أحطك ببالي للحين مقدر أخوي مصعب اعتدل بجلسته وقرب نفسه شوي وهو يتسند على المكتب وابتسم بستفزاز :حلوو أجل مدام تبي تختصرها على عمرك وتقلب وجهك بدون فضايح ولا حاب التشهيرر هنا عاد راح أكون مبسوط أكثر تكفى نولني هالأمنية أبو أميرة وقف وجلس على الكرسي المقابل له وقال بقهر : مصعب أنت توك تمسك الشغل مصعب رفع حاجب وقاطعه :مع الأسف كنت مشغول بس الحمدلله لحقت الأهم وابتسم بستفزاز أبو أميرة بعصبيه : لا تلعب بالنار ماغيرك بينحرق من الحين أحذرك مصعب قاطعه وهو ينفخ بالهواء بستخفاف :عادي اي نار نطفيها مالها غير مصعب تكفى لا تشيل همي أبو أميرة هذا من فين طلع له الله يأخذه قال بتوتر :وش تبي غير طلوعي المستحيل من الشركة مصعب بسخريه ضحك : مستحيل ي ام الثقه بس صدقني بتطلع وأنت موطي رأسك بعد ولا ماكون ولد النايفه عض شفته بقهر وده يقوم يذبحه وكاد وقتها قلبه يبرد أبو أميرة بعصبيه : قلت لك لا أنت ولا عشر مثلك يطلعوني من الشركة وبعدين وش دخلك بييني وبين أخوي حلالنا واحد مصعب تلفت يمين ويسار وقال ببرود : اممم حلالكم واحد مين قال أبو أميرة بحده وهو عينه على الملف : مصعب اخلص علي وقول طلباتك مصعب ابتسم بخبث وأشر للباب : تطلع برااا هالشركة شافه بيتكلم قاطعه بستفزاز ..مع الآسف مافي غير هالحل ولا ثقة أخوك بتروح وقف ونزل نفسه شوي وقال عيب لو تبي تنتقم أنتقم مني أنا شخصياً ماهو من أخوك دمك ولحمك ولا حاب تسوي فيها بعد مافشلتك بين الرجاجيل لوتموت ماتوصل للي تبي مدام أنا موجود حط هالشيء في بالك واختصرها علي وعليك وتقلع أبوأميرة بعصبيه وهو يحس ضغطه ارتفع ضرب على الطاوله قدامه وصرخ : مصعب احترم نفسك مصعب قاطعه بصرخه اعلى من صرخته : كنت تسعى لتفليس هالشركة بس لبعدك ومن الحين عندك بس ساعتين ولا أشوف وجهك هنا شافه بيقوم قال بسخريه حلفت ماتعب نفسك ادل طريقي ...وطلع وهو راسم على شفته ابتسامه نصر وهمس واحد وانتقمنا منه وانتهى حسابنا معه باقي الجوهرة هذي آه حسابها معاي طويل........... =============== ======= === = اصايل جهزت شنطتها ..ولبست العباية ..ونزلت تحت تنتظره ..عشان يعرف انه ماهي عاله عليه ..وتتمنى تطلع من حياته أكثر منه .. وعدت نفسها من اليوم ..ورايح ماراح ترمي حالها عليه ..ابتسمت بسخريه ليت قلبتس ذا العمي يفهم ..ذا الحتسي ماغير معميتس معه ..ومنزل قدرتس عنده طالعت الصالة بمللل ...اليوم الجوهرة ذي مختفيه غريب أمرها وين ذلفت ... مالها حس بالبيت .. يوم شفت الساعة 2جايه وهذا ماشرف باقي دقيت عليه قفل بوجهي انقهرت ..رسلت له بسرعة (يالله انا جاهزة عجزت وأنا انتظرك ) فتح رسالتي وطنشني حسيت بقهر ..يالله مع نفسه بس اهم شيء يعرف اني مستعجله بروحتي أكثر منه ...انتظرت شوي وصلتني رساله منه ( اطلعي أنا برا) عضيت شفتي بقهر يالله حتى ماتعب نفسه ونزل عشان يساعدني بذي بالشنطه بيدي صدق ماهو همه أبد صحت .على الخادمه تجي تساعدني ..وفعلاً ماقصرت جت ..وحملتها معي ...أول ماوصلت السيارة أشرت له ينزل ...بس الخايس حتى مارفع عينه لي مسند ظهره على المرتبه ومنشغل بجواله فتحت الباب الخلفي والخادمة رفعت لي الشنطة وأنا فتحت الباب الامامي وركبت جنبه وأنا مقهوره حدي ... على طول حرك السياره بدون مايوجهه لي اي كلام ... ميلت رأسي وانا احس عمري بصيح .. انصدمت يوم قال بسخريه لاذعه بصوته :بالله فزعت أبوك مانبيها طالعته وصرخت بعصبيه معاد فيني اتحمل إهاناته المتواصله : كل تبن فاهم وماراح اخليه هالمرة يردني لو على موتي خلاص بترتاح مني على الأخر مصعب رفع حاجب وقال بعصبيه :هالسبه لي اصايل بقهر : ايه لك وبشوف وش بتسوي بيطلع جنونك علي تطمن صرت اخس منك بالجنون الله لا جابه اليوم الي صرت على أسمك مصعب بحده : اوه مستقويه ولا يتهيأ لي اصايل بقهر :طول عمري قويه مصعب بقهر : اي بدليل طلوعك من غير ماادري اصايل بصرخه : خلاص ذليتنا على هالطلعه افف ماصارت اعتذار واعتذرت والحين خلاص بفكك مني للأبد ياليت معاد نتكلم مع بعض مصعب والله تعبانه ومافيني مصعب طالعها وقال بسخريه : للابد ي النشبه وضحك بصوت عالي ....ماظنتي والله يادوب أصل البيت إلا انتِ وراي اصايل غصب عني دموعي طاحت وقلت بصوت مخنوق : ليه تحب تنزل قدري و تكرهني تسذا وش مسويه لك والله اني ...مسكت نفسي بالقوه مابي انفضح زود عنده عضيت شفتي كفايه ذل خلاص اصايل مصعب طالعها وقال بقساوة : أنا كذا ماحب أحد ولا أبي أحد يحبني اصايل عضت شفتها يوم فهم عليها وش تبي تقول له الحين وتبرر له بعد مافضحت نفسها عنده صرخت عليه وهي متوتره : مين قالك اني احبك ... مصعب قاطعها :ي شيخه مفضوحه عندي المهم الحين اسكتي خلاص يرحم والدينك صدعتي رأسي اصايل يحق لك تقول كذا... استاهل والله ... قفلت عيوني منزعجه من رنة جواله يالله وش ذي الرنه المرعبه ..مافي شيء صاحي هالأدمي بس انصدمت من كلامه : منيف قلت لك عادل الخاين بينا وهو الوحيد الي يدري بعدك اني مسوي كاميرات للجوهرة وقام حذر زيد وخربت أم الليله كلها ... وبعدين وش بيضرك لو راقبته خلاص ياخي ايه افهم مالي صاحب أبد تقلع ماتهمني لا أنت ولا عادل قلعتكم الأثنين عضيت شفتي بقهر ..هذا وشلون يفكر كذا وشلون يظن بصاحبه ...حرام والله ..جيت بقوله على الأقل حرام يخون صاحبه ..خفت ينشب لي ...بشكه ومصعب ذكي يفهمها بسرعة ... آه لو تدري بسوات عادل ي مصعب لو تشكره الزمن كله ماتوفي الي سواه ... قفلت عيوني ..وأنا اتمنى انام وارتاح من مصعب ومن تفكيري فيه ...ودي تنقضي هالمسافة بسرعة وانرمي بحضن أمي ..... =============== ====== === | ||||||||
|  |
|
29-11-18, 12:14 AM
| #793 | ||||||||
| مراقبة عامة ومشرفة منتدى الروايات المنقولة
| حضرت الشنطه وقالت بسخريه : ميمه راح تنصدم بعناد يوم تدري بزواجه آه ي هذاك المدح والحب له الحين رآح عليه وبتبرد قلبي أميرة قربت منها ومسكت يدها بحزن : وش اتفقنا ي عمري لا تفكري فيه أبد الشموخ ابتسمت وهي تخفي دموعها وشلون ماتفكر فيه ..رن جوالها برقمه قالت بسخريه: تونا بسيرته طالعت أميرة الي طلعت من الغرفة كان ودها تقول لها لا تطلعي ماراح ارد عليه فيها قهر كل ماتذكر رسالته والحين له وجهه يدق ..رمت الجوال وكملت ترتيب شنطتها دق مره ثنتين ثلاث بس ماردت ..استغربت من كثر مايدق ولا عجز ..حست بقلق ماتدري ليه فتحت الخط بدون ماتتكلم قال بصوت ثقيل من النوم : وينك عن الجوال لي ساعة ادق ماتردين زفرت بضيق وقالت : عناد مضيع ي بعدي عناد رفع نفسه شوي وسند ظهره على السرير وهو متضايق من سخريتها :وشلونك الحين من السخونه الشموخ ميلت فمها بسخريه وقالت : لا تشغل بالك ي عريس مافيني شيء وبذات وجودي بين أهلي وش بيكدر خاطري ولا بيمرضني فل الفل اللهم لك الحمد قالت كذا وهي تبيه يحس بالرسالة الي رسلها لها انها ماراح تجيب خبره وهو وزوجته عناد رفع حاجب وقال : أجل تجهزي بمر عليك بعد شوي بأخذك مدام طبتي الشموخ بصدمه : وشهووو عناد ابتسم ببرود : مثل ماسمعتي يالله بحفظ الله الشموخ بسرعة قالت : عناد انتظر وش تأخذني وعبيرر طيب وسفريتك ولا ناوي تخليني بالبيت لحالي حرام عليك والله عناد حط يده على رأسه وهو يشد عليه قال بضيق وهو يقاطعها : السفرية تأجلت عشان عبيرر عندها حالة وفاة الشموخ عقدت حواجبها :يالله الله يرحم ميتها وبسخرية كملت وأنت طبعاً عزابي وافتكرتني توك عناد قفل عيونه أفتكرتك توني آه ليتك تدرين الي بقلبي :تجهزي بمرك الشموخ بغصه : عناد تكفى مابي بجلس هالاسبوع كله عند أهلي ومنها بعد برووح لميمه يومين بس وبرجع أكمل الاسبوع عند أهلي وبعدها برجع البيت تكفى ماتردني .... عناد بحده : رايحه بدون اذن بعد الشموخ قفلت عيونها وقالت : عناد الحين لا تمسكها علي كنت برسل لك بس مابي ازعجك مع زوجتك وبذات بعد ..عضت شفتها ماهي قادره تذكره برسالته ماتبي توضح له وشلون مقهوره خليه يحس انه ماهمها مدام ماجابت سيرة ولا عاتبته عليها ... عناد رفع حاجب بستفسار : بذات بعد ايش كملي اسمعك الشموخ عضت شفتها بقهر لو تموت عناد ماراح تكسرني قالت وهي معصبه : عناد بروح لميمه ماراح تمنعني عناد أخذ نفس وقال طيب أنا اوديك لميمتك بس انك تجلسين بيت أهلك لا الشموخ جلست على السرير وقالت بضيق : عناد وش تبي مني لا أنك مخليني عايشه معك مرتاحه ولا مخليني بيت أهلي والله معاد فيني عناد نزل رأسه وقال بقهر من نفسه ومن الحاله الي هو فيها : تمام الشموخ اجلسي براحتك وقفل بوجهااااا وهو معصب الحين بتشوف حالها ازود عليه ..وبعدين صدق وش يبي منها يكفي خيانتها له .....قال وهو يكذب على عمره باقي حسابي ماكتمل معك.. ي الشموخ إلا وش أبي بوحده مثلك ... الشموخ بعد ماقفل ..فعلاً ماتدري وش يبي فيها وقفت ونزلت تحت وهي تدور أميرة بعيونها ابتسمت وهي تشوف امها بعد جالسه قربت منها وضمتها وحطت رأسها على صدرها وقالت بحب :ماما ابي شوية حنان فقدتك حيل أم أميره ضمتها وهمست لها : ي عيون ماما انتِ والله أميرة وهي تساعد الشغاله بتحضير الاطباق على الطاولة : الحين ي شموخ راجعه بس من امس ومأخذه الجوو كله علي آه لو تجلسي أكثر وش يصير بحالتي شكلي برسل لرجلك يجي يأخذك أم أميره بقهر : لا جابه الله من سيره الشموخ صغرت عيوينها :الحين حاسدتني ي الظالمة وانا محرومه من ماما من زمان ورجعت ضمتها ماما اخصريها ماعليك فيها أم الشموخ وهي تلعب بشعرها :ليت الي حرمك منا يحرم عليه دخول الجنه الظالم الشموخ تحس قلبها وجعها عليه ..بس مافيها تدافع عنه يكفي الي سواه فيها ..بذات رسالته .. وآه له عين داق عليها و ناوي يكمل عليها ويرجع يحبسها بذيك الشقه ....والي حارق جوفها أكثر وجود عبير بحياته .. حست بدموعها بتنزل بسرعه ابتعدت عن أمها وهي تقول بحماس ظاهري : جيعانه حديمتى بابا بيرجع أميرة وهي تطالع الساعة الكبيرة الي بالجدار :غريبه تأخر بابا أم أميرة :اكيد عنده شغله بالشركة يخلصها ويجي أميرة هزت رأسها وهي تطالع الشموخ الي رجعت شردت ..حزينه عليها حدها تحسها ماهي معاهم تحاول تتظاهر بس أبد ماهي الشموخ وكل ماتحاول ..تطلعها من الحالة الي هي فيها تحسها تضحك وتسولف معاهم بس من وراء قلبها مجروحه حدها حتى نظرتها ماهي نظرة الشموخ المعروفه لا هذي كلها انكسار الله يسامحه على اللي سواه فيها ..أبد ماتوقعت عناد كذا ..انصدمت فيه صدمة عمرها طالعت الدريشه وقالت : ماما شكلها بتمطر وهالجوو وش يبي له ي الشموخ الشموخ ابتسمت بهدوء وقالت : طلعه أكيد أم أميرة طالعت أميرة وقالت : احسن شيء قلتيه والله الحين بدق على أبوكم بشوفه ليه تأخر وبخلي بعد الخدم يجهزهون اغراض الطلعه وانتِ وقفي لاتحضرين السفرة ودي نتغدا برا ... وسكتت وهي تشوفه ...داخل عليهم وهو معصب وحالته حاله وقفت وقربت منه وقالت بقلق : خير اللهم اجعله خيرر الشموخ وأميره يطالعون أبوهم بقلق أبو أميرة بحده :من وين يجي الخير ومصعب موجود ام أميرة بقهر : للحين هذا ماخلصنا منه أبو أميرة: هذا شر يمشي بالأرض ماراح نخلص منه والحين الكلب دبر وخطط لمكيده أكبر من الي سواه قبل وبيطلعني من الشركة إلا لو الله ثم انا ماقامت بهالشكل وبالأخير يتهمني أني سبب تفليس أبوه الي كل مره يتزوج ويطلق ماهمه غير الحريم يدفع عليهم مبالغ ويتنازل ويكتب باسم كل وحده يأخذها بيت وفي الأخير تجي على رأسي الشموخ كنت اسمع الي يقوله زاد حقدي على مصعب ..فعلاً هذا اذيته لوين بتوصل ..صدق كنت غبيه ..ومخدوعه فيه ...بس انصدمت يوم أبوي قال :بنرجع جدة معاد لي جلسه هنا هذا بيفتن بيني وبين أخوي وبتكبر بينا عارف ماراح يرتاح بيجلس يدبر لا اي مصيبه ثانيه بس انا بسحب نفسي وبفك عمري وخليه يحرق مع نفسه ويخسى ينول مبتغاه مني صرخت معترضه : لا يبه وشلون تروحون جدة طيب وأنا وشلون تخلوني هنا بلحالي أبو أميرة بضيق : انتِ لو حابه تجين معنا من الحين اخليك ترفعين خلع على رجلك وفكي عمرك وخلونا نرجع لجدة ماسويت خيرر يوم فكرت ارجع الرياض أميرة كانت مصدومه من الي تسمعه قالت : وشلون يبه نرجع أبو أميرة : فلتنا هناك مثل ماهي والحمدلله حياتنا بتكون أفضل من هنا وقف وقال من الحين اقولكم عندكم اسبوع تجهزوا حالكم على بال ماا اكلم شركة تنظيف وصيانه يشوفون الفله هناك أم أميرة وقفت مع رجلها وهي تشوف الصدمه بعيون البنات لحقته وقالت : راشد مقدرت أتكلم قدام البنات وازيد عليهم ابيك تفهمني أبو أميرة قاطعها وقال:ماهو طول عمرك متذمره وتبي ترجعي جدة خلاص جاك الي تمنيتيه أم أميرة بعتراض : ايه بس وشلون كذا وبعد ايش صار بالضبط عشان ذا كله مصعب عادي تقدر توقف بوجههه لا تحاول تقنعني ان مصعب يخوفك أبو أميرة قال بعجز : صدقيني مقدر اوقف بوجهه ولو وقفت بوجهه بخسر كل شيء الكلب ماسك علي شيكات وراح يخليني مديون طول عمري أم أميرة حطت يدها على كتفه وقالت :ولا يهمك يصير الي تبيه ولو تبينا نمشي من بكرة حنا جاهزين بس لا تزعل نفسك ومصعب ذا المريض بيجي له يوم حسبي الله عليه حرمني من أختي وبعدها وجع قلبي على بنتي والحين ماراح اخليه يحرمني منك ولاتضايق عمرك ي بعد قلبي وحنا بطوعك من زمان والي تقوله تم ي بعد رأسي وطلعت طالعت البنات للحين مصدومين قالت بحده : من الحين جهزوا اغراضكم الشموخ هزت رأسها يمه: وشلون عناد والجامعه أم أميرة بقهر : الشموخ وش تبين فيه أبوك قالك يقدر يخليك تخلعيه وجامعتك عادي تحولين هناك ولو ماقدرتي هالسنه السنه الجايه الشموخ وقفت صعب صعب روحتها معاهم عارفه وش مصيرها لو سوت الي يطلبونه منها أهلها بلعت ريقها وقالت : لا لا صعبه اخلي زوجي واطلب خلع وهو ماسوى لي شيء ام أميرة بقهر ضربت بوجهاا : كل ذا سواه فيك وتقولين ماسوى شيء ياالغبيه جالسة تضيعن حالك معه وشهوله وكملت بعجز وقربت منها ومسكت وجهاا بحنان : الشموخ والله مافيني أجلس اطالعك ويدي مكتفه كذا ..والحين ابوك يبنا نرجع وشلون بجلس مرتاحه وبالي مشغول فيك طول الوقت يمه تكفين لا تضغطي على عمرك عشانه مايستاهل والله هالحافي المنتف مايستاهل ظفرك وكفوه بنت الشحاته اللي عايشه على خير أمه أميرة بحزن عليها : خلاص يمه لا تضغطي عليها زود وطالعت الشموخ ولو ماهي مرتاحه معاه مستحيل تتحمل إلا شكل ولد الجوهرة أخذ قلبها الشموخ نزلت رأسها وهي تحاول تخفي دموعها ليه صايره بهالضعف ..والحين سفر أهلها زاد عليها ودها تروح معاهم وتنسى شيء اسمه عناد وتبدأ من جديد .. أميرة حست فيها وقالت وهي تغير السالفه : اووه نسيت والله ان تغريد مرسله لي يوم عرفت انك عندنا حابه تجي الشموخ قلت بتوتر وقلق : حياها الله وسكت وأنا اتخيل عناد لو يدري بجيتها بيعصب مثل أخر مره .... مع نفسه ليه أفكر فيه وفي زعله أم أميرة بقهر :ليتك وافقتي على سلطان أبرك من ذا العناد أميرة بعتب :ماما الحين هي بذمة رجآل مايصير تقولين لها كذا أم أميرة بقهر : قطع الله سيرته من بين الرجاجيل الشموخ حست بضيقه وقفت وقالت: خلاص يمه تكفين لعاد تزيدينها علي أم أميرة وهي تصيح : الحين قلبي موجوع عليك وبالاخير تقولين بزيدها عليك هذي أخرتها يمه الشموخ بسرعه قربت من أمها وضمتها ودموعها الي ماسكتها نزلت وهي تقول بصوت مخنوق : ماما عارفه والله مافي احد قلبه علي مثلك بس تكفين ماما طول جلستي عندكم مابيك تجيبن سيرة عناد أبد لا بشين ولا بزين ورفعت رأسها وطالعتها وقالت ممكن ماما أم أميرة بزعل : خلاص ماراح اجيب سيرته حسبي الله عليه شافت الشموخ بوزت قالت خلاص خلاص اسفين وطالعت أميرة دقي على محل الحلويات واحجزي لنا كم صنف حلا وبعد على المطعم واعزمي صديقات الشموخ كلهن وخلينا اليوم نحتفل بالشموخ طالعتها هاااا الحين راضيه الشموخ مسحت دموعها وهي مبتسمه وبوست أمها وهي تقول : الله لا يحرمني منك وصغرت عيونها ماما ماهو كأنك فرحانه وانتِ راجعه جدة أم أميرة بصدق : والله مدام أبوك بيكون بخير ومرتاح من اي شيء يضايقه هنا أكيد بفرح وبعدين جدة احبها وارتاح أكثر من هنا بواجد الشموخ بخبث وهي تطالع أميرة :آه طارق الحين بيموت من الفرحة ابتسمت وهي تشوف أختها وجهاا أحمر رفعت يدها خلاص خلاص لا تموتي علينا ويالله ابيكم تسوون لي احلى حفله وبغصه بتكون وداعيه بعد .... ماحست إلا أمها تضمها وتصيح كأنها ماصدقت على طول صاحت معاها وصاحت زود يوم أميرة شاركتهم تصيح وشلون تقدر على فراقهم هي يالله قدرت على فراقهم وهم بنفس المكان الحين وشلون وهم بمدينه وهي بمدينه ..دعت على مصعب من قلبها مثل مافرقها عن أهلها .... ========== === = { جدة } فتحت عينها وهي تصرخ من الم يدها الي صحاها من النوم .. تتلفت يمين ويسار بخوف ..وشلون غفت عينها بهالمكان القذر بس من حقها يومين وهي مواصله ماقدرت تنام من الخوف الي تحسه ومن ألم يدها الي تورمت حيل ...طالعت الباب وهي تنتظر دخول اي أحد الي تذكره أمس عمها رمى لها بأكل وطلع ... بسرعة حاولت تترجاه بس أبد معطاها فرصة قامت وهي تفسخ العبايه الي لافه نفسها فيها ...وتسحبت وهي تمشي بتعب للحمام الي بالزوايه (الله يكرم القارئ) وفتحته وهي مرعوبه ..لها يومين كل مادخلته تحس نفسها بتموت بمكانها ..من الرعب تلفت يمين ويسار تدور فأر ولا اي مصيبه بهالمكان المرعب .. غسلت وتوضت بسرعة وطلعت ..رجعت لبست العباية ..وصلت بالمكان اللي حاولت تنظفه وتجلس فيه ...طالعت النور الي جاي من فتحت الباب..ليت صدق فيها تشرد ..تذكرت يوم شردت من عند ياسر ..مهمها وصل عذابه لها بس ماوصل لللي سواه عمها فيها...وقفت بخوف يوم سمعت صوت المفتاح بالباب ...بلعت ريقيها وهي مستعده لا اي ضرب بتتلقاه الحين ..بس انصدمت من الي دخل عليها ..كانت مرة عمها قالت بقهر :ليه خدعتني وماصدقتي معي قفلت الباب وقربت منها وقالت بحقد : بعد لك عين تتكلمي وش ذي البقاحة الي فيك شدن هزيت رأسي بخوف وقلت : مثل ماعودتني نفذي وعدش وديني لأمي أم خالد : تستاهلي مدام رجعتي برجولك لهالبيت شدن ودي اصرخ وأقولها ..ماهو بيدي رجعتي لذ البيت ...حكم القوي ... قربت منها الخادمة وهمست لها بسرعة طلعت بعدها تنفست براحه يوم طلعت من الغرفة ..أحسها عندها شيء بتقوله بس تراجعت وطلعت .. وهي متوتره .. طالعت الشغاله وهي تحط لي الأكل وبسرعه طلعت بعدها تمنيت الشغاله الثانيه هذي شكلها عسره مثل صاحبتها .... طالعت الأكل ..أنا مابي أكل ابي أمي ..ابي ياسر .. طلعت أم خالد وهي خايفه لو خالد دري بوجود شدن قابلته بوجهاا وقال على طول : وين شدن سالت عنها الخدامه تقول ماتدري وين أبوي ودها يمه أم خالد طالعت الخدامه وهي مبسوطه نفذت الي طلبته منها قالت بكذب : خلاص رجعت لزوجها خالد بصدمه : ايشش كيف ترجع له بعد ماتخلى عنها ايش دي البنت ماتعرف تفكر ليه دايم تحاول تكسر قلبي كده أنا استاهل والله أم خالد بتصرفها من البيت كله بدون مافي أحد يدري حتى عمها .... طالعت الخدامه وقالت بحده: أكدي على السواق بعد لا يفضحنا فاهمه وأكدي عليه الليل لا ينام.. | ||||||||
|
| |
|
29-11-18, 12:15 AM
| #794 | ||||||||
| مراقبة عامة ومشرفة منتدى الروايات المنقولة
| { بالجنوب } جابت غداها معاها وجت لها وهي ناويه تقنعها مثل ماوصها أبو ياسر .. نوفه وهي ناقده عليها: سلمي الله يهداش حسبتش أعقل من أخوي والله وش زواجه بالله وأنا بهالسن أم ياسر : وأنا اختش بدل جلستش بهالبيت بلحالش تحلصي حد يرد لش الصوت وأنا أختش وأبو سعود مابه شر معروف بطيبته والحين بعد بتأخذي أجره وحيد مسكين وماعنده عيال يأخذون بيده وهو بهالسن وونيسته غدت الله يرحمها ... نوفه بضيق : آه اي زواج وأنا بهالسن وعليها قلبي موجوع على فراق بنتي ي سلمى كل ماحاولت ابين اني قويه بس ماقدرت طلعة شدن كسرتني والحين ودي بشوفتها بس عارفه وش معنى هالطلب أم ياسر بحزن عليها :بنتش معاد راح تشوفين زولها ي نوفه لا توجعي عمرش وانتِ أكثر وحده عارفه بمبارك لا قال كلمة نوفه بحسره : عارفه ومجربه فراق أختي من دمي ولحمي حرمني منها وحنا ماندري انها ظالمة ولا مظلومه ام ياسر : نوفه ي بعد قلبي النايفه هي ضرت نفسها وأنتِ أكثر وحده عارفه وش سوت والحين شدن غلطت صح ماهو نفس الغلط بس اسمنها جنت على حالها ... نوفه بضيق : سلمى انا فداش تسكيتين لاتزيدينها علي والناس حكت واجد لا تصرين مثلهن أم ياسر :طيب ي نوفه الحين لا تدخليني بمواضيع مالي فيها وماغير تضيق خاطرش طلبتش ماترديني انش توافقي على أخوي ... ولاتكسري قلبه يوم تفشليه وترفضي وفيني اخذ له بنت سارحه بس رفض وقال مايبي بنت صغيره بالعمر ورشحتك له ورحب نوفه قاطعتها : سلمى يعز علي اردش بس بعد أبو شدن ماراح أكون لرجال خلاص وأنا أختش لا تضغطين علي أكثر سلمى : نخيتش ماتكسرين قلبه والمهر الي تبينه والله بتأخذي أجره وحيد وأنتِ بعد وحيده ولا يكون بخاطرش كلامي وبعد صدقيني مافي حد بيطلعش من حالتش على فراق بنتش غيره أخوي والله انه ونيس تكفين ماتخليني اطلع إلا مأخذه منش العلم الي يسرر وبعد لاتقولين كبيره بعدش تقدري تقومي بواجباتش ناحية بيتش وتخدمين رجلش نوفه فعلاً هي تحس بوحده ذبحتها ..من يوم ماتزوجت شدن ...ودها تطلع من الي فيه ..ويمكن فعلاً يكون لها ونيس ..ومدام أخوها بدأ يلمح عشان جلوسها بالحالها عارفه ماراح يخليها وهي ماتبي تسبب صيقه لحد وماعندها إلا توافق بس الناس وش تقول عنها آه ي نوفه من متى يهمش كلام الناس ... يكفي يوم حكووو عن اختش وأنتِ تسمعيهم ... وحكو عنش يوم أخذتي أبو شدن وهو أصغرعنش وش بيضر حكيهم الحين أم ياسر مسكت يدها وقالت : هاا يا نوفه نوفه أخذت نفس وهي تقول : خير ان شاءالله ام ياسر بفرحة : بكره يعقد عليش عشان ماتغيرين رأيش نوفه انصدمت : أقول سلمى انهبلتي على كبر أم ياسر : اقولش أخوي جلسته بلحاله تضيق الصدر وقلبي بس مأكلني عليه الله يسبقبي قبله ...وبعدين وش نتظر وبضحكه تكملي دارستش ولا هو يدور وظيفه نوفه هزت رأسه : روحي وأنا اختش الله يثبت عقلش أم ياسر وهي تضحك :اترخصش خليني اروح اشوف اخوش رجع ولا باقي وطلعت من عندها ودخلت بيتها شافت ياسر راجع من دوامه قربت منه وهي ترحب به ياسر طالع جهة بيت عمته وقال بشوق لها : وشلونها عساها بخير أم ياسر :بخير ماعليها والحين رحت وكلمتها عشان موضوع خالك ياسر بضيق : يمه لا تضايقونها وأبوي لا يضغط عليها أم ياسر بحده : ياسر وش ذا الحكي والله زواجها من أخوي أفضل من جلستها بلحالها وبعدين خالك يخاف ربه ومصلي صايم ماراح يضيمها تكفى وأنا أمك انك ماتقول لها شيء وتغير رأيها تراها على طريف ... ياسر عقد حواجبه من كلام أمه وقال بسخريه : يمه الي يشوف فرحتش يقول أول فرحته وهي أول بختها تراهم كبار وزواجهم ذا كله ماهو بجايز لي أم ياسر بعصبيه :ي كافي الشر ليه ماهو بجايز لك ياسر بقهر : لأني عارف أبوي غاصبها وعارف بحبها لأبو شدن أم ياسر وهي تحذره :لا يسمعك أبوك بس فكنا ياسر : يمه حطي شيء ببألك لو قالت ماتبيه والله مايقدر أحد يغصبها عمتي كبيره ومال أحد كلمه عليها لا تضيقونها عليها الي فيها يكفيها يكفي سواتي فيها أم ياسر وهي خايفه من عصبيته : تطمن برجع اسألها وقدامك بعد وحطت يدها على كتفه يالله بس غير ملابسك وتعال تغدا الحين أبوك يجي ويكفي تحمل حالك كل شيء ياسر بضيق : مابي عليكم بالعافية أم ياسر : لمتى يمه بتهرب من أبوك مصيره يخليك تطلقها وضربته على كتفه بقهر ياسر وش تبي فيها بعد سواتها وليه كذا معاند والله يا توقعت قبل تطلع من هالباب ترمي عليها الطلاق بذات وأنا عارفه انك ماتبيها وبرجى وهي خايفه عليه: يمه مالك بالمصايب والمشاكل مع أبوك يجعلني قبلك انك تكبر عقلك وفكر مين هالشدن الي بتفرق بينك وبين أبوك وتسبب هالمشاكل بينك وبينه وتغضب ربك قبلها وانت عاصي أبوك ياسر جت صورتها بباله وهي تترجاه قال بضعف : ليت يمه اقدر بس والله ماقدرت اطلقها كل يوم أقول اليوم بس ماهو بيدي أم ياسر بحسره : ليه يمه توجعنا وتوجع حالك ياسر : تدرين ليه يمه لأني الي سويته فيها ماهو بمرجله أم ياسر أول ماشافت الباب انفتح وشافت زوجهاقالت بتوتر وخوف وهي تشوف وجهه مايبشر بخيرر وكأنه مصدق يشوف ياسر وناوي عليه : خلاص روح الحين غير ملابسك وبعد نام لا تطلع من الغرفة ياسر طالع أبوه ..قرب منه يسلم بس أبو ياسر رفع يده ورده وقال بحده:انقلع ماتسلم علي لما تنفذ الي طالبه منك ام مدام انك رمه لا انت ولدي ولا عرفك أم ياسر بخوف : تعوذ من إبليس ي مبارك وياسر أكيد بينفذ من غير ماتقول له ولدك رجآل وطالعت ياسر تحذره عشان مايفتح فمه ياسر بسرعة تحرك ودخل البيت شاف قدامه حور ونور كل واحده ماسكه في الثانيه قال بعصبيه : سبحان الله ادور شيء اطلع قهري فيه ومافي احسن من كذا وقرب منهم بس ركضوووا للغرفة وهم يصارخون ... بس قدر يمسك نور هزها بشعرها وهو يقول : صوتش وصوتها ي ال***** واصل لشارع ليه نور بلعت ريقها وقالت : والله هي بدت وتكلمت بكلام يقهر عن شدن وأنا عارفه انكم كلكم تكرهونها وراح تقوم بصف حور وراح تضربني زود بس وش اسوي مقدر انساها صديقتي وكل شيء لي واحبها والله أكثر من أختي وهي تؤامي ياسر ارخى يده وقال :فقدتيها نور صاحت غصب عنها وهي تقول : حيل والله وتدري وش الي يوجع اني عارفه ماراح اشوفها هذا الي ذابحني ياسر ابتسم بحزن وسحبها لصدره وضمها وهو يقول بغصه :ماعليه مصيرش تشوفيها لا تصحين الله يطعني نور انصدمت صدمة عمرها ماتوقعت هالتصرف من ياسر ..من متى هالطيبه والحنيه ..طول عمره مسوي بينهم حاجز ..حتى كلام مايتكلم ..معاهم ولو تواصل معاهم ماغير يده سابقته ...والحين يضمها ويواسيها وعن مين عن أكثر وحده يكرها بهالدنيا ...والي صدمها أكثر يوم همس لها وهو يبعدها :ماهو لحالش فقدتيها خليها على الله طالعته مصدومه يوم اعطاني ظهره ودخل غرفته تحركت يوم سمعت صوت أمي ..تناديني .. للحين واقفه وأنا مفهيه والله ..من الي صار تووو ي ناس ذا ياسر ولا مبدلينه .... دخلت المطبخ وجهزت مع أمي الغدا وجلست أكل معاها ومع أبوي بس انصدمت اكثر يوم سمعت أمي تقول لابوي بموافقة عمتي ..لا لا عز الله انخبلت عمتي نوفه وش زواجه وهي شوي وتدخل الخمسين معقول بهالسهوله توافق ..تخيلت شدن لو تدري اخخخ بس ابتسمت وانا اتخيل رد فعلها أكيد بتكون كلها عباطه واستهبال .ولا العكس بذات وهي متعلقه بعمتي .. | ||||||||
|
| |
|
29-11-18, 12:26 AM
| #795 | ||||||||
| مراقبة عامة ومشرفة منتدى الروايات المنقولة
| أول ماوقف السيارة قدام بيتهم طالعته وقالت بكبرياء مجروح :اسمع يامصعب من اليوم ورايح خلاص اعفيك من اي مسؤوليه ناحيتي وناحية ولدي وعلى ماظن انت كنت معترض على هالطفل بينا وأكيد ماراح ياثر فيك والحين الي ابيه منك تعتبرنا صفحه بحياتك وانتهت مصعب رفع حاجب وقال :ايوه وبعدين اصايل عضت شفتها وهمست وهي منزلها رأسها :طلقني مصعب واوعدك هالمرة صدق بطلع من حياتك للأبد رفعت رأسها وطالعته وقالت بس انتبه على نفسك بذات من الجوهرة ماوصيك مصعب طالعها شوي وقال :يالله يالله انزلي وخليك من الدرما هذي الحين وحطي شيء ببألك النايفه ماراح تتربى إلا بعز أبوها اصايل هزيت رأسي وقلت وأنا مجروحه منه :والله لا النايفه ولا أمها لهم دور بحياتك ونزلت وهي تقول ربي يستر عليك فتحت الباب الخلفي بتنزل شنطتها بس انصدمت يوم شافته نزل وقرب منها وهو يحمل الشنطه قلت بسخريه : لا تعب نفسك وأنا أشر لحمودي الي جاء يركض يمنا وهو يصيح بأسمي ...حمودي ماراح يقصر مصعب ابتسم بخبث وقال : بسلم على أبوك ولا تبيه ينقد علي ويزعل الشايب مني اصايل بسخريه : لا في ذي صادق وبتغير نظرته فيك وبذات وأنت بعينه البطل مصعب ابتسم بسخريه وقال : شفتي شلون ======= === == = { جدة } فزيت مرعوبه يوم سمعت صوت مقبض الباب يتحرك ...خفت لا يكون بترجع أم خالد .ارتحت يوم شفت ..الخادمة الي دايم تساعدني وتحن علي قلت ودموعي على خدي : اخيراً شفتش والله اني محتاجتش انتظرش من أول وقفت وقربت منها وضمتها وهي تصيح قالت وهي تبعدها ومتوتره حدها : حبيبي لما يجي ماما لا تروحين معاها طيب شدن عقدت حواجبي وأنا مستغربه كلامها قلت لها: ماهو فاهمه عليش قالت وعينها على الباب خايفه لو تتأخر والخدامه الثانيه تشك فيها وبتدورها وتخبر عليها وتنفضح انها سرقت المفتاح منها :انت مافي يطلع من هنا ماما بتروح فيك مكان بعيد أنا اسمع وهي تتفق مع فيجي تقول لازم يطلع أنت وتروحون مع سواق مكان مافي يعرف أنا وين بس فيه مشكله لك وانا خوف عليك فيجي مو كويس انت بس ارفض روح طيب شدن كنت بموت بمكاني معقول تصل فيها لكذا فعلاً راح تسويها ولو يصير لها تسوي أكثر من كذا كنت اسمعها وهي تتكلم قلت بسرعه وأنا اضرب على وجهي بقلق وخوف مدام حطتني برأسها بتأخذني غصب عني بس فكرت معقول بتوديني لأمي قلت بأمل : يمكن ترجعني لأمي انت ماسمعتي تقول السواق يوديني لاماما الخادمه هزت رأسها وقالت : لا لا مكان مو زين انا يسمع والله أنت دق جوالعلى ماما خليه يجي يأخذك شدن حسيت بخوف فعلاً جت من توو وهي ناويه علي بس مدري وش غير رأيها ولو تبي تصدق معي كانت من وقت ماطلعت من المستشفى ... قلت بسرعة : تكفين داخله عليش ماتخليني الليلة وهاتي جوالش بدق على أمي طلعت الجوال من جيب بجامتها وقالت بخوف : يالله بسرعه طيب عشان ماما ماتسأل عني شدن جيت ب ادق على أمي بس غيرت رأيي و دقيت رقم ياسر وانا احاول اتذكره ..طالعتها وهي تستعجلني من الخوف قفلت عيوني وأنا على اعصابي ..ياسر رد تكفى ياسر ردد آه الله يخليك طالعتها بيأس يوم طول يرن بدون مايرد ..بس فزيت بفرحه يوم سمعت صوته :الوو قلت بسرعة : ياسر ..... ===== == كتتتتتتتت & نونـــي بنت الجنوب & سبحان الله وبحمده سبحان الله العظيم (الوتر أحبتي ) "الله يرحمك يأمن أوجعني فراقك " | ||||||||
|
| |
|
29-11-18, 12:32 AM
| #796 | ||||||||
| مراقبة عامة ومشرفة منتدى الروايات المنقولة
| مرحباحلوين تصدقون كذا احترت أنا امشي مع مين فيكم ههههه احس الي يقول فصلين ينزل بالاسبوع والي يقول بارت كامل كل اسبوع مدري والله ارضي مين فيكم لان الاصوات متقاربه ف عشان كذا رآح ارضي الطرفين يعني مره أنزل فصلين بالاسبوع ومره فصل ويكون كامل وحبايبي لا تحرموني تعليقكم على الفصل استودعتكم الله الذي لا يضيع ودائعه & نوني بنت الجنوب & | ||||||||
|
| |
|
29-11-18, 12:33 AM
| #797 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 96 ( الأعضاء 12 والزوار 84) فيتامين سي, صمت الهجير, جنى التوت, نور كان بيروت, أم نسيم, قرص الجبنه, ندى طه, ريما الشريف, قدر فيه امل, Jojo 335, Shouqi., ward77 قراءة ممتعة لكم .... وردود ممتعة لنا ...... ولنوني الغالية ....... | ||||||||
|
| |
|
29-11-18, 02:16 AM
| #799 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته نوني وش هالقفله اللي تجلط لا لا مانقدر ننتظر كثير أعطينا لو نصف البارت والنصف الثاني يوم ثاني بنطمن على شدن مصعب مستهتر ومغرور وماهو آخذ كلام أصايل على محمل الجد لكن بيندم لما يعرف إنها جاده في كلامها وأبوها بيصدمه في وقفته معها ضده أم خالد ماتخاف الله وناويه على مصيبه لشدن لكن إن شاء الله يلحق ياسر ينقذها الشموخ والله أخذت جزاها وزياده لكن متى عناد يسمعها ويصدقها ويعطيها فرصه للتغير تسلم يمينك نوني منتظرين باقي الأحداث بفارغ الصبر | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
